॥ Shivakama Sundari Sahasranamastotram 2 Bengali Lyrics ॥
॥ শ্রীশিবকামসুন্দরীসহস্রনামস্তোত্রম্ রুদ্রয়ামলান্তর্গতম্ ॥
॥ পূর্বপীঠিকা ॥
সমাহূয় পরং কান্তং একদা বিজনে মুদা ।
পরমানন্দসন্দোহমুদিতং প্রাহ পার্বতী ॥ ১ ॥
পার্বতী উবাচ
শ্রীমন্নাথ মহানন্দকারণং ব্রূহি শঙ্কর ।
য়োগীন্দ্রোপাস্য দেবেশ প্রেমপূর্ণ সুধানিধে ॥ ২ ॥
কৃপাস্তি ময়ি চেত্ শম্ভো সুগোপ্যমপি কথ্যতাম্ ।
শিবকামেশ্বরীনামসাহস্রং বদ মে প্রভো ॥ ৩ ॥
শ্রীশঙ্কর উবাচ
নির্ভরানন্দসন্দোহঃ শক্তিভাবেন জায়তে ।
লাবণ্যসিন্ধুস্তন্নাপি সুন্দরী রসকন্ধরা ॥ ৪ ॥
তামেবানুক্ষণং দেবি চিন্তয়ামি ততঃ শিবে ।
তস্যা নামসহস্রাণি কথয়ামি তব প্রিয়ে ॥ ৫ ॥
সুগোপ্যান্যপি রম্ভোরু গম্ভীরস্নেহবিভ্রমাত্ ।
তামেব স্তুবতা দেবীং ধ্যায়তোঽনুক্ষণং মম ।
সুখসন্দোহসম্ভারভাবনানন্দকারণম্ ॥ ৬ ॥
অস্য শ্রীশিবকামসুন্দরীসহস্রনাম স্তোত্রমহামন্ত্রস্য ।
সদাশিব ঋষিঃ অনুষ্টুপ্ ছন্দঃ শ্রীমচ্ছিবকামসুন্দরী দেবতা ।
বাগ্ভবস্বরূপং ঐং বীজম্ । চিদানন্দাত্মকং হ্রীং শক্তিঃ ।
কামরাজাত্মকং ক্লীং কীলকম্ ।
শ্রীমচ্ছিবকামসুন্দরীপ্রসাদসিদ্ধ্যর্থে জপে বিনিয়োগঃ ॥
ষোডশার্ণমূলেন ন্যাসঃ ॥
ষোডশার্ণধ্যানমেব অত্রাপি ধ্যানম্ ।
সিদ্ধসিদ্ধনবরত্নভূমিকে কল্পবৃক্ষনববাটিসংবৃতে ।
রত্নসালবনসম্ভৃতেঽনিশং তত্র বাপিশতকেন সংবৃতে ॥ ৭ ॥
রত্নবাটিমণিমণ্ডপেঽরুণে চপডভানুশতকোটিভাসুরে ।
আদিশৈবমণিমঞ্চকে পরে শঙ্করাঙ্কমণিপীঠকোপরি ॥
কাদিহান্তমনুরূপিণীং শিবাং সংস্মরেচ্চ শিবকামসুন্দরীম্ ॥ ৮ ॥
লমিত্যাদি পঞ্চপূজা ॥
শিবকামেশ্বরীনামসাহস্রস্তোত্রমুত্তমম্ ।
প্রোচ্যতে শ্রদ্ধয়া দেবি শৃণুষ্বাবহিতা প্রিয়ে ॥ ৯ ॥
কামেশীনামসাহস্রে সদাশিব ঋষিঃ স্মৃতঃ ।
ছন্দোঽনুষ্টুপ্ দেবতা চ শিবকামেশ্বরী স্মৃতা ॥ ১০ ॥
ঐং বীজং কীলকং ক্লীং চ হ্রীং শক্তিঃ কথিতা প্রিয়ে ।
ন্যাসধ্যানাদিকং সর্বং ষোডশার্ণবদীরিতম্ ॥ ১১ ॥
অনেন স্তোত্ররাজেন সর্বাভীষ্টং লভেত না ।
॥ অথ সহস্রনামস্তোত্রম্ ॥
শ্রীশিবা শিবকামী চ সুন্দরী ভুবনেশ্বরী ।
আনন্দসিন্ধুরানন্দানন্দমূর্তির্বিনোদিনী ॥ ১ ॥
ত্রৈপুরী সুন্দরী প্রেমপাথোনিধিরনুত্তমা ।
রামোল্লাসা পরা ভূতিঃ বিভূতিশ্শঙ্করপ্রিয়া ॥ ২ ॥
শৃঙ্গারমূর্তির্বিরতা রসানুভবরোচনা ।
পরমানন্দলহরী রতিরঙ্গবতী সতী ॥ ৩ ॥
রঙ্গমালানঙ্গকলাকেলিঃ কৈবল্যদা কলা ।
রসকল্পা কল্পলতা কুতূহলবতী গতিঃ ॥ ৪ ॥
বিনোদদুগ্ধা সুস্নিগ্ধা মুগ্ধমূর্তিনোহরা ।
বালার্ককোটিকিরণা চন্দ্রকোটিসুশীতলা ॥ ৫ ॥
স্রবত্পীয়ূষদিগ্ধাঙ্গী সঙ্গীত নটিকা শিবা ।
কুরঙ্গনয়না কান্তা সুখসন্ততিরিন্দিরা ॥ ৬ ॥
মঙ্গলা মধুরাপাঙ্গা রঞ্জনী রমণী রতিঃ ।
রাজরাজেশ্বরী রাজ্ঞী মহেন্দ্রপরিবন্দিতা ॥ ৭ ॥
প্রপঞ্চগতিরীশানী সামরস্যপরায়ণা ।
হংসোল্লাসা হংসগতিঃ শিঞ্জত্কনকনূপুরা ॥ ৮ ॥
মেরুমন্দরবক্ষোজা সৃণিপাশবরায়ুধা ।
শঙ্খকোদণ্ডসস্তাব্জপাণিদ্বয়বিরাজিতা ॥ ৯ ॥
চন্দ্রবিম্বাননা চারুমকুটোত্তংসচন্দ্রিকা ।
সিন্দূরতিলকা চারুধম্মিল্লামলমালিকা ॥ ১০ ॥
মন্দারদামমুদিতা রক্তপুষ্পবিভূষিতা ।
সুবর্ণাভরণপ্রীতা মুক্তাদামমনোহরা ॥ ১১ ॥
তাম্বূলপূরবদনা মদনানন্দমানসা ।
সুখারাধ্যা তপস্সারা কৃপাবারিধিরীশ্বরী ॥ ১২ ॥
বক্ষঃস্থললসন্মগ্না প্রভা মধুরসোন্মুখা ।
বিন্দুনাদাত্মিকা চারুরসিতা তুর্যরূপিণী ॥ ১৩ ॥
কমনীয়াকৃতিঃ ধন্যা শঙ্করপ্রীতিমঞ্জরী ।
কন্যা কলাবতী মাতা গজেন্দ্রগমনা শুভা ॥ ১৪ ॥
কুমারী করভোরু শ্রীঃ রূপলক্ষ্মীঃ সুরাজিতা ।
সন্তোষসীমা সম্পত্তিঃ শাতকুম্ভপ্রিয়া দ্যুতিঃ ॥ ১৫ ॥
পরিপূর্ণা জগদ্ধাত্রী বিধাত্রী বলবর্ধিনী ।
সার্বভৌমনৃপশ্রীশ্চ সাম্রাজ্যগতিরাসিকা ॥ ১৬ ॥
সরোজাক্ষী দীর্ঘদৃষ্টিঃ সৌচক্ষণবিচক্ষণা ।
রঙ্গস্রবন্তী রসিকা প্রধানরসরূপিণী ॥ ১৭ ॥
রসসিন্ধুঃ সুগাত্রী চ য়ুবতিঃ মৈথুনোন্মুখী ।
নিরন্তরা রসাসক্তা শক্তিস্ত্রিভুবনাত্মিকা ॥
কামাক্ষী কামনিষ্ঠা চ কামেশী ভগমঙ্গলা ।
সুভগা ভগিনী ভোগ্যা ভাগ্যদা ভয়দা ভগা ।
ভগলিঙ্গানন্দকলা ভগমধ্যনিবাসিনী ॥ ১৯ ॥
ভগরূপা ভগময়ী ভগয়ন্ত্রা ভগোত্তমা ।
য়োনির্জয়া কামকলা কুলামৃতপরায়ণা ॥ ২০ ॥
কুলকুণ্ডালয়া সূক্ষ্মজীবস্ফুলিঙ্গরূপিণী ।
মূলস্থিতা কেলিরতা বলয়াকৃতিরীডিতা ॥ ২১ ॥
সুষুম্না কমলানন্দা চিত্রা কূর্মগতির্গিরিঃ ।
সিতারুণা সিন্ধুরূপা প্রবেগা নির্ধনী ক্ষমা ॥ ২২ ॥
ধণ্টাকোটিরসারাবা রবিবিম্বোত্থিতাদ্ভূতা ।
নাদান্তলীনা সম্পূর্ণা প্রণবা বহুরূপিণী ॥ ২৩ ॥
ভৃঙ্গারাবা বশগতিঃ বাগীশী মধুরধ্বনিঃ ।
বর্ণমালা সিদ্ধিকলা ষট্চক্রক্রমবাসিনী ॥ ২৪ ॥
মণিপূরস্থিতা স্নিগ্ধা কূর্মচক্রপরায়ণা ।
মূলকেলিরতা সাধ্বী স্বাধিষ্ঠাননিবাসিনী ॥ ২৫ ॥
অনাহতগতির্দীপা শিবানন্দময়দ্যুতিঃ ।
বিরুদ্ধরুধা সম্বুদ্ধা জীবভোক্ত্রী স্থলীরতা ॥ ২৬ ॥
আজ্ঞাচক্রোজ্জ্বলস্ফারস্ফুরন্তী নির্গতদ্বিষা ।
চন্দ্রিকা চন্দ্রকোটীশী সূর্যকোটিপ্রভাময়ী ॥ ২৭ ॥
পদ্মরাগারুণচ্ছায়া নিত্যাহ্লাদময়ীপ্রভা ।
মহাশূন্যালয়া চন্দ্রমণ্ডলামৃতনন্দিতা ॥ ২৮ ॥
কান্তাঙ্গসঙ্গমুদিতা সুধামাধুর্যসম্ভৃতা ।
মহাচন্দ্রস্মিতালিসা মৃত্পাত্রস্থা সুধাদ্যুতিঃ ॥ ২৯ ॥
স্রবত্পীমূষসংসক্তা শশ্বত্কুণ্ডালয়া ভবা ।
শ্রেয়ো দ্যুতিঃ প্রত্যগর্থা সেবা ফলবতী মহী ॥ ৩০ ॥
শিবা শিবপ্রিয়া শৈবা শঙ্করী শাম্ভবী বিভুঃ ।
স্বয়ম্ভূ স্বপ্রিয়া স্বীয়া স্বকীয়া জনমাতৃকা ॥
সুরামা স্বপ্রিয়া শ্রেয়ঃ স্বাধিকারাধিনায়িকা ।
মণ্ডলা জননী মান্যা সর্বমঙ্গলসন্ততিঃ ॥ ৩২ ॥
ভদ্রা ভগবতী ভাব্যা কলিতার্ধেন্দুভাসুরা ।
কল্যাণললিতা কাম্যা কুকর্মকুমতিপ্রদা ॥ ৩৩ ॥
কুরঙ্গাক্ষী ক্ষীরনেত্রা ক্ষীরা মধুরসোন্মদা ।
বারুণীপানমুদিতা মদিরামুদিতা স্থিরা ॥ ৩৪ ॥
কাদম্বরীপানরুচিঃ বিপাশা পশুভাবনা ।
মুদিতা ললিতাপাঙ্গা দরান্দোলিতদীর্ঘদৃক্ ॥ ৩৫ ॥
দৈত্যাকুলানলশিখা মনোরথসুধাদ্যুতিঃ ।
সুবাসিনী পীতগাত্রী পীনশ্রোণিপয়োধরা ॥ ৩৬ ॥
সুচারুকবরী দধ্যুদধ্যুত্থিমৌক্তিকা ।
বিম্বাধরদ্যুতিঃ মুগ্ধা প্রবালোত্তমদীধিতিঃ ॥ ৩৭ ॥
তিলপ্রসূননাসাগ্রা হেমমৌক্তিককোরকা ।
নিষ্কলঙ্কেন্দুবদনা বালেন্দুবদনোজ্বলা ॥ ৩৮ ॥
নৃত্যন্ত্যঞ্জননেত্রান্তা প্রস্ফুরত্কর্ণশষ্কুলী ।
ভালচন্দ্রাতপোন্নদ্ধা মণিসূর্যকিরীটিনী ॥ ৩৯ ॥
কচৌঘচম্পকশ্রেণী মালিনীদামমণ্ডিতা ।
হেমমাণিক্য তাটঙ্কা মণিকাঞ্চন কুণ্ডলা ॥ ৪০ ॥
সুচারুচুবুকা কম্বুকণ্ঠী কুণ্ডাবলী রমা ।
গঙ্গাতরঙ্গহারোর্মিঃ মত্তকোকিলনিস্বনা ॥ ৪১ ॥
মৃণালবিলসদ্বাহুপাশাকুশধনুর্ধরা ।
কেয়ূরকঙ্কণশ্রেণী নানামণিমনোরমা ॥ ৪২ ॥
তাম্রপঙ্কজপাণিশ্রীঃ নবরত্নপ্রভাবতী ।
অঙ্গুলীয়মণিশ্রেণী কান্তিমঙ্গলসন্ততিঃ ॥ ৪৩ ॥
মন্দরদ্বন্দ্বসুকুচা রোমরাজিভুজঙ্গিকা ।
গম্ভীরনাভিস্ত্রিবলীভঙ্গুরা ক্ষণিমধ্যমা ॥ ৪৪ ॥
রণত্কাঞ্চীগুণানদ্ধা পট্টাংশুকনিতম্বিকা ।
মেরুসন্ধিনিতম্বাঢ্যা গজশুণ্ডোরুয়ুগ্ময়ুক্ ॥ ৪৫ ॥
সুজানুর্মদনানন্দময়জঙ্ঘাদ্বয়ান্বিতা ।
গূঢগুল্ফা মঞ্জুশিঞ্জন্মণিনূপুরমণ্ডিতা ॥ ৪৬ ॥
পদদ্বন্দ্বজিতাম্ভোজা নখচন্দ্রাবলীপ্রভা ।
সুসীমপ্রপদা রাজংহসমত্তেভমন্দগা ॥ ৪৭ ॥
য়োগিধ্যেয়পদদ্বদ্বা সৌন্দর্যামৃতসারিণী ।
লাবপয়সিন্ধুঃ সিন্দূরতিলকা কুটিলালকা ॥ ৪৮ ॥
সাধুসীমন্তিনী সিদ্ধবুদ্ধবৃন্দারকোদয়া ।
বালার্ককিরণশ্রেণিশোণশ্রীঃ প্রেমকামধুক্ ॥ ৪৯ ॥
রসগম্ভীরসরসী পদ্মিনী রসসারসা ।
প্রসন্নাসন্নবরদা শারদা ভুবি ভাগ্যদা ॥ ৫০ ॥
নটরাজপ্রিয়া বিশ্বানাদ্যা নর্তকনর্তকী ।
চিত্রয়ন্ত্রা চিত্রতন্ত্রা চিত্রবিদ্যাবলীয়তিঃ ॥ ৫১ ॥
চিত্রকূটা ত্রিকূটা চ পন্ধকূটা চ পঞ্চমী ।
চতুষ্ট্কূটা শম্ভুবিদ্যা ষট্কূটা বিষ্ণুপূজিতা ॥ ৫২ ॥
কূটষোডশসম্পন্না তুরীয়া পরমা কলা ।
ষোডশী মন্ত্রয়ন্ত্রাণাং ঈশ্বরী মেরুমণ্ডলা ॥ ৫৩ ॥
ষোডশার্ণা ত্রিবর্ণা চ বিন্দুনাদস্বরূপিণী ।
বর্ণাতীতা বর্ণমতা শব্দব্রহ্মময়ী সুখা ॥ ৫৪ ॥
সুখজ্যোত্স্নানন্দবিদ্যুদন্তরাকাশদেবতা ।
চৈতন্যা বিধিকূটাত্মা কামেশী স্বপ্নদর্শনা ॥ ৫৫ ॥
স্বপ্নরূপা বোধকরী জাগ্রতী জাগরাশ্রয়া ।
স্বপ্নাশ্রয়া সুষুপ্তিস্থা তন্ত্রমূর্তিশ্চ মাধবী ॥ ৫৬ ॥
লোপামুদ্রা কামরাজ্ঞী মাধবী মিত্ররূপিণী ।
শাঙ্করী নন্দিবিদ্যা চ ভাস্বন্মণ্ডলমধ্যগা ॥ ৫৭ ॥
মাহেন্দ্রস্বর্গসম্পত্তিঃ দূর্বাসস্সেবিতা শ্রুতিঃ ।
সাধকেন্দ্রগতিস্সাধ্বী সুলিপ্তা সিদ্ধিকন্ধরা ॥ ৫৮ ॥
পুরত্রয়েশী পুরকৃত্ ষষ্ঠী চ পরদেবতা ।
বিঘ্নদূরী ভূরিগুণা পুষ্টিঃ পূজিতকামধুক্ ॥ ৫৯ ॥
হেরম্বমাতা গণপা গুহাম্বাঽঽর্যা নিতম্বিনী ।
এষা সীমন্তিনী মোক্ষদক্ষা দীক্ষিতমাতৃকা ॥ ৬০ ॥
সাধকাম্বা সিদ্ধমাতা সাধকেন্দ্রমনোরমা ।
য়ৌবনোন্মাদিনী তুঙ্গস্তনী সুশ্রোণিমণ্ডিতা ॥ ৬১ ॥
পদ্মরক্তোত্পলবতী রক্তমাল্যানুলেপনা ।
রক্তমাল্যরুচির্দক্ষা শিখণ্ডিন্যতিসুন্দরী ॥ ৬২ ॥
শিখণ্ডিনৃত্যসন্তুষ্টা শিখণ্ডিকুলপালিনী ।
বসুন্ধরা চ সুরভিঃ কমনীয়তনুশ্শুভা ॥ ৬৩ ॥
নন্দিনী ত্রীক্ষণবতী বসিষ্ঠালয়দেবতা ।
গোলকেশী চ লোকেন্দ্রা নৃলোকপরিপালিকা ॥ ৬৪ ॥
হবির্ধাত্রী দেবমাতা বৃন্দারকপরাত্ময়ুক্ ।
রুদ্রমাতা রুদ্রপত্নী মদোদ্গারভরা ক্ষিতিঃ ॥ ৬৫ ॥
দক্ষিণা য়জ্ঞসম্পত্তিঃ স্ববলা ধীরনন্দিতা ।
ক্ষীরপূর্ণার্ণবগতিঃ সুধায়োনিঃ সুলোচনা ॥ ৬৬ ॥
রমা তুঙ্গা সদাসেব্যা সুরসঙ্ঘদয়া উমা ।
সুচরিত্রা চিত্রবরা সুস্তনী বত্সবত্সলা ॥ ৬৭ ॥
রজস্বলা রজোয়ুক্তা রঞ্জিতা রঙ্গমালিকা ।
রক্তপ্রিয়া সুরক্তা চ রতিরঙ্গস্বরূপিণী ॥ ৬৮ ॥
রজশ্শুক্লাক্ষিকা নিষ্ঠা ঋতুস্নাতা রতিপ্রিয়া ।
ভাব্যভাব্যা কামকেলিঃ স্মরভূঃ স্মরজীবিকা ॥ ৬৯ ॥
সমাধিকুসুমানন্দা স্বয়ম্ভুকুসুমপ্রিয়া ।
স্বয়ম্ভুপ্রেমসন্তুষ্টা স্বয়ম্ভূনিন্দকান্তকা ॥ ৭০ ॥
স্বয়ম্ভুস্থা শক্তিপুটা রবিঃ সর্বস্বপেটিকা ।
অত্যন্তরসিকা দূতিঃ বিদগ্ধা প্রীতিপূজিতা ॥ ৭১ ॥
তূলিকায়ন্ত্রনিলয়া য়োগপীঠনিবাসিনী ।
সুলক্ষণা দৃশ্যরূপা সর্ব লক্ষণলক্ষিতা ॥ ৭২ ॥
নানালঙ্কারসুভগা পঞ্চকামশরার্চিতা ।
ঊর্ধ্বত্রিকোণয়ন্ত্রস্থা বালা কামেশ্বরী তথা ॥ ৭৩ ॥
গুণাধ্যক্ষা কুলাধ্যক্ষা লক্ষ্মীশ্চৈব সরস্বতী ।
বসন্তমদনোত্তুঙ্গ স্তনী কুচভরোন্নতা ॥ ৭৪ ॥
কলাধরমুখী মূর্ধপাথোধিশ্চ কলাবতী ।
দক্ষপাদাদিশীর্ষান্তষোডশস্বরসংয়ুতা ॥ ৭৫ ॥
শ্রদ্ধা পূর্তিঃ রতিশ্চৈব ভূতিঃ কান্তির্মনোরমা ।
বিমলা য়োগিনী ঘোরা মদনোন্মাদিনী মদা ॥ ৭৬ ॥
মোদিনী দীপিনী চৈব শোষিণী চ বশঙ্করী ।
রজন্যন্তা কামকলা লসত্কমলধারিণী ॥ ৭৭ ॥
বামমূর্ধাদিপাদান্তষোডশস্বরসংয়ুতা ।
পূষরূপা সুমনসাং সেব্যা প্রীতিঃ দ্যুতিস্তথা ॥ ৭৮ ॥
ঋদ্ধিঃ সৌদামিনী চিচ্চ হংসমালাবৃতা তথা ।
শশিনী চৈব চ স্বস্থা সম্পূর্ণমণ্ডলোদয়া ॥ ৭৯ ॥
পুষ্টিশ্চামৃতপূর্ণা চ ভগমালাস্বরূপিণী ।
ভগয়ন্ত্রাশ্রয়া শম্ভুরূপা সংয়োগয়োগিনী ॥ ৮০ ॥
দ্রাবিণী বীজরূপা চ হ্যক্ষুব্ধা সাধকপ্রিয়া ।
রজঃ পীঠময়ী নাদ্যা সুখদা বাঞ্ছিতপ্রদা ॥ ৮১ ॥
রজস্সবিত্ রজশ্শক্তিঃ শুক্লবিন্দুস্বরূপিণী ।
সর্বসাক্ষী সামরস্যা শিবশক্তিময়ী প্রভা ॥ ৮২ ॥
সংয়োগানন্দনিলয়া সংয়োগপ্রীতিমাতৃকা ।
সংয়োগকুসুমানন্দা সংয়োগয়োগপদ্ধতিঃ ॥ ৮৩ ॥
সংয়োগসুখদাবস্থা চিদানন্দার্ধ্যসেবিতা ।
অর্ঘ্যপূজ্যা চ সম্পত্তিঃ অর্ধ্যদাভিন্নরূপিণী ॥ ৮৪ ॥
সামরস্যপরা প্রীতা প্রিয়সঙ্গমরঙ্গিণী ।
জ্ঞানদূতী জ্ঞানগম্যা জ্ঞানয়োনিশ্শিবালয়া ॥ ৮৫ ॥
চিত্কলা সত্কলা জ্ঞানকলা সংবিত্কলাত্মিকা ।
কলাচতুষ্টয়ী পদ্মবাসিনী সূক্ষ্মরূপিণী ॥ ৮৬ ॥
হংসকেলিস্থলস্বস্থা হংসদ্বয়বিকাসিনী ।
বিরাগিতা মোক্ষকলা পরমাত্মকলাবতী ॥ ৮৭ ॥
বিদ্যাকলান্তরাত্মস্থা চতুষ্টয়কলাবতী ।
বিদ্যাসন্তোষণা তৃপ্তি পরব্রহ্মপ্রকাশিনী ॥ ৮৮ ॥
পরমাত্মপরা বস্তুলীনা শক্তিচতুষ্টয়ী ।
শান্তির্বোধকলা ব্যাপ্তিঃ পরজ্ঞানাত্মিকা কলা ॥ ৮৯ ॥
পশ্যন্তী পরমাত্মস্থা চান্তরাত্মকলা শিবা ।
মধ্যমা বৈখরী চাত্ম কলাঽঽনন্দকলাবতী ॥ ৯০ ॥
তরুণী তারকা তারা শিবলিঙ্গালয়াত্মবিত্ ।
পরস্পরস্বভাবা চ ব্রহ্মজ্ঞানবিনোদিনী ॥ ৯১ ॥
রামোল্লাসা চ দুর্ধর্ষা পরমার্ঘ্যপ্রিয়া রমা ।
জাত্যাদিরহিতা য়োগিন্যানন্দমাত্রপদ্ধতিঃ ॥ ৯২ ॥
কান্তা শান্তা দান্তয়াতিঃ কলিতা হোমপদ্ধতিঃ ।
দিব্যভাবপ্রদা দিব্যা বীরসূর্বীরভাবদা ॥ ৯৩ ॥
পশুদেহা বীরগতিঃ বীরহংসমনোদয়া ।
মূর্ধাভিষিক্তা রাজশ্রীঃ ক্ষত্রিয়োত্তমমাতৃকা ॥ ৯৪ ॥
শস্ত্রাস্ত্রকুশলা শোভা রথস্থা য়ুদ্ধজীবিকা ।
অশ্বারূঢা গজারূঢা ভূতোক্তিঃ সুরসুশ্রয়া ॥ ৯৫ ॥
রাজনীতিশ্শান্তিকর্ত্রী চতুরঙ্গবলাশ্রয়া ।
পোষিণী শরণা পদ্মপালিকা জয়পালিকা ॥ ৯৬ ॥
বিজয়া য়োগিনী য়াত্রা পরসৈন্যবিমর্দিনী ।
পূর্ণবিত্তা বিত্তগম্যা বিত্তসঞ্চয় শালিনী ॥ ৯৭ ॥
মহেশী রাজ্যভোগা চ গণিকাগণভোগভৃত্ ।
উকারিণী রমা য়োগ্যা মন্দসেব্যা পদাত্মিকা ॥
সৈন্যশ্রেণী শৌর্যরতা পতাকাধ্বজমালিনী ।
সুচ্ছত্র চামরশ্রেণিঃ য়ুবরাজবিবর্ধিনী ॥ ৯৯ ॥
পূজা সর্বস্বসম্ভারা পূজাপালনলালসা ।
পূজাভিপূজনীয়া চ রাজকার্যপরায়ণা ॥ ১০০ ॥
ব্রহ্মক্ষত্রময়ী সোমসূর্যবহ্নিস্বরূপিণী ।
পৌরোহিত্যপ্রিয়া সাধ্বী ব্রহ্মাণী য়ন্ত্রসন্ততিঃ ॥
সোমপানজনাপ্রীতা য়োজনাধ্বগতিক্ষমা ।
প্রীতিগ্রহা পরা দাত্রী শ্রেষ্ঠজাতিঃ সতাঙ্গতিঃ ॥ ১০২ ॥
গায়ত্রী বেদবিদ্ধ্যেয়া দীক্ষা সন্তোষতর্পণা ।
রত্নদীধিতিবিদ্যুত্সহসনা বৈশ্যজীবিকা ॥ ১০৩ ॥
কৃষির্বাণিজ্যভূতিশ্চ বৃদ্ধিদা বৃদ্ধসেবিতা ।
তুলাধারা স্বপ্নকামা মানোন্মানপরায়ণা ॥ ১০৪ ॥
শ্রদ্ধা বিপ্রগতিঃ কর্মকরী কৌতুকপূজিতা ।
নানাভিচারচতুরা বারস্ত্রীশ্রীঃ কলাময়ী ॥
সুকর্ণধারা নৌপারা সর্বাশা রতিমোহিনী ।
দুর্গা বিন্ধ্যবনস্থা চ কালদর্পনিষূদিনী ॥
ভূমারশমনী কৃষ্ণা রক্ষোরাক্ষসসাহসা ।
বিবিধোত্পাতশমনী সময়া সুরসেবিতা ॥ ১০৭ ॥
পঞ্চাবয়ববাক্যশ্রীঃ প্রপঞ্চোদ্যানচন্দ্রিকা ।
সিদ্ধিসন্দোহসংসিদ্ধয়োগিনীবৃন্দসেবিতা ॥ ১০৮ ॥
নিত্যা ষোডশিকারূপা কামেশী ভগমালিনী ।
নিত্যক্লিন্না নিরাধারা বহ্নিমণ্ডলবাসিনী ॥ ১০৯ ॥
মহাবজ্রেশ্বরী নিত্যশিবদূতীতি বিশ্রুতা ।
ত্বরিতা প্রথিতা খ্যাতা বিখ্যাতা কুলসুন্দরী ॥ ১১০ ॥
নিত্যা নীলপতাকা চ বিজয়া সর্বমঙ্গলা ।
জ্বালামালা বিচিত্রা চ মহাত্রিপুরসুন্দরী ॥ ১১১ ॥
গুরুবৃন্দা পরগুরুঃ প্রকাশানন্দদায়িনী ।
শিবানন্দা নাদরূপা শক্রানন্দস্বরূপিণী ॥ ১১২ ॥
দেব্যানন্দা নাদময়ী কৌলেশানন্দনাথিনী ।
শুক্লদেব্যানন্দনাথা কুলেশানন্দদায়িনী ॥ ১১৩ ॥
দিব্যৌঘসেবিতা দিব্যভোগদানপরায়ণা ।
ক্রীডানন্দা ক্রীডমানা সময়ানন্দদায়িনী ॥ ১১৪ ॥
বেদানন্দা পার্বতী চ সহজানন্দদায়িনী ।
সিদ্ধৌঘগুরুরূপা চাপ্যপরা গুরুরূপিণী ॥ ১১৫ ॥
গগনানন্দনাথা চ বিশ্বাদ্যানন্দদায়িনী ।
বিমলানন্দনাথা চ মদনানন্দদায়িনী ॥ ১১৬ ॥
ভুবনানন্দনাথা চ লীলোদ্যানপ্রিয়া গতিঃ ।
স্বাত্মান্দবিনোদা চ প্রিয়াদ্যানন্দনাথিনী ॥ ১১৭ ॥
মানবাদ্যা গুরুশ্রেষ্ঠা পরমেষ্ঠি গুরুপ্রভা ।
পরমাদ্যা গুরুশ্শক্তিঃ কির্তনপ্রিয়া ॥ ১১৮ ॥
ত্রৈলোক্যমোহনাখ্যা চ সর্বাশাপরিপূরকা ।
সর্বসঙ্ক্ষোভিণী পূর্বাম্নায়া চক্রত্রয়ালয়া ॥ ১১৯ ॥
সর্বসৌভাগ্যদাত্রী চ সর্বার্থসাধকপ্রিয়া ।
সর্বরক্ষাকরী সাধুর্দক্ষিণাম্নায়দেবতা ॥ ১২০ ॥
মধ্যচক্রৈকনিলয়া পশ্চিমাম্নায়দেবতা ।
নবচক্রকৃতাবাসা কৌবেরাম্নায়দেবতা ॥ ১২১ ॥
বিন্দুচক্রকৃতায়াসা মধ্যসিংহাসনেশ্বরী ।
শ্রীবিদ্যা নবদুর্গা চ মহিষাসুরমর্দিনী ॥ ১২২ ॥
সর্বসাম্রাজ্যলক্ষ্মীশ্চ অষ্টলক্ষ্মীশ্চ সংশ্রুতা ।
শৈলেন্দ্রতনয়া জ্যোতিঃ নিষ্কলা শাম্ভবী উমা ॥ ১২৩ ॥
অজপা মাতৃকা চেতি শুক্লবর্ণা ষডাননা ।
পারিজাতেশ্বরী চৈব ত্রিকূটা পঞ্চবাণদা ॥ ১১৪ ॥
পঞ্চকল্পলতা চৈব ত্র্যক্ষরী মূলপীঠিকা ।
সুধাশ্রীরমৃতেশানী হ্যন্নপূর্ণা চ কামধুক্ ॥ ১২৫ ॥
পাশহস্তা সিদ্ধলক্ষ্মীঃ মাতঙ্গী ভুবনেশ্বরী ।
বারাহী নবরত্নানামীশ্বরী চ প্রকীর্তিদা ॥ ১২৬ ॥
পরং জ্যোতিঃ কোশরূপা সৈন্ধবী শিবদর্শনা ।
পরাপরা স্বামিনী চ শাক্তদর্শনবিশ্রুতা ॥ ১২৭ ॥
ব্রহ্মদর্শনরূপা চ শিবদর্শনরূপিণী ।
বিষ্ণুদর্শনরূপা চ স্রষ্টৄদর্শনরূপিণী ॥ ১২৮ ॥
সৌরদর্শনরূপা চ স্থিতিচক্রকৃতাশ্রয়া ।
বৌদ্ধদর্শনরূপা চ তুরীয়া বহুরূপিণী ॥ ১২৯ ॥
তত্বমুদ্রাস্বরূপা চ প্রসন্না জ্ঞানমাতৃকা ।
সর্বোপচারসন্তুষ্টা হৃন্ময়ী শীর্ষদেবতা ॥ ১৩০ ॥
শিখাস্থিতা বর্মময়ী নেত্রত্রয়বিলাসিনী ।
অস্ত্রস্থা চতুরস্রস্থা দ্বারস্থা দ্বারদেবতা ॥ ১৩১ ॥
অণিমা পশ্চিমস্থা চ দক্ষিণদ্বারদেবতা ।
বশিত্বা বায়ুকোণস্থা প্রাকাম্যেশানদেবতা ॥ ১৩২ ॥
মহিমাপূর্বনাথা চ লঘিমোত্তরদেবতা ।
অগ্নিকোণস্থগরিমা প্রাপ্তির্নৈঋতিবাসিনী ॥ ১৩৩ ॥
ঈশিত্বসিদ্ধিসুরথা সর্বকামোর্ধ্ববাসিনী ।
ব্রাহ্মী মাহেশ্বরী চৈব কৌমারী বৈষ্ণবী তথা ॥ ১৩৪ ॥
বারাহ্যৈন্দ্রী চ চামুণ্ডা বামা জ্যেষ্ঠা সরস্বতী ।
ক্ষোভিণী দ্রাবিণী রৌদ্রী কাল্যুন্মাদনকারিণী ॥ ১৩৫ ॥
খেচরা কালকরণী চ বলানাং বিকরণী তথা ।
মনোন্মনী সর্বভূতদমনী সর্বসিদ্ধিদা ॥ ১৩৬ ॥
বলপ্রমথিনী শক্তিঃ বুদ্ধ্যাকর্ষণরূপিণী ।
অহঙ্কারাকর্ষিণী চ শব্দাকর্ষণরূপিণী ॥ ১৩৭ ॥
স্পর্শাকর্ষণরূপা চ রূপাকর্ষণরূপিণী ।
রসাকর্ষণরূপা চ প্লধাকর্ষণরূপিণী ॥ ১৩৮ ॥
চিত্রাকর্ষণরূপা চ ধৈর্যাকর্ষণরূপিণী ।
স্মৃত্যাকর্ষণরূপা চ নামাকর্ষণস্ত্বপিণী ॥ ১৩৯ ॥
বীজাকর্ষণরূপা চ হ্যাত্মাকর্ষণরূপিণী ।
অমৃতাকর্ষিণী চৈব শরীরাকর্ষণী তথা ॥ ১৪০ ॥
ষোডশস্বরসম্পন্না স্রবত্পীয়ূষমণ্ডিতা ।
ত্রিপুরেশী সিদ্ধিদাত্রী কলাদর্শনবাসিনী ॥ ১৪১ ॥
সর্বসঙ্ক্ষোভচক্রেশী শক্তির্গুহ্যতরাভিধা ।
অনঙ্গকুসুমাশক্তিঃ তথৈবানঙ্গমেখলা ॥ ১৪২ ॥
অনঙ্গমদনাঽনঙ্গমদনাতুররূপিণী ।
অনঙ্গরেখা চানঙ্গবেগানঙ্গাকুশাভিধা ॥ ১৪৩ ॥
অনঙ্গমালিনী চৈব হ্যষ্টবর্গাধিগামিনী ।
বস্বষ্টককৃতাবাসা শ্রীমত্ত্রিপুরসুন্দরী ॥ ১৪৪ ॥
সর্বসাম্রাজ্যসুভগা সর্বভাগ্যপ্রদেশ্বরী ।
সম্প্রদায়েশ্বরী সর্বসঙ্ক্ষোভণকরী তথা ॥ ১৪৫ ॥
সর্ববিদ্রাবণী সর্বাকর্ষিণীরূপকারিণী ।
সর্বাহ্লাদনশক্তিশ্চ সর্বসম্মোহিনী তথা ॥ ১৪৬ ॥
সর্বস্তম্ভনশক্তিশ্চ সর্বজৃম্ভণকারিণী ।
সর্ববশ্যকশক্তিশ্চ তথা সর্বানুরঞ্জনী ॥ ১৪৭ ॥
সর্বোন্মাদনশক্তিশ্চ তথা সর্বার্থসাধিকা ।
সর্বসম্পত্তিদা চৈব সর্বমাতৃময়ী তথা ॥ ১৪৮ ॥
সর্বদ্বন্দ্বক্ষয়করী সিদ্ধিস্ত্রিপুরবসিনী ।
চতুর্দশারচক্রেশী কুলয়োগসমন্বয়া ॥ ১৪৯ ॥
সর্বসিদ্ধিপ্রদা চৈব সর্বসম্পত্প্রদা তথা ।
সর্বপ্রিয়করী চৈব সর্বমঙ্গলকারিণী ॥ ১৫০ ॥
সর্বকামপ্রপূর্ণা চ সর্বদুঃখবিমোচিনী ।
সর্বমৃত্যুপ্রশমনী সর্ব বিঘ্নবিনাশিনী ॥ ১৫১ ॥
সর্বাঙ্গসুন্দরী চৈব সর্বসৌভাগ্যদায়িনী ।
ত্রিপুরা শ্রীশ্চ সর্বার্থসাধিকা দশকোণগা ॥ ১৫ ॥
সর্বরক্ষাকরী চৈব ঈশ্বরী য়োগিনী তথা ।
সর্বজ্ঞা সর্বশক্তিশ্চ সর্বৈশ্বর্যপ্রদা তথা ॥ ১৫৩ ॥
সর্বজ্ঞানময়ী চৈব সর্বব্যাধিবিনাশিনী ।
সর্বাধারস্বরূপা চ সর্বপাপহরা তথা ॥ ১৫৪ ॥
সর্বানন্দময়ী চৈব সর্বরক্ষাস্বরূপিণী ।
তথৈব চ মহাশক্তিঃ সর্বেপ্সিতফলপ্রদা ॥ ১৫৫ ॥
অন্তর্দশারচক্রস্থা তথা ত্রিপুরমালিনী ।
সর্বরোগহরা চৈব রহস্যয়োগিনী তথা ॥ ১৫৬ ॥
বাগ্দেবী বশিনী চৈব তথা কামেশ্বরী তথা ।
মোদিনী বিমলা চৈব হ্যরুণা জয়িনী তথা ॥ ১৫ ॥
শিবকামপ্রদা দেবী শিবকামস্য সুন্দরী ।
ললিতা ললিতাধ্যানফলদা শুভকারিণী ॥ ১৫ ॥
সর্বেশ্বরী কৌলিনী চ বসুবংশাভিবর্দ্ধিনী ।
সর্বকামপ্রদা চৈব পরাপররহস্যবিত্ ॥ ১৫৯ ॥
ত্রিকোণচতুরশ্রস্থ কামেশ্বর্যায়ুধাত্মিকা ।
কামেশ্বরীবাণরূপা কামেশী চাপরূপিণী ॥ ১৬০ ॥
কামেশী পাশহস্তা চ কামেশ্যঙ্কুশরূপিণী ।
কামেশ্বরী রুদ্রশক্তিঃ অগ্নিচক্রকৃতালয়া ॥ ১৬১ ॥
কামাভিন্ত্রা কামদোগ্ধ্রী কামদা চ ত্রিকোণগা ।
দক্ষকোণেশ্বরী বিষ্ণুশক্তির্জালন্ধরালয়া ॥ ১৬২ ॥
সূর্যচক্রালয়া বামকোণগা সোমচক্রগা ।
ভগমালা বৃহচ্ছক্তি পূর্ণা পূর্বাস্ররাগিণী ॥ ১৬৩ ॥
শ্রীমত্ত্রিকোণভুবনা ত্রিপুরাখ্যা মহেশ্বরী ।
সর্বানন্দময়ীশানী বিন্দুগাতিরহস্যগা ॥ ১৬৪ ॥
পরব্রহ্মস্বরূপা চ মহাত্রিপুরসুন্দরী ।
সর্বচক্রান্তরস্থা চ সর্বচক্রাধিদেবতা ॥ ১৬৫ ॥
সর্বচক্রেশ্বরী সর্বমন্ত্রাণামীশ্বরী তথা ।
সর্ববিদ্যেশ্বরী চৈব সর্ববাগীশ্বরী তথা ॥ ১৬৬ ॥
সর্বয়োগেশ্বরী সর্বপীঠেশ্বর্যখিলেশ্বরী ।
সর্বকামেশ্বরী সর্বতত্বেশ্বর্যাগমেশ্বরী ॥ ১৬৭ ॥
শক্তিঃ শক্তিভৃদুল্লাসা নির্দ্বন্দ্বাদ্বৈতগর্ভিণী ।
নিষ্প্রপঞ্চা প্রপঞ্চাভা মহামায়া প্রপঞ্চসূঃ ॥ ১৬৮ ॥
সর্ববিশ্বোত্পত্তিধাত্রী পরমানন্দকারণা ।
লাবণ্যসিন্ধুলহরী সুন্দরীতোষমন্দিরা ॥ ১৬৯ ॥
শিবকামসুন্দরী দেবী সর্বমঙ্গলদায়িনী ।
ইতিনাম্নাং সহস্রং চ গদিতং ইষ্টদায়কম্ ॥ ১৭০ ॥
॥ উত্তরপীতিকা ॥
সহস্রনাম মন্ত্রাণাং সারমাকৃষ্য পার্বতি ।
রচিতং হি ময়া চৈতত্ সিদ্ধিদং পরমোক্ষদম্ ॥ ১ ॥
অনেন স্তুবতো নিত্যং অর্ধরাত্রে নিশামুখে ।
প্রাতঃ কালে চ পূজায়াং পঠনং সর্বকামদম্ ॥ ২ ॥
সর্বসাম্রাজ্যসুখদা সুন্দরী পরিতুষ্যতি ।
রত্নানি বিবিধান্যস্য বিত্তানি প্রচুরাণি চ ॥ ৩ ॥
মনোরথরথস্থানি দদাতি পরমেশ্বরী ।
পুত্রপৌত্রাশ্চ বর্ধন্তে সন্ততিস্সার্বকালিকা ॥ ৪ ॥
শত্রবস্তস্য নশ্যন্তি বর্ধন্তে চ বলানি চ ।
ব্যাধয়স্তস্য নশ্যন্তি লভতে চৌষধানি চ ॥ ৫ ॥
মন্দিরাণি বিচিত্রাণি রাজন্তে তস্য সর্বদা ।
কৃষিঃ ফলবতী তস্য ভূমিঃ কামাখিলপ্রদা ॥ ৬ ॥
স্থিরং জনপদং তস্য রাজ্যং তস্য নিরঙ্গুশম্ ।
মাতঙ্গাস্তুরগাস্তুঙ্গাঃ সিঞ্চিন্তো মদবারিভিঃ ॥ ৭ ॥
সৈনিকাশ্চ বিরাজন্তে তুষ্টাঃ পুষ্টাস্তুরঙ্গমাঃ ।
পূজাঃ শশ্বত্ বিবর্ধন্তে নির্বিবাদাশ্চ মন্ত্রিণঃ ॥ ৮ ॥
জ্ঞাতয়স্তস্য তুষ্যন্তি বান্ধবাঃ বিগতজ্বরাঃ ।
ভৃত্যাস্তস্য বশে নিত্যং বর্তন্তেঽস্য মনোনুগাঃ ॥ ৯ ॥
গদ্যপদ্যময়ী বাণী বাক্ত্বাতুর্যসুসম্ভৃতা ।
সমগ্র সুখসম্পত্তি শালিনী লাস্যমালিনী ॥ ১০ ॥
নানাপদময়ী বাণী তস্য গঙ্গাপ্রবাহবত্ ।
অদৃষ্টান্যপি চ শাস্ত্রাণি প্রকাশন্তে নিরন্তরম্ ॥ ১১ ॥
নিগ্রহঃ পরবাক্যানাং সভায়াং তস্য জায়তে ।
স্তুবন্তি কৃতিনস্তং বৈ রাজানো দাসবত্তথা ॥ ১২ ॥
শস্ত্রাণ্যস্ত্রাণি তদ্গাত্রে জনয়ন্তি রুজো নহি ।
মাতঙ্গাঃ তস্য বশগাঃ সর্পবর্যা ভবন্তি চ ॥ ১৩ ॥
বিষং নির্বিষতাং য়াতি পানীয়মমৃতং ভবেত্ ।
পরসেনাস্তম্ভনং চ প্রতিবাদিবিজৃম্ভণম্ ॥ ১৪ ॥
নবরাত্রেণ জায়ন্তে সততন্যাসয়োগতঃ ।
অহোরাত্রং পঠেদ্যস্তু স্তোত্রং সংয়তমানসঃ ॥ ১৫ ॥
বশাঃ তস্যোপজায়ন্তে সর্বে লোকাঃ সুনিশ্চিতম্ ।
ষণ্মাসাভ্যাসয়োগেন দেবা য়ক্ষাশ্চ কিন্নরাঃ ॥ ১৬ ॥
সিদ্ধা মহোরগাস্সর্বে বশমায়ান্তি নিশ্চয়ম্ ।
নিত্যং কামকলাং ন্যস্যন্ য়ঃ পতেত্ স্তোত্রমুত্তমম্ ॥ ১৭ ॥
মদনোন্মাদিনী লীলাপুরস্ত্রী তদ্বশানুগা ।
লাবণ্যমদনা সাক্ষাত্ বিদগ্ধমুখচন্দ্রিকা ॥ ১৮ ॥
প্রেমপূর্ণাশ্রুনয়না সুন্দরী বশগা ভবেত্ ।
ভূর্জপত্রে রোচনেন কুঙ্কুমেন বরাননে ॥ ১৯ ॥
ধাতুরাগেণ বা দেবী মূলমন্ত্রং বিলিখ্য চ ।
রক্ষার্থং ভস্ম বিন্যস্য পুটীকৃত্য সমন্ত্রকম্ ॥ ২০ ॥
সুবর্ণরৌপ্যখচিতে সুষিরে স্থাপ্য য়ত্নতঃ ।
সম্পূজ্য তত্র দেবেশীং পুনরাদায় ভক্তিতঃ ॥ ২১ ॥
ধারয়েন্মস্তকে কণ্ঠে বাহুমূলে তথা হৃদি ।
নাভৌ চ বিদ্যুতং ধন্যং জয়দং সর্বকামদম্ ॥ ২২ ॥
রক্ষাকরং নান্যদস্মাত্ বিদ্যতে ভুবনত্রয়ে ।
জ্বররোগনৃপাবিষ্টভয়হৃত্ ভূতিবর্ধনম্ ॥ ২৩ ॥
বলবীর্যকরং চাথ ভূতশত্রুবিনাশনম্ ।
পুত্রপৌত্রগুণশ্রেয়োবর্ধকং ধনধান্যকৃত্ ॥ ২৪ ॥
য় ইদং পঠতি স্তোত্রং স সর্বং লভতে নরঃ ।
য়দ্গৃহে লিখিতং স্তোত্রং তিষ্ঠেদেতদ্ বরাননে ॥ ২৫ ॥
তত্র তিষ্ঠাম্যহং নিত্যং হরিশ্চ কমলাসনঃ ।
বসন্তি সর্বতীর্থানি গৌরী লক্ষ্মীস্সরস্বতী ॥ ২৬ ॥
শিবকামেশ্বরীং ধ্যাত্বা পঠেন্নামসহস্রকম্ ।
অসকৃত্ ধ্যানপাঠেন সাধকঃ সিদ্ধিমাপ্নুয়াত্ ॥ ২৭ ॥
শুক্রবারে পৌর্ণমাস্যাং পঠন্নামসহস্রকম্ ।
পূজাং য়ঃ কুরুতে ভক্ত্যা বাঞ্ছিতং লভতে ধুবম্ ॥ ২৮ ॥
শিবকামেশ্বরীমন্ত্রঃ মন্ত্ররাজঃ প্রকীর্তিতঃ ।
তদভ্যাসাত্সাধকশ্চ সিদ্ধিমাপ্নোত্যনুত্তমাম্ ॥ ২৯ ॥
নাসাধকায় দাতব্যমশ্রদ্ধায় শঠায় চ ।
ভক্তিহীনায় মলিনে গুরুনিন্দাপরায় চ ॥ ৩০ ॥
অলসায়ায়ত্নবতেঽশিবভক্তায় সুন্দরি ।
বিষ্ণুভক্তিবিহীনায় ন দাতব্যং কদাচন ॥ ৩১ ॥
দেয়ং ভক্তবরায়ৈতত্ভুক্তিমুক্যিকরং শুভম্ ।
সিদ্ধিদং ভবরোগঘ্নং স্তোত্রমেতদ্বরাননে ॥ ৩২ ॥
লতায়োগে পঠেদ্যস্তু তস্য ক্ষিপ্রং ফলং ভবেত্ ।
সৈব কল্পলতা তস্য বাঞ্ছাফলকরী স্মৃতা ॥ ৩৩ ॥
পুষ্পিতাং য়াং লতাং সম্যক্ দৃষ্ট্বা শ্রীললিতাং স্মরন্ ।
অক্ষুব্ধঃ প্রপঠেদ্যস্তু স য়জ্ঞক্রতুপুণ্যভাক্ ॥ ৩৪ ॥
বিকল্পরহিতো য়ো হি নির্বিকল্পঃ স্বয়ং শিবঃ ।
নৈতত্প্রকাশয়েদ্ভক্তঃ কুশিষ্যায়াল্পমেধসে ॥ ৩৫ ॥
অনেকজন্মপুণ্যেন দীক্ষিতো জায়তে নরঃ ।
তত্রাপ্যনেকভাগ্যেন শৈবো বিষ্ণু পরায়ণঃ ॥ ৩৬ ॥
তত্রাপ্যনেকপুণ্যেন শক্তিভাবঃ প্রজায়তে ।
মহোদয়েন তত্রাপি সুন্দরীভাবভাগ্ভবেত্ ॥ ৩৭ ॥
সহস্রনাম্নাং তত্রাপি কীর্তনং চ সুদুর্লভম্ ।
য়ত্র জন্মনি সা নিত্যং পূর্বপুণ্যবশাদ্ভবেত্ ॥ ৩৮ ॥
জীবন্মুক্তো ভবেত্তস্য কর্তব্যং নাবশিষ্যতে ।
অবধূতত্বমেব স্যাত্ ন বর্ণাশ্রমকল্পনা ॥ ৩৯ ॥
ব্রহ্মাদয়োঽপি দেবেশীং প্রার্থয়ন্তে তদব্যয়াম্ ।
হংসত্বং ভক্তিভাবেন পরমানন্দকারণম্ ॥ ৪০ ॥
দেবোঽসৌ সর্বদা শক্তি ভাবয়ন্নেব সংস্থিতঃ ।
স্বয়ং শিবস্তু বিজ্ঞেয়ঃ সুন্দরীভাবলম্পটঃ ॥ ৪১ ॥
ব্রহ্মানন্দময়ীং জ্যোত্স্নাং সদাশিবপরায়ণাম্ ।
শিবকামেশ্বরীং দেবীং ভাবয়ন্ সিদ্ধিমাপ্নুয়াত্ ॥ ৪২ ॥
আহ্লাদঃ সুন্দরীধ্যানাত্ সুন্দরীনামকীর্তনাত্ ।
সুন্দরীদর্শনাচ্চৈব সদানন্দঃ প্রজায়তে ॥ ৪৩ ॥
॥ ইতি শ্রীরুদ্রয়ামলে উমামহেশসংবাদে শ্রীশিবকামসুন্দর্যাঃ
শ্রীমত্ত্রিপুরসুন্দর্যাঃ ষোডশার্ণায়াঃ তুরীয়সহস্রনামস্তোত্রং
সম্পূর্ণম্ ॥