॥ Lakshmi Sahasranama Stotram Tamil Lyrics ॥
॥ ஶ்ரீலக்ஷ்மீஸஹஸ்ரநாமஸ்தோத்ரம் 2 ॥
(நாரதீ³யோபபுராணத:)
மித்ரஸஹ உவாச-
ப⁴க³வந் ஸர்வத⁴ர்மஜ்ஞ ஸர்வஶாஸ்த்ரவிஶாரத³ ।
பாவநாநாம் ஹி மஹஸாம் நிதா³நம் த்வம் மஹாமுநே ॥ 1 ॥
அதர்கிதேநாக³மேந தவ துஷ்டோঽஸ்மி ஸர்வதா³ ।
ஹ்ருʼத³யம் நிர்வ்ருʼதம் மேঽத்³ய மஹாது:³கௌ²க⁴பீடி³தம் ॥ 2 ॥
தே³வா க்³ருʼஹேஷு ஸந்துஷ்டா: தாரிதா: பிதரஶ்ச யே ।
சிராய மே மநஸ்யஸ்தி ஸம்ஶயோ ப³லவத்தர: ॥ 3 ॥
ப்ருʼச்சா²மி த்வாமஹம் தம் வை உத்தரம் தா³துமர்ஹஸி ।
இஷ்டம் மயா ச ப³ஹுபி:⁴ யஜ்ஞைஸ்ஸம்பூர்ணத³க்ஷிணை: ॥ 4 ॥
தா³நாநி ச மஹார்ஹாணி பாத்ரேஷு ஸ்பர்ஶிதாநி ச ।
அந்ருʼதம் நோக்தபூர்வம் மே ப்ரஜா த⁴ர்மேண பாலிதா: ॥ 5 ॥
பதிவ்ரதா மஹாபா⁴கா³ நித்யம் ஸுஸ்நிக்³த⁴பா⁴ஷிணீ ।
பூஜ்யாந் க்³ருʼஹாக³தாந் ஸர்வாநாராத⁴யதி நித்யதா³ ॥ 6 ॥
ததா² ஹி ஸேவதே தே³வாந் யதா²ঽஹமபி நாஶகம் ।
பா⁴ர்யாঽநுகூலா மே தே³வீ மத³யந்தீ மநஸ்விநீ ॥ 7 ॥
ததா²பி து:³க²ம் ஸம்ப்ராப்தம் மயா த்³வாத³ஶவார்ஷிகம் ।
ராக்ஷஸத்வம் மஹாகோ⁴ரம் ஸம்பூர்ணநரகோபமம் ॥ 8 ॥
தத்ர வ்ருʼத்தாநி கார்யாணி ஸ்ம்ருʼத்வா மே வேபதே மந: ।
ப⁴க்ஷிதா: கதி வா தத்ர த்³விபதா³ஶ்ச சதுஷ்பதா:³ ॥ 9 ॥
தத்ஸர்வமஸ்து தந்நைவ சிந்த்யதே ஶாபஹேதுகம் ।
கு³ருபுத்ரே கு³ருஸம: ஶக்தி: ஸம்ப⁴க்ஷிதோ மயா ॥ 10 ॥
ப்³ரஹ்மஹத்யாக்ருʼதம் பாபம் கத²ம் மே ந ப⁴விஷ்யதி ।
ஶாபாத்³ராக்ஷஸதா காலே ப்ராப்தா யத்³யபி தந்மயா ॥ 11 ॥
ராத்ரிந்தி³வம் மே த³ஹதி ஹ்ருʼத³யம் ஹி ஸப³ந்த⁴நம் ।
ந ரோசதே மே பு⁴க்திர்வா ஸுப்திர்வாபி க³திர்ப³ஹி: ॥ 12 ॥
மஹாப³ந்த⁴நமேதந்மே ராஜ்யம் ஹி மநுதே மந: ।
கிந்நு தத்காரணம் யேந ப்ராப்தோঽஹம் தாத்³ருʼஶீம் ஶுசம் ॥ 13 ॥
வக்துமர்ஹஸி ஸர்வஜ்ஞ தத்ப்ராயஶ்சித்தவிஸ்தரம் ।
உபாதி³ஶ மஹாமந்த்ரதந்த்ரஜ்ஞ ப்ரணதாய மே ॥ 14 ॥
ஶ்ரீநாரத³ உவாச-
ஶ்ருʼணு ராஜந்ப்ரவக்ஷ்யாமி ப்ராக்³ஜந்மசரிதம் தவ ।
யேநேத்³ருʼஶம் த்வயா ப்ராப்தம் து:³க²மத்யந்தது³ஸ்ஸஹம் ॥ 15 ॥
புராபூ⁴த்³பா³ஹ்மண: கஶ்சித்தாம்ரபர்ணிநதீ³தடே ।
த³ரித்³ரோঽத்யந்தது³ர்பா⁴க்³ய: ப³ஹுபுத்ரகுடும்ப³வாந் ॥ 16 ॥
க்ருʼஷ்ணஶர்மேதி விக்²யாத: வேத³வேதா³ங்க³தத்வவித் ।
தவ பா⁴ர்யாঽப⁴வத்புண்யா ஸதா³ சண்டீ³ குரூபிணீ ॥ 17 ॥
கிந்து ஶக்திவ்ரதாசாரேঽப்ரதிமா ஶுத்³த⁴மாநஸா ।
கடுவாங்மாநிநீ நாம்நா க்ஷுத்பிபாஸார்தி³தா ஸதா³ ॥ 18 ॥
தா³ரித்³ர்யஶமநார்த²ம் த்வம் ஸர்வலக்ஷணலக்ஷிதம் ।
கல்பயித்வ ஶ்ரியோ மூர்திம் ப⁴க்த்யா பூஜிதவாந்க்³ருʼஹே ॥ 19 ॥
மாநிந்யப்யந்வஹம் ப⁴க்த்யா கோ³மயாலேபநாதி³பி:⁴ ।
ரங்க³வல்யாப்யலங்க்ருʼத்ய பூஜாஸ்தா²நம் க்³ருʼஹே தவ ॥ 20 ॥
பாயஸாபூபநைவேத்³யை: ஸா த்வாம் பர்யசரந்முதா³ ।
ஏகதா³ ப்⁴ருʼகு³வாரே த்வாம் ஸஹஸ்ரகமலார்சநம் ॥ 21 ॥
விதா⁴தும் விஷ்ணுபத்ந்யாஸ்து பத்³மாந்யாநயிதும் க³த: ।
க³தேঽர்த⁴தி³வஸே கே³ஹம் ப்ராப்ய கி²ந்நோঽநயோதி³த: ॥ 22 ॥
ஹந்தார்த⁴தி³வஸோঽதீத: கதா³ தே³வாநஸங்க்²யகாந் ।
அப்⁴யர்ச்யாத² ஶ்ரியோ தே³வ்யா: ஸஹஸ்ரகமலார்சநம் ॥ 23 ॥
க்ருʼத்வா பு⁴க்த்வா கதா³ঽந்நம் நோ த³ர்ஶயிஷ்யஸி தாம்யதாம் ।
பா³லா ருத³ந்தி க்ஷுதி⁴தா: பக்வம் ப⁴வதி ஶீதலம் ॥ 24 ॥
இதி தஸ்யாம் ப⁴ர்த்ஸயந்த்யாம் தூஷ்ணீம் பூஜாமதா⁴த்³ப⁴வாந் ।
ஸஹஸ்ரபத்³மபூஜாயாம் சலந்த்யாம் மத்⁴யதஸ்து ஸா ॥ 25 ॥
அஸமர்தா² க்ஷுத⁴ம் ஸோடு⁴ம் பா³லைஸ்ஸஹ பு³போ⁴ஜ ஹ ।
ததா³ த்வம் குபிதோঽப்யேநாம் ந ச கிஞ்சித³பி ப்³ருவந் ॥ 26 ॥
க்³ருʼஹாந்நிர்க³த்ய ஶாந்தாத்மா கிம் க்ருʼத்யமிதி சிந்தயந் ।
நிர்யாந்தம் த்வாம் து ஸா ப்ராஹ க்வ க³ச்ச²ஸி ஸுது³ர்மதே ॥ 27 ॥
அநிர்வர்த்ய ஶ்ரிய: பூஜாம் ப்ராரப்³தா⁴ம் ஸுமஹாத³ரம் ।
ப்ருʼத²ங்நைவேத்³யமஸ்தீஹ நாஸ்மாபி⁴ர்ப⁴க்ஷிதம் ஹி தத் ॥ 28 ॥
காலாத்யயாத்க்ஷுதா⁴ர்தாநாம் பு⁴க்திம் தே³வீ ஸஹிஷ்யதே ।
தத்³விதே⁴ஹி ஶ்ரிய: பூஜாம் மா ஸ்ம நிஷ்காரணம் க்ருத:⁴ ॥ 29 ॥
நரகே மா பதோ பு³த்³த்⁴யா மாம் ச பாதய மா வ்ருʼதா² ।
இதி தஸ்யாம் ப்³ருவாணாயாம் த்வம் க்³ருʼஹாந்நிரகா:³ க்ருதா⁴ ॥ 30 ॥
ஸத்³ய: ஸந்யஸ்ய விபிநேঽவாத்ஸீஸ்த்வம் விதி⁴நா கில ।
யதித்வேঽபி ஸதா³ பு³த்³த்⁴யா பூர்வாஶ்ரமகதா²ம் ஸ்மரந் ॥ 31 ॥
தா³ரித்³ர்யம் ஸர்வத⁴ர்மாணாம் ப்ரத்யூஹாய ப்ரவர்ததே ।
ஸத்யப்யஸ்மிந்த⁴ர்மபத்நீ அநுகூலா ப⁴வேத்³யதி³ ॥ 32 ॥
நரஸ்ய ஜந்ம ஸுகி²தம் நாந்யதா²ঽர்த²ஶதைரபி ।
வந்த்⁴யாஜாநிஸ்ஸ ப⁴வது அநுகூலகலத்ரவாந் ॥ 33 ॥
லப⁴தே ஜந்மஸாப²ல்யமேதத்³தே³வ்யா: ப்ரஸாத³ஜம் ।
இத்யேவம் சிந்தயந்நேவ த்யக்த்வா தே³ஹம் தரோஸ்தலே ॥ 34 ॥
இக்ஷ்வாகுவம்ஶே ஜாதஸ்த்வம் ராஜா மித்ரஸஹாபி⁴த:⁴ ।
ருஷா பரவஶோ யஸ்மாத³ஸமாப்ய ஶ்ரியோঽர்சநம் ॥ 35 ॥
நிர்க³தோঽஸி க்³ருʼஹாத்தஸ்மாத்³து:³க²மேதது³பஸ்தி²தம் ।
ஸாபி த்வயி விநிர்யாதே பஶ்சாத்தாபவதீ ப்⁴ருʼஶம் ॥ 36 ॥
ப்ரக்ஷாலிதாங்க்⁴ரிஹஸ்தாঽத² ப்ரயதாঽঽசம்ய ஸத்வரம் ।
நைவேத்³யம் ஸ்வயமீஶ்வர்யை ப்ரணம்ய ச நிவேத்³ய ச ॥ 37 ॥
அம்ப³ ஸர்வஸ்ய லோகஸ்ய ஜநந்யஸி ஸஹஸ்வ தத் ।
ஆகா³ம்ஸி மம நாகா³ரிகேதநோர:ஸ்த²லாலயே ॥ 38 ॥
யஸ்யாம் ஜாதௌ து மே ப⁴ர்தா தத்பூஜாபுண்யதோ ப⁴வேத் ।
ப⁴வேயமஹமப்யத்ர ஜாதௌ தம் சாப்நுயாம் யதா² ॥ 39 ॥
காமக்ரோதா⁴தி³ஹீநா ஸ்யாம் ததா²ம்பா³நுக்³ரஹம் குரு ।
இதி தே³வீம் ப்ரார்த²யந்தீ ஜீவந்தீ க்ருʼச்ச்²ரதோ பு⁴வி ॥ 40 ॥
த்யக்த்வா தே³ஹம் புநர்ஜாதா ராஜவம்ஶே ஸுபாவநே ।
மத³யந்தீதி நாம்நா வை தவ பா⁴ர்யாঽப⁴வத்புந: ॥ 41 ॥
அபு⁴க்தே த்வயி பு⁴த்க்யா ஸா வந்த்⁴யா ஜாதா வதூ⁴மணி: ।
உப⁴யோர்ப⁴வதோர்லக்ஷ்மீபூஜாயாமபராத⁴த: ॥ 42 ॥
உபா⁴வபி மஹாது:³க²ம் ப்ராப்தௌ த்³வாத³ஶவர்ஷிகம் ।
த்யக்த்வா ராஜ்யம் ச கோஶஞ்ச த³ரித்³ராவதிது:³கி²தௌ ॥ 43 ॥
மா ப்³ரஹ்மஹத்யாதோ³ஷாத்த்வம் பை⁴ஷீ ராஜந் கத²ஞ்சந ।
யாம் ஜாதிமநுவிஷ்டோ ஹி தாத்³ருʼஶீம் த்வம் க்ரியாமதா:⁴ ॥ 44 ॥
கிந்து பூ⁴யஶ்ச்யுதே ராஜ்யாத்³பே⁴தவ்யம் ஶ்ரீப்ரகோபத: ।
நாம்நாம் தத³த்³ய ஶ்ரீதே³வ்யா: ஸஹஸ்ரேண ஶதேந ச ॥ 45 ॥
அஷ்டோத்தரேண பத்³மாநாம் புஞ்ஜதஸ்தாம் ப்ரபூஜய ।
ப⁴வேத்தவ ஸ்தி²ரம் ராஜ்யம் து:³க²ம் நாண்வபி தே ப⁴வேத் ॥ 46 ॥
பா⁴ர்யா தே ஸாபி ஶுஶ்ரூஷாம் ஸ்வயமேவ கரோது தே ।
வர்ஷமாத்ரம் பூஜிதா ஸா லக்ஷ்மீர்நாராயணப்ரியா ॥ 47 ॥
யுவயோஸ்ஸர்வகாமாநாம் தா³த்ரீ ஸ்யாந்நாத்ர ஸம்ஶய: ।
ஸ்த்ரீஸங்க³ப்ரதிஹந்தாঽஸ்தி ஶாபோ யத்³யபி தே ப்ரபோ⁴ ॥ 48 ॥
ப்ரஸோஷ்யதே ச தநயம் தவ பா⁴ர்யா கத²ஞ்சந ।
புத்ரபௌத்ராபி⁴வ்ருʼத்³த்⁴யா த்வம் மோதி³ஷ்யஸி மஹேந்த்³ரவத் ॥ 49 ॥
யதா² ப்ருʼஷ்டம் மஹாபா⁴க³ து:³க²ஹேதுஸ்தவோதி³த: ।
உக்தஸ்தத்பரிஹாரோঽபி கிமிச்ச²ஸி புநர்வத³ ॥ 50 ॥
ராஜோவாச-
த⁴ந்யோঽஸ்ம்யநுக்³ருʼஹீதோঽஸ்மி மஹர்ஷே க்ருʼபயா தவ ।
மத்தோ ந வித்³யதே கஶ்சில்லோகேঽஸ்மிந் பா⁴க்³யவத்தர: ॥ 51 ॥
தவ பாதா³ப்³ஜயுக³ளே ப்ரணாமாநாம் ஶதம் ஶதம் ।
கரோமி பாஹி மாம் விப்ர குலோத்தம்ஸ த³யாநக⁴ ॥ 52 ॥
நாம்நாம் ஸஹஸ்ரம் ஶ்ரீதே³வ்யா அஷ்டோத்தரஶதாதி⁴கம் ।
ப்ரப்³ரூஹி மே முநிஶ்ரேஷ்ட² பூஜாயா விதி⁴மப்யத² ॥ 53 ॥
ஜபஸ்ய ச விதி⁴ம் தேஷாம் நாம்நாம் ஶுஶ்ரூஷவே வத³ ।
ஸூத உவாச-
இதி ராஜ்ஞா முநிஶ்ரேஷ்ட:² ப்ருʼஷ்டஸ்ஸவிநயம் தத: ॥ 54 ॥
நமஸ்க்ருʼத்ய ஶ்ரியை பஶ்சாத்³த்⁴யாத்வோவாச மஹீபதிம் ।
ஶ்ரீநாரத³ உவாச-
ஸம்யக் ப்ருʼஷ்டம் மஹாராஜ ஸர்வலோகஹிதம் த்வயா ॥ 55 ॥
வக்ஷ்யாமி தாநி நாமாநி பூஜாஞ்சாபி யதா²க்ரமம் ।
பலமாநஸுவர்ணேந ரஜதேநாத² தாம்ரத: ॥ 56 ॥
சதுர்பு⁴ஜாம் பத்³மத⁴ராம் வராப⁴யவிஶோபி⁴நீம் ।
நிஷண்ணாம் பு²ல்லகமலே சதுர்த³ந்தை: ஸிதைர்க³ஜை: ॥ 57 ॥
ஸுவர்ணக⁴ண்டாமுக²ரை: க்ருʼதக்ஷீராபி⁴ஷேசநாம் ।
கடகாங்க³த³மஞ்ஜீரரஶநாதி³ விபூ⁴ஷணை: ॥ 58 ॥
விபூ⁴ஷிதாம் க்ஷௌமவஸ்த்ராம் ஸிந்தூ³ரதிலகாஞ்சிதாம் ।
ப்ரஸந்நவத³நாம்போ⁴ஜாம் ப்ரபந்நார்திவிநாஶிநீம் ॥ 59 ॥
ச²த்ரசாமரஹஸ்தாட்⁴யை: ஸேவிதாமப்ஸரோக³ணை: ।
க்ருʼத்வைவம் ப்ரதிமாம் தாம் ச ப்ரதிஷ்டா²ப்ய யதா²விதி⁴ ॥ 60 ॥
ஶ்ரீம் லக்ஷ்ம்யை நம இத்யேவ த்⁴யாநாவாஹநபூர்வகாந் ।
உவசாராம்ஶ்சதுஷ்ஷஷ்டிம் கல்பயேத க்³ருʼஹே ஸுதீ:⁴ ॥ 61 ॥
ப்ரதிமாயா அலாபே⁴ து லக்ஷ்ம்யாஸ்ஸம்ப்ராப்ய சாலயம் ।
காரயேது³பசாராம்ஸ்து யதா²வித்⁴யர்சகைர்முதா³ ॥ 62 ॥
தஸ்யாப்யபா⁴வே த்வாலேக்²யே லிகி²தாம் வர்ணகைஸ்ததா² ।
பூஜயேத்தஸ்ய சாபா⁴வே க்ருʼதாம் சந்த³நதா³ருணா ॥ 63 ॥
தத³பா⁴வே சந்த³நேந ரசிதாம் பூஜயேத்³ரமாம் ।
ஏஷாமபா⁴வே விகசே கமலே கர்ணிகாக³தாம் ॥ 64 ॥
த்⁴யாத்வா ததா²விதா⁴ம் தே³வீமாத³ரேண ப்ரபூஜயேத் ।
கமலாநாம் ஸஹஸ்ரேணாப்யஷ்டோத்தரஶதேந ச ॥ 65 ॥
அர்சயேதி³ந்தி³ராபாதௌ³ த்⁴யாத்வாபீ⁴ஷ்டாநி சேதஸி ।
ஶ்ரீதே³வ்யா நாமஸாஹஸ்ரம் அஷ்டோத்தரஶதாதி⁴கம் ॥ 66 ॥
அதா²தஸ்ஸம்ப்ரவக்ஷ்யாமி ஶ்ருʼணு நாந்யமநா ந்ருʼப ।
பாராயணப்ரகார: ॥
ௐ அஸ்ய ஶ்ரீமஹாலக்ஷ்மீஸஹஸ்ரநாமஸ்தோத்ரமஹாமந்த்ரஸ்ய நாரத³ ருʼஷி: ।
அநுஷ்டுபச²ந்த:³ । ஶ்ரீமஹாலக்ஷ்மீர்தே³வதா ।
ஹ்ராம் பீ³ஜம் । ஹ்ரிம் ஶக்தி: । ஹ்ரூம் கீலகம் ।
ஶ்ரீமஹாலக்ஷ்மீப்ரஸாத³ஸித்³த்⁴யர்தே²
ஶ்ரீமஹாலக்ஷ்மீஸஹஸ்ரநாமமந்த்ரஜபே விநியோக:³ ॥
ௐ ஹ்லாம் ஹிரண்யவர்ணாம் ஹரிணீம் ஸுவர்ணரஜதஸ்ரஜாம் । அங்கு³ஷ்டா²ப்⁴யாண் நம: ।
மம் ஹ்லீம் சந்த்³ராம் ஹிரண்மயீம் லக்ஷ்மீம் ஜாதவேதோ³ ந ஆவஹ । தர்ஜநீப்⁴யாம் நம: ।
ஹாம் ஹ்லூம் தாம் ம ஆவஹ ஜாதவேதோ³ லக்ஷ்மீமநபகா³மிநீம் । மத்⁴யமாப்⁴யாம் நம: ।
லம் ஹ்லைம் யஸ்யாம் ஹிரண்யம் விந்தே³யம் கா³மஶ்வம்புருஷாநஹம் । அநாமிகாப்⁴யாம் நம: ।
க்ஷ்ம்யைம் ஹ்லௌம் ஶ்ரியம் தே³வீமுபஹ்வயே ஶ்ரீர்மா தே³வீ ஜுஷதம் ।
கரதலகரப்ருʼஷ்டா²ப்⁴யாம் நம: ॥
ௐ ஹ்லாம் காம்ஸோஸ்மிதாம் ஹிரண்யப்ராகாராமார்த்³ராம் ஜ்வலந்தீம் த்ருʼப்தாம் தர்பயந்தீம் ।
ஹ்ருʼத³யாய நம: ।
மம் ஹ்லீம் பத்³மே ஸ்தி²தாம் பத்³மவர்ணாம் தாமிஹோபஹ்வயே ஶ்ரியம் ।
ஶிரஸே ஸ்வாஹா ।
ஹாம் ஹ்லூம் சந்த்³ராம் ப்ரபா⁴ஸாம் யஶஸா ஜ்வலந்தீம் ஶ்ரியம் லோகே தே³வஜுஷ்டாமுதா³ராம் ।
ஶிகா²யை வஷட் ।
லம் ஹ்லைம் தாம் பத்³மிநீமீம் ஶரணமஹம் ப்ரபத்³யேঽலக்ஷ்மீர்மே
நஶ்யதாம் த்வாம் வ்ருʼணே ।
கவசாய ஹும் ।
க்ஷ்ம்யைம் ஹ்ரௌம் ஆதி³த்யவர்ணே தபஸோঽதி⁴ஜாதோ வநஸ்பதிஸ்தவ
வ்ருʼக்ஷோঽத² பி³ல்வ: । நேத்ரத்ரயாய வௌஷட் ।
நம: ஹ்ல: தஸ்ய ப²லாநி தபஸா நுதா³ந்து மாயாந்தராயாஶ்ச பா³ஹ்யா அலக்ஷ்மீ: ।
அஸ்த்ராய ப²ட் । பூ⁴ர்பு⁴வஸ்ஸுவரோமிதி தி³க்³ப³ந்த:⁴ ॥
த்⁴யாநம்-
லக்ஷ்மீதே³வீம் த்³விபத்³மாப⁴யவரத³கராம் தப்தகார்தஸ்வராபா⁴ம்
ஶுப்⁴ராப்⁴ராபே⁴ப⁴யுக்³மத்³வயகரத்⁴ருʼதகும்பா⁴த்³பி⁴ராஸிச்யமாநாம் ।
ரத்நௌகா⁴ப³த்³த⁴மௌலிம் விமலதரது³கூலார்தவாலேபநாட்⁴யாம்
பத்³மாக்ஷீம் பத்³மநாபோ⁴ரஸி க்ருʼதவஸதிம் பத்³மகா³ம் சிந்தயாமி ॥
லம் ப்ருʼதி²வ்யாத்மிகாயை க³ந்த⁴ம் ஸமர்பயாமி ।
ஹம் ஆகாஶாத்மிகாயை புஷ்பாணி ஸமர்பயாமி ।
யம் வாய்வாத்மிகாயை தூ⁴பமாக்⁴ராபயாமி ।
ரம் வஹ்ந்யாத்மிகாயை । தீ³பம் த³ர்ஶயாமி ।
வம் அம்ருʼதாத்மிகாயை । அம்ருʼதம் நிவேத³யாமி ।
ஸம் ஸர்வாத்மிகாயை ஸர்வோபசாராந் ஸமர்பயாமி ।
பாராயணாந்தே ௐ ஹ்லாம் உபைது மாம் தே³வஸக:² கீர்திஶ்ச மணிநா ஸஹ ।
ஹ்ருʼத³யாய நம: ।
மம் ஹ்லீம் ப்ராது³ர்பூ⁴தோঽஸ்மி ராஷ்ட்ரேঽஸ்மிந்கீர்திம்ருʼத்³தி⁴ம் த³தா³து மே ।
ஶிரஸே ஸ்வாஹா ।
ஹாம் ஹ்லூம் க்ஷுத்பிபாஸாமலாம் ஜ்யேஷ்டா²ம் அலக்ஷ்மீம் நாஶயாம்யஹம் ।
ஶிகா²யை வஷட் ।
லம் ஹ்லைம் அபூ⁴திமஸம்ருʼத்³தி⁴ஞ்ச ஸர்வாம் நிர்ணுத³ மே க்³ருʼஹாத் ।
கவசாய ஹும் ।
க்ஷ்ம்யைம் ஹ்லௌம் க³ந்த⁴த்³வாராம் து³ராத⁴ர்ஷாம் நித்யபுஷ்டாம் கரீஷிணீம் ।
நைத்ரத்ரயாய வௌஷட் ।
நம: ஹ்ல: ஈஶ்வரீம் ஸர்வபூ⁴தாநாம் தாமிஹோபஹ்நயே ஶ்ரியம் ।
அஸ்த்ராய ஹட் ॥
பூ⁴ர்பு⁴வஸ்ஸுவரோமிதி தி³க்³விமோக: ।
த்⁴யாநம் ।
லமித்யாதி³ பஞ்சபூஜா ।
அத² ஶ்ரீலக்ஷ்மீஸஹஸ்ரநாமஸ்தோத்ரம் ॥
ஶ்ரீநாரத³ உவாச –
மஹாலக்ஷ்மீர்மஹேஶாநா மஹாமாயா மலாபஹா ।
விஷ்ணுபத்நீ விதீ⁴ஶார்ச்யா விஶ்வயோநிர்வரப்ரதா³ ॥ 1 ॥
தா⁴த்ரீ விதா⁴த்ரீ த⁴ர்மிஷ்டா² த⁴ம்மில்லோத்³பா⁴ஸிமல்லிகா ।
பா⁴ர்க³வீ ப⁴க்திஜநநீ ப⁴வநாதா² ப⁴வார்சிதா ॥ 2 ॥
ப⁴த்³ரா ப⁴த்³ரப்ரதா³ ப⁴வ்யா ப⁴க்தாபீ⁴ஷ்டப²லப்ரதா³ ।
ப்ரளயஸ்தா² ப்ரஸித்³தா⁴ மா ப்ரக்ருʼஷ்டைஶ்வர்யதா³யிநீ ॥ 3 ॥
விஷ்ணுஶக்திர்விஷ்ணுமாயா விஷ்ணுவக்ஷ:ஸ்த²லஸ்தி²தா ।
வாக்³ரூபா வாக்³விபூ⁴திஜ்ஞா வாக்ப்ரதா³ வரதா³ வரா ॥ 4 ॥
ஸம்பத்ப்ரதா³ ஸர்வஶக்தி: ஸம்வித்³ரூபா ஸமாঽஸமா ।
ஹரித்³ராபா⁴ ஹரிந்நாத²பூஜிதா ஹரிமோஹிநீ ॥ 5 ॥
ஹதபாபா ஹதக²லா ஹிதாஹிதவிவர்ஜிதா ।
ஹிதாஹிதபராঽஹேயா ஹர்ஷதா³ ஹர்ஷரூபிணீ ॥ 6 ॥
வேத³ஶாஸ்த்ராலிஸம்ஸேவ்யா வேத³ரூபா விதி⁴ஸ்துதா ।
ஶ்ருதி: ஸ்ம்ருʼதிர்மதி: ஸாத்⁴வீ ஶ்ருதாঽஶ்ருதத⁴ரா த⁴ரா ॥ 7 ॥
ஶ்ரீ: ஶ்ரிதாக⁴த்⁴வாந்தபா⁴நு: ஶ்ரேயஸீ ஶ்ரேஷ்ட²ரூபிணீ ।
இந்தி³ரா மந்தி³ராந்தஸ்தா² மந்து³ராவாஸிநீ மஹீ ॥ 8 ॥
த⁴நலக்ஷ்மீர்த⁴நகரீ த⁴நிப்ரீதா த⁴நப்ரதா³ ।
தா⁴நாஸம்ருʼத்³தி⁴தா³ து⁴ர்யா து⁴தாகா⁴ தௌ⁴தமாநஸா ॥ 9 ॥
தா⁴ந்யலக்ஷ்மீர்தா³ரிதாகா⁴ தா³ரித்³ர்யவிநிவாரிணீ ।
வீரலக்ஷ்மீர்வீரவந்த்³யா வீரக²ட்³கா³க்³ரவாஸிநீ ॥ 10 ॥
அக்ரோத⁴நாঽலோப⁴பரா லலிதா லோபி⁴நாஶிநீ ।
லோகவந்த்³யா லோகமாதா லோசநாத:⁴க்ருʼதோத்பலா ॥ 11 ॥
ஹஸ்திஹஸ்தோபமாநோரு: ஹஸ்தத்³வயத்⁴ருʼதாம்பு³ஜா ।
ஹஸ்திகும்போ⁴பமகுசா ஹஸ்திகும்ப⁴ஸ்த²லஸ்தி²தா ॥ 12 ॥
ராஜலக்ஷ்மீ ராஜராஜஸேவிதா ராஜ்யதா³யிநீ ।
ராகேந்து³ஸுந்த³ரீ ரஸ்யா ரஸாலரஸபா⁴ஷணா ॥ 13 ॥
கோஶவ்ருʼத்³தி:⁴ கோடிதா³த்ரீ கோடிகோடிரவிப்ரபா⁴ ।
கர்மாராட்⁴யா கர்மக³ம்யா கர்மணாம் ப²லதா³யிநீ ॥ 14 ॥
தை⁴ர்யப்ரதா³ தை⁴ர்யரூபா தீ⁴ரா தீ⁴ரஸமர்சிதா ।
பதிவ்ரதா பரதரபுருஷார்த²ப்ரதா³ঽபரா ॥ 15 ॥
பத்³மாலயா பத்³மகரா பத்³மாக்ஷீ பத்³மதா⁴ரிணீ ।
பத்³மிநீ பத்³மதா³ பத்³மா பத்³மஶங்கா²தி³ஸேவிதா ॥ 16 ॥
தி³வ்யா தி³வ்யாங்க³ராகா³ட்⁴யா தி³வ்யாதி³வ்யஸ்வரூபத்⁴ருʼத் ।
த³யாநிதி⁴ர்தா³நபரா தா³நவாராதிபா⁴மிநீ ॥ 17 ॥
தே³வகார்யபரா தே³வீ தை³த்யேந்த்³ரபரிபூஜிதா ।
நாராயணீ நாத³க³தா நாகராஜஸமர்சிதா ॥ 18 ॥
நக்ஷத்ரநாத²வத³நா நரஸிம்ஹப்ரியாঽநலா ।
ஜக³த்³ரூபா ஜக³ந்நாதா² ஜங்க³மாஜங்க³மாக்ருʼதி: ॥ 19 ॥
கவிதா கஞ்ஜநிலயா கம்ரா கலிநிஷேதி⁴நீ ।
காருண்யஸிந்து:⁴ கமலா கமலாக்ஷீ குசோந்நதா ॥ 20 ॥
ப³லிப்ரியா ப³லிஹரீ ப³லிநீ ப³லிஸம்ஸ்துதா ।
ஹீரபூ⁴ஷா ஹீநதோ³ஷா ஹாநிஹர்த்ரீ ஹதாஸுரா ॥ 21 ॥
ஹவ்யகவ்யார்சிதா ஹத்யாதி³கபாதகநாஶிணீ ।
விஶுத்³த⁴ஸத்த்வா விவஶா விஶ்வபா³தா⁴ஹரீ வதூ:⁴ ॥ 22 ॥
ப்³ரஹ்மாணீ ப்³ரஹ்மஜநநீ ப்³ரஹ்மரூபா ப்³ருʼஹத்³வபு: ।
ப³ந்தீ³க்ருʼதாமரவதூ⁴மோசிநீ ப³ந்து⁴ராலகா ॥ 23 ॥
பி³லேஶயாங்க³நாவந்த்³யா பீ³ப⁴த்ஸரஹிதாঽப³லா ।
போ⁴கி³நீ பு⁴வநாதீ⁴ஶா போ⁴கி³போ⁴க³ஶயாঽப⁴யா ॥ 24 ॥
தா³மோத³ரப்ரியா தா³ந்தா தா³ஶேஶபரிஸேவிதா ।
ஜாமத³க்³ந்யப்ரியா ஜஹ்நுதநயா பாவநாங்கி⁴ரகா ॥ 25 ॥
க்ஷீரோத³மத²நோத்³பூ⁴தா க்ஷீராக்தா க்ஷிதிரூபிணீ ।
க்ஷேமங்கரீ க்ஷயகரீ க்ஷேத்ரஜ்ஞா க்ஷேத்ரதா³யிநீ ॥ 26 ॥
ஸ்வயம்வ்ருʼதாச்யுதா ஸ்வீயரக்ஷிணீ ஸ்வத்வதா³யிநீ ।
தாரகேஶமுகீ² தார்க்ஷ்யஸ்வாமிநீ தாரிதாஶ்ரிதா ॥ 27 ॥
கு³ணாதீதா கு³ணவதீ கு³ண்யா க³ருட³ஸம்ஸ்தி²தா ।
கே³யா க³யாக்ஷேத்ரக³தா கா³நதுஷ்டா க³திப்ரதா³ ॥ 28 ॥
ஶேஷரூபா ஶேஷஶாயிபா⁴மிநீ ஶிஷ்டஸம்மதா ।
ஶேவதி:⁴ ஶோஷிதாஶேஷபு⁴வநா ஶோப⁴நாக்ருʼதி: ॥ 29 ॥
பாஞ்சராத்ரார்சிதா பாஞ்சஜந்யதா⁴ர்யங்கவாஸிநீ ।
பாஷண்ட³த்³வேஷிணீ பாஶமோசநீ பாமரப்ரியா ॥ 30 ॥
ப⁴யங்கரீ ப⁴யஹரீ ப⁴ர்த்ருʼப⁴க்தா ப⁴வாபஹா ।
ஹ்ரீர்ஹ்ரீமதீ ஹ்ருʼததமா: ஹதமாயா ஹதாஶுபா⁴ ॥ 31 ॥
ரகு⁴வம்ஶஸ்நுஷா ராமா ரம்யா ராமப்ரியா ரமா ।
ஸீரத்⁴வஜஸுதா ஸீதா ஸீமாதீதகு³ணோஜ்ஜ்வலா ॥ 32 ॥
ஜாநகீ ஜக³தா³நந்த³தா³யிநீ ஜக³தீப⁴வா ।
பூ⁴க³ர்ப⁴ஸம்ப⁴வா பூ⁴தி: பூ⁴ஷிதாங்கீ³ ப்⁴ருʼதாநதா ॥ 33 ॥
வேத³ஸ்தவா வேத³வதீ வைதே³ஹீ வேத³வித்ப்ரியா ।
வேதா³ந்தவேத்³யா வீர்யாட்⁴யா வீரபத்நீ விஶிஷ்டதீ:⁴ ॥ 34 ॥
ஶிவசாபாரோபபணா ஶிவா ஶிவபரார்சிதா ।
ஸாகேதவாஸிநீ ஸாது⁴ஸ்வாந்தகா³ ஸ்வாது³ப⁴க்ஷிணீ ॥ 35 ॥
கு³ஹாக³தா கு³ஹநதா கு³ஹாக³தமுநிஸ்துதா ।
த³ரஸ்மிதா த³நுஜஸம்ஹர்த்ரீ த³ஶரத²ஸ்நுஷா ॥ 36 ॥
தா³யப்ரதா³ தா³நப²லா த³க்ஷா தா³ஶரதி²ப்ரியா ।
காந்தா காந்தாரகா³ காம்யா காரணாதீதவிக்³ரஹா ॥ 37 ॥
வீரா விராத⁴ஸம்ஹர்த்ரீ விஶ்வமாயாவிதா⁴யிநீ ।
வேத்³யா வைத்³யப்ரியா வைத்³யா வேதோ⁴விஷ்ணுஶிவாக்ருʼதி: ॥ 38 ॥
க²ரதூ³ஷணகாலாக்³நி: க²ரபா⁴நுகுலஸ்நுஷா ।
ஶூரா ஶூர்பணகா²ப⁴ங்க³காரிணீ ஶ்ருதவல்லபா⁴ ॥ 39 ॥
ஸுவர்ணம்ருʼக³த்ருʼஷ்ணாட்⁴யா ஸுவர்ணஸத்³ருʼஶாங்க³கா ।
ஸுமித்ராஸுக²தா³ ஸூதஸம்ஸ்துதா ஸுததா³ரதா³ ॥ 40 ॥
ஸுமித்ராநுக்³ரஹபரா ஸுமந்த்ரா ஸுப்ரதிஷ்டி²தா ।
ஶ்யாமா ஶ்யாமலநேத்ராந்தா ஶ்யாமந்யக்³ரோத⁴ஸேவிநீ ॥ 41 ॥
துங்க³ஸ்தா²நப்ரதா³ துங்கா³ க³ங்கா³ப்ரார்த²நதத்பரா ।
க³திப்ரியா க³ர்ப⁴ரூபா க³திர்க³திமதீ ச கௌ:³ ॥ 42 ॥
க³ர்வதூ³ரா க³ர்வஹரீ க³திநிர்ஜிதஹம்ஸிகா ।
த³ஶாநநவதோ⁴த்³யுக்தா த³யாஸிந்து⁴ர்த³ஶாதிகா³ ॥ 43 ॥
ஸேதுஹேதுர்ஹேதுஹீநா ஹேதுஹேதுமதா³த்மிகா ।
ஹநூமத்ஸ்வாமிநீ ஹ்ருʼஷ்டா ஹ்ருʼஷ்டபுஷ்டஜநஸ்துதா ॥ 44 ॥
வாமகேஶீ வாமநேத்ரீ வாத்³யா வாதி³ஜயப்ரதா³ ।
த⁴நதா⁴ந்யகரீ த⁴ர்ம்யா த⁴ர்மாத⁴ர்மப²லப்ரதா³ ॥ 45 ॥
ஸமுத்³ரதநயா ஸ்துத்யா ஸமுத்³ரா ஸத்³ரஸப்ரதா³ ।
ஸாமப்ரியா ஸாமநுதா ஸாந்த்வோக்தி: ஸாயுதா⁴ ஸதீ ॥ 46 ॥
ஶீதீக்ருʼதாக்³நி: ஶீதாம்ஶுமுகீ² ஶீலவதீ ஶிஶு: ।
ப⁴ஸ்மீக்ருʼதாஸுரபுரா ப⁴ரதாக்³ரஜபா⁴மிநீ ॥ 47 ॥
ராக்ஷஸீது:³க²தா³ ராஜ்ஞீ ராக்ஷஸீக³ணரக்ஷிணீ ।
ஸரஸ்வதீ ஸரித்³ரூபா ஸந்நுதா ஸத்³க³திப்ரதா³ ॥ 48 ॥
க்ஷமாவதீ க்ஷமாஶீலா க்ஷமாபுத்ரீ க்ஷமாப்ரதா³ ।
ப⁴ர்த்ருʼப⁴க்திபரா ப⁴ர்த்ருʼதை³வதா ப⁴ரதஸ்துதா ॥ 49 ॥
தூ³ஷணாராதித³யிதா த³யிதாலிங்க³நோத்ஸுகா ।
அல்பமத்⁴யாঽல்பதீ⁴தூ³ரா கல்பவல்லீ கலாத⁴ரா ॥ 50 ॥
ஸுக்³ரீவவந்த்³யா ஸுக்³ரீவா வ்யக்³ரீபா⁴வாவிதாநதா ।
நீலாஶ்மபூ⁴ஷா நீலாதி³ஸ்துதா நீலோத்பலேக்ஷணா ॥ 51 ॥
ந்யாய்யா ந்யாயபராঽঽராத்⁴யா ந்யாயாந்யாயப²லப்ரதா³ ।
புண்யதா³ புண்யலப்⁴யா ச புருஷோத்தமபா⁴மிநீ ॥ 52 ॥
புருஷார்த²ப்ரதா³ புண்யா பண்யா ப²ணிபதிஸ்துதா ।
அஶோகவநிகாஸ்தா²நாঽஶோகா ஶோகவிநாஶிநீ ॥ 53 ॥
ஶோபா⁴ரூபா ஶுபா⁴ ஶுப்⁴ரா ஶுப்⁴ரத³ந்தா ஶுசிஸ்மிதா ।
புருஹூதஸ்துதா பூர்ணா பூர்ணரூபா பரேஶயா ॥ 54 ॥
த³ர்பா⁴க்³ரதீ⁴ர்த³ஹரகா³ த³ர்ப⁴ப்³ரஹ்மாஸ்த்ரபா⁴மிநீ ।
த்ரைலோக்யமாதா த்ரைலோக்யமோஹிநீ த்ராதவாயஸா ॥ 55 ॥
த்ராணைககார்யா த்ரித³ஶா த்ரித³ஶாதீ⁴ஶஸேவிதா ।
லக்ஷ்மணா லக்ஷ்மணாராத்⁴யா லக்ஷ்மணாக்³ரஜநாயிகா ॥ 56 ॥
லங்காவிநாஶிநீ லக்ஷ்யா லலநா லலிதாஶயா ।
தாரகாக்²யப்ரியா தாரா தாரிகா தார்க்ஷ்யகா³ தரி: ॥ 57 ॥
தாடகாராதிமஹிஷீ தாபத்ரயகுடா²ரிகா ।
தாம்ராத⁴ரா தார்க்ஷ்யநுதா தாம்ராக்ஷீ தாரிதாநதா ॥ 58 ॥
ரகு⁴வம்ஶபதாகா ஶ்ரீரகு⁴நாத²ஸத⁴ர்மிணீ ।
வநப்ரியா வநபரா வநஜாக்ஷீ விநீதிதா³ ॥ 59 ॥
வித்³யாப்ரியா வித்³வதீ³ட்³யா வித்³யாঽவித்³யாவிநாஶிநீ ।
ஸர்வாதா⁴ரா ஶமபரா ஶரப⁴ங்க³முநிஸ்துதா ॥ 60 ॥
பி³ல்வப்ரியா ப³லிமதீ ப³லிஸம்ஸ்துதவைப⁴வா ।
ப³லிராக்ஷஸஸம்ஹர்த்ரீ ப³ஹுகா ப³ஹுவிக்³ரஹா ॥ 61 ॥
க்ஷத்ரியாந்தகராராதிபா⁴ர்யா க்ஷத்ரியவம்ஶஜா ।
ஶரணாக³தஸம்ரக்ஷா ஶரசாபாஸிபூஜிதா ॥ 62 ॥
ஶரீரபா⁴ஜிதரதி: ஶரீரஜஹரஸ்துதா ।
கல்யாணீ கருணாமூர்தி: கலுஷக்⁴நீ கவிப்ரியா ॥ 63 ॥
அசக்ஷுரஶ்ருதிரபாதா³ப்ராணா சாமநா அதீ:⁴ ।
அபாணிபாதா³ঽப்யவ்யக்தா வ்யக்தா வ்யஞ்ஜிதவிஷ்டபா ॥ 64 ॥
ஶமீப்ரியா ஸகலதா³ ஶர்மதா³ ஶர்மரூபிணீ ।
ஸுதீக்ஷ்ணவந்த³நீயாங்க்⁴ரி: ஸுதவத்³வத்ஸலா ஸுதீ:⁴ ॥ 65 ॥
ஸுதீக்ஷ்ணத³ண்டா³ ஸுவ்யக்தா ஸுதீபூ⁴தஜக³த்த்ரயா ।
மது⁴ரா மது⁴ராலாபா மது⁴ஸூத³நபா⁴மிநீ ॥ 66 ॥
மாத்⁴வீ ச மாத⁴வஸதீ மாத⁴வீகுஸுமப்ரியா ।
பரா பரப்⁴ருʼதாலாபா பராபரக³திப்ரதா³ ॥ 67 ॥
வால்மீகிவத³நாம்போ⁴தி⁴ஸுதா⁴ ப³லிரிபுஸ்துதா ।
நீலாங்க³தா³தி³விநுதா நீலாங்க³த³விபூ⁴ஷிதா ॥ 68 ॥
வித்³யாப்ரதா³ வியந்மத்⁴யா வித்³யாத⁴ரக்ருʼதஸ்தவா ।
குல்யா குஶலதா³ கல்யா கலா குஶலவப்ரஸூ: ॥ 69 ॥
வஶிநீ விஶதா³ வஶ்யா வந்த்³யா வந்தா³ருவத்ஸலா ।
மாஹேந்த்³ரீ மஹதா³ மஹ்யா மீநாக்ஷீ மீநகேதநா ॥ 70 ॥
கமநீயா கலாமூர்தி: குபிதாঽகுபிதா க்ருʼபா ।
அநஸூயாங்க³ராகா³ங்காঽநஸூயா ஸூரிவந்தி³தா ॥ 71 ॥
அம்பா³ பி³ம்பா³த⁴ரா கம்பு³கந்த⁴ரா மந்த²ரா உமா ।
ராமாநுகா³ঽঽராமசரீ ராத்ரிஞ்சரப⁴யங்கரீ ॥ 72 ॥
ஏகவேணீத⁴ரா பூ⁴மிஶயநா மலிநாம்ப³ரா ।
ரக்ஷோஹரீ கி³ரிலஸத்³வக்ஷோஜா ஜ்ஞாநவிக்³ரஹா ॥ 73 ॥
மேதா⁴ மேதா⁴விநீ மேத்⁴யா மைதி²லீ மாத்ருʼவர்ஜிதா ।
அயோநிஜா வயோநித்யா பயோநிதி⁴ஸுதா ப்ருʼது:² ॥ 74 ॥
வாநரர்க்ஷபரீவாரா வாரிஜாஸ்யா வராந்விதா ।
த³யார்த்³ராঽப⁴யதா³ ப⁴த்³ரா நித்³ராமுத்³ரா முதா³யதி: ॥ 75 ॥
க்³ருʼத்⁴ரமோக்ஷப்ரதா³ க்³ருʼத்⁴நு: க்³ருʼஹீதவரமாலிகா ।
ஶ்வஶ்ரேயஸப்ரதா³ ஶஶ்வத்³ப⁴வா ஶதத்⁴ருʼதிப்ரஸூ: ॥ 76 ॥
ஶரத்பத்³மபதா³ ஶாந்தா ஶ்வஶுரார்பிதபூ⁴ஷணா ।
லோகாதா⁴ரா நிராநந்தா³ நீராகா³ நீரஜப்ரியா ॥ 77 ॥
நீரஜா நிஸ்தமா நி:ஸ்வா நீரீதிர்நீதிநைபுணா ।
நாரீமணிர்நராகாரா நிராகாராঽநிராக்ருʼதா ॥ 78 ॥
கௌமாரீ கௌஶலநிதி:⁴ கௌஶிகீ கௌஸ்துப⁴ஸ்வஸா ।
ஸுதா⁴கராநுஜா ஸுப்⁴ரூ: ஸுஜாதா ஸோமபூ⁴ஷணா ॥ 79 ॥
காலீ கலாபிநீ காந்தி: கௌஶேயாம்ப³ரமண்டி³தா ।
ஶஶக்ஷதஜஸம்ரக்தசந்த³நாலிப்தகா³த்ரகா ॥ 80 ॥
மஞ்ஜீரமண்டி³தபதா³ மஞ்ஜுவாக்யா மநோரமா ।
கா³யத்ர்யர்த²ஸ்வரூபா ச கா³யத்ரீ கோ³க³திப்ரதா³ ॥ 81 ॥
த⁴ந்யாঽக்ஷராத்மிகா தே⁴நு: தா⁴ர்மிகா த⁴ர்மவர்தி⁴நீ ।
ஏலாலகாঽப்யேத⁴மாநக்ருʼபா க்ருʼஸரதர்பிதா ॥ 82 ॥
க்ருʼஷ்ணா க்ருʼஷ்ணாலகா க்ருʼஷ்டா கஷ்டக்⁴நீ க²ண்டி³தாஶரா ।
கலாலாபா கலஹக்ருʼத்³தூ³ரா காவ்யாப்³தி⁴கௌமுதீ³ ॥ 83 ॥
அகாரணா காரணாத்மா காரணாவிநிவர்திநீ ।
கவிப்ரியா கவநதா³ க்ருʼதார்தா² க்ருʼஷ்ணபா⁴மிநீ ॥ 84 ॥
ருக்மிணீ ருக்மிப⁴கி³நீ ருசிரா ருசிதா³ ருசி: ।
ருக்மப்ரியா ருக்மபூ⁴ஷா ரூபிணீ ரூபவர்ஜிதா ॥ 85 ॥ப்ருʼ
அபீ⁴ஷ்மா பீ⁴ஷ்மதநயா பீ⁴திஹ்ருʼத்³பூ⁴திதா³யிநீ ।
ஸத்யா ஸத்யவ்ரதா ஸஹ்யா ஸத்யபா⁴மா ஶுசிவ்ரதா ॥ 86 ॥
ஸம்பந்நா ஸம்ஹிதா ஸம்பத் ஸவித்ரீ ஸவித்ருʼஸ்துதா ।
த்³வாரகாநிலயா த்³வாரபூ⁴தா த்³விபத³கா³ த்³விபாத் ॥ 87 ॥
ஏகைகாத்மைகரூபைகபத்நீ சைகேஶ்வரீ ப்ரஸூ: ।
அஜ்ஞாநத்⁴வாந்தஸூர்யார்சி: தா³ரித்³ர்யாக்³நிக⁴நாவலீ ॥ 88 ॥
ப்ரத்³யும்நஜநநீ ப்ராப்யா ப்ரக்ருʼஷ்டா ப்ரணதிப்ரியா ।
வாஸுதே³வப்ரியா வாஸ்துதோ³ஷக்⁴நீ வார்தி⁴ஸம்ஶ்ரிதா ॥ 89 ॥
வத்ஸலா க்ருʼத்ஸ்நலாவண்யா வர்ண்யா க³ண்யா ஸ்வதந்திரகா ।
ப⁴க்தா ப⁴க்தபராதீ⁴நா ப⁴வாநீ ப⁴வஸேவிதா ॥ 90 ॥
ராதா⁴பராத⁴ஸஹநீ ராதி⁴தாஶேஷஸஜ்ஜநா ।
கோமலா கோமலமதி: குஸுமாஹிதஶேக²ரா ॥ 91 ॥
குருவிந்த³மணிஶ்ரேணீபூ⁴ஷணா கௌமுதீ³ருசி: ।
அம்லாநமால்யா ஸம்மாநகாரிணீ ஸரயூருசி: ॥ 92 ॥
கடாக்ஷந்ருʼத்யத்கருணா கநகோஜ்ஜ்வலபூ⁴ஷணா ।
நிஷ்டப்தகநகாபா⁴ங்கீ³ நீலகுஞ்சிதமூர்த⁴ஜா ॥ 93 ॥
விஶ்ருʼங்க²லா வியோநிஸ்தா² வித்³யமாநா விதா³ம்வரா ।
ஶ்ருʼங்கா³ரிணீ ஶிரீஷாங்கீ³ ஶிஶிரா ஶிரஸி ஸ்தி²தா ॥ 94 ॥
ஸூர்யாத்மிகா ஸூரிநம்யா ஸூர்யமண்ட³லவாஸிநீ ।
வஹ்நிஶைத்யகரீ வஹ்நிப்ரவிஷ்டா வஹ்நிஶோபி⁴தா ॥ 95 ॥
நிர்ஹேதுரக்ஷிணீ நிஷ்காப⁴ரணா நிஷ்கதா³யிநீ ।
நிர்மமா நிர்மிதஜக³ந்நிஸ்தமஸ்கா நிராஶ்ரயா ॥ 96 ॥
நிரயார்திஹரீ நிக்⁴நா நிஹிதா நிஹதாஸுரா ।
ராஜ்யாபி⁴ஷிக்தா ராஜ்யேஶீ ராஜ்யதா³ ராஜிதாஶ்ரிதா ॥ 97 ॥
ராகேந்து³வத³நா ராத்ரிசரக்⁴நீ ராஷ்ட்ரவல்லபா⁴ ।
ஶ்ரிதாச்யுதப்ரியா ஶ்ரோத்ரீ ஶ்ரீதா³மஸக²வல்லபா⁴ ॥ 98 ॥
ரமணீ ரமணீயாங்கீ³ ரமணீயகு³ணாஶ்ரயா ।
ரதிப்ரியா ரதிகரீ ரக்ஷோக்⁴நீ ரக்ஷிதாண்ட³கா ॥ 99 ॥
ரஸரூபா ரஸாத்மைகரஸா ரஸபராஶ்ரிதா ।
ரஸாதலஸ்தி²தா ராஸதத்பரா ரத²கா³மிநீ ॥ 100 ॥
அஶ்வாரூடா⁴ க³ஜாரூடா⁴ ஶிபி³காதலஶாயிநீ ।
சலத்பாதா³ சலத்³வேணீ சதுரங்க³ப³லாநுகா³ ॥ 101 ॥
சஞ்சச்சந்த்³ரகராகாரா சதுர்தீ² சதுராக்ருʼதி: ।
சூர்ணீக்ருʼதாஶரா சூர்ணாலகா சூதப²லப்ரியா ॥ 102 ॥
ஶிகா²ஶீக்⁴ரா ஶிகா²காரா ஶிகா²வித்⁴ருʼதமல்லிகா ।
ஶிக்ஷாஶிக்ஷிதமூர்கா²லி: ஶீதாঽஶீதா ஶதாக்ருʼதி: ॥ 103 ॥
வைஷ்ணவீ விஷ்ணுஸத்³ருʼஶீ விஷ்ணுலோகப்ரதா³ வ்ருʼஷா ।
வீணாகா³நப்ரியா வீணா வீணாத⁴ரமுநிஸ்துதா ॥ 104 ॥
வைதி³கீ வைதி³காசாரப்ரீதா வைதூ³ர்யபூ⁴ஷணா ।
ஸுந்த³ராங்கீ³ ஸுஹ்ருʼத்ஸ்பீ²தா ஸாக்ஷிணீ ஸாக்ஷமாலிகா ॥ 105 ॥
க்ரியா க்ரியாபரா க்ரூரா க்ரூரராக்ஷஸஹாரிணீ ।
தல்பஸ்தா² தரணிஸ்தா²நா தாபத்ரயநிவாரிணீ ॥ 106 ॥
தீர்ணப்ரதிஜ்ஞா தீர்தே²ஶீ தீர்த²பாதா³ திதி²ப்ரியா ।
சர்யா சரணதா³ சீர்ணா சீராங்கா சத்வரஸ்தி²தா ॥ 107 ॥
லதா லதாங்கீ³ லாவண்யா லக்⁴வீ லக்ஷ்யாஶராலயா ।
லீலா லீலாஹதக²லா லீநா லீடா⁴ ஶுபா⁴வலி: ॥ 108 ॥
லூதோபமாநா லூநாகா⁴ லோலாঽலோலவிபூ⁴திதா³ ।
அமர்த்யா மர்த்யஸுலபா⁴ மாநுஷீ மாநவீ மநு: ॥ 109 ॥
ஸுக³ந்தா⁴ ஸுஹிதா ஸூக்ஷ்மா ஸூக்ஷ்மமத்⁴யா ஸுதோஜ்ஜ்வலா ।
மணிர்மணிமதீ மஞ்ஜுக³மநா மஹிதா முநி: ॥ 110 ॥
மிதாঽமிதஸுகா²காரா மீலிதா மீநலோசநா ।
கோ³மதீ கோ³குலஸ்தா²நா கோ³தா³ கோ³குலவாஸிநீ ॥ 111 ॥
க³ஜேந்த்³ரகா³மிநீ க³ம்யா மாத்³ரீ மாயாவிநீ மது:⁴ ।
த்ரிலோசநநுதா த்ரிஷ்டுப³நஷ்டுப்பங்க்திரூபிணீ ॥ 112 ॥
த்³விபாத்த்ரிபாத³ஷ்டபதீ³ நவபாச்ச சதுஷ்பதீ³ ।
பங்க்த்யாநநோபதே³ஷ்ட்ரீ ச ஶாரதா³ பங்க்திபாவநீ ॥ 113 ॥
ஶேக²ரீபூ⁴தஶீதாம்ஶு: ஶேஷதல்பாதி⁴ஶாயிநீ ।
ஶேமுஷீ முஷிதாஶேஷபாதகா மாத்ருʼகாமயீ ॥ 114 ॥
ஶிவவந்த்³யா ஶிக²ரிணீ ஹரிணீ கரிணீ ஸ்ருʼணி: ।
ஜக³ச்சக்ஷுர்ஜக³ந்மாதா ஜங்க³மாஜங்க³மப்ரஸூ: ॥ 115 ॥
ஸர்வஶப்³தா³ ஸர்வமுக்தி: ஸர்வப⁴க்திஸ்ஸமாஹிதா ।
க்ஷீரப்ரியா க்ஷாலிதாகா⁴ க்ஷீராம்பு³தி⁴ஸுதாঽக்ஷயா ॥ 116 ॥
மாயிநீ மத²நோத்³பூ⁴தா முக்³தா⁴ து³க்³தோ⁴பமஸ்தி²தா ।
வஶகா³ வாமநயநா ஹம்ஸிநீ ஹம்ஸஸேவிதா ॥ 117 ॥
அநங்கா³ঽநங்க³ஜநநீ ஸுதுங்க³பத³தா³யிநீ ।
விஶ்வா விஶ்வேடி³தா விஶ்வதா⁴த்ரீ விஶ்வாதி⁴கார்த²தா³ ॥ 118 ॥
க³த்³யபத்³யஸ்துதா க³ந்த்ரீ க³ச்ச²ந்தீ க³ருடா³ஸநா ।
பஶ்யந்தீ ஶ்ருʼண்வதீ ஸ்பர்ஶகர்த்ரீ ரஸநிரூபிணீ ॥ 119 ॥
ப்⁴ருʼத்யப்ரியா ப்⁴ருʼதிகரீ ப⁴ரணீயா ப⁴யாபஹா ।
ப்ரகர்ஷதா³ ப்ரஸித்³தே⁴ஶா ப்ரமாணம் ப்ரமிதி: ப்ரமா ॥ 120 ॥
ஆகாஶரூபிண்யத்⁴யஸ்தா மத்⁴யஸ்தா² மத்⁴யமா மிதி: ।
தலோத³ரீ தலகரீ தடித்³ரூபா தரங்கி³ணீ ॥ 121 ॥
அகம்பா கம்பிதரிபு: ஜம்பா⁴ரிஸுக²தா³யிநீ ।
த³யாவிஷ்டா ஶிஷ்டஸுஹ்ருʼத் விஷ்டரஶ்ரவஸ:ப்ரியா ॥ 122 ॥
ஹ்ருʼஷீகஸுக²தா³ ஹ்ருʼத்³யாঽபீ⁴தா பீ⁴தார்திஹாரிணீ ।
மாதா மநுமுகா²ராத்⁴யா மாதங்கீ³ மாநிதாகி²லா ॥ 123 ॥
ப்⁴ருʼகு³ப்ரியா ப்⁴ருகு³ஸுதா பா⁴ர்க³வேட்³யா மஹாப³லா ।
அநுகூலாঽமலதநு: லோபஹீநா லிபிஸ்துதா ॥ 124 ॥
அந்நதா³ঽந்நஸ்வரூபঽந்நபூர்ணாঽபர்ணா ருʼணாபஹா ।
வ்ருʼந்தா³ வ்ருʼந்தா³வநரதி: ப³ந்தீ³பூ⁴தாமரீஸ்துதா ॥ 125 ॥
தேஜஸ்விநீ துர்யபூஜ்யா தேஜஸ்த்ரிதயரூபிணீ ।
ஷடா³ஸ்யஜயதா³ ஷஷ்டீ² ஷடூ³ர்மிபரிவர்ஜிதா ॥ 126 ॥
ஷட்³ஜப்ரியா ஸத்த்வரூபா ஸவ்யமார்க³ப்ரபூஜிதா ।
ஸநாதநதநுஸ்ஸந்நா ஸம்பந்மூர்தி: ஸரீஸ்ருʼபா ॥ 127 ॥
ஜிதாஶா ஜந்மகர்மாதி³நாஶிநீ ஜ்யேஷ்ட²ரூபிணீ ।
ஜநார்த³நஹ்ருʼதா³வாஸா ஜநாநந்தா³ ஜயாঽஜநி: ॥ 128 ॥
வாஸநா வாஸநாஹந்த்ரீ வாமா வாமவிலோசநா ।
பயஸ்விநீ பூததநு: பாத்ரீ பரிஷத³ர்சிதா ॥ 129 ॥
மஹாமோஹப்ரமதி²நீ மஹாஹர்ஷா மஹாத்⁴ருʼதி: ।
மஹாவீர்யா மஹாசர்யா மஹாப்ரீதா மஹாகு³ணா ॥ 130 ॥
மஹாஶக்திர்மஹாஸக்தி: மஹாஜ்ஞாநா மஹாரதி: ।
மஹாபூஜ்யா மஹேஜ்யா ச மஹாலாப⁴ப்ரதா³ மஹீ ॥ 131 ॥
மஹாஸம்பந்மஹாகம்பா மஹாலக்ஷ்யா மஹாஶயா ।
மஹாரூபா மஹாதூ⁴பா மஹாமதிர்மஹாமஹா ॥ 132 ॥
மஹாரோக³ஹரீ முக்தா மஹாலோப⁴ஹரீ ம்ருʼடா³ ।
மேத³ஸ்விநீ மாத்ருʼபூஜ்யா மேயா மா மாத்ருʼரூபிணீ ॥ 133 ॥
நித்யமுக்தா நித்யபு³த்³தா⁴ நித்யத்ருʼப்தா நிதி⁴ப்ரதா³ ।
நீதிஜ்ஞா நீதிமத்³வந்த்³யா நீதா ப்ரீதாச்யுதப்ரியா ॥ 134 ॥
மித்ரப்ரியா மித்ரவிந்தா³ மித்ரமண்ட³லஶோபி⁴நீ ।
நிரங்குஶா நிராதா⁴ரா நிராஸ்தா²நா நிராமயா ॥ 135 ॥
நிர்லேபா நி:ஸ்ப்ருʼஹா நீலகப³ரீ நீரஜாஸநா ।
நிராபா³தா⁴ நிராகர்த்ரீ நிஸ்துலா நிஷ்கபூ⁴ஷிதா ॥ 136 ॥
நிரஞ்ஜநா நிர்மத²நா நிஷ்க்ரோதா⁴ நிஷ்பரிக்³ரஹா ।
நிர்லோபா⁴ நிர்மலா நித்யதேஜா நித்யக்ருʼபாந்விதா ॥ 137 ॥
த⁴நாட்⁴யா த⁴ர்மநிலயா த⁴நதா³ த⁴நதா³ர்சிதா ।
த⁴ர்மகர்த்ரீ த⁴ர்மகோ³ப்த்ரீ த⁴ர்மிணீ த⁴ர்மதே³வதா ॥ 138 ॥
தா⁴ரா த⁴ரித்ரீ த⁴ரணி: து⁴தபாபா து⁴தாஶரா ।
ஸ்த்ரீதே³வதாঽக்ரோத⁴நாதா²ঽமோஹாঽலோபா⁴ঽமிதார்த²தா³ ॥ 139 ॥
காலரூபாঽகாலவஶா காலஜ்ஞா காலபாலிநீ ।
ஜ்ஞாநித்⁴யேயா ஜ்ஞாநிக³ம்யா ஜ்ஞாநதா³நபராயணா ॥ 140 ॥
இதி ஶ்ரீநாரதீ³யோபபுராணாந்தர்க³தம் ஶ்ரீலக்ஷ்மீஸஹஸ்ரநாமஸ்தோத்ரம் 2 ஸம்பூர்ணம் ॥
– Chant Stotra in Other Languages –
1000 Names of of Sri Lakshmi Devi » Sahasranama Stotram 2 Lyrics in Sanskrit » English » Bengali » Gujarati » Kannada » Malayalam » Odia » Telugu