॥ Sri Lakini Sahasranama Stotram Gujarati Lyrics ॥
॥ શ્રીલાકિનીસહસ્રનામસ્તોત્રમ્ ॥
શ્રીગણેશાય નમઃ ।
આનન્દભૈરવી ઉવાચ ।
અથ સમ્ભેદનાર્થાય વક્ષ્યે ષટ્પઙ્કજસ્ય ચ ।
મહારુદ્રસ્ય દેવસ્ય શ્રી શ્રીમૃત્યુઞ્જયસ્ય ચ ॥ ૧ ॥
લાકિની શક્તિસહિતં સહસ્રનામમઙ્ગલમ્ ।
અષ્ટોત્તરશતવ્યાપ્તં નિગૂઢં ભવ સિદ્ધયે ॥ ૨ ॥
ધારયિત્વા પઠિત્વા ચ શ્રુત્વા વા નામમઙ્ગલમ્ ।
શૃણુષ્વ પરમાનન્દ યોગેન્દ્ર ચન્દ્રશેખર ॥ ૩ ॥
તવાહ્લાદપ્રણયનાત્ સર્વસમ્પત્તિપ્રાપ્તયે ।
મણિયોગસુસિદ્ધ્યર્થં સાવધાનાઽવધારય ॥ ૪ ॥
અષ્ટોત્તરસહસ્રનામમઙ્ગલસ્ય કહોડ
ઋષિર્ગાયત્રીચ્છન્દો મહારુદ્રમૃત્યુઞ્જયલાકિની સરસ્વતીદેવતા
સર્વાભીષ્ટશચીપીઠયોગસિદ્ધ્યર્થે વિનિયોગઃ ।
ૐ મૃત્યુઞ્જય રુદ્રાદિ લાકિન્યાદિ સરસ્વતી ।
મૃત્યુજેતા મહારૌદ્રી મહારુદ્રસરસ્વતી ॥ ૫ ॥
મહારૌદ્રો મૃત્યુહરો મહામણિવિભૂષિતા ।
મહાદેવો મહાવક્ત્રો મહામાયા મહેશ્વરી ॥ ૬ ॥
મહાવીરો મહાકાલો મહાચણ્ડેશ્વરી સ્નુષા ।
મહાવાતો મહાભેદો વીરભદ્રા મહાતુરા ॥ ૭ ॥
મહાચણ્ડેશ્વરો મીનો મણિપૂરપ્રકાશિકા ।
મહામત્તો મહારાત્રો મહાવીરાસનસ્થિતા ॥ ૮ ॥
માયાવી મારહન્તા ચ માતઙ્ગી મઙ્ગલેશ્વરી ।
મૃત્યુહારી મુનિશ્રેષ્ઠા મનોહારી મનોયવા ॥ ૯ ॥
મણ્ડલસ્થો મનીલાઙ્ગો માન્યા મોહનમૌલિની ।
મત્તવેશો મહાબાણો મહાબલા મહાલયા ॥ ૧૦ ॥
મારી હારી મહામારી મદિરામત્તગામિની ।
મહામાયાશ્રયો મૌની મહામાયા મરુત્પ્રિયા ॥ ૧૧ ॥
મુદ્રાશી મદિરાપી ચ મનોયોગા મહોદયા ।
માંસાશી મીનભક્ષશ્ચ મોહિની મેઘવાહના ॥ ૧૨ ॥
માનભઙ્ગપ્રિયો માન્યા મહામાન્યો મહાબલા ।
મહાબાણધરો મુખ્યો મહાવિદ્યા મહીર્યસી ॥ ૧૩ ॥
મહાશૂલધરોઽનન્તો મહાબલી મહાકુલા ।
મલયાદ્રિનિવાસી ચ મતિર્માલાસનપ્રિયા ॥ ૧૪ ॥
માયાપતિર્મહારુદ્રો મરુણાહતકારિણી ।
માલાધારી શઙ્ખમાલી મઞ્જરી માંસભક્ષિણી ॥ ૧૫ ॥
મહાલક્ષણસમ્પન્નો મહાલક્ષણલક્ષણા ।
મહાજ્ઞાની મહાવેગી મૌષલી મુષલપ્રિયા ॥ ૧૬ ॥
મહોખ્યો માલિનીનાથો મન્દરાદ્રિનિવાસિની ।
મૌનીનામન્તરસ્થશ્ચ માનભઙ્ગા મનઃસ્વિની ॥ ૧૭ ॥
મહાવિદ્યાપતિર્મધ્યો મધ્યે પર્વતવાસિની ।
મદિરાપો મન્દહરો મદનામદનાસના ॥ ૧૮ ॥
મદનસ્થો મદક્ષેત્રો મહાહિમનિવાસિની ।
મહાન્ મહાત્મા માઙ્ગલ્યો મહામઙ્ગલધારિણી ॥ ૧૯ ॥
મહાહીનશરીરશ્ચ મનોહરતદુદ્ભવા ।
માયાશક્તિપતિર્મોહા મહામોહનિવાસિની ॥ ૨૦ ॥
મહચ્ચિતો નિર્મલાત્મા મહતામશુચિસ્થિત ।
મત્તકુઞ્જરપૃષ્ઠસ્થો મત્તકુઞ્જરગામિની ॥ ૨૧ ॥
મકરો મરુતાનન્દો માકરી મૃગપૂજિતા ।
મણીપૂજ્યા મનોરૂપી મેદમાંસવિભોજિની ॥ ૨૨ ॥
મહાકામી મહાધીરો મહામહિષમર્દિની ।
મહિષાસુરબુદ્ધિસ્થો મહિષાસુરનાશિની ॥ ૨૩ ॥
મહિષસ્થો મહેશસ્થો મધુકૈટભનાશિની ।
મધુનાથશ્ચ મધુપો મધુમાંસાદિસિદ્ધિદા ॥ ૨૪ ॥
મહાભૈરવપૂજ્યશ્ચ મહાભૈરવપૂજિતા ।
મહાકાન્તિ પ્રિયાનન્દો મહાકાન્તિસ્થિતાઽમરા ॥ ૨૫ ॥
માલાકોટિધરો માલો મુણ્ડમાલાવિભૂષિતા ।
મણ્ડલજ્ઞાનનિરતો મણિમણ્ડલવાસિની ॥ ૨૬ ॥
મહાવિભૂતિક્રોધસ્થો મિથ્યાદોષસરસ્વતી ।
મેરુસ્થો મેરુનિલય મેનકાનુજરૂપિણિ ॥ ૨૭ ॥
મહાશૈલાસન મેરુમોહિની મેઘવાહિની ।
મઞ્જુઘોષો મઞ્જુનાથો મોહમુદ્ગરધારિણી ॥ ૨૮ ॥
મેઢ્રસ્થો મણિપીઠસ્થો મૂલરૂપા મનોહરા ।
મઙ્ગલાર્થો મહાયોગી મત્તમેહસમુદ્ભવા ॥ ૨૯ ॥
મતિસ્થિત મનોમાનો મનોમાતા મહોન્મની ।
મન્દબુદ્ધિહરો મૃત્યુર્મૃત્યુહન્ત્રી મનઃપ્રિયા ॥ ૩૦ ॥
મહાભક્તો મહાશક્તો મહાશક્તિર્મદાતુરા ।
મણિપુરપ્રકાશશ્ચ મણિપુરવિભેદિની ॥ ૩૧ ॥
મકારકૂટનિલયો માના માનમનોહરી ।
માક્ષરો માતૃકાવર્ણોં માતૃકાબીજમાલિની ॥ ૩૨ ॥
મહાતેજા મહારશ્મિર્મન્યુગ સ્યાન્ મધુપ્રિયા ।
મધુમાંસસમુત્પન્નો મધુમાંસવિહારિણી ॥ ૩૩ ॥
મૈથુનાનન્દનિરતો મૈથુનાલાપમોહિની ।
મુરારિપ્રેમસંતુષ્ટો મુરારિકરસેવિતા ॥ ૩૪ ॥
માલ્યચન્દનદિગ્ધાઙ્ગો માલિની મન્ત્રજીવિકા ।
મન્ત્રજાલસ્થિતો મન્ત્રી મન્ત્રિણાંમન્ત્રસિદ્ધિદા ॥ ૩૫ ॥
મન્ત્રચૈતન્યકારી ચ મન્ત્રસિદ્ધિપ્રિયા સતી ।
મહાતીર્થપ્રિયો મેષો મહાસિંહાસનસ્થિતા ॥ ૩૬ ॥
મહાક્રોધસમુત્પન્નો મહતી બુદ્ધિદાયિની ।
મરણજ્ઞાનરહિતો મહામરણનાશિની ॥ ૩૭ ॥
મરણોદ્ભૂતહન્તા ચ મહામુદ્રાન્વિતા મુદા ।
મહામોદકરો મારો મારસ્થા મારનાશિની ॥ ૩૮ ॥
મહાહેતુહરો હર્તા મહાપુરનિવાસિની ।
મહાકૌલિકપાલશ્ચ મહાદૈત્યનિવારિણી ॥ ૩૯ ॥
માર્તણ્ડકોટિકિરણો મૃતિહન્ત્રી મૃતિસ્થિતા ।
મહાશૈલોઽમલો માયી મહાકાલગુણોદયા ॥ ૪૦ ॥
મહાજયો મહારુદ્રો મહારુદ્રારુણાકરા ।
મનોવર્ણમૃજોમાખ્યો મુદ્રા તરુણરૂપિણી ॥ ૪૧ ॥
મુણ્ડમાલાધરો માર્યો માર્યપુષ્પમૃજામની ।
મઙ્ગલપ્રેમભાવસ્થા મહાવિદ્યુત્પ્રભાઽચલા ॥ ૪૨ ॥
મુદ્રાધારી મતસ્થૈર્યો મતભેદપ્રકારિણી ।
મહાપુરાણવેત્તા ચ મહાપૌરાણિકાઽમૃતા ॥ ૪૩ ॥
મૌનવિદ્યો મહાવિદ્યા મહાધનનિવાસિની ।
મઘવા માઘમધ્યસ્થા મહાસૈન્યા મહોરગા ॥ ૪૪ ॥
મહાફણિધરો માત્રા માતૃકા મન્ત્રવાસિની ।
મહાવિભૂતિદાનાઢ્યા મેરુવાહનવાહના ॥ ૪૫ ॥
મહાહ્લાદો મહામિત્રો મહામૈત્રેયપૂજિતા ।
માર્કણ્ડેયસિદ્ધિદાતા માર્કણ્ડેયાયુષિસ્થિતા ॥ ૪૬ ॥
માર્કણ્ડેયો મુહુઃપ્રીતો માતૃકામણ્ડલેશ્વરી ।
માનસંસ્થો માનદાતા મનોધારણતત્પરા ॥ ૪૭ ॥
મયદાનવચિત્તસ્થો મયદાનવચિત્રિણી ।
મહાગુણધરાનન્દો મહાલિઙ્ગવિહારિણી ॥ ૪૮ ॥
મહેશ્વરસ્થિતો મૂલો મૂલવિદ્યાકુલોદયા ।
માયાપો મોહનોન્માદી મહાગુરુનિવાસિની ॥ ૪૯ ॥
મહાશુક્લામ્બરધરો મલયાગુરુધૂપિતા ।
મધૂપિની મધૂલ્લાસો માધ્વીરસસમાશ્રયા ॥ ૫૦ ॥
મહાગુરુર્મહાદેહો મહોત્સાહા મહોત્પલા ।
મધ્યપઙ્કજસંસ્થાતા મધ્યામ્બુજનિવાસિની ॥ ૫૧ ॥
મારીભયહરો મલ્લો મલ્લગ્રહવિરોધિની ।
મહામુણ્ડલયોન્માદી મદઘૂર્ણીતલોચના ॥ ૫૨ ॥
મહાસદ્યોજાતકાલો મહાકપિલવર્તીની ।
મેઘવાહો મહાવક્ત્રો મનસામણિધારિણી ॥ ૫૩ ॥
મરણાશ્રયહન્તા ચ મહાગુર્વીગણસ્થિતા ।
મહાપદ્મસ્થિતો મન્ત્રો મન્ત્રવિદ્યાનિધીશ્વરી ॥ ૫૪ ॥
મકરાસનસંસ્થાતા મહામૃત્યુવિનાશિની ।
મોહનો મોહિનીનાથો મત્તનર્તનવાસિની ॥ ૫૫ ॥
મહાકાલકુલોલ્લાસી મહાકામાદિનાશિની ।
મૂલપદ્મનિવાસી ચ મહામૂલકુલોદયા ॥ ૫૬ ॥
માસાખ્યો માંસનિલયા મઙ્ગલસ્થા મહાગુણા ।
માયાછન્નતરો મીનો મીમાંસાગુણવાદિની ॥ ૫૭ ॥
મીમાંસાકારકો માયી માર્જારસિદ્ધિદાયિની ।
મેદિનીવલ્લભક્ષેમો મેદિનીજ્ઞાનમોદિની ॥ ૫૮ ॥
મૌષલીશ મૃષાર્થસ્થો મનકલ્પિતકેશરી ।
મનસ શ્રીધરો જાપો મન્દહાસસુશોભિતા ॥ ૫૯ ॥
મૈનાકો મેનકાપુત્રો માયાછન્ના મહાક્રિયા ।
મહાક્રિયા ચ લોમાણ્ડો મણ્ડલાસનશોભિતા ॥ ૬૦ ॥
માયાધારણકર્તા ચ મહાદ્વેષવિનાશિની ।
મુક્તકેશી મુક્તદેહો મુક્તિદા મુક્તિમાનિની ॥ ૬૧ ॥
મુક્તાહારધરો મુક્તો મુક્તિમાર્ગપ્રકાશિની ।
મહામુક્તિક્રિયાચ્છન્નો મહોચ્ચગિરિનન્દિની ॥ ૬૨ ॥
મૂષલાદ્યસ્ત્રહન્તા ચ મહાગૌરીમનઃક્રિયા ।
મહાધની મહામાની મનોમત્તા મનોલયા ॥ ૬૩ ॥
મહારણગત સાન્તો મહાવીણાવિનોદિની ।
મહાશત્રુનિહન્તા ચ મહાસ્ત્રજાલમાલિની ॥ ૬૪ ॥
શિવો રુદ્રો વલીશાની કિતવામોદવર્ધીની ।
ચન્દ્રચૂડાધરો વેદો મદોન્મત્તા મહોજ્જ્વલા ॥ ૬૫ ॥
વિગલત્કોટિચન્દ્રાભો વિધુકોટિસમોદયા ।
અગ્નિજ્વાલાધરો વીરો જ્વાલામાલાસહસ્રધા ॥ ૬૬ ॥
ભર્ગપ્રિયકરો ધર્મો મહાધાર્મીકતત્પરા ।
ધર્મધ્વજો ધર્મકર્તા ધર્મગુપ્તિ પ્રસૃત્ત્વરી ॥ ૬૭ ॥
મહાવિદ્રુમપૂરસ્થો વિદ્રુમાભાયુતપ્રભા ।
પુષ્પમાલાધરો માન્યો શત્રૂણાં કુલનાશિની ॥ ૬૮ ॥
કોજાગરો વિસર્ગસ્થો બીજમાલાવિભૂષિતા ।
બીજચન્દ્રો બીજપૂરો બીજાભા વિઘ્નનાશિની ॥ ૬૯ ॥
વિશિષ્ટો વિધિમોક્ષસ્થો વેદાઙ્ગપરિપૂરિણી ।
કિરાતિનીપતિ શ્રીમાન્ વિજ્ઞાવિજ્ઞજનપ્રિયા ॥ ૭૦ ॥
વર્ધસ્થો વર્ધસમ્પન્નો વર્ણમાલાવિભૂષિતા ।
મહાદ્રુમગત શૂરો વિલસત્કોટિચન્દ્રભા ॥ ૭૧ ॥
મહાકુમારનિલયો મહાકામકુમારિકા ।
કામજાલક્રિયાનાથો વિકલા કમલાસના ॥ ૭૨ ॥
ખણ્ડબુદ્ધિહરો ભાવો ભવતીતિ દુરાસના ।
અસંખ્યકો રૂપસંખ્યો નામસંખ્યાદિપૂરણી ॥ ૭૩ ॥
સદ્મનાદ્યમના કોષકિઙ્કિણીજાલમાલિની ।
ચન્દ્રાયુતમુખામ્ભોજો વિભાયુતસમાનના ॥ ૭૪ ॥
કાલબુદ્ધિહરો બાલો ભગવત્યમ્બિકાઽણ્ડજા ।
મુણ્ડહસ્તશ્ચાતુરાદ્યઃ વિવાદરહિતાઽવૃતા ॥ ૭૫ ॥
પઞ્ચમાચારકુશલો મહાપઞ્ચમલાલસા ।
વિકારશૂન્યો દુર્ધર્ષો દ્વિપદા માનુષક્રિયા ॥ ૭૬ ॥
મયદાનવકર્મસ્થો વિધાતૃકર્મબોધિની ।
કલિકાલક્રિયારૂઢ વાયવીઘર્ઘરધ્વનિ ॥ ૭૭ ॥
સર્વસઞ્ચારકર્તા ચ સર્વસઞ્ચારકર્ત્રીકા ।
મન્દમન્દગતિપ્રેમા મન્દમન્દગતિસ્થિતા ॥ ૭૮ ॥
સાટ્ટહાસો વિધુકલા ચાઘોરાઘોરયાતના ।
મહાનરકહર્તા ચ નરકાદિવિપાકહા ॥ ૭૯ ॥
પઞ્ચરશ્મિસમુદ્ભૂતો નગાદિબલઘાતિની ।
ગરુડાસનસમ્પૂજ્યો ગરુડપ્રેમવર્ધીની ॥ ૮૦ ॥
અશ્વત્થવૃક્ષનિલયો વટવૃક્ષતલસ્થિતા ।
ચિરાઙ્ગો પ્રથમાબુદ્ધિ પ્રપઞ્ચસારસઙ્ગતિ ॥ ૮૧ ॥
સ્થિતિકર્તા સ્થિતિચ્છાયા વિમદા છત્રધારિણી ।
દાડિમાભાસકુસુમો દાડિમોદ્ભવપુષ્પિકા ॥ ૮૨ ॥
દ્રાઢ્યો દ્રવીભરતિકા રતિકાલાપવર્ધીની ।
રત્નગર્ભો રત્નમાલા રત્નેશ્વર ઇવાગતિ ॥ ૮૩ ॥
પ્રસિદ્ધઃ પાવની પુચ્છા પુચ્છસુસ્થ પરાપરા ।
ખેચરી ખેચર સ્વસ્થો મહાખડ્ગધરા જયા ॥ ૮૪ ॥
કિશોરભાવખેલસ્થો વિખનાદિપ્રકારિકા ।
મહાશબ્દપ્રકાશશ્ચ મહાશબ્દપ્રકાશિકા ॥ ૮૫ ॥
ચારુહાસો વિપધન્તા શત્રુમિત્રગણસ્થિતા ।
વજ્રદણ્ડધરો વ્યાઘ્રો વિયત્ખેલનખઞ્જના ॥ ૮૬ ॥
ગદાધર શીલધારી શશિકર્પૂરગાઽબલા ।
વસનાસનકારી ચ વસનાવસનપ્રિયા ॥ ૮૭ ॥
મહાવિદ્યાધરો ગુપ્તો વિશિષ્ટગોપનક્રિયા ।
ગુપ્તગીતાગાયનસ્થો ગુપ્તશાસ્ત્રગલપ્રદા ॥ ૮૮ ॥
યોગવિદ્યાપુરાણશ્ચ યાગવિદ્યા વિભાકલા ।
એકકાલો દ્વિકાલશ્ચાત્ર કાલફલામ્બુજા ॥ ૮૯ ॥
અષ્ટાદશભુજો રૌદ્રી ભુજગા વિઘ્નનાશિની ।
વિદ્યાગોપનકારી ચ વિદ્યાસિદ્ધિપ્રદાયિની ॥ ૯૦ ॥
વિજયાનન્દગો મન્દો મહાકાલમહેશ્વરી ।
ભૂતિદાનરતો માર્ગોં મહદ્ગીતાપ્રકાશિની ॥ ૯૧ ॥
કેશાદ્યાવેશસન્તાનો મઙ્ગલાભા કુલાન્તરા ।
દ્વિભુજો વેદબાહુશ્ચ ષડ્ભુજા કામચારિણી ॥ ૯૨ ॥
ચન્દ્રકાન્તમાલ્યધરો લોકાતિલોકરાગિણી ।
ત્રિભઙ્ગદેહનિકરો વિભાઙ્ગસ્થા વિનોદિની ॥ ૯૩ ॥
ત્રિકૂટસ્થસ્ત્રિભાવસ્થસ્ત્રિશરીરા ત્રિકાલજા ।
એકવક્ત્રો દ્વિવક્ત્રશ્ચ વક્ત્રશૂન્યા શિશુપ્રિયા ॥ ૯૪ ॥
શ્રી વિદ્યામન્ત્રજાલસ્થો વિજ્ઞાની કુશલેશ્વરી ।
ઘટાસરગતો ગૌરા ગૌરવી ગૌરિકાઽચલા ॥ ૯૫ ॥
ગુરુજ્ઞાનગતો ગન્ધો ગન્ધભોગ્યા ગિરિધ્વજા ।
છાયામણ્ડલમધ્યસ્થો વિકટા પુષ્કરાનના ॥ ૯૬ ॥
કામાખ્યો નિરહઙ્કાર કામરૂપનૃપાઙ્ગજા ।
સુલભો દુર્લભો દુઃખી સૂક્ષ્માતિસૂક્ષ્મરૂપિણી ॥ ૯૭ ॥
બીજજાપપશો ક્રૂરો વિમોહગુણનાશિની ।
અર્ધરો નિપુણોલ્લાશો વિભુરૂપા સરસ્વતી ॥ ૯૮ ॥
અનન્તઘોષનિલયો વિહઙ્ગગણગામિની ।
અચ્યુતેશ પ્રકાણ્ડસ્થ પ્રચણ્ડફાલવાહિની ॥ ૯૯ ॥
અભ્રાન્તો ભ્રાન્તિરહિતા શ્રાન્તો યાન્તિ પ્રતિષ્ઠિતા ।
અવ્યર્થો વ્યર્થવાક્યસ્થો વિશઙ્કાશઙ્કયાન્વિતા ॥ ૧૦૦ ॥
યમુનાપતિપ પીનો મહાકાલવસાવહા ।
જમ્બૂદ્વીપેશ્વર પાર પારાવારકૃતાસની ॥ ૧૦૧ ॥
વજ્રદણ્ડધર શાન્તો મિથ્યાગતિરતીન્દ્રિયા ।
અનન્તશયનો ન્યૂનઃ પરમાહ્લાદવર્ધીની ॥ ૧૦૨ ॥
શિષ્ટાશ્રણિલયો વ્યાખ્યો વસન્તકાલસુપ્રિયા ।
વિરજાન્દોલિતો ભિન્નો વિશુદ્ધગુણમણ્ડિતા ॥ ૧૦૩ ॥
અઞ્જનેશઃ ખઞ્જનેશ પલલાસવભક્ષિણી ।
અઙ્ગભાષાકૃતિસ્નાતા સુધારસફલાતુરા ॥ ૧૦૪ ॥
ફલબીજધરો દૌર્ગો દ્વારપાલનપલ્લવા ।
પિપ્પલાદઃ કારણશ્ચ વિખ્યાતિરતિવલ્લભા ॥ ૧૦૫ ॥
સંહારવિગ્રહો વિપ્રો વિષણ્ણા કામરૂપિણી ।
અવલાપો નાપનાપો વિક્લૃપ્તા કંસનાશિની ॥ ૧૦૬ ॥
હઠાત્કારેણતો ચામો નાચામો વિનયક્રિયા ।
સર્વ સર્વસુખાચ્છન્નો જિતાજિતગુણોદયા ॥ ૧૦૭ ॥
ભાસ્વત્કિરીટો રાઙ્કારી વરુણેશીતલાન્તરા ।
અમૂલ્યરત્નદાનાઢ્યો દિવારાત્રિસ્ત્રિખણ્ડજા ॥ ૧૦૮ ॥
મારબીજમહામાનો હરબીજાદિસંસ્થિતા ।
અનન્તવાસુકીશાનો લાકિની કાકિની દ્વિધા ॥ ૧૦૯ ॥
કોટિધ્વજો બૃહદ્ગર્ગશ્ચામુણ્ડા રણચણ્ડિકા ।
ઉમેશો રત્નમાલેશી વિકુમ્ભગણપૂજિતા ॥ ૧૧૦ ॥
નિકુમ્ભપૂજિત કૃષ્ણો વિષ્ણુપત્ની સુધાત્મિકા ।
અલ્પકાલહરઃ કુન્તો મહાકુન્તાસ્ત્રધારિણી ॥ ૧૧૧ ॥
બ્રહ્માસ્ત્રધારક ક્ષિપ્તો વનમાલાવિભૂષિતા ।
એકાક્ષર દ્વયક્ષરશ્ચ ષોડશાક્ષરસમ્ભવા ॥ ૧૧૨ ॥
અતિગમ્ભીરવાતસ્થો મહાગમ્ભીરવાદ્યગા ।
ત્રિવિધાત્મા ત્રિદેશાત્મા તૃતીયાત્રાણકારિણી ॥ ૧૧૩ ॥
કિયત્કાલચલાનન્દો વિહઙ્ગગમનાસના ।
ગીર્વાણ બાણહન્તા ચ બાણહસ્તા વિધૂચ્છલા ॥ ૧૧૪ ॥
બિન્દુધર્મોજ્જ્વલોદારો વિયજ્જ્વલનકારિણી ।
વિવાસા વ્યાસપૂજ્યશ્ચ નવદેશીપ્રધાનિકા ॥ ૧૧૫ ॥
વિલોલવદનો વામો વિરોમા મોદકારિણી ।
હિરણ્યહારભૂષાઙ્ગઃ કલિઙ્ગનન્દિનીશગા ॥ ૧૧૬ ॥
અનન્યક્ષીણવક્ષશ્ચ ક્ષિતિક્ષોભવિનાશિકા ।
ક્ષણક્ષેત્રપ્રસાદાઙ્ગો વશિષ્ઠાદિઋષીશ્વરી ॥ ૧૧૭ ॥
રેવાતીરનિવાસી ચ ગઙ્ગાતીરનિવાસિની ।
ચાઙ્ગેશઃ પુષ્કરેશશ્ચ વ્યાસભાષાવિશેષિકા ॥ ૧૧૮ ॥
અમલાનાથસંજ્ઞશ્ચ રામેશ્વરસુપૂજિતા ।
રમાનાથ પ્રભુ પ્રાપ્તિ કીર્તીદુર્ગાભિધાનિકા ॥ ૧૧૯ ॥
લમ્બોદર પ્રેમકાલો લમ્બોદરકુલપ્રિયા ।
સ્વર્ગદેહો ધ્યાનમાનો લોચનાયતધારિણી ॥ ૧૨૦ ॥
અવ્યર્થવચનપ્રક્ષ્યો વિદ્યાવાગીશ્વરપ્રિયા ।
અબ્દમાનસ્મૃતિપ્રાણ કલિઙ્ગનગરેશ્વરી ॥ ૧૨૧ ॥
અતિગુહ્યતરજ્ઞાની ગુપ્તચન્દ્રાત્મિકાઽવ્યયા ।
મણિનાગગતો ગન્તા વાગીશાની બલપ્રદા ॥ ૧૨૨ ॥
કુલાસનગતો નાશો વિનાશા નાશસુપ્રિયા ।
વિનાશમૂલઃ કૂલસ્થઃ સંહારકુલકેશ્વરી ॥ ૧૨૩ ॥
ત્રિવાક્યગુણવિપ્રેન્દ્રો મહદાશ્ચર્યચિત્રિણી ।
આશુતોષગુણાચ્છન્ન મદવિહ્વલમણ્ડલા ॥ ૧૨૪ ॥
વિરૂપાક્ષી લેલિહશ્ચ મહામુદ્રાપ્રકાશિની ।
અષ્ટાદશાક્ષરો રુદ્રો મકરન્દસુબિન્દુગા ॥ ૧૨૫ ॥
છત્રચામરધારી ચ છત્રદાત્રી ત્રિપૌણ્ડ્રજા ।
ઇન્દ્રાત્મકો વિધાતા ચ ધનદા નાદકારિણી ॥ ૧૨૬ ॥
કુણ્ડલીપરમાનન્દો મધુપુષ્પસમુદ્ભવા ।
બિલ્વવૃક્ષસ્થિતો રુદ્રો નયનામ્બુજવાસિની ॥ ૧૨૭ ॥
હિરણ્યગર્ભ કૌમારો વિરૂપાક્ષા ઋતુપ્રિયા ।
શ્રીવૃક્ષનિલયશ્યામો મહાકુલતરૂદ્ભવા ॥ ૧૨૮ ॥
કુલવૃક્ષસ્થિતો વિદ્વાન્ હિરણ્યરજતપ્રિયા ।
કુલપઃ પ્રાણપ પ્રાણા પઞ્ચચૂડધરાધરા ॥ ૧૨૯ ॥
ઉષતી વેદિકાનાથો નર્મધર્મવિવેચિકા ।
શીતલાપ્ત શીતહીનો મનઃસ્થૈર્યકરી ક્ષયા ॥ ૧૩૦ ॥
કુક્ષિસ્થ ક્ષણભઙ્ગસ્થો ગિરિપીઠનિવાસિની ।
અર્ધકાયઃ પ્રસન્નાત્મા પ્રસન્નવનવાસિની ॥ ૧૩૧ ॥
પ્રતિષ્ઠેશ પ્રાણધર્મા જ્યોતીરૂપા ઋતુપ્રિયા ।
ધર્મધ્વજપતાકેશો બલાકા રસવર્દ્ધીની ॥ ૧૩૨ ॥
મેરુશૃઙ્ગગતો ધૂર્તો ધૂર્તમત્તા ખલસ્પૃહા ।
સેવાસિદ્ધિપ્રદોઽનન્તોઽનન્તકાર્યવિભેદિકા ॥ ૧૩૩ ॥
ભાવિનામત્ત્વજાનજ્ઞો વિરાટપીઠવાસિની ।
વિચ્છેદચ્છેદભેદશ્ચ છલન્શાસ્ત્રપ્રકાશિકા ॥ ૧૩૪ ॥
ચારુકર્મ્યા સંસ્કૃતશ્ચ તપ્તહાટકરૂપિણી ।
પરાનન્દરસજ્ઞાની રસસન્તાનમન્ત્રિણી ॥ ૧૩૫ ॥
પ્રતીક્ષ સૂક્ષ્મશબ્દશ્ચ પ્રસઙ્ગસઙ્ગતિપ્રિયા ।
અમાયી સાગરોદ્ભૂતો વન્ધ્યાદોષવિવર્જીતા ॥ ૧૩૬ ॥
જિતધર્મો જ્વલચ્છત્રી વ્યાપિકા ફલવાહના ।
વ્યાઘ્રચર્મામ્બરો યોગી મહાપીના વરપ્રદા ॥ ૧૩૭ ॥
વરદાતા સારદાતા જ્ઞાનદા વરવાહિની ।
ચારુકેશધરો માપો વિશાલા ગુણદાઽમ્બરા ॥ ૧૩૮ ॥
તાડઙ્કમાલાનિર્માલધરસ્તાડઙ્કમોહિની ।
પઞ્ચાલદેશ સન્ભૂતો વિશુદ્ધસ્વરવલ્લભા ॥ ૧૩૯ ॥
કિરાતપૂજિતો વ્યાધો મનુચિન્તાપરાયણા ।
શિવ વાક્યરતો વામો ભૃગુરામકુલેશ્વરી ॥ ૧૪૦ ॥
સ્વયમ્ભૂ કુસુમાચ્છન્નો વિધિવિદ્યાપ્રકાશિની ।
પ્રભાકરતનૂદ્ભૂતો વિશલ્યકરણીશ્વરી ॥ ૧૪૧ ॥
ઉષતીશ્વર સમ્પર્કી યોગવિજ્ઞાનવાસિની ।
ઉત્તમો મધ્યમો વ્યાખ્યો વાચ્યાવાચ્યવરાઙ્ગના ॥ ૧૪૨ ॥
આમ્બીજવાદરોષાઢ્યા મન્દરોદરકારિણી ।
કૃષ્ણસિદ્ધાન્તસંસ્થાનો યુદ્ધસાધનચર્ચીકા ॥ ૧૪૩ ॥
મથુરાસુન્દરીનાથો મથુરાપીઠવાસિની ।
પલાયનવિશૂન્યશ્ચ પ્રકૃતિપ્રત્યયસ્થિતા ॥ ૧૪૪ ॥
પ્રકૃતિપ્રાણનિલયો વિકૃતિજ્ઞાનનાશિની ।
સર્વશાસ્ત્રવિભેદશ્ચ મત્તસિંહાસનાસના ॥ ૧૪૫ ॥
ઇતિહાસપ્રિયો ધીરો વિમલાઽમલરૂપિણી ।
મણિસિંહાસનસ્થશ્ચ મણિપૂરજયોદયા ॥ ૧૪૬ ॥
ભદ્રકાલીજપાનન્દો ભદ્રાભદ્રપ્રકાશિની ।
શ્રીભદ્રો ભદ્રનાથશ્ચ ભયભઙ્ગવિહિંસિની ॥ ૧૪૭ ॥
આત્મારામો વિધેયાત્મા શૂલપાણિપ્રિયાઽન્તરા ।
અતિવિદ્યાદૃઢાભ્યાસો વિશેષવિત્તદાયિની ॥ ૧૪૮ ॥
અજરાઽમરકાન્તિશ્ચ કાન્તિકોટિધરા શુભા ।
પશુપાલ પદ્મસંસ્થ શ્રીશપાશુપતાઽસ્ત્રદા ॥ ૧૪૯ ॥
સર્વશાસ્ત્રધરો દૃપ્તો જ્ઞાનિની જ્ઞાનવર્ધીની ।
દ્વિતીયાનાથ ઈશાર્દ્ધો બાદરાયણમોહિની ॥ ૧૫૦ ॥
શવમાંસાશનો ભીમો ભીમનેત્રા ભયાનકા ।
શિવજ્ઞાનક્રમો દક્ષ ક્રિયાયોગપરાયણા ॥ ૧૫૧ ॥
દાનસ્થો દાનસમ્પન્નો દન્તુરા પાર્વતીપરા ।
પ્રિયાનન્દો દિવાકર્તા નિશાનિષાદઘાતિની ॥ ૧૫૨ ॥
અષ્ટહસ્તો વિલોલાક્ષો મનઃસ્થાપનકારિણી ।
મૃદુપુત્રો મૃદુચ્છત્રો વિભાઽઙ્ગપુણ્યનન્દિની ॥ ૧૫૩ ॥
અન્તરિક્ષગતો મૂલો મૂલપુત્રપ્રકાશિની ।
અભીતિદાનનિરતો વિધુમાલામનોહરી ॥ ૧૫૪ ॥
ચતુરાસ્રજાહ્નવીશો ગિરિકન્યા કુતૂહલી ।
શિશુપાલરિપુપ્રાણો વિદેશપદરક્ષિણી ॥ ૧૫૫ ॥
વિલક્ષણો વિધિજ્ઞાતા માનહન્ત્રી ત્રિવિક્રમા ।
ત્રિકોણાનનયોગીશો નિમ્નનાભિર્નગેશ્વરી ॥ ૧૫૬ ॥
નવીન ગુણસમ્પન્નો નવકન્યાકુલાચલા ।
ત્રિવિધેશો વિશઙ્કેતો વિજ્વરા જ્વરદાયિની ॥ ૧૫૭ ॥
અતિધામીકપુત્રશ્ચ ચારુસિંહાસનસ્થિતા ।
સ્થાપકોત્તમવર્ગાણાં સતાં સિદ્ધિપ્રકાશિની ॥ ૧૫૮ ॥
સિદ્ધપ્રિયો વિશાલાક્ષો ધ્વંસકર્ત્રી નિરઞ્જના ।
શક્તીશો વિકલેશશ્ચ ક્રતુકર્મફલોદયા ॥ ૧૫૯ ॥
વિફલેશો વિયદ્ગામી લલિતા બુદ્ધિવાહના ।
મલયાદ્રિતપ ક્ષેમ ક્ષયકર્ત્રી રજોગુણા ॥ ૧૬૦ ॥
દ્વિરુણ્ડકો દ્વારપાલો બલેવીઘ્નવિનાશિની ।
માયાપદ્મગતો માનો મારીવિદ્યાવિનાશિની ॥ ૧૬૧ ॥
હિઙ્ગુલાજસ્થિત સિદ્ધો વિદુષાં વાદસારિણી ।
શ્રીપતીશ શ્રીકરેશ શ્રીવિદ્યા ભુવનેશ્વરી ॥ ૧૬૨ ॥
મતિપ્રથમજો ધન્યો મિથિલાનાથપુત્રિકા ।
રામચન્દ્રપ્રિય પ્રાપ્તો રઘુનાથકુલેશ્વરી ॥ ૧૬૩ ॥
કૂર્મઃ કૂર્મગતો વીરો વસાવર્ગા ગિરીશ્વરી ।
રાજરાજેશ્વરીબાલો રતિપીઠગુણાન્તરા ॥ ૧૬૪ ॥
કામરૂપધરોલ્લાસો વિદગ્ધા કામરૂપિણી ।
અતિથીશ સર્વભર્તા નાનાલઙ્કારશોભિતા ॥ ૧૬૫ ॥
નાનાલઙ્કારભૂષાઙ્ગો નરમાલાવિભૂષિતા ।
જગન્નાથો જગદ્વ્યાપી જગતામિષ્ટસિદ્ધિદા ॥ ૧૬૬ ॥
જગત્કામો જગદ્વ્યાપી જયન્તી જયદાયિની ।
જયકારી જીવકારી જયદા જીવની જયા ॥ ૧૬૭ ॥
જયો ગણેશ શ્રીદાતા મહાપીઠનિવાસિની ।
વિષમ સામવેદસ્થો યજુર્વેદાંશયોગયા ॥ ૧૬૮ ॥
ત્રિકાલગુણગમ્ભીરો દ્વાવિંશતિકરામ્બુજા ।
સહસ્રબાહુ સારસ્થો ભાગગા ભવભાવિની ॥ ૧૬૯ ॥
ભવનાદિકરો માર્ગો વિનીતા નયનામ્બુજા ।
સર્વત્રાકર્ષકોઽખણ્ડ સર્વજ્ઞાનાભિકર્ષીણી ॥ ૧૭૦ ॥
જિતાશયો જિતવિપ્રઃ કલઙ્કગુણવર્જીતા ।
નિરાધારો નિરાલમ્બો વિષયા જ્ઞાનવર્જીતા ॥ ૧૭૧ ॥
અતિવિસ્તારવદનો વિવાદખલનાશિની ।
ભાર્યાનાથઃ ક્ષોભનાશો રિપૂણાં કુલપૂજિતા ॥ ૧૭૨ ॥
આશવો ભૂરિવર્ગાણાં ચારુકુન્તલમણ્ડિતા ।
અતિબુદ્ધિધરો સૂક્ષ્મો રજનીધ્વાન્તનાશિની ॥ ૧૭૩ ॥
જ્યોત્સ્નાજાલકરો યોગી વિયોગશાયિની યુગા ।
યુગગામી યોગગામી જયદા લાકિની શિવા ॥ ૧૭૪ ॥
સંજ્ઞાબુદ્ધિકરો ભાવો ભવભીતિવિમોહિની ।
સુન્દર સુન્દરાનન્દો રતિકારતિસુન્દરી ॥ ૧૭૫ ॥
રતિજ્ઞાની રતિસુખો રતિનાથપ્રકાશિની ।
બુદ્ધરૂપી બોધમાત્રો વૈરોધો દ્વૈતવર્જીતા ॥ ૧૭૬ ॥
ભૂરિભાવહરાનન્દો ભૂરિસન્તાનદાયિની ।
યજ્ઞસાધનકર્તા ચ સુયજ્ઞ પઞ્ચમોચના ॥ ૧૭૭ ॥
કોટિકોટિચન્દ્રતેજઃ કોટિકોટિરુચિચ્છટા ।
કોટિકોટિચઞ્ચલાભો દ્વિકોટ્યયુતચઞ્ચલા ॥ ૧૭૮ ॥
કોટિસૂર્યાચ્છન્નદેહ કોટિકોટિરવિપ્રભા ।
કોટિચન્દ્રકાન્તમણિ કોટીન્દુકાન્તનિર્મલા ॥ ૧૭૯ ॥
શતકોટિવિધુમણિ શતકોટીન્દુકાન્તગા ।
વિલસત્કોટિકાલાગ્નિ કોટિકાલાનલોપમા ॥ ૧૮૦ ॥
કોટિવહ્નિગતો વહ્નિ વહ્નિજાયા દ્વિગોદ્ભવા ।
મહાતેજો વહ્નિવારિઃ કાલાગ્નિહારધારિણી ॥ ૧૮૧ ॥
કાલાગ્નિરુદ્રો ભગવાન્ કાલાગ્નિરુદ્રરૂપિણી ।
કાલાત્મા કલિકાલાત્મા કલિકા કુલલાકિની ॥ ૧૮૨ ॥
મૃત્યુજિતો મૃત્યુતેજા મૃત્યુઞ્જયમનુપ્રિયા ।
મહામૃત્યુહરો મૃત્યુઽપમૃત્યુવિનાશિની ॥ ૧૮૩ ॥
જયો જયેશો જયદો જયદા જયવર્ધીની ।
જયકરો જગદ્ધર્મો જગજ્જીવનરક્ષિણી ॥ ૧૮૪ ॥
સર્વજિત્ સર્વરૂપી ચ સર્વદા સર્વભાવિની ।
ઇત્યેતત્ કથિતં નાથ મહાવિદ્યાભિધાનકમ્ ॥ ૧૮૫ ॥
શબ્દબ્રહ્મમયં સાક્ષાત્ કલ્પવૃક્ષસ્વરૂપકમ્ ।
અષ્ટોત્તરસહસ્રાખ્યં શતસંખ્યાસમાકુલમ્ ॥ ૧૮૬ ॥
ત્રૈલોક્યમઙ્ગલક્ષેત્રં સિદ્ધવિદ્યાફલપ્રદમ્ ।
સકલં નિષ્કલં સાક્ષાત્ કલ્પદ્રુમકલાન્વિતમ્ ॥ ૧૮૭ ॥
યોગિનામાત્મવિજ્ઞાનમાત્મજ્ઞાનકરં પરમ્ ।
યઃ પઠેદ્ ભાવસમ્પૂર્ણો મિથ્યાધર્મવિવર્જીતઃ ॥ ૧૮૮ ॥
રુદ્રપીઠે સ્વયં ભૂત્ત્વા મહાયોગી ભવેદ્ધ્રુવમ્ ।
અકસ્માત્સિદ્ધિમાપ્નોતિ ચાધમામ્માલ્યદાયિનીમ્ ॥ ૧૮૯ ॥
રાજલક્ષ્મીધનૈશ્વર્યમતિધૈર્ય હયાદિકમ્ ।
કુઞ્જરં સુન્દરં વીરં પુત્રં રાજ્યં સુખં જયમ્ ॥ ૧૯૦ ॥
રાજરાજેશ્વરત્વં ચ દિવ્યવાહનમેવ ચ ।
અક્લેશપઞ્ચમાસિદ્ધિં તતઃ પ્રાપ્નોતિ મધ્યમામ્ ॥ ૧૯૧ ॥
અત્યન્તદુઃખહનનં ગુરુત્વં લોકમણ્ડલે ।
દેવાનાં ભક્તિસંખ્યાઞ્ચ દિવ્યભાવં સદા સુખમ્ ॥ ૧૯૨ ॥
આયુર્વૃદ્ધિં લોકવશ્યં પૂર્ણકોશં હિ ગોધનમ્ ।
દેવાનાં રાજ્યભવનં પ્રત્યક્ષે સ્વપ્નકાલકે ॥ ૧૯૩ ॥
દીર્ઘદૃષ્ટિભયત્યાગં ચાલ્પકાર્યવિવર્જીતમ્ ।
સદા ધર્મપ્રિયત્વં ચ ધર્મજ્ઞાનં મહાગુણમ્ ॥ ૧૯૪ ॥
વિવેકાઙ્કુરમાનન્દં શ્રીવાણીસુકૃપાન્વિતમ્ ।
તત ઉત્તમયોગસ્થાં સિદ્ધિં પ્રાપ્નોતિ સાધકઃ ॥ ૧૯૫ ॥
અનન્તગુણસંસ્થાનં માયાર્થભૂતિવર્જનમ્ ।
એકાન્તસ્થાનવસતિં યોગશાસ્ત્રનિયોજનમ્ ॥ ૧૯૬ ॥
સર્વાકાઙ્ક્ષાવિશૂન્યત્વં દૈવતૈકાન્તસેવનમ્ ।
ખેચરત્વં સર્વગતિં ભાવસિદ્ધિં સુરપ્રિયમ્ ॥ ૧૯૭ ॥
સદા રૌદ્રક્રિયાયોગં વિભૂત્યષ્ટાઙ્ગસિદ્ધિદમ્ ।
દૃઢજ્ઞાનં સર્વશાસ્ત્રકારિત્વં રસસાગરમ્ ॥ ૧૯૮ ॥
એકભાવં દ્વૈતશૂન્યં મહાપદનિયોજનમ્ ।
મહાગુણવતીવિદ્યાપતિત્વં શાન્તિમેવ ચ ॥ ૧૯૯ ॥
પ્રાપ્નોતિ સાધકશ્રેષ્ઠો યઃ પઠેદ્ ભાવનિશ્ચલઃ ।
ત્રિકાલમેકકાલં વા દ્વિકાલં વા પઠેત્ સુધીઃ ॥ ૨૦૦ ॥
શતમષ્ટોત્તરં ચાસ્ય પુરશ્ચર્યાવિધિઃ સ્મૃતઃ ।
પુરશ્ચરણમાકૃત્ય પઠિત્વા ચ પુનઃ પુનઃ ॥ ૨૦૧ ॥
અષ્ટૈશ્વર્યયુતો ભૂત્વા મનોગતિમવાપ્નુયાત્ ।
સર્વત્ર કુશલં વ્યાપ્તં યઃ પઠેન્નિયતઃ શુચિઃ ॥ ૨૦૨ ॥
ષટ્ચક્રમણિપીઠઞ્ચ ભિત્ત્વાઽનાહતગો ભવેત્ ।
અનાહતં તતો ભિત્ત્વા વિશુદ્ધસઙ્ગમો ભવેત્ ॥ ૨૦૩ ॥
વિશુદ્ધપદ્મં ભિત્ત્વા ચ શીર્ષે દ્વિદલગો ભવેત્ ।
દ્વિદલાદિમહાપદ્મં ભિત્ત્વૈતત્ સ્તોત્રપાઠતઃ ॥ ૨૦૪ ॥
ચતુર્વર્ગાં ક્રિયાં કૃત્વા ચાન્તે નિર્વાણમોક્ષભાક્ ।
યોગિનાં યોગસિદ્ધ્યર્થે સર્વભૂતદયોદયમ્ ॥ ૨૦૫ ॥
નિર્વાણમોક્ષસિદ્ધ્યર્થે કથિતં પરમેશ્વર ।
એતત્સ્તવનપાઠેન કિં ન સિદ્ધ્યતિ ભૂતલે ॥ ૨૦૬ ॥
કુલં કુલક્રમેણૈવ સાધયેદ્ યોગસાધનમ્ ।
યોગાન્તે યોગમધ્યે ચ યોગાદ્યે પ્રપઠેત્ સ્તવમ્ ॥ ૨૦૭ ॥
કૃત્તિકારોહિણીયોગયાત્રાયાં મિથુને તથા ।
શ્રવણાયાં મેષગણે કુજે ચેન્દુસમાકુલે ॥ ૨૦૮ ॥
શનિવારે ચ સઙ્ક્રાન્ત્યાં કુજવારે પુનઃ પુનઃ ।
સન્ધ્યાકાલે લિખેત્ સ્તોત્રં ધ્યાનધારણયોગિરાટ્ ॥ ૨૦૯ ॥
ભૂર્જપત્રે લિખિત્વા ચ કણ્ઠે શીર્ષે પ્રધારયેત્ ।
અથવા રાત્રિયોગે ચ કુલચક્રે લિખેત્ સુધીઃ ॥ ૨૧૦ ॥
સર્વત્ર કુલયોગેન પઠન્ સિદ્ધિમવાપ્નુયાત્ ।
એતન્નામ્ના પ્રજુહુયાત્ કાલિકાકૃતિમાન્ ભવેત્ ॥ ૨૧૧ ॥
તદ્દશાંશક્રમેણૈવ હુત્વા યોગીહ સર્વદા ।
મણિપૂરે દૃઢો ભૂત્વા રુદ્રશક્તિકૃપાં લભેત્ ॥ ૨૧૨ ॥
॥ ઇતિ શ્રીરુદ્રયામલે ઉત્તરતન્ત્રે
લાકિનીશાષ્ટોત્તરશતસહસ્રનામસ્તોત્રં સમ્પૂર્ણમ્ ॥
– Chant Stotra in Other Languages –
1000 Names of Sri Lakini » Lakini Sahasranama Stotram in Sanskrit » English » Bengali » Kannada » Malayalam » Odia » Telugu » Tamil