॥ Naradapurana’s Lalita Sahasranama Stotram Gujarati Lyrics ॥
॥ શ્રીલલિતાસહસ્રનામસ્તોત્રમ્ નારદપુરાણાન્તર્ગતમ્ ॥
॥ નારદપુરાણાન્તર્ગતે સકવચ શ્રીલલિતાસહસ્રનામસ્તોત્રમ્ ॥
સનત્કુમાર ઉવાચ-
અથા સામાવૃતિસ્થાનાં શક્તીનાં સમયેન ચ ।
or together ?? અથાસામાવૃતિસ્થાનાં as અથ અસાં આવૃત્તિસ્થાનાં શક્તીનાં
નામ્નાં સહસ્રં વક્ષ્યામિ ગુરુધ્યાનપુરઃસરમ્ ॥ ૧ ॥
નાથા નવ પ્રકાશાદ્યાઃ સુભગાન્તાઃ પ્રકીર્તિતાઃ ।
ભૂમ્યાદીનિ શિવાન્તાનિ વિદ્ધિ તત્ત્વાનિ નારદ ॥ ૨ ॥
ગુરુજન્માદિપર્વાણિ દર્શાન્તાનિ ચ સપ્ત વૈ ।
એતાનિ પ્રાઙ્મનોવૃત્ત્યા ચિન્તયેત્સાધકોત્તમઃ ॥ ૩ ॥
ગુરુસ્તોત્રં જપેચ્ચાપિ તદ્ગતેનાન્તરાત્મના ।
નમસ્તે નાથ ભગવઞ્શિવાય ગુરુરૂપિણે ॥ ૪ ॥
વિદ્યાવતારસંસિદ્ધ્યૈ સ્વીકૃતાનેકવિગ્રહ ।
નવાય નવરૂપાય પરમાર્થૈકરૂપિણે ॥ ૫ ॥
સર્વાજ્ઞાનતમોભેદભાનવે ચિદ્ઘનાય તે ।
સ્વતન્ત્રાય દયાકૢપ્તવિગ્રહાય શિવાત્મને ॥ ૬ ॥
પરતન્ત્રાય ભક્તાનાં ભવ્યાનાં ભવ્યરૂપિણે ।
વિવેકિનાં વિવેકાય વિમર્શાય વિમર્શિનામ્ ॥ ૭ ॥
પ્રકાશાનાં પ્રકાશાય જ્ઞાનિનાં જ્ઞાનરૂપિણે ।
પુરસ્તાત્પાર્શ્વયોઃ પૃષ્ઠે નમઃ કુર્યામુપર્યધઃ ॥ ૮ ॥
સદા મચ્ચિત્તસદને વિધેહિ ભવદાસનમ્ ।
ઇતિ સ્તુત્વા ગુરું ભક્ત્યા પરાં દેવીં વિચિન્તયેત્ ॥ ૯ ॥
ગણેશગ્રહનક્ષત્રયોગિનીરાશિરૂપિણીમ્ ।
દેવીં મન્ત્રમયીં નૌમિ માતૃકાપીઠરૂપિણીમ્ ॥ ૧૦ ॥
પ્રણમામિ મહાદેવીં માતૃકાં પરમેશ્વરીમ્ ।
કાલહૃલ્લોહલોલ્લોહકલાનાશનકારિણીમ્ ॥ ૧૧ ॥
યદક્ષરૈકમાત્રેઽપિ સંસિદ્ધે સ્પર્દ્ધતે નરઃ ।
રવિતાક્ષ્યેન્દુકન્દર્પૈઃ શઙ્કરાનલવિષ્ણુભિઃ ॥ ૧૨ ॥
યદક્ષરશશિજ્યોત્સ્નામણ્ડિતં ભુવનત્રયમ્ ।
વન્દે સર્વેશ્વરીં દેવીં મહાશ્રીસિદ્ધમાતૃકામ્ ॥ ૧૩ ॥
યદક્ષરમહાસૂત્રપ્રોતમેતજ્જગત્ત્રયમ્ ।
બ્રહ્માણ્ડાદિકટાહાન્તં તાં વન્દે સિદ્ધમાતૃકામ્ ॥ ૧૪ ॥
યદેકાદશમાધારં બીજં કોણત્રયોદ્ભવમ્ ।
બ્રહ્માણ્ડાદિકટાહાન્તં જગદદ્યાપિ દૃશ્યતે ॥ ૧૫ ॥
અકચાદિટતોન્નદ્ધપયશાક્ષરવર્ગિણીમ્ ।
જ્યેષ્ઠાઙ્ગબાહુહૃત્કણ્ઠકટિપાદનિવાસિનીમ્ ॥ ૧૬ ॥
નૌમીકારાક્ષરોદ્ધારાં સારાત્સારાં પરાત્પરામ્ ।
પ્રણમામિ મહાદેવીં પરમાનન્દરૂપિણીમ્ ॥ ૧૭ ॥
અથાપિ યસ્યા જાનન્તિ ન મનાગપિ દેવતાઃ ।
કેયં કસ્માત્ક્વ કેનેતિ સરૂપારૂપભાવનામ્ ॥ ૧૮ ॥
વન્દે તામહમક્ષય્યાં ક્ષકારાક્ષરરૂપિણીમ્ ।
દેવીં કુલકલોલ્લોલપ્રોલ્લસન્તીં શિવાં પરામ્ ॥ ૧૯ ॥
વર્ગાનુક્રમયોગેન યસ્યાખ્યોમાષ્ટકં સ્થિતમ્ ।
વન્દે તામષ્ટવર્ગોત્થમહાસિદ્ધ્યાદિકેશ્વરીમ્ ॥ ૨૦ ॥
કામપૂર્ણજકારાખ્યસુપીઠાન્તર્ન્નિવાસિનીમ્ ।
ચતુરાજ્ઞાકોશભૂતાં નૌમિ શ્રીત્રિપુરામહમ્ ॥ ૨૧ ॥
એતત્સ્તોત્રં તુ નિત્યાનાં યઃ પઠેત્સુસમાહિતઃ ।
પૂજાદૌ તસ્ય સર્વાસ્તા વરદાઃ સ્યુર્ન સંશયઃ ॥ ૨૨ ॥
અથ તે કવચં દેવ્યા વક્ષ્યે નવરતાત્મકમ્ ।
યેન દેવાસુરનરજયી સ્યાત્સાધકઃ સદા ॥ ૨૩ ॥
સર્વતઃ સર્વદાઽઽત્માનં લલિતા પાતુ સર્વગા ।
કામેશી પુરતઃ પાતુ ભગમાલી ત્વનન્તરમ્ ॥ ૨૪ ॥
દિશં પાતુ તથા દક્ષપાર્શ્વં મે પાતુ સર્વદા ।
નિત્યક્લિન્નાથ ભેરુણ્ડા દિશં મે પાતુ કૌણપીમ્ ॥ ૨૫ ॥
તથૈવ પશ્ચિમં ભાગં રક્ષતાદ્વહ્નિવાસિની ।
મહાવજ્રેશ્વરી નિત્યા વાયવ્યે માં સદાવતુ ॥ ૨૬ ॥
વામપાર્શ્વં સદા પાતુ ઇતીમેલરિતા તતઃ ।
માહેશ્વરી દિશં પાતુ ત્વરિતં સિદ્ધદાયિની ॥ ૨૭ ॥
પાતુ મામૂર્ધ્વતઃ શશ્વદ્દેવતા કુલસુન્દરી ।
અધો નીલપતાકાખ્યા વિજયા સર્વતશ્ચ મામ્ ॥ ૨૮ ॥
કરોતુ મે મઙ્ગલાનિ સર્વદા સર્વમઙ્ગલા ।
દેહેન્દ્રિયમનઃપ્રાણાઞ્જ્વાલામાલિનિવિગ્રહા ॥ ૨૯ ॥
પાલયત્વનિશં ચિત્તા ચિત્તં મે સર્વદાવતુ ।
કામાત્ક્રોધાત્તથા લોભાન્મોહાન્માનાન્મદાદપિ ॥ ૩૦ ॥
પાપાન્માં સર્વતઃ શોકાત્સઙ્ક્ષયાત્સર્વતઃ સદા ।
અસત્યાત્ક્રૂરચિન્તાતો હિંસાતશ્ચૌરતસ્તથા ।
સ્તૈમિત્યાચ્ચ સદા પાન્તુ પ્રેરયન્ત્યઃ શુભં પ્રતિ ॥ ૩૧ ॥
નિત્યાઃ ષોડશ માં પાન્તુ ગજારૂઢાઃ સ્વશક્તિભિઃ ।
તથા હયસમારૂઢાઃ પાન્તુ માં સર્વતઃ સદા ॥ ૩૨ ॥
સિંહારૂઢાસ્તથા પાન્તુ પાન્તુ ઋક્ષગતા અપિ ।
રથારૂઢાશ્ચ માં પાન્તુ સર્વતઃ સર્વદા રણે ॥ ૩૩ ॥
તાર્ક્ષ્યારૂઢાશ્ચ માં પાન્તુ તથા વ્યોમગતાશ્ચ તાઃ ।
ભૂતગાઃ સર્વગાઃ પાન્તુ પાન્તુ દેવ્યશ્ચ સર્વદા ॥ ૩૪ ॥
ભૂતપ્રેતપિશાચાશ્ચ પરકૃત્યાદિકાન્ ગદાન્ ।
દ્રાવયન્તુ સ્વશક્તીનાં ભૂષણૈરાયુધૈર્મમ ॥ ૩૫ ॥
ગજાશ્વદ્વીપિપઞ્ચાસ્યતાર્ક્ષ્યારૂઢાખિલાયુધાઃ ।
અસઙ્ખ્યાઃ શક્તયો દેવ્યઃ પાન્તુ માં સર્વતઃ સદા ॥ ૩૬ ॥
સાયં પ્રાતર્જપન્નિત્યાકવચં સર્વરક્ષકમ્ ।
કદાચિન્નાશુભં પશ્યેત્સર્વદાનન્દમાસ્થિતઃ ॥ ૩૭ ॥
ઇત્યેતત્કવચં પ્રોક્તં લલિતાયાઃ શુભાવહમ્ ।
યસ્ય સન્ધારણાન્મર્ત્યો નિર્ભયો વિજયી સુખી ॥ ૩૮ ॥
અથ નામ્નાં સહસ્રં તે વક્ષ્યે સાવરણાર્ચનમ્ ।
ષોડશાનામપિ મુને સ્વસ્વક્રમગતાત્મકમ્ ॥ ૩૯ ॥
લલિતા ચાપિ વા કામેશ્વરી ચ ભગમાલિની ।
નિત્યક્લિન્ના ચ ભેરુણ્ડા કીર્તિતા વહ્નિવાસિની ॥ ૪૦ ॥
વજ્રેશ્વરી તથા દૂતી ત્વરિતા કુલસુન્દરી ।
નિત્યા સંવિત્તથા નીલપતાકા વિજયાહ્વયા ॥ ૪૧ ॥
સર્વમઙ્ગલિકા ચાપિ જ્વાલામાલિનિસઞ્જ્ઞિતા ।
ચિત્રા ચેતિ ક્રમાન્નિત્યાઃ ષોડશાપીષ્ટવિગ્રહાઃ ॥ ૪૨ ॥
કુરુકુલ્લા ચ વારાહી દ્વે એતે ચેષ્ટવિગ્રહે ।
વશિની ચાપિ કામેશી મોહિની વિમલારુણા ॥ ૪૩ ॥
તપિની ચ તથા સર્વેશ્વરીચાપ્યથ કૌલિની ।
મુદ્રાણન્તનુરિષ્વર્ણરૂપા ચાપાર્ણવિગ્રહા ॥ ૪૪ ॥
પાશવર્ણશરીરા ચાકુર્વર્ણસુવપુર્દ્ધરા ।
ત્રિખણ્ડા સ્થાપની સન્નિરોધની ચાવગુણ્ઠની ॥ ૪૫ ॥
સન્નિધાનેષુ ચાપાખ્યા તથા પાશાઙ્કુશાભિધા ।
નમસ્કૃતિસ્તથા સઙ્ક્ષોભણી વિદ્રાવણી તથા ॥ ૪૬ ॥
આકર્ષણી ચ વિખ્યાતા તથૈવાવેશકારિણી ।
ઉન્માદિની મહાપૂર્વા કુશાથો ખેચરી મતા ॥ ૪૭ ॥
બીજા શક્ત્યુત્થાપના ચ સ્થૂલસૂક્ષ્મપરાભિધા ।
અણિમા લઘિમા ચૈવ મહિમા ગરિમા તથા ॥ ૪૮ ॥
પ્રાપ્તિઃ પ્રકામિતા ચાપિ ચેશિતા વશિતા તથા ।
ભુક્તિઃ સિદ્ધિસ્તથૈવેચ્છા સિદ્ધિરૂપા ચ કીર્તિતા ॥ ૪૯ ॥
બ્રાહ્મી માહેશ્વરી ચૈવ કૌમારી વૈષ્ણવી તથા ।
વારાહીન્દ્રાણી ચામુણ્ડા મહાલક્ષ્મીસ્વરૂપિણી ॥ ૫૦ ॥
કામા બુદ્ધિરહઙ્કારશબ્દસ્પર્શસ્વરૂપિણી ।
રૂપરૂપા રસાહ્વા ચ ગન્ધવિત્તધૃતિસ્તથા ॥ ૫૧ ॥
નાભબીજામૃતાખ્યા ચ સ્મૃતિદેહાત્મરૂપિણી ।
કુસુમા મેખલા ચાપિ મદના મદનાતુરા ॥ ૫૨ ॥
રેખા સંવેગિની ચૈવ હ્યઙ્કુશા માલિનીતિ ચ ।
સઙ્ક્ષોભિણી તથા વિદ્રાવિણ્યાકર્ષણરૂપિણી ॥ ૫૩ ॥
આહ્લાદિનીતિ ચ પ્રોક્તા તથા સમ્મોહિનીતિ ચ ।
સ્તમ્ભિની જમ્ભિની ચૈવ વશઙ્કર્યથ રઞ્જિની ॥ ૫૪ ॥
ઉન્માદિની તથૈવાર્થસાધિનીતિ પ્રકીર્તિતા ।
સમ્પત્તિપૂર્ણા સા મન્ત્રમયી દ્વન્દ્વક્ષયઙ્કરી ॥ ૫૫ ॥
સિદ્ધિઃ સમ્પત્પ્રદા ચૈવ પ્રિયમઙ્ગલકારિણી ।
કામપ્રદા નિગદિતા તથા દુઃખવિમોચિની ॥ ૫૬ ॥
મૃત્યુપ્રશમની ચૈવ તથા વિઘ્નનિવારિણી ।
અઙ્ગસુન્દરિકા ચૈવ તથા સૌભાગ્યદાયિની ॥ ૫૭ ॥
જ્ઞાનૈશ્વર્યપ્રદા જ્ઞાનમયી ચૈવ ચ પઞ્ચમી ।
વિન્ધ્યવાસનકા ઘોરસ્વરૂપા પાપહારિણી ॥ ૫૮ ॥
તથાનન્દમયી રક્ષારૂપેપ્સિતફલપ્રદા ।
જયિની વિમલા ચાથ કામેશી વજ્રિણી ભગા ॥ ૫૯ ॥
ત્રૈલોક્યમોહના સ્થાના સર્વાશાપરિપૂરણી ।
સર્વસંક્ષોભણગતા સૌભાગ્યપ્રદસંસ્થિતા ॥ ૬૦ ॥
સવાર્થસાધકાગારા સર્વરોગહરાસ્થિતા ।
સર્વરક્ષાકરાસ્થાના સર્વસિદ્ધિપ્રદસ્થિતા ॥ ૬૧ ॥
સર્વાનન્દમયાધારબિન્દુસ્થાનશિવાત્મિકા ।
પ્રકૃષ્ટા ચ તથા ગુપ્તા જ્ઞેયા ગુપ્તતરાપિ ચ ॥ ૬૨ ॥
સમ્પ્રદાયસ્વરૂપા ચ કુલકૌલનિગર્ભગા ।
રહસ્યાપરાપરપ્રાકૃત્તથૈવાતિરહસ્યકા ॥ ૬૩ ॥
ત્રિપુરા ત્રિપુરેશી ચ તથૈવ પુરવાસિની ।
શ્રીમાલિની ચ સિદ્ધાન્તા મહાત્રિપુરસુન્દરી ॥ ૬૪ ॥
નવરત્નમયદ્વીપનવખણ્ડવિરાજિતા ।
કલ્પકોદ્યાનસંસ્થા ચ ઋતુરૂપેન્દ્રિયાર્ચકા ॥ ૬૫ ॥
કાલમુદ્રા માતૃકાખ્યા રત્નદેશોપદેશિકા ।
તત્ત્વાગ્રહાભિધા મૂર્તિસ્તથૈવ વિષયદ્વિપા ॥ ૬૬ ॥
દેશકાલાકારશબ્દરૂપા સઙ્ગીતયોગિની ।
સમસ્તગુપ્તપ્રકટસિદ્ધયોગિનિચક્રયુક્ ॥ ૬૭ ॥
વહ્નિસૂર્યેન્દુભૂતાહ્વા તથાત્માષ્ટાક્ષરાહ્વયા ।
પઞ્ચધાર્ચાસ્વરૂપા ચ નાનાવ્રતસમાહ્વયા ॥ ૬૮ ॥
નિષિદ્ધાચારરહિતા સિદ્ધચિહ્નસ્વરૂપિણી ।
ચતુર્દ્ધા કૂર્મભાગસ્થા નિત્યાદ્યર્ચાસ્વરૂપિણી ॥ ૬૯ ॥
દમનાદિસમભ્યર્ચા ષટ્કર્મસિદ્ધિદાયિની ।
તિથિવારપૃથગ્દ્રવ્યસમર્ચનશુભાવહા ॥ ૭૦ ॥
વાયોશ્યનઙ્ગકુસુમા તથૈવાનઙ્ગમેખલા ।
અનઙ્ગમદનાનઙ્ગમદનાતુરસાહ્વયા ॥ ૭૧ ॥
મદદેગિનિકા ચૈવ તથા ભુવનપાલિની ।
શશિલેખા સમુદ્દિષ્ટા ગતિલેખાહ્વયા મતા ॥ ૭૨ ॥
શ્રદ્ધા પ્રીતી રતિશ્ચૈવ ધૃતિઃ કાન્તિર્મનોરમા ।
મનોહરા સમાખ્યાતા તથૈવ હિ મનોરથા ॥ ૭૩ ॥
મદનોન્માદિની ચૈવ મોદિની શઙ્ખિની તથા ।
શોષિણી ચૈવ શઙ્કારી સિઞ્જિની સુભગા તથા ॥ ૭૪ ॥
પૂષાચેદ્વાસુમનસા રતિઃ પ્રીતિર્ધૃતિસ્તથા ।
ઋદ્ધિઃ સૌમ્યા મરીચિશ્ચ તથૈવ હ્યંશુમાલિની ॥ ૭૫ ॥
શશિની ચાઙ્ગિરા છાયા તથા સમ્પૂર્ણમણ્ડલા ।
તુષ્ટિસ્તથામૃતાખ્યા ચ ડાકિની સાથ લોકપા ॥ ૭૬ ॥
બટુકેભાસ્વરૂપા ચ દુર્ગા ક્ષેત્રેશરૂપિણી ।
કામરાજસ્વરૂપા ચ તથા મન્મથરૂપિણી ॥ ૭૭ ॥
કન્દર્પ્પરૂપિણી ચૈવ તથા મકરકેતના ।
મનોભવસ્વરૂપા ચ ભારતી વર્ણરૂપિણી ॥ ૭૮ ॥
મદના મોહિની લીલા જમ્ભિની ચોદ્યમા શુભા ।
હ્લાદિની દ્રાવિણી પ્રીતી રતી રક્તા મનોરમા ॥ ૭૯ ॥
સર્વોન્માદા સર્વમુખા હ્યભઙ્ગા ચામિતોદ્યમા ।
અનલ્પાવ્યક્તવિભવા વિવિધાક્ષોભવિગ્રહા ॥ ૮૦ ॥
રાગશક્તિર્દ્વેષશક્તિસ્તથા શબ્દાદિરૂપિણી ।
નિત્યા નિરઞ્જના ક્લિન્ના ક્લેદિની મદનાતુરા ॥ ૮૧ ॥
મદદ્રવા દ્રાવિણી ચ દ્રવિણી ચેતિ કીર્તિતા ।
મદાવિલા મઙ્ગલા ચ મન્મથાની મનસ્વિની ॥ ૮૨ ॥
મોહા મોદા માનમયી માયા મન્દા મિતાવતી ।
વિજયા વિમલા ચૈવ શુભા વિશ્વા તથૈવ ચ ॥ ૮૩ ॥
વિભૂતિર્વિનતા ચૈવ વિવિધા વિનતા ક્રમાત્ ।
કમલા કામિની ચૈવ કિરાતા કીર્તિરૂપિણી ॥ ૮૪ ॥
કુટ્ટિની ચ સમુદ્દિષ્ટા તથૈવ કુલસુન્દરી ।
કલ્યાણી કાલકોલા ચ ડાકિની શાકિની તથા ॥ ૮૫ ॥
લાકિની કાકિની ચૈવ રાકિની કાકિની તથા ।
ઇચ્છાજ્ઞાના ક્રિયાખ્યા ચાપ્યાયુધાષ્ટકધારિણી ॥ ૮૬ ॥
કપર્દિની સમુદ્દિષ્ટા તથૈવ કુલસુન્દરી ।
જ્વાલિની વિસ્ફુલિઙ્ગા ચ મઙ્ગલા સુમનોહરા ॥ ૮૭ ॥
કનકા કિનવા વિદ્યા વિવિધા ચ પ્રકીર્તિતા ।
મેષા વૃષાહ્વયા ચૈવ મિથુના કર્કટા તથા ॥ ૮૮ ॥
સિંહા કન્યા તુલા કીટા ચાપા ચ મકરા તથા ।
કુમ્ભા મીના ચ સારા ચ સર્વભક્ષા તથૈવ ચ ॥ ૮૯ ॥
વિશ્વાત્મા વિવિધોદ્ભૂતચિત્રરૂપા ચ કીર્તિતા ।
નિઃસપત્ના નિરાતઙ્કા યાચનાચિન્ત્યવૈભવા ॥ ૯૦ ॥
રક્તા ચૈવ તતઃ પ્રોક્તા વિદ્યાપ્રાપ્તિસ્વરૂપિણી ।
હૃલ્લેખા ક્લેદિની ક્લિન્ના ક્ષોભિણી મદનાતુરા ॥ ૯૧ ॥
નિરઞ્જના રાગવતી તથૈવ મદનાવતી ।
મેખલા દ્રાવિણી વેગવતી ચૈવ પ્રકીર્તિતા ॥ ૯૨ ॥
કમલા કામિની કલ્પા કલા ચ કલિતાદ્ભુતા ।
કિરાતા ચ તથા કાલા કદના કૌશિકા તથા ॥ ૯૩ ॥
કમ્બુવાદનિકા ચૈવ કાતરા કપટા તથા ।
કીર્તિશ્ચાપિ કુમારી ચ કુઙ્કુમા પરિકીર્તિતા ॥ ૯૪ ॥
ભઞ્જિની વેગિની નાગા ચપલા પેશલા સતી ।
રતિઃ શ્રદ્ધા ભોગલોલા મદોન્મત્તા મનસ્વિની ॥ ૯૫ ॥
વિહ્વલા કર્ષિણી લોલા તથા મદનમાલિની ।
વિનોદા કૌતુકા પુણ્યા પુરાણા પરિકીર્તિતા ॥ ૯૬ ॥
વાગીશી વરદા વિશ્વા વિભવા વિઘ્નકારિણી ।
બીજવિઘ્નહરા વિદ્યા સુમુખી સુન્દરી તથા ॥ ૯૭ ॥
સારા ચ સુમના ચૈવ તથા પ્રોક્તા સરસ્વતી ।
સમયા સર્વગા વિદ્ધા શિવા વાણી ચ કીર્તિતા ॥ ૯૮ ॥
દૂરસિદ્ધા તથા પ્રોક્તાથો વિગ્રહવતી મતા ।
નાદા મનોન્મની પ્રાણપ્રતિષ્ઠારુણવૈભવા ॥ ૯૯ ॥
પ્રાણાપાના સમાના ચ વ્યાનોદાના ચ કીર્તિતા ।
નાગા કૂર્મા ચ કૃકલા દેવદત્તા ધનઞ્જયા ॥ ૧૦૦ ॥
ફટ્કારી કિઙ્કરારાધ્યા જયા ચ વિજયા તથા ।
હુઙ્કારી ખેચરી ચણ્ડં છેદિની ક્ષપિણી તથા ॥ ૧૦૧ ॥
સ્ત્રીહુઙ્કારી ક્ષેમકારી ચતુરક્ષરરૂપિણી ।
શ્રીવિદ્યામતવર્ણાઙ્ગી કાલી યામ્યા નૃપાર્ણકા ॥ ૧૦૨ ॥
ભાષા સરસ્વતી વાણી સંસ્કૃતા પ્રાકૃતા પરા ।
બહુરૂપા ચિત્તરૂપા રમ્યાનન્દા ચ કૌતુકા ॥ ૧૦૩ ॥
ત્રયાખ્યા પરમાત્માખ્યાપ્યમેયવિભવા તથા ।
વાક્સ્વરૂપા બિન્દુસર્ગરૂપા વિશ્વાત્મિકા તથા ॥ ૧૦૪ ॥
તથા ત્રૈપુરકન્દાખ્યા જ્ઞાત્રાદિત્રિવિધાત્મિકા ।
આયુર્લક્ષ્મીકીર્તિભોગસૌન્દર્યારોગ્યદાયિકા ॥ ૧૦૫ ॥
ઐહિકામુષ્મિકજ્ઞાનમયી ચ પરિકીર્તિતા ।
જીવાખ્યા વિજયાખ્યા ચ તથૈવ વિશ્વવિન્મયી ॥ ૧૦૬ ॥
હૃદાદિવિદ્યા રૂપાદિભાનુરૂપા જગદ્વપુઃ ।
વિશ્વમોહનિકા ચૈવ ત્રિપુરામૃતસઞ્જ્ઞિકા ॥ ૧૦૭ ॥
સર્વાપ્યાયનરૂપા ચ મોહિની ક્ષોભણી તથા ।
ક્લેદિની ચ સમાખ્યાતા તથૈવ ચ મહોદયા ॥ ૧૦૮ ॥
સમ્પત્કરી હલક્ષાર્ણા સીમામાતૃતનૂ રતિઃ ।
પ્રીતિર્મનોભવા વાપિ પ્રોક્તા વારાધિપા તથા ॥ ૧૦૯ ॥
ત્રિકૂટા ચાપિ ષટ્કૂટા પઞ્ચકૂટા વિશુદ્ધગા ।
અનાહતગતા ચૈવ મણિપૂરકસંસ્થિતા ॥ ૧૧૦ ॥
સ્વાધિષ્ઠાનસમાસીનાધારસ્થાજ્ઞાસમાસ્થિતા ।
ષટ્ત્રિંશત્કૂટરૂપા ચ પઞ્ચાશન્મિથુનાત્મિકા ॥ ૧૧૧ ॥
પાદુકાદિકસિદ્ધીશા તથા વિજયદાયિની ।
કામરૂપપ્રદા વેતાલરૂપા ચ પિશાચિકા ॥ ૧૧૨ ॥
વિચિત્રા વિભ્રમા હંસી ભીષણી જનરઞ્જિકા ।
વિશાલા મદના તુષ્ટા કાલકણ્ઠી મહાભયા ॥ ૧૧૩ ॥
માહેન્દ્રી શઙ્ખિની ચૈન્દ્રી મઙ્ગલા વટવાસિની ।
મેખલા સકલા લક્ષ્મીર્માલિની વિશ્વનાયિકા ॥ ૧૧૪ ॥
સુલોચના સુશોભા ચ કામદા ચ વિલાસિની ।
કામેશ્વરી નન્દિની ચ સ્વર્ણરેખા મનોહરા ॥ ૧૧૫ ॥
પ્રમોદા રાગિણી સિદ્ધા પદ્મિની ચ રતિપ્રિયા ।
કલ્યાણદા કલાદક્ષા તતશ્ચ સુરસુન્દરી ॥ ૧૧૬ ॥
વિભ્રમા વાહકા વીરા વિકલા કોરકા કવિઃ ।
સિંહનાદા મહાનાદા સુગ્રીવા મર્કટા શઠા ॥ ૧૧૭ ॥
બિડાલાક્ષા બિડાલાસ્યા કુમારી ખેચરી ભવા ।
મયૂરા મઙ્ગલા ભીમા દ્વિપવક્ત્રા ખરાનના ॥ ૧૧૮ ॥
માતઙ્ગી ચ નિશાચારા વૃષગ્રાહા વૃકાનના ।
સૈરિભાસ્યા ગજમુખા પશુવક્ત્રા મૃગાનના ॥ ૧૧૯ ॥
ક્ષોભકા મણિભદ્રા ચ ક્રીડકા સિંહચક્રકા ।
મહોદરા સ્થૂલશિખા વિકૃતાસ્યા વરાનના ॥ ૧૨૦ ॥
ચપલા કુક્કુટાસ્યા ચ પાવિની મદનાલસા ।
મનોહરા દીર્ઘજઙ્ઘા સ્થૂલદન્તા દશાનના ॥ ૧૨૧ ॥
સુમુખા પણ્ડિતા ક્રુદ્ધા વરાહાસ્યા સટામુખા ।
કપટા કૌતુકા કાલા કિઙ્કરા કિતવા ખલા ॥ ૧૨૨ ॥
ભક્ષકા ભયદા સિદ્ધા સર્વગા ચ પ્રકીર્તિતા ।
જયા ચ વિજયા દુર્ગા ભદ્રા ભદ્રકરી તથા ॥ ૧૨૩ ॥
અમ્બિકા વામદેવી ચ મહામાયાસ્વરૂપિણી ।
વિદારિકા વિશ્વમયી વિશ્વા વિશ્વવિભઞ્જિતા ॥ ૧૨૪ ॥
વીરા વિક્ષોભિણી વિદ્યા વિનોદા બીજવિગ્રહા ।
વીતશોકા વિષગ્રીવા વિપુલા વિજયપ્રદા ॥ ૧૨૫ ॥
વિભવા વિવિધા વિપ્રા તથૈવ પરિકીર્તિતા ।
મનોહરા મઙ્ગલા ચ મદોત્સિક્તા મનસ્વિની ॥ ૧૨૬ ॥
માનિની મધુરા માયા મોહિની ચ તથા સ્મૃતા ।
ભદ્રા ભવાની ભવ્યા ચ વિશાલાક્ષી શુચિસ્મિતા ॥ ૧૨૭ ॥
કકુભા કમલા કલ્પા કલાથો પૂરણી તથા ।
નિત્યા ચાપ્યમૃતા ચૈવ જીવિતા ચ તથા દયા ॥ ૧૨૮ ॥
અશોકા હ્યમલા પૂર્ણા પૂર્ણા ભાગ્યોદ્યતા તથા ।
વિવેકા વિભવા વિશ્વા વિતતા ચ પ્રકીર્તિતા ॥ ૧૨૯ ॥
કામિની ખેચરી ગર્વા પુરાણા પરમેશ્વરી ।
ગૌરી શિવા હ્યમેયા ચ વિમલા વિજયા પરા ॥ ૧૩૦ ॥
પવિત્રા પદ્મિની વિદ્યા વિશ્વેશી શિવવલ્લભા ।
અશેષરૂપા હ્યાનન્દામ્બુજાક્ષી ચાપ્યનિન્દિતા ॥ ૧૩૧ ॥
વરદા વાક્યદા વાણી વિવિધા વેદવિગ્રહા ।
વિદ્યા વાગીશ્વરી સત્યા સંયતા ચ સરસ્વતી ॥ ૧૩૨ ॥
નિર્મલાનન્દરૂપા ચ હ્યમૃતા માનદા તથા ।
પૂષા ચૈવ તથા પુષ્ટિસ્તુષ્ટિશ્ચાપિ રતિર્ધૃતિઃ ॥ ૧૩૩ ॥
શશિની ચન્દ્રિકા કાન્તિર્જ્યોત્સ્ના શ્રીઃ પ્રીતિરઙ્ગદા ।
પૂર્ણા પૂર્ણામૃતા કામદાયિનીન્દુકલાત્મિકા ॥ ૧૩૪ ॥
તપિની તાપિની ધૂમ્રા મરીચિર્જ્વાલિની રુચિઃ ।
સુષુમ્ણા ભોગદા વિશ્વા બાધિની ધારિણી ક્ષમા ॥ ૧૩૫ ॥
ધૂમ્રાર્ચિરૂષ્મા જ્વલિની જ્વાલિની વિસ્ફુલિઙ્ગિની ।
સુશ્રીઃ સ્વરૂપા કપિલા હવ્યકવ્યવહા તથા ॥ ૧૩૬ ॥
ઘસ્મરા વિશ્વકવલા લોલાક્ષી લોલજિહ્વિકા ।
સર્વભક્ષા સહસ્રાક્ષી નિઃસઙ્ગા ચ ગતિપ્રિયા ॥ ૧૩૭ ॥
અચિન્ત્યા ચાપ્રમેયા ચ પૂર્ણરૂપા દુરાસદા ।
સર્વા સંસિદ્ધિરૂપા ચ પાવનીત્યેકરૂપિણી ॥ ૧૩૮ ॥
તથા યામલવેધાખ્યા શાક્તે વેદસ્વરૂપિણી ।
તથા શામ્ભવવેધા ચ ભાવનાસિદ્ધિસૂચિની ॥ ૧૩૯ ॥
વહ્નિરૂપા તથા દસ્રા હ્યમાવિધ્ના ભુજઙ્ગમા ।
ષણ્મુખા રવિરૂપા ચ માતા દુર્ગા દિશા તથા ॥ ૧૪૦ ॥
ધનદા કેશવા ચાપિ યમી ચૈવ હરા શશા ।
અશ્વિની ચ યમી વહ્નિરૂપા ધાત્રીતિ કીર્તિતા ॥ ૧૪૧ ॥
ચન્દ્રા શિવાદિતિર્જીવા સર્પિણી પિતૃરૂપિણી ।
અર્યમ્ણા ચ ભગા સૂર્યા ત્વાષ્ટ્રિમારુતિસઞ્જ્ઞિકા ॥ ૧૪૨ ॥
ઇન્દ્રાગ્નિરૂપા મિત્રા ચાપીન્દ્રાણી નિરૃતિર્જલા ।
વૈશ્વદેવી હરિતભૂર્વાસવી વરુણા જયા ॥ ૧૪૩ ॥
અહિર્બુધ્ન્યા પૂષણી ચ તથા કારસ્કરામલા ।
ઉદુમ્બરા જમ્બુકા ચ ખદિરા કૃષ્ણરૂપિણી ॥ ૧૪૪ ॥
વંશા ચ પિપ્પલા નાગા રોહિણા ચ પલાશકા ।
પક્ષકા ચ તથામ્બષ્ઠા બિલ્વા ચાર્જુનરૂપિણી ॥ ૧૪૫ ॥
વિકઙ્કતા ચ કકુભા સરલા ચાપિ સર્જિકા ।
બઞ્જુલા પનસાર્કા ચ શમી હલિપ્રિયામ્રકા ॥ ૧૪૬ ॥
નિમ્બા મધૂકસઞ્જ્ઞા ચાપ્યશ્વત્થા ચ ગજાહ્વયા ।
નાગિની સર્પિણી ચૈવ શુની ચાપિ બિડાલિકી ॥ ૧૪૭ ॥
છાગી માર્જારિકા મૂષી વૃષભા માહિષી તથા ।
શાર્દૂલી સૈરિભી વ્યાઘ્રી હરિણી ચ મૃગી શુની ॥ ૧૪૮ ॥
કપિરૂપા ચ ગોઘણ્ટા વાનરી ચ નરાશ્વિની ।
નગા ગૌર્હસ્તિની ચેતિ તથા ષટ્ચક્રવાસિની ॥ ૧૪૯ ॥
ત્રિખણ્ડા તીરપાલાખ્યા ભ્રામણી દ્રવિણી તથા ।
સોમા સૂર્યા તિથિર્વારા યોગાર્ક્ષા કરણાત્મિકા ॥ ૧૫૦ ॥
યક્ષિણી તારણા વ્યોમશબ્દાદ્યા પ્રાણિની ચ ધીઃ ।
ક્રોધિની સ્તમ્ભિની ચણ્ડોચ્ચણ્ડા બ્રાહ્મ્યાદિરૂપિણી ॥ ૧૫૧ ॥
સિંહસ્થા વ્યાઘ્રગા ચૈવ ગજાશ્વગરુડસ્થિતા ।
ભૌમાપ્યા તૈજસી વાયુરૂપિણી નાભસા તથા ॥ ૧૫૨ ॥
એકવક્ત્રા ચતુર્વક્ત્રા નવવક્ત્રા કલાનના ।
પઞ્ચવિંશતિવક્ત્રા ચ ષડ્વિંશદ્વદના તથા ॥ ૧૫૩ ॥
ઊનપઞ્ચાશદાસ્યા ચ ચતુઃષષ્ટિમુખા તથા ।
એકાશીતિમુખા ચૈવ શતાનનસમન્વિતા ॥ ૧૫૪ ॥
સ્થૂલરૂપા સૂક્ષ્મરૂપા તેજોવિગ્રહધારિણી ।
વૃણાવૃત્તિસ્વરૂપા ચ નાથાવૃત્તિસ્વરૂપિણી ॥ ૧૫૫ ॥
તત્ત્વાવૃત્તિસ્વરૂપાપિ નિત્યાવૃત્તિવપુર્દ્ધરા ॥ ૧૫૬ ॥
અઙ્ગાવૃત્તિસ્વરૂપા ચાપ્યાયુધાવૃત્તિરૂપિણી ।
ગુરુપઙ્ક્તિસ્વરૂપા ચ વિદ્યાવૃત્તિતનુસ્તથા ॥ ૧૫૭ ॥
બ્રહ્માદ્યાવૃત્તિરૂપા ચ પરા પશ્યન્તિકા તથા ।
મધ્યમા વૈખરી શીર્ષકણ્ઠતાલ્વોષ્ઠદન્તગા ॥ ૧૫૮ ॥
જિહ્વામૂલગતા નાસાગતોરઃસ્થલગામિની ।
પદવાક્યસ્વરૂપા ચ વેદભાષાસ્વરૂપિણી ॥ ૧૫૯ ॥
સેકાખ્યા વીક્ષણાખ્યા ચોપદેશાખ્યા તથૈવ ચ ।
વ્યાકુલાક્ષરસઙ્કેતા ગાયત્રી પ્રણવાદિકા ॥ ૧૬૦ ॥
જપહોમાર્ચનધ્યાનયન્ત્રતર્પણરૂપિણી ।
સિદ્ધસારસ્વતા મૃત્યુઞ્જયા ચ ત્રિપુરા તથા ॥ ૧૬૧ ॥
ગારુડા ચાન્નપૂર્ણા ચાપ્યશ્વારૂઢા નવાત્મિકા ।
ગૌરી ચ દેવી હૃદયા લક્ષદા ચ મતઙ્ગિની ॥ ૧૬૨ ॥
નિષ્કત્રયપદા ચેષ્ટાવાદિની ચ પ્રકીર્તિતા ।
રાજલક્ષ્મીર્મહાલક્ષ્મીઃ સિદ્ધલક્ષ્મીર્ગવાનના ॥ ૧૬૩ ॥
ઇત્યેવં લલિતાદેવ્યા દિવ્યં નામસહસ્રકમ્ ।
સર્વાર્થસિદ્ધિદં પ્રોક્તં ચતુર્વર્ગફલપ્રદમ્ ॥ ૧૬૪ ॥
એતન્નિત્યમુષઃકાલે યો જપેચ્છુદ્ધમાનસઃ ।
સ યોગી બ્રહ્મવિજ્જ્ઞાની શિવયોગી તથાઽઽત્મવિત્ ॥ ૧૬૫ ॥
દ્વિરાવૃત્ત્યા પ્રજપતો હ્યાયુરારોગ્યસમ્પદઃ ।
લોકાનુરઞ્જનં નારીનૃપાવર્જનકર્મ ચ ॥ ૧૬૬ ॥
અપૃથક્ત્વેન સિદ્ધ્યન્તિ સાધકસ્યાસ્ય નિશ્ચિતમ્ ।
ત્રિરાવૃત્ત્યાસ્ય વૈ પુંસો વિશ્વં ભૂયાદ્વશેઽખિલમ્ ॥ ૧૬૭ ॥
ચતુરાવૃત્તિતશ્ચાસ્ય સમીહિતમનારતમ્ ।
ફલત્યેવ પ્રયોગાર્હો લોકરક્ષાકરો ભવેત્ ॥ ૧૬૮ ॥
પઞ્ચાવૃત્ત્યા નરા નાર્યો નૃપા દેવાશ્ચ જન્તવઃ ।
ભજન્ત્યેનં સાધકં ચ દેવ્યામાહિતચેતસઃ ॥ ૧૬૯ ॥
ષડાવૃત્ત્યા તન્મયઃ સ્યાત્સાધકશ્ચાસ્ય સિદ્ધયઃ ।
અચિરેણૈવ દેવીનાં પ્રસાદાત્સમ્ભવન્તિ ચ ॥ ૧૭૦ ॥
સપ્તાવૃત્ત્યારિરોગાદિકૃત્યાપસ્મારનાશનમ્ ।
અષ્ટાવૃત્ત્યા નરો ભૂપાન્નિગ્રહાનુગ્રહક્ષમઃ ॥ ૧૭૧ ॥
નવાવૃત્ત્યા મન્મથાભો વિક્ષોભયતિ ભૂતલમ્ ।
દશાવૃત્ત્યા પઠેન્નિત્યં વાગ્લક્ષ્મીકાન્તિસિદ્ધયે ॥ ૧૭૨ ॥
રુદ્રા વૃત્ત્યાખિલર્દ્ધિશ્ચ તદાયત્તં જગદ્ભવેત્ ।
અર્કાવૃત્ત્યા સિદ્ધિભિઃ સ્યાદ્દિગ્ભિર્મર્ત્યો હરોપમઃ ॥ ૧૭૩ ॥
વિશ્વાવૃત્ત્યા તુ વિજયી સર્વતઃ સ્યાત્સુખી નરઃ ।
શક્રાવૃત્ત્યાખિલેષ્ટાપ્તિઃ સર્વતો મઙ્ગલં ભવેત્ ॥ ૧૭૪ ॥
તિથ્યાવૃત્ત્યાખિલાનિષ્ટાનયત્નાદાપ્નુયાન્નરઃ ।
ષોડશાવૃત્તિતો ભૂયાન્નરઃ સાક્ષાન્મહેશ્વરઃ ॥ ૧૭૫ ॥
વિશ્વં સ્રષ્ટું પાલયિતું સંહર્તું ચ ક્ષમો ભવેત્ ।
મણ્ડલં માસમાત્રં વા યો જપેદ્યદ્યદાશયઃ ॥ ૧૭૬ ॥
તત્તદેવાપ્નુયાત્સત્યં શિવસ્ય વચનં યથા ।
ઇત્યેતત્કથિતં વિપ્ર નિત્યાવૃત્ત્યર્ચનાશ્રિતમ્ ॥ ૧૭૭ ॥
નામ્નાં સહસ્રં મનસોઽભીષ્ટસમ્પાદનક્ષમમ્ ॥ ૧૭૮ ॥
॥ ઇતિ શ્રીબૃહન્નારદીયપુરાણે પૂર્વભાગે તૃતીયપાદે
બૃહદુપાખ્યાને સકવચ શ્રીલલિતાસહસ્રનામસ્તોત્રં સમ્પૂર્ણમ્ ॥ ૮૯ ॥
– Chant Stotra in Other Languages –
1000 Names of Sri Lalita » Sahasranama Stotram from Naradapurana Lyrics in Sanskrit » English » Bengali » Kannada » Malayalam » Odia » Telugu » Tamil