॥ Jvalamukhi Sahasranama Stotram Bengali Lyrics ॥
॥ শ্রীজ্বালামুখীসহস্রনামস্তোত্রম্ ॥
শ্রীভৈরব্যুবাচ ।
ভগবন্ সর্বধর্মজ্ঞ দেবানামভয়ঙ্কর ।
পুরা মে য়ত্ ত্বয়া প্রোক্তং বরং কৈলাসসানুতঃ ॥ ১ ॥
কৃপয়া পরয়া নাথ তং মে দাতুং ক্ষমো ভব ।
শ্রীভৈরব উবাচ ।
সত্যমেতত্ ত্বয়া প্রোক্তং বরং বরয় পার্বতি ॥ ২ ॥
তং প্রয়চ্ছামি সংসিদ্ধ্যৈ মনসা য়দভীপ্সিতম্ ।
শ্রীভৈরব্যুবাচ ।
জ্বালামুখ্যাস্ত্বয়া দেব সহস্রাণি চ তত্ত্বতঃ ॥ ৩ ॥
প্রোক্তানি ব্রূহি মে ভক্ত্যা য়দি মে ত্বত্কৃপা ভবেত্ ।
শ্রীভৈরব উবাচ ।
প্রবক্ষ্যামি মহাদেবি জ্বালানামানি তত্ত্বতঃ ॥ ৪ ॥
সহস্রাণি কলৌ নৄণাং বরদানি য়থেপ্সিতম্ ।
অভক্তায় ন দাতব্যং দুষ্টায়াসাধকায় চ । ৫ ॥
য়া সা জ্বালামুখী দেবী ত্রৈলোক্যজননী স্মৃতা ।
তস্যা নামানি বক্ষ্যামি দুর্লভানি জগত্ত্রয়ে ॥ ৬ ॥
বিনা নিত্যবলিং স্তোত্রং ন রক্ষ্যং সাধকোত্তমৈঃ ।
দুর্ভিক্ষে শত্রুভীতৌ চ মারণে স্তম্ভনে পঠেত্ ॥ ৭ ॥
সহস্রাখ্যং স্তবং দেব্যাঃ সদ্যঃ সিদ্ধির্ভবিষ্যতি ।
বিনা গন্ধাক্ষতৈঃ পুষ্পৈর্ধূপৈর্দীপৈর্বিনা বলিম্ ॥ ৮ ॥
ন রক্ষ্যং সাধকেনৈব দেবীনামসহস্রকম্ ।
দত্ত্বা বলিং পঠেদ্দেব্যা মন্ত্রী নামসহস্রকম্ ।
দেবি সত্যং ময়া প্রোক্তং সিদ্ধিহানিস্ততোঽন্যথা ॥ ৯ ॥
অস্য শ্রীজ্বালামুখীসহস্রনামস্তবস্য ভৈরব ঋষিঃ,
অনুষ্টুপ্ ছন্দঃ, শ্রীজ্বালামুখী দেবতা, হ্রীং বীজং, শ্রীং শক্তিঃ,
ওঁ কীলকং পাঠে বিনিয়োগঃ ।
॥ অঙ্গন্যাসঃ ॥
ভৈরবঋষয়ে নমঃ শিরসি । অনুষ্টুপ্ছন্দসে নমো মুখে ।
শ্রীজ্বালামুখীদেবতায়ৈ নমো হৃদি ।
হ্রীং বীজায় নমো নাভৌ । শ্রীং শক্তয়ে নমো গুহ্যে ।
ওঁ কীলকায় নমঃ পাদয়োঃ । বিনিয়োগায় নমঃ সর্বাঙ্গেষু ।
ওঁ হ্যামিতি ষড্ দীর্ঘয়ুক্তমায়য়া করষডঙ্গানি বিধায় ধ্যায়েত্ ॥
॥ ধ্যানম্ ॥
উদ্যচ্চন্দ্রমরীচিসন্নিভমুখীমেকাদশারাব্জগাং
পাশাম্ভোজবরাভয়ান্ করতলৈঃ সম্বিভ্রতীং সাদরাত্ ।
অগ্নীন্দ্বর্কবিলোচনাং শশিকলাচূডাং ত্রিবর্গোজ্জ্বলাং
প্রেতস্থাং জ্বলদগ্নিমণ্ডলশিখাং জ্বালামুখীং নৌম্যহম্ ॥
ওঁ হ্রীং জ্বালামুখী জৈত্রী শ্রীঞ্জ্যোত্স্না জয়দা জয়া ।
ঔদুম্বরা মহানীলা শুক্রলুপ্তা শচী শ্রুতিঃ ॥ ১ ॥
স্ময়দা স্ময়হর্ত্রী চ স্মরশত্রুপ্রিয়ঙ্করী ।
মানদা মোহিনী মত্তা মায়া বালা বলন্ধরা ॥ ২ ॥
ভগরূপা ভগাবাসা ভীরুণ্ডা ভয়ঘাতিনী ।
ভীতির্ভয়ানকাস্যা চ ভ্রূঃ সুভ্রূঃ সুখিনী সতী ॥ ৩ ॥
শূলিনী শূলহস্তা চ শূলিবামাঙ্গবাসিনী ।
শশাঙ্কজননী শীতা শীতলা শারিকা শিবা ॥ ৪ ॥
স্রুচিকা মধুমন্মান্যা ত্রিবর্গফলদায়িনী ।
ত্রেতা ত্রিলোচনা দুর্গা দুর্গমা দুর্গতির্গতিঃ ॥ ৫ ॥
পূতা প্লুতির্বিমর্শা চ সৃষ্টিকর্ত্রী সুখাবহা ।
সুখদা সর্বমধ্যস্থা লোকমাতা মহেশ্বরী ॥ ৬ ॥
লোকেষ্টা বরদা স্তুত্যা স্তুতির্দ্রুতগতির্নুতিঃ ।
নয়দা নয়নেত্রা চ নবগ্রহনিষেবিতা ॥ ৭ ॥
অম্বা বরূথিনী বীরজননী বীরসুন্দরী ।
বীরসূর্বারুণী বার্তা বরাঽভয়করা বধূঃ ॥ ৮ ॥
বানীরতলগা বাম্যা বামাচারফলপ্রদা ।
বীরা শৌর্যকরী শান্তা শার্দূলত্বক্ চ শর্বরী ॥ ৯ ॥
শলভী শাস্ত্রমর্যাদা শিবদা শম্বরান্তকা ।
শম্বরারিপ্রিয়া শম্ভুকান্তা শশিনিভাননা ॥ ১০ ॥
শস্ত্রায়ুধধরা শান্তির্জ্যোতির্দীপ্তির্জগত্প্রিয়া ।
জগতী জিত্বরা জারী মার্জারী পশুপালিনী (১০০) ॥ ১১ ॥
মেরুমধ্যগতা মৈত্রী মুসলায়ুধধারিণী ।
মান্যা মন্ত্রেষ্টদা মাধ্বী মাধ্বীরসবিঘূর্ণিতা ॥ ১২ ॥
মোদকাহারমত্তা চ মত্তমাতঙ্গগামিনী ।
মহেশ্বরপ্রিয়োন্মত্তা দার্বী দৈত্যবিমর্দিনী ॥ ১৩ ॥ var মহেশ্বরপ্রিয়োন্নত্তা
দেবেষ্টা সাধকেষ্টা চ সাধ্বী সর্বত্রগাঽসমা ।
সন্তানকতরুশ্ছায়াসন্তুষ্টাঽধ্বশ্রমাপহা ॥ ১৪ ॥
শারদা শরদব্জাক্ষী বরদাব্জনিভাননা । var বরদাঽব্জনিভাননা
নম্রাঙ্গী কর্কশাঙ্গী চ বজ্রাঙ্গী বজ্রধারিণী ॥ ১৫ ॥
বজ্রেষ্টা বজ্রকঙ্কালা বানরীং বায়ুবেগিনী ।
বরাকী কুলকা কাম্যা কুলেষ্টা কুলকামিনী ॥ ১৬ ॥
কুন্তা কামেশ্বরী ক্রূরা কুল্যা কামান্তকারিণী ।
কুন্তী কুন্তধরা কুব্জা কষ্টহা বগলামুখী ॥ ১৭ ॥
মৃডানী মধুরা মূকা প্রমত্তা বৈন্দবেশ্বরী ।
কুমারী কুলজাঽকামা কূবরী নডকূবরী ॥ ১৮ ॥ var কূবরী
নগেশ্বরী নগাবাসা নগপুত্রী নগারিহা ।
নাগকন্যা কুহূঃ কুণ্ঠী করুণা কৃপয়ান্বিতা ॥ ১৯ ॥
ককারবর্ণরূপাঢ্যা হ্রীর্লঞ্জা শ্রীঃ শুভাশুভা ।
খেচরী খগপত্রী চ খগনেত্রা খগেশ্বরী ॥ ২০ ॥
খাতা খনিত্রী খস্থা চ জপ্যা জাপ্যাঽজরা ধুতিঃ ।
জগতী জন্মদা জম্ভী জম্বুবৃক্ষতলস্থিতা ॥ ২১ ॥
জাম্বূনদপ্রিয়া সত্যা সাত্ত্বিকী সত্ত্ববর্জিতাম্ ।
সর্বমাতা সমালোকা লোকাখ্যাতির্লয়াত্মিকা ॥ ২২ ॥ var লোকা খ্যাতির্লয়াত্মিকা
লূতা লতা রতির্লজ্জা বাজিগা (২০০) বারুণী বশা । var লতারতির্লজ্জা
কুটিলা কুত্সিতা ব্রাহ্মী ব্রহ্মণি । ব্রহ্মদায়িনী ॥ ২৩ ॥
ব্রতেষ্টা বাজিনী বস্তির্বামনেত্রা বশঙ্করী ।
শঙ্করী শঙ্করেষ্টা চ শশাঙ্ককৃতশেখরা ॥ ২৪ ॥
কুম্ভেশ্বরী কুরুঘ্নী চ পাণ্ডবেষ্টা পরাত্পরা ।
মহিষাসুরসংহর্ত্রী মাননীয়া মনুপ্রিয়া ॥ ২৫ ॥
দষিণা দক্ষজা দক্ষা দ্রাক্ষা দূতী দ্যুতির্ধরা ।
ধর্মদা ধর্মরাজেষ্টা ধর্মস্থা ধর্মপালিনী ॥ ২৬ ॥
ধনদা ধনিকা ধর্ম্যা পতাকা পার্বতী প্রজা ।
প্রজাবতী পুরী প্রজ্ঞা পূঃ পুত্রী পত্রিবাহিনী ॥ ২৭ ॥
পত্রিহস্তা চ মাতঙ্গী পত্রিকা চ পতিব্রতা ।
পুষ্টিঃ প্লক্ষা শ্মশানস্থা দেবী ধনদসেবিতা ॥ ২৮ ॥
দয়াবতী দয়া দূরা দূতা নিকটবাসিনী ।
নর্মদাঽনর্মদা নন্দা নাকিনী নাকসেবিতা ॥ ২৯ ॥
নাসা সঙ্ক্রান্তিরীড্যা চ ভৈরবী চ্ছিন্নমস্তকা ।
শ্যামা শ্যামাম্বরা পীতা পীতবস্ত্রা কলাবতী ॥ ৩০ ॥
কৌতুকী কৌতুকাচারা কুলধর্মপ্রকাশিনী ।
শাম্ভবী গারুডী বিদ্যা গরুডাসনসংস্থিতা ॥ ৩১ ॥ var গারুডীবিদ্যা
বিনতা বৈনতেয়েষ্টা বৈষ্ণবী বিষ্ণুপূজিতা ।
বার্তাদা বালুকা বেত্রী বেত্রহস্তা বরাঙ্গনা ॥ ৩২ ॥
বিবেকলোচনা বিজ্ঞা বিশালা বিমলা হ্যজা ।
বিবেকা প্রচুরা লুপ্তা নৌর্নারায়ণপূজিতা ॥ ৩৩ ॥
নারায়ণী (৩০০) চ সুমুখী দুর্জয়া দুঃখহারিণী ।
দৌর্ভাগ্যহা দুরাচারা দুষ্টহন্ত্রী চ দ্বেষিণী ॥ ৩৪ ॥
বাঙ্ময়ী ভারতী ভাষা মষী লেখকপূজিতা ।
লেখপত্রী চ লোলাক্ষী লাস্যা হাস্যা প্রিয়ঙ্করী ॥ ৩৫ ॥
প্রেমদা প্রণয়জ্ঞা চ প্রমাণা প্রত্যয়াঙ্কিতা ।
বারাহী কুব্জিকা কারা কারাবন্ধনমোক্ষদা ॥ ৩৬ ॥
উগ্রা চোগ্রতরোগ্রেষ্টা নৃমান্যা নরসিংহিকা ।
নরনারায়ণস্তুত্যা নরবাহনপূজিতা ॥ ৩৭ ॥
নৃমুণ্ডা নূপুরাঢ্যা চ নৃমাতা ত্রিপুরেশ্বরী ।
দিব্যায়ুধোগ্রতারা চ ত্র্যক্ষা ত্রিপুরমালিনী ॥ ৩৮ ॥
ত্রিনেত্রা কোটরাক্ষী চ ষট্চক্রস্থা ক্রীমীশ্বরী ।
ক্রিমিহা ক্রিমিয়োনিশ্চ কলা চন্দ্রকলা চমূঃ ॥ ৩৯ ॥
চমাম্বগ চ চার্বঙ্গী চঞ্চলাক্ষী চ ভদ্রদা ।
ভদ্রকালী সুভদ্রা চ ভদ্রাঙ্গী প্রেতবাহিনী ॥ ৪০ ॥
সুষমা স্ত্রীপ্রিয়া কান্তা কামিনী কুটিলালকা ।
কুশব্দা কুগতির্মেধা মধ্যমাঙ্কা চ কাশ্যপী ॥ ৪১ ॥
দক্ষিণাকালিকা কালী কালভৈরবপূজিতা ।
ক্লীঙ্কারী কুমতির্বাণী বাণাসুরনিসূদিনী ॥ ৪২ ॥
নির্মমা নির্মমেষ্টা চ নিরয়োনির্নিরাশ্রয়া । var নিরর্যোনির্নিরাশ্রয়া
নির্বিকারা নিরীহা চ নিলয়া নৃপপুত্রিণী ॥ ৪৩ ॥
নৃপসেব্যা বিরিঞ্চীষ্টা বিশিষ্টা বিশ্বমাতৃকা ।
মাতৃকাঽর্ণবিলিপ্তাঙ্গী মধুস্ত্রাতা মধুদ্রবা ॥ ৪৪ ॥
শুক্রেষ্টা শুক্রসন্তুষ্টা শুক্রস্নাতা কৃশোদরী ।
বৃষা বৃষ্টিরনাবৃষ্টির্লভ্যা লোভবিবর্জিতা ॥ ৪৫ ॥
অব্ধিশ্চ (৪০০) ললনা লক্ষ্যা লক্ষ্মী রামা রমা রতিঃ ।
রেবা রম্ভোর্বশী বশ্যা বাসুকিপ্রিয়কারিণী ॥ ৪৬ ॥
শেষা শেষরতা শ্রেষ্ঠা শেষশায়িনমস্কৃতা ।
শয়্যা শর্বপ্রিয়া শস্তা প্রশস্তা শম্ভুসেবিতা ॥ ৪৭ ॥
আশুশুক্ষণিনেত্রা চ ক্ষণদা ক্ষণসেবিতা ।
ক্ষুরিকা কর্ণিকা সত্যা সচরাচররূপিণী ॥ ৪৮ ॥
চরিত্রী চ ধরিত্রী চ দিতির্দৈত্যেন্দ্রপূজিতা ।
গুণিনী গুণরূপা চ ত্রিগুণা নির্গুণা ঘৃণা ॥ ৪৯ ॥
ঘোষা গজাননেষ্টা চ গজাকারা গুণিপ্রিয়া ।
গীতা গীতপ্রিয়া তথ্যা পথ্যা ত্রিপুরসুন্দরী ॥ ৫০ ॥
পীনস্তনী চ রমণী রমণীষ্টা চ মৈথুনী ।
পদ্মা পদ্মধরা বত্সা ধেনুর্মেরুধরা মঘা ॥ ৫১ ॥
মালতী মধুরালাপা মাতৃজা মালিনী তথা ।
বৈশ্বানরপ্রিয়া বৈদ্যা চিকিত্সা বৈদ্যপূজিতা ॥ ৫২ ॥
বেদিকা বারপুত্রী চ বয়স্যা বাগ্ভবী প্রসূঃ ।
ক্রীতা পদ্মাসনা সিদ্ধা সিদ্ধলক্ষ্মীঃ সরস্বতী ॥ ৫৩ ॥
সত্ত্বশ্রেষ্ঠা সত্ত্বসংস্থা সামান্যা সামবায়িকা ।
সাধকেষ্টা চ সত্পত্নী সত্পুত্রী সত্কুলাশ্রয়া ॥ ৫৪ ॥
সমদা প্রমদা শ্রান্তা পরলোকগতিঃ শিবা ।
ঘোররূপা ঘোররাবা মুক্তকেশী চ মুক্তিদা ॥ ৫৫ ॥
মোক্ষদা বলদা পুষ্টির্মুক্তির্বলিপ্রিয়াঽভয়া ।
তিলপ্রসূননাসা চ প্রসূনা কুলশীর্ষিণী ॥ ৫৬ ॥
পরদ্রোহকরী (৫০০) পান্থা পারাবারসুতা ভগা ।
ভর্গপ্রিয়া ভর্গশিখা হেলা হৈমবতীশ্বরী ॥ ৫৭ ॥
হেরুকেষ্টা বটুস্থা চ বটুমাতা বটেশ্বরী ।
নটিনী ত্রোটিনী ত্রাতা স্বসা সারবতী সভা ॥ ৫৮ ॥
সৌভাগ্যা ভাগ্যদা ভাগ্যা ভোগদা ভূঃ প্রভাবতী ।
চন্দ্রিকা কালহত্রীং চ জ্যোত্স্নোল্কাঽশনিরাহ্নিকা ॥ ৫৯ ॥
ঐহিকী চৌষ্মিকী চোষ্মা গ্রীষ্মাংশুদ্যুতিরূপিণী ।
গ্রীবা গ্রীষ্মাননা গব্যা কৈলাসাচলবাসিনী ॥ ৬০ ॥
মল্লী মার্তণ্ডরূপা চ মানহর্ত্রী মনোরমা ।
মানিনী মানকর্ত্রী চ মানসী তাপসী তুটিঃ ॥ ৬১ ॥ var ত্রুটিঃ
পয়ঃস্থা তু পরব্রহ্মস্তুতা স্তোত্রপ্রিয়া তনুঃ ।
তন্বী তনুতরা সূক্ষ্মা স্থূলা শূরপ্রিয়াঽধমা ॥ ৬২ ॥
উত্তমা মণিভূষাঢ্যা মণিমণ্ডপসংস্থিতা ।
মাষা তীক্ষ্ণা ত্রপা চিন্তা মণ্ডিকা চর্চিকা চলা ॥ ৬৩ ॥
চণ্ডী চুল্লী চমত্কারকর্ত্রী হর্ত্রী হরীশ্বরী ।
হরিসেব্যা কপিশ্রেষ্ঠা চর্চিতা চারুরূপিণী ॥ ৬৪ ॥
চণ্ডীশ্বরী চণ্ডরূপা মুণ্ডহস্তা মনোগতিঃ ।
পোতা পূতা পবিত্রা চ মজ্জা মেধ্যা সুগন্ধিনী ॥ ৬৫ ॥
সুগন্ধা পুষ্পিণী পুষ্পা প্রেরিতা পবনেশ্বরী ।
প্রীতা ক্রোধাকুলা ন্যস্তা ন্যক্কারা সুরবাহিনী ॥ ৬৬ ॥
স্রোতস্বতী মধুমতী দেবমাতা সুধাম্বরা (৬০০) ।
মত্স্যা মত্স্যেন্দ্রপীঠস্থা বীরপানা মদাতুরা ॥ ৬৭ ॥ var ভত্স্যা
পৃথিবী তৈজসী তৃপ্তির্মূলাধারা প্রভা পৃথুঃ ।
নাগপাশধরাঽনন্তা পাশহস্তা প্রবোধিনী ॥ ৬৮ ॥ var নাগপাশধরানন্তা
প্রসাদনা কলিঙ্গাখ্যা মদনাশা মধুদ্রবা ।
মধুবীরা মদান্ধা চ পাবনী বেদনা স্মৃতিঃ ॥ ৬৯ ॥
বোধিকা বোধিনী পূষা কাশী বারাণসী গয়া ।
কৌশী চোজ্জয়িনী ধারা কাশ্মীরী কুঙ্কুমাকুলা ॥ ৭০ ॥
ভূমিঃ সিন্ধুঃ প্রভাসা চ গঙ্গা গোরী শুভাশ্রয়া ।
নানাবিদ্যাময়ী বেত্রবতী গোদাবরী গদা ॥ ৭১ ॥
গদহর্ত্রী গজারূঢা ইন্দ্রাণী কুলকৌলিনী ।
কুলাচারা কুরূপা চ সুরূপা রূপবর্জিতা ॥ ৭২ ॥
চন্দ্রভাগা চ য়মুনা য়ামী য়মক্ষয়ঙ্করী ।
কাম্ভোজী সরয়ূশ্চিত্রা বিতস্তৈরাবতী ঝষা ॥ ৭৩ ॥
চষিকা পথিকা তন্ত্রী বীণা বেণুঃ প্রিয়ংবদা ।
কুণ্ডলিনী নির্বিকল্পা গায়ত্রী নরকান্তকা ॥ ৭৪ ॥
কৃষ্ণা সরস্বতী তাপী পয়োর্ণা শতরুদ্রিকা ।
কাবেরী শতপত্রাভা শতবাহুঃ শতহ্রদা ॥ ৭৫ ॥
রেবতী রোহিণী ক্ষিপ্যা ক্ষীরপা ক্ষোণী ক্ষমা ক্ষয়া । var ক্ষিপ্রা
ক্ষান্তির্ভ্রান্তির্গুরুর্গুবী গরিষ্ঠা গোকুলা নদী ॥ ৭৬ ॥
নাদিনী কৃষিণী কৃষ্যা সত্কুটী ভূমিকা (৭০০) ভ্রমা ।
বিভ্রাজমানা তীর্থ্যা চ তীর্থা তীর্থফলপ্রদা ॥ ৭৭ ॥
তরুণী তামসী পাশা বিপাশা প্রাশধারিণী ।
পশূপহারসন্তুষ্টা কুক্কুটী হংসবাহনা ॥ ৭৮ ॥
মধুরা বিপুলাঽকাঙ্ক্ষা বেদকাণ্ডী বিচিত্রিণী ।
স্বপ্নাবতী সরিত্ সীতাধারিণী মত্সরী চ মুত্ ॥ ৭৯ ॥
শতদ্রূর্ভারতী কদ্রূরনন্তানন্তশাখিনী । var কদ্রূরনন্তাঽনন্তশাখিনী
বেদনা বাসবী বেশ্যা পূতনা পুষ্পহাসিনী ॥ ৮০ ॥
ত্রিশক্তিঃ শক্তিরূপা চাক্ষরমাতা ক্ষুরী ক্ষুধা ।
মন্দা মন্দাকিনী মুদ্রা ভূতা ভূতপতিপ্রিয়া ॥ ৮১ ॥
ভূতেষ্টা পঞ্চভূতঘ্নী স্বক্ষা কোমলহাসিনী ।
বাসিনী কুহিকা লম্ভা লম্বকেশী সুকেশিনী ॥ ৮২ ॥
ঊর্ধ্বকেশী বিশালাক্ষী ঘোরা পুণ্যপতিপ্রিয়া ।
পাংসুলা পাত্রহস্তা চ খর্পরী খর্পরায়ুধা ॥ ৮৩ ॥
কেকরী কাকিনী কুম্ভী সুফলা কেকরাকৃতিঃ ।
বিফলা বিজয়া শ্রীদা শ্রীদসেব্যা শুভঙ্করী ॥ ৮৪ ॥
শৈত্যা শীতালয়া শীধুপাত্রহস্তা কৃপাবতী ।
কারুণ্যা বিশ্বসারা চ করুণা কৃপণা কৃপা ॥ ৮৪ ॥
প্রজ্ঞা জ্ঞানা চ ষড্বর্গা ষডাস্যা ষণ্মুখপ্রিয়া ।
ক্রৌঞ্চী ক্রৌঞ্চাদ্রিনিলয়া দান্তা দারিদ্র্যনাশিনী ॥ ৮৬ ॥
শালা চাভাসুরা সাধ্যা সাধনীয়া চ সামগা ।
সপ্তস্বরা সপ্তধরা সপ্তসপ্তিবিলোচনা ॥ ৮৭ ॥
স্থিতিঃ ক্ষেমঙ্করী স্বাহা বাচালী (৮০০) বিবিষাম্বরা ।
কলকণ্ঠী ঘোষধরা সুগ্রীবা কন্ধরা রুচিঃ ॥ ৮৮ ॥
শুচিস্মিতা সমুদ্রেষ্টা শশিনী বশিনী সুদৃক্ ।
সর্বজ্ঞা সর্বদা শারী সুনাসা সুরকন্যকা ॥ ৮৯ ॥
সেনা সেনাসুতা শৃঙ্গী শৃঙ্গিণী হাটকেশ্বরী ।
হোটিকা হারিণী লিঙ্গা ভগলিঙ্গস্বরূপিণী ॥ ৯০ ॥
ভগমাতা চ লিঙ্গাখ্যা লিঙ্গপ্রীতিঃ কলিঙ্গজা ।
কুমারী য়ুবতী প্রৌঢা নবোঢা প্রৌঢরূপির্ণা ॥ ৯১ ॥
রম্যা রজোবতী রজ্জু রজোলী রাজসী ঘটী ।
কৈবর্তী রাক্ষসী রাত্রী রাত্রিঞ্চরক্ষয়ঙ্করী ॥ ৯২ ॥
মহোগ্রা মুদিতা ভিল্লী ভল্লহস্তা ভয়ঙ্করী ।
তিলাভা দারিকা দ্বাঃস্থা দ্বারিকা মধ্যদেশগা ॥ ৯৩ ॥
চিত্রলেখা বসুমতী সুন্দরাঙ্গী বসুন্ধরা ।
দেবতা পর্বতস্থা চ পরভূঃ পরমাকৃতিঃ ॥ ৯৪ ॥
পরমূতির্মুণ্ডমালা নাগয়জ্ঞোপবীতিনী ।
শ্মশানকালিকা শ্মশ্রুঃ প্রলয়াত্মা প্রলোপিনী ॥ ৯৫ ॥
প্রস্থস্থা প্রস্থিনী প্রস্থা ধূম্রার্চির্ধূম্ররূপিণী ।
ধূম্রাঙ্গী ধূম্রকেশা চ কপিলা কালনাশিনী ॥ ৯৬ ॥
কঙ্কালী কালরূপা চ কালমাতা মলিম্লুচী ।
শর্বাণী রুদ্রপত্নী চ রৌদ্রী রুদ্রস্বরূপিণী ॥ ৯৭ ॥
সন্ধ্যা ত্রিসন্ধ্যা সম্পূজ্যা সর্বৈশ্বর্যপ্রদায়িনী ।
কুলজা সত্যলোকেশা সত্যবাক্ সত্যবাদিনী ॥ ৩৮ ॥
সত্যস্বরা সত্যময়ী হরিদ্বারা হরিন্ময়ী ।
হরিদ্রতন্ময়ী রাশি (৯০০) র্গ্রহতারাতিথিতনুঃ ॥ ৯৯ ॥
তুম্বুরুস্ত্রুটিকা ত্রোটী ভুবনেশী ভয়াপহা ।
রাজ্ঞী রাজ্যপ্রদা য়োগ্যা য়োগিনী ভুবনেশ্বরী ॥ ১০০ ॥
তুরী তারা মহালক্ষ্মীর্ভীডা ভার্গী ভয়ানকা ।
কালরাত্রির্মহারাত্রির্মহাবিদ্যা শিবালয়া ॥ ১০১ ॥
শিবাসঙ্গা শিবস্থা চ সমাধিরগ্নিবাহনা ।
অগ্নীশ্বরী মহাব্যাপ্তির্বলাকা বালরূপিণী ॥ ১০২ ॥ var মহীব্যাপ্তি
বটুকেশী বিলাসা চ সদসত্পুরভৈরবী ।
বিঘ্নহা খলহা গাথা কথা কন্থা শুভাম্বরা ॥ ১০৩ ॥
ক্রতুহা ৠতুজা ক্রান্তা মাধবী চামরাবতী ।
অরুণাক্ষী বিশালাক্ষী পুণ্যশীলা বিলাসিনী ॥ ১০৪ ॥
সুমাতা স্কন্দমাতা চ কৃত্তিকা ভরণী বলিঃ ।
জিনেশ্বরী সুকুশলা গোপী গোপতিপূজিতা ॥ ১০৫ ॥
গুপ্তা গোপ্যতরা খ্যাতা প্রকটা গোপিতাত্মিকা ।
কুলাম্নায়বতী কীলা পূর্ণা স্বর্ণাঙ্গদোত্সুকা ॥ ১০৬ ॥
উত্কণ্ঠা কলকণ্ঠী চ রক্তপা পানপাঽমলা ।
সম্পূর্ণচন্দ্রবদনা য়শোদা চ য়শস্বিনী ॥ ১০৭ ॥
আনন্দা সুন্দরী সর্বানন্দা নন্দাত্মজা লয়া ।
বিদ্যুত্ খদ্যোতরূপা চ সাদরা জবিকা জবিঃ ॥ ১০৮ ॥ var জীবকা
জননী জনহর্ত্রী চ খর্পরা খঞ্জনেক্ষণা ।
জীর্ণা জীমূতলক্ষ্যা চ জটিনী জয়বর্ধিনী ॥ ১০৯ ॥
জলস্থা চ জয়ন্তী চ জম্ভারিবরদা তথা ।
সহস্রনামসম্পূর্ণা দেবী জ্বালামুখী স্মৃতা (১০০০) ॥ ১১০ ॥
ইতি নাম্নাং সহস্রং তু জ্বালামুখ্যাঃ শিবোদিতম্ ।
চতুর্বর্গপ্রদং নিত্যং বীজত্রয়প্রকাশিতম্ ॥ ১১১ ॥
মোক্ষৈকহেতুমতুলং ভুক্তিমুক্তিপ্রদং নৃণাম্ ।
স্তুত্যং চ সাধনীয়ং চ সর্বস্বং সারমুত্তমম্ ॥ ১১২ ॥
মহামন্ত্রময়ং বিদ্যাময়ং বিদ্যাপ্রদং পরম্ ।
পরব্রহ্মস্বরূপং চ সাক্ষাদমৃতরূপণম্ ॥ ১১৩ ॥
অদ্বৈতরূপণং নাম্নাং সহস্রং ভৈরবোদিতম্ ।
য়ঃ পঠেত্ পাঠয়েদ্বাপি শৃণোতি শ্রাবয়েদপি ॥ ১১৪ ॥
ভক্ত্যা য়ুতো মহাদেবি স ভবেদ্ভৈরবোপমঃ ।
শিবরাত্র্যাং চ সঙ্ক্রান্তৌ গ্রহণে জন্মবাসরে ॥ ১১৫ ॥
ভৈরবস্য বলিং দত্ত্বা মূলমন্ত্রেণ মান্ত্রিকঃ ।
পঠেন্নামসহস্রং চ জ্বালামুখ্যাঃ সুদুর্লভম্ ॥ ১১৬ ॥
অনন্তফলদং গোপ্যং ত্রিসন্ধ্যং য়ঃ পঠেত্ সুধীঃ ।
অণিমাদিবিভূতীনামীয়রো ধার্মিকো ভবেত্ ॥ ১১৭ ॥
অর্ধরাত্রে সমুত্থায় শূন্যগেহে পঠেদিদম্ ।
নাম্নাং সহস্রকং দিব্যং ত্রিবারং সাধকোত্তমঃ ॥ ১১৮ ॥
কর্মণা মনসা বাচা জ্বালামুখ্যাঃ সুতো ভবেত্ ।
মধ্যাহ্নে প্রত্যহং গত্বা প্রেতভূমি বিধানবিত্ ॥ ১১৯ ॥
নরমাংসবলিং দত্ত্বা পঠেত্ সহস্রনামকম্ ।
দিব্যদেহধরো ভূত্বা বিচরেদ্ভুবনত্রয়ম্ ॥ ১২০ ॥
শনিবারে কুজেঽষ্টম্যাং পঠেন্নামসহস্রকম্ ।
দত্ত্বা ক্ষীরবলিং তস্যৈ করস্থাঃ সর্বসিদ্ধয়ঃ ॥ ১২১ ॥
বিনা নৈবেদ্যমাত্রেণ ন রক্ষ্যং সাধকোত্তমৈঃ ।
কুজবারে সদা দেবি দত্ত্বাঽঽসববলিং নরঃ ॥ ১২২ ॥ var দত্ত্বাসববলিং
পঠেত্ সাধক এবাশু লভেদ্ দর্শনমুত্তমম্ ।
শনিবারে সদা বিদ্যাং জপ্ত্বা দত্ত্বা বলিং প্রিয়ে ॥ ১২৩ ॥
কপোতস্য মহেশানি পঠেন্নামসহস্রকম্ ।
তদ্গৃহে বর্ধতে লক্ষ্মীর্গোকর্ণমিব নিত্যশঃ ॥ ১২৪ ॥
শতাবর্তং চরেদ্রাত্রৌ সাধকো দর্শনং লভেত্ ।
বন্ধ্যা বা কাকবন্ধ্যা বা কুঙ্কুমেন লিখেদিদম্ ॥ ১২৫ ॥
স্বস্তন্যেন চ শুক্রেণ ভূর্জে নামসহস্রকম্ ।
গলে বা বামবাহৌ বা ধারয়েত্ প্রত্যহং প্রিয়ে ॥ ১২৬ ॥
বন্ধ্যাঽপি লভতে পুত্রাত্র্শূরান্ বিদ্যাধরোপমান্ । var বন্ধ্যাপি
ইদং ধৃত্বা সব্যবাহৌ গত্বা রণধরাং প্রতি ॥ ১২৭ ॥
নির্জিত্য শত্রুসঙ্ঘাতান্ সুখী য়াতি স্বকং গৃহম্ ।
বারত্রয়ং পঠেন্নিত্যং শত্রুনাশায় পার্বতি ॥ ১২৮ ॥
বারদ্বয়ং পঠেল্লক্ষ্ম্যৈ মুক্ত্যৈ তু শতধা পঠেত্ ।
বশ্যার্থে দশধা নিত্যং মারণার্থে চ বিংশতিম্ ॥ ১২৯ ॥
স্তম্ভনার্থে পঠেন্নিত্যং সপ্তধা মান্ত্রিকোত্তমঃ ।
ভূম্যর্থে ত্রিংশতিং দেবি পঠেন্নামসহস্রকম্ ॥ ১৩০ ॥
প্রত্যহমেকবারং তু মৃতো মোক্ষমবাপ্নুয়াত্ ।
অপ্রকাশ্যমদাতব্যমবক্তব্যমভক্তিষু ॥ ১৩১ ॥
অশাক্তায়াকুলীনায় কুপুত্রায় দুরাত্মনে ।
গুরুভক্তিবিহীনায় দীক্ষাহীনায় পার্বতি ॥ ১৩২ ॥
দত্ত্বা কুষ্ঠী ভবেল্লোকে পরত্র নরকং ব্রজেত্ ।
শ্রদ্ধায়ুক্তায় ভক্তায় সাধকায় মহাত্মনে ।
সাচারায় সুশীলায় দত্ত্বা মোক্ষমবাপ্নুয়াত্ ॥ ১৩৩ ॥
॥ ইতি শ্রীরুদ্রয়ামলে তন্ত্রে দশবিদ্যারহস্যে
শ্রীজ্বালামুখীসহস্রনামস্তোত্রং সমাপ্তম্ ॥