॥ Shiva Sahasranama Stotram from Vayu Purana Adhyaya 30 Odia Lyrics ॥
॥ ଶ୍ରୀଶିଵସହସ୍ରନାମସ୍ତୋତ୍ରଂ ଵାୟୁପୁରାଣେ ଅଧ୍ୟାୟ ୩୦ ॥
॥ ଦକ୍ଷ ଉଵାଚ ॥
ନମସ୍ତେ ଦେଵଦେଵେଶ ଦେଵାରିବଲସୂଦନ ।
ଦେଵେନ୍ଦ୍ର ହ୍ୟମରଶ୍ରେଷ୍ଠ ଦେଵଦାନଵପୂଜିତ ॥ ୩୦.୧୮୦ ॥
ସହସ୍ରାକ୍ଷ ଵିରୂପାକ୍ଷ ତ୍ର୍ୟକ୍ଷ ୟକ୍ଷାଧିପପ୍ରିୟ ।
ସର୍ଵତଃ ପାଣିପାଦସ୍ତ୍ଵଂ ସର୍ଵତୋଽକ୍ଷିଶିରୋମୁଖଃ ।
ସର୍ଵତଃ ଶ୍ରୁତିମାନ୍ ଲୋକେ ସର୍ଵାନାଵୃତ୍ୟ ତିଷ୍ଠସି ॥ ୩୦.୧୮୧ ॥
ଶଙ୍କୁକର୍ଣ ମହାକର୍ଣ କୁମ୍ଭକର୍ଣାର୍ଣଵାଲୟ ।
ଗଜେନ୍ଦ୍ରକର୍ଣ ଗୋକର୍ଣ ପାଣିକର୍ଣ ନମୋଽସ୍ତୁ ତେ ॥ ୩୦.୧୮୨ ॥
ଶତୋଦର ଶତାଵର୍ତ୍ତ ଶତଜିହ୍ଵ ଶତାନନ ।
ଗାୟନ୍ତି ତ୍ଵାଂ ଗାୟତ୍ରିଣୋ ହ୍ୟର୍ଚ୍ଚୟନ୍ତି ତଥାର୍ଚ୍ଚିନଃ ॥ ୩୦.୧୮୩ ॥
ଦେଵଦାନଵଗୋପ୍ତା ଚ ବ୍ରହ୍ମା ଚ ତ୍ଵଂ ଶତକ୍ରତୁଃ ।
ମୂର୍ତ୍ତୀଶସ୍ତ୍ଵଂ ମହାମୂର୍ତେ ସମୁଦ୍ରାମ୍ବୁ ଧରାୟ ଚ ॥ ୩୦.୧୮୪ ॥
ସର୍ଵା ହ୍ୟସ୍ମିନ୍ ଦେଵତାସ୍ତେ ଗାଵୋ ଗୋଷ୍ଠ ଇଵାସତେ ।
ଶରୀରନ୍ତେ ପ୍ରପଶ୍ୟାମି ସୋମମଗ୍ନିଂ ଜଲେଶ୍ଵରମ୍ ॥ ୩୦.୧୮୫ ॥
ଆଦିତ୍ୟମଥ ଵିଷ୍ଣୁଞ୍ଚ ବ୍ରହ୍ମାଣଂ ସବୃହସ୍ପତିମ୍ ।
କ୍ରିୟା କାର୍ୟ୍ୟଂ କାରଣଞ୍ଚ କର୍ତ୍ତା କରଣମେଵ ଚ ॥ ୩୦.୧୮୬ ॥
ଅସଚ୍ଚ ସଦସଚ୍ଚୈଵ ତଥୈଵ ପ୍ରଭଵାଵ୍ୟୟମ୍ ।
ନମୋ ଭଵାୟ ଶର୍ଵାୟ ରୁଦ୍ରାୟ ଵରଦାୟ ଚ ॥ ୩୦.୧୮୭ ॥
ପଶୂନାଂ ପତୟେ ଚୈଵ ନମସ୍ତ୍ଵନ୍ଧକଘାତିନେ ।
ତ୍ରିଜଟାୟ ତ୍ରିଶୀର୍ଷାୟ ତ୍ରିଶୂଲଵରଧାରିଣେ ॥ ୩୦.୧୮୮ ॥
ତ୍ର୍ୟମ୍ବକାୟ ତ୍ରିନେତ୍ରାୟ ତ୍ରିପୁରଘ୍ନାୟ ଵୈ ନମଃ ।
ନମଶ୍ଚଣ୍ଡାୟ ମୁଣ୍ଡାୟ ପ୍ରଚଣ୍ଡାୟ ଧରାୟ ଚ ॥ ୩୦.୧୮୯ ॥
ଦଣ୍ଡି ମାସକ୍ତକର୍ଣାୟ ଦଣ୍ଡିମୁଣ୍ଡାୟ ଵୈ ନମଃ ।
ନମୋଽର୍ଦ୍ଧଦଣ୍ଡକେଶାୟ ନିଷ୍କାୟ ଵିକୃତାୟ ଚ ॥ ୩୦.୧୯୦ ॥
ଵିଲୋହିତାୟ ଧୂମ୍ରାୟ ନୀଲଗ୍ରୀଵାୟ ତେ ନମଃ ।
ନମସ୍ତ୍ଵପ୍ରତିରୂପାୟ ଶିଵାୟ ଚ ନମୋଽସ୍ତୁ ତେ ॥ ୩୦.୧୯୧ ॥
ସୂର୍ୟ୍ୟାୟ ସୂର୍ୟ୍ୟପତୟେ ସୂର୍ୟ୍ୟଧ୍ଵଜପତାକିନେ ।
ନମଃ ପ୍ରମଥନାଥାୟ ଵୃଷସ୍କନ୍ଧାୟ ଧନ୍ଵିନେ ॥ ୩୦.୧୯୨ ॥
ନମୋ ହିରଣ୍ୟଗର୍ଭାୟ ହିରଣ୍ୟକଵଚାୟ ଚ ।
ହିରଣ୍ୟକୃତଚୂଡାୟ ହିରଣ୍ୟପତୟେ ନମଃ ॥ ୩୦.୧୯୩ ॥
ସତ୍ରଘାତାୟ ଦଣ୍ଡାୟ ଵର୍ଣପାନପୁଟାୟ ଚ ।
ନମଃ ସ୍ତୁତାୟ ସ୍ତୁତ୍ୟାୟ ସ୍ତୂୟମାନାୟ ଵୈ ନମଃ ॥ ୩୦.୧୯୪ ॥
ସର୍ଵାୟାଭକ୍ଷ୍ୟଭକ୍ଷ୍ୟାୟ ସର୍ଵଭୂତାନ୍ତ୍ତରାତ୍ମନେ ।
ନମୋ ହୋତ୍ରାୟ ମନ୍ତ୍ରାୟ ଶୁକ୍ଲଧ୍ଵଜପତାକିନେ ॥ ୩୦.୧୯୫ ॥
ନମୋ ନମାୟ ନମ୍ୟାୟ ନମଃ କିଲିକିଲାୟ ଚ ।
ନମସ୍ତେ ଶୟମାନାୟ ଶୟିତାୟୋତ୍ଥିତାୟ ଚ ॥ ୩୦.୧୯୬ ॥
ସ୍ଥିତାୟ ଚଲମାନାୟ ମୁଦ୍ରାୟ କୁଟିଲାୟ ଚ ।
ନମୋ ନର୍ତ୍ତନଶୀଲାୟ ମୁଖଵାଦିତ୍ରକାରିଣେ ॥ ୩୦.୧୯୭ ॥
ନାଟ୍ୟୋପହାରଲୁବ୍ଧାୟ ଗୀତଵାଦ୍ୟରତାୟ ଚ ।
ନମୋ ଜ୍ୟେଷ୍ଠାୟ ଶ୍ରେଷ୍ଠାୟ ବଲପ୍ରମଥନାୟ ଚ ॥ ୩୦.୧୯୮ ॥
କଲନାୟ ଚ କଲ୍ପାୟ କ୍ଷୟାୟୋପକ୍ଷୟାୟ ଚ ।
ଭୀମଦୁନ୍ଦୁଭିହାସାୟ ଭୀମସେନପ୍ରିୟାୟ ଚ ॥ ୩୦.୧୯୯ ॥
ଉଗ୍ରାୟ ଚ ନମୋ ନିତ୍ୟଂ ନମସ୍ତେ ଦଶବାହଵେ ।
ନମଃ କପାଲହସ୍ତାୟ ଚିତାଭସ୍ମପ୍ରିୟାୟ ଚ ॥ ୩୦.୨୦୦ ॥
ଵିଭୀଷଣାୟ ଭୀଷ୍ମାୟ ଭୀଷ୍ମଵ୍ରତଧରାୟ ଚ ।
ନମୋ ଵିକୃତଵକ୍ଷାୟ ଖଡ୍ଗଜିହ୍ଵାଗ୍ରଦଂଷ୍ଟ୍ରିଣେ ॥ ୩୦.୨୦୧ ॥
ପକ୍ଵାମମାଂସଲୁବ୍ଧାୟ ତୁମ୍ବଵୀଣାପ୍ରିୟାୟ ଚ ।
ନମୋ ଵୃଷାୟ ଵୃଷ୍ୟାୟ ଵୃଷ୍ଣୟେ ଵୃଷଣାୟ ଚ ॥ ୩୦.୨୦୨ ॥
କଟଙ୍କଟାୟ ଚଣ୍ଡାୟ ନମଃ ସାଵୟଵାୟ ଚ ।
ନମସ୍ତେ ଵରକୃଷ୍ଣାୟ ଵରାୟ ଵରଦାୟ ଚ ॥ ୩୦.୨୦୩ ॥
ଵରଗନ୍ଧମାଲ୍ୟଵସ୍ତ୍ରାୟ ଵରାତିଵରୟେ ନମଃ ।
ନମୋ ଵର୍ଷାୟ ଵାତାୟ ଛାୟାୟୈ ଆତପାୟ ଚ ॥ ୩୦.୨୦୪ ॥
ନମୋ ରକ୍ତଵିରକ୍ତାୟ ଶୋଭନାୟାକ୍ଷମାଲିନେ ।
ସମ୍ଭିନ୍ନାୟ ଵିଭିନ୍ନାୟ ଵିଵିକ୍ତଵିକଟାୟ ଚ ॥ ୩୦.୨୦୫ ॥
ଅଘୋରରୂପରୂପାୟ ଘୋରଘୋରତରାୟ ଚ ।
ନମଃ ଶିଵାୟ ଶାନ୍ତାୟ ନମଃ ଶାନ୍ତତରାୟ ଚ ॥ ୩୦.୨୦୬ ॥
ଏକପାଦ୍ବହୁନେତ୍ରାୟ ଏକଶୀର୍ଷନ୍ନମୋଽସ୍ତୁ ତେ ।
ନମୋ ଵୃଦ୍ଧାୟ ଲୁବ୍ଧାୟ ସଂଵିଭାଗପ୍ରିୟାୟ ଚ ॥ ୩୦.୨୦୭ ॥
ପଞ୍ଚମାଲାର୍ଚିତାଙ୍ଗାୟ ନମଃ ପାଶୁପତାୟ ଚ ।
ନମଶ୍ଚଣ୍ଡାୟ ଘଣ୍ଟାୟ ଘଣ୍ଟୟା ଜଗ୍ଧରନ୍ଧ୍ରିଣେ ॥ ୩୦.୨୦୮ ॥
ସହସ୍ରଶତଘଣ୍ଟାୟ ଘଣ୍ଟାମାଲାପ୍ରିୟାୟ ଚ ।
ପ୍ରାଣଦଣ୍ଡାୟ ତ୍ୟାଗାୟ ନମୋ ହିଲିହିଲାୟ ଚ ॥ ୩୦.୨୦୯ ॥
ହୂଂହୂଙ୍କାରାୟ ପାରାୟ ହୂଂହୂଙ୍କାରପ୍ରିୟାୟ ଚ ।
ନମଶ୍ଚ ଶମ୍ଭଵେ ନିତ୍ୟଂ ଗିରି ଵୃକ୍ଷକଲାୟ ଚ ॥ ୩୦.୨୧୦ ॥
ଗର୍ଭମାଂସଶୃଗାଲାୟ ତାରକାୟ ତରାୟ ଚ ।
ନମୋ ୟଜ୍ଞାଧିପତୟେ ଦ୍ରୁତାୟୋପଦ୍ରୁତାୟ ଚ ॥ ୩୦.୨୧୧ ॥
ୟଜ୍ଞଵାହାୟ ଦାନାୟ ତପ୍ୟାୟ ତପନାୟ ଚ ।
ନମସ୍ତଟାୟ ଭଵ୍ୟାୟ ତଡିତାଂ ପତୟେ ନମଃ ॥ ୩୦.୨୧୨ ॥
ଅନ୍ନଦାୟାନ୍ନପତୟେ ନମୋଽସ୍ତ୍ଵନ୍ନଭଵାୟ ଚ ।
ନମଃ ସହସ୍ରଶୀର୍ଷ୍ଣେ ଚ ସହସ୍ରଚରଣାୟ ଚ ॥ ୩୦.୨୧୩ ॥
ସହସ୍ରୋଦ୍ୟତଶୂଲାୟ ସହସ୍ରନୟନାୟ ଚ ।
ନମୋଽସ୍ତୁ ବାଲରୂପାୟ ବାଲରୂପଧରାୟ ଚ ॥ ୩୦.୨୧୪ ॥
ବାଲାନାଞ୍ଚୈଵ ଗୋପ୍ତ୍ରେ ଚ ବାଲକ୍ରୀଡନକାୟ ଚ ।
ନମଃ ଶୁଦ୍ଧାୟ ବୁଦ୍ଧାୟ କ୍ଷୋଭଣାୟାକ୍ଷତାୟ ଚ ॥ ୩୦.୨୧୫ ॥
ତରଙ୍ଗାଙ୍କିତକେଶାୟ ମୁକ୍ତକେଶାୟ ଵୈ ନମଃ ।
ନମଃ ଷଟ୍କର୍ମନିଷ୍ଠାୟ ତ୍ରିକର୍ମନିରତାୟ ଚ ॥ ୩୦.୨୧୬ ॥
ଵର୍ଣାଶ୍ରମାଣାଂ ଵିଧିଵତ୍ ପୃଥକ୍କର୍ମପ୍ରଵର୍ତିନେ ।
ନମୋ ଘୋଷାୟ ଘୋଷ୍ୟାୟ ନମଃ କଲକଲାୟ ଚ ॥ ୩୦.୨୧୭ ॥
ଶ୍ଵେତପିଙ୍ଗଲନେତ୍ରାୟ କୃଷ୍ଣରକ୍ତକ୍ଷଣାୟ ଚ ।
ଧର୍ମାର୍ଥ କାମମୋକ୍ଷାୟ କ୍ରଥାୟ କଥନାୟ ଚ ॥ ୩୦.୨୧୮ ॥
ସାଙ୍ଖ୍ୟାୟ ସାଙ୍ଖ୍ୟମୁଖ୍ୟାୟ ୟୋଗାଧିପତୟେ ନମଃ ।
ନମୋ ରଥ୍ୟଵିରଥ୍ୟାୟ ଚତୁଷ୍ପଥରତାୟ ଚ ॥ ୩୦.୨୧୯ ॥
କୃଷ୍ଣା ଜିନୋତ୍ତରୀୟାୟ ଵ୍ୟାଲୟଜ୍ଞୋପଵୀତିନେ ।
ଈଶାନଵଜ୍ରସଂହାୟ ହରିକେଶ ନମୋଽସ୍ତୁ ତେ ।
ଅଵିଵେକୈକନାଥାୟ ଵ୍ୟକ୍ତାଵ୍ୟକ୍ତ ନମୋଽସ୍ତୁ ତେ ॥ ୩୦.୨୨୦ ॥
କାମ କାମଦ କାମଧ୍ନ ଧୃଷ୍ଟୋଦୃପ୍ତନିଷୂଦନ ।
ସର୍ଵ ସର୍ଵଦ ସର୍ଵଜ୍ଞ ସନ୍ଧ୍ୟାରାଗ ନମୋଽସ୍ତୁ ତେ ॥ ୩୦.୨୨୧ ॥
ମହାବାଲ ମହାବାହୋ ମହାସତ୍ତ୍ଵ ମହାଦ୍ୟୁତେ ।
ମହାମେଘଵରପ୍ରେକ୍ଷ ମହାକାଲ ନମୋଽସ୍ତୁ ତେ ॥ ୩୦.୨୨୨ ॥
ସ୍ଥୂଲଜୀର୍ଣାଙ୍ଗଜଟିନେ ଵଲ୍କଲାଜିନଧାରିଣେ ।
ଦୀପ୍ତସୂର୍ୟାଗ୍ନିଜଟିନେ ଵଲ୍କଲାଜିନଵାସସେ ।
ସହସ୍ରସୂର୍ୟପ୍ରତିମ ତପୋନିତ୍ୟ ନମୋଽସ୍ତୁ ତେ ॥ ୩୦.୨୨୩ ॥
ଉନ୍ମାଦନଶତାଵର୍ତ୍ତ ଗଙ୍ଗାତୋୟାର୍ଦ୍ଧମୂର୍ଦ୍ଧଜ ।
ଚନ୍ଦ୍ରାଵର୍ତ୍ତ ୟୁଗାଵର୍ତ୍ତ ମେଘାଵର୍ତ୍ତ ନମୋଽସ୍ତୁ ତେ ॥ ୩୦.୨୨୪ ॥
ତ୍ଵମନ୍ନମନ୍ନକର୍ତ୍ତା ଚ ଅନ୍ନଦଶ୍ଚ ତ୍ଵମେଵ ହି ।
ଅନ୍ନସ୍ରଷ୍ଟା ଚ ପକ୍ତା ଚ ପକ୍ଵଭୁକ୍ତପଚେ ନମଃ ॥ ୩୦.୨୨୫ ॥
ଜରାୟୁଜୋଽଣ୍ଡଜଶ୍ଚୈଵ ସ୍ଵେଦଜୋଦ୍ଭିଜ୍ଜ ଏଵ ଚ ।
ତ୍ଵମେଵ ଦେଵଦେଵଶୋ ଭୂତଗ୍ରାମଶ୍ଚତୁର୍ଵିଧଃ ॥ ୩୦.୨୨୬ ।
ଚରାଚରସ୍ୟ ବ୍ରହ୍ମା ତ୍ଵଂ ପ୍ରତିହର୍ତ୍ତା ତ୍ଵମେଵ ଚ ।
ତ୍ଵମେଵ ବ୍ରହ୍ମଵିଦୁଷାମପି ବ୍ରହ୍ମଵିଦାଂ ଵରଃ ॥ ୩୦.୨୨୭ ॥
ସତ୍ତ୍ଵସ୍ୟ ପରମା ୟୋନିରବ୍ଵାୟୁଜ୍ୟୋତିଷାଂ ନିଧିଃ ।
ଋକ୍ସାମାନି ତଥୋଙ୍କାରମାହୁସ୍ତ୍ଵାଂ ବ୍ରହ୍ମଵାଦିନଃ ॥ ୩୦.୨୨୮ ॥
ହଵିର୍ହାଵୀ ହଵୋ ହାଵୀ ହୁଵାଂ ଵାଚାହୁତିଃ ସଦା ।
ଗାୟନ୍ତି ତ୍ଵାଂ ସୁରଶ୍ରେଷ୍ଠ ସାମଗା ବ୍ରହ୍ମଵାଦିନଃ ॥ ୩୦.୨୨୯ ॥
ୟଜୁର୍ମୟୋ ଋଙ୍ମୟଶ୍ଚ ସାମାଥର୍ଵମୟସ୍ତଥା ।
ପଠ୍ୟସେ ବ୍ରହ୍ମଵିଦ୍ଭିସ୍ତ୍ଵଂ କଲ୍ପୋପନିଷଦାଂ ଗଣୈଃ ॥ ୩୦.୨୩୦ ॥
ବ୍ରାହ୍ମଣାଃ କ୍ଷତ୍ରିୟା ଵୈଶ୍ୟାଃ ଶୂଦ୍ରା ଵର୍ଣାଵରାଶ୍ଚ ୟେ ।
ତ୍ଵାମେଵ ମେଘସଙ୍ଘାଶ୍ଚ ଵିଶ୍ଵସ୍ତ ନିତଗର୍ଜ୍ଜିତମ୍ ॥ ୩୦.୨୩୧ ॥
ସଂଵତ୍ସରସ୍ତ୍ଵମୃତଵୋ ମାସା ମାସାର୍ଦ୍ଧମେଵ ଚ ।
କଲା କାଷ୍ଠା ନିମେଷାଶ୍ଚ ନକ୍ଷତ୍ରାଣି ୟୁଗା ଗ୍ରହାଃ ॥ ୩୦.୨୩୨ ॥
ଵୃଷାଣାଂ କକୁଦଂ ତ୍ଵଂ ହି ଗିରୀଣାଂ ଶିଖରାଣି ଚ ।
ସିଂହୋ ମୃଗାଣାଂ ପତତାଂ ତାର୍କ୍ଷ୍ୟୋଽନନ୍ତଶ୍ଚ ଭୋଗିନାମ୍ ॥ ୩୦.୨୩୩ ॥
କ୍ଷୀରୋଦୋ ହ୍ୟୁଦଧୀନାଞ୍ଚ ୟନ୍ତ୍ରାଣାଂ ଧନୁରେଵ ଚ ।
ଵଜ୍ରମ୍ପ୍ରହରଣାନାଞ୍ଚ ଵ୍ରତାନାଂ ସତ୍ୟମେଵ ଚ ॥ ୩୦.୨୩୪ ॥
ଇଚ୍ଛା ଦ୍ଵେଷଶ୍ଚ ରାଗଶ୍ଚ ମୋହଃ କ୍ଷାମୋ ଦମଃ ଶମଃ ।
ଵ୍ୟଵସାୟୋ ଧୃତିର୍ଲୋଭଃ କାମକ୍ରୋଧୌ ଜୟାଜୟୌ ॥ ୩୦.୨୩୫ ॥
ତ୍ଵଂ ଗଦୀ ତ୍ଵଂ ଶରୀ ଚାପି ଖଟ୍ଵାଙ୍ଗୀ ଝର୍ଝରୀ ତଥା ।
ଛେତ୍ତା ଭେତ୍ତା ପ୍ରହର୍ତ୍ତା ଚ ତ୍ଵଂ ନେତାପ୍ୟନ୍ତକୋ ମତଃ ॥ ୩୦.୨୩୬ ॥
ଦଶଲକ୍ଷଣସଂୟୁକ୍ତୋ ଧର୍ମୋଽର୍ଥଃ କାମ ଏଵ ଚ ।
ଇନ୍ଦ୍ରଃ ସମୁଦ୍ରାଃ ସରିତଃ ପଲ୍ଵଲାନି ସରାଂସି ଚ ॥ ୩୦.୨୩୭ ॥
ଲତାଵଲ୍ଲୀ ତୃଣୌଷଧ୍ୟଃ ପଶଵୋ ମୃଗପକ୍ଷିଣଃ ।
ଦ୍ରଵ୍ୟକର୍ମଗୁଣାରମ୍ଭଃ କାଲପୁଷ୍ପଫଲପ୍ରଦଃ ॥ ୩୦.୨୩୮ ॥
ଆଦିଶ୍ଚାନ୍ତଶ୍ଚ ମଧ୍ୟଶ୍ଚ ଗାୟତ୍ର୍ୟୋଙ୍କାର ଏଵ ଚ ।
ହରିତୋ ଲୋହିତଃ କୃଷ୍ଣୋ ନୀଲଃ ପୀତସ୍ତଥାରୁଣଃ ॥ ୩୦.୨୩୯ ॥
କଦ୍ରୁଶ୍ଚ କପିଲଶ୍ଚୈଵ କପୋତୋ ମେଚକସ୍ତଥା ।
ସୁଵର୍ଣରେତା ଵିଖ୍ୟାତଃ ସୁଵର୍ଣଶ୍ଚାପ୍ୟତୋ ମତଃ ॥ ୩୦.୨୪୦ ॥
ସୁଵର୍ଣନାମା ଚ ତଥା ସୁଵର୍ଣପ୍ରିୟ ଏଵ ଚ ।
ତ୍ଵମିନ୍ଦ୍ରୋଽଥ ୟମଶ୍ଚୈଵ ଵରୁଣୋ ଧନଦୋଽନଲଃ ॥ ୩୦.୨୪୧ ॥
ଉତ୍ଫୁଲ୍ଲଶ୍ଚିତ୍ରଭାନୁଶ୍ଚ ସ୍ଵର୍ଭାନୁର୍ଭାନୁରେଵ ଚ ।
ହୋତ୍ରଂ ହୋତା ଚ ହୋମସ୍ତ୍ଵଂ ହୁତଞ୍ଚ ପ୍ରହୁତଂ ପ୍ରଭୁଃ ॥ ୩୦.୨୪୨ ॥
ସୁପର୍ଣଞ୍ଚ ତଥା ବ୍ରହ୍ମ ୟଜୁଷାଂ ଶତରୁଦ୍ରିୟମ୍ ।
ପଵିତ୍ରାଣାଂ ପଵିତ୍ରଂ ଚ ମଙ୍ଗଲାନାଞ୍ଚ ମଙ୍ଗଲମ୍ ॥ ୩୦.୨୪୩ ॥
ଗିରିଃ ସ୍ତୋକସ୍ତଥା ଵୃକ୍ଷୋ ଜୀଵଃ ପୁଦ୍ଗଲ ଏଵ ଚ ।
ସତ୍ତ୍ଵଂ ତ୍ଵଞ୍ଚ ରଜସ୍ତ୍ଵଞ୍ଚ ତମଶ୍ଚ ପ୍ରଜନଂ ତଥା ॥ ୩୦.୨୪୪ ॥
ପ୍ରାଣୋଽପାନଃ ସମାନଶ୍ଚ ଉଦାନୋ ଵ୍ୟାନ ଏଵ ଚ ।
ଉନ୍ମେଷଶ୍ଚୈଵ ମେଷଶ୍ଚ ତଥା ଜୃମ୍ଭିତମେଵ ଚ ॥ ୩୦.୨୪୫ ॥
ଲୋହିତାଙ୍ଗୋ ଗଦୀ ଦଂଷ୍ଟ୍ରୀ ମହାଵକ୍ତ୍ରୋ ମହୋଦରଃ ।
ଶୁଚିରୋମା ହରିଚ୍ଛ୍ମଶ୍ରୁରୂର୍ଦ୍ଧ୍ଵକେଶସ୍ତ୍ରିଲୋଚନଃ ॥ ୩୦.୨୪୬ ॥
ଗୀତଵାଦିତ୍ରନୃତ୍ୟାଙ୍ଗୋ ଗୀତଵାଦନକପ୍ରିୟଃ ।
ମତ୍ସ୍ୟୋ ଜଲୀ ଜଲୋ ଜଲ୍ୟୋ ଜଵଃ କାଲଃ କଲୀ କଲଃ ॥ ୩୦.୨୪୭ ॥
ଵିକାଲଶ୍ଚ ସୁକାଲଶ୍ଚ ଦୁଷ୍କାଲଃ କଲନାଶନଃ ।
ମୃତ୍ୟୁଶ୍ଚୈଵ କ୍ଷୟୋଽନ୍ତଶ୍ଚ କ୍ଷମାପାୟକରୋ ହରଃ ॥ ୩୦.୨୪୮ ॥
ସଂଵର୍ତ୍ତକୋଽନ୍ତକଶ୍ଚୈଵ ସଂଵର୍ତ୍ତକବଲାହକୌ ।
ଘଟୋ ଘଟୀକୋ ଘଣ୍ଟୀକୋ ଚୂଡାଲୋଲବଲୋ ବଲମ୍ ॥ ୩୦.୨୪୯ ॥
ବ୍ରହ୍ମକାଲୋଽଗ୍ନିଵକ୍ତ୍ରଶ୍ଚ ଦଣ୍ଡୀ ମୁଣ୍ଡୀ ଚ ଦଣ୍ଡଧୃକ୍ ।
ଚତୁର୍ୟୁଗଶ୍ଚତୁର୍ଵେଦଶ୍ଚତୁର୍ହୋତ୍ରଶ୍ଚତୁଷ୍ପଥଃ ॥ ୩୦.୨୫୦ ॥
ଚତୁରା ଶ୍ରମଵେତ୍ତା ଚ ଚାତୁର୍ଵର୍ଣ୍ୟକରଶ୍ଚ ହ ।
କ୍ଷରାକ୍ଷରପ୍ରିୟୋ ଧୂର୍ତ୍ତୋଽଗଣ୍ୟୋଽଗଣ୍ୟଗଣାଧିପଃ ॥ ୩୦.୨୫୧ ॥
ରୁଦ୍ରାକ୍ଷମାଲ୍ୟାମ୍ବରଧରୋ ଗିରିକୋ ଗିରିକପ୍ରିୟଃ ।
ଶିଲ୍ପୀଶଃ ଶିଲ୍ପିନାଂ ଶ୍ରେଷ୍ଠଃ ସର୍ଵଶିଲ୍ପପ୍ରଵର୍ତ୍ତକଃ ॥ ୩୦.୨୫୨ ॥
ଭଗନେତ୍ରାନ୍ତକଶ୍ଚନ୍ଦ୍ରଃ ପୂଷ୍ଣୋ ଦନ୍ତଵିନାଶନଃ ।
ଗୂଢାଵର୍ତ୍ତଶ୍ଚ ଗୂଢଶ୍ଚ ଗୂଢପ୍ରତିନିଷେଵିତା ॥ ୩୦.୨୫୩ ॥
ତରଣସ୍ତାରକଶ୍ଚୈଵ ସର୍ଵଭୂତସୁତାରଣଃ ।
ଧାତା ଵିଧାତା ସତ୍ଵାନାଂ ନିଧାତା ଧାରଣୋ ଧରଃ ॥ ୩୦.୨୫୪ ॥
ତପୋ ବ୍ରହ୍ମ ଚ ସତ୍ୟଞ୍ଚ ବ୍ରହ୍ମଚର୍ୟମଥାର୍ଜଵମ୍ ।
ଭୂତାତ୍ମା ଭୂତକୃଦ୍ଭୂତୋ ଭୂତଭଵ୍ୟଭଵୋଦ୍ଭଵଃ ॥ ୩୦.୨୫୫ ॥
ଭୂର୍ଭୁଵଃସ୍ଵରିତଶ୍ଚୈଵ ତଥୋତ୍ପତ୍ତିର୍ମହେଶ୍ଵରଃ ।
ଈଶାନୋ ଵୀକ୍ଷଣଃ ଶାନ୍ତୋ ଦୁର୍ଦାନ୍ତୋ ଦନ୍ତନାଶନଃ ॥ ୩୦.୨୫୬ ॥
ବ୍ରହ୍ମାଵର୍ତ୍ତ ସୁରାଵର୍ତ୍ତ କାମାଵର୍ତ୍ତ ନମୋଽସ୍ତୁ ତେ ।
କାମବିମ୍ବନିହର୍ତ୍ତା ଚ କର୍ଣିକାରରଜଃପ୍ରିୟଃ ॥ ୩୦.୨୫୭ ॥
ମୁଖଚନ୍ଦ୍ରୋ ଭୀମମୁଖଃ ସୁମୁଖୋ ଦୁର୍ମୁଖୋ ମୁଖଃ ।
ଚତୁର୍ମୁଖୋ ବହୁମୁଖୋ ରଣେ ହ୍ୟଭିମୁଖଃ ସଦା ॥ ୩୦.୨୫୮ ॥
ହିରଣ୍ୟଗର୍ଭଃ ଶକୁନିର୍ମହୋଦଧିଃ ପରୋ ଵିରାଟ୍ ।
ଅଧର୍ମହା ମହାଦଣ୍ଡୋ ଦଣ୍ଡଧାରୀ ରଣପ୍ରିୟଃ ॥ ୩୦.୨୫୯ ॥
ଗୋତମୋ ଗୋପ୍ରତାରଶ୍ଚ ଗୋଵୃଷେଶ୍ଵରଵାହନଃ ।
ଧର୍ମକୃଦ୍ଧର୍ମସ୍ରଷ୍ଟା ଚ ଧର୍ମୋ ଧର୍ମଵିଦୁତ୍ତମଃ ॥ ୩୦.୨୬୦ ॥
ତ୍ରୈଲୋକ୍ୟଗୋପ୍ତା ଗୋଵିନ୍ଦୋ ମାନଦୋ ମାନ ଏଵ ଚ ।
ତିଷ୍ଠନ୍ ସ୍ଥିରଶ୍ଚ ସ୍ଥାଣୁଶ୍ଚ ନିଷ୍କମ୍ପଃ କମ୍ପ ଏଵ ଚ ॥ ୩୦.୨୬୧ ॥
ଦୁର୍ଵାରଣୋ ଦୁର୍ଵିଷଦୋ ଦୁଃସହୋ ଦୁରତିକ୍ରମଃ ।
ଦୁର୍ଦ୍ଧରୋ ଦୁଷ୍ପ୍ରକମ୍ପଶ୍ଚ ଦୁର୍ଵିଦୋ ଦୁର୍ଜ୍ଜୟୋ ଜୟଃ ॥ ୩୦.୨୬୨ ॥
ଶଶଃ ଶଶାଙ୍କଃ ଶମନଃ ଶୀତୋଷ୍ଣଂ ଦୁର୍ଜରାଽଥ ତୃଟ୍ ।
ଆଧୟୋ ଵ୍ୟାଧୟଶ୍ଚୈଵ ଵ୍ୟାଧିହା ଵ୍ୟାଧିଗଶ୍ଚ ହ ॥ ୩୦.୨୬୩ ॥
ସହ୍ୟୋ ୟଜ୍ଞୋ ମୃଗା ଵ୍ୟାଧା ଵ୍ୟାଧୀନାମାକରୋଽକରଃ ।
ଶିଖଣ୍ଡୀ ପୁଣ୍ଡରୀକାକ୍ଷଃ ପୁଣ୍ଡରୀକାଵଲୋକନଃ ॥ ୩୦.୨୬୪ ॥
ଦଣ୍ଡଧରଃ ସଦଣ୍ଡଶ୍ଚ ଦଣ୍ଡମୁଣ୍ଡଵିଭୂଷିତଃ ।
ଵିଷପୋଽମୃତପଶ୍ଚୈଵ ସୁରାପଃ କ୍ଷୀରସୋମପଃ ॥ ୩୦.୨୬୫ ॥
ମଧୁପଶ୍ଚାଜ୍ୟପଶ୍ଚୈଵ ସର୍ଵପଶ୍ଚ ମହାବଲଃ ।
ଵୃଷାଶ୍ଵଵାହ୍ୟୋ ଵୃଷଭସ୍ତଥା ଵୃଷଭଲୋଚନଃ ॥ ୩୦.୨୬୬ ॥
ଵୃଷଭଶ୍ଚୈଵ ଵିଖ୍ୟାତୋ ଲୋକାନାଂ ଲୋକସତ୍କୃତଃ ।
ଚନ୍ଦ୍ରାଦିତ୍ୟୌ ଚକ୍ଷୁଷୀ ତେ ହୃଦୟଞ୍ଚ ପିତାମହଃ ।
ଅଗ୍ନିରାପସ୍ତଥା ଦେଵୋ ଧର୍ମକର୍ମପ୍ରସାଧିତଃ ॥ ୩୦.୨୬୭ ॥
ନ ବ୍ରହ୍ମା ନ ଚ ଗୋଵିନ୍ଦଃ ପୁରାଣଋଷୟୋ ନ ଚ ।
ମାହାତ୍ମ୍ୟଂ ଵେଦିତୁଂ ଶକ୍ତା ୟାଥାତଥ୍ୟେନ ତେ ଶିଵ ॥ ୩୦.୨୬୮ ॥
ୟା ମୂର୍ତ୍ତୟଃ ସୁସୂକ୍ଷ୍ମାସ୍ତେ ନ ମହ୍ୟଂ ୟାନ୍ତି ଦର୍ଶନମ୍ ।
ତାଭିର୍ମାଂ ସତତଂ ରକ୍ଷ ପିତା ପୁତ୍ରମିଵୌରସମ୍ ॥ ୩୦.୨୬୯ ॥
ରକ୍ଷ ମାଂ ରକ୍ଷଣୀୟୋଽହଂ ତଵାନଘ ନମୋଽସ୍ତୁ ତେ ॥
ଭକ୍ତାନୁକମ୍ପୀ ଭଗଵାନ୍ ଭକ୍ତଶ୍ଚାହଂ ସଦା ତ୍ଵୟି ॥ ୩୦.୨୭୦ ॥
ୟଃ ସହସ୍ରାଣ୍ୟନେକାନି ପୁଂସାମାହୃତ୍ୟ ଦୁର୍ଦ୍ଦଶଃ ।
ତିଷ୍ଠତ୍ୟେକଃ ସମୁଦ୍ରାନ୍ତେ ସ ମେ ଗୋପ୍ତାସ୍ତୁ ନିତ୍ୟଶଃ ॥ ୩୦.୨୭୧ ॥
ୟଂ ଵିନିଦ୍ରା ଜିତଶ୍ଵାସାଃ ସତ୍ତ୍ଵସ୍ଥାଃ ସମଦର୍ଶିନଃ ।
ଜ୍ୟୋତିଃ ପଶ୍ୟନ୍ତି ୟୁଞ୍ଜାନାସ୍ତସ୍ମୈ ୟୋଗାତ୍ମନେ ନମଃ ॥ ୩୦.୨୭୨ ॥
ସମ୍ଭକ୍ଷ୍ୟ ସର୍ଵ ଭୂତାନି ୟୁଗାନ୍ତେ ସମୁପସ୍ଥିତେ ।
ୟଃ ଶେତେ ଜଲମଧ୍ୟସ୍ଥସ୍ତଂ ପ୍ରପଦ୍ୟେଽପ୍ସୁଶାୟିନମ୍ ॥ ୩୦.୨୭୩ ॥
ପ୍ରଵିଶ୍ୟ ଵଦନେ ରାହୋର୍ୟଃ ସୋମଂ ଗ୍ରସତେ ନିଶି ।
ଗ୍ରସତ୍ୟର୍କଞ୍ଚ ସ୍ଵର୍ଭାନୁର୍ଭୂତ୍ଵା ସୋମାଗ୍ନିରେଵ ଚ ॥ ୩୦.୨୭୪ ॥
ୟେଽଙ୍ଗୁଷ୍ଠମାତ୍ରାଃ ପୁରୁଷା ଦେହସ୍ଥାଃ ସର୍ଵଦେହିନାମ୍ ।
ରକ୍ଷନ୍ତୁ ତେ ହି ମାଂ ନିତ୍ୟଂ ନିତ୍ୟମାପ୍ୟାୟୟନ୍ତୁ ମାମ୍ ॥ ୩୦.୨୭୫ ॥
ୟେ ଚାପ୍ୟୁତ୍ପତିତା ଗର୍ଭାଦଧୋଭାଗଗତାଶ୍ଚ ୟେ ।
ତେଷାଂ ସ୍ଵାହାଃ ସ୍ଵଧାଶ୍ଚୈଵ ଆପ୍ନୁଵନ୍ତୁ ସ୍ଵଦନ୍ତୁ ଚ ॥ ୩୦.୨୭୬ ॥
ୟେ ନ ରୋଦନ୍ତି ଦେହସ୍ଥାଃ ପ୍ରାଣିନୋ ରୋଦୟନ୍ତି ଚ ।
ହର୍ଷୟନ୍ତି ଚ ହୃଷ୍ୟନ୍ତି ନମସ୍ତେଭ୍ୟୋଽସ୍ତୁ ନିତ୍ୟଶଃ ॥ ୩୦.୨୭୭ ॥
ୟେ ସମୁଦ୍ରେ ନଦୀଦୁର୍ଗେ ପର୍ଵତେଷୁ ଗୁହାସୁ ଚ ।
ଵୃକ୍ଷମୂଲେଷୁ ଗୋଷ୍ଠେଷୁ କାନ୍ତାରଗହନେଷୁ ନ ॥ ୩୦.୨୭୮ ॥
ଚତୁଷ୍ପଥେଷୁ ରଥ୍ୟାସୁ ଚତ୍ଵରେଷୁ ସଭାସୁ ଚ ।
ଚନ୍ଦ୍ରାର୍କୟୋର୍ମଧ୍ୟଗତା ୟେ ଚ ଚନ୍ଦ୍ରାର୍କରଶ୍ମିଷୁ ॥ ୩୦.୨୭୯ ॥
ରସାତଲଗତା ୟେ ଚ ୟେ ଚ ତସ୍ମାତ୍ପରଙ୍ଗତାଃ ।
ନମସ୍ତେଭ୍ୟୋ ନମସ୍ତେଭ୍ୟୋ ନମସ୍ତେଭ୍ୟଶ୍ଚ ନିତ୍ୟଶଃ ।
ସୂକ୍ଷ୍ମାଃ ସ୍ଥୂଲାଃ କୃଶା ହ୍ରସ୍ଵା ନମସ୍ତେଭ୍ୟସ୍ତୁ ନିତ୍ୟଶଃ ॥ ୩୦.୨୮୦ ॥
ସର୍ଵସ୍ତ୍ଵଂ ସର୍ଵଗୋ ଦେଵ ସର୍ଵଭୂତପତିର୍ଭଵାନ୍ ।
ସର୍ଵଭୂତାନ୍ତରାତ୍ମା ଚ ତେନ ତ୍ଵଂ ନ ନିମନ୍ତ୍ରିତଃ ॥ ୩୦.୨୮୧ ॥
ତ୍ଵମେଵ ଚେଜ୍ୟସେ ୟସ୍ମାଦ୍ୟଜ୍ଞୈର୍ଵିଵିଧଦକ୍ଷିଣୈଃ ।
ତ୍ଵମେଵ କର୍ତ୍ତା ସର୍ଵସ୍ୟ ତେନ ତ୍ଵଂ ନ ନିମନ୍ତ୍ରିତଃ ॥ ୩୦.୨୮୨ ॥
ଅଥ ଵା ମାୟୟା ଦେଵ ମୋହିତଃ ସୂକ୍ଷ୍ମୟା ତ୍ଵୟା ।
ଏତସ୍ମାତ୍ କାରଣାଦ୍ଵାପି ତେନ ତ୍ଵଂ ନ ନିମନ୍ତ୍ରିତଃ ॥ ୩୦.୨୮୩ ॥
ପ୍ରସୀଦ ମମ ଦେଵେଶ ତ୍ଵମେଵ ଶରଣଂ ମମ ।
ତ୍ଵଂ ଗତିସ୍ତ୍ଵଂ ପ୍ରତିଷ୍ଠା ଚ ନ ଚାନ୍ୟାସ୍ତି ନ ମେ ଗତିଃ ॥ ୩୦.୨୮୪ ॥
ସ୍ତୁତ୍ଵୈଵଂ ସ ମହାଦେଵଂ ଵିରରାମ ପ୍ରଜାପତିଃ ।
ଭଗଵାନପି ସୁପ୍ରୀତଃ ପୁନର୍ଦକ୍ଷମଭାଷତ ॥ ୩୦.୨୮୫ ॥
ପରିତୁଷ୍ଟୋଽସ୍ମି ତେ ଦକ୍ଷ ସ୍ତଵେନାନେନ ସୁଵ୍ରତ ।
ବହୁନାତ୍ର କିମୁକ୍ତେନ ମତ୍ସମୀପଂ ଗମିଷ୍ୟସି ॥ ୩୦.୨୮୬ ॥
ଅଥୈନମବ୍ରଵୀଦ୍ଵାକ୍ୟଂ ତ୍ରୈଲୋକ୍ୟାଧିପତିର୍ଭଵଃ ।
କୃତ୍ଵାଶ୍ଵାସକରଂ ଵାକ୍ୟଂ ଵାକ୍ୟଜ୍ଞୋ ଵାକ୍ୟମାହତମ୍ ॥ ୩୦.୨୮୭ ॥
ଦକ୍ଷ ଦକ୍ଷ ନ କର୍ତ୍ତଵ୍ୟୋ ମନ୍ୟୁର୍ଵିଘ୍ନମିମଂ ପ୍ରତି ।
ଅହଂ ୟଜ୍ଞହା ନ ତ୍ଵନ୍ୟୋ ଦୃଶ୍ୟତେ ତତ୍ପୁରା ତ୍ଵୟା ॥ ୩୦.୨୮୮ ॥
ଭୂୟଶ୍ଚ ତଂ ଵରମିମଂ ମତ୍ତୋ ଗୃହ୍ଣୀଷ୍ଵ ସୁଵ୍ରତ ।
ପ୍ରସନ୍ନଵଦନୋ ଭୂତ୍ଵା ତ୍ଵମେକାଗ୍ରମନାଃ ଶୃଣୁ ॥ ୩୦.୨୮୯ ॥
ଅଶ୍ଵମେଧସହସ୍ରସ୍ୟ ଵାଜପେୟଶତସ୍ୟ ଚ ।
ପ୍ରଜାପତେ ମତ୍ପ୍ରସାଦାତ୍ ଫଲଭାଗୀ ଭଵିଷ୍ୟସି ॥ ୩୦.୨୯୦ ॥
ଵେଦାନ୍ ଷଡଙ୍ଗାନୁଦ୍ଧୃତ୍ୟ ସାଙ୍ଖ୍ୟାନ୍ୟୋଗାଂଶ୍ଚ କୃତ୍ସ୍ନଶଃ ।
ତପଶ୍ଚ ଵିପୁଲଂ ତପ୍ତ୍ଵା ଦୁଶ୍ଚରଂ ଦେଵଦାନଵୈଃ ॥ ୩୦.୨୯୧ ॥
ଅର୍ଥୈର୍ଦ୍ଦଶାର୍ଦ୍ଧସଂୟୁକ୍ତୈର୍ଗୂଢମପ୍ରାଜ୍ଞନିର୍ମ୍ମିତମ୍ ।
ଵର୍ଣାଶ୍ରମକୃତୈର୍ଧର୍ମୈଂର୍ଵିପରୀତଂ କ୍ଵଚିତ୍ସମମ୍ ॥ ୩୦.୨୯୨ ॥
ଶ୍ରୁତ୍ୟର୍ଥୈରଧ୍ୟଵସିତଂ ପଶୁପାଶଵିମୋକ୍ଷଣମ୍ ।
ସର୍ଵେଷାମାଶ୍ରମାଣାନ୍ତୁ ମୟା ପାଶୁପତଂ ଵ୍ରତମ୍ ।
ଉତ୍ପାଦିତଂ ଶୁଭଂ ଦକ୍ଷ ସର୍ଵପାପଵିମୋକ୍ଷଣମ୍ ॥ ୩୦.୨୯୩ ॥
ଅସ୍ୟ ଚୀର୍ଣସ୍ୟ ୟତ୍ସମ୍ୟକ୍ ଫଲଂ ଭଵତି ପୁଷ୍କଲମ୍ ।
ତଦସ୍ତୁ ତେ ମହାଭାଗ ମାନସସ୍ତ୍ୟଜ୍ୟତାଂ ଜ୍ଵରଃ ॥ ୩୦.୨୯୪ ॥
ଏଵମୁକ୍ତ୍ଵା ମହାଦେଵଃ ସପତ୍ନୀକଃ ସହାନୁଗଃ ।
ଅଦର୍ଶନମନୁପ୍ରାପ୍ତୋ ଦକ୍ଷସ୍ୟାମିତଵିକ୍ରମଃ ॥ ୩୦.୨୯୫ ॥
ଅଵାପ୍ୟ ଚ ତଦା ଭାଗଂ ୟଥୋକ୍ତଂ ବ୍ରହ୍ମଣା ଭଵଃ ।
ଜ୍ଵରଞ୍ଚ ସର୍ଵଧର୍ମଜ୍ଞୋ ବହୁଧା ଵ୍ୟଭଜତ୍ତଦା ।
ଶାନ୍ତ୍ୟର୍ଥଂ ସର୍ଵଭୂତାନାଂ ଶୃଣୁଧ୍ଵଂ ତତ୍ର ଵୈ ଦ୍ଵିଜାଃ ॥ ୩୦.୨୯୬ ॥
ଶୀର୍ଷାଭିତାପୋ ନାଗାନାଂ ପର୍ଵତାନାଂ ଶିଲାରୁଜଃ ।
ଅପାନ୍ତୁ ନାଲିକାଂ ଵିଦ୍ୟାନ୍ନିର୍ମୋକମ୍ଭୁଜଗେଷ୍ଵପି ॥ ୩୦.୨୯୭ ॥
ସ୍ଵୌରକଃ ସୌରଭେୟାଣାମୂଷରଃ ପୃଥିଵୀତଲେ ।
ଇଭା ନାମପି ଧର୍ମଜ୍ଞ ଦୃଷ୍ଟିପ୍ରତ୍ୟଵରୋଧନମ୍ ॥ ୩୦.୨୯୮ ॥
ରନ୍ଧ୍ରୋଦ୍ଭୂତଂ ତଥାଶ୍ଵାନାଂ ଶିଖୋଦ୍ଭେଦଶ୍ଚ ବର୍ହିଣାମ୍ ।
ନେତ୍ରରୋଗଃ କୋକିଲାନାଂ ଜ୍ଵରଃ ପ୍ରୋକ୍ତୋ ମହାତ୍ମଭିଃ ॥ ୩୦.୨୯୯ ॥
ଅଜାନାଂ ପିତ୍ତଭେଦଶ୍ଚ ସର୍ଵେଷାମିତି ନଃ ଶ୍ରୁତମ୍ ।
ଶୁକାନାମପି ସର୍ଵେଷାଂ ହିମିକା ପ୍ରୋଚ୍ୟତେ ଜ୍ଵରଃ ।
ଶାର୍ଦୂଲେଷ୍ଵପି ଵୈ ଵିପ୍ରାଃ ଶ୍ରମୋ ଜ୍ଵର ଇହୋଚ୍ୟତେ ॥ ୩୦.୩୦୦ ॥
ମାନୁଷେଷୁ ତୁ ସର୍ଵଜ୍ଞ ଜ୍ଵରୋ ନାମୈଷ କୀର୍ତିତଃ ।
ମରଣେ ଜନ୍ମନି ତଥା ମଧ୍ୟେ ଚ ଵିଶତେ ସଦା ॥ ୩୦.୩୦୧ ॥
ଏତନ୍ମାହେଶ୍ଵରଂ ତେଜୋ ଜ୍ଵରୋ ନାମ ସୁଦାରୁଣଃ ।
ନମସ୍ୟଶ୍ଚୈଵ ମାନ୍ୟଶ୍ଚ ସର୍ଵପ୍ରାଣିଭିରୀଶ୍ଵରଃ ॥ ୩୦.୩୦୨ ॥
ଇମାଂ ଜ୍ଵରୋତ୍ପତ୍ତିମଦୀନମାନସଃ ପଠେତ୍ସଦା ୟଃ ସୁସମାହିତୋ ନରଃ ।
ଵିମୁକ୍ତରୋଗଃ ସ ନରୋ ମୁଦା ୟୁତୋ ଲଭେତ କାମାନ୍ ସ ୟଥାମନୀଷିତାନ୍ ॥ ୩୦.୩୦୩ ॥
ଦକ୍ଷପ୍ରୋକ୍ତଂ ସ୍ତଵଞ୍ଚାପି କୀର୍ତ୍ତୟେଦ୍ୟଃ ଶୃଣୋତି ଵା ।
ନାଶୁଭଂ ପ୍ରାପ୍ନୁୟାତ୍ କିଞ୍ଚିଦ୍ଦୀର୍ଘଞ୍ଚାୟୁରଵାପ୍ନୁୟାତ୍ ॥ ୩୦.୩୦୪ ॥
ୟଥା ସର୍ଵେଷୁ ଦେଵେଷୁ ଵରିଷ୍ଠୋ ୟୋଗଵାନ୍ ହରଃ ।
ତଥା ସ୍ତଵୋ ଵରିଷ୍ଠୋଽୟଂ ସ୍ତଵାନାଂ ବ୍ରହ୍ମନିର୍ମିତଃ ॥ ୩୦.୩୦୫ ॥
ୟଶୋରାଜ୍ୟସୁଖୈଶ୍ଵର୍ୟଵିତ୍ତାୟୁର୍ଧନକାଙ୍କ୍ଷିଭିଃ ।
ସ୍ତୋତଵ୍ୟୋ ଭକ୍ତିମାସ୍ଥାୟ ଵିଦ୍ୟାକାମୈଶ୍ଚ ୟତ୍ନତଃ ॥ ୩୦.୩୦୬ ॥
ଵ୍ୟାଧିତୋ ଦୁଃଖିତୋ ଦୀନଶ୍ଚୌରତ୍ରସ୍ତୋ ଭୟାର୍ଦିତଃ ।
ରାଜକାର୍ୟନିୟୁକ୍ତୋ ଵା ମୁଚ୍ୟତେ ମହତୋ ଭୟାତ୍ ॥ ୩୦.୩୦୭ ॥
ଅନେନ ଚୈଵ ଦେହେନ ଗଣାନାଂ ସ ଗଣାଧିପଃ ।
ଇହ ଲୋକେ ସୁଖଂ ପ୍ରାପ୍ୟ ଗଣ ଏଵୋପପଦ୍ୟତେ ॥ ୩୦.୩୦୮ ॥
ନ ଚ ୟକ୍ଷାଃ ପିଶାଚା ଵା ନ ନାଗା ନ ଵିନାୟକାଃ ।
କୁର୍ୟୁର୍ଵିଘ୍ନଂ ଗୃହେ ତସ୍ୟ ୟତ୍ର ସଂସ୍ତୂୟତେ ଭଵଃ ॥ ୩୦.୩୦୯ ॥
ଶୃଣୁୟାଦ୍ଵା ଇଦଂ ନାରୀ ସୁଭକ୍ତ୍ୟା ବ୍ରହ୍ମଚାରିଣୀ ।
ପିତୃଭିର୍ଭର୍ତୃପକ୍ଷାଭ୍ୟାଂ ପୂଜ୍ୟା ଭଵତି ଦେଵଵତ୍ ॥ ୩୦.୩୧୦ ॥
ଶୃଣୁୟାଦ୍ଵା ଇଦଂ ସର୍ଵଂ କୀର୍ତ୍ତୟେଦ୍ଵାପ୍ୟଭୀକ୍ଷ୍ଣଶଃ ।
ତସ୍ୟ ସର୍ଵାଣି କାର୍ୟାଣି ସିଦ୍ଧିଂ ଗଚ୍ଛନ୍ତ୍ୟଵିଘ୍ନତଃ ॥ ୩୦.୩୧୧ ॥
ମନସା ଚିନ୍ତିତଂ ୟଚ୍ଚ ୟଚ୍ଚ ଵାଚାପ୍ୟୁଦାହୃତମ୍ ।
ସର୍ଵଂ ସମ୍ପଦ୍ୟତେ ତସ୍ୟ ସ୍ତଵନସ୍ୟାନୁକୀର୍ତ୍ତନାତ୍ ॥ ୩୦.୩୧୨ ॥
ଦେଵସ୍ୟ ସଗୁହସ୍ୟାଥ ଦେଵ୍ୟା ନନ୍ଦୀଶ୍ଵରସ୍ୟ ତୁ ।
ବଲିଂ ଵିଭଵତଃ କୃତ୍ଵା ଦମେନ ନିୟମେନ ଚ ॥ ୩୦.୩୧୩ ॥
ତତଃ ସ ୟୁକ୍ତୋ ଗୃହ୍ଣୀୟାନ୍ନାମାନ୍ୟାଶୁ ୟଥାକ୍ରମମ୍ ।
ଈପ୍ସିତାନ୍ ଲଭତେଽତ୍ୟର୍ଥଂ କାମାନ୍ ଭୋଗାଂଶ୍ଚ ମାନଵଃ ।
ମୃତଶ୍ଚ ସ୍ଵର୍ଗମାପ୍ନୋତି ସ୍ତ୍ରୀସହସ୍ରପରିଵୃତଃ ॥ ୩୦.୩୧୪ ॥
ସର୍ଵ କର୍ମସୁ ୟୁକ୍ତୋ ଵା ୟୁକ୍ତୋ ଵା ସର୍ଵପାତକୈଃ ।
ପଠନ୍ ଦକ୍ଷକୃତଂ ସ୍ତୋତ୍ରଂ ସର୍ଵପାପୈଃ ପ୍ରମୁଚ୍ୟତେ ।
ମୃତଶ୍ଚ ଗଣସାଲୋକ୍ୟଂ ପୂଜ୍ୟମାନଃ ସୁରାସୁରୈଃ ॥ ୩୦.୩୧୫ ॥
ଵୃଷେଵ ଵିଧିୟୁକ୍ତେନ ଵିମାନେନ ଵିରାଜତେ ।
ଆଭୂତସମ୍ପ୍ଲଵସ୍ଥାୟୀ ରୁଦ୍ରସ୍ୟାନୁଚରୋ ଭଵେତ୍ ॥ ୩୦.୩୧୬ ॥
ଇତ୍ୟାହ ଭଗଵାନ୍ ଵ୍ୟାସଃ ପରାଶରସୁତଃ ପ୍ରଭୁଃ ।
ନୈତଦ୍ଵେଦୟତେ କଶ୍ଚିନ୍ନେଦଂ ଶ୍ରାଵ୍ୟନ୍ତୁ କସ୍ୟଚିତ୍ ॥ ୩୦.୩୧୭ ॥
ଶ୍ରୁତ୍ଵୈତତ୍ପରମଂ ଗୁହ୍ୟଂ ୟେଽପି ସ୍ୟୁଃ ପାପକାରିଣଃ ।
ଵୈଶ୍ୟାଃ ସ୍ତ୍ରିୟଶ୍ଚ ଶୂଦ୍ରାଶ୍ଚ ରୁଦ୍ରଲୋକମଵାପ୍ନୁୟୁଃ ॥ ୩୦.୩୧୮ ॥
ଶ୍ରାଵୟେଦ୍ୟସ୍ତୁ ଵିପ୍ରେଭ୍ୟଃ ସଦା ପର୍ଵସୁ ପର୍ଵସୁ ।
ରୁଦ୍ରଲୋକମଵାପ୍ନୋତି ଦ୍ଵିଜୋ ଵୈ ନାତ୍ର ସଂଶୟଃ ॥ ୩୦.୩୧୯ ॥
ଇତି ଶ୍ରୀମହାପୁରାଣେ ଵାୟୁପ୍ରୋକ୍ତେ ଦକ୍ଷଶାପଵର୍ଣନଂ ନାମ ତ୍ରିଂଶୋଽଧ୍ୟାୟଃ ॥ ୩୦ ॥
– Chant Stotra in Other Languages –
1000 Names of Sri Shiva » Sahasranama Stotram from Vayupurana Adhyaya 30 Lyrics in Sanskrit » English » Bengali » Gujarati » Kannada » Malayalam » Telugu » Tamil