॥ Mahasarasvati Sahasranamastotram Kannada Lyrics ॥
॥ ಶ್ರೀ ಮಹಾಸರಸ್ವತೀ ಸಹಸ್ರನಾಮ ಸ್ತೋತ್ರಮ್ ॥
ಧ್ಯಾನಮ್
ಶ್ರೀಮಚ್ಚನ್ದನಚರ್ಚಿತೋಜ್ಜ್ವಲವಪುಃ ಶುಕ್ಲಾಮ್ಬರಾ ಮಲ್ಲಿಕಾ-
ಮಾಲಾಲಾಲಿತ ಕುನ್ತಲಾ ಪ್ರವಿಲಸನ್ಮುಕ್ತಾವಲೀಶೋಭನಾ ।
ಸರ್ವಜ್ಞಾನನಿಧಾನಪುಸ್ತಕಧರಾ ರುದ್ರಾಕ್ಷಮಾಲಾಂಕಿತಾ
ವಾಗ್ದೇವೀ ವದನಾಮ್ಬುಜೇ ವಸತು ಮೇ ತ್ರೈಲೋಕ್ಯಮಾತಾ ಶುಭಾ ॥
ಶ್ರೀನಾರದ ಉವಾಚ –
ಭಗವನ್ಪರಮೇಶಾನ ಸರ್ವಲೋಕೈಕನಾಯಕ ।
ಕಥಂ ಸರಸ್ವತೀ ಸಾಕ್ಷಾತ್ಪ್ರಸನ್ನಾ ಪರಮೇಷ್ಠಿನಃ ॥ 2 ॥
ಕಥಂ ದೇವ್ಯಾ ಮಹಾವಾಣ್ಯಾಃ ಸತತ್ಪ್ರಾಪ ಸುದುರ್ಲಭಮ್ ।
ಏತನ್ಮೇ ವದ ತತ್ವೇನ ಮಹಾಯೋಗೀಶ್ವರಪ್ರಭೋ ॥ 3 ॥
ಶ್ರೀಸನತ್ಕುಮಾರ ಉವಾಚ –
ಸಾಧು ಪೃಷ್ಟಂ ತ್ವಯಾ ಬ್ರಹ್ಮನ್ ಗುಹ್ಯಾದ್ಗುಹ್ಯ ಮನುತ್ತಮಮ್ ।
ಭಯಾನುಗೋಪಿತಂ ಯತ್ನಾದಿದಾನೀಂ ಸತ್ಪ್ರಕಾಶ್ಯತೇ ॥ 4 ॥
ಪುರಾ ಪಿತಾಮಹಂ ದೃಷ್ಟ್ವಾ ಜಗತ್ಸ್ಥಾವರಜಂಗಮಮ್ ।
ನಿರ್ವಿಕಾರಂ ನಿರಾಭಾಸಂ ಸ್ತಂಭೀಭೂತಮಚೇತಸಮ್ ॥ 5 ॥
ಸೃಷ್ಟ್ವಾ ತ್ರೈಲೋಕ್ಯಮಖಿಲಂ ವಾಗಭಾವಾತ್ತಥಾವಿಧಮ್ ।
ಆಧಿಕ್ಯಾಭಾವತಃ ಸ್ವಸ್ಯ ಪರಮೇಷ್ಠೀ ಜಗದ್ಗುರುಃ ॥ 6 ॥
ದಿವ್ಯವರ್ಷಾಯುತಂ ತೇನ ತಪೋ ದುಷ್ಕರ ಮುತ್ತಮಮ್ ।
ತತಃ ಕದಾಚಿತ್ಸಂಜಾತಾ ವಾಣೀ ಸರ್ವಾರ್ಥಶೋಭಿತಾ ॥ 7 ॥
ಅಹಮಸ್ಮಿ ಮಹಾವಿದ್ಯಾ ಸರ್ವವಾಚಾಮಧೀಶ್ವರೀ ।
ಮಮ ನಾಮ್ನಾಂ ಸಹಸ್ರಂ ತು ಉಪದೇಕ್ಷ್ಯಾಮ್ಯನುತ್ತಮಮ್ ॥ 8 ॥
ಅನೇನ ಸಂಸ್ತುತಾ ನಿತ್ಯಂ ಪತ್ನೀ ತವ ಭವಾಮ್ಯಹಮ್ ।
ತ್ವಯಾ ಸೃಷ್ಟಂ ಜಗತ್ಸರ್ವಂ ವಾಣೀಯುಕ್ತಂ ಭವಿಷ್ಯತಿ ॥ 9 ॥
ಇದಂ ರಹಸ್ಯಂ ಪರಮಂ ಮಮ ನಾಮಸಹಸ್ರಕಮ್ ।
ಸರ್ವಪಾಪೌಘಶಮನಂ ಮಹಾಸಾರಸ್ವತಪ್ರದಮ್ ॥ 10 ॥
ಮಹಾಕವಿತ್ವದಂ ಲೋಕೇ ವಾಗೀಶತ್ವಪ್ರದಾಯಕಮ್ ।
ತ್ವಂ ವಾ ಪರಃ ಪುಮಾನ್ಯಸ್ತುಸ್ತವೇನಾನೇನ ತೋಷಯೇತ್ ॥ 11 ॥
ತಸ್ಯಾಹಂ ಕಿಂಕರೀ ಸಾಕ್ಷಾದ್ಭವಿಷ್ಯಾಮಿ ನ ಸಂಶಯಃ ।
ಇತ್ಯುಕ್ತ್ವಾನ್ತರ್ದಧೇ ವಾಣೀ ತದಾರಭ್ಯ ಪಿತಾಮಹಃ ॥ 12 ॥
ಸ್ತುತ್ವಾ ಸ್ತೋತ್ರೇಣ ದಿವ್ಯೇನ ತತ್ಪತಿತ್ವಮವಾಪ್ತವಾನ್ ।
ವಾಣೀಯುಕ್ತಂ ಜಗತ್ಸರ್ವಂ ತದಾರಭ್ಯಾಭವನ್ಮುನೇ ॥ 13 ॥
ತತ್ತೇಹಂ ಸಂಪ್ರವಕ್ಷ್ಯಾಮಿ ಶೃಣು ಯತ್ನೇನ ನಾರದ ।
ಸಾವಧಾನಮನಾ ಭೂತ್ವಾ ಕ್ಷಣಂ ಶುದ್ಧೋ ಮುನೀಶ್ವರಃ ॥ 14 ॥
ವಾಗ್ವಾಣೀ ವರದಾ ವನ್ದ್ಯಾ ವರಾರೋಹಾ ವರಪ್ರದಾ ।
ವೃತ್ತಿರ್ವಾಗೀಶ್ವರೀ ವಾರ್ತಾ ವರಾ ವಾಗೀಶವಲ್ಲಭಾ ॥ 1 ॥
ವಿಶ್ವೇಶ್ವರೀ ವಿಶ್ವವನ್ದ್ಯಾ ವಿಶ್ವೇಶಪ್ರಿಯಕಾರಿಣೀ ।
ವಾಗ್ವಾದಿನೀ ಚ ವಾಗ್ದೇವೀ ವೃದ್ಧಿದಾ ವೃದ್ಧಿಕಾರಿಣೀ ॥ 2 ॥
ವೃದ್ಧಿರ್ವೃದ್ಧಾ ವಿಷಘ್ನೀ ಚ ವೃಷ್ಟಿರ್ವೃಷ್ಟಿಪ್ರದಾಯಿನೀ ।
ವಿಶ್ವಾರಾಧ್ಯಾ ವಿಶ್ವಮಾತಾ ವಿಶ್ವಧಾತ್ರೀ ವಿನಾಯಕಾ ॥ 3 ॥
ವಿಶ್ವಶಕ್ತಿರ್ವಿಶ್ವಸಾರಾ ವಿಶ್ವಾ ವಿಶ್ವವಿಭಾವರೀ ।
ವೇದಾನ್ತವೇದಿನೀ ವೇದ್ಯಾ ವಿತ್ತಾ ವೇದತ್ರಯಾತ್ಮಿಕಾ ॥ 4 ॥
ವೇದಜ್ಞಾ ವೇದಜನನೀ ವಿಶ್ವಾ ವಿಶ್ವವಿಭಾವರೀ ।
ವರೇಣ್ಯಾ ವಾಙ್ಮಯೀ ವೃದ್ಧಾ ವಿಶಿಷ್ಟಪ್ರಿಯಕಾರಿಣೀ ॥ 5 ॥
ವಿಶ್ವತೋವದನಾ ವ್ಯಾಪ್ತಾ ವ್ಯಾಪಿನೀ ವ್ಯಾಪಕಾತ್ಮಿಕಾ ।
ವ್ಯಾಳಘ್ನೀ ವ್ಯಾಳಭೂಷಾಂಗೀ ವಿರಜಾ ವೇದನಾಯಿಕಾ ॥ 6 ॥
ವೇದವೇದಾನ್ತಸಂವೇದ್ಯಾ ವೇದಾನ್ತಜ್ಞಾನರೂಪಿಣೀ ।
ವಿಭಾವರೀ ಚ ವಿಕ್ರಾನ್ತಾ ವಿಶ್ವಾಮಿತ್ರಾ ವಿಧಿಪ್ರಿಯಾ ॥ 7 ॥
ವರಿಷ್ಠಾ ವಿಪ್ರಕೃಷ್ಟಾ ಚ ವಿಪ್ರವರ್ಯಪ್ರಪೂಜಿತಾ ।
ವೇದರೂಪಾ ವೇದಮಯೀ ವೇದಮೂರ್ತಿಶ್ಚ ವಲ್ಲಭಾ ॥ 8 ॥
ಗೌರೀ ಗುಣವತೀ ಗೋಪ್ಯಾ ಗನ್ಧರ್ವನಗರಪ್ರಿಯಾ ।
ಗುಣಮಾತಾ ಗುಹಾನ್ತಸ್ಥಾ ಗುರುರೂಪಾ ಗುರುಪ್ರಿಯಾ ॥ 9 ॥
ಗಿರಿವಿದ್ಯಾ ಗಾನತುಷ್ಟಾ ಗಾಯಕಪ್ರಿಯಕಾರಿಣೀ ।
ಗಾಯತ್ರೀ ಗಿರಿಶಾರಾಧ್ಯಾ ಗೀರ್ಗಿರೀಶಪ್ರಿಯಂಕರೀ ॥ 10 ॥
ಗಿರಿಜ್ಞಾ ಜ್ಞಾನವಿದ್ಯಾ ಚ ಗಿರಿರೂಪಾ ಗಿರೀಶ್ವರೀ ।
ಗೀರ್ಮಾತಾ ಗಣಸಂಸ್ತುತ್ಯಾ ಗಣನೀಯಗುಣಾನ್ವಿತಾ ॥ 11 ॥
ಗೂಢರೂಪಾ ಗುಹಾ ಗೋಪ್ಯಾ ಗೋರೂಪಾ ಗೌರ್ಗುಣಾತ್ಮಿಕಾ ।
ಗುರ್ವೀ ಗುರ್ವಮ್ಬಿಕಾ ಗುಹ್ಯಾ ಗೇಯಜಾ ಗೃಹನಾಶಿನೀ ॥ 12 ॥
ಗೃಹಿಣೀ ಗೃಹದೋಷಘ್ನೀ ಗವಘ್ನೀ ಗುರುವತ್ಸಲಾ ।
ಗೃಹಾತ್ಮಿಕಾ ಗೃಹಾರಾಧ್ಯಾ ಗೃಹಬಾಧಾವಿನಾಶಿನೀ ॥ 13 ॥
ಗಂಗಾ ಗಿರಿಸುತಾ ಗಮ್ಯಾ ಗಜಯಾನಾ ಗುಹಸ್ತುತಾ ।
ಗರುಡಾಸನಸಂಸೇವ್ಯಾ ಗೋಮತೀ ಗುಣಶಾಲಿನೀ ॥ 14 ॥
ಶಾರದಾ ಶಾಶ್ವತೀ ಶೈವೀ ಶಾಂಕರೀ ಶಂಕರಾತ್ಮಿಕಾ ।
ಶ್ರೀಃ ಶರ್ವಾಣೀ ಶತಘ್ನೀ ಚ ಶರಚ್ಚನ್ದ್ರನಿಭಾನನಾ ॥ 15 ॥
ಶರ್ಮಿಷ್ಠಾ ಶಮನಘ್ನೀ ಚ ಶತಸಾಹಸ್ರರೂಪಿಣೀ ।
ಶಿವಾ ಶಮ್ಭುಪ್ರಿಯಾ ಶ್ರದ್ಧಾ ಶ್ರುತಿರೂಪಾ ಶ್ರುತಿಪ್ರಿಯಾ ॥ 16 ॥
ಶುಚಿಷ್ಮತೀ ಶರ್ಮಕರೀ ಶುದ್ಧಿದಾ ಶುದ್ಧಿರೂಪಿಣೀ ।
ಶಿವಾ ಶಿವಂಕರೀ ಶುದ್ಧಾ ಶಿವಾರಾಧ್ಯಾ ಶಿವಾತ್ಮಿಕಾ ॥ 17 ॥
ಶ್ರೀಮತೀ ಶ್ರೀಮಯೀ ಶ್ರಾವ್ಯಾ ಶ್ರುತಿಃ ಶ್ರವಣಗೋಚರಾ ।
ಶಾನ್ತಿಃ ಶಾನ್ತಿಕರೀ ಶಾನ್ತಾ ಶಾನ್ತಾಚಾರಪ್ರಿಯಂಕರೀ ॥ 18 ॥
ಶೀಲಲಭ್ಯಾ ಶೀಲವತೀ ಶ್ರೀಮಾತಾ ಶುಭಕಾರಿಣೀ ।
ಶುಭವಾಣೀ ಶುದ್ಧವಿದ್ಯಾ ಶುದ್ಧಚಿತ್ತಪ್ರಪೂಜಿತಾ ॥ 19 ॥
ಶ್ರೀಕರೀ ಶ್ರುತಪಾಪಘ್ನೀ ಶುಭಾಕ್ಷೀ ಶುಚಿವಲ್ಲಭಾ ।
ಶಿವೇತರಘ್ನೀ ಶಬರೀ ಶ್ರವಣೀಯಗುಣಾನ್ವಿತಾ ॥ 20 ॥
ಶಾರೀ ಶಿರೀಷಪುಷ್ಪಾಭಾ ಶಮನಿಷ್ಠಾ ಶಮಾತ್ಮಿಕಾ ।
ಶಮಾನ್ವಿತಾ ಶಮಾರಾಧ್ಯಾ ಶಿತಿಕಂಠಪ್ರಪೂಜಿತಾ ॥ 21 ॥
ಶುದ್ಧಿಃ ಶುದ್ಧಿಕರೀ ಶ್ರೇಷ್ಠಾ ಶ್ರುತಾನನ್ತಾ ಶುಭಾವಹಾ ।
ಸರಸ್ವತೀ ಚ ಸರ್ವಜ್ಞಾ ಸರ್ವಸಿದ್ಧಿಪ್ರದಾಯಿನೀ ॥ 22 ॥
ಸರಸ್ವತೀ ಚ ಸಾವಿತ್ರೀ ಸಂಧ್ಯಾ ಸರ್ವೇಪ್ಸಿತಪ್ರದಾ ।
ಸರ್ವಾರ್ತಿಘ್ನೀ ಸರ್ವಮಯೀ ಸರ್ವವಿದ್ಯಾಪ್ರದಾಯಿನೀ ॥ 23 ॥
ಸರ್ವೇಶ್ವರೀ ಸರ್ವಪುಣ್ಯಾ ಸರ್ಗಸ್ಥಿತ್ಯನ್ತಕಾರಿಣೀ ।
ಸರ್ವಾರಾಧ್ಯಾ ಸರ್ವಮಾತಾ ಸರ್ವದೇವನಿಷೇವಿತಾ ॥ 24 ॥
ಸರ್ವೈಶ್ವರ್ಯಪ್ರದಾ ಸತ್ಯಾ ಸತೀ ಸತ್ವಗುಣಾಶ್ರಯಾ ।
ಸ್ವರಕ್ರಮಪದಾಕಾರಾ ಸರ್ವದೋಷನಿಷೂದಿನೀ ॥ 25 ॥
ಸಹಸ್ರಾಕ್ಷೀ ಸಹಸ್ರಾಸ್ಯಾ ಸಹಸ್ರಪದಸಂಯುತಾ ।
ಸಹಸ್ರಹಸ್ತಾ ಸಾಹಸ್ರಗುಣಾಲಂಕೃತವಿಗ್ರಹಾ ॥ 26 ॥
ಸಹಸ್ರಶೀರ್ಷಾ ಸದ್ರೂಪಾ ಸ್ವಧಾ ಸ್ವಾಹಾ ಸುಧಾಮಯೀ ।
ಷಡ್ಗ್ರನ್ಥಿಭೇದಿನೀ ಸೇವ್ಯಾ ಸರ್ವಲೋಕೈಕಪೂಜಿತಾ ॥ 27 ॥
ಸ್ತುತ್ಯಾ ಸ್ತುತಿಮಯೀ ಸಾಧ್ಯಾ ಸವಿತೃಪ್ರಿಯಕಾರಿಣೀ ।
ಸಂಶಯಚ್ಛೇದಿನೀ ಸಾಂಖ್ಯವೇದ್ಯಾ ಸಂಖ್ಯಾ ಸದೀಶ್ವರೀ ॥ 28 ॥
ಸಿದ್ಧಿದಾ ಸಿದ್ಧಸಮ್ಪೂಜ್ಯಾ ಸರ್ವಸಿದ್ಧಿಪ್ರದಾಯಿನೀ ।
ಸರ್ವಜ್ಞಾ ಸರ್ವಶಕ್ತಿಶ್ಚ ಸರ್ವಸಮ್ಪತ್ಪ್ರದಾಯಿನೀ ॥ 29 ॥
ಸರ್ವಾಶುಭಘ್ನೀ ಸುಖದಾ ಸುಖಾ ಸಂವಿತ್ಸ್ವರೂಪಿಣೀ ।
ಸರ್ವಸಮ್ಭೀಷಣೀ ಸರ್ವಜಗತ್ಸಮ್ಮೋಹಿನೀ ತಥಾ ॥ 30 ॥
ಸರ್ವಪ್ರಿಯಂಕರೀ ಸರ್ವಶುಭದಾ ಸರ್ವಮಂಗಳಾ ।
ಸರ್ವಮನ್ತ್ರಮಯೀ ಸರ್ವತೀರ್ಥಪುಣ್ಯಫಲಪ್ರದಾ ॥ 31 ॥
ಸರ್ವಪುಣ್ಯಮಯೀ ಸರ್ವವ್ಯಾಧಿಘ್ನೀ ಸರ್ವಕಾಮದಾ ।
ಸರ್ವವಿಘ್ನಹರೀ ಸರ್ವವನ್ದಿತಾ ಸರ್ವಮಂಗಳಾ ॥ 32 ॥
ಸರ್ವಮನ್ತ್ರಕರೀ ಸರ್ವಲಕ್ಷ್ಮೀಃ ಸರ್ವಗುಣಾನ್ವಿತಾ ।
ಸರ್ವಾನನ್ದಮಯೀ ಸರ್ವಜ್ಞಾನದಾ ಸತ್ಯನಾಯಿಕಾ ॥ 33 ॥
ಸರ್ವಜ್ಞಾನಮಯೀ ಸರ್ವರಾಜ್ಯದಾ ಸರ್ವಮುಕ್ತಿದಾ ।
ಸುಪ್ರಭಾ ಸರ್ವದಾ ಸರ್ವಾ ಸರ್ವಲೋಕವಶಂಕರೀ ॥ 34 ॥
ಸುಭಗಾ ಸುನ್ದರೀ ಸಿದ್ಧಾ ಸಿದ್ಧಾಮ್ಬಾ ಸಿದ್ಧಮಾತೃಕಾ ।
ಸಿದ್ಧಮಾತಾ ಸಿದ್ಧವಿದ್ಯಾ ಸಿದ್ಧೇಶೀ ಸಿದ್ಧರೂಪಿಣೀ ॥ 35 ॥
ಸುರೂಪಿಣೀ ಸುಖಮಯೀ ಸೇವಕಪ್ರಿಯಕಾರಿಣೀ ।
ಸ್ವಾಮಿನೀ ಸರ್ವದಾ ಸೇವ್ಯಾ ಸ್ಥೂಲಸೂಕ್ಷ್ಮಾಪರಾಮ್ಬಿಕಾ ॥ 36 ॥
ಸಾರರೂಪಾ ಸರೋರೂಪಾ ಸತ್ಯಭೂತಾ ಸಮಾಶ್ರಯಾ ।
ಸಿತಾಸಿತಾ ಸರೋಜಾಕ್ಷೀ ಸರೋಜಾಸನವಲ್ಲಭಾ ॥ 37 ॥
ಸರೋರುಹಾಭಾ ಸರ್ವಾಂಗೀ ಸುರೇನ್ದ್ರಾದಿಪ್ರಪೂಜಿತಾ ।
ಮಹಾದೇವೀ ಮಹೇಶಾನೀ ಮಹಾಸಾರಸ್ವತಪ್ರದಾ ॥ 38 ॥
ಮಹಾಸರಸ್ವತೀ ಮುಕ್ತಾ ಮುಕ್ತಿದಾ ಮಲನಾಶಿನೀ ।
ಮಹೇಶ್ವರೀ ಮಹಾನನ್ದಾ ಮಹಾಮನ್ತ್ರಮಯೀ ಮಹೀ ॥ 39 ॥
ಮಹಾಲಕ್ಷ್ಮೀರ್ಮಹಾವಿದ್ಯಾ ಮಾತಾ ಮನ್ದರವಾಸಿನೀ ।
ಮನ್ತ್ರಗಮ್ಯಾ ಮನ್ತ್ರಮಾತಾ ಮಹಾಮನ್ತ್ರಫಲಪ್ರದಾ ॥ 40 ॥
ಮಹಾಮುಕ್ತಿರ್ಮಹಾನಿತ್ಯಾ ಮಹಾಸಿದ್ಧಿಪ್ರದಾಯಿನೀ ।
ಮಹಾಸಿದ್ಧಾ ಮಹಾಮಾತಾ ಮಹದಾಕಾರಸಂಯುತಾ ॥ 41 ॥
ಮಹಾ ಮಹೇಶ್ವರೀ ಮೂರ್ತಿರ್ಮೋಕ್ಷದಾ ಮಣಿಭೂಷಣಾ ।
ಮೇನಕಾ ಮಾನಿನೀ ಮಾನ್ಯಾ ಮೃತ್ಯುಘ್ನೀ ಮೇರುರೂಪಿಣೀ ॥ 42 ॥
ಮದಿರಾಕ್ಷೀ ಮದಾವಾಸಾ ಮಖರೂಪಾ ಮಖೇಶ್ವರೀ ।
ಮಹಾಮೋಹಾ ಮಹಾಮಾಯಾ ಮಾತೄಣಾಂ ಮೂರ್ಧ್ನಿಸಂಸ್ಥಿತಾ ॥ 43 ॥
ಮಹಾಪುಣ್ಯಾ ಮುದಾವಾಸಾ ಮಹಾಸಮ್ಪತ್ಪ್ರದಾಯಿನೀ ।
ಮಣಿಪೂರೈಕನಿಲಯಾ ಮಧುರೂಪಾ ಮಹೋತ್ಕಟಾ ॥ 44 ॥
ಮಹಾಸೂಕ್ಷ್ಮಾ ಮಹಾಶಾನ್ತಾ ಮಹಾಶಾನ್ತಿಪ್ರದಾಯಿನೀ ।
ಮುನಿಸ್ತುತಾ ಮೋಹಹನ್ತ್ರೀ ಮಾಧವೀ ಮಾಧವಪ್ರಿಯಾ ॥ 45 ॥
ಮಾ ಮಹಾದೇವಸಂಸ್ತುತ್ಯಾ ಮಹಿಷೀಗಣಪೂಜಿತಾ ।
ಮೃಷ್ಟಾನ್ನದಾ ಚ ಮಾಹೇನ್ದ್ರೀ ಮಹೇನ್ದ್ರಪದದಾಯಿನೀ ॥ 46 ॥
ಮತಿರ್ಮತಿಪ್ರದಾ ಮೇಧಾ ಮರ್ತ್ಯಲೋಕನಿವಾಸಿನೀ ।
ಮುಖ್ಯಾ ಮಹಾನಿವಾಸಾ ಚ ಮಹಾಭಾಗ್ಯಜನಾಶ್ರಿತಾ ॥ 47 ॥
ಮಹಿಳಾ ಮಹಿಮಾ ಮೃತ್ಯುಹಾರೀ ಮೇಧಾಪ್ರದಾಯಿನೀ ।
ಮೇಧ್ಯಾ ಮಹಾವೇಗವತೀ ಮಹಾಮೋಕ್ಷಫಲಪ್ರದಾ ॥ 48 ॥
ಮಹಾಪ್ರಭಾಭಾ ಮಹತೀ ಮಹಾದೇವಪ್ರಿಯಂಕರೀ ।
ಮಹಾಪೋಷಾ ಮಹರ್ದ್ಧಿಶ್ಚ ಮುಕ್ತಾಹಾರವಿಭೂಷಣಾ ॥ 49 ॥
ಮಾಣಿಕ್ಯಭೂಷಣಾ ಮನ್ತ್ರಾ ಮುಖ್ಯಚನ್ದ್ರಾರ್ಧಶೇಖರಾ ।
ಮನೋರೂಪಾ ಮನಃಶುದ್ಧಿಃ ಮನಃಶುದ್ಧಿಪ್ರದಾಯಿನೀ ॥ 50 ॥
ಮಹಾಕಾರುಣ್ಯಸಮ್ಪೂರ್ಣಾ ಮನೋನಮನವನ್ದಿತಾ ।
ಮಹಾಪಾತಕಜಾಲಘ್ನೀ ಮುಕ್ತಿದಾ ಮುಕ್ತಭೂಷಣಾ ॥ 51 ॥
ಮನೋನ್ಮನೀ ಮಹಾಸ್ಥೂಲಾ ಮಹಾಕ್ರತುಫಲಪ್ರದಾ ।
ಮಹಾಪುಣ್ಯಫಲಪ್ರಾಪ್ಯಾ ಮಾಯಾತ್ರಿಪುರನಾಶಿನೀ ॥ 52 ॥
ಮಹಾನಸಾ ಮಹಾಮೇಧಾ ಮಹಾಮೋದಾ ಮಹೇಶ್ವರೀ ।
ಮಾಲಾಧರೀ ಮಹೋಪಾಯಾ ಮಹಾತೀರ್ಥಫಲಪ್ರದಾ ॥ 53 ॥
ಮಹಾಮಂಗಳಸಮ್ಪೂರ್ಣಾ ಮಹಾದಾರಿದ್ರ್ಯನಾಶಿನೀ ।
ಮಹಾಮಖಾ ಮಹಾಮೇಘಾ ಮಹಾಕಾಳೀ ಮಹಾಪ್ರಿಯಾ ॥ 54 ॥
ಮಹಾಭೂಷಾ ಮಹಾದೇಹಾ ಮಹಾರಾಜ್ಞೀ ಮುದಾಲಯಾ ।
ಭೂರಿದಾ ಭಾಗ್ಯದಾ ಭೋಗ್ಯಾ ಭೋಗ್ಯದಾ ಭೋಗದಾಯಿನೀ ॥ 55 ॥
ಭವಾನೀ ಭೂತಿದಾ ಭೂತಿಃ ಭೂಮಿರ್ಭೂಮಿಸುನಾಯಿಕಾ ।
ಭೂತಧಾತ್ರೀ ಭಯಹರೀ ಭಕ್ತಸಾರಸ್ವತಪ್ರದಾ ॥ 56 ॥
ಭುಕ್ತಿರ್ಭುಕ್ತಿಪ್ರದಾ ಭೇಕೀ ಭಕ್ತಿರ್ಭಕ್ತಿಪ್ರದಾಯಿನೀ ।
ಭಕ್ತಸಾಯುಜ್ಯದಾ ಭಕ್ತಸ್ವರ್ಗದಾ ಭಕ್ತರಾಜ್ಯದಾ ॥ 57 ॥
ಭಾಗೀರಥೀ ಭವಾರಾಧ್ಯಾ ಭಾಗ್ಯಾಸಜ್ಜನಪೂಜಿತಾ ।
ಭವಸ್ತುತ್ಯಾ ಭಾನುಮತೀ ಭವಸಾಗರತಾರಣೀ ॥ 58 ॥
ಭೂತಿರ್ಭೂಷಾ ಚ ಭೂತೇಶೀ ಫಾಲಲೋಚನಪೂಜಿತಾ ।
ಭೂತಾ ಭವ್ಯಾ ಭವಿಷ್ಯಾ ಚ ಭವವಿದ್ಯಾ ಭವಾತ್ಮಿಕಾ ॥ 59 ॥
ಬಾಧಾಪಹಾರಿಣೀ ಬನ್ಧುರೂಪಾ ಭುವನಪೂಜಿತಾ ।
ಭವಘ್ನೀ ಭಕ್ತಿಲಭ್ಯಾ ಚ ಭಕ್ತರಕ್ಷಣತತ್ಪರಾ ॥ 60 ॥
ಭಕ್ತಾರ್ತಿಶಮನೀ ಭಾಗ್ಯಾ ಭೋಗದಾನಕೃತೋದ್ಯಮಾ ।
ಭುಜಂಗಭೂಷಣಾ ಭೀಮಾ ಭೀಮಾಕ್ಷೀ ಭೀಮರೂಪಿಣೀ ॥ 61 ॥
ಭಾವಿನೀ ಭ್ರಾತೃರೂಪಾ ಚ ಭಾರತೀ ಭವನಾಯಿಕಾ ।
ಭಾಷಾ ಭಾಷಾವತೀ ಭೀಷ್ಮಾ ಭೈರವೀ ಭೈರವಪ್ರಿಯಾ ॥ 62 ॥
ಭೂತಿರ್ಭಾಸಿತಸರ್ವಾಂಗೀ ಭೂತಿದಾ ಭೂತಿನಾಯಿಕಾ ।
ಭಾಸ್ವತೀ ಭಗಮಾಲಾ ಚ ಭಿಕ್ಷಾದಾನಕೃತೋದ್ಯಮಾ ॥ 63 ॥
ಭಿಕ್ಷುರೂಪಾ ಭಕ್ತಿಕರೀ ಭಕ್ತಲಕ್ಷ್ಮೀಪ್ರದಾಯಿನೀ ।
ಭ್ರಾನ್ತಿಘ್ನಾ ಭ್ರಾನ್ತಿರೂಪಾ ಚ ಭೂತಿದಾ ಭೂತಿಕಾರಿಣೀ ॥ 64 ॥
ಭಿಕ್ಷಣೀಯಾ ಭಿಕ್ಷುಮಾತಾ ಭಾಗ್ಯವದ್ದೃಷ್ಟಿಗೋಚರಾ ।
ಭೋಗವತೀ ಭೋಗರೂಪಾ ಭೋಗಮೋಕ್ಷಫಲಪ್ರದಾ ॥ 65 ॥
ಭೋಗಶ್ರಾನ್ತಾ ಭಾಗ್ಯವತೀ ಭಕ್ತಾಘೌಘವಿನಾಶಿನೀ ।
ಬ್ರಾಹ್ಮೀ ಬ್ರಹ್ಮಸ್ವರೂಪಾ ಚ ಬೃಹತೀ ಬ್ರಹ್ಮವಲ್ಲಭಾ ॥ 66 ॥
ಬ್ರಹ್ಮದಾ ಬ್ರಹ್ಮಮಾತಾ ಚ ಬ್ರಹ್ಮಾಣೀ ಬ್ರಹ್ಮದಾಯಿನೀ ।
ಬ್ರಹ್ಮೇಶೀ ಬ್ರಹ್ಮಸಂಸ್ತುತ್ಯಾ ಬ್ರಹ್ಮವೇದ್ಯಾ ಬುಧಪ್ರಿಯಾ ॥ 67 ॥
ಬಾಲೇನ್ದುಶೇಖರಾ ಬಾಲಾ ಬಲಿಪೂಜಾಕರಪ್ರಿಯಾ ।
ಬಲದಾ ಬಿನ್ದುರೂಪಾ ಚ ಬಾಲಸೂರ್ಯಸಮಪ್ರಭಾ ॥ 68 ॥
ಬ್ರಹ್ಮರೂಪಾ ಬ್ರಹ್ಮಮಯೀ ಬ್ರಧ್ನಮಂಡಲಮಧ್ಯಗಾ ।
ಬ್ರಹ್ಮಾಣೀ ಬುದ್ಧಿದಾ ಬುದ್ಧಿರ್ಬುದ್ಧಿರೂಪಾ ಬುಧೇಶ್ವರೀ ॥ 69 ॥
ಬನ್ಧಕ್ಷಯಕರೀ ಬಾಧನಾಶನೀ ಬನ್ಧುರೂಪಿಣೀ ।
ಬಿನ್ದ್ವಾಲಯಾ ಬಿನ್ದುಭೂಷಾ ಬಿನ್ದುನಾದಸಮನ್ವಿತಾ ॥ 70 ॥
ಬೀಜರೂಪಾ ಬೀಜಮಾತಾ ಬ್ರಹ್ಮಣ್ಯಾ ಬ್ರಹ್ಮಕಾರಿಣೀ ।
ಬಹುರೂಪಾ ಬಲವತೀ ಬ್ರಹ್ಮಜಾ ಬ್ರಹ್ಮಚಾರಿಣೀ ॥ 71 ॥
ಬ್ರಹ್ಮಸ್ತುತ್ಯಾ ಬ್ರಹ್ಮವಿದ್ಯಾ ಬ್ರಹ್ಮಾಂಡಾಧಿಪವಲ್ಲಭಾ ।
ಬ್ರಹ್ಮೇಶವಿಷ್ಣುರೂಪಾ ಚ ಬ್ರಹ್ಮವಿಷ್ಣ್ವೀಶಸಂಸ್ಥಿತಾ ॥ 72 ॥
ಬುದ್ಧಿರೂಪಾ ಬುಧೇಶಾನೀ ಬನ್ಧೀ ಬನ್ಧವಿಮೋಚನೀ ।
ಅಕ್ಷಮಾಲಾಕ್ಷರಾಕಾರಾಕ್ಷರಾಕ್ಷರಫಲಪ್ರದಾ ॥ 73 ॥
ಅನನ್ತಾನನ್ದಸುಖದಾನನ್ತಚನ್ದ್ರನಿಭಾನನಾ ।
ಅನನ್ತಮಹಿಮಾಘೋರಾನನ್ತಗಮ್ಭೀರಸಮ್ಮಿತಾ ॥ 74 ॥
ಅದೃಷ್ಟಾದೃಷ್ಟದಾನನ್ತಾದೃಷ್ಟಭಾಗ್ಯಫಲಪ್ರದಾ ।
ಅರುನ್ಧತ್ಯವ್ಯಯೀನಾಥಾನೇಕಸದ್ಗುಣಸಂಯುತಾ ॥ 75 ॥
ಅನೇಕಭೂಷಣಾದೃಶ್ಯಾನೇಕಲೇಖನಿಷೇವಿತಾ ।
ಅನನ್ತಾನನ್ತಸುಖದಾಘೋರಾಘೋರಸ್ವರೂಪಿಣೀ ॥ 76 ॥
ಅಶೇಷದೇವತಾರೂಪಾಮೃತರೂಪಾಮೃತೇಶ್ವರೀ ।
ಅನವದ್ಯಾನೇಕಹಸ್ತಾನೇಕಮಾಣಿಕ್ಯಭೂಷಣಾ ॥ 77 ॥
ಅನೇಕವಿಘ್ನಸಂಹರ್ತ್ರೀ ಹ್ಯನೇಕಾಭರಣಾನ್ವಿತಾ ।
ಅವಿದ್ಯಾಜ್ಞಾನಸಂಹರ್ತ್ರೀ ಹ್ಯವಿದ್ಯಾಜಾಲನಾಶಿನೀ ॥ 78 ॥
ಅಭಿರೂಪಾನವದ್ಯಾಂಗೀ ಹ್ಯಪ್ರತರ್ಕ್ಯಗತಿಪ್ರದಾ ।
ಅಕಳಂಕಾರೂಪಿಣೀ ಚ ಹ್ಯನುಗ್ರಹಪರಾಯಣಾ ॥ 79 ॥
ಅಮ್ಬರಸ್ಥಾಮ್ಬರಮಯಾಮ್ಬರಮಾಲಾಮ್ಬುಜೇಕ್ಷಣಾ ।
ಅಮ್ಬಿಕಾಬ್ಜಕರಾಬ್ಜಸ್ಥಾಂಶುಮತ್ಯಂಶುಶತಾನ್ವಿತಾ ॥ 80 ॥
ಅಮ್ಬುಜಾನವರಾಖಂಡಾಮ್ಬುಜಾಸನಮಹಾಪ್ರಿಯಾ ।
ಅಜರಾಮರಸಂಸೇವ್ಯಾಜರಸೇವಿತಪದ್ಯುಗಾ ॥ 81 ॥
ಅತುಲಾರ್ಥಪ್ರದಾರ್ಥೈಕ್ಯಾತ್ಯುದಾರಾತ್ವಭಯಾನ್ವಿತಾ ।
ಅನಾಥವತ್ಸಲಾನನ್ತಪ್ರಿಯಾನನ್ತೇಪ್ಸಿತಪ್ರದಾ ॥ 82 ॥
ಅಮ್ಬುಜಾಕ್ಷ್ಯಮ್ಬುರೂಪಾಮ್ಬುಜಾತೋದ್ಭವಮಹಾಪ್ರಿಯಾ ।
ಅಖಂಡಾತ್ವಮರಸ್ತುತ್ಯಾಮರನಾಯಕಪೂಜಿತಾ ॥ 83 ॥
ಅಜೇಯಾತ್ವಜಸಂಕಾಶಾಜ್ಞಾನನಾಶಿನ್ಯಭೀಷ್ಟದಾ ।
ಅಕ್ತಾಘನೇನಾ ಚಾಸ್ತ್ರೇಶೀ ಹ್ಯಲಕ್ಷ್ಮೀನಾಶಿನೀ ತಥಾ ॥ 84 ॥
ಅನನ್ತಸಾರಾನನ್ತಶ್ರೀರನನ್ತವಿಧಿಪೂಜಿತಾ ।
ಅಭೀಷ್ಟಾಮರ್ತ್ಯಸಮ್ಪೂಜ್ಯಾ ಹ್ಯಸ್ತೋದಯವಿವರ್ಜಿತಾ ॥ 85 ॥
ಆಸ್ತಿಕಸ್ವಾನ್ತನಿಲಯಾಸ್ತ್ರರೂಪಾಸ್ತ್ರವತೀ ತಥಾ ।
ಅಸ್ಖಲತ್ಯಸ್ಖಲದ್ರೂಪಾಸ್ಖಲದ್ವಿದ್ಯಾಪ್ರದಾಯಿನೀ ॥ 86 ॥
ಅಸ್ಖಲತ್ಸಿದ್ಧಿದಾನನ್ದಾಮ್ಬುಜಾತಾಮರನಾಯಿಕಾ ।
ಅಮೇಯಾಶೇಷಪಾಪಘ್ನ್ಯಕ್ಷಯಸಾರಸ್ವತಪ್ರದಾ ॥ 87 ॥
ಜಯಾ ಜಯನ್ತೀ ಜಯದಾ ಜನ್ಮಕರ್ಮವಿವರ್ಜಿತಾ ।
ಜಗತ್ಪ್ರಿಯಾ ಜಗನ್ಮಾತಾ ಜಗದೀಶ್ವರವಲ್ಲಭಾ ॥ 88 ॥
ಜಾತಿರ್ಜಯಾ ಜಿತಾಮಿತ್ರಾ ಜಪ್ಯಾ ಜಪನಕಾರಿಣೀ ।
ಜೀವನೀ ಜೀವನಿಲಯಾ ಜೀವಾಖ್ಯಾ ಜೀವಧಾರಿಣೀ ॥ 89 ॥
ಜಾಹ್ನವೀ ಜ್ಯಾ ಜಪವತೀ ಜಾತಿರೂಪಾ ಜಯಪ್ರದಾ ।
ಜನಾರ್ದನಪ್ರಿಯಕರೀ ಜೋಷನೀಯಾ ಜಗತ್ಸ್ಥಿತಾ ॥ 90 ॥
ಜಗಜ್ಜ್ಯೇಷ್ಠಾ ಜಗನ್ಮಾಯಾ ಜೀವನತ್ರಾಣಕಾರಿಣೀ ।
ಜೀವಾತುಲತಿಕಾ ಜೀವಜನ್ಮೀ ಜನ್ಮನಿಬರ್ಹಣೀ ॥ 91 ॥
ಜಾಡ್ಯವಿಧ್ವಂಸನಕರೀ ಜಗದ್ಯೋನಿರ್ಜಯಾತ್ಮಿಕಾ ।
ಜಗದಾನನ್ದಜನನೀ ಜಮ್ಬೂಶ್ಚ ಜಲಜೇಕ್ಷಣಾ ॥ 92 ॥
ಜಯನ್ತೀ ಜಂಗಪೂಗಘ್ನೀ ಜನಿತಜ್ಞಾನವಿಗ್ರಹಾ ।
ಜಟಾ ಜಟಾವತೀ ಜಪ್ಯಾ ಜಪಕರ್ತೃಪ್ರಿಯಂಕರೀ ॥ 93 ॥
ಜಪಕೃತ್ಪಾಪಸಂಹರ್ತ್ರೀ ಜಪಕೃತ್ಫಲದಾಯಿನೀ ।
ಜಪಾಪುಷ್ಪಸಮಪ್ರಖ್ಯಾ ಜಪಾಕುಸುಮಧಾರಿಣೀ ॥ 94 ॥
ಜನನೀ ಜನ್ಮರಹಿತಾ ಜ್ಯೋತಿರ್ವೃತ್ಯಭಿದಾಯಿನೀ ।
ಜಟಾಜೂಟನಚನ್ದ್ರಾರ್ಧಾ ಜಗತ್ಸೃಷ್ಟಿಕರೀ ತಥಾ ॥ 95 ॥
ಜಗತ್ತ್ರಾಣಕರೀ ಜಾಡ್ಯಧ್ವಂಸಕರ್ತ್ರೀ ಜಯೇಶ್ವರೀ ।
ಜಗದ್ಬೀಜಾ ಜಯಾವಾಸಾ ಜನ್ಮಭೂರ್ಜನ್ಮನಾಶಿನೀ ॥ 96 ॥
ಜನ್ಮಾನ್ತ್ಯರಹಿತಾ ಜೈತ್ರೀ ಜಗದ್ಯೋನಿರ್ಜಪಾತ್ಮಿಕಾ ।
ಜಯಲಕ್ಷಣಸಮ್ಪೂರ್ಣಾ ಜಯದಾನಕೃತೋದ್ಯಮಾ ॥ 97 ॥
ಜಮ್ಭರಾದ್ಯಾದಿಸಂಸ್ತುತ್ಯಾ ಜಮ್ಭಾರಿಫಲದಾಯಿನೀ ।
ಜಗತ್ತ್ರಯಹಿತಾ ಜ್ಯೇಷ್ಠಾ ಜಗತ್ತ್ರಯವಶಂಕರೀ ॥ 98 ॥
ಜಗತ್ತ್ರಯಾಮ್ಬಾ ಜಗತೀ ಜ್ವಾಲಾ ಜ್ವಾಲಿತಲೋಚನಾ ।
ಜ್ವಾಲಿನೀ ಜ್ವಲನಾಭಾಸಾ ಜ್ವಲನ್ತೀ ಜ್ವಲನಾತ್ಮಿಕಾ ॥ 99 ॥
ಜಿತಾರಾತಿಸುರಸ್ತುತ್ಯಾ ಜಿತಕ್ರೋಧಾ ಜಿತೇನ್ದ್ರಿಯಾ ।
ಜರಾಮರಣಶೂನ್ಯಾ ಚ ಜನಿತ್ರೀ ಜನ್ಮನಾಶಿನೀ ॥ 100 ॥
ಜಲಜಾಭಾ ಜಲಮಯೀ ಜಲಜಾಸನವಲ್ಲಭಾ ।
ಜಲಜಸ್ಥಾ ಜಪಾರಾಧ್ಯಾ ಜನಮಂಗಳಕಾರಿಣೀ ॥ 101 ॥
ಕಾಮಿನೀ ಕಾಮರೂಪಾ ಚ ಕಾಮ್ಯಾ ಕಾಮಪ್ರದಾಯಿನೀ ।
ಕಮೌಳೀ ಕಾಮದಾ ಕರ್ತ್ರೀ ಕ್ರತುಕರ್ಮಫಲಪ್ರದಾ ॥ 102 ॥
ಕೃತಘ್ನಘ್ನೀ ಕ್ರಿಯಾರೂಪಾ ಕಾರ್ಯಕಾರಣರೂಪಿಣೀ ।
ಕಂಜಾಕ್ಷೀ ಕರುಣಾರೂಪಾ ಕೇವಲಾಮರಸೇವಿತಾ ॥ 103 ॥
ಕಲ್ಯಾಣಕಾರಿಣೀ ಕಾನ್ತಾ ಕಾನ್ತಿದಾ ಕಾನ್ತಿರೂಪಿಣೀ ।
ಕಮಲಾ ಕಮಲಾವಾಸಾ ಕಮಲೋತ್ಪಲಮಾಲಿನೀ ॥ 104 ॥
ಕುಮುದ್ವತೀ ಚ ಕಲ್ಯಾಣೀ ಕಾನ್ತಿಃ ಕಾಮೇಶವಲ್ಲಭಾ ।
ಕಾಮೇಶ್ವರೀ ಕಮಲಿನೀ ಕಾಮದಾ ಕಾಮಬನ್ಧಿನೀ ॥ 105 ॥
ಕಾಮಧೇನುಃ ಕಾಂಚನಾಕ್ಷೀ ಕಾಂಚನಾಭಾ ಕಳಾನಿಧಿಃ ।
ಕ್ರಿಯಾ ಕೀರ್ತಿಕರೀ ಕೀರ್ತಿಃ ಕ್ರತುಶ್ರೇಷ್ಠಾ ಕೃತೇಶ್ವರೀ ॥ 106 ॥
ಕ್ರತುಸರ್ವಕ್ರಿಯಾಸ್ತುತ್ಯಾ ಕ್ರತುಕೃತ್ಪ್ರಿಯಕಾರಿಣೀ ।
ಕ್ಲೇಶನಾಶಕರೀ ಕರ್ತ್ರೀ ಕರ್ಮದಾ ಕರ್ಮಬನ್ಧಿನೀ ॥ 107 ॥
ಕರ್ಮಬನ್ಧಹರೀ ಕೃಷ್ಟಾ ಕ್ಲಮಘ್ನೀ ಕಂಜಲೋಚನಾ ।
ಕನ್ದರ್ಪಜನನೀ ಕಾನ್ತಾ ಕರುಣಾ ಕರುಣಾವತೀ ॥ 108 ॥
ಕ್ಲೀಂಕಾರಿಣೀ ಕೃಪಾಕಾರಾ ಕೃಪಾಸಿನ್ಧುಃ ಕೃಪಾವತೀ ।
ಕರುಣಾರ್ದ್ರಾ ಕೀರ್ತಿಕರೀ ಕಲ್ಮಷಘ್ನೀ ಕ್ರಿಯಾಕರೀ ॥ 109 ॥
ಕ್ರಿಯಾಶಕ್ತಿಃ ಕಾಮರೂಪಾ ಕಮಲೋತ್ಪಲಗನ್ಧಿನೀ ।
ಕಳಾ ಕಳಾವತೀ ಕೂರ್ಮೀ ಕೂಟಸ್ಥಾ ಕಂಜಸಂಸ್ಥಿತಾ ॥ 110 ॥
ಕಾಳಿಕಾ ಕಲ್ಮಷಘ್ನೀ ಚ ಕಮನೀಯಜಟಾನ್ವಿತಾ ।
ಕರಪದ್ಮಾ ಕರಾಭೀಷ್ಟಪ್ರದಾ ಕ್ರತುಫಲಪ್ರದಾ ॥ 111 ॥
ಕೌಶಿಕೀ ಕೋಶದಾ ಕಾವ್ಯಾ ಕರ್ತ್ರೀ ಕೋಶೇಶ್ವರೀ ಕೃಶಾ ।
ಕೂರ್ಮಯಾನಾ ಕಲ್ಪಲತಾ ಕಾಲಕೂಟವಿನಾಶಿನೀ ॥ 112 ॥
ಕಲ್ಪೋದ್ಯಾನವತೀ ಕಲ್ಪವನಸ್ಥಾ ಕಲ್ಪಕಾರಿಣೀ ।
ಕದಮ್ಬಕುಸುಮಾಭಾಸಾ ಕದಮ್ಬಕುಸುಮಪ್ರಿಯಾ ॥ 113 ॥
ಕದಮ್ಬೋದ್ಯಾನಮಧ್ಯಸ್ಥಾ ಕೀರ್ತಿದಾ ಕೀರ್ತಿಭೂಷಣಾ ।
ಕುಲಮಾತಾ ಕುಲಾವಾಸಾ ಕುಲಾಚಾರಪ್ರಿಯಂಕರೀ ॥ 114 ॥
ಕುಲಾನಾಥಾ ಕಾಮಕಳಾ ಕಳಾನಾಥಾ ಕಳೇಶ್ವರೀ ।
ಕುನ್ದಮನ್ದಾರಪುಷ್ಪಾಭಾ ಕಪರ್ದಸ್ಥಿತಚನ್ದ್ರಿಕಾ ॥ 115 ॥
ಕವಿತ್ವದಾ ಕಾವ್ಯಮಾತಾ ಕವಿಮಾತಾ ಕಳಾಪ್ರದಾ ।
ತರುಣೀ ತರುಣೀತಾತಾ ತಾರಾಧಿಪಸಮಾನನಾ ॥ 116 ॥
ತೃಪ್ತಿಸ್ತೃಪ್ತಿಪ್ರದಾ ತರ್ಕ್ಯಾ ತಪನೀ ತಾಪಿನೀ ತಥಾ ।
ತರ್ಪಣೀ ತೀರ್ಥರೂಪಾ ಚ ತ್ರಿದಶಾ ತ್ರಿದಶೇಶ್ವರೀ ॥ 117 ॥
ತ್ರಿದಿವೇಶೀ ತ್ರಿಜನನೀ ತ್ರಿಮಾತಾ ತ್ರ್ಯಮ್ಬಕೇಶ್ವರೀ ।
ತ್ರಿಪುರಾ ತ್ರಿಪುರೇಶಾನೀ ತ್ರ್ಯಮ್ಬಕಾ ತ್ರಿಪುರಾಮ್ಬಿಕಾ ॥ 118 ॥
ತ್ರಿಪುರಶ್ರೀಸ್ತ್ರಯೀರೂಪಾ ತ್ರಯೀವೇದ್ಯಾ ತ್ರಯೀಶ್ವರೀ ।
ತ್ರಯ್ಯನ್ತವೇದಿನೀ ತಾಮ್ರಾ ತಾಪತ್ರಿತಯಹಾರಿಣೀ ॥ 119 ॥
ತಮಾಲಸದೃಶೀ ತ್ರಾತಾ ತರುಣಾದಿತ್ಯಸನ್ನಿಭಾ ।
ತ್ರೈಲೋಕ್ಯವ್ಯಾಪಿನೀ ತೃಪ್ತಾ ತೃಪ್ತಿಕೃತ್ತತ್ವರೂಪಿಣೀ ॥ 120 ॥
ತುರ್ಯಾ ತ್ರೈಲೋಕ್ಯಸಂಸ್ತುತ್ಯಾ ತ್ರಿಗುಣಾ ತ್ರಿಗುಣೇಶ್ವರೀ ।
ತ್ರಿಪುರಘ್ನೀ ತ್ರಿಮಾತಾ ಚ ತ್ರ್ಯಮ್ಬಕಾ ತ್ರಿಗುಣಾನ್ವಿತಾ ॥ 121 ॥
ತೃಷ್ಣಾಚ್ಛೇದಕರೀ ತೃಪ್ತಾ ತೀಕ್ಷ್ಣಾ ತೀಕ್ಷ್ಣಸ್ವರೂಪಿಣೀ ।
ತುಲಾ ತುಲಾದಿರಹಿತಾ ತತ್ತದ್ಬ್ರಹ್ಮಸ್ವರೂಪಿಣೀ ॥ 122 ॥
ತ್ರಾಣಕರ್ತ್ರೀ ತ್ರಿಪಾಪಘ್ನೀ ತ್ರಿಪದಾ ತ್ರಿದಶಾನ್ವಿತಾ ।
ತಥ್ಯಾ ತ್ರಿಶಕ್ತಿಸ್ತ್ರಿಪದಾ ತುರ್ಯಾ ತ್ರೈಲೋಕ್ಯಸುನ್ದರೀ ॥ 123 ॥
ತೇಜಸ್ಕರೀ ತ್ರಿಮೂರ್ತ್ಯಾದ್ಯಾ ತೇಜೋರೂಪಾ ತ್ರಿಧಾಮತಾ ।
ತ್ರಿಚಕ್ರಕರ್ತ್ರೀ ತ್ರಿಭಗಾ ತುರ್ಯಾತೀತಫಲಪ್ರದಾ ॥ 124 ॥
ತೇಜಸ್ವಿನೀ ತಾಪಹಾರೀ ತಾಪೋಪಪ್ಲವನಾಶಿನೀ ।
ತೇಜೋಗರ್ಭಾ ತಪಃಸಾರಾ ತ್ರಿಪುರಾರಿಪ್ರಿಯಂಕರೀ ॥ 125 ॥
ತನ್ವೀ ತಾಪಸಸಂತುಷ್ಟಾ ತಪನಾಂಗಜಭೀತಿನುತ್ ।
ತ್ರಿಲೋಚನಾ ತ್ರಿಮಾರ್ಗಾ ಚ ತೃತೀಯಾ ತ್ರಿದಶಸ್ತುತಾ ॥ 126 ॥
ತ್ರಿಸುನ್ದರೀ ತ್ರಿಪಥಗಾ ತುರೀಯಪದದಾಯಿನೀ ।
ಶುಭಾ ಶುಭಾವತೀ ಶಾನ್ತಾ ಶಾನ್ತಿದಾ ಶುಭದಾಯಿನೀ ॥ 127 ॥
ಶೀತಳಾ ಶೂಲಿನೀ ಶೀತಾ ಶ್ರೀಮತೀ ಚ ಶುಭಾನ್ವಿತಾ ।
ಯೋಗಸಿದ್ಧಿಪ್ರದಾ ಯೋಗ್ಯಾ ಯಜ್ಞೇನಪರಿಪೂರಿತಾ ॥ 128 ॥
ಯಜ್ಯಾ ಯಜ್ಞಮಯೀ ಯಕ್ಷೀ ಯಕ್ಷಿಣೀ ಯಕ್ಷಿವಲ್ಲಭಾ ।
ಯಜ್ಞಪ್ರಿಯಾ ಯಜ್ಞಪೂಜ್ಯಾ ಯಜ್ಞತುಷ್ಟಾ ಯಮಸ್ತುತಾ ॥ 129 ॥
ಯಾಮಿನೀಯಪ್ರಭಾ ಯಾಮ್ಯಾ ಯಜನೀಯಾ ಯಶಸ್ಕರೀ ।
ಯಜ್ಞಕರ್ತ್ರೀ ಯಜ್ಞರೂಪಾ ಯಶೋದಾ ಯಜ್ಞಸಂಸ್ತುತಾ ॥ 130 ॥
ಯಜ್ಞೇಶೀ ಯಜ್ಞಫಲದಾ ಯೋಗಯೋನಿರ್ಯಜುಸ್ತುತಾ ।
ಯಮಿಸೇವ್ಯಾ ಯಮಾರಾಧ್ಯಾ ಯಮಿಪೂಜ್ಯಾ ಯಮೀಶ್ವರೀ ॥ 131 ॥
ಯೋಗಿನೀ ಯೋಗರೂಪಾ ಚ ಯೋಗಕರ್ತೃಪ್ರಿಯಂಕರೀ ।
ಯೋಗಯುಕ್ತಾ ಯೋಗಮಯೀ ಯೋಗಯೋಗೀಶ್ವರಾಮ್ಬಿಕಾ ॥ 132 ॥
ಯೋಗಜ್ಞಾನಮಯೀ ಯೋನಿರ್ಯಮಾದ್ಯಷ್ಟಾಂಗಯೋಗತಾ ।
ಯನ್ತ್ರಿತಾಘೌಘಸಂಹಾರಾ ಯಮಲೋಕನಿವಾರಿಣೀ ॥ 133 ॥
ಯಷ್ಟಿವ್ಯಷ್ಟೀಶಸಂಸ್ತುತ್ಯಾ ಯಮಾದ್ಯಷ್ಟಾಂಗಯೋಗಯುಕ್ ।
ಯೋಗೀಶ್ವರೀ ಯೋಗಮಾತಾ ಯೋಗಸಿದ್ಧಾ ಚ ಯೋಗದಾ ॥ 134 ॥
ಯೋಗಾರೂಢಾ ಯೋಗಮಯೀ ಯೋಗರೂಪಾ ಯವೀಯಸೀ ।
ಯನ್ತ್ರರೂಪಾ ಚ ಯನ್ತ್ರಸ್ಥಾ ಯನ್ತ್ರಪೂಜ್ಯಾ ಚ ಯನ್ತ್ರಿತಾ ॥ 135 ॥
ಯುಗಕರ್ತ್ರೀ ಯುಗಮಯೀ ಯುಗಧರ್ಮವಿವರ್ಜಿತಾ ।
ಯಮುನಾ ಯಮಿನೀ ಯಾಮ್ಯಾ ಯಮುನಾಜಲಮಧ್ಯಗಾ ॥ 136 ॥
ಯಾತಾಯಾತಪ್ರಶಮನೀ ಯಾತನಾನಾನ್ನಿಕೃನ್ತನೀ ।
ಯೋಗಾವಾಸಾ ಯೋಗಿವನ್ದ್ಯಾ ಯತ್ತಚ್ಛಬ್ದಸ್ವರೂಪಿಣೀ ॥ 137 ॥
ಯೋಗಕ್ಷೇಮಮಯೀ ಯನ್ತ್ರಾ ಯಾವದಕ್ಷರಮಾತೃಕಾ ।
ಯಾವತ್ಪದಮಯೀ ಯಾವಚ್ಛಬ್ದರೂಪಾ ಯಥೇಶ್ವರೀ ॥ 138 ॥
ಯತ್ತದೀಯಾ ಯಕ್ಷವನ್ದ್ಯಾ ಯದ್ವಿದ್ಯಾ ಯತಿಸಂಸ್ತುತಾ ।
ಯಾವದ್ವಿದ್ಯಾಮಯೀ ಯಾವದ್ವಿದ್ಯಾಬೃನ್ದಸುವನ್ದಿತಾ ॥ 139 ॥
ಯೋಗಿಹೃತ್ಪದ್ಮನಿಲಯಾ ಯೋಗಿವರ್ಯಪ್ರಿಯಂಕರೀ ।
ಯೋಗಿವನ್ದ್ಯಾ ಯೋಗಿಮಾತಾ ಯೋಗೀಶಫಲದಾಯಿನೀ ॥ 140 ॥
ಯಕ್ಷವನ್ದ್ಯಾ ಯಕ್ಷಪೂಜ್ಯಾ ಯಕ್ಷರಾಜಸುಪೂಜಿತಾ ।
ಯಜ್ಞರೂಪಾ ಯಜ್ಞತುಷ್ಟಾ ಯಾಯಜೂಕಸ್ವರೂಪಿಣೀ ॥ 141 ॥
ಯನ್ತ್ರಾರಾಧ್ಯಾ ಯನ್ತ್ರಮಧ್ಯಾ ಯನ್ತ್ರಕರ್ತೃಪ್ರಿಯಂಕರೀ ।
ಯನ್ತ್ರಾರೂಢಾ ಯನ್ತ್ರಪೂಜ್ಯಾ ಯೋಗಿಧ್ಯಾನಪರಾಯಣಾ ॥ 142 ॥
ಯಜನೀಯಾ ಯಮಸ್ತುತ್ಯಾ ಯೋಗಯುಕ್ತಾ ಯಶಸ್ಕರೀ ।
ಯೋಗಬದ್ಧಾ ಯತಿಸ್ತುತ್ಯಾ ಯೋಗಜ್ಞಾ ಯೋಗನಾಯಕೀ ॥ 143 ॥
ಯೋಗಿಜ್ಞಾನಪ್ರದಾ ಯಕ್ಷೀ ಯಮಬಾಧಾವಿನಾಶಿನೀ ।
ಯೋಗಿಕಾಮ್ಯಪ್ರದಾತ್ರೀ ಚ ಯೋಗಿಮೋಕ್ಷಪ್ರದಾಯಿನೀ ॥ 144 ॥
ಇತಿ ನಾಮ್ನಾಂ ಸರಸ್ವತ್ಯಾಃ ಸಹಸ್ರಂ ಸಮುದೀರಿತಮ್ ।
ಮನ್ತ್ರಾತ್ಮಕಂ ಮಹಾಗೋಪ್ಯಂ ಮಹಾಸಾರಸ್ವತಪ್ರದಮ್ ॥ 1 ॥
ಯಃ ಪಠೇಚ್ಛೃಣುಯಾದ್ಭಕ್ತ್ಯಾ ತ್ರಿಕಾಲಂ ಸಾಧಕಃ ಪುಮಾನ್ ।
ಸರ್ವವಿದ್ಯಾನಿಧಿಃ ಸಾಕ್ಷಾತ್ ಸ ಏವ ಭವತಿ ಧ್ರುವಮ್ ॥ 2 ॥
ಲಭತೇ ಸಂಪದಃ ಸರ್ವಾಃ ಪುತ್ರಪೌತ್ರಾದಿಸಂಯುತಾಃ ।
ಮೂಕೋಪಿ ಸರ್ವವಿದ್ಯಾಸು ಚತುರ್ಮುಖ ಇವಾಪರಃ ॥ 3 ॥
ಭೂತ್ವಾ ಪ್ರಾಪ್ನೋತಿ ಸಾನ್ನಿಧ್ಯಂ ಅನ್ತೇ ಧಾತುರ್ಮುನೀಶ್ವರ ।
ಸರ್ವಮನ್ತ್ರಮಯಂ ಸರ್ವವಿದ್ಯಾಮಾನಫಲಪ್ರದಮ್ ॥ 4 ॥
ಮಹಾಕವಿತ್ವದಂ ಪುಂಸಾಂ ಮಹಾಸಿದ್ಧಿಪ್ರದಾಯಕಮ್ ।
ಕಸ್ಮೈಚಿನ್ನ ಪ್ರದಾತವ್ಯಂ ಪ್ರಾಣೈಃ ಕಂಠಗತೈರಪಿ ॥ 5 ॥
ಮಹಾರಹಸ್ಯಂ ಸತತಂ ವಾಣೀನಾಮಸಹಸ್ರಕಮ್ ।
ಸುಸಿದ್ಧಮಸ್ಮದಾದೀನಾಂ ಸ್ತೋತ್ರಂ ತೇ ಸಮುದೀರಿತಮ್ ॥ 6 ॥
॥ ಇತಿ ಶ್ರೀಸ್ಕಾನ್ದಪುರಾಣಾನ್ತರ್ಗತ
ಸನತ್ಕುಮಾರ ಸಂಹಿತಾಯಾಂ ನಾರದ ಸನತ್ಕುಮಾರ ಸಂವಾದೇ
ಸರಸ್ವತೀಸಹಸ್ರನಾಮಸ್ತೋತ್ರಮ್ ಸಮ್ಪೂರ್ಣಮ್ ॥