॥ Sri Lalitha Sahasranama Stotram Malayalam Lyrics ॥
॥ ശ്രീലലിതാസഹസ്രനാമസ്തോത്രം ശിവകൃതം ॥
ശ്രീമഹാദേവ ഉവാച –
ഹരനേത്രസമുദ്ഭൂതഃ സ വഹ്നിര്‍ന മഹേശ്വരം ।
പുനര്‍ഗന്തും ശശാകാഥ കദാചിദപി നാരദ ॥ 1 ॥
ബഭൂവ വഡവാരൂപസ്താപയാമാസ മേദിനീം ।
തതോ ബ്രഹ്മാ സമാഗത്യ വഡവാരൂപിണം ച തം ॥ 2 ॥
നീത്വാ സമുദ്രം സമ്പ്രാര്‍ഥ്യം തത്തോയേഽസ്ഥാപയന്‍മുനേ ।
യയുര്‍ദേവാ നിജം സ്ഥാനം കാമശോകേന മോഹിതാഃ ॥ 3 ॥
സമാശ്വസ്യ രതിം സ്വാമീ പുനസ്തേ ജീവിതോ ഭവേത് ॥ 4 ॥
ശ്രഥ പ്രാഹ മഹാദേവം പാര്‍വതീ രുചിരാനനാ ।
ത്രിജഗജ്ജനനീ സ്മിത്വാ നിര്‍ജനേ തത്ര കാനനേ ॥ 5 ॥
ശ്രീദേവ്യുവാച –
മാമാദ്യാം പ്രകൃതിം ദേവ ലബ്ധും പത്നീം മഹത്ത്തപഃ ।
ചിരം കരോഷി തത്കസ്മാത്കാമോഽയം നാശിതസ്ത്വയാ ॥ 6 ॥
കാമേ വിനഷ്ടേ പത്ന്യാഃ കിം വിദ്യതേ തേ പ്രയോജനം ।
യോഗിനാമേഷ ധര്‍മോ വൈ യത്കാമസ്യ വിനാശനം ॥ 7 ॥
ഇതി ശ്രുത്വാ വചസ്തസ്യാഃ ശങ്കരശ്ചകിതസ്തദാ ।
സന്ധ്യായന്‍ ജ്ഞാതവാനാദ്യാം പ്രകൃതിം പര്‍വതാത്മജാം ॥ 8 ॥
തതോ നിമീല്യ നേത്രാണി പ്രഹര്‍ഷപുലകാന്വിതഃ ।
നിരീക്ഷ്യ പാര്‍വതീം പ്രാഹ സര്‍വലോകൈകസുന്ദരീം ॥ 9 ॥
ജാനേ ത്വാം പ്രകൃതിം പൂര്‍ണാമാവിര്‍ഭൂതാം സ്വലീലയാ ।
ത്വാമേവ ലബ്ധും ധ്യാനസ്ഥശ്ചിരം തിഷ്ഠാമി കാനനേ ॥ 10 ॥
അദ്യാഹം കൃതകൃത്യോഽസ്മി യത്ത്വാം സാക്ഷാത്പരാത്പരാം ।
പുരഃ പശ്യാമി ചാര്‍വങ്ഗീം സതീമിവ മമ പ്രിയാം ॥ 11 ॥
ശ്രീദേവ്യുവാച –
തവ ഭാവേന തുഷ്ടാഽഹം സംഭൂയ ഹിമവദ്വൃഹേ ।
ത്വാമേവ ച പതിം ലബ്ധും സമായാതാ തവാന്തികം ॥ 12 ॥
യോ മാം യാദൃശഭാവേന സമ്പ്രാര്‍ഥയതി ഭക്തിതഃ ।
തസ്യ തേനൈവ ഭാവേന പൂരയാമി മനോരഥാന്‍ ॥ 13 ॥
അഹം സൈവ സതീ ശംഭോ ദക്ഷസ്യ ച മഹാധ്വരേ ।
വിഹായ ത്വാം ഗതാ കാലീ ഭീമാ ത്രിലോക്യമോഹിനീ ॥ 14 ॥
ശിവ ഉവാച –
യദി മേ പ്രാണതുല്യാസി സതീ ത്വം ചാരുലോചനാ ।
തദാ യഥാ മഹാമേഘപ്രഭാ സാ ഭീമരൂപിണീ ॥ 15 ॥
ബഭൂവ ദക്ഷയജ്ഞസ്യ വിനാശായ ദിഗംബരീ ।
കാലീ തഥാ സ്വരൂപേണ ചാത്മാനം ദര്‍ശയസ്വ മാം ॥ 16 ॥
ഇത്യുക്താ സാ ഹിമസുതാ ശംഭുനാ മുനിസത്തമം ।
ബഭൂവ പൂര്‍വവത്കാലീ സ്നിഗ്ധാഞ്ജനചയപ്രഭാ ॥ 17 ॥
ദിഗംബരീ ക്ഷരദ്രക്താ ഭീമായതവിലോചനാ ।
പീനോന്നതകുചദ്വന്ദ്വചാരുശോഭിതവക്ഷസാ ॥ 18 ॥
ഗലദാപാദസംലംബികേശപുഞ്ജഭയാനകാ ।
ലലജ്ജിഹ്വാ ജ്വലദ്ദന്തനഖരൈരുപശോഭിതാ ॥ 19 ॥
ഉദ്യത്ച്ഛശാങ്കനിചയൈര്‍മേഘപങ്ക്തിരിവാംബരേ ।
ആജാനുലംബിമുണ്ഡാലിമാലയാഽതിവിശാലയാ ॥ 20 ॥
രാജമാനാ മഹാമേഘപങക്തിശ്ചഞ്ചലയാ യഥാ ।
ഭുജൈശ്ചതുര്‍ഭിര്‍ഭൂയോച്ചൈഃ ശോഭമാനാ മഹാപ്രഭാ ॥ 21 ॥
വിചിത്രരത്നവിഭ്രാജന്‍മുകുടോജ്വലമസ്തകാ ।
താം വിലോക്യ മഹാദേവഃ പ്രാഹ ഗദ്ഗദയാ ഗിരാ ॥ 22 ॥
രോമാഞ്ചിതതനുര്‍ഭക്ത്യാ പ്രഹൃഷ്ടാത്മാ മഹാമുനേ ।
ചിരം ത്വദ്വിരഹേനേദം നിര്‍ദഗ്ധം ഹദയം മമ ॥ 23 ॥
ത്വമന്തര്യാമിനീ ശക്തിര്‍ഹൃദയസ്ഥാ മഹേശ്വരീ ।
ആരാധ്യ ത്വത്പദാംഭോജം ധൃത്വാ ഹൃദയപങ്കജേ ॥ 24 ॥
ത്വദ്വിച്ഛേദസമുത്തപ്തം ഹൃത്കരോമി സുശീതലം ॥ 25 ॥
ഇത്യുക്ത്വാ സ മഹാദേവോ യോഗം പരമമാസ്ഥിതഃ ।
ശയിതസ്തത്പദാംഭോജം ദധാര ഹൃദയേ തദാ ॥ 26 ॥
ധ്യാനാനന്ദേന നിഷ്പന്ദശവരൂപധരഃ സ്ഥിതഃ ।
വ്യാധൂര്‍ണമാനനേത്രസ്താം ദദര്‍ശ പരമാദരഃ ॥ 27 ॥
അംശതഃ ഗുരതഃ സ്ഥിത്വാ പഞ്ചവക്ത്രഃ കൃതാഞ്ജലിഃ ।
സഹസ്രനാമഭിഃ കാലീം തുഷ്ടാവ പരമേശ്വരീം ॥ 28 ॥
ശിവ ഉവാച –
അനാദ്യാ പരമാ വിദ്യാ പ്രധാനാ പ്രകൃതിഃ പരാ ।
പ്രധാനപുരുഷാരാധ്യാ പ്രധാനപുരുഷേശ്വരീ ॥ 29 ॥
പ്രാണാത്മികാ പ്രാണശക്തിഃ സര്‍വപ്രാണഹിതൈഷിണീ ।
ഉമാ ചോത്തമകേശിന്യുത്തമാ ചോന്‍മത്തഭൈരവീ ॥ 30 ॥
ഉര്‍വശീ ചോന്നതാ ചോഗ്രാ മഹോഗ്രാ ചോന്നതസ്തനീ ।
ഉഗ്രചണ്ഡോഗ്രനയനാ മഹോഗ്രാ ദൈത്യനാശിനീ ॥ 31 ॥
ഉഗ്രപ്രഭാവതീ ചോഗ്രവേഗാഽനുഗ്രാഽപ്രമര്‍ദിനീ ।
ഉഗ്രതാരോഗ്രനയനാ ചോര്‍ധ്വസ്ഥാനനിവാസിനീ ॥ 32 ॥
ഉന്‍മത്തനയനാഽത്യുഗ്രദന്തോത്തുങ്ഗസ്ഥലാലയാ ।
ഉല്ലാസിന്യുല്ലാസചിത്താ ചോത്ഫല്ലനയനോജ്ജലാ ॥ 33 ॥
ഉത്ഫുല്ലകമലാരൂഢാ കമലാ കാമിനീ കലാ ।
കാലീ കരാലവദനാ കാമിനീ മുഖകാമിനീ ॥ 34 ॥
കോമലാങ്ഗീ കൃശാങ്ഗീ ച കൈടഭാസുരമര്‍ദിനീ ।
കാലിന്ദീ കമലസ്ഥാ ച കാന്താ കാനനവാസിനീ ॥ 35 ॥
കുലീനാ നിഷ്കലാ കൃഷ്ണാ കാലരാത്രിസ്വരൂപിണീ ।
കുമാരീ കാമരൂപാ ച കാമിനീ കൃഷ്ണപിങ്ഗലാ ॥ 36 ॥
കപിലാ ശാന്തിദാ ശുദ്ധാ ശങ്കരാര്‍ധശരീരിണീ ।
കൌമാരീ കാര്‍ത്തികീ ദുര്‍ഗാ കൌശികീ കുണ്ഡലോജ്ജവലാ ॥ 37 ॥
കുലേശ്വരീ കുലശ്രേഷ്ഠാ കുണ്ഡലോജ്ജ്വലമസ്തകാ ।
ഭവാനീ ഭാവിനീ വാണീ ശിവാ ച ശിവമോഹിനീ ॥ 38 ॥
ശിവപ്രിയാ ശിവാരാധ്യാ ശിവപ്രാണൈകവല്ലഭാ ।
ശിവപത്നീ ശിവസ്തുത്യാ ശിവാനന്ദപ്രദായിനീ ॥ 39 ॥
നിത്യാനന്ദമയീ നിത്യാ സച്ചിദാനന്ദവിഗ്രഹാ ।
ത്രൈലോക്യജനനീ ശംഭുഹൃദയസ്ഥാ സനാതനീ ॥ 40 ॥
സദയാ നിര്‍ദയാ മായാ ശിവാ ത്രൈലോക്യമോഹിനീ ।
ബ്രഹ്മാദിത്രിദശാരാധ്യാ സര്‍വാഭീഷ്ടപ്രദായിനീ ॥ 41 ॥
ബ്രഹ്മാണീ ബ്രഹ്മ ഗായത്രീ സാവിത്രീ ബ്രഹ്മസംസ്തുതാ ।
ബ്രഹ്മോപാസ്യാ ബ്രഹ്മശക്തിര്‍ബ്രഹ്മസൃഷ്ടിവിധായിനീ ॥ 42 ॥
കമണ്ഡലുകരാ സഷ്ടികര്‍ത്രീ ബ്രഹ്മസ്വരൂപിണീ ।
ചതുര്‍ഭുജാത്മികാ യജ്ഞസൂത്രരൂപാ ദൃഢവ്രതാ ॥ 43 ॥
ഹംസാരൂഢാ ചതുര്‍വക്ത്രാ ചതുര്‍വേദാഭിസംസ്ഥുതാ ।
വൈഷ്ണവീ പാലനകാരീ മഹാലക്ഷ്മീര്‍ഹരിപ്രിയാ ॥ 44 ॥
ശങ്ഖചക്രധരാ വിഷ്ണുശക്തിര്‍വിഷ്ണുസ്വരൂപിണീ ।
വിഷ്ണുപ്രിയാ വിഷ്ണുമായാ വിഷ്ണുപ്രാണൈകവല്ലഭാ ॥ 45 ॥
യോഗനിദ്രാഽക്ഷരാ വിഷ്ണുമോഹിനീ വിഷ്ണുസംസ്തുതാ ।
വിഷ്ണുസമ്മോഹനകരീ ത്രൈലോക്യപരിപാലിനീ ॥ 46 ॥
ശങ്ഖിനീ ചക്രിണീ പദ്മാ പദ്മിനീ മുസലായുധാ ।
പദ്മാലയാ പദ്മഹസ്താ പദ്മമാലാദിഭൂഷിതാ ॥ 47 ॥
ഗരുഡസ്ഥാ ചാരുരൂപാ സമ്പദ്രൂപാ സരസ്വതീ ।
വിഷ്ണുപാര്‍ശ്വസ്ഥിതാ വിഷ്ണുപരമാഽഽഹ്ലാദദായിനീ ॥ 48 ॥
സമ്പത്തിഃ സമ്പദാധാരാ സര്‍വസമ്പത്പ്രദായിനീ ।
ശ്രീര്‍വിദ്യാ സുഖദാ സൌഖ്യദായിനീ ദുഃഖനാശിനീ ॥ 49 ॥
ദുഃഖഹന്ത്രീ സുഖകരീ സുഖാസീനാ സുഖപ്രദാ ।
സുഖപ്രസന്നവദനാ നാരായണമനോരമാ ॥ 50।
നാരായണീ ജഗദ്ധാത്രീ നാരായണവിമോഹിനീ ।
നാരായണശരീരസ്ഥാ വനമാലാവിഭൂഷിതാ ॥ 51 ॥
ദൈത്യഘ്നീ പീതവസനാ സര്‍വദൈത്യപ്രമര്‍ദിനീ ।
വാരാഹീ നാരസിംഹീ ച രാമചന്ദ്രസ്വരൂപിണീ ॥ 52 ॥
രക്ഷോഘ്നീ കാനനാവാസാ ചാഹല്യാശാപമോചിനീ ।
സേതുബന്ധകരീ സര്‍വരക്ഷഃകുലവിനാശിനീ ॥ 53 ॥
സീതാ പതിവ്രതാ സാധ്വീ രാമപ്രാണൈകവല്ലഭാ ।
അശോകകാനനാവാസാ ലങ്കേശ്വരവിനാശിനീ ॥ 54 ॥
നീതിഃ സുനീതിഃ സുകൃതി കീര്‍തിര്‍മേധാ വസുന്ധരാ ।
ദിവ്യമാല്യധരാ ദിവ്യാ ദിവ്യഗന്ധാനുലേപനാ ॥ 55 ॥
ദിവ്യവസ്ത്രപരീധാനാ ദിവ്യസ്ഥാനനിവാസിനീ ।
മാഹേശ്വരീ പ്രേതസംസ്ഥാ പ്രേതഭൂമിനിവാസിനീ ॥ 56 ॥
നിര്‍ജനസ്ഥാ ശ്മശാനസ്ഥാ ഭൈരവീ ഭീമലോചനാ ।
സുഘോരനയനാ ഘോരാ ഘോരരൂപാ ഘനപ്രഭാ ॥ 57 ॥
ഘനസ്തനീ വരാ ശ്യാമാ പ്രേതഭൂമികൃതാലയാ ।
ഖട്വാങ്ഗധാരിണീ ദ്വീപിചര്‍മാംബരസുശോഭനാ ॥ 58 ॥
മഹാകാലീ ചണ്ഡവക്ത്രാ ചണ്ഡമുണ്ഡവിനാശിനീ ।
ഉദ്യാനകാനനാവാസാ പുഷ്പോദ്യാനവനപ്രിയാ ॥ 59 ॥
ബലിപ്രിയാ മാംസഭക്ഷ്യാ രുധിരാസവഭക്ഷിണീ ।
ഭീമരാവാ സാട്ടഹാസാ രണനൃത്യപരായണാ ॥ 60 ॥
അസുരാ സൃക്പ്രിയാ തുഷ്ടാ ദൈത്യദാനവമര്‍ദിനീ ।
ദൈത്യവിദ്രാവിണീ ദൈത്യമഥനീ ദൈത്യസൂദനീ ॥ 61 ॥
ദേത്യഘ്നീ ദൈത്യഹന്ത്രീ ച മഹിഷാസുരമര്‍ദിനീ ।
രക്തബീജനിഹന്ത്രീ ച ശുംഭാസുരവിനാശിനീ ॥ 62 ॥
നിശുംഭഹന്ത്രീ ധൂംരാക്ഷമര്‍ദിനീ ദുര്‍ഗഹാരിണീ ।
ദുര്‍ഗാസുരനിഹന്ത്രീ ച ശിവദൂതീ മഹാബലാ ॥ 63 ॥
മഹാബലവതീ ചിത്രവസ്ത്രാ രക്താംബരാഽമലാ ।
വിഭലാ ലലിതാ ചാരുഹാസാ ചാരുസ്ത്രിലോചനാ ॥ 64 ॥
അജേയാ ജയദാ ജ്യേഷ്ഠാ ജയശീലാഽപരാജിതാ ।
വിജയാ ജാഹ്നവീ ദുഷ്ടജൃംഭിണീ ജയദായിനീ ॥ 65 ॥
ജഗദ്രക്ഷാകരീ സര്‍വജഗച്ചൈതന്യകാരിണീ ।
ജയാ ജയന്തീ ജനനീ ജനഭക്ഷണതത്പരാ ॥ 66 ॥
ജലരൂപാ ജലസ്ഥാ ച ജപ്യാ ജാപകവത്സലാ ।
ജാജ്വല്യമാനാ യജ്ഞാശാ ജന്‍മനാശവിര്‍വജിതാ ॥ 67 ॥
ജരാതീതാ ജഗന്‍മാതാ ജഗദ്രൂപാ ജഗന്‍മയീ ।
ജങ്ഗമാ ജ്വാലിനീ ജൃംഭാ സ്തംഭിനീ ദുഷ്ടതാപിനീ ॥ 68 ॥
ത്രിപുരഘ്നീ ത്രിനയനാ മഹാത്രിപുരതാപിനീ ।
തൃഷ്ണാ ജാതിഃ പിപാസാ ച ബുഭുക്ഷാ ത്രിപുരാ പ്രഭാ ॥ 69 ॥
ത്വരിതാ ത്രിപുടാ ത്ര്യക്ഷാ തന്വീ താപവിവീര്‍ജേതാ ।
ത്രിലോകേശീ തീവ്രവേഗാ തീവ്രാ തിവ്രബലാഽലയാ ॥ 70 ॥
നിഃശങ്കാ നിര്‍മലാഭാ ച നിരാതങ്കാഽമലപ്രഭാ ।
വിനീതാ വിനയാഭിജ്ഞാ വിശേഷജ്ഞാ വിലക്ഷണാ ॥ 71 ॥
വരദാ വല്ലഭാ വിദ്യുത്പ്രഭാ വിനയശാലിനീ ।
ബിംബോഷ്ഠീ വിധുവക്ത്രാ ച വിവസ്ത്രാ വിനയപ്രഭാ ॥ 72 ॥
വിശ്വേശപത്നീ വിശ്വാത്മാ വിശ്വരൂപാ ബലോത്കടാ ।
വിശ്വേശീ വിശ്വവനിതാ വിശ്വമാതാ വിചക്ഷണാ ॥ 73 ॥
വിദുഷീ വിശ്വവിദിതാ വിശ്വമോഹനകാരിണീ ।
വിശ്വമൂര്‍തിര്‍വിശ്വധരാ വിശ്വേശപരിപാലിനീ ॥ 74 ॥
വിശ്വകര്‍ത്രീ വിശ്വഹര്‍ത്രീ വിശ്വപാലനതത്പരാ ।
വിശ്വേശഹൃദയാവാസാ വിശ്വേശ്വരമനോരമാ ॥ 75 ॥
വിശ്വഹാ വിശ്വനിലയാ വിശ്വമായാ വിഭൂതിദാ ।
വിശ്വാ വിശ്വോപകാരാ ച വിശ്വപ്രാണാത്മികാപി ച ॥ 76 ॥
വിശ്വപ്രിയാ വിശ്വമയീ വിശ്വദുഷ്ടവിനാശിനീ ।
ദാക്ഷായണീ ദക്ഷകന്യാ ദക്ഷയജ്ഞവിനാശിനീ ॥ 77 ॥
വിശ്വംഭരീ വസുമതീ വസുധാ വിശ്വപാവനീ ।
സര്‍വാതിശായിനീ സര്‍വദുഃഖദാരിദ്ര്യഹാരിണീ ॥ 78 ॥
മഹാവിഭൂതിരവ്യക്താ ശാശ്വതീ സര്‍വസിദ്ധിദാ ।
അചിന്ത്യാഽചിന്ത്യരൂപാ ച കേവലാ പരമാത്മികാ ॥ 79 ॥
സര്‍വജ്ഞാ സര്‍വവിഷയാ സര്‍വോപരിപരായണാ ।
സര്‍വസ്യാര്‍തിഹരാ സര്‍വമങ്ഗലാ മങ്ഗലപ്രദാ ॥ 80 ॥
മങ്ഗലാര്‍ഹാ മഹാദേവീ സര്‍വമങ്ഗലദായികാ ।
സര്‍വാന്തരസ്ഥാ സര്‍വാര്‍ഥരൂപിണീ ച നിരഞ്ജനാ ॥ 81 ॥
ചിച്ഛക്തിശ്ചിന്‍മയീ സര്‍വവിദ്യാ സര്‍വവിധായിനീ ।
ശാന്തിഃ ശാന്തികരീ സൌംയാ സര്‍വാ സര്‍വപ്രദായിനീ ॥ 82 ॥
ശാന്തിഃ ക്ഷമാ ക്ഷേമകരീ ക്ഷേത്രജ്ഞാ ക്ഷേത്രവാസിനീ ।
ക്ഷണാത്മികാ ക്ഷീണതനുഃ ക്ഷീണാങ്ഗീ ക്ഷീണമധ്യമാ ॥ 83 ॥
ക്ഷിപ്രഗാ ക്ഷേമദാ ക്ഷിപ്താ ക്ഷണദാ ക്ഷണവാസിനീ ।
വൃത്തിര്‍നിവൃത്തിര്‍ഭൂതാനാം പ്രവൃത്തിര്‍വൃത്തലോചനാ ॥ 84 ॥
വ്യോമമൂര്‍തിര്‍വ്യോമസംസ്ഥാ വ്യോമാലയകൃതാശ്രയാ ।
ചന്ദ്രാനനാ ചന്ദ്രകാന്തിശ്ചന്ദ്രാര്‍ധാങ്കിതമസ്തകാ । 85 ॥
ചന്ദ്രപ്രഭാ ചന്ദ്രകലാ ശരച്ചന്ദ്രനിഭാനനാ ।
ചന്ദ്രാത്മികാ ചന്ദ്രമുഖീ ചന്ദ്രശേഖരവല്ലഭാ ॥ 86 ॥
ചന്ദ്രശേഖരവക്ഷഃസ്ഥാ ചന്ദ്രലോകീനേവാസിനീ ।
ചന്ദ്രശേഖരശൈലസ്ഥാ ചഞ്ചലാ ചഞ്ചലേക്ഷണാ ॥ 87 ॥
ഛിന്നമസ്താ ഛാഗമാംസപ്രിയാ ഛാഗബലിപ്രിയാ ।
ജ്യോത്സ്നാ ജ്യോതിര്‍മയീ സര്‍വജ്യായസീ ജീവനാത്മികാ ॥ 88 ॥
സര്‍വകാര്യനിയന്ത്രീ ച സര്‍വഭൂതഹിതൈഷിണീ ।
ഗുണാതീതാ ഗുണമയീ ത്രിഗുണാ ഗുണശാലിനീ ॥ 89 ॥
ഗുണൈകനിലയാ ഗൌരീ ഗുഹ്യാ ഗോപകുലോദ്ഭവാ ।
ഗരീയസീ ഗുരുരതാ ഗുഹ്യസ്ഥാനനിവാസിനീ ॥ 90 ॥
ഗുണജ്ഞാ നിര്‍ഗുണാ സര്‍വഗുണാര്‍ഹാ ഗുഹയകാഽംബികാ ।
ഗലജ്ജടാ ഗലത്കേശാ ഗലദ്രുധിരചര്‍ചിതാ ॥ 91 ॥
ഗജേന്ദ്രഗമനാ ഗന്ത്രീ ഗീതനൃത്യപരായണാ ।
ഗമനസ്ഥാ ഗയാധ്യക്ഷാ ഗണേശജനനീ തഥാ ॥ 92 ॥
ഗാനപ്രിയാ ഗാനരതാ ഗൃഹസ്ഥാ ഗൃഹിണീ പരാ ।
ഗജസംസ്ഥാ ഗജാരൂഢാ ഗ്രസന്തീ ഗരുഡാസനാ ॥ 93 ॥
യോഗസ്ഥാ യോഗിനീഗംയാ യോഗചിന്താപരായണാ ।
യോഗിധ്യേയാ യോഗിവന്ദ്യാ യോഗലഭ്യാ യുഗാത്മികാ ॥ 94 ॥
യോഗിജ്ഞേയാ യോഗയുക്താ മഹായോഗേശ്വരേശ്വരീ ।
യോഗാനുരക്താ യുഗദാ യുഗാന്തജലദപ്രഭാ ॥ 95 ॥
യുഗാനുകാരിണീ യജ്ഞരൂപാ സൂര്യസമപ്രഭാ ।
യുഗാന്താനിലവേഗാ ച സര്‍വയജ്ഞഫലപ്രദാ ॥ 96 ॥
സംസാരയോനിഃ സംസാരവ്യാപിനീ സഫലാസ്പദാ ।
സംസാരതരുനിഃസേവ്യാ സംസാരാര്‍ണവതാരിണീ ॥ 97 ॥
സര്‍വാര്‍ഥസാധികാ സര്‍വാ സംസാരവ്യാപിനീ തഥാ ।
സംസാരബന്ധകര്‍ത്രീ ച സംസാരപരിവര്‍ജിതാ ॥ 98 ॥
ദുര്‍നിരീക്ഷ്യാ സുദുഷ്പ്രാപ്യാ ഭൂതിര്‍ഭൂതിമതീത്യപി ।
അത്യന്തവിഭവാഽരൂപാ മഹാവിഭവരൂപിണീ ॥ 99 ॥
ശബ്ദബ്രഹ്മസ്വരൂപാ ച ശബ്ദയോനിഃ പരാത്പരാ ।
ഭൂതിദാ ഭൂതിമാതാ ച ഭൂതിസ്തന്ദ്രീ വിഭൂതിദാ ॥ 100 ॥
ഭൂതാന്തരസ്ഥാ കൂടസ്ഥാ ഭൂതനാഥപ്രിയാങ്ഗനാ ।
ഭൂതമാതാ ഭൂതനാഥാ ഭൂതാലയനിവാസിനീ ॥ 101 ॥
ഭൂതനൃത്യപ്രിയാ ഭൂതസങ്ഗിനീ ഭൂതലാശ്രയാ ।
ജന്‍മമൃത്യുജരാതീതാ മഹാപുരുഷസങ്ഗതാ ॥ 102 ॥
ഭുജഗാ താമസീ വ്യക്താ തമോഗുണവതീ തഥാ ।
ത്രിതത്ത്വാ തത്ത്വരൂപാ ച തത്ത്വജ്ഞാ തത്ത്വകപ്രിയാ ॥ 103 ॥
ത്ര്യംബകാ ത്ര്യംബകരതാ ശുക്ലാ ത്ര്യംബകരൂപിണീ ।
ത്രികാലജ്ഞാ ജന്‍മഹീനാ രക്താങ്ഗീ ജ്ഞാനരൂപിണീ ॥ 104 ॥
അകാര്യാ കാര്യജനനീ ബ്രഹ്മാഖ്യാ ബ്രഹ്മസംസ്ഥിതാ ।
വൈരാഗ്യയുക്താ വിജ്ഞാനഗംയാ ധര്‍മസ്വരൂപിണീ ॥ 105 ॥
സര്‍വധര്‍മവിധാനജ്ഞാ ധര്‍മിഷ്ഠാ ധര്‍മതത്പരാ ।
ധര്‍മിഷ്ഠപാലനകരീ ധര്‍മശാസ്ത്രപരായണാ ॥ 106 ॥
ധര്‍മാധര്‍മവിഹീനാ ച ധര്‍മജന്യഫലപ്രദാ ।
ധര്‍മിണീ ധര്‍മനിരതാ ധര്‍മിണാമിഷ്ടദായിനീ ॥ 107 ॥
ധന്യാ ധീര്‍ധാരണാ ധീരാ ധന്വനീ ധനദായിനീ ।
ധനുഷ്മതീ ധരാസംസ്ഥാ ധരണീ സ്ഥിതികാരിണീ ॥ 108 ॥
സര്‍വയോനിര്‍വിശ്വയോനിരപാംയോനിരയോനിജാ ।
രുദ്രാണീ രുദ്രവനിതാ രുദ്രൈകാദശരൂപിണീ ॥ 109 ॥
രുദ്രാക്ഷമാലിനീ രൌദ്രീ ഭുക്തിമുക്തിഫലപ്രദാ ।
ബ്രഹ്മോപേന്ദ്രപ്രവന്ദ്യാ ച നിത്യം മുദിതമാനസാ ॥ 110 ॥
ഇന്ദ്രാണീ വാസവീ ചൈന്ദ്രീ വിചിത്രൈരാവതസ്ഥിതാ ।
സഹസ്രനേത്രാ ദിവ്യാങ്ഗീ ദിവ്യകേശവിലാസിനീ ॥ 111 ॥
ദിവ്യാങ്ഗനാ ദിവ്യനേത്രാ ദിവ്യചന്ദനചര്‍ചിതാ ।
ദിവ്യാലങ്കരണാ ദിവ്യശ്വേതചാമരവീജിതാ ॥ 112 ॥
ദിവ്യഹാരാ ദിവ്യപദാ ദിവ്യനൂപുരശോഭിതാ ।
കേയൂരശോഭിതാ ഹൃഷ്ടാ ഹൃഷ്ടചിത്തപ്രഹര്‍ഷിണീ ॥ 113 ॥
സമ്പ്രഹൃഷ്ടമനാ ഹര്‍ഷപ്രസന്നവദനാ തഥാ ।
ദേവേന്ദ്രവന്ദ്യപാദാബ്ജാ ദേവേന്ദ്രപരിപൂജിതാ ॥ 114 ॥
രജസാ രക്തനയനാ രക്തപുഷ്പപ്രിയാ സദാ ।
രക്താങ്ഗീ രക്തനേത്രാ ച രക്തോത്പലവിലോചനാ ॥ 115 ॥
രക്താഭാ രക്തവസ്ത്രാ ച രക്തചന്ദനചര്‍ചിതാ ।
രക്തേക്ഷണാ രക്തഭക്ഷ്യാ രക്തമത്തോരഗാശ്രയാ ॥ 116 ॥
രക്തദന്താ രക്തജിഹ്വാ രക്തഭക്ഷണതത്പരാ ।
രക്തപ്രിയാ രക്തതൃഷ്ടാ രക്തപാനസുതത്പരാ ॥ 117 ॥
ബന്ധൂകുസുമാഭാ ച രക്തമാല്യാനുലേപനാ ।
സ്ഫുരദ്രക്താഞ്ചിതതനുഃ സ്ഫുരത്സൂര്യശതപ്രഭാ ॥ 118 ॥
സ്ഫുരന്നേത്രാ പിങ്ഗജടാ പിങ്ഗലാ പിങ്ഗലേക്ഷണാ ।
ബഗലാ പീതവസ്ത്രാ ച പീതപുഷ്പപ്രിയാ സദാ ॥ 119 ॥
പീതാംബരാ പിബദ്രക്താ പീതപുഷ്പോപശോഭിതാ ।
ശത്രുഘ്നീ ശത്രുസമ്മോഹജനനീ ശത്രുതാപിനീ ॥ 120 ॥
ശത്രുപ്രമര്‍ദിനീ ശത്രുവാക്യസ്തംഭനകാരിണീ ।
ഉച്ചാടനകരീ സര്‍വദുഷ്ടോത്സാരണകാരിണീ ॥ 121 ॥
ശത്രുവിദ്രാവിണീ ശത്രുസമ്മോഹനകരീ തഥാ ।
വിപക്ഷമര്‍ദനകരീ ശത്രുപക്ഷക്ഷയങ്കരീ ॥ 122 ॥
സര്‍വദുഷ്ടഘാതിനീ ച സര്‍വദുഷ്ടവിനാശിനീ ।
ദ്വിഭുജാ ശൂലഹസ്താ ച ത്രിശൂലവരധാരിണീ ॥ 123 ॥
ദുഷ്ടസന്താപജനനീ ദുഷ്ടക്ഷോഭപ്രവര്‍ധിനീ ।
ദുഷ്ടാനാം ക്ഷോഭസംബദ്ധാ ഭക്തക്ഷോഭനിവാരിണീ ॥ 124 ॥
ദുഷ്ടസന്താപിനീ ദുഷ്ടസന്താപപരിമര്‍ദിനീ ।
സന്താപരഹിതാ ഭക്തസന്താപപരിനാശിനീ ॥ 125 ॥
അദ്വൈതാ ദ്വൈതരഹിതാ നിഷ്കലാ ബ്രഹ്മരൂപിണീ ।
ത്രിദശേശീ ത്രിലോകേശീ സര്‍വേശീ ജഗദീശ്വരീ ॥ 126 ॥
ബ്രഹ്മേശസേവിതപദാ സര്‍വവന്ദ്യപദാംബുജാ ।
അചിന്ത്യരൂപചരിതാ ചാചിന്ത്യബലവിക്രമാ ॥ 127 ॥
സര്‍വാചിന്ത്യപ്രഭാവാ ച സ്വപ്രഭാവപ്രദര്‍ശിനീ ।
അചിന്ത്യമഹിമാഽചിന്ത്യരൂപാ സൌന്ദര്യശാലിനീ ॥ 128 ॥
അചിന്ത്യവേശശോഭാ ച ലോകാചിന്ത്യഗുണാന്വിതാ ।
അചിന്ത്യശക്തിര്‍ദുശ്ചിന്ത്യപ്രഭാവാ ചിന്ത്യരൂപിണീ ॥ 129 ॥
യോഗീചിന്ത്യാ മഹാചിന്താനാശിനീ ചേതനാത്മികാ ।
ഗിരിജാ ദക്ഷജാ വിശ്വജനയിത്രീ ജഗത്പ്രസൂഃ ॥ 130 ॥
സന്നംയാഽപ്രണതാ സര്‍വപ്രണതാര്‍തിഹരീ തഥാ ।
പ്രണതൈശ്വര്യദാ സര്‍വപ്രണതാശുഭനാശിനീ ॥ 131 ॥
പ്രണതാപന്നാശകരീ പ്രണതാശുഭമോചനീ ।
സിദ്ധേശ്വരീ സിദ്ധസേവ്യാ സിദ്ധചാരണസേവിതാ ॥ 132 ॥
സിദ്ധിപ്രദാ സിദ്ധികരീ സര്‍വസിദ്ധഗണേശ്വരീ ।
അഷ്ടസിദ്ധിപ്രദാ സിദ്ധഗണസേവ്യപദാംബുജാ ॥ 133 ॥
കാത്യായനീ സ്വധാ സ്വാഹാ വഷഡ് വൌഷട്സ്വരൂപിണീ ।
പിതൃണാം തൃപ്തിജനനീ കവ്യരുപാ സുരേശ്വരീ ॥ 134 ॥
ഹവ്യഭോക്ത്രീ ഹവ്യതുഷ്ടാ പിതൃരൂപാഽസിതപ്രിയാ ।
കൃഷ്പപക്ഷപ്രപൂജ്യാ ച പ്രേതപക്ഷസമര്‍ചിതാ ॥ 135 ॥
അഷ്ടഹസ്താ ദശഭുജാ ചാഷ്ടാദശഭുജാന്വിതാ ।
ചതുര്‍ദശഭുജാഽസങ്ഖ്യഭുജവല്ലീവിരാജിതാ ॥ 136 ॥
സിംഹപൃഷ്ഠസമാരൂഢാ സഹസ്രഭൂജരാജിതാ ।
ഭുവനേശീ ചാന്നപൂര്‍ണാ മഹാത്രിപുരസുന്ദരീ ॥ 137 ॥
ത്രിപുരാ സുന്ദരീ സൌംയമുഖീ സുന്ദരലോചനാ ।
സുന്ദരാസ്യാ ശുഭ്രദംഷ്ട്രാ സുഭ്രൂഃ പര്‍വതനന്ദിനീ ॥ 138 ॥
നീലോത്പലദലശ്യാമാ സ്മേരോത്ഫുല്ലമുഖാംബുജാ ।
സത്യസന്ധാ പദ്മവക്ത്രാ ഭ്രൂകുടീകുടിലാനനാ ॥ 139 ॥
വിദ്യാധരീ വരാരോഹാ മഹാസന്ധ്യാസ്വരുപിണീ ।
അരുന്ധതീ ഹിരണ്യാക്ഷീ സുധൂംരാക്ഷീ ശുഭേക്ഷണാ ॥ 140 ॥
ശ്രുതിഃ സ്മൃതിഃ കൃതിര്യോഗമായാ പുണ്യാ പുരാതനീ ।
വാഗ്ദേവതാ വേദവിദ്യാ ബ്രഹ്മവിദ്യാസ്വരൂപിണീ ॥ 141 ॥
വേദശക്തിര്‍വേദമാതാ വേദാദ്യാ പരമാ ഗതിഃ ।
ആന്വീക്ഷികീ തര്‍കവിദ്യാ യോഗശാസ്ത്രപ്രകാശിനീ ॥ 142 ॥
ധൂമാവതീ വിയന്‍മൂര്‍തിര്‍വിദ്യുന്‍മാലാ വിലാസിനീ ।
മഹാവ്രതാ സദാനന്ദനന്ദിനീ നഗനന്ദിനീ ॥ 143 ॥
സുനന്ദാ യമുനാ ചണ്ഡീ രുദ്രചണ്ഡീ പ്രഭാവതീ ।
പാരിജാതവനാവാസാ പാരിജാതവനപ്രിയാ ॥ 144 ॥
സുപുഷ്പഗന്ധസന്തുഷ്ടാ ദിവ്യപുഷ്പോപശോഭിതാ ।
പുഷ്പകാനനസദ്വാസാ പുഷ്പമാലാവിലാസിനീ ॥ 145 ॥
പുഷ്പമാല്യധരാ പുഷ്പഗുച്ഛാലങ്കൃതദേഹികാ ।
പ്രതപ്തകാഞ്ചനാഭാസാ ശുദ്ധകാഞ്ചനമണ്ഡിതാ ॥ 146 ॥
സുവര്‍ണകുണ്ഡലവതീ സ്വര്‍ണപുഷ്പപ്രിയാ സദാ ।
നര്‍മദാ സിന്ധുനിലയാ സമുദ്രതനയാ തഥാ ॥ 147 ॥
ഷോഡശീ ഷോഡശഭുജാ മഹാഭുജങ്ഗമണ്ഡിതാ ।
പാതാലവാസിനീ നാഗീ നാഗേന്ദ്രകൃതഭൂഷണാ ॥ 148 ॥
നാഗിനീ നാഗകന്യാ ച നാഗമാതാ നഗാലയാ ।
ദുര്‍ഗാഽഽപത്താരിണീ ദുര്‍ഗദുഷ്ടഗ്രഹനിവാരിണീ ॥ 149 ॥
അഭയാഽഽപന്നിഹന്ത്രീ ച സര്‍വാപത്പരിനാശിനീ ।
ബ്രഹ്മണ്യാ ശ്രുതിശാസ്ത്രജ്ഞാ ജഗതാം കാരണാത്മികാ ॥ 150 ॥
നിഷ്കാരണാ ജന്‍മഹീനാ മൃത്യുഞ്ജയമനോരമാ ।
മൃത്യുഞ്ജയഹൃദാവാസാ മൂലാധാരനിവാസിനീ । 151 ॥
ഷട്ചക്രസംസ്ഥാ മഹതീ മഹോത്സവവിലാസിനീ ।
രോഹിണീ സുന്ദരമുഖീ സര്‍വവിദ്യാവിശാരദാ ॥ 152 ॥
സദസദ്വസ്തുരൂപാ ച നിഷ്കാമാ കാമപീഡിതാ ।
കാമാതുരാ കാമമത്താ കാമമാനസസത്തനുഃ ॥ 153 ॥
കാമരൂപാ ച കാലിന്ദീ കചാലംബിതവിഗ്രഹാ ।
അതസീകുസുമാഭാസാ സിംഹപൃഷ്ഠനിഷേദുഷീ ॥ 154 ॥
യുവതീ യൌവനോദ്രിക്താ യൌവനോദ്രിക്തമാനസാ ।
അദിതിര്‍ദേവജനനീ ത്രിദശാര്‍തിവിനാശിനീ ॥ 155 ॥
ദക്ഷിണാഽപൂര്‍വവസനാ പൂര്‍വകാലവിവര്‍ജിതാ ।
അശോകാ ശോകരഹിതാ സര്‍വശോകനിവാരിണീ ॥ 156 ॥
അശോകകുസുമാഭാസാ ശോകദുഃഖക്ഷയങ്കരീ ।
സര്‍വയോഷിത്സ്വരൂപാ ച സര്‍വപ്രാണിമനോരമാ ॥ 157 ॥
മഹാശ്ചര്യാ മദാശ്ചര്യാ മഹാമോഹസ്വരൂപിണീ ।
മഹാമോക്ഷകരീ മോഹകാരിണീ മോഹദായിനീ ॥ 158 ॥
അശോച്യാ പൂര്‍ണകാമാ ച പൂര്‍ണാ പൂര്‍ണമനോരഥാ ।
പൂര്‍ണാഭിലഷിതാ പൂര്‍ണനിശാനാഥസമാനനാ ॥ 159 ॥
ദ്വാദശാര്‍കസ്വരൂപാ ച സഹസ്രാര്‍കസമപ്രഭാ ।
തേജസ്വിനീ സിദ്ധമാതാ ചന്ദ്രാ നയനരക്ഷണാ ॥ 160 ॥
അപരാഽപാരമാഹാത്മ്യാ നിത്യവിജ്ഞാനശാലിനീ ।
വിവസ്വതീ ഹവ്യവാഹാ ജാതവേദഃസ്വരൂപിണീ ॥ 161 ॥
സ്വൈരിണീ സ്വേച്ഛവിഹരാ നിര്‍ബീജാ ബീജരൂപിണീ ।
അനന്തവര്‍ണാഽനന്താഖ്യാഽനന്തസംസ്ഥാ മഹോദരീ ॥ 162 ॥
ദുഷ്ടഭൂതാപഹന്ത്രീ ച സദ്ധൃത്തപരിപാലികാ ।
കപാലിനീ പാനമത്താ മത്തവാരണഗാമിനീ ॥ 163 ॥
വിന്ധ്യസ്ഥാ വിന്ധ്യനിലയാ വിന്ധ്യപര്‍വതവാസിനീ ।
ബന്ധുപ്രിയാ ജഗദ്വന്ധുഃ പവിത്രാ സപവിത്രിണീ ॥ 164 ॥
പരാമൃതാഽമൃതകലാ ചാപമൃത്യുവിനാശിനീ ।
മഹാരജതസങ്കാശാ രജതാദ്രിനിവാസിനീ ॥ 165 ॥
കാശീവിലാസിനീ കാശീക്ഷേത്രരക്ഷണതത്പരാ ।
യോനിരൂപാ യോനിപീഠസ്ഥിതാ യോനിസ്വരൂപിണീ ॥ 166 ॥
കാമോല്ലസിതചാര്‍വങ്ഗീ കടാക്ഷക്ഷേപമോഹിനീ ।
കടാക്ഷക്ഷേപനിരതാ കല്‍പവൃക്ഷസ്വരൂപിണീ ॥ 167 ॥
പാശാങ്കുശധരാ ശക്തിര്‍ധാരിണീ ഖേടകായുധാ ।
ബാണായുധാഽമോഘശസ്ത്രാ ദിവ്യശസ്ത്രാഽസ്രവര്‍ഷിണീ ॥ 168 ॥
മഹാസ്ത്രജാലവിക്ഷേപവിപക്ഷക്ഷയകാരിണീ ।
ഘണ്ടിനീ പാശിനീ പാശഹസ്താ പാശാങ്കുശായുധാ ॥ 169 ॥
ചിത്രസിംഹാസനഗതാ മഹാസിംഹാസനസ്ഥിതാ ।
മന്ത്രാത്മികാ മന്ത്രബീജാ മന്ത്രാധിഷ്ഠാതൃദേവതാ ॥ 170 ॥
സുരൂപാഽനേകരൂപാ ച വിരൂപാ ബഹുരൂപിണീ ।
വിരൂപാക്ഷപ്രിയതമാ വിരൂപാക്ഷമനോരമാ ॥ 171 ॥
വിരൂപാക്ഷാ കോടരാക്ഷീ കൂടസ്ഥാ കൂടരൂപിണീ ।
കരാലാസ്യാ വിശാലാസ്യാ ധര്‍മശാസ്രാര്‍ഥപാരാഗാ ॥ 172 ॥
മൂലക്രിയാ മൂലരൂപാ മൂലപ്രകൃതിരൂപിണീ ।
കാമാക്ഷീ കമനീയാ ച കാമേശീ ഭഗമങ്ഗലാ ॥ 173 ॥
സൂഭഗാ ഭോഗിനീ ഭോഗ്യാ ഭാഗ്യദാ സുഭഗാ ഭഗാ ।
ശ്വേതാഽരുണാ ബിന്ദുരൂപാ വേദയോനിര്‍ധ്വനിക്ഷണാ ॥ 174 ॥
അധ്യാത്മവിദ്യാ ശാസ്ത്രാര്‍ഥകുശലാ ശൈലനന്ദിനീ ।
നഗാധിരാജപുത്രീ ച നഗപുത്രീ നഗോദ്ഭവാ ॥ 175 ॥
ഗിരീന്ദ്രബാലാ ഗിരിശപ്രാണതുല്യാ മനോരമാ ।
പ്രസന്നാ ചാരുവദനാ പ്രസന്നാസ്യാ പ്രസന്നദാ ॥ 176 ॥
ശിവപ്രാണാ പതിപ്രാണാ പതിസമ്മോഹകാരിണീ ।
മൃഗാക്ഷീ ചഞ്ചലാപാങ്ഗീ സുദൃഷ്ടിര്‍ഹംസഗാമിനീ ॥ 177 ॥
നിത്യം കുതൂഹലപരാ നിത്യാനന്ദാഽഭിനന്ദിതാ ।
സത്യവിജ്ഞാനരൂപാ ച തത്ത്വജ്ഞാനൈകകാരിണീ ॥ 178 ॥
ത്രൈലോക്യസാക്ഷിണീ ലോകധര്‍മാധര്‍മപ്രദര്‍ശിനീ ।
ധര്‍മാഽധര്‍മവിധാത്രീ ച ശംഭുപ്രാണാത്മികാ പരാ ॥ 179 ॥
മേനകാഗര്‍ഭസംഭൂതാ മൈനാകഭഗിനീ തഥാ ।
ശ്രീകണ്ഠാ കണ്ഠഹാരാ ച ശ്രീകണ്ഠഹൃദയസ്ഥിതാ ॥ 180 ॥
ശ്രീകണ്ഠകണ്ഠജപ്യാ ച നീലകണ്ഠമനോരമാ ।
കാലകൂടാത്മികാ കാലകൂടഭക്ഷണകാരിണീ ॥ 181 ॥
വര്‍ണമാലാ സിദ്ധികലാ ഷട്ചക്രക്രമവാസിനീ ।
മൂലകേലീരതാ സ്വാധിഷ്ഠാനാ തുര്യനിവാസിനീ ॥ 182 ॥
മണിപൂരസ്ഥിതിഃ സ്നിഗ്ധാ കുര്‍മചക്രപരായണാ ।
അനാഹതഗതിര്‍ദീപശിഖാ മണിമയാകൃതിഃ ॥ 183 ॥
വിശുദ്ധിചക്രസംസ്ഥാനാ ചാജ്ഞാചക്രാബ്ജമധ്യഗാ ।
മഹാകാലപ്രിയാ കാലകലനൈകവിധായിനീ ।
അക്ഷോഭ്യപത്നീ സങ്ക്ഷോഭനാശിനീ തേ നമോ നമഃ ॥ 184 ॥
ശ്രീമഹാദേവ ഉവാച –
ഏവം നാമസഹസ്രേണ സംസ്തുതാ പര്‍വതാത്മജാ ।
വാക്യമേതന്‍മഹേശാനമുവാച മുനിസത്തം ॥ 185 ॥
ശ്രീദേവ്യുവാച –
അഹം ത്വദര്‍ഥേ ശൈലേന്ദ്രതനയാത്വമുപാഗതാ ।
ത്വം മേ പ്രാണസമോ ഭര്‍താ ത്വദനന്യാഽഹമങ്ഗനാ ॥ 186 ॥
ത്വം മദര്‍ഥേ തപസ്തീവ്രം സുചിരം കൃതവാനസി ।
അഹം ച തപസാരാധ്യാ ത്വാം ലപ്സ്യാമി പുനഃ പതിം ॥ 187 ॥
ശ്രീമഹാദേവ ഉവാച –
ത്വമാരാധ്യതമാ സര്‍വജനനീ പ്രകൃതിഃ പരാ ।
തവാരാധ്യോ ജഗത്യത്ര വിദ്യതേ നൈവ കോഽപി ഹി ॥ 188 ॥
അഹം ത്വയാ നിജഗുണൈരനുഗ്രാഹ്യോ മഹേശ്വരി ।
പ്രാര്‍ഥനീയസ്ത്വയി ശിവേ ഏഷ ഏവ വരോ മമ ॥ 189 ॥
യത്ര യത്ര തവേദം ഹി കാലീരൂപം മനോഹരം ।
ആവിര്‍ഭവതി തത്രൈവ ശിവരൂപസ്യ മേ ഹൃദി ॥ 190 ॥
സംസ്ഥാതവ്യം ത്വയാ ലോകേ ഖ്യാതാ ച ശവവാഹനാ ।
ഭവിഷ്യസി മഹാകാലീ പ്രസീദ ജഗദംബികേ ॥ 191 ॥
ശ്രീമഹാദേവ ഉവാച –
ഇത്യുക്ത്ത്വാ ശംഭുനാ കാലീ കാലമേധസമപ്രഭാ ।
തഥേത്യുക്ത്ത്വാ സമഭവത്പുനര്‍ഗൌരീ യഥാ പുരാ ॥ 192 ॥
യ ഇദം പഠതേ ദേവ്യാ നാംനാം ഭക്ത്യാ സഹസ്രകം ।
സ്തോത്രം ശ്രീശംഭുനാ പ്രോക്തം സ ദേവ്യാഃ സമതാമിയാത് ॥ 193 ॥
അഭ്യര്‍ച്യ ഗന്ധപുഷ്പൈശ്ച ധൂപദീപൈര്‍മേഹശ്വരീം ।
യഃ പഠേത്സ്തോത്രാമേതച്ച സ ലഭേത്പരമം പദം ॥ 194 ॥
അനന്യമനസാ ദേവീം സ്തോത്രേണാനേന യോ നരഃ ।
സംസ്തൌതി പ്രത്യഹം തസ്യ സര്‍വസിദ്ധിഃ പ്രജായതേ ॥ 195 ॥
രാജാനോ വശഗാസ്തസ്യ നശ്യന്തി രിപവസ്തഥാ ।
സിംഹവ്യാഘ്രമുഖാഃ സര്‍വേ ഹിംസകാ ദസ്യവസ്തഥാ ॥ 196 ॥
ദൂരാദേവ പലായന്തേ തസ്യ ദര്‍ശനമാത്രതഃ ।
അവ്യാഹതാജ്ഞഃ സര്‍വത്ര ലഭതേ മങ്ഗലം മഹത് ।
അന്തേ ദുര്‍ഗാസ്മൃതിം ലബ്ധ്വാ സ്വയം ദേവീകലാമിയാത് ॥ 197 ॥
॥ ഇതി ശ്രീമഹാഭാഗവതേ ഉപപുരാണേ ശ്രീശിവകൃതം
ശ്രീലലിതാസഹസ്രനാമസ്തോത്രം നാമ ത്രയോവിംശതിതമോഽധ്യായഃ സമ്പൂര്‍ണഃ ॥
– Chant Stotra in Other Languages –
1000 Names of of Lalita » Lalitha Sahasranama Lyrics in Sanskrit » English » Bengali » Gujarati » Kannada » Odia » Telugu » Tamil