॥ Shivakama Sundari Sahasranamastotram 2 Kannada Lyrics ॥
॥ ಶ್ರೀಶಿವಕಾಮಸುನ್ದರೀಸಹಸ್ರನಾಮಸ್ತೋತ್ರಮ್ ರುದ್ರಯಾಮಲಾನ್ತರ್ಗತಮ್ ॥
॥ ಪೂರ್ವಪೀಠಿಕಾ ॥
ಸಮಾಹೂಯ ಪರಂ ಕಾನ್ತಂ ಏಕದಾ ವಿಜನೇ ಮುದಾ ।
ಪರಮಾನನ್ದಸನ್ದೋಹಮುದಿತಂ ಪ್ರಾಹ ಪಾರ್ವತೀ ॥ 1 ॥
ಪಾರ್ವತೀ ಉವಾಚ
ಶ್ರೀಮನ್ನಾಥ ಮಹಾನನ್ದಕಾರಣಂ ಬ್ರೂಹಿ ಶಂಕರ ।
ಯೋಗೀನ್ದ್ರೋಪಾಸ್ಯ ದೇವೇಶ ಪ್ರೇಮಪೂರ್ಣ ಸುಧಾನಿಧೇ ॥ 2 ॥
ಕೃಪಾಸ್ತಿ ಮಯಿ ಚೇತ್ ಶಮ್ಭೋ ಸುಗೋಪ್ಯಮಪಿ ಕಥ್ಯತಾಮ್ ।
ಶಿವಕಾಮೇಶ್ವರೀನಾಮಸಾಹಸ್ರಂ ವದ ಮೇ ಪ್ರಭೋ ॥ 3 ॥
ಶ್ರೀಶಂಕರ ಉವಾಚ
ನಿರ್ಭರಾನನ್ದಸನ್ದೋಹಃ ಶಕ್ತಿಭಾವೇನ ಜಾಯತೇ ।
ಲಾವಣ್ಯಸಿನ್ಧುಸ್ತನ್ನಾಪಿ ಸುನ್ದರೀ ರಸಕನ್ಧರಾ ॥ 4 ॥
ತಾಮೇವಾನುಕ್ಷಣಂ ದೇವಿ ಚಿನ್ತಯಾಮಿ ತತಃ ಶಿವೇ ।
ತಸ್ಯಾ ನಾಮಸಹಸ್ರಾಣಿ ಕಥಯಾಮಿ ತವ ಪ್ರಿಯೇ ॥ 5 ॥
ಸುಗೋಪ್ಯಾನ್ಯಪಿ ರಮ್ಭೋರು ಗಮ್ಭೀರಸ್ನೇಹವಿಭ್ರಮಾತ್ ।
ತಾಮೇವ ಸ್ತುವತಾ ದೇವೀಂ ಧ್ಯಾಯತೋಽನುಕ್ಷಣಂ ಮಮ ।
ಸುಖಸನ್ದೋಹಸಮ್ಭಾರಭಾವನಾನನ್ದಕಾರಣಮ್ ॥ 6 ॥
ಅಸ್ಯ ಶ್ರೀಶಿವಕಾಮಸುನ್ದರೀಸಹಸ್ರನಾಮ ಸ್ತೋತ್ರಮಹಾಮನ್ತ್ರಸ್ಯ ।
ಸದಾಶಿವ ಋಷಿಃ ಅನುಷ್ಟುಪ್ ಛನ್ದಃ ಶ್ರೀಮಚ್ಛಿವಕಾಮಸುನ್ದರೀ ದೇವತಾ ।
ವಾಗ್ಭವಸ್ವರೂಪಂ ಐಂ ಬೀಜಮ್ । ಚಿದಾನನ್ದಾತ್ಮಕಂ ಹ್ರೀಂ ಶಕ್ತಿಃ ।
ಕಾಮರಾಜಾತ್ಮಕಂ ಕ್ಲೀಂ ಕೀಲಕಮ್ ।
ಶ್ರೀಮಚ್ಛಿವಕಾಮಸುನ್ದರೀಪ್ರಸಾದಸಿದ್ಧ್ಯರ್ಥೇ ಜಪೇ ವಿನಿಯೋಗಃ ॥
ಷೋಡಶಾರ್ಣಮೂಲೇನ ನ್ಯಾಸಃ ॥
ಷೋಡಶಾರ್ಣಧ್ಯಾನಮೇವ ಅತ್ರಾಪಿ ಧ್ಯಾನಮ್ ।
ಸಿದ್ಧಸಿದ್ಧನವರತ್ನಭೂಮಿಕೇ ಕಲ್ಪವೃಕ್ಷನವವಾಟಿಸಂವೃತೇ ।
ರತ್ನಸಾಲವನಸಮ್ಭೃತೇಽನಿಶಂ ತತ್ರ ವಾಪಿಶತಕೇನ ಸಂವೃತೇ ॥ 7 ॥
ರತ್ನವಾಟಿಮಣಿಮಂಡಪೇಽರುಣೇ ಚಪಡಭಾನುಶತಕೋಟಿಭಾಸುರೇ ।
ಆದಿಶೈವಮಣಿಮಂಚಕೇ ಪರೇ ಶಂಕರಾಂಕಮಣಿಪೀಠಕೋಪರಿ ॥
ಕಾದಿಹಾನ್ತಮನುರೂಪಿಣೀಂ ಶಿವಾಂ ಸಂಸ್ಮರೇಚ್ಚ ಶಿವಕಾಮಸುನ್ದರೀಮ್ ॥ 8 ॥
ಲಮಿತ್ಯಾದಿ ಪಂಚಪೂಜಾ ॥
ಶಿವಕಾಮೇಶ್ವರೀನಾಮಸಾಹಸ್ರಸ್ತೋತ್ರಮುತ್ತಮಮ್ ।
ಪ್ರೋಚ್ಯತೇ ಶ್ರದ್ಧಯಾ ದೇವಿ ಶೃಣುಷ್ವಾವಹಿತಾ ಪ್ರಿಯೇ ॥ 9 ॥
ಕಾಮೇಶೀನಾಮಸಾಹಸ್ರೇ ಸದಾಶಿವ ಋಷಿಃ ಸ್ಮೃತಃ ।
ಛನ್ದೋಽನುಷ್ಟುಪ್ ದೇವತಾ ಚ ಶಿವಕಾಮೇಶ್ವರೀ ಸ್ಮೃತಾ ॥ 10 ॥
ಐಂ ಬೀಜಂ ಕೀಲಕಂ ಕ್ಲೀಂ ಚ ಹ್ರೀಂ ಶಕ್ತಿಃ ಕಥಿತಾ ಪ್ರಿಯೇ ।
ನ್ಯಾಸಧ್ಯಾನಾದಿಕಂ ಸರ್ವಂ ಷೋಡಶಾರ್ಣವದೀರಿತಮ್ ॥ 11 ॥
ಅನೇನ ಸ್ತೋತ್ರರಾಜೇನ ಸರ್ವಾಭೀಷ್ಟಂ ಲಭೇತ ನಾ ।
॥ ಅಥ ಸಹಸ್ರನಾಮಸ್ತೋತ್ರಮ್ ॥
ಶ್ರೀಶಿವಾ ಶಿವಕಾಮೀ ಚ ಸುನ್ದರೀ ಭುವನೇಶ್ವರೀ ।
ಆನನ್ದಸಿನ್ಧುರಾನನ್ದಾನನ್ದಮೂರ್ತಿರ್ವಿನೋದಿನೀ ॥ 1 ॥
ತ್ರೈಪುರೀ ಸುನ್ದರೀ ಪ್ರೇಮಪಾಥೋನಿಧಿರನುತ್ತಮಾ ।
ರಾಮೋಲ್ಲಾಸಾ ಪರಾ ಭೂತಿಃ ವಿಭೂತಿಶ್ಶಂಕರಪ್ರಿಯಾ ॥ 2 ॥
ಶೃಂಗಾರಮೂರ್ತಿರ್ವಿರತಾ ರಸಾನುಭವರೋಚನಾ ।
ಪರಮಾನನ್ದಲಹರೀ ರತಿರಂಗವತೀ ಸತೀ ॥ 3 ॥
ರಂಗಮಾಲಾನಂಗಕಲಾಕೇಲಿಃ ಕೈವಲ್ಯದಾ ಕಲಾ ।
ರಸಕಲ್ಪಾ ಕಲ್ಪಲತಾ ಕುತೂಹಲವತೀ ಗತಿಃ ॥ 4 ॥
ವಿನೋದದುಗ್ಧಾ ಸುಸ್ನಿಗ್ಧಾ ಮುಗ್ಧಮೂರ್ತಿನೋಹರಾ ।
ಬಾಲಾರ್ಕಕೋಟಿಕಿರಣಾ ಚನ್ದ್ರಕೋಟಿಸುಶೀತಲಾ ॥ 5 ॥
ಸ್ರವತ್ಪೀಯೂಷದಿಗ್ಧಾಂಗೀ ಸಂಗೀತ ನಟಿಕಾ ಶಿವಾ ।
ಕುರಂಗನಯನಾ ಕಾನ್ತಾ ಸುಖಸನ್ತತಿರಿನ್ದಿರಾ ॥ 6 ॥
ಮಂಗಲಾ ಮಧುರಾಪಾಂಗಾ ರಂಜನೀ ರಮಣೀ ರತಿಃ ।
ರಾಜರಾಜೇಶ್ವರೀ ರಾಜ್ಞೀ ಮಹೇನ್ದ್ರಪರಿವನ್ದಿತಾ ॥ 7 ॥
ಪ್ರಪಂಚಗತಿರೀಶಾನೀ ಸಾಮರಸ್ಯಪರಾಯಣಾ ।
ಹಂಸೋಲ್ಲಾಸಾ ಹಂಸಗತಿಃ ಶಿಂಜತ್ಕನಕನೂಪುರಾ ॥ 8 ॥
ಮೇರುಮನ್ದರವಕ್ಷೋಜಾ ಸೃಣಿಪಾಶವರಾಯುಧಾ ।
ಶಂಖಕೋದಂಡಸಸ್ತಾಬ್ಜಪಾಣಿದ್ವಯವಿರಾಜಿತಾ ॥ 9 ॥
ಚನ್ದ್ರಬಿಮ್ಬಾನನಾ ಚಾರುಮಕುಟೋತ್ತಂಸಚನ್ದ್ರಿಕಾ ।
ಸಿನ್ದೂರತಿಲಕಾ ಚಾರುಧಮ್ಮಿಲ್ಲಾಮಲಮಾಲಿಕಾ ॥ 10 ॥
ಮನ್ದಾರದಾಮಮುದಿತಾ ರಕ್ತಪುಷ್ಪವಿಭೂಷಿತಾ ।
ಸುವರ್ಣಾಭರಣಪ್ರೀತಾ ಮುಕ್ತಾದಾಮಮನೋಹರಾ ॥ 11 ॥
ತಾಮ್ಬೂಲಪೂರವದನಾ ಮದನಾನನ್ದಮಾನಸಾ ।
ಸುಖಾರಾಧ್ಯಾ ತಪಸ್ಸಾರಾ ಕೃಪಾವಾರಿಧಿರೀಶ್ವರೀ ॥ 12 ॥
ವಕ್ಷಃಸ್ಥಲಲಸನ್ಮಗ್ನಾ ಪ್ರಭಾ ಮಧುರಸೋನ್ಮುಖಾ ।
ಬಿನ್ದುನಾದಾತ್ಮಿಕಾ ಚಾರುರಸಿತಾ ತುರ್ಯರೂಪಿಣೀ ॥ 13 ॥
ಕಮನೀಯಾಕೃತಿಃ ಧನ್ಯಾ ಶಂಕರಪ್ರೀತಿಮಂಜರೀ ।
ಕನ್ಯಾ ಕಲಾವತೀ ಮಾತಾ ಗಜೇನ್ದ್ರಗಮನಾ ಶುಭಾ ॥ 14 ॥
ಕುಮಾರೀ ಕರಭೋರು ಶ್ರೀಃ ರೂಪಲಕ್ಷ್ಮೀಃ ಸುರಾಜಿತಾ ।
ಸನ್ತೋಷಸೀಮಾ ಸಮ್ಪತ್ತಿಃ ಶಾತಕುಮ್ಭಪ್ರಿಯಾ ದ್ಯುತಿಃ ॥ 15 ॥
ಪರಿಪೂರ್ಣಾ ಜಗದ್ಧಾತ್ರೀ ವಿಧಾತ್ರೀ ಬಲವರ್ಧಿನೀ ।
ಸಾರ್ವಭೌಮನೃಪಶ್ರೀಶ್ಚ ಸಾಮ್ರಾಜ್ಯಗತಿರಾಸಿಕಾ ॥ 16 ॥
ಸರೋಜಾಕ್ಷೀ ದೀರ್ಘದೃಷ್ಟಿಃ ಸೌಚಕ್ಷಣವಿಚಕ್ಷಣಾ ।
ರಂಗಸ್ರವನ್ತೀ ರಸಿಕಾ ಪ್ರಧಾನರಸರೂಪಿಣೀ ॥ 17 ॥
ರಸಸಿನ್ಧುಃ ಸುಗಾತ್ರೀ ಚ ಯುವತಿಃ ಮೈಥುನೋನ್ಮುಖೀ ।
ನಿರನ್ತರಾ ರಸಾಸಕ್ತಾ ಶಕ್ತಿಸ್ತ್ರಿಭುವನಾತ್ಮಿಕಾ ॥
ಕಾಮಾಕ್ಷೀ ಕಾಮನಿಷ್ಠಾ ಚ ಕಾಮೇಶೀ ಭಗಮಂಗಲಾ ।
ಸುಭಗಾ ಭಗಿನೀ ಭೋಗ್ಯಾ ಭಾಗ್ಯದಾ ಭಯದಾ ಭಗಾ ।
ಭಗಲಿಂಗಾನನ್ದಕಲಾ ಭಗಮಧ್ಯನಿವಾಸಿನೀ ॥ 19 ॥
ಭಗರೂಪಾ ಭಗಮಯೀ ಭಗಯನ್ತ್ರಾ ಭಗೋತ್ತಮಾ ।
ಯೋನಿರ್ಜಯಾ ಕಾಮಕಲಾ ಕುಲಾಮೃತಪರಾಯಣಾ ॥ 20 ॥
ಕುಲಕುಂಡಾಲಯಾ ಸೂಕ್ಷ್ಮಜೀವಸ್ಫುಲಿಂಗರೂಪಿಣೀ ।
ಮೂಲಸ್ಥಿತಾ ಕೇಲಿರತಾ ವಲಯಾಕೃತಿರೀಡಿತಾ ॥ 21 ॥
ಸುಷುಮ್ನಾ ಕಮಲಾನನ್ದಾ ಚಿತ್ರಾ ಕೂರ್ಮಗತಿರ್ಗಿರಿಃ ।
ಸಿತಾರುಣಾ ಸಿನ್ಧುರೂಪಾ ಪ್ರವೇಗಾ ನಿರ್ಧನೀ ಕ್ಷಮಾ ॥ 22 ॥
ಧಂಟಾಕೋಟಿರಸಾರಾವಾ ರವಿಬಿಮ್ಬೋತ್ಥಿತಾದ್ಭೂತಾ ।
ನಾದಾನ್ತಲೀನಾ ಸಮ್ಪೂರ್ಣಾ ಪ್ರಣವಾ ಬಹುರೂಪಿಣೀ ॥ 23 ॥
ಭೃಂಗಾರಾವಾ ವಶಗತಿಃ ವಾಗೀಶೀ ಮಧುರಧ್ವನಿಃ ।
ವರ್ಣಮಾಲಾ ಸಿದ್ಧಿಕಲಾ ಷಟ್ಚಕ್ರಕ್ರಮವಾಸಿನೀ ॥ 24 ॥
ಮಣಿಪೂರಸ್ಥಿತಾ ಸ್ನಿಗ್ಧಾ ಕೂರ್ಮಚಕ್ರಪರಾಯಣಾ ।
ಮೂಲಕೇಲಿರತಾ ಸಾಧ್ವೀ ಸ್ವಾಧಿಷ್ಠಾನನಿವಾಸಿನೀ ॥ 25 ॥
ಅನಾಹತಗತಿರ್ದೀಪಾ ಶಿವಾನನ್ದಮಯದ್ಯುತಿಃ ।
ವಿರುದ್ಧರುಧಾ ಸಮ್ಬುದ್ಧಾ ಜೀವಭೋಕ್ತ್ರೀ ಸ್ಥಲೀರತಾ ॥ 26 ॥
ಆಜ್ಞಾಚಕ್ರೋಜ್ಜ್ವಲಸ್ಫಾರಸ್ಫುರನ್ತೀ ನಿರ್ಗತದ್ವಿಷಾ ।
ಚನ್ದ್ರಿಕಾ ಚನ್ದ್ರಕೋಟೀಶೀ ಸೂರ್ಯಕೋಟಿಪ್ರಭಾಮಯೀ ॥ 27 ॥
ಪದ್ಮರಾಗಾರುಣಚ್ಛಾಯಾ ನಿತ್ಯಾಹ್ಲಾದಮಯೀಪ್ರಭಾ ।
ಮಹಾಶೂನ್ಯಾಲಯಾ ಚನ್ದ್ರಮಂಡಲಾಮೃತನನ್ದಿತಾ ॥ 28 ॥
ಕಾನ್ತಾಂಗಸಂಗಮುದಿತಾ ಸುಧಾಮಾಧುರ್ಯಸಮ್ಭೃತಾ ।
ಮಹಾಚನ್ದ್ರಸ್ಮಿತಾಲಿಸಾ ಮೃತ್ಪಾತ್ರಸ್ಥಾ ಸುಧಾದ್ಯುತಿಃ ॥ 29 ॥
ಸ್ರವತ್ಪೀಮೂಷಸಂಸಕ್ತಾ ಶಶ್ವತ್ಕುಂಡಾಲಯಾ ಭವಾ ।
ಶ್ರೇಯೋ ದ್ಯುತಿಃ ಪ್ರತ್ಯಗರ್ಥಾ ಸೇವಾ ಫಲವತೀ ಮಹೀ ॥ 30 ॥
ಶಿವಾ ಶಿವಪ್ರಿಯಾ ಶೈವಾ ಶಂಕರೀ ಶಾಮ್ಭವೀ ವಿಭುಃ ।
ಸ್ವಯಮ್ಭೂ ಸ್ವಪ್ರಿಯಾ ಸ್ವೀಯಾ ಸ್ವಕೀಯಾ ಜನಮಾತೃಕಾ ॥
ಸುರಾಮಾ ಸ್ವಪ್ರಿಯಾ ಶ್ರೇಯಃ ಸ್ವಾಧಿಕಾರಾಧಿನಾಯಿಕಾ ।
ಮಂಡಲಾ ಜನನೀ ಮಾನ್ಯಾ ಸರ್ವಮಂಗಲಸನ್ತತಿಃ ॥ 32 ॥
ಭದ್ರಾ ಭಗವತೀ ಭಾವ್ಯಾ ಕಲಿತಾರ್ಧೇನ್ದುಭಾಸುರಾ ।
ಕಲ್ಯಾಣಲಲಿತಾ ಕಾಮ್ಯಾ ಕುಕರ್ಮಕುಮತಿಪ್ರದಾ ॥ 33 ॥
ಕುರಂಗಾಕ್ಷೀ ಕ್ಷೀರನೇತ್ರಾ ಕ್ಷೀರಾ ಮಧುರಸೋನ್ಮದಾ ।
ವಾರುಣೀಪಾನಮುದಿತಾ ಮದಿರಾಮುದಿತಾ ಸ್ಥಿರಾ ॥ 34 ॥
ಕಾದಮ್ಬರೀಪಾನರುಚಿಃ ವಿಪಾಶಾ ಪಶುಭಾವನಾ ।
ಮುದಿತಾ ಲಲಿತಾಪಾಂಗಾ ದರಾನ್ದೋಲಿತದೀರ್ಘದೃಕ್ ॥ 35 ॥
ದೈತ್ಯಾಕುಲಾನಲಶಿಖಾ ಮನೋರಥಸುಧಾದ್ಯುತಿಃ ।
ಸುವಾಸಿನೀ ಪೀತಗಾತ್ರೀ ಪೀನಶ್ರೋಣಿಪಯೋಧರಾ ॥ 36 ॥
ಸುಚಾರುಕಬರೀ ದಧ್ಯುದಧ್ಯುತ್ಥಿಮೌಕ್ತಿಕಾ ।
ಬಿಮ್ಬಾಧರದ್ಯುತಿಃ ಮುಗ್ಧಾ ಪ್ರವಾಲೋತ್ತಮದೀಧಿತಿಃ ॥ 37 ॥
ತಿಲಪ್ರಸೂನನಾಸಾಗ್ರಾ ಹೇಮಮೌಕ್ತಿಕಕೋರಕಾ ।
ನಿಷ್ಕಲಂಕೇನ್ದುವದನಾ ಬಾಲೇನ್ದುವದನೋಜ್ವಲಾ ॥ 38 ॥
ನೃತ್ಯನ್ತ್ಯಂಜನನೇತ್ರಾನ್ತಾ ಪ್ರಸ್ಫುರತ್ಕರ್ಣಶಷ್ಕುಲೀ ।
ಭಾಲಚನ್ದ್ರಾತಪೋನ್ನದ್ಧಾ ಮಣಿಸೂರ್ಯಕಿರೀಟಿನೀ ॥ 39 ॥
ಕಚೌಘಚಮ್ಪಕಶ್ರೇಣೀ ಮಾಲಿನೀದಾಮಮಂಡಿತಾ ।
ಹೇಮಮಾಣಿಕ್ಯ ತಾಟಂಕಾ ಮಣಿಕಾಂಚನ ಕುಂಡಲಾ ॥ 40 ॥
ಸುಚಾರುಚುಬುಕಾ ಕಮ್ಬುಕಂಠೀ ಕುಂಡಾವಲೀ ರಮಾ ।
ಗಂಗಾತರಂಗಹಾರೋರ್ಮಿಃ ಮತ್ತಕೋಕಿಲನಿಸ್ವನಾ ॥ 41 ॥
ಮೃಣಾಲವಿಲಸದ್ಬಾಹುಪಾಶಾಕುಶಧನುರ್ಧರಾ ।
ಕೇಯೂರಕಂಕಣಶ್ರೇಣೀ ನಾನಾಮಣಿಮನೋರಮಾ ॥ 42 ॥
ತಾಮ್ರಪಂಕಜಪಾಣಿಶ್ರೀಃ ನವರತ್ನಪ್ರಭಾವತೀ ।
ಅಂಗುಲೀಯಮಣಿಶ್ರೇಣೀ ಕಾನ್ತಿಮಂಗಲಸನ್ತತಿಃ ॥ 43 ॥
ಮನ್ದರದ್ವನ್ದ್ವಸುಕುಚಾ ರೋಮರಾಜಿಭುಜಂಗಿಕಾ ।
ಗಮ್ಭೀರನಾಭಿಸ್ತ್ರಿವಲೀಭಂಗುರಾ ಕ್ಷಣಿಮಧ್ಯಮಾ ॥ 44 ॥
ರಣತ್ಕಾಂಚೀಗುಣಾನದ್ಧಾ ಪಟ್ಟಾಂಶುಕನಿತಮ್ಬಿಕಾ ।
ಮೇರುಸನ್ಧಿನಿತಮ್ಬಾಢ್ಯಾ ಗಜಶುಂಡೋರುಯುಗ್ಮಯುಕ್ ॥ 45 ॥
ಸುಜಾನುರ್ಮದನಾನನ್ದಮಯಜಂಘಾದ್ವಯಾನ್ವಿತಾ ।
ಗೂಢಗುಲ್ಫಾ ಮಂಜುಶಿಂಜನ್ಮಣಿನೂಪುರಮಂಡಿತಾ ॥ 46 ॥
ಪದದ್ವನ್ದ್ವಜಿತಾಮ್ಭೋಜಾ ನಖಚನ್ದ್ರಾವಲೀಪ್ರಭಾ ।
ಸುಸೀಮಪ್ರಪದಾ ರಾಜಂಹಸಮತ್ತೇಭಮನ್ದಗಾ ॥ 47 ॥
ಯೋಗಿಧ್ಯೇಯಪದದ್ವದ್ವಾ ಸೌನ್ದರ್ಯಾಮೃತಸಾರಿಣೀ ।
ಲಾವಪಯಸಿನ್ಧುಃ ಸಿನ್ದೂರತಿಲಕಾ ಕುಟಿಲಾಲಕಾ ॥ 48 ॥
ಸಾಧುಸೀಮನ್ತಿನೀ ಸಿದ್ಧಬುದ್ಧವೃನ್ದಾರಕೋದಯಾ ।
ಬಾಲಾರ್ಕಕಿರಣಶ್ರೇಣಿಶೋಣಶ್ರೀಃ ಪ್ರೇಮಕಾಮಧುಕ್ ॥ 49 ॥
ರಸಗಮ್ಭೀರಸರಸೀ ಪದ್ಮಿನೀ ರಸಸಾರಸಾ ।
ಪ್ರಸನ್ನಾಸನ್ನವರದಾ ಶಾರದಾ ಭುವಿ ಭಾಗ್ಯದಾ ॥ 50 ॥
ನಟರಾಜಪ್ರಿಯಾ ವಿಶ್ವಾನಾದ್ಯಾ ನರ್ತಕನರ್ತಕೀ ।
ಚಿತ್ರಯನ್ತ್ರಾ ಚಿತ್ರತನ್ತ್ರಾ ಚಿತ್ರವಿದ್ಯಾವಲೀಯತಿಃ ॥ 51 ॥
ಚಿತ್ರಕೂಟಾ ತ್ರಿಕೂಟಾ ಚ ಪನ್ಧಕೂಟಾ ಚ ಪಂಚಮೀ ।
ಚತುಷ್ಟ್ಕೂಟಾ ಶಮ್ಭುವಿದ್ಯಾ ಷಟ್ಕೂಟಾ ವಿಷ್ಣುಪೂಜಿತಾ ॥ 52 ॥
ಕೂಟಷೋಡಶಸಮ್ಪನ್ನಾ ತುರೀಯಾ ಪರಮಾ ಕಲಾ ।
ಷೋಡಶೀ ಮನ್ತ್ರಯನ್ತ್ರಾಣಾಂ ಈಶ್ವರೀ ಮೇರುಮಂಡಲಾ ॥ 53 ॥
ಷೋಡಶಾರ್ಣಾ ತ್ರಿವರ್ಣಾ ಚ ಬಿನ್ದುನಾದಸ್ವರೂಪಿಣೀ ।
ವರ್ಣಾತೀತಾ ವರ್ಣಮತಾ ಶಬ್ದಬ್ರಹ್ಮಮಯೀ ಸುಖಾ ॥ 54 ॥
ಸುಖಜ್ಯೋತ್ಸ್ನಾನನ್ದವಿದ್ಯುದನ್ತರಾಕಾಶದೇವತಾ ।
ಚೈತನ್ಯಾ ವಿಧಿಕೂಟಾತ್ಮಾ ಕಾಮೇಶೀ ಸ್ವಪ್ನದರ್ಶನಾ ॥ 55 ॥
ಸ್ವಪ್ನರೂಪಾ ಬೋಧಕರೀ ಜಾಗ್ರತೀ ಜಾಗರಾಶ್ರಯಾ ।
ಸ್ವಪ್ನಾಶ್ರಯಾ ಸುಷುಪ್ತಿಸ್ಥಾ ತನ್ತ್ರಮೂರ್ತಿಶ್ಚ ಮಾಧವೀ ॥ 56 ॥
ಲೋಪಾಮುದ್ರಾ ಕಾಮರಾಜ್ಞೀ ಮಾಧವೀ ಮಿತ್ರರೂಪಿಣೀ ।
ಶಾಂಕರೀ ನನ್ದಿವಿದ್ಯಾ ಚ ಭಾಸ್ವನ್ಮಂಡಲಮಧ್ಯಗಾ ॥ 57 ॥
ಮಾಹೇನ್ದ್ರಸ್ವರ್ಗಸಮ್ಪತ್ತಿಃ ದೂರ್ವಾಸಸ್ಸೇವಿತಾ ಶ್ರುತಿಃ ।
ಸಾಧಕೇನ್ದ್ರಗತಿಸ್ಸಾಧ್ವೀ ಸುಲಿಪ್ತಾ ಸಿದ್ಧಿಕನ್ಧರಾ ॥ 58 ॥
ಪುರತ್ರಯೇಶೀ ಪುರಕೃತ್ ಷಷ್ಠೀ ಚ ಪರದೇವತಾ ।
ವಿಘ್ನದೂರೀ ಭೂರಿಗುಣಾ ಪುಷ್ಟಿಃ ಪೂಜಿತಕಾಮಧುಕ್ ॥ 59 ॥
ಹೇರಮ್ಬಮಾತಾ ಗಣಪಾ ಗುಹಾಮ್ಬಾಽಽರ್ಯಾ ನಿತಮ್ಬಿನೀ ।
ಏಷಾ ಸೀಮನ್ತಿನೀ ಮೋಕ್ಷದಕ್ಷಾ ದೀಕ್ಷಿತಮಾತೃಕಾ ॥ 60 ॥
ಸಾಧಕಾಮ್ಬಾ ಸಿದ್ಧಮಾತಾ ಸಾಧಕೇನ್ದ್ರಮನೋರಮಾ ।
ಯೌವನೋನ್ಮಾದಿನೀ ತುಂಗಸ್ತನೀ ಸುಶ್ರೋಣಿಮಂಡಿತಾ ॥ 61 ॥
ಪದ್ಮರಕ್ತೋತ್ಪಲವತೀ ರಕ್ತಮಾಲ್ಯಾನುಲೇಪನಾ ।
ರಕ್ತಮಾಲ್ಯರುಚಿರ್ದಕ್ಷಾ ಶಿಖಂಡಿನ್ಯತಿಸುನ್ದರೀ ॥ 62 ॥
ಶಿಖಂಡಿನೃತ್ಯಸನ್ತುಷ್ಟಾ ಶಿಖಂಡಿಕುಲಪಾಲಿನೀ ।
ವಸುನ್ಧರಾ ಚ ಸುರಭಿಃ ಕಮನೀಯತನುಶ್ಶುಭಾ ॥ 63 ॥
ನನ್ದಿನೀ ತ್ರೀಕ್ಷಣವತೀ ವಸಿಷ್ಠಾಲಯದೇವತಾ ।
ಗೋಲಕೇಶೀ ಚ ಲೋಕೇನ್ದ್ರಾ ನೃಲೋಕಪರಿಪಾಲಿಕಾ ॥ 64 ॥
ಹವಿರ್ಧಾತ್ರೀ ದೇವಮಾತಾ ವೃನ್ದಾರಕಪರಾತ್ಮಯುಕ್ ।
ರುದ್ರಮಾತಾ ರುದ್ರಪತ್ನೀ ಮದೋದ್ಗಾರಭರಾ ಕ್ಷಿತಿಃ ॥ 65 ॥
ದಕ್ಷಿಣಾ ಯಜ್ಞಸಮ್ಪತ್ತಿಃ ಸ್ವಬಲಾ ಧೀರನನ್ದಿತಾ ।
ಕ್ಷೀರಪೂರ್ಣಾರ್ಣವಗತಿಃ ಸುಧಾಯೋನಿಃ ಸುಲೋಚನಾ ॥ 66 ॥
ರಮಾ ತುಂಗಾ ಸದಾಸೇವ್ಯಾ ಸುರಸಂಘದಯಾ ಉಮಾ ।
ಸುಚರಿತ್ರಾ ಚಿತ್ರವರಾ ಸುಸ್ತನೀ ವತ್ಸವತ್ಸಲಾ ॥ 67 ॥
ರಜಸ್ವಲಾ ರಜೋಯುಕ್ತಾ ರಂಜಿತಾ ರಂಗಮಾಲಿಕಾ ।
ರಕ್ತಪ್ರಿಯಾ ಸುರಕ್ತಾ ಚ ರತಿರಂಗಸ್ವರೂಪಿಣೀ ॥ 68 ॥
ರಜಶ್ಶುಕ್ಲಾಕ್ಷಿಕಾ ನಿಷ್ಠಾ ಋತುಸ್ನಾತಾ ರತಿಪ್ರಿಯಾ ।
ಭಾವ್ಯಭಾವ್ಯಾ ಕಾಮಕೇಲಿಃ ಸ್ಮರಭೂಃ ಸ್ಮರಜೀವಿಕಾ ॥ 69 ॥
ಸಮಾಧಿಕುಸುಮಾನನ್ದಾ ಸ್ವಯಮ್ಭುಕುಸುಮಪ್ರಿಯಾ ।
ಸ್ವಯಮ್ಭುಪ್ರೇಮಸನ್ತುಷ್ಟಾ ಸ್ವಯಮ್ಭೂನಿನ್ದಕಾನ್ತಕಾ ॥ 70 ॥
ಸ್ವಯಮ್ಭುಸ್ಥಾ ಶಕ್ತಿಪುಟಾ ರವಿಃ ಸರ್ವಸ್ವಪೇಟಿಕಾ ।
ಅತ್ಯನ್ತರಸಿಕಾ ದೂತಿಃ ವಿದಗ್ಧಾ ಪ್ರೀತಿಪೂಜಿತಾ ॥ 71 ॥
ತೂಲಿಕಾಯನ್ತ್ರನಿಲಯಾ ಯೋಗಪೀಠನಿವಾಸಿನೀ ।
ಸುಲಕ್ಷಣಾ ದೃಶ್ಯರೂಪಾ ಸರ್ವ ಲಕ್ಷಣಲಕ್ಷಿತಾ ॥ 72 ॥
ನಾನಾಲಂಕಾರಸುಭಗಾ ಪಂಚಕಾಮಶರಾರ್ಚಿತಾ ।
ಊರ್ಧ್ವತ್ರಿಕೋಣಯನ್ತ್ರಸ್ಥಾ ಬಾಲಾ ಕಾಮೇಶ್ವರೀ ತಥಾ ॥ 73 ॥
ಗುಣಾಧ್ಯಕ್ಷಾ ಕುಲಾಧ್ಯಕ್ಷಾ ಲಕ್ಷ್ಮೀಶ್ಚೈವ ಸರಸ್ವತೀ ।
ವಸನ್ತಮದನೋತ್ತುಂಗ ಸ್ತನೀ ಕುಚಭರೋನ್ನತಾ ॥ 74 ॥
ಕಲಾಧರಮುಖೀ ಮೂರ್ಧಪಾಥೋಧಿಶ್ಚ ಕಲಾವತೀ ।
ದಕ್ಷಪಾದಾದಿಶೀರ್ಷಾನ್ತಷೋಡಶಸ್ವರಸಂಯುತಾ ॥ 75 ॥
ಶ್ರದ್ಧಾ ಪೂರ್ತಿಃ ರತಿಶ್ಚೈವ ಭೂತಿಃ ಕಾನ್ತಿರ್ಮನೋರಮಾ ।
ವಿಮಲಾ ಯೋಗಿನೀ ಘೋರಾ ಮದನೋನ್ಮಾದಿನೀ ಮದಾ ॥ 76 ॥
ಮೋದಿನೀ ದೀಪಿನೀ ಚೈವ ಶೋಷಿಣೀ ಚ ವಶಂಕರೀ ।
ರಜನ್ಯನ್ತಾ ಕಾಮಕಲಾ ಲಸತ್ಕಮಲಧಾರಿಣೀ ॥ 77 ॥
ವಾಮಮೂರ್ಧಾದಿಪಾದಾನ್ತಷೋಡಶಸ್ವರಸಂಯುತಾ ।
ಪೂಷರೂಪಾ ಸುಮನಸಾಂ ಸೇವ್ಯಾ ಪ್ರೀತಿಃ ದ್ಯುತಿಸ್ತಥಾ ॥ 78 ॥
ಋದ್ಧಿಃ ಸೌದಾಮಿನೀ ಚಿಚ್ಚ ಹಂಸಮಾಲಾವೃತಾ ತಥಾ ।
ಶಶಿನೀ ಚೈವ ಚ ಸ್ವಸ್ಥಾ ಸಮ್ಪೂರ್ಣಮಂಡಲೋದಯಾ ॥ 79 ॥
ಪುಷ್ಟಿಶ್ಚಾಮೃತಪೂರ್ಣಾ ಚ ಭಗಮಾಲಾಸ್ವರೂಪಿಣೀ ।
ಭಗಯನ್ತ್ರಾಶ್ರಯಾ ಶಮ್ಭುರೂಪಾ ಸಂಯೋಗಯೋಗಿನೀ ॥ 80 ॥
ದ್ರಾವಿಣೀ ಬೀಜರೂಪಾ ಚ ಹ್ಯಕ್ಷುಬ್ಧಾ ಸಾಧಕಪ್ರಿಯಾ ।
ರಜಃ ಪೀಠಮಯೀ ನಾದ್ಯಾ ಸುಖದಾ ವಾಂಛಿತಪ್ರದಾ ॥ 81 ॥
ರಜಸ್ಸವಿತ್ ರಜಶ್ಶಕ್ತಿಃ ಶುಕ್ಲಬಿನ್ದುಸ್ವರೂಪಿಣೀ ।
ಸರ್ವಸಾಕ್ಷೀ ಸಾಮರಸ್ಯಾ ಶಿವಶಕ್ತಿಮಯೀ ಪ್ರಭಾ ॥ 82 ॥
ಸಂಯೋಗಾನನ್ದನಿಲಯಾ ಸಂಯೋಗಪ್ರೀತಿಮಾತೃಕಾ ।
ಸಂಯೋಗಕುಸುಮಾನನ್ದಾ ಸಂಯೋಗಯೋಗಪದ್ಧತಿಃ ॥ 83 ॥
ಸಂಯೋಗಸುಖದಾವಸ್ಥಾ ಚಿದಾನನ್ದಾರ್ಧ್ಯಸೇವಿತಾ ।
ಅರ್ಘ್ಯಪೂಜ್ಯಾ ಚ ಸಮ್ಪತ್ತಿಃ ಅರ್ಧ್ಯದಾಭಿನ್ನರೂಪಿಣೀ ॥ 84 ॥
ಸಾಮರಸ್ಯಪರಾ ಪ್ರೀತಾ ಪ್ರಿಯಸಂಗಮರಂಗಿಣೀ ।
ಜ್ಞಾನದೂತೀ ಜ್ಞಾನಗಮ್ಯಾ ಜ್ಞಾನಯೋನಿಶ್ಶಿವಾಲಯಾ ॥ 85 ॥
ಚಿತ್ಕಲಾ ಸತ್ಕಲಾ ಜ್ಞಾನಕಲಾ ಸಂವಿತ್ಕಲಾತ್ಮಿಕಾ ।
ಕಲಾಚತುಷ್ಟಯೀ ಪದ್ಮವಾಸಿನೀ ಸೂಕ್ಷ್ಮರೂಪಿಣೀ ॥ 86 ॥
ಹಂಸಕೇಲಿಸ್ಥಲಸ್ವಸ್ಥಾ ಹಂಸದ್ವಯವಿಕಾಸಿನೀ ।
ವಿರಾಗಿತಾ ಮೋಕ್ಷಕಲಾ ಪರಮಾತ್ಮಕಲಾವತೀ ॥ 87 ॥
ವಿದ್ಯಾಕಲಾನ್ತರಾತ್ಮಸ್ಥಾ ಚತುಷ್ಟಯಕಲಾವತೀ ।
ವಿದ್ಯಾಸನ್ತೋಷಣಾ ತೃಪ್ತಿ ಪರಬ್ರಹ್ಮಪ್ರಕಾಶಿನೀ ॥ 88 ॥
ಪರಮಾತ್ಮಪರಾ ವಸ್ತುಲೀನಾ ಶಕ್ತಿಚತುಷ್ಟಯೀ ।
ಶಾನ್ತಿರ್ಬೋಧಕಲಾ ವ್ಯಾಪ್ತಿಃ ಪರಜ್ಞಾನಾತ್ಮಿಕಾ ಕಲಾ ॥ 89 ॥
ಪಶ್ಯನ್ತೀ ಪರಮಾತ್ಮಸ್ಥಾ ಚಾನ್ತರಾತ್ಮಕಲಾ ಶಿವಾ ।
ಮಧ್ಯಮಾ ವೈಖರೀ ಚಾತ್ಮ ಕಲಾಽಽನನ್ದಕಲಾವತೀ ॥ 90 ॥
ತರುಣೀ ತಾರಕಾ ತಾರಾ ಶಿವಲಿಂಗಾಲಯಾತ್ಮವಿತ್ ।
ಪರಸ್ಪರಸ್ವಭಾವಾ ಚ ಬ್ರಹ್ಮಜ್ಞಾನವಿನೋದಿನೀ ॥ 91 ॥
ರಾಮೋಲ್ಲಾಸಾ ಚ ದುರ್ಧರ್ಷಾ ಪರಮಾರ್ಘ್ಯಪ್ರಿಯಾ ರಮಾ ।
ಜಾತ್ಯಾದಿರಹಿತಾ ಯೋಗಿನ್ಯಾನನ್ದಮಾತ್ರಪದ್ಧತಿಃ ॥ 92 ॥
ಕಾನ್ತಾ ಶಾನ್ತಾ ದಾನ್ತಯಾತಿಃ ಕಲಿತಾ ಹೋಮಪದ್ಧತಿಃ ।
ದಿವ್ಯಭಾವಪ್ರದಾ ದಿವ್ಯಾ ವೀರಸೂರ್ವೀರಭಾವದಾ ॥ 93 ॥
ಪಶುದೇಹಾ ವೀರಗತಿಃ ವೀರಹಂಸಮನೋದಯಾ ।
ಮೂರ್ಧಾಭಿಷಿಕ್ತಾ ರಾಜಶ್ರೀಃ ಕ್ಷತ್ರಿಯೋತ್ತಮಮಾತೃಕಾ ॥ 94 ॥
ಶಸ್ತ್ರಾಸ್ತ್ರಕುಶಲಾ ಶೋಭಾ ರಥಸ್ಥಾ ಯುದ್ಧಜೀವಿಕಾ ।
ಅಶ್ವಾರೂಢಾ ಗಜಾರೂಢಾ ಭೂತೋಕ್ತಿಃ ಸುರಸುಶ್ರಯಾ ॥ 95 ॥
ರಾಜನೀತಿಶ್ಶಾನ್ತಿಕರ್ತ್ರೀ ಚತುರಂಗಬಲಾಶ್ರಯಾ ।
ಪೋಷಿಣೀ ಶರಣಾ ಪದ್ಮಪಾಲಿಕಾ ಜಯಪಾಲಿಕಾ ॥ 96 ॥
ವಿಜಯಾ ಯೋಗಿನೀ ಯಾತ್ರಾ ಪರಸೈನ್ಯವಿಮರ್ದಿನೀ ।
ಪೂರ್ಣವಿತ್ತಾ ವಿತ್ತಗಮ್ಯಾ ವಿತ್ತಸಂಚಯ ಶಾಲಿನೀ ॥ 97 ॥
ಮಹೇಶೀ ರಾಜ್ಯಭೋಗಾ ಚ ಗಣಿಕಾಗಣಭೋಗಭೃತ್ ।
ಉಕಾರಿಣೀ ರಮಾ ಯೋಗ್ಯಾ ಮನ್ದಸೇವ್ಯಾ ಪದಾತ್ಮಿಕಾ ॥
ಸೈನ್ಯಶ್ರೇಣೀ ಶೌರ್ಯರತಾ ಪತಾಕಾಧ್ವಜಮಾಲಿನೀ ।
ಸುಚ್ಛತ್ರ ಚಾಮರಶ್ರೇಣಿಃ ಯುವರಾಜವಿವರ್ಧಿನೀ ॥ 99 ॥
ಪೂಜಾ ಸರ್ವಸ್ವಸಮ್ಭಾರಾ ಪೂಜಾಪಾಲನಲಾಲಸಾ ।
ಪೂಜಾಭಿಪೂಜನೀಯಾ ಚ ರಾಜಕಾರ್ಯಪರಾಯಣಾ ॥ 100 ॥
ಬ್ರಹ್ಮಕ್ಷತ್ರಮಯೀ ಸೋಮಸೂರ್ಯವಹ್ನಿಸ್ವರೂಪಿಣೀ ।
ಪೌರೋಹಿತ್ಯಪ್ರಿಯಾ ಸಾಧ್ವೀ ಬ್ರಹ್ಮಾಣೀ ಯನ್ತ್ರಸನ್ತತಿಃ ॥
ಸೋಮಪಾನಜನಾಪ್ರೀತಾ ಯೋಜನಾಧ್ವಗತಿಕ್ಷಮಾ ।
ಪ್ರೀತಿಗ್ರಹಾ ಪರಾ ದಾತ್ರೀ ಶ್ರೇಷ್ಠಜಾತಿಃ ಸತಾಂಗತಿಃ ॥ 102 ॥
ಗಾಯತ್ರೀ ವೇದವಿದ್ಧ್ಯೇಯಾ ದೀಕ್ಷಾ ಸನ್ತೋಷತರ್ಪಣಾ ।
ರತ್ನದೀಧಿತಿವಿದ್ಯುತ್ಸಹಸನಾ ವೈಶ್ಯಜೀವಿಕಾ ॥ 103 ॥
ಕೃಷಿರ್ವಾಣಿಜ್ಯಭೂತಿಶ್ಚ ವೃದ್ಧಿದಾ ವೃದ್ಧಸೇವಿತಾ ।
ತುಲಾಧಾರಾ ಸ್ವಪ್ನಕಾಮಾ ಮಾನೋನ್ಮಾನಪರಾಯಣಾ ॥ 104 ॥
ಶ್ರದ್ಧಾ ವಿಪ್ರಗತಿಃ ಕರ್ಮಕರೀ ಕೌತುಕಪೂಜಿತಾ ।
ನಾನಾಭಿಚಾರಚತುರಾ ವಾರಸ್ತ್ರೀಶ್ರೀಃ ಕಲಾಮಯೀ ॥
ಸುಕರ್ಣಧಾರಾ ನೌಪಾರಾ ಸರ್ವಾಶಾ ರತಿಮೋಹಿನೀ ।
ದುರ್ಗಾ ವಿನ್ಧ್ಯವನಸ್ಥಾ ಚ ಕಾಲದರ್ಪನಿಷೂದಿನೀ ॥
ಭೂಮಾರಶಮನೀ ಕೃಷ್ಣಾ ರಕ್ಷೋರಾಕ್ಷಸಸಾಹಸಾ ।
ವಿವಿಧೋತ್ಪಾತಶಮನೀ ಸಮಯಾ ಸುರಸೇವಿತಾ ॥ 107 ॥
ಪಂಚಾವಯವವಾಕ್ಯಶ್ರೀಃ ಪ್ರಪಂಚೋದ್ಯಾನಚನ್ದ್ರಿಕಾ ।
ಸಿದ್ಧಿಸನ್ದೋಹಸಂಸಿದ್ಧಯೋಗಿನೀವೃನ್ದಸೇವಿತಾ ॥ 108 ॥
ನಿತ್ಯಾ ಷೋಡಶಿಕಾರೂಪಾ ಕಾಮೇಶೀ ಭಗಮಾಲಿನೀ ।
ನಿತ್ಯಕ್ಲಿನ್ನಾ ನಿರಾಧಾರಾ ವಹ್ನಿಮಂಡಲವಾಸಿನೀ ॥ 109 ॥
ಮಹಾವಜ್ರೇಶ್ವರೀ ನಿತ್ಯಶಿವದೂತೀತಿ ವಿಶ್ರುತಾ ।
ತ್ವರಿತಾ ಪ್ರಥಿತಾ ಖ್ಯಾತಾ ವಿಖ್ಯಾತಾ ಕುಲಸುನ್ದರೀ ॥ 110 ॥
ನಿತ್ಯಾ ನೀಲಪತಾಕಾ ಚ ವಿಜಯಾ ಸರ್ವಮಂಗಲಾ ।
ಜ್ವಾಲಾಮಾಲಾ ವಿಚಿತ್ರಾ ಚ ಮಹಾತ್ರಿಪುರಸುನ್ದರೀ ॥ 111 ॥
ಗುರುವೃನ್ದಾ ಪರಗುರುಃ ಪ್ರಕಾಶಾನನ್ದದಾಯಿನೀ ।
ಶಿವಾನನ್ದಾ ನಾದರೂಪಾ ಶಕ್ರಾನನ್ದಸ್ವರೂಪಿಣೀ ॥ 112 ॥
ದೇವ್ಯಾನನ್ದಾ ನಾದಮಯೀ ಕೌಲೇಶಾನನ್ದನಾಥಿನೀ ।
ಶುಕ್ಲದೇವ್ಯಾನನ್ದನಾಥಾ ಕುಲೇಶಾನನ್ದದಾಯಿನೀ ॥ 113 ॥
ದಿವ್ಯೌಘಸೇವಿತಾ ದಿವ್ಯಭೋಗದಾನಪರಾಯಣಾ ।
ಕ್ರೀಡಾನನ್ದಾ ಕ್ರೀಡಮಾನಾ ಸಮಯಾನನ್ದದಾಯಿನೀ ॥ 114 ॥
ವೇದಾನನ್ದಾ ಪಾರ್ವತೀ ಚ ಸಹಜಾನನ್ದದಾಯಿನೀ ।
ಸಿದ್ಧೌಘಗುರುರೂಪಾ ಚಾಪ್ಯಪರಾ ಗುರುರೂಪಿಣೀ ॥ 115 ॥
ಗಗನಾನನ್ದನಾಥಾ ಚ ವಿಶ್ವಾದ್ಯಾನನ್ದದಾಯಿನೀ ।
ವಿಮಲಾನನ್ದನಾಥಾ ಚ ಮದನಾನನ್ದದಾಯಿನೀ ॥ 116 ॥
ಭುವನಾನನ್ದನಾಥಾ ಚ ಲೀಲೋದ್ಯಾನಪ್ರಿಯಾ ಗತಿಃ ।
ಸ್ವಾತ್ಮಾನ್ದವಿನೋದಾ ಚ ಪ್ರಿಯಾದ್ಯಾನನ್ದನಾಥಿನೀ ॥ 117 ॥
ಮಾನವಾದ್ಯಾ ಗುರುಶ್ರೇಷ್ಠಾ ಪರಮೇಷ್ಠಿ ಗುರುಪ್ರಭಾ ।
ಪರಮಾದ್ಯಾ ಗುರುಶ್ಶಕ್ತಿಃ ಕಿರ್ತನಪ್ರಿಯಾ ॥ 118 ॥
ತ್ರೈಲೋಕ್ಯಮೋಹನಾಖ್ಯಾ ಚ ಸರ್ವಾಶಾಪರಿಪೂರಕಾ ।
ಸರ್ವಸಂಕ್ಷೋಭಿಣೀ ಪೂರ್ವಾಮ್ನಾಯಾ ಚಕ್ರತ್ರಯಾಲಯಾ ॥ 119 ॥
ಸರ್ವಸೌಭಾಗ್ಯದಾತ್ರೀ ಚ ಸರ್ವಾರ್ಥಸಾಧಕಪ್ರಿಯಾ ।
ಸರ್ವರಕ್ಷಾಕರೀ ಸಾಧುರ್ದಕ್ಷಿಣಾಮ್ನಾಯದೇವತಾ ॥ 120 ॥
ಮಧ್ಯಚಕ್ರೈಕನಿಲಯಾ ಪಶ್ಚಿಮಾಮ್ನಾಯದೇವತಾ ।
ನವಚಕ್ರಕೃತಾವಾಸಾ ಕೌಬೇರಾಮ್ನಾಯದೇವತಾ ॥ 121 ॥
ಬಿನ್ದುಚಕ್ರಕೃತಾಯಾಸಾ ಮಧ್ಯಸಿಂಹಾಸನೇಶ್ವರೀ ।
ಶ್ರೀವಿದ್ಯಾ ನವದುರ್ಗಾ ಚ ಮಹಿಷಾಸುರಮರ್ದಿನೀ ॥ 122 ॥
ಸರ್ವಸಾಮ್ರಾಜ್ಯಲಕ್ಷ್ಮೀಶ್ಚ ಅಷ್ಟಲಕ್ಷ್ಮೀಶ್ಚ ಸಂಶ್ರುತಾ ।
ಶೈಲೇನ್ದ್ರತನಯಾ ಜ್ಯೋತಿಃ ನಿಷ್ಕಲಾ ಶಾಮ್ಭವೀ ಉಮಾ ॥ 123 ॥
ಅಜಪಾ ಮಾತೃಕಾ ಚೇತಿ ಶುಕ್ಲವರ್ಣಾ ಷಡಾನನಾ ।
ಪಾರಿಜಾತೇಶ್ವರೀ ಚೈವ ತ್ರಿಕೂಟಾ ಪಂಚಬಾಣದಾ ॥ 114 ॥
ಪಂಚಕಲ್ಪಲತಾ ಚೈವ ತ್ರ್ಯಕ್ಷರೀ ಮೂಲಪೀಠಿಕಾ ।
ಸುಧಾಶ್ರೀರಮೃತೇಶಾನೀ ಹ್ಯನ್ನಪೂರ್ಣಾ ಚ ಕಾಮಧುಕ್ ॥ 125 ॥
ಪಾಶಹಸ್ತಾ ಸಿದ್ಧಲಕ್ಷ್ಮೀಃ ಮಾತಂಗೀ ಭುವನೇಶ್ವರೀ ।
ವಾರಾಹೀ ನವರತ್ನಾನಾಮೀಶ್ವರೀ ಚ ಪ್ರಕೀರ್ತಿದಾ ॥ 126 ॥
ಪರಂ ಜ್ಯೋತಿಃ ಕೋಶರೂಪಾ ಸೈನ್ಧವೀ ಶಿವದರ್ಶನಾ ।
ಪರಾಪರಾ ಸ್ವಾಮಿನೀ ಚ ಶಾಕ್ತದರ್ಶನವಿಶ್ರುತಾ ॥ 127 ॥
ಬ್ರಹ್ಮದರ್ಶನರೂಪಾ ಚ ಶಿವದರ್ಶನರೂಪಿಣೀ ।
ವಿಷ್ಣುದರ್ಶನರೂಪಾ ಚ ಸ್ರಷ್ಟೄದರ್ಶನರೂಪಿಣೀ ॥ 128 ॥
ಸೌರದರ್ಶನರೂಪಾ ಚ ಸ್ಥಿತಿಚಕ್ರಕೃತಾಶ್ರಯಾ ।
ಬೌದ್ಧದರ್ಶನರೂಪಾ ಚ ತುರೀಯಾ ಬಹುರೂಪಿಣೀ ॥ 129 ॥
ತತ್ವಮುದ್ರಾಸ್ವರೂಪಾ ಚ ಪ್ರಸನ್ನಾ ಜ್ಞಾನಮಾತೃಕಾ ।
ಸರ್ವೋಪಚಾರಸನ್ತುಷ್ಟಾ ಹೃನ್ಮಯೀ ಶೀರ್ಷದೇವತಾ ॥ 130 ॥
ಶಿಖಾಸ್ಥಿತಾ ವರ್ಮಮಯೀ ನೇತ್ರತ್ರಯವಿಲಾಸಿನೀ ।
ಅಸ್ತ್ರಸ್ಥಾ ಚತುರಸ್ರಸ್ಥಾ ದ್ವಾರಸ್ಥಾ ದ್ವಾರದೇವತಾ ॥ 131 ॥
ಅಣಿಮಾ ಪಶ್ಚಿಮಸ್ಥಾ ಚ ದಕ್ಷಿಣದ್ವಾರದೇವತಾ ।
ವಶಿತ್ವಾ ವಾಯುಕೋಣಸ್ಥಾ ಪ್ರಾಕಾಮ್ಯೇಶಾನದೇವತಾ ॥ 132 ॥
ಮಹಿಮಾಪೂರ್ವನಾಥಾ ಚ ಲಘಿಮೋತ್ತರದೇವತಾ ।
ಅಗ್ನಿಕೋಣಸ್ಥಗರಿಮಾ ಪ್ರಾಪ್ತಿರ್ನೈಋತಿವಾಸಿನೀ ॥ 133 ॥
ಈಶಿತ್ವಸಿದ್ಧಿಸುರಥಾ ಸರ್ವಕಾಮೋರ್ಧ್ವವಾಸಿನೀ ।
ಬ್ರಾಹ್ಮೀ ಮಾಹೇಶ್ವರೀ ಚೈವ ಕೌಮಾರೀ ವೈಷ್ಣವೀ ತಥಾ ॥ 134 ॥
ವಾರಾಹ್ಯೈನ್ದ್ರೀ ಚ ಚಾಮುಂಡಾ ವಾಮಾ ಜ್ಯೇಷ್ಠಾ ಸರಸ್ವತೀ ।
ಕ್ಷೋಭಿಣೀ ದ್ರಾವಿಣೀ ರೌದ್ರೀ ಕಾಲ್ಯುನ್ಮಾದನಕಾರಿಣೀ ॥ 135 ॥
ಖೇಚರಾ ಕಾಲಕರಣೀ ಚ ಬಲಾನಾಂ ವಿಕರಣೀ ತಥಾ ।
ಮನೋನ್ಮನೀ ಸರ್ವಭೂತದಮನೀ ಸರ್ವಸಿದ್ಧಿದಾ ॥ 136 ॥
ಬಲಪ್ರಮಥಿನೀ ಶಕ್ತಿಃ ಬುದ್ಧ್ಯಾಕರ್ಷಣರೂಪಿಣೀ ।
ಅಹಂಕಾರಾಕರ್ಷಿಣೀ ಚ ಶಬ್ದಾಕರ್ಷಣರೂಪಿಣೀ ॥ 137 ॥
ಸ್ಪರ್ಶಾಕರ್ಷಣರೂಪಾ ಚ ರೂಪಾಕರ್ಷಣರೂಪಿಣೀ ।
ರಸಾಕರ್ಷಣರೂಪಾ ಚ ಪ್ಲಧಾಕರ್ಷಣರೂಪಿಣೀ ॥ 138 ॥
ಚಿತ್ರಾಕರ್ಷಣರೂಪಾ ಚ ಧೈರ್ಯಾಕರ್ಷಣರೂಪಿಣೀ ।
ಸ್ಮೃತ್ಯಾಕರ್ಷಣರೂಪಾ ಚ ನಾಮಾಕರ್ಷಣಸ್ತ್ವಪಿಣೀ ॥ 139 ॥
ಬೀಜಾಕರ್ಷಣರೂಪಾ ಚ ಹ್ಯಾತ್ಮಾಕರ್ಷಣರೂಪಿಣೀ ।
ಅಮೃತಾಕರ್ಷಿಣೀ ಚೈವ ಶರೀರಾಕರ್ಷಣೀ ತಥಾ ॥ 140 ॥
ಷೋಡಶಸ್ವರಸಮ್ಪನ್ನಾ ಸ್ರವತ್ಪೀಯೂಷಮಂಡಿತಾ ।
ತ್ರಿಪುರೇಶೀ ಸಿದ್ಧಿದಾತ್ರೀ ಕಲಾದರ್ಶನವಾಸಿನೀ ॥ 141 ॥
ಸರ್ವಸಂಕ್ಷೋಭಚಕ್ರೇಶೀ ಶಕ್ತಿರ್ಗುಹ್ಯತರಾಭಿಧಾ ।
ಅನಂಗಕುಸುಮಾಶಕ್ತಿಃ ತಥೈವಾನಂಗಮೇಖಲಾ ॥ 142 ॥
ಅನಂಗಮದನಾಽನಂಗಮದನಾತುರರೂಪಿಣೀ ।
ಅನಂಗರೇಖಾ ಚಾನಂಗವೇಗಾನಂಗಾಕುಶಾಭಿಧಾ ॥ 143 ॥
ಅನಂಗಮಾಲಿನೀ ಚೈವ ಹ್ಯಷ್ಟವರ್ಗಾಧಿಗಾಮಿನೀ ।
ವಸ್ವಷ್ಟಕಕೃತಾವಾಸಾ ಶ್ರೀಮತ್ತ್ರಿಪುರಸುನ್ದರೀ ॥ 144 ॥
ಸರ್ವಸಾಮ್ರಾಜ್ಯಸುಭಗಾ ಸರ್ವಭಾಗ್ಯಪ್ರದೇಶ್ವರೀ ।
ಸಮ್ಪ್ರದಾಯೇಶ್ವರೀ ಸರ್ವಸಂಕ್ಷೋಭಣಕರೀ ತಥಾ ॥ 145 ॥
ಸರ್ವವಿದ್ರಾವಣೀ ಸರ್ವಾಕರ್ಷಿಣೀರೂಪಕಾರಿಣೀ ।
ಸರ್ವಾಹ್ಲಾದನಶಕ್ತಿಶ್ಚ ಸರ್ವಸಮ್ಮೋಹಿನೀ ತಥಾ ॥ 146 ॥
ಸರ್ವಸ್ತಮ್ಭನಶಕ್ತಿಶ್ಚ ಸರ್ವಜೃಮ್ಭಣಕಾರಿಣೀ ।
ಸರ್ವವಶ್ಯಕಶಕ್ತಿಶ್ಚ ತಥಾ ಸರ್ವಾನುರಂಜನೀ ॥ 147 ॥
ಸರ್ವೋನ್ಮಾದನಶಕ್ತಿಶ್ಚ ತಥಾ ಸರ್ವಾರ್ಥಸಾಧಿಕಾ ।
ಸರ್ವಸಮ್ಪತ್ತಿದಾ ಚೈವ ಸರ್ವಮಾತೃಮಯೀ ತಥಾ ॥ 148 ॥
ಸರ್ವದ್ವನ್ದ್ವಕ್ಷಯಕರೀ ಸಿದ್ಧಿಸ್ತ್ರಿಪುರವಸಿನೀ ।
ಚತುರ್ದಶಾರಚಕ್ರೇಶೀ ಕುಲಯೋಗಸಮನ್ವಯಾ ॥ 149 ॥
ಸರ್ವಸಿದ್ಧಿಪ್ರದಾ ಚೈವ ಸರ್ವಸಮ್ಪತ್ಪ್ರದಾ ತಥಾ ।
ಸರ್ವಪ್ರಿಯಕರೀ ಚೈವ ಸರ್ವಮಂಗಲಕಾರಿಣೀ ॥ 150 ॥
ಸರ್ವಕಾಮಪ್ರಪೂರ್ಣಾ ಚ ಸರ್ವದುಃಖವಿಮೋಚಿನೀ ।
ಸರ್ವಮೃತ್ಯುಪ್ರಶಮನೀ ಸರ್ವ ವಿಘ್ನವಿನಾಶಿನೀ ॥ 151 ॥
ಸರ್ವಾಂಗಸುನ್ದರೀ ಚೈವ ಸರ್ವಸೌಭಾಗ್ಯದಾಯಿನೀ ।
ತ್ರಿಪುರಾ ಶ್ರೀಶ್ಚ ಸರ್ವಾರ್ಥಸಾಧಿಕಾ ದಶಕೋಣಗಾ ॥ 15 ॥
ಸರ್ವರಕ್ಷಾಕರೀ ಚೈವ ಈಶ್ವರೀ ಯೋಗಿನೀ ತಥಾ ।
ಸರ್ವಜ್ಞಾ ಸರ್ವಶಕ್ತಿಶ್ಚ ಸರ್ವೈಶ್ವರ್ಯಪ್ರದಾ ತಥಾ ॥ 153 ॥
ಸರ್ವಜ್ಞಾನಮಯೀ ಚೈವ ಸರ್ವವ್ಯಾಧಿವಿನಾಶಿನೀ ।
ಸರ್ವಾಧಾರಸ್ವರೂಪಾ ಚ ಸರ್ವಪಾಪಹರಾ ತಥಾ ॥ 154 ॥
ಸರ್ವಾನನ್ದಮಯೀ ಚೈವ ಸರ್ವರಕ್ಷಾಸ್ವರೂಪಿಣೀ ।
ತಥೈವ ಚ ಮಹಾಶಕ್ತಿಃ ಸರ್ವೇಪ್ಸಿತಫಲಪ್ರದಾ ॥ 155 ॥
ಅನ್ತರ್ದಶಾರಚಕ್ರಸ್ಥಾ ತಥಾ ತ್ರಿಪುರಮಾಲಿನೀ ।
ಸರ್ವರೋಗಹರಾ ಚೈವ ರಹಸ್ಯಯೋಗಿನೀ ತಥಾ ॥ 156 ॥
ವಾಗ್ದೇವೀ ವಶಿನೀ ಚೈವ ತಥಾ ಕಾಮೇಶ್ವರೀ ತಥಾ ।
ಮೋದಿನೀ ವಿಮಲಾ ಚೈವ ಹ್ಯರುಣಾ ಜಯಿನೀ ತಥಾ ॥ 15 ॥
ಶಿವಕಾಮಪ್ರದಾ ದೇವೀ ಶಿವಕಾಮಸ್ಯ ಸುನ್ದರೀ ।
ಲಲಿತಾ ಲಲಿತಾಧ್ಯಾನಫಲದಾ ಶುಭಕಾರಿಣೀ ॥ 15 ॥
ಸರ್ವೇಶ್ವರೀ ಕೌಲಿನೀ ಚ ವಸುವಂಶಾಭಿವರ್ದ್ಧಿನೀ ।
ಸರ್ವಕಾಮಪ್ರದಾ ಚೈವ ಪರಾಪರರಹಸ್ಯವಿತ್ ॥ 159 ॥
ತ್ರಿಕೋಣಚತುರಶ್ರಸ್ಥ ಕಾಮೇಶ್ವರ್ಯಾಯುಧಾತ್ಮಿಕಾ ।
ಕಾಮೇಶ್ವರೀಬಾಣರೂಪಾ ಕಾಮೇಶೀ ಚಾಪರೂಪಿಣೀ ॥ 160 ॥
ಕಾಮೇಶೀ ಪಾಶಹಸ್ತಾ ಚ ಕಾಮೇಶ್ಯಂಕುಶರೂಪಿಣೀ ।
ಕಾಮೇಶ್ವರೀ ರುದ್ರಶಕ್ತಿಃ ಅಗ್ನಿಚಕ್ರಕೃತಾಲಯಾ ॥ 161 ॥
ಕಾಮಾಭಿನ್ತ್ರಾ ಕಾಮದೋಗ್ಧ್ರೀ ಕಾಮದಾ ಚ ತ್ರಿಕೋಣಗಾ ।
ದಕ್ಷಕೋಣೇಶ್ವರೀ ವಿಷ್ಣುಶಕ್ತಿರ್ಜಾಲನ್ಧರಾಲಯಾ ॥ 162 ॥
ಸೂರ್ಯಚಕ್ರಾಲಯಾ ವಾಮಕೋಣಗಾ ಸೋಮಚಕ್ರಗಾ ।
ಭಗಮಾಲಾ ಬೃಹಚ್ಛಕ್ತಿ ಪೂರ್ಣಾ ಪೂರ್ವಾಸ್ರರಾಗಿಣೀ ॥ 163 ॥
ಶ್ರೀಮತ್ತ್ರಿಕೋಣಭುವನಾ ತ್ರಿಪುರಾಖ್ಯಾ ಮಹೇಶ್ವರೀ ।
ಸರ್ವಾನನ್ದಮಯೀಶಾನೀ ಬಿನ್ದುಗಾತಿರಹಸ್ಯಗಾ ॥ 164 ॥
ಪರಬ್ರಹ್ಮಸ್ವರೂಪಾ ಚ ಮಹಾತ್ರಿಪುರಸುನ್ದರೀ ।
ಸರ್ವಚಕ್ರಾನ್ತರಸ್ಥಾ ಚ ಸರ್ವಚಕ್ರಾಧಿದೇವತಾ ॥ 165 ॥
ಸರ್ವಚಕ್ರೇಶ್ವರೀ ಸರ್ವಮನ್ತ್ರಾಣಾಮೀಶ್ವರೀ ತಥಾ ।
ಸರ್ವವಿದ್ಯೇಶ್ವರೀ ಚೈವ ಸರ್ವವಾಗೀಶ್ವರೀ ತಥಾ ॥ 166 ॥
ಸರ್ವಯೋಗೇಶ್ವರೀ ಸರ್ವಪೀಠೇಶ್ವರ್ಯಖಿಲೇಶ್ವರೀ ।
ಸರ್ವಕಾಮೇಶ್ವರೀ ಸರ್ವತತ್ವೇಶ್ವರ್ಯಾಗಮೇಶ್ವರೀ ॥ 167 ॥
ಶಕ್ತಿಃ ಶಕ್ತಿಭೃದುಲ್ಲಾಸಾ ನಿರ್ದ್ವನ್ದ್ವಾದ್ವೈತಗರ್ಭಿಣೀ ।
ನಿಷ್ಪ್ರಪಂಚಾ ಪ್ರಪಂಚಾಭಾ ಮಹಾಮಾಯಾ ಪ್ರಪಂಚಸೂಃ ॥ 168 ॥
ಸರ್ವವಿಶ್ವೋತ್ಪತ್ತಿಧಾತ್ರೀ ಪರಮಾನನ್ದಕಾರಣಾ ।
ಲಾವಣ್ಯಸಿನ್ಧುಲಹರೀ ಸುನ್ದರೀತೋಷಮನ್ದಿರಾ ॥ 169 ॥
ಶಿವಕಾಮಸುನ್ದರೀ ದೇವೀ ಸರ್ವಮಂಗಲದಾಯಿನೀ ।
ಇತಿನಾಮ್ನಾಂ ಸಹಸ್ರಂ ಚ ಗದಿತಂ ಇಷ್ಟದಾಯಕಮ್ ॥ 170 ॥
॥ ಉತ್ತರಪೀತಿಕಾ ॥
ಸಹಸ್ರನಾಮ ಮನ್ತ್ರಾಣಾಂ ಸಾರಮಾಕೃಷ್ಯ ಪಾರ್ವತಿ ।
ರಚಿತಂ ಹಿ ಮಯಾ ಚೈತತ್ ಸಿದ್ಧಿದಂ ಪರಮೋಕ್ಷದಮ್ ॥ 1 ॥
ಅನೇನ ಸ್ತುವತೋ ನಿತ್ಯಂ ಅರ್ಧರಾತ್ರೇ ನಿಶಾಮುಖೇ ।
ಪ್ರಾತಃ ಕಾಲೇ ಚ ಪೂಜಾಯಾಂ ಪಠನಂ ಸರ್ವಕಾಮದಮ್ ॥ 2 ॥
ಸರ್ವಸಾಮ್ರಾಜ್ಯಸುಖದಾ ಸುನ್ದರೀ ಪರಿತುಷ್ಯತಿ ।
ರತ್ನಾನಿ ವಿವಿಧಾನ್ಯಸ್ಯ ವಿತ್ತಾನಿ ಪ್ರಚುರಾಣಿ ಚ ॥ 3 ॥
ಮನೋರಥರಥಸ್ಥಾನಿ ದದಾತಿ ಪರಮೇಶ್ವರೀ ।
ಪುತ್ರಪೌತ್ರಾಶ್ಚ ವರ್ಧನ್ತೇ ಸನ್ತತಿಸ್ಸಾರ್ವಕಾಲಿಕಾ ॥ 4 ॥
ಶತ್ರವಸ್ತಸ್ಯ ನಶ್ಯನ್ತಿ ವರ್ಧನ್ತೇ ಚ ಬಲಾನಿ ಚ ।
ವ್ಯಾಧಯಸ್ತಸ್ಯ ನಶ್ಯನ್ತಿ ಲಭತೇ ಚೌಷಧಾನಿ ಚ ॥ 5 ॥
ಮನ್ದಿರಾಣಿ ವಿಚಿತ್ರಾಣಿ ರಾಜನ್ತೇ ತಸ್ಯ ಸರ್ವದಾ ।
ಕೃಷಿಃ ಫಲವತೀ ತಸ್ಯ ಭೂಮಿಃ ಕಾಮಾಖಿಲಪ್ರದಾ ॥ 6 ॥
ಸ್ಥಿರಂ ಜನಪದಂ ತಸ್ಯ ರಾಜ್ಯಂ ತಸ್ಯ ನಿರಂಗುಶಮ್ ।
ಮಾತಂಗಾಸ್ತುರಗಾಸ್ತುಂಗಾಃ ಸಿಂಚಿನ್ತೋ ಮದವಾರಿಭಿಃ ॥ 7 ॥
ಸೈನಿಕಾಶ್ಚ ವಿರಾಜನ್ತೇ ತುಷ್ಟಾಃ ಪುಷ್ಟಾಸ್ತುರಂಗಮಾಃ ।
ಪೂಜಾಃ ಶಶ್ವತ್ ವಿವರ್ಧನ್ತೇ ನಿರ್ವಿವಾದಾಶ್ಚ ಮನ್ತ್ರಿಣಃ ॥ 8 ॥
ಜ್ಞಾತಯಸ್ತಸ್ಯ ತುಷ್ಯನ್ತಿ ಬಾನ್ಧವಾಃ ವಿಗತಜ್ವರಾಃ ।
ಭೃತ್ಯಾಸ್ತಸ್ಯ ವಶೇ ನಿತ್ಯಂ ವರ್ತನ್ತೇಽಸ್ಯ ಮನೋನುಗಾಃ ॥ 9 ॥
ಗದ್ಯಪದ್ಯಮಯೀ ವಾಣೀ ವಾಕ್ತ್ವಾತುರ್ಯಸುಸಮ್ಭೃತಾ ।
ಸಮಗ್ರ ಸುಖಸಮ್ಪತ್ತಿ ಶಾಲಿನೀ ಲಾಸ್ಯಮಾಲಿನೀ ॥ 10 ॥
ನಾನಾಪದಮಯೀ ವಾಣೀ ತಸ್ಯ ಗಂಗಾಪ್ರವಾಹವತ್ ।
ಅದೃಷ್ಟಾನ್ಯಪಿ ಚ ಶಾಸ್ತ್ರಾಣಿ ಪ್ರಕಾಶನ್ತೇ ನಿರನ್ತರಮ್ ॥ 11 ॥
ನಿಗ್ರಹಃ ಪರವಾಕ್ಯಾನಾಂ ಸಭಾಯಾಂ ತಸ್ಯ ಜಾಯತೇ ।
ಸ್ತುವನ್ತಿ ಕೃತಿನಸ್ತಂ ವೈ ರಾಜಾನೋ ದಾಸವತ್ತಥಾ ॥ 12 ॥
ಶಸ್ತ್ರಾಣ್ಯಸ್ತ್ರಾಣಿ ತದ್ಗಾತ್ರೇ ಜನಯನ್ತಿ ರುಜೋ ನಹಿ ।
ಮಾತಂಗಾಃ ತಸ್ಯ ವಶಗಾಃ ಸರ್ಪವರ್ಯಾ ಭವನ್ತಿ ಚ ॥ 13 ॥
ವಿಷಂ ನಿರ್ವಿಷತಾಂ ಯಾತಿ ಪಾನೀಯಮಮೃತಂ ಭವೇತ್ ।
ಪರಸೇನಾಸ್ತಮ್ಭನಂ ಚ ಪ್ರತಿವಾದಿವಿಜೃಮ್ಭಣಮ್ ॥ 14 ॥
ನವರಾತ್ರೇಣ ಜಾಯನ್ತೇ ಸತತನ್ಯಾಸಯೋಗತಃ ।
ಅಹೋರಾತ್ರಂ ಪಠೇದ್ಯಸ್ತು ಸ್ತೋತ್ರಂ ಸಂಯತಮಾನಸಃ ॥ 15 ॥
ವಶಾಃ ತಸ್ಯೋಪಜಾಯನ್ತೇ ಸರ್ವೇ ಲೋಕಾಃ ಸುನಿಶ್ಚಿತಮ್ ।
ಷಣ್ಮಾಸಾಭ್ಯಾಸಯೋಗೇನ ದೇವಾ ಯಕ್ಷಾಶ್ಚ ಕಿನ್ನರಾಃ ॥ 16 ॥
ಸಿದ್ಧಾ ಮಹೋರಗಾಸ್ಸರ್ವೇ ವಶಮಾಯಾನ್ತಿ ನಿಶ್ಚಯಮ್ ।
ನಿತ್ಯಂ ಕಾಮಕಲಾಂ ನ್ಯಸ್ಯನ್ ಯಃ ಪತೇತ್ ಸ್ತೋತ್ರಮುತ್ತಮಮ್ ॥ 17 ॥
ಮದನೋನ್ಮಾದಿನೀ ಲೀಲಾಪುರಸ್ತ್ರೀ ತದ್ವಶಾನುಗಾ ।
ಲಾವಣ್ಯಮದನಾ ಸಾಕ್ಷಾತ್ ವಿದಗ್ಧಮುಖಚನ್ದ್ರಿಕಾ ॥ 18 ॥
ಪ್ರೇಮಪೂರ್ಣಾಶ್ರುನಯನಾ ಸುನ್ದರೀ ವಶಗಾ ಭವೇತ್ ।
ಭೂರ್ಜಪತ್ರೇ ರೋಚನೇನ ಕುಂಕುಮೇನ ವರಾನನೇ ॥ 19 ॥
ಧಾತುರಾಗೇಣ ವಾ ದೇವೀ ಮೂಲಮನ್ತ್ರಂ ವಿಲಿಖ್ಯ ಚ ।
ರಕ್ಷಾರ್ಥಂ ಭಸ್ಮ ವಿನ್ಯಸ್ಯ ಪುಟೀಕೃತ್ಯ ಸಮನ್ತ್ರಕಮ್ ॥ 20 ॥
ಸುವರ್ಣರೌಪ್ಯಖಚಿತೇ ಸುಷಿರೇ ಸ್ಥಾಪ್ಯ ಯತ್ನತಃ ।
ಸಮ್ಪೂಜ್ಯ ತತ್ರ ದೇವೇಶೀಂ ಪುನರಾದಾಯ ಭಕ್ತಿತಃ ॥ 21 ॥
ಧಾರಯೇನ್ಮಸ್ತಕೇ ಕಂಠೇ ಬಾಹುಮೂಲೇ ತಥಾ ಹೃದಿ ।
ನಾಭೌ ಚ ವಿದ್ಯುತಂ ಧನ್ಯಂ ಜಯದಂ ಸರ್ವಕಾಮದಮ್ ॥ 22 ॥
ರಕ್ಷಾಕರಂ ನಾನ್ಯದಸ್ಮಾತ್ ವಿದ್ಯತೇ ಭುವನತ್ರಯೇ ।
ಜ್ವರರೋಗನೃಪಾವಿಷ್ಟಭಯಹೃತ್ ಭೂತಿವರ್ಧನಮ್ ॥ 23 ॥
ಬಲವೀರ್ಯಕರಂ ಚಾಥ ಭೂತಶತ್ರುವಿನಾಶನಮ್ ।
ಪುತ್ರಪೌತ್ರಗುಣಶ್ರೇಯೋವರ್ಧಕಂ ಧನಧಾನ್ಯಕೃತ್ ॥ 24 ॥
ಯ ಇದಂ ಪಠತಿ ಸ್ತೋತ್ರಂ ಸ ಸರ್ವಂ ಲಭತೇ ನರಃ ।
ಯದ್ಗೃಹೇ ಲಿಖಿತಂ ಸ್ತೋತ್ರಂ ತಿಷ್ಠೇದೇತದ್ ವರಾನನೇ ॥ 25 ॥
ತತ್ರ ತಿಷ್ಠಾಮ್ಯಹಂ ನಿತ್ಯಂ ಹರಿಶ್ಚ ಕಮಲಾಸನಃ ।
ವಸನ್ತಿ ಸರ್ವತೀರ್ಥಾನಿ ಗೌರೀ ಲಕ್ಷ್ಮೀಸ್ಸರಸ್ವತೀ ॥ 26 ॥
ಶಿವಕಾಮೇಶ್ವರೀಂ ಧ್ಯಾತ್ವಾ ಪಠೇನ್ನಾಮಸಹಸ್ರಕಮ್ ।
ಅಸಕೃತ್ ಧ್ಯಾನಪಾಠೇನ ಸಾಧಕಃ ಸಿದ್ಧಿಮಾಪ್ನುಯಾತ್ ॥ 27 ॥
ಶುಕ್ರವಾರೇ ಪೌರ್ಣಮಾಸ್ಯಾಂ ಪಠನ್ನಾಮಸಹಸ್ರಕಮ್ ।
ಪೂಜಾಂ ಯಃ ಕುರುತೇ ಭಕ್ತ್ಯಾ ವಾಂಛಿತಂ ಲಭತೇ ಧುವಮ್ ॥ 28 ॥
ಶಿವಕಾಮೇಶ್ವರೀಮನ್ತ್ರಃ ಮನ್ತ್ರರಾಜಃ ಪ್ರಕೀರ್ತಿತಃ ।
ತದಭ್ಯಾಸಾತ್ಸಾಧಕಶ್ಚ ಸಿದ್ಧಿಮಾಪ್ನೋತ್ಯನುತ್ತಮಾಮ್ ॥ 29 ॥
ನಾಸಾಧಕಾಯ ದಾತವ್ಯಮಶ್ರದ್ಧಾಯ ಶಠಾಯ ಚ ।
ಭಕ್ತಿಹೀನಾಯ ಮಲಿನೇ ಗುರುನಿನ್ದಾಪರಾಯ ಚ ॥ 30 ॥
ಅಲಸಾಯಾಯತ್ನವತೇಽಶಿವಭಕ್ತಾಯ ಸುನ್ದರಿ ।
ವಿಷ್ಣುಭಕ್ತಿವಿಹೀನಾಯ ನ ದಾತವ್ಯಂ ಕದಾಚನ ॥ 31 ॥
ದೇಯಂ ಭಕ್ತವರಾಯೈತತ್ಭುಕ್ತಿಮುಕ್ಯಿಕರಂ ಶುಭಮ್ ।
ಸಿದ್ಧಿದಂ ಭವರೋಗಘ್ನಂ ಸ್ತೋತ್ರಮೇತದ್ವರಾನನೇ ॥ 32 ॥
ಲತಾಯೋಗೇ ಪಠೇದ್ಯಸ್ತು ತಸ್ಯ ಕ್ಷಿಪ್ರಂ ಫಲಂ ಭವೇತ್ ।
ಸೈವ ಕಲ್ಪಲತಾ ತಸ್ಯ ವಾಂಛಾಫಲಕರೀ ಸ್ಮೃತಾ ॥ 33 ॥
ಪುಷ್ಪಿತಾಂ ಯಾಂ ಲತಾಂ ಸಮ್ಯಕ್ ದೃಷ್ಟ್ವಾ ಶ್ರೀಲಲಿತಾಂ ಸ್ಮರನ್ ।
ಅಕ್ಷುಬ್ಧಃ ಪ್ರಪಠೇದ್ಯಸ್ತು ಸ ಯಜ್ಞಕ್ರತುಪುಣ್ಯಭಾಕ್ ॥ 34 ॥
ವಿಕಲ್ಪರಹಿತೋ ಯೋ ಹಿ ನಿರ್ವಿಕಲ್ಪಃ ಸ್ವಯಂ ಶಿವಃ ।
ನೈತತ್ಪ್ರಕಾಶಯೇದ್ಭಕ್ತಃ ಕುಶಿಷ್ಯಾಯಾಲ್ಪಮೇಧಸೇ ॥ 35 ॥
ಅನೇಕಜನ್ಮಪುಣ್ಯೇನ ದೀಕ್ಷಿತೋ ಜಾಯತೇ ನರಃ ।
ತತ್ರಾಪ್ಯನೇಕಭಾಗ್ಯೇನ ಶೈವೋ ವಿಷ್ಣು ಪರಾಯಣಃ ॥ 36 ॥
ತತ್ರಾಪ್ಯನೇಕಪುಣ್ಯೇನ ಶಕ್ತಿಭಾವಃ ಪ್ರಜಾಯತೇ ।
ಮಹೋದಯೇನ ತತ್ರಾಪಿ ಸುನ್ದರೀಭಾವಭಾಗ್ಭವೇತ್ ॥ 37 ॥
ಸಹಸ್ರನಾಮ್ನಾಂ ತತ್ರಾಪಿ ಕೀರ್ತನಂ ಚ ಸುದುರ್ಲಭಮ್ ।
ಯತ್ರ ಜನ್ಮನಿ ಸಾ ನಿತ್ಯಂ ಪೂರ್ವಪುಣ್ಯವಶಾದ್ಭವೇತ್ ॥ 38 ॥
ಜೀವನ್ಮುಕ್ತೋ ಭವೇತ್ತಸ್ಯ ಕರ್ತವ್ಯಂ ನಾವಶಿಷ್ಯತೇ ।
ಅವಧೂತತ್ವಮೇವ ಸ್ಯಾತ್ ನ ವರ್ಣಾಶ್ರಮಕಲ್ಪನಾ ॥ 39 ॥
ಬ್ರಹ್ಮಾದಯೋಽಪಿ ದೇವೇಶೀಂ ಪ್ರಾರ್ಥಯನ್ತೇ ತದವ್ಯಯಾಮ್ ।
ಹಂಸತ್ವಂ ಭಕ್ತಿಭಾವೇನ ಪರಮಾನನ್ದಕಾರಣಮ್ ॥ 40 ॥
ದೇವೋಽಸೌ ಸರ್ವದಾ ಶಕ್ತಿ ಭಾವಯನ್ನೇವ ಸಂಸ್ಥಿತಃ ।
ಸ್ವಯಂ ಶಿವಸ್ತು ವಿಜ್ಞೇಯಃ ಸುನ್ದರೀಭಾವಲಮ್ಪಟಃ ॥ 41 ॥
ಬ್ರಹ್ಮಾನನ್ದಮಯೀಂ ಜ್ಯೋತ್ಸ್ನಾಂ ಸದಾಶಿವಪರಾಯಣಾಮ್ ।
ಶಿವಕಾಮೇಶ್ವರೀಂ ದೇವೀಂ ಭಾವಯನ್ ಸಿದ್ಧಿಮಾಪ್ನುಯಾತ್ ॥ 42 ॥
ಆಹ್ಲಾದಃ ಸುನ್ದರೀಧ್ಯಾನಾತ್ ಸುನ್ದರೀನಾಮಕೀರ್ತನಾತ್ ।
ಸುನ್ದರೀದರ್ಶನಾಚ್ಚೈವ ಸದಾನನ್ದಃ ಪ್ರಜಾಯತೇ ॥ 43 ॥
॥ ಇತಿ ಶ್ರೀರುದ್ರಯಾಮಲೇ ಉಮಾಮಹೇಶಸಂವಾದೇ ಶ್ರೀಶಿವಕಾಮಸುನ್ದರ್ಯಾಃ
ಶ್ರೀಮತ್ತ್ರಿಪುರಸುನ್ದರ್ಯಾಃ ಷೋಡಶಾರ್ಣಾಯಾಃ ತುರೀಯಸಹಸ್ರನಾಮಸ್ತೋತ್ರಂ
ಸಮ್ಪೂರ್ಣಮ್ ॥