The text is unconventional and supports established tantric practices of a higher level. It is not for common devotional song. User direction is recommended.
॥ Guhya Nama Uchishta Ganapathy Sahasranama Stotram Odia Lyrics ॥
॥ ଶ୍ରୀଗୁହ୍ୟନାମୌଚ୍ଛିଷ୍ଟଗଣେଶାନସହସ୍ରନାମସ୍ତୋତ୍ରମ୍ ॥
ଅସ୍ୟ ଶ୍ରୀଗୁହ୍ୟନାମସହସ୍ରାଖ୍ୟଗଣେଶାନସହସ୍ରନାମସ୍ତୋତ୍ରମାଲାମହାମନ୍ତ୍ରସ୍ୟ
ଗଣକଃ ଋଷିଃ, ଗାୟତ୍ରୀ ଚ୍ଛନ୍ଦଃ ଉଚ୍ଛିଷ୍ଟମହାଗଣେଶାନୋ ଦେଵତା ଓଂ ବୀଜଂ,
ସ୍ଵାହା ଶକ୍ତିଃ ଗଂ କୀଲକମ୍ ॥
ଶ୍ରୀମଦୁଚ୍ଛିଷ୍ଟମହାଗଣେଶାନପ୍ରସାଦସିଦ୍ଧ୍ୟର୍ଥେ ପାରାୟଣେ ଵିନିୟୋଗଃ ॥
ଓଂ ହସ୍ତିମୁଖାୟ ଅଙ୍ଗୁଷ୍ଠାଭ୍ୟାଂ ନମଃ ହୃଦୟାୟ ନମଃ ।
ଲମ୍ବୋଦରାୟ ତର୍ଜନୀଭ୍ୟାଂ ନମଃ ଶିରସେ ସ୍ଵାହା ।
ଉଚ୍ଛିଷ୍ଟମହାତ୍ମନେ ମଧ୍ୟମାଭ୍ୟାଂ ନମଃ ଶିଖାୟୈ ଵଷଟ୍ ।
ଆଂ କ୍ରୋଂ ହ୍ରୀଂ କ୍ଲୀଂ ହ୍ରୀଂ ହୁଂ ଘେ ଘେ ଅନାମିକାଭ୍ୟାଂ ନମଃ କଵଚାୟ ହୁମ୍ ।
ଉଚ୍ଛିଷ୍ଟାୟ କନିଷ୍ଠିକାଭ୍ୟାଂ ନମଃ ନେତ୍ରତ୍ରୟାୟ ଵୌଷଟ୍ ।
ସ୍ଵାହା କରତଲକରପୃଷ୍ଠାଭ୍ୟାଂ ନମଃ ଅସ୍ତ୍ରାୟ ଫଟ୍ ।
ଭୂର୍ଭୁଵଃ ସୁଵରୋମିତି ଦିଗ୍ବନ୍ଧଃ ॥
ଧ୍ୟାନମ୍-
ଶରଚାପଗୁଣାଙ୍କୁଶାନ୍ ସ୍ଵହସ୍ତୈଃ ଦଧତଂ ରକ୍ତସରୋରୁହେ ନିଷଣ୍ଣମ୍ ।
ଵିଗତାମ୍ବରଜାୟୟା ପ୍ରଵୃତ୍ତଂ ସୁରତେ ସନ୍ତତମାଶ୍ରୟେ ଗଣେଶମ୍ ॥
ଶରାନ୍ ଧନୁଃ ପାଶସୃଣୀ ସ୍ଵହସ୍ତୈଃ ଦଧାନମାରକ୍ତସରୋରୁହସ୍ଥମ୍ ।
ଵିଵସ୍ତ୍ରପତ୍ନ୍ୟାଂ ସୁରତପ୍ରଵୃତ୍ତଂ ଉଚ୍ଛିଷ୍ଟମମ୍ବାସୁତମାଶ୍ରୟେଽହମ୍ ॥
ଲଂ ପୃଥିଵ୍ୟାତ୍ମନେ ଗନ୍ଧଂ କଲ୍ପୟାମି ନମଃ ।
ହଂ ଆକାଶାତ୍ମନେ ପୁଷ୍ପାଣି କଲ୍ପୟାମି ନମଃ ।
ୟଂ ଵାୟ୍ଵାତ୍ମନେ ଧୂପଂ କଲ୍ପୟାମି ନମଃ ।
ରଂ ଅଗ୍ନ୍ୟାତ୍ମନେ ଦୀପଂ କଲ୍ପୟାମି ନମଃ ।
ଵଂ ଅମୃତାତ୍ମନେଽମୃତଂ ମହାନୈଵେଦ୍ୟଂ କଲ୍ପୟାମି ନମଃ ।
॥ ଶ୍ରୀଃ ॥
ମହାଗଣାଧିନାଥାଖ୍ୟୋଽଷ୍ଟାଵିଂଶତ୍ୟକ୍ଷରାତ୍ମକଃ ।
ତାରଶ୍ରୀଶକ୍ତିକନ୍ଦର୍ପଭୂସ୍ମୃତିବିନ୍ଦୁସଂୟୁତଃ ॥ ୧ ॥
ଙେନ୍ତଗଣପତିପ୍ରୋକ୍ତୋ ଵରଵରଦସଂୟୁତଃ ।
ସର୍ଵଜନଦ୍ଵିତୀୟାନ୍ତ ଆଦିତ୍ୟଶିଵସଂୟୁତଃ ॥ ୨ ॥
ଵଶମାନୟସଂୟୁକ୍ତୋ ଵହ୍ନିଜାୟାସମର୍ପିତଃ ।
ଗଣକମୁନିସନ୍ଦୃଷ୍ଟୋ ନିଚୃଦ୍ଗାୟତ୍ରଭାଷିତଃ ॥ ୩ ॥
ସୁରାଦିଵନ୍ଦ୍ୟପାଦାବ୍ଜୋ ମନୁରାଜଵିଜୃମ୍ଭିତଃ ।
ଇକ୍ଷୁସାଗରମଧ୍ୟସ୍ଥୋ ରତ୍ନଦ୍ଵୀପସ୍ୟ ମଧ୍ୟଗଃ ॥ ୪ ॥
ତରଙ୍ଗମାଲିକାଧୌତଶୀତତରାମଲାଲୟଃ ।
କଲ୍ପପାଦପସଂଶୋଭିମଣିଭୂମିଵିରାଜିତଃ ॥ ୫ ॥
ମୃଦୁଵାତସମାନୀତଦିଵ୍ୟଗନ୍ଧନିଷେଵିତଃ ।
ନାନାକୁସୁମସଙ୍କୀର୍ଣଃ ପକ୍ଷିଵୃନ୍ଦରଵପ୍ରିୟଃ ॥ ୬ ॥
ୟୁଗପଦୃତୁଷଟ୍କେନ ସଂସେଵିତପଦଦ୍ଵୟଃ ।
ନଵରତ୍ନସମାଵିଦ୍ଧସିଂହାସନସମାସ୍ଥିତଃ ॥ ୭ ॥
ଜପାପୁଷ୍ପତିସ୍କାରିରକ୍ତକାନ୍ତିସମୁଜ୍ଜ୍ଵଲଃ ।
ଵଲ୍ଲଭାଶ୍ଲିଷ୍ଟଵାମାଙ୍ଗ ଏକାଦଶକରାନ୍ଵିତଃ ॥ ୮ ॥
ରତ୍ନକୁମ୍ଭାଢ୍ୟଶୁଣ୍ଡାଗ୍ରୋ ବୀଜାପୂରୀ ଗଦାଧରଃ ।
ଇକ୍ଷୁଚାପଧରଃ ଶୂଲୀ ଚକ୍ରପାଣିଃ ସରୋଜଭୃତ୍ ॥ ୯ ॥
ପାଶୀ ଧୃତୋତ୍ପଲଃ ଶାଲୀମଞ୍ଜରୀଭୃତ୍ ସ୍ଵଦନ୍ତଭୃତ୍ ।
ପଞ୍ଚାଵରଣଚକ୍ରେଶଃ ଷଡାମ୍ନାୟପ୍ରପୂଜିତଃ ॥ ୧୦ ॥
ମୂଲମନ୍ତ୍ରାଢ୍ୟପୂଜାଙ୍କଃ ଷଡଙ୍ଗପରିଵାରିତଃ ।
ପରୌଘପୂଜନାତୁଷ୍ଟୋ ଦିଵ୍ୟୌଘାଦିନିଷେଵିତଃ ॥ ୧୧ ॥
ଶ୍ରୀଶ୍ରୀପତିସନ୍ତୁଷ୍ଟୋ ଗିରିଜାତତ୍ପତିପ୍ରିୟଃ ।
ରତିମନ୍ମଥସମ୍ପ୍ରୀତୋ ମହୀଵରାହପୂଜିତଃ ॥ ୧୨ ॥
ଋଦ୍ଧ୍ୟାମୋଦପ୍ରପୂଜାକଃ ସମୃଦ୍ଧିତତ୍ପତିପ୍ରିୟଃ ।
କାନ୍ତିସୁମୁଖସୁପ୍ରୀତୋ ମଦନାଵତିକଦୁର୍ମୁଖଃ ॥ ୧୩ ॥
ମଦଦ୍ରଵାଵିଘ୍ନପୂଜ୍ୟୋ ଦ୍ରାଵିଣୀଵିଘ୍ନକର୍ତୃକଃ ।
ଵସୁଧାରାଶଙ୍ଖପୂଜ୍ୟୋ ଵସୁମତିକପଦ୍ମକଃ ॥ ୧୪ ॥
ବ୍ରାହ୍ମୀପ୍ରିୟ ଈଶ୍ଵରୀଶଃ କୌମାରୀସେଵିତାଙ୍ଘ୍ରିକଃ ।
ଵୈଷ୍ଣଵ୍ୟର୍ଚିତପଦ୍ଦ୍ଵନ୍ଦ୍ଵୋ ଵାରାହୀସେଵିତାଙ୍ଘ୍ରିକଃ ॥ ୧୫ ॥
ଇଦ୍ରାଣୀପୂଜିତଶ୍ରୀକଶ୍ଚାମୁଣ୍ଡାଶ୍ରିତପାଦୁକଃ ।
ମହାଲକ୍ଷ୍ମୀମହାମାତୃସମ୍ପୂଜିତପଦଦ୍ଵୟଃ ॥ ୧୬ ॥
ଐରାଵତସମାରୂଢଵଜ୍ରହସ୍ତେନ୍ଦ୍ରପୂଜିତଃ ।
ଅଜୋପରି ସମାରୂଢଶକ୍ତିହସ୍ତାଗ୍ନିସେଵିତଃ ॥ ୧୭ ॥
ମହିଷାରୂଢଦଣ୍ଡାଢ୍ୟୟମଦେଵପ୍ରପୂଜିତଃ ।
ନରାରୋହିଖଡ୍ଗହସ୍ତନିରୃତ୍ୟାଶ୍ରିତପାଦୁକଃ ॥ ୧୮ ॥
ମକରଵାହନାରୂଢପାଶାଢ୍ୟଵରୁଣାର୍ଚିତଃ ।
ରୁରୋରୁପରିସନ୍ତିଷ୍ଠଦ୍ଧ୍ଵଜାଢ୍ୟଶ୍ଵସନାର୍ଚିତଃ ॥ ୧୯ ॥
ଅଶ୍ଵଵାହନଶଙ୍ଖାଢ୍ୟସୋମଦେଵପ୍ରପୂଜିତଃ ।
ଵୃଷଭଵାହନାରୂଢତ୍ରିଶୂଲାଢ୍ୟେଶସେଵିତଃ ॥ ୨୦ ॥
ପଞ୍ଚାଵରଣପୂଜୋଦ୍ୟତ୍କାରୁଣ୍ୟାକୁଲମାନସଃ ।
ପଞ୍ଚାଵୃତିନମସ୍ୟାକଭକ୍ତଵାଞ୍ଛାପ୍ରପୂରଣଃ ॥ ୨୧ ॥
ଏକମୂର୍ତିରଷ୍ଟମୂର୍ତିଃ ପଞ୍ଚାଶନ୍ମୂର୍ତିଭେଦକଃ ।
ବ୍ରହ୍ମଚାରିସମାଖ୍ୟାକଃ ପତ୍ନୀସମ୍ୟୁତମୂର୍ତିକଃ ॥ ୨୨ ॥
ନଗ୍ନପତ୍ନୀସମାଶ୍ଲିଷ୍ଟଃ ସୁରତାନନ୍ଦତୁନ୍ଦିଲଃ ।
ସୁମବାଣେକ୍ଷୁକୋଦଣ୍ଡପାଶାଙ୍କୁଶଵରାୟୁଧଃ ॥ ୨୩ ॥
କାମିନୀଚୁମ୍ବନାୟୁକ୍ତସଦାଲିଙ୍ଗନତତ୍ପରଃ ।
ଅଣ୍ଡକର୍ଣକପୋଲାଖ୍ୟତ୍ରିସ୍ଥାନମଦଵାରିରାଟ୍ ॥ ୨୪ ॥
ମଦାପୋଲୁବ୍ଧମଧୁପୈର୍ଵିଚୁମ୍ବିତକପୋଲକଃ ।
କାମୁକଃ କାମିନୀକାନ୍ତଃ କାନ୍ତାଧରମଧୁଵ୍ରତଃ ॥ ୨୫ ॥
କାମିନୀହୃଦୟାକର୍ଷୀ ଵଶାଗଣନିଷେଵିତଃ ।
ଐରାଵତାଦିଦିଙ୍ନାଗମିଥୁନାଷ୍ଟକପୂଜିତଃ ॥ ୨୬ ॥
ସଦା ଜାୟାଶ୍ରିତୋଽଶ୍ରାନ୍ତୋ ନଗ୍ନୋପାସକପୂଜିତଃ ।
ମାଂସାଶୀ ଵାରୁଣୀମତ୍ତୋ ମତ୍ସ୍ୟଭୁଙ୍ ମୈଥୁନପ୍ରିୟଃ ॥ ୨୭ ॥
ମୁଦ୍ରାସପ୍ତକସମ୍ପ୍ରୀତୋ ମପଞ୍ଚକନିଷେଵିତଃ ।
ପଞ୍ଚାଙ୍ଗରାଗସୁପ୍ରୀତଃ ଶୃଙ୍ଗାରରସଲମ୍ପଟଃ ॥ ୨୮ ॥
କର୍ପୂରଵୀଟୀସୌଗନ୍ଧ୍ୟକଲ୍ଲୋଲିତକକୁପ୍ତଟଃ ।
ଉପାସକଵରିଷ୍ଠାସ୍ୟଵୀଟ୍ୟା ମୌକ୍ୟନିରାସକଃ ॥ ୨୯ ॥
ୟୋନ୍ୟାହିତସୁଶୁଣ୍ଡାକୋ ୟୋନିଲାଲନଲାଲସଃ ।
ଭଗାମୋଦସମାଶ୍ଵାସୀ ଭଗଚୁମ୍ବନଲମ୍ପଟଃ ॥ ୩୦ ॥
କାନ୍ତାକୁଚସମାଲିଙ୍ଗିଶୁଣ୍ଡାମଣ୍ଡିତଵିଗ୍ରହଃ ।
ଉଚ୍ଛିଷ୍ଟାଖ୍ୟଗଣେଶାନ ଉଚ୍ଛିଷ୍ଟାସ୍ଵାଦିସିଦ୍ଧିଦଃ ॥ ୩୧ ॥
ଉଚ୍ଛିଷ୍ଟପୂଜନରତ ଉଚ୍ଛିଷ୍ଟଜପସିଦ୍ଧିଦଃ ।
ଉଚ୍ଛିଷ୍ଟହୋମସମ୍ପ୍ରୀତ ଉଚ୍ଛିଷ୍ଟଵ୍ରତଧାରକଃ ॥ ୩୨ ॥
ଉଚ୍ଛିଷ୍ଟତର୍ପଣପ୍ରୀତ ଉଚ୍ଛିଷ୍ଟମାର୍ଜନେ ରତଃ ।
ଉଚ୍ଛିଷ୍ଟବ୍ରାହ୍ମଣକୁଲସନ୍ତର୍ପଣସୁସାଧିତଃ ॥ ୩୩ ॥
ଉଚ୍ଛିଷ୍ଟଵିଘ୍ନରାଜେନ୍ଦ୍ର ଉଚ୍ଛିଷ୍ଟଵସ୍ତୁପୂଜିତଃ ।
ଉଚ୍ଛିଷ୍ଟମନ୍ତ୍ରସଞ୍ଜାପିସର୍ଵସିଦ୍ଧିପ୍ରକାଶକଃ ॥ ୩୪ ॥
ଉଚ୍ଛିଷ୍ଟୋପଚାରରତ ଉଚ୍ଛିଷ୍ଟୋପାସ୍ତିସିଦ୍ଧିଦଃ ।
ମଦିରାନନ୍ଦସନ୍ତୋଷୀ ସଦାମତ୍ତୋ ମଦୋଦ୍ଧତଃ ॥ ୩୫ ॥
ମଧୁରାଶୀ ମଧୂଦ୍ରିକ୍ତୋ ମଧୁପାନପରାୟଣଃ ।
ମଧୁସ୍ନାନପରାମୋଦୋ ମାଧୁର୍ୟୈକରସାଶ୍ରୟଃ ॥ ୩୬ ॥
ମଦିରାସିନ୍ଧୁସମ୍ଭୂତଃ ସୁଧାମଜ୍ଜନତତ୍ପରଃ ।
ମଦିରାମ୍ବୁଧିସଂସ୍ଥାୟୀ ମଦିରାମଜ୍ଜନେ ରତଃ ॥ ୩୭ ॥
ମଦିରାତର୍ପଣପ୍ରୀତୋ ମଦିରାମାର୍ଜନାଦୃତଃ ।
ମଦିରାମୋଦସନ୍ତୋଷୀ ମଦିରାମୋଦଲୋଲୁପଃ ॥ ୩୮ ॥
କାଦମ୍ବରୀରସୋନ୍ମତ୍ତଃ କାଦମ୍ବରୀପ୍ରିୟାଶ୍ରିତଃ ।
ଦ୍ରାକ୍ଷାରସସମାହ୍ଲାଦୀ ଦ୍ରାକ୍ଷାରସମଦୋଲ୍ଵଣଃ ॥ ୩୯ ॥
ଵାରୁଣୀମଦଘୂର୍ଣାମ୍ବୋ ଵାରୁଣୀମଦଵିହ୍ଵଲଃ ।
ନାରିକେଲରସାସ୍ଵାଦୀ ନାରିକେଲମଧୁପ୍ରିୟଃ ॥ ୪୦ ॥
ତାଲଫଲରସୋନ୍ମତ୍ତୋ ତାଲମଦ୍ୟପରାୟଣଃ ।
ପାନସମଦ୍ୟସୁପ୍ରୀତଃ କଦଲୀମଦ୍ୟପାନକଃ ॥ ୪୧ ॥
ଦାଡିମୀରସସମ୍ପ୍ରୀତୋ ଗୌଡପାନକଲମ୍ପଟଃ ।
ପୌଷ୍ପୀପାନସଦାମତ୍ତଃ ପୌଷ୍ପୀକରଣ୍ଡମଣ୍ଡିତଃ ॥ ୪୨ ॥
ୟୁଵତୀସୁରତାସକ୍ତୋ ୟୁଵୈତୀମଣିତେ ରତଃ ।
ମୋଦପ୍ରମୋଦକୃତ୍ସଙ୍ଗୋ ଭୈରଵାନନ୍ଦଵତ୍ସଲଃ ॥ ୪୩ ॥
ଶୁକ୍ଲସେଵ୍ୟଃ ଶୁକ୍ଲତୁଷ୍ଟଃ ଶୁକ୍ଲସିଦ୍ଧିଵରପ୍ରଦଃ ।
ଶୁକ୍ଲଧାତୁମହଃ ପୂଜ୍ୟ ଓଜଶ୍ଶକ୍ତିପ୍ରକାଶନଃ ॥ ୪୪ ॥
ଶୁକ୍ରାଦିମାନ୍ତ୍ରିକୈର୍ଧୁର୍ୟୈରର୍ଧରାତ୍ରପ୍ରପୂଜିତଃ ।
ମୁକ୍ତକଚ୍ଛୋ ମୁକ୍ତକେଶୋ ନଗ୍ନକାନ୍ତାସମାଶ୍ରିତଃ ॥ ୪୫ ॥
ତାମ୍ବୂଲଚର୍ଵଣାୟୁକ୍ତଃ କର୍ପୂରଵୀଟିକାମଦଃ ।
କାନ୍ତାଚର୍ଵିତତାମ୍ବୂଲରସାସ୍ଵାଦନଲମ୍ପଟଃ ॥ ୪୬ ॥
ଵିଶେଷତଃ କଲିୟୁଗେ ସିଦ୍ଧିଦଃ ସୁରପାଦପଃ ।
ମହାପଦ୍ମାଦିଖର୍ଵାନ୍ତନିଧିପୌଷ୍କଲ୍ୟପୋଷକଃ ॥ ୪୭ ॥
ସ୍ଵଲ୍ପାୟାସସୁସମ୍ପ୍ରୀତଃ କଲୌ ତୂର୍ଣଫଲପ୍ରଦଃ ।
ପିତୃକାନନସଂସ୍ଥାୟୀ ପିତୃକାନନସିଦ୍ଧିଦଃ ॥ ୪୮ ॥
ମାଚୀପତ୍ରସମାରାଧ୍ୟୋ ବୃହତୀପତ୍ରତୋଷିତଃ ।
ଦୂର୍ଵାୟୁଗ୍ମନମସ୍ୟାକୋ ଧୁତ୍ତୂରଦଲପୂଜିତଃ ॥ ୪୯ ॥
ଵିଷ୍ଣୁକ୍ରାନ୍ତସପର୍ୟାକୋ ଗଣ୍ଡଲୀପତ୍ରସେଵିତଃ ।
ଅର୍କପତ୍ରସୁସଂରାଧ୍ୟୋଽର୍ଜୁନପତ୍ରକପୂଜିତଃ ॥ ୫୦ ॥
ନାନାପତ୍ରସୁସମ୍ପ୍ରୀତୋ ନାନାପୁଷ୍ପସୁସେଵିତଃ ।
ସହସ୍ରାର୍ଚନପୂଜାୟାଂ ସହସ୍ରକମଲପ୍ରିୟଃ ॥ ୫୧ ॥
ପୁନ୍ନାଗପୁଷ୍ପସମ୍ପ୍ରୀତୋ ମନ୍ଦାରକୁସୁମପ୍ରିୟଃ ।
ବକୁଲପୁଷ୍ପସନ୍ତୁଷ୍ଟୋ ଧୁତ୍ତୂରସୁମଶେଖରଃ ॥ ୫୨ ॥
ରସାଲପୁଷ୍ପସଂଶୋଭୀ କେତକୀପୁଷ୍ପସୁପ୍ରିୟଃ ।
ପାରିଜାତପ୍ରସୂନାଢ୍ୟୋ ମାଧଵୀକୁନ୍ଦତୋଷିତଃ ॥ ୫୩ ॥
ଶମ୍ୟାଲଙ୍କାରସୁପ୍ରୀତୋ ମୃଣାଲପାଟଲୀପ୍ରିୟଃ ।
ଲକ୍ଷପଙ୍କଜପୂଜାୟାମଣିମାଦିପ୍ରସାଧକଃ ॥ ୫୪ ॥
ସମ୍ହିତାପଦପାଠାଦିଘନାନ୍ତଜ୍ଞାନଦାୟକଃ ।
ଅଷ୍ଟାଵଧାନସନ୍ଧାୟୀ ଶତାଵଧାନପୋଷକଃ ॥ ୫୫ ॥
ସାହସ୍ରିକାଵଧାନଶ୍ରୀପରିପାଟୀପ୍ରଵର୍ଧନଃ ।
ମନଶ୍ଚିନ୍ତିତଵିଜ୍ଞାତା ମନସା ଚିନ୍ତିତପ୍ରଦଃ ॥ ୫୬ ॥
ଭକ୍ତତ୍ରାଣଵ୍ୟଗ୍ରଚିତ୍ତଃ ସ୍ମୃତିମାତ୍ରାଭୟପ୍ରଦଃ ।
ସ୍ମୃତିମାତ୍ରାଖିଲତ୍ରାତା ସାଧକେଷ୍ଟଦତଲ୍ଲଜଃ ॥ ୫୭ ॥
ସ୍ଵସାଧକଵିପକ୍ଷଚ୍ଛିଦ୍ ଵିପକ୍ଷଜନଭକ୍ଷକଃ ।
ଵ୍ୟାଧିହନ୍ତା ଵ୍ୟଥାହନ୍ତା ମହାଵ୍ୟାଧିଵିନାଶନଃ ॥ ୫୮ ॥
ପୈତ୍ତିକାର୍ତିପ୍ରଶମନଃ ଶ୍ଲୈଷ୍ମିକସ୍ୟ ଵିନାଶକଃ ।
ଵାତିକଜ୍ଵରଵିଧ୍ଵଂସୀ ଶୂଲଗୁଲ୍ମାଦିନାଶନଃ ॥ ୫୯ ॥
ନେତ୍ରରୋଗପ୍ରଶମନୋ ନିତ୍ୟଜ୍ଵରଵିନାଶନଃ ।
କାସାଦିଵ୍ୟାଧିସଂହର୍ତା ସର୍ଵଜ୍ଵରଵିନାଶନଃ ॥ ୬୦ ॥
ଆଧିହନ୍ତା ତମୋହନ୍ତା ସର୍ଵାପଦ୍ଵିନିଵାରକଃ ।
ଧନଦାୟୀ ୟଶୋଦାୟୀ ଜ୍ଞାନଦାୟୀ ସୁରଦ୍ରୁମଃ ॥ ୬୧ ॥
କଲ୍ୟତ୍ଵଦାୟକଶ୍ଚିନ୍ତାମଣିରାୟୁଷ୍ୟଦାୟକଃ ।
ପରକାୟପ୍ରଵେଶାଦିୟୋଗସିଦ୍ଧିଵିଧାୟକଃ ॥ ୬୨ ॥
ମହାଧନିତ୍ଵସନ୍ଧାତା ଧରାଧୀଶତ୍ଵଦାୟକଃ ।
ତାପତ୍ରୟାଗ୍ନିସନ୍ତପ୍ତସମାହ୍ଲାଦନକୌମୁଦୀ ॥ ୬୩ ॥
ଜନ୍ମଵ୍ୟାଧିଜରାମୃତ୍ୟୁମହାଵ୍ୟାଧିଵିନାଶକଃ ।
ସଂସାରକାନନଚ୍ଛେତ୍ତା ବ୍ରହ୍ମଵିଦ୍ୟାପ୍ରକାଶକଃ ॥ ୬୪ ॥
ସଂସାରଭୟଵିଧ୍ଵଂସିପରାକାମକଲାଵପୁଃ ।
ଉଚ୍ଛିଷ୍ଟାଖ୍ୟଗଣାଧୀଶୋ ଵାମାଚରଣପୂଜିତଃ ॥ ୬୫ ॥
ନଵାକ୍ଷରୀମନ୍ତ୍ରରାଜୋ ଦଶଵର୍ଣକମନ୍ତ୍ରରାଟ୍ ।
ଏକାଦଶାକ୍ଷରୀରୂପଃ ସପ୍ତଵିଂଶତିଵର୍ଣକଃ ॥ ୬୬ ॥
ଷଟ୍ତ୍ରିଂଶଦର୍ଣସମ୍ପୂଜ୍ୟୋ ବଲିମନ୍ତ୍ରପ୍ରପୂଜିତଃ ।
ଦ୍ଵାଦଶାକ୍ଷରସନ୍ନିଷ୍ଠ ଏକୋନଵିଂଶତୀଷ୍ଟଦଃ ॥ ୬୭ ॥
ସପ୍ତଵର୍ଣାଧିକତ୍ରିଂଶଦର୍ଣମନ୍ତ୍ରସ୍ଵରୂପକଃ ।
ଦ୍ଵାତ୍ରିଂଶଦକ୍ଷରାରୂଢୋଽଦକ୍ଷିଣାଚାରସେଵିତଃ ॥ ୬୮ ॥
ପଞ୍ଚାଵୃତିକୟନ୍ତ୍ରୋଦ୍ଧଵରିଵସ୍ୟାଵିଧିପ୍ରିୟଃ ।
ନଵଵର୍ଣାଦିମନ୍ତ୍ରୌଘସମ୍ପ୍ରପୂଜିତପାଦୁକଃ ॥ ୬୯ ॥
ପରୌଘୀୟଗୁରୁଵ୍ୟୂହସନ୍ତର୍ପଣସୁସାଧିତଃ ।
ମହତ୍ପଦସମାୟୁକ୍ତପାଦୁକାପୂଜନପ୍ରିୟଃ ॥ ୭୦ ॥
ଦକ୍ଷିଣାଭିମୁଖେଶସ୍ୟ ପୂଜନେନ ଵରପ୍ରଦଃ ।
ଦିଵ୍ୟଵୃନ୍ଦସିଦ୍ଧଵୃନ୍ଦମାନଵୌଘନିଷେଵିତଃ ॥ ୭୧ ॥
ତ୍ରିଵାରଂ ମୂଲମନ୍ତ୍ରେଣ ବିନ୍ଦୁଚକ୍ରେ ସୁତର୍ପିତଃ ।
ଷଡଙ୍ଗଦେଵତାପୂଜ୍ୟଃ ଷଣ୍ମୁଖାମ୍ନାୟରାଜିତଃ ॥ ୭୨ ॥
ତୁଷାରସମଶୋଭାକହୃଦୟାମ୍ବାନମସ୍କୃତଃ ।
ସ୍ଫଟିକାଶ୍ମସମାନଶ୍ରୀଶିରୋଦେଵୀନିଷେଵିତଃ ॥ ୭୩ ॥
ଶ୍ୟାମଶୋଭାସମୁଜ୍ଜୃମ୍ଭିଶିଖାଦେଵୀପ୍ରପୂଜିତଃ ।
ଇନ୍ଦ୍ରନୀଲମଣିଚ୍ଛାୟକଵଚାମ୍ବାପରୀଵୃତଃ ॥ ୭୪ ॥
କୃଷ୍ଣଵର୍ଣସୁଶୋଭିଶ୍ରୀନେତ୍ରମାତୃସମାଵୃତଃ ।
ଆରୁଣ୍ୟୌଘନଦୀମଜ୍ଜଦସ୍ତ୍ରାମ୍ବାସେଵିତାଙ୍ଘ୍ରିକଃ ॥ ୭୫ ॥
ଵସୁଦଲାବ୍ଜମୂଲେଷୁ ଶକ୍ତ୍ୟଷ୍ଟକସମନ୍ଵିତଃ ।
ଵିଦ୍ୟାପୂଜ୍ୟୋ ଵିଶ୍ଵଧାତ୍ରୀଭୋଗଦାର୍ଚିତପାଦୁକଃ ॥ ୭୬ ॥
ଵିଘ୍ନନାଶିକୟା ପୂଜ୍ୟୋ ନିଧିପ୍ରଦପରୀଵୃତଃ ।
ପାପଘ୍ନିକାପୂଜ୍ୟପାଦଃ ପୁଣ୍ୟାଦେଵୀନିଷେଵିତଃ ॥ ୭୭ ॥
ଅନ୍ଵର୍ଥନାମସଂରାଜିଶଶିପ୍ରଭାପ୍ରପୂଜିତଃ ।
ଦଲାଷ୍ଟକସ୍ୟ ମଧ୍ୟେଷୁ ସିଦ୍ଧ୍ୟଷ୍ଟକପରୀଵୃତଃ ॥ ୭୮ ॥
ଅଣିମ୍ନୀପୂଜିତପଦୋ ମହିମ୍ନ୍ୟର୍ଚିତପାଦୁକଃ ।
ଲଘିନ୍ମୀଚିନ୍ତିତପଦୋ ଗରିମ୍ଣୀପୂଜିତାଙ୍ଘ୍ରିକଃ ॥ ୭୯ ॥
ଈଶିତ୍ଵାର୍ଚିତଦେଵେନ୍ଦ୍ରୋ ଵଶିତ୍ଵାର୍ଚିତଵୈଭଵଃ ।
ପ୍ରାକାମ୍ୟଦେଵୀସମ୍ପ୍ରୀତଃ ପ୍ରାପ୍ତିସିଦ୍ଧିପ୍ରପୂଜିତଃ ॥ ୮୦ ॥
ବାହ୍ୟାଷ୍ଟଦଲରାଜୀଵେ ଵକ୍ରତୁଣ୍ଡାଦିରୂପକଃ ।
ଵକ୍ରତୁଣ୍ଡ ଏକଦଂଷ୍ଟ୍ରୋ ମହୋଦରୋ ଗଜାନନଃ ॥ ୮୧ ॥
ଲମ୍ବୋଦରାଖ୍ୟୋ ଵିକଟୋ ଵିଘ୍ନରାଡ୍ ଧୂମ୍ରଵର୍ଣକଃ ।
ବହିରଷ୍ଟଦଲାଗ୍ରେଷୁ ବ୍ରାହ୍ମ୍ୟାଦିମାତୃସେଵିତଃ ॥ ୮୨ ॥
ମୃଗଚର୍ମାଵୃତସ୍ଵର୍ଣକାନ୍ତିବ୍ରାହ୍ମୀସମାଵୃତଃ ।
ନୃକପାଲାଦିସମ୍ବିଭ୍ରଚ୍ଚନ୍ଦ୍ରଗୌରମହେଶିକଃ ॥ ୮୩ ॥
ଇନ୍ଦ୍ରଗୋପାରୁଣଚ୍ଛାୟକୌମାରୀଵନ୍ଦ୍ୟପାଦୁକଃ ।
ନୀଲମେଘସମଚ୍ଛାୟଵୈଷ୍ଣଵୀସୁପରିଷ୍କୃତଃ ॥ ୮୪ ॥
ଅଞ୍ଜନାଦ୍ରିସମାନଶ୍ରୀଵାରାହୀପର୍ୟଲଙ୍କୃତଃ ।
ଇନ୍ଦ୍ରନୀଲପ୍ରଭାପୁଞ୍ଜଲସଦିନ୍ଦ୍ରାଣିକାୟୁତଃ ॥ ୮୫ ॥
ଶୋଣଵର୍ଣସମୁଲ୍ଲାସିଚାମୁଣ୍ଡାର୍ଚିତପାଦୁକଃ ।
ସ୍ଵର୍ଣକାନ୍ତିତିରସ୍କାରିମହାଲକ୍ଷ୍ମୀନିଷେଵିତଃ ॥ ୮୬ ॥
ଐରାଵତାଦିଵଜ୍ରାଦିଦେଵେନ୍ଦ୍ରାଦିପ୍ରପୂଜିତଃ ।
ପଞ୍ଚାଵୃତିନମସ୍ୟାୟାମଣିମାଦିପ୍ରକାଶକଃ ॥ ୮୭ ॥
ସଙ୍ଗୁପ୍ତଵିଦ୍ୟଃ ସଙ୍ଗୁପ୍ତଵରିଵସ୍ୟାଵିଧିପ୍ରିୟଃ ।
ଵାମାଚରଣସୁପ୍ରୀତଃ କ୍ଷିପ୍ରସନ୍ତୁଷ୍ଟମାନସଃ ॥ ୮୮ ॥
କୋଙ୍କାଚଲଶିରୋଵର୍ତୀ କୋଙ୍କାଚଲଜନପ୍ରିୟଃ ।
କୋଙ୍କାମ୍ବୁଦଜଲାସ୍ଵାଦୀ କାଵେରୀତୀରଵାସକଃ ॥ ୮୯ ॥
ଜାହ୍ନଵୀମଜ୍ଜନାସକ୍ତଃ କାଲିନ୍ଦୀମଜ୍ଜନେ ରତଃ ।
ଶୋଣଭଦ୍ରାଜଲୋଦ୍ଭୂତଃ ଶୋଣପାଷାଣରୂପକଃ ॥ ୯୦ ॥
ସରୟ୍ୟାପଃପ୍ରଵାହସ୍ଥଃ ନର୍ମଦାଵାରିଵାସକଃ ।
କୌଶିକୀଜଲସଂଵାସଶ୍ଚନ୍ଦ୍ରଭାଗାମ୍ବୁନିଷ୍ଠିତଃ ॥ ୯୧ ॥
ତାମ୍ରପର୍ଣୀତଟସ୍ଥାୟୀ ମହାସାରସ୍ଵତପ୍ରଦଃ ।
ମହାନଦୀତଟାଵାସୋ ବ୍ରହ୍ମପୁତ୍ରାମ୍ବୁଵାସକଃ ॥ ୯୨ ॥
ତମସାତମଆକାରୋ ମହାତମୋଽପହାରକଃ ।
କ୍ଷୀରାପଗାତୀରଵାସୀ କ୍ଷୀରନୀରପ୍ରଵର୍ଧକଃ ॥ ୯୩ ॥
କାମକୋଟୀପୀଠଵାସୀ ଶଙ୍କରାର୍ଚିତପାଦୁକଃ ।
ଋଶ୍ୟଶୃଙ୍ଗପୁରସ୍ଥାୟୀ ସୁରେଶାର୍ଚିତଵୈଭଵଃ ॥ ୯୪ ॥
ଦ୍ଵାରକାପୀଠସଂଵାସୀ ପଦ୍ମପାଦାର୍ଚିତାଙ୍ଘ୍ରିକଃ ।
ଜଗନ୍ନାଥପୁରସ୍ଥାୟୀ ତୋଟକାଚାର୍ୟସେଵିତଃ ॥ ୯୫ ॥
ଜ୍ୟୋତିର୍ମଠାଲୟସ୍ଥାୟୀ ହସ୍ତାମଲକପୂଜିତଃ ।
ଵିଦ୍ୟାଭୋଗୟଶୋମୋକ୍ଷୟୋଗଲିଙ୍ଗପ୍ରତିଷ୍ଠିତଃ ॥ ୯୬ ॥
ପଞ୍ଚଲିଙ୍ଗପ୍ରତିଷ୍ଠାୟୀ ଦ୍ଵାଦଶଲିଙ୍ଗସଂସ୍ଥିତଃ ।
କୋଲାଚଲପୁରସ୍ଥାୟୀ କାମେଶୀନଗରେଶ୍ଵରଃ ॥ ୯୭ ॥
ଜ୍ଵାଲାମୁଖୀମୁଖସ୍ଥାୟୀ ଶ୍ରୀଶୈଲକୃତଵାସକଃ ।
ଲଙ୍କେଶ୍ଵରଃ କୁମାରୀଶଃ କାଶୀଶୋ ମଥୁରେଶ୍ଵରଃ ॥ ୯୮ ॥
ମଲୟାଦ୍ରିଶିରୋଵାସୀ ମଲୟାନିଲସେଵିତଃ ।
ଶୋଣାଦ୍ରିଶିଖରାରୂଢଃ ଶୋଣାଦ୍ରୀଶପ୍ରିୟଙ୍କରଃ ॥ ୯୯ ॥
ଜମ୍ବୂଵନାନ୍ତମଧ୍ୟସ୍ଥୋ ଵଲ୍ମୀକପୁରମଧ୍ୟଗଃ ।
ପଞ୍ଚାଶତ୍ପୀଠନିଲୟୋ ପଞ୍ଚାଶଦକ୍ଷରାତ୍ମକଃ ॥ ୧୦୦ ॥
ଅଷ୍ଟୋତ୍ତରଶତକ୍ଷେତ୍ରୋଽଷ୍ଟୋତ୍ତରଶତପୂଜିତଃ ।
ରତ୍ନଶୈଲକୃତାଵାସଃ ଶୁଦ୍ଧଜ୍ଞାନପ୍ରଦାୟକଃ ॥ ୧୦୧ ॥
ଶାତକୁମ୍ଭଗିରିସ୍ଥାୟୀ ଶାତକୁମ୍ଭୋଦରସ୍ଥିତଃ ।
ଗୋମୟପ୍ରତିମାଵିଷ୍ଟଃ ଶ୍ଵେତାର୍କତନୁପୂଜିତଃ ॥ ୧୦୨ ॥
ହରିଦ୍ରାବିମ୍ବସୁପ୍ରୀତୋ ନିମ୍ବବିମ୍ବସୁପୂଜିତଃ ।
ଅଶ୍ଵତ୍ଥମୂଲସଂସ୍ଥାୟୀ ଵଟଵୃକ୍ଷାଧରସ୍ଥିତଃ ॥ ୧୦୩ ॥
ନିମ୍ବଵୃକ୍ଷସ୍ୟ ମୂଲସ୍ଥଃ ପ୍ରତିଗ୍ରାମାଧିଦୈଵତମ୍ ।
ଅଶ୍ଵତ୍ଥନିମ୍ବସଂୟୋଗେ ପ୍ରିୟାଲିଙ୍ଗିତମୂର୍ତିକଃ ॥ ୧୦୪ ॥
ଗମ୍ବୀଜରୂପ ଏକାର୍ଣୋ ଗଣାଧ୍ୟକ୍ଷୋ ଗଣାଧିପଃ ।
ଗ୍ଲୈମ୍ବୀଜାଖ୍ୟୋ ଗଣେଶାନୋ ଗୋଙ୍କାର ଏକଵର୍ଣକଃ ॥ ୧୦୫ ॥
ଵିରିରୂପୋ ଵିଘ୍ନହନ୍ତା ଦୃଷ୍ଟାଦୃଷ୍ଟଫଲପ୍ରଦଃ ।
ପତ୍ନୀଵରାଙ୍ଗସତ୍ପାଣିଃ ସିନ୍ଦୂରାଭଃ କପାଲଭୃତ୍ ॥। ୧୦୬ ॥
ଲକ୍ଷ୍ମୀଗଣେଶୋ ହେମାଭ ଏକୋନତ୍ରିଂଶଦକ୍ଷରଃ ।
ଵାମାଙ୍ଗାଵିଷ୍ଟଲକ୍ଷ୍ମୀକୋ ମହାଶ୍ରୀପ୍ରଵିଧାୟକଃ ॥ ୧୦୭ ॥
ତ୍ର୍ୟକ୍ଷରଃ ଶକ୍ତିଗଣପଃ ସର୍ଵସିଦ୍ଧିପ୍ରପୂରକଃ ।
ଚତୁରକ୍ଷରଶକ୍ତୀଶୋ ହେମଚ୍ଛାୟସ୍ତ୍ରିଣେତ୍ରକଃ ॥ ୧୦୮ ॥
କ୍ଷିପ୍ରପ୍ରସାଦପଙ୍କ୍ତ୍ୟର୍ଣୋ ରକ୍ତାଭଃ କଲ୍ପଵଲ୍ଲିଭୃତ୍ ।
ପଞ୍ଚଵକ୍ତ୍ରଃ ସିଂହଵାହୋ ହେରମ୍ବଶ୍ଚତୁରର୍ଣକଃ ॥ ୧୦୯ ॥
ସୁବ୍ରହ୍ମଣ୍ୟଗଣେଶାନୋ ଧାତ୍ଵର୍ଣଃ ସର୍ଵକାମଦଃ ।
ଅରୁଣାଭତନୁଶ୍ରୀକଃ କୁକ୍କୁଟୋଦ୍ୟତ୍କରାନ୍ଵିତଃ ॥ ୧୧୦ ॥
ଅଷ୍ଟାଵିଂଶତିଵର୍ଣାତ୍ମମନ୍ତ୍ରରାଜସୁପୂଜିତଃ ।
ଗନ୍ଧର୍ଵସିଦ୍ଧସଂସେଵ୍ୟୋ ଵ୍ୟାଘ୍ରଦ୍ଵିପାଦିଭୀକରଃ ॥ ୧୧୧ ॥
ମନ୍ତ୍ରଶାସ୍ତ୍ରମହୋଦନ୍ଵତ୍ସମୁଦ୍ୟତକଲାନିଧିଃ ।
ଜନସମ୍ବାଧସମ୍ମୋହୀ ନଵଦ୍ରଵ୍ୟଵିଶେଷକଃ ॥ ୧୧୨ ॥
କାମନାଭେଦସଂସିଦ୍ଧଵିଵିଧଧ୍ୟାନଭେଦକଃ ।
ଚତୁରାଵୃତ୍ତିସନ୍ତୃପ୍ତିପ୍ରୀତୋଽଭୀଷ୍ଟସମର୍ପକଃ ॥ ୧୧୩ ॥
ଚନ୍ଦ୍ରଚନ୍ଦନକାଶ୍ମୀରକସ୍ତୂରୀଜଲତର୍ପିତଃ ।
ଶୁଣ୍ଡାଗ୍ରଜଲସନ୍ତୃପ୍ତିକୈଵଲ୍ୟଫଲଦାୟକଃ ॥ ୧୧୪ ॥
ଶିରଃକୃତପୟସ୍ତୃପ୍ତିସର୍ଵସମ୍ପଦ୍ଵିଧାୟକଃ ।
ଗୁହ୍ୟଦେଶମଧୁଦ୍ରଵ୍ୟସନ୍ତୃପ୍ତ୍ୟା କାମଦାୟକଃ ॥ ୧୧୫ ॥
ନେତ୍ରଦ୍ଵୟମଧୁଦ୍ରଵ୍ୟତୃପ୍ତ୍ୟାକୃଷ୍ଟିଵିଧାୟକଃ ।
ପୃଷ୍ଠଦେଶଘୃତଦ୍ରଵ୍ୟତୃପ୍ତିଭୂପଵଶଙ୍କରଃ ॥ ୧୧୬ ॥
ଏରଣ୍ଡତୈଲସନ୍ତୃପ୍ତିରଣ୍ଡାକର୍ଷକନାଭିକଃ ।
ଊରୁୟୁଗ୍ମକତୈଲୀୟତର୍ପଣାତିପ୍ରମୋଦିତଃ ॥ ୧୧୭ ॥
ପ୍ରୀତିପ୍ରଵର୍ଧକାଂସୀୟପୟଃ ପୟଃପ୍ରତର୍ପଣଃ ।
ଧର୍ମଵର୍ଧକତୁଣ୍ଡୀୟଦ୍ରଵ୍ୟତ୍ରୟସୁତର୍ପଣଃ ॥ ୧୧୮ ॥
ଅଷ୍ଟଦ୍ରଵ୍ୟାହୁତିପ୍ରୀତୋ ଵିଵିଧଦ୍ରଵ୍ୟହୋମକଃ ।
ବ୍ରାହ୍ମମୁହୂର୍ତନିଷ୍ପନ୍ନହୋମକର୍ମପ୍ରସାଦିତଃ ॥ ୧୧୯ ॥
ମଧୁଦ୍ରଵ୍ୟକହୋମେନ ସ୍ଵର୍ଣସମୃଦ୍ଧିଵର୍ଧକଃ ।
ଗୋଦୁଗ୍ଧକୃତହୋମେନ ଗୋସମୃଦ୍ଧିଵିଧାୟକଃ ॥ ୧୨୦ ॥
ଆଜ୍ୟାହୁତିହୋମେନ ଲକ୍ଷ୍ମୀଲାସଵିଲାସକଃ ।
ଶର୍କରାହୁତିହୋମେନ କାଷ୍ଠାଷ୍ଟକୟଶଃପ୍ରଦଃ ॥ ୧୨୧ ॥
ଦଧିଦ୍ରଵ୍ୟକହୋମେନ ସର୍ଵସମ୍ପତ୍ତିଦାୟକଃ ।
ଶାଲ୍ୟନ୍ନକୃତହୋମେନାନ୍ନସମୃଦ୍ଧିଵିତାରକଃ ॥ ୧୨୨ ॥
ସତଣ୍ଡୁଲତିଲାହୁତ୍ୟା ଦ୍ରଵ୍ୟକଦମ୍ବପୂରକଃ ।
ଲାଜାହୁତିକହୋମେନ ଦିଗନ୍ତଵ୍ୟାପିକୀର୍ତିଦଃ ॥ ୧୨୩ ॥
ଜାତୀପ୍ରସୂନହୋମେନ ମେଧାପ୍ରଜ୍ଞାପ୍ରକାଶକଃ ।
ଦୂର୍ଵାତ୍ରିକୀୟହୋମେନ ପୂର୍ଣାୟୁଃପ୍ରତିପାଦକଃ ॥ ୧୨୪ ॥
ସୁପୀତସୁମହୋମେନ ଵୈରିଭୂପତିଶିକ୍ଷକଃ ।
ଵିଭୀତକସମିଦ୍ଧୋମୈଃ ସ୍ତମ୍ଭୋଚ୍ଚାଟନସିଦ୍ଧିଦଃ ॥ ୧୨୫ ॥
ଅପାମାର୍ଗସମିଦ୍ଧୋମୈଃ ପଣ୍ୟୟୋଷାଵଶଙ୍କରଃ ।
ଏରଣ୍ଡକସମିଦ୍ଧୋମୈଃ ରଣ୍ଡାସଙ୍ଘଵଶଙ୍କରଃ ॥ ୧୨୬ ॥
ନିମ୍ବଦ୍ରୁଦଲହୋମେନ ଵିଦ୍ଵେଷଣଵିଧାୟକଃ ।
ଘୃତାକ୍ତଦୌଗ୍ଧଶାଲ୍ୟନ୍ନହୋମୈରିଷ୍ଟଫଲପ୍ରଦଃ ॥ ୧୨୭ ॥
ତିଲାଦିଚତୁରାହୁତ୍ୟା ସର୍ଵପ୍ରାଣିଵଶଙ୍କରଃ ।
ନାନାଦ୍ରଵ୍ୟସମିଦ୍ଧୋମୈରାକର୍ଷଣାଦିସିଦ୍ଧିଦଃ ॥ ୧୨୮ ॥
ତ୍ରୈଲୋକ୍ୟମୋହନୋ ଵିଘ୍ନସ୍ତ୍ର୍ୟଧିକତ୍ରିଂଶଦର୍ଣକଃ ।
ଦ୍ଵାଦଶାକ୍ଷରଶକ୍ତୀଶଃ ପତ୍ନୀଵରାଙ୍ଗହସ୍ତକଃ ॥ ୧୨୯ ॥
ମୁକ୍ତାଚନ୍ଦ୍ରୌଘଦୀପ୍ତାଭୋ ଵିରିଵିଘ୍ନେଶପଦ୍ଧତିଃ ।
ଏକାଦଶାକ୍ଷରୀମନ୍ତ୍ରୌଲ୍ଲାସୀ ଭୋଗଗଣାଧିପଃ ॥ ୧୩୦ ॥
ଦ୍ଵାତ୍ରିଂଶଦର୍ଣସଂୟୁକ୍ତୋ ହରିଦ୍ରାଗଣପୋ ମହାନ୍ ।
ଜଗତ୍ତ୍ରୟହିତୋ ଭୋଗମୋକ୍ଷଦଃ କଵିତାକରଃ ॥ ୧୩୧ ॥
ଷଡର୍ଣଃ ପାପଵିଧ୍ଵଂସୀ ସର୍ଵସୌଭାଗ୍ୟଦାୟକଃ ।
ଵକ୍ରତୁଣ୍ଡାଭିଧଃ ଶ୍ରୀମାନ୍ ଭଜତାଂ କାମଦୋ ମଣିଃ ॥ ୧୩୨ ॥
ମେଘୋଲ୍କାଦିମହାମନ୍ତ୍ରଃ ସର୍ଵଵଶ୍ୟଫଲପ୍ରଦଃ ।
ଆଥର୍ଵଣିକମନ୍ତ୍ରାତ୍ମା ରାୟସ୍ପୋଷାଦିମନ୍ତ୍ରରାଟ୍ ॥ ୧୩୩ ॥
ଵକ୍ରତୁଣ୍ଡେଶଗାୟତ୍ରୀପ୍ରତିପାଦିତଵୈଭଵଃ ।
ପିଣ୍ଡମନ୍ତ୍ରାଦିମାଲାନ୍ତସର୍ଵମନ୍ତ୍ରୌଘଵିଗ୍ରହଃ ॥ ୧୩୪ ॥
ସଞ୍ଜପ୍ତିହୋମସନ୍ତୃପ୍ତିସେକଭୋଜନସାଧିତଃ ।
ପଞ୍ଚାଙ୍ଗକପୁରଶ୍ଚର୍ୟୋଽର୍ଣଲକ୍ଷଜପସାଧିତଃ ॥ ୧୩୫ ॥
କୋଟ୍ୟାଵୃତ୍ତିକସଞ୍ଜପ୍ତିସିଦ୍ଧୀଶ୍ଵରତ୍ଵଦାୟକଃ ।
କୃଷ୍ଣାଷ୍ଟମୀସମାରବ୍ଧମାସେନୈକେନ ସାଧିତଃ ॥ ୧୩୬ ॥
ମାତୃକୟା ପୁଟୀକୃତ୍ୟ ମାସେନୈକେନ ସାଧିତଃ ।
ଭୂତଲିପ୍ୟା ପୁଟୀକୃତ୍ୟ ମାସେନୈକେନ ସାଧିତଃ ॥ ୧୩୭ ॥
ତ୍ରିଷଷ୍ଟ୍ୟକ୍ଷରସଂୟୁକ୍ତମାତୃକାପୁଟସିଦ୍ଧିଦଃ ।
କୃଷ୍ଣାଷ୍ଟମୀସମାରବ୍ଧଦିନସପ୍ତକସିଦ୍ଧିଦଃ ॥ ୧୩୮ ॥
ଅର୍କେଦୁଗ୍ରହକାଲୀନଜପାଜ୍ଝଟିତିସିଦ୍ଧିଦଃ ।
ନିଶାତ୍ରିକାଲପୂଜାକମାସେନୈକେନ ସିଦ୍ଧିଦଃ ॥ ୧୩୯ ॥
ମନ୍ତ୍ରାର୍ଣୌଷଧିନିଷ୍ପନ୍ନଗୁଟିକାଭିଃ ସୁସିଦ୍ଧିଦଃ ।
ସୂର୍ୟୋଦୟସମାରମ୍ଭଦିନେନୈକେନ ସାଧିତଃ ॥ ୧୪୦ ॥
ସହସ୍ରାରାମ୍ବୁଜାରୂଢଦେଶିକସ୍ମୃତିସିଦ୍ଧିଦଃ ।
ଶିଵୋହମ୍ଭାଵନାସିଦ୍ଧସର୍ଵସିଦ୍ଧିଵିଲାସକଃ ॥ ୧୪୧ ॥
ପରାକାମକଲାଧ୍ୟାନସିଦ୍ଧୀଶ୍ଵରତ୍ଵଦାୟକଃ ।
ଅକାରୋଽଗ୍ରିୟପୂଜାକୋଽମୃତାନନ୍ଦଦାୟକଃ ॥ ୧୪୨ ॥
ଅନନ୍ତୋଽନନ୍ତାଵତାରେଷ୍ଵନନ୍ତଫଲଦାୟକଃ ।
ଅଷ୍ଟାଙ୍ଗପାତସମ୍ପ୍ରୀତୋଽଷ୍ଟଵିଧଭୈଥୁନପ୍ରିୟଃ ॥ ୧୪୩ ॥
ଅଷ୍ଟପୁଷ୍ପସମାରାଧ୍ୟୋଽଷ୍ଟାଧ୍ୟାୟୀଜ୍ଞାନଦାୟକଃ ।
ଆରବ୍ଧକର୍ମନିର୍ଵିଘ୍ନପୂରୟିତାଽଽକ୍ଷପାଟିକଃ ॥ ୧୪୪ ॥
ଇନ୍ଦ୍ରଗୋପସମାନଶ୍ରୀରିକ୍ଷୁଭକ୍ଷଣଲାଲସଃ ।
ଈଙ୍କାରଵର୍ଣସମ୍ବୁଦ୍ଧପରାକାମକଲାତ୍ମକଃ ॥ ୧୪୫ ॥
ଈଶାନପୁତ୍ର ଈଶାନ ଈଷଣାତ୍ରୟମାର୍ଜକଃ ।
ଉଦ୍ଦଣ୍ଡ ଉଗ୍ର ଉଦଗ୍ର ଉଣ୍ଡେରକବଲିପ୍ରିୟଃ ॥ ୧୪୬ ॥
ଊର୍ଜସ୍ଵାନୂଷ୍ମଲମଦ ଊହାପୋହଦୁରାସଦଃ ।
ଋଜୁଚିତ୍ତୈକସୁଲଭ ଋଣତ୍ରୟଵିମୋଚକଃ ॥ ୧୪୭ ॥
ଋଗର୍ଥଵେତ୍ତା ୠକାର ୠକାରାକ୍ଷରରୂପଧୃକ୍ ।
ଌଵର୍ଣରୂପୋ ୡଵର୍ଣୋ ୡକାରାକ୍ଷରପୂଜିତଃ ॥ ୧୪୮ ॥
ଏଧିତାଖିଲଭକ୍ତଶ୍ରୀରେଧିତାଖିଲସଂଶ୍ରୟଃ ।
ଏକାରରୂପ ଐକାର ଐମ୍ପୁଟିତସ୍ମୃତିନ୍ଦୁକଃ ॥ ୧୪୯ ॥
ଓଙ୍କାରଵାଚ୍ୟ ଓଙ୍କାର ଓଙ୍କାରାକ୍ଷରରୂପଧୃକ୍ ।
ଔଙ୍କାରାଢ୍ୟଗଭୂୟୁକ୍ତ ଔମ୍ପୂର୍ଵୟୁଗ୍ଗକାରକଃ ॥ ୧୫୦ ॥
ଅଂଶାଂଶିଭାଵସନ୍ଦୃଷ୍ଟୋଶାଂଶିଭାଵଵିଵର୍ଜିତଃ ।
ଅଃ କାରାନ୍ତସମସ୍ତାଚ୍କଵର୍ଣମଣ୍ଡଲପୂଜିତଃ ॥ ୧୫୧ ॥
କତୃତୀୟଵିସର୍ଗାଢ୍ୟଃ କତୃତୀୟାର୍ଣକେଵଲଃ ।
କର୍ପୂରତିଲକୋଦ୍ଭାସିଲଲାଟୋର୍ଧ୍ଵପ୍ରଦେଶକଃ ॥ ୧୫୨ ॥
ଖଲ୍ଵାଟଭୂମିସମ୍ରକ୍ଷୀ ଖଲ୍ଵାଟବୁଦ୍ଧିଭେଷଜମ୍ ।
ଖଟ୍ଵାଙ୍ଗାୟୁଧସଂୟୁକ୍ତଃ ଖଡ୍ଗୋଦ୍ୟତକରାନ୍ଵିତଃ ॥ ୧୫୩ ॥
ଖଣ୍ଡିତାଖିଲଦୁର୍ଭିକ୍ଷଃ ଖନିଲକ୍ଷ୍ମୀପ୍ରଦର୍ଶକଃ ।
ଖଦିରାଧିକସାରାଢ୍ୟଃ ଖଲୀକୃତଵିପକ୍ଷକଃ ॥ ୧୫୪ ॥
ଗାନ୍ଧର୍ଵଵିଦ୍ୟାଚତୁରୋ ଗନ୍ଧର୍ଵନିକରପ୍ରିୟଃ ।
ଘପୂର୍ଵବୀଜସନ୍ନିଷ୍ଠୋ ଘୋରଘର୍ଘରବୃଂହିତଃ ॥ ୧୫୫ ॥
ଘଣ୍ଟାନିନାଦସନ୍ତୁଷ୍ଟୋ ଘାର୍ଣୋ ଘନାଗମପ୍ରିୟଃ ।
ଚର୍ତୁର୍ଵେଦେଷୁ ସଙ୍ଗୀତଶ୍ଚତୁର୍ଥଵେଦନିଷ୍ଠିତଃ ॥ ୧୫୬ ॥
ଚତୁର୍ଦଶସଂୟୁକ୍ତଚତୁର୍ୟୁକ୍ତଚତୁଶ୍ଶତଃ ।
ଚତୁର୍ଥୀପୂଜନପ୍ରୀତଶ୍ଚତୁରାତ୍ମା ଚତୁର୍ଗତିଃ ॥ ୧୫୭ ॥
ଚତୁର୍ଥୀତିଥିସମ୍ଭୂତଶ୍ଚତୁର୍ଵର୍ଗଫଲପ୍ରଦଃ ।
ଛତ୍ରୀଚ୍ଛଦ୍ମଚ୍ଛଲଶ୍ଛନ୍ଦୋଵପୁଶ୍ଛନ୍ଦାଵତାରକଃ ॥ ୧୫୮ ॥
ଜଗଦ୍ବନ୍ଧୁର୍ଜଗନ୍ମାତା ଜଗଦ୍ରକ୍ଷୀ ଜଗନ୍ମୟଃ ।
ଜଗଦ୍ୟୋନିର୍ଜଗଦ୍ରୂପୋ ଜଗଦାତ୍ମା ଜଗନ୍ନିଧିଃ ॥ ୧୫୯ ॥
ଜରାମରଣଵିଧ୍ଵଂସୀ ଜଗଦାନନ୍ଦଦାୟକଃ ।
ଜାଗୁଡାନୁକୃତିଚ୍ଛାୟୋ ଜାଗ୍ରଦାଦିପ୍ରକାଶକଃ ॥ ୧୬୦ ॥
ଜାମ୍ବୂନଦସମଚ୍ଛାୟୋ ଜପସମ୍ପ୍ରୀତମାନସଃ ।
ଜପୟୋଗସୁସଂଵେଦ୍ୟୋ ଜପତତ୍ପରସିଦ୍ଧିଦଃ ॥ ୧୬୧ ॥
ଜପାକୁସୁମସଙ୍କାଶୋ ଜାତୀପୂଜକଵାକ୍ପ୍ରଦଃ ।
ଜୟନ୍ତୀଦିନସୁପ୍ରୀତୋ ଜୟନ୍ତୀପୂଜିତାଙ୍ଘ୍ରିକଃ ॥ ୧୬୨ ॥
ଜଗଦ୍ଭାନତିରସ୍କାରୀ ଜଗଦ୍ଭାନତିରୋହିତଃ ।
ଜଗଦ୍ରୂପମହାମାୟାଧିଷ୍ଠାନଚିନ୍ମୟାତ୍ମକଃ ॥ ୧୬୩ ॥
ଝଞ୍ଝାନିଲସମଶ୍ଵାସୀ ଝିଲ୍ଲିକାସମକାନ୍ତିକଃ ।
ଝଲଝ୍ଝଲାସୁସଂଶୋଭିଶୂର୍ପାକୃତିଦ୍ଵିକର୍ଣକଃ ॥ ୧୬୪ ॥
ଟଙ୍କକର୍ମଵିନାଭାଵସ୍ଵୟମ୍ଭୂତକଲେଵରଃ ।
ଠକ୍କୁରଷ୍ଠକ୍କୁରାରାଧ୍ୟଷ୍ଠକ୍କୁରାକୃତିଶୋଭିତଃ ॥ ୧୬୫ ॥
ଡିଣ୍ଡିମସ୍ଵନସଂଵାଦୀ ଡମରୁପ୍ରିୟପୁତ୍ରକଃ ।
ଢକ୍କାଵାଦନସନ୍ତୁଷ୍ଟୋ ଢୁଣ୍ଡିରାଜଵିନାୟକଃ ॥ ୧୬୬ ॥
ତୁନ୍ଦିଲସ୍ତୁନ୍ଦିଲଵପୁସ୍ତପନସ୍ତାପରୋଷହା ।
ତାରକବ୍ରହ୍ମସଂସ୍ଥାନସ୍ତାରାନାୟକଶେଖରଃ ॥ ୧୬୭ ॥
ତାରୁଣ୍ୟାଢ୍ୟଵଧୂସଙ୍ଗୀ ତତ୍ତ୍ଵଵେତ୍ତା ତ୍ରିକାଲଵିତ୍ ।
ସ୍ଥୂଲଃ ସ୍ଥୂଲକରଃ ସ୍ଥେୟଃ ସ୍ଥିତିକର୍ତା ସ୍ଥିତିପ୍ରଦଃ ॥ ୧୬୮ ॥
ସ୍ଥାଣୁଃ ସ୍ଥିରଃ ସ୍ଥଲେଶାୟୀ ସ୍ଥାଣ୍ଡିଲକୁଲପୂଜିତଃ ।
ଦୁଃଖହନ୍ତା ଦୁଃଖଦାୟୀ ଦୁର୍ଭିକ୍ଷାଦିଵିନାଶକଃ ॥ ୧୬୯ ॥
ଧନଧାନ୍ୟପ୍ରଦୋ ଧ୍ୟେୟୋ ଧ୍ୟାନସ୍ତିମିତଲୋଚନଃ ।
ଧୀରୋ ଧୀର୍ଧୀରଧୀର୍ଧୁର୍ୟୋ ଧୁରୀଣତ୍ଵପ୍ରଦାୟକଃ ॥ ୧୭୦ ॥
ଧ୍ୟାନୟୋଗୈକସନ୍ଦୃଷ୍ଟୋ ଧ୍ୟାନୟୋଗୈକଲମ୍ପଟଃ ।
ନାରାୟଣପ୍ରିୟୋ ନମ୍ୟୋ ନରନାରୀଜନାଶ୍ରୟଃ ॥ ୧୭୧ ॥
ନଗ୍ନପୂଜନସନ୍ତୁଷ୍ଟୋ ନଗ୍ନନୀଲାସମାଵୃତଃ ।
ନିରଞ୍ଜନୋ ନିରାଧାରୋ ନିର୍ଲେପୋ ନିରଵଗ୍ରହଃ ॥ ୧୭୨ ॥
ନିଶୀଥିନୀନମସ୍ୟାକୋ ନିଶୀଥିନୀଜପପ୍ରିୟଃ ।
ନାମପାରାୟଣପ୍ରୀତୋ ନାମରୂପପ୍ରକାଶକଃ ॥ ୧୭୩ ॥
ପୁରାଣପୁରୁଷଃ ପ୍ରାତସ୍ସନ୍ଧ୍ୟାରୁଣଵପୁଃପ୍ରଭଃ ।
ଫୁଲ୍ଲପୁଷ୍ପସମୂହଶ୍ରୀସମ୍ଭୂଷିତସୁମସ୍ତକଃ ॥ ୧୭୪ ॥
ଫାଲ୍ଗୁନାନୁଜପୂଜାକଃ ଫେତ୍କାରତନ୍ତ୍ରଵର୍ଣିତଃ ।
ବ୍ରାହ୍ମଣାଦିସମାରାଧ୍ୟୋ ବାଲପୂଜ୍ୟୋ ବଲପ୍ରଦଃ ॥ ୧୭୫ ॥
ବାଣାର୍ଚିତପଦଦ୍ଵନ୍ଦ୍ଵୋ ବାଲକେଲିକୁତୂହଲଃ ।
ଭଵାନୀହୃଦୟାନନ୍ଦୀ ଭାଵଗମ୍ୟୋ ଭଵାତ୍ମଜଃ ॥ ୧୭୬ ॥
ଭଵେଶୋ ଭଵ୍ୟରୂପାଢ୍ୟୋ ଭାର୍ଗଵେଶୋ ଭୃଗୋଃ ସୁତଃ ।
ଭଵ୍ୟୋ ଭଵ୍ୟକଲାୟୁକ୍ତୋ ଭାଵନାଵଶତତ୍ପରଃ ॥ ୧୭୭ ॥
ଭଗଵାନ୍ ଭକ୍ତିସୁଲଭୋ ଭୟହନ୍ତା ଭୟପ୍ରଦଃ ।
ମାୟାଵୀ ମାନଦୋ ମାନୀ ମନୋଭିମାନଶୋଧକଃ ॥ ୧୭୮ ॥
ମହାହଵୋଦ୍ୟତକ୍ରୀଡୋ ମନ୍ଦହାସମନୋହରଃ ।
ମନସ୍ଵୀ ମାନଵିଧ୍ଵଂସୀ ମଦଲାଲସମାନସଃ ॥ ୧୭୯ ॥
ୟଶସ୍ଵୀ ୟଶଆଶଂସୀ ୟାଜ୍ଞିକୋ ୟାଜ୍ଞିକପ୍ରିୟଃ ।
ରାଜରାଜେଶ୍ଵରୋ ରାଜା ରାମୋ ରମଣଲମ୍ପଟଃ ॥ ୧୮୦ ॥
ରସରାଜସମାସ୍ଵାଦୀ ରସରାଜୈକପୂଜିତଃ ।
ଲକ୍ଷ୍ମୀଵାନ୍ ଲକ୍ଷ୍ମସମ୍ପନ୍ନୋ ଲକ୍ଷ୍ୟୋ ଲକ୍ଷଣସଂୟୁତଃ ॥ ୧୮୧ ॥
ଲକ୍ଷ୍ୟଲକ୍ଷଣଭାଵସ୍ଥୋ ଲୟୟୋଗଵିଭାଵିତଃ ।
ଵୀରାସନସମାସୀନୋ ଵୀରଵନ୍ଦ୍ୟୋ ଵରେଣ୍ୟଦଃ ॥ ୧୮୨ ॥
ଵିଵିଧାର୍ଥଜ୍ଞାନଦାତା ଵେଦଵେଦାନ୍ତଵିତ୍ତମଃ ।
ଶିଖିଵାହସମାରୂଢଃ ଶିଖିଵାହନନାଥିତଃ ॥ ୧୮୩ ॥
ଶ୍ରୀଵିଦ୍ୟୋପାସନପ୍ରୀତଃ ଶ୍ରୀଵିଦ୍ୟାମନ୍ତ୍ରଵିଗ୍ରହଃ ।
ଷଡାଧାରକ୍ରମପ୍ରୀତଃ ଷଡାମ୍ନାୟେଷୁ ସଂସ୍ଥିତଃ ॥ ୧୮୪ ॥
ଷଡ୍ଦର୍ଶନୀପାରଦୃଶ୍ଵା ଷଡଧ୍ଵାତୀତରୂପକଃ ।
ଷଡୂର୍ମିଵୃନ୍ଦଵିଧ୍ଵଂସୀ ଷଟ୍କୋଣମଧ୍ୟଵିନ୍ଦୁଗଃ ॥ ୧୮୫ ॥
ଷଟ୍ତ୍ରିଂଶତ୍ତତ୍ତ୍ଵସନ୍ନିଷ୍ଠଃ ଷଟ୍କର୍ମସନ୍ଘସିଦ୍ଧିଦଃ ।
ଷଡ୍ଵୈରିଵର୍ଗଵିଧ୍ଵଂସିଵିଘ୍ନେଶ୍ଵରଗଜାନନଃ ॥ ୧୮୬ ॥
ସତ୍ତାଜ୍ଞାନାଦିରୂପାଢ୍ୟଃ ସାହସାଦ୍ଭୁତଖେଲନଃ ।
ସର୍ପରୂପଧରଃସଂଵିତ୍ ସଂସାରାମ୍ବୁଧିତାରକଃ ॥ ୧୮୭ ॥
ସର୍ପସଙ୍ଘସମାଶ୍ଲିଷ୍ଟଃ ସର୍ପକୁଣ୍ଡଲିତୋଦରଃ ।
ସପ୍ତଵିଂଶତିଋକ୍ପୂଜ୍ୟଃ ସ୍ଵାହାୟୁଙ୍ମନ୍ତ୍ରଵିଗ୍ରହଃ ॥ ୧୮୮ ॥
ସର୍ଵକର୍ମସମାରମ୍ଭସମ୍ପୂଜିତପଦଦ୍ଵୟଃ ।
ସ୍ଵୟମ୍ଭୂଃ ସତ୍ୟସଙ୍କଲ୍ପଃ ସ୍ଵୟମ୍ପ୍ରକାଶମୂର୍ତିକଃ ॥ ୧୮୯ ॥
ସ୍ଵୟମ୍ଭୂଲିଙ୍ଗସଂସ୍ଥାୟୀ ସ୍ଵୟମ୍ଭୂଲିଙ୍ଗପୂଜିତଃ ।
ହଵ୍ୟୋ ହୁତପ୍ରିୟୋ ହୋତା ହୁତଭୁଗ୍ ହଵନପ୍ରିୟଃ ॥ ୧୯୦ ॥
ହରଲାଲନସନ୍ତୁଷ୍ଟୋ ହଲାହଲାଶିପୁତ୍ରକଃ ।
ହ୍ରୀଙ୍କାରରୂପୋ ହୁଙ୍କାରୋ ହାହାକାରସମାକୁଲଃ ॥ ୧୯୧ ॥
ହିମାଚଲସୁତାସୂନୁର୍ହେମଭାସ୍ଵରଦେହକଃ ।
ହିମାଚଲଶିଖାରୂଢୋ ହିମଧାମସମଦ୍ୟୁତିଃ ॥ ୧୯୨ ॥
କ୍ଷୋଭହନ୍ତା କ୍ଷୁଧାହନ୍ତା କ୍ଷୈଣ୍ୟହନ୍ତା କ୍ଷମାପ୍ରଦଃ ।
କ୍ଷମାଧାରୀ କ୍ଷମାୟୁକ୍ତଃ କ୍ଷପାକରନିଭଃ କ୍ଷମୀ ॥ ୧୯୩ ॥
କକାରାଦିକ୍ଷକାରାନ୍ତସର୍ଵହଲ୍କପ୍ରପୂଜିତଃ ।
ଅକାରାଦିକ୍ଷକାରାନ୍ତଵର୍ଣମାଲାଵିଜୃମ୍ଭିତଃ ॥ ୧୯୪ ॥
ଅକାରାଦିକ୍ଷକାରାନ୍ତମହାସରସ୍ଵତୀମୟଃ ।
ସ୍ଥୂଲତମଶରୀରାଢ୍ୟଃ କାରୁକର୍ମଵିଜୃମ୍ଭିତଃ ॥ ୧୯୫ ॥
ସ୍ଥୂଲତରସ୍ଵରୂପାଢ୍ୟଶ୍ଚକ୍ରଜାଲପ୍ରକାଶିତଃ ।
ସ୍ଥୂଲରୂପସମୁଜ୍ଜୃମ୍ଭୀ ହୃଦବ୍ଜଧ୍ୟାତରୂପକଃ ॥ ୧୯୬ ॥
ସୂକ୍ଷ୍ମରୂପସମୁଲ୍ଲାସୀ ମନ୍ତ୍ରଜାଲସ୍ଵରୂପକଃ ।
ସୂକ୍ଷ୍ମତରତନୁଶ୍ରୀକଃ କୁଣ୍ଡଲିନୀସ୍ଵରୂପକଃ ॥ ୧୯୭ ॥
ସୂକ୍ଷ୍ମତମଵପୁଶ୍ଶୋଭୀ ପରାକାମକଲାତନୁଃ ।
ପରରୂପସମୁଦ୍ଭାସୀ ସଚ୍ଚିଦାନନ୍ଦଵିଗ୍ରହଃ ॥ ୧୯୮ ॥
ପରାପରଵପୁର୍ଧାରୀ ସପ୍ତରୂପଵିଲାସିତଃ ।
ଷଡାମ୍ନାୟମହାମନ୍ତ୍ରନିକୁରୁମ୍ବନିଷେଵିତଃ ॥ ୧୯୯ ॥
ତତ୍ପୁରୁଷମୁଖୋତ୍ପନ୍ନପୂର୍ଵାମ୍ନାୟମନୁପ୍ରିୟଃ ।
ଅଘୋରମୁଖସଞ୍ଜାତଦକ୍ଷିଣାମ୍ନାୟପୂଜିତଃ ॥ ୨୦୦ ॥
ସଦ୍ୟୋଜାତମୁଖୋତ୍ପନ୍ନପଶ୍ଚିମାମ୍ନାୟସେଵିତଃ ।
ଵାମଦେଵମୁଖୋତ୍ପନ୍ନୋତ୍ତରାମ୍ନାୟପ୍ରପୂଜିତଃ ॥ ୨୦୧ ॥
ଈଶାନମୁଖସଞ୍ଜାତୋର୍ଧ୍ଵାମ୍ନାୟମନୁସେଵିତଃ ।
ଵିମର୍ଶମୁଖସଞ୍ଜାତାନୁତ୍ତରାମ୍ନାୟପୂଜିତଃ ॥ ୨୦୨ ॥
ତୋଟକାଚାର୍ୟସନ୍ଦିଷ୍ଟପୂର୍ଵାମ୍ନାୟକମନ୍ତ୍ରକଃ ।
ସୁରେଶସମୁପାଦିଷ୍ଟଦକ୍ଷିଣାମ୍ନାୟମନ୍ତ୍ରକଃ ॥ ୨୦୩ ॥
ପଦ୍ମପାଦସମାଦିଷ୍ଟପଶ୍ଚିମାମ୍ନାୟମନ୍ତ୍ରକଃ ।
ହସ୍ତାମଲକସନ୍ଦିଷ୍ଟୋତ୍ତରାମ୍ନାୟକମନ୍ତ୍ରକଃ ॥ ୨୦୪ ॥
ଶଙ୍କରାଚାର୍ୟସନ୍ଦିଷ୍ଟୋର୍ଧ୍ଵାମ୍ନାୟାଖିଲମନ୍ତ୍ରକଃ ।
ଦକ୍ଷିଣାମୂର୍ତିସନ୍ନିଷ୍ଠାନୁତ୍ତରାମ୍ନାୟମନ୍ତ୍ରକଃ ॥ ୨୦୫ ॥
ସହଜାନନ୍ଦସନ୍ନିଷ୍ଠସର୍ଵାମ୍ନାୟପ୍ରକାଶକଃ ।
ପୂର୍ଵାମ୍ନାୟକମନ୍ତ୍ରୌଘୈଃ ସୃଷ୍ଟିଶକ୍ତିପ୍ରକାଶକଃ ॥ ୨୦୬ ॥
ଦକ୍ଷିଣାମ୍ନାୟମନ୍ତ୍ରୌଘୈଃ ସ୍ଥିତିଶକ୍ତିପ୍ରକାଶକଃ ।
ପଶ୍ଚିମାମ୍ନାୟମନ୍ତ୍ରୌଘୈର୍ହୃତିଶକ୍ତିପ୍ରକାଶକଃ ॥ ୨୦୭ ॥
ଉତ୍ତରାମ୍ନାୟମନ୍ତ୍ରୌଘୈସ୍ତିରୋଧାନପ୍ରକାଶକଃ ।
ଊର୍ଧ୍ଵାମ୍ନାୟକମନ୍ତ୍ରୌଘୈରନୁଗ୍ରହପ୍ରକାଶକଃ ॥ ୨୦୮ ॥
ଅନୁତ୍ତରଗମନ୍ତ୍ରୌଘୈଃ ସହଜାନନ୍ଦଲାସକଃ ।
ସର୍ଵାମ୍ନାୟକସନ୍ନିଷ୍ଠାନୁସ୍ୟୂତଚିତ୍ସୁଖାତ୍ମକଃ ॥ ୨୦୯ ॥
ସୃଷ୍ଟିକର୍ତା ବ୍ରହ୍ମରୂପୋ ଗୋପ୍ତା ଗୋଵିନ୍ଦରୂପକଃ ।
ସଂହାରକୃଦ୍ରୁଦ୍ରରୂପସ୍ତିରୋଧାୟକ ଈଶ୍ଵରଃ ॥ ୨୧୦ ॥
ସଦାଶିଵୋଽନୁଗ୍ରହୀତା ପଞ୍ଚକୃତ୍ୟପରାୟଣଃ ।
ଅଣିମାଦିଗୁଣାସ୍ପୃଷ୍ଟୋ ନିର୍ଗୁଣାନନ୍ଦରୂପକଃ ॥ ୨୧୧ ॥
ସର୍ଵାତ୍ମଭାଵନାରୂପଃ ସୁଖମାତ୍ରାନୁଭାଵକଃ ।
ସ୍ଵସ୍ଵରୂପସୁସଂଶୋଭୀ ତାଟସ୍ଥିକସ୍ଵରୂପକଃ ॥ ୨୧୨ ॥
ଷଡ୍ଗୁଣୋଽଖିଲକଲ୍ୟାଣଗୁଣରାଜିଵିରାଜିତଃ ।
ୟଜ୍ଞାଗ୍ନିକୁଣ୍ଡସମ୍ଭୂତଃ କ୍ଷୀରସାଗରଭଧ୍ୟଗଃ ॥ ୨୧୩ ॥
ତ୍ରିଦଶକାରୁନିଷ୍ପନ୍ନସ୍ଵାନନ୍ଦଭଵନସ୍ଥିତଃ ।
ଊରୀକୃତେଶପୁତ୍ରତ୍ଵୋ ନୀଲଵାଣୀଵିଵାହିତଃ ॥ ୨୧୪ ॥
ନୀଲସରସ୍ଵତୀମନ୍ତ୍ରଜପତାତ୍ପର୍ୟସିଦ୍ଧିଦଃ ।
ଵିଦ୍ୟାଵଦସୁରଧ୍ଵଂସୀ ସୁରରକ୍ଷାସମୁଦ୍ୟତଃ ॥ ୨୧୫ ॥
ଚିନ୍ତାମଣିକ୍ଷେତ୍ରଵାସୀ ଚିନ୍ତିତାଖିଲପୂରକଃ ।
ମହାପାପୌଘଵିଧ୍ଵଂସୀ ଦେଵେନ୍ଦ୍ରକୃତପୂଜନଃ ॥ ୨୧୬ ॥
ତାରାରମ୍ଭୀ ନମୋୟୁକ୍ତୋ ଭଗଵତ୍ପଦଡେନ୍ତଗଃ ।
ଏକଦଂଷ୍ଟ୍ରାୟସଂୟୁକ୍ତୋ ହସ୍ତିମୁଖାୟସଂୟୁତଃ ॥ ୨୧୭ ॥
ଲମ୍ବୋଦରଚତୁର୍ଥ୍ୟନ୍ତଵିରାଜିତକଲେବରଃ ।
ଉଚ୍ଛିଷ୍ଟପଦସଂରାଜୀ ମହାତ୍ମନେପଦପ୍ରିୟଃ ॥ ୨୧୮ ॥
ଆଙ୍କ୍ରୋଂହ୍ରୀଙ୍ଗଂସମାୟୁକ୍ତୋ ଘେଧେସ୍ଵାହାସମାପିତଃ ।
ତାରାରବ୍ଧମହାମନ୍ତ୍ରୋ ହସ୍ତିମୁଖାନ୍ତଙେୟୁତଃ ॥ ୨୧୯ ॥
ଲମ୍ବୋଦରାୟସଂୟୁକ୍ତୋ ଡେନ୍ତୋଚ୍ଛିଷ୍ଟମହାତ୍ମୟୁକ୍ ।
ପାଶାଙ୍କୁଶତ୍ରପାମାରୋ ହୃଲ୍ଲେଖାସମଲଙ୍କୃତଃ ॥ ୨୨୦ ॥
ଵର୍ମଘେଘେସମାରୂଢ ଉଚ୍ଛିଷ୍ଟାୟପଦୋପଧଃ ।
ଵହ୍ନିଜାୟାସୁଂସମ୍ପୂର୍ଣୋ ମନ୍ତ୍ରରାଜଦ୍ଵୟାନ୍ଵିତଃ ॥ ୨୨୧ ॥
ହେରମ୍ବାଖ୍ୟଗଣେଶାନୋ ଲକ୍ଷ୍ମୀୟୁତଗଜାନନଃ ।
ତାରୁଣ୍ୟେଶୋ ବାଲରୂପୀ ଶକ୍ତୀଶୋ ଵୀରନାମକଃ ॥ ୨୨୨
ଊର୍ଧ୍ଵସମାଖ୍ୟ ଉଚ୍ଛିଷ୍ଟୋ ଵିଜୟୋ ନୃତ୍ୟକର୍ମକଃ ।
ଵିଘ୍ନଵିଧ୍ଵଂସିଵିଘ୍ନେଶୋ ଦ୍ଵିଜପୂର୍ଵଗଣାଧିପଃ ॥ ୨୨୩ ॥
କ୍ଷିପ୍ରେଶୋ ଵଲ୍ଲଭାଜାନିର୍ଭକ୍ତୀଶଃ ସିଦ୍ଧିନାୟକଃ ।
ଦ୍ଵ୍ୟଷ୍ଟାଵତାରସମ୍ଭିନ୍ନଲୀଲାଵୈଵିଧ୍ୟଶୋଭିତଃ ॥ ୨୨୪ ॥
ଦ୍ଵାତ୍ରିଂଶଦଵତାରାଢ୍ୟୋ ଦ୍ଵାତ୍ରିଂଶଦ୍ଦୀକ୍ଷଣକ୍ରମଃ ।
ଶୁଦ୍ଧଵିଦ୍ୟାସମାରବ୍ଧମହାଷୋଡଶିକାନ୍ତିମଃ ॥ ୨୨୫ ॥
ମହତ୍ପଦସମାୟୁକ୍ତପାଦୁକାସମ୍ପ୍ରତିଷ୍ଠିତଃ ।
ପ୍ରଣଵାଦିସ୍ତ୍ରିତାରୀୟୁଗ୍ ବାଲାବୀଜକଶୋଭିତଃ ॥ ୨୨୬ ॥
ଵାଣୀଭୂବୀଜସଂୟୁକ୍ତୋ ହଂସତ୍ରୟସମନ୍ଵିତଃ ।
ଖେଚରୀବୀଜସମ୍ଭିନ୍ନୋ ନଵନାଥସୁଶୋଭିତଃ ॥ ୨୨୭ ॥
ପ୍ରାସାଦଶ୍ରୀସମାୟୁକ୍ତୋ ନଵନାଥଵିଲୋମକଃ ।
ପରାପ୍ରାସାଦବୀଜାଢ୍ୟୋ ମହାଗଣେଶମନ୍ତ୍ରକଃ ॥ ୨୨୮ ॥
ବାଲାକ୍ରମୋତ୍କ୍ରମପ୍ରୀତୋ ୟୋଗବାଲାଵିଜୃମ୍ଭିତଃ ।
ଅନ୍ନପୂର୍ଣାସମାୟୁକ୍ତୋ ବାଜିଵାହାଵିଲାସିତଃ ॥ ୨୨୯ ॥
ସୌଭାଗ୍ୟପୂର୍ଵଵିଦ୍ୟାୟୁଙ୍ ରମାଦିଷୋଡଶୀୟୁତଃ ।
ଉଚ୍ଛିଷ୍ଟପୂର୍ଵଚାଣ୍ଡାଲୀସମାୟୁକ୍ତସୁଵିଗ୍ରହଃ ॥ ୨୩୦ ॥
ତ୍ରୟୋଦଶାର୍ଣଵାଗ୍ଦେଵୀସମୁଲ୍ଲସିତମୂର୍ତିକଃ ।
ନକୁଲୀମାତୃସଂୟୁକ୍ତୋ ମହାମାତଙ୍ଗିନୀୟୁତଃ ॥ ୨୩୧ ॥
ଲଘୁଵାର୍ତାଲିକାୟୁକ୍ତସ୍ଵପ୍ନଵାର୍ତାଲିକାନ୍ଵିତଃ ।
ତିରସ୍କାରିସମାୟୁକ୍ତୋ ମହାଵାର୍ତାଲିକାୟୁତଃ ॥ ୨୩୨ ॥
ପରାବୀଜସମାୟୁକ୍ତୋ ଲୋପାମୁଦ୍ରାଵିଜୃମ୍ଭିତଃ ।
ତ୍ରୟୋଦଶାକ୍ଷରୀହାଦିଜ୍ଞପ୍ତିଵିଦ୍ୟାସମନ୍ଵିତଃ ॥ ୨୩୩ ॥
ମହାଵାକ୍ୟମହାମାତୃଚତୁଷ୍ଟୟଵିଲାସିତଃ ।
ବ୍ରହ୍ମଣ୍ୟରସବୀଜାଢ୍ୟବ୍ରହ୍ମଣ୍ୟଦ୍ଵୟଶେଭିତଃ ॥ ୨୩୪ ॥
ସପ୍ତଦଶାକ୍ଷରୀଶୈଵତତ୍ତ୍ଵଵିମର୍ଶିନୀୟୁତଃ ।
ଚତୁର୍ଵିଂଶତିଵର୍ଣାତ୍ମଦକ୍ଷିଣାମୂର୍ତିଶୋଭିତଃ ॥ ୨୩୫ ॥
ରଦନାକ୍ଷରସଂଶୋଭିଗଣପୋଚ୍ଛିଷ୍ଟମନ୍ତ୍ରକଃ ।
ଗିରିଵ୍ୟାହୃତିଵର୍ଣାତ୍ମଗଣପୋଚ୍ଛିଷ୍ଟରାଜକଃ ॥ ୨୩୬ ॥
ହଂସତ୍ରୟସମାରୁଢୋ ରସାଵାଣୀସମର୍ପିତଃ ।
ଶ୍ରୀଵିଦ୍ୟାନନ୍ଦନାଥାଢ୍ୟ ଆତ୍ମକପଦସଂୟୁତଃ ॥ ୨୩୭ ॥
ଶ୍ରୀଚର୍ୟାନନ୍ଦନାଥାଢ୍ୟଃ ଶ୍ରୀମହାପାଦୁକାଶ୍ରିତଃ ।
ପୂଜୟାମିପଦପ୍ରୀତୋ ନମଃପଦସମାପିତଃ ॥ ୨୩୮ ॥
ଗୁରୁମୁଖୈକସଂଵେଦ୍ୟୋ ଗୁରୁମଣ୍ଡଲପୂଜିତଃ ।
ଦୀକ୍ଷାଗୁରୁସମାରବ୍ଧଶିଵାନ୍ତଗୁରୁସେଵିତଃ ॥ ୨୩୯ ॥
ସମାରାଧ୍ୟପଦଦ୍ଵନ୍ଦ୍ଵୋ ଗୁରୁଭିଃ କୁଲରୂପିଭିଃ ।
ଵିଦ୍ୟାଵତାରଗୁରୁଭିଃ ସମ୍ପୂଜିତପଦଦ୍ଵୟଃ ॥ ୨୪୦ ॥
ପରୌଘୀୟଗୁରୁପ୍ରୀତୋ ଦିଵ୍ୟୌଘଗୁରୁପୂଜିତଃ ।
ସିଦ୍ଧୌଘଦେଶିକାରାଧ୍ୟୋ ମାନଵୌଘନିଷେଵିତଃ ॥ ୨୪୧ ॥
ଗୁରୁତ୍ରୟସମାରାଧ୍ୟୋ ଗୁରୁଷଟ୍କପ୍ରପୂଜିତଃ ।
ଶାମ୍ଭଵୀକ୍ରମସମ୍ପୂଜ୍ୟୋଽଶୀତ୍ୟୁତ୍ତରଶତାର୍ଚିତଃ ॥ ୨୪୨ ॥
କ୍ଷିତ୍ୟାଦିରଶ୍ମିସନ୍ନିଷ୍ଠୋ ଲଙ୍ଘିତାଖିଲରଶ୍ମିକଃ ।
ଷଡନ୍ଵୟକ୍ରମାରାଧ୍ୟୋ ଦେଶିକାନ୍ଵୟରକ୍ଷିତଃ ॥ ୨୪୩ ॥
ସର୍ଵଶ୍ରୁତିଶିରୋନିଷ୍ଠପାଦୁକାଦ୍ଵୟଵୈଭଵଃ ।
ପରାକାମକଲାରୂପଃ ଶିଵୋହମ୍ଭାଵନାତ୍ମକଃ ॥ ୨୪୪ ॥
ଚିଚ୍ଛକ୍ତ୍ୟାଖ୍ୟପରାହଂୟୁକ୍ ସର୍ଵଜ୍ଞାନିସ୍ଵରୂପକଃ ।
ସଂଵିଦ୍ବିନ୍ଦୁସମାଖ୍ୟାତୋଽପରାକାମକଲାମୟଃ ॥ ୨୪୫ ॥
ମାୟାଵିଶିଷ୍ଟସର୍ଵେଶୋ ମହାବିନ୍ଦୁସ୍ଵରୂପକଃ ।
ଅଣିମାଦିଗୁଣୋପେତଃ ସର୍ଜନାଦିକ୍ରିୟାନ୍ଵିତଃ ॥ ୨୪୬ ॥
ମାୟାଵିଶିଷ୍ଟଚୈତନ୍ୟୋଽଗଣ୍ୟରୂପଵିଲାସକଃ ।
ମିଶ୍ରକାମକଲାରୂପୋଽଗ୍ନୀଷୋମୀୟସ୍ଵରୂପକଃ ॥ ୨୪୭ ॥
ମିଶ୍ରବିନ୍ଦୁସମାଖ୍ୟାକୋ ଜୀଵଵୃନ୍ଦସମାଶ୍ରିତଃ ।
କାମକଲାତ୍ରୟାଵିଷ୍ଟୋ ବିନ୍ଦୁତ୍ରୟଵିଲାସିତଃ ॥ ୨୪୮ ॥
କାମକଲାତ୍ରୟଧ୍ୟାନସର୍ଵବନ୍ଧଵିମୋଚକଃ ।
ବିନ୍ଦୁତ୍ରୟୈକତାଧ୍ୟାନଵିକଲେବରମୁକ୍ତିଦଃ ॥ ୨୪୯ ॥
ମହାୟଜନସମ୍ପ୍ରୀତୋ ଵୀରଚର୍ୟାଧରପ୍ରିୟଃ ।
ଅନ୍ତର୍ୟାଗକ୍ରମାରାଧ୍ୟୋ ବହିର୍ୟାଗପୁରସ୍କୃତଃ ॥ ୨୫୦ ॥
ଆତ୍ମୟାଗସମାରାଧ୍ୟଃ ସର୍ଵଵିଶ୍ଵନିୟାମକଃ ।
ମାତୃକାଦଶକନ୍ୟାସଦେଵତାଭାଵସିଦ୍ଧିଦଃ ॥ ୨୫୧ ॥
ପ୍ରପଞ୍ଚୟାଗନ୍ୟାସେନ ସର୍ଵେଶ୍ଵରତ୍ଵଦାୟକଃ ।
ଲଘୁଷୋଢାମହାଷୋଢାନ୍ୟାସଦ୍ଵୟସମର୍ଚିତଃ ॥ ୨୫୨ ॥
ଶ୍ରୀଚକ୍ରତ୍ରିଵିଧନ୍ୟାସମହାସିଦ୍ଧିଵିଧାୟକଃ ।
ରଶ୍ମିମାଲାମହାନ୍ୟାସଵଜ୍ରଵର୍ମସ୍ଵରୂପକଃ ॥ ୨୫୩ ॥
ହଂସପରମହଂସାଖ୍ୟନ୍ୟାସଦ୍ଵୟଵିଭାଵିତଃ ।
ମହାପଦାଵନୀନ୍ୟାସକଲାଶତାଧିକାଷ୍ଟକଃ ॥ ୨୫୪ ॥
ତ୍ରିପୁରାପୂଜନପ୍ରୀତଃ ତ୍ରିପୁରାପୂଜକପ୍ରିୟଃ ।
ନଵାଵୃତିମହାୟଜ୍ଞସଂରକ୍ଷଣଧୁରନ୍ଧରଃ ॥ ୨୫୫ ॥
ଲମ୍ବୋଦରମହାରୂପୋ ଭୈରଵୀଭୈରଵାତ୍ମକଃ ।
ଉତ୍କୃଷ୍ଟଶିଷ୍ଟସଦ୍ଵସ୍ତୁ ପରସଂଵିତ୍ତିରୂପକଃ ॥ ୨୫୬ ॥
ଶୁଭାଶୁଭକରଂ କର୍ମ ଜୀଵୟାତ୍ରାଵିଧାୟକଃ ।
ସଚ୍ଚିତ୍ସୁଖଂ ନାମ ରୂପମଧିଷ୍ଠାନାତ୍ମକଃ ପରଃ ॥ ୨୫୭ ॥
ଆରୋପିତଜଗଜ୍ଜାତଂ ମିଥ୍ୟାଜ୍ଞାନମମଙ୍ଗଲମ୍ ।
ଅକାରାଦିକ୍ଷକାରାନ୍ତଃ ଶବ୍ଦସୃଷ୍ଟିସ୍ଵରୂପକଃ ॥ ୨୫୮ ॥
ପରାଵାଗ୍ ଵିମର୍ଶରୂପୀ ପଶ୍ୟନ୍ତୀ ସ୍ଫୋଟରୂପଧୃକ୍ ।
ମଧ୍ୟମା ଚିନ୍ତନାରୂପୋ ଵୈଖରୀ ସ୍ଥୂଲଵାଚକଃ ॥ ୨୫୯ ॥
ଧ୍ଵନିରୂପୋ ଵର୍ଣରୂପୀ ସର୍ଵଭାଷାତ୍ମକୋଽପରଃ ।
ମୂଲାଧାରଗତଃ ସୁପ୍ତଃ ସ୍ଵାଧିଷ୍ଠାନେ ପ୍ରପୂଜିତଃ ॥ ୨୬୦ ॥
ମଣିପୂରକମଧ୍ୟସ୍ଥୋଽନାହତାମ୍ବୁଜମଧ୍ୟଗଃ ।
ଵିଶୁଦ୍ଧିପଙ୍କଜୋଲ୍ଲାସ ଆଜ୍ଞାଚକ୍ରାବ୍ଜଵାସକଃ ॥ ୨୬୧ ॥
ସହସ୍ରାରାମ୍ବୁଜାରୂଢଃ ଶିଵଶକ୍ତ୍ୟୈକ୍ୟରୂପକଃ ।
ମୂଲକୁଣ୍ଡଲିନୀରୂପୋ ମହାକୁଣ୍ଡଲିନୀମୟଃ ॥ ୨୬୨ ॥
ଷୋଡଶାନ୍ତମହାସ୍ଥାନୋଽସ୍ପର୍ଶାଭିଧମହାସ୍ଥିତିଃ ।
ଇଦଂ ନାମସହସ୍ରଂ ତୁ ସର୍ଵସମ୍ପତ୍ପ୍ରଦାୟକମ୍ ।
ଧନଧାନ୍ୟସୁତାଦ୍ୟଷ୍ଟଲକ୍ଷ୍ମୀଵୃନ୍ଦପ୍ରଵର୍ଧକମ୍ ॥ ୨୬୩ ॥
ସର୍ଵଵନ୍ଧ୍ୟାତ୍ଵଦୋଷଘ୍ନଂ ସତ୍ସନ୍ତାନପ୍ରଦାୟକମ୍ ।
ସର୍ଵଜ୍ଵରାର୍ତିଶମନଂ ଦୀର୍ଘାୟୁଷ୍ୟପ୍ରଦାୟକମ୍ ॥ ୨୬୪ ॥
ଧର୍ମମର୍ଥଂ କାମମୋକ୍ଷୌ ଝଟିତୀଦଂ ପ୍ରଦାସ୍ୟତି ।
ନିଷ୍କାମୋ ଵା ସକାମୋ ଵା ସର୍ଵ ଏତତ୍ପ୍ରସାଧୟେତ୍ ॥ ୨୬୫ ॥
ଇତି ଉଡ୍ଡାମରେଶ୍ଵରତନ୍ତ୍ରେ କ୍ଷିପ୍ରପ୍ରସାଦନପଟଲେ
ଗୁହ୍ୟନାମ ଉଚ୍ଛିଷ୍ଟଗଣେଶସହସ୍ରନାମସ୍ତୋତ୍ରମ୍ ।