॥ Shivakama Sundari Sahasranamastotram Malayalam Lyrics ॥
॥ ശ്രീശിവകാമസുന്ദരീസഹസ്രനാമസ്തോത്രം ॥
॥ പൂര്‍വപീഠികാ ॥
യസ്യാസ്സര്‍വം സമുത്പന്നം ചരാചരമിദം ജഗത് ।
ഇദം നമോ നടേശാന്യൈ തസ്യൈ കാരുണ്യമൂര്‍തയേ ॥
കൈലാസാദ്രൌ സുഖാസീനം ശിവം വേദാന്തഗോചരം ।
സര്‍വവിദ്യേശ്വരം ഭൂതിരുദ്രാക്ഷാലങ്കൃതം പരം ॥ 1 ॥
സര്‍വലക്ഷണസമ്പന്നം സനകാദിമുനീഡിതം ।
സംസാരാരണ്യദാവാഗ്നിം യോഗിരാജം യതേന്ദ്രിയം ॥ 2 ॥
മുകുടേന്ദുസുധാപൂരലബ്ധജീവകശീര്‍ഷകം ।
വ്യാഘ്രചര്‍മാംബരധരം നീലകണ്ഠം കപര്‍ദിനം ॥ 3 ॥
സവ്യഹസ്തേ വഹ്നിധരം മന്ദസ്മിതമുഖാംബുജം ।
ഢക്കാം ച ദക്ഷിണേ ഹസ്തേ വഹന്തം ച ത്രിലോചനം ॥ 4 ॥
അഭയം ദക്ഷഹസ്തേന ദര്‍ശയന്തം മനോഹരം ।
ഡോലഹസ്തേന വാമേന ദര്‍ശയന്തം പദാംബുജം ॥ 5 ॥
കുചിതം ദക്ഷപാദേന തിഷ്ഠന്തം മുസലോപരി ।
ബ്രഹ്മവിഷ്ണ്വാദിവിനുതം വേദവേദ്യം നടേശ്വരം ॥ 6 ॥
പ്രണംയ പാര്‍വതീ ഗൌരീ പപ്രച്ഛ മുദിതാനനാ ।
സര്‍വലക്ഷണസമ്പന്നാ സര്‍വദാ സര്‍വദാ നൃണാം ॥ 7 ॥
പാര്‍വത്യുവാച –
ശിവ! ശങ്കര! വിശ്വേശ! മഹാദേവ! ദയാനിധേ!
സര്‍വാസാം ചൈവ ദേവീനാം നാമസാഹസ്രമുത്തമം ॥ 8 ॥
പുരാ പ്രോക്തം സദാനന്ദ ! മഹ്യം ശ്രീപതിപൂജിത ! ।
ശിവകാമസുന്ദരീനാംനാം സഹസ്രം വദ സുന്ദര! ॥ 9 ॥
സദ്യസ്സമ്പത്കരം പുണ്യം സര്‍വപാപപ്രണാശനം ।
ഇത്യുക്ത്വാ പാര്‍വതീ ദേവീ തുഷ്ടാവ നടനേശ്വരം ॥ 10 ॥
സത്യപ്രബോധസുഖസന്തതിരൂപ വിശ്വ –
മായേന്ദ്രജാലികവരേണ്യ സമസ്തസാക്ഷിന്‍ ।
സൃഷ്ടിസ്ഥിതിപ്രലയഹേതുകവിഷ്ണുരുദ്ര
ശ്രീമന്നടേശ മമ ദേഹി കരാവലംബം ॥ 11 ॥
ഭൂവാരിവഹ്നിപവനാംബരചന്ദ്രസൂര്യ –
യജ്വാഷ്ടമൂര്‍തിവിമലീകൃതവിഗ്രഹേദശ ।
സ്വാങ്ഘ്ര്യംബുജദ്വയനിഷസ്തഹൃദാം പ്രസന്ന !
ശ്രീമന്നടേശ മമ ദേഹി കരാവലംബം ॥ 12 ॥
ലിങ്ഗാകൃതേ പശുപതേ ഗിരിജാപതേ ത്വം
നാരായണേശ ഗിരിവാസ വിധീശ ശംഭോ
ഫാലാക്ഷ ശങ്കര! മഹേശ്വര മന്‍മഥാരേ
ശ്രീമന്നടേശ മമ ദേഹി കരാവലംബം ॥ 13 ॥
ശ്രീനീലകണ്ഠ ശമനാന്തക പഞ്ചവക്ത്ര
പഞ്ചാക്ഷരപ്രിയ പരാത്പര! വിശ്വവന്ദ്യ ।
ശ്രീചന്ദ്രചൂഡ ഗജവക്ത്രപിതഃ പരേശ
ശ്രീമന്നടേശ മമ ദേഹി കരാവലംബം ॥ 14 ॥
ഗങ്ഗാധര പ്രമഥനാഥ സദാശിവാര്യാ –
ജാനേ! ജലന്ധരരിപോ ജഗതാമധീശ ।
ശര്‍വോഗ്ര ഭര്‍ഗ മൃഡ ശാശ്വത! ശൂലപാണേ
ശ്രീമന്നടേശ മമ ദേഹി കരാവലംബം ॥ 15 ॥
സ്ഥാണോ ത്രിണേത്ര ശിപിവിഷ്ട! മഹേശ! താത
നാരായണപ്രിയ കുമാരഗുരോ കപര്‍ദിന്‍ ।
ശംഭോ! ഗിരീശ! ശിവ ലോകപതേ! പിനാകിന്‍
ശ്രീമന്നടേശ മമ ദേഹി കരാവലംബം ॥ 16 ॥
ഖങ്ഗാങ്ഗിന്‍ അന്ധകരിപോ ഭവ ഭീമ രുദ്ര
ദേവേശ! ഖണ്ഡപരശോ! കരുണാംബുരാശേ ।
ഭസ്മാങ്ഗരാഗ പരമേശ്വര! വിശ്വമൂര്‍തേ
ശ്രീമന്നടേശ ദേഹി കരാവലംബം ॥ 17 ॥
വിശ്വേശ്വരാത്മക വിവേകസുഖാഭിരാമ
ശ്രീവീരഭദ്ര! മഖഹന്തരുമാസഹായ ।
വീരേശ്വരൈണകര ശുഭ്രവൃഷാധിരൂഢ
ശ്രീമന്നടേശ മമ ദേഹി കരാവലംബം ॥ 18 ॥
ഏവം സ്തുത്വാ മഹാദേവീ പഞ്ചാങ്ഗം പ്രണനാമ ഹ ।
തതസ്തുഷ്ടോ നടേശശ്ച പ്രോവാച വചനം ശുഭം ॥ 19 ॥
ഏവമേവ പുരാ ദേവീ മഹാലക്ഷ്മീഃ പതിവ്രതാ ।
ശങ്ഖചക്രഗദാപാണിഃ സര്‍വലോകഹിതാവഹഃ ॥ 20 ॥
ധര്‍മസംസ്ഥാപനാര്‍ഥായാവതാരാന്യുഗേ യുഗേ ।
കരിഷ്യതി മഹാ വിഷ്ണുഃ മമ ഭര്‍താ ദശ ശൃണു ॥ 21 ॥
മത്സ്യഃ കൂര്‍മോ വരാഹശ്ച നാരസിംഹോഽഥ വാമനഃ ।
രാമോ ദാശരഥിശ്ചൈവ രാമഃ പരശുധാരകഃ ॥ 22 ॥
ഹലഭൃത് ബലരാമശ്ച കൃഷ്ണഃ കല്‍കിഃ ദശ സ്മൃതാഃ ।
അവതാരേഷു ദശസു മദ്ഭര്‍തുര്‍നാശശങ്കയാ ॥ 23 ॥
പ്രാപ്താ ഭവന്ത ശരണം ഭവാനേവ പരാ ഗതിഃ ।
ഇത്യുക്ത്വാ ച മഹാലക്ഷ്മീര്‍ഭസ്താനാമിഷ്ടദായകം ॥ 24 ॥
വേദപാദസ്തവം ചാരു മധുരം മധുരാക്ഷരം ।
ഉക്ത്വാ തുഷ്ടാവ മുദിതാ നടേശാനം മഹേശ്വരം ॥ 25 ॥
വിഘ്നേശ്വരം വീതവിരാഗസേവിതം
വിധീന്ദ്രവിഷ്ണ്വാദിനതാങ്ഘ്രിപങ്കജം ।
സഭാസദാമാശു സുഖാര്‍ഥസിദ്ധിദം
ഗണാനാം ത്വാം ഗണപതിം ഹവാമഹേ ॥ 26 ॥
നഗേന്ദ്രതനയാരംയസ്തന്യപാനരതാനനം ।
മാണിക്യകുണ്ഡലധരം കുമാരം പുഷ്കരസ്രജം ॥ 27 ॥
നമഃ ശിവായ സാംബായ സഗണായ സസൂനവേ ।
നമോ ജ്ഞാനസഭേശായ ദിശാം ച പതയേനമഃ ॥ 28 ॥
നമോ ബ്രഹ്മാദിദേവായ വിഷ്ണുകാന്തായ ശംഭവേ ।
പീതാംബരായ ച നമഃ പശുനാം പതയേ നമഃ ॥ 29 ॥
സന്‍മാര്‍ഗദായ ശിഷ്ടാനാമാശ്രിതാനാം ദ്വിജന്‍മനാം ।
അഭക്താനാം മോഹദാത്രേ പഥീനാം പതയേ നമഃ ॥ 30 ॥
അപസ്മാരമധഃ കൃത്യ നൃത്യന്തം തസ്യ പൃഷ്ഠകേ ।
സര്‍വാഭരണരംയം തം പശ്യേമ ശരദശ്ശതം ॥ 31 ॥
സുന്ദരം സ്മേരവദനം നടരാജമുമാപതിം ।
സമ്പൂജ്യ നൃത്യപാദം തേ ജീവേമ ശരദശ്ശതം ॥ 32 ॥
കുഭീന്ദ്രദൈത്യം ഹതവാനിതി ശംഭുര്‍ജഗത്പതിഃ ।
ശ്രുത്വാ തേ കീര്‍തിമമലാം നന്ദാമ ശരദശ്ശതം ॥ 33 ॥
മന്‍മഥാന്ധകസംഹാരകഥാശ്രുതിമനോഹരം ।
ശ്രുത്വാ തേ വിക്രമയുതം മോദാമ ശരദശ്ശതം ॥ 34 ॥
സര്‍വദുഃഖാന്വിഹായാശു ശിവ തേഽങ്ഘ്രിയുഗാംബുജം ।
അര്‍ചയന്തഃ സദാ ധന്യാ ഭവാമ ശരദശ്ശതം ॥ 35 ॥
ത്വത്കീര്‍തനം സദാ ഭക്ത്യാ സര്‍വകല്‍മഷനാശനം ।
ശങ്കരാഘഹര സ്വാമിന്‍ ശൃണവാമ ശരദശ്ശതം ॥ 36 ॥
ത്വച്ചരിത്രം പവിത്രം ച സര്‍വദാരിദ്ര്യനാശനം ।
അസ്മത്പുത്രപ്രണപ്തൄണാം പ്രബ്രവാമ ശരദശ്ശതം ॥ 37 ॥
ത്വദ്ഭക്തകല്‍പകതരുമാശ്രയന്തസ്സദാ വയം ।
ഇന്ദ്രിയാഘൌഘനിചയൈരജീതാസ്സ്യാമ ശരദശ്ശതം ॥ 38 ॥
ഏവം സ്തുത്വാ മഹാദേവീ മഹാലക്ഷ്മീര്‍മനോഹരാ ।
പ്രണംയ ചിത്സഭാനാഥം തിഷ്ഠന്തീ മുദിതാനനാ ॥ 39 ॥
മന്‍മാങ്ഗല്യസ്യ രക്ഷായൈ മന്ത്രമേകം മമാദിശ ।
താം ദൃഷ്ട്വാ ച മഹാദേവഃ പ്രഹസന്നിദമബ്രവീത് ॥ 40 ॥
ത്വം ശീഘ്രം ഗച്ഛ ദേവേശീം ശിവകാമാം ച സുന്ദരീം ।
തത്ര ഗത്വാ മഹേശാനീം പൂജയ ത്വം വിശേഷതഃ ॥ 41 ॥
സഹസ്രകുസുമൈഃ പദ്മൈഃ നൈവേദ്യൈശ്ച മനോഹരൈഃ ।
ഇത്യുക്ത്വാ പരമപ്രീതോ ഭഗവാന്‍ഭക്തവത്സലഃ ॥ 42 ॥
ശിവകാമസുന്ദരീനാംനാം സഹസ്രം പ്രജഗാദ ഹ ।
ഉപദിശ്യ ച താം ദേവീം പ്രേഷയാമാസ ശങ്കരഃ ॥ 43 ॥
ലക്ഷ്മീര്‍ഗത്വാ മഹേശാനീം ശിവകാമീം മുദാന്വിതാ ।
ശിവോക്തേന പ്രകാരേണ സഹസ്രൈഃ പങ്കജൈഃ ക്രമാത് ॥ 44 ॥
നാമഭിശ്ച ത്രിതാരൈശ്ച യുക്ത്വൈശ്ച സുമഹത്തരൈഃ ।
പൂജയാമാസ വിധിവത് ശിവാചിന്തനതത്പരാ ॥ 45 ॥
തദാ ശിവഃ ശോധനായ തസ്യാഃ ചിത്തം ജഗത്പ്രഭുഃ ।
ആനീതേഷു ച പദ്മേഷു ന്യൂനമേകം ചകാര ഹി ॥ 46 ॥
അതീവ ദുഃഖിതാലക്ഷ്മീഃ പൂര്‍തികാമേച്ഛയാ സ്വയം ।
അഭാവപുഷ്പസമ്പൂര്‍ത്യൈ നേത്രമുത്പാട്യ വാമകം ॥ 47 ॥
അര്‍ചയാമാസ ലക്ഷ്മീശ്ച ഭക്ത്യാ പരമയാ യുതാ ।
ദൃഷ്ടേവദം സുന്ദരീദേവീ ശിവകാമമനോഹരീ ॥ 48 ॥
പൂര്‍വസ്മാദപി സൌന്ദര്യം നേത്രം ദത്വാഽതിഹര്‍ഷതഃ ।
തുഷ്ടാഽഹമിഷ്ടം വ്രിയതാം വരമിത്യാഹ ശങ്കരീ ॥ 49 ॥
തദാ വവ്രേ മഹാലക്ഷ്മീഃ സര്‍വലോകപ്രിയങ്കരം ।
സൌമങ്ഗല്യം കുരു മമ ദീര്‍ഘം ച ഭവതു ധുവം ।
തഥാ ഭവതു ഭദ്രം തേ വിഷ്ണും ഗച്ഛ യഥാസുഖം ॥ 50 ॥
ഇത്യുക്ത്വാഽന്തര്‍ദധേ ദേവീ ശിവകാമീ മഹേശ്വരീ ।
ലക്ഷ്മീശ്ച വിഷ്ണും ഗത്വാഽഥ യഥാപൂര്‍വം സ്ഥിതോരസി ॥ 51 ॥
താദൃശം നാമസാഹസ്രം ശിവകാംയാഃ മനോഹരം ।
വദാമി ശൃണു ഹേ ദേവീനാമസാഹസ്രമുത്തമം ॥ 52 ॥
ഋഷിഃ ഛന്ദോ ദേവതാ ച ബീജം ശക്തിശ്ച കീലകം ।
കരാങ്ഗന്യാസകൌ പൂര്‍വം സുരഹസ്യം മഹേശ്വരി ॥ 53 ॥
നാംനാം ത്രിപുരസുന്ദര്യാഃ യത്പ്രോസ്തം തദ്വദേവ ഹി ।
ശിവകാമസുന്ദരീപ്രീത്യൈ വിനിയോഗോ ജപേ സ്മൃതഃ ॥ 54 ॥
ദിഗ്ബന്ധം തതോ ധ്യായേത് ശിവകാമീം മഹേശ്വരീം ।
തതശ്ച പഞ്ചപൂജാ ച കര്‍തവ്യാ മനുജാപിനാ ॥ 55 ॥
തതഃ പരം സ്തോത്രമേതജ്ജപ്തവ്യം ഭദ്രകാമിനാ ।
സ്തോത്രാന്തേ ച പ്രകര്‍തവ്യമങ്ഗന്യാസം ച പൂര്‍വവത്ത് ॥ 56 ॥
കൃത്വാ ച ദിഗ്വിമോകം ച തതോധ്യായേച്ച സുന്ദരീം ।
ലമിത്യാദിമമന്ത്രൈശ്ച പഞ്ചപൂജാം ച സംവദേത് ॥ 57 ॥
ഓം അസ്യ ശ്രീ ശിവകാമസുന്ദരീസഹസ്രനാമസ്തോത്രമഹാ
മന്ത്രസ്യ । ആനന്ദഭൈരവദക്ഷിണാമൂര്‍തിഃ ഋഷിഃ । ദേവീ ഗായത്രീ
ഛന്ദഃ । ശ്രീശിവകാമസുന്ദരീ ദേവതാ । ബീജം ശക്തിഃ കീലകം
കരാങ്ഗന്യാസൌ ച ശ്രീമഹാത്രിപുരസുന്ദരീമഹാമന്ത്രവത് ।
॥ ധ്യാനം ॥
പദ്മസ്ഥാം കനകപ്രഭാം പരിലസത്പദ്മാക്ഷിയുഗ്മോത്പലാം
അക്ഷസ്രക്ഷുകശാരികാകടിലസത് കല്‍ഹാര ഹസ്താബ്ജിനീം ।
രക്തസ്രക്സുവിലേപനാംബരധരാം രാജീവനേത്രാര്‍ചിതാം
ധ്യായേത് ശ്രീശിവകാമകോഷ്ഠനിലയാം നൃത്തേശ്വരസ്യ പ്രിയാം ॥
മുക്താകുന്ദേന്ദുഗൌരാം മണിമയമകുടാം രത്നതാണ്ടങ്കയുക്താം
അക്ഷസ്രക്പുഷ്പഹസ്താ സശുകകടികരാം ചന്ദ്രചൂഡാം ത്രിനേത്രീം ।
നാനാലങ്കാരയുക്താം സുരമകുടമണിദ്യോതിത സ്വര്‍ണപീഠാം
യാസാപദ്മാസനസ്ഥാം ശിവപദസഹിതാം സുന്ദരീം ചിന്തയാമി ॥
രത്നതാടങ്കസംയുക്താം സുവര്‍ണകവചാന്വിതാം ।
ദക്ഷിണോര്‍ധ്വകരാഗ്രേണ സ്വര്‍ണമാലാധരാം ശുഭാം ॥
ദക്ഷാധഃ കരപദ്മേന പുല്ലകല്‍ഹാര ധാരിണീം ।
വാമേനോഏധ്വകരാബ്ജേന ശുകാര്‍ഭകധരാം വരാം ।
കടിദേശേ വാമഹസ്തം ന്യസ്യന്തീം ച സുദര്‍ശനാം ॥
ശിവകാമസുന്ദരീം നൌമി പ്രസന്നവദനാം ശിവാം ।
ലമിത്പാദിപഞ്ചപൂജാ ॥
॥ ശ്രീ ശിവകാമസുന്ദരീസഹസ്രനാമസ്തോത്രം ॥
ഓം ഐം ഹ്രീം ശ്രീം അം – 1 ॥
അഗണ്യാഽഗണ്യമഹിമാഽസുരപ്രേതാസനസ്ഥിതാ ।
അജരാഽമൃത്യുജനനാഽപ്യകാലാന്തക ഭീകരാ ॥ 1 ॥
അജാഽജാംശസമുദ്ഭൂതാഽമരാലീവൃതഗോപുരാ ।
അത്യുഗ്രാജിനടച്ഛത്രുകബന്ധാനേകകോടികാ ॥ 2 ॥
അദ്രിദുര്‍ഗാഽണിമാസിദ്ധിദാപിതേഷ്ടാമരാവലിഃ ।
അനന്താഽനന്യസുലഭപ്രിയാഽദ്ഭുതവിഭൂഷണാ ॥ 3 ॥
അനൂരുകരസങ്കാശാഽഖണ്ഡാനന്ദസ്വരൂപിണീ ।
അന്ധീകൃതദ്വിജാരാതിനേത്രാഽത്യുഗ്രാട്ടഹാസിനീ ॥ 4 ॥
അന്നപൂര്‍ണാഽപരാഽലക്ഷ്യാഽംബികാഽഘവിനാശിനീ ।
അപാരകരുണാപൂരനിഭരേഖാം ജനാക്ഷിണീ ॥ 5 ॥
അമൃതാംഭോധിമധ്യസ്ഥാഽണിമാസിദ്ധിമുഖാശ്രിതാ ।
അരവിന്ദാക്ഷമാലാലിപാത്രശൂലധരാഽനഘാ ॥ 6 ॥
അശ്വമേധമഖാവാപ്തഹവിഃപുജകൃതാദരാ ।
അശ്വസേനാവൃതാഽനേകപാരൂഢാഽപ്യഗജന്‍മഭൂഃ ॥ 7 ॥
ഓം ഐം ഹ്രീം ശ്രീം ആം – 2 ॥
ആകാശവിഗ്രഹാഽഽനന്ദദാത്രീ ചാജ്ഞാബ്ജഭാസുരാ ।
ആചാരതത്പരസ്വാന്തപദ്മസംസ്ഥാഽഽഢ്യപൂജിതാ ॥ 8 ॥
ആത്മായത്തജഗച്ചക്രാ ചാത്മാരാമപരായണാ ।
ആദിത്യമണ്ഡലാന്തസ്ഥാ ചാദിമധ്യാന്തവര്‍ജിതാ ॥ 9 ॥
ആദ്യന്തരഹിതാഽചാര്യാ ചാദിക്ഷാന്താര്‍ണരൂപിണീ ।
ആദ്യാഽമാത്യുനുതാ ചാജ്യഹോമപ്രീതാഽഽവൃതാങ്ഗനാ ॥ 10 ॥
ആധാരകമലാരൂഢാ ചാധാരാധേയവിവര്‍ജിതാ ।
ആധിഹീനാഽഽസുരീദുര്‍ഗാഽഽജിസങ്ക്ഷോഭിതാസുരാ ॥ 11 ॥
ആധോരണാജ്ഞാശുണ്ഡാഗ്രാകൃഷ്ടാസുരഗജാവൃതാ ।
ആശ്ചര്യവിയഹാഽഽചാര്യസേവിതാഽഽഗമസംസ്തുതാ ॥ 12 ॥
ആശ്രിതാഖിലദേവാദിവൃന്ദരക്ഷണതത്പരാ ।
ഓം ഐം ഹ്രീം ശ്രീം ഇം – 3 ॥
ഇച്ഛാജ്ഞാനക്രിയാശക്തിരൂപേരാവതിസംസ്തുതാ ॥ 13 ॥
ഇന്ദ്രാണീരചിതശ്വേതച്ഛത്രേഡാഭക്ഷണപ്രിയാ ।
ഇന്ദ്രാക്ഷീന്ദ്രാര്‍ചിതേന്ദ്രാണീ ചേന്ദിരാപതിസോദരീ ॥ 14 ॥
ഇന്ദിരേന്ദീവരശ്യാമാ ചേരമ്മദസമപ്രഭാ ।
ഇഭകുംഭാഭവക്ഷോജദ്വയാ ചേക്ഷുധനുര്‍ധരാ ॥ 15 ॥
ഇഭദന്തോരുനയനാ ചേന്ദ്രഗോപസമാകൃതിഃ ।
ഇഭശുണ്ഡോരുയുഗലാചേന്ദുമണ്ഡലമധ്യഗാ ॥ 16 ॥
ഇഷ്ടാര്‍തിഘ്നീഷ്ടവരദാ ചേഭവക്ത്രപ്രിയങ്കരീ ।
ഓം ഐം ഹ്രീം ശ്രീം ഈം – 4 ॥
ഈശിത്വസിദ്ധിസമ്പ്രാര്‍ഥിതാപസേഷത്സ്മിതാനനാ ॥ 17 ॥
ഈശ്വരീശപ്രിയാ ചേശതാണ്ഡവാലോകനോന്തുകാ ।
ഈക്ഷണോത്പന്നഭുവനകദംബാ ചേഡ്യവൈഭവാ ॥ 18 ॥
ഓം ഐം ഹ്രീം ശ്രീം ഉം – 5 ॥
ഉച്ചനീചാദിരഹിതാഽപ്യുരുകാന്താരവാസിനീ ।
ഉത്സാഹരഹിതേന്ദ്രാരിശ്ചോരുസന്തോഷിതാമരാ ॥ 19 ॥
ഉദാസീനോഡുരാവക്ത്രാഽപ്യുഗ്രകൃത്യവിദൂഷണീ ।
ഉപാധിരഹിതോപാദാനകാരണോന്‍മത്തനൃത്തകീ ॥ 20 ॥
ഉരുസ്യന്ദനസംബദ്ധകോട്യശ്വോരുപരാക്രമാ ।
ഉല്‍കാമുഖീ ഹ്യുമാദേവീ ചോന്‍മത്തക്രോധഭൈരവീ ॥ 21 ॥
ഓം ഐം ഹ്രീം ശ്രീം ഊം – 6 ॥
ഊര്‍ജിതജ്ഞോഢഭുവനകദംബോര്‍ധ്വമുഖാവലിഃ ।
ഊര്‍ധ്വപ്രസാരിതാങ്ഘ്രീശദര്‍ശനോദ്വിഗ്രമാനസാ ॥ 22 ॥
ഊഹാപോഹവിഹീനോരുജിതരംഭാമനോഹരാ ।
ഓം ഐം ഹ്രീം ശ്രീം ഋം – 7 ॥
ഋഗ്വേദസംസ്തുതാ ഋദ്ധിദായിനീ ഋണമോചിനീ ॥ 23 ॥
ഋജുമാര്‍ഗപരപ്രീതാ ഋഷഭധ്വജഭാസുരാ ।
ഋദ്ധികാമമുനിവ്രാതസത്രയാഗസമര്‍ചിതാ ॥ 24 ॥
ഓം ഐം ഹ്രീം ശ്രീം ൠം – 8 ॥
ൠകാരവാച്യാ ൠക്ഷാദിവൃതാ ൠകാരനാസികാ ।
ഓം ഐം ഹ്രീം ശ്രീം ലൃം – 9 ॥
ലൃകരിണീ ലൃകാരോഷ്ഠാ
ഓം ഐം ഹ്രീം ശ്രീം ലൄം – 10 ॥
ലൄവര്‍ണാധരപല്ലവാ ॥ 25 ॥
ഓം ഐം ഹ്രീം ശ്രീം ഏം – 11 ॥
ഏകാകിന്യേകമന്ത്രാക്ഷരൈധിതോത്സാഹവല്ലഭാ ।
ഓം ഐം ഹ്രീം ശ്രീം ഐം – 12 ॥
ഐശ്വര്യദാത്രീ
ഓം ഐം ഹ്രീം ശ്രീം ഓം – 13 ॥
ചോങ്കാരവാദിവാഗീശസിദ്ധിദാ ॥ 26 ॥
ഓജഃപുഞ്ജഘനീസാന്ദ്രരൂപിണ്യോങ്കാരമധ്യഗാ ।
ഓഷധീശമനുപ്രീതാ
ഓം ഐം ഹ്രീം ശ്രീം ഔം – 14 ॥
ചൌദാര്യഗുപാവാരിധിഃ ॥ 27 ॥
ഔപംയരഹിതാചൈവ
ഓം ഐം ഹ്രീം ശ്രീം അം – 15 ॥
അംബുജാസനസുന്ദരീ ।
അംബരാധീശനടനസാക്ഷിണീ
ഓം ഐം ഹ്രീം ശ്രീം അഃ – 16 ॥
അഃ പദദായിനീ ॥ 28 ॥
ഓം ഐം ഹ്രീം ശ്രീം കം – 17 ॥
കബരീബന്ധമുഖരീഭമരഭ്രമരാലകാ ।
കരവാലലതാധാരാഭീഷണാ കൌമുദീനിഭാ ॥ 29 ॥
കര്‍പൂരാംബാ കാലരാത്രിഃ കാലീ കലിവിനാശിനീ ।
കാദിവിദ്യാമയീ കാംയാ കാഞ്ചനാഭാ കലാവതീ ॥ 30 ॥
കാമേശ്വരീ കാമരാജമനുപ്രീതാ കൃപാവതീ ।
കാര്‍തവീര്യദ്വിസാഹസ്രദോര്‍ദണ്ഡപടഹധ്വനിഃ ॥ 31 ॥
കിടിവക്ത്രാധികാരോദ്യദ്ഗണപ്രോത്സാഹിതാങ്ഗനാ ।
കീര്‍തിപ്രദാ കീര്‍തിമതീ കുമാരീ കുലസുന്ദരീ ॥ 32 ॥
കുന്തായുധധരാ കുബ്ജികാംബാ കുധ്രവിഹാരിണീ ।
കുലാഗമരഹസ്യജ്ഞവാഞ്ഛാദാനപരായണാ ॥ 33 ॥
കൂടസ്ഥിതിജുഷീ കൂര്‍മപൃഷ്ഠജിത്പ്രപദാന്വിതാ ।
കേകാശബ്ദതിരസ്കാരിബാണാസനമണീരവാ ॥ 34 ॥
കേശാകേശിചണാ കേശിരാക്ഷസാധിപമര്‍ദിനീ ।
കൈതകച്ഛദസന്ധ്യാഭപിശങ്ഗിതകചാംബുദാ ॥ 35 ॥
കൈലാസോത്തുങ്ഗശൃങ്ഗാദ്രവിലാസേശപരാജിതാ ।
കൈശിക്യാരഭടീരീതിസ്തുതരക്തേശ്വരീപ്രിയാ ॥ 36 ॥
കോകാഹിതകരസ്പര്‍ധിനഖാ കോകിലവാദിനീ ।
കോപഹുങ്കാരസന്ത്രസ്തസസേനാസുരനായകാ ॥ 37 ॥
കോലാഹലരവോദ്രേകരിങ്ഖജ്ജംബുകമണ്ഡലാ ।
കൌണിഡന്യാന്വയസംഭൂതാ കരിചര്‍മാംബരപ്രിയാ ॥ 38 ॥
കൌപീനശിഷ്ടവിപ്രര്‍ഷിസ്തുതാ കൌലികദേശികാ ।
കൌസുംഭാസ്തരണാ കൌലമാര്‍ഗനിഷ്ഠാന്തരാസ്ഥിതാ ॥ 39 ॥
കങ്കണാഹിഗണക്ഷേമവചനോദ്വിഗ്നതാര്‍ക്ഷ്യകാ ।
കഞ്ജാക്ഷീ കഞ്ജവിനുതാ കഞ്ജജാതിപ്രിയങ്കരീ ॥ 40 ॥
ഓം ഐം ഹ്രീം ശ്രീം ഖം – 18 ॥
ഖഡ്ഗഖേടകദോര്‍ദണ്ഡാ ഖട്വാങ്ഗീ ഖഡ്ഗസിദ്ധിദാ ।
ഖണ്ഡിതാസുരഗര്‍വാദ്രിഃ ഖലാദൃഷ്ടസ്വരൂപിണീ ॥ 41 ॥
ഖണ്ഡേന്ദുമൌലിഹൃദയാ ഖണ്ഡിതാര്‍കേന്ദുമണ്ഡലാ ।
ഖരാംശുതാപശമനീ ഖസ്ഥാ ഖേചരസംസ്തുതാ ॥ 42 ॥
ഖേചരീ ഖേചരീമുദ്രാ ഖേചരാധീശവാഹനാ ।
ഖേലാപാരാവതരതിപ്രീതാ ഖാദ്യായിതാന്തകാ ॥ 43 ॥
ഓം ഐം ഹ്രീം ശ്രീം ഗം – 19 ॥
ഗഗനാ ഗഗനാന്തസ്ഥാ ഗഗനാകാരമധ്യമാ ।
ഗജാരൂഢാ ഗജമുഖീ ഗാഥാഗീതാമരാങ്ഗനാ ॥ 44 ॥
ഗദാധരീ ഗദാഽഽധാതമൂര്‍ഛിതാനേകപാസുരാ ।
ഗരിമാലഘിമാസിദ്ധിവൃതാ ഗ്രാമാദിപാലിനീ ॥ 45 ॥
ഗര്‍വിതാ ഗന്ധവസനാ ഗന്ധവാഹസമര്‍ചിതാ ।
ഗര്‍വിതാസുരദാരാശ്രുപങ്കിതാജിവസുന്ധരാ ॥ 46 ॥
ഗായത്രീ ഗാനസന്തുഷ്ടാ ഗന്ധര്‍വാധിപതീഡിതാ ।
ഗിരിദുര്‍ഗാ ഗിരീശാനസുതാ ഗിരിവരാശ്രയാ ॥ 47 ॥
ഗിരീന്ദ്രക്രൂരകഠിനകര്‍ഷദ്ധലവരായുധാ ।
ഗീതചാരിത്രഹരിതശുകൈകഗതമാനസാ ॥ 48 ॥
ഗീതിശാസ്ത്രഗുരുഃ ഗീതിഹൃദയാ ഗീര്‍ഗിരീശ്വരീ ।
ഗീര്‍വാണദനുജാചാര്യപൂജിതാ ഗൃധ്രവാഹനാ ॥ 49 ॥
ഗുഡപായസസന്തുഷ്ടഹൃദ്യപ്തതരയോഗിനീ ।
ഗുണാതീതാ ഗുരുര്‍ഗൌരീ ഗോപ്ത്രീ ഗോവിന്ദസോദരീ ॥ 50 ॥
ഗുരുമൂതിര്‍ഗുണാംഭോധിര്‍ഗുണാഗുണവിവര്‍ജിതാ ।
ഗുഹേഷ്ടദാ ഗുഹാവാസിയോഗിചിന്തിതരൂപിണീ ॥ 51 ॥
ഗുഹ്യാഗമരഹസ്യജ്ഞാ ഗുഹ്യകാനന്ദദായിനീ ।
ഗുഹ്യാ ഗുഹ്യാര്‍ചിതാ ഗുഹ്യസ്ഥാനബിന്ദുസ്വരൂപിണീ ॥ 52 ॥
ഗോദാവരീനദീതീരവാസിനീ ഗുണവര്‍ജിതാ ।
ഗോമേദകമണീകര്‍ണകുണ്ഡലാ ഗോപപാലിനീ ॥ 53 ॥
ഗോസവാസക്തഹൃദയാ ഗോശൃങ്ഗധ്യാനമോദിനീ ।
ഗങ്ഗാഗര്‍വങ്കഷോദ്യുക്തരുദ്രപ്രോത്സാഹവാദിനീ ॥ 54 ॥
ഗന്ധര്‍വവനിതാമാലാമോദിനീ ഗര്‍വനാശിനീ ।
ഗുഞ്ജാമണിഗണപ്രോതമാലാഭാസുരകന്ധരാ ॥ 55 ॥
ഓം ഐം ഹ്രീം ശ്രീം ഘം – 20 ॥
ഘടവാദ്യപ്രിയാ ഘോരകോണപഘ്നീ ഘടാര്‍ഗലാ ।
ഘടികാ ഘടികാമുഖ്യഷട്പാരായണമോദിനീ ॥ 56 ॥
ഘണ്ടാകര്‍ണാദിവിനുതാ ഘനജ്യോതിര്ലതാനിഭാ ।
ഘനശ്യാമാ ഘടോത്ഭൂതതാപസാത്മാര്‍ഥദേവതാ ॥ 57 ॥
ഘനസാരാനുലിപ്താങ്ഗീ ഘോണോദ്ധൃതവസുന്ധരാ ।
ഘനസ്ഫടികസങ്ക്ലൃപ്തസാലാന്തരകദംബകാ ॥ 58 ॥
ഘനാല്യുദ്ഭേദശിഖരഗോപുരാനേകമന്ദിരാ ।
ഘൂര്‍ണീതാക്ഷീ ഘൃണാസിന്ധുഃ ഘൃണിവിദ്യാ ഘടേശ്വരീ ॥ 59 ॥
ഘൃതകാതിന്യഹൃദ്ധണ്ടാമണിമാലാപ്രസാധനാ ।
ഘോരകൃത്യാ ഘോരവാദ്യാ ഘോരാഘൌഘവിനാശിനീ ॥ 60 ॥
ഘോരാഘനകൃപായുക്താ ഘനനീലാംബരാന്വിതാ ।
ഘോരാസ്യാ ഘോരശൂലാഗ്രപ്രോതാസുരകലേബരാ ॥ 61 ॥
ഘോഷത്രസ്താന്തകഭടാ ഘോരസങ്ഘോഷകൃദ്ബലാ ।
ഓം ഐം ഹ്രീം ശ്രീം ങം – 21 ॥
ങാന്താര്‍ണാദ്യമനുപ്രീതാ ങാകാരാഡീമ്പരായണാ ॥ 62 ॥
ങീകാരിമമഞ്ജുമഞ്ജീരചരണാ ങാങ്കിത്താങ്ഗുലിഃ ।
ഓം ഐ ഹ്രീം ശ്രീം ചം – 22 ॥
ചക്രവര്‍തിസമാരാധ്യാ ചക്രനേമിരവോന്തുകാ ॥ 63 ॥
ചണ്ഡമാര്‍ണ്ഡധിക്കാരിപ്രഭാ ചക്രാധിനായികാ ।
ചണ്ഡാലാസ്യപരാമോദാ ചണ്ഡവാദപടീയസീ ॥ 64 ॥
ചണ്ഡികാ ചണ്ഡകോദണ്ഡാ ചണ്ഡഘ്നീ ചണ്ഡഭൈരവീ ।
ചതുരാ ചതുരാംനായശിരോലക്ഷിതരൂപിണീ ॥ 65 ॥
ചതുരങ്ഗബലോപേതാ ചരാചരവിനോദിനീ ।
ചതുര്‍വക്ത്രാ ചക്രഹസ്താ ചക്രപാണിസമര്‍ചിതാ ॥ 66 ॥
ചതുഷ്ഷഷ്ടികലാരൂപാ ചതുഷ്ഷഷ്യചര്‍ചനോസ്തുകാ ।
ചന്ദ്രമണ്ഡലന്ധ്യയസ്ഥാ ചതുര്‍വര്‍ഗഫലപ്രദാ ॥ 67 ॥
ചമരീമൃഗയോദ്യുക്താ ചിരഞ്ജീവിത്വദായിനീ ।
ചമ്പകാശോകസ്രദ്ബദ്ധചികുരാ ചരുഭക്ഷിണീ ॥ 68 ॥
ചരാചരജഗദ്ധാത്രീ ചന്ദ്രികാധവലസ്മിതാ ।
ചര്‍മാംബരധരാ ചണ്ഡക്രോധഹുങ്കാരഭീകരാ ॥ 69 ॥
ചാടുവാദപ്രിയാ ചാമീകരപര്‍വതവാസിനീ ।
ചാപിനീ ചാപമുക്തേഷുച്ഛന്നദിഗ്ഭ്രാന്തപന്നഗാ ॥ 70 ॥
ചിത്രഭാനുമുഖീ ചിത്രസേനാ ചിത്രാങ്ഗദേഷ്ടദാ ।
ചിത്രലേഖാ ചിദാകാശമധ്യഗാ ചിന്തിതാര്‍ഥദാ ॥ 71 ॥
ചിന്ത്യാ ചിരന്തനീ ചിത്രാ ചിത്രാംബാ ചിത്തവാസിനീ ।
ചൈതന്യരൂപാ ചിച്ഛക്തിശ്ചിദംബരവിഹാരിണീ ॥ 72 ॥
ചോരഘ്നീ ചീര്യവിമുഖാ ചതുര്‍ദശമനുപ്രിയാ ।
ഓം ഐം ഹ്രീം ശ്രീം ഛം – 23 ॥
ഛത്രചാമരഭൃല്ലക്ഷ്മീവാഗിന്ദ്രാണീരതീവൃതാ ॥ 73 ॥
ഛന്ദശ്ശാസ്ത്രമയീ ഛന്ദോലക്ഷ്യാച്ഛേദവിവര്‍ജിതാ ।
ഛന്ദോരൂപാഛന്ദഗതിഃ ഛന്ദശ്ശിരവിഹാരിണീ ॥ 74 ॥
ഛദ്മഹൃത്ഛവിസന്ദീപ്തസൂര്യചന്ദ്രാഗ്നിതാരകാ ।
ഛര്‍ദിതാണ്ഡാവലിശ്ഛാദിതാകാരാ ഛിന്നസംശയാ ॥ 75 ॥
ഛായാപതിസമാരാധ്യാ ഛായാംബാ ഛത്രസേവിതാ ।
ഛിന്നമസ്താബികാ ഛിന്നശീര്‍ഷശത്രുശ്ഛലാന്തകീ ॥ 76 ॥
ഛേദിതാസുരജിഹ്വാഗ്രാ ഛത്രീകൃതയശസ്വിനീ ।
ഓം ഐം ഹ്രീം ശ്രീം ജം – 24 ॥
ജഗന്‍മാതാ ജഗത്സാക്ഷീ ജഗദ്യോനിര്‍ജഗദ്ഗുരുഃ ॥ 77 ॥
ജഗന്‍മായാ ജഗന്ത്വൃന്ദവന്ദിതാ ജയിനീജയാ ।
ജനജാഡ്യപ്രതാപഘ്നീ ജിതാസുരമഹാവ്രജാ ॥ 78 ॥
ജനനീ ജഗദാനന്ദദാത്രീ ജഹ്നുസമര്‍ചിതാ ।
ജപമാലാവരാഭീതിമുദ്രാപുസ്തകധാരിണീ ॥ 79 ॥
ജപയജ്ഞപരാധീനഹൃദയാ ജഗദീശ്വരീ ।
ജപാകുസുമസങ്കാശാ ജന്‍മാദിധ്വംസകാരണാ ॥ 80 ॥
ജാലധ്രപൂര്‍ണകാമോഡ്യാണചതുഷ്പീഠരൂപിണീ ।
ജീവനാര്‍ഥിദ്വിജവ്രാതത്രാണനാബദ്ധകങ്കണാ ॥ 81 ॥
ജീവബ്രഹ്മൈകതാകാങ്ക്ഷി ജനതാകീര്‍ണപാര്‍വഭൂഃ ।
ജംഭിനീ ജംഭഭിത്പൂല്യാ ജാഗ്രദാദിത്രയാതിഗാ ॥ 82 ॥
ജലദഗ്രിധരാ ജ്വാലാപ്രോച്ചകേശീ ജ്വരാര്‍തിഹൃത് ।
ജ്വാലാമാലിനികാ ജ്വാലാമുഖീ ജൈമിനിസംസ്തുതാ ॥ 83 ॥
ഓം ഐം ഹ്രീം ശ്രീം ഝം – 25 ॥
ഝലഞ്ഝലകൃതസ്വര്‍ണമഞ്ജീരാ ഝഷലോചനാ ।
ഝഷകുണ്ഡലിനീ ഝല്ലരീവാദ്യമുദിതാനനാ ॥ 84 ॥
ഝഷകേതുസമാരാധ്യാ ഝഷമാംസാന്നഭക്ഷിണീ ।
ഝഷോപദ്രവകൃദ്ധന്ത്രീ ഝ്ംരൂമ്മന്ത്രാധിദേവതാ ॥ 85 ॥
ഝഞ്ഝാനിലാതിഗമനാ ഝഷരാണ്ണീതസാഗരാ ।
ഓം ഐം ഹ്രീം ശ്രീം ജ്ഞം – 26 ॥
ജ്ഞാനമുദ്രാധരാ ജ്ഞാനിഹൃത്പദ്മകുഹരാസ്ഥിതാ ॥ 86 ॥
ജ്ഞാനമൂര്‍തിജ്ഞനിഗംയാ ജ്ഞാനദാ ജ്ഞാതിവര്‍ജിതാ ।
ജ്ഞേയാ ജ്ഞേയാദിരഹിതാ ജ്ഞാത്രീ ജ്ഞാനസ്വരൂപിണീ ॥ 87 ॥
ഓം ഐം ഹ്രീം ശ്രീം ടം – 27 ॥
ടങ്കപുഷ്പാലിസ്രങ്മഞ്ജുകന്ധരാ ടങ്കിതാചലാ ।
ടങ്കവേത്രാദികാനേകശസ്ത്രഭൃദ്ദോര്ലതാവലിഃ ॥ 88 ॥
ഓം ഐ ഹ്രീം ശ്രീം ഠം – 28 ॥
ഠകാരനിഭവക്ഷോജദ്വയാധോവൃത്തഭാസുരാ ।
ഠകാരാങ്കിതജാന്വഗ്രജിതകോരകിതാംബുജാ ॥ 89 ॥
ഓം ഐം ഹ്രീം ശ്രീം ശം – 29 ॥
ഡാകിനീ ഡാമരീതന്ത്രരൂപാ ഡാഡിമപാടലാ ।
ഡംബഘ്നീ ഡംബരാഽഽഡംബരോന്‍മുഖീ ഡമരുപ്രിയാ ॥ 90 ॥
ഡിംബദാനചണാ ഡോലാമുദിതാ ഡുണ്ഠിപൂജിതാ ।
ഓം ഐം ഹ്രീം ശ്രീം ഢം – 30 ॥
ഢകാനിനദസന്തുഷ്ടശിഖിനൃത്തസമുത്സുകാ ॥ 91 ॥
ഓം ഐം ഹ്രീം ശ്രീം ണം – 31 ॥
ണകാരപഞ്ജരശുകീ ണകാരോദ്യാനകോകിലാ ।
ഓം ഐം ഹ്രീം ശ്രീം തം – 32 ॥
തത്വാതീതാ തപോലക്ഷ്യാ തപ്തകാഞ്ചനസന്നിഭാ ॥ 92 ॥
തന്ത്രീ തത്വമസീവാക്യവിഷയാ തരുണീവൃതാ ।
തര്‍ജന്യങ്ഗുഷ്ഠസംയോഗജ്ഞാനബ്രഹ്മമുനീശ്വരാ ॥ 93 ॥
തര്‍ജിതാനേകദനുജാ തക്ഷകീ തഡിതാലിഭാ ।
താംരചൂഡധ്വജോത്സങ്ഗാ താപത്രയവിനാശിനീ ॥ 94 ॥
താരാംബാ താരകീ താരാപൂജ്യാ താണ്ഡവലോലുപാ ।
തിലോത്തമാദിദേവസ്ത്രീശാരീരോന്‍സുകമാനസാ ॥ 95 ॥
തില്വദ്രുസങ്കുലാഭോഗകാന്താരാന്തരവാസിനീ ।
ത്രയീദ്വിഡ്രസനാരക്തപാനലോലാസിധാരിണീ ॥ 96 ॥
ത്രയീമയീ ത്രയീവേദ്യാ ത്ര്യയ്യന്തോദ്ഗീതവൈഭവാ ।
ത്രികോണസ്ഥാ ത്രികാലജ്ഞാ ത്രികൂടാ ത്രിപുരേശ്വരീ ॥ 97 ॥
ത്രിചത്വാരിംശദശ്രാങ്കചക്രാന്തര്‍ബിന്ദുസംസ്ഥിതാ ।
ത്രിതാരാ തുംബുരൂദ്ഗീതാ താര്‍ക്ഷ്യാകാരാ ത്രികാഗ്നിജാ ॥ 98 ॥
ത്രിപുരാ ത്രിപുരധ്വംസിപ്രിയാ ത്രിപുരസുന്ദരീ ।
ത്രിസ്ഥാ ത്രിമൂര്‍തിസഹജശക്തിസ്ത്രിപുരഭൈരവീ ॥ 99 ॥
ഓം ഐം ഹ്രീം ശ്രീം ഥം – 33 ॥
ഥാം ഥീകരമൃദഗാദിഭൃദ്വിഷ്ണുമുഖസേവിതാ ।
ഥാം ഥീം തക്തക ഥിം തോകൃത്താലധ്വനിസഭാങ്ഗണാ ॥ 100 ॥
ഓം ഐം ഹ്രീം ശ്രീം ദം – 34 ॥
ദക്ഷാ ദാക്ഷായണീ ദക്ഷപ്രജാപതിമഖാന്തകീ ।
ദക്ഷിണാചാരരസികാ ദയാസമ്പൂര്‍ണമാനസാ ॥ 101 ॥
ദാരിദ്രയോന്‍മൂലിനീ ദാനശീലാ ദോഷവിവര്‍ജിതാ ।
ദാരുകാന്തകരീ ദാരുകാരണ്യമുനിമോഹിനീ ॥ 102 ॥
ദീര്‍ഘദംഷ്ട്രാനനാ ദീര്‍ഘരസനാഗീര്‍ണദാനവാ ।
ദീക്ഷിതാ ദീക്ഷിതാരാധ്യാ ദീനസംരക്ഷണോദ്യതാ ॥ 103 ॥
ദുഃഖാബ്ധിബഡബാ ദുര്‍ഗാ ദുംബീജാ ദുരിതാപഹാ ।
ദുഷ്ടദൂരാ ദുരാചാരശമനീ ദ്യൂതവേദിനീ ॥ 104 ॥
ദ്വിജാവഗൂരണസ്വാന്തപിശിതാമോദിതാണ്ഡജാ ।
ഓം ഐം ഹ്രീം ശ്രീം ധം – 35 ॥
ധനദാ ധനദാരാധ്യാ ധനദാപ്തകുടുംബിനീ ॥ 105 ॥
ധരാധരാത്മജാ ധര്‍മരൂപാ ധരണിധൂര്‍ധരാ ।
ധാത്രീ ധാതൃശിരച്ഛേത്രീ ധീധ്യേയാ ധുവപൂജിതാ ॥ 106 ॥
ധൂമാവതീ ധൂംരനേത്രഗര്‍വസംഹാരിണീ ധൃതിഃ ।
ഓം ഐം ഹ്രീം ശ്രീം നം – 36 ॥
നഖോത്പന്നദശാകാരമാധവാ നകുലീശ്വരീ ॥ 107 ॥
നരനാരായണസ്തുത്യാ നലിനായതലോചനാ ।
നരാസ്ഥിസ്രഗ്ധരാ നാരീ നരപ്രേതോപരിസ്ഥിതാ ॥ 108 ॥
നവാക്ഷരീനാമമന്ത്രജപപ്രീതാ നടേശ്വരീ ।
നാദചാമുണ്ഡികാ നാനാരൂപകൃന്നാസ്തികാന്തകീ ॥ 109 ॥
നാദബ്രഹ്മമയീ നാമരൂപഹീനാ നതാനനാ ।
നാരായണീ നന്ദിവിദ്യാ നാരദോദ്ഗീതവൈഭവാ ॥ 110 ॥
നിഗമാഗമസംവേദ്യാ നേത്രീ നീതിവിശാരദാ ।
നിര്‍ഗുണാ നിത്യസന്തുഷ്ടാ നിത്യാഷോഡശികാവൃതാ ॥ 111 ॥
നൃസിംഹദര്‍പശമനീ നരേന്ദ്രഗണവന്ദിതാ ।
നൌകാരൂഢാസമുത്തീര്‍ണഭവാംഭോധി നിജാശ്രിതാ ॥ 112 ॥
ഓം ഐം ഹ്രീം ശ്രീം പം – 37 ॥
പരമാ പരമം ജ്യോതിഃ പരബ്രഹ്മമയീ പരാ ।
പരാപരമയീ പാശബാണാങ്കുശധനുര്‍ധരാ ॥ 113 ॥
പരാപ്രാസാദമന്ത്രാര്‍ഥാ പതഞ്ജലിസമര്‍ചിതാ ।
പാപഘ്നീ പാശരഹിതാ പാര്‍വതീ പരമേശ്വരീ ॥ 114 ॥
പുണ്യാ പുലിന്ദിനീപൂജ്യാ പ്രാജ്ഞാ പ്രജ്ഞാനരൂപിണീ ।
പുരാതനാ പരാശക്തിഃ പഞ്ചവര്‍ണസ്വരൂപിണീ ॥ 115 ॥
പ്രത്യങ്ഗിരാഃ പാനപാത്രധരാ പീനോന്നതസ്തനീ ।
ഓം ഐം ഹ്രീം ശ്രീം ഫം – 38 ॥
ഫഡര്‍ണധ്വസ്തപാപൌഘദാസാ ഫണിവരേഡിതാ ॥ 116 ॥
ഫണിരത്നാസനാസീനകാമേശോത്സങ്ഗവാസിനീ ।
ഫലദാ ഫല്‍ഗുനപ്രീതാ ഫുല്ലാനനസരോരുഹാ ॥ 117 ॥
ഫുല്ലോത്തപ്താങ്ഗസാഹസ്രദലപങ്കജഭാസുരാ ।
ഓം ഐം ഹ്രീം ശ്രീം ബം – 39 ॥
ബന്ധൂകസുമനോരാഗാ ബാദരായണദേശികാ ॥ 118 ॥
ബാലാംബാ ബാണകുസുമാ ബഗലാമുഖിരൂപിണീ ।
ബിന്ദുചക്രസ്ഥിതാ ബിന്ദുതര്‍പണപ്രീതമാനസാ ॥ 119 ॥
ബൃഹത്സാമസ്തുതാ ബ്രഹ്മമായാ ബ്രഹ്മര്‍ഷിപൂജിതാ ।
ബൃഹദൈശ്വര്യദാ ബന്ധഹീനാ ബുധസമര്‍ചിതാ ॥ 120 ॥
ബ്രഹ്മചാമുണ്ഡികാ ബ്രഹ്മജനനീ ബ്രാഹ്മണപ്രിയാ ।
ബ്രഹ്മജ്ഞാനപ്രദാ ബ്രഹ്മവിദ്യാ ബ്രഹ്മാണ്ഡനായികാ ॥ 121 ॥
ബ്രഹ്മതാലപ്രിയാ ബ്രഹ്മപഞ്ചമഞ്ചകശായിനീ । (??)
ബ്രഹ്മാദിവിനുതാ ബ്രഹ്മപത്നീ ബ്രഹ്മപുരസ്ഥിതാ ॥ 122 ॥
ബ്രാഹ്മീമാഹേശ്വരീമുഖ്യശക്തിവൃന്ദസമാവൃതാ ।
ഓം ഐം ഹ്രീം ശ്രീം ഭം – 40 ॥
ഭഗാരാധ്യാ ഭഗവതീ ഭാര്‍ഗവീ ഭാര്‍ഗവാര്‍ചിതാ ॥ 123 ॥
ഭണ്ഡാസുരശിരശ്ഛേത്രീ ഭാഷാസര്‍വസ്വദര്‍ശിനീ ।
ഭദ്രാ ഭദ്രാര്‍ചിതാ ഭദ്രകാലീ ഭര്‍ഗസ്വരൂപിണീ ॥ 124 ॥
ഭവാനീ ഭാഗ്യദാ ഭീമാ ഭാമതീ ഭീമസൈനികാ ।
ഭുജങ്ഗനടനോദ്യുക്താ ഭുജനിര്‍ജിതദാനവാ ॥ 125 ॥
ഭ്രുകുടീക്രൂരവദനാ ഭ്രൂമധ്യനിലയസ്ഥിതാ ।
ഭേതാലനടനപ്രീതാ ഭോഗിരാജാങ്ഗുലീയകാ ॥ 126 ॥
ഭേരുണ്ഡാ ഭേദനിര്‍മുക്താ ഭൈരവീ ഭൈരവാര്‍ചിതാ ।
ഓം ഐം ഹ്രീം ശ്രീം മം – 41 ॥
മണിമണ്ഡപമധ്യസ്ഥാ മാണിക്യാഭരണാന്വിതാ ॥ 127 ॥
മനോന്‍മനീ മനോഗംയാ മഹാദേവപതിത്രതാ ।
മന്ത്രരൂപാ മഹാരാജ്ഞീ മഹാസിദ്ധാലിസംവൃതാ ॥ 128 ॥
മന്ദരാദികൃതാവാസാ മഹാദേവീ മഹേശ്വരീ ।
മഹാഹിധമേഖലാ മാര്‍ഗദുര്‍ഗാ മാങ്ഗല്യദായിനീ ॥ 129 ॥
മഹാവതക്രതുപ്രീതാ മാണിഭദ്രസമര്‍ചിതാ । (??)
മഹിഷാസുരശിരശ്ഛേദനര്‍തകീ മുണ്ഡഖമിഡനീ ॥ 130 ॥
മാതാ മരകടശ്യാമാ മാതങ്ഗീ മതിസാക്ഷിണീ । (??)
മാധവീ മാധവാരാധ്യാ മധുമാംസപ്രിയാ മഹീ ॥ 131 ॥
മാരീ മാരാന്തക ക്ഷോഭകാരിണീ മീനലോചനാ ।
മാലതീകുന്ദമാലാഢ്യാ മാഷൌദനസമുന്‍സുകാ ॥ 132 ॥
മിഥുനാസക്തഹൃദയാ മോഹിതാശേഷവിഷ്ടപാ ।
മുദ്രാ മുദ്രാപ്രിയാ മൂര്‍ഖനാശിനീ മേഷഭക്ഷിണീ ॥ 133 ॥
മൂകാംബാ മുഖജാ മോദജനകാലോകനപ്രിയാ ।
മൌനവ്യാഖ്യാപരാ മൌനസത്യചിന്‍മാത്രലക്ഷണാ ॥ 134 ॥
മൌഞ്ജീകച്ഛധരാ മൌര്‍വീദ്വിരേഫമുഖരോന്‍മുഖാ ।
ഓം ഐം ഹ്രീം ശ്രീം യം – 42 ॥
യജ്ഞവൃന്ദപ്രിയാ യഷ്ട്രീ യാന്തവര്‍ണസ്വരൂപിണീ ॥ 135 ॥
യന്ത്രരൂപാ യശോദാത്മജാതസജുതവൈഭവാ ।
യശസ്കരീ യമാരാധ്യാ യജമാനാകൃതിര്യതിഃ ॥ 136 ॥
യാകിനീ യക്ഷരക്ഷാദിവൃതാ യജനതര്‍പണാ ।
യാഥാര്‍ഥ്യവിഗ്രഹാ യോഗ്യാ യോഗിനീ യോഗനായികാ ॥ 137 ॥
യാമിനീ യജമോത്സാഹാ യാമിനീചരഭക്ഷിണീ ।
യായജൂകര്‍ചിതപദാ യജ്ഞേശീ യക്ഷിണീശ്വരീ ॥ 138 ॥
യാസാപദ്മധരാ യാസാപദ്മാന്തരപരിഷ്കൃതാ ।
യോഷാഽഭയങ്കരീ യോഷിദ്വൃന്ദവന്ദിതപാദുകാ ॥ 139 ॥
ഓം ഐം ഹ്രീം ശ്രീം രം – 43 ॥
രക്തചാമുണ്ഡികാ രാത്രിദേവതാ രാഗലോലുപാ ।
രക്തബീജപ്രശമനീ രജോഗന്ധനിവാരിണീ ॥ 140 ॥
രണരഗനടീരത്ത്രമജ്ജീരചരണാംബുജാ ।
രജധ്വവസ്താചലാ രാഗഹീനമാനസഹംസിനീ ॥ 141 ॥
രസനാലേപിതക്രൂരരക്തബീജകലേബരാ ।
രക്ഷാകരീ രമാ രംയാ രഞ്ജിനീ രസികാവൃതാ ॥ 142 ॥
രാകിണ്യംബാ രാമനുതാ രമാവാണീനിഷേവിതാ ।
രാഗാലാപപരബ്രഹ്മ ശിരോ മാലാപ്രസാധനാ ॥ 143 ॥
രാജരാജേശ്വരീ രാജ്ഞീ രാജീവനയനപ്രിയാ ।
രാജവ്രാതകിരീടാംശുനീരാജിതപദാംബുജാ ॥ 144 ॥
രുദ്രചാമുണ്ഡികാ രുക്മസദൃശാ രുധിരപ്രിയാ ।
രുദ്രതാണ്ഡവസാമര്‍ഥ്യദര്‍ശനോത്സുകമാനസാ ॥ 145 ॥
രുദ്രാട്ടഹാസസങ്ക്ഷുഭ്യജ്ജഗന്തുഷ്ടിവിധായിനീ ।
രുദ്രാണീ രുദ്രവനിതാ രുരുരാജഹിതൈഷിണീ ॥ 146 ॥
രേണുകാ രേണുകാസൂനുസ്തുത്യാ രേവാവിഹാരിണീ ।
രോഗഘ്നീ രോഷനിര്‍ദഗ്ധശത്രുസേനാനിവേശിനീ ॥ 147 ॥
രോഹിണീശാംശുസംഭൂതഝരീരത്നവിതാനകാ ।
രൌദ്രീ രൌദ്രാസ്ത്രനിര്‍ദഗ്ധരാക്ഷസാ രാഹുപൂജിതാ ॥ 148 ॥
ഓം ഐം ഹ്രീം ശ്രീം ലം – 44 ॥
ലഘൂക്തിവല്‍ഗുസ്തിമിതവാണീത്യക്തവിപഞ്ചികാ ।
ലജ്ജാവതീ ലലത്പ്രോച്ചകേശാ ലംബിപയോധരാ ॥ 149 ॥
ലയാദികര്‍ത്രീ ലോമാലിലതാനാഭീസരഃ കടീ ।
ലലദോഷ്ഠദലദ്വന്ദ്വവദനാ ലക്ഷ്യദൂരഗാ ॥ 150 ॥
ലലന്തികാമണീഭാസ്വന്നിടിലശ്രീമുഖാംബുജാ ।
ലലാടാര്‍ധനിശാനാഥകലങ്കോദ്ഭാസിലോചനാ ॥ 151 ॥
ലലിതാ ലോഭിനീ ലോഭഹീനാ ലോകേശ്വരീ ലഘുഃ ।
ലക്ഷ്മീര്ലക്ഷ്മീശസഹജാ ലക്ഷ്മണാഗ്രജവന്ദിതാ ॥ 152 ॥
ലാകിനീ ലഘിതാപൃഭോധിനിവഹാ ലലിതാഗ്ബികാ ।
ലാജഹോമപ്രിയാ ലംബമുക്താഭാസുരനാസികാ ॥ 153 ॥
ലാഭാലാഭാദിരഹിതാ ലാസ്യദര്‍ശനകോവിദാ ।
ലാവണ്യദര്‍ശനോദ്വിഗ്നരതീശാ ലധുഭാഷിണീ ॥ 154 ॥
ലാക്ഷാരസാഞ്ചിതപദാ ലധുശ്യാമാ ലതാതനുഃ ।
ലാക്ഷാലക്ഷ്മീതിരസ്കാരിയുഗലാധരപല്ലവാ ॥ 155 ॥
ലീലാഗതിപരാഭൂതഹംസാ ലീലാവിനോദിനീ ।
ലീലാനന്ദനകല്‍പദ്രുമലതാഡോലാവിഹാരിണീ ॥ 156 ॥
ലീലാപീതാബ്ധിവിനുതാ ലീലാസ്വീകൃതവിയഹാ ।
ലീലാശുകോസ്തിമുദിതാ ലീലാമൃഗവിഹാരിണീ ॥ 157 ॥
ലോകമാതാ ലോകസൃഷ്ടിസ്ഥിതിസംഹാരകാരിണീ ।
ലോകാതീതപദാ ലോകവന്ദ്യാ ലോകൈകസാക്ഷിണീ ॥ 158 ॥
ലോകാതീതാകൃതിര്ലബ്ധാ മാര്‍ഗത്യാഗപരാന്തകീ । (??)
ലോകാനുല്ലങ്ഘിതനിജശാസനാ ലബ്ധവിയഹാ ॥ 159 ॥
ലോമാവലി ലതാ ലംബിസ്തനയുഗ്മനതാനനാ ।
ലോലചിത്തവിദൂരസ്ഥാ ലോമലംബ്യണ്ഡജാലകാ ॥ 160 ॥
ലബിതാരിശിരോഹസ്താ ലോകരക്ഷാപരായണാ ।
ഓം ഐം ഹ്രീം ശ്രീം വം – 45 ॥
വനദുര്‍ഗാ വിന്ധ്യദലവാസിനീ വാമകേശ്വരീ ॥ 161 ॥
വശിന്യാദിസ്തുതാ വഹ്നിജ്വാലോദ്ഗാരിമുഖീ വരാ ।
വക്ഷോജയയുഗ്മവിരഹാസഹിഷ്ണുകരശങ്കരാ ॥ 162 ॥
വാങ്മനോതീതവിഷയാ വാമാചാരസമുത്സുകാ ।
വാജപേയാധ്വരാനന്ദാ വാസുദേവേഷ്ടദായിനീ ॥ 163 ॥
വാദിത്രധ്വനിസംഭ്രാന്തദിഗ്ഗജാലിര്‍വിധീഡിതാ ।
വാമദേവവസിഷ്ഠാദിപൂജിതാ വാരിദപ്രഭാ ॥ 164 ॥
വാമസ്തനാശ്ലിഷ്ദ്ധസ്തപദ്മശംഭുവിഹാരിണീ ।
വാരാഹീ വാസ്തുമധ്യസ്ഥാ വാസവാന്തഃ പുരേഷ്ടദാ ॥ 165 ॥
വാരാങ്ഗനാനീതപൂര്‍ണകുംഭദീപാലിമണ്ടപാ ।
വാരിജാസനശീര്‍ഷാലിമാലാ വാര്‍ധിസരോവരാ ॥ 166 ॥
വാരിതാസുരദര്‍പശ്രീഃ വാര്‍ധഘ്നീമന്ത്രരൂപിണീ ।
വാര്‍താലീ വാരുണീ വിദ്യാ വരുണാരോഗ്യദായിനീ ॥ 167 ॥
വിജയാ വിജയാസ്തുത്യാ വിരൂപാ വിശ്വരൂപിണീ ।
വിപ്രശത്രുകദംബഘ്നീ വിപ്രപൂജ്യാ വിഷാപഹാ ॥ 168 ॥
വിരിഞ്ചിശിക്ഷണോദ്യുക്തമധുകൈടഭനാശിനീ ।
വിശ്വമാതാ വിശാലാക്ഷീ വിരാഗാ വീശവാഹനാ ॥ 169 ॥
വീതരാഗവൃതാ വ്യാഘ്രപാദ നൃത്തപ്രദര്‍ശിനീ ।
വീരഭദ്രഹതോന്‍മത്തദക്ഷയജ്ഞാശ്രിതാമരാ ॥ 170 ॥
വേദവേദ്യാ വേദരൂപാ വേദാനനസരോരുഹാ ।
വേദാന്തവിഷയാ വേണുനാദജ്ഞാ വേദപൂജിതാ ॥ 171 ॥
വൌഷട്മന്ത്രമയാകാരാ വ്യോമകേശീ വിഭാവരീ । ??
വന്ദ്യാ വാഗ്വാദിനീ വന്യമാംസാഹാരാ വനേശ്വരീ ॥ 172 ॥
വാഞ്ഛാകല്‍പലതാ വാണീ വാക്പ്രദാ വാഗധീശ്വരീ ।
ഓം ഐം ഹ്രീം ശ്രീം ശം – 46 ॥
ശക്തിവൃന്ദാവൃതാ ശബ്ദമയീ ശ്രീചക്രരൂപിണീ ॥ 173 ॥
ശബരീ ശബരീദുര്‍ഗാ ശരഭേശച്ഛദാകൃതിഃ ।
ശബ്ദജാലോദ്ഭവഢ്ഢക്കാരവാസന്ദിഗ്ധതാപസാ ॥ 174 ॥
ശരണാഗതസന്ത്രാണപരായണപടീയസീ ।
ശശാങ്കശേഖരാ ശസ്ത്രധരാ ശതമുഖാംബുജാ ॥ 175 ॥
ശാതോദരീ ശാന്തിമതീ ശരച്ചന്ദ്രനിഭാനനാ ।
ശാപാപനോദനചണാ ശങ്കാദോഷാദിനാശിനീ ॥ 176 ॥
ശിവകാമസുന്ദരീ ശ്രീദാ ശിവവാമാങ്ഗവാസിനീ ।
ശിവാ ശ്രീദാനനിപുണലോചനാ ശ്രീപതിപ്രിയാ ॥ 177 ॥
ശുകാദിദ്വിജവൃന്ദോക്തിസ്തബ്ധമാനസഗീഷ്പതിഃ ।
ശുക്രമണ്ഡലസങ്കാശമുക്താമാലാ ശുചിസ്മിതാ ॥ 178 ॥
ശുക്ലദംഷ്ട്രാഗ്രസന്ദീപ്തപാതാലഭ്രാന്തപന്നഗാ ।
ശുഭ്രാസനാ ശൂരസേനാവൃതാ ശൂലാദിനാശിനീ ॥ 179 ॥
ശൂകവൃശ്ചികനാഗാഖുര്‍വൃകഹ്രിംസ്രാലിസംവൃതാ ।
ശൂലിനീ ശൂലഡ്ഗാഹിശങ്ഖചക്രഗദാധരാ ॥ 180 ॥
ശോകാബ്ധിശോഷണോദ്യുക്തബഡവാ ശ്രോത്രിയാവൃതാ ।
ശങ്കരാലിങ്ഗനാനന്ദമേദുരാ ശീതലാംബികാ ॥ 181 ॥
ശങ്കരീ ശങ്കരാര്‍ധാങ്ഗഹരാ ശാക്കരവാഹനാ ।
ശംഭുകോപാഗ്നിനിര്‍ദഗ്ധമദനോത്പാദകേക്ഷണാ ॥ 182 ॥
ശാംഭവീ ശംഭുഹസ്താബ്ജലീലാരുണകരാവലിഃ ।
ശ്രീവിദ്യാ ശുഭദാ ശുഭവസ്ത്രാ ശുംഭാസുരാന്തകീ ॥ 183 ॥
ഓം ഐം ഹ്രീം ശ്രീം ഷം – 47 ॥
ഷഡാധാരാബ്ജനിലയാ ഷാഡ്ഗുണ്യശ്രീപ്രദായിനീ ।
ഷഡൂര്‍മിഘ്നി ഷഡധ്വാന്തപദാരൂഢസ്വരൂപിണീ ॥ 184 ॥
ഷട്കോണമധ്യനിലയാ ഷഡര്‍ണാ ഷാന്തരൂപിണീ ।
ഷഡ്ജാദിസ്വരനിര്‍മാത്രീ ഷഡങ്ഗയുവതീശ്വരീ ॥ 185 ॥
ഷഡ്ഭാവരഹിതാ ഷണ്ഡകണ്ടകീ ഷണ്‍മുഖപ്രിയാ ।
ഷഡ്സാസ്വാദമുദിതാ ഷഷ്ഠീശാദിമദേവതാ ॥ 186 ॥
ഷോഢാന്യാസമയാകാരാ ഷോഡശാക്ഷരദേവതാ ।
ഓം ഐം ഹ്രീം ശ്രീം സം – 48 ॥
സകലാ സച്ചിദാനന്ദലക്ഷണാ സൌഖ്യദായിനീ ॥ 187 ॥
സനകാദിമുനിധ്യേയാ സന്ധ്യാനാട്യവിശാരദാ ।
സമസ്തലോകജനനീ സഭാനടനരഞ്ജിനീ ॥ 188 ॥
സരഃ പുലിനലീലാര്‍ഥിയുവതീനിവഹോത്സുകാ ।
സരസ്വതീ സുരാരാധ്യാ സുരാപാനപ്രിയാസുരാ ॥ 189 ॥
സരോജലവിഹാരോദ്യത്പ്രിയാകൃഷ്ടോത്തരാംശുകാ ।
സാധ്യാ സാധ്യാദിരീഹതാ സ്വതന്ത്രാ സ്വസ്തിരൂപിണീ ॥ 190 ॥
സാധ്വീ സങ്ഗീതരസികാ സര്‍വദാ സര്‍വമങ്ഗലാ ।
സാമോദ്ഗീതനിജാനന്ദമഹിമാലിസ്സനാതനാ ॥ 191 ॥
സാരസ്വതപ്രദാ സാമാ സംസാരാര്‍ണവതാരിണീം ।
സാവിത്രീ സങ്ഗനിര്‍മുക്താ സതീശീ സര്‍വതോമുഖീ ॥ 192 ॥
സാഖ്യതത്വജ്ഞനിവഹവ്യാപിസാലാ സുഖേശ്വരീ ।
സിദ്ധസങ്ഘാവൃതാ സാന്ധ്യവന്ദിതാ സാധുസത്കൃതാ ॥ 193 ॥
സിംഹാസനഗതാ സര്‍വശൃങ്ഗാരരസവാരിധിഃ ।
സുധാബ്ധിമധ്യനിലയാ സ്വര്‍ണദ്വീപാന്തരസ്ഥിതാ ॥ 194 ॥
സുധാസിക്താലവാലോദ്യത്കായമാനലതാഗൃഹാ ।
സുഭഗാ സുന്ദരീ സുഭ്രൂഃ സമുപാസ്യത്വലക്ഷണാ ॥ 195 ॥
സുരദുസങ്കുലാഭോഗതടാ സൌദാമിനീനിഭാ ।
സുരഭീകേശസംഭ്രാന്തദ്വിരേഫമുഖരാന്വിതാ ॥ 196 ॥
സൂര്യചന്ദ്രാംശുധിക്കാരിപ്രഭാരത്നാലിമണ്ഡപാ ।
സോമപാനോദ്ഭവാമോദവിപ്രഗീതാപദാനകാ ॥ 197 ॥
സോമയാഗപ്രിയാ സോമസൂര്യവഹ്നിവിലോചനാ ।
സൌഗന്ധികമരുദ്വേഗമോദിതാ സദ്വിലാസിനീ ॥ 198 ॥
സൌന്ദര്യമോഹിതാധീനവല്ലഭാ സന്തതിപ്രദാ ।
സൌഭാഗ്യമന്ത്രിണീ സത്യവാദാ സാഗരമേഖലാ ॥ 199 ॥
സ്വശ്വാസോച്ഛവാസഭുവനമോചനോന്‍മോചനാ സ്വധാ ।
ഓം ഐം ഹ്രീം ശ്രീം ഹം – 49 ॥
ഹയാരൂഢാ ഹയഗ്രീവവിനുതാ ഹതകില്‍ബിഷാ ॥ 200 ॥
ഹരാലിങ്ഗനശീതാംശൂന്‍മിഷന്നേത്രമുദ്വതീ ।
ഹരിനാഭിസമുദ്ഭൂതവിരിഞ്ചിവിനുതാ ഹരാ ॥ 201 ॥
ഹാദിവിദ്യാ ഹാനിഹീനാ ഹാകിനീ ഹരിചണ്ഡികാ ।
ഹാരാവലിപ്രഭാദീപ്ത ഹരിദന്തദിഗംബരാ ॥ 202 ॥
ഹാലാഹലവിഷോദ്വിഗ്രവിഷ്ടാപാനേകരക്ഷകീ ।
ഹാഹാകാരരവോദ്ഗീതദനുജാ ഹാരമഞ്ജുലാ ॥ 203 ॥
ഹിമാദ്രിതനയാ ഹീരമകുടാ ഹാരപന്നഗാ ।
ഹുതാശനധരാ ഹോമപ്രിയാ ഹോത്രീ ഹയേശ്വരീ ॥ 204 ॥
ഹേമപദ്മധരാ ഹേമവര്‍മരാജസമര്‍ചിതാ ।
ഹംസിനീ ഹംസമന്ത്രാര്‍ഥാ ഹംസവാഹാ ഹരാങ്ഗഭൃത് ॥ 205 ॥
ഹൃദ്യാ ഹൃദ്യമനോനിത്യവാസാ ഹരകുടുംബിനീ । (??)
ഹ്രീമതിഃ ഹൃദയാകാശതരണിഃ ഹ്രിമ്പരായണാ ॥ 206 ॥
ഓം ഐം ഹ്രീം ശ്രീം ക്ഷം – 50 ॥
ക്ഷണദാചരസംഹാരചതുരാ ക്ഷുദ്രദുര്‍മുഖാ ।
ക്ഷണദാര്‍ച്യാ ക്ഷപാനാഥസുധാര്‍ദ്രകബരീ ക്ഷിതിഃ ॥ 207 ॥
ക്ഷമാ ക്ഷമാധരസുതാ ക്ഷാമക്ഷോഭവിനാശിനീ ।
ക്ഷിപ്രസിദ്ധിമ്പ്രദാ ക്ഷിപ്രഗമനാ ക്ഷുണ്ണിവാരിണീ ॥ 208 ॥
ക്ഷീണപുണ്യാസുഹൃത് ക്ഷീരവര്‍ണാ ക്ഷയവിവര്‍ജിതാ ।
ക്ഷീരാന്നാഹാരമുദിതാ ക്ഷ്ംര്യൂമ്മന്ത്രാപ്തേഷ്ടയോഗിരാട് ॥ 209 ॥
ക്ഷീരാബ്ധിതനയാ ക്ഷീരഘൃതമധ്വാസവാര്‍ചിതാ ।
ക്ഷുധാര്‍തിദീനസന്ത്രാണാ ക്ഷിതിസംരക്ഷണക്ഷമാ ॥ 210 ॥
ക്ഷേമങ്കരീ ക്ഷേത്രപാലവന്ദിതാ ക്ഷേത്രരൂപിണീ ।
ക്ഷൌമാംബരധരാ ക്ഷത്രസമ്പ്രാര്‍ഥിതജയോത്സവാ ॥ 211 ॥
ക്ഷ്വേലഭുഗ്രസനാസ്വാദ ജാത വാഗ്രസവൈഭവാ ।
ഇതി ശ്രീഭൃങ്ഗിരിടിസംഹിതായാം ശക്ത്യുത്കര്‍ഷപ്രകരണേ
ശിവഗൌരീസംവാദേ ശ്രീശിവകാമസുന്ദരീസഹസ്രനാമസ്തോത്രം സമ്പൂര്‍ണം
॥ ഉത്തരപീതികാ ॥
ഇത്യേതത്തേ മയാഽഽഖ്യാതം നാമ സാഹസ്രമുത്തമം ।
ശിവകാമസുന്ദരീദേവ്യാഃ ശിവായാഃ പരമേശ്വരി ॥ 1 ॥
ചതുര്‍വേദസ്യ താത്പര്യസാരഭൂതം സുഖപ്രദം ।
സഹസ്രനാമക സ്തോത്രരത്നാഭിധമിദം പ്രിയേ ।
ശ്രുത്യന്തവാക്യനിചയബദ്ധം ശീഘ്രപ്രസിദ്ധിദം ॥ 2 ॥
ആയുരാരോഗ്യദം പുണ്യവര്‍ധനം ഭുക്തിമുക്തിദം ।
വിഘ്നവാരണവിഘ്നേശം സംസാരധ്വാന്തഭാസ്കരം ॥ 3 ॥
ശോകകാന്താരദാവാഗ്നിമജ്ഞാനാബ്ധിഘടോദ്ഭവം ।
രോഗപര്‍വതദഭ്ഭോലിം ശത്രുവര്‍ഗാഹിതാര്‍ക്ഷ്യകം ॥ 4 ॥
സര്‍വവിദ്യാപ്രദം നൄണാം തുഷ്ടിദം പുഷ്ടിദം പ്രിയേ ।
ഭൂതാഃ പ്രേതാഃ പിശാചാശ്ച ബ്രഹ്മരക്ഷോഗണോരഗാഃ ॥ 5 ॥
ജടാമുനിഗണാഃ ക്ഷുദ്രജ്വരകൃദ്ഗ്രഹമണ്ഡലാഃ ।
കോടരാരേവതീജ്യേഷ്ഠാപൂതനാമാതൃകാദയഃ ॥ 6 ॥
മഹാജ്വരകരാശ്ചാന്യേ ഭേതാലാഗ്നിധരാശ്ശിവേ ।
അപസ്മാരാദിമാശ്ചാന്യേ ദൃഷ്ടാ ഹിംസാരാരാശ്ശിവേ ॥ 7 ॥
രാക്ഷസാ മനുജാ യജ്ഞവിഘ്നഭൂതാശ്ച പന്നഗാഃ ।
സാലുവാഃ ശരഭാഃ സിംഹാഃ വ്യാഘ്രാ ഋക്ഷാ ഗജാ വൃഷാഃ ।
ശാക്കരാ മഹിഷാച്ഛഗാഃ ഗവയാവൃകജംബുകാഃ ।
അന്യേ വന്യാ മൃഗാ ദേവി ഹിംസകാശ്ശൂകവൃശ്ചികാഃ ॥ 9 ॥
അണ്ഡജാസ്സ്വേദജാ ദേവി ചോദ്ഭിദാശ്ച ജരായുജാഃ ।
യേ യേ ഹിംസാകരാസ്സര്‍വേ നാമസാഹസ്രജാപിനം ॥ 10 ॥
ദൃഷ്ട്വാ ഭീത്യാ പരിഭ്രാന്താഃ സ്ഖലന്തശ്ച വിദൂരതഃ ।
പതന്തശ്ച പലായന്തേ പ്രാണത്രാണപരായണാഃ ॥ 11 ॥
അംബികാനാമസാഹസ്രജപശീലസ്യ യോഗിനഃ ।
ദ്രവ്യാണി യോഽപഹരതേ തം ഭക്ഷയതി യോഗിനീ ॥ 12 ॥
ശിവകാമസുന്ദരീഭസ്തിശാലിനം ദ്വേഷ്ടി യോ നരഃ ।
തം നാശയതി സാ ദേവീ സപുത്രഗണബാന്ധവം ॥ 13 ॥
ശിവകാമസുന്ദരീഭക്തേ ചാഭിചാരാദിദുഷ്കൃതിം ।
യഃ പ്രേരയതി മൂഢാത്മാ തം ദേവീ ശിവസുന്ദരീ ॥ 14 ॥
മുഖാഗ്നിജ്വാലയാ ദേവീ ദാഹയത്യഞ്ജസാ ധുവം ।
അനേന സദൃശം സ്തോത്രം നാസ്തി നാസ്ത്യദ്രികന്യകേ ॥ 15 ॥
ഏതത്സ്തോത്രജപേനൈവ വിഷ്ണുര്ലക്ഷ്മീശ്വരോഽഭവത് ।
ജഗദ്രക്ഷകകര്‍തൃത്വം ബ്രഹ്മണോ വേധസഃ പ്രിയേ ॥ 16 ॥
സൃഷ്ടികര്‍തൃത്വമപ്യംബേ വേദാനാം ച വിധായകഃ ।
അഭൂദന്യേഽമരാശ്ചൈവ വഹ്നീന്ദ്രയമരാക്ഷസാഃ ॥ 17 ॥
ജലവായ്വീശധനദാഃ യോഗിനശ്ച മഹര്‍ഷയഃ ।
ജപാദസ്യ സ്വയം സിദ്ധിം ലേഭിരേ സതതം ശിവേ ॥ 18 ॥
മമ ശക്തിമയീ ത്വം ഹി ദേവീ സാ കാമസുന്ദരീ ।
തസ്യാഃ പ്രഭാവം നാന്യേന വസ്തും ശക്യം ഹി സുന്ദരി! ॥ 19 ॥
ത്വയൈവ ചിന്തനീയം തത് ത്വത്തോ നാന്യാസ്തി ഹി പ്രിയാ ।
ഏതന്നാമസഹസ്രസ്യ ജപേ ത്രൈവര്‍ണികഃ പ്രിയേ ॥ 20 ॥
മയാധിക്രിയതേഽന്യേഷാം ച ഭവേദധികാരതാ ।
അന്യേ തു പാഠയേദ്വിപ്രൈഃ ലഭേരന്ദവേഷ്ടകാമനാം ॥ 21 ॥
യോ വിപ്രശ്ശാന്തഹൃദയഃ നാമസാഹസ്രമുത്തമം ।
ജപതി ശ്രദ്ധയാ യുക്തഃ സര്‍വാന്‍കാമാനവാപ്നുയാത് ॥ 22 ॥
ശുക്രവാരേ സൌമവാരേ ഭൌമവാരേ ഗുരോര്‍ദിനേ ।
ദര്‍ശേ പര്‍വണി പഞ്ചംയാം നവംയാം കുലസുന്ദരി ॥ 23 ॥
കൃഷ്ണാങ്ഗാരചതുര്‍ദശ്യാം സങ്ക്രാന്താവയനേ വിഷൌ ।
വൃഷേ ശുക്ലനവംയാം ച ശ്രാവണ്യാം മൂലഭേ ശുഭേ ॥ 24 ॥
ആഷാഢേ ച തുലായാം ച നക്ഷത്രേ പൂര്‍വഫല്‍ഗുനേ ।
ജ്യേഷ്ഠേ ച ഫാല്‍ഗുനേ മാസി ഉത്തരേ ഫല്‍ഗുനേ ശുഭേ ॥ 25 ॥
നക്ഷത്രേ ച ശുഭാം ദേവീം ഗൌരീനാമഭിരംബികാം ।
അര്‍ചയേത്സതതം പ്രീതാ സുന്ദരീ ഭവതി പ്രിയേ ॥ 26 ॥
പ്രതിപന്‍മുഖരാകാന്തദിനരാത്രിഷു ചാംബികാം ।
അര്‍ചയേത്കുസുമൈര്‍ബില്വൈഃ ഹാരിദ്രൈഃ കുകുമൈഃ ശുഭൈഃ ॥ 27 ॥
ഹരിദ്രാചൂര്‍ണസമ്പൃക്തൈരക്ഷതൈര്‍തുലസീദലൈഃ ।
കേസരൈഃ കേതകൈശ്ചൈവ മന്ദാരൈശ്ചമ്പകൈരപി ॥ 28 ॥
പ്രഥമം ഗന്ധതൈലേനാഭിഷിച്യ തതഃ പരം ।
പയസാ മധുനാ ദഘ്നാ ഘൃതേന ലികുചേന ച ॥ 29 ॥
നാരികേലാംരപനസകദലീനാം ഫലത്രയം ।
ശര്‍കരാമധുസമ്പൃക്തം പഞ്ച്ജാമൃതമഥാംബികാം ॥ 30 ॥
അഭിഷിച്യ തതഃ പശ്ചാത്സഗന്ധീശ്ചന്ദനൈഃ ശുഭൈഃ ।
അന്നൈശ്ച കുങ്കുമൈശ്ചൈവ ഫലാനാം ച രസൈസ്തഥാ ॥ 31 ॥
ഗങ്ഗാംബുഭിസ്തതഃ കുര്യാത്വാസിതൈഃ സലിലൈശ്ശുഭൈഃ ।
സംയഗുന്‍മാര്‍ജ്യ വസ്ത്രൈശ്ച പീതാംബരമുഖൈഃ ശിവൈഃ ॥ 32 ॥
ആച്ഛാദ്യ കഞ്ചുകൈശ്ചൈവാലങ്കൃത്യാഭരണൈസ്സുമൈഃ ।
ശുദ്ധാന്നൈഃ പായസാന്നൈശ്ച രസഖണ്ഡാന്നൈശ്ച ഭക്ഷ്യകൈഃ ॥ 33 ॥
ഗുഡാന്നേഃ പായസാപൂപൈര്‍മാഷാപൂപൈശ്ച ലേഹ്യകൈഃ ।
ഖാദ്യൈശ്ച വിവിധൈരന്നൈഃ ചിത്രാന്നൈശ്ച വിശേഷതഃ ॥ 34 ॥
ലഡ്ഡുകൈര്‍മോദകൈശ്ചാപി കരംഭൈശ്ച ശരാവകൈഃ ।
ഫലൈശ്ച വിവിധൈശ്ചാപി കുര്യാന്നൈവേദ്യമാദരാത് ॥ 35 ॥
ഷോഡശൈരുപചാരൈശ്ച പൂജയേച്ഛിവസുന്ദരീം ।
സുവാസിനീഃ കന്യകാശ്ച വസ്ത്രാന്നൈശ്ച പ്രപൂജയേത് ॥ 36 ॥
ഏഭിര്‍നാമഭിരേവൈതാം മൂര്‍തേ യന്ത്രേ ഘടേഽപി വാ ।
ആവാഹ്യാഭ്യര്‍ച്യയേദ്ദേവീം ജപേദ്വാ സന്നിധൌ സ്തുതിം ॥ 37 ॥
യം യം കാമയതേ ശീഘ്രം തം തം പ്രാപ്നോത്യസംശയഃ ।
വിദ്യാര്‍ഥീ ലഭതേ വിദ്യാം പുത്രാര്‍ഥീ പുത്രമാപ്നുയാത് ॥ 38 ॥
കന്യാര്‍ഥീ ലഭതേ കന്യാം അപ്സരസ്സദൃശീം ശിവേ ।
ധനാര്‍ഥീ ലഭതേ ശീഘ്രം ധനം ഭൂരി മഹേശ്വരി ॥ 39 ॥
ശ്രീവിദ്യോപാസ്തിശീലാനാമാത്മരക്ഷാര്‍ഥമാദരാത് ।
ശത്രുനിര്‍ഘാതനാര്‍ഥഞ്ച സ്വദാസാനുഗ്രഹായ ച ॥ 40 ॥
ജപ്തവ്യം സതതം ഭദ്രേ ശ്രുതിവദ്വാഗ്യതശ്ശുചിഃ ।
സര്‍വമന്ത്രാധികാരത്വാത് ശ്രീവിദ്യോപാസകസ്യ തു ॥ 41 ॥
ഗുരും സ്വയം ജപ്യം വിനാ സുന്ദര്യേവാസ്യ ദേശികാ ।
തേഷാമേവ വിധിഃ പ്രോക്തോ നാന്യേഷാം മേനകാത്മന്തേ ॥ 42 ॥
ഉപദേശാദേവ ച ഗുരോഃ ജപ്തവ്യം ശിവഭാഷിതം ।
ശ്രീചക്രപുരസമാജസ്ത്രിപുരാതുഷ്ടികാരണം ॥ 43 ॥
തത്ത്വമസ്യാദിവാക്യാര്‍ഥപരബ്രഹ്മപദപ്രദം ।
ശിവജ്ഞാനപ്രദം ദേവി ശീഘ്രസിദ്ധികരം പരം ॥ 44 ॥
ശ്രൌതസ്മാര്‍താദികര്‍മാദൌ ഭക്ത്യേദം യോ ജപേത്പ്രിയേ ।
അവിഘ്നേന ച തത്കര്‍മ സാഫല്യം ചൈതി നിശ്ചയഃ ॥ 45 ॥
യുദ്ധേ പ്രയാണേ ദുര്‍ദ്ധര്‍ഷേ സ്വപ്നേ വാതേ ജലേ ഭയേ ।
ജപ്തവ്യം സതതം ഭദ്രേ തത്തച്ഛാന്ത്യൈ മഹേശ്വരി ॥ 46 ॥
തത്തന്‍മാതൃകയാ പുസ്തം ത്രിതാരേണ സമന്വിതം ।
സ്തോത്രമേതജ്ജപേദ്ദേവീമര്‍ചയേച്ച വിശേഷതഃ ॥ 47 ॥
സദാ തസ്യ ഹൃദംഭോജേ സുന്ദരീ വസതി ധുവം ।
അണിമാദിമഹാസിദ്ധീഃ ലഭതേ നാത്ര സംശയഃ ॥ 48 ॥
അശ്വമേധാദിഭിര്യജ്ഞൈഃ യത്ഫലം തത് സുദുര്ലഭം ।
അണിമാദിമമഹാസിദ്ധീഃ ലഭതേ നാത്ര സംശയഃ ॥ 49 ॥
ഏഭിര്‍നാമഭിരേവം യഃ കാലീം ദുര്‍ഗാഞ്ച ചണ്ഡികാം ।
അര്‍ചയേത്സതതം ഭക്ത്യാ യേ സര്‍വാന്‍കാമാംല്ലഭേന്നരഃ ॥ 50 ॥
സുന്ദരീമൂര്‍തിഭേദാശ്ച കാലീ ദുര്‍ഗാ ച ചണ്ഡികാ ॥ 51 ॥
ഏകൈവ ശക്തിഃ പരമേശ്വരസ്യ
ഭിന്നാ ചതുര്‍ധാ വിനിയോഗകാലേ ।
ഭോഗേ ഭവാനീ പുരുഷേഷു വിഷ്ണുഃ
കോപേഷു കാലീ സമരേഷു ദുര്‍ഗാ ॥ 52 ॥
ഏകാ ശക്തിശ്ച ശംഭോര്‍വിനിമയനവിധൌ സാ ചതുര്‍ധാ വിഭിന്നാ
ക്രോധേ കാലീ വിജാതാച സമരസമയേ സാ ച ചണ്ഡീ ച ദുര്‍ഗാ ।
ഭോഗേ സൃഷ്ടൌ നിയോഗേ ച സകലജഗതാം സാ ഭവാനീ ച ജാതാ
സര്‍വേഷാം രക്ഷണാനുഗ്രഹകരണവിധൌ തസ്യ വിഷ്ണുര്‍ഭവേത്സാ ॥ 52 ॥
സമ്പ്രയച്ഛതി തസ്യേഷ്ടമചിരാദേവ സുന്ദരീ ।
സ്തോത്രരത്നമിദം ഭദ്രേ സദാ നിഷ്കാമനായുതഃ ॥ 53 ॥
യോ ജപേന്‍മാമകം ധാമ ബ്രഹ്മവിഷ്ണ്വാദിദുര്ലഭം ।
സത്യജ്ഞാനമനന്താഖ്യം ബ്രാഹ്മം കൈവല്യസഞ്ജ്ഞകം ॥ 54 ॥
ഭവാബ്ധിതാരകം സോഽപി പ്രാപ്നോതി മദനുഗ്രഹാത് ।
ചിത്സഭായാം നൃത്യമാനനടരാജസ്യ സാക്ഷിണീ ॥ 55 ॥
തസ്യൈവ മഹിഷീ നാംരാ ശിവകാമാ ച സുന്ദരീ ।
സാ പരബ്രഹ്മമഹിഷീ സദാനന്ദാ ശുഭപ്രദാ ॥ 56 ॥
ശിവകാമസുന്ദരീനാംനാം സഹസ്രം പ്രോക്തമംബികേ ।
ഏതസ്യ സദൃശം സ്തോത്രം നാസ്തി നാസ്തി ജഗത്ത്രയേ ॥ 57 ॥
സത്യം സത്യം പുനസ്സത്യം ത്വാം ശപേഽഹം വദാമി തേ ।
നാസ്തികായ കൃതഘ്നായ വിപ്രദ്വേഷപരായ ച ॥ 58 ॥
ന ദേയം വേദവിപ്രര്‍ഷിഭക്തിയുക്തായ ശാംഭവി ।
ദേയം ത്രിപുരവിദ്യേശീത്യഥര്‍വശ്രുതി ചോദിതം ॥ 59 ॥
വിസ്തൃതേന കിമന്യച്ച ശ്രോതുകാമാസി സുന്ദരി ।
ഇതി നിഗദിതവന്തം രാജതേ പര്‍വതേഽസ്മിന്‍
നവമണിഗണപീഠേ സംസ്ഥിതം ദേവമീശം ।
മുഹുരപി കൃതനംരാ ഭക്തിനംരാ ഭവാനീ
കരയുഗസരസിജേനാലിലിങ്ഗാതിഗാഢം ॥ 60 ॥
ഇതി ശ്രീഭൃങ്ഗിരിടിസംഹിതായാം ശക്ത്യുത്കര്‍ഷപ്രകരണേ ശിവഗൌരീസംവാദേ
ശ്രീശിവകാമസുന്ദരീസഹസ്രനാമസ്തോത്രോത്തരപീഠികാ സമ്പൂര്‍ണാ ॥
॥ ശിവമസ്തു ॥