॥ Nateshvara Sahasranama Stotrasya Uttarapithika Odia Lyrics ॥
॥ ନଟେଶ୍ଵରସହସ୍ରନାମସ୍ତୋତ୍ରସ୍ୟ ଉତ୍ତରପୀଠିକା ॥
ଶ୍ରୀଗଣେଶାୟ ନମଃ ।
ଶ୍ରୀଚିଦମ୍ବରନଟେଶ୍ଵର ସହସ୍ରନାମସ୍ତୋତ୍ରସ୍ୟ ଉତ୍ତରପୀଠିକା ॥
ଇତି ତେ କଥିତଂ ଦେଵି ନଟରାଜସ୍ୟ ସୁନ୍ଦରମ୍ ।
ନାମ୍ନାଂ ସହସ୍ରମତ୍ୟନ୍ତଂ ଗୋପ୍ୟଂ ନେଦଂ ପ୍ରକାଶୟେତ୍ ॥ ୧ ॥
ସର୍ଵସିଦ୍ଧିକରଂ ପୁଣ୍ୟଂ ସର୍ଵଵିଦ୍ୟାଵିଵର୍ଧନମ୍ ।
ସମ୍ପଦ୍ପ୍ରଦମିଦଂ ନୃଣାଂ ସର୍ଵାପଦ୍ଘ୍ନମଘାପହମ୍ ॥ ୨ ॥
ଅଭିଚାର ପ୍ରୟୋଗାଦି ମହାକୃତ୍ୟ ନିଵାରଣମ୍ ।
ଅପସ୍ମାର ମହାଵ୍ୟାଧି ଜ୍ଵରକୁଷ୍ଠାଦି ନାଶନମ୍ ॥ ୩ ॥
ଅତ୍ୟୁତ୍ପାଦ ଭୟକ୍ଷୋଭ କ୍ଷୁଦ୍ରଶାନ୍ତିଦ କାରଣମ୍ ।
କୂଶ୍ମାଣ୍ଡ ରୁଦ୍ର ଵେତାଲ ଶାକିନ୍ୟାଦି ଭୟାପହମ୍ ॥ ୪ ॥
ସ୍ମରଣାଦେଵ ଜନ୍ତୂନାଂ ବ୍ରହ୍ମହତ୍ୟାଦି ନାଶନମ୍ ।
ଅସ୍ମାତ୍ପରତରଂ ସ୍ତୋତ୍ରଂ ନାସ୍ତି ଲୋକତ୍ରୟେଽମ୍ବିକେ ॥ ୫ ॥
ଏତନ୍ନାମ ସହସ୍ରସ୍ୟ ପଠନାତ୍ ସକୃଦେଵ ହି ।
ମହାପାତକୟୁକ୍ତୋଽପି ଶିଵସାୟୁଜ୍ୟମାପ୍ନୁୟାତ୍ ॥ ୬ ॥
ପ୍ରୟୋଗଲକ୍ଷଣଂ ଵକ୍ଷ୍ୟେ ଶୃଣୁ ଶୈଲସୁତେଽଧୁନା ।
ପଜ୍ଚମ୍ୟାମଥଵାଽଷ୍ଟମ୍ୟାଂ ଦଶମ୍ୟାଂ ଵା ଵିଶେଷତଃ ॥ ୭ ॥
ସ୍ନାତ୍ଵା ଶୁଭାସନେ ସ୍ଥିତ୍ଵା ଧ୍ୟାୟନ୍ ଶ୍ରୀନଟନାୟକମ୍ ।
ପ୍ରଜପେତ୍ଦ୍ଵାଦଶାଵୃତ୍ୟା ସର୍ଵାନ୍ କାମାନ୍ ଲଭେନ୍ନର। ॥ ୮ ॥
ଆର୍ଦ୍ରାୟାଂ ପ୍ରାତରାରଭ୍ୟ ନଟରାଜସ୍ୟ ସନ୍ନିଧୌ ।
ଆସାୟଂ ପ୍ରଜପେଦେତତ୍ ଏଵଂ ସଂଵତ୍ସରତ୍ରୟମ୍ ॥ ୯ ॥
ତସ୍ୟ ଭକ୍ତସ୍ୟ ଦେଵେଶୋ ନଟନଂ ଦର୍ଶୟେତ୍ପ୍ରଭୁଃ ।
ବିଲ୍ଵଵୃକ୍ଷସ୍ୟ ନିକଟେ ତ୍ରିଵାରଂ ପ୍ରଜପେଦିଦମ୍ ॥ ୧୦ ॥
ଷଡ୍ଭିର୍ମାସୈର୍ମହୈଶ୍ଵର୍ୟଂ ଲଭତେ ନ ଚିରାନ୍ନରଃ ।
ଅନେନ ସ୍ତୋତ୍ରରାଜେନ ମନ୍ତ୍ରିତଂ ଭସ୍ମଧାରୟେତ୍ ॥ ୧୧ ॥
ଭସ୍ମାଵଲୋକନାନ୍ମୃତ୍ୟୁର୍ଵଶ୍ୟୋ ଭଵତି ତତ୍କ୍ଷଣାତ୍ ।
ସଲିଲଂ ପ୍ରାଶୟେଦ୍ଧୀମାନ୍ ମନ୍ତ୍ରେଣାନେନ ମନ୍ତ୍ରିତମ୍ ॥ ୧୨ ॥
ସର୍ଵଵିଦ୍ୟାମୟୋ ଭୂତ୍ଵା ଵ୍ୟାକରୋତ୍ୟଶ୍ରୁତାଦିକମ୍ ।
ନାଟକାଦି ମହାଗ୍ରନ୍ଥଂ କୁରୁତେ ନାତ୍ର ସଂଶୟଃ ॥ ୧୩ ॥
ଚତୁର୍ଥ୍ୟନ୍ତଂ ସମୁଚ୍ଚାର୍ୟନାମୈକୈକଂ ତତୋ ଜପେତ୍ ।
ପଞ୍ଚାକ୍ଷରଂ ତଥା ନାମ୍ନାଂ ସହସ୍ରଂ ପ୍ରଜପେତ୍କ୍ରମାତ୍ ॥ ୧୪ ॥
ଏଵଂ ତ୍ରିଵାରଂ ମାସାନାମଷ୍ଟାଵିଂଶତିକେ ଗତେ ।
ନିଗ୍ରହାନୁଗ୍ରହୌ କର୍ତୁଂ ଶକ୍ତିରସ୍ୟୋପଜାୟତେ ॥ ୧୫ ॥
ନାମ୍ନାମାଦୌ ତଥାନ୍ତେ ଚ ପଞ୍ଚାକ୍ଷରମହାମନୁମ୍ ।
ଜପ୍ତ୍ଵା ମଧ୍ୟସ୍ଥିତଂ ନାମ ନିର୍ମମୋନ୍ତଂ ସଦା ସକୃତ୍ ॥ ୧୬ ॥
ଚତୁର୍ଥ୍ୟନ୍ତଂ ଜପେଦ୍ଵିଦ୍ଵାନ୍ ତ୍ରିଵର୍ଷଂ ଚ ତ୍ରିମାସକୈଃ ।
ଅଣିମାଦି ମହାସିଦ୍ଧି ରଚିରାତ୍ ପ୍ରାପ୍ନୁୟାଦ୍ଧ୍ରୁଵମ୍ ॥ ୧୭ ॥
ସର୍ଵେଷ୍ଵପି ଚ ଲୋକେଷୁ ସିଦ୍ଧଃ ସନ୍ଵିଚରେନ୍ନରଃ ।
ଲକ୍ଷ୍ମୀବୀଜ ଦ୍ଵୟକ୍ଷିପ୍ତମାଦ୍ୟଂ ତନ୍ନାମ ୟଃ ଶିଵେ ॥ ୧୮ ॥
ଵାଞ୍ଛିତାଂ ଶ୍ରିୟମାପ୍ନୋତି ସତ୍ୟମୁକ୍ତଂ ଵରାନନେ ।
ହଲ୍ଲେଖାମନ୍ତ୍ର ସଂୟୁକ୍ତଂ ପୂର୍ଵଵତ୍ ସଂୟୁତଂ ଜପେତ୍ ॥ ୧୯ ॥
ୟୋଗସିଦ୍ଧିର୍ଭଵେତ୍ତସ୍ୟ ତ୍ରିଚତୁଃ ପଞ୍ଚଵତ୍ସରୈଃ ।
କିମତ୍ର ବହୁନୋକ୍ତେନ ୟାୟା ସିଦ୍ଧିରଭୀପ୍ସିତା ॥ ୨୦ ॥
ତାଂ ତାଂ ସିଦ୍ଧିଂ ଲଭେନ୍ମର୍ତ୍ୟଃ ସତ୍ୟମେଵ ମୟୋଦିତମ୍ ।
କଣ୍ଠଦଘ୍ନଜଲେସ୍ଥିତ୍ଵା ତ୍ରିଵାରଂ ପ୍ରଜପେଦିଦମ୍ ॥ ୨୧ ॥
ରିପୂନୁଚ୍ଵାଟୟେଚ୍ଛୀଘ୍ରମେକେନୈଵ ଦିନେନ ସଃ ।
ଦକ୍ଷିଣାଭିମୁଖୋଭୂତ୍ଵା ଧୃତ୍ଵାଽଽର୍ଦ୍ରଵସନଂ ଶୁଚିଃ ॥ ୨୨ ॥
ଶତ୍ରୁନାମସମୁଚ୍ଵାର୍ୟ ମାରୟେତିପଦାଙ୍କିତମ୍ ।
ପଠେଦିଦଂ ସ୍ତଵଂ କ୍ରୋଧାତ୍ ସପ୍ତକୃତ୍ଵସ୍ତ୍ରିଭିର୍ଦିନୈଃ ॥ ୨୩ ॥
ସ ରିପୁର୍ମୃତ୍ୟୁଗେହସ୍ୟ ଧ୍ରୁଵମାତିଥ୍ୟଭାଗ୍ଭଵେତ୍ ।
ହରିଦ୍ରୟା ନଟାଧୀଶଂ କୃତ୍ଵା ପ୍ରାଣାନ୍ ପ୍ରତିଷ୍ଠିପେତ୍ ॥ ୨୪ ॥
ପୀତପୁଷ୍ପୈଃ ସମଭ୍ୟର୍ଚ୍ୟ ସ୍ତୋତ୍ରମେତଜ୍ଜପେନ୍ନରଃ ।
ସ୍ତମ୍ଭୟେତ୍ସକଲାନ୍ଲୋକାନ୍ କିମିହକ୍ଷୁଦ୍ରମାନୁଷାନ୍ ॥ ୨୫ ॥
ଆକର୍ଷଣାୟ ସର୍ଵେଷାମୁତ୍ତରାଭିମୁଖୋଜପେତ୍ ।
ଵାଞ୍ଛିତାୟୋଷିତସ୍ସର୍ଵାସ୍ତଥା ଲୋକାନ୍ତରସ୍ଥିତାଃ ॥ ୨୬ ॥
ୟକ୍ଷାଶ୍ଚ କିନ୍ନରାଶ୍ଚାପି ରାଜାନୋଵଶମାପ୍ନୁୟୁଃ ।
କୁମ୍ଭସ୍ଥିତଂ ଜଲଂସ୍ପୃଷ୍ଟ୍ଵା ତ୍ରିଵାରଂ ପ୍ରଜପେଦିଦମ୍ ॥ ୨୭ ॥
ମହାଗ୍ରହଗଣଗ୍ରସ୍ତାନ୍ ଅଭିଷେକଞ୍ଚକାରୟେତ୍ ।
ଜଲସ୍ପର୍ଶନମାତ୍ରେଣମୁଚ୍ୟତେ ଚ ଗ୍ରହାଦିଭିଃ ॥ ୨୮ ॥
କିମତ୍ର ବହୁନୋକ୍ତେନ ସିଦ୍ଧୟନ୍ତ୍ୟଖିଲସିଦ୍ଧୟଃ ।
ସାକ୍ଷାନ୍ନଟେଶ୍ଵରୋ ଦେଵୋ ଵଶ୍ୟୋ ଭଵତି ତତ୍କ୍ଷଣାତ୍ ॥ ୨୯ ॥
(ଶୈଲଜେ ॥ )
ଅସ୍ମାତ୍ପରତରାସିଦ୍ଧିଃ କାଵାସ୍ତିକଥୟପ୍ରିୟେ ।
ନିଷ୍କାମସ୍ୟାଚିରାଦେଵ ବ୍ରହ୍ମଜ୍ଞାନମଵାପ୍ୟତେ ॥ ୩୦ ॥
ତସ୍ମାତ୍ସର୍ଵପ୍ରୟତ୍ନେନ ୟତିଭିର୍ବ୍ରହ୍ମଚାରିଭିଃ ।
ଵନସ୍ଥୈଶ୍ଚ ଗୃହସ୍ଥୈଶ୍ଚ ସର୍ଵୈର୍ଜପ୍ୟଂ ପ୍ରୟତ୍ନତଃ ॥ ୩୧ ॥
ନିତ୍ୟକର୍ମଵଦେଵେଦଂ ସ୍ତୋତ୍ରଂ ଜପ୍ୟଂ ସଦାଦରାତ୍ ।
ବ୍ରହ୍ମାଦୟୋଽପି ୟନ୍ନାମ ପାଠସ୍ୟୈଵ ପ୍ରସାଦତଃ ॥ ୩୨ ॥
ସୃଷ୍ଟିତ୍ଵିତ୍ୟନ୍ତକର୍ତାରୋ ଜଗତାଂ ଚିରଜୀଵିନଃ ।
ୟଦିଦଂ ମୁନୟଃ ସର୍ଵେ ହୟଗ୍ରୀଵାଦୟଃ ପୁରା ॥ ୩୩ ॥
ପଠିତ୍ଵା ପରମାଂ ସିଦ୍ଧିଂ ପୁନରାଵୃତ୍ତିଵର୍ଜିତାମ୍ ।
ପ୍ରାପିରେ ତଦିଦଂ ସ୍ତୋତ୍ରଂ ପଠତ୍ଵମପି ଶୈଲଜେ ॥ ୩୪ ॥
ଅସ୍ମାତ୍ ପରତରଂ ଵେଦ୍ୟଂ ନାସ୍ତି ସତ୍ୟଂ ମୟୋଦିତମ୍ ।
॥ ଇତ୍ୟୁତ୍ତର ପୀଠିକା ॥
ଇତ୍ୟାକାଶଭୈରଵକଲ୍ପେ ପ୍ରତ୍ୟକ୍ଷସିଦ୍ଧିପ୍ରଦେ ଉମାମହେଶ୍ଵରସଂଵାଦେ
ପଞ୍ଚଵିଂଶତିମୂର୍ତିପ୍ରକରଣେ ତତ୍ଵାତୀତ ଶ୍ରୀ ଚିଦମ୍ବର
ନଟେଶ୍ଵର ସହସ୍ରନାମସ୍ତୋତ୍ରମାଲାମହାମନୋପଦଶୋ
ନାମ ଏକୋନଷଷ୍ଟିତମୋଽଧ୍ୟାୟଃ
॥ ଓଂ ଶିଵମସ୍ତୁ ॥
– Chant Stotra in Other Languages –
1000 Names of Nateshwara – Sahasranama Stotram Uttara PIthika in Sanskrit – English – Bengali – Gujarati – – Kannada – Malayalam – Odia – Telugu – Tamil