॥ Gayatri Sahasranama Stotram Gujarati Lyrics ॥
॥ શ્રીગાયત્રીસહસ્રનામસ્તોત્રમ્ ॥
શ્રીગણેશાય નમઃ ।
ધ્યાનમ્
રક્તશ્વેતહિરણ્યનીલધવલૈર્યુક્તાં ત્રિનેત્રોજ્જ્વલાં
રક્તારક્તનવસ્રજં મણિગણૈર્યુક્તાં કુમારીમિમામ્ ।
ગાયત્રી કમલાસનાં કરતલવ્યાનદ્ધકુણ્ડામ્બુજાં
પદ્માક્ષીં ચ વરસ્રજઞ્ચ દધતીં હંસાધિરૂઢાં ભજે ॥
ૐ તત્કારરૂપા તત્વજ્ઞા તત્પદાર્થસ્વરૂપિણિ ।
તપસ્સ્વ્યાધ્યાયનિરતા તપસ્વિજનનન્નુતા ॥ ૧ ॥
તત્કીર્તિગુણસમ્પન્ના તથ્યવાક્ચ તપોનિધિઃ ।
તત્વોપદેશસમ્બન્ધા તપોલોકનિવાસિની ॥ ૨ ॥
તરુણાદિત્યસઙ્કાશા તપ્તકાઞ્ચનભૂષણા ।
તમોપહારિણિ તન્ત્રી તારિણિ તારરૂપિણિ ॥ ૩ ॥
તલાદિભુવનાન્તસ્થા તર્કશાસ્ત્રવિધાયિની ।
તન્ત્રસારા તન્ત્રમાતા તન્ત્રમાર્ગપ્રદર્શિની ॥ ૪ ॥
તત્વા તન્ત્રવિધાનજ્ઞા તન્ત્રસ્થા તન્ત્રસાક્ષિણિ ।
તદેકધ્યાનનિરતા તત્વજ્ઞાનપ્રબોધિની ॥ ૫ ॥
તન્નામમન્ત્રસુપ્રીતા તપસ્વિજનસેવિતા ।
સાકારરૂપા સાવિત્રી સર્વરૂપા સનાતની ॥ ૬ ॥
સંસારદુઃખશમની સર્વયાગફલપ્રદા ।
સકલા સત્યસઙ્કલ્પા સત્યા સત્યપ્રદાયિની ॥ ૭ ॥
સન્તોષજનની સારા સત્યલોકનિવાસિની ।
સમુદ્રતનયારાધ્યા સામગાનપ્રિયા સતી ॥ ૮ ॥
સમાની સામદેવી ચ સમસ્તસુરસેવિતા ।
સર્વસમ્પત્તિજનની સદ્ગુણા સકલેષ્ટદા ॥ ૯ ॥
સનકાદિમુનિધ્યેયા સમાનાધિકવર્જિતા ।
સાધ્યા સિદ્ધા સુધાવાસા સિદ્ધિસ્સાધ્યપ્રદાયિની ॥ ૧૦ ॥
સદ્યુગારાધ્યનિલયા સમુત્તીર્ણા સદાશિવા ।
સર્વવેદાન્તનિલયા સર્વશાસ્ત્રાર્થગોચરા ॥ ૧૧ ॥
સહસ્રદલપદ્મસ્થા સર્વજ્ઞા સર્વતોમુખી ।
સમયા સમયાચારા સદસદ્ગ્રન્થિભેદિની ॥ ૧૨ ॥
સપ્તકોટિમહામન્ત્રમાતા સર્વપ્રદાયિની ।
સગુણા સમ્ભ્રમા સાક્ષી સર્વચૈતન્યરૂપિણી ॥ ૧૩ ॥
સત્કીર્તિસ્સાત્વિકા સાધ્વી સચ્ચિદાનન્દરૂપિણી ।
સઙ્કલ્પરૂપિણી સન્ધ્યા સાલગ્રામનિવાસિની ॥ ૧૪ ॥
સર્વોપાધિવિનિર્મુક્તા સત્યજ્ઞાનપ્રબોધિની ।
વિકારરૂપા વિપ્રશ્રીર્વિપ્રારાધનતત્પરા ॥ ૧૫ ॥
વિપ્રપ્રીર્વિપ્રકલ્યાણી વિપ્રવાક્યસ્વરૂપિણી ।
વિપ્રમન્દિરમધ્યસ્થા વિપ્રવાદવિનોદિની ॥ ૧૬ ॥
વિપ્રોપાધિવિનિર્ભેત્રી વિપ્રહત્યાવિમોચની ।
વિપ્રત્રાતા વિપ્રગોત્રા વિપ્રગોત્રવિવર્ધિની ॥ ૧૭ ॥
વિપ્રભોજનસન્તુષ્ટા વિષ્ણુરૂપા વિનોદિની ।
વિષ્ણુમાયા વિષ્ણુવન્દ્યા વિષ્ણુગર્ભા વિચિત્રિણી ॥ ૧૮ ॥
વૈષ્ણવી વિષ્ણુભગિની વિષ્ણુમાયાવિલાસિની ।
વિકારરહિતા વિશ્વવિજ્ઞાનઘનરૂપિણી ॥ ૧૯ ॥
વિબુધા વિષ્ણુસઙ્કલ્પા વિશ્વામિત્રપ્રસાદિની ।
વિષ્ણુચૈતન્યનિલયા વિષ્ણુસ્વા વિશ્વસાક્ષિણી ॥ ૨૦ ॥
વિવેકિની વિયદ્રૂપા વિજયા વિશ્વમોહિની ।
વિદ્યાધરી વિધાનજ્ઞા વેદતત્વાર્થરૂપિણી ॥ ૨૧ ॥
વિરૂપાક્ષી વિરાડ્રૂપા વિક્રમા વિશ્વમઙ્ગલા ।
વિશ્વમ્ભરાસમારાધ્યા વિશ્વભ્રમણકારિણી ॥ ૨૨ ॥
વિનાયકી વિનોદસ્થા વીરગોષ્ઠીવિવર્ધિની ।
વિવાહરહિતા વિન્ધ્યા વિન્ધ્યાચલનિવાસિની ॥ ૨૩ ॥
વિદ્યાવિદ્યાકરી વિદ્યા વિદ્યાવિદ્યાપ્રબોધિની ।
વિમલા વિભવા વેદ્યા વિશ્વસ્થા વિવિધોજ્જ્વલા ॥ ૨૪ ॥
વીરમધ્યા વરારોહા વિતન્ત્રા વિશ્વનાયિકા ।
વીરહત્યાપ્રશમની વિનમ્રજનપાલિની ॥ ૨૫ ॥
વીરધીર્વિવિધાકારા વિરોધિજનનાશિની ।
તુકારરૂપા તુર્યશ્રીસ્તુલસીવનવાસિની ॥ ૨૬ ॥
તુરઙ્ગી તુરગારૂઢા તુલાદાનફલપ્રદા ।
તુલામાઘસ્નાનતુષ્ટા તુષ્ટિપુષ્ટિપ્રદાયિની ॥ ૨૭ ॥
તુરઙ્ગમપ્રસન્તુષ્ટા તુલિતા તુલ્યમધ્યગા ।
તુઙ્ગોત્તુઙ્ગા તુઙ્ગકુચા તુહિનાચલસંસ્થિતા ॥ ૨૮ ॥
તુમ્બુરાદિસ્તુતિપ્રીતા તુષારશિખરીશ્વરી ।
તુષ્ટા ચ તુષ્ટિજનની તુષ્ટલોકનિવાસિની ॥ ૨૯ ॥
તુલાધારા તુલામધ્યા તુલસ્થા તુર્યરૂપિણી ।
તુરીયગુણગમ્ભીરા તુર્યનાદસ્વરૂપિણી ॥ ૩૦ ॥
તુર્યવિદ્યાલાસ્યતુષ્ટા તૂર્યશાસ્ત્રાર્થવાદિની ।
તુરીયશાસ્ત્રતત્વજ્ઞા તૂર્યનાદવિનોદિની ॥ ૩૧ ॥
તૂર્યનાદાન્તનિલયા તૂર્યાનન્દસ્વરૂપિણી ।
તુરીયભક્તિજનની તુર્યમાર્ગપ્રદર્શિની ॥ ૩૨ ॥
વકારરૂપા વાગીશી વરેણ્યા વરસંવિધા ।
વરા વરિષ્ઠા વૈદેહી વેદશાસ્ત્રપ્રદર્શિની ॥ ૩૩ ॥
વિકલ્પશમની વાણી વાઞ્છિતાર્થફલપ્રદા ।
વયસ્થા ચ વયોમધ્યા વયોવસ્થાવિવર્જિતા ॥ ૩૪ ॥
વન્દિની વાદિની વર્યા વાઙ્મયી વીરવન્દિતા ।
વાનપ્રસ્થાશ્રમસ્થા ચ વનદુર્ગા વનાલયા ॥ ૩૫ ॥
વનજાક્ષી વનચરી વનિતા વિશ્વમોહિની ।
વસિષ્ઠાવામદેવાદિવન્દ્યા વન્દ્યસ્વરૂપિણી ॥ ૩૬ ॥
વૈદ્યા વૈદ્યચિકિત્સા ચ વષટ્કારી વસુન્ધરા ।
વસુમાતા વસુત્રાતા વસુજન્મવિમોચની ॥ ૩૭ ॥
વસુપ્રદા વાસુદેવી વાસુદેવ મનોહરી ।
વાસવાર્ચિતપાદશ્રીર્વાસવારિવિનાશિની ॥ ૩૮ ॥
વાગીશી વાઙ્મનસ્થાયી વશિની વનવાસભૂઃ ।
વામદેવી વરારોહા વાદ્યઘોષણતત્પરા ॥ ૩૯ ॥
વાચસ્પતિસમારાધ્યા વેદમાતા વિનોદિની ।
રેકારરૂપા રેવા ચ રેવાતીરનિવાસિની ॥ ૪૦ ॥
રાજીવલોચના રામા રાગિણિરતિવન્દિતા ।
રમણીરામજપ્તા ચ રાજ્યપા રાજતાદ્રિગા ॥ ૪૧ ॥
રાકિણી રેવતી રક્ષા રુદ્રજન્મા રજસ્વલા ।
રેણુકારમણી રમ્યા રતિવૃદ્ધા રતા રતિઃ ॥ ૪૨ ॥
રાવણાનન્દસન્ધાયી રાજશ્રી રાજશેખરી ।
રણમદ્યા રથારૂઢા રવિકોટિસમપ્રભા ॥ ૪૩ ॥
રવિમણ્ડલમધ્યસ્થા રજની રવિલોચના ।
રથાઙ્ગપાણિ રક્ષોઘ્ની રાગિણી રાવણાર્ચિતા ॥ ૪૪ ॥
રમ્ભાદિકન્યકારાધ્યા રાજ્યદા રાજ્યવર્ધિની ।
રજતાદ્રીશસક્થિસ્થા રમ્યા રાજીવલોચના ॥ ૪૫ ॥
રમ્યવાણી રમારાધ્યા રાજ્યધાત્રી રતોત્સવા ।
રેવતી ચ રતોત્સાહા રાજહૃદ્રોગહારિણી ॥ ૪૬ ॥
રઙ્ગપ્રવૃદ્ધમધુરા રઙ્ગમણ્ડપમધ્યગા ।
રઞ્જિતા રાજજનની રમ્યા રાકેન્દુમધ્યગા ॥ ૪૭ ॥
રાવિણી રાગિણી રઞ્જ્યા રાજરાજેશ્વરાર્ચિતા ।
રાજન્વતી રાજનીતી રજતાચલવાસિની ॥ ૪૮ ॥
રાઘવાર્ચિતપાદશ્રી રાઘવા રાઘવપ્રિયા ।
રત્નનૂપુરમધ્યાઢ્યા રત્નદ્વીપનિવાસિની ॥ ૪૯ ॥
રત્નપ્રાકારમધ્યસ્થા રત્નમણ્ડપમધ્યગા ।
રત્નાભિષેકસન્તુષ્ટા રત્નાઙ્ગી રત્નદાયિની ॥ ૫૦ ॥
ણિકારરૂપિણી નિત્યા નિત્યતૃપ્તા નિરઞ્જના ।
નિદ્રાત્યયવિશેષજ્ઞા નીલજીમૂતસન્નિભા ॥ ૫૧ ॥
નીવારશૂકવત્તન્વી નિત્યકલ્યાણરૂપિણી ।
નિત્યોત્સવા નિત્યપૂજ્યા નિત્યાનન્દસ્વરૂપિણી ॥ ૫૨ ॥
નિર્વિકલ્પા નિર્ગુણસ્થા નિશ્ચિન્તા નિરુપદ્રવા ।
નિસ્સંશયા નિરીહા ચ નિર્લોભા નીલમૂર્ધજા ॥ ૫૩ ॥
નિખિલાગમમધ્યસ્થા નિખિલાગમસંસ્થિતા ।
નિત્યોપાધિવિનિર્મુક્તા નિત્યકર્મફલપ્રદા ॥ ૫૪ ॥
નીલગ્રીવા નિરાહારા નિરઞ્જનવરપ્રદા ।
નવનીતપ્રિયા નારી નરકાર્ણવતારિણી ॥ ૫૫ ॥
નારાયણી નિરીહા ચ નિર્મલા નિર્ગુણપ્રિયા ।
નિશ્ચિન્તા નિગમાચારનિખિલાગમ ચ વેદિની ॥ ૫૬ ॥
નિમેષાનિમિષોત્પન્ના નિમેષાણ્ડવિધાયિની ।
નિવાતદીપમધ્યસ્થા નિર્વિઘ્ના નીચનાશિની ॥ ૫૭ ॥
નીલવેણી નીલખણ્ડા નિર્વિષા નિષ્કશોભિતા ।
નીલાંશુકપરીધાના નિન્દઘ્ની ચ નિરીશ્વરી ॥ ૫૮ ॥
નિશ્વાસોચ્છ્વાસમધ્યસ્થા નિત્યયાનવિલાસિની ।
યઙ્કારરૂપા યન્ત્રેશી યન્ત્રી યન્ત્રયશસ્વિની ॥ ૫૯ ॥
યન્ત્રારાધનસન્તુષ્ટા યજમાનસ્વરૂપિણી ।
યોગિપૂજ્યા યકારસ્થા યૂપસ્તમ્ભનિવાસિની ॥ ૬૦ ॥
યમઘ્ની યમકલ્પા ચ યશઃકામા યતીશ્વરી ।
યમાદીયોગનિરતા યતિદુઃખાપહારિણી ॥ ૬૧ ॥
યજ્ઞા યજ્વા યજુર્ગેયા યજ્ઞેશ્વરપતિવ્રતા ।
યજ્ઞસૂત્રપ્રદા યષ્ટ્રી યજ્ઞકર્મફલપ્રદા ॥ ૬૨ ॥
યવાઙ્કુરપ્રિયા યન્ત્રી યવદઘ્ની યવાર્ચિતા ।
યજ્ઞકર્તી યજ્ઞભોક્ત્રી યજ્ઞાઙ્ગી યજ્ઞવાહિની ॥ ૬૩ ॥
યજ્ઞસાક્ષી યજ્ઞમુખી યજુષી યજ્ઞરક્ષિણી ।
ભકારરૂપા ભદ્રેશી ભદ્રકલ્યાણદાયિની ॥ ૬૪ ॥
ભક્તપ્રિયા ભક્તસખા ભક્તાભીષ્ટસ્વરૂપિણી ।
ભગિની ભક્તસુલભા ભક્તિદા ભક્તવત્સલા ॥ ૬૫ ॥
ભક્તચૈતન્યનિલયા ભક્તબન્ધવિમોચની ।
ભક્તસ્વરૂપિણી ભાગ્યા ભક્તારોગ્યપ્રદાયિની ॥ ૬૬ ॥
ભક્તમાતા ભક્તગમ્યા ભક્તાભીષ્ટપ્રદાયિની ।
ભાસ્કરી ભૈરવી ભોગ્યા ભવાની ભયનાશિની ॥ ૬૭ ॥
ભદ્રાત્મિકા ભદ્રદાયી ભદ્રકાલી ભયઙ્કરી ।
ભગનિષ્યન્દિની ભૂમ્ની ભવબન્ધવિમોચની ॥ ૬૮ ॥
ભીમા ભવસખા ભઙ્ગીભઙ્ગુરા ભીમદર્શિની ।
ભલ્લી ભલ્લીધરા ભીરુર્ભેરુણ્ડા ભીમપાપહા ॥ ૬૯ ॥
ભાવજ્ઞા ભોગદાત્રી ચ ભવઘ્ની ભૂતિભૂષણા ।
ભૂતિદા ભૂમિદાત્રી ચ ભૂપતિત્વપ્રદાયિની ॥ ૭૦ ॥
ભ્રામરી ભ્રમરી ભારી ભવસાગરતારિણી ।
ભણ્ડાસુરવધોત્સાહા ભાગ્યદા ભાવમોદિની ॥ ૭૧ ॥
ગોકારરૂપા ગોમાતા ગુરુપત્ની ગુરુપ્રિયા ।
ગોરોચનપ્રિયા ગૌરી ગોવિન્દગુણવર્ધિની ॥ ૭૨ ॥
ગોપાલચેષ્ટાસન્તુષ્ટા ગોવર્ધનવિવર્ધિની ।
ગોવિન્દરૂપિણી ગોપ્ત્રી ગોકુલાનાંવિવર્ધિની ॥ ૭૩ ॥
ગીતા ગીતપ્રિયા ગેયા ગોદા ગોરૂપધારિણી ।
ગોપી ગોહત્યશમની ગુણિની ગુણિવિગ્રહા ॥ ૭૪ ॥
ગોવિન્દજનની ગોષ્ઠા ગોપ્રદા ગોકુલોત્સવા ।
ગોચરી ગૌતમી ગઙ્ગા ગોમુખી ગુણવાસિની ॥ ૭૫ ॥
ગોપાલી ગોમયા ગુમ્ભા ગોષ્ઠી ગોપુરવાસિની ।
ગરુડા ગમનશ્રેષ્ઠા ગારુડા ગરુડધ્વજા ॥ ૭૬ ॥
ગમ્ભીરા ગણ્ડકી ગુણ્ડા ગરુડધ્વજવલ્લભા ।
ગગનસ્થા ગયાવાસા ગુણવૃત્તિર્ગુણોદ્ભવા ॥ ૭૭ ॥
દેકારરૂપા દેવેશી દૃગ્રૂપા દેવતાર્ચિતા ।
દેવરાજેશ્વરાર્ધાઙ્ગી દીનદૈન્યવિમોચની ॥ ૭૮ ॥
દેકાલપરિજ્ઞાના દેશોપદ્રવનાશિની ।
દેવમાતા દેવમોહા દેવદાનવમોહિની ॥ ૭૯ ॥
દેવેન્દ્રાર્ચિતપાદશ્રી દેવદેવપ્રસાદિની ।
દેશાન્તરી દેશરૂપા દેવાલયનિવાસિની ॥ ૮૦ ॥
દેશભ્રમણસન્તુષ્ટા દેશસ્વાસ્થ્યપ્રદાયિની ।
દેવયાના દેવતા ચ દેવસૈન્યપ્રપાલિની ॥ ૮૧ ॥
વકારરૂપા વાગ્દેવી વેદમાનસગોચરા ।
વૈકુણ્ઠદેશિકા વેદ્યા વાયુરૂપા વરપ્રદા ॥ ૮૨ ॥
વક્રતુણ્ડાર્ચિતપદા વક્રતુણ્ડપ્રસાદિની ।
વૈચિત્ર્યરૂપા વસુધા વસુસ્થાના વસુપ્રિયા ॥ ૮૩ ॥
વષટ્કારસ્વરૂપા ચ વરારોહા વરાસના ।
વૈદેહી જનની વેદ્યા વૈદેહીશોકનાશિની ॥ ૮૪ ॥
વેદમાતા વેદકન્યા વેદરૂપા વિનોદિની ।
વેદાન્તવાદિની ચૈવ વેદાન્તનિલયપ્રિયા ॥ ૮૫ ॥
વેદશ્રવા વેદઘોષા વેદગીતા વિનોદિની ।
વેદશાસ્ત્રાર્થતત્વજ્ઞા વેદમાર્ગ પ્રદર્શિની ॥ ૮૬ ॥
વૈદિકીકર્મફલદા વેદસાગરવાડવા ।
વેદવન્દ્યા વેદગુહ્યા વેદાશ્વરથવાહિની ॥ ૮૭ ॥
વેદચક્રા વેદવન્દ્યા વેદાઙ્ગી વેદવિત્કવિઃ ।
સકારરૂપા સામન્તા સામગાન વિચક્ષણા ॥ ૮૮ ॥
સામ્રાજ્ઞી નામરૂપા ચ સદાનન્દપ્રદાયિની ।
સર્વદૃક્સન્નિવિષ્ટા ચ સર્વસમ્પ્રેષિણીસહા ॥ ૮૯ ॥
સવ્યાપસવ્યદા સવ્યસધ્રીચી ચ સહાયિની ।
સકલા સાગરા સારા સાર્વભૌમસ્વરૂપિણી ॥ ૯૦ ॥
સન્તોષજનની સેવ્યા સર્વેશી સર્વરઞ્જની ।
સરસ્વતી સમારાદ્યા સામદા સિન્ધુસેવિતા ॥ ૯૧ ॥
સમ્મોહિની સદામોહા સર્વમાઙ્ગલ્યદાયિની ।
સમસ્તભુવનેશાની સર્વકામફલપ્રદા ॥ ૯૨ ॥
સર્વસિદ્ધિપ્રદા સાધ્વી સર્વજ્ઞાનપ્રદાયિની ।
સર્વદારિદ્ર્યશમની સર્વદુઃખવિમોચની ॥ ૯૩ ॥
સર્વરોગપ્રશમની સર્વપાપવિમોચની ।
સમદૃષ્ટિસ્સમગુણા સર્વગોપ્ત્રી સહાયિની ॥ ૯૪ ॥
સામર્થ્યવાહિનિ સાઙ્ખ્યા સાન્દ્રાનન્દપયોધરા ।
સઙ્કીર્ણમન્દિરસ્થાના સાકેતકુલપાલિની ॥ ૯૫ ॥
સંહારિણી સુધારૂપા સાકેતપુરવાસિની ।
સમ્બોધિની સમસ્તેશી સત્યજ્ઞાનસ્વરૂપિણી ॥ ૯૬ ॥
સમ્પત્કરી સમાનાઙ્ગી સર્વભાવસુસંસ્થિતા ।
સન્ધ્યાવન્દનસુપ્રીતા સન્માર્ગકુલપાલિની ॥ ૯૭ ॥
સઞ્જીવિની સર્વમેધા સભ્યા સાધુસુપૂજિતા ।
સમિદ્ધા સામિઘેની ચ સામાન્યા સામવેદિની ॥ ૯૮ ॥
સમુત્તીર્ણા સદાચારા સંહારા સર્વપાવની ।
સર્પિણી સર્પમાતા ચ સમાદાનસુખપ્રદા ॥ ૯૯ ॥
સર્વરોગપ્રશમની સર્વજ્ઞત્વફલપ્રદા ।
સઙ્ક્રમા સમદા સિન્ધુઃ સર્ગાદિકરણક્ષમા ॥ ૧૦૦ ॥
સઙ્કટા સઙ્કટહરા સકુઙ્કુમવિલેપના ।
સુમુખા સુમુખપ્રીતા સમાનાધિકવર્જિતા ॥ ૧૦૧ ॥
સંસ્તુતા સ્તુતિસુપ્રીતા સત્યવાદી સદાસ્પદા ।
ધીકારરૂપા ધીમાતા ધીરા ધીરપ્રસાદિની ॥ ૧૦૨ ॥
ધીરોત્તમા ધીરધીરા ધીરસ્થા ધીરશેખરા ।
ધૃતિરૂપા ધનાઢ્યા ચ ધનપા ધનદાયિની ॥ ૧૦૩ ॥
ધીરૂપા ધીરવન્દ્યા ચ ધીપ્રભા ધીરમાનસા ।
ધીગેયા ધીપદસ્થા ચ ધીશાના ધીપ્રસાદિની ॥ ૧૦૪ ॥
મકારરૂપા મૈત્રેયા મહામઙ્ગલદેવતા ।
મનોવૈકલ્યશમની મલયાચલવાસિની ॥ ૧૦૫ ॥
મલયધ્વજરાજશ્રીર્માયામોહવિભેદિની ।
મહાદેવી મહારૂપા મહાભૈરવપૂજિતા ॥ ૧૦૬ ॥
મનુપ્રીતા મન્ત્રમૂર્તિર્મન્ત્રવશ્યા મહેશ્વરી ।
મત્તમાતઙ્ગગમના મધુરા મેરુમણ્ટપા ॥ ૧૦૭ ॥
મહાગુપ્તા મહાભૂતા મહાભયવિનાશિની ।
મહાશૌર્યા મન્ત્રિણી ચ મહાવૈરિવિનાશિની ॥ ૧૦૮ ॥
મહાલક્ષ્મીર્મહાગૌરી મહિષાસુરમર્દિની ।
મહી ચ મણ્ડલસ્થા ચ મધુરાગમપૂજિતા ॥ ૧૦૯ ॥
મેધા મેધાકરી મેધ્યા માધવી મધુમર્ધિની ।
મન્ત્રા મન્ત્રમયી માન્યા માયા માધવમન્ત્રિણી ॥ ૧૧૦ ॥
માયાદૂરા ચ માયાવી માયાજ્ઞા માનદાયિની ।
માયાસઙ્કલ્પજનની માયામાયવિનોદિની ॥ ૧૧૧ ॥
માયા પ્રપઞ્ચશમની માયાસંહારરૂપિણી ।
માયામન્ત્રપ્રસાદા ચ માયાજનવિમોહિની ॥ ૧૧૨ ॥
મહાપથા મહાભોગા મહવિઘ્નવિનાશિની ।
મહાનુભાવા મન્ત્રાઢ્યા મહમઙ્ગલદેવતા ॥ ૧૧૩ ॥
હિકારરૂપા હૃદ્યા ચ હિતકાર્યપ્રવર્ધિની ।
હેયોપાધિવિનિર્મુક્તા હીનલોકવિનાશિની ॥ ૧૧૪ ॥
હ્રીંકારી હ્રીમતી હૃદ્યા હ્રીં દેવી હ્રીં સ્વભાવિની ।
હ્રીં મન્દિરા હિતકરા હૃષ્ટા ચ હ્રીં કુલોદ્ભવા ॥ ૧૧૫ ॥
હિતપ્રજ્ઞા હિતપ્રીતા હિતકારુણ્યવર્ધિની ।
હિતાસિની હિતક્રોધા હિતકર્મફલપ્રદા ॥ ૧૧૬ ॥
હિમા હૈમવતી હૈમ્ની હેમાચલનિવાસિની ।
હિમાગજા હિતકરી હિતકર્મસ્વભાવિની ॥ ૧૧૭ ॥
ધીકારરૂપા ધિષણા ધર્મરૂપા ધનેશ્વરી ।
ધનુર્ધરા ધરાધારા ધર્મકર્મફલપ્રદા ॥ ૧૧૮ ॥
ધર્માચારા ધર્મસારા ધર્મમધ્યનિવાસિની ।
ધનુર્વિદ્યા ધનુર્વેદા ધન્યા ધૂર્તવિનાશિની ॥ ૧૧૯ ॥
ધનધાન્યાધેનુરૂપા ધનાઢ્યા ધનદાયિની ।
ધનેશી ધર્મનિરતા ધર્મરાજપ્રસાદિની ॥ ૧૨૦ ॥
ધર્મસ્વરૂપા ધર્મેશી ધર્માધર્મવિચારિણી ।
ધર્મસૂક્ષ્મા ધર્મગેહા ધર્મિષ્ઠા ધર્મગોચરા ॥ ૧૨૧ ॥
યોકારરૂપા યોગેશી યોગસ્થા યોગરૂપિણી ।
યોગ્યા યોગીશવરદા યોગમાર્ગનિવાસિની ॥ ૧૨૨ ॥
યોગાસનસ્થા યોગેશી યોગમાયાવિલાસિની ।
યોગિની યોગરક્તા ચ યોગાઙ્ગી યોગવિગ્રહા ॥ ૧૨૩ ॥
યોગવાસા યોગભાગ્યા યોગમાર્ગપ્રદર્શિની ।
યોકારરૂપા યોધાઢ્યાયોધ્રી યોધસુતત્પરા ॥ ૧૨૪ ॥
યોગિની યોગિનીસેવ્યા યોગજ્ઞાનપ્રબોધિની ।
યોગેશ્વરપ્રાણાનાથા યોગીશ્વરહૃદિસ્થિતા ॥ ૧૨૫ ॥
યોગા યોગક્ષેમકર્ત્રી યોગક્ષેમવિધાયિની ।
યોગરાજેશ્વરારાધ્યા યોગાનન્દસ્વરૂપિણી ॥ ૧૨૬ ॥
નકારરૂપા નાદેશી નામપારાયણપ્રિયા ।
નવસિદ્ધિસમારાધ્યા નારાયણમનોહરી ॥ ૧૨૭ ॥
નારાયણી નવાધારા નવબ્રહ્માર્ચિતાંઘ્રિકા ।
નગેન્દ્રતનયારાધ્યા નામરૂપવિવર્જિતા ॥ ૧૨૮ ॥
નરસિંહાર્ચિતપદા નવબન્ધવિમોચની ।
નવગ્રહાર્ચિતપદા નવમીપૂજનપ્રિયા ॥ ૧૨૯ ॥
નૈમિત્તિકાર્થફલદા નન્દિતારિવિનાશિની ।
નવપીઠસ્થિતા નાદા નવર્ષિગણસેવિતા ॥ ૧૩૦ ॥
નવસૂત્રાવિધાનજ્ઞા નૈમિશારણ્યવાસિની ।
નવચન્દનદિગ્ધાઙ્ગી નવકુઙ્કુમધારિણી ॥ ૧૩૧ ॥
નવવસ્ત્રપરીધાના નવરત્નવિભૂષણા ।
નવ્યભસ્મવિદગ્ધાઙ્ગી નવચન્દ્રકલાધરા ॥ ૧૩૨ ॥
પ્રકારરૂપા પ્રાણેશી પ્રાણસંરક્ષણીપરા ।
પ્રાણસઞ્જીવિની પ્રાચ્યા પ્રાણિપ્રાણપ્રબોધિની ॥ ૧૩૩ ॥
પ્રજ્ઞા પ્રાજ્ઞા પ્રભાપુષ્પા પ્રતીચી પ્રભુદા પ્રિયા ।
પ્રાચીના પ્રાણિચિત્તસ્થા પ્રભા પ્રજ્ઞાનરૂપિણી ॥ ૧૩૪ ॥
પ્રભાતકર્મસન્તુષ્ટા પ્રાણાયામપરાયણા ।
પ્રાયજ્ઞા પ્રણવા પ્રાણા પ્રવૃત્તિઃ પ્રકૃતિઃ પરા ॥ ૧૩૫ ॥
પ્રબન્ધા પ્રથમા ચૈવ પ્રગા પ્રારબ્ધનાશિની ।
પ્રબોધનિરતા પ્રેક્ષ્યા પ્રબન્ધા પ્રાણસાક્ષિણી ॥ ૧૩૬ ॥
પ્રયાગતીર્થનિલયા પ્રત્યક્ષપરમેશ્વરી ।
પ્રણવાદ્યન્તનિલયા પ્રણવાદિઃ પ્રજેશ્વરી ॥ ૧૩૭ ॥
ચોકારરૂપા ચોરઘ્ની ચોરબાધાવિનાશિની ।
ચૈતન્યચેતનસ્થા ચ ચતુરા ચ ચમત્કૃતિઃ ॥ ૧૩૮ ॥
ચક્રવર્તિકુલાધારા ચક્રિણી ચક્રધારિણી ।
ચિત્તચેયા ચિદાનન્દા ચિદ્રૂપા ચિદ્વિલાસિની ॥ ૧૩૯ ॥
ચિન્તાચિત્તપ્રશમની ચિન્તિતાર્થફલપ્રદા ।
ચામ્પેયી ચમ્પકપ્રીતા ચણ્ડી ચણ્ડાટ્ટહાસિની ॥ ૧૪૦ ॥
ચણ્ડેશ્વરી ચણ્ડમાતા ચણ્ડમુણ્ડવિનાશિની ।
ચકોરાક્ષી ચિરપ્રીતા ચિકુરા ચિકુરાલકા ॥ ૧૪૧ ॥
ચૈતન્યરૂપિણી ચૈત્રી ચેતના ચિત્તસાક્ષિણી ।
ચિત્રા ચિત્રવિચિત્રાઙ્ગી ચિત્રગુપ્તપ્રસાદિની ॥ ૧૪૨ ॥
ચલના ચક્રસંસ્થા ચ ચામ્પેયી ચલચિત્રિણી ।
ચન્દ્રમણ્ડલમધ્યસ્થા ચન્દ્રકોટિસુશીતલા ॥ ૧૪૩ ॥
ચન્દ્રાનુજસમારાધ્યા ચન્દ્રા ચણ્ડમહોદરી ।
ચર્ચિતારિશ્ચન્દ્રમાતા ચન્દ્રકાન્તા ચલેશ્વરી ॥ ૧૪૪ ॥
ચરાચરનિવાસી ચ ચક્રપાણિસહોદરી ।
દકારરૂપા દત્તશ્રીદારિદ્ર્યચ્છેદકારિણી ॥ ૧૪૫ ॥
દત્તાત્રેયસ્ય વરદા દર્યા ચ દીનવત્સલા ।
દક્ષારાધ્યા દક્ષકન્યા દક્ષયજ્ઞવિનાશિની ॥ ૧૪૬ ॥
દક્ષા દાક્ષાયણી દીક્ષા દૃષ્ટા દક્ષવરપ્રદા ।
દક્ષિણા દક્ષિણારાધ્યા દક્ષિણામૂર્તિરૂપિણી ॥ ૧૪૭ ॥
દયાવતી દમસ્વાન્તા દનુજારિર્દયાનિધિઃ ।
દન્તશોભનિભા દેવી દમના દાડિમસ્તના ॥ ૧૪૮ ॥
દણ્ડા ચ દમયત્રી ચ દણ્ડિની દમનપ્રિયા ।
દણ્ડકારણ્યનિલયા દણ્ડકારિવિનાશિની ॥ ૧૪૯ ॥
દંષ્ટ્રાકરાલવદના દણ્ડશોભા દરોદરી ।
દરિદ્રારિષ્ટશમની દમ્યા દમનપૂજિતા ॥ ૧૫૦ ॥
દાનવાર્ચિત પાદશ્રીર્દ્રવિણા દ્રાવિણી દયા ।
દામોદરી દાનવારિર્દામોદરસહોદરી ॥ ૧૫૧ ॥
દાત્રી દાનપ્રિયા દામ્ની દાનશ્રીર્દ્વિજવન્દિતા ।
દન્તિગા દણ્ડિની દૂર્વા દધિદુગ્ધસ્વરૂપિણી ॥ ૧૫૨ ॥
દાડિમીબીજસન્દોહા દન્તપઙ્ક્તિવિરાજિતા ।
દર્પણા દર્પણસ્વચ્છા દ્રુમમણ્ડલવાસિની ॥ ૧૫૩ ॥
દશાવતારજનની દશદિગ્દૈવપૂજિતા ।
દમા દશદિશા દૃશ્યા દશદાસી દયાનિધિઃ ॥ ૧૫૪ ॥
દેશકાલપરિજ્ઞાના દેશકાલવિશોધિની ।
દશમ્યાદિકલારાધ્યા દશકાલવિરોધિની ।
દશમ્યાદિકલારાધ્ય દશગ્રીવવિરોધિની ॥ ૧૫૫ ॥
દશાપરાધશમની દશવૃત્તિફલપ્રદા ।
યાત્કારરૂપિણી યાજ્ઞી યાદવી યાદવાર્ચિતા ॥ ૧૫૬ ॥
યયાતિપૂજનપ્રીતા યાજ્ઞિકી યાજકપ્રિયા ।
યજમાના યદુપ્રીતા યામપૂજાફલપ્રદા ॥ ૧૫૭ ॥
યશસ્વિની યમારાધ્યા યમકન્યા યતીશ્વરી ।
યમાદિયોગસન્તુષ્ટા યોગીન્દ્રહૃદયા યમા ॥ ૧૫૮ ॥
યમોપાધિવિનિર્મુક્તા યશસ્યવિધિસન્નુતા ।
યવીયસી યુવપ્રીતા યાત્રાનન્દા યતીશ્વરી ॥ ૧૫૯ ॥
યોગપ્રિયા યોગગમ્યા યોગધ્યેયા યથેચ્છગા ।
યોગપ્રિયા યજ્ઞસેની યોગરૂપા યથેષ્ટદા ॥ ૧૬૦ ॥
॥ શ્રીગાયત્રી દિવ્યસહસ્રનામસ્તોત્રં સમ્પૂર્ણમ્ ॥