॥ Shakini SadaShiva Stavana MangalaSahasranamastotram Bengali Lyrics ॥
॥ শাকিনীসদাশিবস্তবনমঙ্গলাষ্টোত্তরসহস্রনামস্তোত্র ॥
শ্রীগণেশায় নমঃ ।
শ্রীআনন্দভৈরবী উবাচ ।
কৈলাসশিখরারূঢ পঞ্চবক্ত্র ত্রিলোচন ।
অভেদ্যভেদকপ্রাণবল্লভ শ্রীসদাশিব ॥ ১ ॥
ভবপ্রাণপ্ররক্ষায় কালকূটহরায় চ ।
প্রত্যঙ্গিরাপাদুকায় দান্তং শব্দময়ং প্রিয়ম্ ॥ ২ ॥
ইচ্ছামি রক্ষণার্থায় ভক্তানাং য়োগিনাং সদাম্ ।
অবশ্যং কথয়াম্যত্র সর্বমঙ্গললক্ষণম্ ॥ ৩ ॥
অষ্টোত্তরসহস্রাখ্যং সদাশিবসমন্বিতম্ ।
মহাপ্রভাবজননং দমনং দুষ্টচেতসাম্ ॥ ৪ ॥
সর্বরক্ষাকরং লোকে কণ্ঠপদ্মপ্রসিদ্ধয়ে ।
অকালমৃত্যুহরণং সর্বব্যাধিনিবারণম্ ॥ ৫ ॥
য়োগসিদ্ধিকরং সাক্ষাদ্ অমৃতানন্দকারকম্ ।
বিষজ্বালাদিহরণং মন্ত্রসিদ্ধিকরং পরম্ ॥ ৬ ॥
নাম্নাং স্মরণমাত্রেণ য়োগিনাং বল্লভো ভবেত্ ।
সদাশিবয়ুতাং দেবীং সম্পূজ্য সংস্মরেদ্ য়দি ॥ ৭ ॥
মাসান্তে সিদ্ধিমাপ্নোতি খেচরীমেলনং ভবেত্ ।
আকাশগামিনীসিদ্ধিঃ পঠিত্বা লভ্যতে ধ্রুবম্ ॥ ৮ ॥
ধনং রত্নং ক্রিয়াসিদ্ধিং বিভূতিসিদ্ধিমাং লভেত্ ।
পঠনাদ্ ধারণাদ্যোগী মহাদেবঃ সদাশিবঃ ॥ ৯ ॥
বিষ্ণুশ্চক্রধরঃ সাক্ষাদ্ ব্রহ্মা নিত্যং তপোধনঃ ।
য়োগিনঃ সর্বদেবাশ্চ মুনয়শ্চাপি য়োগিনঃ ॥ ১০ ॥
সিদ্ধাঃ সর্বে সঞ্চরন্তি ধৃত্বা চ পঠনাদ্ য়তঃ ।
য়ে য়ে পঠন্তি নিত্যং তু তে সিদ্ধা বিষ্ণুসম্ভবাঃ ॥ ১১ ॥
কিমন্যত্ কথনেনাপি ভুক্তিং মুক্তিং ক্ষণাল্লভেত্ ॥ ১২ ॥
অস্য শ্রীভুবনমঙ্গলমহাস্তোত্রাষ্টোত্তরসহস্রনাম্নঃ,
শ্রীসদাশিবঋষিঃ, গায়ত্রীচ্ছন্দঃ, শ্রীসদাশিবশাকিনীদেবতা,
পুরুষার্থাষ্টসিদ্ধিসময়য়োগসমৃদ্ধয়ে বিনিয়োগঃ ।
ওঁ শাকিনী পীতবস্ত্রা সদাশিব উমাপতিঃ ।
শাকম্ভরী মহাদেবী ভবানী ভুবনপ্রিয়ঃ ॥ ১৩ ॥
য়োগিনী য়োগধর্মাত্মা য়োগাত্মা শ্রীসদাশিবঃ ।
য়ুগাদ্যা য়ুগধর্মা চ য়োগবিদ্যা সুয়োগিরাট্ ॥ ১৪ ॥
য়োগিনী য়োগজেতাখ্যঃ সুয়োগা য়োগশঙ্করঃ ।
য়োগপ্রিয়া য়োগবিদ্বান্ য়োগদা য়োগষড্ভুবিঃ ॥ ১৫ ॥
ত্রিয়োগা জগদীশাত্মা জাপিকা জপসিদ্ধিদঃ ।
য়ত্নী য়ত্নপ্রিয়ানন্দো বিধিজ্ঞা বেদসারবিত্ ॥ ১৬ ॥
সুপ্রতিষ্ঠা শুভকরো মদিরা মদনপ্রিয়ঃ ।
মধুবিদ্যা মাধবীশঃ ক্ষিতিঃ ক্ষোভবিনাশনঃ ॥ ১৭ ॥
বীতিজ্ঞা মন্মথঘ্নশ্চ চমরী চারুলোচনঃ ।
একান্তরা কল্পতরুঃ ক্ষমাবুদ্ধো রমাসবঃ ॥ ১৮ ॥
বসুন্ধরা বামদেবঃ শ্রীবিদ্যা মন্দরস্থিতঃ ।
অকলঙ্কা নিরাতঙ্কঃ উতঙ্কা শঙ্করাশ্রয়ঃ ॥ ১৯ ॥
নিরাকারা নির্বিকল্পো রসদা রসিকাশ্রয়ঃ ।
রামা রামননাথশ্চ লক্ষ্মী নীলেষুলোচনঃ ॥ ২০ ॥
বিদ্যাধরী ধরানন্দঃ কনকা কাঞ্চনাঙ্গধৃক্ ।
শুভা শুভকরোন্মত্তঃ প্রচণ্ডা চণ্ডবিক্রমঃ ॥ ২১ ॥
সুশীলা দেবজনকঃ কাকিনী কমলাননঃ ।
কজ্জলাভা কৃষ্ণদেহঃ শূলিনী খড্গচর্মধৃক্ ॥ ২২ ॥
গতিগ্রাহ্যঃ প্রভাগৌরঃ ক্ষমা ক্ষুব্ধঃ শিবা শিবঃ ।
জবা য়তিঃ পরা হরির্হরাহরোঽক্ষরাক্ষরঃ ॥ ২৩ ॥
সনাতনী সনাতনঃ শ্মশানবাসিনীপতিঃ ।
জয়াক্ষয়ো ধরাচরঃ সমাগতিঃ প্রমাপতিঃ ॥ ২৪ ॥
কুলাকুলো মলাননো বলীবলা মলামলঃ ।
প্রভাধরঃ পরাপরঃ সরাসরঃ করাকরঃ ॥ ২৫ ॥
ময়াময়ঃ পয়াপয়ঃ পলাপলো দয়াদয়ঃ ।
ভয়াভয়ো জয়াজয়ো গয়াগয়ঃ ফলান্বয়ঃ ॥ ২৬ ॥
সমাগমো ধমাধমো রমারমো বমাবমঃ ।
বরাঙ্গণা ধরাধরঃ প্রভাকরো ভ্রমাভ্রমঃ ॥ ২৭ ॥
সতী সুখী সুলক্ষণা কৃপাকরো দয়ানিধিঃ ।
ধরাপতিঃ প্রিয়াপতিবীরাগিণী মনোন্মনঃ ॥ ২৮ ॥
প্রধাবিনী সদাচলঃ প্রচঞ্চলাতিচঞ্চলঃ ।
কটুপ্রিয়া মহাকটুঃ পটুপ্রিয়া মহাপটুঃ ॥ ২৯ ॥
ধনাবলী গণাগণী খরাখরঃ ফণিঃ ক্ষণঃ ।
প্রিয়ান্বিতা শিরোমণিস্তু শাকিনী সদাশিবঃ ॥ ৩০ ॥
রুণারুণো ঘনাঘনো হয়ী হয়ো লয়ী লয়ঃ ।
সুদন্তরা সুদাগমঃ খলাপহা মহাশয়ঃ ॥ ৩১ ॥
চলত্কুচা জবাবৃতো ঘনান্তরা স্বরান্তকঃ ।
প্রচণ্ডঘর্ঘরধ্বনিঃ প্রিয়া প্রতাপবহ্নিগঃ ॥ ৩২ ॥
প্রশান্তিরুন্দুরুস্থিতা মহেশ্বরী মহেশ্বরঃ ।
মহাশিবাবিনী ঘনী রণেশ্বরী রণেশ্বরঃ ॥ ৩৩ ॥
প্রতাপিনী প্রতাপনঃ প্রমাণিকা প্রমাণবিত্ ।
বিশুদ্ধবাসিনী মুনিবিশুদ্ধবিন্মধূত্তমা ॥ ৩৪ ॥
তিলোত্তমা মহোত্তমঃ সদাময়া দয়াময়ঃ ।
বিকারতারিণী তরুঃ সুরাসুরোঽমরাগুরুঃ ॥ ৩৫ ॥
প্রকাশিকা প্রকাশকঃ প্রচণ্ডিকা বিভাণ্ডকঃ ।
ত্রিশূলিনী গদাধরঃ প্রবালিকা মহাবলঃ ॥ ৩৬ ॥
ক্রিয়াবতী জরাপতিঃ প্রভাম্বরা দিগম্বরঃ ।
কুলাম্বরা মৃগাম্বরা নিরন্তরা জরান্তরঃ ॥ ৩৭ ॥
শ্মশাননিলয়া শম্ভুর্ভবানী ভীমলোচনঃ ।
কৃতান্তহারিণীকান্তঃ কুপিতা কামনাশনঃ ॥ ৩৮ ॥
চতুর্ভুজা পদ্মনেত্রো দশহস্তা মহাগুরুঃ ।
দশাননা দশগ্রীবঃ ক্ষিপ্তাক্ষী ক্ষেপনপ্রিয়ঃ ॥ ৩৯ ॥
বারাণসী পীঠবাসী কাশী বিশ্বগুরুপ্রিয়ঃ ।
কপালিনী মহাকালঃ কালিকা কলিপাবনঃ ॥ ৪০ ॥
রন্ধ্রবর্ত্মস্থিতা বাগ্মী রতী রামগুরুপ্রভুঃ ।
সুলক্ষ্মীঃ প্রান্তরস্থশ্চ য়োগিকন্যা কৃতান্তকঃ ॥ ৪১ ॥
সুরান্তকা পুণ্যদাতা তারিণী তরুণপ্রিয়ঃ ।
মহাভয়তরা তারাস্তারিকা তারকপ্রভুঃ ॥ ৪২ ॥
তারকব্রহ্মজননী মহাদৃপ্তঃ ভবাগ্রজঃ ।
লিঙ্গগম্যা লিঙ্গরূপী চণ্ডিকা বৃষবাহনঃ ॥ ৪৩ ॥
রুদ্রাণী রুদ্রদেবশ্চ কামজা কামমন্থনঃ ।
বিজাতীয়া জাতিতাতো বিধাত্রী ধাতৃপোষকঃ ॥ ৪৪ ॥
নিরাকারা মহাকাশঃ সুপ্রবিদ্যা বিভাবসুঃ ।
বাসুকী পতিতত্রাতা ত্রিবেণী তত্ত্বদর্শকঃ ॥ ৪৫ ॥
পতাকা পদ্মবাসী চ ত্রিবার্তা কীর্তিবর্ধনঃ ।
ধরণী ধারণাব্যাপ্তো বিমলানন্দবর্ধনঃ ॥ ৪৬ ॥
বিপ্রচিত্তা কুণ্ডকারী বিরজা কালকম্পনঃ ।
সূক্ষ্মাধারা অতিজ্ঞানী মন্ত্রসিদ্ধিঃ প্রমাণগঃ ॥ ৪৭ ॥
বাচ্যা বারণতুণ্ডশ্চ কমলা কৃষ্ণসেবকঃ ।
দুন্দুভিস্থা বাদ্যভাণ্ডো নীলাঙ্গী বারণাশ্রয়ঃ ॥ ৪৮ ॥
বসন্তাদ্যা শীতরশ্মিঃ প্রমাদ্যা শক্তিবল্লভঃ ।
খড্গনা চক্রকুন্তাঢ্যঃ শিশিরাল্পধনপ্রিয়ঃ ॥ ৪৯ ॥
দুর্বাচ্যা মন্ত্রনিলয়ঃ খণ্ডকালী কুলাশ্রয়ঃ ।
বানরী হস্তিহারাদ্যঃ প্রণয়া লিঙ্গপূজকঃ ॥ ৫০ ॥
মানুষী মনুরূপশ্চ নীলবর্ণা বিধুপ্রভঃ ।
অর্ধশ্চন্দ্রধরা কালঃ কমলা দীর্ঘকেশধৃক্ ॥ ৫১ ॥
দীর্ঘকেশী বিশ্বকেশী ত্রিবর্গা খণ্ডনির্ণয়ঃ ।
গৃহিণী গ্রহহর্তা চ গ্রহপীডা গ্রহক্ষয়ঃ ॥ ৫২ ॥
পুষ্পগন্ধা বারিচরঃ ক্রোধাদেবী দিবাকরঃ ।
অঞ্জনা ক্রূরহর্তা চ কেবলা কাতরপ্রিয়ঃ ॥ ৫৩ ॥
পদ্যাময়ী পাপহর্তা বিদ্যাদ্যা শৈলমর্দকঃ ।
কৃষ্ণজিহ্বা রক্তমুখো ভুবনেশী পরাত্পরঃ ॥ ৫৪ ॥
বদরী মূলসম্পর্কঃ ক্ষেত্রপালা বলানলঃ ।
পিতৃভূমিস্থিতাচার্যো বিষয়া বাদরায়ণিঃ ॥ ৫৫ ॥
পুরোগমা পুরোগামী বীরগা রিপুনাশকঃ ।
মহামায়া মহান্মায়ো বরদঃ কামদান্তকঃ ॥ ৫৬ ॥
পশুলক্ষ্মীঃ পশুপতিঃ পঞ্চশক্তিঃ ক্ষপান্তকঃ ।
ব্যাপিকা বিজয়াচ্ছন্নো বিজাতীয়া বরাননঃ ॥ ৫৭ ॥
কটুমূতীঃ শাকমূতীস্ত্রিপুরা পদ্মগর্ভজঃ ।
অজাব্যা জারকঃ প্রক্ষ্যা বাতুলঃ ক্ষেত্রবান্ধবা ॥ ৫৮ ॥
অনন্তানন্তরূপস্থো লাবণ্যস্থা প্রসঞ্চয়ঃ ।
য়োগজ্ঞো জ্ঞানচক্রেশো বভ্রমা ভ্রমণস্থিতঃ ॥ ৫৯ ॥
শিশুপালা ভূতনাশো ভূতকৃত্যা কুটুম্বপঃ ।
তৃপ্তাশ্বত্থো বরারোহা বটুকঃ প্রোটিকাবশঃ ॥ ৬০ ॥
শ্রদ্ধা শ্রদ্ধান্বিতঃ পুষ্টিঃ পুষ্টো রুষ্টাষ্টমাধবা ।
মিলিতা মেলনঃ পৃথ্বী তত্ত্বজ্ঞানী চারুপ্রিয়া ॥ ৬১ ॥
অলব্ধা ভয়হন্ত্যা দশনঃ প্রাপ্তমানসা ।
জীবনী পরমানন্দো বিদ্যাঢ্যা ধর্মকর্মজঃ ॥ ৬২ ॥
অপবাদরতাকাঙ্ক্ষী বিল্বানাভদ্রকম্বলঃ ।
শিবিবারাহনোন্মত্তো বিশালাক্ষী পরন্তপঃ ॥ ৬৩ ॥
গোপনীয়া সুগোপ্তা চ পার্বতী পরমেশ্বরঃ ।
শ্রীমাতঙ্গী ত্রিপীঠস্থো বিকারী ধ্যাননির্মলঃ ॥ ৬৪ ॥
চাতুরী চতুরানন্দঃ পুত্রিণী সুতবত্সলঃ ।
বামনী বিষয়ানন্দঃ কিঙ্করী ক্রোধজীবনঃ ॥ ৬৫ ॥
চন্দ্রাননা প্রিয়ানন্দঃ কুশলা কেতকীপ্রিয়ঃ ।
প্রচলা তারকজ্ঞানী ত্রিকর্মা নর্মদাপতিঃ ॥ ৬৬ ॥
কপাটস্থা কলাপস্থো বিদ্যাজ্ঞা বর্ধমানগঃ ।
ত্রিকূটা ত্রিবিধানন্দো নন্দনা নন্দনপ্রিয়ঃ ॥ ৬৭ ॥
বিচিকিত্সা সমাপ্তাঙ্গো মন্ত্রজ্ঞা মনুবর্ধনঃ ।
মন্নিকা চাম্বিকানাথো বিবাশী বংশবর্ধনঃ ॥ ৬৮ ॥
বজ্রজিহ্বা বজ্রদন্তো বিক্রিয়া ক্ষেত্রপালনঃ ।
বিকারণী পার্বতীশঃ প্রিয়াঙ্গী পঞ্চচামরঃ ॥ ৬৯ ॥
আংশিকা বামদেবাদ্যা বিমায়াঢ্যা পরাপরঃ ।
পায়াঙ্গী পরমৈশ্বর্যা দাতা ভোক্ত্রী দিবাকরঃ ॥ ৭০ ॥
কামদাত্রী বিচিত্রাক্ষো রিপুরক্ষা ক্ষপান্তকৃত্ ।
ঘোরমুখী ঘর্ঘরাখ্যো বিলজ্বা জ্বালিনীপতিঃ ॥ ৭১ ॥
জ্বালামুখী ধর্মকর্তা শ্রীকর্ত্রী কারণাত্মকঃ ।
মুণ্ডালী পঞ্চচূডাশ্চ ত্রিশাবর্ণা স্থিতাগ্রজঃ ॥ ৭২ ॥
বিরূপাক্ষী বৃহদ্গর্ভো রাকিনী শ্রীপিতামহঃ ।
বৈষ্ণবী বিষ্ণুভক্তশ্চ ডাকিনী ডিণ্ডিমপ্রিয়ঃ ॥ ৭৩ ॥
রতিবিদ্যা রামনাথো রাধিকা বিষ্ণুলক্ষণঃ ।
চতুর্ভুজা বেদহস্তো লাকিনী মীনকুন্তলঃ ॥ ৭৪ ॥
মূর্ধজা লাঙ্গলীদেবঃ স্থবিরা জীর্ণবিগ্রহঃ ।
লাকিনীশা লাকিনীশঃ প্রিয়াখ্যা চারুবাহনঃ ॥ ৭৫ ॥
জটিলা ত্রিজটাধারী চতুরাঙ্গী চরাচরঃ ।
ত্রিশ্রোতা পার্বংতীনাথো ভুবনেশী নরেশ্বরঃ ॥ ৭৬ ॥
পিনাকিনী পিনাকী চ চন্দ্রচূডা বিচারবিত্ ।
জাড্যহন্ত্রী জডাত্মা চ জিহ্বায়ুক্তো জরামরঃ ॥ ৭৭ ॥
অনাহতাখ্যা রাজেন্দ্রঃ কাকিনী সাত্ত্বিকস্থিতঃ ।
মরুন্মূর্তি পদ্মহস্তো বিশুদ্ধা শুদ্ধবাহনঃ ॥ ৭৮ ॥
বৃষলী বৃষপৃষ্ঠস্থো বিভোগা ভোগবর্ধনঃ ।
য়ৌবনস্থা য়ুবাসাক্ষী লোকাদ্যা লোকসাক্ষিণী ॥ ৭৯ ॥
বগলা চন্দ্রচূডাখ্যো ভৈরবী মত্তভৈরবঃ ।
ক্রোধাধিপা বজ্রধারী ইন্দ্রাণী বহ্নিবল্লভঃ ॥ ৮০ ॥
নির্বিকারা সূত্রধারী মত্তপানা দিবাশ্রয়ঃ ।
শব্দগর্ভা শব্দময়ো বাসবা বাসবানুজঃ ॥ ৮১ ॥
দিক্পালা গ্রহনাথশ্চ ঈশানী নরবাহনঃ ।
য়ক্ষিণীশা ভূতিনীশো বিভূতির্ভূতিবর্ধনঃ ॥ ৮২ ॥
জয়াবতী কালকারী কল্ক্যবিদ্যা বিধানবিত্ ।
লজ্জাতীতা লক্ষণাঙ্গো বিষপায়ী মদাশ্রয়ঃ ॥ ৮৩ ॥
বিদেশিনী বিদেশস্থোঽপাপা পাপবর্জিতঃ ।
অতিক্ষোভা কলাতীতো নিরিন্দ্রিয়গণোদয়া ॥ ৮৪ ॥
বাচালো বচনগ্রন্থিমন্দরো বেদমন্দিরা ।
পঞ্চমঃ পঞ্চমীদুর্গো দুর্গা দুর্গতিনাশনঃ ॥ ৮৫ ॥
দুর্গন্ধা গন্ধরাজশ্চ সুগন্ধা গন্ধচালনঃ ।
চার্বঙ্গী চর্বণপ্রীতো বিশঙ্কা মরলারবিত্ ॥ ৮৬ ॥
অতিথিস্থা স্থাবরাদ্যা জপস্থা জপমালিনী ।
বসুন্ধরসুতা তার্ক্ষী তার্কীকঃ প্রাণতার্কীকঃ ॥ ৮৭ ॥
তালবৃক্ষাবৃতোন্নাসা তালজায়া জটাধরঃ ।
জটিলেশী জটাধারী সপ্তমীশঃ প্রসপ্তমী ॥ ৮৮ ॥
অষ্টমীবেশকৃত্ কালী সর্বঃ সর্বেশ্বরীশ্বরঃ ।
শত্রুহন্ত্রী নিত্যমন্ত্রী তরুণী তারকাশ্রয়ঃ ॥ ৮৯ ॥
ধর্মগুপ্তিঃ সারগুপ্তো মনোয়োগা বিষাপহঃ ।
বজ্রাবীরঃ সুরাসৌরী চন্দ্রিকা চন্দ্রশেখরঃ ॥ ৯০ ॥
বিটপীন্দ্রা বটস্থানী ভদ্রপালঃ কুলেশ্বরঃ ।
চাতকাদ্যা চন্দ্রদেহঃ প্রিয়াভার্যা মনোয়বঃ ॥ ৯১ ॥
তীর্থপুণ্যা তীর্থয়োগী জলজা জলশায়কঃ ।
ভূতেশ্বরপ্রিয়াভূতো ভগমালা ভগাননঃ ॥ ৯২ ॥
ভগিনী ভগবান্ ভোগ্যা ভবতী ভীমলোচনঃ ।
ভৃগুপুত্রী ভার্গবেশঃ প্রলয়ালয়কারণঃ ॥ ৯৩ ॥
রুদ্রাণী রুদ্রগণপো রৌদ্রাক্ষী ক্ষীণবাহনঃ ।
কুম্ভান্তকা নিকুম্ভারিঃ কুম্ভান্তী কুম্ভিনীরগঃ ॥ ৯৪ ॥
কূষ্মাণ্ডী ধনরত্নাঢ্যো মহোগ্রাগ্রাহকঃ শুভা ।
শিবিরস্থা শিবানন্দঃ শবাসনকৃতাসনী ॥ ৯৫ ॥
প্রশংসা সমনঃ প্রাজ্ঞা বিভাব্যা ভব্যলোচনঃ ।
কুরুবিদ্যা কৌরবংশঃ কুলকন্যা মৃণালধৃক্ ॥ ৯৬ ॥
দ্বিদলস্থা পরানন্দো নন্দিসেব্যা বৃহন্নলা ।
ব্যাসসেব্যা ব্যাসপূজ্যো ধরণী ধীরলোচনঃ ॥ ৯৭ ॥
ত্রিবিধারণ্যা তুলাকোটিঃ কার্পাসা খার্পরাঙ্গধৃক্ ।
বশিষ্ঠারাধিতাবিষ্টো বশগা বশজীবনঃ ॥ ৯৮ ॥
খড্গহস্তা খড্গধারী শূলহস্তা বিভাকরঃ ।
অতুলা তুলনাহীনো বিবিধা ধ্যাননির্ণয়ঃ ॥ ৯৯ ॥
অপ্রকাশ্যা বিশোধ্যশ্চ চামুণ্ডা চণ্ডবাহনঃ ।
গিরিজা গায়নোন্মত্তো মলামালী চলাধমঃ ॥ ১০০ ॥
পিঙ্গদেহা পিঙ্গকেশোঽসমর্থা শীলবাহনঃ ।
গারুডী গরুডানন্দো বিশোকা বংশবর্ধনঃ ॥ ১০১ ॥
বেণীন্দ্রা চাতকপ্রায়ো বিদ্যাদ্যা দোষমর্দকঃ ।
অট্টহাসা অট্টহাসো মধুভক্ষা মধুব্রতঃ ॥ ১০২ ॥
মধুরানন্দসম্পন্না মাধবো মধুনাশিকা ।
মাকরী মকরপ্রেমো মাঘস্থা মঘবাহনঃ ॥ ১০৩ ॥
বিশাখা সুসখা সূক্ষ্মা জ্যেষ্ঠো জ্যেষ্ঠজনপ্রিয়া ।
আষাঢনিলয়াষাঢো মিথিলা মৈথিলীশ্বরঃ ॥ ১০৪ ॥
শীতশৈত্যগতো বাণী বিমলালক্ষণেশ্বরঃ ।
অকার্যকার্যজনকো ভদ্রা ভাদ্রপদীয়কঃ ॥ ১০৫ ॥
প্রবরা বরহংসাখ্যঃ পবশোভা পুরাণবিত্ ।
শ্রাবণী হরিনাথশ্চ শ্রবণা শ্রবণাঙ্কুরঃ ॥ ১০৬ ॥
সুকর্ত্রী সাধনাধ্যক্ষো বিশোধ্যা শুদ্ধভাবনঃ ।
একশেষা শশিধরো ধরান্তঃ স্থাবরাধরঃ ॥ ১০৭ ॥
ধর্মপুত্রী ধর্মমাত্রো বিজয়া জয়দায়কঃ ।
দাসরক্ষাদি বিদশকলাপো বিধবাপতিঃ ॥ ১০৮ ॥
বিধবাধবলো ধূর্তঃ ধূর্তাঢ্যো ধূর্তপালিকা ।
শঙ্করঃ কামগামী চ দেবলা দেবমায়িকা ॥ ১০৯ ॥
বিনাশো মন্দরাচ্ছন্না মন্দরস্থো মহাদ্বয়া ।
অতিপুত্রী ত্রিমুণ্ডী চ মুণ্ডমালা ত্রিচণ্ডিকা ॥ ১১০ ॥
কর্কটীশঃ কোটরশ্চ সিংহিকা সিংহবাহনঃ ।
নারসিংহী নৃসিংহশ্চ নর্মদা জাহ্নবীপতিঃ ॥ ১১১ ॥
ত্রিবিধস্ত্রী ত্রিসর্গাস্ত্রো দিগম্বরো দিগম্বরী ।
মুঞ্চানো মঞ্চভেদী চ মালঞ্চা চঞ্চলাগ্রজঃ ॥ ১১২ ॥
কটুতুঙ্গী বিকাশাত্মা ঋদ্ধিস্পষ্টাক্ষরোঽন্তরা ।
বিরিঞ্চঃ প্রভবানন্দো নন্দিনী মন্দরাদ্রিধৃক্ ॥ ১১৩ ॥
কালিকাভা কাঞ্চনাভো মদিরাদ্যা মদোদয়ঃ ।
দ্রবিডস্থা দাডিমস্থো মজ্জাতীতা মরুদ্গতিঃ ॥ ১১৪ ॥
ক্ষান্তিপ্রজ্ঞো বিধিপ্রজ্ঞা বীতিজ্ঞোত্সুকনিশ্চয়া ।
অভাবো মলিনাকারা কারাগারা বিচারহা ॥ ১১৫ ॥
শব্দঃ কটাহভেদাত্মা শিশুলোকপ্রপালিকা ।
অতিবিস্তারবদনো বিভবানন্দমানসা ॥ ১১৬ ॥
আকাশবসনোন্মাদী মেপুরা মাংসচর্বণঃ ।
অতিকান্তা প্রশান্তাত্মা নিত্যগুহ্যা গভীরগঃ ॥ ১১৭ ॥
ত্রিগম্ভীরা তত্ত্ববাসী রাক্ষসী পূতনাক্ষরঃ ।
অভোগগণিকা হস্তী গণেশজননীশ্বরঃ ॥ ১১৮ ॥
কুণ্ডপালককর্তা চ ত্রিরূণ্ডা রুণ্ডভালধৃক্ ।
অতিশক্তা বিশক্তাত্মা দেব্যাঙ্গী নন্দনাশ্রয়ঃ ॥ ১১৯ ॥
ভাবনীয়া ভ্রান্তিহরঃ কাপিলাভা মনোহরঃ ।
আর্যাদেবী নীলবর্ণা সায়কো বলবীর্যদা ॥ ১২০ ॥
সুখদো মোক্ষদাতাঽতো জননী বাঞ্ছিতপ্রদঃ ।
চাতিরূপা বিরূপস্থো বাচ্যা বাচ্যবিবর্জিতঃ ॥ ১২১ ॥
মহালিঙ্গসমুত্পন্না কাকভেরী নদস্থিতঃ ।
আত্মারামকলাকায়ঃ সিদ্ধিদাতা গণেশ্বরী ॥ ১২২ ॥
কল্পদ্রুমঃ কল্পলতা কুলবৃক্ষঃ কুলদ্রুমা ।
সুমনা শ্রীগুরুময়ী গুরুমন্ত্রপ্রদায়কঃ ॥ ১২৩ ॥
অনন্তশয়নাঽনন্তো জলেশী জহ্নজেশ্বরঃ ।
গঙ্গা গঙ্গাধরঃ শ্রীদা ভাস্করেশো মহাবলা ॥ ১২৪ ॥
গুপ্তাক্ষরো বিধিরতা বিধানপুরুষেশ্বরঃ ।
সিদ্ধকলঙ্কা কুণ্ডালী বাগ্দেবঃ পঞ্চদেবতা ॥ ১২৫ ॥
অল্পাতীতা মনোহারী ত্রিবিধা তত্ত্বলোচনা ।
অমায়াপতির্ভূভ্রান্তিঃ পাঞ্চজন্যধরোঽগ্রজা ॥ ১২৬ ॥
অতিতপ্তঃ কামতপ্তা মায়ামোহবিবর্জিতঃ ।
আর্যা পুত্রীশ্বরঃ স্থাণুঃ কৃশানুস্থা জলাপ্লুতঃ ॥ ১২৭ ॥
বারুণী মদিরামত্তো মাংসপ্রেমদিগম্বরা ।
অন্তরস্থো দেহসিদ্ধা কালানলসুরাদ্রিপঃ ॥ ১২৮ ॥
আকাশবাহিনী দেবঃ কাকিনীশো দিগম্বরী ।
কাকচঞ্চুপুটমধুহরো গগনমাব্ধিপা ॥ ১২৯ ॥
মুদ্রাহারী মহামুদ্রা মীনপো মীনভক্ষিণী ।
শাকিনী শিবনাথেশঃ কাকোর্ধ্বেশী সদাশিবঃ ॥ ১৩০ ॥
কমলা কণ্ঠকমলঃ স্থায়ুকঃ প্রেমনায়িকা ।
মৃণালমালাধারী চ মৃণালমালামালিনী ॥ ১৩১ ॥
অনাদিনিধনা তারা দুর্গতারা নিরক্ষরা ।
সর্বাক্ষরা সর্ববর্ণা সর্বমন্ত্রাক্ষমালিকা ॥ ১৩২ ॥
আনন্দভৈরবো নীলকণ্ঠো ব্রহ্মাণ্ডমণ্ডিতঃ ।
শিবো বিশ্বেশ্বরোঽনন্তঃ সর্বাতীতো নিরঞ্জনঃ ॥ ১৩৩ ॥
ইতি তে কথিতং নাথ ত্রৈলোক্যসারমঙ্গলম্ ।
ভুবনমঙ্গলং নাম মহাপাতকনাশনম্ ॥ ১৩৪ ॥
অস্য প্রপঠনেঽপি চ য়ত্ফলং লভতে নরঃ ।
তত্সর্বং কথিতুং নালং কোটিবর্ষশতৈরপি ॥ ১৩৫ ॥
তথাপি তব য়ত্নেন ফলং শৃণু দয়ার্ণব ।
রাজদ্বারে নদীতীরে সঙ্গ্রামে বিজনেঽনলে ॥ ১৩৬ ॥
শূন্যাগারে নির্জনে বা ঘোরান্ধকাররাত্রিকে ।
চতুষ্টয়ে শ্মশানে বা পঠিত্বা ষোডশে দলে ॥ ১৩৭ ॥
রক্তাম্ভোজৈঃ পূজয়িত্বা মনসা কামচিন্তয়ন্ ।
ঘৃতাক্তৈর্জুহুয়ান্নিত্যং নাম প্রত্যেকমুচ্চরন্ ॥ ১৩৮ ॥
মূলমন্ত্রেণ পুটিতমাজ্যং বহ্নৌ সমর্পয়েত্ ।
অন্তরে স্বসুখে হোমঃ সর্বসিদ্ধিসুখপ্রদঃ ॥ ১৩৯ ॥
সদ্যোমধুয়ুতৈর্মাংসৈঃ সুসুখে মন্ত্রমুচ্চরন্ ।
প্রত্যেকং নামপুটিতং হুত্বা পুনর্মুখাম্বুজে ॥ ১৪০ ॥
কুণ্ডলীরসজিহ্বায়াং জীবন্মুক্তো ভবেন্নরঃ ।
ধৃত্বা বাপি পঠিত্বা বা স্তুত্বা বা বিধিনা প্রভো ॥ ১৪১ ॥
মহারুদ্রো ভবেত্সাক্ষান্মম দেহান্বিতো ভবেত্ ।
য়োগী জ্ঞানী ভবেত্ সিদ্ধঃ সারসঙ্কেতদর্শকঃ ॥ ১৪২ ॥
অপরাজিতঃ সর্বলোকে কিমন্যত্ ফলসাধনম্ ।
ধৃত্বা রাজত্বমাপ্নোতি কণ্ঠে পৃথ্বীশ্বরো ভবেত্ ॥ ১৪৩ ॥
দক্ষহস্তে তথা ধৃত্বা ধনবান্ গুণবান্ ভবেত্ ।
অকালমৃত্যুহরণং সর্বব্যাধিনিবারণম্ ॥ ১৪৪ ॥
হুত্বা রাজেন্দ্রনাথশ্চ মহাবাগ্মী সদাঽভয়ঃ ।
সর্বেষাং মথনং কৃত্বা গণেশো মম কার্তীকঃ ॥ ১৪৫ ॥
দেবনামধিপো ভূত্বা সর্বজ্ঞো ভবতি প্রভো ।
য়থা তথা মহায়োগী ভ্রমত্যেব ন সংশয়ঃ ॥ ১৪৬ ॥
প্রাতঃকালে পঠেদ্ য়স্তু মস্তকে স্তুতিধারকঃ ।
জলস্তম্ভং করোত্যেব রসস্তম্ভং তথৈব চ ॥ ১৪৭ ॥
রাজ্যস্তম্ভং নরস্তম্ভং বীর্যস্তম্ভং তথৈব চ
বিদ্যাস্তম্ভং সুখস্তম্ভং ক্ষেত্রস্তম্ভং তথৈব চ ॥ ১৪৮ ॥
রাজস্তম্ভং ধনস্তম্ভং গ্রামস্তম্ভং তথৈব চ
মধ্যাহ্নে চ পঠেদ্ য়স্তু বহ্নিস্তম্ভং করোত্যপি ॥ ১৪৯ ॥
কালস্তম্ভং বয়ঃস্তম্ভং শ্বাসস্তম্ভং তথৈব চ ।
রসস্তম্ভং বায়ুস্তম্ভং বাহুস্তম্ভং করোত্যপি ॥ ১৫০ ॥
সায়াহ্নে চ পঠেদ্ য়স্তু কণ্ঠোদরে চ ধারয়ন্ ।
মন্ত্রস্তম্ভং শিলাস্তম্ভং শাস্ত্রস্তম্ভং করোত্যপি ॥ ১৫১ ॥
হিরণ্যরজতস্তম্ভং বজ্রস্তম্ভং তথৈব চ ।
অকালত্বাদিসংস্তম্ভং বাতস্তম্ভং করোত্যপি ॥ ১৫২ ॥
পারদস্তম্ভনং শিল্পকল্পনা জ্ঞানস্তম্ভনম্ ।
আসনস্তম্ভনং ব্যাধিস্তম্ভনং বন্ধনং রিপোঃ ॥ ১৫৩ ॥
ষট্পদ্মস্তম্ভনং কৃত্বা য়োগী ভবতি নিশ্চিতম্ ।
বন্ধ্যা নারী লভেত্ পুত্রং সুন্দরং সুমনোহরম্ ॥ ১৫৪ ॥
ভ্রষ্টো মনুষ্যো রাজেন্দ্রঃ কিমন্যে সাধবো জনাঃ ।
শ্রবণান্মকরে লগ্নে চিত্রায়োগে চ পর্বণি ॥ ১৫৫ ॥
হিরণ্যয়োগে বায়ব্যাং লিখিত্বা মাঘমাসকে ।
বৈশাখে রাজয়োগে বা রোহিণ্যাখ্যা বিশেষতঃ ॥ ১৫৬ ॥
শ্রীমদ্ভুবনমঙ্গলং নাম য়শোদাতৃ ভবেদ্ ধ্রুবম্ ।
জায়ন্তে রাজবল্লভা অমরাঃ খেচরা লিখনেন ॥ ১৫৭ ॥
ধর্মার্থকামমোক্ষং চ প্রাপ্নুবন্তি চ পাঠকাঃ ।
কীর্তিরাত্মদৃষ্টিপাতং লভতে নাত্র সংশয়ঃ ॥ ১৫৮ ॥
॥ ইতি শ্রীরুদ্রয়ামলে উত্তরতন্ত্রে ভৈরবীভৈরবসংবাদে
শাকিনীসদাশিবস্তবনমঙ্গলাষ্টোত্তরসহস্রনাম সম্পূর্ণম্ ॥