॥ Durgasahasranamastotram 3 Odia Lyrics ॥
॥ ଶ୍ରୀଦୁର୍ଗାସହସ୍ରନାମସ୍ତୋତ୍ରମ୍ ୩ ॥
ଧ୍ୟାନମ୍ ।
୧. ସିଂହସ୍ଥା ଶଶିଶେଖରା ମରକତପ୍ରଖ୍ୟୈଶ୍ଚତୁର୍ଭିର୍ଭୁଜୈଃ ।
ଶଙ୍ଖଂ ଚକ୍ରଧନୁଃ ଶରାଂଶ୍ଚ ଦଧତୀ ନେତ୍ରୈସ୍ତ୍ରିଭିଃ ଶୋଭିତା ॥
ଆମୁକ୍ତାଙ୍ଗଦହାରକଙ୍କଣରଣତ୍କାଞ୍ଚୀ ରଣନ୍ନୂପୁରା ।
ଦୁର୍ଗା ଦୁର୍ଗତିହାରିଣୀ ଭଵତୁ ନୋ ରତ୍ନେଲ୍ଲସତ୍କୁଣ୍ଡଲା ॥
୨. ମାତର୍ମେ ମଧୁକୈଟଭଘ୍ନି ମହିଷପ୍ରାଣାପହାରୋଦ୍ୟମେ ।
ହେଲାନିର୍ଜିତଧୂମ୍ରଲୋଚନଵଧେ ହେ ଚଣ୍ଡମୁଣ୍ଡାର୍ଦିନି ॥
ନିଶ୍ଶେଷୀକୃତରକ୍ତବୀଜଦନୁଜେ ନିତ୍ୟେ ନିଶୁମ୍ଭାପହେ ।
ଶୁମ୍ଭଧ୍ଵଂସିନି ସଂହରାଶୁ ଦୁରିତଂ ଦୁର୍ଗେ ନମସ୍ତେଽମ୍ବିକେ ॥
୩. ହେମପ୍ରଖ୍ୟାମିନ୍ଦୁଖଣ୍ଡାର୍ଧମୌଲିମ୍ ।
ଶଙ୍ଖାରିଷ୍ଟାଭୀତିହସ୍ତାଂ ତ୍ରିଣେତ୍ରାମ୍ ॥
ହେମାବ୍ଜସ୍ଥାଂ ପୀତଵସ୍ତ୍ରାଂ ପ୍ରସନ୍ନାମ୍ ।
ଦେଵୀଂ ଦୁର୍ଗାଂ ଦିଵ୍ୟରୂପାଂ ନମାମି ॥
୪. ଉଦ୍ୟଦ୍ଵିଦ୍ୟୁତ୍କରାଲାକୁଲହରିଗଲସଂସ୍ଥାରିଶଙ୍ଖାସିଖେଟେ-
ଷ୍ଵିଷ୍ଵାସାଖ୍ୟତ୍ରିଶୂଲାନରିଗଣଭୟଦା ତର୍ଜନୀଂ ସନ୍ଦଧାନା ।
ଚର୍ମାସ୍ୟୁତ୍ତୀର୍ଣଦୋର୍ଭିଃ ପ୍ରହରଣନିପୁଣାଭିର୍ଵୃତା କନ୍ୟକାଭିଃ
ଦଦ୍ୟାତ୍କାର୍ଶାନଭୀଷ୍ଟାନ୍ ତ୍ରିଣୟନଲଲିତା ଚାପି କାତ୍ୟାୟନୀ ଵଃ ॥
୫. ଅରିଶଙ୍ଖକୃପାଣଖେଟବାଣାନ୍ ସୁଧନୁଃ ଶୂଲକକର୍ତରୀଂ ତର୍ଜନୀଂ ଦଧାନା ।
ଭଜତାଂ ମହିଷୋତ୍ତମାଙ୍ଗସଂସ୍ଥା ନଵଦୂର୍ଵାସଦୃଶୀଶ୍ରିୟେଽସ୍ତୁ ଦୁର୍ଗା ॥
ଓଂ ଶ୍ରୀଦୁର୍ଗା ତ୍ରିଜଗନ୍ମାତା ଶ୍ରୀମତ୍କୈଲାସଵାସିନୀ ।
ହିମାଚଲଗୁହାକାନ୍ତମାଣିକ୍ୟମଣିମଣ୍ଡପା ॥ ୧ ॥
ଗିରିଦୁର୍ଗା ଗୌରହସ୍ତା ଗଣନାଥଵୃତାଙ୍ଗଣା ।
କଲ୍ପକାରଣ୍ୟସଂଵୀତମାଲତୀକୁଞ୍ଜମନ୍ଦିରା ॥ ୨ ॥
ଧର୍ମସିଂହାସନାରୂଢା ଡାକିନ୍ୟାଦି ସମାଶ୍ରିତା ।
ସିଦ୍ଧଵିଦ୍ୟାଧରାମର୍ତ୍ୟଵଧୂଟୀନିକରସ୍ତୁତା ॥ ୩ ॥
ଚିନ୍ତାମଣିଶିଲାକ୍ଲୃପ୍ତଦ୍ଵାରାଵଲିଗୃହାନ୍ତରା ।
କଟାକ୍ଷଵୀକ୍ଷଣାପେକ୍ଷକମଲାକ୍ଷିସୁରାଙ୍ଗନା ॥ ୪ ॥
ଲୀଲାଭାଷଣସଂଲୋଲକମଲାସନଵଲ୍ଲଭା ।
ୟାମଲୋପନିଷନ୍ମନ୍ତ୍ରଵିଲପଚ୍ଛୁକପୁଙ୍ଗଵା ॥ ୫ ॥
ଦୂର୍ଵାଦଲଶ୍ୟାମରୂପା ଦୁର୍ଵାରମତଵିହ୍ଵଲା ।
ନଵକୋରକସମ୍ପତ୍ଶ୍ରୀକଲ୍ପକାରଣ୍ୟକୁନ୍ତଲା ॥ ୬ ॥
ଵେଣୀକୈତକବର୍ହାଂଶୁଵିଜିତସ୍ମରପଟ୍ଟସା ।
କଚସୀମନ୍ତରେଖାନ୍ତଲମ୍ବମାଣିକ୍ୟଲମ୍ବିକା ॥ ୭ ॥
ପୁଷ୍ପବାଣଶରାଲୀଢଘନଧମ୍ମିଲ୍ଲଭୂଷଣା ।
ଭାଲଚନ୍ଦ୍ରକଲାପ୍ରାନ୍ତସତ୍ସୁଧାବିନ୍ଦୁମୌକ୍ତିକା ॥ ୮ ॥
ଚୂଲୀକାଦମ୍ବିନୀଶ୍ଲିଷ୍ଟଚନ୍ଦ୍ରରେଖାଲଲାଟିକା ।
ଚନ୍ଦ୍ରମଣ୍ଡଲସଂୟୁକ୍ତଭୌମକୁଙ୍କୁମରେଖିକା ॥ ୯ ॥
କେଶାଭ୍ରମୁକ୍ତକୋଦଣ୍ଡସଦୃଗ୍ଭ୍ରୂଲତିକାଞ୍ଚିତା ।
ମାରଚାପଲସଚ୍ଛୁଭ୍ରମୃଗନାଭିଵିଶେଷକା ॥ ୧୦ ॥
କର୍ଣପୂରିତକହ୍ଲାରାକାଙ୍କ୍ଷିତାପାଙ୍ଗଵୀକ୍ଷଣା ।
କ୍ଷୀରାଶୟୋତ୍ପଲାକାରଵିଲସତ୍କୃଷ୍ଣତାରକା ॥ ୧୧ ॥
ନେତ୍ରପଙ୍କେରୁହାନ୍ତଃସ୍ଥଭ୍ରମଦ୍ଭ୍ରମରତାରକା ।
ଗରଲାଵୃତକଲ୍ଲୋଲନିମେଷାଞ୍ଜନଭାସୁରା ॥ ୧୨ ॥
ତୀକ୍ଷ୍ଣାଗ୍ରଧାରପ୍ରଦ୍ୟୁମ୍ନଶସ୍ତ୍ରପ୍ରତ୍ୟସ୍ତ୍ରଵୀକ୍ଷଣା ।
ମୁଖଚନ୍ଦ୍ରସୁଧାପୂରଲୁଢନ୍ମୀନାଭଲୋଚନା ॥ ୧୩ ॥
ମୌକ୍ତିକାଵୃତତାଟଙ୍କମଣ୍ଡଲଦ୍ଵୟମଣ୍ଡିତା ।
କନ୍ଦର୍ପଧ୍ଵଜତାକୀର୍ଣମକରାଙ୍କିତକୁଣ୍ଡଲା ॥ ୧୪ ॥
କର୍ଣରତ୍ନୌଘଚିନ୍ତାର୍କକମନୀୟମୁଖାମ୍ବୁଜା ।
କାରୁଣ୍ୟସ୍ୟନ୍ଦିଵଦନା କଣ୍ଠମୂଲସୁକୁଙ୍କୁମା ॥ ୧୫ ॥
ଓଷ୍ଠବିମ୍ବଫଲାମୋଦଶୁକତୁଣ୍ଡାଭନାସିକା ।
ତିଲଚମ୍ପକପୁଷ୍ପଶ୍ରୀନାସିକାଭରଣୋଜ୍ଜ୍ଵଲା ॥ ୧୬ ॥
ନାସାଚମ୍ପକସଂସ୍ରସ୍ତମଧୁବିନ୍ଦୁକମୌକ୍ତିକା ।
ମୁଖପଙ୍କଜକିଞ୍ଜଲ୍କମୁକ୍ତାଜାଲସୁନାସିକା ॥ ୧୭ ॥
ସାଲୁଵେଶମୁଖାସ୍ଵାଦଲୋଲୁପାଧରପଲ୍ଲଵା ।
ରଦନାଂଶନଟୀରଙ୍ଗପ୍ରସ୍ତାଵନପଟାଧରା ॥ ୧୮ ॥
ଦନ୍ତଲକ୍ଷ୍ମୀଗୃହଦ୍ଵାରନୀଶାରାଂଶ୍ଵଧରଚ୍ଛଦା ।
ଵିଦ୍ରୁମାଧରବାଲାର୍କମିଶ୍ରସ୍ମେରାଂଶୁକୌମୁଦୀ ॥ ୧୯ ॥
ମନ୍ତ୍ରବୀଜାଙ୍କୁରାକାରଦ୍ଵିଜାଵଲିଵିରାଜିତା ।
ସଲ୍ଲାପଲକ୍ଷ୍ମୀମାଙ୍ଗଲ୍ୟମୌକ୍ତିକସ୍ରଗ୍ରଦାଲୟା ॥ ୨୦ ॥
ତାମ୍ବୂଲସାରସୌଗନ୍ଧିସକଲାମ୍ନାୟତାଲୁକା ।
କର୍ଣଲକ୍ଷ୍ମୀଵିଲାସାର୍ଥମଣିଦର୍ପଣଗଣ୍ଡଭୂଃ ॥ ୨୧ ॥
କପୋଲମୁକୁଲାକ୍ରାନ୍ତକର୍ଣତାଟଙ୍କଦୀଧିତିଃ ।
ମୁଖପଦ୍ମରଜସ୍ତୂଲହରିଦ୍ରାଚୂର୍ଣମଣ୍ଡିତା ॥ ୨୨ ॥
କଣ୍ଠାଦର୍ଶପ୍ରଭାସାନ୍ଦ୍ରଵିଜିତଶ୍ରୀଵିରାଜିତା ।
ଦେଶିକେଶହୃଦାନନ୍ଦସମ୍ପଚ୍ଚିବୁକପେଟିକା ॥ ୨୩ ॥
ଶରଭାଧୀଶସମ୍ବଦ୍ଧମାଙ୍ଗଲ୍ୟମଣିକନ୍ଧରା ।
କସ୍ତୂରୀପଙ୍କସଞ୍ଜାତଗଲନାଲମୁଖାମ୍ବୁଜା ॥ ୨୪ ॥
ଲାଵଣ୍ୟାମ୍ଭୋଧିମଧ୍ୟସ୍ଥଶଙ୍ଖସନ୍ନିଭକନ୍ଧରା ।
ଗଲଶଙ୍ଖପ୍ରସୂତାଂଶୁମୁକ୍ତାଦାମଵିରାଜିତା ॥ ୨୫ ॥
ମାଲତୀମଲ୍ଲିକାତୁଲ୍ୟଭୁଜଦ୍ଵୟମନୋହରା ।
କନକାଙ୍ଗଦକେୟୂରଚ୍ଛଵିନିର୍ଜିତଭାସ୍କରା ॥ ୨୬ ॥
ପ୍ରକୋଷ୍ଠଵଲୟାକ୍ରାନ୍ତପରିଵେଷଗ୍ରହଦ୍ୟୁତିଃ ।
ଵଲୟଦ୍ଵୟଵୈଡୂର୍ୟଜ୍ଵାଲାଲୀଢକରାମ୍ବୁଜା ॥ ୨୭ ॥
ବାହୁଦ୍ଵୟଲତାଗ୍ରସ୍ତପଲ୍ଲଵାଭକରାଙ୍ଗୁଲିଃ ।
କରପଙ୍କେରୁହଭ୍ରାମ୍ୟଦ୍ରଵିମଣ୍ଡଲକଙ୍କଣା ॥ ୨୮ ॥
ଅଙ୍ଗୁଲୀଵିଦ୍ରୁମଲତାପର୍ଵସ୍ଵର୍ଣାଙ୍ଗୁଲୀୟକା ।
ଭାଗ୍ୟପ୍ରଦକରାନ୍ତସ୍ଥଶଙ୍ଖଚକ୍ରାଙ୍କମୁଦ୍ରିକା ॥ ୨୯ ॥
କରପଦ୍ମଦଲପ୍ରାନ୍ତଭାସ୍ଵଦ୍ରତ୍ନନଖାଙ୍କୁରା ।
ରତ୍ନଗ୍ରୈଵେୟହାରାତିରମଣୀୟକୁଚାନ୍ତରା ॥ ୩୦ ॥
ପ୍ରାଲମ୍ବିକୌସ୍ତୁଭମଣିପ୍ରଭାଲିପ୍ତସ୍ତନାନ୍ତରା ।
ଶରଭାଧୀଶନେତ୍ରାଂଶୁକଞ୍ଚୁକସ୍ତନମଣ୍ଡଲା ॥ ୩୧ ॥
ରତୀଵିଵାହକାଲଶ୍ରୀପୂର୍ଣକୁମ୍ଭସ୍ତନଦ୍ଵୟା ।
ଅନଙ୍ଗଜୀଵନପ୍ରାଣମନ୍ତ୍ରକୁମ୍ଭସ୍ତନଦ୍ଵୟା ॥ ୩୨ ॥
ମଧ୍ୟଵଲ୍ଲୀପ୍ରାଜ୍ୟଫଲଦ୍ଵୟଵକ୍ଷୋଜଭାସୁରା ।
ସ୍ତନପର୍ଵତପର୍ୟନ୍ତଚିତ୍ରକୁଙ୍କୁମପତ୍ରିକା ॥ ୩୩ ॥
ଭ୍ରମରାଲୀଢରାଜୀଵକୁଡ୍ମଲସ୍ତନଚୂଚୁକା ।
ମହାଶରଭହୃଦ୍ରାଗରକ୍ତଵସ୍ତ୍ରୋତ୍ତରୀୟକା ॥ ୩୪ ॥
ଅନୌପମ୍ୟାତିଲାଵଣ୍ୟପାର୍ଷ୍ଣିଭାଗାଭିନନ୍ଦିତା ।
ସ୍ତନସ୍ତବକରାରାଜଦ୍ରୋମଵଲ୍ଲୀତଲୋଦରା ॥ ୩୫ ॥
କୃଷ୍ଣରୋମାଵଲୀକୃଷ୍ଣସପ୍ତପତ୍ରୋଦରଚ୍ଛଵିଃ ।
ସୌନ୍ଦର୍ୟପୂରସମ୍ପୂର୍ଣପ୍ରଵାହାଵର୍ତନାଭିକା ॥ ୩୬ ॥
ଅନଙ୍ଗରସପୂରାବ୍ଧିତରଙ୍ଗାଭଵଲିତ୍ରୟା ।
ସନ୍ଧ୍ୟାରୁଣାଂଶୁକୌସୁମ୍ଭପଟାଵୃତକଟୀତଟୀ ॥ ୩୭ ॥
ସପ୍ତକିଙ୍କିଣିକାଶିଞ୍ଜଦ୍ରତ୍ନକାନ୍ତିକଲାପିନୀ ।
ମେଖଲାଦାମସଙ୍କୀର୍ଣମୟୂଖାଵୃତନୀଵିକା ॥ ୩୮ ॥
ସୁଵର୍ଣସୂତ୍ରାକଲିତସୂକ୍ଷ୍ମରତ୍ନାମ୍ବରାଚଲା ।
ଵୀରେଶ୍ଵରାନଙ୍ଗସରିତ୍ପୁଲିନୀଜଘନସ୍ଥଲା ॥ ୩୯ ॥
ଅସାଦୃଶ୍ୟନିତମ୍ବଶ୍ରୀରମ୍ୟରମ୍ଭୋରୁକାଣ୍ଡୟୁକ୍ ।
ହଲମଲ୍ଲକନେତ୍ରାଭାଵ୍ୟାପ୍ତସନ୍ଧିମନୋହରା ॥ ୪୦ ॥
ଜାନୁମଣ୍ଡଲଧିକ୍କାରିରାଶିକୂଟତଟୀକଟୀ ।
ସ୍ମରତୂଣୀରସଙ୍କାଶଜଙ୍ଘାଦ୍ଵିତୟସୁନ୍ଦରୀ ॥ ୪୧ ॥
ଗୁଲ୍ଫଦ୍ଵିତୟସୌଭାଗ୍ୟଜିତତାଲଫଲଦ୍ଵୟୀ ।
ଦ୍ୟୁମଣିମ୍ରକ୍ଷଣାଭାଙ୍ଘ୍ରିୟୁଗ୍ମନୂପୁରମଣ୍ଡଲା ॥ ୪୨ ॥
ରଣଦ୍ଵଲୟସଲ୍ଲାପଦ୍ରତ୍ନମାଲାଭପାଦୁକା ।
ପ୍ରପଦାତ୍ମକଶସ୍ତ୍ରୌଘଵିଲସଚ୍ଚର୍ମପୁସ୍ତକା ॥ ୪୩ ॥
ଆଧାରକୂର୍ମପୃଷ୍ଠାଭପାଦପୃଷ୍ଠଵିରାଜିତା ।
ପାଦାଙ୍ଗୁଲିପ୍ରଭାଜାଲପରାଜିତଦିଵାକରା ॥ ୪୪ ॥
ଚକ୍ରଚାମରମତ୍ସ୍ୟାଙ୍କଚରଣସ୍ଥଲପଙ୍କଜା ।
ସୁରେନ୍ଦ୍ରକୋଟିମୁକୁଟୀରତ୍ନସଙ୍କ୍ରାନ୍ତପାଦୁକା ॥ ୪୫ ॥
ଅଵ୍ୟାଜକରୁଣାଗୁପ୍ତତନୁରଵ୍ୟାଜସୁନ୍ଦରୀ ।
ଶୃଙ୍ଗାରରସସାମ୍ରାଜ୍ୟପଦପଟ୍ଟାଭିଷେଚିତା ॥ ୪୬ ॥
ଶିଵା ଭଵାନୀ ରୁଦ୍ରାଣୀ ଶର୍ଵାଣୀ ସର୍ଵମଙ୍ଗଲା ।
ଉମା କାତ୍ୟାୟନୀ ଭଦ୍ରା ପାର୍ଵତୀ ପାଵନାକୃତିଃ ॥ ୪୭ ॥
ମୃଡାନୀ ଚଣ୍ଡିକା ମାତା ରତିର୍ମଙ୍ଗଲଦେଵତା ।
କାଲୀ ହୈମଵତୀ ଵୀରା କପାଲଶୂଲଧାରିଣୀ ॥ ୪୮ ॥
ଶରଭା ଶାମ୍ଭଵୀ ମାୟାତନ୍ତ୍ରା ତନ୍ତ୍ରାର୍ଥରୂପିଣୀ ।
ତରୁଣୀ ଧର୍ମଦା ଧର୍ମତାପସୀ ତାରକାକୃତିଃ ॥ ୪୯ ॥
ହରା ମହେଶ୍ଵରୀ ମୁଗ୍ଧା ହଂସିନୀ ହଂସଵାହନା ।
ଭାଗ୍ୟା ବଲକରୀ ନିତ୍ୟା ଭକ୍ତିଗମ୍ୟା ଭୟାପହା ॥ ୫୦ ॥
ମାତଙ୍ଗୀ ରସିକା ମତ୍ତା ମାଲିନୀ ମାଲ୍ୟଧାରିଣୀ ।
ମୋହିନୀ ମୁଦିତା କୃଷ୍ଣା ମୁକ୍ତିଦା ମୋଦହର୍ଷିତା ॥ ୫୧ ॥
ଶୃଙ୍ଗାରୀ ଶ୍ରୀକରୀ ଶୂରଜୟିନୀ ଜୟଶୃଙ୍ଖଲା ।
ସତୀ ତାରାତ୍ମିକା ତନ୍ଵୀ ତାରନାଦା ତଡିତ୍ପ୍ରଭା ॥ ୫୨ ॥
ଅପର୍ଣା ଵିଜୟା ନୀଲୀ ରଞ୍ଜିତା ତ୍ଵପରାଜିତା ।
ଶଙ୍କରୀ ରମଣୀ ରାମା ଶୈଲେନ୍ଦ୍ରତନୟା ମହୀ ॥ ୫୩ ॥
ବାଲା ସରସ୍ଵତୀ ଲକ୍ଷ୍ମୀଃ ପରମା ପରଦେଵତା ।
ଗାୟତ୍ରୀରସିକା ଵିଦ୍ୟା ଗଙ୍ଗା ଗମ୍ଭୀରଵୈଭଵା ॥ ୫୪ ॥
ଦେଵୀ ଦାକ୍ଷାୟଣୀ ଦକ୍ଷଦମନୀ ଦାରୁଣପ୍ରଭା ।
ମାରୀ ମାରକରୀ ମୃଷ୍ଟା ମନ୍ତ୍ରିଣୀ ମନ୍ତ୍ରଵିଗ୍ରହା ॥ ୫୫ ॥
ଜ୍ଵାଲାମୟୀ ପରାରକ୍ତା ଜ୍ଵାଲାକ୍ଷୀ ଧୂମ୍ରଲୋଚନା ।
ଵାମା କୁତୂହଲା କୁଲ୍ୟା କୋମଲା କୁଡ୍ମଲସ୍ତନୀ ॥ ୫୬ ॥
ଦଣ୍ଡିନୀ ମୁଣ୍ଡିନୀ ଧୀରା ଜୟକନ୍ୟା ଜୟଙ୍କରୀ ।
ଚାମୁଣ୍ଡୀ ଚଣ୍ଡମୁଣ୍ଡେଶୀ ଚଣ୍ଡମୁଣ୍ଡନିଷୂଦିନୀ ॥ ୫୭ ॥
ଭଦ୍ରକାଲୀ ଵହ୍ନିଦୁର୍ଗା ପାଲିତାମରସୈନିକା ।
ୟୋଗିନୀଗଣସଂଵୀତା ପ୍ରବଲା ହଂସଗାମିନୀ ॥ ୫୮ ॥
ଶୁମ୍ଭାସୁରପ୍ରାଣହନ୍ତ୍ରୀ ସୂକ୍ଷ୍ମା ଶୋଭନଵିକ୍ରମା ।
ନିଶୁମ୍ଭଵୀର୍ୟଶମନୀ ନିର୍ନିଦ୍ରା ନିରୁପପ୍ଲଵା ॥ ୫୯ ॥
ଧର୍ମସିଂହଧୃତା ମାଲୀ ନାରସିଂହାଙ୍ଗଲୋଲୁପା ।
ଭୁଜାଷ୍ଟକୟୁତା ତୁଙ୍ଗା ତୁଙ୍ଗସିଂହାସନେଶ୍ଵରୀ ॥ ୬୦ ॥
ରାଜରାଜେଶ୍ଵରୀ ଜ୍ୟୋତ୍ସ୍ନା ରାଜ୍ୟସାମ୍ରାଜ୍ୟଦାୟିନୀ ।
ମନ୍ତ୍ରକେଲିଶୁକାଲାପା ମହନୀୟା ମହାଶନା ॥ ୬୧ ॥
ଦୁର୍ଵାରକରୁଣାସିନ୍ଧୁର୍ଧୂମଲା ଦୁଷ୍ଟନାଶିନୀ ।
ଵୀରଲକ୍ଷ୍ମୀର୍ଵୀରପୂଜ୍ୟା ଵୀରଵେଷମହୋତ୍ସଵା ॥ ୬୨ ॥
ଵନଦୁର୍ଗା ଵହ୍ନିହସ୍ତା ଵାଞ୍ଛିତାର୍ଥପ୍ରଦାୟିନୀ ।
ଵନମାଲୀ ଚ ଵାରାହୀ ଵାଗାସାରନିଵାସିନୀ ॥ ୬୩ ॥
ଏକାକିନ୍ୟେକସିଂହସ୍ଥା ଚୈକଦନ୍ତପ୍ରସୂତିନୀ ।
ନୃସିଂହଚର୍ମଵସନା ନିର୍ନିରୀକ୍ଷ୍ୟା ନିରଙ୍କୁଶା ॥ ୬୪ ॥
ନୃପାଲଵୀର୍ୟନିର୍ଵେଗା ନୀଚଗ୍ରାମନିଷୂଦିନୀ ।
ସୁଦର୍ଶନାସ୍ତ୍ରଦର୍ପଘ୍ନୀ ସୋମଖଣ୍ଡାଵତଂସିକା ॥ ୬୫ ॥
ପୁଲିନ୍ଦକୁଲସଂସେଵ୍ୟା ପୁଷ୍ପଧୁତ୍ତୂରମାଲିକା ।
ଗୁଞ୍ଜାମଣିଲସନ୍ମାଲା ଶଙ୍ଖତାଟଙ୍କଶୋଭିନୀ ॥ ୬୬ ॥
ମାତଙ୍ଗମଦସିନ୍ଦୂରତିଲକା ମଧୁଵାସିନୀ ।
ପୁଲିନ୍ଦିନୀଶ୍ଵରୀ ଶ୍ୟାମା ଚଲଚେଲକଟିସ୍ଥଲା ॥ ୬୭ ॥
ବର୍ହାଵତଂସଧମ୍ମିଲ୍ଲା ତମାଲଶ୍ୟାମଲାକୃତିଃ ।
ଶତ୍ରୁସଂହାରଶସ୍ତ୍ରାଙ୍ଗପାଶକୋଦଣ୍ଡଧାରିଣୀ ॥ ୬୮ ॥
କଙ୍କାଲୀ ନାରସିଂହାଙ୍ଗରକ୍ତପାନସମୁତ୍ସୁକା ।
ଵସାମଲିନଵାରାହଦଂଷ୍ଟ୍ରା ପ୍ରାଲମ୍ବମାଲିକା ॥ ୬୯ ॥
ସନ୍ଧ୍ୟାରୁଣଜଟାଧାରିକାଲମେଘସମପ୍ରଭା ।
ଚତୁର୍ମୁଖଶିରୋମାଲା ସର୍ପୟଜ୍ଞେପଵୀତିନୀ ॥ ୭୦ ॥
ଦକ୍ଷୟଜ୍ଞାନଲଧ୍ଵଂସଦଲିତାମରଡାମ୍ଭିକା ।
ଵୀରଭଦ୍ରାମୋଦକରଵୀରାଟୋପଵିହାରିଣୀ ॥ ୭୧ ॥
ଜଲଦୁର୍ଗା ମହାମତ୍ତଦନୁଜପ୍ରାଣଭକ୍ଷିଣୀ ।
ପରମନ୍ତ୍ରଭକ୍ଷିଵହ୍ନିଜ୍ଵାଲାକୀର୍ଣତ୍ରିଲୋଚନା ॥ ୭୨ ॥
ଶତ୍ରୁଶଲ୍ୟମୟାମୋଘନାଦନିର୍ଭିନ୍ନଦାନଵା ।
ରାକ୍ଷସପ୍ରାଣମଥନଵକ୍ରଦଂଷ୍ଟ୍ରା ମହୋଜ୍ଵଲା ॥ ୭୩ ॥
କ୍ଷୁଦ୍ରଗ୍ରହାପହା କ୍ଷୁଦ୍ରମନ୍ତ୍ରତନ୍ତ୍ରକ୍ରିୟାପହା ।
ଵ୍ୟାଘ୍ରାଜିନାମ୍ବରଧରା ଵ୍ୟାଲକଙ୍କଣଭୂଷଣା ॥ ୭୪ ॥
ବଲିପୂଜାପ୍ରିୟକ୍ଷୁଦ୍ରପୈଶାଚମଦନାଶିନୀ ।
ସମ୍ମୋହନାସ୍ତ୍ରମନ୍ତ୍ରାତ୍ତଦାନଵୌଘଵିନାଶିନୀ ॥ ୭୫ ॥
କାମକ୍ରାନ୍ତମନୋଵୃତ୍ତିଃ କାମକେଲି କଲାରତା ।
କର୍ପୂରଵୀଟିକାପ୍ରୀତା କାମିନୀଜନମୋହିନୀ ॥ ୭୬ ॥
ସ୍ଵପ୍ନଵତୀ ସ୍ଵପ୍ନଭୋଗା ଧ୍ଵଂସିତାଖିଲଦାନଵା ।
ଆକର୍ଷଣକ୍ରିୟାଲୋଲା ଚାଶ୍ରିତାଭୀଷ୍ଟଦାୟିନୀ ॥ ୭୭ ॥
ଜ୍ଵାଲାମୁଖୀ ଜ୍ଵାଲନେତ୍ରା ଜ୍ଵାଲାଙ୍ଗା ଜ୍ଵରନାଶିନୀ ।
ଶଲ୍ୟାକରୀ ଶଲ୍ୟହନ୍ତ୍ରୀ ଶଲ୍ୟମନ୍ତ୍ରଚଲାଚଲା ॥ ୭୮ ॥
ଚତୁର୍ଥ୍ୟକୁହରା ରୌଦ୍ରୀ ତାପଘ୍ନୀ ଦରନାଶିନୀ ।
ଦାରିଦ୍ର୍ୟଶମନୀ କ୍ରୁଦ୍ଧା ଵ୍ୟାଧିନୀ ଵ୍ୟାଧିନାଶିନୀ ॥ ୭୯ ॥
ବ୍ରହ୍ମରକ୍ଷୋହରା ବ୍ରାହ୍ମିଗଣହାରୀ ଗଣେଶ୍ଵରୀ ।
ଆଵେଶଗ୍ରହସଂହାରୀ ହନ୍ତ୍ରୀ ମନ୍ତ୍ରୀ ହରିପ୍ରିୟା ॥ ୮୦ ॥
କୃତ୍ତିକା କୃତ୍ତିହରଣା ଗୌରୀ ଗମ୍ଭୀରମାନସା ।
ୟୁଦ୍ଧପ୍ରୀତା ୟୁଦ୍ଧକାରୀ ୟୋଦ୍ଧୃଗଣ୍ୟା ୟୁଧିଷ୍ଠିରା ॥ ୮୧ ॥
ତୁଷ୍ଟିଦା ପୁଷ୍ଟିଦା ପୁଣ୍ୟଭୋଗମୋକ୍ଷଫଲପ୍ରଦା ।
ଅପାପା ପାପଶମନୀ ତ୍ଵରୂପା ରୂପଦାରୁଣା ॥ ୮୨ ॥
ଅନ୍ନଦା ଧନଦା ପୂତା ତ୍ଵଣିମାଦିଫଲପ୍ରଦା ।
ସିଦ୍ଧିଦା ବୁଦ୍ଧିଦା ଶୂଲା ଶିଷ୍ଟାଚାରପରାୟଣା ॥ ୮୩ ॥
ଅମାୟା ହ୍ୟମରାରାଧ୍ୟା ହଂସମନ୍ତ୍ରା ହଲାୟୁଧା ।
କ୍ଷାମପ୍ରଧ୍ଵଂସିନୀ କ୍ଷୋଭ୍ୟା ଶାର୍ଦୂଲାସନଵାସିନୀ ॥ ୮୪ ॥
ସତ୍ତ୍ଵରୂପା ତମୋହନ୍ତ୍ରୀ ସୌମ୍ୟା ସାରଙ୍ଗଭାଵନା ।
ଦ୍ଵିସହସ୍ରକରା ଶୁଦ୍ଧା ସ୍ଥୂଲସିଂହସୁଵାସିନୀ ॥ ୮୫ ॥
ନାରାୟଣୀ ମହାଵୀର୍ୟା ନାଦବିନ୍ଦ୍ଵନ୍ତରାତ୍ମିକା ।
ଷଡ୍ଗୁଣା ତତ୍ତ୍ଵନିଲୟା ତତ୍ଵାତୀତାଽମୃତେଶ୍ଵରୀ ॥ ୮୬ ॥
ସୁରମୂର୍ତିଃ ସୁରାରାଧ୍ୟା ସୁମୁଖା କାଲରୂପିଣୀ ।
ସନ୍ଧ୍ୟାରୂପା କାନ୍ତିମତୀ ଖେଚରୀ ଭୁଵନେଶ୍ଵରୀ ॥ ୮୭ ॥
ମୂଲପ୍ରକୃତିରଵ୍ୟକ୍ତା ମହାମାୟା ମନୋନ୍ମନୀ ।
ଜ୍ୟେଷ୍ଠା ଵାମା ଜଗନ୍ମୂଲା ସୃଷ୍ଟିସଂହାରକାରଣା ॥ ୮୮ ॥
ସ୍ଵତନ୍ତ୍ରା ସ୍ଵଵଶା ଲୋକଭୋଗଦା ସୁରନନ୍ଦିନୀ ।
ଚିତ୍ରାଚିତ୍ରାକୃତିଶ୍ଚୈଵ ସଚିତ୍ରଵସନପ୍ରିୟା ॥ ୮୯ ॥
ଵିଷାପହା ଵେଦମନ୍ତ୍ରା ଵେଦଵିଦ୍ୟାଵିଲାସିନୀ ।
କୁଣ୍ଡଲୀକନ୍ଦନିଲୟା ଗୁହ୍ୟା ଗୁହ୍ୟକଵନ୍ଦିତା ॥ ୯୦ ॥
କାଲରାତ୍ରୀ କଲାନିଷ୍ଠା କୌମାରୀ କାମମୋହିନୀ ।
ଵଶ୍ୟାଦିନୀ ଵରାରୋହା ଵନ୍ଦାରୁଜନଵତ୍ସଲା ॥ ୯୧ ॥
ସଞ୍ଜ୍ଵାଲାମାଲିନୀ ଶକ୍ତିଃ ସୁରାପ୍ରୀତା ସୁଵାସିନୀ ।
ମହିଷାସୁରସଂହାରୀ ମତ୍ତମାତଙ୍ଗଗାମିନୀ ॥ ୯୨ ॥
ମଦଗନ୍ଧିତମାତଙ୍ଗା ଵିଦ୍ୟୁଦ୍ଦାମାଭିସୁନ୍ଦରୀ ।
ରକ୍ତବୀଜାସୁରଧ୍ଵଂସୀ ଵୀରପାଣାରୁଣେକ୍ଷଣା ॥ ୯୩ ॥
ମହିଷୋତ୍ତମସଂରୂଢମାଂସପ୍ରୋତାୟୁତାଞ୍ଚଲା ।
ୟଶୋଵତୀ ହେମକୂଟତୁଙ୍ଗଶୃଙ୍ଗନିକେତନା ॥ ୯୪ ॥
ଦାନକଲ୍ପକସଚ୍ଛାୟା ସନ୍ତାନାଦିଫଲପ୍ରଦା ।
ଆଶ୍ରିତାଭୀଷ୍ଟଵରଦା ଚାଖିଲାଗମଗୋପିତା ॥ ୯୫ ॥
ଦାରିଦ୍ର୍ୟଶୈଲଦମ୍ଭୋଲିଃ କ୍ଷୁଦ୍ରପଙ୍କଜଚନ୍ଦ୍ରିକା ।
ରୋଗାନ୍ଧକାରଚଣ୍ଡାଂଶୁଃ ପାପଦ୍ରୁମକୁଠାରିକା ॥ ୯୬ ॥
ଭଵାଟଵୀଦାଵଵହ୍ନିଶତ୍ରୁତୂଲସ୍ଫୁଲିଙ୍ଗରୁକ୍ ।
ସ୍ଫୋଟକୋରକମାୟୂରୀ କ୍ଷୁଦ୍ରପ୍ରାଣନିଵାରିଣୀ ॥ ୯୭ ॥
ଅପସ୍ମାରମୃଗଵ୍ୟାଘ୍ରୀଚିତ୍ତକ୍ଷୋଭଵିମୋଚିନୀ ।
କ୍ଷୟମାତଙ୍ଗପଞ୍ଚାସ୍ୟା କୃଚ୍ଛ୍ରଵର୍ଗାପହାରିଣୀ ॥ ୯୮ ॥
ପୀନସଶ୍ଵାସକାସଘ୍ନୀ ପିଶାଚୋପାଧିମୋଚିନୀ ।
ଵିଵାଦଶମନୀ ଲୋକବାଧାପଞ୍ଚକନାଶିନୀ ॥ ୯୯ ॥
ଅପଵାଦହରାସେଵ୍ୟା ସଙ୍ଗ୍ରାମଵିଜୟପ୍ରଦା ।
ରକ୍ତପିତ୍ତଗଲଵ୍ୟାଧିହରା ହରଵିମୋହିନୀ ॥ ୧୦୦ ॥
କ୍ଷୁଦ୍ରଶଲ୍ୟମୟା ଦାସକାର୍ୟାରମ୍ଭସମୁତ୍ସୁକା ।
କୁଷ୍ଠଗୁଲ୍ମପ୍ରମେହଘ୍ନୀ ଗୂଢଶଲ୍ୟଵିନାଶିନୀ ॥ ୧୦୧ ॥
ଭକ୍ତିମତ୍ପ୍ରାଣସୌହାର୍ଦା ସୁହୃଦ୍ଵଂଶାଭିଵର୍ଧିକା ।
ଉପାସ୍ୟା ଚାଖିଲମ୍ଲେଚ୍ଛମଦମାନଵିମୋଚନୀ ॥ ୧୦୨ ॥
ଭୈରଵୀ ଭୀଷଣା ଭୀଷା ଭିନ୍ନାରାତିରଣାଞ୍ଚଲା ।
ଵ୍ୟୂହଧ୍ଵଂସୀ ଵୀରହଵ୍ୟା ଵୀର୍ୟାତ୍ମା ଵ୍ୟୂହରକ୍ଷିକା ॥ ୧୦୩ ॥
ମହାରାଷ୍ଟ୍ରା ମହାସେନା ମାଂସାଶୀ ମାଧଵାନୁଜା ।
ଵ୍ୟାଘ୍ରଧ୍ଵଜା ଵଜ୍ରନଖୀ ଵଜ୍ରୀ ଵ୍ୟାଘ୍ରନିଷୂଦିନୀ ॥ ୧୦୪ ॥
ଖଡ୍ଗିନୀ କନ୍ୟକାଵେଷା କୌମାରୀ ଖଡ୍ଗଵାସିନୀ ।
ସଙ୍ଗ୍ରାମଵାସିନ୍ୟସ୍ତାସ୍ତ୍ରା ଧୀରଜ୍ୟାସାୟକାସନା ॥ ୧୦୫ ॥
କୋଦଣ୍ଡଧ୍ଵନିକୃତ୍କ୍ରୁଦ୍ଧା କ୍ରୂରଦୃଷ୍ଟିଭୟାନକା ।
ଵୀରାଗ୍ରଗାମିନୀ ଦୁଷ୍ଟାସନ୍ତୁଷ୍ଟା ଶତ୍ରୁଭକ୍ଷିଣୀ ॥ ୧୦୬ ॥
ସନ୍ଧ୍ୟାଟଵୀଚରା ଵିତ୍ତଗୋପନା ଵିତ୍ତକୃଚ୍ଚଲା ।
କୈଟଭାସୁରସଂହାରୀ କାଲୀ କଲ୍ୟାଣକୋମଲା ॥ ୧୦୭ ॥
ନନ୍ଦିନୀ ନନ୍ଦିଚରିତା ନରକାଲୟମୋଚନା ।
ମଲୟାଚଲଶୃଙ୍ଗସ୍ଥା ଗନ୍ଧିନୀ ସୁରତାଲସା ॥ ୧୦୮ ॥
କାଦମ୍ବରୀ କାନ୍ତିମତୀ କାନ୍ତା କାଦମ୍ବରାଶନା ।
ମଧୁଦାନଵଵିଦ୍ରାଵୀ ମଧୁପା ପାଟଲାରୁଣା ॥ ୧୦୯ ॥
ରାତ୍ରିଞ୍ଚରା ରାକ୍ଷସଘ୍ନୀ ରମ୍ୟା ରାତ୍ରିସମର୍ଚିତା ।
ଶିଵରାତ୍ରିମହାପୂଜ୍ୟା ଦେଵଲୋକଵିହାରିଣୀ ॥ ୧୧୦ ॥
ଧ୍ୟାନାଦିକାଲସଞ୍ଜପ୍ୟା ଭକ୍ତସନ୍ତାନଭାଗ୍ୟଦା ।
ମଧ୍ୟାହ୍ନକାଲସନ୍ତର୍ପ୍ୟା ଜୟସଂହାରଶୂଲିନୀ ॥ ୧୧୧ ॥
ତ୍ରିୟମ୍ବକା ମଖଧ୍ଵଂସୀ ତ୍ରିପୁରା ପୁରଶୂଲିନୀ ।
ରଙ୍ଗସ୍ଥା ରଞ୍ଜିନୀ ରଙ୍ଗା ସିନ୍ଦୂରାରୁଣଶାଲିନୀ ॥ ୧୧୨ ॥
ସୁନ୍ଦୋପସୁନ୍ଦହନ୍ତ୍ରୀ ତୁ ସୂକ୍ଷ୍ମା ମୋହନଶୂଲିନୀ ।
ଅଷ୍ଟମୂର୍ତିଃ କଲାନାଥା ଚାଷ୍ଟହସ୍ତା ସୁତପ୍ରଦା ॥ ୧୧୩ ॥
ଅଙ୍ଗାରକା କୋପନାକ୍ଷୀ ହଂସାସୁରମଦାପହା ।
ଆପୀନସ୍ତନନମ୍ରାଙ୍ଗୀ ହରିଦ୍ରାଲେପିତସ୍ତନୀ ॥ ୧୧୪ ॥
ଇନ୍ଦ୍ରାକ୍ଷୀ ହେମସଙ୍କାଶା ହେମଵସ୍ତ୍ରା ହରପ୍ରିୟା ।
ଈଶ୍ଵରୀ ତ୍ଵିତିହାସାତ୍ମା ଈତିବାଧାନିଵାରିଣୀ ॥ ୧୧୫ ॥
ଉପାସ୍ୟା ଚୋନ୍ମଦାକାରା ହ୍ୟୁଲ୍ଲଙ୍ଘିତସୁରାପଗା ।
ଊଷରସ୍ଥଲକାସାରା ହ୍ୟୁତ୍ପଲଶ୍ୟାମଲାକୃତିଃ ॥ ୧୧୬ ॥
ଋଙ୍ମୟୀ ସାମସଙ୍ଗୀତା ଶୁଦ୍ଧିଃ କଲ୍ପକଵଲ୍ଲରୀ ।
ସାୟନ୍ତନହୁତିର୍ଦାସକାମଧେନୁସ୍ଵରୂପିଣୀ ॥ ୧୧୭ ॥
ପଞ୍ଚଦଶାକ୍ଷରୀମନ୍ତ୍ରା ତାରକାଵୃତଷୋଡଶୀ ।
ହ୍ରୀଙ୍କାରନିଷ୍ଠା ହ୍ରୀଙ୍କାରହୁଙ୍କାରୀ ଦୁରିତାପହା ॥ ୧୧୮ ॥
ଷଡଙ୍ଗା ନଵକୋଣସ୍ଥା ତ୍ରିକୋଣା ସର୍ଵତୋମୁଖୀ ।
ସହସ୍ରଵଦନା ପଦ୍ମା ଶୂଲିନୀ ସୁରପାଲିନୀ ॥ ୧୧୯ ॥
ମହାଶୂଲଧରା ଶକ୍ତିର୍ମାତା ମାହେନ୍ଦ୍ରପୂଜିତା ।
ଶୂଲଦୁର୍ଗା ଶୂଲହରା ଶୋଭନା ଚୈଵ ଶୂଲିନୀ ॥ ୧୨୦ ॥
ଶ୍ରୀଶୂଲିନୀ ଜଗଦ୍ବୀଜା ମୂଲାହଙ୍କାରଶୂଲିନୀ ।
ପ୍ରକାଶା ପରମାକାଶା ଭାଵିତା ଵୀରଶୂଲିନୀ ॥ ୧୨୧ ॥
ନାରସିଂହୀ ମହେନ୍ଦ୍ରାଣୀ ସାଲୀଶରଭଶୂଲିନୀ ।
ଋଙ୍କାର୍ୟୃତୁମତୀ ଚୈଵାଘୋରାଽଥର୍ଵଣଗୋପିକା ॥ ୧୨୨ ॥
ଘୋରଘୋରା ଜପାରାଗପ୍ରସୂନାଞ୍ଚିତମାଲିକା ।
ସୁସ୍ଵରୂପା ସୌହୃଦାଢ୍ୟାଲୀଢା ଦାଡିମପାଟକା ॥ ୧୨୩ ॥
ଲୟା ଚ ଲମ୍ପଟା ଲୀନା କୁଙ୍କୁମାରୁଣକନ୍ଧରା ।
ଇକାରାଧ୍ୟାତ୍ଵିଲାନାଥା ତ୍ଵିଲାଵୃତଜନାଵୃତା ॥ ୧୨୪ ॥
ଐଶ୍ଵର୍ୟନିଷ୍ଠା ହରିତା ହରିତାଲସମପ୍ରଭା ।
ମୁଦ୍ଗମାଷାଜ୍ୟଭୋଜ୍ୟା ଚ ୟୁକ୍ତାୟୁକ୍ତଭଟାନ୍ଵିତା ॥ ୧୨୫ ॥
ଔତ୍ସୁକୀ ଚାଣିମଦ୍ଗମ୍ୟା ତ୍ଵଖିଲାଣ୍ଡନିଵାସିନୀ ।
ହଂସମୁକ୍ତାମଣିଶ୍ରେଣିଃ ହଂସାଖ୍ୟା ହାସକାରିଣୀ ॥ ୧୨୬ ॥
କଲିଦୋଷହରା କ୍ଷୀରପାୟିନୀ ଵିପ୍ରପୂଜିତା ।
ଖଟ୍ଵାଙ୍ଗସ୍ଥା ଖଡ୍ଗରୂପା ଖବୀଜା ଖରସୂଦନା ॥ ୧୨୭ ॥
ଆଜ୍ୟପାୟିନ୍ୟସ୍ଥିମାଲା ପାର୍ଥିଵାରାଧ୍ୟପାଦୁକା ।
ଗମ୍ଭୀରନାଭିକାସିଦ୍ଧକିନ୍ନରସ୍ତ୍ରୀ ସମାଵୃତା ॥ ୧୨୮ ॥
ଖଡ୍ଗାତ୍ମିକା ଘନନିଭା ଵୈଶ୍ୟାର୍ଚ୍ୟା ମାକ୍ଷିକପ୍ରିୟା ।
ମକାରଵର୍ଣା ଗମ୍ଭୀରା ଶୂଦ୍ରାର୍ଚ୍ୟା ଚାସଵପ୍ରିୟା ॥ ୧୨୯ ॥
ଚାତୁରୀ ପାର୍ଵଣାରାଧ୍ୟା ମୁକ୍ତାଧାଵଲ୍ୟରୂପିଣୀ ।
ଛନ୍ଦୋମୟୀ ଭୌମପୂଜ୍ୟା ଦୁଷ୍ଟଶତ୍ରୁଵିନାଶିନୀ ॥ ୧୩୦ ॥
ଜୟିନୀ ଚାଷ୍ଟମୀସେଵ୍ୟା କ୍ରୂରହୋମସମନ୍ଵିତା ।
ଝଙ୍କାରୀ ନଵମୀପୂଜ୍ୟା ଲାଙ୍ଗଲୀକୁସୁମପ୍ରିୟା ॥ ୧୩୧ ॥
ସଦା ଚତୁର୍ଦଶୀପୂଜ୍ୟା ଭକ୍ତାନାଂ ପୁଷ୍ଟିକାରିଣୀ ।
ଜ୍ଞାନଗମ୍ୟା ଦର୍ଶପୂଜ୍ୟା ଡାମରୀ ରିପୁମାରିଣୀ ॥ ୧୩୨ ॥
ସତ୍ୟସଙ୍କଲ୍ପସଂଵେଦ୍ୟା କଲିକାଲସୁସନ୍ଧିକା ।
ଡମ୍ଭାକାରା କଲ୍ପସିଦ୍ଧା ଶଲ୍ୟକୌତୁକଵର୍ଧିନୀ ॥ ୧୩୩ ॥
ଠାକୃତିଃ କଵିଵରାରାଧ୍ୟା ସର୍ଵସମ୍ପତ୍ପ୍ରଦାୟିକା ।
ନଵରାତ୍ରିଦିନାରାଧ୍ୟା ରାଷ୍ଟ୍ରଦା ରାଷ୍ଟ୍ରଵର୍ଧିନୀ ॥ ୧୩୪ ॥
ପାନାସଵମଦଧ୍ଵଂସିମୂଲିକାସିଦ୍ଧିଦାୟିନୀ ।
ଫଲପ୍ରଦା କୁବେରାଧ୍ୟା ପାରିଜାତପ୍ରସୂନଭାକ୍ ॥ ୧୩୫ ॥
ବଲିମନ୍ତ୍ରୌଘସଂସିଦ୍ଧା ମନ୍ତ୍ରଚିନ୍ତ୍ୟଫଲାଵହା ।
ଭକ୍ତିପ୍ରିୟା ଭକ୍ତିଗମ୍ୟା କିଙ୍କରା ଭଗମାଲିନୀ ॥ ୧୩୬ ॥
ମାଧଵୀ ଵିପିନାନ୍ତସ୍ସ୍ଥା ମହତୀ ମହିଷାର୍ଦିନୀ ।
ୟଜୁର୍ଵେଦଗତା ଶଙ୍ଖଚକ୍ରହସ୍ତାମ୍ବୁଜଦ୍ଵୟା ॥ ୧୩୭ ॥
ରାଜସା ରାଜମାତଙ୍ଗୀ ରାକାଚନ୍ଦ୍ରନିଭାନନା ।
ଲାଘଵାଲାଘଵାରାଧ୍ୟା ରମଣୀଜନମଧ୍ୟଗା ॥ ୧୩୮ ॥
ଵାଗୀଶ୍ଵରୀ ଵକୁଲମାଲ୍ୟା ଵାଙ୍ମୟୀ ଵାରିତାସୁଖା ।
ଶରଭାଧୀଶଵନିତା ଚନ୍ଦ୍ରମଣ୍ଡଲମଧ୍ୟଗା ॥ ୧୩୯ ॥
ଷଡଧ୍ଵାନ୍ତରତାରା ଚ ରକ୍ତଜୁଷ୍ଟାହୁତାଵହା ।
ତତ୍ତ୍ଵଜ୍ଞାନାନନ୍ଦକଲାମୟା ସାୟୁଜ୍ୟସାଧନା ॥ ୧୪୦ ॥
କର୍ମସାଧକସଂଲୀନଧନଦର୍ଶନଦା ସଦା ।
ହଙ୍କାରିକା ସ୍ଥାଵରାତ୍ମା ତ୍ଵମରୀଲାସ୍ୟମୋଦନା ॥ ୧୪୧ ॥
ଲକାରତ୍ରୟସମ୍ଭୂତା ଲଲିତା ଲକ୍ଷ୍ମଣାର୍ଚିତା ।
ଲକ୍ଷ୍ମମୂର୍ତିସ୍ସଦାହାରା ପ୍ରାସାଦାଵାସଲୋଚନା ॥ ୧୪୨ ॥
ନୀଲକଣ୍ଠୀ ହରିଦ୍ରଶ୍ମିଃ ଶୁକୀ ଗୌରୀ ଚ ଗୋତ୍ରଜା ।
ଅପର୍ଣା ୟକ୍ଷିଣୀ ୟକ୍ଷା ହରିଦ୍ରା ହଲିନୀ ହଲୀ ॥ ୧୪୩ ॥
ଦଦତୀ ଚୋର୍ମଦା ଚୋର୍ମୀ ରସା ଵିଶ୍ଵମ୍ଭରା ସ୍ଥିରା ।
ପଞ୍ଚାସ୍ୟା ପଞ୍ଚମୀରାଗା ଭାଗ୍ୟୟୋଗାତ୍ମିକାମ୍ବିକା ॥ ୧୪୪ ॥
ଗଣିକା ଚୈଵ କାଲୀ ଚ ଵୀଣା ଶୋଣାରୁଣାତ୍ମିକା ।
ରମାଦୂତୀ କଲାସିଂହୀ ଲଜ୍ଜା ଧୂମଵତୀ ଜଡା ॥ ୧୪୫ ॥
ଭୃଙ୍ଗିସଙ୍ଗିସଖୀ ପୀନା ସ୍ନେହାରୋଗମନସ୍ଵିନୀ ।
ରଣୀମୃଡା ଦୃଢା ଜ୍ୟେଷ୍ଠା ରମଣୀ ୟମୁନାରତା ॥ ୧୪୬ ॥
ମୁସଲୀକୁଣ୍ଠିତାମୋଟା ଚଣ୍ଡଖଣ୍ଡା ଗଣାବଲା ।
ଶୁକ୍ଲା ସ୍ରଷ୍ଟ୍ରୀଵଶା ଜ୍ଞାନିମାନୀ ଲୀଲାଲକା ଶଚୀ ॥ ୧୪୭ ॥
ସୂରଚନ୍ଦ୍ରଘୃଣିର୍ୟୋଷାଵୀର୍ୟାକ୍ରୀଡା ରସାଵହା ।
ନୂତ୍ନା ସୋମା ମହାରାଜ୍ଞୀ ଗୟାୟାଗାହୁତପ୍ରଭା ॥ ୧୪୮ ॥
ଧୂର୍ତା ସୁଧାଘନାଲୀନପୁଷ୍ଟିମୃଷ୍ଟସୁଧାକରା ।
କରିଣୀ କାମିନୀ ମୁକ୍ତାମଣିଶ୍ରେଣୀ ଫଣୀଶ୍ଵରା ॥ ୧୪୯ ॥
ତାର୍କ୍ଷୀ ସୂକ୍ଷ୍ମା ନତାଚାର୍ୟା ଗୌରିକା ଗିରିଜାଙ୍ଗନା ।
ଇନ୍ଦ୍ରଜାଲା ଚେନ୍ଦୁମୁଖୀତ୍ଵିନ୍ଦ୍ରୋପେନ୍ଦ୍ରାଦି ସଂସ୍ତୁତା ॥ ୧୫୦ ॥
ଶିଵଦୂତୀ ଚ ଗରଲଶିତିକଣ୍ଠକୁଟୁମ୍ବିନୀ ।
ଜ୍ଵଲନ୍ତୀଜ୍ଵଲନାକାରା ଜ୍ଵଲଜ୍ଜାଜ୍ଵଲ୍ୟଜମ୍ଭଦା ॥ ୧୫୧ ॥
ଜ୍ଵାଲାଶୟା ଜ୍ଵାଲମଣିର୍ଜ୍ୟୋତିଷାଂ ଗତିରେଵ ହି ।
ଜ୍ୟୋତିଃଶାସ୍ତ୍ରାନୁମେୟାତ୍ମା ଜ୍ୟୋତିଷୀ ଜ୍ଵଲିତୋଜ୍ଜ୍ଵଲା ॥ ୧୫୨ ॥
ଜ୍ୟୋତିଷ୍ମତୀ ଦୁର୍ଗଵାସୀ ଜ୍ୟୋତ୍ସ୍ନାଭା ଜ୍ଵଲନାର୍ଚିତା ।
ଲଙ୍କାରୀ ଲଲିତାଵାସା ଲଲିତାଲଲିତାତ୍ମିକା ॥ ୧୫୩ ॥
ଲଙ୍କାଧିପା ଲାସ୍ୟଲୋଲା ଲୟଭୋଗମୟାଲୟା ।
ଲାଵଣ୍ୟଶାଲିନୀ ଲୋଲା ଲାଙ୍ଗଲା ଲଲିତାମ୍ବିକା ॥ ୧୫୪ ॥
ଲାଞ୍ଛନା ଲମ୍ପଟାଲଙ୍ଘ୍ୟା ଲକୁଲାର୍ଣଵମୁକ୍ତିଦା ।
ଲଲାଟନେତ୍ରା ଲଜ୍ଜାଢ୍ୟା ଲାସ୍ୟାଲାପମୁଦାକରା ॥ ୧୫୫ ॥
ଜ୍ଵାଲାକୃତିର୍ଜ୍ଵଲଦ୍ବୀଜା ଜ୍ୟୋତିର୍ମଣ୍ଡଲମଧ୍ୟଗା ।
ଜ୍ୟୋତିସ୍ସ୍ତମ୍ଭା ଜ୍ଵଲଦ୍ଵୀର୍ୟା ଜ୍ଵଲନ୍ମନ୍ତ୍ରା ଜ୍ଵଲତ୍ଫଲା ॥ ୧୫୬ ॥
ଜୁଷିରା ଜୁମ୍ପଟା ଜ୍ୟୋତିର୍ମାଲିକା ଜ୍ୟୋତିକାସ୍ମିତା ।
ଜ୍ଵଲଦ୍ଵଲୟହସ୍ତାବ୍ଜା ଜ୍ଵଲତ୍ପ୍ରଜ୍ଵଲକୋଜ୍ଜ୍ଵଲା ॥ ୧୫୭ ॥
ଜ୍ଵାଲମାଲ୍ୟା ଜଗଜ୍ଜ୍ଵାଲା ଜ୍ଵଲଜ୍ଜ୍ଵଲନସଜ୍ଜ୍ଵଲା ।
ଲମ୍ବୀଜା ଲେଲିହାନାତ୍ମା ଲୀଲାକ୍ଲିନ୍ନା ଲୟାଵହା ॥ ୧୫୮ ॥
ଲଜ୍ଜାଵତୀ ଲବ୍ଧପୁତ୍ରୀ ଲାକିନୀ ଲୋଲକୁଣ୍ଡଲା ।
ଲବ୍ଧଭାଗ୍ୟା ଲବ୍ଧକାମା ଲବ୍ଧଧୀର୍ଲବ୍ଧମଙ୍ଗଲା ॥ ୧୫୯ ॥
ଲବ୍ଧଵୀର୍ୟା ଲବ୍ଧଵୃତା ଲାଭା ଲବ୍ଧଵିନାଶିନୀ ।
ଲସଦ୍ଵସ୍ତ୍ରା ଲସତ୍ପୀଡା ଲସନ୍ମାଲ୍ୟା ଲସତ୍ପ୍ରଭା ॥ ୧୬୦ ॥
ଶୂଲହସ୍ତା ଶୂରସେଵ୍ୟା ଶୂଲିନୀ ଶୂଲନାଶିନୀ ।
ଶୂଙ୍କୃତ୍ୟନୁମତିଃ ଶୂର୍ପଶୋଭନା ଶୂର୍ପଧାରିଣୀ ॥ ୧୬୧ ॥
ଶୂଲସ୍ଥା ଶୂରଚିତ୍ତସ୍ଥା ଶୂଲା ଶୁକ୍ଲସୁରାର୍ଚିତା ।
ଶୁକ୍ଲପଦ୍ମାସନାରୂଢା ଶୁକ୍ଲା ଶୁକ୍ଲାମ୍ବରାଂଶୁକା ॥ ୧୬୨ ॥
ଶୁକଲାଲିତହସ୍ତାବ୍ଜା ଶ୍ଵେତା ଶୁକନୁତା ଶୁଭା ।
ଲଲିତାକ୍ଷରମନ୍ତ୍ରସ୍ଥା ଲିପ୍ତକୁଙ୍କୁମଭାସୁରା ॥ ୧୬୩ ॥
ଲିପିରୂପା ଲିପ୍ତଭସ୍ମା ଲିପ୍ତଚନ୍ଦନପଙ୍କିଲା ।
ଲୀଲାଭାଷଣସଂଲୋଲା ଲୀନକସ୍ତୂରିକାଦ୍ରଵା ॥ ୧୬୪ ॥
ଲିଖିତାମ୍ବୁଜଚକ୍ରସ୍ଥା ଲିଖ୍ୟାଲିଖିତଵୈଭଵା ।
ନୀଲାଲକା ନୀତିମତୀ ନୀତିଶାସ୍ତ୍ରସ୍ଵରୂପିଣୀ ॥ ୧୬୫ ॥
ନୀଚଘ୍ନୀ ନିଷ୍କଲା ନିତ୍ୟା ନୀଲକଣ୍ଠପ୍ରିୟାଙ୍ଗନା ।
ନିରାଶା ନିର୍ଗୁଣାତୀତା ନିର୍ମଦା ନିରୁପପ୍ଲଵା ॥ ୧୬୬ ॥
ନିର୍ଣୀତା ନିର୍ମଲା ନିଷ୍ଠା ନିରଙ୍କୁଶପରାକ୍ରମା ।
ନିର୍ଵିଣ୍ଣଦାନଵବଲା ନିଶ୍ଶେଷୀକୃତତାରକା ॥ ୧୬୭ ॥
ନିରଞ୍ଜନକରାମନ୍ତ୍ରୀ ନିର୍ଵିଘ୍ନପରନାଶିନୀ ।
ନିତ୍ୟକ୍ଲିନ୍ନା ନିରାହାରା ନୀଵୀନୀଲାମ୍ବରାଞ୍ଚିତା ॥ ୧୬୮ ॥
ନିଶାକରକୁଲଧ୍ଵଂସୀ ନିତ୍ୟାନନ୍ଦପରମ୍ପରା ।
ନିମ୍ବପ୍ରିୟା ନିରାଵେଶା ନିନ୍ଦି ତାସୁରସୁନ୍ଦରୀ ॥ ୧୬୯ ॥
ନିର୍ଘୋଷା ନିଗଲାକୃଷ୍ଟକୃତ୍ତିଜ୍ଜ୍ଵାଲାଵୃତାଙ୍ଗଣା ।
ନୀରସା ନିତ୍ୟକଲ୍ୟାଣୀ ନିରନ୍ତରସୁଖପ୍ରଦା ॥ ୧୭୦ ॥
ନିର୍ଲୋଭା ନୀତିମତ୍ପ୍ରୀତା ନିର୍ଵିଘ୍ନା ନିମିଷାପହା ।
ଦୁମ୍ବୀଜା ଦୁଷ୍ଟସଂହାରୀ ଦୁର୍ମଦା ଦୁରିତାପହା ॥ ୧୭୧ ॥
ଦୁରୁତ୍ସହମହାଵୀର୍ୟା ଦୁର୍ମେଧୋତ୍ସଵନାଶିନୀ ।
ଦୁର୍ମାଂସଭକ୍ଷିଣୀ ଦୁଷ୍ଟା ଦୂରୀକୃତନିଶାଚରା ॥ ୧୭୨ ॥
ଦୂତୀ ଦୁଷ୍ଟଗ୍ରହମଦଚୁମ୍ବୀ ଦୁର୍ବଲରକ୍ଷକୀ ।
ଷ୍ଟଙ୍କାରୀ ଷ୍ଟମ୍ମୟୀ ଷ୍ଟମ୍ଭା ଷ୍ଟମ୍ବୀଜା ଷ୍ଟମ୍ଭକୀଲକା ॥ ୧୭୩ ॥
ଗ୍ରହେଶ୍ଵରୀ ଗ୍ରହାରାଧ୍ୟା ଗ୍ରହଣୀରୋଗମୋଚିନୀ ।
ଗ୍ରହାଵେଶକରୀ ଗ୍ରାହ୍ୟା ଗ୍ରହଗ୍ରାମାଭିରକ୍ଷିଣୀ ॥ ୧୭୪ ॥
ଗ୍ରାମୌଷଧମହାଵୀର୍ୟା ଗ୍ରାମ୍ୟସର୍ଵଭୟାପହା ।
ଗ୍ରହଦ୍ଵେଷୀ ଗ୍ରହାରୂଢା ଗ୍ରାମଣୀର୍ଗ୍ରାମଦେଵତା ॥ ୧୭୫ ॥
ଗୃହୀତବ୍ରହ୍ମମୁଖ୍ୟାସ୍ତ୍ରା ଗୃହୀତାୟୁଧଶକ୍ତିଦା ।
ଗ୍ରାସମାଂସା ଗୃହସ୍ଥାର୍ଚ୍ୟା ଗ୍ରହଭୂତନିଵାରିଣୀ ॥ ୧୭୬ ॥
ହମ୍ଭୂତା ହଲଧୃକ୍ସେଵ୍ୟା ହାରହାରିକୁଚାଞ୍ଚଲା ।
ହର୍ଷପ୍ରଦା ହରାରାଧ୍ୟା ହାସନିନ୍ଦ୍ୟନିଶାକରା ॥ ୧୭୭ ॥
ହଵିର୍ଭୋକ୍ତ୍ରୀ ହରିଦ୍ରାଭା ହରିତାଶ୍ଵାଧିରୋହିଣୀ ।
ହରିତ୍ପତିସମାରାଧ୍ୟା ହଲାକୃଷ୍ଟସୁରାସୁରା ॥ ୧୭୮ ॥
ହାରୀତଶୁକଵତ୍ପାଣିଃ ହୟମେଧାଭିରକ୍ଷକୀ ।
ହଂସାକ୍ଷରୀ ହଂସବୀଜା ହାହାକାରହରାଶୁଗା ॥ ୧୭୯ ॥
ହୟ୍ୟଙ୍ଗଵୀନହୃଦ୍ଵୃତ୍ତିଃ ହାରୀତାଂଶୁମଣିଦ୍ୟୁତିଃ ।
ହୁଙ୍କାରାତ୍ମା ହୁତାହୋମ୍ୟା ହୁଙ୍କାରାଲୟନାୟିକା ॥ ୧୮୦ ॥
ହୁଙ୍କାରପଞ୍ଜରଶୁକୀ ହୁଙ୍କାରକମଲେନ୍ଦିରା ।
ହୁଙ୍କାରରାତ୍ରିକାଜ୍ୟୋତ୍ସ୍ନା ହୁଙ୍କାରଦ୍ରୁମମଞ୍ଜରୀ ॥ ୧୮୧ ॥
ହୁଙ୍କାରଦୀପିକାଜ୍ଵାଲା ହୁଙ୍କାରାର୍ଣଵକୌମୁଦୀ ।
ହୁମ୍ଫଟ୍କରୀ ହୁମ୍ଫଟ୍ଦ୍ୟୁତିଃ ହୁଙ୍କାରାକାଶଭାସ୍କରା ॥ ୧୮୨ ॥
ଫଟ୍କାରୀ ସ୍ଫାଟିକାକାରା ସ୍ଫଟିକାକ୍ଷକରାମ୍ବୁଜା ।
ଫଟ୍କୀଲକା ଫଡସ୍ତ୍ରା ଚ ଫଟ୍କାରାହିଶିଖାମଣିଃ ॥ ୧୮୩ ॥
ଫଟ୍କାରସୁମନୋମାଧ୍ଵୀ ଫଟ୍କାରକମଲେନ୍ଦିରା ।
ଫଟ୍କାରସୌଧଶୃଙ୍ଗସ୍ଥା ଫଟ୍କାରାଧ୍ଵରଦକ୍ଷିଣା ॥ ୧୮୪ ॥
ଫଟ୍କାରଶୁକ୍ତିକାମୁକ୍ତା ଫଟ୍କାରଦ୍ରୁମମଞ୍ଜରୀ ।
ଫଟ୍କାରଵୀରଖଡ୍ଗାସ୍ତ୍ରା ଫଟ୍କାରତନୁମଧ୍ୟଗା ॥ ୧୮୫ ॥
ଫଟ୍କାରଶିବିକାରୂଢା ଫଟ୍କାରଚ୍ଛତ୍ରଲାଞ୍ଛିତା ।
ଫଟ୍କାରପୀଠନିଲୟା ଫଟ୍କାରାଵୃତମଣ୍ଡଲା ॥ ୧୮୬ ॥
ଫଟ୍କାରକୁଞ୍ଜରମଦପ୍ରଵାହା ଫାଲଲୋଚନା ।
ଫଲାଶିନୀ ଫଲକରୀ ଫଲଦାନପରାୟଣା ॥ ୧୮୭ ॥
ଫଟ୍କାରାସ୍ତ୍ରଫଲାକାରା ଫଲନ୍ତୀ ଫଲଵର୍ଜିତା ।
ସ୍ଵାତନ୍ତ୍ର୍ୟଚରିତା ସ୍ଵସ୍ଥା ସ୍ଵପ୍ନଗ୍ରହନିଷୂଦିନୀ ॥ ୧୮୮ ॥
ସ୍ଵାଧିଷ୍ଠାନାମ୍ବୁଜାରୂଢା ସ୍ଵୟମ୍ଭୂତା ସ୍ଵରାତ୍ମିକା ।
ସ୍ଵର୍ଗାଧିପା ସ୍ଵର୍ଣଵର୍ଣା ସ୍ଵାହାକାରସ୍ଵରୂପିଣୀ ॥ ୧୮୯ ॥
ସ୍ଵୟଂଵରା ସ୍ଵରାରୋହା ସ୍ଵପ୍ରକାଶା ସ୍ଵରପ୍ରିୟା ।
ସ୍ଵଚକ୍ରରାଜନିଲୟା ସ୍ଵସୈନ୍ୟଵିଜୟପ୍ରଦା ॥ ୧୯୦ ॥
ସ୍ଵପ୍ରଧାନା ସ୍ଵାପକାରୀ ସ୍ଵକୃତାଖିଲଵୈଭଵା ।
ସ୍ଵୈରିଣୀ ଖେଦଶମନୀ ସ୍ଵରୂପଜିତମୋହିନୀ ॥ ୧୯୧ ॥
ହାନୋପାଦାନନିର୍ମୁକ୍ତା ହାନିଦୌଘନିରାସନା ।
ହସ୍ତିକୁମ୍ଭଦ୍ଵୟକୁଚା ହସ୍ତିରାଜାଧିରୋହିଣୀ ॥ ୧୯୨ ॥
ହୟଗ୍ରୀଵସମାରାଧ୍ୟା ହସ୍ତିକୃତ୍ତିପ୍ରିୟାଙ୍ଗନା ।
ହାଲୀକୃତସ୍ଵରକୁଲା ହାନିଵୃଦ୍ଧିଵିଵର୍ଜିତା ॥ ୧୯୩ ॥
ହାହାହୂହୂମୁଖସ୍ତୁତ୍ୟା ହଠଦାନିତକୃତ୍ତିକା ।
ହତାସୁରା ହତଦ୍ଵେଷା ହାଟକାଦ୍ରିଗୁହାଗୃହା ॥ ୧୯୪ ॥
ହଲ୍ଲୀନଟନସନ୍ତୁଷ୍ଟା ହରିଗହ୍ଵରଵଲ୍ଲଭା ।
ହନୁମଦ୍ଗୀତସଙ୍ଗୀତହାସିତା ହରିସୋଦରୀ ॥ ୧୯୫ ॥
ହକାରକନ୍ଦରାସିଂହୀ ହକାରକୁସୁମାସଵା ।
ହକାରତଟିନୀପୂରା ହକାରଜଲପଙ୍କଜା ॥ ୧୯୬ ॥
ହକାରୟାମିନୀ ଜ୍ୟୋତ୍ସ୍ନା ହକାରଖଜିତାରସା ।
ହକାରଚକ୍ରଵାଲାର୍କା ହକାରମରୁଦୀଧିତିଃ ॥ ୧୯୭ ॥
ହକାରଵାସରଙ୍ଗୀ ଚ ହକାରଗିରିନିର୍ଝରା ।
ହକାରମଧୁମାଧୁର୍ୟା ହକାରାଶ୍ରମତାପସୀ ॥ ୧୯୮ ॥
ହକାରମଧୁଵାସନ୍ତୀ ହକାରସ୍ଵରକାହଲୀ ।
ହକାରମନ୍ତ୍ରବୀଜାର୍ଣା ହକାରପଟହଧ୍ଵନିଃ ॥ ୧୯୯ ॥
ହକାରନାରୀଲାଵଣ୍ୟା ହକାରପରଦେଵତା ॥ ୨୦୦ ॥
ନମୋ ଵେଦାନ୍ତରୂପାୟୈ ଦୁର୍ଗାଦେଵ୍ୟୈ ନମୋ ନମଃ ।
ନମୋ ଭକ୍ତାନୁକମ୍ପାୟୈ ଦୁର୍ଗେ ଶ୍ରୀପରଦେଵତେ ॥
ନମୋ ନମୋ ଭଗଵତି ତ୍ରାହି ମାମପରାଧିନମ୍ ॥
ସର୍ଵପାପାପହଂ ମୁଖ୍ୟଂ ସର୍ଵମଙ୍ଗଲଦାୟକମ୍ ।
ସର୍ଵସମ୍ପତ୍କରଂ ପୁଣ୍ୟଂ ସ୍ଵର୍ଗମୋକ୍ଷସୁଖପ୍ରଦମ୍ ॥
ପଠତାଂ ଶୃଣ୍ଵତାଂ ଚାତ୍ର ପୁତ୍ରପୌତ୍ରପ୍ରଦଂ ଶୁଭମ୍ ।
ସହସ୍ରନାମକଂ ଶ୍ରେଷ୍ଠଂ ଦୁର୍ଗାୟାଃ କାମଦଂ ପରମ୍ ॥
ଇତି ଶ୍ରୀଦୁର୍ଗାସହସ୍ରନାମସ୍ତୋତ୍ରଂ ସମ୍ପୂର୍ଣମ୍ ॥