॥ Pitambarisahasranamastotram Telugu Lyrics ॥
॥ శ్రీపీతామ్బరీసహస్రనామస్తోత్రమ్ ॥
అథవా శ్రీబగలాముఖీసహస్రనామస్తోత్రమ్
అథ శ్రీపీతామ్బరీసహస్రనామస్తోత్రమ్ ।
సురాలయప్రధానే తు దేవదేవం మహేశ్వరమ్ ।
శైలాధిరాజతనయా సఙ్గ్రహే తమువాచ హ ॥ ౧ ॥
శ్రీదేవ్యువాచ
పరమేష్ఠిన్పరన్ధామ ప్రధాన పరమేశ్వర ।
నామ్నాం సహస్రమ్బగలాముఖ్యాద్యా బ్రూహి వల్లభ ॥ ౨ ॥
ఈశ్వర ఉవాచ
శృణు దేవి ప్రవక్ష్యామి నామధేయసహస్రకమ్ ।
పరబ్రహ్మాస్త్రవిద్యాయాశ్చతుర్వర్గఫలప్రదమ్ ॥ ౩ ॥
గుహ్యాద్గుహ్యతరన్దేవి సర్వసిద్ధైకవన్దితమ్ ।
అతిగుప్తతరవ్విద్యా సర్వతన్త్రేషు గోపితా ॥ ౪ ॥
విశేషతః కలియుగే మహాసిద్ధ్యౌఘదాయినీ ।
గోపనీయఙ్గోపనీయఙ్గోపనీయమ్ప్రయత్నతః ॥ ౫ ॥
అప్రకాశ్యమిదం సత్యం స్వయోనిరివ సువ్రతే ।
రోధినీ విఘ్నసఙ్ఘానాం మోహినీ పరయోషితామ్ ॥ ౬ ॥
స్తమ్భినీ రాజసైన్యానావ్వాదినీ పరవాదినామ్ ।
పురా చైకార్ణవే ఘోరే కాలే పరమభైరవః ॥ ౭ ॥
సున్దరీసహితో దేవః కేశవః క్లేశనాశనః ।
ఉరగాసనమాసీనో యోగనిద్రాముపాగమత్ ॥ ౮ ॥
నిద్రాకాలే చ తే కాలే మయా ప్రోక్తః సనాతనః ।
మహాస్తమ్భకరన్దేవి స్తోత్రవ్వా శతనామకమ్ ॥ ౯ ॥
సహస్రనామ పరమవ్వద దేవస్య కస్యచిత్ ।
శ్రీభగవానువాచ
శృణు శఙ్కర దేవేశ పరమాతిరహస్యకమ్ ॥ ౧౦ ॥
అజోహం యత్ప్రసాదేన విష్ణుః సర్వేశ్వరేశ్వరః ।
గోపనీయమ్ప్రయత్నేన ప్రకాశాత్సిద్ధిహానికృత్ ॥ ౧౧ ॥
ఓం అస్య శ్రీపీతామ్బరీసహస్రనామస్తోత్రమన్త్రస్య భగవాన్సదాశివ
ఋషిరనుష్టుప్ఛన్దశ్శ్రీజగద్వశ్యకరీ పీతామ్బరీ దేవతా
సర్వాభీష్టసిద్ధ్యర్త్థే జపే వినియోగః ॥
అథ ధ్యానమ్
పీతామ్బరపరీధానాం పీనోన్నతపయోధరామ్ ।
జటాముకుటశోభాఢ్యామ్పీతభూమిసుఖాసనామ్ ॥ ౧౨ ॥
శత్రోర్జ్జిహ్వాం ముద్గరఞ్చ బిభ్రతీమ్పరమాఙ్కలామ్ ।
సర్వాగమపురాణేషు విఖ్యాతామ్భువనత్రయే ॥ ౧౩ ॥
సృష్టిస్థితివినాశానామాది భూతామ్మహేశ్వరీమ్ ।
గోప్యా సర్వప్రయత్నేన శృణు తాఙ్కథయామి తే ॥ ౧౪ ॥
జగద్విధ్వంసినీన్దేవీమజరామరకారిణీమ్ ।
తాన్నమామి మహామాయామ్మహదైశ్చర్యదాయినీమ్ ॥ ౧౫ ॥
ప్రణవమ్పూర్వముద్ధృత్య స్థిరమాయాన్తతో వదేత్ ।
బగలాముఖీ సర్వేతి దుష్టానావ్వాచమేవ చ ॥ ౧౬ ॥
ముఖమ్పదం స్తమ్భయేతి జిహ్వాఙ్కీలయ బుద్ధిమత్ ।
వినాశయేతి తారఞ్చ స్థిరమాయాన్తతో వదేత్ ॥ ౧౭ ॥
వహ్నిప్రియాన్తతో మన్త్రశ్చతుర్వర్గఫలప్రదః ।
బ్రహ్మాస్త్రమ్బ్రహ్మవిద్యా చ బ్రహ్మమాతా సనాతనీ ॥ ౧౮ ॥
బ్రహ్మేశీ బ్రహ్మకైవల్యబగలా బ్రహ్మచారిణీ ।
నిత్యానన్దా నిత్యసిద్ధా నిత్యరూపా నిరామయా ॥ ౧౯ ॥
సన్ధారిణీ మహామాయా కటాక్షక్షేమకారిణీ ।
కమలా విమలా నీలా రత్నకాన్తిగుణాశ్రితా ॥ ౨౦ ॥
కామప్రియా కామరతా కామకామస్వరూపిణీ ।
మఙ్గలా విజయా జాయా సర్వమఙ్గలకారిణీ ॥ ౨౧ ॥
కామినీ కామినీకామ్యా కాముకా కామచారిణీ ।
కామప్రియా కామరతా కామాకామస్వరూపిణీ ॥ ౨౨ ॥
కామాఖ్యా కామబీజస్థా కామపీఠనివాసినీ ।
కామదా కామహా కాలీ కపాలీ చ కరాలికా ॥ ౨౩ ॥
కంసారిః కమలా కామా కైలాసేశ్వరవల్లభా ।
కాత్యాయనీ కేశవా చ కరుణా కామకేలిభుక్ ॥ ౨౪ ॥
క్రియాకీర్త్తిః కృత్తికా చ కాశికా మథురా శివా ।
కాలాక్షీ కాలికా కాలీ ధవలాననసున్దరీ ॥ ౨౫ ॥
ఖేచరీ చ ఖమూర్త్తిశ్చ క్షుద్రా క్షుద్రక్షుధావరా ।
ఖడ్గహస్తా ఖడ్గరతా ఖడ్గినీ ఖర్పరప్రియా ॥ ౨౬ ॥
గఙ్గా గౌరీ గామినీ చ గీతా గోత్రవివర్ద్ధినీ ।
గోధరా గోకరా గోధా గన్ధర్వపురవాసినీ ॥ ౨౭ ॥
గన్ధర్వా గన్ధర్వకలా గోపనీ గరుడాసనా ।
గోవిన్దభావా గోవిన్దా గాన్ధారీ గన్ధమాదినీ ॥ ౨౮ ॥
గౌరాఙ్గీ గోపికామూర్త్తిర్గోపీగోష్ఠనివాసినీ ।
గన్ధా గజేన్ద్రగామాన్యా గదాధరప్రియా గ్రహా ॥ ౨౯ ॥
ఘోరఘోరా ఘోరరూపా ఘనశ్రోణీ ఘనప్రభా ।
దైత్యేన్ద్రప్రబలా ఘణ్టావాదినీ ఘోరనిస్స్వనా ॥ ౩౦ ॥
డాకిన్యుమా ఉపేన్ద్రా చ ఉర్వశీ ఉరగాసనా ।
ఉత్తమా ఉన్నతా ఉన్నా ఉత్తమస్థానవాసినీ ॥ ౩౧ ॥
చాముణ్డా ముణ్డితా చణ్డీ చణ్డదర్పహరేతి చ ।
ఉగ్రచణ్డా చణ్డచణ్డా చణ్డదైత్యవినాశినీ ॥ ౩౨ ॥
చణ్డరూపా ప్రచణ్డా చ చణ్డాచణ్డశరీరిణీ ।
చతుర్బ్భుజా ప్రచణ్డా చ చరాచరనివాసినీ ॥ ౩౩ ॥
క్షత్రప్రాయశ్శిరోవాహా ఛలా ఛలతరా ఛలీ ।
క్షత్రరూపా క్షత్రధరా క్షత్రియక్షయకారిణీ ॥ ౩౪ ॥
జయా చ జయదుర్గా చ జయన్తీ జయదా పరా ।
జాయినీ జయినీ జ్యోత్స్నా జటాధరప్రియా జితా ॥ ౩౫ ॥
జితేన్ద్రియా జితక్రోధా జయమానా జనేశ్వరీ ।
జితమృత్యుర్జరాతీతా జాహ్నవీ జనకాత్మజా ॥ ౩౬ ॥
ఝఙ్కారా ఝఞ్ఝరీ ఝణ్టా ఝఙ్కారీ ఝకశోభినీ ।
ఝఖా ఝమేశా ఝఙ్కారీ యోనికల్యాణదాయినీ ॥ ౩౭ ॥
ఝఞ్ఝరా ఝమురీ ఝారా ఝరాఝరతరా పరా ।
ఝఞ్ఝా ఝమేతా ఝఙ్కారీ ఝణాకల్యాణదాయినీ ॥ ౩౮ ॥
ఈమనా మానసీ చిన్త్యా ఈమునా శఙ్కరప్రియా ।
టఙ్కారీ టిటికా టీకా టఙ్కినీ చ టవర్గగా ॥ ౩౯ ॥
టాపా టోపా టటపతిష్టమనీ టమనప్రియా ।
ఠకారధారిణీ ఠీకా ఠఙ్కరీ ఠికరప్రియా ॥ ౪౦ ॥
ఠేకఠాసా ఠకరతీ ఠామినీ ఠమనప్రియా ।
డారహా డాకినీ డారా డామరా డమరప్రియా ॥ ౪౧ ॥
డఖినీ డడయుక్తా చ డమరూకరవల్లభా ।
ఢక్కా ఢక్కీ ఢక్కనాదా ఢోలశబ్దప్రబోధినీ ॥ ౪౨ ॥
ఢామినీ ఢామనప్రీతా ఢగతన్త్రప్రకాశినీ ।
అనేకరూపిణీ అమ్బా అణిమాసిద్ధిదాయినీ ॥ ౪౩ ॥
అమన్త్రిణీ అణుకరీ అణుమద్భానుసంస్థితా ।
తారా తన్త్రావతీ తన్త్రతత్త్వరూపా తపస్వినీ ॥ ౪౪ ॥
తరఙ్గిణీ తత్త్వపరా తన్త్రికా తన్త్రవిగ్రహా ।
తపోరూపా తత్త్వదాత్రీ తపఃప్రీతిప్రధర్షిణీ ॥ ౪౫ ॥
తన్త్రా యన్త్రార్చ్చనపరా తలాతలనివాసినీ ।
తల్పదా త్వల్పదా కామ్యా స్థిరా స్థిరతరా స్థితిః ॥ ౪౬ ॥
స్థాణుప్రియా స్థపరా స్థితా స్థానప్రదాయినీ ।
దిగమ్బరా దయారూపా దావాగ్ని దమనీదమా ॥ ౪౭ ॥
దుర్గా దుర్గాపరా దేవీ దుష్టదైత్యవినాశినీ ।
దమనప్రమదా దైత్యదయాదానపరాయణా ॥ ౪౮ ॥
దుర్గార్తినాశినీ దాన్తా దమ్భినీ దమ్భవర్జితా ।
దిగమ్బరప్రియా దమ్భా దైత్యదమ్భవిదారిణీ ॥ ౪౯ ॥
దమనా దశనసౌన్దర్యా దానవేన్ద్రవినాశినీ ।
దయా ధరా చ దమనీ దర్బ్భపత్రవిలాసినీ ॥ ౫౦ ॥
ధరిణీ ధారిణీ ధాత్రీ ధరాధరధరప్రియా ।
ధరాధరసుతా దేవీ సుధర్మా ధర్మచారిణీ ॥ ౫౧ ॥
ధర్మజ్ఞా ధవలా ధూలా ధనదా ధనవర్ద్ధినీ ।
ధీరా ధీరా ధీరతరా ధీరసిద్ధిప్రదాయినీ ॥ ౫౨ ॥
ధన్వన్తరిధరాధీరా ధ్యేయా ధ్యానస్వరూపిణీ ।
నారాయణీ నారసింహీ నిత్యానన్దనరోత్తమా ॥ ౫౩ ॥
నక్తా నక్తావతీ నిత్యా నీలజీమూతసన్నిభా ।
నీలాఙ్గీ నీలవస్త్రా చ నీలపర్వతవాసినీ ॥ ౫౪ ॥
సునీలపుష్పఖచితా నీలజమ్బుసమప్రభా ।
నిత్యాఖ్యా షోడశీ విద్యా నిత్యా నిత్యసుఖావహా ॥ ౫౫ ॥
నర్మదా నన్దనానన్దా నన్దానన్దవివర్ద్ధినీ ।
యశోదానన్దతనయా నన్దనోద్యానవాసినీ ॥ ౫౬ ॥
నాగాన్తకా నాగవృద్ధా నాగపత్నీ చ నాగినీ ।
నమితాశేషజనతా నమస్కారవతీ నమః ॥ ౫౭ ॥
పీతామ్బరా పార్వతీ చ పీతామ్బరవిభూషితా ।
పీతమీల్యామ్బరధరా పీతాభా పిఙ్గమూర్ద్ధజా ॥ ౫౮ ॥
పీతపుష్పార్చ్చనరతా పీతపుష్పసమర్చ్చితా ।
పరప్రభా పితృపతిః పరసైన్యవినాశినీ ॥ ౫౯ ॥
పరమా పరతన్త్రా చ పరమన్త్రా పరాత్పరా ।
పరావిద్యా పరాసిద్ధిః పరాస్థానప్రదాయినీ ॥ ౬౦ ॥
పుష్పా పుష్పవతీ నిత్యా పుష్పమాలావిభూషితా ।
పురాతనా పూర్వపరా పరసిద్ధిప్రదాయినీ ॥ ౬౧ ॥
పీతానితమ్బినీ పీతా పీనోన్నతపయస్తనీ ।
ప్రేమాప్రమధ్యమాశేషా పద్మపత్రవిలాసినీ ॥ ౬౨ ॥
పద్మావతీ పద్మనేత్రా పద్మా పద్మముఖీ పరా ।
పద్మాసనా పద్మప్రియా పద్మరాగస్వరూపిణీ ॥ ౬౩ ॥
పావనీ పాలికా పాత్రీ పరదా వరదా శివా ।
ప్రేతసంస్థా పరానన్దా పరబ్రహ్మస్వరూపుణీ ॥ ౬౪ ॥
జినేశ్వరప్రియా దేవీ పశురక్తరతప్రియా ।
పశుమాంసప్రియా పర్ణా పరామృతపరాయణా ॥ ౬౫ ॥
పాశీనీ పాశికా చాపి పశుఘ్నీ పశుభాషిణీ ।
ఫుల్లారవిన్దవదనీ ఫుల్లోత్పలశరీరిణీ ॥ ౬౬ ॥
పరానన్దప్రదా వీణాపశుపాశవినాశినీ ।
ఫూత్కారా ఫుత్పరా ఫేణీ ఫుల్లేన్దీవరలోచనా ॥ ౬౭ ॥
ఫట్మన్త్రా స్ఫటికా స్వాహా స్ఫోటా చ ఫట్స్వరూపిణీ ।
స్ఫాటికా ఘుటికా ఘోరా స్ఫటికాద్రిస్వరూపిణీ ॥ ౬౮ ॥
వరాఙ్గనా వరధరా వారాహీ వాసుకీ వరా ।
బిన్దుస్థా బిన్దునీ వాణీ బిన్దుచక్రనివాసినీ ॥ ౬౯ ॥
విద్యాధరీ విశాలాక్షీ కాశీవాసిజనప్రియా ।
వేదవిద్యా విరూపాక్షీ విశ్వయుగ్బహురూపిణీ ॥ ౭౦ ॥
బ్రహ్మశక్తిర్విష్ణుశక్తిః పఞ్చవక్త్రా శివప్రియా ।
వైకుణ్ఠవాసినీ దేవీ వైకుణ్ఠపదదాయినీ ॥ ౭౧ ॥
బ్రహ్మరూపా విష్ణురూపా పరబ్రహ్మమహేశ్వరీ ।
భవప్రియా భవోద్భావా భవరూపా భవోత్తమా ॥ ౭౨ ॥
భవపారా భవధారా భాగ్యవత్ప్రియకారిణీ ।
భద్రా సుభద్రా భవదా శుమ్భదైత్యవినాశినీ ॥ ౭౩ ॥
భవానీ భైరవీ భీమా భద్రకాలీ సుభద్రికా ।
భగినీ భగరూపా చ భగమానా భగోత్తమా ॥ ౭౪ ॥
భగప్రియా భగవతీ భగవాసా భగాకరా ।
భగసృష్టా భాగ్యవతీ భగరూపా భగాసినీ ॥ ౭౫ ॥
భగలిఙ్గప్రియా దేవీ భగలిఙ్గపరాయణా ।
భగలిఙ్గస్వరూపా చ భగలిఙ్గవినోదినీ ॥ ౭౬ ॥
భగలిఙ్గరతా దేవీ భగలిఙ్గనివాసినీ ।
భగమాలా భగకలా భగాధారా భగామ్బరా ॥ ౭౭ ॥
భగవేగా భగాభూషా భగేన్ద్రా భాగ్యరూపిణీ ।
భగలిఙ్గాఙ్గసమ్భోగా భగలిఙ్గాసవావహా ॥ ౭౮ ॥
భగలిఙ్గసమాధుర్యా భగలిఙ్గనివేశితా ।
భగలిఙ్గసుపూజా చ భగలిఙ్గసమన్వితా ॥ ౭౯ ॥
భగలిఙ్గవిరక్తా చ భగలిఙ్గసమావృతా ।
మాధవీ మాధవీమాన్యా మధురా మధుమానినీ ॥ ౮౦ ॥
మన్దహాసా మహామాయా మోహినీ మహదుత్తమా ।
మహామోహా మహావిద్యా మహాఘోరా మహాస్మృతిః ॥ ౮౧ ॥
మనస్వినీ మానవతీ మోదినీ మధురాననా ।
మేనికా మానినీ మాన్యా మణిరత్నవిభూషణా ॥ ౮౨ ॥
మల్లికా మౌలికా మాలా మాలాధరమదోత్తమా ।
మదనాసున్దరీ మేధా మధుమత్తా మధుప్రియా ॥ ౮౩ ॥
మత్తహంసాసమోన్నాసా మత్తసింహమహాసనీ ।
మహేన్ద్రవల్లభా భీమా మౌల్యఞ్చ మిథునాత్మజా ॥ ౮౪ ॥
మహాకాల్యా మహాకాలీ మహాబుద్ధిర్మహోత్కటా ।
మాహేశ్వరీ మహామాయా మహిషాసురఘాతినీ ॥ ౮౫ ॥
మధురాకీర్త్తిమత్తా చ మత్తమాతఙ్గగామినీ ।
మదప్రియా మాంసరతా మత్తయుక్కామకారిణీ ॥ ౮౬ ॥
మైథున్యవల్లభా దేవీ మహానన్దా మహ్వోత్సవా ।
మరీచిర్మారతిర్మ్మాయా మనోబుద్ధిప్రదాయినీ ॥ ౮౭ ॥
మోహా మోక్షా మహాలక్ష్మీర్మ్మహత్పదప్రదాయినీ ।
యమరూపా చ యమునా జయన్తీ చ జయప్రదా ॥ ౮౮ ॥
యామ్యా యమవతీ యుద్ధా యదోః కులవివర్ద్ధినీ ।
రమా రామా రామపత్నీ రత్నమాలా రతిప్రియా ॥ ౮౯ ॥
రత్నసింహాసనస్థా చ రత్నాభరణమణ్డితా ।
రమణీ రమణీయా చ రత్యారసపరాయణా ॥ ౯౦ ॥
రతానన్దా రతవతీ రధూణాఙ్కులవర్ద్ధినీ ।
రమణారిపరిభ్రాజ్యా రైధారాధికరత్నజా ॥ ౯౧ ॥
రావీ రసస్వరూపా చ రాత్రిరాజసుఖావహా ।
ఋతుజా ఋతుదా ఋద్ధా ఋతురూపా ఋతుప్రియా ॥ ౯౨ ॥
రక్తప్రియా రక్తవతీ రఙ్గిణీ రక్తదన్తికా ।
లక్ష్మీర్ల్లజ్జా లతికా చ లీలాలగ్నానితాక్షిణీ ॥ ౯౩ ॥
లీలా లీలావతీ లోమాహర్షాహ్లాదనపట్టికా ।
బ్రహ్మస్థితా బ్రహ్మరూపా బ్రహ్మణా వేదవన్దితా ॥ ౯౪ ॥
బ్రహ్మోద్భవా బ్రహ్మకలా బ్రహ్మాణీ బ్రహ్మబోధినీ ।
వేదాఙ్గనా వేదరూపా వనితా వినతా వసా ॥ ౯౫ ॥
బాలా చ యువతీ వృద్ధా బ్రహ్మకర్మపరాయణా ।
విన్ధ్యస్థా విన్ధ్యవాసీ చ బిన్దుయుగ్బిన్దుభూషణా ॥ ౯౬ ॥
విద్యావతీ వేదధారీ వ్యాపికా బర్హిణీ కలా ।
వామాచారప్రియా వహ్నిర్వామాచారపరాయణా ॥ ౯౭ ॥
వామాచారరతా దేవీ వామదేవప్రియోత్తమా ।
బుద్ధేన్ద్రియా విబుద్ధా చ బుద్ధాచరణమాలినీ ॥ ౯౮ ॥
బన్ధమోచనకర్త్రీ చ వారుణా వరుణాలయా ।
శివా శివప్రియా శుద్ధా శుద్ధాఙ్గీ శుక్లవర్ణికా ॥ ౯౯ ॥
శుక్లపుష్పప్రియా శుక్లా శివధర్మపరాయణా ।
శుక్లస్థా శుక్లినీ శుక్లరూపశుక్లపశుప్రియా ॥ ౧౦౦ ॥
శుక్రస్థా శుక్రిణీ శుక్రా శుక్రరూపా చ శుక్రికా ।
షణ్ముఖీ చ షడఙ్గా చ షట్చక్రవినివాసినీ ॥ ౧౦౧ ॥
షడ్గ్రన్థియుక్తా షోఢా చ షణ్మాతా చ షడాత్మికా ।
షడఙ్గయువతీ దేవీ షడఙ్గప్రకృతిర్వశీ ॥ ౧౦౨ ॥
షడాననా షడ్రసా చ షష్ఠీ షష్ఠేశ్వరీప్రియా ।
షఙ్గవాదా షోడశీ చ షోఢాన్యాసస్వరూపిణీ ॥ ౧౦౩ ॥
షట్చక్రభేదనకరీ షట్చక్రస్థస్వరూపిణీ ।
షోడశస్వరరూపా చ షణ్ముఖీ షడ్రదాన్వితా ॥ ౧౦౪ ॥
సనకాదిస్వరూపా చ శివధర్మషరాయణా ।
సిద్ధా సప్తస్వరీ శుద్ధా సురమాతా స్వరోత్తమా ॥ ౧౦౫ ॥
సిద్ధవిద్యా సిధమాతా సిద్ధా సిద్ధస్వరూపిణీ ।
హరా హరిప్రియా హారా హరిణీ హారయుక్ తథా ॥ ౧౦౬ ॥
హరిరూపా హరిధారా హరిణాక్షీ హరిప్రియా ।
హేతుప్రియా హేతురతా హితాహితస్వరూపిణీ ॥ ౧౦౭ ॥
క్షమా క్షమావతీ క్షీతా క్షుద్రఘణ్టావిభూషణా ।
క్షయఙ్కరీ క్షితీశా చ క్షీణమధ్యసుశోభనా ॥ ౧౦౮ ॥
అజానన్తా అపర్ణా చ అహల్యాశేషశాయినీ ।
స్వాన్తర్గతా చ సాధూనామన్తరానన్తరూపిణీ ॥ ౧౦౯ ॥
అరూపా అమలా చార్ద్ధా అనన్తగుణశాలినీ ।
స్వవిద్యా విద్యకావిద్యా విద్యా చార్విన్దలోచనా ॥ ౧౧౦ ॥
అపరాజితా జాతవేదా అజపా అమరావతీ ।
అల్పా స్వల్పా అనల్పాద్యా అణిమాసిద్ధిదాయినీ ॥ ౧౧౧ ॥
అష్టసిద్ధిప్రదా దేవీ రూపలక్షణసంయ్యుతా ।
అరవిన్దముఖా దేవీ భోగసౌఖ్యప్రదాయినీ ॥ ౧౧౨ ॥
ఆదివిద్యా ఆదిభూతా ఆదిసిద్ధిప్రదాయినీ ।
సీత్కారరూపిణీ దేవీ సర్వాసనవిభూషితా ॥ ౧౧౩ ॥
ఇన్ద్రప్రియా చ ఇన్ద్రాణీ ఇన్ద్రప్రస్థనివాసినీ ।
ఇన్ద్రాక్షీ ఇన్ద్రవజ్రా చ ఇన్ద్రమద్యోక్షణీ తథా ॥ ౧౧౪ ॥
ఈలా కామనివాసా చ ఈశ్వరీశ్వరవల్లభా ।
జననీ చేశ్వరీ దీనా భేదాచేశ్వరకర్మకృత్ ॥ ౧౧౫ ॥
ఉమా కాత్యాయనీ ఊర్ద్ధ్వా మీనా చోత్తరవాసినీ ।
ఉమాపతిప్రియా దేవీ శివా చోఙ్కారరూపిణీ ॥ ౧౧౬ ॥
ఉరగేన్ద్రశిరోరత్నా ఉరగోరగవల్లభా ।
ఉద్యానవాసినీ మాలా ప్రశస్తమణిభూషణా ॥ ౧౧౭ ॥
ఉర్ద్ధ్వదన్తోత్తమాఙ్గీ చ ఉత్తమా చోర్ధ్వకేశినీ ।
ఉమాసిద్ధిప్రదా యా చ ఉరగాసనసంస్థితా ॥ ౧౧౮ ॥
ఋషిపుత్రీ ఋషిచ్ఛన్దా ఋద్ధిసిద్ధిప్రదాయినీ ।
ఉత్సవోత్సవసీమన్తా కామికా చ గుణాన్వితా ॥ ౧౧౯ ॥
ఏలా ఏకారవిద్యా చ ఏణీవిద్యాధరా తథా ।
ఓఙ్కారవలయోపేతా ఓఙ్కారపరమా కలా ॥ ౧౨౦ ॥
ఓంవదవదవాణీ చ ఓఙ్కారాక్షరమణ్డితా ।
ఐన్ద్రీ కులిశహస్తా చ ఓంలోకపరవాసినీ ॥ ౧౨౧ ॥
ఓఙ్కారమధ్యబీజా చ ఓంనమోరూపధారిణీ ।
ప్రబ్రహ్మస్వరూపా చ అంశుకాంశుకవల్లభా ॥ ౧౨౨ ॥
ఓఙ్కారా అఃఫడ్మన్త్రా చ అక్షాక్షరవిభూషితా ।
అమన్త్రా మన్త్రరూపా చ పదశోభాసమన్వితా ॥ ౧౨౩ ॥
ప్రణవోఙ్కారరూపా చ ప్రణవోచ్చారభాక్ పునః ।
హ్రీఙ్కారరూపా హ్రీంఙ్కారీ వాగ్బీజాక్షరభూషణా ॥ ౧౨౪ ॥
హృల్లేఖా సిద్ధి యోగా చ హృత్పద్మాసనసంస్థితా ।
బీజాఖ్యా నేత్రహృదయా హ్రీమ్బీజాభువనేశ్వరీ ॥ ౧౨౫ ॥
క్లీఙ్కామరాజా క్లిన్నా చ చతుర్వర్గఫలప్రదా ।
క్లీఙ్క్లీఙ్క్లీంరూపికా దేవీ క్రీఙ్క్రీఙ్క్రీంనామధారిణీ ॥ ౧౨౬ ॥
కమలాశక్తిబీజా చ పాశాఙ్కుశవిభూషితా ।
శ్రీంశ్రీఙ్కారా మహావిద్యా శ్రద్ధా శ్రద్ధావతీ తథా ॥ ౧౨౭ ॥
ఓం ఐం క్లీంహ్రీంశ్రీమ్పరా చ క్లీఙ్కారీ పరమా కలా ।
హ్రీఙ్క్లీంశ్రీఙ్కారస్వరూపా సర్వకర్మఫలప్రదా ॥ ౧౨౮ ॥
సర్వాఢ్యా సర్వదేవీ చ సర్వసిద్ధిప్రదా తథా ।
సర్వజ్ఞా సర్వశక్తిశ్చ వాగ్విభూతిప్రదాయినీ ॥ ౧౨౯ ॥
సర్వమోక్షప్రదా దేవీ సర్వభోగప్రదాయినీ ।
గుణేన్ద్రవల్లభా వామా సర్వశక్తిప్రదాయినీ ॥ ౧౩౦ ॥
సర్వానన్దమయీ చైవ సర్వసిద్ధిప్రదాయినీ ।
సర్వచక్రేశ్వరీ దేవీ సర్వసిద్ధేశ్వరీ తథా ॥ ౧౩౧ ॥
సర్వప్రియఙ్కరీ చైవ సర్వసౌఖ్యప్రదాయినీ ।
సర్వానన్దప్రదా దేవీ బ్రహ్మానన్దప్రదాయినీ ॥ ౧౩౨ ॥
మనోవాఞ్ఛితదాత్రీ చ మనోవృద్ధిసమన్వితా ।
అకారాది-క్షకారాన్తా దుర్గా దుర్గార్త్తినాశినీ ॥ ౧౩౩ ॥
పద్మనేత్రా సునేత్రా చ స్వధాస్వాహావషట్కరీ ।
స్వవర్గా దేవవర్గా చ తవర్గా చ సమన్వితా ॥ ౧౩౪ ॥
అన్తస్స్థా వేశ్మరూపా చ నవదుర్గా నరోత్తమా ।
తత్త్వసిద్ధిప్రదా నీలా తథా నీలపతాకినీ ॥ ౧౩౫ ॥
నిత్యరూపా నిశాకారీ స్తమ్భినీ మోహినీతి చ ।
వశఙ్కరీ తథోచ్చాటీ ఉన్మాదీ కర్షిణీతి చ ॥ ౧౩౬ ॥
మాతఙ్గీ మధుమత్తా చ అణిమా లఘిమా తథా ।
సిద్ధా మోక్షప్రదా నిత్యా నిత్యానన్దప్రదాయినీ ॥ ౧౩౭ ॥
రక్తాఙ్గీ రక్తనేత్రా చ రక్తచన్దనభూషితా ।
స్వల్పసిద్ధిస్సుకల్పా చ దివ్యచారణశుక్రభా ॥ ౧౩౮ ॥
సఙ్క్రాన్తిస్సర్వవిద్యా చ సస్యవాసరభూషితా ।
ప్రథమా చ ద్వితీయా చ తృతీయా చ చతుర్త్థికా ॥ ౧౩౯ ॥
పఞ్చమీ చైవ షష్ఠీ చ విశుద్ధా సప్తమీ తథా ।
అష్టమీ నవమీ చైవ దశమ్యేకాదశీ తథా ॥ ౧౪౦ ॥
ద్వాదశీ త్రయోదశీ చ చతుర్ద్దశ్యథ పూర్ణిమా ।
ఆమావస్యా తథా పూర్వా ఉత్తరా పరిపూర్ణిమా ॥ ౧౪౧ ॥
ఖడ్గినీ చక్రిణీ ఘోరా గదినీ శూలినీ తథా ।
భుశుణ్డీ చాపినీ బాణా సర్వాయుధవిభూషణా ॥ ౧౪౨ ॥
కులేశ్వరీ కులవతీ కులాచారపరాయణా ।
కులకర్మసురక్తా చ కులాచారప్రవర్ద్ధినీ ॥ ౧౪౩ ॥
కీర్తిశ్శ్రీశ్చ రమా రామా ధర్మాయై సతతన్నమః ।
క్షమా ధృతిః స్మృతిర్మేధా కల్పవృక్షనివాసినీ ॥ ౧౪౪ ॥
ఉగ్రా ఉగ్రప్రభా గౌరీ వేదవిద్యావిబోధినీ ।
సాధ్యా సిద్ధా సుసిద్ధా చ విప్రరూపా తథైవ చ ॥ ౧౪౫ ॥
కాలీ కరాలీ కాల్యా చ కలాదైత్యవినాశినీ ।
కౌలినీ కాలికీ చైవ క-చ-ట-త-పవర్ణికా ॥ ౧౪౬ ॥
జయినీ జయయుక్తా చ జయదా జృమ్భినీ తథా ।
స్రావిణీ ద్రావిణీ దేవీ భరుణ్డా విన్ధ్యవాసినీ ॥ ౧౪౭ ॥
జ్యోతిర్బ్భూతా చ జయదా జ్వాలామాలాసమాకులా ।
భిన్నా భిన్నప్రకాశా చ విభిన్నా భిన్నరూపిణీ ॥ ౧౪౮ ॥
అశ్వినీ భరణీ చైవ నక్షత్రసమ్భవానిలా ।
కాశ్యపీ వినతా ఖ్యాతా దితిజాదితిరేవ చ ॥ ౧౪౯ ॥
కీర్త్తిః కామప్రియా దేవీ కీర్త్త్యా కీర్తివివర్ద్ధినీ ।
సద్యోమాంససమాలబ్ధా సద్యశ్ఛిన్నాసిశఙ్కరా ॥ ౧౫౦ ॥
దక్షిణా చోత్తరా పూర్వా పశ్చిమా దిక్ తథైవ చ ।
అగ్నినైరృతివాయవ్యా ఈశాన్యాదిక్ తథా స్మృతా ॥ ౧౫౧ ॥
ఊర్ధ్వాఙ్గాధోగతా శ్వేతా కృష్ణా రక్తా చ పీతకా ।
చతుర్వర్గా చతుర్వర్ణా చతుర్మాత్రాత్మికాక్షరా ॥ ౧౫౨ ॥
చతుర్ముఖీ చతుర్వేదా చతుర్విద్యా చతుర్ముఖా ।
చతుర్గణా చతుర్మాతా చతుర్వర్గఫలప్రదా ॥ ౧౫౩ ॥
ధాత్రీ విధాత్రీ మిథునా నారీ నాయకవాసినీ ।
సురాముదా ముదవతీ మోదినీ మేనకాత్మజా ॥ ౧౫౪ ॥
ఊర్ద్ధ్వకాలీ సిద్ధికాలీ దక్షిణాకాలికా శివా ।
నీల్యా సరస్వతీ సాత్వమ్బగలా ఛిన్నమస్తకా ॥ ౧౫౫ ॥
సర్వేశ్వరీ సిద్ధవిద్యా పరా పరమదేవతా ।
హిఙ్గులా హిఙ్గులాఙ్గీ చ హిఙ్గులాధరవాసినీ ॥ ౧౫౬ ॥
హిఙ్గులోత్తమవర్ణాభా హిఙ్గులాభరణా చ సా ।
జాగ్రతీ చ జగన్మాతా జగదీశ్వరవల్లభా ॥ ౧౫౭ ॥
జనార్ద్దనప్రియా దేవీ జయయుక్తా జయప్రదా ।
జగదానన్దకరీ చ జగదాహ్లాదకారిణీ ॥ ౧౫౮ ॥
జ్ఞానదానకరీ యజ్ఞా జానకీ జనకప్రియా ।
జయన్తీ జయదా నిత్యా జ్వలదగ్నిసమప్రభా ॥ ౧౫౯ ॥
విద్యాధరా చ బిమ్బోష్ఠీ కైలాసచలవాసినీ ।
విభవా వడవాగ్నిశ్చ అగ్నిహోత్రఫలప్రదా ॥ ౧౬౦ ॥
మన్త్రరూపా పరా దేవీ తథైవ గురురూపిణీ ।
గయా గఙ్గా గోమతీ చ ప్రభాసా పుష్కరాపి చ ॥ ౧౬౧ ॥
విన్ధ్యాచలరతా దేవీ విన్ధ్యాచలనివాసినీ ।
బహూ బహుసున్దరీ చ కంసాసురవినాశినీ ॥ ౧౬౨ ॥
శూలినీ శూలహస్తా చ వజ్రా వజ్రహరాపి చ ।
దూర్గా శివా శాన్తికరీ బ్రహ్మాణీ బ్రాహ్మణప్రియా ॥ ౧౬౩ ॥
సర్వలోకప్రణేత్రీ చ సర్వరోగహరాపి చ ।
మఙ్గలా శోభనా శుద్ధా నిష్కలా పరమా కలా ॥ ౧౬౪ ॥
విశ్వేశ్వరీ విశ్వమాతా లలితా వసితాననా ।
సదాశివా ఉమా క్షేమా చణ్డికా చణ్డవిక్రమా ॥ ౧౬౫ ॥
సర్వదేవమయీ దేవీ సర్వాగమభయాపహా ।
బ్రహ్మేశవిష్ణునమితా సర్వకల్యాణకారిణీ ॥ ౧౬౬ ॥
యోగినీ యోగమాతా చ యోగీన్ద్రహృదయస్థితా ।
యోగిజాయా యోగవతీ యోగీన్ద్రానన్దయోగినీ ॥ ౧౬౭ ॥
ఇన్ద్రాదినమితా దేవీ ఈశ్వరీ చేశ్వరప్రియా ।
విశుద్ధిదా భయహరా భక్తద్వేషిభయఙ్కరీ ॥ ౧౬౮ ॥
భవవేషా కామినీ చ భరుణ్డా భయకారిణీ ।
బలభద్రప్రియాకారా సంసారార్ణవతారిణీ ॥ ౧౬౯ ॥
పఞ్చభూతా సర్వభూతా విభూతిర్బ్భూతిధారిణీ ।
సింహవాహా మహామోహా మోహపాశవినాశినీ ॥ ౧౭౦ ॥
మన్దురా మదిరా ముద్రా ముద్రాముద్గరధారిణీ ।
సావిత్రీ చ మహాదేవీ పరప్రియనినాయికా ॥ ౧౭౧ ॥
యమదూతీ చ పిఙ్గాక్షీ వైష్ణవీ శఙ్కరీ తథా ।
చన్ద్రప్రియా చన్ద్రరతా చన్దనారణ్యవాసినీ ॥ ౧౭౨ ॥
చన్దనేన్ద్రసమాయుక్తా చణ్డదైత్యవినాశినీ ।
సర్వేశ్వరీ యక్షిణీ చ కిరాతీ రాక్షసీ తథా ॥ ౧౭౩ ॥
మహాభోగవతీ దేవీ మహామోక్షప్రదాయినీ ।
విశ్వహన్త్రీ విశ్వరూపా విశ్వసంహారకారిణీ ॥ ౧౭౪ ॥
ధాత్రీ చ సర్వలోకానాం హితకారణకామినీ ।
కమలా సూక్ష్మదా దేవీ ధాత్రీ హరవినాశినీ ॥ ౧౭౫ ॥
సురేన్ద్రపూజితా సిద్ధా మహాతేజోవతీతి చ ।
పరారూపవతీ దేవీ త్రైలోక్యాకర్షకారిణీ ॥ ౧౭౬ ॥
ఇతి తే కథితన్దేవి పీతానామ సహస్రకమ్ ।
పఠేద్వా పాఠయేద్వాపి సర్వసిద్ధిర్భవేత్ప్రియే ॥ ౧౭౭ ॥
ఇతి మే విష్ణునా ప్రోక్తమ్మహాస్తమ్భకరమ్పరమ్ ।
ప్రాతః కాలే చ మధ్యాహ్నే సన్ధ్యాకాలే చ పార్వతి ॥ ౧౭౮ ॥
ఏకచిత్తః పఠేదేతత్సర్వసిద్ధిర్బ్భవిష్యతి ।
ఏకవారమ్పఠేద్యస్తు సర్వపాపక్షయో భవేత్ ॥ ౧౭౯ ॥
ద్వివారమ్ప్రపఠేద్యస్తు విఘ్నేశ్వరసమో భవేత్ ।
త్రివారమ్పఠనాద్దేవి సర్వం సిద్ధ్యతి సర్వథా ॥ ౧౮౦ ॥
స్తవస్యాస్య ప్రభావేణ సాక్షాద్భవతి సువ్రతే ।
మోక్షార్త్థీ లభతే మోక్షన్ధనార్థీ లభతే ధనమ్ ॥ ౧౮౧ ॥
విద్యార్త్థీ లభతే విద్యాన్తర్కవ్యాకరణాన్వితామ్ ।
మహిత్వవ్వత్సరాన్తాచ్చ శత్రుహానిః ప్రజాయతే ॥ ౧౮౨ ॥
క్షోణీపతిర్వశస్తస్య స్మరణే సదృశో భవేత్ ।
యః పఠేత్సర్వదా భక్త్యా శ్రేయస్తు భవతి ప్రియే ॥ ౧౮౩ ॥
గణాధ్యక్షప్రతినిధిః కవికావ్యపరో వరః ।
గోపనీయమ్ప్రయత్నేన జననీజారవత్సదా ॥ ౧౮౪ ॥
హేతుయుక్తో భవేన్నిత్యం శక్తియుక్తః సదా భవేత్ ।
య ఇదమ్పఠతే నిత్యం శివేన సదృశో భవేత్ ॥ ౧౮౫ ॥
జీవన్ధర్మార్త్థభోగీ స్యాన్మృతో మోక్షపతిర్బ్భవేత్ ।
సత్యం సత్యమ్మహాదేవి సత్యం సత్యన్న సంశయః ॥ ౧౮౬ ॥
స్తవస్యాస్య ప్రభావేణ దేవేన సహ మోదతే ।
సుచిత్తాశ్చ సురాస్సర్వే స్తవరాజస్య కీర్త్తనాత్ ॥ ౧౮౭ ॥
పీతామ్బరపరీధానా పీతగన్ధానులేపనా ।
పరమోదయకీర్త్తిః స్యాత్పరతస్సురసున్దరి ॥ ౧౮౮ ॥
ఇతి శ్రీఉత్కటశమ్బరే నాగేన్ద్రప్రయాణతన్త్రే షోడశసహస్రే
విష్ణుశఙ్కరసంవాదే పీతామ్బరీసహస్రనామస్తోత్రం సమాప్తమ్ ॥