॥ Gangasahasranama Stotram Bengali Lyrics ॥
॥ শ্রীগঙ্গাসহস্রনামস্তোত্রম্ ॥
অকারাদিক্ষকারান্ত নামঘটিতং স্কন্দপুরাণান্তর্গতং
অগস্ত্য উবাচ
বিনা স্নানেন গঙ্গায়াং নৃণাং জন্ম নিরর্থকম্ ।
উপায়ান্তরমস্ত্যন্যদ্ য়েন স্নানফলং লভেত্ ॥ ১ ॥
অশক্তানাং চ পঙ্গূনামালস্যোপহতাত্মনাম্ ।
দূরদেশান্তরস্থানাং গঙ্গাস্নানং কথং ভবেত্ ॥ ২ ॥
দানং বাথ ব্রতং বাথ মন্ত্রঃ স্তোত্রং জপোঽথবা ।
তীর্থান্তরাভিষেকো বা দেবতোপাসনং তু বা ॥ ৩ ॥
য়দ্যস্তি কিঞ্চিত্ ষড্বক্ত্র গঙ্গাস্নানফলপ্রদম্ ।
বিধানান্তরমাত্রেণ তদ্ বদ প্রণতায় মে ॥ ৪ ॥
ত্বত্তো ন বেদ স্কন্দান্যো গঙ্গাগর্ভসমুদ্ভব ।
পরং স্বর্গতরঙ্গিণ্যাং মহিমানং মহামতে ॥ ৫ ॥
স্কন্দ উবাচ
সন্তি পুণ্যজলানীহ সরাংসি সরিতো মুনে ।
স্থানে স্থানে চ তীর্থানি জিতাত্মাধ্যুষিতানি চ ॥ ৬ ॥
দৃষ্টপ্রত্যয়কারীণি মহামহিমভাঞ্জ্যপি ।
পরং স্বর্গতরঙ্গিণ্যাঃ কোট্যংশোঽপি ন তত্র বৈ ॥ ৭ ॥
অনেনৈবানুমানেন বুদ্ধ্যস্ব কলশোদ্ভব ।
দধ্রে গঙ্গোত্তমাঙ্গেন দেবদেবেন শম্ভুনা ॥ ৮ ॥
স্নানকালেঽন্যতীর্থেষু জপ্যতে জাহ্নবী জনৈঃ ।
বিনা বিষ্ণুপদীং ক্বান্যত্ সমর্থমঘমোচনে ॥ ৯ ॥
গঙ্গাস্নানফলং ব্রহ্মন্ গঙ্গায়ামেব লভ্যতে ।
য়থা দ্রাক্ষাফলস্বাদো দ্রাক্ষায়ামেব নান্যতঃ ॥ ১০ ॥
অস্ত্যুপায় ইহ ত্বেকঃ স্যাদ্ য়েনাবিকলং ফলম্ ।
স্নানস্য দেবসরিতো মহাগুহ্যতমো মুনে ॥ ১১ ॥
শিবভক্তায় শান্তায় বিষ্ণুভক্তিপরায় চ ।
শ্রদ্ধালবে ত্বাস্তিকায় গর্ভবাসমুমুক্ষবে ॥ ১২ ॥
কথনীয়ং ন চান্যস্য কস্যচিত্ কেনচিত্ ক্বচিত্ ।
ইদং রহস্যং পরমং মহাপাতকনাশনম্ ॥ ১৩ ॥
মহাশ্রেয়স্করং পুণ্যং মনোরথকরং পরম্ ।
দ্যুনদীপ্রীতিজনকং শিবসন্তোষসন্ততিঃ ॥ ১৪ ॥
নাম্নাং সহস্রং গঙ্গায়াঃ স্তবরাজেষু শোভনম্ ।
জপ্যানাং পরমং জপ্যং বেদোপনিষদাং সমম্ ॥ ১৫ ॥
জপনীয়ং প্রয়ত্নেন মৌনিনা বাচকং বিনা ।
শুচিস্থানেষু শুচিনা সুস্পষ্টাক্ষরমেব চ ॥ ১৬ ॥
ধ্যানম্ –
শৈলেন্দ্রাদবতারিণী নিজজলে মজ্জদ্জনোত্তারিণী
পারাবারবিহারিণী ভবভয়শ্রেণী সমুত্সারিণী ।
শেষাহেরনুকারিণী হরশিরোবল্লীদলাকারিণী
কাশীপ্রান্তবিহারিণী বিজয়তে গঙ্গা মনোহারিণী ॥
ওঁ নমো গঙ্গাদেব্যৈ ॥
ওংকাররূপিণ্যজরাঽতুলাঽনন্তাঽমৃতস্রবা ।
অত্যুদারাঽভয়াঽশোকাঽলকনন্দাঽমৃতাঽমলা ॥ ১৭ ॥
অনাথবত্সলাঽমোঘাঽপাংয়োনিরমৃতপ্রদা ।
অব্যক্তলক্ষণাঽক্ষোভ্যাঽনবচ্ছিন্নাঽপরাঽজিতা ॥ ১৮ ॥
অনাথনাথাঽভীষ্টার্থসিদ্ধিদাঽনঙ্গবর্ধিনী ।
অণিমাদিগুণাঽধারাঽগ্রগণ্যাঽলীকহারিণী ॥ ১৯ ॥
অচিন্ত্যশক্তিরনঘাঽদ্ভুতরূপাঽঘহারিণী ।
অদ্রিরাজসুতাঽষ্টাঙ্গয়োগসিদ্ধিপ্রদাঽচ্যুতা ॥ ২০ ॥
অক্ষুণ্ণশক্তিরসুদাঽনন্ততীর্থাঽমৃতোদকা ।
অনন্তমহিমাঽপারাঽনন্তসৌখ্যপ্রদাঽন্নদা ॥ ২১ ॥
অশেষদেবতামূর্তিরঘোরাঽমৃতরূপিণী ।
অবিদ্যাজালশমনী হ্যপ্রতর্ক্যগতিপ্রদা ॥ ২২ ॥
অশেষবিঘ্নসংহর্ত্রী ত্বশেষগুণগুম্ফিতা ।
অজ্ঞানতিমিরজ্যোতিরনুগ্রহপরায়ণা ॥ ২৩ ॥
অভিরামাঽনবদ্যাঙ্গ্যনন্তসারাঽকলঙ্কিনী ।
আরোগ্যদাঽঽনন্দবল্লী ত্বাপন্নার্তিবিনাশিনী ॥ ২৪ ॥
আশ্চর্যমূর্তিরায়ুষ্যা হ্যাঢ্যাঽঽদ্যাঽঽপ্রাঽঽর্যসেবিতা ।
আপ্যায়িন্যাপ্তবিদ্যাখ্যা ত্বানন্দাঽঽশ্বাসদায়িনী ॥ ২৫ ॥
আলস্যঘ্ন্যাপদাং হন্ত্রী হ্যানন্দামৃতবর্ষিণী ।
ইরাবতীষ্টদাত্রীষ্টা ত্বিষ্টাপূর্তফলপ্রদা ॥ ২৬ ॥
ইতিহাসশ্রুতীড্যার্থা ত্বিহামুত্রশুভপ্রদা ।
ইজ্যাশীলসমিজ্যেষ্ঠা ত্বিন্দ্রাদিপরিবন্দিতা ॥ ২৭ ॥
ইলালঙ্কারমালেদ্ধা ত্বিন্দিরারম্যমন্দিরা ।
ইদিন্দিরাদিসংসেব্যা ত্বীশ্বরীশ্বরবল্লভা ॥ ২৮ ॥
ঈতিভীতিহরেড্যা চ ত্বীডনীয়চরিত্রভৃত্ ।
উত্কৃষ্টশক্তিরুত্কৃষ্টোডুপমণ্ডলচারিণী ॥ ২৯ ॥
উদিতাম্বরমার্গোস্রোরগলোকবিহারিণী ।
উক্ষোর্বরোত্পলোত্কুম্ভা উপেন্দ্রচরণদ্রবা ॥ ৩০ ॥
উদন্বত্পূর্তিহেতুশ্চোদারোত্সাহপ্রবর্ধিনী ।
উদ্বেগঘ্ন্যুষ্ণশমনী হ্যুষ্ণরশ্মিসুতাপ্রিয়া ॥ ৩১ ॥
উত্পত্তিস্থিতিসংহারকারিণ্যুপরিচারিণী ।
ঊর্জং বহন্ত্যূর্জধরোর্জাবতী চোর্মিমালিনী ॥ ৩২ ॥
ঊর্ধ্বরেতঃপ্রিয়োর্ধ্বাধ্বা হ্যূর্মিলোর্ধ্বগতিপ্রদা ।
ঋষিবৃন্দস্তুতর্দ্ধিশ্চ ঋণত্রয়বিনাশিনী ॥ ৩৩ ॥
ঋতম্ভরর্দ্ধিদাত্রী চ ঋক্স্বরূপা ঋজুপ্রিয়া ।
ঋক্ষমার্গবহর্ক্ষার্চিরৃজুমার্গপ্রদর্শিনী ॥ ৩৪ ॥
এধিতাখিলধর্মার্থা ত্বেকৈকামৃতদায়িনী ।
এধনীয়স্বভাবৈজ্যা ত্বেজিতাশেষপাতকা ॥ ৩৫ ॥
ঐশ্বর্যদৈশ্বর্যরূপা হ্যৈতিহ্যং হ্যৈন্দবীদ্যুতিঃ ।
ওজস্বিন্যোষধীক্ষেত্রমোজোদৌদনদায়িনী ॥ ৩৬ ॥
ওষ্ঠামৃতৌন্নত্যদাত্রী ত্বৌষধং ভবরোগিণাম্ ।
ঔদার্যচঞ্চুরৌপেন্দ্রী ত্বৌগ্রী হ্যৌমেয়রূপিণী ॥ ৩৭ ॥
অম্বরাধ্ববহাম্বষ্ঠাম্বরমালাম্বুজেক্ষণা ।
অম্বিকাম্বুমহায়োনিরন্ধোদান্ধকহারিণী ॥ ৩৮ ॥
অংশুমালা হ্যংশুমতী ত্বঙ্গীকৃতষডাননা ।
অন্ধতামিস্রহন্ত্র্যন্ধুরঞ্জনা হ্যঞ্জনাবতী ॥ ৩৯ ॥
কল্যাণকারিণী কাম্যা কমলোত্পলগন্ধিনী ।
কুমুদ্বতী কমলিনী কান্তিঃ কল্পিতদায়িনী ॥ ৪০ ॥
কাঞ্চনাক্ষী কামধেনুঃ কীর্তিকৃত্ ক্লেশনাশিনী ।
ক্রতুশ্রেষ্ঠা ক্রতুফলা কর্মবন্ধবিভেদিনী ॥ ৪১ ॥
কমলাক্ষী ক্লমহরা কৃশানুতপনদ্যুতিঃ ।
করুণার্দ্রা চ কল্যাণী কলিকল্মষনাশিনী ॥ ৪২ ॥
কামরূপা ক্রিয়াশক্তিঃ কমলোত্পলমালিনী ।
কূটস্থা করুণা কান্তা কূর্ময়ানা কলাবতী ॥ ৪৩ ॥
কমলা কল্পলতিকা কালী কলুষবৈরিণী ।
কমনীয়জলা কম্রা কপর্দিসুকপর্দগা ॥ ৪৪ ॥
কালকূটপ্রশমনী কদম্বকুসুমপ্রিয়া ।
কালিন্দী কেলিললিতা কলকল্লোলমালিকা ॥ ৪৫ ॥
ক্রান্তলোকত্রয়া কণ্ডূঃ কণ্ডূতনয়বত্সলা ।
খড্গিনী খড্গধারাভা খগা খণ্ডেন্দুধারিণী ॥ ৪৬ ॥
খেখেলগামিনী খস্থা খণ্ডেন্দুতিলকপ্রিয়া ।
খেচরী খেচরীবন্দ্যা খ্যাতিঃ খ্যাতিপ্রদায়িনী ॥ ৪৭ ॥
খণ্ডিতপ্রণতাঘৌঘা খলবুদ্ধিবিনাশিনী ।
খাতৈনঃ কন্দসন্দোহা খড্গখট্বাঙ্গ খেটিনী ॥ ৪৮ ॥
খরসন্তাপশমনী খনিঃ পীয়ূষপাথসাম্ ।
গঙ্গা গন্ধবতী গৌরী গন্ধর্বনগরপ্রিয়া ॥ ৪৯ ॥
গম্ভীরাঙ্গী গুণময়ী গতাতঙ্কা গতিপ্রিয়া ।
গণনাথাম্বিকা গীতা গদ্যপদ্যপরিষ্টুতা ॥ ৫০ ॥
গান্ধারী গর্ভশমনী গতিভ্রষ্টগতিপ্রদা ।
গোমতী গুহ্যবিদ্যা গৌর্গোপ্ত্রী গগনগামিনী ॥ ৫১ ॥
গোত্রপ্রবর্ধিনী গুণ্যা গুণাতীতা গুণাগ্রণীঃ ।
গুহাম্বিকা গিরিসুতা গোবিন্দাঙ্ঘ্রিসমুদ্ভবা ॥ ৫২ ॥
গুণনীয়চরিত্রা চ গায়ত্রী গিরিশপ্রিয়া ।
গূঢরূপা গুণবতী গুর্বী গৌরববর্ধিনী ॥ ৫৩ ॥
গ্রহপীডাহরা গুন্দ্রা গরঘ্নী গানবত্সলা ।
ঘর্মহন্ত্রী ঘৃতবতী ঘৃততুষ্টিপ্রদায়িনী ॥ ৫৪ ॥
ঘণ্টারবপ্রিয়া ঘোরাঘৌঘবিধ্বংসকারিণী ।
ঘ্রাণতুষ্টিকরী ঘোষা ঘনানন্দা ঘনপ্রিয়া ॥ ৫৫ ॥
ঘাতুকা ঘূর্ণিতজলা ঘৃষ্টপাতকসন্ততিঃ ।
ঘটকোটিপ্রপীতাপা ঘটিতাশেষমঙ্গলা ॥ ৫৬ ॥
ঘৃণাবতী ঘৃণিনিধির্ঘস্মরা ঘূকনাদিনী ।
ঘুসৃণাপিঞ্জরতনুর্ঘর্ঘরা ঘর্ঘরস্বনা ॥ ৫৭ ॥
চন্দ্রিকা চন্দ্রকান্তাম্বুশ্চঞ্চদাপা চলদ্যুতিঃ ।
চিন্ময়ী চিতিরূপা চ চন্দ্রায়ুতশতাননা ॥ ৫৮ ॥
চাম্পেয়লোচনা চারুশ্চার্বঙ্গী চারুগামিনী ।
চার্যা চারিত্রনিলয়া চিত্রকৃচ্চিত্ররূপিণী ॥ ৫৯ ॥
চম্পূশ্চন্দনশুচ্যম্বুশ্চর্চনীয়া চিরস্থিরা ।
চারুচম্পকমালাঢ্যা চমিতাশেষদুষ্কৃতা ॥ ৬০ ॥
চিদাকাশবহা চিন্ত্যা চঞ্চচ্চামরবীজিতা ।
চোরিতাশেষবৃজিনা চরিতাশেষমণ্ডলা ॥ ৬১ ॥
ছেদিতাখিলপাপৌঘা ছদ্মঘ্নী ছলহারিণী ।
ছন্নত্রিবিষ্টপতলা ছোটিতাশেষবন্ধনা ॥ ৬২ ॥
ছুরিতামৃতধারৌঘা ছিন্নৈনাশ্ছন্দগামিনী ।
ছত্রীকৃতমরালৌঘা ছটীকৃতনিজামৃতা ॥ ৬৩ ॥
জাহ্নবী জ্যা জগন্মাতা জপ্যা জঙ্ঘালবীচিকা ।
জয়া জনার্দনপ্রীতা জুষণীয়া জগদ্ধিতা ॥ ৬৪ ॥
জীবনং জীবনপ্রাণা জগজ্জ্যেষ্ঠা জগন্ময়ী ।
জীবজীবাতুলতিকা জন্মিজন্মনিবর্হিণী ॥ ৬৫ ॥
জাড্যবিধ্বংসনকরী জগদ্যোনির্জলাবিলা ।
জগদানন্দজননী জলজা জলজেক্ষণা ॥ ৬৬ ॥
জনলোচনপীয়ূষা জটাতটবিহারিণী ।
জয়ন্তী জঞ্জপূকঘ্নী জনিতজ্ঞানবিগ্রহা ॥ ৬৭ ॥
ঝল্লরীবাদ্যকুশলা ঝলজ্ঝালজলাবৃতা ।
ঝিণ্টীশবন্দ্যা ঝঙ্কারকারিণী ঝর্ঝরাবতী ॥ ৬৮ ॥
টীকিতাশেষপাতালা টঙ্কিকৈনোঽদ্রিপাটনে ।
টঙ্কারনৃত্যত্কল্লোলা টীকনীয়মহাতটা ॥ ৬৯ ॥
ডম্বরপ্রবহা ডীনরাজহংসকুলাকুলা ।
ডমড্ডমরুহস্তা চ ডামরোক্তমহাণ্ডকা ॥ ৭০ ॥
ঢৌকিতাশেষনির্বাণা ঢক্কানাদচলজ্জলা ।
ঢুণ্ঢিবিঘ্নেশজননী ঢণড্ঢুণিতপাতকা ॥ ৭১ ॥
তর্পণী তীর্থতীর্থা চ ত্রিপথা ত্রিদশেশ্বরী ।
ত্রিলোকগোপ্ত্রী তোয়েশী ত্রৈলোক্যপরিবন্দিতা ॥ ৭২ ॥
তাপত্রিতয়সংহর্ত্রী তেজোবলবিবর্ধিনী ।
ত্রিলক্ষ্যা তারণী তারা তারাপতিকরার্চিতা ॥ ৭৩ ॥
ত্রৈলোক্যপাবনী পুণ্যা তুষ্টিদা তুষ্টিরূপিণী ।
তৃষ্ণাচ্ছেত্রী তীর্থমাতা ত্রিবিক্রমপদোদ্ভবা ॥ ৭৪ ॥
তপোময়ী তপোরূপা তপঃস্তোমফলপ্রদা । var পদপ্রদা
ত্রৈলোক্যব্যাপিনী তৃপ্তিস্তৃপ্তিকৃত্তত্ত্বরূপিণী ॥ ৭৫ ॥
ত্রৈলোক্যসুন্দরী তুর্যা তুর্যাতীতফলপ্রদা ।
ত্রৈলোক্যলক্ষ্মীস্ত্রিপদী তথ্যা তিমিরচন্দ্রিকা ॥ ৭৬ ॥
তেজোগর্ভা তপস্সারা ত্রিপুরারিশিরোগৃহা ।
ত্রয়ীস্বরূপিণী তন্বী তপনাঙ্গজভীতিনুত্ ॥ ৭৭ ॥
তরিস্তরণিজামিত্রং তর্পিতাশেষপূর্বজা ।
তুলাবিরহিতা তীব্রপাপতূলতনূনপাত্ ॥ ৭৮ ॥
দারিদ্র্যদমনী দক্ষা দুষ্প্রেক্ষা দিব্যমণ্ডনা ।
দীক্ষাবতী দুরাবাপ্যা দ্রাক্ষামধুরবারিভৃত্ ॥ ৭৯ ॥
দর্শিতানেককুতুকা দুষ্টদুর্জয়দুঃখহৃত্ ।
দৈন্যহৃদ্দুরিতঘ্নী চ দানবারিপদাব্জজা ॥ ৮০ ॥
দন্দশূকবিষঘ্নী চ দারিতাঘৌঘসন্ততিঃ ।
দ্রুতা দেবদ্রুমচ্ছন্না দুর্বারাঘবিঘাতিনী ॥ ৮১ ॥
দমগ্রাহ্যা দেবমাতা দেবলোকপ্রদর্শিনী ।
দেবদেবপ্রিয়া দেবী দিক্পালপদদায়িনী ॥ ৮২ ॥
দীর্ঘায়ুঃ কারিণী দীর্ঘা দোগ্ধ্রী দূষণবর্জিতা ।
দুগ্ধাম্বুবাহিনী দোহ্যা দিব্যা দিব্যগতিপ্রদা ॥ ৮৩ ॥
দ্যুনদী দীনশরণং দেহিদেহনিবারিণী ।
দ্রাঘীয়সী দাঘহন্ত্রী দিতপাতকসন্ততিঃ ॥ ৮৪ ॥
দূরদেশান্তরচরী দুর্গমা দেববল্লভা ।
দুর্বৃত্তঘ্নী দুর্বিগাহ্যা দয়াধারা দয়াবতী ॥ ৮৫ ॥
দুরাসদা দানশীলা দ্রাবিণী দ্রুহিণস্তুতা ।
দৈত্যদানবসংশুদ্ধিকর্ত্রী দুর্বুদ্ধিহারিণী ॥ ৮৬ ॥
দানসারা দয়াসারা দ্যাবাভূমিবিগাহিনী ।
দৃষ্টাদৃষ্টফলপ্রাপ্তির্দেবতাবৃন্দবন্দিতা ॥ ৮৭ ॥
দীর্ঘব্রতা দীর্ঘদৃষ্টির্দীপ্ততোয়া দুরালভা ।
দণ্ডয়িত্রী দণ্ডনীতির্দুষ্টদণ্ডধরার্চিতা ॥ ৮৮ ॥
দুরোদরঘ্নী দাবার্চির্দ্রবদ্দ্রব্যৈকশেবধিঃ ।
দীনসন্তাপশমনী দাত্রী দবথুবৈরিণী ॥ ৮৯ ॥
দরীবিদারণপরা দান্তা দান্তজনপ্রিয়া ।
দারিতাদ্রিতটা দুর্গা দুর্গারণ্যপ্রচারিণী ॥ ৯০ ॥
ধর্মদ্রবা ধর্মধুরা ধেনুর্ধীরা ধৃতির্ধ্রুবা ।
ধেনুদানফলস্পর্শা ধর্মকামার্থমোক্ষদা ॥ ৯১ ॥
ধর্মোর্মিবাহিনী ধুর্যা ধাত্রী ধাত্রীবিভূষণম্ ।
ধর্মিণী ধর্মশীলা চ ধন্বিকোটিকৃতাবনা ॥ ৯২ ॥
ধ্যাতৃপাপহরা ধ্যেয়া ধাবনী ধূতকল্মষা ।
ধর্মধারা ধর্মসারা ধনদা ধনবর্ধিনী ॥ ৯৩ ॥
ধর্মাধর্মগুণচ্ছেত্রী ধত্তূরকুসুমপ্রিয়া ।
ধর্মেশী ধর্মশাস্ত্রজ্ঞা ধনধান্যসমৃদ্ধিকৃত্ ॥ ৯৪ ॥
ধর্মলভ্যা ধর্মজলা ধর্মপ্রসবধর্মিণী ।
ধ্যানগম্যস্বরূপা চ ধরণী ধাতৃপূজিতা ॥ ৯৫ ॥
ধূর্ধূর্জটিজটাসংস্থা ধন্যা ধীর্ধারণাবতী ।
নন্দা নির্বাণজননী নন্দিনী নুন্নপাতকা ॥ ৯৬ ॥
নিষিদ্ধবিঘ্ননিচয়া নিজানন্দপ্রকাশিনী ।
নভোঽঙ্গণচরী নূতির্নম্যা নারায়ণী নুতা ॥ ৯৭ ॥
নির্মলা নির্মলাখ্যানা নাশিনী তাপসম্পদাম্ ।
নিয়তা নিত্যসুখদা নানাশ্চর্যমহানিধিঃ ॥ ৯৮ ॥
নদী নদসরোমাতা নায়িকা নাকদীর্ঘিকা ।
নষ্টোদ্ধরণধীরা চ নন্দনা নন্দদায়িনী ॥ ৯৯ ॥
নির্ণিক্তাশেষভুবনা নিঃসঙ্গা নিরুপদ্রবা ।
নিরালম্বা নিষ্প্রপঞ্চা নির্ণাশিতমহামলা ॥ ১০০ ॥
নির্মলজ্ঞানজননী নিঃশেষপ্রাণিতাপহৃত্ ।
নিত্যোত্সবা নিত্যতৃপ্তা নমস্কার্যা নিরঞ্জনা ॥ ১০১ ॥
নিষ্ঠাবতী নিরাতঙ্কা নির্লেপা নিশ্চলাত্মিকা ।
নিরবদ্যা নিরীহা চ নীললোহিতমূর্ধগা ॥ ১০২ ॥
নন্দিভৃঙ্গিগণস্তুত্যা নাগা নন্দা নগাত্মজা ।
নিষ্প্রত্যূহা নাকনদী নিরয়ার্ণবদীর্ঘনৌঃ ॥ ১০৩ ॥
পুণ্যপ্রদা পুণ্যগর্ভা পুণ্যা পুণ্যতরঙ্গিণী ।
পৃথুঃ পৃথুফলা পূর্ণা প্রণতার্তিপ্রভঞ্জনী ॥ ১০৪ ॥
প্রাণদা প্রাণিজননী প্রাণেশী প্রাণরূপিণী ।
পদ্মালয়া পরাশক্তিঃ পুরজিত্পরমপ্রিয়া ॥ ১০৫ ॥
পরা পরফলপ্রাপ্তিঃ পাবনী চ পয়স্বিনী ।
পরানন্দা প্রকৃষ্টার্থা প্রতিষ্ঠা পালিনী পরা ॥ ১০৬ ॥ var পালনী
পুরাণপঠিতা প্রীতা প্রণবাক্ষররূপিণী ।
পার্বতী প্রেমসম্পন্না পশুপাশবিমোচনী ॥ ১০৭ ॥
পরমাত্মস্বরূপা চ পরব্রহ্মপ্রকাশিনী ।
পরমানন্দনিষ্যন্দা প্রায়শ্চিত্তস্বরূপিণী ॥ ১০৮ ॥ var নিষ্পন্দা
পানীয়রূপনির্বাণা পরিত্রাণপরায়ণা ।
পাপেন্ধনদবজ্বালা পাপারিঃ পাপনামনুত্ ॥ ১০৯ ॥
পরমৈশ্বর্যজননী প্রজ্ঞা প্রাজ্ঞা পরাপরা ।
প্রত্যক্ষলক্ষ্মীঃ পদ্মাক্ষী পরব্যোমামৃতস্রবা ॥ ১১০ ॥
প্রসন্নরূপা প্রণিধিঃ পূতা প্রত্যক্ষদেবতা ।
পিনাকিপরমপ্রীতা পরমেষ্ঠিকমণ্ডলুঃ ॥ ১১১ ॥
পদ্মনাভপদার্ঘ্যেণ প্রসূতা পদ্মমালিনী ।
পরর্দ্ধিদা পুষ্টিকরী পথ্যা পূর্তিঃ প্রভাবতী ॥ ১১২ ॥
পুনানা পীতগর্ভঘ্নী পাপপর্বতনাশিনী ।
ফলিনী ফলহস্তা চ ফুল্লাম্বুজবিলোচনা ॥ ১১৩ ॥
ফালিতৈনোমহাক্ষেত্রা ফণিলোকবিভূষণম্ ।
ফেনচ্ছলপ্রণুন্নৈনাঃ ফুল্লকৈরবগন্ধিনী ॥ ১১৪ ॥
ফেনিলাচ্ছাম্বুধারাভা ফডুচ্চাটিতপাতকা ।
ফাণিতস্বাদুসলিলা ফাণ্টপথ্যজলাবিলা ॥ ১১৫ ॥
বিশ্বমাতা চ বিশ্বেশী বিশ্বা বিশ্বেশ্বরপ্রিয়া ।
ব্রহ্মণ্যা ব্রহ্মকৃদ্ ব্রাহ্মী ব্রহ্মিষ্ঠা বিমলোদকা ॥ ১১৬ ॥
বিভাবরী চ বিরজা বিক্রান্তানেকবিষ্টপা ।
বিশ্বমিত্রং বিষ্ণুপদী বৈষ্ণবী বৈষ্ণবপ্রিয়া ॥ ১১৭ ॥
বিরূপাক্ষপ্রিয়করী বিভূতির্বিশ্বতোমুখী ।
বিপাশা বৈবুধী বেদ্যা বেদাক্ষররসস্রবা ॥ ১১৮ ॥
বিদ্যা বেগবতী বন্দ্যা বৃংহণী ব্রহ্মবাদিনী ।
বরদা বিপ্রকৃষ্টা চ বরিষ্ঠা চ বিশোধনী ॥ ১১৯ ॥
বিদ্যাধরী বিশোকা চ বয়োবৃন্দনিষেবিতা ।
বহূদকা বলবতী ব্যোমস্থা বিবুধপ্রিয়া ॥ ১২০ ॥
বাণী বেদবতী বিত্তা ব্রহ্মবিদ্যাতরঙ্গিণী ।
ব্রহ্মাণ্ডকোটিব্যাপ্তাম্বুর্ব্রহ্মহত্যাপহারিণী ॥ ১২১ ॥
ব্রহ্মেশবিষ্ণুরূপা চ বুদ্ধির্বিভববর্ধিনী ।
বিলাসিসুখদা বশ্যা ব্যাপিনী চ বৃষারণিঃ ॥ ১২২ ॥
বৃষাঙ্কমৌলিনিলয়া বিপন্নার্তিপ্রভঞ্জনী ।
বিনীতা বিনতা ব্রধ্নতনয়া বিনয়ান্বিতা ॥ ১২৩ ॥
বিপঞ্চী বাদ্যকুশলা বেণুশ্রুতিবিচক্ষণা ।
বর্চস্করী বলকরী বলোন্মূলিতকল্মষা ॥ ১২৪ ॥
বিপাপ্মা বিগতাতঙ্কা বিকল্পপরিবর্জিতা ।
বৃষ্টিকর্ত্রী বৃষ্টিজলা বিধির্বিচ্ছিন্নবন্ধনা ॥ ১২৫ ॥
ব্রতরূপা বিত্তরূপা বহুবিঘ্নবিনাশকৃত্ ।
বসুধারা বসুমতী বিচিত্রাঙ্গী বিভাবসুঃ ॥ ১২৬ ॥
বিজয়া বিশ্ববীজং চ বামদেবী বরপ্রদা ।
বৃষাশ্রিতা বিষঘ্নী চ বিজ্ঞানোর্ম্যংশুমালিনী ॥ ১২৭ ॥
ভব্যা ভোগবতী ভদ্রা ভবানী ভূতভাবিনী ।
ভূতধাত্রী ভয়হরা ভক্তদারিদ্র্যঘাতিনী ॥ ১২৮ ॥
ভুক্তিমুক্তিপ্রদা ভেশী ভক্তস্বর্গাপবর্গদা ।
ভাগীরথী ভানুমতী ভাগ্যং ভোগবতী ভৃতিঃ ॥ ১২৯ ॥
ভবপ্রিয়া ভবদ্বেষ্ট্রী ভূতিদা ভূতিভূষণা ।
ভাললোচনভাবজ্ঞা ভূতভব্যভবত্প্রভুঃ ॥ ১৩০ ॥
ভ্রান্তিজ্ঞানপ্রশমনী ভিন্নব্রহ্মাণ্ডমণ্ডপা ।
ভূরিদা ভক্তসুলভা ভাগ্যবদ্দৃষ্টিগোচরী ॥ ১৩১ ॥
ভঞ্জিতোপপ্লবকুলা ভক্ষ্যভোজ্যসুখপ্রদা ।
ভিক্ষণীয়া ভিক্ষুমাতা ভাবা ভাবস্বরূপিণী ॥ ১৩২ ॥
মন্দাকিনী মহানন্দা মাতা মুক্তিতরঙ্গিণী ।
মহোদয়া মধুমতী মহাপুণ্যা মুদাকরী ॥ ১৩৩ ॥
মুনিস্তুতা মোহহন্ত্রী মহাতীর্থা মধুস্রবা ।
মাধবী মানিনী মান্যা মনোরথপথাতিগা ॥ ১৩৪ ॥
মোক্ষদা মতিদা মুখ্যা মহাভাগ্যজনাশ্রিতা ।
মহাবেগবতী মেধ্যা মহা মহিমভূষণা ॥ ১৩৫ ॥
মহাপ্রভাবা মহতী মীনচঞ্চললোচনা ।
মহাকারুণ্যসম্পূর্ণা মহর্দ্ধিশ্চ মহোত্পলা ॥ ১৩৬ ॥
মূর্তিমন্মুক্তিরমণী মণিমাণিক্যভূষণা ।
মুক্তাকলাপনেপথ্যা মনোনয়ননন্দিনী ॥ ১৩৭ ॥
মহাপাতকরাশিঘ্নী মহাদেবার্ধহারিণী ।
মহোর্মিমালিনী মুক্তা মহাদেবী মনোন্মনী ॥ ১৩৮ ॥
মহাপুণ্যোদয়প্রাপ্যা মায়াতিমিরচন্দ্রিকা ।
মহাবিদ্যা মহামায়া মহামেধা মহৌষধম্ ॥ ১৩৯ ॥
মালাধরী মহোপায়া মহোরগবিভূষণা ।
মহামোহপ্রশমনী মহামঙ্গলমঙ্গলম্ ॥ ১৪০ ॥
মার্তণ্ডমণ্ডলচরী মহালক্ষ্মীর্মদোজ্ঝিতা ।
য়শস্বিনী য়শোদা চ য়োগ্যা য়ুক্তাত্মসেবিতা ॥ ১৪১ ॥
য়োগসিদ্ধিপ্রদা য়াজ্যা য়জ্ঞেশপরিপূরিতা ।
য়জ্ঞেশী য়জ্ঞফলদা য়জনীয়া য়শস্করী ॥ ১৪২ ॥
য়মিসেব্যা য়োগয়োনির্যোগিনী য়ুক্তবুদ্ধিদা ।
য়োগজ্ঞানপ্রদা য়ুক্তা য়মাদ্যষ্টাঙ্গয়োগয়ুক্ ॥ ১৪৩ ॥
য়ন্ত্রিতাঘৌঘসঞ্চারা য়মলোকনিবারিণী ।
য়াতায়াতপ্রশমনী য়াতনানামকৃন্তনী ॥ ১৪৪ ॥
য়ামিনীশহিমাচ্ছোদা য়ুগধর্মবিবর্জিতা ।
রেবতী রতিকৃদ্ রম্যা রত্নগর্ভা রমা রতিঃ ॥ ১৪৫ ॥
রত্নাকরপ্রেমপাত্রং রসজ্ঞা রসরূপিণী ।
রত্নপ্রাসাদগর্ভা চ রমণীয়তরঙ্গিণী ॥ ১৪৬ ॥
রত্নার্চী রুদ্ররমণী রাগদ্বেষবিনাশিনী ।
রমা রামা রম্যরূপা রোগিজীবানুরূপিণী ॥ ১৪৭ ॥
রুচিকৃদ্ রোচনী রম্যা রুচিরা রোগহারিণী ।
রাজহংসা রত্নবতী রাজত্কল্লোলরাজিকা ॥ ১৪৮ ॥
রামণীয়করেখা চ রুজারী রোগরোষিণী । var রোগশোষিণী
রাকা রঙ্কার্তিশমনী রম্যা রোলম্বরাবিণী ॥ ১৪৯ ॥
রাগিণী রঞ্জিতশিবা রূপলাবণ্যশেবধিঃ ।
লোকপ্রসূর্লোকবন্দ্যা লোলত্কল্লোলমালিনী ॥ ১৫০ ॥
লীলাবতী লোকভূমির্লোকলোচনচন্দ্রিকা ।
লেখস্রবন্তী লটভা লঘুবেগা লঘুত্বহৃত্ ॥ ১৫১ ॥
লাস্যত্তরঙ্গহস্তা চ ললিতা লয়ভঙ্গিগা ।
লোকবন্ধুর্লোকধাত্রী লোকোত্তরগুণোর্জিতা ॥ ১৫২ ॥
লোকত্রয়হিতা লোকা লক্ষ্মীর্লক্ষণলক্ষিতা ।
লীলা লক্ষিতনির্বাণা লাবণ্যামৃতবর্ষিণী ॥ ১৫৩ ॥
বৈশ্বানরী বাসবেড্যা বন্ধ্যত্বপরিহারিণী ।
বাসুদেবাঙ্ঘ্রিরেণুঘ্নী বজ্রিবজ্রনিবারিণী ॥ ১৫৪ ॥
শুভাবতী শুভফলা শান্তিঃ শন্তনুবল্লভা । var শান্তনু
শূলিনী শৈশববয়াঃ শীতলামৃতবাহিনী ॥ ১৫৫ ॥
শোভাবতী শীলবতী শোষিতাশেষকিল্বিষা ।
শরণ্যা শিবদা শিষ্টা শরজন্মপ্রসূঃশিবা ॥ ১৫৬ ॥
শক্তিঃ শশাঙ্কবিমলা শমনস্বসৃসম্মতা ।
শমা শমনমার্গঘ্নী শিতিকণ্ঠমহাপ্রিয়া ॥ ১৫৭ ॥
শুচিঃ শুচিকরী শেষা শেষশায়িপদোদ্ভবা ।
শ্রীনিবাসশ্রুতিঃ শ্রদ্ধা শ্রীমতী শ্রীঃ শুভব্রতা ॥ ১৫৮ ॥
শুদ্ধবিদ্যা শুভাবর্তা শ্রুতানন্দা শ্রুতিস্তুতিঃ ।
শিবেতরঘ্নী শবরী শাম্বরীরূপধারিণী ॥ ১৫৯ ॥
শ্মশানশোধনী শান্তা শশ্বচ্ছতধৃতিস্তুতা ।
শালিনী শালিশোভাঢ্যা শিখিবাহনগর্ভভৃত্ ॥ ১৬০ ॥
শংসনীয়চরিত্রা চ শাতিতাশেষপাতকা ।
ষড্গুণৈশ্বর্যসম্পন্না ষডঙ্গশ্রুতিরূপিণী ॥ ১৬১ ॥
ষণ্ঢতাহারিসলিলা স্ত্যায়ন্নদনদীশতা ।
সরিদ্বারা চ সুরসা সুপ্রভা সুরদীর্ঘিকা ॥ ১৬২ ॥
স্বঃ সিন্ধুঃ সর্বদুঃখঘ্নী সর্বব্যাধিমহৌষধম্ ।
সেব্যা সিদ্ধিঃ সতী সূক্তিঃ স্কন্দসূশ্চ সরস্বতী ॥ ১৬৩ ॥
সম্পত্তরঙ্গিণী স্তুত্যা স্থাণুমৌলিকৃতালয়া ।
স্থৈর্যদা সুভগা সৌখ্যা স্ত্রীষু সৌভাগ্যদায়িনী ॥ ১৬৪ ॥
স্বর্গনিঃশ্রেণিকা সূমা স্বধা স্বাহা সুধাজলা । var সূক্ষ্মা
সমুদ্ররূপিণী স্বর্গ্যা সর্বপাতকবৈরিণী ॥ ১৬৫ ॥
স্মৃতাঘহারিণী সীতা সংসারাব্ধিতরণ্ডিকা ।
সৌভাগ্যসুন্দরী সন্ধ্যা সর্বসারসমন্বিতা ॥ ১৬৬ ॥
হরপ্রিয়া হৃষীকেশী হংসরূপা হিরণ্ময়ী ।
হৃতাঘসঙ্ঘা হিতকৃদ্ধেলা হেলাঘগর্বহৃত্ ॥ ১৬৭ ॥
ক্ষেমদা ক্ষালিতাঘৌঘা ক্ষুদ্রবিদ্রাবিণী ক্ষমা ।
গঙ্গেতি নামসাহস্রং গঙ্গায়াঃ কলশোদ্ভব । var ইতি নামসহস্রং হি
কীর্তয়িত্বা নরঃ সম্যগ্গঙ্গাস্নানফলং লভেত্ ॥ ১৬৮ ॥
সর্বপাপপ্রশমনং সর্ববিঘ্নবিনাশনম্ ।
সর্বস্তোত্রজপাচ্ছ্রেষ্ঠং সর্বপাবনপাবনম্ ॥ ১৬৯ ॥
শ্রদ্ধয়াভীষ্টফলদং চতুর্বর্গসমৃদ্ধিকৃত্ ।
সকৃজ্জপাদবাপ্নোতি হ্যেকক্রতুফলং মুনে ॥ ১৭০ ॥
সর্বতীর্থেষু য়ঃ স্নাতঃ সর্বয়জ্ঞেষু দীক্ষিতঃ ।
তস্য য়ত্ফলমুদ্দিষ্টং ত্রিকালপঠনাচ্চ তত্ ॥ ১৭১ ॥
সর্বব্রতেষু য়ত্পুণ্যং সম্যক্চীর্ণেষু বাডব ।
তত্ফলং সমবাপ্নোতি ত্রিসন্ধ্যং নিয়তঃ পঠন্ ॥ ১৭২ ॥
স্নানকালে পঠেদ্যস্তু য়ত্র কুত্র জলাশয়ে ।
তত্র সন্নিহিতা নূনং গঙ্গা ত্রিপথগা মুনে ॥ ১৭৩ ॥
শ্রেয়োঽর্থী লভতে শ্রেয়ো ধনার্থী লভতে ধনম্ ।
কামী কামানবাপ্নোতি মোক্ষার্থী মোক্ষমাপ্নুয়াত্ ॥ ১৭৪ ॥
বর্ষং ত্রিকালপঠনাচ্ছ্রদ্ধয়া শুচিমানসঃ ।
ঋতুকালাভিগমনাদপুত্রঃ পুত্রবান্ ভবেত্ ॥ ১৭৫ ॥
নাকালমরণং তস্য নাগ্নিচোরাহিসাধ্বসম্ ।
নাম্নাং সহস্রং গঙ্গায়া য়ো জপেচ্ছ্রদ্ধয়া মুনে ॥ ১৭৬ ॥
গঙ্গানামসহস্রং তু জপ্ত্বা গ্রামান্তরং ব্রজেত্ ।
কার্যসিদ্ধিমবাপ্নোতি নির্বিঘ্নো গেহমাবিশেত্ ॥ ১৭৭ ॥
তিথিবারর্ক্ষয়োগানাং ন দোষঃ প্রভবেত্তদা ।
য়দা জপ্ত্বা ব্রজেদেতত্ স্তোত্রং গ্রামান্তরং নরঃ ॥ ১৭৮ ॥
আয়ুরারোগ্যজননং সর্বোপদ্রবনাশনম্ ।
সর্বসিদ্ধিকরং পুংসাং গঙ্গানামসহস্রকম্ ॥ ১৭৯ ॥
জন্মান্তরসহস্রেষু য়ত্পাপং সম্যগর্জিতম্ ।
গঙ্গানামসহস্রস্য জপনাত্তত্ক্ষয়ং ব্রজেত্ ॥ ১৮০ ॥
ব্রহ্মঘ্নো মদ্যপঃ স্বর্ণস্তেয়ী চ গুরুতল্পগঃ ।
তত্সংয়োগী ভ্রূণহন্তা মাতৃহা পিতৃহা মুনে ॥ ১৮১ ॥
বিশ্বাসঘাতী গরদঃ কৃতঘ্নো মিত্রঘাতকঃ ।
অগ্নিদো গোবধকরো গুরুদ্রব্যাপহারকঃ ॥ ১৮২ ॥
মহাপাতকয়ুক্তোঽপি সংয়ুক্তোঽপ্যুপপাতকৈঃ ।
মুচ্যতে শ্রদ্ধয়া জপ্ত্বা গঙ্গানামসহস্রকম্ ॥ ১৮৩ ॥
আধিব্যাধিপরিক্ষিপ্তো ঘোরতাপপরিপ্লুতঃ ।
মুচ্যতে সর্বদুঃখেভ্যঃ স্তবস্যাস্যানুকীর্তনাত্ ॥ ১৮৪ ॥
সংবত্সরেণ য়ুক্তাত্মা পঠন্ ভক্তিপরায়ণঃ ।
অভীপ্সিতাং লভেত্সিদ্ধিং সর্বৈঃ পাপৈঃ প্রমুচ্যতে ॥ ১৮৫ ॥
সংশয়াবিষ্টচিত্তস্য ধর্মবিদ্বেষিণোঽপি চ ।
দাম্ভিকস্যাপি হিংস্রস্য চেতো ধর্মপরং ভবেত্ ॥ ১৮৬ ॥
বর্ণাশ্রমপথীনস্তু কামক্রোধবিবর্জিতঃ ।
য়ত্ফলং লভতে জ্ঞানী তদাপ্নোত্যস্য কীর্তনাত্ ॥ ১৮৭ ॥
গায়ত্র্যয়ুতজপ্যেন য়ত্ফলং সমুপার্জিতম্ ।
সকৃত্পঠনতঃ সম্যক্তদশেষমবাপ্নুয়াত্ ॥ ১৮৮ ॥
গাং দত্ত্বা বেদবিদুষে য়ত্ফলং লভতে কৃতী ।
তত্পুণ্যং সম্যগাখ্যাতং স্তবরাজসকৃজ্জপাত্ ॥ ১৮৯ ॥
গুরুশুশ্রূষণং কুর্বন্ য়াবজ্জীবং নরোত্তমঃ ।
য়ত্পুণ্যমর্জয়েত্তদ্ভাগ্বর্ষং ত্রিষবণং জপন্ ॥ ১৯০ ॥
বেদপারায়ণাত্পুণ্যং য়দত্র পরিপঠ্যতে ।
তত্ষণ্মাসেন লভতে ত্রিসন্ধ্যং পরিকীর্তনাত্ ॥ ১৯১ ॥
গঙ্গায়াঃ স্তবরাজস্য প্রত্যহং পরিশীলনাত্ ।
শিবভক্তিমবাপ্নোতি বিষ্ণুভক্তোঽথবা ভবেত্ ॥ ১৯২ ॥
য়ঃ কীর্তয়েদনুদিনং গঙ্গানামসহস্রকম্ ।
তত্সমীপে সহচরী গঙ্গাদেবী সদা ভবেত্ ॥ ১৯৩ ॥
সর্বত্র পূজ্যো ভবতি সর্বত্র বিজয়ী ভবেত্ ।
সর্বত্র সুখমাপ্নোতি জাহ্নবীস্তোত্রপাঠতঃ ॥ ১৯৪ ॥
সদাচারী স বিজ্ঞেয়ঃ স শুচিস্তু সদৈব হি ।
কৃতসর্বসুরার্চঃ স কীর্তয়েদ্য ইমাং স্তুতিম্ ॥ ১৯৫ ॥
তস্মিংস্তৃপ্তে ভবেত্ তৃপ্তা জাহ্নবী নাত্র সংশয়ঃ ।
তস্মাত্সর্বপ্রয়ত্নেন গঙ্গাভক্তং সমর্চয়েত্ ॥ ১৯৬ ॥
স্তবরাজমিমং গাঙ্গং শৃণুয়াদ্যশ্চ বৈ পঠেত্ ।
শ্রাবয়েদথ তদ্ভক্তান্ দম্ভলোভবিবর্জিতঃ ॥ ১৯৭ ॥
মুচ্যতে ত্রিবিধৈঃ পাপৈর্মনোবাক্কায়সম্ভবৈঃ ।
ক্ষণান্নিষ্পাপতামেতি পিতৄণাং চ প্রিয়ো ভবেত্ ॥ ১৯৮ ॥
সর্বদেবপ্রিয়শ্চাপি সর্বর্ষিগণসম্মতঃ ।
অন্তে বিমানমারুহ্যং দিব্যস্ত্রীশতসংবৃতঃ ॥ ১৯৯ ॥
দিব্যাভরণসম্পন্নো দিব্যভোগসমন্বিতঃ ।
নন্দনাদিবনে স্বৈরং দেববত্স প্রমোদতে ॥ ২০০ ॥
ভুজ্যমানেষু বিপ্রেষু শ্রাদ্ধকালে বিশেষতঃ ।
জপন্নিদং মহাস্তোত্রং পিতৄণাং তৃপ্তিকারকম্ ॥ ২০১ ॥
য়াবন্তি তত্র সিক্থানি য়াবন্তোঽম্বুকণাঃ স্থিতাঃ ।
তাবন্ত্যেব হি বর্ষাণি মোদন্তে স্বপিতামহাঃ ॥ ২০২ ॥
য়থা প্রীণন্তি পিতরো প্রীণন্তি গঙ্গায়াং পিণ্ডদানতঃ ।
তথৈব তৃপ্নুয়ুঃ শ্রাদ্ধে স্তবস্যাস্যানুসংশ্রবাত্ ॥ ২০৩ ॥
এতত্স্তোত্রং গৃহে য়স্য লিখিতং পরিপূজ্যতে ।
তত্র পাপভয়ং নাস্তি শুচি তদ্ভবনং সদা ॥ ২০৪ ॥
অগস্তে কিং বহূক্তেন শৃণু মে নিশ্চিতং বচঃ ।
সংশয়ো নাত্র কর্তব্যঃ সন্দেগ্ধরি ফলং নহি ॥ ২০৫ ॥
য়াবন্তি মর্ত্যে স্তোত্রাণি মন্ত্রজালান্যনেকশঃ ।
তাবন্তি স্তবরাজস্য গাঙ্গেয়স্য সমানি ন ॥ ২০৬ ॥
য়াবজ্জন্ম জপেদ্যস্তু নাম্নামেতত্সহস্রকম্ ।
স কীকটেষ্বপি মৃতো ন পুনর্গর্ভমাবিশেত্ ॥ ২০৭ ॥
নিত্যং নিয়মবানেতদ্যো জপেত্স্তোত্রমুত্তমম্ ।
অন্যত্রাপি বিপন্নঃ স গঙ্গাতীরে মৃতো ভবেত্ ॥ ২০৮ ॥
এতত্স্তোত্রবরং রম্যং পুরা প্রোক্তং পিনাকিনা ।
বিষ্ণবে নিজভক্তায় মুক্তিবীজাক্ষরাস্পদম্ ॥ ২০৯ ॥
গঙ্গাস্নানপ্রতিনিধিঃ স্তোত্রমেতন্ময়েরিতম্ ।
সিস্নাসুর্জাহ্নবীং তস্মাদেতত্স্তোত্রং জপেত্সুধীঃ ॥ ২১০ ॥
॥ ইতি শ্রীস্কন্দপুরাণে একাশীতিসাহস্র্যাং
সংহিতায়াং চতুর্থৈকাশীখণ্ডেপূর্বার্ধে
গঙ্গাসহস্রনামকথনং নামৈকোনত্রিংশত্তমোঽধ্যায়ঃ ॥
সিতমকরনিষণ্ণাং শুভ্রবর্ণাং ত্রিনেত্রাং
করধৃতকলশোদ্যত্সোপলাভীত্যভীষ্টাম্ ।
বিধিহরিরূপাং সেন্দুকোটীরজূটাং
কলিতসিতদুকূলাং জাহ্নবী তাং নমামি ॥