॥ Hanuman Sahasranama Stotram Odia Lyrics ॥
॥ ହନୁମତ୍ସହସ୍ରନାମସ୍ତୋତ୍ରମ୍ ॥
ରୁଦ୍ରୟାମଲତଃ
କୈଲାସଶିଖରେ ରମ୍ୟେ ଦେଵଦେଵଂ ମହେଶ୍ଵରମ୍ ।
ଧ୍ୟାନୋପରତମାସୀନଂ ନନ୍ଦିଭୃଙ୍ଗିଗଣୈର୍ଵୃତମ୍ ॥ ୧ ॥
ଧ୍ୟାନାନ୍ତେ ଚ ପ୍ରସନ୍ନାସ୍ୟମେକାନ୍ତେ ସମୁପସ୍ଥିତମ୍ ।
ଦୃଷ୍ଟ୍ଵା ଶମ୍ଭୁଂ ତଦା ଦେଵୀ ପପ୍ରଚ୍ଛ କମଲାନନା ॥ ୨ ॥
ଦେଵ୍ୟୁଵାଚ
ଶୃଣୁ ଦେଵ ପ୍ରଵକ୍ଷ୍ୟାମି ସଂଶୟୋଽସ୍ତି ମହାନ୍ମମ ।
ରୁଦ୍ରୈକାଦଶମାଖ୍ୟାତଂ ପୁରାହଂ ନ ଚ ଵେଦ୍ମି ତମ୍ ॥ ୩ ॥
କଥୟସ୍ଵ ମହାପ୍ରାଜ୍ଞ ସର୍ଵତୋ ନିର୍ଣୟଂ ଶୁଭମ୍ ।
ସମାରାଧୟତୋ ଲୋକେ ଭୁକ୍ତିମୁକ୍ତିଫଲଂ ଭଵେତ୍ ॥ ୪ ॥
ମନ୍ତ୍ରଂ ୟନ୍ତ୍ରଂ ତଥା ତନ୍ନିର୍ଣୟଂ ଚ ଵିଧିପୂଜନମ୍ ।
ତତ୍ସର୍ଵଂ ବ୍ରୂହି ମେ ନାଥ କୃତାର୍ଥା ଚ ଭଵାମ୍ୟହମ୍ ॥ ୫ ॥
ଈଶ୍ଵର ଉଵାଚ
ଶୃଣୁ ଦେଵି ପ୍ରଵକ୍ଷ୍ୟାମି ଗୋପ୍ୟଂ ସର୍ଵାଗମେ ସଦା ।
ସର୍ଵସ୍ଵଂ ମମ ଲୋକାନାଂ ନୃଣାଂ ସ୍ଵର୍ଗାପଵର୍ଗଦମ୍ ॥ ୬ ॥
ଦଶ ଵିଷ୍ଣୁର୍ଦ୍ଵାଦଶାର୍କାସ୍ତେ ଚୈକାଦଶ ସଂସ୍ମୃତାଃ ।
ରୁଦ୍ରଃ ପରମଚଣ୍ଡଶ୍ଚ ଲୋକେଽସ୍ମିନ୍ଭୁକ୍ତିମୁକ୍ତିଦଃ ॥ ୭ ॥
ହନୁମାନ୍ସ ମହାଦେଵଃ କାଲକାଲଃ ସଦାଶିଵଃ ।
ଇହୈଵ ଭୁକ୍ତିକୈଵଲ୍ୟମୁକ୍ତିଦଃ ସର୍ଵକାମଦଃ ॥ ୮ ॥
ଚିଦ୍ରୂପୀ ଚ ଜଗଦ୍ରୂପସ୍ତଥାରୂପଵିରାଡଭୂତ୍ ।
ରାଵଣସ୍ୟ ଵଧାର୍ଥାୟ ରାମସ୍ୟ ଚ ହିତାୟ ଚ ॥ ୯ ॥
ଅଞ୍ଜନୀଗର୍ଭସମ୍ଭୂତୋ ଵାୟୁରୂପୀ ସନାତନଃ ।
ୟସ୍ୟ ସ୍ମରଣମାତ୍ରେଣ ସର୍ଵଵିଘ୍ନଂ ଵିନଶ୍ୟତି ॥ ୧୦ ॥
ମନ୍ତ୍ରଂ ତସ୍ୟ ପ୍ରଵକ୍ଷ୍ୟାମି କାମଦଂ ସୁରଦୁଲର୍ଭମ୍ ।
ନିତ୍ୟଂ ପରତରଂ ଲୋକେ ଦେଵଦୈତ୍ୟେଷୁ ଦୁଲର୍ଭମ୍ ॥ ୧୧ ॥
ପ୍ରଣଵଂ ପୂର୍ଵମୁଦ୍ଧୃତ୍ୟ କାମରାଜଂ ତତୋ ଵଦେତ୍ ।
ଓଂ ନମୋ ଭଗଵତେ ହନୁମତେଽପି ତତୋ ଵଦେତ୍ ॥ ୧୨ ॥
ତତୋ ଵୈଶ୍ଵାନରୋ ମାୟାମନ୍ତ୍ରରାଜମିମଂ ପ୍ରିୟେ ।
ଏଵଂ ବହୁତରା ମନ୍ତ୍ରାଃ ସର୍ଵଶାସ୍ତ୍ରେଷୁ ଗୋପିତାଃ ॥ ୧୩ ॥
ଓଂ କ୍ଲୀଂ ନମୋ ଭଗଵତେ ହନୁମତେ ସ୍ଵାହା
ୟେନ ଵିଜ୍ଞାତମାତ୍ରେଣ ତ୍ରୈଲୋକ୍ୟଂ ଵଶମାନୟେତ୍ ।
ଵହ୍ନିଂ ଶୀତଙ୍କରୋତ୍ୟେଵ ଵାତଂ ଚ ସ୍ଥିରତାଂ ନୟେତ୍ ॥ ୧୪ ॥
ଵିଘ୍ନଂ ଚ ନାଶୟତ୍ୟାଶୁ ଦାସଵତ୍ସ୍ୟାଜ୍ଜଗତ୍ତ୍ରୟମ୍ ।
ଧ୍ୟାନଂ ତସ୍ୟ ପ୍ରଵକ୍ଷ୍ୟାମି ହନୁର୍ୟେନ ପ୍ରସୀଦତି ॥ ୧୫ ॥
ଧ୍ୟାନମ୍ –
ପ୍ରଦୀପ୍ତଂ ସ୍ଵର୍ଣଵର୍ଣାଭଂ ବାଲାର୍କାରୁଣଲୋଚନମ୍ ।
ସ୍ଵର୍ଣମେରୁଵିଶାଲାଙ୍ଗଂ ଶତସୂର୍ୟସମପ୍ରଭମ୍ ॥ ୧୬ ॥
ରକ୍ତାମ୍ବରଂ ଧରାସୀନଂ ସୁଗ୍ରୀଵାଦିୟୁତଂ ତଥା ।
ଗୋଷ୍ପଦୀକୃତଵାରୀଶଂ ମଶକୀକୃତରାକ୍ଷସମ୍ ॥ ୧୭ ॥
ପୁଚ୍ଛଵନ୍ତଂ କପୀଶଂ ତଂ ମହାରୁଦ୍ରଂ ଭୟଙ୍କରମ୍ ।
ଜ୍ଞାନମୁଦ୍ରାଲସଦ୍ବାହୁଂ ସର୍ଵାଲଙ୍କାରଭୂଷିତମ୍ ॥ ୧୮ ॥
ଧ୍ୟାନସ୍ୟ ଧାରଣାଦେଵ ଵିଘ୍ନାନ୍ମୁକ୍ତଃ ସଦା ନରଃ ।
ତ୍ରିଷୁ ଲୋକେଷୁ ଵିଖ୍ୟାତଃ ସର୍ଵତ୍ର ଵିଜୟୀ ଭଵେତ୍ ॥ ୧୯ ॥
ନାମ୍ନାଂ ତସ୍ୟ ସହସ୍ରଂ ତୁ କଥୟିଷ୍ୟାମି ତେ ଶୃଣୁ ।
ୟସ୍ୟ ସ୍ମରଣମାତ୍ରେଣ ଵାଦୀ ମୂକୋ ଭଵେଦ୍ଧ୍ରୁଵମ୍ ॥ ୨୦ ॥
ସ୍ତମ୍ଭନଂ ପରସୈନ୍ୟାନାଂ ମାରଣାୟ ଚ ଵୈରିଣାମ୍ ।
ଦାରୟେଚ୍ଛାକିନୀଃ ଶୀଘ୍ରଂ ଡାକିନୀଭୂତପ୍ରେତକାନ୍ ॥ ୨୧ ॥
ହରଣଂ ରୋଗଶତ୍ରୂଣାଂ କାରଣଂ ସର୍ଵକର୍ମଣାମ୍ ।
ତାରଣଂ ସର୍ଵଵିଘ୍ନାନାଂ ମୋହନଂ ସର୍ଵୟୋଷିତାମ୍ ॥ ୨୨ ॥
ଧାରଣଂ ସର୍ଵୟୋଗାନାଂ ଵାରଣଂ ଶୀଘ୍ରମାପଦାମ୍ ॥ ୨୩ ॥
ଓଂ ଅସ୍ୟ ଶ୍ରୀହନୁମତଃ ସହସ୍ରନାମସ୍ତୋତ୍ରମନ୍ତ୍ରସ୍ୟ ସଦାଶିଵ ଋଷିଃ ।
ଅନୁଷ୍ଟୁପ୍ ଛନ୍ଦଃ । ଶ୍ରୀହନୁମାନ୍ ଦେଵତା । ଓଂ କ୍ଲୀଂ ଇତି ବୀଜମ୍ ।
ନମ ଇତି କୀଲକମ୍ । ସ୍ଵାହେତି ଶକ୍ତିଃ ।
ସମସ୍ତପୁରୁଷାର୍ଥସିଦ୍ଧ୍ୟର୍ଥେ ଜପେ ଵିନିୟୋଗଃ ।
ଓଂଓଙ୍କାରନମୋରୂପମୋଂନମୋରୂପପାଲକଃ ।
ଓଙ୍କାରମୟୋଙ୍କାରକୃଦୋଙ୍କାରାତ୍ମା ସନାତନଃ ॥ ୨୪ ॥
ବ୍ରହ୍ମବ୍ରହ୍ମମୟୋ ବ୍ରହ୍ମଜ୍ଞାନୀ ବ୍ରହ୍ମସ୍ଵରୂପଵିତ୍ ।
କପୀଶଃ କପିନାଥଶ୍ଚ କପିନାଥସୁପାଲକଃ ॥ ୨୫ ॥
କପିନାଥପ୍ରିୟଃ କାଲଃ କପିନାଥସ୍ୟ ଘାତକଃ ।
କପିନାଥଶୋକହର୍ତା କପିଭର୍ତା କପୀଶ୍ଵରଃ ॥ ୨୬ ॥
କପିଜୀଵନଦାତା ଚ କପିମୂର୍ତିଃ କପିର୍ଭୃତଃ ।
କାଲାତ୍ମା କାଲରୂପୀ ଚ କାଲକାଲସ୍ତୁ କାଲଭୁକ୍ ॥ ୨୭ ॥
କାଲଜ୍ଞାନୀ କାଲକର୍ତା କାଲହାନିଃ କଲାନିଧିଃ ।
କଲାନିଧିପ୍ରିୟଃ କର୍ତା କଲାନିଧିସମପ୍ରଭଃ ॥ ୨୮ ॥
କଲାପୀ ଚ କଲାପାତା କୀଶତ୍ରାତା କିଶାଂ ପତିଃ ।
କମଲାପତିପ୍ରିୟଃ କାକସ୍ଵରଘ୍ନଃ କୁଲପାଲକଃ ॥ ୨୯ ॥
କୁଲଭର୍ତା କୁଲତ୍ରାତା କୁଲାଚାରପରାୟଣଃ ।
କାଶ୍ୟପାହ୍ଲାଦକଃ କାକଧ୍ଵଂସୀ କର୍ମକୃତାଂ ପତିଃ ॥ ୩୦ ॥
କୃଷ୍ଣଃ କୃଷ୍ଣସ୍ତୁତିଃ କୃଷ୍ଣକୃଷ୍ଣରୂପୋ ମହାତ୍ମଵାନ୍ ।
କୃଷ୍ଣଵେତ୍ତା କୃଷ୍ଣଭର୍ତା କପୀଶଃ କ୍ରୋଧଵାନ୍ କପିଃ ॥ ୩୧ ॥
କାଲରାତ୍ରିଃ କୁବେରଶ୍ଚ କୁବେରଵନପାଲକଃ ।
କୁବେରଧନଦାତା ଚ କୌସଲ୍ୟାନନ୍ଦଜୀଵନଃ ॥ ୩୨ ॥
କୋସଲେଶପ୍ରିୟଃ କେତୁଃ କପାଲୀ କାମପାଲକଃ ।
କାରୁଣ୍ୟଃ କରୁଣାରୂପଃ କରୁଣାନିଧିଵିଗ୍ରହଃ ॥ ୩୩ ॥
କାରୁଣ୍ୟକର୍ତା ଦାତା ଚ କପିଃ ସାଧ୍ୟଃ କୃତାନ୍ତକଃ ।
କୂର୍ମଃ କୂର୍ମପତିଃ କୂର୍ମଭର୍ତା କୂର୍ମସ୍ୟ ପ୍ରେମଵାନ୍ ॥ ୩୪ ॥
କୁକ୍କୁଟଃ କୁକ୍କୁଟାହ୍ଵାନଃ କୁଞ୍ଜରଃ କମଲାନନଃ ।
କୁଞ୍ଜରଃ କଲଭଃ କେକିନାଦଜିତ୍କଲ୍ପଜୀଵନଃ ॥ ୩୫ ॥
କଲ୍ପାନ୍ତଵାସୀ କଲ୍ପାନ୍ତଦାତା କଲ୍ପଵିବୋଧକଃ ।
କଲଭଃ କଲହସ୍ତଶ୍ଚ କମ୍ପଃ କମ୍ପପତିସ୍ତଥା ॥ ୩୬ ॥
କର୍ମଫଲପ୍ରଦଃ କର୍ମା କମନୀୟଃ କଲାପଵାନ୍ ।
କମଲାସନବନ୍ଧଶ୍ଚ-କମ୍ପଃ-କମଲାସନପୂଜକଃ ॥ ୩୭ ॥
କମଲାସନସେଵୀ ଚ କମଲାସନମାନିତଃ ।
କମଲାସନପ୍ରିୟଃ କମ୍ବୁଃ କମ୍ବୁକଣ୍ଠୋଽପି କାମଧୁକ୍ ॥ ୩୮ ॥
କିଞ୍ଜଲ୍କରୂପୀ କିଞ୍ଜଲ୍କଃ କିଞ୍ଜଲ୍କାଵନିଵାସକଃ ।
ଖଗନାଥପ୍ରିୟଃ ଖଙ୍ଗୀ ଖଗନାଥପ୍ରହାରକଃ ॥ ୩୯ ॥
ଖଗନାଥସୁପୂଜ୍ୟଶ୍ଚ ଖଗନାଥପ୍ରବୋଧକଃ ।
ଖଗନାଥଵରେଣ୍ୟଶ୍ଚ ଖରଧ୍ଵଂସୀ ଖରାନ୍ତକଃ ॥ ୪୦ ॥
ଖରାରିପ୍ରିୟବନ୍ଧୁଶ୍ଚ ଖରାରିଜୀଵନଃ ସଦା ।
ଖଙ୍ଗହସ୍ତଃ ଖଙ୍ଗଧନଃ ଖଙ୍ଗହାନୀ ଚ ଖଙ୍ଗପଃ ॥ ୪୧ ॥
ଖଞ୍ଜରୀଟପ୍ରିୟଃ ଖଞ୍ଜଃ ଖେଚରାତ୍ମା ଖରାରିଜିତ୍ ॥ ୪୨ ॥
ଖଞ୍ଜରୀଟପତିଃ ପୂଜ୍ୟଃ ଖଞ୍ଜରୀଟପଚଞ୍ଚଲଃ ।
ଖଦ୍ୟୋତବନ୍ଧୁଃ ଖଦ୍ୟୋତଃ ଖଦ୍ୟୋତନପ୍ରିୟଃ ସଦା ॥ ୪୩ ॥
ଗରୁତ୍ମାନ୍ ଗରୁଡୋ ଗୋପ୍ୟୋ ଗରୁତ୍ମଦ୍ଦର୍ପହାରକଃ ।
ଗର୍ଵିଷ୍ଠୋ ଗର୍ଵହର୍ତା ଚ ଗର୍ଵହା ଗର୍ଵନାଶକଃ ॥ ୪୪ ॥
ଗର୍ଵୋ ଗୁଣପ୍ରିୟୋ ଗାଣୋ ଗୁଣସେଵୀ ଗୁଣାନ୍ଵିତଃ ।
ଗୁଣତ୍ରାତା ଗୁଣରତୋ ଗୁଣଵନ୍ତପ୍ରିୟୋ ଗୁଣୀ ॥ ୪୫ ॥
ଗଣେଶୋ ଗଣପାତୀ ଚ ଗଣରୂପୋ ଗଣପ୍ରିୟଃ ।
ଗମ୍ଭୀରୋଽଥ ଗୁଣାକାରୋ ଗରିମା ଗରିମପ୍ରଦଃ ॥ ୪୬ ॥
ଗଣରକ୍ଷୋ ଗଣହରୋ ଗଣଦୋ ଗଣସେଵିତଃ ।
ଗଵାଂଶୋ ଗଵୟତ୍ରାତା ଗର୍ଜିତଶ୍ଚ ଗଣାଧିପଃ ॥ ୪୭ ॥
ଗନ୍ଧମାଦନହର୍ତା ଚ ଗନ୍ଧମାଦନପୂଜକଃ ।
ଗନ୍ଧମାଦନସେଵୀ ଚ ଗନ୍ଧମାଦନରୂପଧୃକ୍ ॥ ୪୮ ॥
ଗୁରୁର୍ଗୁରୁପ୍ରିୟୋ ଗୌରୋ ଗୁରୁସେଵ୍ୟୋ ଗୁରୂନ୍ନତଃ ।
ଗୁରୁଗୀତାପରୋ ଗୀତୋ ଗୀତଵିଦ୍ୟାଗୁରୁର୍ଗୁରୁଃ ॥ ୪୯ ॥
ଗୀତାପ୍ରିୟୋ ଗୀତରାତୋ ଗୀତଜ୍ଞୋ ଗୀତଵାନପି ।
ଗାୟତ୍ର୍ୟା ଜାପକୋ ଗୋଷ୍ଠୋ ଗୋଷ୍ଠଦେଵୋଽଥ ଗୋଷ୍ଠପଃ ॥ ୫୦ ॥
ଗୋଷ୍ପଦୀକୃତଵାରୀଶୋ ଗୋଵିନ୍ଦୋ ଗୋପବନ୍ଧକଃ ।
ଗୋଵର୍ଧନଧରୋ ଗର୍ଵୋ ଗୋଵର୍ଧନପ୍ରପୂଜକଃ ॥ ୫୧ ॥
ଗନ୍ଧର୍ଵୋ ଗନ୍ଧର୍ଵରତୋ ଗନ୍ଧର୍ଵାନନ୍ଦନନ୍ଦିତଃ ।
ଗନ୍ଧୋ ଗଦାଧରୋ ଗୁପ୍ତୋ ଗଦାଢ୍ୟୋ ଗୁହ୍ୟକେଶ୍ଵରଃ ॥
ଗିରିଜାପୂଜକୋ ଗୀଶ୍ଚ ଗୀର୍ଵାଣୋ ଗୋଷ୍ପତିସ୍ତଥା ।
ଗିରିର୍ଗିରିପ୍ରିୟୋ ଗର୍ଭୋ ଗର୍ଭପୋ ଗର୍ଭଵାସକଃ ॥ ୫୩ ॥
ଗଭସ୍ତିଗ୍ରାସକୋ ଗ୍ରାସୋ ଗ୍ରାସଦାତା ଗ୍ରହେଶ୍ଵରଃ ।
ଗ୍ରହୋ ଗ୍ରହେଶାନୋ ଗ୍ରାହୋ ଗ୍ରହଦୋଷଵିନାଶନଃ ॥ ୫୪ ॥
ଗ୍ରହାରୂଢୋ ଗ୍ରହପତିର୍ଗର୍ହଣୋ ଗ୍ରହଣାଧିପଃ ।
ଗୋଲୀ ଗଵ୍ୟୋ ଗଵେଶଶ୍ଚ ଗଵାକ୍ଷମୋକ୍ଷଦାୟକଃ ॥ ୫୫ ॥
ଗଣୋ ଗମ୍ୟୋ ଗଣଦାତା ଗରୁଡଧ୍ଵଜଵଲ୍ଲଭଃ ।
ଗେହୋ ଗେହପ୍ରଦୋ ଗମ୍ୟୋ ଗୀତାଗାନପରାୟଣଃ ॥ ୫୬ ॥
ଗହ୍ଵରୋ ଗହ୍ଵରତ୍ରାଣୋ ଗର୍ଗୋ ଗର୍ଗେଶ୍ଵରପ୍ରଦଃ ।
ଗର୍ଗପ୍ରିୟୋ ଗର୍ଗରତୋ ଗୌତମୋ ଗୌତମପ୍ରଦଃ ॥ ୫୭ ॥
ଗଙ୍ଗାସ୍ନାୟୀ ଗୟାନାଥୋ ଗୟାପିଣ୍ଡପ୍ରଦାୟକଃ ।
ଗୌତମୀତୀର୍ଥଚାରୀ ଚ ଗୌତମୀତୀର୍ଥପୂଜକଃ ॥ ୫୮ ॥
ଗଣେନ୍ଦ୍ରୋଽଥ ଗଣତ୍ରାତା ଗ୍ରନ୍ଥଦୋ ଗ୍ରନ୍ଥକାରକଃ ।
ଘନାଙ୍ଗୋ ଘାତକୋ ଘୋରୋ ଘୋରରୂପୀ ଘନପ୍ରଦଃ ॥ ୫୯ ॥
ଘୋରଦଂଷ୍ଟ୍ରୋ ଘୋରନଖୋ ଘୋରଘାତୀ ଘନେତରଃ ।
ଘୋରରାକ୍ଷସଘାତୀ ଚ ଘୋରରୂପ୍ୟଘଦର୍ପହା ॥ ୬୦ ॥
ଘର୍ମୋ ଘର୍ମପ୍ରଦଶ୍ଚୈଵ ଘର୍ମରୂପୀ ଘନାଘନଃ ।
ଘନଧ୍ଵନିରତୋ ଘଣ୍ଟାଵାଦ୍ୟପ୍ରିୟଘୃଣାକରଃ ॥ ୬୧ ॥
ଘୋଘୋ ଘନସ୍ଵନୋ ଘୂର୍ଣୋ ଘୂର୍ଣିତୋଽପି ଘନାଲୟଃ ।
ଙକାରୋ ଙପ୍ରଦୋ ଙାନ୍ତଶ୍ଚନ୍ଦ୍ରିକାମୋଦମୋଦକଃ ॥ ୬୨ ॥
ଚନ୍ଦ୍ରରୂପଶ୍ଚନ୍ଦ୍ରଵନ୍ଦ୍ୟଶ୍ଚନ୍ଦ୍ରାତ୍ମା ଚନ୍ଦ୍ରପୂଜକଃ ।
ଚନ୍ଦ୍ରପ୍ରେମଶ୍ଚନ୍ଦ୍ରବିମ୍ବଶ୍ଚାମରପ୍ରିୟଶ୍ଚଞ୍ଚଲଃ ॥ ୬୩ ॥
ଚନ୍ଦ୍ରଵକ୍ତ୍ରଶ୍ଚକୋରାକ୍ଷଶ୍ଚନ୍ଦ୍ରନେତ୍ରଶ୍ଚତୁର୍ଭୁଜଃ ।
ଚଞ୍ଚଲାତ୍ମା ଚରଶ୍ଚର୍ମୀ ଚଲତ୍ଖଞ୍ଜନଲୋଚନଃ ॥ ୬୪ ॥
ଚିଦ୍ରୂପଶ୍ଚିତ୍ରପାନଶ୍ଚ ଚଲଚ୍ଚିତ୍ତାଚିତାର୍ଚିତଃ ।
ଚିଦାନନ୍ଦଶ୍ଚିତଶ୍ଚୈତ୍ରଶ୍ଚନ୍ଦ୍ରଵଂଶସ୍ୟ ପାଲକଃ ॥ ୬୫ ॥
ଛତ୍ରଶ୍ଛତ୍ରପ୍ରଦଶ୍ଛତ୍ରୀ ଛତ୍ରରୂପୀ ଛିଦାଞ୍ଛଦଃ ।
ଛଲହା ଛଲଦଶ୍ଛିନ୍ନଶ୍ଛିନ୍ନଘାତୀ କ୍ଷପାକରଃ ॥ ୬୬ ॥
ଛଦ୍ମରୂପୀ ଛଦ୍ମହାରୀ ଛଲୀ ଛଲତରୁସ୍ତଥା ।
ଛାୟାକରଦ୍ୟୁତିଶ୍ଛନ୍ଦଶ୍ଛନ୍ଦଵିଦ୍ୟାଵିନୋଦକଃ ॥ ୬୭ ॥
ଛିନ୍ନାରାତିଶ୍ଛିନ୍ନପାପଶ୍ଛନ୍ଦଵାରଣଵାହକଃ ।
ଛନ୍ଦଶ୍ଛ(କ୍ଷ)ତ୍ରହନଶ୍ଛି(କ୍ଷି)ପ୍ରଶ୍ଛ(କ୍ଷ)-
ଵନଶ୍ଛନ୍ମଦଶ୍ଛ(କ୍ଷ)ମୀ ॥ ୬୮ ॥
କ୍ଷମାଗାରଃ କ୍ଷମାବନ୍ଧଃ କ୍ଷପାପତିପ୍ରପୂଜକଃ ।
ଛଲଘାତୀ ଛିଦ୍ରହାରୀ ଛିଦ୍ରାନ୍ଵେଷଣପାଲକଃ ॥ ୬୯ ॥
ଜନୋ ଜନାର୍ଦନୋ ଜେତା ଜିତାରିର୍ଜିତସଙ୍ଗରଃ ।
ଜିତମୃତ୍ୟୁର୍ଜରାତୀତୋ ଜନାର୍ଦନପ୍ରିୟୋ ଜୟଃ ॥ ୭୦ ॥
ଜୟଦୋ ଜୟକର୍ତା ଚ ଜୟପାତୋ ଜୟପ୍ରିୟଃ ।
ଜିତେନ୍ଦ୍ରିୟୋ ଜିତାରାତିର୍ଜିତେନ୍ଦ୍ରିୟପ୍ରିୟୋ ଜୟୀ ॥ ୭୧ ॥
ଜଗଦାନନ୍ଦଦାତା ଚ ଜଗଦାନନ୍ଦକାରକଃ ।
ଜଗଦ୍ଵନ୍ଦ୍ୟୋ ଜଗଜ୍ଜୀଵୋ ଜଗତାମୁପକାରକଃ ॥ ୭୨ ॥
ଜଗଦ୍ଧାତା ଜଗଦ୍ଧାରୀ ଜଗଦ୍ବୀଜୋ ଜଗତ୍ପିତା ।
ଜଗତ୍ପତିପ୍ରିୟୋ ଜିଷ୍ଣୁର୍ଜିଷ୍ଣୁଜିଜ୍ଜିଷ୍ଣୁରକ୍ଷକଃ ॥ ୭୩ ॥
ଜିଷ୍ଣୁଵନ୍ଦ୍ୟୋ ଜିଷ୍ଣୁପୂଜ୍ୟୋ ଜିଷ୍ଣୁମୂର୍ତିଵିଭୂଷିତଃ ।
ଜିଷ୍ଣୁପ୍ରିୟୋ ଜିଷ୍ଣୁରତୋ ଜିଷ୍ଣୁଲୋକାଭିଵାସକଃ ॥
ଜୟୋ ଜୟପ୍ରଦୋ ଜାୟୋ ଜାୟକୋ ଜୟଜାଡ୍ୟହା ।
ଜୟପ୍ରିୟୋ ଜନାନନ୍ଦୋ ଜନଦୋ ଜନଜୀଵନଃ ॥ ୭୫ ॥
ଜୟାନନ୍ଦୋ ଜପାପୁଷ୍ପଵଲ୍ଲଭୋ ଜୟପୂଜକଃ ।
ଜାଡ୍ୟହର୍ତା ଜାଡ୍ୟଦାତା ଜାଡ୍ୟକର୍ତା ଜଡପ୍ରିୟଃ ॥ ୭୬ ॥
ଜଗନ୍ନେତା ଜଗନ୍ନାଥୋ ଜଗଦୀଶୋ ଜନେଶ୍ଵରଃ ।
ଜଗନ୍ମଙ୍ଗଲଦୋ ଜୀଵୋ ଜଗତ୍ୟଵନପାଵନଃ ॥ ୭୭ ॥
ଜଗତ୍ତ୍ରାଣୋ ଜଗତ୍ପ୍ରାଣୋ ଜାନକୀପତିଵତ୍ସଲଃ ।
ଜାନକୀପତିପୂଜ୍ୟଶ୍ଚ ଜାନକୀପତିସେଵକଃ ॥ ୭୮ ॥
ଜାନକୀଶୋକହାରୀ ଚ ଜାନକୀଦୁଃଖଭଞ୍ଜନଃ ।
ୟଜୁର୍ଵେଦୋ ୟଜୁର୍ଵକ୍ତା ୟଜୁଃପାଠପ୍ରିୟୋ ଵ୍ରତୀ ॥ ୭୯ ॥
ଜିଷ୍ଣୁର୍ଜିଷ୍ଣୁକୃତୋ ଜିଷ୍ଣୁଧାତା ଜିଷ୍ଣୁଵିନାଶନଃ ।
ଜିଷ୍ଣୁହା ଜିଷ୍ଣୁପାତୀ ତୁ ଜିଷ୍ଣୁରାକ୍ଷସଘାତକଃ ॥ ୮୦ ॥
ଜାତୀନାମଗ୍ରଗଣ୍ୟଶ୍ଚ ଜାତୀନାଂ ଵରଦାୟକଃ ।
ଝୁଁଝୁରୋ ଝୂଝୁରୋ ଝୂର୍ଝନଵରୋ ଝଞ୍ଝାନିଷେଵିତଃ ॥ ୮୧ ॥
ଝିଲ୍ଲୀରଵସ୍ଵରୋ ଞନ୍ତୋ ଞଵଣୋ ଞନତୋ ଞଦଃ ।
ଟକାରାଦିଷ୍ଟକାରାନ୍ତାଷ୍ଟଵର୍ଣାଷ୍ଟପ୍ରପୂଜକଃ ॥ ୮୨ ॥
ଟିଟ୍ଟିଭଷ୍ଟିଟ୍ଟିଭସ୍ତଷ୍ଟିଷ୍ଟିଟ୍ଟିଭପ୍ରିୟଵତ୍ସଲଃ ।
ଠକାରଵର୍ଣନିଲୟଷ୍ଠକାରଵର୍ଣଵାସିତଃ ॥ ୮୩ ॥
ଠକାରଵୀରଭରିତଷ୍ଠକାରପ୍ରିୟଦର୍ଶକଃ ।
ଡାକିନୀନିରତୋ ଡଙ୍କୋ ଡଙ୍କିନୀପ୍ରାଣହାରକଃ ॥ ୮୪ ॥
ଡାକିନୀଵରଦାତା ଚ ଡାକିନୀଭୟନାଶନଃ ।
ଡିଣ୍ଡିମଧ୍ଵନିକର୍ତା ଚ ଡିମ୍ଭୋ ଡିମ୍ଭାତରେତରଃ ॥ ୮୫ ॥
ଡକ୍କାଢକ୍କାନଵୋ ଢକ୍କାଵାଦ୍ୟଷ୍ଠକ୍କାମହୋତ୍ସଵଃ ।
ଣାନ୍ତ୍ୟୋ ଣାନ୍ତୋ ଣଵର୍ଣଶ୍ଚ ଣସେଵ୍ୟୋ ଣପ୍ରପୂଜକଃ ॥ ୮୬ ॥
ତନ୍ତ୍ରୀ ତନ୍ତ୍ରପ୍ରିୟସ୍ତଲ୍ପସ୍ତନ୍ତ୍ରଜିତ୍ତନ୍ତ୍ରଵାହକଃ ।
ତନ୍ତ୍ରପୂଜ୍ୟସ୍ତନ୍ତ୍ରରତସ୍ତନ୍ତ୍ରଵିଦ୍ୟାଵିଶାରଦଃ ॥ ୮୭ ॥
ତନ୍ତ୍ରୟନ୍ତ୍ରଜୟୀ ତନ୍ତ୍ରଧାରକସ୍ତନ୍ତ୍ରଵାହକଃ ।
ତନ୍ତ୍ରଵେତ୍ତା ତନ୍ତ୍ରକର୍ତା ତନ୍ତ୍ରୟନ୍ତ୍ରଵରପ୍ରଦଃ ॥ ୮୮ ॥
ତନ୍ତ୍ରଦସ୍ତନ୍ତ୍ରଦାତା ଚ ତନ୍ତ୍ରପସ୍ତନ୍ତ୍ରଦାୟକଃ ।
ତତ୍ତ୍ଵଦାତା ଚ ତତ୍ତ୍ଵଜ୍ଞସ୍ତତ୍ତ୍ଵସ୍ତତ୍ତ୍ଵପ୍ରକାଶକଃ ॥ ୮୯ ॥
ତନ୍ଦ୍ରା ଚ ତପନସ୍ତଲ୍ପତଲାତଲନିଵାସକଃ ।
ତପସ୍ତପଃପ୍ରିୟସ୍ତାପତ୍ରୟତାପୀ ତପଃପତିଃ ॥ ୯୦ ॥
ତପସ୍ଵୀ ଚ ତପୋଜ୍ଞାତା ତପତାମୁପକାରକଃ ।
ତପସ୍ତପୋତ୍ରପସ୍ତାପୀ ତାପଦସ୍ତାପହାରକଃ ॥ ୯୧ ॥
ତପଃସିଦ୍ଧିସ୍ତପୋଋଦ୍ଧିସ୍ତପୋନିଧିସ୍ତପଃପ୍ରଭୁଃ ।
ତୀର୍ଥସ୍ତୀର୍ଥରତସ୍ତୀଵ୍ରସ୍ତୀର୍ଥଵାସୀ ତୁ ତୀର୍ଥଦଃ ॥ ୯୨ ॥
ତୀର୍ଥପସ୍ତୀର୍ଥକୃତ୍ତୀର୍ଥସ୍ଵାମୀ ତୀର୍ଥଵିରୋଧକଃ ।
ତୀର୍ଥସେଵୀ ତୀର୍ଥପତିସ୍ତୀର୍ଥଵ୍ରତପରାୟଣଃ ॥ ୯୩ ॥
ତ୍ରିଦୋଷହା ତ୍ରିନେତ୍ରଶ୍ଚ ତ୍ରିନେତ୍ରପ୍ରିୟବାଲକଃ ।
ତ୍ରିନେତ୍ରପ୍ରିୟଦାସଶ୍ଚ ତ୍ରିନେତ୍ରପ୍ରିୟପୂଜକଃ ॥ ୯୪ ॥
ତ୍ରିଵିକ୍ରମସ୍ତ୍ରିପାଦୂର୍ଧ୍ଵସ୍ତରଣିସ୍ତାରଣିସ୍ତମଃ ।
ତମୋରୂପୀ ତମୋଧ୍ଵଂସୀ ତମସ୍ତିମିରଘାତକଃ ॥ ୯୫ ॥
ତମୋଧୃକ୍ତମସସ୍ତପ୍ତତାରଣିସ୍ତମସୋଽନ୍ତକଃ ।
ତମୋହୃତ୍ତମକୃତ୍ତାମ୍ରସ୍ତାମ୍ରୌଷଧିଗୁଣପ୍ରଦଃ ॥
ତୈଜସସ୍ତେଜସାଂ ମୂର୍ତିସ୍ତେଜସଃ ପ୍ରତିପାଲକଃ ।
ତରୁଣସ୍ତର୍କଵିଜ୍ଞାତା ତର୍କଶାସ୍ତ୍ରଵିଶାରଦଃ ॥ ୯୭ ॥
ତିମିଙ୍ଗିଲସ୍ତତ୍ତ୍ଵକର୍ତା ତତ୍ତ୍ଵଦାତା ଵ ତତ୍ତ୍ଵଵିତ୍ ।
ତତ୍ତ୍ଵଦର୍ଶୀ ତତ୍ତ୍ଵଗାମୀ ତତ୍ତ୍ଵଭୁକ୍ତତ୍ତ୍ଵଵାହନଃ ॥ ୯୮ ॥
ତ୍ରିଦିଵସ୍ତ୍ରିଦିଵେଶଶ୍ଚ ତ୍ରିକାଲଶ୍ଚ ତମିସ୍ରହା ।
ସ୍ଥାଣୁଃ ସ୍ଥାଣୁପ୍ରିୟଃ ସ୍ଥାଣୁଃ ସର୍ଵତୋଽପି ଚ ଵାସକଃ ॥ ୯୯ ॥
ଦୟାସିନ୍ଧୁର୍ଦୟାରୂପୋ ଦୟାନିଧିର୍ଦୟାପରଃ ।
ଦୟାମୂର୍ତିର୍ଦୟାଦାତା ଦୟାଦାନପରାୟଣଃ ॥ ୧୦୦ ॥
ଦେଵେଶୋ ଦେଵଦୋ ଦେଵୋ ଦେଵରାଜାଧିପାଲକଃ ।
ଦୀନବନ୍ଧୁର୍ଦୀନଦାତା ଦୀନୋଦ୍ଧରଣଦିଵ୍ୟଦୃକ୍ ॥ ୧୦୧ ॥
ଦିଵ୍ୟଦେହୋ ଦିଵ୍ୟରୂପୋ ଦିଵ୍ୟାସନନିଵାସକଃ ।
ଦୀର୍ଘକେଶୋ ଦୀର୍ଘପୁଚ୍ଛୋ ଦୀର୍ଘସୂତ୍ରୋଽପି ଦୀର୍ଘଭୁକ୍ ॥ ୧୦୨ ॥
ଦୀର୍ଘଦର୍ଶୀ ଦୂରଦର୍ଶୀ ଦୀର୍ଘବାହୁସ୍ତୁ ଦୀର୍ଘପଃ ।
ଦାନଵାରିର୍ଦରିଦ୍ରାରିର୍ଦୈତ୍ୟାରିର୍ଦସ୍ୟୁଭଞ୍ଜନଃ ॥ ୧୦୩ ॥
ଦଂଷ୍ଟ୍ରୀ ଦଣ୍ଡୀ ଦଣ୍ଡଧରୋ ଦଣ୍ଡପୋ ଦଣ୍ଡଦାୟକଃ ।
ଦାମୋଦରପ୍ରିୟୋ ଦତ୍ତାତ୍ରେୟପୂଜନତତ୍ପରଃ ॥ ୧୦୪ ॥
ଦର୍ଵୀଦଲହୁତପ୍ରୀତୋ ଦଦ୍ରୁରୋଗଵିନାଶକଃ ।
ଧର୍ମୋ ଧର୍ମୀ ଧର୍ମଚାରୀ ଧର୍ମଶାସ୍ତ୍ରପରାୟଣଃ ॥ ୧୦୫ ॥
ଧର୍ମାତ୍ମା ଧର୍ମନେତା ଚ ଧର୍ମଦୃଗ୍ଧର୍ମଧାରକଃ ।
ଧର୍ମଧ୍ଵଜୋ ଧର୍ମମୂର୍ତିର୍ଧର୍ମରାଜସ୍ୟ ତ୍ରାସକଃ ॥ ୧୦୬ ॥
ଧାତା ଧ୍ୟେୟୋ ଧନୋ ଧନ୍ୟୋ ଧନଦୋ ଧନପୋ ଧନୀ ।
ଧନଦତ୍ରାଣକର୍ତା ଚ ଧନପପ୍ରତିପାଲକଃ ॥ ୧୦୭ ॥
ଧରଣୀଧରପ୍ରିୟୋ ଧନ୍ଵୀ ଧନଵଦ୍ଧନଧାରକଃ ।
ଧନ୍ଵୀଶଵତ୍ସଲୋ ଧୀରୋ ଧାତୃମୋଦପ୍ରଦାୟକଃ ॥ ୧୦୮ ॥
ଧାତ୍ରୈଶ୍ଵର୍ୟପ୍ରଦାତା ଚ ଧାତ୍ରୀଶପ୍ରତିପୂଜକଃ ।
ଧାତ୍ରାତ୍ମା ଚ ଧରାନାଥୋ ଧରାନାଥପ୍ରବୋଧକଃ ॥ ୧୦୯ ॥
ଧର୍ମିଷ୍ଠୋ ଧର୍ମକେତୁଶ୍ଚ ଧଵଲୋ ଧଵଲପ୍ରିୟଃ ।
ଧଵଲାଚଲଵାସୀ ଚ ଧେନୁଦୋ ଧେନୁପୋ ଧନୀ ॥ ୧୧୦ ॥
ଧ୍ଵନିରୂପୋ ଧ୍ଵନିପ୍ରାଣୋ ଧ୍ଵନିଧର୍ମପ୍ରବୋଧକଃ ।
ଧର୍ମାଧ୍ୟକ୍ଷୋ ଧ୍ଵଜୋ ଧୂମ୍ରୋ ଧାତୁରୋଧିଵିରୋଧକଃ ॥ ୧୧୧ ॥
ନାରାୟଣୋ ନରୋ ନେତା ନଦୀଶୋ ନରଵାନରଃ ।
ନନ୍ଦୀସଙ୍କ୍ରମଣୋ ନାଟ୍ୟୋ ନାଟ୍ୟଵେତ୍ତା ନଟପ୍ରିୟଃ ॥ ୧୧୨ ॥
ନାରାୟଣାତ୍ମକୋ ନନ୍ଦୀ ନନ୍ଦିଶୃଙ୍ଗିଗଣାଧିପଃ ।
ନନ୍ଦିକେଶ୍ଵରଵର୍ମା ଚ ନନ୍ଦିକେଶ୍ଵରପୂଜକଃ ॥ ୧୧୩ ॥
ନରସିଂହୋ ନଟୋ ନୀପୋ ନଖୟୁଦ୍ଧଵିଶାରଦଃ ।
ନଖାୟୁଧୋ ନଲୋ ନୀଲୋ ନଲନୀଲପ୍ରମୋଦକଃ ॥ ୧୧୪ ॥
ନଵଦ୍ଵାରପୁରାଧାରୋ ନଵଦ୍ଵାରପୁରାତନଃ ।
ନରନାରୟଣସ୍ତୁତ୍ୟୋ ନଖନାଥୋ ନଗେଶ୍ଵରଃ ॥ ୧୧୫ ॥
ନଖଦଂଷ୍ଟ୍ରାୟୁଧୋ ନିତ୍ୟୋ ନିରାକାରୋ ନିରଞ୍ଜନଃ ।
ନିଷ୍କଲଙ୍କୋ ନିରଵଦ୍ୟୋ ନିର୍ମଲୋ ନିର୍ମମୋ ନଗଃ ॥ ୧୧୬ ॥
ନଗରଗ୍ରାମପାଲଶ୍ଚ ନିରନ୍ତୋ ନଗରାଧିପଃ ।
ନାଗକନ୍ୟାଭୟଧ୍ଵଂସୀ ନାଗାରିପ୍ରିୟନାଗରଃ ॥ ୧୧୭ ॥
ପୀତାମ୍ବରଃ ପଦ୍ମନାଭଃ ପୁଣ୍ଡରୀକାକ୍ଷପାଵନଃ ।
ପଦ୍ମାକ୍ଷଃ ପଦ୍ମଵକ୍ତ୍ରଶ୍ଚ ପଦ୍ମାସନପ୍ରପୂଜକଃ ॥ ୧୧୮ ॥
ପଦ୍ମମାଲୀ ପଦ୍ମପରଃ ପଦ୍ମପୂଜନତତ୍ପରଃ ।
ପଦ୍ମପାଣିଃ ପଦ୍ମପାଦଃ ପୁଣ୍ଡରୀକାକ୍ଷସେଵନଃ ॥ ୧୧୯ ॥
ପାଵନଃ ପଵନାତ୍ମା ଚ ପଵନାତ୍ମଜଃ ପାପହା ।
ପରଃ ପରତରଃ ପଦ୍ମଃ ପରମଃ ପରମାତ୍ମକଃ ॥ ୧୨୦ ॥
ପୀତାମ୍ବରଃ ପ୍ରିୟଃ ପ୍ରେମ ପ୍ରେମଦଃ ପ୍ରେମପାଲକଃ ।
ପ୍ରୌଢଃ ପ୍ରୌଢପରଃ ପ୍ରେତଦୋଷହା ପ୍ରେତନାଶକଃ ॥ ୧୨୧ ॥
ପ୍ରଭଞ୍ଜନାନ୍ଵୟଃ ପଞ୍ଚ ପଞ୍ଚାକ୍ଷରମନୁପ୍ରିୟଃ ।
ପନ୍ନଗାରିଃ ପ୍ରତାପୀ ଚ ପ୍ରପନ୍ନଃ ପରଦୋଷହା ॥ ୧୨୨ ॥
ପରାଭିଚାରଶମନଃ ପରସୈନ୍ୟଵିନାଶକଃ ।
ପ୍ରତିଵାଦିମୁଖସ୍ତମ୍ଭଃ ପୁରାଧାରଃ ପୁରାରିନୁତ୍ ॥ ୧୨୩ ॥
ପରାଜିତଃ ପରମ୍ବ୍ରହ୍ମ ପରାତ୍ପରପରାତ୍ପରଃ ।
ପାତାଲଗଃ ପୁରାଣଶ୍ଚ ପୁରାତନଃ ପ୍ଲଵଙ୍ଗମଃ ॥ ୧୨୪ ॥
ପୁରାଣପୁରୁଷଃ ପୂଜ୍ୟଃ ପୁରୁଷାର୍ଥପ୍ରପୂରକଃ ।
ପ୍ଲଵଗେଶଃ ପଲାଶାରିଃ ପୃଥୁକଃ ପୃଥିଵୀପତିଃ ॥ ୧୨୫ ॥
ପୁଣ୍ୟଶୀଲଃ ପୁଣ୍ୟରାଶିଃ ପୁଣ୍ୟାତ୍ମା ପୁଣ୍ୟପାଲକଃ ।
ପୁଣ୍ୟକୀର୍ତିଃ ପୁଣ୍ୟଗୀତିଃ ପ୍ରାଣଦଃ ପ୍ରାଣପୋଷକଃ ॥ ୧୨୬ ॥
ପ୍ରଵୀଣଶ୍ଚ ପ୍ରସନ୍ନଶ୍ଚ ପାର୍ଥଧ୍ଵଜନିଵାସକଃ ।
ପିଙ୍ଗକେଶଃ ପିଙ୍ଗରୋମା ପ୍ରଣଵଃ ପିଙ୍ଗଲପ୍ରଣଃ ॥ ୧୨୭ ॥
ପରାଶରଃ ପାପହର୍ତା ପିପ୍ପଲାଶ୍ରୟସିଦ୍ଧିଦଃ ।
ପୁଣ୍ୟଶ୍ଲୋକଃ ପୁରାତୀତଃ ପ୍ରଥମଃ ପୁରୁଷଃ ପୁମାନ୍ ॥ ୧୨୮ ॥
ପୁରାଧାରଶ୍ଚ ପ୍ରତ୍ୟକ୍ଷଃ ପରମେଷ୍ଠୀ ପିତାମହଃ ।
ଫୁଲ୍ଲାରଵିନ୍ଦଵଦନଃ ଫୁଲ୍ଲୋତ୍କମଲଲୋଚନଃ ॥ ୧୨୯ ॥
ଫୂତ୍କାରଃ ଫୂତ୍କରଃ ଫୂଶ୍ଚ ଫୂଦମନ୍ତ୍ରପରାୟଣଃ ।
ସ୍ଫଟିକାଦ୍ରିନିଵାସୀ ଚ ଫୁଲ୍ଲେନ୍ଦୀଵରଲୋଚନଃ ॥ ୧୩୦ ॥
ଵାୟୁରୂପୀ ଵାୟୁସୁତୋ ଵାୟ୍ଵାତ୍ମା ଵାମନାଶକଃ ।
ଵନୋ ଵନଚରୋ ବାଲୋ ବାଲତ୍ରାତା ତୁ ବାଲକଃ ॥ ୧୩୧ ॥
ଵିଶ୍ଵନାଥଶ୍ଚ ଵିଶ୍ଵଂ ଚ ଵିଶ୍ଵାତ୍ମା ଵିଶ୍ଵପାଲକଃ ।
ଵିଶ୍ଵଧାତା ଵିଶ୍ଵକର୍ତା ଵିଶ୍ଵଵେତ୍ତା ଵିଶାମ୍ପତିଃ ॥ ୧୩୨ ॥
ଵିମଲୋ ଵିମଲଜ୍ଞାନୋ ଵିମଲାନନ୍ଦଦାୟକଃ ।
ଵିମଲୋତ୍ପଲଵକ୍ତ୍ରଶ୍ଚ ଵିମଲାତ୍ମା ଵିଲାସକୃତ୍ ॥ ୧୩୩ ॥
ବିନ୍ଦୁମାଧଵପୂଜ୍ୟଶ୍ଚ ବିନ୍ଦୁମାଧଵସେଵକଃ ।
ବୀଜୋଽଥ ଵୀର୍ୟଦୋ ବୀଜହାରୀ ବୀଜପ୍ରଦୋ ଵିଭୁଃ ॥ ୧୩୪ ॥
ଵିଜୟୋ ବୀଜକର୍ତା ଚ ଵିଭୂତିର୍ଭୂତିଦାୟକଃ ।
ଵିଶ୍ଵଵନ୍ଦ୍ୟୋ ଵିଶ୍ଵଗମ୍ୟୋ ଵିଶ୍ଵହର୍ତା ଵିରାଟ୍ତନୁଃ ॥ ୧୩୫ ॥
ବୁଲକାରହତାରାତିର୍ଵସୁଦେଵୋ ଵନପ୍ରଦଃ ।
ବ୍ରହ୍ମପୁଚ୍ଛୋ ବ୍ରହ୍ମପରୋ ଵାନରୋ ଵାନରେଶ୍ଵରଃ ॥ ୧୩୬ ॥
ବଲିବନ୍ଧନକୃଦ୍ଵିଶ୍ଵତେଜା ଵିଶ୍ଵପ୍ରତିଷ୍ଠିତଃ ।
ଵିଭୋକ୍ତା ଚ ଵାୟୁଦେଵୋ ଵୀରଵୀରୋ ଵସୁନ୍ଧରଃ ॥ ୧୩୭ ॥
ଵନମାଲୀ ଵନଧ୍ଵଂସୀ ଵାରୁଣୋ ଵୈଷ୍ଣଵୋ ବଲୀ ।
ଵିଭୀଷଣପ୍ରିୟୋ ଵିଷ୍ଣୁସେଵୀ ଵାୟୁଗଵିର୍ଵିଦୁଃ ॥ ୧୩୮ ॥
ଵିପଦ୍ମୋ ଵାୟୁଵଂଶ୍ୟଶ୍ଚ ଵେଦଵେଦାଙ୍ଗପାରଗଃ ।
ବୃହତ୍ତନୁର୍ବୃହତ୍ପାଦୋ ବୃହତ୍କାୟୋ ବୃହଦ୍ୟଶାଃ ॥ ୧୩୯ ॥
ବୃହନ୍ନାସୋ ବୃହଦ୍ବାହୁର୍ବୃହନ୍ମୂର୍ତିର୍ବୃହତ୍ସ୍ତୁତିଃ ।
ବୃହଦ୍ଧନୁର୍ବୃହଜ୍ଜଙ୍ଘୋ ବୃହତ୍କାୟୋ ବୃହତ୍କରଃ ॥ ୧୪୦ ॥
ବୃହଦ୍ରତିର୍ବୃହତ୍ପୁଚ୍ଛୋ ବୃହଲ୍ଲୋକଫଲପ୍ରଦଃ ।
ବୃହତ୍ସେଵ୍ୟୋ ବୃହଚ୍ଛକ୍ତିର୍ବୃହଦ୍ଵିଦ୍ୟାଵିଶାରଦଃ ॥ ୧୪୧ ॥
ବୃହଲ୍ଲୋକରତୋ ଵିଦ୍ୟା ଵିଦ୍ୟାଦାତା ଵିଦିକ୍ପତିଃ ।
ଵିଗ୍ରହୋ ଵିଗ୍ରହରତୋ ଵ୍ୟାଧିନାଶୀ ଚ ଵ୍ୟାଧିଦଃ ॥ ୧୪୨ ॥
ଵିଶିଷ୍ଟୋ ବଲଦାତା ଚ ଵିଘ୍ନନାଶୋ ଵିନାୟକଃ ।
ଵରାହୋ ଵସୁଧାନାଥୋ ଭଗଵାନ୍ ଭଵଭଞ୍ଜନଃ ॥ ୧୪୩ ॥
ଭାଗ୍ୟଦୋ ଭୟକର୍ତା ଚ ଭାଗୋ ଭୃଗୁପତିପ୍ରିୟଃ ।
ଭଵ୍ୟୋ ଭକ୍ତୋ ଭରଦ୍ଵାଜୋ ଭୟାଙ୍ଘ୍ରିର୍ଭୟନାଶନଃ ॥ ୧୪୪ ॥
ମାଧଵୋ ମଧୁରାନାଥୋ ମେଘନାଦୋ ମହାମୁନିଃ ।
ମାୟାପତିର୍ମନସ୍ଵୀ ଚ ମାୟାତୀତୋ ମନୋତ୍ସୁକଃ ॥ ୧୪୫ ॥
ମୈନାକଵନ୍ଦିତାମୋଦୋ ମନୋଵେଗୀ ମହେଶ୍ଵରଃ ।
ମାୟାନିର୍ଜିତରକ୍ଷାଶ୍ଚ ମାୟାନିର୍ଜିତଵିଷ୍ଟପଃ ॥ ୧୪୬ ॥
ମାୟାଶ୍ରୟଶ୍ଚ ନିଲୟୋ ମାୟାଵିଧ୍ଵଂସକୋ ମୟଃ ।
ମନୋୟମପରୋ ୟାମ୍ୟୋ ୟମଦୁଃଖନିଵାରଣଃ ॥ ୧୪୭ ॥
ୟମୁନାତୀରଵାସୀ ଚ ୟମୁନାତୀର୍ଥଚାରଣଃ ।
ରାମୋ ରାମପ୍ରିୟୋ ରମ୍ୟୋ ରାଘଵୋ ରଘୁନନ୍ଦନଃ ॥ ୧୪୮ ॥
ରାମପ୍ରପୂଜକୋ ରୁଦ୍ରୋ ରୁଦ୍ରସେଵୀ ରମାପତିଃ ।
ରାଵଣାରୀ ରମାନାଥଵତ୍ସଲୋ ରଘୁପୁଙ୍ଗଵଃ ॥ ୧୪୯ ॥
ରକ୍ଷୋଘ୍ନୋ ରାମଦୂତଶ୍ଚ ରାମେଷ୍ଟୋ ରାକ୍ଷସାନ୍ତକଃ ।
ରାମଭକ୍ତୋ ରାମରୂପୋ ରାଜରାଜୋ ରଣୋତ୍ସୁକଃ ॥ ୧୫୦ ॥
ଲଙ୍କାଵିଧ୍ଵଂସକୋ ଲଙ୍କାପତିଘାତୀ ଲତାପ୍ରିୟଃ ।
ଲକ୍ଷ୍ମୀନାଥପ୍ରିୟୋ ଲକ୍ଷ୍ମୀନାରାୟଣାତ୍ମପାଲକଃ ॥ ୧୫୧ ॥
ପ୍ଲଵଗାବ୍ଧିହେଲକଶ୍ଚ ଲଙ୍କେଶଗୃହଭଞ୍ଜନଃ ।
ବ୍ରହ୍ମସ୍ଵରୂପୀ ବ୍ରହ୍ମାତ୍ମା ବ୍ରହ୍ମଜ୍ଞୋ ବ୍ରହ୍ମପାଲକଃ ॥ ୧୫୨ ॥
ବ୍ରହ୍ମଵାଦୀ ଚ ଵିକ୍ଷେତ୍ରଂ ଵିଶ୍ଵବୀଜଂ ଚ ଵିଶ୍ଵଦୃକ୍ ।
ଵିଶ୍ଵମ୍ଭରୋ ଵିଶ୍ଵମୂର୍ତିର୍ଵିଶ୍ଵାକାରୋଽଥ ଵିଶ୍ଵଧୃକ୍ ॥ ୧୫୩ ॥
ଵିଶ୍ଵାତ୍ମା ଵିଶ୍ଵସେଵ୍ୟୋଽଥ ଵିଶ୍ଵୋ ଵିଶ୍ଵେଶ୍ଵରୋ ଵିଭୁଃ ।
ଶୁକ୍ଲଃ ଶୁକ୍ରପ୍ରଦଃ ଶୁକ୍ରଃ ଶୁକ୍ରାତ୍ମା ଚ ଶୁଭପ୍ରଦଃ ॥ ୧୫୪ ॥
ଶର୍ଵରୀପତିଶୂରଶ୍ଚ ଶୂରଶ୍ଚାଥ ଶ୍ରୁତିଶ୍ରଵାଃ ।
ଶାକମ୍ଭରୀଶକ୍ତିଧରଃ ଶତ୍ରୁଘ୍ନଃ ଶରଣପ୍ରଦଃ ॥ ୧୫୫ ॥
ଶଙ୍କରଃ ଶାନ୍ତିଦଃ ଶାନ୍ତଃ ଶିଵଃ ଶୂଲୀ ଶିଵାର୍ଚିତଃ ।
ଶ୍ରୀରାମରୂପଃ ଶ୍ରୀଵାସଃ ଶ୍ରୀପଦଃ ଶ୍ରୀକରଃ ଶୁଚିଃ ॥ ୧୫୬ ॥
ଶ୍ରୀଶଃ ଶ୍ରୀଦଃ ଶ୍ରୀକରଶ୍ଚ ଶ୍ରୀକାନ୍ତପ୍ରିୟଃ ଶ୍ରୀନିଧିଃ ।
ଷୋଡଶସ୍ଵରସଂୟୁକ୍ତଃ ଷୋଡଶାତ୍ମା ପ୍ରିୟଙ୍କରଃ ॥ ୧୫୭ ॥
ଷଡଙ୍ଗସ୍ତୋତ୍ରନିରତଃ ଷଡାନନପ୍ରପୂଜକଃ ।
ଷଟ୍ଶାସ୍ତ୍ରଵେତ୍ତା ଷଡ୍ବାହୁଃ ଷଟ୍ସ୍ଵରୂପଃ ଷଡୂର୍ମିପଃ ॥ ୧୫୮ ॥
ସନାତନଃ ସତ୍ୟରୂପଃ ସତ୍ୟଲୋକପ୍ରବୋଧକଃ ।
ସତ୍ୟାତ୍ମା ସତ୍ୟଦାତା ଚ ସତ୍ୟଵ୍ରତପରାୟଣଃ ॥ ୧୫୯ ॥
ସୌମ୍ୟଃ ସୌମ୍ୟପ୍ରଦଃ ସୌମ୍ୟଦୃକ୍ସୌମ୍ୟଃ ସୌମ୍ୟପାଲକଃ ।
ସୁଗ୍ରୀଵାଦିୟୁତଃ ସର୍ଵସଂସାରଭୟନାଶନଃ ॥ ୧୬୦ ॥
ସୂତ୍ରାତ୍ମା ସୂକ୍ଷ୍ମସନ୍ଧ୍ୟଶ୍ଚ ସ୍ଥୂଲଃ ସର୍ଵଗତିଃ ପୁମାନ୍ ।
ସୁରଭିଃ ସାଗରଃ ସେତୁଃ ସତ୍ୟଃ ସତ୍ୟପରାକ୍ରମଃ ॥ ୧୬୧ ॥
ସତ୍ୟଗର୍ଭଃ ସତ୍ୟସେତୁଃ ସିଦ୍ଧିସ୍ତୁ ସତ୍ୟଗୋଚରଃ ।
ସତ୍ୟଵାଦୀ ସୁକର୍ମା ଚ ସଦାନନ୍ଦୈକ ଈଶ୍ଵରଃ ॥ ୧୬୨ ॥
ସିଦ୍ଧିଃ ସାଧ୍ୟଃ ସୁସିଦ୍ଧଶ୍ଚ ସଙ୍କଲ୍ପଃ ସିଦ୍ଧିହେତୁକଃ ।
ସପ୍ତପାତାଲଚରଣଃ ସପ୍ତର୍ଷିଗଣଵନ୍ଦିତଃ ॥ ୧୬୩ ॥
ସପ୍ତାବ୍ଧିଲଙ୍ଘନୋ ଵୀରଃ ସପ୍ତଦ୍ଵୀପୋରୁମଣ୍ଡଲଃ ।
ସପ୍ତାଙ୍ଗରାଜ୍ୟସୁଖଦଃ ସପ୍ତମାତୃନିଷେଵିତଃ ॥ ୧୬୪ ॥
ସପ୍ତଚ୍ଛନ୍ଦୋନିଧିଃ ସପ୍ତ ସପ୍ତପାତାଲସଂଶ୍ରୟଃ ।
ସଙ୍କର୍ଷଣଃ ସହସ୍ରାସ୍ୟଃ ସହସ୍ରାକ୍ଷଃ ସହସ୍ରପାତ୍ ॥ ୧୬୫ ॥
ହନୁମାନ୍ ହର୍ଷଦାତା ଚ ହରୋ ହରିହରୀଶ୍ଵରଃ ।
କ୍ଷୁଦ୍ରରାକ୍ଷସଘାତୀ ଚ କ୍ଷୁଦ୍ଧତକ୍ଷାନ୍ତିଦାୟକଃ ॥ ୧୬୬ ॥
ଅନାଦୀଶୋ ହ୍ୟନନ୍ତଶ୍ଚ ଆନନ୍ଦୋଽଧ୍ୟାତ୍ମବୋଧକଃ ।
ଇନ୍ଦ୍ର ଈଶୋତ୍ତମଶ୍ଚୈଵ ଉନ୍ମତ୍ତଜନ ଋଦ୍ଧିଦଃ ॥ ୧୬୭ ॥
ଋଵର୍ଣୋ ଌଲୁପଦୋପେତ ଐଶ୍ଵର୍ୟଂ ଔଷଧୀପ୍ରିୟଃ ।
ଔଷଧଶ୍ଚାଂଶୁମାଂଶ୍ଚୈଵ ଅକାରଃ ସର୍ଵକାରଣଃ ॥ ୧୬୮ ॥
ଇତ୍ୟେତଦ୍ରାମଦୂତସ୍ୟ ନାମ୍ନାଂ ଚୈଵ ସହସ୍ରକମ୍ ।
ଏକକାଲଂ ଦ୍ଵିକାଲଂ ଵା ତ୍ରିକାଲଂ ଶ୍ରଦ୍ଧୟାନ୍ଵିତଃ ॥ ୧୬୯ ॥
ପଠନାତ୍ପାଠନାଦ୍ଵାପି ସର୍ଵା ସିଦ୍ଧିର୍ଭଵେତ୍ପ୍ରିୟେ ।
ମୋକ୍ଷାର୍ଥୀ ଲଭତେ ମୋକ୍ଷଂ କାମାର୍ଥୀ କାମମାପ୍ନୁୟାତ୍ ॥ ୧୭୦ ॥
ଵିଦ୍ୟାର୍ଥୀ ଲଭତେ ଵିଦ୍ୟାଂ ଵେଦଵ୍ୟାକରଣାଦିକମ୍ ।
ଇଚ୍ଛାକାମାଂସ୍ତୁ କାମାର୍ଥୀ ଧର୍ମାର୍ଥୀ ଧର୍ମମକ୍ଷୟମ୍ ॥ ୧୭୧ ॥
ପୁତ୍ରାର୍ଥୀ ଲଭତେ ପୁତ୍ରଂ ଵରାୟୁସ୍ସହିତଂ ପୁମାନ୍ ।
କ୍ଷେତ୍ରଂ ଚ ବହୁସସ୍ୟଂ ସ୍ୟାଦ୍ଗାଵଶ୍ଚ ବହୁଦୁଗ୍ଧଦାଃ ॥ ୧୭୨ ॥
ଦୁଃସ୍ଵପ୍ନଂ ଚ ନୃଭିର୍ଦୃଷ୍ଟଂ ସୁସ୍ଵପ୍ନମୁପଜାୟତେ ।
ଦୁଃଖୌଘୋ ନଶ୍ୟତେ ତସ୍ୟ ସମ୍ପତ୍ତିର୍ଵର୍ଦ୍ଧତେ ଚିରମ୍ ॥ ୧୭୩ ॥
ଚତୁର୍ଵିଧଂ ଵସ୍ତୁ ତସ୍ୟ ଭଵତ୍ୟେଵ ନ ସଂଶୟଃ ।
ଅଶ୍ଵତ୍ଥମୂଲେ ଜପତାଂ ନାସ୍ତି ଵୈରିକୃତଂ ଭୟମ୍ ॥ ୧୭୪ ॥
ତ୍ରିକାଲଂ ପଠନାତ୍ତସ୍ୟ ସିଦ୍ଧିଃ ସ୍ୟାତ୍କରସଂସ୍ଥିତା ।
ଅର୍ଧରାତ୍ରେ ରଵୌ ଧୃତ୍ଵା କଣ୍ଠଦେଶେ ନରଃ ଶୁଚିଃ ॥ ୧୭୫ ॥
ଦଶାଵର୍ତଂ ପଠେନ୍ମର୍ତ୍ୟଃ ସର୍ଵାନ୍କାମାନଵାପ୍ନୁୟାତ୍ ।
ଭୌମେ ନିଶାନ୍ତେ ନ୍ୟଗ୍ରୋଧମୂଲେ ସ୍ଥିତ୍ଵା ଵିଚକ୍ଷଣଃ ॥ ୧୭୬ ॥
ଦଶାଵର୍ତଂ ପଠେନ୍ମର୍ତ୍ୟଃ ସାର୍ଵଭୌମଃ ପ୍ରଜାୟତେ ।
ଅର୍କମୂଲେଽର୍କଵାରେ ତୁ ୟୋ ମଧ୍ୟାହ୍ନେ ଶୁଚିର୍ଜପେତ୍ ॥ ୧୭୭ ॥
ଚିରାୟୁଃ ସ ସୁଖୀ ପୁତ୍ରୀ ଵିଜୟୀ ଜାୟତେ କ୍ଷଣାତ୍ ।
ବ୍ରାହ୍ମେ ମୁହୂର୍ତେ ଚୋତ୍ଥାୟ ପ୍ରତ୍ୟହଂ ଚ ପଠେନ୍ନରଃ ॥ ୧୭୮ ॥
ୟଂ ୟଂ କାମୟତେ କାମଂ ଲଭତେ ତଂ ନ ସଂଶୟଃ ।
ସଙ୍ଗ୍ରାମେ ସନ୍ନିଵିଷ୍ଟାନାଂ ଵୈରିଵିଦ୍ରାଵଣଂ ପରମ୍ ॥ ୧୭୯ ॥
ଡାକିନୀଭୂତପ୍ରେତେଷୁ ଗ୍ରହପୀଡାହରଂ ତଥା ।
ଜ୍ଵରାପସ୍ମାରଶମନଂ ୟକ୍ଷ୍ମପ୍ଲୀହାଦିଵାରଣମ୍ ॥ ୧୮୦ ॥
ସର୍ଵସୌଖ୍ୟପ୍ରଦଂ ସ୍ତୋତ୍ରଂ ସର୍ଵସିଦ୍ଧିପ୍ରଦଂ ତଥା ।
ସର୍ଵାନ୍କାମାନଵାପ୍ନୋତି ଵାୟୁପୁତ୍ରପ୍ରସାଦତଃ ॥ ୧୮୧ ॥
ଇତି ଶ୍ରୀରୁଦ୍ରୟାମଲତଃ ଶ୍ରୀହନୁମତ୍ସହସ୍ରନାମସ୍ତୋତ୍ରଂ ସମ୍ପୂର୍ଣମ୍ ।
– Chant Stotra in Other Languages –
Sri Anjaneya Names » 1000 Names of Sri Hanuman » Sahasranama Stotram Lyrics in Sanskrit » English » Bengali » Gujarati » Kannada » Malayalam » Telugu » Tamil