॥ Medhadakshinamurthy Sahasranamastotram 1 Malayalam Lyrics ॥
॥ ശ്രീമേധാദക്ഷിണാമൂര്‍തിസഹസ്രനാമസ്തോത്രം 1 ॥
॥ ശ്രീ ഗുരുഭ്യോ നമഃ ॥
ശ്രീഃ
അസ്യ ശ്രീ മേധാദക്ഷിണാമൂര്‍തിസഹസ്രനാമസ്തോത്രസ്യ
ബ്രഹ്മാ ഋഷിഃ । ഗായത്രീ ഛന്ദഃ । ദക്ഷിണാമൂര്‍തിര്‍ദേവതാ ।
ഓം ബീജം । സ്വാഹാ ശക്തിഃ । നമഃ കീലകം ।
മേധാദക്ഷിണാമൂര്‍തിപ്രസാദസിദ്ധ്യര്‍ഥേ ജപേ വിനിയോഗഃ ।
ഹ്രാം ഇത്യാദിനാ അങ്ഗ ന്യാസഃ ।
ധ്യാനം ।
സിദ്ധിതോയനിധേര്‍മധ്യേ രത്നഗ്രീവേ മനോരമേ ।
കദംബവനികാമധ്യേ ശ്രീമദ്വടതരോരധഃ ॥ 1 ॥
ആസീനമാദ്യം പുരുഷമാദിമധ്യാന്തവര്‍ജിതം ।
ശുദ്ധസ്ഫടികഗോക്ഷീരശരത്പൂര്‍ണേന്ദുശേഖരം ॥ 2 ॥
ദക്ഷിണേ ചാക്ഷമാലാം ച വഹ്നിം വൈ വാമഹസ്തകേ ।
ജടാമണ്ഡലസംലഗ്നശീതാംശുകരമണ്ഡിതം ॥ 3 ॥
നാഗഹാരധരം ചാരുകങ്കണൈഃ കടിസൂത്രകൈഃ ।
വിരാജമാനവൃഷഭം വ്യാഘ്രചര്‍മാംബരാവൃതം ॥ 4 ॥
ചിന്താമണിമഹാബൃന്ദൈഃ കല്‍പകൈഃ കാമധേനുഭിഃ ।
ചതുഷ്ഷഷ്ടികലാവിദ്യാമൂര്‍തിഭിഃ ശ്രുതിമസ്തകൈഃ ॥ 5 ॥
രത്നസിംഹാസനേ സാധുദ്വീപിചര്‍മസമായുതം ।
തത്രാഷ്ടദലപദ്മസ്യ കര്‍ണികായാം സുശോഭനേ ॥ 6 ॥
വീരാസനേ സമാസീനം ലംബദക്ഷപദാംബുജം ।
ജ്ഞാനമുദ്രാം പുസ്തകം ച വരാഭീതിധരം ഹരം ॥ 7 ॥
പാദമൂലസമാക്രാന്തമഹാപസ്മാരവൈഭവം ।
രുദ്രാക്ഷമാലാഭരണഭൂഷിതം ഭൂതിഭാസുരം ॥ 8 ॥
ഗജചര്‍മോത്തരീയം ച മന്ദസ്മിതമുഖാംബുജം ।
സിദ്ധബൃന്ദൈര്യോഗിബൃന്ദൈര്‍മുനിബൃന്ദൈര്‍നിഷേവിതം ॥ 9 ॥
ആരാധ്യമാനവൃഷഭം അഗ്നീന്ദുരവിലോചനം ।
പൂരയന്തം കൃപാദൃഷ്ട്യാ പുമര്‍ഥാനാശ്രിതേ ജനേ ॥ 10 ॥
ഏവം വിഭാവയേദീശം സര്‍വവിദ്യാകലാനിധിം ॥ 11 ॥
ലം ഇത്യാദിനാ പഞ്ചോപചാരാഃ ॥
ദേവദേവോ മഹാദേവോ ദേവാനാമപി ദേശികഃ ।
ദക്ഷിണാമൂര്‍തിരീശാനോ ദയാപൂരിതദിങ്മുഖഃ ॥ 1 ॥
കൈലാസശിഖരോത്തുങ്ഗ-കമനീയനിജാകൃതിഃ ।
വടദ്രുമതടീദിവ്യകനകാസനസംസ്ഥിതഃ ॥ 2 ॥
കടീതടപടീഭൂതകരിചര്‍മോജ്ജ്വലാകൃതിഃ ।
പാടീരാപാണ്ഡുരാകാരപരിപൂര്‍ണസുധാധിപഃ ।3 ॥
ജപാകോടീരഘടിതസുധാകരസുധാപ്ലുതഃ ।
പശ്യല്ലലാടസുഭഗസുന്ദരഭ്രൂവിലാസവാന്‍ ॥ 4 ॥
കടാക്ഷസരണീനിര്യത്കരുണാപൂര്‍ണലോചനഃ ।
കര്‍ണാലോലതടിദ്വര്‍ണകുണ്ഡലോജ്ജ്വലഗണ്ഡഭൂഃ ॥ 5 ॥
തിലപ്രസൂനസംകാശനാസികാപുടഭാസുരഃ ।
മന്ദസ്മിതസ്പുരന്‍മുഗ്ധമഹനീയമുഖാംബുജഃ ॥ 6 ॥
കുന്ദകുഡ്മലസംസ്പര്‍ധിദന്തപങ്ക്തിവിരാജിതഃ ।
സിന്ദൂരാരുണസുസ്നിഗ്ധകോമലാധരപല്ലവഃ ॥ 7 ॥
ശങ്ഖാടോപഗലദ്ദിവ്യഗളവൈഭവമഞ്ജുലഃ ।
കരകന്ദലിതജ്ഞാനമുദ്രാരുദ്രാക്ഷമാലികഃ ॥ 8 ॥
അന്യഹസ്തതലന്യസ്തവീണാപുസ്തോല്ലസദ്വപുഃ ।
വിശാലരുചിരോരസ്കവലിമത്പല്ലവോദരഃ ॥ 9 ॥
ബൄഹത്കടിനിതംബാഢ്യഃ പീവരോരുദ്വയാന്വിതഃ ।
ജങ്ഘാവിജിതതൂണീരസ്തുങ്ഗഗുല്‍ഫയുഗോജ്ജ്വലഃ ॥ 10 ॥
മൃദുപാടലപാദാബ്ജശ്ചന്ദ്രാഭനഖദീധിതിഃ ।
അപസവ്യോരുവിന്യസ്തസവ്യപാദസരോരുഹഃ ॥ 11 ॥
ഘോരാപസ്മാരനിക്ഷിപ്തധീരദക്ഷപദാംബുജഃ ।
സനകാദിമുനിധ്യേയഃ സര്‍വാഭരണഭൂഷിതഃ ॥ 12 ॥
ദിവ്യചന്ദനലിപ്താങ്ഗശ്ചാരുഹാസപരിഷ്കൃതഃ ।
കര്‍പൂരധവലാകാരഃ കന്ദര്‍പശതസുന്ദരഃ ॥ 13 ॥
കാത്യായനീപ്രേമനിധിഃ കരുണാരസവാരിധിഃ ।
കാമിതാര്‍ഥപ്രദഃശ്രീമത്കമലാവല്ലഭപ്രിയഃ ॥ 14 ॥
കടാക്ഷിതാത്മവിജ്ഞാനഃ കൈവല്യാനന്ദകന്ദലഃ ।
മന്ദഹാസസമാനേന്ദുഃ ഛിന്നാജ്ഞാനതമസ്തതിഃ ॥ 15 ॥
സംസാരാനലസംതപ്തജനതാമൃതസാഗരഃ ।
ഗംഭീരഹൃദയാംഭോജനഭോമണിനിഭാകൃതിഃ ॥ 16 ॥
നിശാകരകരാകാരവശീകൃതജഗത്ത്രയഃ ।
താപസാരാധ്യപാദാബ്ജസ്തരുണാനന്ദവിഗ്രഹഃ ॥ 17 ॥
ഭൂതിഭൂഷിതസര്‍വാങ്ഗോ ഭൂതാധിപതിരീശ്വരഃ ।
വദനേന്ദുസ്മിതജ്യോത്സ്നാനിലീനത്രിപുരാകൃതിഃ ॥ 18 ॥
താപത്രയതമോഭാനുഃ പാപാരണ്യദവാനലഃ ।
സംസാരസാഗരോദ്ധര്‍താ ഹംസാഗ്ര്യോപാസ്യവിഗ്രഹഃ ॥ 19 ॥
ലലാടഹുതഭുഗ്ദഗ്ധമനോഭവശുഭാകൃതിഃ ।
തുച്ഛീകൃതജഗജ്ജാലസ്തുഷാരകരശീതലഃ ॥ 20 ॥
അസ്തംഗതസമസ്തേച്ഛോ നിസ്തുലാനന്ദമന്ഥരഃ ।
ധീരോദാത്തഗുണാധാര ഉദാരവരവൈഭവഃ ॥ 21 ॥
അപാരകരുണാമൂര്‍തിരജ്ഞാനധ്വാന്തഭാസ്കരഃ ।
ഭക്തമാനസഹംസാഗ്ര്യഭവാമയഭിഷക്തമഃ ॥ 22 ॥
യോഗീന്ദ്രപൂജ്യപാദാബ്ജോ യോഗപട്ടോല്ലസത്കടിഃ ।
ശുദ്ധസ്ഫടികസംകാശോ ബദ്ധപന്നഗഭൂഷണഃ ॥ 23 ॥
നാനാമുനിസമാകീര്‍ണോ നാസാഗ്രന്യസ്തലോചനഃ ।
വേദമൂര്‍ധൈകസംവേദ്യോ നാദധ്യാനപരായണഃ ॥ 24 ॥
ധരാധരേന്ദുരാനന്ദസന്ദോഹരസസാഗരഃ ।
ദ്വൈതബൃന്ദവിമോഹാന്ധ്യപരാകൃതദൃഗദ്ഭുതഃ ॥ 25 ॥
പ്രത്യഗാത്മാ പരംജ്യോതിഃ പുരാണഃ പരമേശ്വരഃ ।
പ്രപഞ്ചോപശമഃ പ്രാജ്ഞഃ പുണ്യകീര്‍തിഃ പുരാതനഃ ॥ 26 ॥
സര്‍വാധിഷ്ഠാനസന്‍മാത്രസ്സ്വാത്മബന്ധഹരോ ഹരഃ ।
സര്‍വപ്രേമനിജാഹാസഃ സര്‍വാനുഗ്രഹകൃത് ശിവഃ ॥ 27 ॥
സര്‍വേന്ദ്രിയഗുണാഭാസഃ സര്‍വഭൂതഗുണാശ്രയഃ ।
സച്ചിദാനന്ദപൂര്‍ണാത്മാ സ്വേ മഹിംനി പ്രതിഷ്ഠിതഃ ॥ 28 ॥
സര്‍വഭൂതാന്തരസ്സാക്ഷീ സര്‍വജ്ഞസ്സര്‍വകാമദഃ ।
സനകാദിമഹായോഗിസമാരാധിതപാദുകഃ ॥ 29 ॥
ആദിദേവോ ദയാസിന്ധുഃ ശിക്ഷിതാസുരവിഗ്രഹഃ ।
യക്ഷകിന്നരഗന്ധര്‍വസ്തൂയമാനാത്മവൈഭവഃ ॥ 30 ॥
ബ്രഹ്മാദിദേവവിനുതോ യോഗമായാനിയോജകഃ ।
ശിവയോഗീ ശിവാനന്ദഃ ശിവഭക്തസമുദ്ധരഃ ॥ 31 ॥
വേദാന്തസാരസന്ദോഹഃ സര്‍വസത്ത്വാവലംബനഃ ।
വടമൂലാശ്രയോ വാഗ്മീ മാന്യോ മലയജപ്രിയഃ ॥ 32 ॥
സുശീലോ വാഞ്ഛിതാര്‍ഥജ്ഞഃ പ്രസന്നവദനേക്ഷണഃ ॥
നൃത്തഗീതകലാഭിജ്ഞഃ കര്‍മവിത് കര്‍മമോചകഃ ॥ 33 ॥
കര്‍മസാക്ഷീ കര്‍മമയഃ കര്‍മണാം ച ഫലപ്രദഃ ।
ജ്ഞാനദാതാ സദാചാരഃ സര്‍വോപദ്രവമോചകഃ ॥ 34 ॥
അനാഥനാഥോ ഭഗവാനാശ്രിതാമരപാദപഃ ।
വരപ്രദഃ പ്രകാശാത്മാ സര്‍വഭൂതഹിതേ രതഃ ॥ 35 ॥
വ്യാഘ്രചര്‍മാസനാസീന ആദികര്‍താ മഹേശ്വരഃ ।
സുവിക്രമഃ സര്‍വഗതോ വിശിഷ്ടജനവത്സലഃ ॥ 36 ॥
ചിന്താശോകപ്രശമനോ ജഗദാനന്ദകാരകഃ ।
രശ്മിമാന്‍ ഭുവനേശശ്ച ദേവാസുരസുപൂജിതഃ ॥ 37 ॥
മൃത്യുഞ്ജയോ വ്യോമകേശഃ ഷട്ത്രിംശത്തത്ത്വസങ്ഗ്രഹഃ ।
അജ്ഞാതസംഭവോ ഭിക്ഷുരദ്വിതീയോ ദിഗംബരഃ ॥ 38 ॥
സമസ്തദേവതാമൂര്‍തിഃ സോമസൂര്യാഗ്നിലോചനഃ ।
സര്‍വസാംരാജ്യനിപുണോ ധര്‍മമാര്‍ഗപ്രവര്‍തകഃ ॥ 39 ॥
വിശ്വാധികഃ പശുപതിഃ പശുപാശവിമോചകഃ ।
അഷ്ടമൂര്‍തിര്‍ദീപ്തമൂര്‍തിഃ നാമോച്ചാരണമുക്തിദഃ ॥ 40 ॥
സഹസ്രാദിത്യസങ്കാശഃ സദാഷോഡശവാര്‍ഷികഃ ।
ദിവ്യകേലീസമായുക്തോ ദിവ്യമാല്യാംബരാവൃതഃ ॥ 41 ॥
അനര്‍ഘരത്നസമ്പൂര്‍ണോ മല്ലികാകുസുമപ്രിയഃ ।
തപ്തചാമീകരാകാരോ ജിതദാവാനലാകൃതിഃ ॥ 42 ॥
നിരഞ്ജനോ നിര്‍വികാരോ നിജാവാസോ നിരാകൃതിഃ ।
ജഗദ്ഗുരുര്‍ജഗത്കര്‍താ ജഗദീശോ ജഗത്പതിഃ ॥ 43 ॥
കാമഹന്താ കാമമൂര്‍തിഃ കല്യാണവൃഷവാഹനഃ ।
ഗങ്ഗാധരോ മഹാദേവോ ദീനബന്ധവിമോചകഃ ॥ 44 ॥
ധൂര്‍ജടിഃ ഖണ്ഡപരശുഃ സദ്ഗുണോ ഗിരിജാസഖഃ ।
അവ്യയോ ഭൂതസേനേശഃ പാപഘ്നഃ പുണ്യദായകഃ ॥ 45 ॥
ഉപദേഷ്ടാ ദൃഢപ്രജ്ഞോ രുദ്രോ രോഗവിനാശനഃ ।
നിത്യാനന്ദോ നിരാധാരോ ഹരോ ദേവശിഖാമണിഃ ॥ 46 ॥
പ്രണതാര്‍തിഹരഃ സോമഃ സാന്ദ്രാനന്ദോ മഹാമതിഃ ।
ആശ്ചര്യവൈഭവോ ദേവഃ സംസാരാര്‍ണവതാരകഃ ॥ 47 ॥
യജ്ഞേശോ രാജരാജേശോ ഭസ്മരുദ്രാക്ഷലാഞ്ഛനഃ ।
അനന്തസ്താരകഃ സ്ഥാണുഃ സര്‍വവിദ്യേശ്വരോ ഹരിഃ ॥ 48 ॥
വിശ്വരൂപോ വിരൂപാക്ഷഃ പ്രഭുഃ പരിബൃഡോ ദൃഢഃ ।
ഭവ്യോ ജിതാരിഷദ്വര്‍ഗോ മഹോദാരോ വിഷാശനഃ ॥ 49 ॥
സുകീര്‍തിരാദിപുരുഷോ ജരാമരണവര്‍ജിതഃ ।
പ്രമാണഭൂതോ ദുര്‍ജ്ഞേയഃ പുണ്യഃ പരപുരഞ്ജയഃ ॥ 50 ॥
ഗുണാകാരോ ഗുണശ്രേഷ്ഠഃ സച്ചിദാനന്ദവിഗ്രഹഃ ।
സുഖദഃ കാരണം കര്‍താ ഭവബന്ധവിമോചകഃ ॥ 51 ॥
അനിര്‍വിണ്ണോ ഗുണഗ്രാഹീ നിഷ്കലങ്കഃ കലങ്കഹാ ।
പുരുഷഃ ശാശ്വതോ യോഗീ വ്യക്താവ്യക്തഃ സനാതനഃ ॥ 52 ॥
ചരാചരാത്മാ സൂക്ഷ്മാത്മാ വിശ്വകര്‍മാ തമോഽപഹൃത് ।
ഭുജങ്ഗഭൂഷണോ ഭര്‍ഗസ്തരുണഃ കരുണാലയഃ ॥ 53 ॥
അണിമാദിഗുണോപേതോ ലോകവശ്യവിധായകഃ ।
യോഗപട്ടധരോ മുക്തോ മുക്താനാം പരമാ ഗതിഃ ॥ 54 ॥
ഗുരുരൂപധരഃ ശ്രീമത്പരമാനന്ദസാഗരഃ ।
സഹസ്രബാഹുഃ സര്‍വേശഃ സഹസ്രാവയവാന്വിതഃ ॥ 55 ॥
സഹസ്രമൂര്‍ധാ സര്‍വാത്മാ സഹസ്രാക്ഷഃ സഹസ്രപാത് ।
നിരാഭാസഃ സൂക്ഷ്മതനുര്‍ഹൃദി ജ്ഞാതഃ പരാത്പരഃ ॥ 56 ॥
സര്‍വാത്മഗഃ സര്‍വസാക്ഷീ നിഃസങ്ഗോ നിരുപദ്രവഃ ।
നിഷ്കലഃ സകലാധ്യക്ഷശ്ചിന്‍മയസ്തമസഃ പരഃ ॥ 57 ॥
ജ്ഞാനവൈരാഗ്യസമ്പന്നോ യോഗാനന്ദമയഃ ശിവഃ ।
ശാശ്വതൈശ്വര്യസമ്പൂര്‍ണോ മഹായോഗീശ്വരേശ്വരഃ ॥ 58 ॥
സഹസ്രശക്തിസംയുക്തഃ പുണ്യകായോ ദുരാസദഃ ।
താരകബ്രഹ്മസമ്പൂര്‍ണസ്തപസ്വിജനസംവൃതഃ ॥ 59 ॥
വിധീന്ദ്രാമരസമ്പൂജ്യോ ജ്യോതിഷാം ജ്യോതിരുത്തമഃ ।
നിരക്ഷരോ നിരാലംബഃ സ്വാത്മാരാമോ വികര്‍തനഃ ॥ 60 ॥
നിരവദ്യോ നിരാതങ്കോ ഭീമോ ഭീമപരാക്രമഃ ।
വീരഭദ്രഃ പുരാരാതിര്‍ജലന്ധരശിരോഹരഃ ॥ 61 ॥
അന്ധകാസുരസംഹര്‍താ ഭഗനേത്രഭിദദ്ഭുതഃ ।
വിശ്വഗ്രാസോഽധര്‍മശത്രുര്‍ബ്രഹ്മജ്ഞാനൈകമന്ഥരഃ ॥ 62 ॥
അഗ്രേസരസ്തീര്‍ഥഭൂതഃ സിതഭസ്മാവകുണ്ഠനഃ ।
അകുണ്ഠമേധാഃ ശ്രീകണ്ഠോ വൈകുണ്ഠപരമപ്രിയഃ ॥ 63 ॥
ലലാടോജ്ജ്വലനേത്രാബ്ജസ്തുഷാരകരശേഖരഃ ।
ഗജാസുരശിരശ്ഛേത്താ ഗങ്ഗോദ്ഭാസിതമൂര്‍ധജഃ ॥ 64 ॥
കല്യാണാചലകോദണ്ഡഃ കമലാപതിസായകഃ ।
വാരാംശേവധിതൂണീരഃസരോജാസനസാരഥിഃ ॥ 65 ॥
ത്രയീതുരങ്ഗസംക്രാന്തോ വാസുകിജ്യാവിരാജിതഃ ।
രവീന്ദുചരണാചാരിധരാരഥവിരാജിതഃ ॥ 66 ॥
ത്രയ്യന്തപ്രഗ്രഹോദാരചാരുഘണ്ടാരവോജ്ജ്വലഃ ।
ഉത്താനപര്‍വലോമാഢ്യോ ലീലാവിജിതമന്‍മഥഃ ॥ 67 ॥
ജാതുപ്രപന്നജനതാജീവനോപായനോത്സുകഃ ।
സംസാരാര്‍ണവനിര്‍മഗ്നസമുദ്ധരണപണ്ഡിതഃ ॥ 68 ॥
മദദ്വിരദധിക്കാരിഗതിമഞ്ജുലവൈഭവഃ ।
മത്തകോകിലമാധുര്യരസനിര്‍ഭരഗീര്‍ഗണഃ ॥ 69 ॥
കൈവല്യോദധികല്ലോലലീലാതാണ്ഡവപണ്ഡിതഃ ।
വിഷ്ണുര്‍ജിഷ്ണുര്‍വാസുദേവഃ പ്രഭവിഷ്ണുഃ പുരാതനഃ ॥ 70 ॥
വര്‍ധിഷ്ണുര്‍വരദോ വൈദ്യോ ഹരിര്‍നാരായണോഽച്യുതഃ ।
അജ്ഞാനവനദാവാഗ്നിഃ പ്രജ്ഞാപ്രാസാദഭൂപതിഃ ॥ 71 ॥
സര്‍പഭൂഷിതസര്‍വാങ്ഗഃ കര്‍പൂരോജ്ജ്വലിതാകൃതിഃ ।
അനാദിമധ്യനിധനോ ഗിരീശോ ഗിരിജാപതിഃ ॥ 72 ॥
വീതരാഗോ വിനീതാത്മാ തപസ്വീ ഭൂതഭാവനഃ ।
ദേവാസുരഗുരുധ്യേയോ ദേവാസുരനമസ്കൃതഃ ॥ 73 ॥
ദേവാദിദേവോ ദേവര്‍ഷിര്‍ദേവാസുരവരപ്രദഃ ।
സര്‍വദേവമയോഽചിന്ത്യോ ദേവാത്മാ ചാത്മസംഭവഃ ॥ 74 ॥
നിര്ലേപോ നിഷ്പ്രപഞ്ചാത്മാ നിര്‍വിഘ്നോ വിഘ്നനാശകഃ ।
ഏകജ്യോതിര്‍നിരാതങ്കോ വ്യാപ്തമൂര്‍തിരനാകുലഃ ॥ 75 ॥
നിരവദ്യപദോപാധിര്‍വിദ്യാരാശിരനുത്തമഃ ।
നിത്യാനന്ദഃ സുരാധ്യക്ഷോ നിഃസംകല്‍പോ നിരഞ്ജനഃ ॥ 76 ॥
നിഷ്കലങ്കോ നിരാകാരോ നിഷ്പ്രപഞ്ചോ നിരാമയഃ ।
വിദ്യാധരോ വിയത്കേശോ മാര്‍കണ്ഡേയവരപ്രദഃ ॥ 77 ॥
ഭൈരവോ ഭൈരവീനാഥഃ കാമദഃ കമലാസനഃ ।
വേദവേദ്യഃ സുരാനന്ദോ ലസജ്ജ്യോതിഃ പ്രഭാകരഃ ॥ 78 ॥
ചൂഡാമണിഃ സുരാധീശോ യജ്ഞഗേയോ ഹരിപ്രിയഃ ।
നിര്ലേപോ നീതിമാന്‍ സൂത്രീ ശ്രീഹാലാഹലസുന്ദരഃ ॥ 79 ॥
ധര്‍മദക്ഷോ മഹാരാജഃകിരീടീ വന്ദിതോ ഗുഹഃ ।
മാധവോ യാമിനീനാഥഃ ശംബരഃ ശബരീപ്രിയഃ ॥ 80 ॥
സങ്ഗീതവേത്താ ലോകജ്ഞഃ ശാന്തഃ കലശസംഭവഃ ।
ബ്രഹ്മണ്യോ വരദോ നിത്യഃ ശൂലീ ഗുരുവരോ ഹരഃ ॥ 81 ॥
മാര്‍താണ്ഡഃ പുണ്ഡരീകാക്ഷോ ലോകനായകവിക്രമഃ ।
മുകുന്ദാര്‍ച്യോ വൈദ്യനാഥഃ പുരന്ദരവരപ്രദഃ ॥ 82 ॥
ഭാഷാവിഹീനോ ഭാഷാജ്ഞോ വിഘ്നേശോ വിഘ്നനാശനഃ ।
കിന്നരേശോ ബൃഹദ്ഭാനുഃ ശ്രീനിവാസഃ കപാലഭൃത് ॥ 83 ॥
വിജയോ ഭൂതഭാവജ്ഞോ ഭീമസേനോ ദിവാകരഃ ।
ബില്വപ്രിയോ വസിഷ്ഠേശഃ സര്‍വമാര്‍ഗപ്രവര്‍തകഃ ॥ 84 ॥
ഓഷധീശോ വാമദേവോ ഗോവിന്ദോ നീലലോഹിതഃ ।
ഷഡര്‍ധനയനഃ ശ്രീമന്‍മഹാദേവോ വൃഷധ്വജഃ ॥ 85 ॥
കര്‍പൂരദീപികാലോലഃ കര്‍പൂരരസചര്‍ചിതഃ ।
അവ്യാജകരുണാമൂര്‍തിസ്ത്യാഗരാജഃ ക്ഷപാകരഃ ॥ 86 ॥
ആശ്ചര്യവിഗ്രഹഃ സൂക്ഷ്മഃ സിദ്ധേശഃ സ്വര്‍ണഭൈരവഃ ।
ദേവരാജഃ കൃപാസിന്ധുരദ്വയോഽമിതവിക്രമഃ ॥ 87 ॥
നിര്‍ഭേദോ നിത്യസത്വസ്ഥോ നിര്യോഗക്ഷേമ ആത്മവാന്‍ ।
നിരപായോ നിരാസങ്ഗോ നിഃശബ്ദോ നിരുപാധികഃ ॥ 88 ॥
ഭവഃ സര്‍വേശ്വരഃ സ്വാമീ ഭവഭീതിവിഭഞ്ജനഃ ।
ദാരിദ്ര്യതൃണകൂടാഗ്നിര്‍ദാരിതാസുരസന്തതിഃ ॥ 89 ॥
മുക്തിദോ മുദിതോഽകുബ്ജോ ധാര്‍മികോ ഭക്തവത്സലഃ ।
അഭ്യാസാതിശയജ്ഞേയസ്ചന്ദ്രമൌലിഃ കലാധരഃ ॥ 90 ॥
മഹാബലോ മഹാവീര്യോ വിഭുഃ ശ്രീശഃ ശുഭപ്രദഃ ।
സിദ്ധഃ പുരാണപുരുഷോ രണമണ്ഡലഭൈരവഃ ॥ 91 ॥
സദ്യോജാതോ വടാരണ്യവാസീ പുരുഷവല്ലഭഃ ।
ഹരികേശോ മഹാത്രാതാ നീലഗ്രീവസ്സുമങ്ഗലഃ ॥ 92 ॥
ഹിരണ്യബാഹുസ്തീക്ഷ്ണാംശുഃ കാമേശഃ സോമവിഗ്രഹഃ ।
സര്‍വാത്മാ സര്‍വകര്‍താ ച താണ്ഡവോ മുണ്ഡമാലികഃ ॥ 93 ॥
അഗ്രഗണ്യഃ സുഗംഭീരോ ദേശികോ വൈദികോത്തമഃ ।
പ്രസന്നദേവോ വാഗീശശ്ചിന്താതിമിരഭാസ്കരഃ ॥ 94 ॥
ഗൌരീപതിസ്തുങ്ഗമൌലിര്‍മഖരാജോ മഹാകവിഃ ।
ശ്രീധരസ്സര്‍വസിദ്ധേശോ വിശ്വനാഥോ ദയാനിധിഃ ॥ 95 ॥
അന്തര്‍മുഖോ ബഹിര്‍ദൃഷ്ടിഃ സിദ്ധവേഷമനോഹരഃ ।
കൃത്തിവാസാഃ കൃപാസിന്ധുര്‍മന്ത്രസിദ്ധോ മതിപ്രദഃ ॥ 96 ॥
മഹോത്കൃഷ്ടഃ പുണ്യകരോ ജഗത്സാക്ഷീ സദാശിവഃ ।
മഹാക്രതുര്‍മഹായജ്വാ വിശ്വകര്‍മാ തപോനിധിഃ ॥ 97 ॥
ഛന്ദോമയോ മഹാജ്ഞാനീ സര്‍വജ്ഞോ ദേവവന്ദിതഃ ।
സാര്‍വഭൌമസ്സദാനന്ദഃ കരുണാമൃതവാരിധിഃ ॥ 98 ॥
കാലകാലഃ കലിധ്വംസീ ജരാമരണനാശകഃ ।
ശിതികണ്ഠശ്ചിദാനന്ദോ യോഗിനീഗണസേവിതഃ ॥ 99 ॥
ചണ്ഡീഈശഃ ശുകസംവേദ്യഃ പുണ്യശ്ലോകോ ദിവസ്പതിഃ ।
സ്ഥായീ സകലതത്ത്വാത്മാ സദാസേവകവര്‍ധനഃ ॥ 100 ॥
രോഹിതാശ്വഃ ക്ഷമാരൂപീ തപ്തചാമീകരപ്രഭഃ ।
ത്രിയംബകോ വരരുചിര്‍ദേവദേവശ്ചതുര്‍ഭുജഃ ॥ 101।
വിശ്വംഭരോ വിചിത്രാങ്ഗോ വിധാതാ പുരശാസനഃ ।
സുബ്രഹ്മണ്യോ ജഗത്സ്വാമീ രോഹിതാക്ഷഃ ശിവോത്തമഃ ॥ 102 ॥
നക്ഷത്രമാലാഭരണോ മഘവാന്‍ അഘനാസനഃ ।
വിധികര്‍താ വിധാനജ്ഞഃ പ്രധാനപുരുഷേശ്വരഃ ॥ 103 ॥
ചിന്താമണിഃ സുരഗുരുര്‍ധ്യേയോ നീരാജനപ്രിയഃ ।
ഗോവിന്ദോ രാജരാജേശോ ബഹുപുഷ്പാര്‍ചനപ്രിയഃ ॥ 104 ॥।
സര്‍വാനന്ദോ ദയാരൂപീ ശൈലജാസുമനോഹരഃ ।
സുവിക്രമഃ സര്‍വഗതോ ഹേതുസാധനവര്‍ജിതഃ ॥ 105 ॥
വൃഷാങ്കോ രമണീയാങ്ഗഃ സദങ്ഘ്രിഃ സാമപാരഗഃ ।
മന്ത്രാത്മാ കോടികന്ദര്‍പസൌന്ദര്യരസവാരിധിഃ ॥ 106 ॥
യജ്ഞേശോ യജ്ഞപുരുഷഃ സൃഷ്ടിസ്ഥിത്യന്തകാരണം ।
പരഹംസൈകജിജ്ഞാസ്യഃ സ്വപ്രകാശസ്വരൂപവാന്‍ ॥ 107 ॥
മുനിമൃഗ്യോ ദേവമൃഗ്യോ മൃഗഹസ്തോ മൃഗേശ്വരഃ ।
മൃഗേന്ദ്രചര്‍മവസനോ നരസിംഹനിപാതനഃ ॥ 108 ॥
മുനിവന്ദ്യോ മുനിശ്രേഷ്ഠോ മുനിബൃന്ദനിഷേവിതഃ ।
ദുഷ്ടമൃത്യുരദുഷ്ടേഹോ മൃത്യുഹാ മൃത്യുപൂജിതഃ ॥ 109 ॥
അവ്യക്തോഽംബുജജന്‍മാദികോടികോടിസുപൂജിതഃ ।
ലിങ്ഗമൂര്‍തിരലിങ്ഗാത്മാ ലിങ്ഗാത്മാ ലിങ്ഗവിഗ്രഹഃ ॥ 110 ॥
യജുര്‍മൂര്‍തിഃ സാമമൂര്‍തിരൃങ്മൂര്‍തിര്‍മൂര്‍തിവര്‍ജിതഃ ।
വിശ്വേശോ ഗജചര്‍മൈകചേലാഞ്ചിതകടീതടഃ ॥ 111 ॥
പാവനാന്തേവസദ്യോഗിജനസാര്‍ഥസുധാകരഃ ।
അനന്തസോമസൂര്യാഗ്നിമണ്ഡലപ്രതിമപ്രഭഃ ॥ 112 ॥
ചിന്താശോകപ്രശമനഃ സര്‍വവിദ്യാവിശാരദഃ ।
ഭക്തവിജ്ഞാപ്തിസന്ധാതാ കര്‍താ ഗിരിവരാകൃതിഃ ॥ 113 ॥
ജ്ഞാനപ്രദോ മനോവാസഃ ക്ഷേംയോ മോഹവിനാശനഃ ।
സുരോത്തമശ്ചിത്രഭാനുഃ സദാവൈഭവതത്പരഃ ॥ 114 ॥
സുഹൃദഗ്രേസരഃ സിദ്ധജ്ഞാനമുദ്രോ ഗണാധിപഃ ।
ആഗമശ്ചര്‍മവസനോ വാഞ്ഛിതാര്‍ഥഫലപ്രദഃ ॥ 115 ॥
അന്തര്‍ഹിതോഽസമാനശ്ച ദേവസിംഹാസനാധിപഃ ।
വിവാദഹന്താ സര്‍വാത്മാ കാലഃ കാലവിവര്‍ജിതഃ ॥ 116 ॥
വിശ്വാതീതോ വിശ്വകര്‍താ വിശ്വേശോ വിശ്വകാരണം ।
യോഗിധ്യേയോ യോഗനിഷ്ഠോ യോഗാത്മാ യോഗവിത്തമഃ ॥ 117 ॥
ഓംകാരരൂപോ ഭഗവാന്‍ ബിന്ദുനാദമയഃ ശിവഃ ।
ചതുര്‍മുഖാദിസംസ്തുത്യശ്ചതുര്‍വര്‍ഗഫലപ്രദഃ ॥ 118 ॥
സഹ്യാചലഗുഹാവാസീ സാക്ഷാന്‍മോക്ഷരസാമൃതഃ ।
ദക്ഷാധ്വരസമുച്ഛേത്താ പക്ഷപാതവിവര്‍ജിതഃ ॥ 119 ॥
ഓംകാരവാചകഃ ശംഭുഃ ശംകരഃ ശശിശീതലഃ ।
പങ്കജാസനസംസേവ്യഃ കിംകരാമരവത്സലഃ ॥ 120 ॥
നതദൌര്‍ഭാഗ്യതൂലാഗ്നിഃ കൃതകൌതുകമങ്ഗലഃ ।
ത്രിലോകമോഹനഃ ശ്രീമത്ത്രിപുണ്ഡ്രാങ്കിതമസ്തകഃ ॥ 121 ॥
ക്രൌഞ്ചാരിജനകഃ ശ്രീമദ്ഗണനാഥസുതാന്വിതഃ ।
അദ്ഭുതാനന്തവരദോഽപരിച്ഛിനാത്മവൈഭവഃ ॥ 122 ॥
ഇഷ്ടാപൂര്‍തപ്രിയഃ ശര്‍വ ഏകവീരഃ പ്രിയംവദഃ ।
ഊഹാപോഹവിനിര്‍മുക്ത ഓംകാരേശ്വരപൂജിതഃ ॥ 123 ॥
രുദ്രാക്ഷവക്ഷാ രുദ്രാക്ഷരൂപോ രുദ്രാക്ഷപക്ഷകഃ ।
ഭുജഗേന്ദ്രലസത്കണ്ഠോ ഭുജങ്ഗാഭരണപ്രിയഃ ॥ 124 ॥
കല്യാണരൂപഃ കല്യാണഃ കല്യാണഗുണസംശ്രയഃ ।
സുന്ദരഭ്രൂഃ സുനയനഃ സുലലാടഃ സുകന്ധരഃ ॥ 125 ॥
വിദ്വജ്ജനാശ്രയോ വിദ്വജ്ജനസ്തവ്യപരാക്രമഃ ।
വിനീതവത്സലോ നീതിസ്വരൂപോ നീതിസംശ്രയഃ ॥ 126 ॥
അതിരാഗീ വീതരാഗീ രാഗഹേതുര്‍വിരാഗവിത് ।
രാഗഹാ രാഗശമനോ രാഗദോ രാഗിരാഗവിത് ॥ 127 ॥
മനോന്‍മനോ മനോരൂപോ ബലപ്രമഥനോ ബലഃ ।
വിദ്യാകരോ മഹാവിദ്യോ വിദ്യാവിദ്യാവിശാരദഃ ॥ 128 ॥
വസന്തകൃദ്വസന്താത്മാ വസന്തേശോ വസന്തദഃ ।
പ്രാവൃട്കൃത് പ്രാവൃഡാകാരഃ പ്രാവൃട്കാലപ്രവര്‍തകഃ ॥ 129 ॥
ശരന്നാഥോ ശരത്കാലനാശകഃ ശരദാശ്രയഃ ।
കുന്ദമന്ദാരപുഷ്പൌഘലസദ്വായുനിഷേവിതഃ ॥ 130 ॥
ദിവ്യദേഹപ്രഭാകൂടസംദീപിതദിഗന്തരഃ ।
ദേവാസുരഗുരുസ്തവ്യോ ദേവാസുരനമസ്കൃതഃ ॥ 131 ॥
വാമാങ്ഗഭാഗവിലസച്ഛ്യാമലാവീക്ഷണപ്രിയഃ ।
കീര്‍ത്യാധാരഃ കീര്‍തികരഃ കീര്‍തിഹേതുരഹേതുകഃ ॥ 132 ॥
ശരണാഗതദീനാര്‍തപരിത്രാണപരായണഃ ।
മഹാപ്രേതാസനാസീനോ ജിതസര്‍വപിതാമഹഃ ॥ 133 ॥
മുക്താദാമപരീതാങ്ഗോ നാനാഗാനവിശാരദഃ ।
വിഷ്ണുബ്രഹ്മാദിവന്ദ്യാങ്ഘ്രിര്‍നാനാദേശൈകനായകഃ ॥ 134 ॥
ധീരോദാത്തോ മഹാധീരോ ധൈര്യദോ ധൈര്യവര്‍ധകഃ ।
വിജ്ഞാനമയ ആനന്ദമയഃ പ്രാണമയോഽന്നദഃ ॥ 135 ॥
ഭവാബ്ധിതരണോപായഃ കവിര്‍ദുഃസ്വപ്നനാശനഃ ।
ഗൌരീവിലാസസദനഃ പിശചാനുചരാവൃതഃ ॥ 136 ॥
ദക്ഷിണാപ്രേമസംതുഷ്ടോ ദാരിദ്ര്യവഡവാനലഃ ।
അദ്ഭുതാനന്തസംഗ്രാമോ ഡക്കാവാദനതത്പരഃ ॥ 137 ॥
പ്രാച്യാത്മാ ദക്ഷിണാകാരഃ പ്രതീച്യാത്മോത്തരാകൃതിഃ ।
ഊര്‍ധ്വാദ്യന്യദിഗാകാരോ മര്‍മജ്ഞഃ സര്‍വശിക്ഷകഃ ॥ 138 ॥
യുഗാവഹോ യുഗാധീശോ യുഗാത്മാ യുഗനായകഃ ।
ജങ്ഗമഃ സ്ഥാവരാകാരഃ കൈലാസശിഖരപ്രിയഃ ॥ 139 ॥
ഹസ്തരാജത്പുണ്ഡരീകഃ പുണ്ഡരീകനിഭേക്ഷണഃ ।
ലീലാവിഡംബിതവപുര്‍ഭക്തമാനസമണ്ഡിതഃ ॥ 140 ॥
ബൃന്ദാരകപ്രിയതമോ ബൃന്ദാരകവരാര്‍ചിതഃ ।
നാനാവിധാനേകരത്നലസത്കുണ്ഡലമണ്ഡിതഃ ॥ 141 ॥
നിഃസീമമഹിമാ നിത്യലീലാവിഗ്രഹരൂപധൃത് ।
ചന്ദനദ്രവദിഗ്ധാങ്ഗശ്ചാമ്പേയകുസുമാര്‍ചിതഃ ॥ 142 ॥
സമസ്തഭക്തസുഖദഃ പരമാണുര്‍മഹാഹ്രദഃ ।
അലൌകികോ ദുഷ്പ്രധര്‍ഷഃ കപിലഃ കാലകന്ധരഃ ॥ 143 ॥
കര്‍പൂരഗൌരഃ കുശലഃ സത്യസന്ധോ ജിതേന്ദ്രിയഃ ।
ശാശ്വതൈശ്വര്യവിഭവഃ പോഷകഃ സുസമാഹിതഃ ॥ 144 ॥
മഹര്‍ഷിനാഥിതോ ബ്രഹ്മയോനിഃ സര്‍വോത്തമോത്തമഃ ।
ഭൂതിഭാരാര്‍തിസംഹര്‍താ ഷഡൂര്‍മിരഹിതോ മൃഡഃ ॥ 145 ॥
ത്രിവിഷ്ടപേശ്വരഃ സര്‍വഹൃദയാംബുജമധ്യഗഃ ।
സഹസ്രദലപദ്മസ്ഥഃ സര്‍വവര്‍ണോപശോഭിതഃ ॥ 146 ॥
പുണ്യമൂര്‍തിഃ പുണ്യലഭ്യഃ പുണ്യശ്രവണകീര്‍തനഃ ।
സൂര്യമണ്ഡലമധ്യസ്ഥശ്ചന്ദ്രമണ്ഡലമധ്യഗഃ ॥ 147 ॥
സദ്ഭക്തധ്യാനനിഗലഃ ശരണാഗതപാലകഃ ।
ശ്വേതാതപത്രരുചിരഃ ശ്വേതചാമരവീജിതഃ ॥ 148 ॥
സര്‍വാവയവസമ്പൂര്‍ണഃ സര്‍വലക്ഷണലക്ഷിതഃ ।
സര്‍വമങ്ഗലമാങ്ഗല്യഃ സര്‍വകാരണകാരണഃ ॥ 149 ॥
അമോദോ മോദജനകഃ സര്‍പരാജോത്തരീയകഃ ।
കപാലീ കോവിദഃ സിദ്ധകാന്തിസംവലിതാനനഃ ॥ 150 ॥
സര്‍വസദ്ഗുരുസംസേവ്യോ ദിവ്യചന്ദനചര്‍ചിതഃ ।
വിലാസിനീകൃതോല്ലാസ ഇച്ഛാശക്തിനിഷേവിതഃ ॥ 151 ॥
അനന്താനന്ദസുഖദോ നന്ദനഃ ശ്രീനികേതനഃ ।
അമൃതാബ്ധികൃതാവാസോ നിത്യക്ലീബോ നിരാമയഃ ॥ 152 ॥
അനപായോഽനന്തദൃഷ്ടിരപ്രമേയോഽജരോഽമരഃ ।
തമോമോഹപ്രതിഹതിരപ്രതര്‍ക്യോഽമൃതോഽക്ഷരഃ ॥ 153 ॥
അമോഘബുദ്ധിരാധാര ആധാരാധേയവര്‍ജിതഃ ।
ഈഷണാത്രയനിര്‍മുക്ത ഇഹാമുത്രവിവര്‍ജിതഃ ॥ 154 ॥
ഋഗ്യജുഃസാമനയനോ ബുദ്ധിസിദ്ധിസമൃദ്ധിദഃ ।
ഔദാര്യനിധിരാപൂര്‍ണ ഐഹികാമുഷ്മികപ്രദഃ ॥ 155 ॥
ശുദ്ധസന്‍മാത്രസംവിദ്ധീ-സ്വരൂപസുഖവിഗ്രഹഃ ।
ദര്‍ശനപ്രഥമാഭാസോ ദൃഷ്ടിദൃശ്യവിവര്‍ജിതഃ ॥ 156 ॥
അഗ്രഗണ്യോഽചിന്ത്യരൂപഃ കലികല്‍മഷനാശനഃ ।
വിമര്‍ശരൂപോ വിമലോ നിത്യരൂപോ നിരാശ്രയഃ ॥ 157 ॥
നിത്യശുദ്ധോ നിത്യബുദ്ധഃ നിത്യമുക്തോഽപരാകൃതഃ ।
മൈത്ര്യാദിവാസനാലഭ്യോ മഹാപ്രലയസ<ംസ്ഥിതഃ ॥ 158 ॥
മഹാകൈലാസനിലയഃ പ്രജ്ഞാനഘനവിഗ്രഹഃ ।
ശ്രീമാന്‍ വ്യാഘ്രപുരാവാസോ ഭുക്തിമുക്തിപ്രദായകഃ ॥ 159 ॥
ജഗദ്യോനിര്‍ജഗത്സാക്ഷീ ജഗദീശോ ജഗന്‍മയഃ ।
ജപോ ജപപരോ ജപ്യോ വിദ്യാസിംഹാസനപ്രഭുഃ ॥ 160 ॥
തത്ത്വാനാം പ്രകൃതിസ്തത്ത്വം തത്ത്വമ്പദനിരൂപിതഃ ।
ദിക്കാലാദ്യനവച്ഛിന്നഃ സഹജാനന്ദസാഗരഃ ॥ 161 ॥
പ്രകൃതിഃ പ്രാകൃതാതീതോ വിജ്ഞാനൈകരസാകൃതിഃ ।
നിഃശങ്കമതിദൂരസ്ഥശ്ചൈത്യചേതനചിന്തനഃ ॥ 162 ॥
താരകാനാം ഹൃദന്തസ്ഥസ്താരകസ്താരകാന്തകഃ ।
ധ്യാനൈകപ്രകടോ ധ്യേയോ ധ്യാനീ ധ്യാനവിഭൂഷണഃ ॥ 163 ॥
പരം വ്യോമ പരം ധാമ പരമാത്മാ പരം പദം ।
പൂര്‍ണാനന്ദഃ സദാനന്ദോ നാദമധ്യപ്രതിഷ്ഠിതഃ ॥ 164 ॥
പ്രമാവിപര്യയാതീതഃ പ്രണതാജ്ഞാനനാശകഃ ।
ബാണാര്‍ചിതാങ്ഘ്രിര്‍ബഹുദോ ബാലകേലികുതൂഹലീ ॥ 165 ॥
ബ്രഹ്മരൂപീ ബ്രഹ്മപദം ബ്രഹ്മവിദ് ബ്രാഹ്മണപ്രിയഃ ।
ഭൂക്ഷേപദത്തലക്ഷ്മീകോ ഭൂമധ്യധ്യാനലക്ഷിതഃ ॥ 166 ॥
യശസ്കരോ രത്നഗര്‍ഭോ മഹാരാജ്യസുഖപ്രദഃ ।
ശബ്ദബ്രഹ്മ ശമപ്രാപ്യോ ലാഭകൃല്ലോകവിശ്രുതഃ ॥ 167 ॥
ശാസ്താ ശിവാദ്രിനിലയഃ ശരണ്യോ യാജകപ്രിയഃ ।
സംസാരവൈദ്യഃ സര്‍വജ്ഞഃ സഭേഷജവിഭേഷജഃ ॥ 168 ॥
മനോവചോഭിരഗ്രാഹ്യഃ പഞ്ചകോശവിലക്ഷണഃ ।
അവസ്ഥാത്രയനിര്‍മുക്തസ്ത്വവസ്ഥാസാക്ഷിതുര്യകഃ ॥ 169 ॥
പഞ്ചഭൂതാദിദൂരസ്ഥഃ പ്രത്യഗേകരസോഽവ്യയഃ ।
ഷട്ചക്രാന്തര്‍ഗതോല്ലാസീ ഷഡ്വികാരവിവര്‍ജിതഃ ॥ 170 ॥
വിജ്ഞാനഘനസമ്പൂര്‍ണോ വീണാവാദനതത്പരഃ ।
നീഹാരാകാരഗൌരാങ്ഗോ മഹാലാവണ്യവാരിധിഃ ॥ 171 ॥
പരാഭിചാരശമനഃ ഷഡധ്വോപരിസംസ്ഥിതഃ ।
സുഷുംനാമാര്‍ഗസംചാരീ ബിസതന്തുനിഭാകൃതിഃ ॥ 172 ॥
പിനാകീ ലിങ്ഗരൂപശ്രീഃ മങ്ഗലാവയവോജ്ജ്വലഃ ।
ക്ഷേത്രാധിപഃ സുസംവേദ്യഃ ശ്രീപ്രദോ വിഭവപ്രദഃ ॥ 173 ॥
സര്‍വവശ്യകരഃ സര്‍വദോഷഹാ പുത്രപൌത്രദഃ ।
തൈലദീപപ്രിയസ്തൈലപക്വാന്നപ്രീതമാനസഃ ॥ 174 ॥
തൈലാഭിഷേകസംതുഷ്ടസ്തിലഭക്ഷണതത്പരഃ ।
ആപാദകനികാമുക്താഭൂഷാശതമനോഹരഃ ॥ 175 ॥
ശാണോല്ലീഢമണിശ്രേണീരംയാങ്ഘ്രിനഖമണ്ഡലഃ ।
മണിമഞ്ജീരകിരണകിഞ്ജല്‍കിതപദാംബുജഃ ॥ 176 ॥
അപസ്മാരോപരിന്യസ്തസവ്യപാദസരോരുഹഃ ।
കന്ദര്‍പതൂണാഭജങ്ഘോ ഗുല്‍ഫോദഞ്ചിതനൂപുരഃ ॥ 177 ॥
കരിഹസ്തോപമേയോരുരാദര്‍ശോജ്ജ്വലജാനുഭൃത് ।
വിശങ്കടകടിന്യസ്തവാചാലമണിമേഖലഃ ॥ 178 ॥
ആവര്‍തനാഭിരോമാലിവലിമത്പല്ലവോദരഃ ।
മുക്താഹാരലസത്തുങ്ഗവിപുലോരസ്കരഞ്ജിതഃ ॥ 179 ॥
വീരാസനസമാസീനോ വീണാപുസ്തോല്ലസത്കരഃ ।
അക്ഷമാലാലസത്പാണിശ്ചിന്‍മുദ്രിതകരാംബുജഃ ॥ 180 ॥
മാണിക്യകങ്കണോല്ലാസികരാംബുജവിരാജിതഃ ।
അനര്‍ഘരത്നഗ്രൈവേയവിലസത്കംബുകന്ധരഃ ॥ 181 ॥
അനാകലിതസാദൃശ്യചിബുകശ്രീവിരാജിതഃ ।
മുഗ്ധസ്മിതപരീപാകപ്രകാശിതരദാങ്കുരഃ ॥ 182 ॥
ചാരുചാമ്പേയപുഷ്പാഭനാസികാപുടരഞ്ജിതഃ ।
വരവജ്രശിലാദര്‍ശപരിഭാവികപോലഭൂഃ ॥ 183 ॥
കര്‍ണദ്വയോല്ലസദ്ദിവ്യമണികുണ്ഡലമണ്ഡിത്തഃ ।
കരുണാലഹരീപൂര്‍ണകര്‍ണാന്തായതലോചനഃ ॥ 184 ॥
അര്‍ധചന്ദ്രാഭനിടിലപാടീരതിലകോജ്ജ്വലഃ ।
ചാരുചാമീകരാകാരജടാചര്‍ചിതചന്ദനഃ ।
കൈലാസശിഖരസ്ഫര്‍ധികമനീയനിജാകൃതിഃ ॥ 185 ॥
ഇതി ശ്രീദക്ഷിണാമൂര്‍തിസഹസ്രനാമസ്തോത്രം സമ്പൂര്‍ണം ॥
॥ ഓം തത് സത് ॥