Proof read by DPD, NA. The text is available in Mahakala Samhita Guhyakali Khanda, Part II edited by Dr. Kishor Nath Jha. The verse numbers renumbered as marked 1855 to 2060 from Mahakalasamhita original text, dashama patalah.
॥ Guhyakali Sahasranama Stotram Bengali Lyrics ॥
॥ গুহ্যকাল্যাঃ সহস্রনামস্তোত্রম্ ॥
মহাকালসংহিতায়াং
(পূর্বপীঠিকা)
দেব্যুবাচ –
য়দুক্তং ভবতা পূর্বং প্রাণেশ করুণাবশাত্ ॥ ১ ॥ (১৮৫৫)
নাম্নাং সহস্রং দেব্যাস্তু তদিদানীং বদপ্রভো ।
শ্রী মহাকাল উবাচ –
অতিপ্রীতোঽস্মি দেবেশি তবাহং বচসামুনা ॥ ২ ॥
সহস্রনামস্তোত্রং য়ত্ সর্বেষামুত্তমোত্তমম্ ।
সুগোপিতং য়দ্যপি স্যাত্ কথয়িষ্যে তথাপি তে ॥ ৩ ॥
দেব্যাঃ সহস্রনামাখ্যং স্তোত্রং পাপৌঘমর্দনম্ ।
মহ্যং পুরা ভুবঃ কল্পে ত্রিপুরঘ্নেন কীর্তিতম্ ॥ ৪ ॥
আজ্ঞপ্তশ্চ তথা দেব্যা প্রত্যক্ষঙ্গতয়া তয়া ।
ত্বয়ৈতত্ প্রত্যহং পাঠ্যং স্তোত্রং পরমদুর্লভম্ ॥ ৫ ॥
মহাপাতকবিধ্বংসি সর্বসিদ্ধিবিধায়কম্ ।
মহাভাগ্যপ্রদং দিব্যং সঙ্গ্রামে জয়কারকম্ ॥ ৬ ॥
বিপক্ষদর্পদলনং বিপদম্ভোধিতারকম্ ।
কৃত্যাভিচারশমনং মহাবিভবদায়কম্ ॥ ৭ ॥
মনশ্চিন্তিতকার্যৈকসাধকং বাগ্মিতাকরম্ ।
আয়ুরারোগ্যজনকং বলপুষ্টিপ্রদং পরম্ ॥ ৮ ॥
নৃপতস্করভীতিঘ্নং বিবাদে জয়বর্ধনম্ ।
পরশত্রুক্ষয়করং কৈবল্যামৃতহৈতুকম্ ॥ ৯ ॥
সিদ্ধিরত্নাকরং শ্রেষ্ঠং সদ্যঃ প্রত্যয়কারকম্ ।
নাতঃ পরতরং দেব্যাঃ অস্ত্যন্যত্ তুষ্টিদং পরমং ॥ ১০ ॥
নাম্নাং সহস্রং গুহ্যায়াঃ কথয়িষ্যামি তে প্রিয়ে ।
য়ত্পূর্বং সর্বদেবানাং মন্ত্ররূপতয়া স্থিতম্ ॥ ১১ ॥
দৈত্যদানবয়ক্ষাণাং গন্ধর্বোরগরক্ষসাম্ ।
প্রাণবত্ কণ্ঠদেশস্থং য়ত্স্বপ্নেঽপ্যপরিচ্যুতম্ ॥ ১২ ॥
দেবর্ষীণাং মুনীনাং চ বেদবদ্রসনাগতম্ ।
সার্বভৌমমহীপালৈঃ প্রত্যহং য়চ্চ পঠ্যতে ॥ ১৩ ॥
ময়া চ ত্রিপুরঘ্নেন জপ্যতে য়দ্দিনে দিনে ।
য়স্মাত্ পরং নো ভবিতা স্তোত্রং ত্রিজগতীতলে ॥ ১৪ ॥
বেদবন্মন্ত্রবদ্ য়চ্চ শিববক্ত্রবিনির্গতম্ ।
য়ন্নান্যতন্ত্রাগমেষু য়ামলে ডামরে ন চ ॥ ১৫ ॥
ন চান্যসংহিতাগ্রন্থে নৈব ব্রহ্মাণ্ডগোলকে ।
সংসারসাগরং তর্তুমেতত্ পোতবদিষ্যতে ॥ ১৬ ॥
নানাবিধমহাসিদ্ধিকোষরূপং মহোদয়ম্ ।
য়া দেবী সর্বদেবানাং য়া মাতা জগদোকসাম্ ॥ ১৭ ॥
য়া সৃর্ষ্টিকর্ত্রীং দেবানাং বিশ্বাবিত্রী চ য়া স্মৃতা ।
য়া চ ত্রিলোক্যাঃ সংহর্ত্রী য়া দাত্রী সর্বসম্পদাম্ ॥ ১৮ ॥
ব্রহ্মাণ্ডং য়া চ বিষ্টভ্য তিষ্ঠত্যমরপূজিতা ।
পুরাণোপনিষদ্বেদ্যা য়া চৈকা জগদম্বিকা ॥ ১৯ ॥
য়স্যাঃ পরং নান্যদস্তি কিমপীহ জগত্ত্রয়ে ।
সা গুহ্যাস্য প্রসাদেন বশীভূতেব তিষ্ঠতি ॥ ২০ ॥
অত এব মহত্স্তোত্রমেতজ্জগতি দুর্লভম্ ।
পঠনীয়ং প্রয়ত্নেন পরং পদমভীপ্সুভিঃ ॥ ২১ ॥
কিমন্যৈঃ স্তোত্রবিস্তারৈর্নায়ং চেত্ পঠিতোঽভবত্ ।
কিমন্যৈঃ স্তোত্রবিস্তারৈরয়ং চেত্ পঠিতো ভবেত্ ॥ ২২ ॥
দুর্বাসসে নারদায় কপিলায়াত্রয়ে তথা ।
দক্ষায় চ বসিষ্ঠায় সংবর্তায় চ বিষ্ণবে ॥ ২৩ ॥
অন্যেভ্যোঽপি দেবেভ্যোঽবদং স্তোত্রমিদং পুরা ।
ইদানীং কথয়িষ্যামি তব ত্রিদশবন্দিতে ॥ ২৪ ॥
ইদং শৃণুষ্ব য়ত্নেন শ্রুত্বা চৈবাবধারয় ।
ধৃত্বাঽন্যেভ্যোঽপি দেহি ত্বং য়ান্ বৈ কৃপয়সে সদা ॥ ২৫ ॥
অথ বিনিয়োগঃ
ওঁ অস্য শ্রীগুহ্যকালীসহস্রনামস্তোত্রস্য শ্রীত্রিপুরঘ্ন ঋষিঃ ।
অনুষ্টুপ্ ছন্দঃ । একবক্ত্রাদিশতবক্ত্রান্তা শ্রীগুহ্যকালীদেবতা ।
ফ্রূং বীজং । খ্রৈং খ্রৈং শক্তিঃ । ছ্রীং খ্রীং কীলকং ।
পুরুষার্থচতুষ্টয়সাধনপূর্বকশ্রীচণ্ডয়োগেশ্বরীপ্রীত্যর্থে
জপে বিনিয়োগঃ । ওঁ তত্সত্ ।
অথ শ্রীগুহ্যকালীসহস্রনামস্তোত্রম্ ।
ওঁ ফ্রেং করালী চামুণ্ডা চণ্ডয়োগেশ্বরী শিবা ।
দুর্গা কাত্যায়নী সিদ্ধিবিকরালী মনোজবা ॥ ১ ॥ (১৮৮০)
উল্কামুখী ফেরুরাবা ভীষণা ভৈরবাসনা ।
কপালিনী কালরাত্রির্গৌরী কঙ্কালধারিণী ॥ ২ ॥
শ্মশানবাসিনী প্রেতাসনা রক্তোদধিপ্রিয়া ।
য়োগমাতা মহারাত্রিঃ পঞ্চকালানলস্থিতা ॥ ৩ ॥
রুদ্রাণী রৌদ্ররূপা চ রুধিরদ্বীপচারিণী ।
মুণ্ডমালাধরা চণ্ডী বলবর্বরকুন্তলা ॥ ৪ ॥
মেধা মহাডাকিনী চ য়োগিনী য়োগিবন্দিতা ।
কৌলিনী কুরুকুল্লা চ ঘোরা পিঙ্গজটা জয়া ॥ ৫ ॥
সাবিত্রী বেদজননী গায়ত্রী গগনালয়া ।
নবপঞ্চমহাচক্রনিলয়া দারুণস্বনা ॥ ৬ ॥
উগ্রা কপর্দিগৃহিণী জগদাদ্যা জনাশ্রয়া ।
কালকর্ণী কুণ্ডলিনী ভূতপ্রেতগণাধিপা ॥ ৭ ॥
জালন্ধরী মসীদেহা পূর্ণানন্দপতঙ্গিনী ।
পালিনী পাবকাভাসা প্রসন্না পরমেশ্বরী ॥ ৮ ॥
রতিপ্রিয়া রোগহরী নাগহারা নগাত্মজা ।
অব্যয়া বীতরাগা চ ভবানী ভূতধারিণী ॥ ৯ ॥
কাদম্বিনী নীলদেহা কালী কাদম্বরীপ্রিয়া ।
মাননীয়া মহাদেবী মহামণ্ডলবর্তিনী ॥ ১০ ॥
মহামাংসাশনীশানী চিদ্রূপা বাগগোচরা ।
য়জ্ঞাম্বুজামনাদেবী দর্বীকরবিভূষিতা ॥ ১১ ॥
চণ্ডমুণ্ডপ্রমথনী খেচরী খেচরোদিতা ।
তমালশ্যামলা তীব্রা তাপিনী তাপনাশিনী ॥ ১২ ॥
মহামায়া মহাদংষ্ট্রা মহোরগবিরাজিতা ।
লম্বোদরী লোলজটা লক্ষ্ম্যালক্ষ্মীপ্রদায়িনী ॥ ১৩ ॥
ধাত্রী ধারাধরাকারা ধোরণী ধাবনপ্রিয়া ।
হরজায়া হরারাধ্যা হরিবক্ত্রা হরীশ্বরী ॥ ১৪ ॥
বিশ্বেশ্বরী বজ্রনখী স্বরারোহা বলপ্রদা ।
ঘোণকী ঘর্ঘরারাবা ঘোরাঘৌঘপ্রণাশিনী ॥ ১৫ ॥
কল্পান্তকারিণী ভীমা জ্বালামালিন্যবাময়া ।
সৃষ্টিঃ স্থিতিঃ ক্ষোভণা চ করালা চাপরাজিতা ॥ ১৬ ॥
বজ্রহস্তানন্তশক্তির্বিরূপা চ পরাপরা ।
ব্রহ্মাণ্ডমর্দিনী প্রধ্বংসিনী লক্ষভুজা সতী ॥ ১৭ ॥
বিদ্যুজ্জিহ্বা মহাদংষ্ট্রা ছায়াধ্বরসুতাদ্যহৃত্ ।
মহাকালাগ্নিমূর্তিশ্চ মেঘনাদা কটঙ্কটা ॥ ১৮ ॥
প্রদীপ্তা বিশ্বরূপা চ জীবদাত্রী জনেশ্বরী ।
সাক্ষিণী শর্বরী শান্তা শমমার্গপ্রকাশিকা ॥ ১৯ ॥
ক্ষেত্রজ্ঞা ক্ষেপণী ক্ষম্যাঽক্ষতা ক্ষামোদরী ক্ষিতিঃ ।
অপ্রমেয়া কুলাচারকর্ত্রী কৌলিকপালিনী ॥ ২০ ॥
মাননীয়া মনোগম্যা মেনানন্দপ্রদায়িনী ।
সিদ্ধান্তখনিরধ্যক্ষা মুণ্ডিনী মণ্ডলপ্রিয়া ॥ ২১ ॥
বালা চ য়ুবতী বৃদ্ধা বয়োতীতা বলপ্রদা ।
রত্নমালাধরা দান্তা দর্বীকরবিরাজিতা ॥ ২২ ॥
ধর্মমূর্তির্ধ্বান্তরুচির্ধরিত্রী ধাবনপ্রিয়া ।
সঙ্কল্পিনী কল্পকরী কলাতীতা কলস্বনা ॥ ২৩ ॥
বসুন্ধরা বোধদাত্রী বর্ণিনী বানরানরা ।
বিদ্যা বিদ্যাত্মিকা বন্যা বন্ধনী বন্ধনাশিনী ॥ ২৪ ॥
গেয়া জটাজটরম্যা জরতী জাহ্নবী জডা ।
তারিণী তীর্থরূপা চ তপনীয়া তনূদরী ॥ ২৫ ॥
তাপত্রয়হরা তাপী তপস্যা তাপসপ্রিয়া ।
ভোগিভূষ্যা ভোগবতী ভগিনী ভগমালিনী ॥ ২৬ ॥
ভক্তিলভ্যা ভাবগম্যা ভূতিদা ভববল্লভা ।
স্বাহারূপা স্বধারূপা বষট্কারস্বরূপিণী ॥ ২৭ ॥
হন্তা কৃতির্নমোরূপা য়জ্ঞাদির্যজ্ঞসম্ভবা ।
স্ফ্যসূর্পচমসাকারা স্রক্স্রু বাকৃতিধারিণী ॥ ২৮ ॥
উদ্গীথহিংকারদেহা নমঃ স্বস্তিপ্রকাশিনী ।
ঋগ্যজুঃ সামরূপা চ মন্ত্রব্রাহ্মণরূপিণী ॥ ২৯ ॥
সর্বশাখাময়ী খর্বা পীবর্যুপনিষদ্বুধা ।
রৌদ্রী মৃত্যুঞ্জয়াচিন্তামণির্বৈহায়সী ধৃতিঃ ॥ ৩০ ॥
তার্তীয়া হংসিনী চান্দ্রী তারা ত্রৈবিক্রমী স্থিতিঃ ।
য়োগিনী ডাকিনী ধারা বৈদ্যুতী বিনয়প্রদা ॥ ৩১ ॥
উপাংশুর্মানসী বাচ্যা রোচনা রুচিদায়িনী ।
সত্বাকৃতিস্তমোরূপা রাজসী গুণবর্জিতা ॥ ৩২ ॥
আদিসর্গাদিকালীনভানবী নাভসী তথা ।
মূলাধারা কুণ্ডলিনী স্বাধিপ্ঠানপরায়ণা ॥ ৩৩ ॥
মণিপূরকবাসা চ বিশুদ্ধানাহতা তথা ।
আজ্ঞা প্রজ্ঞা মহাসংজ্ঞা বর্বরা ব্যোমচারিণী ॥ ৩৪ ॥
বৃহদ্রথন্তরাকারা জ্যেষ্ঠা চাথর্বণী তথা ।
প্রাজাপত্যা মহাব্রাহ্মী হূংহূঙ্কারা পতঙ্গিনী ॥ ৩৫ ॥
রাক্ষসী দানবী ভূতিঃ পিশাচী প্রত্যনীকরা ।
উদাত্তাপ্যনুদাত্তা চ স্বরিতা নিঃস্বরাপ্যজা ॥ ৩৬ ॥
নিষ্কলা পুষ্কলা সাধ্বী সা নুতা খণ্ডরূপিণী ।
গূঢা পুরাণা চরমা প্রাগ্ভবী বামনী ধ্রুবা ॥ ৩৭ ॥
কাকীমুখী সাকলা চ স্থাবরা জঙ্গমেশ্বরী ।
ঈডা চ পিঙ্গলা চৈব সুষুম্ণা ধ্যানগোচরা ॥ ৩৮ ॥
সর্গা বিসর্গা ধমনী কম্পিনী বন্ধনী হিতা ।
সঙ্কোচিনী ভাসুরা চ নিম্না দৃপ্তা প্রকাশিনী ॥ ৩৯ ॥
প্রবুদ্ধা ক্ষেপণী ক্ষিপ্তা পূর্ণালস্যা বিলম্বিতা ।
আবেশিনী ঘর্ঘরা চ রূক্ষা ক্লিন্না সরস্বতী ॥ ৪০ ॥
স্নিগ্ধা চণ্ডা কুহূঃ পূষা বারণা চ য়শস্বিনী ।
গান্ধারী শঙ্খিনী চৈব হস্তিজিহ্বা পয়স্বিনী ॥ ৪১ ॥
বিশ্বোদরালম্বুষা চ বিভ্রা তেজস্বিনী সতী ।
অব্যক্তা গালনী মন্দা মুদিতা চেতনাপি চ ॥ ৪২ ॥
দ্রাবণী চপলা লম্বা ভ্রামরী মধুমত্যপি ।
ধর্মা রসবহা চণ্ডী সৌবীরী কপিলা তথা ॥ ৪৩ ॥
রণ্ডোত্তরা কর্ষিণী চ রেবতী সুমুখী নটী ।
রজন্যাপ্যায়নী বিশ্বদূতা চন্দ্রা কপর্দিনী ॥ ৪৪ ॥
নন্দা চন্দ্রাবতী মৈত্রী বিশালাপি চ মাণ্ডবী ।
বিচিত্রা লোহিনীকল্পা সুকল্পা পূতনাপি চ ॥ ৪৫ ॥
ধোরণী ধারণী হেলা ধীরা বেগবতী জটা ।
অগ্নিজ্বালা চ সুরভী বিবর্ণা কৃন্তনী তথা ॥ ৪৬ ॥
তপিনী তাপিনী ধূম্রা মরীচির্জ্বালিনী রুচিঃ ।
তপস্বিনী স্বপ্নবহা সংমোহা কোটরা চলা ॥ ৪৭ ॥
বিকল্পা লম্বিকা মূলা তন্দ্রাবত্যপি ঘণ্টিকা ।
অবিগ্রহা চ কৈবল্যা তুরীয়া চাপুনর্ভবা ॥ ৪৮ ॥
বিভ্রান্তিশ্চ প্রশান্তা চ য়োগিনিঃ শ্রেণ্যলক্ষিতা ।
নির্বাণা স্বস্তিকা বৃদ্ধির্নিবৃত্তিশ্চ মহোদয়া ॥ ৪৯ ॥
বোধ্যাঽবিদ্যা চ তামিস্রা বাসনা য়োগমেদিনী ।
নিরঞ্জনা চ প্রকৃতিঃ সত্তারব্যা পারমার্থিকী ॥ ৫০ ॥
প্রতিবিম্বনিরাভাসা সদসদ্রূপধারিণী ।
উপশান্তা চ চৈতন্যা কূটা বিজ্ঞানময়্যপি ॥ ৫১ ॥
শক্তিবিদ্যা বাসিতা চ মোদিনী মুদিতাননা ।
অনয়া প্রবহা ব্যাডী সর্বজ্ঞা শরণপ্রদা ॥ ৫২ ॥
বারুণী মার্জনীভাষা প্রতিমা বৃহতী খলা ।
প্রতীচ্ছা প্রমিতিঃ প্রীতিঃ কুহিকা তর্পণপ্রিয়া ॥ ৫৩ ॥
স্বস্তিকা সর্বতোভদ্রা গায়ত্রী প্রণবাত্মিকা ।
সাবিত্রী বেদজননী নিগমাচারবোধিনী ॥ ৫৪ ॥
বিকরালা করালা চ জ্বালাজালৈকমালিনী ।
ভীমা চ ক্ষোভণানন্তা বীরা বজ্রায়ুধা তথা ॥ ৫৫ ॥
প্রধ্বংসিনী চ মালঙ্কা বিশ্বমর্দিন্যবীক্ষিতা ।
মৃত্যুঃ সহস্রবাহুশ্চ ঘোরদংষ্ট্রা বলাহকী ॥ ৫৬ ॥
পিঙ্গা পিঙ্গশতা দীপ্তা প্রচণ্ডা সর্বতোমুখী ।
বিদারিণী বিশ্বরূপা বিক্রান্তা ভূতভাবনী ॥ ৫৭ ॥
বিদ্রাবিণী মোক্ষদাত্রী কালচক্রেশ্বরী নটী ।
তপ্তহাটকবর্ণা চ কৃতান্তা ভ্রান্তিভঞ্জিনী ॥ ৫৮ ॥
সর্বতেজোময়ী ভব্যা দিতিশোককরী কৃতিঃ ।
মহাক্রুদ্ধা শ্মশানস্থা কপালস্রগলঙ্কৃতা ॥ ৫৯ ॥
কালাতিকালা কালান্তকরীতিঃ করুণানিধিঃ ।
মহাঘোরা ঘোরতরা সংহারকরিণী তথা ॥ ৬০ ॥
অনাদিশ্চ মহোন্মত্তা ভূতধাত্র্যসিতেক্ষণা ।
ভীষ্মাকারা চ বক্রাঙ্গী বহুপাদৈকপাদিকা ॥ ৬১ ॥
কুলাঙ্গনা কুলারাধ্যা কুলমার্গরতেশ্বরী ।
দিগম্বরা মুক্তকেশী বজ্রমুষ্টির্নিরিন্ধনী ॥ ৬২ ॥
সম্মোহিনী ক্ষোভকরী স্তম্ভিনী বশ্যকারিণী ।
দুর্ধর্ষা দর্পদলনী ত্রৈলোক্যজননী জয়া ॥ ৬৩ ॥
উন্মাদোচ্চাটনকরী কৃত্যা কৃত্যাবিঘাতিনী ।
বিরূপা কালরাত্রিশ্চ মহারাত্রির্মনোন্মনী ॥ ৬৪ ॥
মহাবীর্যা গূঢনিদ্রা চণ্ডদোর্দণ্ডমণ্ডিতা ।
নির্মলা শূলিনী তন্ত্রা বজ্রিণী চাপধারিণী ॥ ৬৫ ॥
স্থূলোদরী চ কুমুদা কামুকা লিঙ্গধারিণী ।
ধটোদরী ফেরবী চ প্রবীণা কালসুন্দরী ॥ ৬৬ ॥
তারাবতী ডমরুকা ভানুমণ্ডলমালিনী ।
একানঙ্গা পিঙ্গলাক্ষী প্রচণ্ডাক্ষী শুভঙ্করী ॥ ৬৭ ॥
বিদ্যুত্কেশী মহামারী সূচী তূণ্ডী চ জৃম্ভকা ।
প্রস্বাপিনী মহাতীব্রা বরণীয়া বরপ্রদা ॥ ৬৮ ॥
চণ্ডচণ্ডা জ্বলদ্দেহা লম্বোদর্যগ্নিমর্দিনী ।
মহাদন্তোল্কাদৃগম্বা জ্বালাজালজলন্ধরী ॥ ৬৯ ॥
মায়া কৃশা প্রভা রামা মহাবিভবদায়িনী ।
পৌরন্দরী বিষ্ণুমায়া কীর্তিঃ পুষ্টিস্তনূদরী ॥ ৭০ ॥
য়োগজ্ঞা য়োগদাত্রী চ য়োগিনী য়োগিবল্লভা ।
সহস্রশীর্ষপাদা চ সহস্রনয়নোজ্বলা ॥ ৭১ ॥
পানকর্ত্রী পাবকাভা পরামৃতপরায়ণা ।
জগদ্গতির্জগজ্জেত্রী জন্মকালবিমোচিনী ॥ ৭২ ॥
মূলাবতংসিনী মূলা মৌনব্রতপরাঙ্মুখী ।
ললিতা লোলুপা লোলা লক্ষণীয়া ললামধৃক্ ॥ ৭৩ ॥
মাতঙ্গিনী ভবানী চ সর্বলোকেশ্বরেশ্বরী ।
পার্বতী শম্ভুদয়িতা মহিষাসুরমর্দিনী ॥ ৭৪ ॥
চণ্ডমুণ্ডাপহর্ত্রী চ রক্তবীজনিকৃন্তনী ।
নিশুম্ভশুম্ভমথনী দেবরাজবরপ্রদা ॥ ৭৫ ॥
কল্যাণকারিণী কালী কোলমাংসাস্রপায়িনী ।
খড্গহস্তা চর্মিণী চ পাশিনী শক্তিধারিণী ॥ ৭৬ ॥
খট্বাঙ্গিনী মুণ্ডধরা ভুশুণ্ডী ধনুরন্বিতা ।
চক্রঘণ্টান্বিতা বালপ্রেতশৈলপ্রধারিণী ॥ ৭৭ ॥
নরকঙ্কালনকুলসর্পহস্তা সমুদ্গরা ।
মুরলীধারিণী বলিকুণ্ডিনী ডমরুপ্রিয়া ॥ ৭৮ ॥
ভিন্দিপালাস্ত্রিণী পূজ্যা সাধ্যা পরিঘিণী তথা ।
পট্টিশপ্রাসিনী রম্যা শতশো মুসলিন্যপি ॥ ৭৯ ॥
শিবাপোতধরাদণ্ডাঙ্কুশহস্তা ত্রিশূলিনী ।
রত্নকুম্ভধরা দান্তা ছুরিকাকুন্তদোর্যুতা ॥ ৮০ ॥
কমণ্ডলুকরা ক্ষামা গৃধ্রাঢ্যা পুষ্পমালিনী ।
মাংসখণ্ডকরা বীজপূরবত্যক্ষরা ক্ষরা ॥ ৮১ ॥
গদাপরশুয়ষ্ট্যঙ্কা মুষ্টিনানলধারিণী ।
প্রভূতা চ পবিত্রা চ শ্রেষ্ঠা পুণ্যবিবর্ধনো ॥ ৮২ ॥
প্রসন্নানন্দিতমুখী বিশিষ্টা শিষ্টপালিনী ।
কামরূপা কামগবী কমনীয় কলাবতী ॥ ৮৩ ॥
গঙ্গা কলিঙ্গতনয়া সিপ্রা গোদাবরী মহী ।
রেবা সরস্বতী চন্দ্রভাগা কৃষ্ণা দৃষদ্বতী ॥ ৮৪ ॥
বারাণসী গয়াবন্তী কাঞ্চী মলয়বাসিনী ।
সর্বদেবীস্বরূপা চ নানারূপধরামলা ॥ ৮৫ ॥
লক্ষ্মীর্গৌরী মহালক্ষ্মী রত্নপূর্ণা কৃপাময়ী ।
দুর্গা চ বিজয়া ঘোরা পদ্মাবত্যমরেশ্বরী ॥ ৮৬ ॥
বগলা রাজমাতঙ্গী চণ্ডী মহিষমর্দিনী ।
ত্রিপুটোচ্ছিষ্টচাণ্ডালী ভারুণ্ডা ভুবনেশ্বরী ॥ ৮৭ ॥
রাজরাজেশ্বরী নিত্যক্লিন্না চ জয়ভৈরবী ।
চণ্ডয়োগেশ্বরী রাজ্যলক্ষ্মী রুদ্রাণ্যরুন্ধতী ॥ ৮৮ ॥
অশ্বারূঢা মহাগুহ্যা য়ন্ত্রপ্রমথনী তথা ।
ধনলক্ষ্মীর্বিশ্বলক্ষ্মীর্বশ্যকারিণ্যকল্মষা ॥ ৮৯ ॥
ত্বরিতা চ মহাচণ্ডভৈরবী পরমেশ্বরী ।
ত্রৈলোক্যবিজয়া জ্বালামুখী দিক্করবাসিনী ॥ ৯০ ॥
মহামন্ত্রেশ্বরী বজ্রপ্রস্তারিণ্যজনাবতী ।
চণ্ডকাপালেশ্বরী চ স্বর্ণকোটেশ্বরী তথা ॥ ৯১ ॥
উগ্রচণ্ডা শ্মশানোগ্রচণ্ডা বার্তাল্যজেশ্বরী ।
চণ্ডোগ্রা চ প্রচণ্ডা চ চণ্ডিকা চণ্ডনায়িকা ॥ ৯২ ॥
বাগ্বাদিনী মধুমতী বারুণী তুম্বুরেশ্বরী ।
বাগীশ্বরী চ পূর্ণেশী সৌম্যোগ্রা কালভৈরবী ॥ ৯৩ ॥
দিগম্বরা চ ধনদা কালরাত্রিশ্চ কুব্জিকা ।
কিরাটী শিবদূতী চ কালসঙ্কর্ষণী তথা ॥ ৯৪ ॥
কুক্কুটী সঙ্কটা দেবী চপলভ্রমরাম্বিকা ।
মহার্ণবেশ্বরী নিত্যা জয়ঝঙ্কেশ্বরী তথা ॥ ৯৫ ॥
শবরী পিঙ্গলা বুদ্ধিপ্রদা সংসারতারিণী ।
বিজ্ঞা মহামোহিনী চ বালা ত্রিপুরসুন্দরী ॥ ৯৬ ॥
উগ্রতারা চৈকজটা তথা নীলসরস্বতী ।
ত্রিকণ্টকী ছিন্নমস্তা বোধিসত্বা রণেশ্বরী ॥ ৯৭ ॥
ব্রহ্মাণী বৈষ্ণবী মাহেশ্বরী কৌমার্যলম্বুষা ।
বারাহী নারসিংহী চ চামুণ্ডেন্দ্রাণ্যোনিজা ॥ ৯৮ ॥
চণ্ডেশ্বরী চণ্ডঘণ্টা নাকুলী মৃত্যুহারিণী ।
হংসেশ্বরী মোক্ষদা চ শাতকর্ণী জলন্ধরী ॥ ৯৯ ॥
(ইন্দ্রাণী বজ্রবারাহী ফেত্কারী তুম্বুরেশ্বরী ।
হয়গ্রীবা হস্তিতুণ্ডা নাকুলী মৃত্যুহারিণী ॥)
স্বরকর্ণী ঋক্ষকর্ণী সূর্পকর্ণা বলাবলা ।
মহানীলেশ্বরী জাতবেতসী কোকতুণ্ডিকা ॥ ১০০ ॥
গুহ্যেশ্বরী বজ্রচণ্ডী মহাবিদ্যা চ বাভ্রবী ।
শাকম্ভরী দানবেশী ডামরী চর্চিকা তথা ॥ ১০১ ॥
একবীরা জয়ন্তী চ একানংশা পতাকিনী ।
নীললোহিতরূপা চ ব্রহ্মবাদিন্যয়ন্ত্রিতা ॥ ১০২ ॥
ত্রিকালবেদিনী নীলকোরঙ্গী রক্তদন্তিকা ।
ভূতভৈরব্যনালম্বা কামাখ্যা কুলকুট্টনী ॥ ১০৩ ॥
ক্ষেমঙ্করী বিশ্বরূপা মায়ূর্যাবেশিনী তথা ।
কামাঙ্কুশা কালচণ্ডী ভীমাদেব্যর্ধমস্তকা ॥ ১০৪ ॥
ধূমাবতী য়োগনিদ্রা ব্রহ্মবিষ্ণুনিকৃন্তনী ।
চণ্ডোগ্রকাপালিনী চ বোধিকা হাটকেশ্বরী ॥ ১০৫ ॥
মহামঙ্গলচণ্ডী চ তোবরা চণ্ডখেচরী ।
বিশালা শক্তিসৌপর্ণী ফেরুচণ্ডী মদোদ্ধতা ॥ ১০৬ ॥
কাপালিকা চঞ্চরীকা মহাকামধ্রুবাপি চ ।
বিক্ষেপণী ভূততুণ্ডী মানস্তোকা সুদামিনী ॥ ১০৭ ॥
নির্মূলিনী রাঙ্কবিণী সদ্যোজাতা মদোত্কটা ।
বামদেবী মহাঘোরা মহাতত্পুরুষী তথা ॥ ১০৮ ॥
ঈশানী শাঙ্করী ভর্গো মহাদেবী কপর্দিনী ।
ত্র্যম্বকী ব্যোমকেশী চ মারী পাশুপতী তথা ॥ ১০৯ ॥
জয়কালী ধূমকালী জ্বালাকাল্যুগ্রকালিকা ।
ধনকালী ঘোরনাদকালী কল্পান্তকালিকা ॥ ১১০ ॥
বেতালকালী কঙ্কালকালী শ্রীনগ্নকালিকা ।
রৌদ্রকালী ঘোরঘোরতরকালী তথৈব চ ॥ ১১১ ॥
ততো দুর্জয়কালী চ মহামন্থানকালিকা ।
আজ্ঞাকালী চ সংহারকালী সঙ্গ্রামকালিকা ॥ ১১২ ॥
কৃতান্তকালী তদনু তিগ্মকালী ততঃ পরম্ ।
ততো মহারাত্রিকালী মহারুধিরকালিকা ॥ ১১৩ ॥
শবকালী ভীমকালী চণ্ডকালী তথৈব চ ।
সন্ত্রাসকালী চ ততঃ শ্রীভয়ঙ্করকালিকা ॥ ১১৪ ॥
বিকরালকালী শ্রীঘোরকালী বিকটকালিকা ।
করালকালী তদনু ভোগকালী ততঃ পরম্ ॥ ১১৫ ॥
বিভূতিকালী শ্রীকালকালী দক্ষিণকালিকা ।
বিদ্যাকালী বজ্রকালী মহাকালী ভবেত্ততঃ ॥ ১১৬ ॥
ততঃ কামকলাকালী ভদ্রকালী তথৈব চ ।
শ্মশানকালিকোন্মত্তকালিকা মুণ্ডকালিকা ॥ ১১৭ ॥
কুলকালী নাদকালী সিদ্ধিকালী ততঃ পরম্ ।
উদারকালী সন্তাপকালী চঞ্চলকালিকা ॥ ১১৮ ॥
ডামরী কালিকা ভাবকালী কুণপকালিকা ।
কপালকালী চ দিগম্বরকালী তথৈব চ ॥ ১১৯ ॥
উদ্দামকালী প্রপঞ্চকালী বিজয়কালিকা ।
ক্রতুকালী য়োগকালী তপঃকালী তথৈব চ ॥ ১২০ ॥
আনন্দকালী চ ততঃ প্রভাকালী ততঃ পরম্ ।
সূর্যকালী চন্দ্রকালী কৌমুদীকালিকা ততঃ ॥ ১২১ ॥
স্ফুলিঙ্গকাল্যগ্নিকালী বীরকালী তথৈব চ ।
রণকালী হূংহূঙ্কারনাদকালী ততঃ পরম্ ॥ ১২২ ॥
জয়কালী বিঘ্নকালী মহামার্তণ্ডকালিকা ।
চিতাকালী ভস্মকালী জ্বলদঙ্গারকালিকা ॥ ১২৩ ॥
পিশাচকালী তদনু ততো লোহিতকালিকা ।
খর (খগ) কালী নাগকালী ততো রাক্ষসকালিকা ॥ ১২৪ ॥
মহাগগনকালী চ বিশ্বকালী ভবেদনু ।
মায়াকালী মোহকালী ততো জঙ্গমকালিকা ॥ ১২৫ ॥
পুন স্থাবরকালী চ ততো ব্রহ্মাণ্ডকালিকা ।
সৃষ্টিকালী স্থিতিকালী পুনঃ সংহারকালিকা ॥ ১২৬ ॥
অনাখ্যাকালিকা চাপি ভাসাকালী ততোঽপ্যনু ।
ব্যোমকালী পীঠকালী শক্তিকালী তথৈব চ ॥ ১২৭ ॥
ঊর্ধ্বকালী অধঃকালী তথা চোত্তরকালিকা ।
তথা সময়কালী চ কৌলিকক্রমকালিকা ॥ ১২৮ ॥
জ্ঞানবিজ্ঞানকালী চ চিত্সত্তাকালিকাপি চ ।
অদ্বৈতকালী পরমানন্দকালী তথৈব চ ॥ ১২৯ ॥
বাসনাকালিকা য়োগভূমিকালী ততঃ পরম্ ।
উপাধিকালী চ মহোদয়কালী ততোঽপ্যনু ॥ ১৩০ ॥
নিবৃত্তিকালী চৈতন্যকালী বৈরাগ্যকালিকা ।
সমাধিকালী প্রকৃতিকালী প্রত্যয়কালিকা ॥ ১৩১ ॥
সত্তাকালী চ পরমার্থকালী নিত্যকালিকা ।
জীবাত্মকালী পরমাত্মকালী বন্ধকালিকা ॥ ১৩২ ॥
আভাসকালিকা সূক্ষ্মকালিকা শেষকালিকা ।
লয়কালী সাক্ষিকালী ততশ্চ স্মৃতিকালিকা ॥ ১৩৩ ॥
পৃথিবীকালিকা বাপি এককালী ততঃ পরম্ ।
কৈবল্যকালী সায়ুজ্যকালী চ ব্রহ্মকালিকা ॥ ১৩৪ ॥
ততশ্চ পুনরাবৃত্তিকালী য়াঽমৃতকালিকা ।
মোক্ষকালী চ বিজ্ঞানময়কালী ততঃ পরম্ ॥ ১৩৫ ॥
প্রতিবিম্বকালিকা চাপি এক(পিণ্ড)কালী ততঃ পরম্ ।
একাত্ম্যকালিকানন্দময়কালী তথৈব চ ॥ ১৩৬ ॥
সর্বশেষে পরিজ্ঞেয়া নির্বাণময়কালিকা ।
ইতি নাম্নাং সহস্রং তে প্রোক্তমেকাধিকং প্রিয়ে ॥ ১৩৭ ॥
পঠতঃ স্তোত্রমেতদ্ধি সর্বং করতলে স্থিতম্ ।
॥ সহস্রনাম্নঃ স্তোত্রস্য ফলশ্রুতিঃ ॥
নৈতেন সদৃশং স্তোত্রং ভূতং বাপি ভবিষ্যতি ॥ ১ ॥ (২০১৭)
য়ঃ পঠেত্ প্রত্যহমদস্তস্য পুণ্যফলং শৃণু ।
পাপানি বিলয়ং য়ান্তি মন্দরাদ্রিনিভান্যপি ॥ ২ ॥
উপদ্রবাঃ বিনশ্যন্তি রোগাগ্নিনৃপচৌরজাঃ ।
আপদশ্চ বিলীয়ন্তে গ্রহপীডাঃ স্পৃশন্তি ন ॥ ৩ ॥
দারিদ্র্যং নাভিভবতি শোকো নৈব প্রবাধতে ।
নাশং গচ্ছন্তি রিপবঃ ক্ষীয়ন্তে বিঘ্নকোটয়ঃ ॥ ৪ ॥
উপসর্গাঃ পলায়ন্তে বাধন্তে ন বিষাণ্যপি ।
নাকালমৃত্যুর্ভবতি ন জাড্যং নৈব মূকতা ॥ ৫ ॥
ইন্দ্রিয়াণাং ন দৌর্বল্যং বিষাদো নৈব জায়তে ।
অথাদৌ নাস্য হানিঃ স্যাত্ ন কুত্রাপি পরাভবঃ ॥ ৬ ॥
য়ান্ য়ান্ মনোরথানিচ্ছেত্ তাংস্তান্ সাধয়তি দ্রুতম্ ।
সহস্রনামপূজান্তে য়ঃ পঠেদ্ ভক্তিভাবিতঃ ॥ ৭ ॥
পাত্রং স সর্বসিদ্ধীনাং ভবেত্সংবত্সরাদনু ।
বিদ্যাবান্ বলবান্ বাগ্মী রূপবান্ রূপবল্লভঃ ॥ ৮ ॥
অধৃষ্যঃ সর্বসত্বানাং সর্বদা জয়বান্ রণে ।
কামিনীনাং প্রিয়ো নিত্যং মিত্রাণাং প্রাণসন্নিভঃ ॥ ৯ ॥
রিপূণামশনিঃ সাক্ষাদ্দাতা ভোক্তা প্রিয়ংবদঃ ।
আকরঃ স হি ভাগ্যানাং রত্নানামিব সাগরঃ ॥ ১০ ॥
মন্ত্ররূপমিদং জ্ঞেয়ং স্তোত্রং ত্রৈলোক্যদুর্লভম্ ।
এতস্য বহবঃ সন্তি প্রয়োগাঃ সিদ্ধিদায়িনঃ ॥ ১১ ॥
তান্ বিধায় সুরেশানি ততঃ সিদ্ধীঃ পরীক্ষয়েত্ ।
তাররাবৌ পুরা দত্ত্বা নাম চৈকৈকমন্তরা ॥ ১২ ॥
তচ্চ ঙেঽন্তং বিনির্দিশ্য শেষে হার্দমনুং ন্যসেত্ ।
উপরাগে ভাস্করস্যেন্দোর্বাপ্যথান্যপর্বণি ॥ ১৩ ॥
মালতীকুসুমৈর্বিল্বপত্রৈর্বা পায়সেন বা ।
মধূক্ষিতদ্রাক্ষয়া বা পক্বমোচাফলেন বা ॥ ১৪ ॥
প্রত্যেকং জুহুয়াত্ নাম পূর্বপ্রোক্তক্রমেণ হি ।
এবং ত্রিবারং নিষ্পাদ্য ততঃ স্তোত্রং পরীক্ষয়েত্ ॥ ১৫ ॥
য়াবত্যঃ সিদ্ধয়ঃ সন্তি কথিতা য়ামলাদিষু ।
ভবন্ত্যেতে ন তাবন্ত্যো দৃঢবিশ্বাসশালিনাম্ ॥ ১৬ ॥
(এতত্স্তোত্রস্য প্রয়োগবিধিবর্ণনম্)
পরচক্রে সমায়াতে মুক্তকেশো দিগম্বরঃ ।
রাত্রৌ তদাশাভিমুখঃ পঞ্চবিংশতিধা পঠেত্ ॥ ১৭ ॥
পরচক্রং সদা ঘোরং স্বয়মেব পলায়তে ।
মহারোগোপশমনে ত্রিংশদ্বারমুদীরয়েত্ ॥ ১৮ ॥
বিবাদে রাজজনিতোপদ্রবে দশধা জপেত্ ।
মহাদুর্ভিক্ষপীডাসু মহামারীভয়েষু চ ॥ ১৯ ॥
ষষ্টিবারং স্তোত্রমিদং পঠন্নাশয়তি দ্রুতম্ ।
ভূতপ্রেতপিশাচাদি কৃতাভিভবকর্মণি ॥ ২০ ॥
প্রজপেত্ পঞ্চ দশধা ক্ষিপ্রং তদভিধীয়তে ।
তথা নিগডবদ্ধানাং মোচনে পঞ্চধা জপেত্ ॥ ২১ ॥
বধ্যানাং প্রাণরক্ষার্থং শতবারমুদীরয়েত্ ।
দুঃস্বপ্নদর্শনে বারত্রয়ং স্তোত্রমিদং পঠেত্ ॥ ২২ ॥
এবং বিজ্ঞায় দেবেশি মহিমানমমুষ্য হি ।
য়স্মিন্ কস্মিন্নপি প্রাপ্তে সঙ্কটে য়োজয়েদিদম্ ॥ ২৩ ॥
শময়িত্বা তু তত্সর্বং শুভমুত্পাদয়ত্যপি ।
রণে বিবাদে কলহে ভূতাবেশে মহাভয়ে ॥ ২৪ ॥
উত্পাতরাজপীডায়াং বন্ধুবিচ্ছেদ এব বা ।
সর্পাগ্নিদস্যুনৃপতিশত্রুরোগভয়ে তথা ॥ ২৫ ॥
জপ্যমেতন্মহাস্তোত্রং সমস্তং নাশমিচ্ছতা ।
ধ্যাত্বা দেবীং গুহ্যকালীং নগ্নাং শক্তিং বিধায় চ ॥ ২৬ ॥
তদ্যোনৌ য়ন্ত্রমালিখ্য ত্রিকোণং বিন্দুমত্ প্রিয়ে ।
পূর্বোদিতক্রমেণৈব মন্ত্রমুচ্চার্য সাধকঃ ॥ ২৭ ॥
গন্ধপুষ্পাক্ষতৈর্নিত্যং প্রত্যেকং পরিপূজয়েত্ ।
বলিং চ প্রত্যহং দদ্যাত্ চতুর্বিংশতিবাসরান্ ॥ ২৮ ॥
স্তোত্রাণামুত্তমং স্তোত্রং সিদ্ধ্যন্ত্যেতাবতাপ্যদঃ ।
স্তম্ভনে মোহনে চৈব বশীকরণ এব চ ॥ ২৯ ॥
উচ্চাটনে মারণে চ তথা দ্বেষাভিচারয়োঃ ।
গুটিকাধাতুবাদাদিয়ক্ষিণীপাদুকাদিষু ॥ ৩০ ॥
কৃপাণাঞ্জনবেতালান্যদেহাদিপ্রবেশনে ।
প্রয়ুঞ্জ্যাদিদমীশানি ততঃ সর্বং প্রসিদ্ধ্যতি ॥ ৩১ ॥
সর্বে মনোরথাস্তস্য বশীভূতা করে স্থিতাঃ ।
আরোগ্যং বিজয়ং সৌখ্যং বিভূতিমতুলামপি ॥ ৩২ ॥
ত্রিবিধোত্পাতশান্তিঞ্চ শত্রুনাশং পদে পদে ।
দদাতি পঠিতং স্তোত্রমিদং সত্যং সুরেশ্বরি ॥ ৩৩ ॥
স্তোত্রাণ্যন্যানি ভূয়াংসি গুহ্যায়াঃ সন্তি পার্বতি ।
তানি নৈতস্য তুল্যানি জ্ঞাতব্যানি সুনিশ্চিতম্ ॥ ৩৪ ॥
ইদমেব তস্য তুল্যং সত্যং সত্যং ময়োদিতম্ ।
নাম্নাং সহস্রং য়দ্যেতত্ পঠিতু নালমন্বহম্ ॥ ৩৫ ॥
(সহস্রনাম্নঃ পাঠাশক্তৌ বক্ষ্যমাণপাঠস্য নিদেশঃ )
তদৈতানি পঠেন্নিত্যং নামানি স্তোত্রপাঠকঃ ।
চণ্ডয়োগেশ্বরী চণ্ডী চণ্ডকাপালিনী শিবা ॥ ৩৬ ॥
চামুণ্ডা চণ্ডিকা সিদ্ধিকরালী মুণ্ডমালিনী ।
কালচক্রেশ্বরী ফেরুহস্তা ঘোরাট্টহাসিনী ॥ ৩৭ ॥
ডামরী চর্চিকা সিদ্ধিবিকরালী ভগপ্রিয়া ।
উল্কামুখী ঋক্ষকর্ণী বলপ্রমথিনী পরা ॥ ৩৮ ॥
মহামায়া য়োগনিদ্রা ত্রৈলোক্যজননীশ্বরী ।
কাত্যায়নী ঘোররূপা জয়ন্তী সর্বমঙ্গলা ॥ ৩৯ ॥
কামাতুরা মদোন্মত্তা দেবদেবীবরপ্রদা ।
মাতঙ্গী কুব্জিকা রৌদ্রী রুদ্রাণী জগদম্বিকা ॥ ৪০ ॥
চিদানন্দময়ী মেধা ব্রহ্মরূপা জগন্ময়ী ।
সংহারিণী বেদমাতা সিদ্ধিদাত্রী বলাহকা ॥ ৪১ ॥
বারুণী জগতামাদ্যা কলাতীতা চিদাত্মিকা ।
নাভান্যেতানি পঠতা সর্বং তত্ পরিপঠ্যতে ॥ ৪২ ॥
ইত্যেতত্ কথিতং নাম্নাং সহস্রং তব পার্বতি ।
উদীরিতং ফলং চাস্য পঠনাদ্ য়ত্ প্রজায়তে ॥ ৪৩ ॥
নিঃশেষমবধার্য ত্বং য়থেচ্ছসি তথা কুরু ।
পঠনীয়ং ন চ স্ত্রীভিরেতত্ স্তোত্রং কদাচন ॥ ৪৪ ॥ (২০৬০)
॥ ইতি মহাকালসংহিতায়াং বিশ্বমঙ্গলকবচান্তং
পূজাপদ্ধতিপ্রভূতিকথনং নাম দশমঃ পটলান্তর্গতং
গুহ্যকালিসহস্রনামস্তোত্রং সম্পূর্ণম্ ॥