॥ RadhikaSahasranamastotram Malayalam Lyrics ॥
॥ ശ്രീരാധികാസഹസ്രനാമസ്തോത്രം ॥
നാരദപഞ്ചരാത്രേ ജ്ഞാനാമൃതസാരതഃ
ശ്രീപാര്‍വത്യുവാച –
ദേവദേവ ജഗന്നാഥ ഭക്താനുഗ്രഹകാരക ।
യദ്യസ്തി മയി കാരുണ്യം മയി യദ്യസ്തി തേ ദയാ ॥ 1 ॥
യദ്യത് ത്വയാ നിഗദിതം തത്സര്‍വം മേ ശ്രുതം പ്രഭോ ।
ഗുഹ്യാദ് ഗുഹ്യതരം യത്തു യത്തേ മനസി കാശതേ ॥ 2 ॥
ത്വയാ ന ഗദിതം യത്തു യസ്മൈ കസ്മൈ കദചന ।
തസ്മാത് കഥയ ദേവേശ സഹസ്രം നാമ ചോത്തമം ॥ 3 ॥
ശ്രീരാധായാ മഹദേവ്യാ ഗോപ്യാ ഭക്തിപ്രസാധനം ।
ബ്രഹ്മാണ്ഡകര്‍ത്രീ ഹര്‍ത്രീ സാ കഥം ഗോപീത്വമാഗതാ ॥ 4 ॥
ശ്രീമഹാദേവ ഉവാച –
ശൃണു ദേവി വിചിത്രാര്‍ഥാം കഥാം പാപഹരാം ശുഭാം ।
നാസ്തി ജന്‍മാനി കര്‍മാണി തസ്യാ നൂനം മഹേശ്വരി ॥ 5 ॥
യദാ ഹരിശ്ചരിത്രാണി കുരുതേ കാര്യഗോരവാത് ।
തദാ വിധതേ രൂപാണി ഹരിസാന്നിധ്യസാധിനീ ॥ 6 ॥
തസ്യാ ഗോപീത്വഭാവസ്യകാരണം ഗദിതം പുരാ ।
ഇദാനീം ശൃണു ദേവേശി നാംനാം ചൈവ സഹസ്രകം ॥ 7 ॥
യന്‍മയാ കഥിതം നൈവ തന്ത്രേഷ്വപി കദാചന ।
തവ സ്നേഹാത്പ്രവക്ഷ്യാമി ഭക്ത്യാ ധാര്യം മുമുക്ഷുഭിഃ ॥ 8 ॥
മമ പ്രാണസമാ വിദ്യാ ഭവ്യതേ മേ ത്വഹര്‍നിശം ।
ശൃണുഷ്വ ഗിരിജേ നിത്യം പഠസ്വ ച യഥാമതി ॥ 9 ॥
യസ്യാഃ പ്രസാദാത് കൃഷ്ണസ്തു ഗോലോകേശഃ പരഃ പ്രഭുഃ ।
അസ്യാ നാമസഹസ്രസ്യ ഋഷിര്‍നാരദ ഏവ ച ।
ദേവീ രാധാ പരാ പ്രോക്താ ചതുര്‍വര്‍ഗപ്രസാധിനീ ॥ 10 ॥
॥അഥ സഹസ്രനാമസ്തോത്രം ॥
ശ്രീരാധാ രാധികാ കൃഷ്ണവല്ലഭാ കൃഷ്ണസംയുതാ ।
വൃന്ദാവനേശ്വരീ കൃഷ്ണപ്രിയാ മദനമോഹിനീ ॥ 11 ॥
ശ്രീമതീ കൃഷ്ണകാന്താ ച കൃഷ്ണാനന്ദപ്രദായിനീ ।
യശസ്വിനീ യശോഗംയാ യശോദാനന്ദവല്ലഭാ ॥ 12 ॥
ദാമോദരപ്രിയാ ഗോപീ ഗോപാനന്ദകരീ തഥാ ।
കൃഷ്ണാങ്ഗവാസിനീ ഹൃദ്യാ ഹരികാന്താ ഹരിപ്രിയാ ॥ 13 ॥
പ്രധാനഗോപികാ ഗോപകന്യാ ത്രൈലോക്യസുന്ദരീ ।
വൃന്ദാവനവിഹാരിണീ വികശിതമുഖാംബുജാ ॥ 14 ॥
ഗോകുലാനന്ദകര്‍ത്രീ ച ഗോകുലാനന്ദദായിനീ ।
ഗതിപ്രദാ ഗീതഗംയാ ഗമനാഗമനപ്രിയാ ॥ 15 ॥
വിഷ്ണുപ്രിയാ വിഷ്ണുകാന്താ വിഷ്ണോരങ്ഗനിവാസിനീ ।
യശോദാനന്ദപത്നീ ച യശോദാനന്ദഗേഹിനീ ॥ 16 ॥
കാമാരികാന്താ കാമേശീ കാമലാലസവിഗ്രഹാ ।
ജയപ്രദാ ജയാ ജീവാ ജീവാനന്ദപ്രദായിനീ ॥ 17 ॥
നന്ദനന്ദനപത്നീ ച വൃഷഭാനുസുതാ ശിവാ ।
ഗണാധ്യക്ഷാ ഗവാധ്യക്ഷാ ഗവാം ഗതിരനുത്തമാ ॥ 18 ॥
കാഞ്ചനാഭാ ഹേമഗാത്രാ കാഞ്ചനാങ്ഗദധാരിണീ ।
അശോകാ ശോകരഹിതാ വിശോകാ ശോകനാശിനീ ॥ 19 ॥
ഗായത്രീ വേദമാതാ ച വേദാതീത വിദുത്തമാ ।
നീതിശാസ്ത്രപ്രിയാ നീതിഗതിര്‍മതിരഭീഷ്ടദാ ॥ 20 ॥
വേദപ്രിയാ വേദഗര്‍ഭാ വേദമാര്‍ഗപ്രവര്‍ധിനീ ।
വേദഗംയാ വേദപരാ വിചിത്രകനകോജ്ജ്വലാ ॥ 21 ॥
തഥോജ്ജ്വലപ്രദാ നിത്യാ തഥൈവോജ്ജ്വലഗാത്രികാ ।
നന്ദപ്രിയാ നന്ദസുതാരധ്യാഽഽനന്ദപ്രദാ ശുഭാ ॥ 22 ॥
ശുഭാങ്ഗീ വിമലാങ്ഗീ ച വിലസിന്യപരാജിതാ ।
ജനനീ ജന്‍മശൂന്യാ ച ജന്‍മമൃത്യുജരാപഹാ ॥ 23 ॥
ഗതിര്‍ഗതിമതാം ധാത്രീ ധാത്ര്യാനന്ദപ്രദായിനീ ।
ജഗന്നാഥപ്രിയാ ശൈലവാസിനീ ഹേമസുന്ദരീ ॥ 24 ॥
കിശോരീ കമലാ പദ്മാ പദ്മഹസ്താ പയോദദാ ।
പയസ്വിനീ പയോദാത്രീ പവിത്രീ സര്‍വമങ്ഗലാ ॥ 25 ॥
മഹാജീവപ്രദാ കൃഷ്ണകാന്താ കമലസുന്ദരീ ।
വിചിത്രവാസിനീ ചിത്രവാസിനീ ചിത്രരൂപിണീ ॥ 26 ॥
നിര്‍ഗുണാ സുകുലീനാ ച നിഷ്കുലീനാ നിരാകുലാ ।
ഗോകുലാന്തരഗേഹാ ച യോഗാനന്ദകരീ തഥാ ॥ 27 ॥
വേണുവാദ്യാ വേണുരതിഃ വേണുവാദ്യപരായണാ ।
ഗോപാലസ്യപ്രിയാ സൌംയരൂപാ സൌംയകുലോദ്വഹാ ॥ 28 ॥
മോഹാമോഹാ വിമോഹാ ച ഗതിനിഷ്ഠാ ഗതിപ്രദാ ।
ഗീര്‍വാണവന്ദ്യാ ഗിര്‍വാണാ ഗിര്‍വാണഗണസേവിതാ ॥ 29 ॥
ലലിതാ ച വിശോകാ ച വിശാഖാ ചിത്രമാലിനീ ।
ജിതേന്ദ്രിയാ ശുദ്ധസത്ത്വാ കുലീനാ കുലദീപികാ ॥ 30 ॥
ദീപപ്രിയാ ദീപദാത്രീ വിമലാ വിമലോദകാ ।
കാന്താരവാസിനീ കൃഷ്ണാ കൃഷ്ണചന്ദ്രപ്രിയാ മതിഃ ॥ 31 ॥
അനുത്തരാ ദുഃഖഹന്ത്രീ ദുഃഖകര്‍ത്രീ കുലോദ്വഹാ ।
മതിര്ലക്ഷ്മീര്‍ധൃതിര്ലജ്ജാ കാന്തിഃ പുഷ്ടിഃ സ്മൃതിഃ ക്ഷമാ ॥ 32 ॥
ക്ഷീരോദശായിനീ ദേവീ ദേവാരികുലമര്‍ദിനീ ।
വൈഷ്ണവീ ച മഹാലക്ഷ്മീഃ കുലപൂജ്യാ കുലപ്രിയാ ॥ 33 ॥
സംഹര്‍ത്രീ സര്‍വദൈത്യാനാം സാവിത്രീ വേദഗാമിനീ ।
വേദാതീതാ നിരാലംബാ നിരാലംബഗണപ്രിയാ ॥ 34 ॥
നിരാലംബജനൈഃ പൂജ്യാ നിരാലോകാ നിരാശ്രയാ ।
ഏകാങ്ഗീ സര്‍വഗാ സേവ്യാ ബ്രഹ്മപത്നീ സരസ്വതീ ॥ 35 ॥
രാസപ്രിയാ രാസഗംയാ രാസാധിഷ്ഠാതൃദേവതാ ।
രസികാ രസികാനന്ദാ സ്വയം രാസേശ്വരീ പരാ ॥ 36 ॥
രാസമണ്ഡലമധ്യസ്ഥാ രാസമണ്ഡലശോഭിതാ ।
രാസമണ്ഡലസേവ്യാ ച രാസക്രീഡാ മനോഹരാ ॥ 37 ॥
പുണ്ഡരീകാക്ഷനിലയാ പുണ്ഡരീകാക്ഷഗേഹിനീ ।
പുണ്ഡരീകാക്ഷസേവ്യാ ച പുണ്ഡരീകാക്ഷവല്ലഭാ ॥ 38 ॥
സര്‍വജീവേശ്വരീ സര്‍വജീവവന്ദ്യാ പരാത്പരാ ।
പ്രകൃതിഃ ശംഭുകാന്താ ച സദാശിവമനോഹരാ ॥ 39 ॥
ക്ഷുത്പിപാസാ ദയാ നിദ്രാ ഭ്രാന്തിഃ ശ്രാന്തിഃ ക്ഷമാകുലാ ।
വധൂരൂപാ ഗോപപത്നീ ഭാരതീ സിദ്ധയോഗീനീ ॥ 40 ॥
സത്യരൂപാ നിത്യരൂപാ നിത്യാങ്ഗീ നിത്യഗേഹിനീ ।
സ്ഥാനദാത്രീ തഥാ ധാത്രീ മഹാലക്ഷ്മീഃ സ്വയമ്പ്രഭാ ॥ 41 ॥
സിന്ധുകന്യാഽഽസ്ഥാനദാത്രീ ദ്വാരകാവാസിനീ തഥാ ।
ബുദ്ധിഃ സ്ഥിതിഃ സ്ഥാനരൂപാ സര്‍വകാരണകാരണാ ॥ 42 ॥
ഭക്തപ്രിയാ ഭക്തഗംയാ ഭക്താനന്ദപ്രദായിനീ ।
ഭക്തകല്‍പദ്രുമാതീതാ തഥാതീതഗുണാ തഥാ ॥ 43 ॥
മനോഽധിഷ്ഠാതൃദേവീ ച കൃഷ്ണപ്രേമപരായണാ ।
നിരാമയാ സൌംയദാത്രീ തഥാ മദനമോഹിനീ ॥ 44 ॥
ഏകാനംശാ ശിവാ ക്ഷേമാ ദുര്‍ഗാ ദുര്‍ഗതിനാശിനീ ।
ഈശ്വരീ സര്‍വവന്ദ്യാ ച ഗോപനീയാ ശുഭങ്കരീ ॥ 45 ॥
പാലിനീസര്‍വഭൂതാനാം തഥാ കാമാങ്ഗഹാരിണീ ।
സദ്യോമുക്തിപ്രദാ ദേവീ വേദസാരാ പരാത്പരാ ॥ 46 ॥
ഹിമാലയസുതാ സര്‍വാ പാര്‍വതീ ഗിരിജാ സതീ ।
ദക്ഷകന്യാ ദേവമാതാ മന്ദലജ്ജാ ഹരേസ്തനുഃ ॥ 47 ॥
വൃന്ദാരണ്യപ്രിയാ വൃന്ദാ വൃന്ദാവനവിലാസിനീ ।
വിലാസിനീ വൈഷ്ണവീ ച ബ്രഹ്മലോകപ്രതിഷ്ഠിതാ ॥ 48 ॥
രുക്മിണീ രേവതീ സത്യഭാമാ ജാംബവതീ തഥാ ।
സുലക്ഷ്മണാ മിത്രവിന്ദാ കാലിന്ദീ ജഹ്നുകന്യകാ ॥ 49 ॥
പരിപൂര്‍ണാ പൂര്‍ണതരാ തഥാ ഹൈമവതീ ഗതിഃ ।
അപൂര്‍വാ ബ്രഹ്മരൂപാ ച ബ്രഹ്മാണ്ഡപരിപാലിനീ ॥ 50 ॥
ബ്രഹ്മാണ്ഡഭാണ്ഡമദ്യസ്ഥാ ബ്രഹ്മാണ്ഡഭാണ്ഡരൂപിണീ ।
അണ്ഡരൂപാണ്ഡമധ്യസ്ഥാ തഥാണ്ഡപരിപാലിനീ ॥ 51 ॥
അണ്ഡബാഹ്യാണ്ഡസംഹര്‍ത്രീ ശിവബ്രഹ്മഹരിപ്രിയാ ।
മഹാവിഷ്ണുപ്രിയാ കല്‍പവൃക്ഷരൂപാ നിരന്തരാ ॥ 52 ॥
സാരഭൂതാ സ്ഥിരാ ഗൌരീ ഗൌരാങ്ഗീ ശശിശേഖരാ ।
ശ്വേതചമ്പകവര്‍ണാഭാ ശശികോടിസമപ്രഭാ ॥ 53 ॥
മാലതീ മാല്യഭൂഷാഢ്യാ മാലതീമാല്യധാരിണീ ।
കൃഷ്ണസ്തുതാ കൃഷ്ണകാന്താ വൃന്ദാവനവിലാസിനീ ॥ 54 ॥
തുലസ്യധിഷ്ഠാതൃദേവീ സംസാരാര്‍ണവപാരദാ ।
സാരദാഽഽഹാരദാംഭോദാ യശോദാ ഗോപനന്ദിനീ ॥ 55 ॥
അതീതഗമനാ ഗൌരീ പരാനുഗ്രഹകാരിണീ ।
കരുണാര്‍ണവസമ്പൂര്‍ണാ കരുണാര്‍ണവധാരിണീ ॥ 56 ॥
മാധവീ മാധവമനോഹാരിണീ ശ്യാമവല്ലഭാ ।
അന്ധകാരഭയധ്വസ്താ മങ്ഗല്യാ മങ്ഗലപ്രദാ ॥ 57 ॥
ശ്രീഗര്‍ഭാ ശ്രീപ്രദാ ശ്രീശാ ശ്രീനിവാസാച്യുതപ്രിയാ ।
ശ്രീരൂപാ ശ്രീഹരാ ശ്രീദാ ശ്രീകാമാ ശ്രീസ്വരൂപിണീ ॥ 58 ॥
ശ്രീദാമാനന്ദദാത്രീ ച ശ്രീദാമേശ്വരവല്ലഭാ ।
ശ്രീനിതംബാ ശ്രീഗണേശാ ശ്രീസ്വരൂപാശ്രിതാ ശ്രുതിഃ ॥ 59 ॥
ശ്രീക്രിയാരൂപിണീ ശ്രീലാ ശ്രീകൃഷ്ണഭജനാന്വിതാ ।
ശ്രീരാധാ ശ്രീമതീ ശ്രേഷ്ഠാ ശ്രേഷ്ഠരൂപാ ശ്രുതിപ്രിയാ ॥ 60 ॥
യോഗേശീ യോഗമാതാ ച യോഗാതിതാ യുഗപ്രിയാ ।
യോഗപ്രിയാ യോഗഗംയാ യോഗിനീഗണവന്ദിതാ ॥ 61 ॥
ജവാകുസുമസങ്കാസാ ദാഡിമീകുസുമോപമാ ।
നീലാംബരധരാ ധീരാ ധൈര്യരൂപധരാ ധൃതിഃ ॥ 62 ॥
രത്നസിംഹാസനസ്ഥാ ച രത്നകുണ്ഡലഭൂഷിതാ ।
രത്നാലങ്കാരസംയുക്താ രത്നമാലാധരാ പരാ ॥ 63 ॥
രത്നേന്ദ്രസാരഹാരാഢ്യാ രത്നമാലാവിഭൂഷിതാ ।
ഇന്ദ്രനീലമണിന്യസ്തപാദപദ്മശുഭാ ശുചിഃ ॥ 64 ॥
കാര്‍ത്തികീ പൌര്‍ണമാസീ ച അമാവസ്യാ ഭയാപഹാ ।
ഗോവിന്ദരാജഗൃഹിനീ ഗോവിന്ദഗണപൂജിതാ ॥ 65 ॥
വൈകുണ്ഠനാഥഗൃഹിണീ വൈകുണ്ഠപരമാലയാ ।
വൈകുണ്ഠദേവദേവാഢ്യാ തഥാ വൈകുണ്ഠസുന്ദരീ ॥ 66 ॥
മഹാലസാ വേദവതീ സീതാ സാധ്വീ പതിവ്രതാ ।
അന്നപൂര്‍ണാ സദാനന്ദരൂപാ കൈവല്യസുന്ദരീ ॥ 67 ॥
കൈവല്യദായിനീ ശ്രേഷ്ഠാ ഗോപീനാഥമനോഹരാ ।
ഗോപീനാഥേശ്വരീ ചണ്ഡീ നായികാനയനാന്വിതാ ॥ 68 ॥
നായികാ നായകപ്രീതാ നായകാനന്ദരൂപിണീ ।
ശേഷാ ശേഷവതീ ശേഷരൂപിണീ ജഗദംബികാ ॥ 69 ॥
ഗോപാലപാലികാ മായാ ജായാഽഽനന്ദപ്രദാ തഥാ ।
കുമാരീ യൌവനാനന്ദാ യുവതീ ഗോപസുന്ദരീ ॥ 70 ॥
ഗോപമാതാ ജാനകീ ച ജനകാനന്ദകാരിണീ ।
കൈലാസവാസിനീ രംഭാ വൈരാഗ്യാകുലദീപികാ ॥ 71 ॥
കമലാകാന്തഗൃഹിനീ കമലാ കമലാലയാ ।
ത്രൈലോക്യമാതാ ജഗതാമധിഷ്ഠാത്രീ പ്രിയാംബികാ ॥ 72 ॥
ഹരകാന്താ ഹരരതാ ഹരാനന്ദപ്രദായിനീ ।
ഹരപത്നീ ഹരപ്രീതാ ഹരതോഷണതത്പരാ ॥ 73 ॥
ഹരേശ്വരീ രാമരതാ രാമാ രാമേശ്വരീ രമാ ।
ശ്യാമലാ ചിത്രലേഖാ ച തഥാ ഭുവനമോഹിനീ ॥ 74 ॥
സുഗോപീ ഗോപവനിതാ ഗോപരാജ്യപ്രദാ ശുഭാ ।
അങ്ഗാവപൂര്‍ണാ മാഹേയീ മത്സ്യരാജസുതാ സതീ ॥ 75 ॥
കൌമാരീ നാരസിംഹീ ച വാരാഹീ നവദുര്‍ഗികാ ।
ചഞ്ചലാ ചഞ്ചലാമോദാ നാരീ ഭുവനസുന്ദരീ ॥ 76 ॥
ദക്ഷയജ്ഞഹരാ ദാക്ഷീ ദക്ഷകന്യാ സുലോചനാ ।
രതിരൂപാ രതിപ്രീതാ രതിശ്രേഷ്ഠാ രതിപ്രദാ ॥ 77 ॥
രതിര്ലക്ഷ്മണഗേഹസ്ഥാ വിരജാ ഭുവനേശ്വരീ ।
ശങ്കാസ്പദാ ഹരേര്‍ജായാ ജാമാതൃകുലവന്ദിതാ ॥ 78 ॥
ബകുലാ ബകുലാമോദധാരിണീ യമുനാ ജയാ ।
വിജയാ ജയപത്നീ ച യമലാര്‍ജുനഭഞ്ജിനീ ॥ 79 ॥
വക്രേശ്വരീ വക്രരൂപാ വക്രവീക്ഷണവീക്ഷിതാ ।
അപരാജിതാ ജഗന്നാഥാ ജഗന്നാഥേശ്വരീ യതിഃ ॥ 80 ॥
ഖേചരീ ഖേചരസുതാ ഖേചരത്വപ്രദായിനീ ।
വിഷ്ണുവക്ഷഃസ്ഥലസ്ഥാ ച വിഷ്ണുഭാവനതത്പരാ ॥ 81 ॥
ചന്ദ്രകോടിസുഗാത്രീ ച ചന്ദ്രാനനമനോഹരീ ।
സേവാസേവ്യാ ശിവാ ക്ഷേമാ തഥാ ക്ഷേമകാരീ വധൂഃ ॥ 82 ॥
യാദവേന്ദ്രവധൂഃ സേവ്യാ ശിവഭക്താ ശിവാന്വിതാ ।
കേവലാ നിഷ്ഫലാ സൂക്ഷ്മാ മഹാഭീമാഽഭയപ്രദാ ॥ 83 ॥
ജീമൂതരൂപാ ജൈമൂതീ ജിതാമിത്രപ്രമോദിനീ ।
ഗോപാലവനിതാ നന്ദാ കുലജേന്ദ്രനിവാസിനീ ॥ 84 ॥
ജയന്തീ യമുനാങ്ഗീ ച യമുനാതോഷകാരിണീ ।
കലികല്‍മഷഭങ്ഗാ ച കലികല്‍മഷനാശിനീ ॥ 85 ॥
കലികല്‍മഷരൂപാ ച നിത്യാനന്ദകരീ കൃപാ ।
കൃപാവതീ കുലവതീ കൈലാസാചലവാസിനീ ॥ 86 ॥
വാമദേവീ വാമഭാഗാ ഗോവിന്ദപ്രിയകാരിണീ ।
നരേന്ദ്രകന്യാ യോഗേശീ യോഗിനീ യോഗരൂപിണീ ॥ 87 ॥
യോഗസിദ്ധാ സിദ്ധരൂപാ സിദ്ധക്ഷേത്രനിവാസിനീ ।
ക്ഷേത്രാധിഷ്ഠാതൃരൂപാ ച ക്ഷേത്രാതീതാ കുലപ്രദാ ॥ 88 ॥
കേശവാനന്ദദാത്രീ ച കേശവാനന്ദദായിനീ ।
കേശവാ കേശവപ്രീതാ കേശവീ കേശവപ്രിയാ ॥ 89 ॥
രാസക്രീഡാകരീ രാസവാസിനീ രാസസുന്ദരീ ।
ഗോകുലാന്വിതദേഹാ ച ഗോകുലത്വപ്രദായിനീ ॥ 90 ॥
ലവങ്ഗനാംനീ നാരങ്ഗീ നാരങ്ഗകുലമണ്ഡനാ ।
ഏലാലവങ്ഗകര്‍പൂരമുഖവാസമുഖാന്വിതാ ॥ 91 ॥
മുഖ്യാ മുഖ്യപ്രദാ മുഖ്യരൂപാ മുഖ്യനിവാസിനീ ।
നാരായണീ കൃപാതീതാ കരുണാമയകാരിണീ ॥ 92 ॥
കാരുണ്യാ കരുണാ കര്‍ണാ ഗോകര്‍ണാ നാഗകര്‍ണികാ ।
സര്‍പിണീ കൌലിനീ ക്ഷേത്രവാസിനീ ജഗദന്വയാ ॥ 93 ॥
ജടിലാ കുടിലാ നീലാ നീലാംബരധരാ ശുഭാ ।
നീലാംബരവിധാത്രീ ച നീലകണ്ഠപ്രിയാ തഥാ ॥ 94 ॥
ഭഗിനീ ഭാഗിനീ ഭോഗ്യാ കൃഷ്ണഭോഗ്യാ ഭഗേശ്വരീ ।
ബലേശ്വരീ ബലാരാധ്യാ കാന്താ കാന്തനിതംബിനീ ॥ 95 ॥
നിതംബിനീ രൂപവതീ യുവതീ കൃഷ്ണപീവരീ ।
വിഭാവരീ വേത്രവതീ സങ്കടാ കുടിലാലകാ ॥ 96 ॥
നാരായണപ്രിയാ ശൈലാ സൃക്കണീപരിമോഹിതാ ।
ദൃക്പാതമോഹിതാ പ്രാതരാശിനീ നവനീതികാ ॥ 97 ॥
നവീനാ നവനാരീ ച നാരങ്ഗഫലശോഭിതാ ।
ഹൈമീ ഹേമമുഖീ ചന്ദ്രമുഖീ ശശിസുശോഭനാ ॥ 98 ॥
അര്‍ധചന്ദ്രധരാ ചന്ദ്രവല്ലഭാ രോഹിണീ തമിഃ ।
തിമിങ്ഗ്ലകുലാമോദമത്സ്യരൂപാങ്ഗഹാരിണീ ॥ 99 ॥
കാരിണീ സര്‍വഭൂതാനാം കാര്യാതീതാ കിശോരിണീ ।
കിശോരവല്ലഭാ കേശകാരികാ കാമകാരികാ ॥ 100 ॥
കാമേശ്വരീ കാമകലാ കാലിന്ദീകൂലദീപികാ ।
കലിന്ദതനയാതീരവാസിനീ തീരഗേഹിനീ ॥ 101 ॥
കാദംബരീപാനപരാ കുസുമാമോദധാരിണീ ।
കുമുദാ കുമുദാനന്ദാ കൃഷ്ണേശീ കാമവല്ലഭാ ॥ 102 ॥
തര്‍കാലീ വൈജയന്തീ ച നിംബദാഡിമരൂപിണീ ।
ബില്വവൃക്ഷപ്രിയാ കൃഷ്ണാംബരാ ബില്വോപമസ്തനീ ॥ 103 ॥
ബില്വാത്മികാ ബില്വവപുര്‍ബില്വവൃക്ഷനിവാസിനീ ।
തുലസീതോഷികാ തൈതിലാനന്ദപരിതോഷികാ ॥ 104 ॥
ഗജമുക്താ മഹാമുക്താ മഹാമുക്തിഫലപ്രദാ ।
അനങ്ഗമോഹിനീ ശക്തിരൂപാ ശക്തിസ്വരൂപിണീ ॥ 105 ॥
പഞ്ചശക്തിസ്വരൂപാ ച ശൈശവാനന്ദകാരിണീ ।
ഗജേന്ദ്രഗാമിനീ ശ്യാമലതാഽനങ്ഗലതാ തഥാ ॥ 106 ॥
യോഷിച്ഛ്ക്തിസ്വരൂപാ ച യോഷിദാനന്ദകാരിണീ ।
പ്രേമപ്രിയാ പ്രേമരൂപാ പ്രേമാനന്ദതരങ്ഗിണീ ॥ 107 ॥
പ്രേമഹാരാ പ്രേമദാത്രീ പ്രേമശക്തിമയീ തഥാ ।
കൃഷ്ണപ്രേമവതീ ധന്യാ കൃഷ്ണപ്രേമതരങ്ഗിണീ ॥ 108 ॥
പ്രേമഭക്തിപ്രദാ പ്രേമാ പ്രേമാനന്ദതരങ്ഗിണീ ।
പ്രേമക്രീഡാപരീതാങ്ഗീ പ്രേമഭക്തിതരങ്ഗിണീ ॥ 109 ॥
പ്രേമാര്‍ഥദായിനീ സര്‍വശ്വേതാ നിത്യതരങ്ഗിണീ ।
ഹാവഭാവാന്വിതാ രൌദ്രാ രുദ്രാനന്ദപ്രകാശിനീ ॥ 110 ॥
കപിലാ ശൃങ്ഖലാ കേശപാശസംബന്ധിനീ ഘടീ ।
കുടീരവാസിനീ ധൂംരാ ധൂംരകേശാ ജലോദരീ ॥ 111 ॥
ബ്രഹ്മാണ്ഡഗോചരാ ബ്രഹ്മരൂപിണീ ഭവഭാവിനീ ।
സംസാരനാശിനീ ശൈവാ ശൈവലാനന്ദദായിനീ ॥ 112 ॥
ശിശിരാ ഹേമരാഗാഢ്യാ മേഘരൂപാതിസുന്ദരീ ।
മനോരമാ വേഗവതീ വേഗാഢ്യാ വേദവാദിനീ ॥ 113 ॥
ദയാന്വിതാ ദയാധാരാ ദയാരൂപാ സുസേവിനീ ।
കിശോരസങ്ഗസംസര്‍ഗാ ഗൌരചന്ദ്രാനനാ കലാ ॥ 114 ॥
കലാധിനാഥവദനാ കലാനാഥാധിരോഹിണീ ।
വിരാഗകുശലാ ഹേമപിങ്ഗലാ ഹേമമണ്ഡനാ ॥ 115 ॥
ഭാണ്ഡീരതാലവനഗാ കൈവര്‍തീ പീവരീ ശുകീ ।
ശുകദേവഗുണാതീതാ ശുകദേവപ്രിയാ സഖീ ॥ 116 ॥
വികലോത്കര്‍ഷിണീ കോഷാ കൌഷേയാംബരധാരിണീ ।
കോഷാവരീ കോഷരൂപാ ജഗദുത്പത്തികാരികാ ॥ 117 ॥
സൃഷ്ടിസ്ഥിതികരീ സംഹാരിണീ സംഹാരകാരിണീ ।
കേശശൈവലധാത്രീ ച ചന്ദ്രഗാത്രീ സുകോമലാ ॥ 118 ॥
പദ്മാങ്ഗരാഗസംരാഗാ വിന്ധ്യാദ്രിപരിവാസിണീ ।
വിന്ധ്യാലയാ ശ്യാമസഖീ സഖീ സംസാരരാഗിണീ ॥ 119 ॥
ഭൂതാ ഭവിഷ്യാ ഭവ്യാ ച ഭവ്യഗാത്രാ ഭവാതിഗാ ।
ഭവനാശാന്തകാരിണ്യാകാശരൂപാ സുവേശിനീ ॥ 120 ॥
രതിരങ്ഗപരിത്യാഗാ രതിവേഗാ രതിപ്രദാ ।
തേജസ്വിനീ തേജോരൂപ കൈവല്യപഥദാ ശുഭാ ॥ 121 ॥
ഭക്തിഹേതുര്‍മുക്തിഹേതുലങ്ഘിനീ ലങ്ഘനക്ഷമാ ।
വിശാലനേത്രാ വൈസാലീ വിശാലകുലസംഭവാ ॥ 122 ॥
വിശാലഗൃഹവാസാ ച വിശാലബദരീരതിഃ ।
ഭക്ത്ത്യതീതാ ഭക്തഗതിര്‍ഭക്തികാ ശിവഭക്തിദാ ॥ 123 ॥
ശിവശക്തിസ്വരൂപാ ച ശിവാര്‍ധാങ്ഗവിഹാരിണീ ।
ശിരീഷകുസുമാമോദാ ശിരീഷകുസുമോജ്ജ്വലാ ॥ 124 ॥
ശിരീഷമൃദ്ധീ ശൈരീഷീ ശിരീഷകുസുമാകൃതിഃ ।
വാമാങ്ഗഹാരിണീ വിഷ്ണോഃ ശിവഭക്തിസുഖാന്വിതാ ॥ 125 ॥
വിജിതാ വിജിതാമോദാ ഗണഗാ ഗണതോഷിതാ ।
ഹയാസ്യാ ഹേരംബസുതാ ഗണമാതാ സുഖേശ്വരീ ॥ 126 ॥
ദുഃഖഹന്ത്രീ ദുഃഖഹരാ സേവിതേപ്സിതസര്‍വദാ ।
സര്‍വജ്ഞത്വവിധാത്രീ ച കുലക്ഷേത്രനിവാസിനീ ॥ 127 ॥
ലവങ്ഗാ പാണ്ഡവസഖീ സഖീമധ്യനിവാസിനീ ।
ഗ്രാംയഗീതാ ഗയാ ഗംയാ ഗമനാതീതനിര്‍ഭരാ ॥ 128 ॥
സര്‍വാങ്ഗസുന്ദരീ ഗങ്ഗാ ഗങ്ഗാജലമയീ തഥാ ।
ഗങ്ഗേരിതാ പൂതഗാത്രാ പവിത്രകുലദീപികാ ॥ 129 ॥
പവിത്രഗുണശീലാഢ്യാ പവിത്രാനന്ദദായിനീ ।
പവിത്രഗുണശീലാഢ്യാ പവിത്രകുലദീപിനീ ॥ 130 ॥
കല്‍പമാനാ കംസഹരാ വിന്ധ്യാചലനിവാസിനീ ।
ഗോവര്‍ധനേശ്വരീ ഗോവര്‍ധനഹാസ്യാ ഹയാകൃതിഃ ॥ 131 ॥
മീനാവതാരാ മിനേശീ ഗഗനേശീ ഹയാ ഗജീ ।
ഹരിണീ ഹരിണീ ഹാരധാരിണീ കനകാകൃതിഃ ॥ 132 ॥
വിദ്യുത്പ്രഭാ വിപ്രമാതാ ഗോപമാതാ ഗയേശ്വരീ ।
ഗവേശ്വരീ ഗവേശീ ച ഗവീശീ ഗവിവാസിനീ ॥ 133 ॥
ഗതിജ്ഞാ ഗീതകുശലാ ദനുജേന്ദ്രനിവാരിണീ ।
നിര്‍വാണദാത്രീ നൈര്‍വാണീ ഹേതുയുക്താ ഗയോത്തരാ ॥ 134 ॥
പര്‍വതാധിനിവാസാ ച നിവാസകുശലാ തഥാ ।
സംന്യാസധര്‍മകുശലാ സംന്യാസേശീ ശരന്‍മുഖീ ॥ 135 ॥
ശരച്ചന്ദ്രമുഖീ ശ്യാമഹാരാ ക്ഷേത്രനിവാസിനീ ।
വസന്തരാഗസംരാഗാ വസന്തവസനാകൃതിഃ ॥ 136 ॥
ചതുര്‍ഭുജാ ഷഡ്ഭുജാ ദ്വിഭുജാ ഗൌരവിഗ്രഹാ ।
സഹസ്രാസ്യാ വിഹാസ്യാ ച മുദ്രാസ്യാ മദദായിനീ ॥ 137 ॥
പ്രാണപ്രിയാ പ്രാണരൂപാ പ്രാണരൂപിണ്യപാവൃതാ ।
കൃഷ്ണപ്രീതാ കൃഷ്ണരതാ കൃഷ്ണതോഷണതത്പരാ ॥ 138 ॥
കൃഷ്ണപ്രേമരതാ കൃഷ്ണഭക്താ ഭക്തഫലപ്രദാ ।
കൃഷ്ണപ്രേമാ പ്രേമഭക്താ ഹരിഭക്തിപ്രദായിനീ ॥ 139 ॥
ചൈതന്യരൂപാ ചൈതന്യപ്രിയാ ചൈതന്യരൂപിണീ ।
ഉഗ്രരൂപാ ശിവക്രോഡാ കൃഷ്ണക്രോഡാ ജലോദരീ ॥ 140 ॥
മഹോദരീ മഹാദുര്‍ഗകാന്താരസുസ്ഥവാസിനീ ।
ചന്ദ്രാവലീ ചന്ദ്രകേശീ ചന്ദ്രപ്രേമതരങ്ഗിണീ ॥ 141 ॥
സമുദ്രമഥനോദ്ഭൂതാ സമുദ്രജലവാസിനീ ।
സമുദ്രാമൃതരുപാ ച സമുദ്രജലവാസികാ ॥ 142 ॥
കേശപാശരതാ നിദ്രാ ക്ഷുധാ പ്രേമതരങ്ഗികാ ।
ദൂര്‍വാദലശ്യാമതനുര്‍ദൂര്‍വാദലതനുച്ഛവിഃ ॥ 143 ॥
നാഗരാ നാഗരിരാഗാ നാഗരാനന്ദകാരിണീ ।
നാഗരാലിങ്ഗനപരാ നാഗരാങ്ഗനമങ്ഗലാ ॥ 144 ॥
ഉച്ചനീചാ ഹൈമവതീ പ്രിയാ കൃഷ്ണതരങ്ഗദാ ।
പ്രേമാലിങ്ഗനസിദ്ധാങ്ഗീ സിദ്ധാ സാധ്യവിലാസികാ ॥ 145 ॥
മങ്ഗലാമോദജനനീ മേഖലാമോദധാരിണീ ।
രത്നമഞ്ജീരഭൂഷാങ്ഗീ രത്നഭൂഷണഭൂഷണാ ॥ 146 ॥
ജംബാലമാലികാ കൃഷ്ണപ്രാണാ പ്രാണവിമോചനാ ।
സത്യപ്രദാ സത്യവതീ സേവകാനന്ദദായികാ ॥ 147 ॥
ജഗദ്യോനിര്‍ജഗദ്ബീജാ വിചിത്രമണിഭൂഷണാ ।
രാധാരമണകാന്താ ച രാധ്യാ രാധനരൂപിണീ ॥ 148 ॥
കൈലാസവാസിനീ കൃഷ്ണപ്രാണസര്‍വസ്വദായിനീ ।
കൃഷ്ണാവതാരനിരതാ കൃഷ്ണഭക്തഫലാര്‍ഥിനീ ॥ 149 ॥
യാചകായാചകാനന്ദകാരിണീ യാചകോജ്ജ്വലാ ।
ഹരിഭൂഷണഭുഷാഢ്യാഽഽനന്ദയുക്താഽഽര്‍ദ്രപദഗാ ॥ 150 ॥
ഹൈഹൈതാലധരാ ഥൈഥൈശബ്ദശക്തിപ്രകാശിനീ ।
ഹേഹേശബ്ദസ്വരുപാ ച ഹിഹിവാക്യവിശാരദാ ॥ 151 ॥
ജഗദാനന്ദകര്‍ത്രീ ച സാന്ദ്രാനന്ദവിശാരദാ ।
പണ്ഡിതാ പണ്ഡിതഗുണാ പണ്ഡിതാനന്ദകാരിണീ ॥ 152 ॥
പരിപാലനകര്‍ത്രീ ച തഥാ സ്ഥിതിവിനോദിനീ ।
തഥാ സംഹാരശബ്ദാഢ്യാ വിദ്വജ്ജനമനോഹരാ ॥ 153 ॥
വിദുഷാം പ്രീതിജനനീ വിദ്വത്പ്രേമവിവര്‍ധിനീ ।
നാദേശീ നാദരൂപാ ച നാദബിന്ദുവിധാരിണീ ॥ 154 ॥
ശൂന്യസ്ഥാനസ്ഥിതാ ശൂന്യരൂപപാദപവാസിനീ ।
കാര്‍ത്തികവ്രതകര്‍ത്രീ ച വസനാഹാരിണീ തഥാ ॥ 155 ॥
ജലശായാ ജലതലാ ശിലാതലനിവാസിനീ ।
ക്ഷുദ്രകീടാങ്ഗസംസര്‍ഗാ സങ്ഗദോശവിനാശിനീ ॥ 156 ॥
കോടികന്ദര്‍പലാവണ്യാ കന്ദര്‍പകോടിസുന്ദരീ ।
കന്ദര്‍പകോടിജനനീ കാമബീജപ്രദായിനീ ॥ 157 ॥
കാമശാസ്ത്രവിനോദാ ച കാമശാസ്ത്രപ്രകാശിനീ ।
കാമപ്രകാശികാ കാമിന്യണിമാദ്യഷ്ടസിദ്ധിദാ ॥ 158 ॥
യാമിനീ യാമിനീനാഥവദനാ യാമിനീശ്വരീ ।
യാഗയോഗഹരാ ഭുക്തിമുക്തിദാത്രീ ഹിരണ്യദാ ॥ 159 ॥
കപാലമാലിനീ ദേവീ ധാമരൂപിണ്യപൂര്‍വദാ ।
കൃപാന്വിതാ ഗുണാ ഗൌണ്യാ ഗുണാതീതഫലപ്രദാ ॥ 160 ॥
കുഷ്മാണ്ഡഭൂതവേതാലനാശിനീ ശരദാന്വിതാ ।
ശീതലാ ശവലാ ഹേലാ ലീലാ ലാവണ്യമങ്ഗലാ ॥ 161 ॥
വിദ്യാര്‍ഥിനീ വിദ്യമാനാ വിദ്യാ വിദ്യാസ്വരൂപിണീ ।
ആന്വീക്ഷികീ ശാസ്ത്രരൂപാ ശാസ്ത്രസിദ്ധാന്തകാരിണീ ॥ 162 ॥
നാഗേന്ദ്രാ നാഗമാതാ ച ക്രീഡാകൌതുകരൂപിണീ ।
ഹരിഭാവനശീലാ ച ഹരിതോഷണതത്പരാ ॥ 163 ॥
ഹരിപ്രാണാ ഹരപ്രാണാ ശിവപ്രാണാ ശിവാന്വിതാ ।
നരകാര്‍ണവസംഹന്ത്രീ നരകാര്‍ണവനാശിനീ ॥ 164 ॥
നരേശ്വരീ നരാതീതാ നരസേവ്യാ നരാങ്ഗനാ ।
യശോദാനന്ദനപ്രാണവല്ലഭാ ഹരിവല്ലഭാ ॥ 165 ॥
യശോദാനന്ദനാരംയാ യശോദാനന്ദനേശ്വരീ ।
യശോദാനന്ദനാക്രിഡാ യശോദാക്രോഡവാസിനീ ॥ 166 ॥
യശോദാനന്ദനപ്രാണാ യശോദാനന്ദനാര്‍ഥദാ ।
വത്സലാ കൌശലാ കാലാ കരുണാര്‍ണവരൂപിണീ ॥ 167 ॥
സ്വര്‍ഗലക്ഷ്മീര്‍ഭൂമിലക്ഷ്മീര്‍ദ്രൌപദീ പാണ്ഡവപ്രിയാ ।
തഥാര്‍ജുനസഖീ ഭൌമീ ഭൈമീ ഭീമകുലോദ്ഭവാ ॥ 168 ॥
ഭുവനാ മോഹനാ ക്ഷീണാ പാനാസക്തതരാ തഥാ ।
പാനാര്‍ഥിനീ പാനപാത്രാ പാനപാനന്ദദായിനീ ॥ 169 ॥
ദുഗ്ധമന്ഥനകര്‍മാഢ്യാ ദുഗ്ധമന്ഥനതത്പരാ ।
ദധിഭാണ്ഡാര്‍ഥിനീ കൃഷ്ണക്രോധിനീ നന്ദനാങ്ഗനാ ॥ 170 ॥
ഘൃതലിപ്താ തക്രയുക്താ യമുനാപാരകൌതുകാ ।
വിചിത്രകഥകാ കൃഷ്ണഹാസ്യഭാഷണതത്പരാ ॥ 171 ॥
ഗോപാങ്ഗനാവേഷ്ടിതാ ച കൃഷ്ണസങ്ഗാര്‍ഥിനീ തഥാ ।
രാസാസക്താ രാസരതിരാസവാസക്തവാസനാ ॥ 172 ॥
ഹരിദ്രാ ഹരിതാ ഹാരിണ്യാനന്ദാര്‍പിതചേതനാ ।
നിശ്ചൈതന്യാ ച നിശ്ചേതാ തഥാ ദാരുഹരിദ്രികാ ॥ 173 ॥
സുബലസ്യ സ്വസാ കൃഷ്ണഭാര്യാ ഭാഷാതിവേഗിനീ ।
ശ്രീദാമസ്യ ശഖീ ദാമദാമിനീ ദാമധാരിണീ ॥ 174 ॥
കൈലാസിനീ കേശിനീ ച ഹരിദംബരധാരിണീ ।
ഹരിസാന്നിധ്യദാത്രീ ച ഹരികൌതുകമങ്ഗലാ ॥ 175 ॥
ഹരിപ്രദാ ഹരിദ്വാരാ യമുനാജലവാസിനീ ।
ജൈത്രപ്രദാ ജിതാര്‍ഥീ ച ചതുരാ ചാതുരീ തമീ ॥ 176 ॥
തമിസ്രാഽഽതാപരൂപാ ച രൌദ്രരൂപാ യശോഽര്‍ഥിനീ ।
കൃഷ്ണാര്‍ഥിനീ കൃഷ്ണകലാ കൃഷ്ണാനന്ദവിധായിനീ ॥ 177 ॥
കൃഷ്ണാര്‍ഥവാസനാ കൃഷ്ണരാഗിനീ ഭവഭാവിനീ ।
കൃഷ്ണാര്‍ഥരഹിതാ ഭക്താ ഭക്തഭക്തിശുഭപ്രദാ ॥ 178 ॥
ശ്രീകൃഷ്ണരഹിതാ ദീനാ തഥാ വിരഹിണീ ഹരേഃ ।
മഥുരാ മഥുരാരാജഗേഹഭാവനഭാവനാ ॥ 179 ॥
ശ്രീകൃഷ്ണഭാവനാമോദാ തഥോഽന്‍മാദവിധായിനീ ।
കൃഷ്ണാര്‍ഥവ്യാകുലാ കൃഷ്ണസാരചര്‍മധരാ ശുഭാ ॥ 180 ॥
അലകേശ്വരപൂജ്യാ ച കുവേരേശ്വരവല്ലഭാ ।
ധനധാന്യവിധാത്രീ ച ജായാ കായാ ഹയാ ഹയീ ॥ 181 ॥
പ്രണവാ പ്രണവേശീ ച പ്രണവാര്‍ഥസ്വരൂപിണീ ।
ബ്രഹ്മവിഷ്ണുശിവാര്‍ധാങ്ഗഹാരിണീ ശൈവശിംശപാ ॥ 182 ॥
രാക്ഷസീനാശിനീ ഭൂതപ്രേതപ്രാണവിനാശിനീ ।
സകലേപ്സിതദാത്രീ ച ശചീ സാധ്വീ അരുന്ധതീ ॥ 183 ॥
പതിവ്രതാ പതിപ്രാണാ പതിവാക്യവിനോദിനീ ।
അശേഷസാധനീ കല്‍പവാസിനീ കല്‍പരൂപിണീ ॥ 184 ॥
॥ ഫലശ്രുതീ ॥
ശ്രീമഹാദേവ ഉവാച –
ഇത്യേതത് കഥിതം ദേവി രാധാനാമസഹസ്രകം ।
യഃ പഠേത് പാഠയദ്വാപി തസ്യ തുഷ്യതി മാധവഃ ॥ 185 ॥
കിം തസ്യ യമുനാഭിര്‍വാ നദീഭിഃ സര്‍വതഃ പ്രിയേ ।
കുരുക്ഷേത്രാദിതീര്‍ഥൈശ്ച യസ്യ തുഷ്ടോ ജനാര്‍ദനഃ ॥ 186 ॥
സ്തോത്രസ്യാസ്യ പ്രസാദേന കിം ന സിധ്യതി ഭൂതലേ ।
ബ്രാഹ്മണോ ബ്രഹ്മവര്‍ചാഃ സ്യാത് ക്ഷത്രിയോ ജഗതിപതിഃ ॥ 187 ॥
വൈശ്യോ നിധിപതിര്‍ഭൂയാത് ശൂദ്രോ മുച്യേത ജന്‍മതഃ ।
ബ്രഹ്മഹത്യാസുരാപാനസ്തേയാദേരതിപാതകാത് ॥ 188 ॥
സദ്യോ മുച്യേത ദേവേശി സത്യം സത്യം ന സംശയഃ ।
രാധാനാമസഹസ്രസ്യ സമാനം നാസ്തി ഭൂതലേ ॥ 189 ॥
സ്വര്‍ഗേ വാപ്യഥ പാതാലേ ഗിരൌ വ ജലതോഽപി വാ ।
നാതഃ പരം ശുഭം സ്തോത്രം തീര്‍ഥം നാതഃ പരം പരം ॥ 190 ॥
ഏകാദശ്യാം ശുചിര്‍ഭൂത്വാ യഃ പഠേത് സുസമാഹിതഃ ।
തസ്യ സര്‍വാര്‍ഥസിദ്ധിഃ സ്യാച്ഛൃണുയാദ് വാ സുശോഭനേ ॥ 191 ॥
ദ്വാദശ്യാം പൌര്‍ണമാസ്യാം വാ തുലസീസന്നിധൌ ശിവേ ।
യഃ പഠേത് ശൃണുയാദ്വാപി തസ്യ തത്തത് ഫലം ശൃണു ॥ 192 ॥
അശ്വമേധം രാജസൂയം ബാര്‍ഹസ്പത്യം തഥാഽഽത്രികം ।
അതിരാത്രം വാജപേയമഗ്നിഷ്ടോമം തഥാ ശുഭം ॥ 193 ॥
കൃത്വാ യത് ഫലമാപ്നോതി ശ്രുത്വാ തത് ഫലമാപ്നുയാത് ।
കാര്‍ത്തികേ ചാഷ്ടമീം പ്രാപ്യ പഠേദ്വാ ശൃണുയാദപി ॥ 194 ॥
സഹസ്രയുഗകല്‍പാന്തം വൈകുണ്ഠവസതിം ലഭേത് ।
തതശ്ച ബ്രഹ്മഭവനേ ശിവസ്യ ഭവനേ പുനഃ ॥ 195 ॥
സുരാധിനാഥഭവനേ പുനര്യാതി സലോകതാം ।
ഗങ്ഗാതീരം സമാസാദ്യ യഃ പഠേത് ശൃണുയാദപി ॥ 196 ॥
വിഷ്ണോഃ സാരൂപ്യമായാതി സത്യം സത്യം സുരേശ്വരി ।
മമ വക്ത്രഗിരേര്‍ജാതാ പാര്‍വതീവദനാശ്രിതാ ॥ 197 ॥
രാധാനാഥസഹസ്രാഖ്യാ നദീ ത്രൈലോക്യപാവനീ ।
പഠ്യതേ ഹി മയാ നിത്യം ഭക്ത്യാ ശക്ത്യാ യഥോചിതം ॥ 198 ॥
മമ പ്രാണസമം ഹ്യന്യത്ത് തവ പ്രീത്യാ പ്രകാശിതം ।
നാഭക്തായ പ്രദാതവ്യം പാഖണ്ഡായ കദാചന ॥ 199 ॥
നാസ്തികായാവിരാഗായ രാഗയുക്തായ സുന്ദരി ।
തഥാ ദേയം മഹാസ്തോത്രം ഹരിഭക്തായ ശങ്കരി ॥ 200 ॥
വൈഷ്ണവേഷു യഥാശക്തി ദാത്രേ പുണ്യാര്‍ഥശാലിനേ ।
രാധാനാമസുധാവാരി മമ വക്ത്രസുധാംബുധേഃ ॥ 201 ॥
ഉദ്ധൃതാസൌ ത്വയാ യത്നാത് യതസ്ത്വം വൈഷ്ണവാഗ്രണീഃ ॥ 202 ॥
വിശുദ്ധസത്ത്വായ യഥാര്‍ഥവാദിനേ ദ്വിജസ്യ സേവാനിരതായ മന്ത്രിണേ ।
ദാത്രേ യഥാശക്തി സുഭക്തിമാനസേ രാധാപദധ്യാനപരായ ശോഭനേ ॥ 203 ॥
ഹരിപാദാങ്കമധുപമനോഭൂതായ മാനസേ ।
രാധാപാദസുധാസ്വാദശാലിനേ വൈഷ്ണവായ ച ॥ 204 ॥
ദദ്യാത് സ്തോത്രം മഹാപുണ്യം ഹരിഭക്തിപ്രസാധനം ।
ജന്‍മാന്തരം ന തസ്യാസ്തി രാധാകൃഷ്ണപദാര്‍ഥിനഃ ॥ 205 ॥
മമ പ്രാണാ വൈഷ്ണവാ ഹി തേഷാം രക്ഷാര്‍ഥമേവ ഹി ।
ശൂലം മയാ ധര്യതേ ഹി നാന്യഥാ മേഽത്ര കാരണം ॥ 206 ॥
ഹരിഭക്തിദ്വിഷാമര്‍ഥേ ശൂലം സന്ധര്യതേ മയാ ।
ശൃണു ദേവി യഥാര്‍ഥം മേ ഗദിതം ത്വയി സുവ്രതേ ॥ 207 ॥
ഭക്താസി മേ പ്രിയാസി ത്വമതഃ സ്നേഹാത് പ്രകാശിതം ।
കദാപി നോച്യതേ ദേവി മയാ നാമസഹസ്രകം ॥ 208 ॥
ഇതി നാരദപഞ്ചരാത്രേ ജ്ഞാനാമൃതസാരതഃ
ശ്രീരാധികാസഹസ്രനാമസ്തോത്ര സമ്പൂര്‍ണം ।