॥ Ramanamaharshi Sahasranamastotram Bengali Lyrics ॥
॥ রমণসহস্রনামস্তোত্রম্ ॥
॥ শ্রীঃ ॥
॥ শ্রীরমণসহস্রনামস্তোত্রপ্রারম্ভঃ ॥
দেব্যুবাচ ।
ভগবন্সর্বশাস্ত্রার্থপরিজ্ঞানবতাং বর ।
অরুণেশস্য মাহাত্ম্যং ত্বত্তো বিস্তরশঃ শ্রুতম্ ॥ ১ ॥
তন্নাম্নামপি সাহস্রং সর্বপাপহরং নৃণাম্ ।
অরুণেশাবতারস্য রমণস্য মহাত্মনঃ ॥ ২ ॥
ইদানীং শ্রোতুমিচ্ছামি তস্য নামসহস্রকম্ ।
য়স্য সঙ্কীর্তনান্মর্ত্যো বিমুক্তিং বিন্দতে ধ্রুবম্ ॥ ৩ ॥
ত্বন্তু সর্বং বিজানাসি নান্যস্ত্বত্তোঽস্য বেদিতা ।
তস্মাত্কারুণ্যতো মহ্যং ভক্তিমত্যৈ বিশেষতঃ ॥ ৪ ॥
নাম্নাং সহস্রং দিব্যানাং রমণস্য মুনীশিতুঃ ।
রহস্যমপি বক্তব্যং ত্বয়া গৌতম সুব্রত ॥ ৫ ॥
গৌতম উবাচ ।
সাধু সাধু মহাভাগে প্রশ্ন এষ জগদ্ধিতঃ ।
বক্ষ্যে তচ্ছ্রদ্ধয়োপেতা সাবধানমনাঃ শৃণু ॥ ৬ ॥
জ্ঞানং বেদান্তসঞ্জাতং সাক্ষান্মোক্ষস্য সাধনম্ ।
কর্মোপাস্ত্যাদি তদ্ভিন্নং জ্ঞানদ্বারৈব মুক্তিদম্ ॥ ৭ ॥
নিষ্কামকর্মশুদ্ধানাং বিবেকাদিমতাং নৃণাম্ ।
জায়তে তচ্চ বিজ্ঞানং প্রসাদাদেব সদ্গুরোঃ ॥ ৮ ॥
জ্ঞানসাধননিষ্ঠত্বং জ্ঞানাভ্যাসং বিদুর্বুধাঃ ।
তারতম্যেন ভিদ্যন্তে জ্ঞানাভ্যাসাধিকারিণঃ ॥ ৯ ॥
বিচারমাত্রনিষ্ঠস্য মুখ্যা জ্ঞানাধিকারিতা ।
বিচারী দুর্লভো লোকে বিচারো দুষ্করো য়তঃ ॥ ১০ ॥
মমুক্ষবো নরাস্সর্বে জ্ঞানাভ্যাসেঽধিকারিণঃ ।
স্ত্রীশূদ্রাণাং তথান্যেষাং নাধিকারোবিগর্হিতঃ ॥ ১১ ॥
দেশভাষান্তরেণাপি তেষাং সোপ্যুপকারকঃ ।
জ্ঞানস্য চ বিচারোঽয়ং সন্নিকৃষ্টং হি সাধনম্ ॥ ১২ ॥
বিচারভিন্নমার্গশ্চ ন সাক্ষাজ্জ্ঞানসিদ্ধয়ে ।
বিচারজননদ্বারেত্যাহুর্বেদান্তবেদিনঃ ॥ ১৩ ॥
য়োগোপাস্ত্যাদয়োপ্যন্যে সন্তি বিজ্ঞানহেতবঃ ।
তদালম্বো ভবত্যেব বিচারানধিকারিণাম্ ॥ ১৪ ॥
য়োগোপাস্ত্যাদ্যশক্তানাং জপস্ত্যুত্যাদিকীর্তনম্ ।
জ্ঞানোপায়োভবত্যেব জিজ্ঞাসানুষ্ঠিতং য়দি ॥ ১৫ ॥
তস্মাদয়ত্নতোজ্ঞানং সর্বেষাং য়েন হেতুনা ।
তাদৃশং নামসাহস্রং রমণস্য মহাত্মনঃ ॥ ১৬ ॥
ত্বয় প্রীত্যৈব বক্ষ্যামি হিতায় জগতাং শৃণু ।
নাভক্তায় প্রদাতব্যমিদং মোক্ষসুখপ্রদম্ ॥ ১৭ ॥
অস্য শ্রীরমণদিব্যসহস্রনামস্তোত্রমহামন্ত্রস্য ।
গৌতমো ঋষিঃ । অনুষ্টুপ্ছন্দঃ । শ্রীরমণপরমাত্মাদেবতা ।
ঐং বীজম্ । হ্রীং শক্তিঃ । শ্রীং কীলকম্ ।
“শ্রী রমণায় নমঃ” ইতি মন্ত্রপ্রত্যেকবর্ণেন হৃদয়াদি ন্যাসঃ ।
ওঁ ভূর্ভুবস্স্বরোমিতি দিগ্বন্ধঃ ।
ধ্যানম্ ।
ধ্যায়েচ্ছারদচন্দ্রসুন্দরমুখং তাম্রারবিন্দেক্ষণং
ভক্তাভীষ্টবরাভয়প্রদকরং কৌপীনমাত্রোজ্জ্বলম্ ।
স্বাত্মানন্দরসানুভূতিবিবশং সর্বানবদ্যাঙ্গকং
শ্রীমন্তং রমণেশ্বরং গুরুবরং য়োগাসনাধ্যাসিতম্ ॥
অরুণজলজনেত্রং মুগ্ধমন্দস্মিতাস্যং
তরুণতপনভাসং পূর্ণবোধপ্রসাদম্ ।
অরুণশিখরিসানুপ্রাঙ্গণে সঞ্চরন্তং
রমণমরুণমূর্তিং চিন্তয়েদিষ্টসিদ্ধ্যৈ ॥
॥ ওঁ ॥
অরুণেশমহাশক্তিনিপাতপ্রতিবোধিতঃ ।
অচিন্ত্যপরনির্বাণস্থিতিরব্যক্তশক্তিকঃ ॥ ১ ॥
অনভ্যাসশ্রমাবাপ্তসমস্তনিগমাগমঃ ।
অরুণাচলনাথীয়পঞ্চরত্নপ্রকাশকঃ ॥ ২ ॥
অনাহতান্যহৃদয়স্থানবোধনপণ্ডিতঃ ।
অকারাদিক্ষকারান্তমাতৃকামন্ত্রমালিকঃ ॥ ৩ ॥
অন্তর্গতমহাশক্তিরণিমাদিগুণান্বিতঃ ।
অভ্যাসাতিশয়জ্ঞাত অত্যাশ্চর্যচরিত্রকঃ ॥ ৪ ॥
অতিবর্ণাশ্রমাচারোঽচিন্ত্যশক্তিরমোঘদৃক্ ।
অঙ্গাবন্ত্যাদিদেশীয়মুমুক্ষুজনতাশ্রয়ঃ ॥ ৫ ॥
অন্তর্মুখোঽন্তরারাম অন্তর্যাম্যহমর্থদৃক্ ।
অহমর্থৈকলক্ষ্যার্থ অরুণাদ্রিময়োঽরুণঃ ॥ ৬ ॥
অপীতাম্বাঙ্গনির্মাল্যপয়ঃপানৈকজীবিতঃ ।
অধ্যাত্ময়োগনিলয় অদীনাত্মাঽঘমর্ষণঃ ॥ ৭ ॥
অকায়ো ভক্তাকায়স্থঃ কালচক্রপ্রবর্তকঃ ।
অক্ষিপেয়ামৃতাম্ভোধিরাহূয়ৈশ্বর্যদায়কঃ ॥ ৮ ॥
আজানুবাহুরক্ষোভ্য আত্মবাননসূয়কঃ ।
আবর্তক্ষেত্রসঞ্জাত আর্তরক্ষণতত্পরঃ ॥ ৯ ॥
ইতিহাসপুরাণজ্ঞ ইষ্টাপূর্তফলপ্রদঃ ।
ইডাপিঙ্গলিকামধ্য-সুষুম্নাগ্রন্থিভেদকঃ ॥ ১০ ॥
ইডাপিঙ্গলিকামধ্য-সুষুম্নামধ্যভাসুরঃ ।
ইষ্টার্থদাননিপুণ ইন্দ্রভোগবিরক্তধীঃ ॥ ১১ ॥
ঈশান ঈষণাহীনঃ ঈতিবাধাভয়াপহঃ ।
উপাস্যমূর্তিরুত্সাহসম্পন্ন উরুবিক্রমঃ ॥ ১২ ॥
উদাসীনবদাসীন উত্তমজ্ঞানদেশিকঃ । নাম ৫০
ঊর্ধ্বরেতা ঊর্ধ্বগতি রুটজস্থ উদারধীঃ ॥ ১৩ ॥
ঋষীঋষিগণস্তুত্যো ঋজুবুদ্ধী ঋজুপ্রিয়ঃ ।
ঋতম্ভর ঋতপ্রজ্ঞো ঋজুমার্গপ্রদর্শকঃ ॥ ১৪ ॥
এবমিত্যবিনির্ণেয়ঃ এনঃকূটবিনাশনঃ ।
ঐশ্বর্যদাননিপুণ ঔদার্যগুণমণ্ডিতঃ ॥ ১৫ ॥
ওঙ্কারপদলক্ষ্যার্থ ঔপম্যপরিবর্জিতঃ ।
কটাক্ষস্যন্দিকরুণঃ কটিবদ্ধালমল্লকঃ ॥ ১৬ ॥
কমনীয়চরিত্রাঢ্যঃ কর্মবিত্কবিপুঙ্গবঃ ।
কর্মাকর্মবিভাগজ্ঞঃ কর্মলেপবিবর্জিতঃ ॥ ১৭ ॥
কলিদোষহরঃ কম্রঃ কর্ময়োগপ্রবর্তকঃ ।
কর্মন্দিপ্রবরঃ কল্যঃ কল্যাণগুণমণ্ডিতঃ ॥ ১৮ ॥
কান্তিপত্তনসন্দৃষ্টারুণজ্যোতিঃপ্রহর্ষিতঃ ।
কামহন্তাকান্তমূর্তিঃ কালাত্মাকালসূত্রহৃত্ ॥ ১৯ ॥
কাঙ্ক্ষাহীনঃ কালকাঙ্ক্ষী কাশীবাসফলপ্রদঃ ।
কাশ্মীরদেশ্যসেব্যাঙ্ঘ্রির্নেপালীয়সমর্চিতঃ ॥ ২০ ॥
কামকারনিরাকর্তা কৃতকৃত্যত্বকারকঃ ।
কাব্যকণ্ঠসুধীদৃষ্টকার্তিকেয়স্বরূপধৃক্ ॥ ২১ ॥
কিঙ্করীকৃতভূপালঃ কীর্তিমান্কীর্তিবর্দ্ধনঃ ।
কুমারঃ কুতলামোদঃ কুকুটুম্বী কুলোদ্গতঃ ॥ ২২ ॥ নাম ১০০
কুষ্ঠাপস্মাররোগঘ্নঃ কুসুমারামনিষ্ঠিতঃ ।
কৃপালুঃ কৃপণালম্বঃ কৃশানুসদৃশঃ কৃশঃ ॥ ২৩ ॥
কেরলান্ধ্রাদিভাষাজ্ঞঃ কেরলান্ধ্রজনেডিতঃ ।
কৈবল্যপদনিশ্শ্রেণিঃ কৈবল্যসুখদায়কঃ ॥ ২৪ ॥
কোঽহং নাহং সোঽহমিতি স্বাত্মান্বেষণমার্গদৃক্ ।
কোঽহংবিমর্শব্রহ্মাস্ত্র-নাশিতাশেষবিভ্রমঃ ॥ ২৫ ॥
কোশালয়প্রতিষ্ঠাতা কোশবান্কোশবীক্ষিতা ।
ক্ষমাবান্ক্ষিপ্রসন্তুষ্টঃ ক্ষপিতাশেষকল্মষঃ ॥ ২৬ ॥
ক্ষতকর্মা ক্ষতাবিদ্যঃ ক্ষীণভক্তজনাবনঃ ।
ক্ষামনাশী ক্ষুধাহীনঃ ক্ষুদ্রঘ্নঃ ক্ষিতিমণ্ডনম্ ॥ ২৭ ॥
ক্ষেত্রজ্ঞঃ ক্ষেমদঃ ক্ষেমঃ ক্ষেমার্থিজনবন্দিতঃ ।
ক্ষেত্রাটনপরিশ্রান্তভক্তক্ষিপ্রপ্রসাদনঃ ॥ ২৮ ॥
ক্ষ্ম্রৌংমন্ত্রবীজতত্ত্বজ্ঞঃ ক্ষেত্রাজীবফলপ্রদঃ ।
গম্ভীরো গর্বিতোগর্ববিহীনো গর্বনাশনঃ ॥ ২৯ ॥
গদ্যপদ্যপ্রিয়োগম্যো গায়ত্রীমন্ত্রবোধিতঃ ।
গিরিশো গীষ্পতির্গুণ্যো গুণাতীতো গুণাকরঃ ॥ ৩০ ॥
গৃহীগৃহবিনির্মুক্তো গ্রহাতিগ্রহসঞ্জয়ী ।
গীতোপদেশসারাদিগ্রন্থকৃদ্ গ্রন্থিভেদকঃ ॥ ৩১ ॥ নাম ১৫০
গুরুমূর্ততপোনিষ্ঠঃ নৈসর্গিকসুহৃদ্বরঃ ।
গৃহিমুক্ত্যধিকারিত্ব ব্যবস্থাপনতত্পরঃ ॥ ৩২ ॥
গোবিন্দো গোকুলত্রাতা গোষ্ঠীবান্গোধনান্বিতঃ ।
চরাচরহিতশ্চক্ষুরুত্সবশ্চতুরশ্চলঃ ॥ ৩৩ ॥
চতুর্বর্গচতুর্ভদ্রপ্রদশ্চরমদেহভৃত্ ।
চাণ্ডালচটকশ্বাঽহি-কিটিকীশহিতঙ্করঃ ॥ ৩৪ ॥
চিত্তানুবর্তী চিন্মুদ্রী চিন্ময়শ্চিত্তনাশকঃ ।
চিরন্তনশ্চিদাকাশশ্চিন্তাহীনশ্চিদূর্জিতঃ ॥ ৩৫ ॥
চোরহা চোরদৃক্ চোরচপেটাঘাতনন্দিতঃ ।
ছলচ্ছদ্মবচোহীনশ্শত্রুজিচ্ছত্রুতাপনঃ ॥ ৩৬ ॥
ছন্নাকারশ্ছান্দসেড্যঞ্ছিন্নকর্মাদি বন্ধনঃ ।
ছিন্নদ্বৈধশ্ছিন্নমোহশ্ছিন্নহৃচ্ছিন্নকল্মষঃ ॥ ৩৭ ॥
জগদ্গুরুর্জগত্প্রাণো জগদীশো জগত্প্রিয়ঃ ।
জয়ন্তীজোজন্মহীনো জয়দো জনমোহনঃ ॥ ৩৮ ॥
জাগ্রত্স্বপ্নসুষুপ্ত্যাদিসাক্ষী জাড্যবিনাশকঃ ।
জাতিবর্ণভিদাশূন্যো জিতাত্মা জিতভূতকঃ ॥ ৩৯ ॥
জিতেন্দ্রিয়ো জিতপ্রাণো জিতান্তশ্শত্রুসঞ্চয়ঃ । নাম ২০০
জীবব্রহ্মৈক্যবিজ্জীবন্মুক্তো জীবত্বনাশকঃ ॥ ৪০ ॥
জ্যোতির্লিঙ্গময়জ্যোতিস্সমলোষ্টাশ্মকাঞ্চনঃ ।
জেতা জ্যায়াজ্জ্ঞানমূর্তির্জ্ঞানী জ্ঞানমহানিধিঃ ॥ ৪১ ॥
জ্ঞানজ্ঞাতৃজ্ঞেয়রূপত্রিপুটীভাবনোজ্ঝিতঃ ।
জ্ঞাতসর্বাগমো জ্ঞানগম্যো জ্ঞাতেয়সন্নুতঃ ॥ ৪২ ॥
জ্ঞানবিজ্ঞানতৃপ্তাত্মা জ্ঞানসঞ্ছিন্নসংশয়ঃ ।
জ্ঞানাগ্নিদগ্ধকর্মা চ জ্ঞানোপায়প্রদর্শকঃ ॥ ৪৩ ॥
জ্ঞানয়জ্ঞবিধিপ্রীতো জ্ঞানাবস্থিতমানসঃ ।
জ্ঞাতাঽজ্ঞাতান্যচিন্মাত্রো জ্ঞানবৃদ্ধোপলালিতঃ ॥ ৪৪ ॥
তত্ত্বজ্ঞস্তত্ত্ববিন্নেতা তত্ত্বমস্যাদিলক্ষিতঃ ।
তত্ত্বভাষণসন্তুষ্টস্তত্ত্ববোধকদেশিকঃ ॥ ৪৫ ॥
তত্পদার্থৈকসংলীনস্তত্ত্বান্বেষণ তত্পরঃ ।
তপনস্তপনীয়াঙ্গস্তমস্সন্তাপচন্দ্রমাঃ ॥ ৪৬ ॥
তপস্বী তাপসারাধ্যস্তপঃ ক্লিষ্টতনূদ্বহঃ ।
তপস্তত্ত্বার্থসারজ্ঞস্তপোমূর্তিস্তপোময়ঃ ॥ ৪৭ ॥
তপোবলসমাকৃষ্টভক্তসঙ্ঘসমাবৃতঃ ।
তাপত্রয়াগ্নিসন্তপ্তজনসঞ্জীবনামৃতম্ ॥ ৪৮ ॥
তাতাদেশাপ্তশোণাদ্রিস্তাতারুণমহেশ্বরঃ ।
তাতান্তিকসমাগন্তা তাতান্বেষণতত্পরঃ ॥ ৪৯ ॥
তিতিক্ষুস্তীর্থবিত্তীর্থং তুরীয়স্তুষ্টমানসঃ । নাম ২৫০
তুল্যনিন্দাস্তুতিস্তূষ্ণীংশীলস্তৃষ্ণাবিবর্জিতঃ ॥ ৫০ ॥
তেজস্বীত্যক্তবিষয়স্ত্রয়ীভাবার্থকোবিদঃ ।
ত্রিদিবেশমুখোপাস্যস্ত্রিবর্গস্ত্রিগুণাত্মকঃ ॥ ৫১ ॥
ত্রৈলোক্যবুধসম্পূজ্যস্ত্রৈলোক্যগ্রাসবৃংহিতঃ ।
ত্রৈলোক্যসৃষ্টিস্থিতিকৃত্ ত্রৈগুণ্যবিষয়োজ্ঝিতঃ ॥ ৫২ ॥
ত্রৈগুণ্যবিষবেগঘ্নো দক্ষো দগ্ধবপুর্ধরঃ ।
দর্শনীয়ো দয়ামূর্তির্দক্ষিণাস্যো দমান্বিতঃ ॥ ৫৩ ॥
দণ্ডধৃক্ দণ্ডনীতিস্থো দক্ষিণো দম্ভবর্জিতঃ ।
দহরাকাশমধ্যস্থ চিদাকাশপ্রতিষ্ঠিতঃ ॥ ৫৪ ॥
দশদিক্পালসম্পূজ্যো দশদিগ্ব্যাপিসদ্যশাঃ ।
দক্ষিণদ্বীপবিখ্যাতো দাক্ষিণাত্যকলাকবিঃ ॥ ৫৫ ॥
দারিদ্র্যধ্বংসকো দান্তো দারিতক্লেশসন্ততিঃ ।
দাসীদাসভরো দিব্যো দিষ্ট্যাবুদ্ধো দিগম্বরঃ ॥ ৫৬ ॥
দীর্ঘদর্শী দীপ্যমানো দীনবন্ধুর্দৃগাত্মকঃ ।
দুর্বিগাহ্যো দুরাধর্ষো দুরাচারনিবর্তকঃ ॥ ৫৭ ॥
দৃগ্দৃশ্যভেদধীশূন্যো দর্শনং দৃপ্তখণ্ডকঃ ।
দেববন্দ্যো দেবতেশো দোষজ্ঞো দোষনাশনঃ ॥ ৫৮ ॥ নাম ৩০০
দ্বাদশার্ণমনুধ্যেয়ো দ্বাদশান্তস্থলস্থিতঃ ।
দৈবিকো দ্রাবিডো দ্বীপান্তরবিখ্যাতবৈভবঃ ॥ ৫৯ ॥
দ্বিতীয়াতিথিসম্ভূতো দ্বৈতভাববিমুক্তধীঃ ।
দ্বৈতাদ্বৈতমতাতীতো দ্বৈতসন্তমসাপহঃ ॥ ৬০ ॥
ধনদো ধর্মসূক্ষ্মজ্ঞো ধর্মরাট্ ধার্মিকপ্রিয়ঃ ।
ধাতা ধাতৃসমশ্রীকো ধাতুশুদ্ধিবিধায়কঃ ॥ ৬১ ॥
ধারণাশক্তিমান্ধীরো ধুরীণো ধৃতিবর্দ্ধনঃ ।
ধীরোদাত্তগুণোপেতো ধ্যাননিষ্ঠো ধ্রুবস্মৃতিঃ ॥ ৬২ ॥
নমজ্জনোদ্ধারণকৃন্নরবাহনসন্নিভঃ ।
নবনীতসমস্বান্তো নতসাধুজনাশ্রয়ঃ ॥ ৬৩ ॥
নরনারীগণোপেতো নগসানুকৃতাশ্রমঃ ।
নমমেত্যব্যয়য়ুতো নবীনো নষ্টমানসঃ ॥ ৬৪ ॥
নয়নানন্দদো নম্যো নামোচ্চারণমুক্তিদঃ ।
নাগস্বাম্যনুজো নাগসুন্দরজ্যেষ্ঠতাং গতঃ ॥ ৬৫ ॥
নাদবিন্দুকলাভিজ্ঞো নাদব্রহ্মপ্রতিষ্ঠিতঃ ।
নাদপ্রিয়ো নারদাদিপূজ্যো নামবিবর্জিতঃ ॥ ৬৬ ॥
নামী নামজপপ্রীতো নাস্তিকত্ববিঘাতকৃত্ ।
নাসাগ্রণ্যস্তদৃঙ্ নামব্রহ্মাতীতো নিরঞ্জনঃ ॥ ৬৭ ॥
নিরঞ্জনাশ্রয়ো নিত্যতৃপ্তো নিশ্শ্রেয়সপ্রদঃ । নাম ৩৫০
নির্যত্নসিদ্ধনিত্য শ্রীর্নিত্যসিদ্ধস্বরূপদৃক্ ॥ ৬৮ ॥
নির্মমো নিরহঙ্কারো নিরবদ্যো নিরাশ্রয়ঃ ।
নিত্যানন্দো নিরাতঙ্কো নিষ্প্রপঞ্চো নিরাময়ঃ ॥ ৬৯ ॥
নির্মলো নিশ্চলো নিত্যো নির্মোহো নিরুপাধিকঃ ।
নিস্সঙ্গো নিগমস্তুত্যো নিরীহো নিরুপপ্লবঃ ॥ ৭০ ॥
নিত্যশুদ্ধো নিত্যবুদ্ধো নিত্যমুক্তো নিরন্তরঃ ।
নির্বিকারো নির্গুণাত্মা নিষ্পাপো নিষ্পরিগ্রহঃ ॥ ৭১ ॥
নির্ভবো নিস্তুলো নিঘ্নো নিজানন্দৈকনির্ভরঃ ।
নিগ্রহানুগ্রহসমো নিকৃতিজ্ঞো নিদানবিত্ ॥ ৭২ ॥
নির্গ্রন্থো নির্নমস্কারো নিস্তুলির্নিরয়াপহঃ ।
নির্বাসনো নির্ব্যসনো নির্যোগক্ষেমচিন্তনঃ ॥ ৭৩ ॥
নির্বীজধ্যানসংবেদ্যো নির্বাদো নিশ্শিরোরুহঃ ।
পঞ্চাক্ষরমনুধ্যেয়ঃ পঞ্চপাতকনাশনঃ ॥ ৭৪ ॥
পঞ্চস্কন্ধীমতাভিজ্ঞঃ পঞ্চকোশবিলক্ষণঃ ।
পঞ্চাগ্নিবিদ্যামার্গজ্ঞঃ পঞ্চকৃত্যপরায়ণঃ ॥ ৭৫ ॥ নাম ৪০০
পঞ্চবক্ত্রঃ পঞ্চতপাঃ পঞ্চতাকারণোদ্ধরঃ ।
পঞ্চোপচারসম্পূজ্যঃ পঞ্চভূতবিমর্দনঃ ॥ ৭৬ ॥
পঞ্চবিংশতিতত্ত্বাত্মা মহাপঞ্চদশাক্ষরঃ ।
পরাশরকুলোদ্ভূতঃ পণ্ডিতঃ পণ্ডিতপ্রিয়ঃ ॥ ৭৭ ॥
পরমেষ্ঠী পরেশানঃ পরিপূর্ণঃ পরাত্পরঃ ।
পরংজ্যোতিঃ পরংধাম পরমাত্মা পরায়ণম্ ॥ ৭৮ ॥
পতিব্রতাভীষ্টদায়ী পর্যঙ্কস্থঃ পরার্থবিত্ ।
পবিত্রপাদঃ পাপারিঃ পরার্থৈকপ্রয়োজনঃ ॥ ৭৯ ॥
পালীতীর্থতটোল্লাসী পাশ্চাত্যদ্বীপবিশ্রুতঃ ।
পিতা পিতৃহিতঃ পিত্তনাশকঃ পিতৃমোচকঃ ॥ ৮০ ॥
পিতৃব্যান্বেষিত পীনঃ পাতালেশালয়স্থিতঃ ।
পুনর্বসূদিতঃ পুণ্যঃ পুণ্যকৃত্পুরুষোত্তমঃ ॥ ৮১ ॥
পুন্নাগতরুবত্ক্ষেত্রী পুণ্যাপুণ্যবিবর্জিতঃ ॥।
পূতাত্মা পৃথুকপ্রীতঃ পৃথুদশ্চ পুরোহিতঃ ॥ ৮২ ॥
প্রতিমাকৃতসান্নিধ্যঃ প্রতিগ্রহপরাঙ্মুখঃ ।
প্রমাদিবত্সরোদ্ভূতঃ প্রকৃতিস্থঃ প্রমাণবিত্ ॥ ৮৩ ॥
প্রতীকোপাস্তিবিষয়ঃ প্রত্যুত্তরবিচক্ষণঃ । নাম ৪৫০
প্রত্যক্ প্রশান্তঃ প্রত্যক্ষঃ প্রশ্রিতঃ প্রতিভানবান্ ॥ ৮৪ ॥
প্রদক্ষিণাপ্রীতমনাঃ প্রবালাদ্রিসমাশ্রয়ঃ ।
প্রাচ্যপ্রতীচ্যদেশীয় বিবুধাগ্রণ্যবন্দিতঃ ॥ ৮৫ ॥
প্রস্থানভেদসম্বোদ্ধ্যঃ প্রাংশুঃ প্রাণনিরোধকঃ ।
প্রসূতিদিনবৃদ্ধস্ত্রী দর্শিতজ্যোতিরাকৃতিঃ ॥ ৮৬ ॥
প্রার্থিতার্থপ্রদঃ প্রাজ্ঞঃ প্রাবারকনিগূহিতঃ ।
প্রাতস্স্মর্তব্যচারিত্রঃ প্রাপ্তপ্রাপ্তব্যনির্বৃতঃ ॥ ৮৭ ॥
প্রয়াণস্মৃতিসম্প্রাপ্যঃ প্রিয়হীনঃ প্রিয়ংবদঃ ।
প্রেক্ষাবান্প্রেষ্যরহিতঃ ফলভূতঃ ফলপ্রদঃ ॥ ৮৮ ॥
বহুশ্রুতো বহুমতো বহুপাকী বহুপ্রদঃ ।
বলবান্বন্ধুমান্বালরূপো বাল্যবিচেষ্টিতঃ ॥ ৮৯ ॥
বালভানুপ্রতীকাশো বালসন্ন্যাসিশব্দিতঃ ।
ব্রহ্মচর্যতপোয়োগশ্রুতপ্রজ্ঞাসমন্বিতঃ ॥ ৯০ ॥
ব্রহ্মণ্যো ব্রহ্মবিদ্ব্রহ্ম ব্রহ্মসায়ুজ্যদায়কঃ ।
ব্রহ্মার্পিতমনোবুদ্ধির্ব্রাহ্মণস্বামিনামকঃ ॥ ৯১ ॥
ব্রহ্মাসনস্থিতো ব্রহ্মসূত্রবিদ্ভগবান্ভবঃ ।
ভয়কৃদ্ভয়সংহর্তা ভবাদো ভক্তভাবিতঃ ॥ ৯২ ॥ নাম ৫০০
ভারূপো ভাবনাগ্রাহ্যো ভাবজ্ঞো ভাগ্যবর্দ্ধনঃ ।
ভারতীয়মহাভাগ্যং ভারতখ্যাতিপোষকঃ ॥ ৯৩ ॥
ভারতোদ্যদ্জ্ঞানদীপো ভাবনাভেদকৃন্তনঃ ।
ভিদাশূন্যো ভিদাধ্বংসী ভাবুকো ভিক্ষুকেশ্বরঃ ॥ ৯৪ ॥
ভূতিদো ভূতিকৃদ্ভূমি নাথপূর্ণাংশসম্ভবঃ ।
ভৌমব্রহ্ম ভ্রমধ্বংসী ভূহৃত্ক্ষেত্রলক্ষিতঃ ॥ ৯৫ ॥
ভূতিভূষিতসর্বাঙ্গো মঙ্গলো মঙ্গলপ্রদঃ ।
মনোবুদ্ধিরহঙ্কারঃ প্রকৃতিশ্চ পরঃ পুমান্ ॥ ৯৬ ॥
মহাশক্তির্মহাসিদ্ধির্মহোদারো মহাদ্যুতিঃ ।
মহাকর্তা মহাভোক্তা মহায়োগী মহামতিঃ ॥ ৯৭ ॥
মহামান্যো মহাভাগো মহাসেনমহোংশজঃ ।
মর্যাদাকৃন্মহাদেবো মহারূপী মহায়শাঃ ॥ ৯৮ ॥
মহোদ্যমো মহোত্সাহো মমতাগ্রহপীডনঃ ।
মহামন্ত্রো মহায়ন্ত্রো মহাবাক্যোপদেশকঃ ॥ ৯৯ ॥
মহাবাক্যার্থতত্ত্বজ্ঞো মহামোহনিবারকঃ ।
মায়াবী মানদো মানী মাতৃমুক্তিবিধায়কঃ ॥ ১০০ ॥ নাম ৫৫০
মানাবমানসাম্যাত্মা মালূরাধস্তপস্স্থিতঃ ।
মধূকদ্রুতলস্থায়ী মাতৃমান্মাতৃভক্তিমান্ ॥ ১০১ ॥
মাত্রালয়প্রতিষ্ঠাতা মার্গিতো মার্গবান্ধবঃ ।
মার্গণীয়ো মার্গদর্শী মার্গশীর্ষকৃতোদয়ঃ ॥ ১০২ ॥
মার্গিতাত্মা মার্গশূন্যো মিতভুঙ্মিতসঞ্চরঃ ।
মিতস্বপ্নাববোধশ্চ মিথ্যাবাহ্যনিরীক্ষকঃ ॥ ১০৩ ॥
মুনির্মুক্তো মুক্তিদায়ী মেধাবী মেধ্যভোজনঃ ।
মৌনব্যাখ্যানকৃন্মৌনী মৌনভাষাবিশারদঃ ॥ ১০৪ ॥
মৌনামৌনদ্বয়াতীতো মৌনদো মৌনিষু প্রিয়ঃ ।
য়জ্ঞকৃদ্যজ্ঞভুগ্যজ্ঞো য়জমানো য়থার্থবিত্ ॥ ১০৫ ॥
য়তাত্মা য়তিসম্পূজ্যো য়তিপ্রাপ্যো য়শস্করঃ ।
য়মাদ্যষ্টাঙ্গয়োগজ্ঞো য়জুশ্শাখী য়তীশ্বরঃ ॥ ১০৬ ॥
য়বনানুগ্রহকরো য়ক্ষো য়মনিষূদনঃ ।
য়াত্রাবিরহিতো য়ানাঽনারূঢো য়াজ্ঞিকপ্রিয়ঃ ॥ ১০৭ ॥
য়াতনানাশনো য়াঞ্চহীনো য়াচিতদায়কঃ । নাম ৬০০
য়ুক্তকৃদ্যুক্তভুগ্যুক্ত স্বপ্নবোধো য়ুগাদিকৃত্ ॥ ১০৮ ॥
য়োগীশো য়োগপুরুষো য়োগতত্ত্ববিবেচকঃ ।
য়োগাসনো য়োগভূমি সমারোহণসাধকঃ ॥ ১০৯ ॥
য়োগিগম্যো য়োগফলং য়োগভ্রষ্টশুভপ্রদঃ ।
য়োগপ্রশংসী য়োগস্থো য়োগক্ষেমধুরন্ধরঃ ॥ ১১০ ॥
রক্ষকো রমণো রম্যো রমণীয়াঙ্গসংহতিঃ ।
রমেশক্লেশসন্দৃষ্টজ্যোতিরক্লেশদর্শনঃ ॥ ১১১ ॥
রজোপহো রজোমূর্তী রসিকো রসশেবধিঃ ।
রহস্যো রঞ্জনো রস্যো রত্নগর্ভো রসোদয়ঃ ॥ ১১২ ॥
রাজবিদ্যাগুরূ রাজ বিদ্যাবিদ্রাজমানিতঃ ।
রাজসাহারনির্মুক্তো রাজসজ্ঞানদূরগঃ ॥ ১১৩ ॥
রাগদ্বেষবিনির্মুক্তো রসালাশ্রমকোকিলঃ ।
রামাভিরামো রাজশ্রীঃ রাজা রাজ্যহিতঙ্করঃ ॥ ১১৪ ॥
রাজভোগপ্রদো রাষ্ট্রভাষাবিদ্রাজবল্লভঃ ।
রুদিতদ্বেষণো রুদ্রো লক্ষ্মীবান্লক্ষ্মিবর্দ্ধনঃ ॥ ১১৫ ॥
লজ্জালুর্ললিতো লব্ধলব্ধব্যো লঘুসিদ্ধিদঃ । নাম ৬৫০
লয়বিল্লব্ধকামৌঘো লাভালাভসমাশয়ঃ ॥ ১১৬ ॥
লয়াধিষ্ঠানতত্ত্বজ্ঞো লয়পূর্বসমাধিমান্ ।
লাস্যপ্রিয়ো লিঙ্গরূপী লিঙ্গোত্থো লিঙ্গবর্জিতঃ ॥ ১১৭ ॥
লিপিলেখচণো লোকশিক্ষকো লোকরক্ষকঃ ।
লোকায়তমতাভিজ্ঞো লোকবার্তাবিবর্জিতঃ ॥ ১১৮ ॥
লোকোদাসীনভাবস্থো লোকোত্তরগুণোত্তরঃ ।
লোকাধ্যক্ষো লোকপূজ্যো লোকাসারত্ববোধকঃ ॥ ১১৯ ॥
লোকাকর্ষণশক্তাত্মশক্তিমত্কান্তপর্বতঃ ।
লোকানুত্সাদকো লোকপ্রমাণং লোকসঙ্গ্রহী ॥ ১২০ ॥
লোকবোধপ্রকাশার্থ শোণোদ্যজ্জ্ঞানভাস্করঃ ।
বরিষ্ঠো বরদো বক্তা বঙ্গদেশ্যজনাশ্রয়ঃ ॥ ১২১ ॥
বন্দারুজনমন্দারো বর্তমানৈককালবিত্ ।
বনবাসরসাভিজ্ঞো বলিত্রয়বিভূষিতঃ ॥ ১২২ ॥
বসুমান্বস্তুতত্ত্বজ্ঞো বন্দ্যো বত্সতরীপ্রিয়ঃ ।
বর্ণাশ্রমপরিত্রাতা বর্ণাশ্রমমতাতিগঃ ॥ ১২৩ ॥
বাক্যজ্ঞো বাক্যকুশলো বাঙ্মনোবুদ্ধ্যগোচরঃ ।
বাদ্যগীতপ্রিয়ো বাজশ্রবা বাপীপ্রতিষ্ঠকঃ ॥ ১২৪ ॥
বাহনাগারনিষ্ঠাবান্বাজিমেধফলপ্রদঃ ।
বক্ষোদক্ষিণভাগস্থ হৃদয়স্থানদর্শকঃ ॥ ১২৫ ॥ নাম ৭০০
বচদ্ভূমন্ত্রসংসেব্যো বিচারৈকোপদেশকৃত্ ।
বিচারমাত্রনিরতো বিবেকিজনতাদৃতঃ ॥ ১২৬ ॥
বিদিতাত্মা বিধেয়াত্মা বিস্মিতেশাদিবীক্ষিতঃ ।
বিরূপাক্ষগুহাবাসী বিশ্বাত্মা বিশ্বভুগ্বিভুঃ ॥ ১২৭ ॥
বিবিক্তসেবী বিঘ্নেশচৈত্যপ্রাকারসংস্থিতঃ ।
বিধ্যদৃষ্টমহোদর্শী বিজ্ঞানানন্দসুন্দরঃ ॥ ১২৮ ॥
বিঘসাশী বিশুদ্ধাত্মা বিপর্যাসনিরাসকঃ ।
বিভূতিসিতফালাঢ্যো বিরোধোক্তিবিনাকৃতঃ ॥ ১২৯ ॥
বিশ্বম্ভরো বিশ্ববৈদ্যো বিশ্বাস্যো বিস্ময়ান্বিতঃ ।
বীণাগেয়ো বীতমায়ো বীর্যবান্বীতসংশয়ঃ ॥ ১৩০ ॥
বৃদ্ধিহ্রাসবিনাভূতো বৃদ্ধো বৃত্তিনিরোধকঃ ।
বৃত্তিদো বৃত্তিবোধেদ্ধো বেণুবাদ্যবশংবদঃ ॥ ১৩১ ॥
বেদবেদান্ততত্ত্বজ্ঞো বেষদোষপ্রকাশকঃ ।
ব্যক্তাব্যক্তস্বরূপজ্ঞো ব্যঙ্গ্যবাক্যপ্রয়োগবিত্ ॥ ১৩২ ॥
ব্যাপ্তাখিলো ব্যবস্থাকৃদ্ব্যবসায়বিবোধকঃ ।
বৈজ্ঞানিকাগ্রণীর্বৈশ্বানরো ব্যাঘ্রাজিনস্থিতঃ ॥ ১৩৩ ॥
শরণ্যশ্শর্মদশ্শক্তি পাতবুদ্ধশ্শমান্বিতঃ ।
শরীরিবদ্ভাসমানশ্শর্মণ্যজনবন্দিতঃ ॥ ১৩৪ ॥ নাম ৭৫০
শাস্ত্রজালমহারণ্য বৃথাটননিষেধকঃ ।
শাস্ত্রাভ্যাসফলীভূত জ্ঞানবিজ্ঞানতত্পরঃ ॥ ১৩৫ ॥
শাস্ত্রোল্লঙ্ঘনবিদ্বেষী শাস্ত্রমার্গাবিলঙ্ঘনঃ ।
শান্তাত্মা শান্তিদশ্শান্তিধনশ্শান্তোপদেশকঃ ॥ ১৩৬ ॥
শাণ্ডিল্যোপাস্তিলক্ষ্যার্থশ্শাস্ত্রয়োনিঃ প্রজাপতিঃ ।
শিবঙ্করশ্শিবতমশ্শিষ্টেষ্টশ্শিষ্টপূজিতঃ ॥ ১৩৭ ॥
শিবপ্রকাশসন্তুষ্টশ্শিবাদ্বৈতপ্রতিষ্ঠিতঃ ।
শিবগঙ্গাতডাকস্থশ্শিবজ্ঞানপ্রদায়কঃ ॥ ১৩৮ ॥
শীতাচলপ্রান্ত্যপূজ্যশ্শীপ্রাতীরজনাশ্রয়ঃ ।
শুভাশুভপরিত্যাগী শুভাশুভবিমত্সরঃ ॥ ১৩৯ ॥
শুক্লকৃষ্ণগতিজ্ঞানী শুভংয়ুশ্শিশিরাত্মকঃ ।
শুকবজ্জন্মসংসিদ্ধশ্শেষাদ্রিস্বামিবত্সলঃ ॥ ১৪০ ॥
শৈববৈষ্ণবশাক্তাদি বিরোধপ্রতিরোধকঃ ।
শৃঙ্গারাদিরসালম্বো শৃঙ্গাররসবিপ্রিয়ঃ ॥ ১৪১ ॥
শ্রবণাধ্যর্থতত্ত্বজ্ঞশ্শ্রবণানন্দভাষিতঃ ।
শোণেশালয়সঞ্চারী শোণেশঃ শোণতীর্থবিত্ ॥ ১৪২ ॥
শোকমোহাদ্যসংস্পৃষ্টশ্শোণক্ষেত্রাধিদৈবতম্ ।
শ্রীদঃ শ্রীশঃ শ্রীনিবাসঃ শ্রীকণ্ঠমততত্ত্ববিত্ ॥ ১৪৩ ॥
শ্রীবিদ্যামন্ত্রতত্ত্বজ্ঞঃ শ্রীবৈষ্ণবমতপ্রিয়ঃ ।
শ্রুতিতাত্পর্যনির্বক্তা শ্রুতমাত্রাবধারণঃ ॥ ১৪৪ ॥
শ্রুতশ্রোতব্যসন্তুষ্টঃ শ্রৌতমার্গসমর্থকঃ ।
ষডধ্বধ্বান্তবিধ্বংসী ষডূর্মিভয়ভঞ্জনঃ ॥ ১৪৫ ॥ নাম ৮০০
ষট্গ্রন্থিভেদচতুরষ্ষট্গুণী ষট্প্রমাণবান্ ।
ষট্কোণমধ্যনিলয়ষ্ষডরিঘ্নষ্ষডাশ্রয়ঃ ॥ ১৪৬ ॥
ষণ্ডত্বঘ্নষ্ষডাধারনির্ধ্যাতষ্ষডনাদিবিত্ ।
সর্বজ্ঞস্সর্ববিত্সর্বস্সার্বস্সর্বমনস্স্থিতঃ ॥ ১৪৭ ॥
সদসন্নির্ণয়জ্ঞানী সর্বভূতসমাশয়ঃ ।
সর্বশ্রুতিস্সর্বচক্ষুস্সর্বাননকরাদিমান্ ॥ ১৪৮ ॥
সর্বেন্দ্রিয়গুণাভাসস্সর্বসম্বন্ধবর্জিতঃ ।
সর্বভৃত্সর্বকৃত্সর্বহরস্সর্বহিতেরতঃ ॥ ১৪৯ ॥
সর্বারম্ভপরিত্যাগী সগুণধ্যায়িতারকঃ ।
সর্বভূতনিশাবুদ্ধস্সর্বজাগরনিদ্রিতঃ ॥ ১৫০ ॥
সর্বাশ্চর্যমস্সভ্যস্সঙ্কল্পঘ্নস্সদাতনঃ ।
সর্গাদিমধ্যনিধনস্সকৃত্স্মৃতিবিমুক্তিদঃ ॥ ১৫১ ॥
সংয়মী সত্যসন্ধশ্চ সংস্কারপরিবর্জিতঃ ।
সমস্সমবিভক্তাঙ্গস্সমদৃক্ সমসংস্থিতঃ ॥ ১৫২ ॥
সমর্থস্সমরদ্বেষী সমর্যাদস্সমাহিতঃ ।
সময়জ্ঞস্সদানন্দস্সমাহৃতনিজেন্দ্রিয়ঃ ॥ ১৫৩ ॥
সত্তাসংবিন্ময়জ্যোতিস্সম্প্রদায়প্রবর্তকঃ । নাম ৮৫০
সমস্তবৃত্তিমূলাহং বৃত্তিনাশোপদেশকঃ ॥ ১৫৪ ॥
সম্রাট্ সমৃদ্ধস্সম্বুদ্ধস্সর্বশ্রুতিমনোহরঃ ।
সরলস্সরসস্সর্বরসস্সর্বানুভূতিয়ুক্ ॥ ১৫৫ ॥
সর্বেশ্বরস্সর্বনিধিস্সর্বাত্মা সর্বসাধকঃ ।
সহজপ্রাপ্তকর্মানুষ্ঠানত্যাগনিষেধকঃ ॥ ১৫৬ ॥
সহিষ্ণুস্সাত্ত্বিকাহারস্সাত্ত্বিকজ্ঞানিবীক্ষিতঃ ।
সত্ত্বাধিকমনোবুদ্ধিসুখধৈর্যবিবর্ধকঃ ॥ ১৫৭ ॥
সাত্ত্বিকত্যাগয়োগজ্ঞস্সাত্ত্বিকারাধ্যবৈভবঃ ।
সার্ধষোডশবর্ষাপ্তপারিব্রাজ্যো বিরক্তধীঃ ॥ ১৫৮ ॥
সামগানপ্রিয়স্সাম্যবৈষম্যমতিকৃন্তনঃ ।
সাধিতাখিলসিদ্ধীশস্সামবিত্সামগায়নঃ ॥ ১৫৯ ॥
সিদ্ধার্থস্সিদ্ধসঙ্কল্পস্সিদ্ধিদস্সিদ্ধসাধনঃ ।
সিদ্ধ্যসিদ্ধিসমস্সিদ্ধস্সিদ্ধসঙ্ঘসমর্চিতঃ ॥ ১৬০ ॥
সিসাধয়িষুলোকেড্যস্সহায়াম্বাসহায়বান্ ।
সুন্দরস্সুন্দরক্ষেত্র বিদ্যাভ্যাসবিলাসভৃত্ ॥ ১৬১ ॥
সুন্দরেশ্বরলীলাকৃত্ সুন্দরানন্দবর্দ্ধনঃ ।
সুরর্ষিসন্নুতস্সূক্ষ্মস্সূরিদৃশ্যপদস্থিতঃ ॥ ১৬২ ॥
সুদর্শনস্সুহৃত্সূরিস্সূনৃতোক্তিবদাবদঃ ।
সূত্রবিত্সূত্রকৃত্সূত্রং সৃষ্টিবৈতথ্যবোধকঃ ॥ ১৬৩ ॥ নাম ৯০০
সৃষ্টিবাক্যমহাবাক্যৈক্যকণ্ঠ্যপ্রতিপাদকঃ ।
সৃষ্টিহেতুমনোনাশী সৃষ্ট্যধিষ্ঠাননিষ্ঠিতঃ ॥ ১৬৪ ॥
স্রক্চন্দনাদিবিষয়বিরাগী স্বজনপ্রিয়ঃ ।
সেবানম্রস্বভক্তৌঘ সদ্যোমুক্তিপ্রদায়কঃ ॥ ১৬৫ ॥
সোমসূর্যাগ্ন্যপ্রকাশ্য স্বপ্রকাশস্বরূপদৃক্ ।
সৌন্দর্যাম্বাতপস্সম্পত্পরীপাকফলায়িতঃ ॥ ১৬৬ ॥
সৌহিত্যবিমুখস্স্কন্দাশ্রমবাসকুতূহলী ।
স্কন্দালয়তপোনিষ্ঠস্স্তব্যস্তাবকবর্জিতঃ ॥ ১৬৭ ॥
সহস্রস্তম্ভসংয়ুক্ত মণ্ডপান্তরমাশ্রিতঃ ।
স্তৈন্যস্তেনস্স্তোত্রশাস্ত্র গেয়স্স্মৃতিকরস্স্মৃতিঃ ॥ ১৬৮ ॥
সামরস্যবিধানজ্ঞস্সঙ্ঘসৌভ্রাত্রবোধকঃ ।
স্বভাবভদ্রো মধ্যস্থস্স্ত্রীসন্ন্যাসবিধায়কঃ ॥ ১৬৯ ॥
স্তিমিতোদধিবজ্জ্ঞানশক্তিপূরিতবিগ্রহঃ ।
স্বাত্মতত্ত্বসুখস্ফূর্তিতুন্দিলস্বস্বরূপকঃ ॥ ১৭০ ॥
স্বস্বধর্মরতশ্লাঘী স্বভূস্স্বচ্ছন্দচেষ্টিতঃ ।
স্বস্বরূপপরিজ্ঞান পরামৃতপদস্থিতঃ ॥ ১৭১ ॥
স্বাধ্যায়জ্ঞানয়জ্ঞেজ্যস্বতস্সিদ্ধস্বরূপদৃক্ ।
স্বস্তিকৃত্স্বস্তিভুক্স্বামী স্বাপজাগ্রদ্বিবর্জিতঃ ॥ ১৭২ ॥
হন্তৃহন্তব্যতাশূন্য শুদ্ধস্বাত্মোপদেশকঃ ।
হস্তপাদাদ্যসঙ্গ্রাহ্যনির্লিপ্তপরমার্থদৃক্ ॥ ১৭৩ ॥
হত্যাদিপাপশমনো হানিবৃদ্ধিবিবর্জিতঃ ।
হিতকৃদ্ধূণদেশীয় জনবর্ণিতবৈভবঃ ॥ ১৭৪ ॥
হৃদয়ব্রহ্মতত্ত্বজ্ঞো হৃদয়ান্বেষদেশনঃ ।
হৃদয়স্থো হৃদয়াকাশস্বরূপী হৃদ্গুহাশয়ঃ ॥ ১৭৫ ॥
হার্দাকাশান্তরগত বাহ্যাকাশাদিবস্তুদৃক্ ।
হৃদয়স্থানতত্ত্বজ্ঞো হৃদহন্নাশপণ্ডিতঃ ॥ ১৭৬ ॥ নাম ৯৫০
হেয়োপাদেয়রহিতো হেমন্তর্তুকৃতোদয়ঃ ।
হরিব্রহ্মেন্দ্রদুষ্প্রাপস্বারাজ্যোর্জিতশাসনঃ ॥ ১৭৭ ॥
হতাসুরপ্রকৃতিকো হংসো হৃদ্যো হিরণ্ময়ঃ ।
হার্দবিদ্যাফলীভূতো হার্দসন্তমসাপহঃ ॥ ১৭৮ ॥
সেতুস্সীমা সমুদ্রশ্চ সমাভ্যধিকবর্জিতঃ ।
পুরাণঃ পুরুষঃ পূর্ণোঽনন্তরূপস্সনাতনঃ ॥ ১৭৯ ॥
জ্যোতিঃ প্রকাশঃ প্রথিতস্স্বয়ম্ভানঃ স্বয়ম্প্রভুঃ ।
সত্যং জ্ঞানং সুখং স্বস্থস্স্বানুভূঃ পরদৈবতম্ ॥ ১৮০ ॥
মহর্ষিশ্চ মহাগ্রাসো মহাত্মা ভগবান্বশী ।
অহমর্থোঽপ্রমেয়াত্মা তত্ত্বং নির্বাণমুত্তমম্ ॥ ১৮১ ॥
অনাখ্যবস্তু মুক্তাত্মা বন্ধমুক্তিবিবর্জিতঃ ।
অদৃশ্যো দৃশ্যনেতা চ মূলাচার্যস্সুখাসনঃ ॥ ১৮২ ॥
অন্তর্যামী পারশূন্যো ভূমা ভোজয়িতা রসঃ । নাম ১০০০
উপসংহারঃ ।
কোঽহং মার্গ ধনুষ্পাণির্নাহং তত্ত্বসুদর্শনঃ ।
সোঽহং বোধ মহাশঙ্খো ভগবান্ রমণোঽবতু ॥ ১ ॥
ইতি ত্রিবারম্
ইতি তে নামসহস্রং রমণস্য মহাত্মনঃ ।
কথিতং কৃপয়া দেবি গোপ্যাদ্গোপ্যতরং ময়া ॥ ২ ॥
য় ইদং নামসাহস্রং ভক্ত্যা পঠতি মানবঃ ।
তস্য মুক্তিরয়ত্নেন সিদ্ধ্যত্যেব ন সংশয়ঃ ॥ ৩ ॥
বিদ্যার্থী লভতে বিদ্যাং বিবাহার্থী গৃহী ভবেত্ ।
বৈরাগ্যকামো লভতে বৈরাগ্যং ভবতারকম্ ॥ ৪ ॥
য়েন য়েন চ য়ো য়োঽর্থী স স তং তং সমশ্নুতে ।
সর্ব পাপবিনির্মুক্তঃ পরং নির্বাণমাপ্নুয়াত্ ॥ ৫ ॥
দুর্দেশকালোত্থদুরাময়ার্তাঃ
দৌর্ভাগ্যতাপত্রয়সন্নিরুদ্ধাঃ ।
নরাঃ পঠন্তো রমণস্য নাম-
সাহস্রমীয়ুস্সুখমস্তদুঃখম্ ॥ ৬ ॥
ইতি শ্রীগৌতমমহর্ষিপ্রোক্তং শ্রীরমণসহস্রনামস্তোত্রং সম্পূর্ণম্ ।
॥ শুভমস্তু ॥