॥ Devasenasahasranamastotram Sanskrit Lyrics ॥
॥ श्रीदेवसेनासहस्रनामस्तोत्रम् ॥
दकारादिथकारान्तवर्णादिनामानि
ॐ श्रीगणेशाय नमः ।
ब्रह्मोवाच –
या हि प्रकृतिषष्ठांशा मम मानसपुत्रिका ।
आयुः प्रदा च जगतां सुब्रह्मण्यप्रिया सती ॥ १ ॥
देवसेनाम्बिका तस्या नामसहस्रमुत्तमम् ।
वदामि नारदमुने पठनात्सर्वसिद्धिदम् ॥ २ ॥
अहमेव मुनिस्तस्य छन्दोऽनुष्टुबुदाहृतः ।
देवता देवसेनाम्बा सुब्रह्मण्यप्रिया परा ॥ ३ ॥
बीजन्यासादिकं सर्वं मायावर्णौः समाचरेत् ।
ततो ध्यायेद्देवसेनां गाङ्गेयस्य प्रियां शुभाम् ॥ ४ ॥
ध्यानम् –
रक्ताभां रक्तवस्त्रां मणिमयखचितानेकभूषाभिरामां
देवीं माहेन्द्रमान्यां मधुरिपुनयनादुद्भवां देवसेनाम् ।
कल्हारं दक्षहस्ते तदितरकरवरं लम्बितं सन्दधानां
संस्थां स्कन्दस्य वामे समुदमपि गुहं लोकयन्तीं भजेऽहम् ॥
एवं ध्यात्वा समभ्यर्च्य मनसा सादरं नरः ।
पठेन्नामसहस्रं तत्स्तवराजमनुत्तमम् ।
ॐ देवसेना देवराजतनया देववन्दिता ।
देवी देवीश्वरी देववनिता देवतार्चिता ॥ १ ॥
देवरा देवराराध्या देवमानसहंसिका ।
देवदारुवनान्तः स्था देवता देवमोहिनी ॥ २ ॥
देवारिविमुखा देवमुनीड्या देवदेशिका ।
दैत्यारितनया दैत्यकण्टकी दैत्यमर्दिनी ॥ ३ ॥
दैव्या दैन्यपराधीना दैवज्ञा दैव्यभक्षिणी ।
दोर्द्वया दोषहीनाङ्गी दोषाभा दोर्धृताम्बुजा ॥ ४ ॥
दोषाकरसमानास्या दोषाकरसमर्चिता ।
दोषघ्नी दोर्लता दोलचेला दोलविहारिणी ॥ ५ ॥
दण्डिणी दण्डनीतिस्था दण्डायुधपतिव्रता ।
दण्डकारण्यनिलया दण्डितासुरविक्रमा ॥ ६ ॥
दक्षा दाक्षायणीप्रता दक्षिणा दक्षिणाश्रिता ।
दक्षज्ञा दक्षिणावर्तकम्बुकण्ठी दयानिधिः ॥ ७ ॥
दयामूर्तिर्दरीदृश्या दारीद्रयभयनाशिनी ।
दशस्यन्दनसम्पूज्या दशनाजितचन्द्रिका ॥ ८ ॥
दम्भा दम्बविहीनेड्या दन्तिवक्त्रानुजप्रिया ।
दात्री दानवदर्पघ्नी दामोदरमनोहरा ॥ ९ ॥
दिव्या दिविषदीशाना दिविषत्पतिपूजिता ।
दिव्यौघमण्डला दिव्यमालिनी दिव्यविग्रहा ॥ १० ॥
दिव्याम्बरधरा दीनरक्षिका दीनकृन्नुता ।
दीक्षिता दीक्षिताराध्या दीप्ता दीप्तविभूषणा ॥ ११ ॥
दुष्टदूरा दुराराध्या दुःखघ्नी दुरितान्तकी ।
दूती दूतकुलाभीष्टा दूर्वासस्तुतवैभवा ॥ १२ ॥
दूरदूरा दूरगन्त्री दूर्वादलसमप्रभा ।
दृश्या दृग्जलसम्भूता दृक्प्रदा दृक्तमोपहा ॥ १३ ॥
द्राविणी द्राविडाधीशा द्रोणपूज्या द्रुमाश्रिता ।
धन्दा धर्मिणी धर्मविनुता दर्मवर्धिनी ॥ १४ ॥
धात्री धात्रीफलप्रीता धिषणाधिपपूजिता ।
धिषणेशी धीरनुता धीरवादविलासिनी ॥ १५ ॥
धूम्रकेशी धूपमोदा धूर्तघ्नी धृतिमत्प्रिया ।
ध्येया ध्येयातिगा धौम्यवसना धौम्यपूजिता ॥ १६ ॥
नम्या नगोद्भवासूनुप्रिया नारायणात्मजा ।
नारायणाक्षिजलजा नारायणगुरुर्नता ॥ १७ ॥
नटी नटेश्वरानन्दा नन्दिनी नन्दगोपमुत् ।
नित्या नित्याश्रिता नित्यपतिर्नित्यपतिव्रता ॥ १८ ॥
निरञ्जना निराकारा निर्विकारा निरर्गला ।
नीहाराद्रिकृतावाशा नीहाराद्रिसुतास्नुषा ॥ १९ ॥
नीप्या नीपसुमप्रिता नूपुरारावकोमला ।
नूत्ना नूतनभूषाढ्या न्यूनहीना नरेडिता ॥ २० ॥
नौकारूढा नवरसा नववादित्रमेदुरा ।
नववीरसमारध्या नवनागवरेश्वरी ॥ २१ ॥
नवग्रहवरा नव्या नव्याम्भोजधरा निशा ।
पद्माक्षी पद्मसङ्काशा पद्मजा पद्मभासुरा ॥ २२ ॥
पराचलकृतोद्वाहा पराचलविहारिणी ।
पद्मनाभसुता पद्मा पद्मिनी पद्ममालिनी ॥ २३ ॥
पारिजातसुमप्रीता पाशघ्नी पापनाशिनी ।
पाठीनवाहसम्पूज्या पार्वतीसुतकामिनी ॥ २४ ॥
पीनस्तनी पीनपृष्ठा पुष्पकोमला ।
पुष्करा पुष्कराराध्या पुष्करक्षेत्रदेवता ॥ २५ ॥
पुलिन्दिनीसपत्नी च पुरुहूतात्मसम्भवा ।
पूज्या पूता पूतनारिविनुता पूर्वगामिनी ॥ २६ ॥
पुष्टेन्दुनयना पूर्णा पेशला पेशलासना ।
फणाधरमणिप्रख्या फणिराजसुपूजिता ॥ २७ ॥
फुल्लपद्मधरा फुल्लदृष्टिः फलनगाश्रिता ।
फालनेत्रसुतानन्दा फालनेत्रप्रियङ्करी ॥ २८ ॥
बला बलारिजा बाला बालारिष्टविनाशिनी ।
बालखिल्यनुता बाणाहस्ता बाणासुरान्तकी ॥ २९ ॥
बिम्बाधरा बिन्दुमध्यस्थिता बुधवरार्चिता ।
बोधायनमुनिप्रीता बोधदा बोधरूपिणी ॥ ३० ॥
बन्धुककुसुमप्रीता बन्धूकसुमसन्निभा ।
भामिनी भारती भामा भास्करेन्दुसुपूजिता ॥ ३१ ॥
भीमा भीमेश्वरी भूमा भूतिदा भूपतिप्रिया ।
भुवनेशी भोगवति भोगदा भोगवर्धिनी ॥ ३२ ॥
भोगिराजनुता भोग्या भीमसेनसमर्चिता ।
भैमी भेतालनटनरसिका भीष्मसेविता ॥ ३३ ॥
मन्त्रिणी मन्त्रसारज्ञा मन्त्रवर्णाकृतिर्मतिः ।
मनुचक्रधरा मान्या मणिमालविभूषिता ॥ ३४ ॥
मानिनी माधवसुता मधुप्रीता मनस्विनी ।
मधुरालापमुदितगिरिजातनुजा मही ॥ ३५ ॥
मातृकावर्ण सङ्कॢप्ततनुर्मान्धातृपूजिता ।
महादेवस्नुषा मीनलोचना मुक्तिदायिनी ॥ ३६ ॥
मञ्जुकेशी मञ्जुहासा मयूरवरवाहना ।
मारारातिस्नुषा मारसुरवदा मणिमण्डना ॥ ३७ ॥
मेषवाहा मेघवाहतनुजा मोहितप्रिया ।
मरुत्सप्तकसंसेव्या मैनाकनिलयाश्रिता ॥ ३८ ॥
यक्षिणी यज्ञसम्भूता यामिनी यमलोद्भवा ।
यन्त्रेश्वरी यमाराध्या यायजूकसमर्चिता ॥ ३९ ॥
यानारूढा यज्ञशीला युवतिर्यौवनार्चिता ।
योगिनी योगदा योग्या योगीन्द्रकुलवन्दिता ॥ ४० ॥
रक्षोहन्त्री रणत्पादनूपुरा राघवार्चिता ।
रेणुका रणसन्नाहा रणत्किङ्किणिमेखला ॥ ४१ ॥
रावणान्तकरी राज्ञी राजराजसमर्चिता ।
रीम्बीजा रूपिणी रूप्या रमणी रमणोत्सुका ॥ ४२ ॥
रसायनकरी राधा राधेयी रथसंस्थिता ।
रोहिणीशमुखा रोगहीना रोगविनाशिनी ॥ ४३ ॥
रोचनातिलका रौद्री रौद्रमन्त्रविशारदा ।
लक्ष्मीपतिसुता लक्ष्मीर्लम्बवामकराम्बुजा ॥ ४४ ॥
लम्पटा लकुली लीला लोकालोकविहारिणी ।
लोकेश्वरी लोकपूज्या लताकारा ललत्कचा ॥ ४५ ॥
लोलम्बचेला लोलक्षी लघिमा लिकुचप्रिया ।
लोभहीना लब्धकामा लतानिलयसंस्थिता ॥ ४६ ॥
वनिता वनितारध्या वन्द्या वन्दासुवत्सला ।
वामा वामस्थिता वाणी वाक्प्र्दा वारिजप्रिया ॥ ४७ ॥
वारिजासनसन्दृष्टमन्त्रा वाञ्छासुरद्रुमा ।
विष्णुपत्नी विषहरा वीणालापविनोदिनी ॥ ४८ ॥
वेणीबन्धा वणुलोला वेणुगोपालसुन्दरी ।
वाञ्छाकल्पलता विश्ववन्दिता विश्वतोमुखी ॥ ४९ ॥
विघ्नेशदेवरा वीशा वीशवाहा विरोचिनी ।
वैरोचननुता वैरिहीना वीरेन्द्रवन्दिता ॥ ५० ॥
विमाना विमनोदूरा विमानस्था विरट् प्रिया ।
वज्रिणी वज्रितनया वज्रभूषा विधीडिता ॥ ५१ ॥
विशालाक्षी वीतशोका वनस्था वनदेवता ।
वारुणी वनजारूढा वामा वामाङ्गसुन्दरी ॥ ५२ ॥
वल्लीसपत्नी वामोरुर्वसिष्ठादिमपूजिता ।
शक्तिः शचीसुता शक्तिधरा शाक्तेयकामिनी ॥ ५३ ॥
श्यामा शाक्करगा श्रीजा तथा श्रीः शिवमानसा ।
शिवस्नुषा शुभाकारा शुद्धा शैलविहारिणी ॥ ५४ ॥
शैलेन्द्रजाजानिजेष्टप्रदा शैलादिसन्नुता ।
शाम्भवी शङ्करानन्दा शङ्करी शशिशेखरा ॥ ५५ ॥
शारदा शारदाराध्या शरजन्मसती शिवा ।
षष्ठी षष्ठीश्वरी षष्ठिदेवी षष्ठयधिदेवता ॥ ५६ ॥
षडाननप्रीतिकर्त्री षड्गुणा षण्मुखप्रिया ।
षडाधारैकनिलया षोढान्यासमयाकृतिः ॥ ५७ ॥
षड्विधैक्यानुसन्धानप्रीता षड्रसमिश्रिता ।
साम्राज्ञी सकला साध्वी समनीस्थानगा सती ॥ ५८ ॥
सङ्गीतरसिका सारा सर्वाकरा सनातना ।
सनातनप्रिया सत्या सत्यधर्मा सरस्वती ॥ ५९ ॥
सहस्रनामसम्पूज्या सहस्रांशुसमप्रभा ।
स्कन्दोत्साहकरी स्कन्दवामोत्सङ्गनिवासिनी ॥ ६० ॥
सिंहवक्त्रान्तककरी सिंहारूढा स्मितानना ।
स्वर्गस्था सुरसम्पूज्या सुन्दरी सुदती सुरा ॥ ६१ ॥
सुरेश्वरी सुराचार्यपूजिता सुकृतीडिता ।
सुरद्रुनिलया सौरमण्डलस्था सुखप्रदा ॥ ६२ ॥
सौदामिनीनिभासुभ्रूः सौन्दर्यचितहृत्प्रिया ।
सुरद्रुहासुहृत्सोमयाजिपूज्या सुमार्चिता ॥ ६३ ॥
सुमेषुवरदा सौम्या स्कन्दान्तःपुरवासिनी ।
स्कन्दकोष्ठगता स्कन्दवामभागस्थिता समा ॥ ६४ ॥
स्कन्दाश्लिष्टा स्कन्ददृष्टिः स्कन्दायत्तमनस्विनी ।
सनकादिहिता साङ्गा सायुधा सुरवंशजा ॥ ६५ ॥
सुरवल्ली सुरलता सुरलोकनिवासिनी ।
सुब्रह्मण्यसखी सेना सोमवंश्यनृपेडिता ॥ ६६ ॥
सुतप्रदा सूतवायुः सुरसैन्यसुरक्षिका ।
सर्वाधारा सर्वभूषा सर्वेशी सर्वपूजिता ॥ ६७ ॥
सरसा सादरा सामा स्वामिनी स्वामिमोहिनी ।
स्वाम्यद्रिनिलया स्वच्छा स्वतन्त्रा स्वस्तिदा स्वधा ॥ ६८ ॥
स्वाहाकृतिः स्वादुशीला स्वरप्रस्तारवित्तमा ।
हरस्नुषा हरानन्दा हरिनेत्रसमुद्भवा ॥ ६९ ॥
हरिणाक्षी हरिप्रेमा हरिदश्वविवर्धिता ।
हरसूनुप्रिया हरभासुरा हीरभूषणा ॥ ७० ॥
हेमाम्बुजधरा हेमकाञ्ची हेमाब्जसंस्थिता ।
हेमाद्रिनिलया हेलामुदितास्वप्नकामिनी ॥ ७१ ॥
हेरम्बदेवरा होमप्रिया होत्री हिरण्यदा ।
हिरण्यगर्भोपज्ञातमन्त्रा हानिविवर्जिता ॥ ७२ ॥
हिमाचलस्थिता हन्त्री हर्यक्षासनसंस्थिता ।
हंसवाहा हंसगतिर्हंसी हंसमनुप्रिया ॥ ७३ ॥
हस्तपद्मा हस्तयुगा हसिता हसितानना ।
हृद्या हृन्मोहसंहर्त्री हृदयस्था हतासुरा ॥ ७४ ॥
हाकिनी हाकिनीपूज्या हिता हितकरी हरा ।
हरिद्रामुदिता हर्म्यसंस्था हलधरेडिता ॥ ७५ ॥
हालाहलप्रशमनी हलाकृष्टजगत्त्र्या ।
हल्लीसमुदिता हेयवर्जिता हरकोमला ॥ ७६ ॥
क्षमा क्षमाकरी क्षाममध्या क्षामविनाशिनी ।
क्षामादिविनुता क्षिप्रा क्षणिकाचलसंस्थिता ॥ ७७ ॥
क्षपेशतुल्यवदना क्षपाचरविनाशिनी ।
क्षिप्रसिद्धिप्रदा क्षेमकारिणी क्षेत्ररूपिणी ॥ ७८ ॥
क्षेत्रेश्वरी क्षेत्रपालपूजिता क्षुद्रनाशिनी ।
क्षुद्रग्रहार्तिशमनी क्षौद्रा क्षोद्राम्बरावृता ॥ ७९ ॥
क्षीरान्नरसिका क्षीरा क्षुद्रघण्टा क्षितीश्वरी ।
क्षितीशविनुता क्षत्रा क्षत्रमण्डलवन्दिता ॥ ८० ॥
क्षयहीना क्षयव्याधिनाशिनी क्षमणापहा ।
क्षराक्षरा क्षतारातिमण्डला क्षिप्रगामिनी ॥ ८१ ॥
क्षणदा क्षणदाराध्या क्षणदाकुटिलालका ।
क्षीणदोषा क्षितिरुहा क्षितितत्त्वा क्षमामयी ॥ ८२ ॥
अमरा चामराधीशतनया चापराजिता ।
अपारकरुणाऽद्वैता अन्नदाऽन्नेश्वरी अजा ॥ ८३ ॥
अजारूढा अजारध्या अर्जुनाराधिताऽजरा ।
अरिष्टसमनी चाच्छा अद्भुता अमृतेश्वरी ॥ ८४ ॥
अमृताब्धिकृतावासा अमृतासारशीतला ।
अमृतानन्दिताऽनादिरमृता अमृतोद्भवा ॥ ८५ ॥
अनादिमध्या अवधिः अनौपम्यगुणाश्रिता ।
आधारहीना चाधारा आधाराधेयवर्जिता ॥ ८६ ॥
आदित्यमण्डलान्तस्था आश्रिताखिलसिद्धिदा ।
आसुमोहितषड्वक्त्रा आशापालसुपूजिता ॥ ८७ ॥
आरग्वधप्रियाऽऽरार्तिमुदिताऽऽचरशालिनी ।
आयुः प्रदाऽऽरोग्यकर्त्री आरध्याऽऽहारभक्षिणी ॥ ८८ ॥
इन्द्रसेना इन्द्रनुता इन्द्रावरजसम्भवा ।
इन्दिरारमणप्रीता इन्द्राणीकृतलालना ॥ ८९ ॥
इन्दीवराक्षी इन्द्रक्षी इरम्मदसमप्रभा ।
इतिहासश्रुतकथा इष्टा चेष्टार्थदायिनी ॥ ९० ॥
इक्ष्वाकुवंश्यसम्पूज्या इज्याशीलवरप्रदा ।
ईश्वरी चेशातनयगृहिणी चेश्वरप्रिया ॥ ९१ ॥
ईतिबाधाहरा चेड्या ईषणारहिताश्रिता ।
उमासुतप्रिया चोद्यद्रवितुल्या उमाप्रिया ॥ ९२ ॥
उदारा चोद्यमा चोद्यत्किरणा उरुविक्रमा ।
उरुप्रभावा चोर्वीभृन्निलया चोडुगणाश्रिता ॥ ९३ ॥
ऊरुन्यस्तकरा चोर्ध्वलोकस्था ऊर्ध्वगामिनी ।
ऋद्धिदा ऋद्धविनुता ऋणहन्त्री ऋजुप्रिया ॥ ९४ ॥
एणाङ्कशेखरसुतगाढाश्लिष्टवपुर्धरा ।
एणाक्षी चैणमुदिता ऐरम्मदसमाम्बरा ॥ ९५ ॥
ओषधिप्रस्थनिलया ओषधीशानसेविता ।
ओमीश्वरी औपलाम्बा औत्सुक्यवरदायिनी ॥ ९६ ॥
औदार्यशीला चाम्बोत्किमुदिताऽऽपन्निवरिणी ।
कञ्जाक्षी कञ्जविनुता कम्बुकण्ठी कविप्रिया ॥ ९७ ॥
कमला कमलाराध्या कनत्कनकविग्रिहा ।
कामिनी कामविनुता कामारातियुतप्रिया ॥ ९८ ॥
कामाङ्गनेडिता काम्या कामलोला कलावती ।
काङ्क्षाहीना कामकला किंशुकाभरदच्छदा ॥ ९९ ॥
कला कुवमयानन्दा कुरुविन्दमणिप्रभा ।
कुक्कुटध्वानमुदिता कुक्कुटध्वजकोमला ॥ १०० ॥
कूर्मासनगता कूर्मपृष्ठाभप्रपदान्विता ।
कृत्तिकातनयप्रीता कृत्तिकामण्डलावृता ॥ १०१ ॥
कृत्तिकाभप्रिया कृत्तिधरा केदारवासिनी ।
केवला केवलानन्दा केकिमोदा करद्वया ॥ १०२ ॥
केकिवाहा केशवेष्टा कैलासाचलवासिनी ।
कैवल्यदात्री कैवल्या कोमला कोमलाकृतिः ॥ १०३ ॥
कोणस्था कोपविमुखा कौण्डिन्यमुनिपूजिता ।
कृपापूर्णा कृपालोका कृपाचार्यसमर्चिता ॥ १०४ ॥
कृतान्ताभयदा कृष्णनुता कृष्णाजिनासना ।
कलिहन्त्री कलीशानी कलिकल्मषनाशिनी ॥ १०५ ॥
कवेरतनयातीरवासिनी कमलासना ।
खड्गहस्ता खाद्यलोला खण्डितारातिमण्डला ॥ १०६ ॥
गण्या गणप्रिया गद्यापद्या गणनवर्जिता ।
गणेशावरजप्रेमा गणिकामण्डलोत्सुका ॥ १०७ ॥
गणेशाराधनोद्युक्ता गायत्री गानलोलुपा ।
गाथानेका गालवार्च्या गाङ्गेयसुमनोहरा ॥ १०८ ॥
गाङ्गेयालिङ्गित तनुः गाङ्गेयपरमोत्सुका ।
गिरिगम्या गिरिनुता गिरीशा गिरिशस्नुषा ॥ १०९ ॥
गिरिजाजानिजजया गिरिसौधा गिरिश्थिता ।
गीर्वाणविनुता गीता गीतगन्धर्वमण्डला ॥ ११० ॥
गीर्वाणेशतपोलब्धा गीर्वाणी गीष्पतीडिता ।
गुह्या गुह्यतमा गुण्या गुह्यकादिसमार्चिता ॥ १११ ॥
गुरुप्रिया गूढगतिर्गुहानन्दा गुहप्रिया ।
गुहेष्टा गुहसम्मोहा गुहानन्या गुहोत्सुका ॥ ११२ ॥
गुहश्रीर्गुहसारज्ञा गुहाश्लिष्टकलोवरा ।
गूढा गूढतमा गूढविद्या गोविन्दसम्भवा ॥ ११३ ॥
गोविन्दसहजासूनुकलत्रं गोपिकानुता ।
गोपालसुन्दरी गोपनुता गोकुलनायिका ॥ ११४ ॥
गोत्रभित्तनया गोत्रा गोत्रज्ञा गोपतिस्थिता ।
गौरवी गौरवर्णाङ्गी गौरी गौर्यर्चनप्रिया ॥ ११५ ॥
गण्डकीतीरगा गण्डभेरुण्डा गण्डभैरवी ।
गण्डमाला गण्डभूषा गण्डमाङ्गल्यभूषणा ॥ ११६ ॥
घटार्गला घटरवा घटतुल्यस्तनद्वया ।
घटनारहिता घण्टामणिर्घण्टारवप्रिया ॥ ११७ ॥
घटिका घटिकाशून्या घृणापूर्णा घृणिप्रिया ।
घटोद्भवमुनिस्तुत्या घुटिकासिद्धिदायिनी ॥ ११८ ॥
घूर्णाक्षी घृतकाठिन्या घृतसूक्तानुवादिता ।
घृताहुतिप्रिया घृष्टिर्घृष्टकर्त्री घृणानिधिः ॥ ११९ ॥
घोरकृत्या घोरकृत्यविमुखा घनमूर्धजा ।
चञ्चला चपला चण्डा चदुला चदुलेक्षणा ॥ १२० ॥
चण्डप्रचण्डा चण्डीशा चरचरविनोदिनी ।
चतुरा चतुरश्राङ्कचक्रा चक्रधरात्मजा ॥ १२१ ॥
चक्रिणी चक्र कबरी चक्रवर्तिसमर्चिता ।
चन्द्रकाशा चन्द्रमुखी चन्द्रहासा चमत्कृता ॥ १२२ ॥
चन्द्रहासधरा चक्रवाकस्तनभुजान्तरा ।
चक्रवालस्थिता चक्रगतिश्चन्दनचर्चिता ॥ १२३ ॥
चारुभूषा चारुमुखी चारुकान्तिश्चरुप्रिया ।
चार्वाकदूरगा चपधरा चाम्पेयगन्धिनी ॥ १२४ ॥
चित्रा चित्ररथा चिन्त्या चिरन्तना ।
चीनाम्बरा चीनदेश्या चिदम्बरविहारिणी ॥ १२५ ॥
चिकुरा चिकुराबद्धा चिरञ्जीवित्वदायिनी ।
चिन्तितार्थप्रदा चिन्तनीया चिन्तामणीश्वरी ॥ १२६ ॥
चिन्तामणिमयाकल्पा चिन्मयी चिन्तिता चितिः ।
च्युतिहीना चूतकुञ्जा चोरघ्नी चोरनाशिनी ॥ १२७ ॥
चतुराननसम्पूज्या चामरग्राहिणीवृता ।
चक्षुष्मती चक्षूरोग हारिणी चणकप्रिया ॥ १२८ ॥
चण्डीसूनुमनः प्रीतिकारिणी चूर्णकुन्तला ।
चूर्णप्रिया चलच्चेला चारुक्कणितकङ्कणा ॥ १२९ ॥
चामीकरप्रभा चामीकरभैरवमोहिनी ।
चामीकराद्रिनिलया चातुर्योक्तिजितप्रिया ॥ १३० ॥
चत्वरा चत्वरगतिश्चतुर्विधपुमर्थदा ।
छत्रिणी छत्रवीरेन्द्रा छविदीप्तदिगन्तरा ॥ १३१ ॥
छायाहीना छविच्छ (च्छि) न्ना छविकर्त्री छवीस्वरी ।
छादितारातिनिवहा छायापतिमुखार्चिता ॥ १३२ ॥
छेत्री छेदितदिङ्नागा छेदहीनपदस्थिता ।
जया जयकरी जन्या जनिहीना जनार्चिता ॥ १३३ ॥
जयन्तसहजा जम्भभेदिगोत्रसमुद्भवा ।
जह्नुकन्यासुतप्रेमा जह्नुजातीरवासिनी ॥ १३४ ॥
जटाधरसुतानन्दा जटाहीना जदात्रया ।
जरामरणनिर्मुक्ता जगदानन्ददायिनी ॥ १३५ ॥
जनार्दनसुता जन्यहीना जलधरासना ।
जलाधारा जपपरा जपापुष्पसमाकृतिः ॥ १३६ ॥
जाह्नवीपुलिनोत्साहा जाह्नवीतोयमोदिनी ।
जानकीरमणप्रीता जातकर्मविशारदा ॥ १३७ ॥
जातकाभीष्टदा जातिहीना जात्यन्धमोचिनी ।
जिताखिलोन्द्रियग्रामा जितारिर्जितकामिनी ॥ १३८ ॥
जितामित्रा जितजगत् जिनदूरा जिनार्चिता ।
जीर्णा जीरकनासाग्रा जीवना जीवनप्रदा ॥ १३९ ॥
जीवलोकेष्टवरदा जीवा जीवा(व) रसप्रिया ।
जुष्टा जुष्टप्रिया जुष्टहृदया ज्वरनाशिनी ॥ १४० ॥
ज्वलत्प्रभावती ज्योत्स्ना ज्योत्स्नामण्डलमध्यगा ।
जयदा जनजाड्यापहारिणी जन्तुतापहा ॥ १४१ ॥
जगद्धिता जगत्पूज्या जगज्जीवा जनाश्रिता ।
जलजस्था जलोत्पन्ना जलजाभविलोचना ॥ १४२ ॥
जपाधरा जयानन्दा जम्भभिद्वनितानुता ।
झल्लरीवाद्या सुप्रीता झञ्झावातादिभीतिहा ॥ १४३ ॥
झर्झरीकृतदैत्यौघा झारिताशेषपातका ।
ज्ञानेश्वरी ज्ञानदात्री ज्ञातलोकान्तरस्थितिः ॥ १४४ ॥
ज्ञानगम्या ज्ञततत्वा ज्ञानज्ञेयादिशून्यगा ।
ज्ञेया ज्ञातिविनिर्मुक्ता ज्ञातकान्तान्तराशया ॥ १४५ ॥
टङ्कायुधधरा टङ्कदम्भोलिहतदानवा ।
टङ्किताखिलपापौघा टीकाकर्त्री ठमात्मिका ॥ १४६ ॥
ठमण्डला ठक्कुरार्च्या ठक्कुरोपाधिनाशिनी ।
डम्भहीना डामरीड्या डिम्भदा डमरुप्रिया ॥ १४७ ॥
डाकिनी डाकिनीसेव्या डित्थेशी डिण्डिमप्रिया ।
डिण्डिमारावमुदिता डबित्थमृगवाहना ॥ १४८ ॥
डङ्गारी डुण्डुमारावा डल्लकी डोरसूत्रभृत् ।
ढक्कावद्यधरा ढक्कारावनिष्ठयूतदिक्तटा ॥ १४९ ॥
ढुण्ढिराजानुजप्रीता ढुण्ढिविघ्नेशदेवरा ।
डोलाकेलिकरा डोलाविहारोत्सृष्टकन्दुका ॥ १५० ॥
णकारबिन्दुवामस्था णकारज्ञान्निर्णया ।
णकारजलजोद्भूता णकारस्वरवादिनी ॥ १५१ ॥
तन्वी तनुलताभोगा तनुश्यामा तमालभा ।
तरुणी तरुणादित्यवर्णा तत्त्वातिशायिनी ॥ १५२ ॥
तपोलभ्या तपोलोकपूज्या तन्त्रीविदूषिणी ।
तात्पर्यावधिका तारा तारकान्तककामिनी ॥ १५३ ॥
तारेशी तारिणी तिर्यक्सूत्रिणी त्रिदशाधिपा ।
त्रिदशाधिपसम्पूज्या त्रिनेत्रा त्रिविधा त्रयी ॥ १५४ ॥
तिल्वाटवीगता तुल्यहीना तुम्बुरुवन्दिता ।
तुराषाट्सम्भवा तुर्या तुषाराचलवासिनी । १५५ ॥
तुष्टा तुष्टिप्रदा तुर्णा तूर्णध्वस्ताखिलामया ।
त्रेता त्रेताग्निमध्यस्था त्रय्यन्तोद्गीतवैभवा ॥ १५६ ॥
तोत्रभृद्वीरसंसेव्या स्थितिः स(तिस)र्गादिकारिणी ।
सर्वार्थदात्री प्रकृतिषष्ठांशा परमेश्वरी ॥ १५७ ॥
वस्वादिगणसम्पूज्या ब्रह्ममानसपुत्रिका ।
सरिरान्तर्भ्राजमाना स्वर्णरम्भग्रहार्चिता ॥ १५८ ॥
ब्रह्मज्योतिर्ब्रह्मपत्नी विद्या श्रीः परदेवता । Oम् ।
एवं नमसहस्रं ते देवसेनाप्रियङ्करम् ॥ १५९ ॥
पुत्रप्रदमपुत्राणां आयुरारोग्यवर्धनम् ।
बालारिष्टप्रसमनं सर्वसौख्यप्रदायकम् ॥ १६० ॥
शुक्रवारे भौमवारे षष्ठ्यां वा कृत्तिकास्वपि ।
आवर्तयोद्विशेषेण सर्वान्कामानवाप्नुयात् ॥ १६१ ॥
यो हि नित्यं पठेद्धीमान् सर्वाः सिद्धयन्ति सिद्धयः ।
अनेनाभ्यर्चयेददेवीं बिल्वैर्वा कुङ्कुमादिभिः ।
सर्वान्कामानवाप्यान्ते स्कन्दसायुज्यमाप्नुयात् ॥ १६२ ॥
इति श्रीमद्स्कान्दे शङ्करसंहितातः
श्रीदेवसेनासहस्रनामस्तोत्रम् सम्पूर्णम् ॥
– Chant Stotra in Other Languages -1000 Names of Goddess Sri Devasena:
1000 Names of Sri Devasena – Sahasranama Stotram in Sanskrit – English – Bengali – Gujarati – – Kannada – Malayalam – Odia – Telugu – Tamil