॥ Sri Lalita Sahasranama Stotram Gujarati Lyrics ॥
॥ શ્રીલલિતાસહસ્રનામસ્તોત્રમ્ ॥
॥ ન્યાસઃ ॥
અસ્ય શ્રીલલિતાસહસ્રનામસ્તોત્રમાલા મન્ત્રસ્ય ।
વશિન્યાદિવાગ્દેવતા ઋષયઃ ।
અનુષ્ટુપ્ છન્દઃ ।
શ્રીલલિતાપરમેશ્વરી દેવતા ।
શ્રીમદ્વાગ્ભવકૂટેતિ બીજમ્ ।
મધ્યકૂટેતિ શક્તિઃ ।
શક્તિકૂટેતિ કીલકમ્ ।
શ્રીલલિતામહાત્રિપુરસુન્દરી-પ્રસાદસિદ્ધિદ્વારા
ચિન્તિતફલાવાપ્ત્યર્થે જપે વિનિયોગઃ ।
॥ ધ્યાનમ્ ॥
સિન્દૂરારુણ વિગ્રહાં ત્રિનયનાં માણિક્યમૌલિ સ્ફુરત્
તારા નાયક શેખરાં સ્મિતમુખી માપીન વક્ષોરુહામ્ ।
પાણિભ્યામલિપૂર્ણ રત્ન ચષકં રક્તોત્પલં બિભ્રતીં
સૌમ્યાં રત્ન ઘટસ્થ રક્તચરણાં ધ્યાયેત્ પરામમ્બિકામ્ ॥
અરુણાં કરુણા તરઙ્ગિતાક્ષીં
ધૃત પાશાઙ્કુશ પુષ્પ બાણચાપામ્ ।
અણિમાદિભિ રાવૃતાં મયૂખૈ-
રહમિત્યેવ વિભાવયે ભવાનીમ્ ॥
ધ્યાયેત્ પદ્માસનસ્થાં વિકસિતવદનાં પદ્મપત્રાયતાક્ષીં
હેમાભાં પીતવસ્ત્રાં કરકલિતલસદ્ધેમપદ્માં વરાઙ્ગીમ્ ।
સર્વાલઙ્કાર યુક્તાં સતત મભયદાં ભક્તનમ્રાં ભવાનીં
શ્રીવિદ્યાં શાન્ત મૂર્તિં સકલ સુરનુતાં સર્વ સમ્પત્પ્રદાત્રીમ્ ॥
સકુઙ્કુમ વિલેપનામલિકચુમ્બિ કસ્તૂરિકાં
સમન્દ હસિતેક્ષણાં સશર ચાપ પાશાઙ્કુશામ્ ।
અશેષજન મોહિનીં અરુણ માલ્ય ભૂષામ્બરાં
જપાકુસુમ ભાસુરાં જપવિધૌ સ્મરે દમ્બિકામ્ ॥
॥ અથ શ્રીલલિતાસહસ્રનામસ્તોત્રમ્ ॥
ૐ શ્રીમાતા શ્રીમહારાજ્ઞી શ્રીમત્-સિંહાસનેશ્વરી ।
ચિદગ્નિ-કુણ્ડ-સમ્ભૂતા દેવકાર્ય-સમુદ્યતા ॥ ૧ ॥
ઉદ્યદ્ભાનુ-સહસ્રાભા ચતુર્બાહુ-સમન્વિતા ।
રાગસ્વરૂપ-પાશાઢ્યા ક્રોધાકારાઙ્કુશોજ્જ્વલા ॥ ૨ ॥
મનોરૂપેક્ષુ-કોદણ્ડા પઞ્ચતન્માત્ર-સાયકા ।
નિજારુણ-પ્રભાપૂર-મજ્જદ્બ્રહ્માણ્ડ-મણ્ડલા ॥ ૩ ॥
ચમ્પકાશોક-પુન્નાગ-સૌગન્ધિક-લસત્કચા ।
કુરુવિન્દમણિ-શ્રેણી-કનત્કોટીર-મણ્ડિતા ॥ ૪ ॥
અષ્ટમીચન્દ્ર-વિભ્રાજ-દલિકસ્થલ-શોભિતા ।
મુખચન્દ્ર-કલઙ્કાભ-મૃગનાભિ-વિશેષકા ॥ ૫ ॥
વદનસ્મર-માઙ્ગલ્ય-ગૃહતોરણ-ચિલ્લિકા ।
વક્ત્રલક્ષ્મી-પરીવાહ-ચલન્મીનાભ-લોચના ॥ ૬ ॥
નવચમ્પક-પુષ્પાભ-નાસાદણ્ડ-વિરાજિતા ।
તારાકાન્તિ-તિરસ્કારિ-નાસાભરણ-ભાસુરા ॥ ૭ ॥
કદમ્બમઞ્જરી-કૢપ્ત-કર્ણપૂર-મનોહરા ।
તાટઙ્ક-યુગલી-ભૂત-તપનોડુપ-મણ્ડલા ॥ ૮ ॥
પદ્મરાગ-શિલાદર્શ-પરિભાવિ-કપોલભૂઃ ।
નવવિદ્રુમ-બિમ્બશ્રી-ન્યક્કારિ-રદનચ્છદા ॥ ૯ ॥ or દશનચ્છદા
શુદ્ધ-વિદ્યાઙ્કુરાકાર-દ્વિજપઙ્ક્તિ-દ્વયોજ્જ્વલા ।
કર્પૂર-વીટિકામોદ-સમાકર્ષિ-દિગન્તરા ॥ ૧૦ ॥
નિજ-સલ્લાપ-માધુર્ય-વિનિર્ભર્ત્સિત-કચ્છપી । or નિજ-સંલાપ
મન્દસ્મિત-પ્રભાપૂર-મજ્જત્કામેશ-માનસા ॥ ૧૧ ॥
અનાકલિત-સાદૃશ્ય-ચિબુકશ્રી-વિરાજિતા । or ચુબુકશ્રી
કામેશ-બદ્ધ-માઙ્ગલ્ય-સૂત્ર-શોભિત-કન્ધરા ॥ ૧૨ ॥
કનકાઙ્ગદ-કેયૂર-કમનીય-ભુજાન્વિતા ।
રત્નગ્રૈવેય-ચિન્તાક-લોલ-મુક્તા-ફલાન્વિતા ॥ ૧૩ ॥
કામેશ્વર-પ્રેમરત્ન-મણિ-પ્રતિપણ-સ્તની ।
નાભ્યાલવાલ-રોમાલિ-લતા-ફલ-કુચદ્વયી ॥ ૧૪ ॥
લક્ષ્યરોમ-લતાધારતા-સમુન્નેય-મધ્યમા ।
સ્તનભાર-દલન્મધ્ય-પટ્ટબન્ધ-વલિત્રયા ॥ ૧૫ ॥
અરુણારુણ-કૌસુમ્ભ-વસ્ત્ર-ભાસ્વત્-કટીતટી ।
રત્ન-કિઙ્કિણિકા-રમ્ય-રશના-દામ-ભૂષિતા ॥ ૧૬ ॥
કામેશ-જ્ઞાત-સૌભાગ્ય-માર્દવોરુ-દ્વયાન્વિતા ।
માણિક્ય-મુકુટાકાર-જાનુદ્વય-વિરાજિતા ॥ ૧૭ ॥
ઇન્દ્રગોપ-પરિક્ષિપ્ત-સ્મરતૂણાભ-જઙ્ઘિકા ।
ગૂઢગુલ્ફા કૂર્મપૃષ્ઠ-જયિષ્ણુ-પ્રપદાન્વિતા ॥ ૧૮ ॥
નખ-દીધિતિ-સંછન્ન-નમજ્જન-તમોગુણા ।
પદદ્વય-પ્રભાજાલ-પરાકૃત-સરોરુહા ॥ ૧૯ ॥
સિઞ્જાન-મણિમઞ્જીર-મણ્ડિત-શ્રી-પદામ્બુજા । or શિઞ્જાન
મરાલી-મન્દગમના મહાલાવણ્ય-શેવધિઃ ॥ ૨૦ ॥
સર્વારુણાઽનવદ્યાઙ્ગી સર્વાભરણ-ભૂષિતા ।
શિવ-કામેશ્વરાઙ્કસ્થા શિવા સ્વાધીન-વલ્લભા ॥ ૨૧ ॥
સુમેરુ-મધ્ય-શૃઙ્ગસ્થા શ્રીમન્નગર-નાયિકા ।
ચિન્તામણિ-ગૃહાન્તસ્થા પઞ્ચ-બ્રહ્માસન-સ્થિતા ॥ ૨૨ ॥
મહાપદ્માટવી-સંસ્થા કદમ્બવન-વાસિની ।
સુધાસાગર-મધ્યસ્થા કામાક્ષી કામદાયિની ॥ ૨૩ ॥
દેવર્ષિ-ગણ-સંઘાત-સ્તૂયમાનાત્મ-વૈભવા ।
ભણ્ડાસુર-વધોદ્યુક્ત-શક્તિસેના-સમન્વિતા ॥ ૨૪ ॥
સમ્પત્કરી-સમારૂઢ-સિન્ધુર-વ્રજ-સેવિતા ।
અશ્વારૂઢાધિષ્ઠિતાશ્વ-કોટિ-કોટિભિરાવૃતા ॥ ૨૫ ॥
ચક્રરાજ-રથારૂઢ-સર્વાયુધ-પરિષ્કૃતા ।
ગેયચક્ર-રથારૂઢ-મન્ત્રિણી-પરિસેવિતા ॥ ૨૬ ॥
કિરિચક્ર-રથારૂઢ-દણ્ડનાથા-પુરસ્કૃતા ।
જ્વાલા-માલિનિકાક્ષિપ્ત-વહ્નિપ્રાકાર-મધ્યગા ॥ ૨૭ ॥
ભણ્ડસૈન્ય-વધોદ્યુક્ત-શક્તિ-વિક્રમ-હર્ષિતા ।
નિત્યા-પરાક્રમાટોપ-નિરીક્ષણ-સમુત્સુકા ॥ ૨૮ ॥
ભણ્ડપુત્ર-વધોદ્યુક્ત-બાલા-વિક્રમ-નન્દિતા ।
મન્ત્રિણ્યમ્બા-વિરચિત-વિષઙ્ગ-વધ-તોષિતા ॥ ૨૯ ॥
વિશુક્ર-પ્રાણહરણ-વારાહી-વીર્ય-નન્દિતા ।
કામેશ્વર-મુખાલોક-કલ્પિત-શ્રીગણેશ્વરા ॥ ૩૦ ॥
મહાગણેશ-નિર્ભિન્ન-વિઘ્નયન્ત્ર-પ્રહર્ષિતા ।
ભણ્ડાસુરેન્દ્ર-નિર્મુક્ત-શસ્ત્ર-પ્રત્યસ્ત્ર-વર્ષિણી ॥ ૩૧ ॥
કરાઙ્ગુલિ-નખોત્પન્ન-નારાયણ-દશાકૃતિઃ ।
મહા-પાશુપતાસ્ત્રાગ્નિ-નિર્દગ્ધાસુર-સૈનિકા ॥ ૩૨ ॥
કામેશ્વરાસ્ત્ર-નિર્દગ્ધ-સભણ્ડાસુર-શૂન્યકા ।
બ્રહ્મોપેન્દ્ર-મહેન્દ્રાદિ-દેવ-સંસ્તુત-વૈભવા ॥ ૩૩ ॥
હર-નેત્રાગ્નિ-સંદગ્ધ-કામ-સઞ્જીવનૌષધિઃ ।
શ્રીમદ્વાગ્ભવ-કૂટૈક-સ્વરૂપ-મુખ-પઙ્કજા ॥ ૩૪ ॥
કણ્ઠાધઃ-કટિ-પર્યન્ત-મધ્યકૂટ-સ્વરૂપિણી ।
શક્તિ-કૂટૈકતાપન્ન-કટ્યધોભાગ-ધારિણી ॥ ૩૫ ॥
મૂલ-મન્ત્રાત્મિકા મૂલકૂટત્રય-કલેબરા ।
કુલામૃતૈક-રસિકા કુલસંકેત-પાલિની ॥ ૩૬ ॥
કુલાઙ્ગના કુલાન્તસ્થા કૌલિની કુલયોગિની ।
અકુલા સમયાન્તસ્થા સમયાચાર-તત્પરા ॥ ૩૭ ॥
મૂલાધારૈક-નિલયા બ્રહ્મગ્રન્થિ-વિભેદિની ।
મણિ-પૂરાન્તરુદિતા વિષ્ણુગ્રન્થિ-વિભેદિની ॥ ૩૮ ॥
આજ્ઞા-ચક્રાન્તરાલસ્થા રુદ્રગ્રન્થિ-વિભેદિની ।
સહસ્રારામ્બુજારૂઢા સુધા-સારાભિવર્ષિણી ॥ ૩૯ ॥
તડિલ્લતા-સમરુચિઃ ષટ્ચક્રોપરિ-સંસ્થિતા ।
મહાસક્તિઃ કુણ્ડલિની બિસતન્તુ-તનીયસી ॥ ૪૦ ॥
ભવાની ભાવનાગમ્યા ભવારણ્ય-કુઠારિકા ।
ભદ્રપ્રિયા ભદ્રમૂર્તિર્ ભક્ત-સૌભાગ્યદાયિની ॥ ૪૧ ॥
ભક્તિપ્રિયા ભક્તિગમ્યા ભક્તિવશ્યા ભયાપહા ।
શામ્ભવી શારદારાધ્યા શર્વાણી શર્મદાયિની ॥ ૪૨ ॥
શાઙ્કરી શ્રીકરી સાધ્વી શરચ્ચન્દ્ર-નિભાનના ।
શાતોદરી શાન્તિમતી નિરાધારા નિરઞ્જના ॥ ૪૩ ॥
નિર્લેપા નિર્મલા નિત્યા નિરાકારા નિરાકુલા ।
નિર્ગુણા નિષ્કલા શાન્તા નિષ્કામા નિરુપપ્લવા ॥ ૪૪ ॥
નિત્યમુક્તા નિર્વિકારા નિષ્પ્રપઞ્ચા નિરાશ્રયા ।
નિત્યશુદ્ધા નિત્યબુદ્ધા નિરવદ્યા નિરન્તરા ॥ ૪૫ ॥
નિષ્કારણા નિષ્કલઙ્કા નિરુપાધિર્ નિરીશ્વરા ।
નીરાગા રાગમથની નિર્મદા મદનાશિની ॥ ૪૬ ॥
નિશ્ચિન્તા નિરહંકારા નિર્મોહા મોહનાશિની ।
નિર્મમા મમતાહન્ત્રી નિષ્પાપા પાપનાશિની ॥ ૪૭ ॥
નિષ્ક્રોધા ક્રોધશમની નિર્લોભા લોભનાશિની ।
નિઃસંશયા સંશયઘ્ની નિર્ભવા ભવનાશિની ॥ ૪૮ ॥ or નિસ્સંશયા
નિર્વિકલ્પા નિરાબાધા નિર્ભેદા ભેદનાશિની ।
નિર્નાશા મૃત્યુમથની નિષ્ક્રિયા નિષ્પરિગ્રહા ॥ ૪૯ ॥
નિસ્તુલા નીલચિકુરા નિરપાયા નિરત્યયા ।
દુર્લભા દુર્ગમા દુર્ગા દુઃખહન્ત્રી સુખપ્રદા ॥ ૫૦ ॥
દુષ્ટદૂરા દુરાચાર-શમની દોષવર્જિતા ।
સર્વજ્ઞા સાન્દ્રકરુણા સમાનાધિક-વર્જિતા ॥ ૫૧ ॥
સર્વશક્તિમયી સર્વ-મઙ્ગલા સદ્ગતિપ્રદા ।
સર્વેશ્વરી સર્વમયી સર્વમન્ત્ર-સ્વરૂપિણી ॥ ૫૨ ॥
સર્વ-યન્ત્રાત્મિકા સર્વ-તન્ત્રરૂપા મનોન્મની ।
માહેશ્વરી મહાદેવી મહાલક્ષ્મીર્ મૃડપ્રિયા ॥ ૫૩ ॥
મહારૂપા મહાપૂજ્યા મહાપાતક-નાશિની ।
મહામાયા મહાસત્ત્વા મહાશક્તિર્ મહારતિઃ ॥ ૫૪ ॥
મહાભોગા મહૈશ્વર્યા મહાવીર્યા મહાબલા ।
મહાબુદ્ધિર્ મહાસિદ્ધિર્ મહાયોગેશ્વરેશ્વરી ॥ ૫૫ ॥
મહાતન્ત્રા મહામન્ત્રા મહાયન્ત્રા મહાસના ।
મહાયાગ-ક્રમારાધ્યા મહાભૈરવ-પૂજિતા ॥ ૫૬ ॥
મહેશ્વર-મહાકલ્પ-મહાતાણ્ડવ-સાક્ષિણી ।
મહાકામેશ-મહિષી મહાત્રિપુર-સુન્દરી ॥ ૫૭ ॥
ચતુઃષષ્ટ્યુપચારાઢ્યા ચતુઃષષ્ટિકલામયી ।
મહાચતુઃ-ષષ્ટિકોટિ-યોગિની-ગણસેવિતા ॥ ૫૮ ॥
મનુવિદ્યા ચન્દ્રવિદ્યા ચન્દ્રમણ્ડલ-મધ્યગા ।
ચારુરૂપા ચારુહાસા ચારુચન્દ્ર-કલાધરા ॥ ૫૯ ॥
ચરાચર-જગન્નાથા ચક્રરાજ-નિકેતના ।
પાર્વતી પદ્મનયના પદ્મરાગ-સમપ્રભા ॥ ૬૦ ॥
પઞ્ચ-પ્રેતાસનાસીના પઞ્ચબ્રહ્મ-સ્વરૂપિણી ।
ચિન્મયી પરમાનન્દા વિજ્ઞાન-ઘનરૂપિણી ॥ ૬૧ ॥
ધ્યાન-ધ્યાતૃ-ધ્યેયરૂપા ધર્માધર્મ-વિવર્જિતા ।
વિશ્વરૂપા જાગરિણી સ્વપન્તી તૈજસાત્મિકા ॥ ૬૨ ॥
સુપ્તા પ્રાજ્ઞાત્મિકા તુર્યા સર્વાવસ્થા-વિવર્જિતા ।
સૃષ્ટિકર્ત્રી બ્રહ્મરૂપા ગોપ્ત્રી ગોવિન્દરૂપિણી ॥ ૬૩ ॥
સંહારિણી રુદ્રરૂપા તિરોધાન-કરીશ્વરી ।
સદાશિવાઽનુગ્રહદા પઞ્ચકૃત્ય-પરાયણા ॥ ૬૪ ॥
ભાનુમણ્ડલ-મધ્યસ્થા ભૈરવી ભગમાલિની ।
પદ્માસના ભગવતી પદ્મનાભ-સહોદરી ॥ ૬૫ ॥
ઉન્મેષ-નિમિષોત્પન્ન-વિપન્ન-ભુવનાવલી ।
સહસ્ર-શીર્ષવદના સહસ્રાક્ષી સહસ્રપાત્ ॥ ૬૬ ॥
આબ્રહ્મ-કીટ-જનની વર્ણાશ્રમ-વિધાયિની ।
નિજાજ્ઞારૂપ-નિગમા પુણ્યાપુણ્ય-ફલપ્રદા ॥ ૬૭ ॥
શ્રુતિ-સીમન્ત-સિન્દૂરી-કૃત-પાદાબ્જ-ધૂલિકા ।
સકલાગમ-સન્દોહ-શુક્તિ-સમ્પુટ-મૌક્તિકા ॥ ૬૮ ॥
પુરુષાર્થપ્રદા પૂર્ણા ભોગિની ભુવનેશ્વરી ।
અમ્બિકાઽનાદિ-નિધના હરિબ્રહ્મેન્દ્ર-સેવિતા ॥ ૬૯ ॥
નારાયણી નાદરૂપા નામરૂપ-વિવર્જિતા ।
હ્રીંકારી હ્રીમતી હૃદ્યા હેયોપાદેય-વર્જિતા ॥ ૭૦ ॥
રાજરાજાર્ચિતા રાજ્ઞી રમ્યા રાજીવલોચના ।
રઞ્જની રમણી રસ્યા રણત્કિઙ્કિણિ-મેખલા ॥ ૭૧ ॥
રમા રાકેન્દુવદના રતિરૂપા રતિપ્રિયા ।
રક્ષાકરી રાક્ષસઘ્ની રામા રમણલમ્પટા ॥ ૭૨ ॥
કામ્યા કામકલારૂપા કદમ્બ-કુસુમ-પ્રિયા ।
કલ્યાણી જગતીકન્દા કરુણા-રસ-સાગરા ॥ ૭૩ ॥
કલાવતી કલાલાપા કાન્તા કાદમ્બરીપ્રિયા ।
વરદા વામનયના વારુણી-મદ-વિહ્વલા ॥ ૭૪ ॥
વિશ્વાધિકા વેદવેદ્યા વિન્ધ્યાચલ-નિવાસિની ।
વિધાત્રી વેદજનની વિષ્ણુમાયા વિલાસિની ॥ ૭૫ ॥
ક્ષેત્રસ્વરૂપા ક્ષેત્રેશી ક્ષેત્ર-ક્ષેત્રજ્ઞ-પાલિની ।
ક્ષયવૃદ્ધિ-વિનિર્મુક્તા ક્ષેત્રપાલ-સમર્ચિતા ॥ ૭૬ ॥
વિજયા વિમલા વન્દ્યા વન્દારુ-જન-વત્સલા ।
વાગ્વાદિની વામકેશી વહ્નિમણ્ડલ-વાસિની ॥ ૭૭ ॥
ભક્તિમત્-કલ્પલતિકા પશુપાશ-વિમોચિની ।
સંહૃતાશેષ-પાષણ્ડા સદાચાર-પ્રવર્તિકા ॥ ૭૮ ॥ or પાખણ્ડા
તાપત્રયાગ્નિ-સન્તપ્ત-સમાહ્લાદન-ચન્દ્રિકા ।
તરુણી તાપસારાધ્યા તનુમધ્યા તમોઽપહા ॥ ૭૯ ॥
ચિતિસ્તત્પદ-લક્ષ્યાર્થા ચિદેકરસ-રૂપિણી ।
સ્વાત્માનન્દ-લવીભૂત-બ્રહ્માદ્યાનન્દ-સન્તતિઃ ॥ ૮૦ ॥
પરા પ્રત્યક્ચિતીરૂપા પશ્યન્તી પરદેવતા ।
મધ્યમા વૈખરીરૂપા ભક્ત-માનસ-હંસિકા ॥ ૮૧ ॥
કામેશ્વર-પ્રાણનાડી કૃતજ્ઞા કામપૂજિતા ।
શૃઙ્ગાર-રસ-સમ્પૂર્ણા જયા જાલન્ધર-સ્થિતા ॥ ૮૨ ॥
ઓડ્યાણપીઠ-નિલયા બિન્દુ-મણ્ડલવાસિની ।
રહોયાગ-ક્રમારાધ્યા રહસ્તર્પણ-તર્પિતા ॥ ૮૩ ॥
સદ્યઃપ્રસાદિની વિશ્વ-સાક્ષિણી સાક્ષિવર્જિતા ।
ષડઙ્ગદેવતા-યુક્તા ષાડ્ગુણ્ય-પરિપૂરિતા ॥ ૮૪ ॥
નિત્યક્લિન્ના નિરુપમા નિર્વાણ-સુખ-દાયિની ।
નિત્યા-ષોડશિકા-રૂપા શ્રીકણ્ઠાર્ધ-શરીરિણી ॥ ૮૫ ॥
પ્રભાવતી પ્રભારૂપા પ્રસિદ્ધા પરમેશ્વરી ।
મૂલપ્રકૃતિર્ અવ્યક્તા વ્યક્તાવ્યક્ત-સ્વરૂપિણી ॥ ૮૬ ॥
વ્યાપિની વિવિધાકારા વિદ્યાવિદ્યા-સ્વરૂપિણી ।
મહાકામેશ-નયન-કુમુદાહ્લાદ-કૌમુદી ॥ ૮૭ ॥
ભક્ત-હાર્દ-તમોભેદ-ભાનુમદ્ભાનુ-સન્તતિઃ ।
શિવદૂતી શિવારાધ્યા શિવમૂર્તિઃ શિવઙ્કરી ॥ ૮૮ ॥
શિવપ્રિયા શિવપરા શિષ્ટેષ્ટા શિષ્ટપૂજિતા ।
અપ્રમેયા સ્વપ્રકાશા મનોવાચામગોચરા ॥ ૮૯ ॥
ચિચ્છક્તિશ્ ચેતનારૂપા જડશક્તિર્ જડાત્મિકા ।
ગાયત્રી વ્યાહૃતિઃ સન્ધ્યા દ્વિજબૃન્દ-નિષેવિતા ॥ ૯૦ ॥
તત્ત્વાસના તત્ત્વમયી પઞ્ચ-કોશાન્તર-સ્થિતા ।
નિઃસીમ-મહિમા નિત્ય-યૌવના મદશાલિની ॥ ૯૧ ॥ or નિસ્સીમ
મદઘૂર્ણિત-રક્તાક્ષી મદપાટલ-ગણ્ડભૂઃ ।
ચન્દન-દ્રવ-દિગ્ધાઙ્ગી ચામ્પેય-કુસુમ-પ્રિયા ॥ ૯૨ ॥
કુશલા કોમલાકારા કુરુકુલ્લા કુલેશ્વરી ।
કુલકુણ્ડાલયા કૌલ-માર્ગ-તત્પર-સેવિતા ॥ ૯૩ ॥
કુમાર-ગણનાથામ્બા તુષ્ટિઃ પુષ્ટિર્ મતિર્ ધૃતિઃ ।
શાન્તિઃ સ્વસ્તિમતી કાન્તિર્ નન્દિની વિઘ્નનાશિની ॥ ૯૪ ॥
તેજોવતી ત્રિનયના લોલાક્ષી-કામરૂપિણી ।
માલિની હંસિની માતા મલયાચલ-વાસિની ॥ ૯૫ ॥
સુમુખી નલિની સુભ્રૂઃ શોભના સુરનાયિકા ।
કાલકણ્ઠી કાન્તિમતી ક્ષોભિણી સૂક્ષ્મરૂપિણી ॥ ૯૬ ॥
વજ્રેશ્વરી વામદેવી વયોઽવસ્થા-વિવર્જિતા ।
સિદ્ધેશ્વરી સિદ્ધવિદ્યા સિદ્ધમાતા યશસ્વિની ॥ ૯૭ ॥
વિશુદ્ધિચક્ર-નિલયાઽઽરક્તવર્ણા ત્રિલોચના ।
ખટ્વાઙ્ગાદિ-પ્રહરણા વદનૈક-સમન્વિતા ॥ ૯૮ ॥
પાયસાન્નપ્રિયા ત્વક્સ્થા પશુલોક-ભયઙ્કરી ।
અમૃતાદિ-મહાશક્તિ-સંવૃતા ડાકિનીશ્વરી ॥ ૯૯ ॥
અનાહતાબ્જ-નિલયા શ્યામાભા વદનદ્વયા ।
દંષ્ટ્રોજ્જ્વલાઽક્ષ-માલાદિ-ધરા રુધિરસંસ્થિતા ॥ ૧૦૦ ॥
કાલરાત્ર્યાદિ-શક્ત્યૌઘ-વૃતા સ્નિગ્ધૌદનપ્રિયા ।
મહાવીરેન્દ્ર-વરદા રાકિણ્યમ્બા-સ્વરૂપિણી ॥ ૧૦૧ ॥
મણિપૂરાબ્જ-નિલયા વદનત્રય-સંયુતા ।
વજ્રાદિકાયુધોપેતા ડામર્યાદિભિરાવૃતા ॥ ૧૦૨ ॥
રક્તવર્ણા માંસનિષ્ઠા ગુડાન્ન-પ્રીત-માનસા ।
સમસ્તભક્ત-સુખદા લાકિન્યમ્બા-સ્વરૂપિણી ॥ ૧૦૩ ॥
સ્વાધિષ્ઠાનામ્બુજ-ગતા ચતુર્વક્ત્ર-મનોહરા ।
શૂલાદ્યાયુધ-સમ્પન્ના પીતવર્ણાઽતિગર્વિતા ॥ ૧૦૪ ॥
મેદોનિષ્ઠા મધુપ્રીતા બન્ધિન્યાદિ-સમન્વિતા ।
દધ્યન્નાસક્ત-હૃદયા કાકિની-રૂપ-ધારિણી ॥ ૧૦૫ ॥
મૂલાધારામ્બુજારૂઢા પઞ્ચ-વક્ત્રાઽસ્થિ-સંસ્થિતા ।
અઙ્કુશાદિ-પ્રહરણા વરદાદિ-નિષેવિતા ॥ ૧૦૬ ॥
મુદ્ગૌદનાસક્ત-ચિત્તા સાકિન્યમ્બા-સ્વરૂપિણી ।
આજ્ઞા-ચક્રાબ્જ-નિલયા શુક્લવર્ણા ષડાનના ॥ ૧૦૭ ॥
મજ્જાસંસ્થા હંસવતી-મુખ્ય-શક્તિ-સમન્વિતા ।
હરિદ્રાન્નૈક-રસિકા હાકિની-રૂપ-ધારિણી ॥ ૧૦૮ ॥
સહસ્રદલ-પદ્મસ્થા સર્વ-વર્ણોપ-શોભિતા ।
સર્વાયુધધરા શુક્લ-સંસ્થિતા સર્વતોમુખી ॥ ૧૦૯ ॥
સર્વૌદન-પ્રીતચિત્તા યાકિન્યમ્બા-સ્વરૂપિણી ।
સ્વાહા સ્વધાઽમતિર્ મેધા શ્રુતિઃ સ્મૃતિર્ અનુત્તમા ॥ ૧૧૦ ॥
પુણ્યકીર્તિઃ પુણ્યલભ્યા પુણ્યશ્રવણ-કીર્તના ।
પુલોમજાર્ચિતા બન્ધ-મોચની બન્ધુરાલકા ॥ ૧૧૧ ॥ or મોચની બર્બરાલકા
વિમર્શરૂપિણી વિદ્યા વિયદાદિ-જગત્પ્રસૂઃ ।
સર્વવ્યાધિ-પ્રશમની સર્વમૃત્યુ-નિવારિણી ॥ ૧૧૨ ॥
અગ્રગણ્યાઽચિન્ત્યરૂપા કલિકલ્મષ-નાશિની ।
કાત્યાયની કાલહન્ત્રી કમલાક્ષ-નિષેવિતા ॥ ૧૧૩ ॥
તામ્બૂલ-પૂરિત-મુખી દાડિમી-કુસુમ-પ્રભા ।
મૃગાક્ષી મોહિની મુખ્યા મૃડાની મિત્રરૂપિણી ॥ ૧૧૪ ॥
નિત્યતૃપ્તા ભક્તનિધિર્ નિયન્ત્રી નિખિલેશ્વરી ।
મૈત્ર્યાદિ-વાસનાલભ્યા મહાપ્રલય-સાક્ષિણી ॥ ૧૧૫ ॥
પરા શક્તિઃ પરા નિષ્ઠા પ્રજ્ઞાનઘન-રૂપિણી ।
માધ્વીપાનાલસા મત્તા માતૃકા-વર્ણ-રૂપિણી ॥ ૧૧૬ ॥
મહાકૈલાસ-નિલયા મૃણાલ-મૃદુ-દોર્લતા ।
મહનીયા દયામૂર્તિર્ મહાસામ્રાજ્ય-શાલિની ॥ ૧૧૭ ॥
આત્મવિદ્યા મહાવિદ્યા શ્રીવિદ્યા કામસેવિતા ।
શ્રી-ષોડશાક્ષરી-વિદ્યા ત્રિકૂટા કામકોટિકા ॥ ૧૧૮ ॥
કટાક્ષ-કિઙ્કરી-ભૂત-કમલા-કોટિ-સેવિતા ।
શિરઃસ્થિતા ચન્દ્રનિભા ભાલસ્થેન્દ્ર-ધનુઃપ્રભા ॥ ૧૧૯ ॥
હૃદયસ્થા રવિપ્રખ્યા ત્રિકોણાન્તર-દીપિકા ।
દાક્ષાયણી દૈત્યહન્ત્રી દક્ષયજ્ઞ-વિનાશિની ॥ ૧૨૦ ॥
દરાન્દોલિત-દીર્ઘાક્ષી દર-હાસોજ્જ્વલન્-મુખી ।
ગુરુમૂર્તિર્ ગુણનિધિર્ ગોમાતા ગુહજન્મભૂઃ ॥ ૧૨૧ ॥
દેવેશી દણ્ડનીતિસ્થા દહરાકાશ-રૂપિણી ।
પ્રતિપન્મુખ્ય-રાકાન્ત-તિથિ-મણ્ડલ-પૂજિતા ॥ ૧૨૨ ॥
કલાત્મિકા કલાનાથા કાવ્યાલાપ-વિનોદિની । or વિમોદિની
સચામર-રમા-વાણી-સવ્ય-દક્ષિણ-સેવિતા ॥ ૧૨૩ ॥
આદિશક્તિર્ અમેયાઽઽત્મા પરમા પાવનાકૃતિઃ ।
અનેકકોટિ-બ્રહ્માણ્ડ-જનની દિવ્યવિગ્રહા ॥ ૧૨૪ ॥
ક્લીંકારી કેવલા ગુહ્યા કૈવલ્ય-પદદાયિની ।
ત્રિપુરા ત્રિજગદ્વન્દ્યા ત્રિમૂર્તિસ્ ત્રિદશેશ્વરી ॥ ૧૨૫ ॥
ત્ર્યક્ષરી દિવ્ય-ગન્ધાઢ્યા સિન્દૂર-તિલકાઞ્ચિતા ।
ઉમા શૈલેન્દ્રતનયા ગૌરી ગન્ધર્વ-સેવિતા ॥ ૧૨૬ ॥
વિશ્વગર્ભા સ્વર્ણગર્ભાઽવરદા વાગધીશ્વરી ।
ધ્યાનગમ્યાઽપરિચ્છેદ્યા જ્ઞાનદા જ્ઞાનવિગ્રહા ॥ ૧૨૭ ॥
સર્વવેદાન્ત-સંવેદ્યા સત્યાનન્દ-સ્વરૂપિણી ।
લોપામુદ્રાર્ચિતા લીલા-કૢપ્ત-બ્રહ્માણ્ડ-મણ્ડલા ॥ ૧૨૮ ॥
અદૃશ્યા દૃશ્યરહિતા વિજ્ઞાત્રી વેદ્યવર્જિતા ।
યોગિની યોગદા યોગ્યા યોગાનન્દા યુગન્ધરા ॥ ૧૨૯ ॥
ઇચ્છાશક્તિ-જ્ઞાનશક્તિ-ક્રિયાશક્તિ-સ્વરૂપિણી ।
સર્વાધારા સુપ્રતિષ્ઠા સદસદ્રૂપ-ધારિણી ॥ ૧૩૦ ॥
અષ્ટમૂર્તિર્ અજાજૈત્રી લોકયાત્રા-વિધાયિની । or અજાજેત્રી
એકાકિની ભૂમરૂપા નિર્દ્વૈતા દ્વૈતવર્જિતા ॥ ૧૩૧ ॥
અન્નદા વસુદા વૃદ્ધા બ્રહ્માત્મૈક્ય-સ્વરૂપિણી ।
બૃહતી બ્રાહ્મણી બ્રાહ્મી બ્રહ્માનન્દા બલિપ્રિયા ॥ ૧૩૨ ॥
ભાષારૂપા બૃહત્સેના ભાવાભાવ-વિવર્જિતા ।
સુખારાધ્યા શુભકરી શોભના સુલભા ગતિઃ ॥ ૧૩૩ ॥
રાજ-રાજેશ્વરી રાજ્ય-દાયિની રાજ્ય-વલ્લભા ।
રાજત્કૃપા રાજપીઠ-નિવેશિત-નિજાશ્રિતા ॥ ૧૩૪ ॥
રાજ્યલક્ષ્મીઃ કોશનાથા ચતુરઙ્ગ-બલેશ્વરી ।
સામ્રાજ્ય-દાયિની સત્યસન્ધા સાગરમેખલા ॥ ૧૩૫ ॥
દીક્ષિતા દૈત્યશમની સર્વલોક-વશઙ્કરી ।
સર્વાર્થદાત્રી સાવિત્રી સચ્ચિદાનન્દ-રૂપિણી ॥ ૧૩૬ ॥
દેશ-કાલાપરિચ્છિન્ના સર્વગા સર્વમોહિની ।
સરસ્વતી શાસ્ત્રમયી ગુહામ્બા ગુહ્યરૂપિણી ॥ ૧૩૭ ॥
સર્વોપાધિ-વિનિર્મુક્તા સદાશિવ-પતિવ્રતા ।
સમ્પ્રદાયેશ્વરી સાધ્વી ગુરુમણ્ડલ-રૂપિણી ॥ ૧૩૮ ॥
કુલોત્તીર્ણા ભગારાધ્યા માયા મધુમતી મહી ।
ગણામ્બા ગુહ્યકારાધ્યા કોમલાઙ્ગી ગુરુપ્રિયા ॥ ૧૩૯ ॥
સ્વતન્ત્રા સર્વતન્ત્રેશી દક્ષિણામૂર્તિ-રૂપિણી ।
સનકાદિ-સમારાધ્યા શિવજ્ઞાન-પ્રદાયિની ॥ ૧૪૦ ॥
ચિત્કલાઽઽનન્દ-કલિકા પ્રેમરૂપા પ્રિયઙ્કરી ।
નામપારાયણ-પ્રીતા નન્દિવિદ્યા નટેશ્વરી ॥ ૧૪૧ ॥
મિથ્યા-જગદધિષ્ઠાના મુક્તિદા મુક્તિરૂપિણી ।
લાસ્યપ્રિયા લયકરી લજ્જા રમ્ભાદિવન્દિતા ॥ ૧૪૨ ॥
ભવદાવ-સુધાવૃષ્ટિઃ પાપારણ્ય-દવાનલા ।
દૌર્ભાગ્ય-તૂલવાતૂલા જરાધ્વાન્ત-રવિપ્રભા ॥ ૧૪૩ ॥
ભાગ્યાબ્ધિ-ચન્દ્રિકા ભક્ત-ચિત્તકેકિ-ઘનાઘના ।
રોગપર્વત-દમ્ભોલિર્ મૃત્યુદારુ-કુઠારિકા ॥ ૧૪૪ ॥
મહેશ્વરી મહાકાલી મહાગ્રાસા મહાશના ।
અપર્ણા ચણ્ડિકા ચણ્ડમુણ્ડાસુર-નિષૂદિની ॥ ૧૪૫ ॥
ક્ષરાક્ષરાત્મિકા સર્વ-લોકેશી વિશ્વધારિણી ।
ત્રિવર્ગદાત્રી સુભગા ત્ર્યમ્બકા ત્રિગુણાત્મિકા ॥ ૧૪૬ ॥
સ્વર્ગાપવર્ગદા શુદ્ધા જપાપુષ્પ-નિભાકૃતિઃ ।
ઓજોવતી દ્યુતિધરા યજ્ઞરૂપા પ્રિયવ્રતા ॥ ૧૪૭ ॥
દુરારાધ્યા દુરાધર્ષા પાટલી-કુસુમ-પ્રિયા ।
મહતી મેરુનિલયા મન્દાર-કુસુમ-પ્રિયા ॥ ૧૪૮ ॥
વીરારાધ્યા વિરાડ્રૂપા વિરજા વિશ્વતોમુખી ।
પ્રત્યગ્રૂપા પરાકાશા પ્રાણદા પ્રાણરૂપિણી ॥ ૧૪૯ ॥
માર્તાણ્ડ-ભૈરવારાધ્યા મન્ત્રિણીન્યસ્ત-રાજ્યધૂઃ । or માર્તણ્ડ
ત્રિપુરેશી જયત્સેના નિસ્ત્રૈગુણ્યા પરાપરા ॥ ૧૫૦ ॥
સત્ય-જ્ઞાનાનન્દ-રૂપા સામરસ્ય-પરાયણા ।
કપર્દિની કલામાલા કામધુક્ કામરૂપિણી ॥ ૧૫૧ ॥
કલાનિધિઃ કાવ્યકલા રસજ્ઞા રસશેવધિઃ ।
પુષ્ટા પુરાતના પૂજ્યા પુષ્કરા પુષ્કરેક્ષણા ॥ ૧૫૨ ॥
પરંજ્યોતિઃ પરંધામ પરમાણુઃ પરાત્પરા ।
પાશહસ્તા પાશહન્ત્રી પરમન્ત્ર-વિભેદિની ॥ ૧૫૩ ॥
મૂર્તાઽમૂર્તાઽનિત્યતૃપ્તા મુનિમાનસ-હંસિકા ।
સત્યવ્રતા સત્યરૂપા સર્વાન્તર્યામિની સતી ॥ ૧૫૪ ॥
બ્રહ્માણી બ્રહ્મજનની બહુરૂપા બુધાર્ચિતા ।
પ્રસવિત્રી પ્રચણ્ડાઽઽજ્ઞા પ્રતિષ્ઠા પ્રકટાકૃતિઃ ॥ ૧૫૫ ॥
પ્રાણેશ્વરી પ્રાણદાત્રી પઞ્ચાશત્પીઠ-રૂપિણી ।
વિશૃઙ્ખલા વિવિક્તસ્થા વીરમાતા વિયત્પ્રસૂઃ ॥ ૧૫૬ ॥
મુકુન્દા મુક્તિનિલયા મૂલવિગ્રહ-રૂપિણી ।
ભાવજ્ઞા ભવરોગઘ્ની ભવચક્ર-પ્રવર્તિની ॥ ૧૫૭ ॥
છન્દઃસારા શાસ્ત્રસારા મન્ત્રસારા તલોદરી ।
ઉદારકીર્તિર્ ઉદ્દામવૈભવા વર્ણરૂપિણી ॥ ૧૫૮ ॥
જન્મમૃત્યુ-જરાતપ્ત-જનવિશ્રાન્તિ-દાયિની ।
સર્વોપનિષ-દુદ્-ઘુષ્ટા શાન્ત્યતીત-કલાત્મિકા ॥ ૧૫૯ ॥
ગમ્ભીરા ગગનાન્તસ્થા ગર્વિતા ગાનલોલુપા ।
કલ્પના-રહિતા કાષ્ઠાઽકાન્તા કાન્તાર્ધ-વિગ્રહા ॥ ૧૬૦ ॥
કાર્યકારણ-નિર્મુક્તા કામકેલિ-તરઙ્ગિતા ।
કનત્કનકતા-ટઙ્કા લીલા-વિગ્રહ-ધારિણી ॥ ૧૬૧ ॥
અજા ક્ષયવિનિર્મુક્તા મુગ્ધા ક્ષિપ્ર-પ્રસાદિની ।
અન્તર્મુખ-સમારાધ્યા બહિર્મુખ-સુદુર્લભા ॥ ૧૬૨ ॥
ત્રયી ત્રિવર્ગનિલયા ત્રિસ્થા ત્રિપુરમાલિની ।
નિરામયા નિરાલમ્બા સ્વાત્મારામા સુધાસૃતિઃ ॥ ૧૬૩ ॥ or સુધાસ્રુતિઃ
સંસારપઙ્ક-નિર્મગ્ન-સમુદ્ધરણ-પણ્ડિતા ।
યજ્ઞપ્રિયા યજ્ઞકર્ત્રી યજમાન-સ્વરૂપિણી ॥ ૧૬૪ ॥
ધર્માધારા ધનાધ્યક્ષા ધનધાન્ય-વિવર્ધિની ।
વિપ્રપ્રિયા વિપ્રરૂપા વિશ્વભ્રમણ-કારિણી ॥ ૧૬૫ ॥
વિશ્વગ્રાસા વિદ્રુમાભા વૈષ્ણવી વિષ્ણુરૂપિણી ।
અયોનિર્ યોનિનિલયા કૂટસ્થા કુલરૂપિણી ॥ ૧૬૬ ॥
વીરગોષ્ઠીપ્રિયા વીરા નૈષ્કર્મ્યા નાદરૂપિણી ।
વિજ્ઞાનકલના કલ્યા વિદગ્ધા બૈન્દવાસના ॥ ૧૬૭ ॥
તત્ત્વાધિકા તત્ત્વમયી તત્ત્વમર્થ-સ્વરૂપિણી ।
સામગાનપ્રિયા સૌમ્યા સદાશિવ-કુટુમ્બિની ॥ ૧૬૮ ॥ or સોમ્યા
સવ્યાપસવ્ય-માર્ગસ્થા સર્વાપદ્વિનિવારિણી ।
સ્વસ્થા સ્વભાવમધુરા ધીરા ધીરસમર્ચિતા ॥ ૧૬૯ ॥
ચૈતન્યાર્ઘ્ય-સમારાધ્યા ચૈતન્ય-કુસુમપ્રિયા ।
સદોદિતા સદાતુષ્ટા તરુણાદિત્ય-પાટલા ॥ ૧૭૦ ॥
દક્ષિણા-દક્ષિણારાધ્યા દરસ્મેર-મુખામ્બુજા ।
કૌલિની-કેવલાઽનર્ઘ્ય-કૈવલ્ય-પદદાયિની ॥ ૧૭૧ ॥
સ્તોત્રપ્રિયા સ્તુતિમતી શ્રુતિ-સંસ્તુત-વૈભવા ।
મનસ્વિની માનવતી મહેશી મઙ્ગલાકૃતિઃ ॥ ૧૭૨ ॥
વિશ્વમાતા જગદ્ધાત્રી વિશાલાક્ષી વિરાગિણી ।
પ્રગલ્ભા પરમોદારા પરામોદા મનોમયી ॥ ૧૭૩ ॥
વ્યોમકેશી વિમાનસ્થા વજ્રિણી વામકેશ્વરી ।
પઞ્ચયજ્ઞ-પ્રિયા પઞ્ચ-પ્રેત-મઞ્ચાધિશાયિની ॥ ૧૭૪ ॥
પઞ્ચમી પઞ્ચભૂતેશી પઞ્ચ-સંખ્યોપચારિણી ।
શાશ્વતી શાશ્વતૈશ્વર્યા શર્મદા શમ્ભુમોહિની ॥ ૧૭૫ ॥
ધરા ધરસુતા ધન્યા ધર્મિણી ધર્મવર્ધિની ।
લોકાતીતા ગુણાતીતા સર્વાતીતા શમાત્મિકા ॥ ૧૭૬ ॥
બન્ધૂક-કુસુમપ્રખ્યા બાલા લીલાવિનોદિની ।
સુમઙ્ગલી સુખકરી સુવેષાઢ્યા સુવાસિની ॥ ૧૭૭ ॥
સુવાસિન્યર્ચન-પ્રીતાઽઽશોભના શુદ્ધમાનસા ।
બિન્દુ-તર્પણ-સન્તુષ્ટા પૂર્વજા ત્રિપુરામ્બિકા ॥ ૧૭૮ ॥
દશમુદ્રા-સમારાધ્યા ત્રિપુરાશ્રી-વશઙ્કરી ।
જ્ઞાનમુદ્રા જ્ઞાનગમ્યા જ્ઞાનજ્ઞેય-સ્વરૂપિણી ॥ ૧૭૯ ॥
યોનિમુદ્રા ત્રિખણ્ડેશી ત્રિગુણામ્બા ત્રિકોણગા ।
અનઘાઽદ્ભુત-ચારિત્રા વાઞ્છિતાર્થ-પ્રદાયિની ॥ ૧૮૦ ॥
અભ્યાસાતિશય-જ્ઞાતા ષડધ્વાતીત-રૂપિણી ।
અવ્યાજ-કરુણા-મૂર્તિર્ અજ્ઞાન-ધ્વાન્ત-દીપિકા ॥ ૧૮૧ ॥
આબાલ-ગોપ-વિદિતા સર્વાનુલ્લઙ્ઘ્ય-શાસના ।
શ્રીચક્રરાજ-નિલયા શ્રીમત્-ત્રિપુરસુન્દરી ॥ ૧૮૨ ॥
શ્રીશિવા શિવ-શક્ત્યૈક્ય-રૂપિણી લલિતામ્બિકા ।
એવં શ્રીલલિતા દેવ્યા નામ્નાં સાહસ્રકં જગુઃ ॥
॥ ઇતિ શ્રીબ્રહ્માણ્ડપુરાણે ઉત્તરખણ્ડે શ્રીહયગ્રીવાગસ્ત્યસંવાદે
શ્રીલલિતા સહસ્રનામ સ્તોત્ર કથનં સમ્પૂર્ણમ્ ॥
– Chant Stotra in Other Languages –
1000 Names of Sri Lalita Devi » Sahasranama Stotram Lyrics in Sanskrit » English » Bengali » Gujarati » Kannada » Malayalam » Telugu » Tamil