॥ Adi Varahi Sahasranamastotram Odia Lyrics ॥
॥ ଶ୍ରୀଆଦିଵାରାହୀସହସ୍ରନାମସ୍ତୋତ୍ରମ୍ ॥
ଉଡ୍ଡାମରତନ୍ତ୍ର୍ନ୍ତର୍ଗତମ୍
॥ ଶ୍ରୀଵାରାହୀଧ୍ୟାନମ୍ ॥
ନମୋଽସ୍ତୁ ଦେଵି ଵାରାହି ଜୟୈଙ୍କାରସ୍ଵରୂପିଣି ।
ଜୟ ଵାରାହି ଵିଶ୍ଵେଶି ମୁଖ୍ୟଵାରାହି ତେ ନମଃ ॥ ୧ ॥
ଵାରାହମୁଖି ଵନ୍ଦେ ତ୍ଵାଂ ଅନ୍ଧେ ଅନ୍ଧିନି ତେ ନମଃ ।
ସର୍ଵଦୁର୍ଷ୍ଟପ୍ରଦୁଷ୍ଟାନାଂ ଵାକ୍ସ୍ତମ୍ଭନକରେ ନମଃ ॥ ୨ ॥
ନମଃ ସ୍ତମ୍ଭିନି ସ୍ତମ୍ଭେ ତ୍ଵାଂ ଜୃମ୍ଭେ ଜୃମ୍ଭିଣି ତେ ନମଃ ।
ରୁନ୍ଧେ ରୁନ୍ଧିନି ଵନ୍ଦେ ତ୍ଵାଂ ନମୋ ଦେଵେଶି ମୋହିନି ॥ ୩ ॥
ସ୍ଵଭକ୍ତାନାଂ ହି ସର୍ଵେଷାଂ ସର୍ଵକାମପ୍ରଦେ ନମଃ ।
ବାହ୍ଵୋଃ ସ୍ତମ୍ଭକରୀଂ ଵନ୍ଦେ ଜିହ୍ଵାସ୍ତମ୍ଭନକାରିଣୀମ୍ ॥ ୪ ॥
ସ୍ତମ୍ଭନଂ କୁରୁ ଶତ୍ରୂଣାଂ କୁରୁ ମେ ଶତ୍ରୁନାଶନମ୍ ।
ଶୀଘ୍ରଂ ଵଶ୍ୟଂ ଚ କୁରୁ ମେ ୟାଽଗ୍ନୌ ଵାଗାତ୍ମିକା ସ୍ଥିତା ॥ ୫ ॥
ଠଚତୁଷ୍ଟୟରୂପେ ତ୍ଵାଂ ଶରଣଂ ସର୍ଵଦା ଭଜେ ।
ହୁମାତ୍ମିକେ ଫଡ୍ରୂପେଣ ଜୟ ଆଦ୍ୟାନନେ ଶିଵେ ॥ ୬ ॥
ଦେହି ମେ ସକଲାନ୍ କାମାନ୍ ଵାରାହି ଜଗଦୀଶ୍ଵରି ।
ନମସ୍ତୁଭ୍ୟଂ ନମସ୍ତୁଭ୍ୟଂ ନମସ୍ତୁଭ୍ୟଂ ନମୋ ନମଃ ॥ ୭ ॥
॥ ଵାରାହୀ ଗାୟତ୍ରୀ ॥
ଵରାହମୁଖ୍ୟୈ ଵିଦ୍ମହେ । ଦଣ୍ଡନାଥାୟୈ ଧୀମହୀ ।
ତନ୍ନୋ ଅର୍ଘ୍ରି ପ୍ରଚୋଦୟାତ୍ ॥
॥ ଅଥ ଶ୍ରୀଆଦିଵାରାହୀସହସ୍ରନାମସ୍ତୋତ୍ରମ୍ ॥
ଅଥ ଧ୍ୟାନମ୍ ।
ଵନ୍ଦେ ଵାରାହଵକ୍ତ୍ରାଂ ଵରମଣିମକୁଟାଂ ଵିଦ୍ରୁମଶ୍ରୋତ୍ରଭୂଷାଂ
ହାରାଗ୍ରୈଵେୟତୁଙ୍ଗସ୍ତନଭରନମିତାଂ ପୀତକୌଶେୟଵସ୍ତ୍ରାମ୍ ।
ଦେଵୀଂ ଦକ୍ଷୋର୍ଧ୍ଵହସ୍ତେ ମୁସଲମଥପରଂ ଲାଙ୍ଗଲଂ ଵା କପାଲଂ
ଵାମାଭ୍ୟାଂ ଧାରୟନ୍ତୀଂ କୁଵଲୟକଲିକାଂ ଶ୍ୟାମଲାଂ ସୁପ୍ରସନ୍ନାମ୍ ॥
ଐଂ ଗ୍ଲୌଂ ଐଂ ନମୋ ଭଗଵତି ଵାର୍ତାଲି ଵାର୍ତାଲି ଵାରାହି ଵାରାହି ଵରାହମୁଖି
ଵରାହମୁଖି ଅନ୍ଧେ ଅନ୍ଧିନି ନମଃ ରୁନ୍ଧେ ରୁନ୍ଧିନି ନମଃ ଜମ୍ଭେ ଜମ୍ଭିନି ନମଃ
ମୋହେ ମୋହିନି ନମଃ ସ୍ତମ୍ଭେ ସ୍ତମ୍ଭିନି ନମଃ ସର୍ଵଦୁଷ୍ଟପ୍ରଦୁଷ୍ଟାନାଂ ସର୍ଵେଷାଂ
ସର୍ଵଵାକ୍ଚିତ୍ତଚକ୍ଷୁର୍ମୁଖଗତିଜିହ୍ଵାସ୍ତମ୍ଭନଂ କୁରୁ କୁରୁ ଶୀଘ୍ରଂ ଵଶ୍ୟଂ
କୁରୁ କୁରୁ । ଐଂ ଗ୍ଲୌଂ ଠଃ ଠଃ ଠଃ ଠଃ ହୁଂ ଫଟ୍ ସ୍ଵାହା ।
ମହାଵାରାହ୍ୟଂ ଵା ଶ୍ରୀପାଦୁକାଂ ପୂଜୟାମି ନମଃ ॥
ଦେଵ୍ୟୁଵାଚ —
ଶ୍ରୀକଣ୍ଠ କରୁଣାସିନ୍ଧୋ ଦୀନବନ୍ଧୋ ଜଗତ୍ପତେ ।
ଭୂତିଭୂଷିତସର୍ଵାଙ୍ଗ ପରାତ୍ପରତର ପ୍ରଭୋ ॥ ୧ ॥
କୃତାଞ୍ଜଲିପୁଟା ଭୂତ୍ଵା ପୃଚ୍ଛାମ୍ୟେକଂ ଦୟାନିଧେ ।
ଆଦ୍ୟା ୟା ଚିତ୍ସ୍ଵରୂପା ୟା ନିର୍ଵିକାରା ନିରଞ୍ଜନା ॥ ୨ ॥
ବୋଧାତୀତା ଜ୍ଞାନଗମ୍ୟା କୂଟସ୍ଥାଽଽନନ୍ଦଵିଗ୍ରହା ।
ଅଗ୍ରାହ୍ୟାଽତୀନ୍ଦ୍ରିୟା ଶୁଦ୍ଧା ନିରୀହା ସ୍ଵାଵଭାସିକା ॥ ୩ ॥
ଗୁଣାତୀତା ନିଷ୍ପ୍ରପଞ୍ଚା ହ୍ୟଵାଙ୍ମନସଗୋଚରା ।
ପ୍ରକୃତିର୍ଜଗଦୁତ୍ପତ୍ତିସ୍ଥିତିସଂହାରକାରିଣୀ ॥ ୪ ॥
ରକ୍ଷାର୍ଥେ ଜଗତାଂ ଦେଵକାର୍ୟାର୍ଥଂ ଵା ସୁରଦ୍ଵିଷାମ୍ ।
ନାଶାୟ ଧତ୍ତେ ସା ଦେହଂ ତତ୍ତତ୍କାର୍ୟୈକସାଧନମ୍ ॥ ୫ ॥
ତତ୍ର ଭୂଧରଣାର୍ଥାୟ ୟଜ୍ଞଵିସ୍ତାରହେତଵେ ।
ଵିଦ୍ୟୁତ୍କେଶହିରଣ୍ୟାକ୍ଷବଲାକାଦିଵଧାୟ ଚ ॥ ୬ ॥
ଆଵିର୍ବଭୂଵ ୟା ଶକ୍ତିର୍ଘୋରା ଭୂଦାରରୂପିଣୀ ।
ଵାରାହୀ ଵିକଟାକାରା ଦାନଵାସୁରନାଶିନୀ ॥ ୭ ॥
ସଦ୍ୟଃସିଦ୍ଧିକରୀ ଦେଵୀ ଧୋରା ଘୋରତରା ଶିଵା ।
ତସ୍ୟାଃ ସହସ୍ରନାମାଖ୍ୟଂ ସ୍ତୋତ୍ରଂ ମେ ସମୁଦୀରୟ ॥ ୮ ॥
କୃପାଲେଶୋଽସ୍ତି ମୟି ଚେଦ୍ଭାଗ୍ୟଂ ମେ ୟଦି ଵା ଭଵେତ୍ ।
ଅନୁଗ୍ରାହ୍ୟା ୟଦ୍ୟହଂ ସ୍ୟାଂ ତଦା ଵଦ ଦୟାନିଧେ ॥ ୯ ॥
ଈଶ୍ଵର ଉଵାଚ ।
ସାଧୁ ସାଧୁ ଵରାରୋହେ ଧନ୍ୟା ବହୁମତାସି ମେ ।
ଶୁଶ୍ରୂଷାଦିସମୁତ୍ପନ୍ନା ଭକ୍ତିଶ୍ରଦ୍ଧାସମନ୍ଵିତା ତଵ ॥ ୧୦ ॥
ସହସ୍ରନାମ ଵାରାହ୍ୟାଃ ସର୍ଵସିଦ୍ଧିଵିଧାୟି ଚ ।
ତଵ ଚେନ୍ନ ପ୍ରଵକ୍ଷ୍ୟାମି ପ୍ରିୟେ କସ୍ୟ ଵଦାମ୍ୟହମ୍ ॥ ୧୧ ॥
କିନ୍ତୁ ଗୋପ୍ୟଂ ପ୍ରୟତ୍ନେନ ସଂରକ୍ଷ୍ୟଂ ପ୍ରାଣତୋଽପି ଚ ।
ଵିଶେଷତଃ କଲିୟୁଗେ ନ ଦେୟଂ ୟସ୍ୟ କସ୍ୟଚିତ୍ ॥
ସର୍ଵେଽନ୍ୟଥା ସିଦ୍ଧିଭାଜୋ ଭଵିଷ୍ୟନ୍ତି ଵରାନନେ ॥ ୧୨ ॥
ଓଂ ଅସ୍ୟ ଶ୍ରୀଵାରାହୀସହସ୍ରନାମସ୍ତୋତ୍ରସ୍ୟ ମହାଦେଵ ଋଷିଃ । ଅନୁଷ୍ଟୁପ୍ଛନ୍ଦଃ ।
ଵାରାହୀ ଦେଵତା । ଐଂ ବୀଜମ୍ । କ୍ରୋଂ ଶକ୍ତିଃ । ହୁଂ କୀଲକମ୍ ।
ମମ ସର୍ଵାର୍ଥସିଦ୍ଧ୍ୟର୍ଥେ ଜପେ ଵିନିୟୋଗଃ ।
ଓଂ ଵାରାହୀ ଵାମନୀ ଵାମା ବଗଲା ଵାସଵୀ ଵସୁଃ ।
ଵୈଦେହୀ ଵିରସୂର୍ବାଲା ଵରଦା ଵିଷ୍ଣୁଵଲ୍ଲଭା ॥ ୧୩ ॥
ଵନ୍ଦିତା ଵସୁଦା ଵଶ୍ୟା ଵ୍ୟାତ୍ତାସ୍ୟା ଵଞ୍ଚିନୀ ବଲା ।
ଵସୁନ୍ଧରା ଵୀତିହୋତ୍ରା ଵୀତରାଗା ଵିହାୟସୀ ॥ ୧୪ ॥
ସର୍ଵା ଖନିପ୍ରିୟା କାମ୍ୟା କମଲା କାଞ୍ଚନୀ ରମା ।
ଧୂମ୍ରା କପାଲିନୀ ଵାମା କୁରୁକୁଲ୍ଲା କଲାଵତୀ ॥ ୧୫ ॥
ୟାମ୍ୟାଽଗ୍ନେୟୀ ଧରା ଧନ୍ୟା ଧର୍ମିଣୀ ଧ୍ୟାନିନୀ ଧ୍ରୁଵା ।
ଧୃତିର୍ଲକ୍ଷ୍ମୀର୍ଜୟା ତୁଷ୍ଟିଃ ଶକ୍ତିର୍ମେଧା ତପସ୍ଵିନୀ ॥ ୧୬ ॥
ଵେଧା ଜୟା କୃତିଃ କାନ୍ତିଃ ସ୍ଵାହା ଶାନ୍ତିର୍ଦମା ରତିଃ ।
ଲଜ୍ଜା ମତିଃ ସ୍ମୃତିର୍ନିଦ୍ରା ତନ୍ଦ୍ରା ଗୌରୀ ଶିଵା ସ୍ଵଧା ॥ ୧୭ ॥
ଚଣ୍ଡୀ ଦୁର୍ଗାଽଭୟା ଭୀମା ଭାଷା ଭାମା ଭୟାନକା ।
ଭୂଦାରା ଭୟାପହା ଭୀରୁର୍ଭୈରଵୀ ଭଙ୍ଗରା ଭଟୀ ॥ ୧୮ ॥
ଘୁର୍ଘୁରା ଘୋଷଣା ଘୋରା ଘୋଷିଣୀ ଘୋଣସଂୟୁତା ।
ଘନାଧନା ଘର୍ଘରା ଚ ଘୋଣୟୁକ୍ତାଽଘନାଶିନୀ ॥ ୧୯ ॥
ପୂର୍ଵାଗ୍ନେୟୀ ପାତୁ ୟାମ୍ୟା ଵାୟଵ୍ୟୁତ୍ତରଵାରୁଣୀ ।
ଐଶାନ୍ୟୂର୍ଧ୍ଵାଧଃସ୍ଥିତା ଚ ପୃଷ୍ଟା ଦକ୍ଷାଗ୍ରଵାମଗା ॥ ୨୦ ॥
ହୃନ୍ନାଭିବ୍ରହ୍ମରନ୍ଧ୍ରାର୍କସ୍ଵର୍ଗପାତାଲଭୂମିଗା ।
ଐଂ ଶ୍ରୀଃ ହ୍ରୀଃ କ୍ଲୀଂ ତୀର୍ଥଗତିଃ ପ୍ରୀତିର୍ଧୀର୍ଗୀଃ କଲାଽଵ୍ୟୟା ॥ ୨୧ ॥
ଋଗ୍ୟଜୁଃ ସାମରୂପା ଚ ପରା ୟାତ୍ରିଣ୍ୟୁଦୁମ୍ବରା ।
ଗଦାସିଶକ୍ତିଚାପେଷୁଶୂଲଚକ୍ରକ୍ରଷ୍ଟିଧାରିଣୀ ॥ ୨୨ ॥
ଜରତୀ ୟୁଵତୀ ବାଲା ଚତୁରଙ୍ଗବଲୋତ୍କଟା ।
ସତ୍ୟାକ୍ଷରା ଚାଧିଭେତ୍ରୀ ଧାତ୍ରୀ ପାତ୍ରୀ ପରା ପଟୁଃ ॥ ୨୩ ॥
କ୍ଷେତ୍ରଜ୍ଞା କମ୍ପିନୀ ଜ୍ୟେଷ୍ଠା ଦୂରଧର୍ଶା ଧୁରନ୍ଧରା ।
ମାଲିନୀ ମାନିନୀ ମାତା ମାନନୀୟା ମନସ୍ଵିନୀ ॥ ୨୪ ॥
ମହୋତ୍କଟା ମନ୍ୟୁକରୀ ମନୁରୂପା ମନୋଜଵା ।
ମେଦସ୍ଵିନୀ ମଦ୍ୟରତା ମଧୁପା ମଙ୍ଗଲାଽମରା ॥ ୨୫ ॥
ମାୟା ମାତାଽଽମୟହରୀ ମୃଡାନୀ ମହିଲା ମୃତିଃ ।
ମହାଦେଵୀ ମୋହହରୀ ମଞ୍ଜୁର୍ମୃତ୍ୟୁଞ୍ଜୟାଽମଲା ॥ ୨୬ ॥
ମାଂସଲା ମାନଵା ମୂଲା ମହାରାତ୍ରିମହାଲସା ।
ମୃଗାଙ୍କା ମୀନକାରୀ ସ୍ୟାନ୍ମହିଷଘ୍ନୀ ମଦନ୍ତିକା ॥ ୨୭ ॥
ମୂର୍ଚ୍ଛାମୋହମୃଷାମୋଘାମଦମୃତ୍ୟୁମଲାପହା ।
ସିଂହର୍କ୍ଷମହିଷଵ୍ୟାଘ୍ରମୃଗକ୍ରୋଡାନନା ଧୁନୀ ॥ ୨୮ ॥
ଧରିଣୀ ଧାରିଣୀ ଧେନୁର୍ଧରିତ୍ରୀ ଧାଵନୀ ଧଵା ।
ଧର୍ମଧ୍ଵନା ଧ୍ୟାନପରା ଧନଧାନ୍ୟଧରାପ୍ରଦା ॥ ୨୯ ॥
ପାପଦୋଷରିପୁଵ୍ୟାଧିନାଶିନୀ ସିଦ୍ଧିଦାୟିନୀ ।
କଲାକାଷ୍ଠାତ୍ରପାପକ୍ଷାଽହସ୍ତ୍ରୁଟିଶ୍ଵାସରୂପିଣୀ ॥ ୩୦ ॥
ସମୃଦ୍ଧା ସୁଭୁଜା ରୌଦ୍ରୀ ରାଧା ରାକା ରମାଽରଣିଃ ।
ରାମା ରତିଃ ପ୍ରିୟା ରୁଷ୍ଟା ରକ୍ଷିଣୀ ରଵିମଧ୍ୟଗା ॥ ୩୧ ॥
ରଜନୀ ରମଣୀ ରେଵା ରଙ୍କିନୀ ରଞ୍ଜିନୀ ରମା ।
ରୋଷା ରୋଷଵତୀ ରୂକ୍ଷା କରିରାଜ୍ୟପ୍ରଦା ରତା ॥ ୩୨ ॥
ରୂକ୍ଷା ରୂପଵତୀ ରାସ୍ୟା ରୁଦ୍ରାଣୀ ରଣପଣ୍ଡିତା ।
ଗଙ୍ଗା ଚ ୟମୁନା ଚୈଵ ସରସ୍ଵତିସ୍ଵସୂର୍ମଧୁଃ ॥ ୩୩ ॥
ଗଣ୍ଡକୀ ତୁଙ୍ଗଭଦ୍ରା ଚ କାଵେରୀ କୌଶିକୀ ପଟୁଃ ।
ଖଟ୍ଵୋରଗଵତୀ ଚାରା ସହସ୍ରାକ୍ଷା ପ୍ରତର୍ଦନା ॥ ୩୪ ॥
ସର୍ଵଜ୍ଞା ଶାଙ୍କରୀ ଶାସ୍ତ୍ରୀ ଜଟାଧାରିଣ୍ୟୟୋରଦା ।
ୟାଵନୀ ସୌରଭୀ କୁବ୍ଜା ଵକ୍ରତୁଣ୍ଡା ଵଧୋଦ୍ୟତା ॥ ୩୫ ॥
ଚନ୍ଦ୍ରାପୀଡା ଵେଦଵେଦ୍ୟା ଶଙ୍ଖିନୀ ନୀଲ୍ଲଓହିତା ।
ଧ୍ୟାନାତୀତାଽପରିଚ୍ଛେଦ୍ୟା ମୃତ୍ୟୁରୂପା ତ୍ରିଵର୍ଗଦା ॥ ୩୬ ॥
ଅରୂପା ବହୁରୂପା ଚ ନାନାରୂପା ନତାନନା ।
ଵୃଷାକପିର୍ଵୃଷାରୂଢା ଵୃଷେଶୀ ଵୃଷଵାହନା ॥ ୩୭ ॥
ଵୃଷପ୍ରିୟା ଵୃଷାଵର୍ତା ଵୃଷପର୍ଵା ଵୃଷାକୃତିଃ ।
କୋଦଣ୍ଡିନୀ ନାଗଚୂଡା ଚକ୍ଷୁଷ୍ୟା ପରମାର୍ଥିକା ॥ ୩୮ ॥
ଦୁର୍ଵାସା ଦୁର୍ଗ୍ରହା ଦେଵୀ ସୁରାଵାସା ଦୁରାରିହା ।
ଦୁର୍ଗା ରାଧା ଦୁର୍ଗହନ୍ତ୍ରୀ ଦୁରାରାଧ୍ୟା ଦଵୀୟସୀ ॥ ୩୯ ॥
ଦୁରାଵାସା ଦୁଃପ୍ରହସ୍ତା ଦୁଃପ୍ରକମ୍ପା ଦୁରୁହିଣୀ ।
ସୁଵେଣୀ ଶ୍ରମଣୀ ଶ୍ୟାମା ମୃଗଵ୍ୟାଧାଽର୍କତାପିନୀ ॥ ୪୦ ॥
ଦୁର୍ଗା ତାର୍କ୍ଷୀ ପାଶୁପତୀ କୌଣପୀ କୁଣପାଶନା ।
କପର୍ଦିନୀ କାମକାମା କମନୀୟା କଲୋଜ୍ଵଲା ॥ ୪୧ ॥
କାସାଵହୃତ୍କାରକାନୀ କମ୍ବୁକଣ୍ଠୀ କୃତାଗମା ।
କର୍କଶା କାରଣା କାନ୍ତା କଲ୍ପାଽକଲ୍ପା କଟଙ୍କଟା ॥ ୪୨ ॥
ଶ୍ମଶାନନିଲୟା ଭିନ୍ନୀ ଗଜାରୁଢା ଗଜାପହା ।
ତତ୍ପ୍ରିୟା ତତ୍ପରା ରାୟା ସ୍ଵର୍ଭାନୁଃ କାଲଵଞ୍ଚିନୀ ॥ ୪୩ ॥
ଶାଖା ଵିଶାଖା ଗୋଶାଖା ସୁଶାଖା ଶେଷଶାଖିନୀ ।
ଵ୍ୟଙ୍ଗା ସୁଭାଙ୍ଗା ଵାମାଙ୍ଗା ନୀଲାଙ୍ଗାଽନଙ୍ଗରୂପିଣୀ ॥ ୪୪ ॥
ସାଙ୍ଗୋପାଙ୍ଗା ଚ ଶାରଙ୍ଗା ଶୁଭାଙ୍ଗା ରଙ୍ଗରୂପିଣୀ ।
ଭଦ୍ରା ସୁଭଦ୍ରା ଭଦ୍ରାକ୍ଷୀ ସିଂହିକା ଵିନତାଽଦିତିଃ ॥ ୪୫ ॥
ହୃଦ୍ୟା ଵଦ୍ୟା ସୁପଦ୍ୟା ଚ ଗଦ୍ୟପଦ୍ୟପ୍ରିୟା ପ୍ରସୂଃ ।
ଚର୍ଚିକା ଭୋଗଵତ୍ୟମ୍ବା ସାରସୀ ଶବରୀ ନଟୀ ॥ ୪୬ ॥
ୟୋଗିନୀ ପୁଷ୍କଲାଽନନ୍ତା ପରା ସାଙ୍ଖ୍ୟା ଶଚୀ ସତୀ ।
ନିମ୍ନଗା ନିମ୍ନନାଭିଶ୍ଚ ସହିଷ୍ଣୁର୍ଜାଗୃତୀ ଲିପିଃ ॥ ୪୭ ॥
ଦମୟନ୍ତୀ ଦମୀ ଦଣ୍ଡୋଦ୍ଦଣ୍ଡିନୀ ଦାରଦାୟିକା ।
ଦୀପିନୀ ଧାଵିନୀ ଧାତ୍ରୀ ଦକ୍ଷକନ୍ୟା ଦରିଦ୍ରତୀ ॥ ୪୮ ॥
ଦାହିନୀ ଦ୍ରଵିଣୀ ଦର୍ଵୀ ଦଣ୍ଡିନୀ ଦଣ୍ଡନାୟିକା ।
ଦାନପ୍ରିୟା ଦୋଷହନ୍ତ୍ରୀ ଦୁଃଖଦାରିଦ୍ର୍ୟନାଶିନୀ ॥ ୪୯ ॥
ଦୋଷଦା ଦୋଷକୃଦ୍ଦୋଗ୍ଧ୍ରୀ ଦୋହଦା ଦେଵିକାଽଦନା ।
ଦର୍ଵୀକରୀ ଦୁର୍ଵଲିତା ଦୁର୍ୟୁଗାଽଦ୍ଵୟଵାଦିନୀ ॥ ୫୦ ॥
ଚରାଚରାଽନନ୍ତଵୃଷ୍ଟିରୁନ୍ମତ୍ତା କମଲାଲସା ।
ତାରିଣୀ ତାରକାନ୍ତାରା ପରାତ୍ମା କୁବ୍ଜଲୋଚନା ॥ ୫୧ ॥
ଇନ୍ଦୁର୍ହିରଣ୍ୟକଵଚା ଵ୍ୟଵସ୍ଥା ଵ୍ୟଵସାୟିକା ।
ଈଶନନ୍ଦା ନଦୀ ନାଗୀ ୟକ୍ଷିଣୀ ସର୍ପିଣୀ ଵରୀ ॥ ୫୨ ॥
ସୁଧା ସୁରା ଵିଶ୍ଵସହା ସୁଵର୍ଣାଙ୍ଗଦଧାରିଣୀ ।
ଜନନୀ ପ୍ରୀତିପାକେରୁଃ ସାମ୍ରାଜ୍ଞୀ ସଂଵିଦୁତ୍ତମା ॥ ୫୩ ॥
ଅମେୟାଽରିଷ୍ଟଦମନୀ ପିଙ୍ଗଲା ଲିଙ୍ଗଧାରିଣୀ ।
ଚାମୁଣ୍ଡା ପ୍ଲାଵିନୀ ହାଲା ବୃହଜ୍ଜ୍ୟୋତିରୁରୁକ୍ରମା ॥ ୫୪ ॥
ସୁପ୍ରତୀକା ଚ ସୁଗ୍ରୀଵା ହଵ୍ୟଵାହା ପ୍ରଲାପିନୀ ।
ନଭସ୍ୟା ମାଧଵୀ ଜ୍ୟେଷ୍ଠା ଶିଶିରା ଜ୍ଵାଲିନୀ ରୁଚିଃ ॥ ୫୫ ॥
ଶୁକ୍ଲା ଶୁକ୍ରା ଶୁଚା ଶୋକା ଶୁକୀ ଭେକୀ ପିକୀ ଭକୀ ।
ପୃଷଦଶ୍ଵା ନଭୋୟୋନୀ ସୁପ୍ରତୀକା ଵିଭାଵରୀ ॥ ୫୬ ॥
ଗର୍ଵିତା ଗୁର୍ଵିଣୀ ଗଣ୍ୟା ଗୁରୁର୍ଗୁରୁତରୀ ଗୟା ।
ଗନ୍ଧର୍ଵୀ ଗଣିକା ଗୁନ୍ଦ୍ରା ଗାରୁଡୀ ଗୋପିକାଽଗ୍ରଗା ॥ ୫୭ ॥
ଗଣେଶୀ ଗାମିନୀ ଗନ୍ତ୍ରୀ ଗୋପତିର୍ଗନ୍ଧିନୀ ଗଵୀ ।
ଗର୍ଜିତା ଗାନନୀ ଗୋନା ଗୋରକ୍ଷା ଗୋଵିଦାଂ ଗତିଃ ॥ ୫୮ ॥
ଗ୍ରାଥିକୀ ଗ୍ରଥିକୃଦ୍ଗୋଷ୍ଠୀ ଗର୍ଭରୂପା ଗୁଣୈଷିଣୀ ।
ପାରସ୍କରୀ ପାଞ୍ଚନଦା ବହୁରୂପା ଵିରୂପିକା ॥ ୫୯ ॥
ଊହା ଵ୍ୟୂହା ଦୁରୂହା ଚ ସମ୍ମୋହା ମୋହହାରିଣୀ ।
ୟଜ୍ଞଵିଗ୍ରହିଣୀ ୟଜ୍ଞା ୟାୟଜୂକା ୟଶସ୍ଵିନୀ ॥ ୬୦ ॥
ଅଗ୍ନିଷ୍ଠୋମୋଽତ୍ୟଗ୍ନିଷ୍ଟୋମୋ ଵାଜପେୟଶ୍ଚ ଷୋଡଶୀ ।
ପୁଣ୍ଡରୀକୋଽଶ୍ଵମେଧଶ୍ଚ ରାଜସୂୟଶ୍ଚ ନାଭସଃ ॥ ୬୧ ॥
ସ୍ଵିଷ୍ଟକୃଦ୍ବହୁସୌଵର୍ଣୋ ଗୋସଵଶ୍ଚ ମହାଵ୍ରତଃ ।
ଵିଶ୍ଵଜିଦ୍ବ୍ରହ୍ମୟଜ୍ଞଶ୍ଚ ପ୍ରାଜାପତ୍ୟଃ ଶିଲାୟଵଃ ॥ ୬୨ ॥
ଅଶ୍ଵକ୍ରାନ୍ତୋ ରଥକ୍ରାନ୍ତୋ ଵିଷ୍ଣୁକ୍ରାନ୍ତୋ ଵିଭାଵସୁଃ ।
ସୂର୍ୟକ୍ରାନ୍ତୋ ଗଜକ୍ରାନ୍ତୋ ବଲିଭିନ୍ନାଗୟଜ୍ଞକଃ ॥ ୬୩ ॥
ସାଵିତ୍ରୀ ଚାର୍ଧସାଵିତ୍ରୀ ସର୍ଵତୋଭଦ୍ରଵାରୁଣଃ ।
ଆଦିତ୍ୟାମୟଗୋଦୋହଗଵାମୟମୃଗାମୟାଃ ॥ ୬୪ ॥
ସର୍ପମୟଃ କାଲପିଞ୍ଜଃ କୌଣ୍ଡିନ୍ୟୋପନକାହଲଃ ।
ଅଗ୍ନିଵିଦ୍ଦ୍ଵାଦଶାହଃ ସ୍ଵୋପାଂଶୁଃ ସୋମଦୋହନଃ ॥ ୬୫ ॥
ଅଶ୍ଵପ୍ରତିଗ୍ରହୋ ବର୍ହିରଥୋଽଭ୍ୟୁଦୟ ଋଦ୍ଧିରାଟ୍ ।
ସର୍ଵସ୍ଵଦକ୍ଷିଣୋ ଦୀକ୍ଷା ସୋମାଖ୍ୟା ସମିଦାହ୍ଵୟଃ ॥ ୬୬ ॥
କଠାୟନଶ୍ଚ ଗୋଦୋହଃ ସ୍ଵାହାକାରସ୍ତନୂନପାତ୍ ।
ଦଣ୍ଡାପୁରୁଷମେଧଶ୍ଚ ଶ୍ୟେନୋ ଵଜ୍ର ଇଷୁର୍ୟମଃ ॥ ୬୭ ॥
ଅଙ୍ଗିରା କଙ୍ଗଭେରୁଣ୍ଡା ଚାନ୍ଦ୍ରାୟଣପରାୟଣା ।
ଜ୍ୟୋତିଷ୍ଠୋମଃ କୁତୋ ଦର୍ଶୋ ନନ୍ଦ୍ୟାଖ୍ୟଃ ପୌର୍ଣମାସିକଃ ॥ ୬୮ ॥
ଗଜପ୍ରତିଗ୍ରହୋ ରାତ୍ରିଃ ସୌରଭଃ ଶାଙ୍କଲାୟନଃ ।
ସୌଭାଗ୍ୟକୃଚ୍ଚ କାରୀଷୋ ଵୈତଲାୟନରାମଠୀ ॥ ୬୯ ॥
ଶୋଚିଷ୍କାରୀ ନାଚିକେତଃ ଶାନ୍ତିକୃତ୍ପୁଷ୍ଟିକୃତ୍ତଥା ।
ଵୈନତେୟୋଚ୍ଚାଟନୌ ଚ ଵଶୀକରଣମାରଣେ ॥ ୭୦ ॥
ତ୍ରୈଲୋକ୍ୟମୋହନୋ ଵୀରଃ କନ୍ଦର୍ପବଲଶାତନଃ ।
ଶଙ୍ଖଚୂଡୋ ଗଜାଚ୍ଛାୟୋ ରୌଦ୍ରାଖ୍ୟୋ ଵିଷ୍ଣୁଵିକ୍ରମଃ ॥ ୭୧ ॥
ଭୈରଵଃ କଵହାଖ୍ୟଶ୍ଚାଵଭୃଥୋଽଷ୍ଟାକପାଲକଃ ।
ଶ୍ରୌଷଟ୍ ଵୌଷଟ୍ ଵଷଟ୍କାରଃ ପାକସଂସ୍ଥା ପରିଶ୍ରୁତୀ ॥ ୭୨ ॥
ଚୟନୋ ନରମେଧଶ୍ଚ କାରୀରୀ ରତ୍ନଦାନିକା ।
ସୌତ୍ରାମଣୀ ଚ ଭାରୁନ୍ଦା ବାର୍ହସ୍ପତ୍ୟୋ ବଲଙ୍ଗମଃ ॥ ୭୩ ॥
ପ୍ରଚେତାଃ ସର୍ଵସତ୍ରଶ୍ଚ ଗଜମେଧଃ କରମ୍ଭକଃ ।
ହଵିଃସଂସ୍ଥା ସୋମସଂସ୍ଥା ପାକସଂସ୍ଥା ଗରୁତ୍ମତୀ ॥ ୭୪ ॥
ସତ୍ୟସୂର୍ୟଶ୍ଚମସଃ ସ୍ରୁକ୍ସ୍ରୁଵୋଲୂଖଲମେକ୍ଷଣୀ ।
ଚପଲୋ ମନ୍ଥିନୀ ମେଢୀ ୟୂପଃ ପ୍ରାଗ୍ଵଂଶକୁଞ୍ଜିକା ॥ ୭୫ ॥
ରଶ୍ମିରଶୁଶ୍ଚ ଦୋଭ୍ୟଶ୍ଚ ଵାରୁଣୋଦଃ ପଵିଃ କୁଥା ।
ଆପ୍ତୋର୍ୟାମୋ ଦ୍ରୋଣକଲଶୋ ମୈତ୍ରାଵରୁଣ ଆଶ୍ଵିନଃ ॥ ୭୬ ॥
ପାତ୍ନୀଵତଶ୍ଚ ମନ୍ଥୀ ଚ ହାରିୟୋଜନ ଏଵ ଚ ।
ପ୍ରତିପ୍ରସ୍ଥାନଶୁକ୍ରୌ ଚ ସାମିଧେନୀ ସମିତ୍ସମା ॥ ୭୭ ॥
ହୋତାଽଧ୍ଵର୍ୟୁସ୍ତଥୋଦ୍ଘାତା ନେତା ତ୍ଵଷ୍ଟା ଚ ୟୋତ୍ରିକା ।
ଆଗ୍ନୀଧ୍ରୋଽଚ୍ଛଵଗାଷ୍ଟାଵଗ୍ରାଵସ୍ତୁତ୍ପ୍ରତର୍ଦକଃ ॥ ୭୮ ॥
ସୁବ୍ରହ୍ମଣ୍ୟୋ ବ୍ରାହ୍ମଣଶ୍ଚ ମୈତ୍ରାଵରୁଣଵାରୁଣୌ ।
ପ୍ରସ୍ତୋତା ପ୍ରତିପ୍ରସ୍ଥାତା ୟଜମାନା ଧ୍ରୁଵଂତ୍ରିକା ॥ ୭୯ ॥
ଆମିକ୍ଷାମୀଷଦାଜ୍ୟଂ ଚ ହଵ୍ୟଂ କଵ୍ୟଂ ଚରୁଃ ପୟଃ ।
ଜୁହୂଦ୍ଧୁଣୋଭୃତ୍ ବ୍ରହ୍ମା ତ୍ରୟୀ ତ୍ରେତା ତରଶ୍ଵିନୀ ॥ ୮୦ ॥
ପୁରୋଡାଶଃ ପଶୁକର୍ଷଃ ପ୍ରେକ୍ଷଣୀ ବ୍ରହ୍ମୟଜ୍ଞିନୀ ।
ଅଗ୍ନିଜିହ୍ଵା ଦର୍ଭରୋମା ବ୍ରହ୍ମଶୀର୍ଷା ମହୋଦରୀ ॥ ୮୧ ॥
ଅମୃତପ୍ରାଶିକା ନାରାୟଣୀ ନଗ୍ନା ଦିଗମ୍ବରା ।
ଓଙ୍କାରିଣୀ ଚତୁର୍ଵେଦରୂପା ଶ୍ରୁତିରନୁଲ୍ଵଣା ॥ ୮୨ ॥
ଅଷ୍ଟାଦଶଭୁଜା ରମ୍ଭା ସତ୍ୟା ଗଗନଚାରିଣୀ ।
ଭୀମଵକ୍ତ୍ରା ମହାଵକ୍ତ୍ରା କୀର୍ତିରାକୃଷ୍ଣପିଙ୍ଗଲା ॥ ୮୩ ॥
କୃଷ୍ଣମୂର୍ଦ୍ଧା ମହାମୂର୍ଦ୍ଧା ଘୋରମୂର୍ଦ୍ଧା ଭୟାନନା ।
ଘୋରାନନା ଘୋରଜିହ୍ଵା ଘୋରରାଵା ମହାଵ୍ରତା ॥ ୮୪ ॥
ଦୀପ୍ତାସ୍ୟା ଦୀପ୍ତନେତ୍ରା ଚଣ୍ଡପ୍ରହରଣା ଜଟୀ ।
ସୁରଭୀ ସୌନଭୀ ଵୀଚୀ ଛାୟା ସନ୍ଧ୍ୟା ଚ ମାଂସଲା ॥ ୮୫ ॥
କୃଷ୍ଣା କୃଷ୍ଣାମ୍ବରା କୃଷ୍ଣଶାର୍ଙ୍ଗିଣୀ କୃଷ୍ଣଵଲ୍ଲଭା ।
ତ୍ରାସିନୀ ମୋହିନୀ ଦ୍ଵେଷ୍ୟା ମୃତ୍ୟୁରୂପା ଭୟାଵହା ॥ ୮୬ ॥
ଭୀଷଣା ଦାନଵେନ୍ଦ୍ରଘ୍ନୀ କଲ୍ପକର୍ତ୍ରୀ କ୍ଷୟଙ୍କରୀ ।
ଅଭୟା ପୃଥିଵୀ ସାଧ୍ଵୀ କେଶିନୀ ଵ୍ୟାଧିଜନ୍ମହା ॥ ୮୭ ॥
ଅକ୍ଷୋଭ୍ୟା ହ୍ଲାଦିନୀ କନ୍ୟା ପଵିତ୍ରା ରୋପିଣୀ ଶୁଭା ।
କନ୍ୟାଦେଵୀ ସୁରାଦେଵୀ ଭୀମାଦେଵୀ ମଦନ୍ତିକା ॥ ୮୮ ॥
ଶାକମ୍ବରୀ ମହାଶ୍ଵେତା ଧୂମ୍ରା ଧୂମ୍ରେଶ୍ଵରୀଶ୍ଵରୀ ।
ଵୀରଭଦ୍ରା ମହାଭଦ୍ରା ମହାଦେଵୀ ମହାସୁରୀ ॥ ୮୯ ॥
ଶ୍ମଶାନଵାସିନୀ ଦୀପ୍ତା ଚିତିସଂସ୍ଥା ଚିତିପ୍ରିୟା ।
କପାଲହସ୍ତା ଖଟ୍ଵାଙ୍ଗୀ ଖଡ୍ଗିନୀ ଶୂଲିନୀ ହଲୀ ॥ ୯୦ ॥
କାନ୍ତାରିଣୀ ମହାୟୋଗୀ ୟୋଗମାର୍ଗା ୟୁଗଗ୍ରହା ।
ଧୂମ୍ରକେତୁର୍ମହାସ୍ୟାୟୁର୍ୟୁଗାନାଂ ପରିଵର୍ତିନୀ ॥ ୯୧ ॥
ଅଙ୍ଗାରିଣ୍ୟଙ୍କୁଶକରା ଘଣ୍ଟାଵର୍ଣା ଚ ଚକ୍ରିଣୀ ।
ଵେତାଲୀ ବ୍ରହ୍ମଵେତାଲୀ ମହାଵେତାଲିକା ତଥା ॥ ୯୨ ॥
ଵିଦ୍ୟାରାଜ୍ଞୀ ମୋହରାଜ୍ଞୀ ମହାରାଜ୍ଞୀ ମହୋଦରୀ ।
ଭୂତଂ ଭଵ୍ୟଂ ଭଵିଷ୍ୟଂ ଚ ସାଙ୍ଖ୍ୟଂ ୟୋଗସ୍ତତୋ ଦମଃ ॥ ୯୩ ॥
ଅଧ୍ୟାତ୍ମଂ ଚାଧିଦୈଵଂ ଚାଧିଭୂତାଂଶ ଏଵ ଚ ।
ଘଣ୍ଟାରଵା ଵିରୂପାକ୍ଷୀ ଶିଖିଚିଚ୍ଛ୍ରୀଚୟପ୍ରିୟା ॥ ୯୪ ॥
ଖଡ୍ଗଶୂଲଗଦାହସ୍ତା ମହିଷାସୁରମର୍ଦିନୀ ।
ମାତଙ୍ଗୀ ମତ୍ତମାତଙ୍ଗୀ କୌଶିକୀ ବ୍ରହ୍ମଵାଦିନୀ ॥ ୯୫ ॥
ଉଗ୍ରତେଜା ସିଦ୍ଧସେନା ଜୃମ୍ଭିଣୀ ମୋହିନୀ ତଥା ।
ଜୟା ଚ ଵିଜୟା ଚୈଵ ଵିନତା କଦ୍ରୁରେଵ ଚ ॥ ୯୬ ॥
ଧାତ୍ରୀ ଵିଧାତ୍ରୀ ଵିକ୍ରାନ୍ତା ଧ୍ଵସ୍ତା ମୂର୍ଚ୍ଛା ଚ ମୂର୍ଚ୍ଛନୀ ।
ଦମନୀ ଦାମିନୀ ଦମ୍ୟା ଛେଦିନୀ ତାପିନୀ ତପୀ ॥ ୯୭ ॥
ବନ୍ଧିନୀ ବାଧିନୀ ବନ୍ଧ୍ୟା ବୋଧାତୀତା ବୁଧପ୍ରିୟା ।
ହରିଣୀ ହାରିଣୀ ହନ୍ତ୍ରୀ ଧରିଣୀ ଧାରିଣୀ ଧରା ॥ ୯୮ ॥
ଵିସାଧିନୀ ସାଧିନୀ ଚ ସନ୍ଧ୍ୟା ସଙ୍ଗୋପନୀ ପ୍ରିୟା ।
ରେଵତୀ କାଲକର୍ଣୀ ଚ ସିଦ୍ଧିଲକ୍ଷ୍ମୀରରୁନ୍ଧତୀ ॥ ୯୯ ॥
ଧର୍ମପ୍ରିୟା ଧର୍ମରତିଃ ଧର୍ମିଷ୍ଠା ଧର୍ମଚାରିଣୀ ।
ଵ୍ୟୁଷ୍ଟିଃ ଖ୍ୟାତିଃ ସିନୀଵାଲୀ କୁହୂଃ ଋତୁମତୀ ମୃତିଃ ॥ ୧୦୦ ॥
ତଵାଷ୍ଟ୍ରୀ ଵୈରୋଚନୀ ମୈତ୍ରୀ ନୀରଜା କୈଟଭେଶ୍ଵରୀ ।
ଭ୍ରମଣୀ ଭ୍ରାମଣୀ ଭ୍ରାମା ଭ୍ରମରୀ ଭ୍ରାମରୀ ଭ୍ରମା ॥ ୧୦୧ ॥
ନିଷ୍କଲା କଲହା ନୀତା କୌଲାକାରା କଲେବରା ।
ଵିଦ୍ୟୁଜ୍ଜିହ୍ଵା ଵର୍ଷିଣୀ ଚ ହିରଣ୍ୟାକ୍ଷନିପାତିନୀ ॥ ୧୦୨ ॥
ଜିତକାମା କାମୃଗୟା କୋଲା କଲ୍ପାଙ୍ଗିନୀ କଲା ।
ପ୍ରଧାନା ତାରକା ତାରା ହିତାତ୍ମା ହିତଭେଦିନୀ ॥ ୧୦୩ ॥
ଦୁରକ୍ଷରା ପରମ୍ବ୍ରହ୍ମ ମହାତାନା ମହାହଵା ।
ଵାରୁଣୀ ଵ୍ୟରୁଣୀ ଵାଣୀ ଵୀଣା ଵେଣୀ ଵିହଙ୍ଗମା ॥ ୧୦୪ ॥
ମୋଦପ୍ରିୟା ମୋଦକିନୀ ପ୍ଲଵନୀ ପ୍ଲାଵିନୀ ପ୍ଲୁତିଃ ।
ଅଜରା ଲୋହିତା ଲାକ୍ଷା ପ୍ରତପ୍ତା ଵିଶ୍ଵଭୋଜିନୀ ॥ ୧୦୫ ॥
ମନୋ ବୁଦ୍ଧିରହଙ୍କାରଃ କ୍ଷେତ୍ରଜ୍ଞା କ୍ଷେତ୍ରପାଲିକା ।
ଚତୁର୍ଵେଦା ଚତୁର୍ଭାରା ଚତୁରନ୍ତା ଚରୁପ୍ରିୟା ॥ ୧୦୬ ॥
ଚର୍ଵିଣୀ ଚୋରିଣୀ ଚାରୀ ଚାଙ୍କରୀ ଚର୍ମଭେଭୈରଵୀ ।
ନିର୍ଲେପା ନିଷ୍ପ୍ରପଞ୍ଚା ଚ ପ୍ରଶାନ୍ତା ନିତ୍ୟଵିଗ୍ରହା ॥ ୧୦୭ ॥
ସ୍ତଵ୍ୟା ସ୍ତଵପ୍ରିୟା ଵ୍ୟାଲା ଗୁରୁରାଶ୍ରିତଵତ୍ସଲା ।
ନିଷ୍କଲଙ୍କା ନିରାଲମ୍ବା ନିର୍ଦ୍ଵନ୍ଦ୍ଵା ନିଷ୍ପରିଗ୍ରହା ॥ ୧୦୮ ॥
ନିର୍ଗୁଣା ନିର୍ମଲା ନିତ୍ୟା ନିରୀହା ନିରଘା ନଵା ।
ନିରିନ୍ଦ୍ରିୟା ନିରାଭାସା ନିର୍ମୋହା ନୀତିନାୟିକା ॥ ୧୦୯ ॥
ନିରିନ୍ଧନା ନିଷ୍କଲା ଚ ଲୀଲାକାରା ନିରାମୟା ।
ମୁଣ୍ଡା ଵିରୂପା ଵିକୃତା ପିଙ୍ଗଲାକ୍ଷୀ ଗୁଣୋତ୍ତରା ॥ ୧୧୦ ॥
ପଦ୍ମଗର୍ଭା ମହାଗର୍ଭା ଵିଶ୍ଵଗର୍ଭା ଵିଲକ୍ଷଣା ।
ପରମାତ୍ମା ପରେଶାନୀ ପରା ପାରା ପରନ୍ତପା ॥ ୧୧୧ ॥
ସଂସାରସେତୁଃ କ୍ରୂରାକ୍ଷୀ ମୂର୍ଚ୍ଛା ମତ୍ତା ମନୁପ୍ରିୟା ।
ଵିସ୍ମୟା ଦୁର୍ଜୟା ଦକ୍ଷା ତନୁହନ୍ତ୍ରୀ ଦୟାଲୟା ॥ ୧୧୨ ॥
ପରବ୍ରହ୍ମାଽଽନନ୍ଦରୂପା ସର୍ଵସିଦ୍ଧିଵିଧାୟିନୀ । ଓଂ।
ଏଵମୁଡ୍ଡାମରତନ୍ତ୍ରାନ୍ମୟୋଦ୍ଧୃତ୍ୟ ପ୍ରକାଶିତମ୍ ॥ ୧୧୩ ॥
ଗୋପନୀୟଂ ପ୍ରୟତ୍ନେନ ନାଖ୍ୟେୟଂ ୟସ୍ୟ କସ୍ୟଚିତ୍ ।
ୟଦୀଚ୍ଛସି ଦ୍ରୁତଂ ସିଦ୍ଧିଂ ଐଶ୍ଵର୍ୟଂ ଚିରଜୀଵିତାମ୍ ॥ ୧୧୪ ॥
ଆରୋଗ୍ୟଂ ନୃପସମ୍ମାନଂ ତଦା ନାମାନି କୀର୍ତୟେତ୍ ।
ନାମ୍ନାଂ ସହସ୍ରଂ ଵାରାହ୍ୟାଃ ମୟା ତେ ସମୁଦୀରିତମ୍ ॥ ୧୧୫ ॥
ୟଃ ପଠେଚ୍ଛୃଣୁୟାଦ୍ଵାପି ସର୍ଵପାପୈଃ ପ୍ରମୁଚ୍ୟତେ ।
ଅଶ୍ଚମେଧସହସ୍ରସ୍ୟ ଵାଜପେୟଶତସ୍ୟ ଚ ॥ ୧୧୬ ॥
ପୁଣ୍ଡରୀକାୟୁତସ୍ୟାପି ଫଲଂ ପାଠାତ୍ ପ୍ରଜାୟତେ ।
ପଠତଃ ସର୍ଵଭାଵେନ ସର୍ଵାଃ ସ୍ୟୁଃ ସିଦ୍ଧୟଃ କରେ ॥ ୧୧୭ ॥
ଜାୟତେ ମହଦୈଶ୍ଵର୍ୟଂ ସର୍ଵେଷାଂ ଦୟିତୋ ଭଵେତ୍ ।
ଧନସାରାୟତେ ଵହ୍ନିରଗାଧୋଽବ୍ଧିଃ କଣାୟତେ ॥ ୧୧୮ ॥
ସିଦ୍ଧୟଶ୍ଚ ତୃଣାୟନ୍ତେ ଵିଷମପ୍ୟମୃତାୟତେ ।
ହାରାୟନ୍ତେ ମହାସର୍ପାଃ ସିଂହଃ କ୍ରୀଡାମୃଗାୟତେ ॥ ୧୧୯ ॥
ଦାସାୟନ୍ତେ ମହୀପାଲା ଜଗନ୍ମିତ୍ରାୟତେଽଖିଲମ୍ ।
ତସ୍ମାନ୍ନାମ୍ନାଂ ସହସ୍ରେଣ ସ୍ତୁତା ସା ଜଗଦମ୍ବିକା ।
ପ୍ରୟଚ୍ଛତ୍ୟଖିଲାନ୍ କାମାନ୍ ଦେହାନ୍ତେ ପରମାଂ ଗତିମ୍ ॥ ୧୨୦ ॥
॥ ଇତି ଉଡ୍ଡାମରତନ୍ତ୍ରାନ୍ତର୍ଗତଂ ଶ୍ରୀଆଦିଵାରାହୀସହସ୍ରନାମସ୍ତୋତ୍ରଂ ସମ୍ପୂର୍ଣମ୍ ॥