॥ Shakambhari Tatha Vanashankari Sahasranamastotram Kannada Lyrics ॥
॥ ಶ್ರೀಶಾಕಮ್ಭರೀ ತಥಾ ವನಶಂಕರೀಸಹಸ್ರನಾಮಸ್ತೋತ್ರಮ್ ॥
ಶಾನ್ತಾ ಶಾರದಚನ್ದ್ರಸುನ್ದರಮುಖೀ ಶಾಲ್ಯನ್ನಭೋಜ್ಯಪ್ರಿಯಾ
ಶಾಕೈಃ ಪಾಲಿತವಿಷ್ಟಪಾ ಶತದೃಶಾ ಶಾಕೋಲ್ಲಸದ್ವಿಗ್ರಹಾ ।
ಶ್ಯಾಮಾಂಗೀ ಶರಣಾಗತಾರ್ತಿಶಮನೀ ಶಕ್ರಾದಿಭಿಃ ಶಂಸಿತಾ
ಶಂಕರ್ಯಷ್ಟಫಲಪ್ರದಾ ಭಗವತೀ ಶಾಕಮ್ಭರೀ ಪಾತು ಮಾಮ್ ॥
ಶೂಲಂ ಪಾಶಕಪಾಲಚಾಪಕುಲಿಶಾನ್ಬಾಣಾನ್ಸೃಣಿಂ ಖೇಟಕಾಂ
ಶಂಕಂ ಚಕ್ರಗದಾಹಿಖಡ್ಗಮಭಯಂ ಖಟ್ವಾಂಗದಂಡಾನ್ಧರಾಮ್ ।
ವರ್ಷಾಭಾವವಶಾದ್ಧತಾನ್ಮುನಿಗಣಾನ್ಶಾಕೇನ ಯಾ ರಕ್ಷತಿ
ಲೋಕಾನಾಂ ಜನನೀಂ ಮಹೇಶದಯಿತಾಂ ತಾಂ ನೌಮಿ ಶಾಕಮ್ಭರೀಮ್ ॥ 1 ॥
ಕೈಲಾಸಶಿಖರಾಸೀನಂ ಸ್ಕನ್ದಂ ಮುನಿ ಗಣಾನ್ವಿತಮ್ ।
ಪ್ರಣಮ್ಯ ಶಕ್ರಃ ಪಪ್ರಚ್ಛ ಲೋಕಾನಾಂ ಹಿತಕಾಮ್ಯಯಾ ॥ 2 ॥
ಶಕ್ರ ಉವಾಚ –
ಸ್ಕನ್ದ ಸ್ಕನ್ದ ಮಹಾಬಾಹೋ ಸರ್ವಜ್ಞ ಶಿವನನ್ದನ ।
ನಾಮ್ನಾಂ ಸಹಸ್ರಮಾಚಕ್ಷ್ವ ಶಾಕಮ್ಭರ್ಯಾಃ ಸುಸಿದ್ಧಿದಮ್ ॥ 3 ॥
ಸ್ಕನ್ದ ಉವಾಚ –
ಯಾ ದೇವೀ ಶತವಾರ್ಷಿಕ್ಯಾಮನಾವೃಷ್ಟ್ಯಾಂ ಸ್ವದೇಹಜೈಃ ।
ಶಾಕೈರಬೀಭರತ್ಸರ್ವಾನೃಷೀನ್ ಶಕ್ರ ಶತಂ ಸಮಾಃ ॥ 4 ॥
ಮಹಾಸರಸ್ವತೀ ಸೈವ ಜಾತಾ ಶಾಕಮ್ಭರೀ ಶಿವಾ ।
ನಾಮ್ನಾಂ ಸಹಸ್ರಂ ತಸ್ಯಾಸ್ತೇ ವಕ್ಷ್ಯಾಮಿ ಶ್ರುಣುಭಕ್ತಿತಃ ॥ 5 ॥
ಓಂ ಅಸ್ಯ ಶ್ರೀಶಾಕಮ್ಭರೀಸಹಸ್ರನಾಮಮಾಲಾಮನ್ತ್ರಸ್ಯ ಮಹಾದೇವಃ ಋಷಿಃ ।
ಅನುಷ್ಟುಪ್ ಛನ್ದಃ । ಶಾಕಮ್ಭರೀ ದೇವತಾ । ಸೌಃ ಬೀಜಂ । ಕ್ಲೀಂ ಶಕ್ತಿಃ ।
ಹ್ರೀಂ ಕೀಲಕಂ । ಮಮ ಶ್ರೀ ಶಾಕಮ್ಭರೀಪ್ರಸಾದಸಿದ್ಧ್ಯರ್ಥೇ
ತತ್ಸಹಸ್ರನಾಮಪಾರಾಯಣೇ ವಿನಿಯೋಗಃ ।
ಕರನ್ಯಾಸಃ ॥
ಓಂ ಸೌಃ ಚಾಮುಂಡಾಯೈ ಅಂಗುಷ್ಠಾಭ್ಯಾಂ ನಮಃ ।
ಓಂ ಕ್ಲೀಂ ಶತಾಕ್ಷ್ಯೈ ತರ್ಜನೀಭ್ಯಾಂ ನಮಃ ।
ಓಂ ಹ್ರೀಂ ಶಾಕಮ್ಭರ್ಯೈ ಮಧ್ಯಮಾಭ್ಯಾಂ ನಮಃ ।
ಓಂ ಸೌಃ ಚಾಮುಂಡಾಯೈ ಅನಾಮಿಕಾಭ್ಯಾಂ ನಮಃ ।
ಓಂ ಕ್ಲೀಂ ಶತಾಕ್ಷ್ಯೇ ಕನಿಷ್ಠಿಕಾಭ್ಯಾಂ ನಮಃ ।
ಓಂ ಹ್ರೀಂ ಶಾಕಮ್ಭರ್ಯೈ ಕರತಲಕರಪೃಷ್ಠಾಭ್ಯಾಂ ನಮಃ ।
ಏವಂ ಹೃದಯಾದಿನ್ಯಾಸಃ ।
ಓಂ ಸೌಃ ಕ್ಲೀಂ ಹ್ರೀಂ ಓಂ ಮನ್ತ್ರೇಣ ದಿಗ್ಬನ್ಧಃ । ಇತಿ ॥
॥ ಧ್ಯಾನಮ್ ॥
ಸೌವರ್ಣಸಿಂಹಾಸನಸಂಸ್ಥಿತಾಂ ಶಿವಾಂ ತ್ರಿಲೋಚನಾ ಚನ್ದ್ರಕಲಾವತಂಸಿಕಾಮ್ ।
ಶೂಲಂ ಕಪಾಲಂ ನಿಜವಾಮಹಸ್ತಯೋಸ್ತದನ್ಯಯೋಃ ಖಡ್ಗಮಭೀತಿಮುದ್ರಿಕಾಮ್ ॥
ಪಾಣ್ಯೋರ್ದಧಾನಾಂ ಮಣಿಭೂಷಣಾಜ್ಜ್ವಲಾಂ ಸುವಾಸಸಂ ಮಾಲ್ಯವಿಲೇಪನಾಂಚಿತಾಮ್ ।
ಪ್ರಸನ್ನಾವಕ್ತ್ರಾಂ ಪರದೇವತಾ ಮುದಾ ಧ್ಯಾಯಾಮಿ ಭಕ್ತ್ಯಾ ವನಶಂಕರೀಂ ಹೃದಿ ॥
ಲಮಿತ್ಯಾದಿಪಂಚಪೂಜಾ –
ಓಂ ಸೌಃ ಕ್ಲೀಂ ಹ್ರೀಂ ಓಂ ।
ಓಂ ಶಾಕಮ್ಭರ್ಯೈ ನಮಃ ।
ಹ್ರೀಂ ಶಾಕಮ್ಭರ್ಯೈ ನಮಃ ।
ಓಂ ಹ್ರೀಂ ಶಾಕಮ್ಭರ್ಯೈ ನಮಃ ।
ಸೌಃ ಕ್ಲೀಂ ಹ್ರೀಂ ಶಾಕಮ್ಭರ್ಯೈ ನಮಃ ।
ಓಂ ಸೌಃ ಕ್ಲೀಂ ಹ್ರೀಂ ಶಾಕಮ್ಭರ್ಯೈ ನಮಃ ।
ಓಂ ಸೌಃ ಕ್ಲೀಂ ಹ್ರೀಂ ಶಾಕಮ್ಭರ್ಯೈ ನಮಃ ಓಂ ।
ಇತ್ಯೇಷು ಗುರೂಪದಿಷ್ಟಂ ಮನ್ತ್ರಂ ಜಪೇತ್ ।
॥ ಅಥ ಸಹಸ್ರನಾಮಸ್ತೋತ್ರಮ್ ॥
ಓಂ ಶಾಕಮ್ಭರೀ ಶತಾಕ್ಷೀ ಚ ಚಾಮುಂಡಾ ರಕ್ತದನ್ತಿಕಾ ।
ಮಹಾಕಾಲೀ ಮಹಾಶಕ್ತಿರ್ಮಧುಕೈಟಭನಾಶಿನೀ ॥ 1 ॥
ಬ್ರಹ್ಮಾದಿತೇಜಃ ಸಮ್ಭೂತಾ ಮಹಾಲಕ್ಷ್ಮೀರ್ವರಾನನಾ ।
ಅಷ್ಟಾದಶಭುಜಾ ಸಮ್ರಾಣ್ಮಹಿಷಾಸುರಮರ್ದಿನೀ ॥ 2 ॥
ಮಹಾಮಾಯಾ ಮಹಾದೇವೀ ಸೃಷ್ಟಿಸ್ಥಿತ್ಯನ್ತಕಾರಿಣೀ ।
ಕಾನ್ತಿಃ ಕಾಮಪ್ರದಾ ಕಾಮ್ಯಾ ಕಲ್ಯಾಣೀ ಕರುಣಾನಿಧಿಃ ॥
ಸಿಂಹಸ್ಥಿತಾ ನಾರಸಿಂಹೀ ವೈಷ್ಣವೀ ವಿಷ್ಣುವಲ್ಲಭಾ ।
ಭ್ರಾಮರೀ ರಕ್ತಚಾಮುಂಡಾ ರಕ್ತಾಕ್ಷೀ ರಕ್ತಪಾಯಿನೀ ॥ 4 ॥
ರಕ್ತಪ್ರಿಯಾ ಸುರಕ್ತೋಷ್ಠೀ ರಕ್ತಬೀಜವಿನಾಶಿನೀ ।
ಸುರಕ್ತವಸನಾ ರಕ್ತಮಾಲ್ಯಾ ರಕ್ತವಿಭೂಷಣಾ ॥ 5 ॥
ರಕ್ತಪಾಣಿತಲಾ ರಕ್ತನಖೀ ರಕ್ತೋತ್ಪಲಾಂಘ್ರಿಕಾ ।
ರಕ್ತಚನ್ದನಲಿಪ್ತಾಂಗೀ ರಮಣೀ ರತಿದಾಯಿನೀ ॥ 6 ॥
ಸುರಭಿಃ ಸುನ್ದರೀ ಬಾಲಾ ಬಗಲಾ ಭೈರವೀ ಸಮಿತ್ ।
ಚನ್ದ್ರಲಾಮ್ಬಾ ಸುಮಂಗಲ್ಯಾ ಭೀಮಾ ಭಯನಿವಾರಿಣೀ ॥ 7 ॥
ಜಾಗೃತಿಃ ಸ್ವಪ್ನರೂಪಾ ಚ ಸುಷುಪ್ತಿಸುಖರೂಪಿಣೀ ।
ತುರ್ಯೋಂನ್ಮನೀ ತ್ರಿಮಾತ್ರಾ ಚ ತ್ರಯೀ ತ್ರೇತಾ ತ್ರಿಮೂರ್ತಿಕಾ ॥ 8 ॥
ವಿಷ್ಣುಮಾಯಾ ವಿಷ್ಣುಶಕ್ತಿರ್ವಿಷ್ಣುಜಿಹ್ವಾ ವಿನೋದಿನೀ ।
ಛಾಯಾ ಶಾನ್ತಿಃ ಕ್ಷಮಾ ಕ್ಷುತ್ತೃಟ್ತುಷ್ಟಿಃ ಪುಷ್ಟಿರ್ಧೃತಿರ್ಭೃತಿಃ ॥ 9 ॥
ಮತಿರ್ಮಿತಿರ್ನತಿರ್ನೀತಿಃ ಸಂಯತಿರ್ನಿಯತಿ ಕೃತಿಃ ।
ಸ್ಫೂರ್ತಿಃ ಕೀರ್ತಿಃ ಸ್ತುತಿರ್ಜೂತಿಃ ಪೂರ್ತಿರ್ಮೂರ್ತಿರ್ನಿಜಪ್ರದಾ ॥ 10 ॥
ತ್ರಿಶೂಲಧಾರಿಣೀ ತೀಕ್ಷ್ಣಗದಿನೀ ಖಡ್ಗಧಾರಿಣೀ ।
ಪಾಶಿನೀ ತ್ರಾಸಿನೀ ವಾಮಾ ವಾಮದೇವೀ ವರಾನನಾ ॥ 11 ॥
ವಾಮಾಕ್ಷೀ ವಾರುಣೀಮತ್ತಾ ವಾಮೋರುರ್ವಾಸವಸ್ತುತಾ ।
ಬ್ರಹ್ಮವಿದ್ಯಾ ಮಹಾವಿದ್ಯಾ ಯೋಗಿನೀ ಯೋಗಪೂಜಿತಾ ॥ 12 ॥
ತ್ರಿಕೂಟನಿಲಯಾ ನಿತ್ಯಾ ಕಲ್ಪಾತೀತಾ ಚ ಕಲ್ಪನಾ ।
ಕಾಮೇಶ್ವರೀ ಕಾಮದಾತ್ರೀ ಕಾಮಾನ್ತಕಕುಟುಮ್ಬಿನೀ ॥ 13 ॥
ಕಾಲರಾತ್ರಿರ್ಮಹಾರಾತ್ರಿರ್ಮೋಹರಾತ್ರಿಶ್ಚ ದಾರುಣಾ ।
ನಾನಾದ್ರುಮಲತಾಕೀರ್ಣಗಿರಿಮಧ್ಯನಿವಾಸಿನೀ ॥ 14 ॥
ಶಾಕಪೋಷಿತಸರ್ವರ್ಷಿಃ ಪಾಕಶಾಸನಪೂಜಿತಾ ।
ಕ್ಲೇದಿನೀ ಭೇದಿನೀ ಭ್ರಾನ್ತಿರ್ಭೀತಿದಾ ಭ್ರಾನ್ತಿನಾಶಿನೀ ॥ 15 ॥
ಕ್ರಾನ್ತಿಃ ಸಂಕ್ರಾನ್ತಿರುತ್ಕ್ರಾನ್ತಿರ್ವಿಕ್ರಾನ್ತಿಃ ಕ್ರಾನ್ತಿವರ್ಜಿತಾ ।
ಡಿಂಡಿಮಧ್ವನಿಸಂಹೃಷ್ಟಾ ಭೇರೀನಾದವಿನೋದಿನೀ ॥ 16 ॥
ಸುತನ್ತ್ರೀವಾದನರತಾ ಸ್ವರಭೇದವಿಚಕ್ಷಣಾ ।
ಗಾನ್ಧರ್ವಶಾಸ್ತ್ರನಿಪೂಣಾ ನಾಟ್ಯಶಾಸ್ತ್ರವಿಶಾರದಾ ॥ 17 ॥
ಹಾವಭಾವಪ್ರಮಾಣಜ್ಞಾ ಚತುಃಷಷ್ಟಿಕಲಾನ್ವಿತಾ ।
ಪದವಾಕ್ಯಪ್ರಮಾಣಾಬ್ಧಿಪಾರೀಣಾ ವಾದಿಭಂಗಿನೀ ॥ 18 ॥
ಸರ್ವತನ್ತ್ರಸ್ವತನ್ತ್ರಾ ಚ ಮನ್ತ್ರಶಾಸ್ತ್ರಾಬ್ಧಿಪಾರಗಾ ।
ನಾನಾಯನ್ತ್ರ ವಿಧಾನಜ್ಞಾ ಸೌಗತಾಗಮಕೋವಿದಾ ॥ 19 ॥
ವೈಖಾನಸಾದ್ಯಾಗಮಜ್ಞಾ ಶೈವಾಗಮ ವಿಚಕ್ಷಣಾ ।
ವಾಮದಕ್ಷಿಣಮಾರ್ಗಜ್ಞಾ ಭೈರವಾಗಮಭೇದವಿತ್ ॥ 20 ॥
ಪಂಚಾಯತನತತ್ತ್ವಜ್ಞಾ ಪಂಚಾಮ್ನಾಯಪ್ರಪಂಚವಿತ್ ।
ರಾಜರಾಜೇಶ್ವರೀ ಭಟ್ಟಾರಿಕಾ ತ್ರಿಪುರಸುನ್ದರೀ ॥ 21 ॥
ಮಹಾದಕ್ಷಿಣಕಾಲೀ ಚ ಮಾತಂಗೀ ಮದ್ಯಮಾಂಸಭುಕ್ ।
ಲುಲಾಯಬಲಿಸನ್ತುಷ್ಟಾ ಮೇಷಚ್ಛಾಗಬಲಿಪ್ರಿಯಾ ॥ 22 ॥
ದೀಪಿಕಾಕ್ರೀಡನರತಾ ಡಮಡ್ಡಮರುನಾದಿನೀ ।
ಮಹಾಪ್ರದೀಪಿಕಾದೇಹಲೇಹನಾದ್ಭುತಶಕ್ತಿದಾ ॥ 23 ॥
ನಿಜಾವೇಶವದುನ್ಮತ್ತಭಕ್ತೋಕ್ತ ಫಲದಾಯಿನೀ ।
ಉದೋಉದೋಮಹಾಧ್ವಾನ ಶ್ರವಣಾಸಕ್ತಮಾನಸಾ ॥ 24 ॥
ಚೌಡೇಶ್ವರೀ ಚೌಡವಾದ್ಯಪ್ರವಾದನಪರಾಯಣಾ ।
ಕಪರ್ದಮಾಲಾಭರಣಾ ಕಪರ್ದಿಪ್ರಾಣವಲ್ಲಭಾ ॥ 25 ॥
ನಗ್ರಸ್ತ್ರೀವೀಕ್ಷಣರತಾ ನಗ್ನಿಕೋದ್ಭಿನ್ನಯೌವನಾ ।
ಬಾಲಾ ಬದರವಕ್ಷೋಜಾ ಮಧ್ಯಾ ಬಿಲ್ವಫಲಸ್ತನೀ ॥ 26 ॥
ನಾರಿಕೇಲಸ್ತನೀ ಪ್ರೌಢಾ ಪ್ರಗಲ್ಭಾ ಚ ಘಟಸ್ತನೀ ।
ಕಾತ್ಯಾಯನೀ ನಮ್ರಕುಚಾ ಪ್ರೌಢಾದ್ಭುತಪರಾಕ್ರಮಾ ।
ಕದಲೀವನಮಧ್ಯಸ್ಥಾ ಕದಮ್ಬವನವಾಸಿನೀ ॥ 27 ॥
ನಿಜೋಪಕಂಠಸಮ್ಪ್ರಾಪ್ತನದೀಮಾಹಾತ್ಮ್ಯವರ್ಧಿನೀ ।
ಕಾವೇರೀ ತಾಮ್ರಪರ್ಣೀ ಚ ಕಾಮಾಕ್ಷೀ ಕಾಮಿತಾರ್ಥದಾ ॥ 28 ॥
ಮೂಕಾಮ್ಬಿಕಾ ಮಹಾಶಕ್ತಿಃ ಶ್ರೀಶೈಲಭ್ರಮರಾಮ್ಬಿಕಾ ।
ಜೋಗಲಾಮ್ಬಾ ಜಗನ್ಮಾತಾ ಮಾತಾಪುರನಿವಾಸಿನೀ ॥ 29 ॥
ಜಮದಗ್ನಿಪ್ರಿಯಾ ಸಾಧ್ವೀ ತಾಪಸೀವೇಷಧಾರಿಣೀ ।
ಕಾರ್ತವೀರ್ಯಮುಖಾನೇಕಕ್ಷತ್ರವಿಧ್ವಂಸಕಾರಿಣೀ ॥ 30 ॥
ನಾನಾವತಾರಸಮ್ಪನ್ನಾ ನಾನಾವಿಧಚರಿತ್ರಕೃತ್ ।
ಕರವೀರಮಹಾಲಕ್ಷ್ಮೀಃ ಕೋಲ್ಹಾಸುರವಿನಾಶಿನೀ ॥ 31 ॥
ನಾಗಲಿಂಗಭಗಾಂಕಾಢ್ಯಮೌಲಿಃ ಶಕ್ರಾದಿಸಂಸ್ತುತಾ ।
ದುರ್ಗಮಾಸುರಸಂಹರ್ತ್ರೀ ದುರ್ಗಾಽನರ್ಗಲಶಾಸನಾ ॥ 32 ॥
ನಾನಾವಿಧಭಯತ್ರಾತ್ರೀ ಸುತ್ರಾಮಾದಿಸುಧಾಶನಾ ।
ನಾಗಪರ್ಯಂಕಶಯನಾ ನಾಗೀ ನಾಗಾಂಗನಾರ್ಚಿತಾ ॥ 33 ॥
ಹಾಟಕಾಲಂಕೃತಿಮತೀ ಹಾಟಕೇಶಸಭಾಜಿತಾ ।
ವಾಗ್ದೇವತಾಸ್ಫೂರ್ತಿದಾತ್ರೀ ತ್ರಾತವಾಗ್ಬೀಜಜಾಪಕಾ ॥ 34 ॥
ಜಪ್ಯಾ ಜಪವಿಧಿಜ್ಞಾ ಚ ಜಪಸಿದ್ಧಿಪ್ರದಾಯಿನೀ ।
ಮನ್ತ್ರಶಕ್ತಿರ್ಮನ್ತ್ರವಿದ್ಯಾ ಸುಮನ್ತ್ರಾ ಮಾನ್ತ್ರಿಕಮ್ಪ್ರಿಯಾ ॥ 35 ॥
ಇನ್ದುಮಂಡಲಪೀಠಸ್ಥಾ ಸೂರ್ಯಮಂಡಲಪೀಠಗಾ ।
ಚನ್ದ್ರಶಕ್ತಿಃ ಸೂರ್ಯಶಕ್ತಿರ್ಗ್ರಹಶಕ್ತಿರ್ಗ್ರಹಾರ್ತಿಹಾ ॥ 36 ॥
ಗ್ರಹಪೀಡಾಹರೀ ಸೌಮ್ಯಾ ಶುಭಗ್ರಹಫಲಪ್ರದಾ ।
ಜ್ಯೋತಿರ್ಮಂಡಲಸಂಸ್ಥಾನಾ ಗ್ರಹತಾರಾಧಿದೇವತಾ ॥ 37 ॥
ಸಪ್ತವಿಂಶತಿಯೋಗೇಶೀ ಬವಾದಿಕರಣೇಶ್ವರೀ ।
ಪ್ರಭವಾದ್ಯಬ್ದಶಕ್ತಿಶ್ಚ ಕಾಲಚಕ್ರಪ್ರವರ್ತಿನೀ ॥ 38 ॥
ಸೋಹಂಮನ್ತ್ರಜಪಾಧಾರಾ ಊರ್ಧ್ವಷಟ್ಚಕ್ರದೇವತಾ ।
ಇಡಾಖ್ಯಾ ಪಿಂಗಲಾಖ್ಯಾ ಚ ಸುಷುಮ್ನಾ ಬ್ರಹ್ಮರನ್ಧ್ರಗಾ ॥ 39 ॥
ಶಿವಶಕ್ತಿಃ ಕುಂಡಲಿನೀ ನಾಭಿಮಂಡಲನಿದ್ರಿತಾ ।
ಯೋಗೋದ್ಬುದ್ಧಾ ಮುಕ್ತಿದಾತ್ರೀ ಸಹಸ್ರಾರಾಬ್ಜಪೀಠಗಾ ॥ 40 ॥
ಪೀಯೂಷವರ್ಷಿಣೀ ಜೀವಶಿವಭೇದತಿನಾಶಿನೀ ।
ನಾಭೌ ಪರಾ ಚ ಪಶ್ಯನ್ತೀ ಹೃದಯೇ ಮಧ್ಯಮಾ ಗಲೇ ॥ 41 ॥
ಜಿಹ್ವಾಗ್ರೇ ವೈಖರೀವಾಣೀ ಪಂಚಾಶನ್ಮಾತೃಕಾತ್ಮಿಕಾ ।
ಓಂಕಾರರೂಪಿಣೀ ಶಬ್ದಸೂಷ್ಟಿರೂಪಾಽರ್ಥರೂಪಿಣೀ ॥ 42 ॥
ಮೌನಶಕ್ತಿರ್ಮುನಿಧ್ಯೇಯಾ ಮುನಿಮಾನಸಸಂಸ್ಥಿತಾ ।
ವ್ಯಷ್ಟಿಃ ಸಮಷ್ಟಿಸ್ತ್ರಿಪುಟೀ ತಾಪತ್ರಯವಿನಾಶಿನೀ ॥ 43 ॥
ಗಾಯತ್ರೀ ವ್ಯಾಹೃತಿಃ ಸನ್ಧ್ಯಾ ಸಾವಿತ್ರೀ ಚ ಪಿತೃಪ್ರಸೂಃ ।
ನನ್ದಾ ಭದ್ರಾ ಜಯಾ ರಿಕ್ತಾ ಪೂರ್ಣಾ ವಿಷ್ಟಿಶ್ಚ ವೈಧೃತಿಃ ॥ 44 ॥
ಶ್ರುತಿಃ ಸ್ಮೃತಿಶ್ಚ ಮೀಮಾಂಸಾ ವಿದ್ಯಾಽವಿದ್ಯಾ ಪರಾವರಾ ।
ಸುಮೇರುಶೃಂಗನಿಲಯಾ ಲೋಕಾಲೋಕನಿವಾಸಿನೀ ॥ 45 ॥
ಮಾನಸೋತ್ತರಗೋತ್ರಸ್ಥಾ ಪುಷ್ಕರದ್ವೀಪದೇವತಾ ।
ಮನ್ದರಾದ್ರಿಕೃತಕ್ರೀಡಾ ನೀಪೋಪವನವಾಸಿನೀ ॥ 46 ॥
ಮಣಿದ್ವೀಪಕೃತಾವಾಸಾ ಪೀತವಾಸಃ ಸುಪೂಜಿತಾ ।
ಪ್ಲಕ್ಷಾದಿದ್ವೀಪಗೋತ್ರಸ್ಥಾ ತತ್ರತ್ಯಜನಪೂಜಿತಾ ॥ 47 ॥
ಸುರಾಬ್ಧಿ ದ್ವೀಪನಿಲಯಾ ಸುರಾಪಾನಪರಾಯಣ ।
ಏಕಪಾದೇಕಹಸ್ತೈಕದೃಗೇಕಶ್ರುತಿಪಾರ್ಶ್ವಿಕಾ ॥ 48 ॥
ಅರ್ಧನಾರೀಶ್ವರಾರ್ಧಾಂಗೀ ಸ್ಯೂತಾಲೋಕೋತ್ತರಾಕೃತಿಃ ।
ಭಕ್ತೈಕಭಕ್ತಿ ಸಂಸಾಧ್ಯಾ ಧ್ಯಾನಾಧಾರಾ ಪರಾರ್ಹಣಾ ॥ 49 ॥
ಪಂಚಕೋಶಾನ್ತರಗತಾ ಪಂಚಕೋಶವಿವರ್ಜಿತಾ ।
ಪಂಚಭೂತಾತರಾಲಸ್ಥಾ ಪ್ರಪಂಚಾತೀತವೈಭವಾ ॥ 50 ॥
ಪಂಚೀಕೃತಮಹಾಭೂತನಿರ್ಮಿತಾನೇಕಭೌತಿಕಾ ।
ಸರ್ವಾಂತರ್ಯಾಮಿಣೀ ಶಮ್ಭುಕಾಮಿನೀ ಸಿಂಹಗಾಮಿನೀ ॥ 51 ॥
ಯಾಮಿನೀಕೃತಸಂಚಾರಾ ಶಾಕಿನ್ಯಾದಿಗಣೇಶ್ವರೀ ।
ಖಟ್ವಾಂಗಿನೀ ಖೇಟಕಿನೀ ಕುನ್ತಿನೀ ಭಿನ್ದಿಪಾಲಿನೀ ॥ 52 ॥
ವರ್ಮಿಣೀ ಚರ್ಮಿಣೀ ಚಂಡೀ ಚಂಡಮುಂಡಪ್ರಮಾಥಿನೀ ।
ಅನೀಕಿನೀ ಚ ಧ್ವಜಿನೀ ಮೋಹಿನ್ಯೇಜತ್ಪತಾಕಿನೀ ॥ 53 ॥
ಅಶ್ವಿನೀ ಗಜಿನೀ ಚಾಟ್ಟಹಾಸಿನೀ ದೈತ್ಯನಾಶಿನೀ ।
ಶುಮ್ಭಘ್ನೀ ಚ ನಿಶುಮ್ಭಘ್ನೀ ಧೂಮ್ರಲೋಚನನಾಶಿನೀ ॥ 54 ॥
ಬಹುಶೀರ್ಷಾ ಬಹುಕುಕ್ಷಿರ್ವ್ಯಾದಿತಾಸ್ಯಾಽಶಿತಾಸುರಾ ।
ದಂಷ್ಟ್ರಾಸಂಕಟಸಂಲಗ್ನದೈತ್ಯಸಾಸ್ರಾನ್ತ್ರ ಮಾಲಿನೀ ॥ 55 ॥
ದೈತ್ಯಾಸೃಙ್ಮಾಂಸಸನ್ತೃಪ್ತಾ ಕ್ರವ್ಯಾದಕೃತವನ್ದನಾ ।
ಲಮ್ಬಕೇಶೀ ಪ್ರಲಮ್ಬೋಷ್ಠೀ ಲಮ್ಬಕುಕ್ಷಿರ್ಮಹಾಕಟೀ ॥ 56 ॥
ಲಮ್ಬಸ್ತನೀ ಲಮ್ಬಜಿಹ್ವಾ ಲಮ್ಬಪಾಣ್ಯಂಘ್ರಿಜಂಘಿಕಾ ।
ಲಮ್ಬೋರುರ್ಲಮ್ಬಜಘನಾ ಕಾಲಿಕಾ ಕರ್ಕಶಾತ್ಕೃತಿಃ ॥ 57 ॥
ಭಿನ್ನಭೇರೀಖರರವಾ ವಾರಣಗ್ರಾಸಕಾರಿಣೀ ।
ಪ್ರೇತದೇಹಪರೀಧಾನಾ ರುಂಡಕುಂಡಲಮಂಡಿತಾ ॥ 58 ॥
ಗಂಡಶೈಲಸ್ಪರ್ಧಿಗಂಡಾ ಶೈಲಕನ್ದುಕಧಾರಿಣೀ ।
ಶಿವದೂತೀ ಘೋರರೂಪಾ ಶಿವಾಶತನಿನಾದಿನೀ ॥ 59 ॥
ನಾರಾಯಣೀ ಜಗದ್ಧಾತ್ರೀ ಜಗತ್ಪಾತ್ರೀ ಜಗನ್ಮಯೀ ।
ಅಲ್ಲಾಂಮ್ಬಾಕ್ಕಾ ಕಾಮದುಘಾಽನಲ್ಪದಾ ಕಲ್ಪವಲ್ಲಿಕಾ ॥ 60 ॥
ಮಲ್ಲೀಮತಲ್ಲಿಕಾ ಗುಂಜಾಲಂಕೃತಿಃ ಶಿವಮೋಹಿನೀ ।
ಗಾನ್ಧರ್ವಗಾನರಸಿಕಾ ಕೇಕಾವಾಕ್ಕೀರಪಾಲಿನೀ ॥ 61 ॥
ಸಿನೀವಾಲೀ ಕುಹೂ ರಾಕಾಽನುಮತಿಃ ಕೌಮುದೀ ಕಕುಪ್ ।
ಬ್ರಹ್ಮಾಂಡಮಂಡಪಸ್ಥೂಣಾ ಬ್ರಹ್ಮಾಂಡಗೃಹದೇವತಾ ॥ 62 ॥
ಮಹಾಗೃಹಸ್ಥಮಹಿಷೀ ಪಶುಪಾಶವಿಮೋಚಿನೀ ।
ವೀರಸ್ಥಾನಗತಾ ವೀರಾ ವೀರಾಸನಪರಿಗ್ರಹಾ ॥ 63 ॥
ದೀಪಸ್ಥಾನಗತಾ ದೀಪ್ತಾ ದೀಪೋತ್ಸವಕುತೂಹಲಾ ।
ತೀರ್ಥಪಾತ್ರಪ್ರದಾ ತೀರ್ಥಕುಮ್ಭಪೂಜನಸಂಭ್ರಮಾ ॥ 64 ॥
ಮಾಹೇಶ್ವರಜನಪ್ರೀತಾ ಪಶುಲೋಕಪರಾಙ್ಮುಖೀ ।
ಚತುಃಷಷ್ಟಿಮಹಾತನ್ತ್ರಪ್ರತಿಪಾದ್ಯಾಗಮಾಧ್ವಗಾ ॥ 65 ॥
ಶುದ್ಧಾಚಾರಾ ಶುದ್ಧಪೂಜ್ಯಾ ಶುದ್ಧಪೂಜಾ ಜನಾಶ್ರಿತಾ ।
ಅಷ್ಟಾದಶಮಹಾಪೀಠಾ ಶ್ರೀಚಕ್ರಪರದೇವತಾ ॥ 66 ॥
ಯೋಗಿನೀಪೂಜನಪ್ರೀತಾ ಯೋಗಿನೀಚಕ್ರವನ್ದಿತಾ ।
ರಣತ್ಕಾಂಚೀಕ್ಷುದ್ರಘಂಟಾ ಘಂಟಾಧ್ವನಿವಿನೋದಿನೀ ॥ 67 ॥
ತೌರ್ಯತ್ರಿಕಕಲಾಭಿಜ್ಞಾ ಮನೋಜ್ಞಾ ಮಂಜುಭಾಷಿಣೀ ।
ಶಿವವಾಮಾಂಕಲಸಿತಾ ಸುಸ್ಮಿತಾ ಲಲಿತಾಲಸಾ ॥ 68 ॥
ಲಾವಣ್ಯಭೂಮಿಸ್ತಲ್ಲೇಶನಿರ್ಮಿತಾಮರಸುನ್ದರೀ ।
ಶ್ರೀರ್ಧೀರ್ಭೀರ್ಹ್ರೀರ್ನತಿರ್ಜಾತಿರೀಜ್ಯಾಜ್ಯಾ ಪೂಜ್ಯಪಾದುಕಾ ॥ 69 ॥
ಸುರಸ್ರವನ್ತೀ ಯಮುನಾ ತಥಾ ಗುಪ್ತಸರಸ್ವತೀ ।
ಗೋಮತೀ ಗಂಡಕೀ ತಾಪೀ ಶತದ್ರುಶ್ಚ ವಿಪಾಶಿಕಾ ॥ 70 ॥
ಸರಯೂರ್ನರ್ಮದಾ ಗೋದಾ ಪಯೋಷ್ಣೀ ಚ ಪುನಃ ಪುನಾ ।
ಭೀಮಾ ಕೃಷ್ಣಾ ತುಂಗಭದ್ರಾ ನಾನಾತೀರ್ಥಸ್ವರೂಪಿಣೀ ॥ 71 ॥
ದ್ವಾರಕಾ ಮಧುರಾ ಮಾಯಾ ಕಾಶ್ಯಯೋಧ್ಯಾ ತ್ವವನ್ತಿಕಾ ।
ಗಯಾ ಕಾಂಚೀ ವಿಶಾಲಾ ಚ ಮುಕ್ತಿಕ್ಷೇತ್ರಸ್ವರೂಪಿಣೀ ॥ 72 ॥
ಮನ್ತ್ರದೀಕ್ಷಾ ಯಾಗದೀಕ್ಷಾ ಯೋಗದೀಕ್ಷಾಽಕ್ಷತವ್ರತಾ ।
ಅಕ್ಷಮಾಲಾವಿಭೇದಜ್ಞಾಽಽಸನಭೇದವಿಚಕ್ಷಣಾ ॥ 73 ॥
ಮಾತೃಕಾನ್ಯಾಸಕುಶಲಾ ಮನ್ತ್ರನ್ಯಾಸವಿಶಾರದಾ ।
ನಾನಾಮುದ್ರಾಪ್ರಭೇದಜ್ಞಾ ಪಂಚೋಪಾಸ್ತಿಪ್ರಭೇದವಿತ್ ॥ 74 ॥
ಸರ್ವಮನ್ತ್ರೋಪದೇಷ್ಟ್ರೀ ಚ ವ್ಯಾಖ್ಯಾತ್ರೀ ದೇಶಿಕೋತ್ತರಾ ।
ವಾಗ್ವಾದಿನೀ ದುರ್ವಿವಾದಿಪ್ರೌಢವಾಕ್ಸ್ತಮ್ಭಕಾರಿಣೀ ॥ 75 ॥
ಸ್ವತನ್ತ್ರಯನ್ತ್ರಣಾಶಕ್ತಿಸ್ತದ್ಯನ್ತ್ರಿತಜಗತ್ತ್ರಯೀ ।
ಬ್ರಹ್ಮಾದ್ಯಾಕರ್ಷಿಣೀ ಶಮ್ಭುಮೋಹಿನ್ಯುಚ್ಚಾಟಿನೀ ದ್ವಿಷಾಮ್ ॥ 76 ॥
ಸುರಾಸುರಾಣಾಂ ಪ್ರದ್ವೇಷಕಾರಿಣೀ ದೈತ್ಯಮಾರಿಣೀ ।
ಪೂರಿಣೀ ಭಕ್ತಕಾಮಾನಾಂ ಶ್ರಿತಪ್ರತ್ಯೂಹವಾರಿಣೀ ॥ 77 ॥
ಸಾಧಾರಣೀ ಧಾರಿಣೀ ಚ ಪ್ರೌಢವಾಗ್ಧಾರಿಣೀ ಪ್ರಧೂಃ ।
ಪ್ರಭೂರ್ವಿಭೂಃ ಸ್ವಯಮ್ಭೂಶ್ಚ ನಿಗ್ರಹಾನುಗ್ರಹಕ್ಷಮಾ ॥ 78 ॥
ಕ್ಷಮಾಽಕ್ಷಮಾ ಕ್ಷಮಾಧಾರಾ ಧಾರಾಧರನಿಭದ್ಯುತಿಃ ।
ಕಾದಮ್ಬಿನೀ ಕಾಲಶಕ್ತಿಃ ಕರ್ಷಿಣೀ ವರ್ಷಿಣೀರ್ಷಿಣೀ ॥ 79 ॥
ಅದೇವಮಾತೃಕಾ ದೇವಮಾತೃಕಾ ಚೋರ್ವರಾ ಕೃಷಿಃ ।
ಕೃಷ್ಟಪಚ್ಯಾಽಕೃಷ್ಟಪಚ್ಯಾಽನೂಷರಾಽಧಿತ್ಯಕಾ ಗುಹಾ ॥ 80 ॥
ಉಪತ್ಯಕಾ ದರೀ ವನ್ಯಾಽರಣ್ಯಾನೀ ಶೈಲನಿಮ್ನಗಾ ।
ಕೇದಾರಭೂಮಿರ್ವ್ರೀಹಿಲಾ ಕಮಲರ್ಧಿರ್ಮಹಾಫಲಾ ॥ 81 ॥
ಇಕ್ಷುಮತ್ಯೂರ್ಜಿತಾ ಜಮ್ಬೂಪನಸಾಮ್ರಾದಿಶಾಲಿನೀ ।
ಅಷ್ಟಾಪದಖನೀ ರೌಪ್ಯಖನೀ ರತ್ನಖನಿಃ ಖನಿಃ ॥ 82 ॥
ರುಚಾಂ ಭಾವಖನಿರ್ಜೀವಖನಿಃ ಸೌಭಾಗ್ಯಸತ್ಖನಿಃ ।
ಲಾವಣ್ಯಸ್ಯ ಖನಿರ್ಧೈರ್ಯಖನಿಃ ಶೌರ್ಯಖನಿಃ ಖನಿಃ ॥ 83 ॥
ಗಾಮ್ಭೀರ್ಯಸ್ಯ ವಿಲಾಸಸ್ಯ ಖನಿಃ ಸಾಹಿತ್ಯಸತ್ಖನಿಃ ।
ಪಕ್ಷಮಾಸರ್ತುವರ್ಷಾಣಾಂ ಖನಿಃ ಖನಿರನೇಹಸಾಮ್ ॥ 84 ॥
ಖನಿಶ್ಚ ಯುಗಕಲ್ಪಾನಾಂ ಸೂರ್ಯಚನ್ದ್ರಮಸೋಃ ಖನಿಃ ।
ಖನಿರ್ಮನೂನಾಮಿನ್ದ್ರಾಣಾಂ ಖನಿಃ ಕೌತುಕಸತ್ಖನಿಃ ॥ 85 ॥
ಮಷೀ ಲೇಖನಿಕಾ ಪಾತ್ರೀ ವರ್ಣಪಂಕ್ತಿರ್ಲಿಪಿಃ ಕಥಾ ।
ಕವಿತಾ ಕಾವ್ಯಕರ್ತ್ರೀ ಚ ದೇಶಭಾಷಾ ಜನಶ್ರುತಿಃ ॥ 86 ॥
ರಚನಾ ಕಲ್ಪನಾಽಽಚಾರಭಟೀ ಧಾಟೀ ಪಟೀಯಸೀ ।
ಅಪಸವ್ಯಲಿಪಿರ್ದೇವಲಿಪೀ ರಕ್ಷೋಲಿಪಿರ್ಲಿಪಿಃ ॥ 87 ॥
ತುಲಜಾ ರಾಮವರದಾ ಶಬರೀ ಬರ್ಬರಾಲಕಾ ।
ಜ್ಯೋತಿರ್ಲಿಂಗಮಯೀ ಲಿಂಗಮಸ್ತಕಾ ಲಿಂಗಧಾರಿಣೀ ॥ 88 ॥
ರುದ್ರಾಕ್ಷಧಾರಿಣೀ ಭೂತಿಧಾರಿಣೀ ಲೈಂಗಿಕವ್ರತಾ ।
ವಿಷ್ಣುವ್ರತಪರಾ ವಿಷ್ಣುಮುದ್ರಿಕಾ ಪ್ರಿಯವೈಷ್ಣವೀ ॥ 89 ॥
ಜೈನೀ ದೈಗಮ್ಬರೀ ನಾನಾವಿಧವೈದಿಕ ಮಾರ್ಗಗಾ ।
ಪಂಚದ್ರವಿಡಸಂಸೇವ್ಯಾ ಪಂಚಗೌಡಸಮರ್ಚಿತಾ ॥ 90 ॥
ಹಿಂಗುಲಾ ಶಾರದಾ ಜ್ವಾಲಾಮುಖೀ ಗಂಜಾಧಿದೇವತಾ ।
ಮನ್ದುರಾದೇವತಾಽಽಲಾನದೇವತಾ ಗೋಷ್ಠದೇವತಾ ॥ 91 ॥
ಗೃಹಾದಿದೇವತಾಸೌಧದೇವತೋದ್ಯಾನದೇವತಾ ।
ಶೃಂಗಾರದೇವತಾ ಗ್ರಾಮದೇವತಾ ಚೈತ್ಯದೇವತಾ ॥ 92 ॥
ಪೂರ್ದೇವತಾ ರಾಜಸಭಾದೇವತಾಽಶೋಕದೇವತಾ ।
ಚತುರ್ದಶಾನಾಂ ಲೋಕಾನಾಂ ದೇವತಾ ಪರದೇವತಾ ॥ 93 ॥
ವಾಪೀಕೂಪತಡಾಗಾದಿದೇವತಾ ವನದೇವತಾ ।
ಸೃಷ್ಟಿಖೇಲಾ ಕ್ಷೇಮಖೇಲಾ ಪ್ರತಿಸಂಹಾರಖೇಲನಾ ॥ 94 ॥
ಪುಷ್ಪಪರ್ಯಂಕಶಯನಾ ಪುಷ್ಪವತ್ಕುಂಡಲದ್ವಯೀ ।
ತಾಮ್ಬೂಲಚರ್ವಣಪ್ರೀತಾ ಗೌರೀ ಪ್ರಥಮಪುಷ್ಪಿಣೀ ॥ 95 ॥
ಕಲ್ಯಾಣೀಯುಗಸಮ್ಪನ್ನಾ ಕಾಮಸಂಜೀವನೀ ಕಲಾ ।
ಕಲಾಕಲಾಪಕುಶಲಾ ಕಲಾತೀತಾ ಕಲಾತ್ಮಿಕಾ ॥ 96 ॥
ಮಹಾಜಾಂಗಲಕೀ ಕಾಲಭುಜಂಗವಿಷನಾಶಿನೀ ।
ಚಿಕಿತ್ಸಾ ವೈದ್ಯವಿದ್ಯಾ ಚ ನಾನಾಮಯನಿದಾನವಿತ್ ॥ 97 ॥
ಪಿತ್ತಪ್ರಕೋಪಶಮನೀ ವಾತಘ್ನೀ ಕಫನಾಶಿನೀ ।
ಆಮಜ್ವರಪ್ರಕೋಪಘ್ನೀ ನವಜ್ವರನಿವಾರಿಣೀ ॥ 98 ॥
ಅರ್ಶೋಘ್ನೀ ಶೂಲಶಮನೀ ಗುಲ್ಮವ್ಯಾಧಿನಿವಾರಿಣೀ ।
ಗ್ರಹಣೀನಿಗ್ರಹಕರೀ ರಾಜಯಕ್ಷ್ಮವಿನಾಶಿನೀ ॥ 99 ॥
ಮೇಹಘ್ನೀ ಪಾಂಡುರೋಗಘ್ನೀ ಕ್ಷಯಾಪಸ್ಮಾರನಾಶಿನೀ ।
ಉಪದಂಶಹರೀ ಶ್ವಾಸಕಾಸಚ್ಛರ್ದಿನಿವಾರಿಣೀ ॥ 100 ॥
ಪ್ಲೀಹಪ್ರಕೋಪಸಂಹರ್ತ್ರೀ ಪಾಮಾಕಂಡೂವಿನಾಶಿನೀ ।
ದದ್ರುಕುಷ್ಠಾದಿರೋಗಘ್ನೀ ನಾನಾರೋಗವಿನಾಶಿನೀ ॥ 101 ॥
ಯಕ್ಷರಾಕ್ಷಸವೇತಾಲಕೂಷ್ಮಾಡಗ್ರಹಭೇದಿನೀ ।
ಬಾಲಗ್ರಹಘ್ನೀ ಚಂಡಾಲಗ್ರಹಚಂಡಗ್ರಹಾರ್ದಿನೀ ॥ 102 ॥
ಭೂತಪ್ರೇತಪಿಶಾಚಘ್ನೀ ನಾನಾಗ್ರಹವಿಮರ್ದಿನೀ ।
ಶಾಕಿನೀಡಾಕಿನೀಲಾಮದಸ್ತ್ರೀಗ್ರಹನಿಷೂದಿನೀ ॥ 103 ॥
ಅಭಿಚಾರಕದುರ್ಬಾಧೋನ್ಮಥಿನ್ಯುನ್ಮಾದನಾಶಿನೀ ।
ನಾನಾವಿಷಾರ್ತಿಸಂಹರ್ತ್ರೀ ದುಷ್ಟದೃಷ್ಟ್ಯಾರ್ತಿನಾಶಿನೀ ॥ 104 ॥
ದುಷ್ಟಸ್ಥಾನಸ್ಥಿತಾರ್ಕಾದಿಗ್ರಹಪೀಡಾವಿನಾಶಿನೀ ।
ಯೋಗಕ್ಷೇಮಕರೀ ಪುಷ್ಟಿಕರೀ ತುಷ್ಟಿಕರೀಷ್ಟದಾ ॥ 105 ॥
ಧನದಾ ಧಾನ್ಯದಾ ಗೋದಾ ವಾಸೋದಾ ಬಹುಮಾನದಾ ।
ಕಾಮಿತಾರ್ಥಪ್ರದಾ ಶನ್ದಾ ಚತುರ್ವಿಧತುಮರ್ಥದಾ ॥ 106 ॥
ಬ್ರಹ್ಮಮಾನ್ಯಾ ವಿಷ್ಣುಮಾನ್ಯಾ ಶಿವಮಾನ್ಯೇನ್ದ್ರಮಾನಿತಾ ।
ದೇವರ್ಷಿಮಾನ್ಯಾ ಬ್ರಹ್ಮರ್ಷಿಮಾನ್ಯಾ ರಾಜರ್ಷಿಮಾನಿತಾ ॥ 107 ॥
ಜಗನ್ಮಾನ್ಯಾ ಜಗದ್ಧಾತ್ರೀ ತ್ರ್ಯಮ್ಬಕಾ ತ್ರ್ಯಮ್ಬಕಾಂಗನಾ ।
ಗುಹೇಭವಕ್ತ್ರಜನನೀ ಭದ್ರಕಾಲ್ಯಮಯಂಕರೀ ॥ 108 ॥
ಸತೀ ದಾಕ್ಷಾಯಣೀ ದಕ್ಷಾ ದಕ್ಷಾಧ್ವರನಿಷೂದಿನೀ ।
ಉಮಾ ಹಿಮಾದ್ರಿಜಾಽಪರ್ಣಾ ಕರ್ಣಪೂರಾಂಚಿತಾನನಾ ॥ 109 ॥
ಕ್ಷೋಣೀಧರನಿತಮ್ಬಾಮ್ಬಾ ಬಿಮ್ಬಾಭರದನಚ್ಛದಾ ।
ಕುನ್ದಕೋರಕನೀಕಾಶರದಪಂಕ್ತಿಃ ಸುನಾಸಿಕಾ ॥ 110 ॥
ನಾಸಿಕಾಮೌಕ್ತಿಕಮಣಿಪ್ರಭಾಮಲರದಚ್ಛದಾ ।
ಸುಮನ್ದಹಸಿತಾಲೋಕವಿಮುಹ್ಯಚ್ಛಮ್ಭು ಮಾನಸಾ ॥ 111 ॥
ಮಾನಸೌಕೋಗತಿಃ ಸಿಂಜನ್ಮಂಜೀರಾದಿವಿಭೂಷಣಾ ।
ಕಾಂಚೀಕ್ಕಣತ್ಕ್ಷುದ್ರಘಂಟಾ ಕಲಧೌತಘಟಸ್ತನೀ ॥ 112 ॥
ಮುಕ್ತಾವಿದ್ರುಮಹಾರಶ್ರೀರಾಜನ್ಕುಚತಟಸ್ಥಲೀ ।
ತಾಟಂಕಯುಗಸತ್ಕಾನ್ತಿವಿಲಸದ್ಗಂಡದರ್ಪಣಾ ॥ 113 ॥
ಧಮ್ಮಿಲ್ಲಪ್ರೋತ ಸೌವರ್ಣಕೇತಕೀದಲಮಂಡಿತಾ ।
ಶಿವಾರ್ಪಿತಸ್ವಲಾವಣ್ಯತಾರುಣ್ಯಕಿಲಿಕಿಂಚಿತಾ ॥ 114 ॥
ಸಗ್ರೈವೇಯಕಚಿನ್ತಾಕವಿಭ್ರಾಜತ್ಕಮ್ಬುಕನ್ಧರಾ ।
ಸಖೀಸ್ಕನ್ಧಾಸಕ್ತಬಾಹುಲತಾಸುಲಲಿತಾಂಗಿಕಾ ॥ 115 ॥
ನಿತಮ್ಬಕುಚಭಾರಾರ್ತಕೃಶಮಧ್ಯಸುಮಧ್ಯಮಾ ।
ನಾಭೀಸರೋವರೋದ್ಭೂತರೋಮಾವಲಿವಿರಾಜಿತಾ ॥ 116 ॥
ತ್ರಿವಲೀರಾಜಲಲಿತಗೌರವರ್ಣತಲೋದರೀ ।
ಚಾಮರಗ್ರಾಹಿಣೀವೀಜ್ಯಮಾನೇನ್ದುದ್ಯುತಿಚಾಮರಾ ॥ 117 ॥
ಮಹಾಕುರಬಕಾಶೋಕಪುಷ್ಪವಚಯಲಾಲಸಾ ।
ಸ್ವತಪಃಸುಫಲೀಭೂತವರೋತ್ತಮಮಹೇಶ್ವರೀ ॥ 118 ॥
ಹಿಮಾಚಲತಪಃಪುಣ್ಯಫಲಭೂತಸುತಾಕೃತಿಃ ।
ತ್ರೈಲೋಕ್ಯರಮಣೀರತ್ನಾ ಶಿವಚಿಚ್ಚನ್ದ್ರಚನ್ದ್ರಿಕಾ ॥ 119 ॥
ಕೀರ್ತಿಜ್ಯೋತ್ಸ್ನಾಧವಲಿತಾನೇಕಬ್ರಹ್ಮಾಂಡಗೋಲಿಕಾ ।
ಶಿವಜೀವಾತುಗುಲಿಕಾಲಸದಂಗುಲಿಮುದ್ರಿಕಾ ॥ 120 ॥
ಪ್ರೀತಿಲಾಲಿತಸತ್ಪುತ್ರಗಜಾನನಷಡಾನನಾ ।
ಗಂಗಾಸಾಪತ್ನ್ಯಜನಿತೇರ್ಯಾಯತೇಕ್ಷಣಶೋಣಿಮಾ ॥ 121 ॥
ಶಿವವಾಮಾಂಕಪರ್ಯಂಂಕಕೃತಾಸನಪರಿಗ್ರಹಾ ।
ಶಿವದೃಷ್ಟಿಚಕೋರೀಷ್ಟಮುಖಪೂರ್ಣೇನ್ದುಮಂಡಲಾ ॥ 122 ॥
ಉರೋಜಶೈಲಯುಗಲಭ್ರಮಚ್ಛಿವಮನೋಮೃಗಾ ।
ಬ್ರಹ್ಮವಿಷ್ಣುಮುಖಾಶೇಷವೃನ್ದಾರಕನಭಸ್ಕೃತಾ ॥ 123 ॥
ಅಪಾಂಗಾಂಗಣಸನ್ತಿಷ್ಠನ್ನಿಗ್ರಹಾನುಗ್ರಹದ್ವಯೀ ।
ಸನತ್ಕುಮಾರದುರ್ವಾಸಃ ಪ್ರಮುಖೋಪಾಸಕಾರ್ಥಿತಾ ॥ 124 ॥
ಹಾದಿಕೂಟತ್ರಯೋಪಾಸ್ಯಾ ಕಾದಿಕೂಟತ್ರಯಾರ್ಚಿತಾ ।
ಮೃದ್ವೀಕಮಧುಪಾನಾದ್ಯುದ್ಬೋಧಧೂರ್ಣಿತಲೋಚನಾ ॥ 125 ॥
ಅವ್ಯಕ್ತಭಾಷಣಾ ಚೇಟೀದತ್ತವೀಟೀಗ್ರಹಾಲಸಾ ।
ಗಾಯನ್ತೀ ವಿಲಸನ್ತೀ ಚ ಲಿಖನ್ತೀ ಪ್ರಿಯಲೇಖನಾ ॥ 126 ॥
ಉಲ್ಲಸನ್ತೀ ಲಸನ್ತೀ ಚ ದೋಲಾನ್ದೋಲನತುಷ್ಟಿಭಾಕ್ ।
ವಿಪಂಚೀವಾದನರತಾ ಸಪ್ತಸ್ವರವಿಭೇದವಿತ್ ॥ 127 ॥
ಗನ್ಧರ್ವೀಕಿನ್ನರೀವಿದ್ಯಾಧರೀಯಕ್ಷಸುರೀನುತಾ ।
ಅಮರೀಕಬರೀಭೃಂಗೀಸ್ಥಗಿತಾಂಘ್ರಿಸರೋರುಹಾ ॥ 128 ॥
ಗನ್ಧರ್ವಗಾನಶ್ರವಣಾನನ್ದಾನ್ದೋಲಿತಮಸ್ತಕಾ ।
ತಿಲೋತ್ತಮೋರ್ವಶೀರಮ್ಭಾನೃತ್ಯದರ್ಶನಜಾತಮುತ್ ॥ 129 ॥
ಅಚಿನ್ತ್ಯಮಹಿಮಾಽಚಿನ್ತ್ಯಗರಿಮಾಽಚಿನ್ತ್ಯಲಾಧವಾ ।
ಅಚಿನ್ತ್ಯವಿಭವಾಽಚಿನ್ತ್ಯವಿಕ್ರಮಾಽಚಿನ್ತ್ಯಸದ್ಗುಣಾ ॥ 130 ॥
ಸ್ತುತಿಃ ಸ್ತವ್ಯಾ ನತಿರ್ನಮ್ಯಾ ಗತಿರ್ಗಮ್ಯಾ ಮಹಾಸತೀ ।
ಅನಸೂಯಾಽರುನ್ಧತೀ ಚ ಲೋಪಾಮುದ್ರಾಽದಿತಿರ್ದಿತಿಃ ॥ 131 ॥
ಸಪ್ತಸಂಸ್ಥಾಸ್ವರೂಪಾ ಚಾರಣಿಃ ಸ್ರುಗ್ವೇದಿಕಾ ಧ್ರುವಾ ।
ಇಡಾ ಪ್ರಣೀತಾ ಪಾತ್ರೀ ಚ ಸ್ವಧಾಸ್ವಾಹಾಽಽಹುತಿರ್ವಪಾ ॥ 132 ॥
ಕವ್ಯರೂಪಾ ಹವ್ಯರೂಪಾ ಯಜ್ಞಪಾತ್ರಸ್ವರೂಪಿಣೀ ।
ಶಂಕರಾಹೋಪುರುಷಿಕಾ ಗಾಯತ್ರೀಗರ್ಭವಲ್ಲಭಾ ॥ 133 ॥
ಚತುರ್ವಿಂಶತ್ಯಕ್ಷರಾತ್ಮಪರೋರಜಸಿಸಾವದೋಮ್ ।
ವೇದಪ್ರಸೂರ್ವೇದಗರ್ಭಾ ವಿಶ್ವಾಮಿತ್ರರ್ಷಿಪೂಜಿತಾ ॥ 134 ॥
ಋಗ್ಯಜುಃ ಸಾಮತ್ರಿಪದಾ ಮಹಾಸವಿತೃದೇವತಾ ।
ದ್ವಿಜತ್ವಸಿದ್ಧಿದಾತ್ರೀ ಚ ಸಾಂಖ್ಯಾಯನಸಗೋತ್ರಿಕಾ ॥ 135 ॥
ಗಾತೃದುರ್ಗತಿಸಂಹರ್ತ್ರೀ ಚ ಗಾತೃಸ್ವರ್ಗಾಪವರ್ಗದಾ ।
ಭೃಗುವಲ್ಲೀ ಬ್ರಹ್ಮವಲ್ಲೀ ಕಠವಲ್ಲೀ ಪರಾತ್ಪರಾ ॥ 136 ॥
ಕೈವಲ್ಪೋಪನಿಷದ್ಬ್ರಹ್ಮೋಪನಿಷನ್ಮುಂಡಕೋಪನಿಷತ್ ।
ಛಾನ್ದೋಗ್ಯೋಪನಿಷಚ್ಚೈವ ಸರ್ವೋಪನಿಷದಾತ್ಮಿಕಾ ॥ 137 ॥
ತತ್ತ್ವಮಾದಿಮಹಾವಾಕ್ಯರೂಪಾಖಂಡಾರ್ಥಬೋಧಕೃತ್ ।
ಉಪಕ್ರಮಾದಿಷಡ್ಲಿಂಗಮಹಾತಾತ್ಪರ್ಯಬೋಧಿನೀ ॥ 138 ॥
ಜಹತ್ಸ್ವಾರ್ಥಾಜಹತ್ಸ್ವಾರ್ಥಭಾಗತ್ಯಾಗಾಖ್ಯಲಕ್ಷಣಾ ।
ಅಸತ್ಖ್ಯಾತಿಶ್ಚ ಸತ್ಖ್ಯಾತಿರ್ಮಿಥ್ಯಾಖ್ಯಾತಿಃ ಪ್ರಭಾಽಪ್ರಭಾ ॥ 139 ॥
ಅಸ್ತಿಭಾತಿಪ್ರಿಯಾತ್ಮಾ ಚ ನಾಮರೂಪಸ್ವರೂಪಿಣೀ ।
ಷಣ್ಮತಸ್ಥಾಪನಾಚಾರ್ಯಮಹಾದೇವಕುಟುಮ್ಬಿನೀ ॥ 140 ॥
ಭ್ರಾನ್ತಿರ್ಭಾನ್ತಿಹರೀ ಭ್ರಾನ್ತಿದಾಯಿನೀ ಭ್ರಾನ್ತಿಕಾರಿಣೀ ।
ವಿಕೃತಿರ್ನಿಕೃತಿಶ್ಚಾಪಿ ಕೃತಿಶ್ಚೋಪಕೃತಿಸ್ತಥಾ ॥ 141 ॥
ಸಕೃತಿಃ ಸತ್ಕೃತಿಃ ಪಾಪಕೃತಿಃ ಸುಕೃತಿರುತ್ಕೃತಿಃ ।
ಆಕೃತಿರ್ವ್ಯಾಕೃತಿಃ ಪ್ರಾಯಶ್ಚಿತ್ತಿರ್ವಿತ್ತಿಃ ಸ್ಥಿತಿರ್ಗತಿಃ ॥ 142 ॥
ನವಕುಂಡೀ ಪಂಚಕುಂಡೀ ಚತುಷ್ಕುಂಡ್ಯೇಕಕುಂಡಿಕಾ ।
ದೇವಸೇನಾದೈತ್ಯಸೇನಾರಕ್ಷಃ ಸೇನಾದಿಭೇದಭಾಕ್ ॥ 143 ॥
ಮಹಿಷಾಸ್ಯೋದ್ಗತೋದ್ದಂಡದೈತ್ಯವೇತಂಡರುಂಡಹೃತ್ ।
ದೈತ್ಯಸೇನಾತೃಣಾರಣ್ಯಜ್ವಾಲಾ ಜ್ಯೋತಿಃಸ್ವರೂಪಿಣೀ ॥ 144 ॥
ಚಂಡಮುಂಡ ಮಹಾದೈತ್ಯರುಂಡಡಕನ್ದುಕಖೇಲಕೃತ್ ।
ಪಶುದೇಹಾಸೃಕ್ಪಲಲತೃಪ್ತಾ ದಕ್ಷಿಣಕಾಲಿಕಾ ॥ 145 ॥
ತದಂಚತ್ಪ್ರೇತತದ್ರುಂಡಮಾಲಾ ವ್ಯಾಲವಿಭೂಷಣಾ ।
ಹಲದಂಷ್ಟ್ರಾ ಶಂಕುರದಾ ಪೀತಾನೇಕಸುರಾಘಟಾ ॥ 146 ॥
ನೇತ್ರಭ್ರಮಿಪರಾಭೂತರಥಚಕ್ರದ್ವಯಭ್ರಮಿಃ ।
ವ್ಯಾಯಾಮಾಗ್ರಾಹ್ಯವಕ್ಷೋಜನ್ಯಕ್ಕೃತೇಭೇನ್ದ್ರಕುಮ್ಭಿಕಾ ॥ 147 ॥
ಮಾತೃಮಂಡಲಮಧ್ಯಸ್ಥಾ ಮಾತೃಮಂಡಲಪೂಜಿತಾ ।
ಘಂಟಾಘಣಘಣಧ್ವಾನಪ್ರೀತಾ ಪ್ರೇತಾಸನಸ್ಥಿತಾ ॥ 148 ॥
ಮಹಾಲಸಾ ಚ ಮಾರ್ತಂಡಭೈರವಪ್ರಾಣವಲ್ಲಭಾ ।
ರಾಜವಿದ್ಯಾ ರಾಜಸತೀ ರಾಜಸ್ತ್ರೀ ರಾಜಸುನ್ದರೀ ॥ 149 ॥
ಗಜರಾಜಾದಿರಲಕಾಪುರೀಸ್ಥಾ ಯಕ್ಷದೇವತಾ ।
ಮತ್ಸ್ಯಮೂರ್ತಿಃ ಕೂರ್ಮಮೂರ್ತಿಃ ಸ್ವೀಕೃತಕ್ರೋಡವಿಗ್ರಹಾ ॥ 150 ॥
ನೃಸಿಂಹಮೂರ್ತಿರ್ರತ್ಯುಗ್ರಾ ಧೃತವಾಮನವಿಗ್ರಹಾ ।
ಶ್ರೀಜಾಮದಗ್ನ್ಯಮೂರ್ತಿಶ್ಚ ಶ್ರೀರಾಮಮೂರ್ತಿರ್ಹತಾಸ್ರಪಾ ॥ 151 ॥
ಕೃಷ್ಣಮೂರ್ತಿರ್ಬುದ್ಧಮೂರ್ತಿಃ ಕಲ್ಕಿಮೂರ್ತಿರಮೂರ್ತಿಕಾ ।
ವಿರಾಣ್ಮೂರ್ತಿರ್ಜಗನ್ಮೂರ್ತಿರ್ಜಗಜ್ಜನ್ಮಾದಿಕಾರಿಣೀ ॥ 152 ॥
ಆಧಾರಾಧೇಯಸಮ್ಬನ್ಧಹೀನಾ ತದುಭಯಾತ್ಮಿಕಾ ।
ನಿರ್ಗುಣಾ ನಿಷ್ಕ್ರಿಯಾಽಸಂಗಾ ಧರ್ಮಾಧರ್ಮವಿವರ್ಜಿತಾ ॥ 153 ॥
ಮಾಯಾಸಮ್ಬನ್ಧರಹಿತಾಸಚ್ಚಿದಾನನ್ದವಿಗ್ರಹಾ ।
ಜಗತ್ತರಂಗಜಲಧಿರೂಪಾ ಚೀತ್ಕೃತಿಭೇದಭಾಕ್ ॥ 154 ॥
ಮಹಾತತ್ತ್ವಾತ್ಮಿಕಾ ವೈಕಾರಾಹಂಕಾರಸ್ವರೂಪಿಣೀ ।
ರಜೋಹಂಕಾರರೂಪಾ ಚ ತಮೋಹಂಕಾರರೂಪಿಣೀ ॥ 155 ॥
ಆಕಾಶರೂಪಿಣೀ ವಾಯುರೂಪಿಣ್ಯಗ್ನಿಸ್ವರೂಪಿಣೀ ।
ಅಮ್ಬಾತ್ಮಿಕಾ ಭೂಸ್ವರೂಪಾ ಪಂಚಜ್ಞಾನೇನ್ದ್ರಿಯಾತ್ಮಿಕಾ ॥ 156 ॥
ಕರ್ಮೇನ್ದ್ರಿಯಾತ್ಮಿಕಾ ಪ್ರಾಣಾಪಾನವ್ಯಾನಾದಿರೂಪಿಣೀ ।
ನಾಗಕೂರ್ಮಾದಿರೂಪಾ ಚ ಸರ್ವನಾಡೀವಿಹಾರಿಣೀ ॥ 157 ॥
ಆಧಾರಚಕ್ರಾಧಿಷ್ಠಾತ್ರೀ ಸ್ವಾಧಿಷ್ಠಾನಪ್ರತಿಷ್ಠಿತಾ ।
ಮಣಿಪೂರಕಸಂಸ್ಥಾನಾಽನಾಹತಾಬ್ಜಾಧಿದೇವತಾ ॥ 158 ॥
ವಿಶುದ್ಧಚಕ್ರಪೀಠಸ್ಥಾಽಽಜ್ಞಾಚಕ್ರಪರಮೇಶ್ವರೀ ।
ದ್ವಿಪತ್ರೀ ಷೋಡಶದಲೀ ತಥಾ ದ್ವಾದಶಪತ್ರಿಕಾ ॥ 159 ॥
ಪ್ರದಲದ್ದಶಪತ್ರೀ ಚ ಷಡ್ದಲೀ ಚ ಚತುರ್ದಲೀ ।
ವಾಸಾನ್ತಮಾತೃಕಾ ಬಾದಿಲಾನ್ತವರ್ಣಾಧಿದೇವತಾ ॥ 160 ॥
ಡಾದಿಫಾನ್ತಾಕ್ಷರವತೀ ಕಾದಿಠಾನ್ತಾಕ್ಷರೇಶ್ವರೀ ।
ಷೋಡಶಸ್ವರಬೀಜೇಶೀ ಸ್ಪರ್ಶೋಷ್ಮಾನ್ತಃಸ್ಥದೇವತಾ ॥ 161 ॥
ಹಕ್ಷಾಕ್ಷರದ್ವಯೀರೂಪಾ ಪಂಚಾಶನ್ಮಾತೃಕೇಶ್ವರೀ ।
ಸಹಸ್ರಾರಾಬ್ಜಪೀಠಸ್ಥಾ ಶಿವಶಕ್ತಿರ್ವಿಮುಕ್ತಿದಾ ॥ 162 ॥
ಪಂಚಾಮ್ನಾಯಶಿವಪ್ರೋಕ್ತಾ ಮನ್ತ್ರಬೀಜಾಧಿದೇವತಾ ।
ಸೌಃಕ್ಲೀಂಹ್ರೀಂಬೀಜಫಲದಾ ಮಹಾಪ್ಲಕ್ಷಸರಸ್ವತೀ ॥ 163 ॥
ನವಾರ್ಣವಾ ಸಪ್ತಶತೀ ಮಾಲಾಮನ್ತ್ರಸ್ವರೂಪಿಣೀ ।
ಅರ್ಗಲೇಶೀ ಕೀಲಕೇಶೀ ಕವಚೇಶೀ ತ್ರಿಮೂರ್ತಿಕಾ ॥ 164 ॥
ಸಕಾರಾದಿಹಕಾರಾನ್ತಮಹಮನ್ತ್ರಾಧಿದೇವತಾ ।
ಸಕೃತ್ಸಪ್ತಶತೀಪಾಠಪ್ರೀತಾ ಪ್ರೋಕ್ತಫಲಪ್ರದಾ ॥ 165 ॥
ಕುಮಾರೀಪೂಜನೋದ್ಯನ್ಮುಚ್ಚಿರಂಟೀಪೂಜನೋತ್ಸುಕಾ ।
ವಿಪ್ರಪೂಜನಸನ್ತುಷ್ಟಾ ನಿತ್ಯಶ್ರೀರ್ನಿತ್ಯಮಂಗಲಾ ॥ 166 ॥
ಜಯದಾದಿಮಚಾರಿತ್ರಾ ಶ್ರೀದ ಮಧ್ಯಚರಿತ್ರಿಕಾ ।
ವಿದ್ಯಾದೋತ್ತಮಚಾರಿತ್ರಾ ಕಾಮಿತಾರ್ಥಪ್ರದಾಯಿಕಾ ॥ 167 ॥
ಇಷ್ಟಕೃಷ್ಣಾಷ್ಟಮೀ ಚೇಷ್ಟನವಮೀ ಭೂತಪೂರ್ಣಿಮಾ ।
ಇಷ್ಟಶುಕ್ರಾರದಿವಸಾ ಧೂತದೀಪದ್ವಯೋತ್ಸುಕಾ ॥ 168 ॥
ನವರಾತ್ರೋತ್ಸವಾಸಕ್ತಾ ಪೂಜಾಹೋಮಬಲಿಪ್ರಿಯಾ ।
ಇಷ್ಟೇಕ್ಷುಕೂಷ್ಮಾಂಡಫಲಾಹೂತಿರಿಷ್ಟಫಲಾಹುತಿಃ ॥ 169 ॥
ಪ್ರತಿಮಾಸೂತ್ಕೃಷ್ಟಪುಣ್ಯಾ ಚ ಮಹಾಯನ್ತ್ರಾರ್ಚನಾವಿಧಿಃ ।
ಕಾತ್ಯಾಯನೀ ಕಾಮದೋಗ್ಧ್ರೀ ಖೇಚರೀ ಖಡ್ಗಚರ್ಮಧೃಕ್ ॥ 170 ॥
ಗಜಾಸ್ಯಮಾತಾ ಘಟಿಕಾ ಚಂಡಿಕಾ ಚಕ್ರಧಾರಿಣೀ ।
ಛಾಯಾ ಛವಿಮಯೀ ಛನ್ನಾ ಜರಾಮೃತ್ಯುವಿವರ್ಜಿತಾ ॥ 171 ॥
ಝಲ್ಲೀಝಂಕಾರಮುದಿತಾ ಝಂಝಾವಾತಝಣತ್ಕೃತಿಃ ।
ಟಂಕಹಸ್ತಾ ಟಣಚ್ಚಾಪಠದ್ವಯೀ ಪಲ್ಲವೋನ್ಮನುಃ ॥ 172 ॥
ಡಮರುಧ್ವಾನಮುದಿತಾ ಡಾಕಿನೀಶಾಕಿನೀಶ್ವರೀ ।
ಢುಂಢಿರಾಜಸ್ಯ ಜನನೀ ಢಕಾವಾದ್ಯವಿಲಾಸಿನೀ ॥ 173 ॥
ತರಿಕಾ ತಾರಿಕಾ ತಾರಾ ತನ್ವಂಗೀ ತನುಮಧ್ಯಮಾ ।
ಧೂಪೀಕೃತಾಸುರಾ ದೀರ್ಘವೇಣೀ ದೃಪ್ತಾ ಸುರಾರ್ತಿಹೃತ್ ॥ 174 ॥
ಧೂಮ್ರವರ್ಣಾ ಧೂಮ್ರಕೇಶೀ ಧೂಮ್ರಾಕ್ಷಪ್ರಾಣಹಾರಿಣೀ ।
ನಗೇಶತನಯಾ ನಾರೀ ಮತಲ್ಲೀ ಪಟ್ಟಿಹೇತಿಕಾ ॥ 175 ॥
ಪಾತಾಲಲೋಕಾಧಿಷ್ಠಾತ್ರೀ ಫೇರೂಕೃತಮಹಾಸುರಾ ।
ಫಣೀನ್ದ್ರಶಯನಾ ಬೋಧದಾಯಿನೀ ಬಹುರೂಪಿಣೀ ॥ 176 ॥
ಭಾಮಿನೀ ಭಾಸಿನೀ ಭ್ರಾನ್ತಿಕರೀ ಭ್ರಾನ್ತಿವಿನಾಶಿನೀ ।
ಮಾತಂಗೀ ಮದಿರಾಮತ್ತಾ ಮಾಧವೀ ಮಾಧವಪ್ರಿಯಾ ॥ 177 ॥
ಯಾಯಜೂಕಾರ್ಚಿತಾ ಯೋಗಿಧ್ಯೇಯಾ ಯೋಗೀಶವಲ್ಲಭಾ ।
ರಾಕಾಚನ್ದ್ರಮುಖೀ ರಾಮಾ ರೇಣುಕಾ ರೇಣುಕಾತ್ಮಜಾ ॥ 178 ॥
ಲೋಕಾಕ್ಷೀ ಲೋಹಿತಾ ಲಜ್ಜಾ ವಾಮಾಕ್ಷೀ ವಾಸ್ತುಶಾನ್ತಿದಾ ।
ಶಾತೋದರೀ ಶಾಶ್ವತಿಕಾ ಶಾತಕುಮ್ಭವಿಭೂಷಣಾ ॥ 179 ॥
ಷಡಾಸ್ಯಮಾತಾ ಷಟ್ಚಕ್ರವಾಸಿನೀ ಸರ್ವಮಂಗಲಾ ।
ಸ್ಮೇರಾನನಾ ಸುಪ್ರಸನ್ನಾ ಹರವಾಮಾಂಕಸಂಸ್ಥಿತಾ ॥ 180 ॥
ಹಾರಿವನ್ದಿತಪಾದಾಬ್ಜಾ ಹ್ರೀಂಬೀಜಭುವನೇಶ್ವರೀ ।
ಕ್ಷೌಮಾಮ್ಬರೇನ್ದುಗೋಕ್ಷೀರಧವಲಾ ವನಶಂಕರೀ ॥ 181 ॥
( ॥ ಷಡಂಗನ್ಯಾಸಧ್ಯಾನ ಮಾನಸೋಪಚಾರ ಪೂಜನಮ್ ॥)
ಅಥ ಫಲಶ್ರುತಿಃ ।
ಇತೀದಂ ವನಶಂಕರ್ಯಾಃ ಪ್ರೋಕ್ತಂ ನಾಮಸಹಸ್ರಕಮ್ ।
ಶಾನ್ತಿದಂ ಪುಷ್ಟಿದಂ ಪುಣ್ಯಂ ಮಹಾವಿಪತ್ತಿನಾಶನಮ್ ॥ 1 ॥
ದಾರಿದ್ರ್ಯದುಃಖಶಮನಂ ನಾನಾರೋಗನಿವಾರಣಮ್ ।
ಇದಂ ಸ್ತೋತ್ರಂ ಪಠೇದ್ಭಕ್ತ್ಯಾ ಯಸ್ತ್ರಿಸನ್ಧ್ಯಂ ನರಃ ಶುಚಿಃ ॥ 2 ॥
ನಾರೀ ವಾ ನಿಯತಾ ಭಕ್ತ್ಯಾ ಸರ್ವಾನ್ಕಾಮಾನವಾಪ್ನುಯಾತ್ ।
ಅಸ್ಯ ಸ್ತೋತ್ರಸ್ಯ ಸತತಂ ಯತ್ರ ಪಾಠಃ ಪ್ರವರ್ತತೇ ॥ 3 ॥
ತಸ್ಮಿನ್ನಗೃಹೇ ಮಹಾಲಕ್ಷ್ಮೀಃ ಸ್ವಭರ್ತ್ರಾ ಸಹ ಮೋದತೇ ।
ನಾನೇನ ಸದೃಶಂ ಸ್ತೋತ್ರಂ ಭುಕ್ತಿಮುಕ್ತಿಪ್ರದಾಯಕಮ್ ॥ 4 ॥
ವಿದ್ಯತೇಽನ್ಯಸತ್ಯಮೇತತ್ ಶಕ್ರ ವಚ್ಮಿ ಪುನಃ ಪುನಃ ।
ಬಕವನ್ಧ್ಯಾ ಕಾಕವನ್ಧ್ಯಾ ನಾರೀಸ್ತೋತ್ರಮಿದಂ ಪಠೇತ್ ॥ 5 ॥
ವಷೇಣೈಕೇನ ಸಾ ಪುತ್ರಂ ಲಭೇನ್ನಾತ್ರಾಸ್ತಿ ಸಂಶಯಃ ।
ಸಾಮಾನ್ಯಕಾರ್ಯಸಿದ್ಧಿಸ್ತು ಶತಾವರ್ತನತೋ ಭವೇತ್ ॥ 6 ॥
ಮಹಾಕಾರ್ಯಸ್ಯ ಸಿದ್ಧಿಸ್ತು ಸಹಸ್ರಾವರ್ತನಾದ್ಧ್ರುವಮ್ ।
ನ ತತ್ರ ಪೀಡಾ ಜಾಯೇತ ಭೂತಪ್ರೇತಗ್ರಹೋದ್ಭವಾ ॥ 7 ॥
ಲೋಕವಶ್ಯಂ ರಾಜವಶ್ಯಂ ಸ್ತೋತ್ರಸ್ಯ ಪಠನಾದ್ಭವೇತ್ ।
ಶತ್ರವಃ ಸಂಕ್ಷಯಂ ಯಾನ್ತಿ ದಸ್ಯವಃ ಪಿಶುನಾಸ್ತಥಾ ॥ 8 ॥
ನೈವ ಶಾಕಮ್ಭರೀಭಕ್ತಾಃ ಸೀದನ್ತಿ ಬಲಸೂದನ ।
ಶಾಕಮ್ಭರೀ ಸ್ವಭಕ್ತಾನಾಮವಿತ್ರೀ ಜನನೀ ಯಥಾ ॥ 9 ॥
ಯದ್ಯತ್ಕಾರ್ಯಂ ಸಮುದ್ದಿಶ್ಯ ಧ್ಯಾಯನ್ ಶಾಕಮ್ಭರೀಂ ಹೃದಿ ।
ಸ್ತೋತ್ರಮೇತತ್ಪಠೇತ್ತಸ್ಯ ತತ್ಕಾರ್ಯಂ ಚ ಪ್ರಸಿದ್ಧ್ಯತಿ ॥ 10 ॥
ಮುಚ್ಯತೇ ಬನ್ಧನಾದ್ಬದ್ಧೋ ರೋಗೀ ಮುಚ್ಯೇತ ರೋಗತಃ ।
ಋಣವಾನೃಣತೋ ಮುಚ್ಯೇನ್ನಾತ್ರ ಕಾರ್ಯಾ ವಿಚಾರಣಾ ॥ 11 ॥
ಪೌಷೇ ಮಾಸಿ ಸಿತೇ ಪಕ್ಷೇ ಪ್ರಾರಭ್ಯ ತಿಥಿಮಷ್ಟಮೀಮ್ ।
ದೇವ್ಯಾಃ ಆರಾಧನಂ ಕುರ್ಯಾದನ್ವಹಂ ಪೂರ್ಣಿಮಾವಧಿ ॥ 12 ॥
ಸಶಾಕೈರುತ್ತಮಾನ್ನೈಶ್ಚ ಬ್ರಾಹ್ಮಣಾಂಶ್ಚ ಸುವಾಸಿನೀಃ ।
ಸನ್ತರ್ಪಯೇದ್ಯಥಾಶಕ್ತಿ ದೇವೀಂ ಸಮ್ಪೂಜ್ಯ ಭಕ್ತಿತಃ ॥ 13 ॥
ವಿತ್ತಶಾಠ್ಯಂ ನ ಕುರ್ವೀತ ಶಾಕಮ್ಭರ್ಯಾಃ ಸಮರ್ಚನೇ ।
ತಸ್ಮೈ ಪ್ರಸನ್ನಾ ಭಕ್ತಾಯ ದದ್ಯಾತ್ಕಾಮಾನಭೀಪ್ಸಿತಾನ್ ॥ 14 ॥
ವಿದ್ಯಾರ್ಥೀ ಪ್ರಾಪ್ನುಯಾದ್ವಿದ್ಯಾಂ ಧನಾರ್ಥೀ ಚಾಪ್ನುಯಾದ್ಧನಮ್ ।
ದಾರಾರ್ಥೀ ಪ್ರಾಪ್ನುಯಾದ್ದಾರಾನಪತ್ಯಾರ್ಥೀ ತದಾಪ್ನುಯಾತ್ ॥ 15 ॥
ಆಪ್ನುಯಾನ್ಮನ್ದಬುದ್ಧಿಸ್ತು ಗ್ರನ್ಥಧಾರಣಪಾಟವಮ್ ।
ಅಸ್ಯ ಸ್ತೋತ್ರಸ್ಯ ಪಾಠೇನ ಪ್ರಾಪ್ನುಯಾದ್ಯದ್ಯದೀಪ್ಸಿತಮ್ ॥ 16 ॥
ಅಯುತಾವರ್ತನಾದಸ್ಯ ಸ್ತೋತ್ರಸ್ಯ ಬಲಸೂದನ ।
ಪಶ್ಯೇಚ್ಛಾಕಮ್ಭರೀಂ ಸಾಕ್ಷಾತ್ತದ್ಭಕ್ತೋ ನಾತ್ರ ಸಂಶಯಃ ॥ 17 ॥
ಹೋಮಂ ಚ ಕುರ್ಯಾದ್ವಿಧಿವತ್ಪಾಯಸೇನ ಸಸರ್ಪಿಷಾ ।
ಸೌಭಾಗ್ಯದ್ರವ್ಯಯುಕ್ತೇನ ಸೇಕ್ಷುಕೂಷ್ಮಾಂಡಕೇನ ಚ ॥ 18 ॥
ಸುವಾಸಿನೀಃ ಕುಮಾರೀಶ್ಚ ಬ್ರಾಹ್ಮಣಾಂಶ್ಚ ದಿನೇ ದಿನೇ ।
ಸಮ್ಭೋಜಯೇತ್ಸದನ್ನೇನ ಸಸಿತಾಮಧುಸರ್ಪಿಷಾ ॥ 19 ॥
ದದ್ಯಾತ್ತೇಭ್ಯಶ್ಚ ತಾಭ್ಯಶ್ಚ ವಸ್ತ್ರಾಲಂಕಾರದಕ್ಷಿಣಾಃ ।
ತಸ್ಮೈ ಶಾಕಮ್ಭರೀ ದದ್ಯಾತ್ಪುರುಷಾರ್ಥಚತುಷ್ಟಯಮ್ ॥ 20 ॥
ಆಚನ್ದ್ರಾರ್ಕಂ ತಸ್ಯ ವಶಃ ಸ್ಥಾಸ್ಯತ್ಯತ್ರ ಗುಣೀ ಸುಖೀ ।
ಶಾಕಮ್ಭರ್ಯೈ ನಮ ಇತಿ ಯಸ್ತು ಮನ್ತ್ರಂ ಷಡಕ್ಷರಮ್ ॥ 21 ॥
ಭಕ್ತ್ಯಾ ಜಪೇನ್ನರಸ್ತಸ್ಯ ಸರ್ವತ್ರ ಜಯಮಂಗಲಮ್ ।
ಶಾಕಮ್ಭರ್ಯಾ ಇದಂ ಶಕ್ರ ದಿವ್ಯಂ ನಾಮಸಹಸ್ರಕಮ್ ॥ 22 ॥
ಗುರುಭಕ್ತಾಯ ಶಾನ್ತಾಯ ದೇಯಂ ಶ್ರದ್ಧಾಲವೇ ತ್ವಯಾ ।
ತ್ವಮಪ್ಯಾಖಂಡಲ ಸದಾ ಪಠೇದಂ ಸ್ತೋತ್ರಮುತ್ತಮಮ್ ॥ 23 ॥
ಶತ್ರೂನ್ ಜೇಷ್ಯಸಿ ಸಂಗ್ರಾಮೇ ಸರ್ವಾನ್ಕಾಮಾನವಾಪ್ಸ್ಯಸಿ ।
ಇತಿ ಶ್ರುತ್ವಾ ಸ್ಕನ್ದವಾಕ್ಯಂ ಶಕ್ರಃ ಸನ್ತುಷ್ಟಮಾನಸಃ ॥ 24 ॥
ಪ್ರಣಮ್ಯ ಗುಹಮಾಪೃಷ್ಟ್ವಾ ಸಗಣಃ ಸ್ವದಿವಂ ಯಯೌ ॥ 25 ॥
ಸೂತ ಉವಾಚ –
ದುರ್ಭಿಕ್ಷೇ ಋಷಿಪೋಷಿಣ್ಯಾಃ ಶಾಕಮ್ಭರ್ಯಾಃ ಪ್ರಕೀರ್ತಿತಮ್ ।
ಇದಂ ನಾಮಸಹಸ್ರಂ ವಃ ಕಿಂ ಭೂಯಃ ಶ್ರೋತುಮಿಚ್ಛಥ ॥ 26 ॥
॥ ಇತಿ ಶ್ರೀಸ್ಕನ್ದಪುರಾಣೇ ಶಾಕಮ್ಭರೀ ತಥಾ ವನಶಂಕರೀ ಸಹಸ್ರನಾಮಸ್ತೋತ್ರಂ ಸಮ್ಪೂರ್ಣಮ್ ॥