॥ Maha Ganapati Sahasranamastotram 2 Bengali Lyrics ॥
॥ মহাগণপতিসহস্রনামস্তোত্রং ২ অথবা বরদগণেশসহস্রনামস্তোত্রম্ ॥
শ্রীগণেশায় নমঃ ।
শ্রীভৈরব উবাচ –
শৃণু দেবি রহস্যং মে য়ত্পুরা সূচিতং ময়া ।
তব ভক্ত্যা গণেশস্য বক্ষ্যে নামসহস্রকম্ ॥ ১ ॥
শ্রীদেব্যুবাচ –
ভগবন্ গণনাথস্য বরদস্য মহাত্মনঃ ।
শ্রোতুং নামসহস্রং মে হৃদয়ং প্রোত্সুকায়তে ॥ ২ ॥
শ্রীভৈরব উবাচ –
প্রাঙ্ মে ত্রিপুরনাশে তু জাতা বিঘ্নকুলাঃ শিবে ।
মোহেন মুহ্যতে চেতস্তে সর্বে বলদর্পিতাঃ ॥ ৩ ॥
তদা প্রভুং গণাধ্যক্ষং স্তুত্বা নামসহস্রকৈঃ ।
বিঘ্না দূরাত্ পলায়ন্ত কালরুদ্রাদিব প্রজাঃ ॥ ৪ ॥
তস্যানুগ্রহতো দেবি জাতোঽহং ত্রিপুরান্তকঃ ।
তমদ্যাপি গণেশানং স্তৌমি নামসহস্রকৈঃ ॥ ৫ ॥
তমদ্য তব ভক্ত্যাহং সাধকানাং হিতায় চ ।
মহাগণপতের্বক্ষ্যে দিব্যং নামসহস্রকম্ ॥ ৬ ॥
(পাঠকানাং চ দাতৄণাং সুখসম্পত্প্রদায়কম্ ।
দুঃখাপহং চ শ্রোতৄণাং মন্ত্রনামসহস্রকম্) ॥ ৭ ॥
অস্য শ্রীবরদগণেশসহস্রনামস্তোত্রমন্ত্রস্য শ্রীভৈরব ঋষিঃ ।
গায়ত্রী ছন্দঃ । শ্রীমহাগণপতির্দেবতা । গং বীজং । হ্রীং শক্তিঃ ।
কুরু কুরু কীলকং ।
ধর্মার্থকামমোক্ষার্থে সহস্রনামস্তবপাঠে বিনিয়োগঃ ।
ধ্যানম্-
ওঁহ্রীংশ্রীংক্লীং-গণাধ্যক্ষো গ্লৌংগং-গণপতির্গুণী ।
গুণাদ্যো নির্গুণো গোপ্তা গজবক্ত্রো বিভাবসুঃ ॥ ৮ ॥
বিশ্বেশ্বরো বিভাদীপ্তো দীপনো ধীবরো ধনী ।
সদাশান্তো জগত্তাতো বিষ্বক্সেনো বিভাকরঃ ॥ ৯ ॥
বিস্রম্ভী বিজয়ী বৈদ্যো বারান্নিধিরনুত্তমঃ ।
অণীয়ান্ বিভবী শ্রেষ্ঠো জ্যেষ্ঠো গাথাপ্রিয়ো গুরুঃ ॥ ১০ ॥
সৃষ্টিকর্তা জগদ্ধর্তা বিশ্বভর্তা জগন্নিধিঃ ।
পতিঃ পীতবিভূষাঙ্গো রক্তাক্ষো লোহিতাম্বরঃ ॥ ১১ ॥
বিরূপাক্ষো বিমানস্থো বিনয়ঃ সনয়ঃ সুখী ।
সুরূপঃ সাত্ত্বিকঃ সত্যঃ শুদ্ধঃ শঙ্করনন্দনঃ ॥ ১২ ॥
নন্দীশ্বরো সদানন্দী বন্দিস্তুত্যো বিচক্ষণঃ ।
দৈত্যমর্দী মদাক্ষীবো মদিরারুণলোচনঃ ॥ ১১ ॥
সারাত্মা বিশ্বসারশ্চ বিশ্বচারী বিলেপনঃ ।
পরং ব্রহ্ম পরং জ্যোতিঃ সাক্ষী ত্র্যক্ষো বিকত্থনঃ ॥ ১৪ ॥
বীরেশ্বরো বীরহর্তা সৌভাগ্যো ভাগ্যবর্ধনঃ ।
ভৃঙ্গিরীটী ভৃঙ্গমালী ভৃঙ্গকূজিতনাদিতঃ ॥ ১৫ ॥
বিনর্তকো বিনেতাপি বিনতানন্দনোঽর্চিতঃ ।
বৈনতেয়ো বিনম্রাঙ্গো বিশ্বনেতা বিনায়কঃ ॥ ১৬ ॥
বিরাটকো বিরাটশ্চ বিদগ্ধো বিধিরাত্মভূঃ ।
পুষ্পদন্তঃ পুষ্পহারী পুষ্পমালাবিভূষণঃ ॥ ১৭ ॥
পুষ্পেষুর্মথনঃ পুষ্টো বিকর্তা কর্তরীকরঃ ।
অন্ত্যোঽন্তকশ্চিত্তগণশ্চিত্তচিন্তাপহারকঃ ॥ ১৮ ॥
অচিন্ত্যোঽচিন্ত্যরূপশ্চ চন্দনাকুলমুণ্ডকঃ ।
লিপিতো লোহিতো লুপ্তো (১০০) লোহিতাক্ষো বিলোভকঃ ॥ ১৯ ॥
লুব্ধাশয়ো লোভরতো লাভদোঽলঙ্ঘ্যগাত্রকঃ ।
সুন্দরঃ সুন্দরীপুত্রঃ সমস্তাসুরঘাতনঃ ॥ ২০ ॥
নূপুরাঢ্যো বিভবদো নরো নারায়ণো রবিঃ ।
বিচারী বান্তদো বাগ্মী বিতর্কী বিজয়েশ্বরঃ ॥ ২১ ॥
সুপ্তো বুদ্ধঃ সদারূপঃ সুখদঃ সুখসেবিতঃ ।
বিকর্তনো বিয়চ্চারী বিনটো নর্তকো নটঃ ॥ ২২ ॥
নাট্যো নাট্যপ্রিয়ো নাদোঽনন্তোঽনন্তগুণাত্মকঃ ।
বিশ্বমূর্বিশ্বঘাতী চ বিনতাস্যো বিনর্তকঃ ॥ ২৩ ॥
করালঃ কামদঃ কান্তঃ কমনীয়ঃ কলাধরঃ ।
কারুণ্যরূপঃ কুটিলঃ কুলাচারী কুলেশ্বরঃ ॥ ২৪ ॥
বিকরালো গণশ্রেষ্ঠঃ সংহারো হারভূষণঃ ।
রুরূ রম্যমুখো রক্তো রেবতীদয়িতো রসঃ ॥ ২৫ ॥
মহাকালো মহাদংষ্ট্রো মহোরগভয়াপহঃ ।
উন্মত্তরূপঃ কালাগ্নিরগ্নিসূর্যেন্দুলোচনঃ ॥ ২৬ ॥
সিতাস্যঃ সিতমাল্যশ্চ সিতদন্তঃ সিতাংশুমান্ ।
অসিতাত্মা ভৈরবেশো ভাগ্যবান্ ভগবান্ ভগঃ ॥
ভর্গাত্মজো ভগাবাসো ভগদো ভগবর্ধনঃ ।
শুভঙ্করঃ শুচিঃ শান্তঃ শ্রেষ্যঃ শ্রব্যঃ শচীপতিঃ ॥ ২৮ ॥
বেদাদ্যো বেদকর্তা চ বেদবেদ্যঃ সনাতনঃ ।
বিদ্যাপ্রদো বেদসারো বৈদিকো বেদপারগঃ ॥ ২৯ ॥
বেদধ্বনিরতো বীরো বরো বেদাগমার্থবিত্ ।
তত্ত্বজ্ঞঃ সবর্গঃ সাধুঃ সদয়ঃ সদ্ (২০০) অসন্ময়ঃ ॥ ৩০ ॥
নিরাময়ো নিরাকারো নির্ভয়ো নিত্যরূপভৃত্ । ।
নির্বৈরো বৈরিবিধ্বংসী মত্তবারণসন্নিভঃ ॥ ৩১ ॥
শিবঙ্করঃ শিবসুতঃ শিবঃ সুখবিবর্ধনঃ ।
শ্বৈত্যঃ শ্বেতঃ শতমুখো মুগ্ধো মোদকভোজনঃ ॥ ৩২ ॥
দেবদেবো দিনকরো ধৃতিমান্ দ্যুতিমান্ ধবঃ ।
শুদ্ধাত্মা শুদ্ধমতিমাঞ্ছুদ্ধদীপ্তিঃ শুচিব্রতঃ ॥ ৩৩ ॥
শরণ্যঃ শৌনকঃ শূরঃ শরদম্ভোজধারকঃ ।
দারকঃ শিখিবাহেষ্টঃ শীতঃ শঙ্করবল্লভঃ ॥ ৩৪ ॥
শঙ্করো নির্ভবো নিত্যো লয়কৃল্লাস্যতত্পরঃ । নির্ভয়ো
লূতো লীলারসোল্লাসী বিলাসী বিভ্রমো ভ্রমঃ ॥ ৩৫ ॥
ভ্রমণঃ শশভৃত্ সূর্যঃ শনির্ধরণিনন্দনঃ ।
বুদ্ধো বিবুধসেব্যশ্চ বুধরাজো বলন্ধরঃ ॥ ৩৬ ॥
জীবো জীবপ্রদো জৈত্রঃ স্তুত্যো নুত্যো নতিপ্রিয়ঃ ।
জনকো জিনমার্গজ্ঞো জৈনমার্গনিবর্তকঃ ॥ ৩৭ ॥
গৌরীসুতো গুরুরবো গৌরাঙ্গো গজপূজিতঃ ।
পরং পদং পরং ধাম পরমাত্মা কবিঃ কুজঃ ॥ ৩৮ ॥
রাহুর্দৈত্যশিরশ্ছেদী কেতুঃ কনককুণ্ডলঃ ।
গ্রহেন্দ্রো গ্রাহিতো গ্রাহ্যোঽগ্রণীর্ঘুর্ঘুরনাদিতঃ ॥ ৩৯ ॥
পর্জন্যঃ পীবরো পোত্রী পীনবক্ষাঃ পরার্জিতঃ ।
বনেচরো বনপতির্বনবাসঃ স্মরোপমঃ ॥ ৪০ ॥
পুণ্যং পূতঃ পবিত্রং চ পরাত্মা পূর্ণবিগ্রহঃ ।
পূর্ণেন্দুশকলাকারো মন্যুঃ পূর্ণমনোরথঃ ॥ ৪১ ॥
য়ুগাত্মা য়ুগভৃদ্ য়জ্বা (৩০০) য়াজ্ঞিকো য়জ্ঞবত্সলঃ । য়োগভৃদ্
য়শস্বী য়জমানেষ্টো ব্রজভৃদ্ বজ্রপঞ্জরঃ ॥ ৪২ ॥
মণিভদ্রো মণিময়ো মান্যো মীনধ্বজাশ্রিতঃ ।
মীনধ্বজো মনোহারী য়োগিনাং য়োগবর্ধনঃ ॥ ৪৩ ॥
দ্রষ্টা স্রষ্টা তপস্বী চ বিগ্রহী তাপসপ্রিয়ঃ ।
তপোময়স্তপোমূর্তিস্তপনশ্চ তপোধনঃ ॥ ৪৪ ॥
রুচকো মোচকো রুষ্টস্তুষ্টস্তোমরধারকঃ ।
দণ্ডী চণ্ডাংশুরব্যক্তঃ কমণ্ডলুধরোঽনঘঃ ॥ ৪৫ ॥
কামী কর্মরতঃ কালঃ কোলঃ ক্রন্দিতদিক্তটঃ ।
ভ্রামকো জাতিপূজ্যশ্চ জাড্যহা জডসূদনঃ ॥ ৪৬ ॥
জালন্ধরো জগদ্বাসী হাসকৃদ্ হবনো হবিঃ ।
হবিষ্মান্ হব্যবাহাক্ষো হাটকো হাটকাঙ্গদঃ ॥ ৪৭ ॥
সুমেরুর্হিমবান্ হোতা হরপুত্রো হলঙ্কষঃ ।
হালপ্রিয়ো হৃদাশান্তঃ কান্তাহৃদয়পোষণঃ ॥ ৪৮ ॥
শোষণঃ ক্লেশহা ক্রূরঃ কঠোরঃ কঠিনাকৃতিঃ ।
কূবরো ধীময়ো ধ্যাতা ধ্যেয়ো ধীমান্ দয়ানিধিঃ ॥
দবিষ্ঠো দমনো দ্যুস্থো দাতা ত্রাতা সিতঃ সমঃ ।
নির্গতো নৈগমী গম্যো নির্জেয়ো জটিলোঽজরঃ ॥ ৫০ ॥
জনজীবো জিতারাতির্জগদ্ব্যাপী জগন্ময়ঃ ।
চামীকরনিভোঽনাদ্যো নলিনায়তলোচনঃ ॥ ৫১ ॥
রোচনো মোচনো মন্ত্রী মন্ত্রকোটিসমাশ্রিতঃ ।
পঞ্চভূতাত্মকঃ পঞ্চসায়কঃ পঞ্চবক্ত্রকঃ ॥ ৫২ ॥
পঞ্চমঃ পশ্চিমঃ পূর্বঃ ( ৪০০) পূর্ণঃ কীর্ণালকঃ কুণিঃ ।
কঠোরহৃদয়ো গ্রীবালঙ্কৃতো ললিতাশয়ঃ ॥ ৫৩ ॥
লোলচিত্তো বৃহন্নাসো মাসপক্ষর্তুরূপবান্ ।
ধ্রুবো দ্রুতগতির্ধর্ম্যো ধর্মী নাকিপ্রিয়োঽনলঃ ॥ ৫৪ ॥
অগস্ত্যো গ্রস্তভুবনো ভুবনৈকমলাপহঃ ।
সাগরঃ স্বর্গতিঃ স্বক্ষঃ সানন্দঃ সাধুপূজিতঃ ॥ ৫৫ ॥
সতীপতিঃ সমরসঃ সনকঃ সরলঃ সুরঃ ।
সুরাপ্রিয়ো বসুপতির্বাসবো বসুপূজিতঃ ॥ ৫৬ ॥
বিত্তদো বিত্তনাথশ্চ ধনিনাং ধনদায়কঃ ।
রাজী রাজীবনয়নঃ স্মৃতিদঃ কৃত্তিকাম্বরঃ ॥ ৫৭ ॥
আশ্বিনোঽশ্বমুখঃ শুভ্রো ভরণো ভরণীপ্রিয়ঃ ।
কৃত্তিকাসনগঃ কোলো রোহী রোহণপাদুকঃ ॥ ৫৮ ॥
ঋভুবেষ্টোঽরিমর্দী চ রোহিণীমোহনোঽমৃতম্ ।
মৃগরাজো মৃগশিরা মাধবো মধুরধ্বনিঃ ॥ ৫৯ ॥
আর্দ্রাননো মহাবুদ্ধির্মহোরগবিভূষণঃ ।
ভ্রূক্ষেপদত্তবিভবো ভ্রূকরালঃ পুনর্ময়ঃ ॥ ৬০ ॥
পুনর্দেবঃ পুনর্জেতা পুনর্জীবঃ পুনর্বসুঃ ।
তিত্তিরিস্তিমিকেতুশ্চ তিমিচারকঘাতনঃ ॥ ৬১ ॥
তিষ্যস্তুলাধরো জম্ভ্যো বিশ্লেষোঽশ্লেষ এণরাট্ ।
মানদো মাধবো মাঘো বাচালো মঘবোপমঃ ॥ ৬২ ॥
মেধ্যো মঘাপ্রিয়ো মেঘো মহামুণ্ডো মহাভুজঃ ।
পূর্বফাল্গুনিকঃ স্ফীতঃ ফল্গুরুত্তরফাল্গুনঃ ॥ ৬৩ ॥
ফেনিলো ব্রহ্মদো ব্রহ্মা সপ্ততন্তুসমাশ্রয়ঃ ।
ঘোণাহস্তশ্চতুর্হস্তো হস্তিবক্ত্রো হলায়ুধঃ ॥ ৬৪ ॥
চিত্রাম্বরো(৫০০)ঽর্চিতপদঃ স্বাদিতঃ স্বাতিবিগ্রহঃ ।
বিশাখঃ শিখিসেব্যশ্চ শিখিধ্বজসহোদরঃ ॥ ৬৫ ॥
অণূ রেণুঃ কলাস্ফারোঽনূরূ রেণুসুতো নরঃ ।
অনুরাধাপ্রিয়ো রাধ্যঃ শ্রীমাঞ্ছুক্লঃ শুচিস্মিতঃ ॥ ৬৬ ॥
জ্যেষ্ঠঃ শ্রেষ্ঠার্চিতপদো মূলং ত্রিজগতো গুরুঃ ।
শুচিঃ পূর্বস্তথাষাঢশ্চোত্তরাষাঢ ঈশ্বরঃ ॥ ৬৭ ॥
শ্রব্যোঽভিজিদনন্তাত্মা শ্রবো বেপিতদানবঃ ।
শ্রাবণঃ শ্রবণঃ শ্রোতা ধনী ধন্যো ধনিষ্ঠকঃ ॥ ৬৮ ॥
শাতাতপঃ শাতকুম্ভঃ শতংজ্যোতিঃ শতম্ভিষক্ ।
পূর্বাভাদ্রপদো ভদ্রশ্চোত্তরাভাদ্রপাদিতঃ ॥ ৬৯ ॥
রেণুকাতনয়ো রামো রেবতীরমণো রমী ।
অশ্বিয়ুক্ কার্তিকেয়েষ্টো মার্গশীর্ষো মৃগোত্তমঃ ॥ ৭০ ॥
পুষ্যশৌর্যঃ ফাল্গুনাত্মা বসন্তশ্চিত্রকো মধুঃ ।
রাজ্যদোঽভিজিদাত্মীয়স্তারেশস্তারকদ্যুতিঃ ॥ ৭১ ॥
প্রতীতঃ প্রোজ্ঝিতঃ প্রীতঃ পরমঃ পারমো হিতঃ ।
পরহা পঞ্চভূঃ পঞ্চবায়ুঃ পূজ্যঃ পরং মহঃ ॥ ৭২ ॥
পুরাণাগমবিদ্ য়োগ্যো মহিষো রাসভোঽগ্রগঃ ।
গ্রাহো মেষো বৃষো মন্দো মন্মথো মিথুনার্চিতঃ ॥ ৭৩ ॥
কল্কভৃত্ কটকো দীনো মর্কটঃ কর্কটো ঘৃণী ।
কুক্কুটো বনজো হংসঃ পরহংসঃ শৃগালকঃ ॥ ৭৪ ॥
সিংহঃ সিংহাসনো মূষো মোহ্যো মূষকবাহনঃ (৬০০) ।
পুত্রদো নরকত্রাতা কন্যাপ্রীতঃ কুলোদ্বহঃ ॥ ৭৫ ॥
অতুল্যরূপো বলদস্তুলাভৃত্ তুল্যসাক্ষিকঃ ।
অলিচাপধরো ধন্বী কচ্ছপো মকরো মণিঃ ॥ ৭৬ ॥
স্থিরঃ প্রভুর্মহাকর্মী মহাভোগী মহায়শাঃ ।
বসুমূর্তিধরো ব্যগ্রোঽসুরহারী য়মান্তকঃ ॥ ৭৭ ॥
দেবাগ্রণীর্গণাধ্যক্ষো হ্যম্বুজালো মহামতিঃ ।
অঙ্গদী কুণ্ডলী ভক্তিপ্রিয়ো ভক্তবিবর্ধনঃ ॥ ৭৮ ॥
গাণপত্যপ্রদো মায়ী বেদবেদান্তপারগঃ ।
কাত্যায়নীসুতো ব্রহ্মপূজিতো বিঘ্ননাশনঃ ॥ ৭৯ ॥
সংসারভয়বিধ্বংসী মহোরস্কো মহীধরঃ ।
বিঘ্নান্তকো মহাগ্রীবো ভৃশং মোদকমোদিতঃ ॥ ৮০ ॥
বারাণসীপ্রিয়ো মানী গহন আখুবাহনঃ ।
গুহাশ্রয়ো বিষ্ণুপদীতনয়ঃ স্থানদো ধ্রুবঃ ॥ ৮১ ॥
পরর্দ্ধিস্তুষ্টো বিমলো মৌলিমান্ বল্লভাপ্রিয়ঃ ।
চতুর্দশীপ্রিয়ো মান্যো ব্যবসায়ো মদান্বিতঃ ॥ ৮২ ॥
অচিন্ত্যঃ সিংহয়ুগলনিবিষ্টো বালরূপধৃত্ ।
ধীরঃ শক্তিমতাং শ্রেষ্ঠো মহাবলসমন্বিতঃ ॥ ৮৩ ॥
সর্বাত্মা হিতকৃদ্ বৈদ্যো মহাকুক্ষির্মহামতিঃ ।
করণং মৃত্যুহারী চ পাপসঙ্ঘনিবর্তকঃ ॥ ৮৪ ॥
উদ্ভিদ্ বজ্রী মহাদৈত্যসূদনো দীনরক্ষকঃ ।
ভূতচারী প্রেতচারী বুদ্ধিরূপো মনোময়ঃ ॥ ৮৫ ॥
অহঙ্কারবপুঃ সাঙ্খ্যপুরুষস্ত্রিগুণাত্মকঃ ।
তন্মাত্ররূপো ভূতাত্মা ইন্দ্রিয়াত্মা বশীকরঃ ॥ ৮৬ ॥
মলত্রয়বহির্ভূতো হ্যবস্থাত্রয়বর্জিতঃ ।
নীরূপো বহুরূপশ্চ কিন্নরো নাগবিক্রমঃ ॥ ৮৭ ॥
একদন্তো মহাবেগঃ সেনানী স্ত্রিদশাধিপঃ ।
বিশ্বকর্তা বিশ্ববীজং (৭০০) শ্রীঃ সম্পদহ্রীর্ধৃতির্মতিঃ ॥ ৮৮ ॥
সর্বশোষকরো বায়ুঃ সূক্ষ্মরূপঃ সুনিশ্চলঃ ।
সংহর্তা সৃষ্টিকর্তা চ স্থিতিকর্তা লয়াশ্রিতঃ ॥ ৮৯ ॥
সামান্যরূপঃ সামাস্যোঽথর্বশীর্ষা য়জুর্ভুজঃ ।
ঋগীক্ষণঃ কাব্যকর্তা শিক্ষাকারী নিরুক্তবিত্ ॥ ৯০ ॥
শেষরূপধরো মুখ্যঃ শব্দব্রহ্মস্বরূপভাক্ ।
বিচারবাঞ্শঙ্খধারী সত্যব্রতপরায়ণঃ ॥ ৯১ ॥
মহাতপা ঘোরতপাঃ সর্বদো ভীমবিক্রমঃ ।
সর্বসম্পত্করো ব্যাপী মেঘগম্ভীরনাদভৃত্ ॥ ৯২ ॥
সমৃদ্ধো ভূতিদো ভোগী বেশী শঙ্করবত্সলঃ ।
শম্ভুভক্তিরতো মোক্ষদাতা ভবদবানলঃ ॥ ৯৩ ॥
সত্যস্তপা ধ্যেয়মূর্তিঃ কর্মমূর্তির্মহাংস্তথা ।
সমষ্টিব্যষ্টিরূপশ্চ পঞ্চকোশপরাঙ্মুখঃ ॥ ৯৪ ॥
তেজোনিধির্জগন্মূর্তিশ্চরাচরবপুর্ধরঃ ।
প্রাণদো জ্ঞানমূর্তিশ্চ নাদমূর্তিয়ুতোঽক্ষরঃ ॥ ৯৫ ॥
ভূতাদ্যস্তৈজসো ভাবো নিষ্কলশ্চৈব নির্মলঃ ।
কূটস্থশ্চেতনো রুদ্রঃ ক্ষেত্রবিত্ পুরুষো বুধঃ ॥ ৯৬ ॥
অনাধারোঽপ্যনাকারো ধাতা চ বিশ্বতোমুখঃ ।
অপ্রতর্ক্যবপুঃ স্কন্দানুজো ভানুর্মহাপ্রভঃ ॥ ৯৭ ॥
য়জ্ঞহর্তা য়জ্ঞকর্তা য়জ্ঞানাং ফলদায়কঃ ।
য়জ্ঞগোপ্তা য়জ্ঞময়ো দক্ষয়জ্ঞবিনাশকৃত্ ॥ ৯৮ ॥
বক্রতুণ্ডো মহাকায়ঃ কোটিসূর্যসমপ্রভঃ ।
একদংষ্ট্রঃ কৃষ্ণপিঙ্গো বিকটো ধূম্রবর্ণকঃ ॥ ৯৯ ॥
টঙ্কধারী জম্বুকশ্চ নায়কঃ শূর্পকর্ণকঃ ।
সুবর্ণগর্ভঃ সুমুখঃ শ্রীকরঃ সর্বসিদ্ধিদঃ ॥ ১০০ ॥
সুবর্ণবর্ণো হেমাঙ্গো মহাত্মা চন্দনচ্ছবিঃ ।
স্বঙ্গঃ স্বক্ষঃ (৮০০) শতানন্দো লোকবিল্লোকবিগ্রহঃ ॥ ১০১ ॥
ইন্দ্রো জিষ্ণুর্ধূমকেতুর্বহ্নিঃ পূজ্যো দবান্তকঃ ।
পূর্ণানন্দঃ পরানন্দঃ পুরাণপুরুষোত্তমঃ ॥ ১০২ ॥
কুম্ভভৃত্ কলশী কুব্জো মীনমাংসসুতর্পিতঃ ।
রাশিতারাগ্রহময়স্তিথিরূপো জগদ্বিভুঃ ॥ ১০৩ ॥
প্রতাপী প্রতিপতপ্রেয়ান্ দ্বিতীয়োঽদ্বৈতনিশ্চিতঃ ।
ত্রিরূপশ্চ তৃতীয়াগ্নিস্ত্রয়ীরূপস্ত্রয়ীতনুঃ ॥ ১০৪ ॥
চতুর্থীবল্লভো দেবো পারগঃ পঞ্চমীরবঃ ।
ষড্রসাস্বাদকোঽজাতঃ ষষ্ঠী ষষ্টিকবত্সরঃ ॥ ১০৫ ॥
সপ্তার্ণবগতিঃ সারঃ সপ্তমীশ্বর ঈহিতঃ ।
অষ্টমীনন্দনোঽনার্তো নবমীভক্তিভাবিতঃ ॥ ১০৬ ॥
দশদিক্পতিপূজ্যশ্চ দশমী দ্রুহিণো দ্রুতঃ ।
একাদশাত্মা গণপো দ্বাদশীয়ুগচর্চিতঃ ॥ ১০৭ ॥
ত্রয়োদশমনুস্তুত্যশ্চতুর্দশসুরপ্রিয়ঃ ।
চতুর্দশেন্দ্রসংস্তুত্যঃ পূর্ণিমানন্দবিগ্রহঃ ॥ ১০৮ ॥
দর্শাদর্শো দর্শনশ্চ বানপ্রস্থো মুনীশ্বরঃ ।
মৌনী মধুরবাঙ্মূলং মূর্তিমান্ মেঘবাহনঃ ॥ ১০৯ ॥
মহাগজো জিতক্রোধো জিতশত্রুর্জয়াশ্রয়ঃ ।
রৌদ্রো রুদ্রপ্রিয়ো রুক্মো রুদ্রপুত্রোঽঘতাপনঃ ॥ ১১০ ॥
ভবপ্রিয়ো ভবানীষ্টো ভারভৃদ্ ভূতভাবনঃ ।
গান্ধর্বকুশলোঽকুণ্ঠো বৈকুণ্ঠো বিষ্ণুসেবিতঃ ॥ ১১১ ॥
বৃত্রহা বিঘ্নহা সীরঃ সমস্তদুরিতাপহঃ ।
মঞ্জুলো মার্জনো মত্তো দুর্গাপুত্রো দুরালসঃ ॥ ১১২ ॥
অনন্তচিত্সুধাধারো বীরো বীর্যৈকসাধকঃ ।
ভাস্বন্মুকুটমাণিক্যঃ কূজত্কিঙ্কিণিজালকঃ ॥ ১১৩ ॥
শুণ্ডাধারী তুণ্ডচলঃ কুণ্ডলী মুণ্ডমালকঃ ।
পদ্মাক্ষঃ পদ্মহস্তশ্চ (৯০০) পদ্মনাভসমর্চিতঃ ॥ ১১৪ ॥
উদ্গীথো নরদন্তাঢ্যমালাভূষণভূষিতঃ ।
নারদো বারণো লোলশ্রবণঃ শূর্পকশ্রবাঃ ॥ ১১৫ ॥
বৃহদুল্লাসনাসাঢ্যব্যাপ্তত্রৈলোক্যমণ্ডলঃ ।
ইলামণ্ডলসম্ভ্রান্তকৃতানুগ্রহজীবকঃ ॥ ১১৬ ॥
বৃহত্কর্ণাঞ্চলোদ্ভূতবায়ুবীজিতদিক্তটঃ ।
বৃহদাস্যরবাক্রান্তভীমব্রহ্মাণ্ডভাণ্ডকঃ ॥ ১১৭ ॥
বৃহত্পাদসমাক্রান্তসপ্তপাতালবেপিতঃ ।
বৃহদ্দন্তকৃতাত্যুগ্ররণানন্দরসালসঃ ॥ ১১৮ ॥
বৃহদ্ধস্তধৃতাশেষায়ুধনির্জিতদানবঃ ।
স্ফুরত্সিন্দূরবদনঃ স্ফুরত্তেজোঽগ্নিলোচনঃ ॥ ১১৯ ॥
উদ্দীপিতমণিস্ফূর্জন্নূপুরধ্বনিনাদিতঃ ।
চলত্তোয়প্রবাহাঢ্যনদীজলকণাকুলঃ ॥ ১২০ ॥
ভ্রমত্কুঞ্জরসঙ্ঘাতবন্দিতাঙ্ঘ্রিসরোরুহঃ ।
ব্রহ্মাচ্যুতমহারুদ্রপুরঃসরসুরার্চিতঃ ॥ ১২১ ॥
অশেষশেষপ্রভৃতিব্যালজালোপসেবিতঃ ।
গূর্জত্পঞ্চাননারাবপ্রাপ্তাকাশধরাতলঃ ॥ ১২২ ॥
হাহাহূহূকৃতাত্যুগ্রসুরবিভ্রান্তমানসঃ ।
পঞ্চাশদ্বর্ণবীজাঢ্যমন্ত্রমন্ত্রিতবিগ্রহঃ ॥ ১২৩ ॥
বেদান্তশাস্ত্রপীয়ূষধারাপ্লাবিতভূতলঃ ।
শঙ্খধ্বনিসমাক্রান্তপাতালাদিনভস্তলঃ ॥ ১২৪ ॥
চিন্তামণির্মহামল্লো ভল্লহস্তো বলিঃ কলিঃ ।
কৃতত্রেতায়ুগোল্লাসভাসমানজগত্ত্রয়ঃ ॥ ১২৫ ॥
দ্বাপরঃ পরলোকৈককর্মধ্বান্তসুধাকরঃ ।
সুধাসিক্তবপুর্ব্যাপ্তব্রহ্মাণ্ডাদিকটাহকঃ ॥ ১২৬ ॥
অকারাদিক্ষকারান্তবর্ণপঙ্ক্তিসমুজ্জ্বলঃ ।
অকারাকারপ্রোদ্গীততারনাদনিনাদিতঃ ॥ ১২৭ ॥
ইকারেকারমন্ত্রাঢ্যমালাভ্রমণলালসঃ ।
উকারোকারপ্রোদ্গারিঘোরনাগোপবীতকঃ ॥ ১২৮ ॥
ঋবর্ণাঙ্কিতৠকারপদ্মদ্বয়সমুজ্জ্বলঃ ।
লৃকারয়ুতলৄকারশঙ্খপূর্ণদিগন্তরঃ ॥ ১২৯ ॥
একারৈকারগিরিজাস্তনপানবিচক্ষণঃ ।
ওকারৌকারবিশ্বাদিকৃতসৃষ্টিক্রমালসঃ ॥ ১৩০ ॥
অংঅঃবর্ণাবলীব্যাপ্তপাদাদিশীর্ষমণ্ডলঃ ।
কর্ণতালকৃতাত্যুচ্চৈর্বায়ুবীজিতনির্জরঃ ॥ ১৩১ ॥
খগেশধ্বজরত্নাঙ্ককিরীটারুণপাদকঃ ।
গর্বিতাশেষগন্ধর্বগীততত্পরশ্রোত্রকঃ ॥ ১৩২ ॥
ঘনবাহনবাগীশপুরঃসরসুরার্চিতঃ ।
ঙবর্ণামৃতধারাঢ্যশোভমানৈকদন্তকঃ ॥ ১৩৩ ॥
চন্দ্রকুঙ্কুমজম্বাললিপ্তসুন্দরবিগ্রহঃ ।
ছত্রচামররত্নাঢ্যমুকুটালঙ্কৃতাননঃ ॥ ১৩৪ ॥
জটাবদ্ধমহানর্ঘমণিপঙ্ক্তিবিরাজিতঃ ।
ঝাঙ্কারিমধুপব্রাতগাননাদনিনাদিতঃ ॥ ১৩৫ ॥
ঞবর্ণকৃতসংহারদৈত্যাসৃক্পূর্ণমুদ্গরঃ ।
টঙ্কারুকফলাস্বাদবেপিতাশেষমূর্ধজঃ ॥ ১৩৬ ॥
ঠকারাঢ্যডকারাঙ্কঢকারানন্দতোষিতঃ ।
ণবর্ণামৃতপীয়ূষধারাধরসুধাধরঃ ॥ ১৩৭ ॥
তাম্রসিন্দূরপুঞ্জাঢ্যললাটফলকচ্ছবিঃ ।
থকারধনপঙ্ক্ত্যাঢ্যসন্তোষিতদ্বিজব্রজঃ ॥ ১৮ ॥
দয়াময়হৃদম্ভোজধৃতত্রৈলোক্যমণ্ডলঃ ।
ধনদাদিমহায়ক্ষসংসেবিতপদাম্বুজঃ ॥ ১৩৯ ॥
নমিতাশেষদেবৌঘকিরীটমণিরঞ্জিতঃ ।
পরবর্গাপবর্গাদিমার্গচ্ছেদনদক্ষকঃ ॥ ১৪০ ॥
ফণিচক্রসমাক্রান্তগলমণ্ডলমণ্ডিতঃ ।
বদ্ধভ্রূয়ুগভীমোগ্রসন্তর্জিতসুরাসুরঃ ॥ ১৪১ ॥
ভবানীহৃদয়ানন্দবর্ধনৈকনিশাকরঃ ।
মদিরাকলশস্ফীতকরালৈককরাম্বুজঃ ॥ ১৪২ ॥
য়জ্ঞান্তরায়সঙ্ঘাতঘাতসজ্জীকৃতায়ুধঃ ।
রত্নাকরসুতাকান্তকান্তিকীর্তিবিবর্ধনঃ ॥ ১৪৩ ॥
লম্বোদরমহাভীমবপুর্দীনীকৃতাসুরঃ ।
বরুণাদিদিগীশানরচিতার্চনচর্চিতঃ ॥ ১৪৪ ॥
শঙ্করৈকপ্রিয়প্রেমনয়নানন্দবর্ধনঃ ।
ষোডশস্বরিতালাপগীতগানবিচক্ষণঃ ॥ ১৪৫ ॥
সমস্তদুর্গতিসরিন্নাথোত্তারণকোডুপঃ ।
হরাদিব্রহ্মবৈকুণ্ঠব্রহ্মগীতাদিপাঠকঃ ॥ ১৪৬ ॥
ক্ষমাপূরিতহৃত্পদ্মসংরক্ষিতচরাচরঃ ।
তারাঙ্কমন্ত্রবর্ণৈকবিগ্রহোজ্জ্বলবিগ্রহঃ ॥ ১৪৭ ॥
অকারাদিক্ষকারান্তবিদ্যাভূষিতবিগ্রহঃ ।
ওঁশ্রীংবিনায়কো ওঁহ্রীংবিঘ্নাধ্যক্ষো গণাধিপঃ ॥ ১৪৮ ॥
হেরম্বো মোদকাহারো বক্ত্রতুণ্ডো বিধিস্মৃতঃ ।
বেদান্তগীতো বিদ্যার্থী শুদ্ধমন্ত্রঃ ষডক্ষরঃ ॥ ১৪৯ ॥
গণেশো বরদো দেবো দ্বাদশাক্ষরমন্ত্রিতঃ ।
সপ্তকোটিমহামন্ত্রমন্ত্রিতাশেষবিগ্রহঃ ॥ ১৫০ ॥
গাঙ্গেয়ো গণসেব্যশ্চ ওঁশ্রীন্দ্বৈমাতুরঃ শিবঃ ।
ওঁহ্রীংশ্রীংক্লীংগ্লৌংগংদেবো মহাগণপতিঃ প্রভুঃ (১০০০) ॥ ১৫১ ॥
ইদং নাম্নাং সহস্রং তে মহাগণপতেঃ স্মৃতম্ ।
গুহ্যং গোপ্যতমং গুপ্তং সর্বতন্ত্রেষু গোপিতম্ ॥ ১৫২ ॥
সর্বমন্ত্রনিধিং দিব্যং সর্ববিঘ্নবিনাশনম্ ।
গ্রহতারাময়ং রাশিবর্ণপঙ্ক্তিসমন্বিতম্ ॥ ১৫৩ ॥
সর্ববিদ্যাময়ং ব্রহ্মসাধনং সাধকপ্রিয়ম্ ।
গণেশস্য চ সর্বস্বং রহস্যং ত্রিদিবৌকসাম্ ॥ ১৫৪ ॥
য়থেষ্টফলদং লোকে মনোরথপ্রপূরণম্ ।
অষ্টসিদ্ধিময়ং সাধ্যং সাধকানাং জয়প্রদম্ ॥ ১৫৫ ॥
বিনার্চনং বিনা হোমং বিনা ন্যাসং বিনা জপম্ ।
অণিমাদ্যষ্টসিদ্ধীনাং সাধনং স্মৃতিমাত্রতঃ ॥ ১৫৬ ॥
চতুর্থ্যামর্ধরাত্রে তু পঠেন্মন্ত্রী চতুষ্পথে ।
লিখেদ্ভূর্জে রবৌ দেবি পুণ্যং নাম্নাং সহস্রকম্ ॥ ১৫৭ ॥
ধারয়েত্তু চতুর্দশ্যাং মধ্যাহ্নে মূর্ধ্নি বা ভুজে ।
য়োষিদ্বামকরে বদ্ধ্বা পুরুষো দক্ষিণে ভুজে ॥ ১৫৮ ॥
স্তম্ভয়েদপি ব্রহ্মাণং মোহয়েদপি শঙ্করম্ ।
বশয়েদপি ত্রৈলোক্যং মারয়েদখিলান্ রিপূন্ ॥ ১৫৯ ॥
উচ্চাটয়েচ্চ গীর্বাণান্ শময়েচ্চ ধনঞ্জয়ম্ ।
বন্ধ্যা পুত্রাংল্লভেচ্ছীঘ্রং নির্ধনো ধনমাপ্নুয়াত্ ॥ ১৬০ ॥
ত্রিবারং য়ঃ পঠেদ্রাত্রৌ গণেশস্য পুরঃ শিবে ।
নগ্নঃ শক্তিয়ুতো দেবি ভুক্ত্বা ভোগান্ য়থেপ্সিতান্ ॥ ১৬১ ॥
প্রত্যক্ষং বরদং পশ্যেদ্গণেশং সাধকোত্তমঃ ।
য় এনং পঠতে নাম্নাং সহস্রং ভক্তিপূর্বকম্ ॥ ১৬২ ॥
তস্য বিত্তাদিবিভবো দারায়ুঃসম্পদঃ সদা ।
রণে রাজভয়ে দ্যূতে পঠেন্নাম্নাং সহস্রকম্ ॥ ১৬৩ ॥
সর্বত্র জয়মাপ্নোতি গণেশস্য প্রসাদতঃ ।
ইতীদং পুণ্যসর্বস্বং মন্ত্রনামসহস্রকম্ ॥ ১৬৪ ॥
মহাগণপতের্গুহ্যং গোপনীয়ং স্বয়োনিবত্ ।
॥ ইতি শ্রীরুদ্রয়ামলে তন্ত্রে শ্রীদেবীরহস্যে
মহাগণপতিসহস্রনামস্তোত্রং সম্পূর্ণম্ ॥