॥ Sharadesha Sahasranamastotram Kannada Lyrics ॥
॥ ಶ್ರೀಶಾರದೇಶಸಹಸ್ರನಾಮಸ್ತೋತ್ರಮ್ ॥
ದೇವ್ಯುವಾಚ ।
ದೇವದೇವ ಮಹಾದೇವ ಗಿರೀಶ ಜಗತಾಂ ಪತೇ ।
ಸಹಸ್ರನಾಮಸ್ತೋತ್ರಂ ಮೇ ಕೃಪಯಾಸ್ಯ ವದ ಪ್ರಭೋ ॥ 1 ॥
ಶಿವ ಉವಾಚ ।
ಬ್ರಹ್ಮಣಸ್ಪತಿಸೂಕ್ತಸ್ಥಂ ಮನ್ತ್ರಾದಿವರ್ಣಸಮ್ಭವಮ್ ।
ಸಹಸ್ರನಾಮಸ್ತೋತ್ರಂ ತು ವೈದಿಕಂ ತೇ ಬ್ರವೀಮ್ಯಹಮ್ ॥ 2 ॥
ಶಾರದೇಶಮನ್ತ್ರವಚ್ಚ ಋಷ್ಯಾದಿಕಮುದೀರಿತಮ್ ।
ಸರಸ್ವತೀಪತಿಸ್ಸೋಮರಾಜಸ್ಸೋಮಪ್ರಪೂಜಿತಃ ॥ 3 ॥
ಸೋಮಾರ್ಧಶೇಖರಸ್ಸಿದ್ಧಸ್ಸಿದ್ಧೇಶಸ್ಸಿದ್ಧಿನಾಯಕಃ ।
ಸಿದ್ಧವನ್ದ್ಯಸ್ಸಿದ್ಧಪೂಜ್ಯಸ್ಸರ್ವವಿದ್ಯಾಪ್ರದಾಯಕಃ ॥ 4 ॥
ಸರ್ವಾತ್ಮಾ ಸರ್ವದೇವಾತ್ಮಾ ಸದಸದ್ವ್ಯಕ್ತಿದಾಯಕಃ ।
ಸಂಸಾರವೈದ್ಯಸ್ಸರ್ವಜ್ಞಸ್ಸರ್ವಭೇಷಜಭೇಷಜಮ್ ॥ 5 ॥
ಸೃಷ್ಟಿಸ್ಥಿತಿಲಯಕ್ರೀಡೋ ಯದುನಾಥವರಪ್ರದಃ ।
ಯೋಗಗಮ್ಯೋ ಯೋಗಮಯೋ ಯೋಗಶಾನ್ತಿಪ್ರದಾಯಕಃ ॥ 6 ॥
ಯೋಗಾಚಾರ್ಯೋ ಯೋಗದಾತಾ ಯೋಗಬ್ರಹ್ಮ ಯುಗಾಧಿಪಃ ।
ಯಜ್ಞೇಶ್ವರೋ ಯಜ್ಞಮೂರ್ತಿರ್ಯಜಮಾನೇಷ್ಟದಾಯಕಃ ॥ 7 ॥
ಯಜ್ಞಕರ್ತಾ ಯಜ್ಞಧರ್ತಾ ಯಜ್ಞಭೋಕ್ತಾ ಯಮೀಶ್ವರಃ ।
ಮಯೂರೇಶೋ ಮಯೂರೇಶಪುರಾಧೀಶೋ ಮಯೂರಪಃ ॥ 8 ॥
ಮಯೂರವಾಹನೋ ಮಾಯೀ ಮಾಯಿಕೋ ಮಧುರಪ್ರಿಯಃ ।
ಮನ್ತ್ರೋ ಮನ್ತ್ರಪ್ರಿಯೋ ಮನ್ತ್ರೀ ಮದಮತ್ತಮನೋರಮಃ ॥ 9 ॥
ಮನ್ತ್ರಸಿದ್ಧಿಪ್ರದೋ ಮನ್ತ್ರಜ್ಞಾನದೋ ಮುಕ್ತಿದಾಯಕಃ ।
ಮನ್ದಾಕಿನೀತೀರವಾಸೀ ಮುದ್ಗರಾಯುಧಧಾರಕಃ ॥ 10 ॥
ಸ್ವಾನನ್ದವಾಸೀ ಸ್ವಾನನ್ದನಾಯಕಸ್ಸುಖದಾಯಕಃ ।
ಸ್ವಸ್ವಾನನ್ದಪ್ರದಸ್ಸ್ವಸ್ವಾನನ್ದಯೋಗಸುಲಭ್ಯಕಃ ॥ 11 ॥
ಸ್ವಾನನ್ದಭವನಾಧೀಶಸ್ಸ್ವರ್ಗಸ್ವಾನನ್ದನಾಯಕಃ ।
ಸ್ವರ್ಗಸ್ವಾನನ್ದನಿಲಯಸ್ಸ್ವರ್ಗಸ್ವಾನನ್ದಸೌಖ್ಯದಃ ॥ 12 ॥
ಸುಖಾತ್ಮಾ ಸುರಸಮ್ಪೂಜ್ಯಸ್ಸುರೇನ್ದ್ರಪದದಾಯಕಃ ।
ಸುರೇನ್ದ್ರಪೂಜಿತಸ್ಸೋಮರಾಜಪುತ್ರಸ್ಸುರಾರ್ಚಿತಃ ॥ 13 ॥
ಸುರೇನ್ದ್ರಾತ್ಮಾ ತತ್ತ್ವಮಯಸ್ತರುಣಸ್ತರುಣೀಪ್ರಿಯಃ ।
ತತ್ಪದಸ್ತತ್ಪದಾರಾಧ್ಯಸ್ತಪಸ್ವೀಜನಸೇವಿತಃ ॥ 14 ॥
ತಾಪಸಸ್ತಾಪಸಾರಾಧ್ಯಸ್ತಪೋಮಾರ್ಗಪ್ರಕಾಶಕಃ ।
ತತ್ತ್ವಮಸ್ಯಾಕೃತಿಧರಸ್ತತ್ತ್ವಮಸ್ಯಾರ್ಥಬೋಧಕಃ ॥ 15 ॥
ತತ್ತ್ವಾನಾಂ ಪರಮಂ ತತ್ತ್ವಂ ತಾರಕಾನ್ತರಸಂಸ್ಥಿತಃ ।
ತಾರಕಸ್ತಾರಕಮುಖಸ್ತಾರಕಾನ್ತಕಪೂಜಿತಃ ॥ 16 ॥
ತತ್ತ್ವಾತೀತಸ್ತತ್ತ್ವಮಯಸ್ತರುಣಾದಿತ್ಯಪಾಟಲಃ ।
ಉಪೇನ್ದ್ರ ಉಡುಭೃನ್ಮೌಲಿರುಂಡೇರಕಬಲಿಪ್ರಿಯಃ ॥ 17 ॥
ಉಚ್ಛಿಷ್ಟಗಣ ಉಚ್ಛಿಷ್ಟ ಉಚ್ಛಿಷ್ಟಗಣನಾಯಕಃ ।
ಉಪೇನ್ದ್ರಪೂಜಿತಪದ ಉಪೇನ್ದ್ರವರದಾಯಕಃ ॥ 18 ॥
ಉನ್ನತಾನನ ಉತ್ತುಂಗ ಉದಾರತ್ರಿದಶಾಗ್ರಣೀ ।
ಉಮಾಪೂಜಿತಪಾದಾಬ್ಜ ಉಮಾಂಗಮಲಸಮ್ಭವಃ ॥ 19 ॥
ಉಮಾವಾಂಛಿತಸನ್ದಾತಾ ಉಮೇಶಪರಿಪೂಜಿತಃ ।
ಉಮಾಪುತ್ರ ಉಮಾಪುತ್ರಪೂಜ್ಯ ಉಮೇಶವಿಗ್ರಹಃ ॥ 20 ॥
ತುರೀಯಸ್ತುರ್ಯಪದಗಸ್ತುರೀಯಮೂರ್ತಿಸಂಯುತಃ ।
ತುಮ್ಬುರುಸ್ತೋತ್ರಸನ್ತುಷ್ಟಸ್ತುರೀಯವೇದಸಂಸ್ತುತಃ ॥ 21 ॥
ತುರೀಯಾತ್ಮಾ ತುರ್ಯಪದದಸ್ತುಮ್ಬುರುಗಾನತೋಷಿತಃ ।
ತುಷ್ಟಿಪ್ರಿಯಸ್ತುಂಡವಕ್ರಸ್ತುಷಾರಹಿಮಸನ್ನಿಭಃ ॥ 22 ॥
ತುರೀಯಲೋಕನಿಲಯಸ್ತುರೀಯಗುಣಧಾರಕಃ ।
ತುರೀಯಮೂರ್ತಿಸಮ್ಪೂಜ್ಯಃ ಪರಮಾತ್ಮಾ ಪರಾತ್ಪರಃ ॥ 23 ॥
ಪರಂಜ್ಯೋತಿಃ ಪರನ್ಧಾಮ ಪೂರ್ಣಪ್ರಣವವಿಗ್ರಹಃ ।
ಪ್ರಣವಃ ಪ್ರಣವಾರಾಧ್ಯಃ ಪ್ರಣವಾತೀತವಿಗ್ರಹಃ ॥ 24 ॥
ಪ್ರಣವಾಸ್ಯಃ ಪರಮ್ಬ್ರಹ್ಮ ಪುರುಷಃ ಪ್ರಕೃತೇಃ ಪರಃ ।
ಪುರಾಣಪುರುಷಃ ಪೂತಃ ಪುಣ್ಯಾಪುಣ್ಯಫಲಪ್ರದಃ ॥ 25 ॥
ಪದ್ಮಪ್ರಸನ್ನನಯನಃ ಪದ್ಮಜಾರ್ಚಿತ ಪಾದುಕಃ ।
ಯಯಾತಿಪೂಜನಪ್ರೀತೋ ಯಯಾತಿವರದಾಯಕಃ ॥ 26 ॥
ಯಮೀಷ್ಟವರಸನ್ದಾತಾ ಯಮೀಸೌಭಾಗ್ಯದಾಯಕಃ ।
ಯಮೀಭುಕ್ತಿಮುಕ್ತಿದಾತಾ ಯಮೀಜ್ಞಾನಪ್ರದಾಯಕಃ ॥ 27 ॥
ಯೋಗಮುದ್ಗಲಸಮ್ಪೂಜ್ಯೋ ಯೋಗಮುದ್ಗಲಸಿದ್ಧಿದಃ ।
ಯೋಗಮುದ್ಗಲವಿಜ್ಞಾತಾ ಯೋಗಮುದ್ಗಲದೇಶಿಕಃ ॥ 28 ॥
ಯೋಗಿಯೋಗಪ್ರದೋ ಯೋಗಿಜ್ಞಾನದೋ ಯೋಗಶಾಸ್ತ್ರಕೃತ್ ।
ಯೋಗಭೂಮಿಧರೋ ಯೋಗಮಾಯಿಕೋ ಯೋಗಮಾರ್ಗವಿತ್ ॥ 29 ॥
ಪದ್ಮೇಶ್ವರಃ ಪದ್ಮನಾಭಃ ಪದ್ಮನಾಭಪ್ರಪೂಜಿತಃ ।
ಪದ್ಮಾಪತಿಃ ಪಶುಪತಿಃ ಪಶುಪಾಶವಿಮೋಚಕಃ ॥ 30 ॥
ಪಾಶಪಾಣಿಃ ಪರ್ಶುಧರಃ ಪಂಕಜಾಸನಸಂಸ್ಥಿತಃ ।
ಪಂಕಜಾಸನಸಮ್ಪೂಜ್ಯಃ ಪದ್ಮಮಾಲಾಧರಃ ಪತಿಃ ॥ 31 ॥
ಪನ್ನಗಾಭರಣಃ ಪನ್ನಗೇಶಃ ಪನ್ನಗಭೂಷಣಃ ।
ಪನ್ನಗೇಶಸುತಃ ಪನ್ನಗೇಶಲೋಕನಿವಾಸಕೃತ್ ॥ 32 ॥
ತಮೋಹರ್ತಾ ತಾಮಸೀಶಸ್ತಮೋಭರ್ತಾ ತಮೋಮಯಃ ।
ಸ್ತವ್ಯಸ್ತುತಿಪ್ರಿಯಸ್ತೋತ್ರಂ ಸ್ತೋತ್ರರಾಜಪ್ರತೋಷಿತಃ ॥ 33 ॥
ಸ್ತವರಾಜಪ್ರಿಯಃ ಸ್ತುತ್ಯಸ್ತುರುಷ್ಕಸಂಘನಾಶಕಃ ।
ಸ್ತೋಮಯಜ್ಞಪ್ರಿಯಃ ಸ್ತೋಮಫಲದಃ ಸ್ತೋಮಸಿದ್ಧಿದಃ ॥ 34 ॥
ಸ್ನಾನಪ್ರಿಯಸ್ಸ್ನಾನಭರ್ತಾ ಸ್ನಾತಕಾಭೀಷ್ಟದಾಯಕಃ ।
ಕರ್ಮಸಾಕ್ಷೀ ಕರ್ಮಕರ್ತಾ ಕರ್ಮಾಕರ್ಮಫಲಪ್ರದಃ ॥ 35 ॥
ಕಮಂಡಲುನದೀತೀರನಿವಾಸೀ ಕಟಿಸೂತ್ರಭೃತ್ ।
ಕದಮ್ಬಗೋಲಕಾಕಾರಃ ಕೂಷ್ಮಾಂಡಗಣನಾಯಕಃ ॥ 36 ॥
ಕಸ್ತೂರಿತಿಲಕೋಪೇತಃ ಕಾಮೇಶಃ ಕಾಮಪೂಜಿತಃ ।
ಕಮಂಡಲುಧರಃ ಕಲ್ಪಃ ಕಪರ್ದೀ ಕಲಭಾನನಃ ॥ 37 ॥
ಕಾರುಣ್ಯದೇಹಃ ಕಪಿಲಃ ಕಪಿಲಾಭೀಷ್ಟದಾಯಕಃ ।
ಉಗ್ರ ಉಗ್ರಾಯುಧಧರೋ ಉಗ್ರರುದ್ರಪ್ರಪೂಜಿತಃ ॥ 38 ॥
ಉಗ್ರಹರ್ತಾ ಉಗ್ರಭರ್ತಾ ಉಗ್ರಶಾಸನಕಾರಕಃ ।
ಉಗ್ರಪಾಂಡ್ಯಸುಸಮ್ಪೂಜ್ಯ ಉಗ್ರಪಾಂಡ್ಯೇಷ್ಟದಾಯಕಃ ॥ 39 ॥
ಉಮ್ಬೀಜಜಪಸುಪ್ರೀತ ಉದೀಚೀದಿಶಿ ಸಂಸ್ಥಿತಃ ।
ಉದಙ್ಮುಖ ಉದಗ್ದೇಶನಿವಾಸೀ ಉಚಿತಪ್ರಿಯಃ ॥ 40 ॥
ಉಚಿತಜ್ಞೋ ಗಣೇಶಾನೋ ಗಣಕ್ರೀಡೋ ಗಣಾಧಿಪಃ ।
ಗಣನಾಥೋ ಗಜಮುಖೋ ಗುಣೇಶೋ ಗಣನಾಯಕಃ ॥ 41 ॥
ಗುಣಾಧಾರೋ ಗುಣಮಯೋ ಗುಣಶಾನ್ತಿಪ್ರಧಾರಕಃ ।
ಗँ ಬೀಜೋ ಗँ ಪದಾರಾಧ್ಯೋ ಗಜಾಕಾರೋ ಗಜೇಶ್ವರಃ ॥ 42 ॥
ಗಂಗಾಧರಸಮಾರಾಧ್ಯೋ ಗಂಗಾತೀರವಿಹಾರಕೃತ್ ।
ದಕ್ಷಯಜ್ಞಪ್ರಮಥನೋ ದಹರಾಕಾಶಮಧ್ಯಗಃ ॥ 43 ॥
ದಕ್ಷೋ ದಕ್ಷಭಕ್ತಿತುಷ್ಟೋ ದಕ್ಷಯಜ್ಞವರಪ್ರದಃ ।
ದೇವೇಶೋ ದಣ್ದನೀತಿಸ್ಥೋ ದೈತ್ಯದಾನವಮೋಹನಃ ॥ 44 ॥
ದಯಾವಾನ್ ದಿವ್ಯವಿಭವೋ ದಕ್ಷಿಣಾಮೂರ್ತಿನನ್ದನಃ ।
ದಕ್ಷಿಣಾಮೂರ್ತಿಸನ್ಧ್ಯಾತಪದೋ ದೇವಸುರಕ್ಷಕಃ ॥ 45 ॥
ದಕ್ಷಿಣಾವರ್ತಕ್ಷೇತ್ರಸ್ಥೋ ದೇವೇನ್ದ್ರಪೂಜನಪ್ರಿಯಃ ।
ದ್ವೈಮಾತುರೋ ದ್ವಿವದನೋ ದ್ವಿಪಾಸ್ಯೋ ದ್ವೀಪರಕ್ಷಕಃ ॥ 46 ॥
ದ್ವಿರದೋ ದ್ವಿರದೇಶಾನ ಆಧಾರಶಕ್ತಿ ಮೂರ್ಧ್ನಿಗಃ ।
ಆಖುಕೇತನ ಆಶಾಪೂರಕ ಆಖುಮಹಾರಥಃ ॥ 47 ॥
ಆಧಾರಪೀಠ ಆಧಾರ ಆಧಾರಾಧೇಯವರ್ಜಿತಃ ।
ಆಶ್ರಿತಾಭೀಷ್ಟಸನ್ದಾತಾ ಆಮೋದಾಮೋದದಾಯಕಃ ॥ 48 ॥
ಆನನ್ದಭವನಾಧೀಶ ಆನನ್ದಮೂರ್ತಿಧಾರಕಃ ।
ಆನನ್ದಮಯ ಆನನ್ದ ಆನನ್ದಕೋಶಸಂಸ್ಥಿತಃ ॥ 49 ॥
ಆಖುಧ್ವಜ ಆಖುವಾಹ ಆನನ್ದಾತೀತವಿಗ್ರಹಃ ।
ಸುಧಾಪ್ರಿಯಸ್ಸುಧಾಮೂರ್ತಿಸ್ಸುಧಾಸಾಗರಮಧ್ಯಗಃ ॥ 50 ॥
ಸುಧಾಪಾನರತಸ್ಸಿನ್ಧುದೈತ್ಯಹಾ ಸಿನ್ಧುದೇಶಗಃ ।
ಸಾಮಗಾನಪ್ರಿಯಸ್ಸಾಧುಸ್ಸಾಧುಸಿದ್ಧಿಪ್ರದಾಯಕಃ ॥ 51 ॥
ಸಪ್ತಾಶ್ವಪೂಜಿತಪದಸ್ಸಪ್ತಾಶ್ವರಥಮಧ್ಯಗಃ ॥
ಸಪ್ತಲೋಕಶರೀರಾಢ್ಯಸ್ಸಪ್ತದ್ವೀಪನಿವಾಸಕೃತ್ ॥ 52 ॥
ಸಮುದ್ರರಾಜಸಮ್ಪೂಜ್ಯೋ ನಾಗಾಸ್ಯೋ ನಗಜಾಸುತಃ ।
ನನ್ದ್ಯೋ ನನ್ದಿಪ್ರಿಯೋ ನಾದೋ ನಾದಮಧ್ಯೇ ಪ್ರತಿಷ್ಠಿತಃ ॥ 53 ॥
ನಿರ್ಮಲೋ ನಿಷ್ಕಲೋ ನಿತ್ಯೋ ನಿರವದ್ಯೋ ನಿರಂಜನಃ ।
ನಾರದಾದಿಸುಸಂಸೇವ್ಯೋ ನಿತ್ಯಾನಿತ್ಯೋ ನಿರಾಮಯಃ ॥ 54 ॥
ನಾಮಪಾರಾಯಣಪ್ರೀತೋ ನಿರ್ಗುಣೋ ನಿಜಲೋಕಗಃ ।
ತನ್ನಾಮಜಪಸುಪ್ರೀತಸ್ತತ್ತ್ವಾತತ್ತ್ವ ವಿವೇಕದಃ ॥ 55 ॥
ತದ್ಭಕ್ತಜನಸಂಸೇವ್ಯಸ್ತದಾಜ್ಞಾ ಪರಿಪಾಲಕಃ ।
ತಿನ್ತ್ರಿಣ್ಯನ್ನಪ್ರಿಯತಮಸ್ತನ್ತ್ರಶಾಸ್ತ್ರವಿಶಾರದಃ ॥ 56 ॥
ತನ್ತ್ರಗಮ್ಯಸ್ತನ್ತ್ರವೇದ್ಯಸ್ತನ್ತ್ರಮಾರ್ಗಪ್ರಕಾಶಕಃ ।
ತನ್ತ್ರಾರಾಧನಸನ್ತುಷ್ಟಸ್ತನ್ತ್ರಸಿದ್ಧಿಪ್ರದಾಯಕಃ ॥ 57 ॥
ತನ್ತ್ರಮುದ್ರಾಪ್ರಮುದಿತಸ್ತನ್ತ್ರನ್ಯಾಸಪ್ರತೋಷಿತಃ ।
ತನ್ತ್ರಾಭಾಸಮಾರ್ಗಹರ್ತಾ ತನ್ತ್ರಪಾಷಂಡಖಂಡಕಃ ॥ 58 ॥
ತನ್ತ್ರಯೋಗಮಾರ್ಗಗಮ್ಯ ಊಹಾಪೋಹದುರಾಸದಃ ।
ಊರ್ಜಸ್ವಾನೂಷ್ಮಲಮದ ಊನಷೋಡಶವಾರ್ಷಿಕಃ ॥ 59 ॥
ಊಡಾಪೂಜನಸನ್ತುಷ್ಟ ಊಹಾಪೋಹವಿವರ್ಜಿತಃ ।
ಉಮಾಸ್ನುಷಾಸುಸಂಶ್ಲಿಷ್ಟ ಊಡಾಬಾಲಾಮನೋರಮಃ ॥ 60 ॥
ಉಮೇಶಪೂಜಿತಪದ ಉಮೇಶಾಭೀಷ್ಟದಾಯಕಃ ।
ಊತಿಪ್ರಿಯ ಊತಿನುತ ಊತಿಕೃದ್ವರದಾಯಕಃ ॥ 61 ॥
ಊತಿತ್ರಯೀಗಾನವರ ಊತಿತ್ರಿವೇದಕಾರಣಮ್ ।
ಊತಿಭಂಗಿಪ್ರಿಯತಮಃ ತ್ರಾತಾ ತ್ರಿವೇದನಾಯಕಃ ॥ 62 ॥
ತ್ರಿಗುಣಾತ್ಮಾ ತ್ರಿಲೋಕಾದಿಃ ತ್ರಿವಕ್ತ್ರಸ್ತ್ರಿಪದಾನ್ವಿತಃ ।
ತ್ರಿಮೂರ್ತಿಜನಕಸ್ತ್ರೇತಾ ತ್ರಿಕರಸ್ತ್ರಿವಿಲೋಚನಃ ॥ 63 ॥
ತ್ರಿಮೂರ್ತಿಜಪಸನ್ತುಷ್ಟಃ ತ್ರಿಮೂರ್ತಿವರದಾಯಕಃ ।
ತ್ರಿವೇಣೀತೀರಸಂವಾಸೀ ತ್ರಿವೇಣೀಸ್ನಾನತೋಷಿತಃ ॥ 64 ॥
ತ್ರಿವೇಣೀಕ್ಷೇತ್ರನಿಲಯಃ ತ್ರಿವೇಣೀಮುಂಡನಪ್ರಿಯಃ ।
ತ್ರಿವೇಣೀಸಂಗಮಸ್ಥಾಯೀ ತ್ರಿವೇಣೀಕ್ಷೇತ್ರಸಿದ್ಧಿದಃ ॥ 65 ॥
ತ್ರಿಸನ್ಧ್ಯಾಕ್ಷೇತ್ರನಿಲಯಸ್ತ್ರಿಸನ್ಧ್ಯಾಕ್ಷೇತ್ರಪಾಲಕಃ ।
ತ್ರಿಸನ್ಧ್ಯಾಕ್ಷೇತ್ರಜನಕಸ್ತ್ರಿಸನ್ಧ್ಯಾಗತದೈತ್ಯಹಾ ॥ 66 ॥
ತ್ರಿಸನ್ಧ್ಯಾಗಮುನೀಶಾನಪಾತಾ ತ್ರಿಸನ್ಧಿಕ್ಷೇತ್ರಗಃ ।
ತ್ರಿಸನ್ಧ್ಯಾತಾಪಸಾರಾಧ್ಯಸ್ತ್ರಿಸನ್ಧ್ಯಾಮುನಿಪಾಲಕಃ ॥ 67 ॥
ತ್ರಿಸನ್ಧ್ಯಾಮುನಿದರ್ಪಘ್ನಸ್ತ್ರಿಪುರಾಭೀಷ್ಟದಾಯಕಃ ।
ತ್ರಿಪುರಾಪೂಜನಪ್ರೀತಸ್ತ್ರಿಪುರಾನ್ತಕಪೂಜಿತಃ ॥ 68 ॥
ತ್ರಿಪುರೇಶೀಸಮಾರಾಧ್ಯಸ್ತ್ರ್ಯಮ್ಬಕಸ್ತ್ರಿಪುರಾನ್ತಕಃ ।
ಅನಪಾಯೋಽನನ್ತದೃಷ್ಟಿರಪ್ರಮೇಯೋಽಜರಾಮರಃ ॥ 69 ॥
ಅನಾವಿಲೋಽಪ್ರತಿರಥ ಅಷ್ಟಾತ್ರಿಂಶತ್ಕಲಾತನುಃ
ಅಲಮ್ಪಟೋ ಮಿತೋ ಕ್ಷಯ್ಯೋಽಧನಾಂಶೋಽಪ್ರತಿಮಾನನಃ ॥ 70 ॥
ಅಷ್ಟಸಿದ್ಧಿಸಮೃದ್ಧಿ ಶ್ರೀರಷ್ಟಭೈರವಸೇವಿತಃ ।
ಅಷ್ಟಾದಶೌಷಧೀ ಸೃಷ್ಟಿರಷ್ಟದ್ರವ್ಯಹವಿಃ ಪ್ರಿಯಃ ॥ 71 ॥
ಅಷ್ಟಮೂರ್ತಿಧ್ಯೇಯಮೂರ್ತಿರಷ್ಟಮಾತ್ರಸಮಾವೃತಃ ।
ಅಷ್ಟಪತ್ರಾಮ್ಬುಜಾಸೀನ ಅಷ್ಟಪ್ರಕೃತಿಕಾರಣಮ್ ॥ 72 ॥
ಅಷ್ಟಚಕ್ರಸ್ಫುರನ್ಮೂರ್ತಿರಷ್ಟೈಶ್ವರ್ಯಪ್ರದಾಯಕಃ ।
ಅಷ್ಟಪೀಠೋಪಪೀಠಶ್ರೀರಷ್ಟದಿಕ್ಪತಿವನ್ದಿತಃ ॥ 73 ॥
ಅಗ್ನಿರಕ್ಷಮಾಲಿಕಾಢ್ಯೋ ವ್ಯಯೋಽಷ್ಟವಸುವನ್ದಿತಃ ।
ಅಷ್ಟಾದಶಪುರಾಣೇಡ್ಯ ಅಷ್ಟಾದಶವಿಧಿಸ್ಮೃತಃ ॥ 74 ॥
ಅಷ್ಟಾದಶಲಿಪಿವ್ಯಷ್ಟಿಸಮಷ್ಟಿಜ್ಞಾನಕೋವಿದಃ ।
ಭವಾಬ್ಧಿತಾರಕೋ ಭಾಷಾಜನಕೋ ಭಾರತೀಪತಿಃ ॥ 75 ॥
ಭೀಮೋ ಭೀಮವಿಘ್ನಹರ್ತಾ ಭಯತ್ರಾತಾ ಭವೋದ್ಭವಃ ।
ಭವಾನೀತನಯೋ ಭಕ್ತಿಪ್ರಿಯೋ ಭಕ್ತಪ್ರವಾಲಕಃ ॥ 76 ॥
ಭಕ್ತಾಧೀನೋ ಭಕ್ತಿವಶ್ಯೋ ಭುವನೇಶೀವರಪ್ರದಃ ।
ಭೂಪತಿರ್ಭುವನಪತಿರ್ಭೂತೇಶೋ ಭುವನೇಶ್ವರಃ ॥ 77 ॥
ತೇಜೋವತೀಶಿರೋರತ್ನಸ್ತೇಜೋಮಂಡಲಮಧ್ಯಗಃ ।
ತೇಜೋಮಯಲೋಕವಾಸೀ ತೇಜೋಮಯಕಲೇಬರಃ ॥ 78 ॥
ತೇಜೋರೂಪೀ ತೈಜಸೇಶಸ್ತೇಜಃಪುಂಜಸ್ವರೂಪವಾನ್ ।
ತೇಜಸ್ತತ್ತ್ವೇಶಸಮ್ಪೂಜ್ಯಸ್ತೇಜಸ್ತತ್ತ್ವೇಷ್ಟದಾಯಕಃ ॥ 79 ॥
ತಿಥಿಮಾತೃಸಮುದ್ಭೂತಸ್ತಿಥಿಮಾತೃವರಪ್ರದಃ ।
ತಿಥಿಮಾತೃಸಮಾರಾಧ್ಯಸ್ತಿಥಿಮಾತೃಪ್ರತೋಷಿತಃ ॥ 80 ॥
ತಿಥಿಮಾತ್ರವ್ರತಪ್ರೀತಸ್ತಿಥಿಮಾತ್ರೇಷ್ಟದಾಯಕಃ ।
ಬ್ರಹ್ಮ ಬ್ರಹ್ಮಾರ್ಚಿತಪದೋ ಬ್ರಹ್ಮಚಾರೀ ಬೃಹಸ್ಪತಿಃ ॥ 81 ॥
ಬೃಹತ್ತಮೋ ಬ್ರಹ್ಮವರೋ ಬ್ರಹ್ಮಣ್ಯೋ ಬ್ರಹ್ಮವಿತ್ತಮಃ ।
ಬೃಹನ್ನಾದಾಗ್ರ್ಯಚೀತ್ಕಾರೋ ಬ್ರಹ್ಮಾಂಡಾವಲಿಮೇಖಲಃ ॥ 82 ॥
ಬ್ರಹ್ಮೇಶೋ ಬ್ರಹ್ಮಲೋಕಸ್ಥೋ ಬ್ರಹ್ಮಪುತ್ರೀಸಮನ್ವಿತಃ ।
ಬೃಹದಾರಣ್ಯಸಂವೇದ್ಯೋ ಬ್ರಹ್ಮವಿದ್ಯಾಮದೋತ್ಕಟಃ ॥ 83 ॥
ಬ್ರಹ್ಮಾಂಡಕುನ್ದೋ ಬ್ರಹ್ಮೀಶೋ ಬ್ರಹ್ಮಾವರ್ತನಿವಾಸಕೃತ್ ।
ಬ್ರಹ್ಮಾನನ್ದಮಯೋ ಬ್ರಹ್ಮತನಯೋ ಬ್ರಹ್ಮಣಸ್ಪತಿಃ ॥ 84 ॥
ಮನ್ದಾರವೃಕ್ಷಸಮ್ಭೂತೋ ಮನ್ದಾರಕುಸುಮಪ್ರಿಯಃ ।
ಮನ್ದಾರಭಕ್ತವರದೋ ಮನ್ದಾರಭಕ್ತಿತೋಷಿತಃ ॥ 85 ॥
ಮನ್ದಾರಪೂಜನಪ್ರೀತೋ ಮನ್ದಾರಮಣಿಧಾರಕಃ ।
ಮನ್ದಾರಮಣಿಸುಪ್ರೀತೋ ಮುನಿಮಂಡಲಮಧ್ಯಗಃ ॥ 86 ॥
ಮುನಿಪುತ್ರೋ ಮುನೀಶಾನೋ ಮುನಿಮಾನಸಹಂಸಿಕಃ ।
ಮುನಿಪುತ್ರಸಹಚರೋ ಮುನಿಬಾಲಸಮಾವೃತಃ ॥ 87 ॥
ಮುನಿಬಾಲಾಭೀಷ್ಟದಾತಾ ಮುನಿಬಾಲಸಮರ್ಚಿತಃ ।
ಮುನಿಬಾಲಭಕ್ತಿತುಷ್ಟೋ ಮುನಿಬಾಲೇಪ್ಸಿತಪ್ರದಃ ॥ 88 ॥
ವಿನಾಯಕೋ ವಿಘ್ನರಾಜೋ ವಿನತಾತನಯಪ್ರಿಯಃ ।
ವರೇಣ್ಯೋ ವೇದಜನಕೋ ವೇದವೇದಾಂಗ ತತ್ತ್ವವಿತ್ ॥ 89 ॥
ವೇದಾನ್ತಶಾಸ್ತ್ರಸಂವೇದ್ಯೋ ವೇದಾನ್ತಾಗಮಗೋಚರಃ ।
ವನ್ದ್ಯೋ ವಾಗೀಶಸಂಸೇವ್ಯೋ ವಾಮನೋ ವಾಮನಾರ್ಚಿತಃ ॥ 90 ॥
ವಾಗೀಶ್ವರೀಪತಿರ್ವಾಣೀನಾಯಕೋ ವರದಾಯಕಃ ।
ವಿದ್ಯಾಪ್ರದೋ ವಿಭವದೋ ವರೇಣ್ಯತನಯೋ ವಶೀ ॥ 91 ॥
ಸ್ತನನ್ಧಯಃ ಸ್ತನ್ಯಪಾನರತಃ ಸ್ತನ್ಯಪ್ರವರ್ಧಕಃ ।
ಸ್ತನನ್ಧಯಪ್ರಿಯಸ್ತುರ್ಯಶಕ್ತಿಪುತ್ರಸ್ತುರೀಯಪಃ ॥ 92 ॥
ತೌಲಿಸ್ನಾನಪರಸ್ತೌಲಿಮಾಸಸ್ನಾನಪ್ರತೋಷಿತಃ ।
ತೌಲಿಮಾಸಜಪಪ್ರೀತಸ್ತೌಲಿದಾನಫಲಪ್ರದಃ ॥ 93 ॥
ತುಂಗಭದ್ರಾತೀರಸಂಸ್ಥಸ್ತುಂಗಾಸ್ನಾನಫಲಪ್ರದಃ ।
ತುಂಗಾಜಲಪಾನರತಃ ತುಂಗಶೈಲನಿವಾಸಕೃತ್ ॥ 94 ॥
ತರಂಗಕೇಲಿಸಂಸಕ್ತಸ್ತರಂಗಾಬ್ಧಿಪ್ರಭೇದಕಃ ।
ಬ್ರಾಹ್ಮಣಸ್ಪತ್ಯಯಜ್ಞೇಶೋ ಬ್ರಾಹ್ಮಣಸ್ಪತ್ಯಹೋಮಭುಕ್ ॥ 95 ॥
ಬ್ರಾಹ್ಮಣಸ್ಪತ್ಯೇಷ್ಟಿಭೋಕ್ತಾ ಬ್ರಹ್ಮಸೂತ್ರಪ್ರಬನ್ಧಕೃತ್ ।
ಬೃಹಜ್ಜಾಬಾಲಸಂವೇದ್ಯೋ ಬ್ರಹ್ಮವಿದ್ಯಾಪ್ರದಾಯಕಃ ॥ 96 ॥
ಬೃಹನ್ಮಾಯೋ ಬೃಹತ್ಸೇನೋ ಬೃಹದ್ವಿದ್ಯೋ ಬೃಹದ್ಧನಃ ।
ಬೃಹದ್ಗಣೋ ಬೃಹತ್ಕುಕ್ಷಿರ್ಬೃಹದ್ಭಾನುರ್ಬೃಹದ್ಬಲಃ ॥ 97 ॥
ಬೃಹದ್ರಾಜ್ಯಪ್ರದೋ ಬ್ರಹ್ಮಸೂತ್ರಧೃಕ್ ಬೃಹದೀಶ್ವರಃ ।
ಸವಿತೃಮಂಡಲಮಧ್ಯಸ್ಥಸ್ಸವಿತಾ ಸವಿತಾರ್ಚಿತಃ ॥ 98 ॥
ಸಾವಿತ್ರಸ್ಸವಿತಾರಾಧ್ಯಸ್ಸೂರಸ್ಸೂರ್ಯೋಽಥ ಸೂರಜಃ ।
ಸಾವಿತ್ರೀತನಯಸ್ಸೂರ್ಯಮೂರ್ತಿಸ್ಸೌರಪ್ರಪೂಜಿತಃ ॥ 99 ॥
ಸೂರಸೂತಸಮಾರಾಧ್ಯಸ್ಸೌರಮಾರ್ಗಪ್ರಕಾಶಕಃ ।
ಸುರವೃಕ್ಷಮೂಲಸಂಸ್ಥಸ್ಸುರದ್ರುಮಸುಮಪ್ರಿಯಃ ॥ 100 ॥
ಸುರಚನ್ದನದಿಗ್ಧಾಂಗಃ ಸ್ವರ್ಗಸೌಖ್ಯಪ್ರದಾಯಕಃ ।
ಯೋಗಾಗ್ನಿಕುಂಡಸಂಜಾತೋ ಯೋಗಾಗ್ನಿಜ್ಯೋತಿರೂಪವಾನ್ ॥ 101 ॥
ಯೋನಿಪೀಠಸನ್ನಿಷಣ್ಣೋ ಯೋನಿಮುದ್ರಾಪ್ರತೋಷಿತಃ ।
ಯಾಸ್ಕಪ್ರಿಯೋ ಯಾಸ್ಕಪೂಜ್ಯೋ ಯಾಸ್ಕೇಷ್ಟಫಲದಾಯಕಃ ॥ 102 ॥
ಯೋನಿಸಂಸ್ಥಪುಷ್ಕರಾಢ್ಯೋ ಯೋಗಿನೀಗಣಸೇವಿತಃ ।
ಯೋಗಿನೀಸೇವಿತಪದೋ ಯೋಗಿನೀಶಕ್ತಿಸಂವೃತಃ ॥ 103 ॥
ಯೋಗಾಂಗವೇದ್ಯಚರಣೋ ಯೋಗಸಾಮ್ರಾಜ್ಯದಾಯಕಃ ।
ಯೋಗಗೀತಾಪ್ರದೋ ಯೋಗಮನ್ತ್ರದೋ ಯೋಗವಿಗ್ರಹಃ ॥ 104 ॥
ತರಾತಲಲೋಕವಾಸೀ ತರಾತಲಜನಾವೃತಃ ।
ತರುಣಾದಿತ್ಯಸಂಕಾಶಸ್ತರುಣೇನ್ದುಸಮರ್ಚಿತಃ ॥ 105 ॥
ತಾಲೀವನಸಮಾಸೀನಸ್ತಾಲೀಫಲಸುಭಕ್ಷಕಃ ।
ತಾಲೀಮಧುರಸಪ್ರೀತಸ್ತಾಲೀಗುಳಸುಭಕ್ಷಕಃ ॥ 106 ॥
ತಾಲೀವನದೇವತೇಡ್ಯಸ್ತಾಲೀದೇವೀವರಪ್ರದಃ ।
ತಾಲಜಂಘದೈತ್ಯಹರಸ್ತಾಲಜಂಘಾರಿಪೂಜಿತಃ ॥ 107 ॥
ತಮಾಲಶ್ಯಾಮಲಾಕಾರಸ್ತಮಾಲಕುಸುಮಪ್ರಿಯಃ ।
ತಮಾಲವನಸಂಚಾರೀ ತಮಾಲದೇವತಾಪ್ರಿಯಃ ॥ 108 ॥
ಅನನ್ತನಾಮಾನನ್ತಶ್ರೀರನನ್ತಾನನ್ತಸೌಖ್ಯದಃ ।
ಅನನ್ತವದನೋಽನನ್ತಲೋಚನೋಽನನ್ತಪಾದುಕಃ ॥ 109 ॥
ಅನನ್ತಮಕುಟೋಪೇತ ಅನನ್ತಶ್ರುತಿಮಂಡಿತಃ ।
ಅನನ್ತಕುಕ್ಷಿಪೃಷ್ಠಾಢ್ಯ ಅನನ್ತಜಾನುಮಂಡಿತಃ ॥ 110 ॥
ಅನನ್ತೋರುಭ್ರಾಜಮಾನೋಽನನ್ತಸ್ಕನ್ಧಗಲಾನ್ವಿತಃ ।
ಅನನ್ತಬಾಹುಪಾಣ್ಯಾಢ್ಯ ಅನನ್ತಗುಹ್ಯಲಿಂಗಕಃ ॥ 111 ॥
ಅನನ್ತೋದಾರಗುಣವಾನನನ್ತೋದಾರವಿಕ್ರಮಃ ।
ಅನನ್ತಸೂರ್ಯಸಂಕಾಶ ಅನನ್ತೇನ್ದುಸುಶೀತಲಃ ॥ 112 ॥
ಸದಾಶಿವಸಮಾರಾಧ್ಯಸ್ಸದಾಶಿವಸುವೀರ್ಯಜಃ ।
ಸದಾಶಿವಗಣೇಶಾನಸ್ಸದಾಶಿವಪದಪ್ರದಃ ॥ 113 ॥
ಸದಾಶಿವವಿಘ್ನಹರಸ್ಸದಾಶಿವವರಪ್ರದಃ ।
ಸದಾಶಿವಹಾಸ್ಯಹೇತುಃ ಸದಾಶಿವವಿಮೋಹಕಃ ॥ 114 ॥
ಸದಾಶಿವಚನ್ದ್ರಹರ್ತಾ ಸದಾಶಿವಹೃದಿಸ್ಥಿತಃ ।
ಸದಾಶಿವರೂಪಧರಃ ಸದಾಶಿವಸಮೀಪಗಃ ॥ 115 ॥
ಸದಾಶಿವಶಕ್ತಿಪುತ್ರಸ್ಸದಾಶಿವಸುತಾಗ್ರಜಃ ।
ಅಶ್ವಾಸ್ಯಮುನೀಸಂಸೇವ್ಯ ಅಶ್ವಾಸ್ಯಭಕ್ತಿತೋಷಿತಃ ॥ 116 ॥
ಅಶ್ವಾಸ್ಯಜ್ಞಾನಸನ್ದಾತಾ ಅಶ್ವಾಸ್ಯಯೋಗದಾಯಕಃ ।
ಅಶ್ವಾಸ್ಯಜಪಸುಪ್ರೀತ ಅಶ್ವಾಸ್ಯಶಾಸ್ತ್ರತೋಷಿತಃ ॥ 117 ॥
ಅಶ್ವಾಸ್ಯವಿಘ್ನಸಂಹರ್ತಾ ಅಶ್ವಾಸ್ಯಸಿದ್ಧಿದಾಯಕಃ ।
ಅಶ್ವಾಸ್ಯದೈತ್ಯಸಂಹರ್ತಾ ಅಶ್ವಿನೀಋಕ್ಷಸಮ್ಭವಃ ॥ 118 ॥
ಅಶ್ವಿನೀದೇವತಾರಾಧ್ಯ ಅಶ್ವಿನೀಶಾಸ್ತ್ರತೋಷಿತಃ ।
ಅಮ್ಬಿಕಾಯಜ್ಞಸನ್ತುಷ್ಟ ಅಮ್ಬಿಕಾಭೀಷ್ಟದಾಯಕಃ ॥ 119 ॥
ಅಮ್ಬಾಸುತೋಽಮ್ಬಿಕಾಲೋಕಸಂಸ್ಥೋಽಮ್ಬಾಗಣಸೇವಿತಃ ।
ಋಗ್ಯಜುಸ್ಸಾಮಸಮ್ಭೂತಿ ಋದ್ಧಿಸಿದ್ಧಿಪ್ರವರ್ತಕಃ ॥ 120 ॥
ಋದ್ಧಿಪ್ರದೋ ಋದ್ಧಿನಾಥೋ ಋಣತ್ರಯವಿಮೋಚಕಃ ।
ಋಗ್ವೇದಸೂಕ್ತಸನ್ತುಷ್ಟೋ ಋಗ್ವೇದಮನ್ತ್ರತೋಷಿತಃ ॥ 121 ॥
ಋಗ್ವೇದಬ್ರಾಹ್ಮಣಪ್ರೀತೋ ಋಗ್ವೇದಾರಣ್ಯಹರ್ಷಿತಃ ।
ಋಗ್ವೇದಬ್ರಾಹ್ಮಣಸ್ಪತ್ಯಸೂಕ್ತೋಪನಿಷದೀರಿತಃ ॥ 122 ॥
ಋತೋ ಋಗ್ವೇದಜನಕೋ ಋಣಹಾ ಋದ್ಧಿಪೂಜಿತಃ ।
ಋತಮ್ಭರಾಪ್ರಜ್ಞಯಾಜ್ಯೋ ಋದ್ಧಿನಾಥಪ್ರತೋಷಿತಃ ॥ 123 ॥
ಋವರ್ಣಚಕ್ರಮಧ್ಯಸ್ಥೋ ಋವರ್ಣಜಪತೋಷಿತಃ ।
ಋವರ್ಣಮಾತ್ರಕಾಧಿಶೋ ಋವರ್ಣಶಕ್ತಿನಾಯಕಃ ॥ 124 ॥
ಋತಪ್ರಿಯೋ ಋತಾಧೀಶೋ ಋತಜ್ಞೋ ಋತಪಾಲಕಃ ।
ಋತದೇವಸಮಾರಾಧ್ಯೋ ಋತಲೋಕನಿವಾಸಕೃತ್ ॥ 125 ॥
ಋತಮ್ಭರಾಪೀಠಸಂಸ್ಥೋ ಋತಾಧೀನಸುವಿಗ್ರಹಃ ।
ಋತಮ್ಭರಾಮಾರ್ಗವಾಸೀ ಋತಪಾಲಕಪಾಲಕಃ ॥ 126 ॥
ಋತವಾಕ್ ಋತಸಂಕಲ್ಪೋ ಋತಸಂಕಲ್ಪದಾಯಕಃ ।
ಸಸನ್ನಯಃ ಸವಿನಯಃ ಸುಬ್ರಹ್ಮಣ್ಯಗಣೇಶ್ವರಃ ॥ 127 ॥
ಸುಷ್ಠುಸ್ರಷ್ಟಾ ಸುಷ್ಠುಪಾತಾ ಸುರಕುಂಜರಭೇದನಃ ।
ಸುರಮಾತ್ರತೃಸಮಾರಾಧ್ಯಸ್ಸುರಮಾತೃವರಪ್ರದಃ ॥ 128 ॥
ಸುರಮಾತೃಸುತಸ್ಸುಷ್ಠು ನರದೇವಪ್ರಪಾಲಕಃ ।
ಸುರಾನ್ತಕೋ ದೈತ್ಯಹರಸ್ಸುರವರ್ಗಪ್ರಪಾಲಕಃ ॥ 129 ॥
ಸುಪರ್ವಾಣಸ್ಸಿದ್ಧಿದಾತಾ ಸುಪರ್ವಾಣಗಣಾವೃತಃ ।
ಸಿಂಹಾರೂಢಸ್ಸಿಂಹವಾಹಸ್ಸಿಂಹಾಸ್ಯಸ್ಸಿಂಹದರ್ಪಹಾ ॥ 130 ॥
ವಿಭುರ್ವಿಭುಗಣಾಧೀಶೋ ವಿಶ್ವನಾಥಸಮರ್ಚಿತಃ ।
ವಿಶ್ವಾತೀತೋ ವಿಶ್ವಕರ್ತಾ ವಿಶ್ವಪಾತಾ ವಿರಾಟ್ಪತಿಃ ॥ 131 ॥
ವಿಶ್ವನಾಥಸುತೋ ವಿಶ್ವನಾಥಶಕ್ತಿಸಮುದ್ಭವಃ ।
ವಿಶ್ವನಾಥಕ್ಷೇತ್ರದಾತಾ ವಿಶ್ವನಾಥಪ್ರಪಾಲಕಃ ॥ 132 ॥
ವಿಶ್ವನಾಥಪೂಜಿತಾಂಘ್ರಿಯುಗಲೋ ವಿಶ್ವವನ್ದಿತಃ ।
ವಿಶ್ವೇಶ್ವರೋ ವೀತಿಹೋತ್ರೋ ವೀತಿಹೋತ್ರಸಮರ್ಚಿತಃ ॥ 133 ॥
ಯುದ್ಧಕೃದ್ಯುದ್ಧವೀರೇಶೋ ಯುದ್ಧಮಂಡಲಸಂಸ್ಥಿತಃ ।
ಯುದ್ಧೇಶ್ವರೋ ಯುದ್ಧನಾಥೋ ಯುದ್ಧೇ ಸಿದ್ಧಿಪ್ರದಾಯಕಃ ॥ 134 ॥
ಯುದ್ಧವೀರೋ ಯುದ್ಧಶೂರೋ ಯುದ್ಧೇಶಜಯದಾಯಕಃ ।
ಯುದ್ಧಕಾಲೀಶ್ವರೋ ಯೋಧನಾಥೋ ಯೋಧಗಣಾವೃತಃ ॥ 135 ॥
ಯೋಧಾಗ್ರಗಣ್ಯೋ ಯೋಧೇಶೋ ಯೋಧೇಶಜಯದಾಯಕಃ ।
ಯೋಧವಿಘ್ನಪ್ರಶಮನೋ ಯೋಧಸಿದ್ಧಿಪ್ರದಾಯಕಃ ॥ 136 ॥
ವಸಿಷ್ಠದೇವೋ ವಾಸಿಷ್ಠೋ ವಸಿಷ್ಠಕುಲಭೂಷಣಃ ।
ವಿಶ್ವಾಮಿತ್ರಪ್ರಿಯಕರೋ ವಿಶ್ವಾಮಿತ್ರಾಭಯಪ್ರದಃ ॥ 137 ॥
ವಿಶ್ವಾಮಿತ್ರಸಿದ್ಧಿದಾತಾ ವಿಶ್ವಾಮಿತ್ರಾಶ್ರಮೇ ಸ್ಥಿತಃ ।
ವಿಶ್ವಾಮಿತ್ರತಪಸ್ತುಷ್ಟೋ ವಿಶ್ವಾಮಿತ್ರೇಪ್ಸಿತಪ್ರದಃ ॥ 138 ॥
ವಿಶ್ವಾಮಿತ್ರಜ್ಞಾನದಾತಾ ವಿಶ್ವಾಮಿತ್ರಸುಯೋಗದಃ ।
ವಿಶ್ವಾಮಿತ್ರವಂಶದೇವೋ ವಿಶ್ವಾಮಿತ್ರೇಷ್ಟದೈವತಮ್ ॥ 139 ॥
ವಾಮದೇವಸಮಾರಾಧ್ಯೋ ವಾಮಮಾರ್ಗಪ್ರತೋಷಿತಃ ।
ಉರುಕ್ರಮಸಮಾರಾಧ್ಯ ಉರುಕ್ರಮವರಪ್ರದಃ ॥ 140 ॥
ಉರುಕ್ರಮಯಜ್ಞದಾತಾ ಉರುಕ್ರಮಮಖೋದ್ಭವಃ ।
ಉರುಕ್ರಮೇನ್ದ್ರಪದದ ಉರುಕ್ರಮಸುರಕ್ಷಕಃ ॥ 141 ॥
ಉರುಕ್ರಮವಂಶದೇವ ಉರುಭೀಮಪರಾಕ್ರಮಃ ।
ಊರ್ವಶೀನಟನಪ್ರೀತಃ ಊರ್ವಶೀಗಾನಲೋಲುಪಃ ॥ 142 ॥
ಊರ್ವಶೀಪುತ್ರಸುಖದ ಊರ್ವಶೀನಾಥಪೂಜಿತಃ ।
ಊರ್ವಶೀನಾಥೇಪ್ಸಿತದ ಊರ್ವಶೀಲೋಕದಾಯಕಃ ॥ 143 ॥
ಬ್ರಾಹ್ಮಣೋ ಬ್ರಾಹ್ಮಣೇಶಾನ ಬ್ರಾಹ್ಮಣೇನ್ದ್ರಸುಪೂಜಿತಃ ।
ಬ್ರಾಹ್ಮಣ್ಯಕರ್ಮಸನ್ತುಷ್ಟೋ ಬ್ರಾಹ್ಮಣ್ಯಮನ್ತ್ರತೋಷಿತಃ ॥ 144 ॥
ಬ್ರಾಹ್ಮಣಬ್ರಹ್ಮಯಜ್ಞೇಶೋ ಬ್ರಾಹ್ಮಣವರದಾಯಕಃ ।
ಬ್ರಾಹ್ಮಣಾಯ ವೇದದಾತಾ ಬ್ರಾಹ್ಮಣಾಯಾರ್ಥದಾಯಕಃ ॥ 145 ॥
ಬ್ರಾಹ್ಮಣಾಯ ಕಾಮದಾತಾ ಬ್ರಾಹ್ಮಣಾಯ ಸುಮುಕ್ತಿದಃ ।
ಬ್ರಹ್ಮಮೇಧಯಜ್ಞತುಷ್ಟೋ ಬ್ರಹ್ಮಮೇಧಹವಿಃಪ್ರಿಯಃ ॥ 146 ॥
ಬ್ರಹ್ಮಮೇಧಸಂಸ್ಕೃತಾಯ ಬ್ರಹ್ಮಲೋಕಪ್ರದಾಯಕಃ ।
ಬ್ರಹ್ಮಪ್ರಿಯಗಣೇಶಾನೋ ಬ್ರಹ್ಮಪ್ರಿಯಗಣಾರ್ಚಿತಃ ॥ 147 ॥
ಬ್ರಹ್ಮಪ್ರಿಯಭಕ್ತಿತುಷ್ಟೋ ಬ್ರಹ್ಮಪ್ರಿಯವರಪ್ರದಃ ।
ಬ್ರಹ್ಮಪ್ರಿಯಮುಕ್ತಿದಾತಾ ಬ್ರಹ್ಮಪ್ರಿಯಕೃತೋದ್ಯಮಃ ॥ 148 ॥
ಬ್ರಹ್ಮಪ್ರಿಯಪ್ರಭುರ್ಬ್ರಹ್ಮಪ್ರಿಯತ್ರಾಣಕೃತೋದ್ಯಮಃ ।
ಬ್ರಹ್ಮಪ್ರಿಯೇಡ್ಯಚರಿತೋ ಬ್ರಹ್ಮಪ್ರಿಯನಮಸ್ಕೃತಃ ॥ 149 ॥
ಬ್ರಹ್ಮಪ್ರಿಯಭಯಹರೋ ಬ್ರಹ್ಮಪ್ರಿಯನಮಸ್ಕೃತಃ ।
ಬ್ರಹ್ಮಪ್ರಿಯಸಂಶಯಘ್ನೋ ಬರ್ಹ್ಮವಿದ್ಬ್ರಹ್ಮದಾಯಕಃ ॥ 150 ॥
ಬ್ರಹ್ಮಪ್ರಿಯಾರ್ತಿಶಮನೋ ಬ್ರಹ್ಮಪ್ರಿಯಫಲಪ್ರದಃ ।
ಇನ್ದಿರಾನಾಯಕಶ್ಚೇನ್ದುಭೂಷಣಶ್ಚೇನ್ದಿರಾಪ್ರಿಯಃ ॥ 151 ॥
ಇನ್ದೀವರಕರ್ಣಿಕಾಸ್ಥ ಇನ್ದೀವರವಿಲೋಚನಃ ।
ಇನ್ದೀವರಸಮಪ್ರಖ್ಯ ಇನ್ದೀವರಶಯಾನಕೃತ್ ॥ 152 ॥
ಇನ್ದೀವರಾಸನಾರೂಢ ಇನ್ದಿರಾತನಯಾಪತಿಃ ।
ಇನ್ದಿರಾದ ಇನ್ದಿರೇಶ ಇನ್ದಿರಾಗಣನಾಯಕಃ ॥ 153 ॥
ಇನ್ದಿರಾಷ್ಟಕಸನ್ದಾತಾ ಇನ್ದಿರಾಬೀಜತೋಷಿತಃ ।
ಇನ್ದಿರಾಬೀಜಸಂಯುಕ್ತಬೀಜಮನ್ತ್ರಮನುಪ್ರಭುಃ ॥ 154 ॥
ವೀರಪಾಂಡ್ಯಸಮಾರಾಧ್ಯೋ ವೀರಪಾಂಡ್ಯವರಪ್ರದಃ ।
ವೀರಚೋಲಸಮಾರಾಧ್ಯೋ ವೀರಚೋಲೇಷ್ಟದಾಯಕಃ ॥ 155 ॥
ವೀರಬ್ರಬಾಹುಪೂಜಿತಾಂಘ್ರಿರ್ವೀರಮಾಹೇನ್ದ್ರವನ್ದಿತಃ ।
ವೀರಮಾಹೇಶವರದೋ ವೀರರಾಕ್ಷಸಶತ್ರುಹಾ ॥ 156 ॥
ವೀರಶೂರಶೌರ್ಯದಾತಾ ವೀರಾನ್ತಕಬಲಪ್ರದಃ ।
ವೀರಧೀರಧೈರ್ಯದಾತಾ ವೀರಪುರನ್ದರೇಷ್ಟದಃ ॥ 157 ॥
ವೀರಮಾರ್ತಾಂಡವರದೋ ವಜ್ರಬಾಹ್ವಿಷ್ಟಸಿದ್ಧಿದಃ ।
ವಜ್ರಬಾಹುನುತೋ ವಜ್ರಬಾಹುವೀರ್ಯಜಯಪ್ರದಃ ॥ 158 ॥
ಸಂಕಷ್ಟಹಾರಕಸ್ಸಂಕಷ್ಟಹರತಿಥಿಸಮ್ಭವಃ ।
ಸಂಕಷ್ಟಹರಮನ್ತ್ರಾತ್ಮಾ ಸರ್ವಸಂಕಷ್ಟನಾಶನಃ ॥ 159 ॥
ಸಂಕಷ್ಟಿಹರದಿನರಾಟ್ ಸಂಕಷ್ಟಿಮಾತೃಪೂಜಿತಃ ।
ಸಂಕಷ್ಟಿವ್ರತಸನ್ತುಷ್ಟಸ್ಸಂಕಷ್ಟಿಪೂಜನಪ್ರಿಯಃ ॥ 160 ॥
ಸಂಕಷ್ಟಿವೃತವರದಸ್ಸಾರ್ವಭೌಮವರಪ್ರದಃ ।
ಸಾರ್ವಭೌಮಗರ್ವಹರಸ್ಸಾರ್ವಭೌಮಾರಿಭಂಜಕಃ ॥ 161 ॥
ಸಾರ್ವಭೌಮಗೀತಗುಣಸ್ಸಾರ್ವಭೌಮಧನಪ್ರದಃ ।
ಸಾರ್ವಭೌಮಕಾಮದಾತಾ ಸಾರ್ವಭೌಮಸುಮುಕ್ತಿದಃ ॥ 162 ॥
ತಾರಾಪತಿಸ್ತಾರೇಶೇಡ್ಯಸ್ತಾರಾದೋಷನಿವಾರಕಃ ।
ತಾರಾಪುತ್ರಸಮಾರಾಧ್ಯಸ್ತಾರಾಗಣನಿಷೇವಿತಃ ॥ 163 ॥
ತಾರಾಪುತ್ರಾಭೀಷ್ಟದಾತಾ ತಾರಾಪುತ್ರವರಪ್ರದಃ ।
ತಾರಾಪುತ್ರಜ್ಞಾನದಾತಾ ತಾರಾಪುತ್ರಸುಸಿದ್ಧಿದಃ ॥ 164 ॥
ತಾರೇಶಚೂಡಸ್ತಾರೇಶವರದಸ್ತಾರಕಾರ್ಚಿತಃ ।
ತಾರಾಕರ್ತಾ ತಾರಕೇಶಸ್ತಾರಾಭರ್ತಾ ತಮೀಪ್ರಿಯಃ ॥ 165 ॥
ತಲವಕಾರಸಂಗೀತಸ್ತಮೀನಾಥಸ್ತಮೀಪ್ರಿಯಃ ।
ತಮೀಪೂಜನಸನ್ತುಷ್ಟಸ್ತಮೀಜಪವರಪ್ರದಃ ॥ 166 ॥
ತಮೀಹವನಸನ್ತುಷ್ಟಸ್ತಮೀಯಜನತೋಷಿತಃ ।
ತಮಪ್ರಕೃತಿಸಂಯುಕ್ತಸ್ತಮಪ್ರಕೃತಿಪೂಜಿತಃ ॥ 167 ॥
ತಮಪ್ರಕೃತಿಸಂಜಾತಬ್ರಹ್ಮಾಂಡಗಣಧಾರಕಃ ।
ತಾಮಸೀಮಾಯಾಸಂಯುಕ್ತಸ್ತಾಮಸೀಸ್ತುತವೈಭವಃ ॥ 168 ॥
ತಾಮಸೀನಾಯಕೇಶಾನಸ್ತಾಮಸೀನಾಯಕೇಷ್ಟದಃ ।
ಋಣೀಜನಸಮಾರಾಧ್ಯ ಋಣೀಸಂಸ್ತುತವೈಭವಃ ॥ 169 ॥
ಋಣೀನಾಥೋ ಋಣೀಗೀತೋ ಋಣೀಜನಸುರಕ್ಷಕಃ ।
ಋಣೀಭರ್ತಾ ಋಣೀಧರ್ತಾ ಋಣೀಋಣಹರಃ ಕ್ಷಣಾತ್ ॥ 170 ॥
ಋಣೀವನ್ದ್ಯೋ ಋಣೀಜಪ್ಯೋ ಋಣೀಸ್ತುತ್ಯೋ ಋಣೀಪ್ರಿಯಃ ।
ಋಣೀಧಾಮಾ ಋಣೀಗೋಪ್ತಾ ಋಣೀಗಣನಿಷೇವಿತಃ ॥ 171 ॥
ಯಮೀಜನಸಮಾರಾಧ್ಯೋ ಯಮೀಸಂಸ್ತುತವೈಭವಃ ।
ಯಮೀನಾಥೋ ಯಮೀಗೀತೋ ಯಮೀಜನಸುರಕ್ಷಕಃ ॥ 172 ॥
ಯಮೀಭರ್ತಾ ಯಮೀಧರ್ತಾ ಯಮೀಭಯಹರಃ ಕ್ಷಣಾತ್ ।
ಯಮೀವನ್ದ್ಯೋ ಯಮೀಜಪ್ಯೋ ಯಮೀಸ್ತುತ್ಯೋ ಯಮೀಪ್ರಿಯಃ ॥ 173 ॥
ಯಮೀಧಾಮಾ ಯಮೀಗೋಪ್ತಾ ಯಮೀಗಣನಿಷೇವಿತಃ ।
ಸೃಣಿಹಸ್ತಸ್ಸೃಣಿಧರಃ ಸೃಣೀಶಾನಸ್ಸೃಣಿಪ್ರಿಯಃ ॥ 174 ॥
ಸಂಜ್ಞಾಪತಿಸಮಾರಾಧ್ಯಸ್ಸಂಜ್ಞಾಪತಿಸ್ತುತಿಪ್ರಿಯಃ ।
ಸಂಜ್ಞಾಪತಿಗಣೇಶಾನಸ್ಸಂಜ್ಞಾಪತಿಸ್ವರೂಪಧೃಕ್ ॥ 175 ॥
ಸಂಜ್ಞಾಪತಿವನ್ದ್ಯಪಾದಸ್ಸಂಜ್ಞೇಶಗೀತಸದ್ಗುಣಃ ।
ಸಂಜ್ಞೇಶಗರ್ವಸಂಛೇತ್ತಾ ಸಂಜ್ಞೇಶವರದರ್ಪಹಾ ॥ 176 ॥
ಸಂಜ್ಞೇಶಪ್ರವಣಸ್ವಾನ್ತಸ್ಸಂಜ್ಞೇಶಗಣಸಂಸ್ತುತಃ ।
ಸಂಜ್ಞೇಶಾರ್ಚಿತಪಾದಾಬ್ಜೋ ಸಂಜ್ಞೇಶಭಯಹಾರಕಃ ॥ 177 ॥
ಯೋಗಿಗೇಯಗುಣೋ ಯೋಗಿಚರಿತೋ ಯೋಗತತ್ತ್ವವಿತ್ ।
ಯೋಗೀನ್ದ್ರತ್ರಾಸಹಾ ಯೋಗಗ್ರನ್ಥತತ್ತ್ವವಿವೇಚಕಃ ॥ 178 ॥
ಯೋಗಾನುರಾಗೋ ಯೋಗಾಂಗೋ ಯೋಗಗಂಗಾಜಲೋದ್ವಹಃ ।
ಯೋಗಾವಗಾಢಜಲಧಿರ್ಯೋಗಪ್ರಜ್ಞೋ ಯುಗನ್ಧರಃ ॥ 179 ॥
ಯೋಗೀಗೀತಸುಚಾರಿತ್ರೋ ಯೋಗೀನ್ದ್ರಗಣಸೇವಿತಃ ।
ಯೋಗಧಾತಾ ಯೋಗಭರ್ತಾ ಯೋಗಾರಾತಿನಿಷೂದನಃ ॥ 180 ॥
ತರಣಿಸ್ತರಣೀಶಾನಸ್ತರಣೀಪ್ರೀತಿವರ್ಧನಃ ।
ತರಣೀಗರ್ವಸಂಛೇತ್ರಾ ತರಣೀಗೀತಸದ್ಗುಣಃ ॥ 181 ॥
ತರಣಿಪ್ರವಣಸ್ವಾನ್ತೋ ತರಣೀವರದಾಯಕಃ ।
ತರಣಿತ್ರಾಣಸನ್ನದ್ಧಸ್ತರಣೀಸಮರಕ್ಷಮಃ ॥ 182 ॥
ತರಣೀಗೀತಚರಿತಸ್ತರಣೀಗೀತಸದ್ಗುಣಃ ।
ತರಣೀಪ್ರಿಯಕರ್ತಾ ಚ ತರಣ್ಯಾಗಮಸಾರವಿತ್ ॥ 183 ॥
ತರಣೀಸೇವಿತಪಾದಾಬ್ಜಸ್ತರಣೀಪ್ರಿಯನನ್ದನಃ ।
ತರಣೀಪ್ರಿಯಾಸಮಾರಾಧ್ಯಸ್ತರಣಿಮಾರ್ಗಕೋವಿದಃ ॥ 184 ॥
ಇಲಾಪತಿರಿಲಾನಾಥ ಇಲಾನಾಥವರಪ್ರದಃ ।
ಇಲಾವೃತಖಂಡವಾಸೀ ಇಲಾವೃತಜನಪ್ರಿಯಃ ॥ 185 ॥
ಇಲಾವೃತಗಿರಿಸ್ಥಾಯೀ ಇಲಾವೃತಗಣಾರ್ಚಿತಃ ।
ಇಲಾವೃತೇಷ್ಟವರದ ಇಲಾವೃತಸುಖಪ್ರದಃ ॥ 186 ॥
ಇಲಾವೃತಧರ್ಮದಾತಾ ಇಲಾವೃತಧನಪ್ರದಃ ।
ಇಲಾವೃತಕಾಮಪೂರ ಇಲಾವೃತಸುಮುಕ್ತಿದಃ ॥ 187 ॥
ಇಲಾವೃತಗೀತತತ್ತ್ವ ಇಲಾವೃತಜನಾಶ್ರಿತಃ ।
ಚಂಡ ಚಂಡೇಶಸುಹೃಚ್ಚಂಡೀಶಶ್ಚಂಡವಿಕ್ರಮಃ ॥ 188 ॥
ಚರಾಚರಪತಿಶ್ಚಿನ್ತಾಮಣಿಚರ್ವಣಲಾಲಸಃ ।
ಚಿನ್ತಾಮಣಿಶ್ಚಿನ್ತಿತಾರ್ಥದಾಯಕಶ್ಚಿತ್ತಸಂಸ್ಥಿತಃ ॥ 189 ॥
ಚಿದಾಕಾಶಶ್ಚಿದಾಭಾಸಶ್ಚಿದಾತ್ಮಾ ಚಿಚ್ಚಿದೀಶ್ವರಃ ।
ಚಿತ್ತವೃತ್ತಿಮಯೀನಾಥಶ್ಚಿತ್ತಶಾನ್ತಿಪ್ರದಾಯಕಃ ॥ 190 ॥
ಅಮ್ಬಿಕೇಶೇಷ್ಟವರದ ಅಮ್ಬಿಕೇಶಭಯಾಪಹಃ ।
ಅಮ್ಬಿಕೇಶಗುರುರಮ್ಬಾಪತಿಧ್ಯಾತಪದಾಮ್ಬುಜಃ ॥ 191 ॥
ಅಮ್ಬಾಪತಿಸ್ತುತಶ್ಚಾಮ್ಬಾನಾಥಾರಾಧ್ಯೋಽಮ್ಬಿಕಾಸುತಃ ।
ಅಮ್ಬಾವಿದ್ಯಾಸುತತ್ತ್ವಜ್ಞ ಅಮ್ಬಾಪ್ರೀತಿವಿವರ್ಧನಃ ॥ 192 ॥
ಅಮ್ಬಾಂಗಮಲಸಮ್ಭೂತ ಅಮ್ಬಾಜಠರಸಮ್ಭವಃ ।
ಅಮ್ಬಿಕೇಶವೀರ್ಯಜಾತ ಅಮ್ಬಿಕೇಶೇಕ್ಷಣೋದ್ಭವಃ ॥ 193 ॥
ಅಮ್ಬಿಕೇಶಹಾಸ್ಯಜಾತ ಅಮ್ಬಿಕಾಕೋಪಸಮ್ಭವಃ ।
ಅಮ್ಬಿಕೇಶಧ್ಯಾನಜಾತ ಅಮ್ಬಿಕೇಶಗಣಾವೃತಃ ॥ 194 ॥
ಅಮ್ಬಿಕೇಶಸೈನ್ಯನಾಥ ಅಮ್ಬಿಕೇಶಜಯಪ್ರದಃ ।
ಅಮ್ಬಿಕೇಶಶಿರೋಹರ್ತಾ ಅಮ್ಬಿಕೇಶೇನ್ದುಹಾರಕಃ ॥ 195 ॥
ಅಮ್ಬಿಕೇಶಹೃದಾರೂಢ ಅಮ್ಬಿಕೇಶಸ್ಥಲಾಭಿತಃ ।
ಅಮ್ಬಿಕೋತ್ಸಂಗನಿಲಯ ಅಮ್ಬಿಕಾಜ್ಞಾಪ್ರಪಾಲಕಃ ॥ 196 ॥
ಅಮ್ಬಿಕಾಗಣಸಂವೀತ ಅಮ್ಬಿಕಾಮಾರ್ಗಕೋವಿದಃ ।
ಅಮ್ಬಿಕಾಗೀತಚರಿತ ಅಮ್ಬಾರಿಸೈನ್ಯನಾಶಕಃ ॥ 197 ॥
ಅಮ್ಬಿಕೇಶಪಾರ್ಶ್ವಸಂಸ್ಥ ಅಮ್ಬಾಲೋಕನಿವಾಸಕೃತ್ ।
ನಿರೋಧಾಚಿತ್ತವೃತ್ತಿಸ್ಥೋ ನಿಜಾನನ್ದಪ್ರದಾಯಕಃ ॥ 198 ॥
ನೈಜಕರ್ತಾ ನೈಜಭರ್ತಾ ನೈಜಧರ್ತಾ ನಿರೋಧಗಃ ।
ನೈಜವಾಸೀ ನೈಜದಾತಾ ನೈಜಶಕ್ತಿಸಮನ್ವಿತಃ ॥ 199 ॥
ನೈಜಯೋಗಪ್ರದೋ ನೈಜಜ್ಞಾನದೋ ನಿಜಲೋಕದಃ ।
ನೈಜಧರ್ಮಪ್ರದೋ ನೈಜವಿದ್ಯಾದೋ ನಿಜಕಾಮದಃ ॥ 200 ॥
ಅಪರ್ಣಾಪೂಜಿತಪದ ಅಪರ್ಣೇಶಪ್ರಪೂಜಿತಃ ।
ಅಪರ್ಣೇಶೇಷ್ಟವರದ ಅಪರ್ಣೇಶಭಯಾಪಹಃ ॥ 201 ॥
ಅಪರ್ಣೇಶಧ್ಯಾತಪದ ಅಪರ್ಣೇಶಗಣಾವೃತಃ ।
ಅಪರ್ಣೇಶಧ್ಯಾನಜಾತ ಅಪರ್ಣಾಹಾಸ್ಯಸಮ್ಭವಃ ॥ 202 ॥
ಇದಂ ನಾಮ್ನಾಂ ಸಹಸ್ರನ್ತು ಬ್ರಹ್ಮಣಾಂ ಬ್ರಹ್ಮಣಸ್ಪತೇಃ ।
ಸೂಕ್ತಮನ್ತ್ರಾಕ್ಷರಜಾತಂ ಬ್ರಹ್ಮಣಸ್ಪತಿತೋಷದಮ್ ॥ 203 ॥
ಯ ಇದಂ ಪ್ರಯತಃ ಪ್ರಾತಃ ತ್ರಿಸನ್ಧ್ಯಂ ವಾ ಪಠೇನ್ನರಃ ।
ವಾಂಛಿತಂ ಸಮವಾಪ್ನೋತಿ ಗಣನಾಥಪ್ರಸಾದತಃ ॥ 204 ॥
ಧರ್ಮಾರ್ಥೀ ಧರ್ಮಮಾಪ್ನೋತಿ ಧನಾರ್ಥೀ ಲಭತೇ ಧನಮ್ ।
ವಿದ್ಯಾರ್ಥೀ ಲಭತೇ ವಿದ್ಯಾಂ ಮೋಕ್ಷಾರ್ಥೀ ಮೋಕ್ಷಮಾಪ್ನುಯಾತ್ ॥ 205 ॥
ಪುತ್ರಾರ್ಥೀ ಲಭತೇ ಪುತ್ರಾನ್ ಕಾಮಾರ್ಥೀ ಕಾಮಮಾಪ್ನುಯಾತ್ ।
ನಿಷ್ಕಾಮೋ ಯಃ ಪಠೇದೇತದ್ಗಣೇಶಾನ ಪರಾಯಣಃ ॥ 206 ॥
ಸಪ್ರತಿಷ್ಠಾಂ ಪರಾಂ ಪ್ರಾಪ್ಯ ನಿಜಲೋಕಮವಾಪ್ನುಯಾತ್ ।
॥ ಇತಿ ಶ್ರೀವಿನಾಯಕತನ್ತ್ರೇ ಶ್ರೀಶಾರದೇಶಸಹಸ್ರನಾಮಸ್ತೋತ್ರಂ ಸಮ್ಪೂರ್ಣಮ್ ॥