॥ ShyamalaSahasranamastotram Malayalam Lyrics ॥
॥ ശ്രീ ശ്യാമലാസഹസ്രനാമസ്തോത്രം ॥
നാമസാരസ്തവഃ
സര്‍വശൃങ്ഗാരശോഭാഢ്യാം തുങ്ഗപീനപയോധരാം ।
ഗങ്ഗാധരപ്രിയാം ദേവീം മാതങ്ഗീം നൌമി സന്തതം ॥ 1 ॥
ശ്രീമദ്വൈകുണ്ഠനിലയം ശ്രീപതിം സിദ്ധസേവിതം ।
കദാചിത്സ്വപ്രിയം ലക്ഷ്മീര്‍നാരായണമപൃച്ഛത ॥ 2 ॥
ലക്ഷ്മീരുവാച
കിം ജപ്യം പരമം നൄണാം ഭോഗമോക്ഷഫലപ്രദം ।
സര്‍വവശ്യകരം ചൈവ സര്‍വൈശ്വര്യപ്രദായകം ॥ 3 ॥
സര്‍വരക്ഷാകരം ചൈവ സര്‍വത്ര വിജയപ്രദം ।
ബ്രഹ്മജ്ഞാനപ്രദം പുംസാം തന്‍മേ ബ്രൂഹി ജനാര്‍ദന ॥ 4 ॥
ഭഗവാനുവാച
നാമസാരസ്തവം പുണ്യം പഠേന്നിത്യം പ്രയത്നതഃ ।
തേന പ്രീതാ ശ്യാമലാംബാ ത്വദ്വശം കുരുതേ ജഗത് ॥ 5 ॥
തന്ത്രേഷു ലലിതാദീനാം ശക്തീനാം നാമകോശതഃ ।
സാരമുദ്ധൃത്യ രചിതോ നാമസാരസ്തവോ ഹ്യയം ॥ 6 ॥
നാമസാരസ്തവം മഹ്യം ദത്തവാന്‍ പരമേശ്വരഃ ।
തവ നാമസഹസ്രം തത് ശ്യാമലായാ വദാംയഹം ॥ 7 ॥
വിനിയോഗഃ ॥
അസ്യ ശ്രീശ്യാമലാപരമേശ്വരീനാമസാഹസ്രസ്തോത്രമാലാ മന്ത്രസ്യ,
സദാശിവ ഋഷിഃ । അനുഷ്ടുപ്ഛന്ദഃ ।
ശ്രീരാജരാജേശ്വരീ ശ്യാമലാ പരമേശ്വരീ ദേവതാ ।
ചതുര്‍വിധപുരുഷാര്‍ഥസിദ്ധ്യര്‍ഥേ നാമപാരായണേ വിനിയോഗഃ ।
ധ്യാനം ॥
ധ്യായേഽഹം രത്നപീഠേ ശുകകലപഠിതം ശൃണ്വതീം ശ്യാമഗാത്രീം
ന്യസ്തൈകാങ്ഘ്രീം സരോജേ ശശിശകലധരാം വല്ലകീം വാദയന്തീം ।
കല്‍ഹാരാബദ്ധമൌലിം നിയമിതലസച്ചൂലികാം രക്തവസ്ത്രാം
മാതങ്ഗീം ഭൂഷിതാങ്ഗീം മധുമദമുദിതാം ചിത്രകോദ്ഭാസിഫാലാം ॥
പഞ്ചപൂജാ ।
അഥ സഹസ്രനാമസ്തോത്രം ।
ഓം ।
സൌഭാഗ്യലക്ഷ്മീഃ സൌന്ദര്യനിധിഃ സമരസപ്രിയാ ।
സര്‍വകല്യാണനിലയാ സര്‍വേശീ സര്‍വമങ്ഗലാ ॥ 1 ॥
സര്‍വവശ്യകരീ സര്‍വാ സര്‍വമങ്ഗലദായിനീ ।
സര്‍വവിദ്യാദാനദക്ഷാ സങ്ഗീതോപനിഷത്പ്രിയാ ॥ 2 ॥
സര്‍വഭൂതഹൃദാവാസാ സര്‍വഗീര്‍വാണപൂജിതാ ।
സമൃദ്ധാ സങ്ഗമുദിതാ സര്‍വലോകൈകസംശ്രയാ ॥ 3 ॥
സപ്തകോടിമഹാമന്ത്രസ്വരൂപാ സര്‍വസാക്ഷിണീ ।
സര്‍വാങ്ഗസുന്ദരീ സര്‍വഗതാ സത്യസ്വരൂപിണീ ॥ 4 ॥
സമാ സമയസംവേദ്യാ സമയജ്ഞാ സദാശിവാ ।
സങ്ഗീതരസികാ സര്‍വകലാമയശുകപ്രിയാ ॥ 5 ॥
ചന്ദനാലേപദിഗ്ധാങ്ഗീ സച്ചിദാനന്ദരൂപിണീ ।
കദംബവാടീനിലയാ കമലാകാന്തസേവിതാ ॥ 6 ॥
കടാക്ഷോത്പന്നകന്ദര്‍പാ കടാക്ഷിതമഹേശ്വരാ ।
കല്യാണീ കമലാസേവ്യാ കല്യാണാചലവാസിനീ ॥ 7 ॥
കാന്താ കന്ദര്‍പജനനീ കരുണാരസസാഗരാ ।
കലിദോഷഹരാ കാംയാ കാമദാ കാമവര്‍ധിനീ ॥ 8 ॥
കദംബകലികോത്തംസാ കദംബകുസുമാപ്രിയാ ।
കദംബമൂലരസികാ കാമാക്ഷീ കമലാനനാ ॥ 9 ॥
കംബുകണ്ഠീ കലാലാപാ കമലാസനപൂജിതാ ।
കാത്യായനീ കേലിപരാ കമലാക്ഷസഹോദരീ ॥ 10 ॥
കമലാക്ഷീ കലാരൂപാ കോകാകാരകുചദ്വയാ ।
കോകിലാ കോകിലാരാവാ കുമാരജനനീ ശിവാ ॥ 11 ॥
സര്‍വജ്ഞാ സന്തതോന്‍മത്താ സര്‍വൈശ്വര്യപ്രദായിനീ ।
സുധാപ്രിയാ സുരാരാധ്യാ സുകേശീ സുരസുന്ദരീ ॥ 12 ॥
ശോഭനാ ശുഭദാ ശുദ്ധാ ശുദ്ധചിത്തൈകവാസിനീ ।
വേദവേദ്യാ വേദമയീ വിദ്യാധരഗണാര്‍ചിതാ ॥ 13 ॥
വേദാന്തസാരാ വിശ്വേശീ വിശ്വരൂപാ വിരൂപിണീ ।
വിരൂപാക്ഷപ്രിയാ വിദ്യാ വിന്ധ്യാചലനിവാസിനീ ॥ 14 ॥
വീണാവാദവിനോദജ്ഞാ വീണാഗാനവിശാരദാ ।
വീണാവതീ ബിന്ദുരൂപാ ബ്രഹ്മാണീ ബ്രഹ്മരൂപിണീ ॥ 15 ॥
പാര്‍വതീ പരമാഽചിന്ത്യാ പരാശക്തിഃ പരാത്പരാ ।
പരാനന്ദാ പരേശാനീ പരവിദ്യാ പരാപരാ ॥ 16 ॥
ഭക്തപ്രിയാ ഭക്തിഗംയാ ഭക്താനാം പരമാ ഗതിഃ ।
ഭവ്യാ ഭവപ്രിയാ ഭീരുര്‍ഭവസാഗരതാരിണീ ॥ 17 ॥
ഭയഘ്നീ ഭാവുകാ ഭവ്യാ ഭാമിനീ ഭക്തപാലിനീ ।
ഭേദശൂന്യാ ഭേദഹന്ത്രീ ഭാവനാ മുനിഭാവിതാ ॥ 18 ॥
മായാ മഹേശ്വരീ മാന്യാ മാതങ്ഗീ മലയാലയാ ।
മഹനീയാ മദോന്‍മത്താ മന്ത്രിണീ മന്ത്രനായികാ ॥ 19 ॥
മഹാനന്ദാ മനോഗംയാ മതങ്ഗകുലമണ്ഡനാ ।
മനോജ്ഞാ മാനിനീ മാധ്വീ സിന്ധുമധ്യകൃതാലയാ ॥ 20 ॥
മധുപ്രീതാ നീലകചാ മാധ്വീരസമദാലസാ ।
പൂര്‍ണചന്ദ്രാഭവദനാ പൂര്‍ണാ പുണ്യഫലപ്രദാ ॥ 21 ॥
പുലോമജാര്‍ചിതാ പൂജ്യാ പുരുഷാര്‍ഥപ്രദായിനീ ।
നാരായണീ നാദരൂപാ നാദബ്രഹ്മസ്വരൂപിണീ ॥ 22 ॥
നിത്യാ നവനവാകാരാ നിത്യാനന്ദാ നിരാകുലാ ।
നിടിലാക്ഷപ്രിയാ നേത്രീ നീലേന്ദീവരലോചനാ ॥ 23 ॥
തമാലകോമലാകാരാ തരുണീ തനുമധ്യമാ ।
തടിത്പിശങ്ഗവസനാ തടിത്കോടിസഭദ്യുതിഃ ॥ 24 ॥
മധുരാ മങ്ഗലാ മേധ്യാ മധുപാനപ്രിയാ സഖീ ।
ചിത്കലാ ചാരുവദനാ സുഖരൂപാ സുഖപ്രദാ ॥ 25 ॥
കൂടസ്ഥാ കൌലിനീ കൂര്‍മപീഠസ്ഥാ കുടിലാലകാ ।
ശാന്താ ശാന്തിമതീ ശാന്തിഃ ശ്യാമലാ ശ്യാമലാകൃതിഃ ॥ 26 ॥
ശങ്ഖിനീ ശങ്കരീ ശൈവീ ശങ്ഖകുണ്ഡലമണ്ഡിതാ ।
കുന്ദദന്താ കോമലാങ്ഗീ കുമാരീ കുലയോഗിനീ ॥ 27 ॥
നിര്‍ഗര്‍ഭയോഗിനീസേവ്യാ നിരന്തരരതിപ്രിയാ ।
ശിവദൂതീ ശിവകരീ ജടിലാ ജഗദാശ്രയാ ॥ । 28 ॥
ശാംഭവീ യോഗിനിലയാ പരചൈതന്യരൂപിണീ ।
ദഹരാകാശനിലയാ ദണ്ഡിനീപരിപൂജിതാ ॥ 29 ॥
സമ്പത്കരീഗജാരൂഢാ സാന്ദ്രാനന്ദാ സുരേശ്വരീ ।
ചമ്പകോദ്ഭാസിതകചാ ചന്ദ്രശേഖരവല്ലഭാ ॥ 30 ॥
ചാരുരൂപാ ചാരുദന്തീ ചന്ദ്രികാ ശംഭുമോഹിനീ ।
വിമലാ വിദുഷീ വാണീ കമലാ കമലാസനാ ॥ 31 ॥
കരുണാപൂര്‍ണഹൃദയാ കാമേശീ കംബുകന്ധരാ ।
രാജരാജേശ്വരീ രാജമാതങ്ഗീ രാജവല്ലഭാ ॥ 32 ॥
സചിവാ സചിവേശാനീ സചിവത്വപ്രദായിനീ ।
പഞ്ചബാണാര്‍ചിതാ ബാലാ പഞ്ചമീ പരദേവതാ ॥ 33 ॥
ഉമാ മഹേശ്വരീ ഗൌരീ സങ്ഗീതജ്ഞാ സരസ്വതീ ।
കവിപ്രിയാ കാവ്യകലാ കലൌ സിദ്ധിപ്രദായിനീ ॥ 34 ॥
ലലിതാമന്ത്രിണീ രംയാ ലലിതാരാജ്യപാലിനീ ।
ലലിതാസേവനപരാ ലലിതാജ്ഞാവശംവദാ ॥ 35 ॥
ലലിതാകാര്യചതുരാ ലലിതാഭക്തപാലിനീ ।
ലലിതാര്‍ധാസനാരൂഢാ ലാവണ്യരസശേവധിഃ ॥ 36 ॥
രഞ്ജനീ ലാലിതശുകാ ലസച്ചൂലീവരാന്വിതാ ।
രാഗിണീ രമണീ രാമാ രതീ രതിസുഖപ്രദാ ॥ 37 ॥
ഭോഗദാ ഭോഗ്യദാ ഭൂമിപ്രദാ ഭൂഷണശാലിനീ ।
പുണ്യലഭ്യാ പുണ്യകീര്‍തിഃ പുരന്ദരപുരേശ്വരീ ॥ 38 ॥
ഭൂമാനന്ദാ ഭൂതികരീ ക്ലീങ്കാരീ ക്ലിന്നരൂപിണീ ।
ഭാനുമണ്ഡലമധ്യസ്ഥാ ഭാമിനീ ഭാരതീ ധൃതിഃ ॥ 39 ॥
നാരായണാര്‍ചിതാ നാഥാ നാദിനീ നാദരൂപിണീ ।
പഞ്ചകോണാസ്ഥിതാ ലക്ഷ്മീഃ പുരാണീ പുരരൂപിണീ ॥ 40 ॥
ചക്രസ്ഥിതാ ചക്രരൂപാ ചക്രിണീ ചക്രനായികാ ।
ഷട്ചക്രമണ്ഡലാന്തഃസ്ഥാ ബ്രഹ്മചക്രനിവാസിനീ ॥ 41 ॥
അന്തരഭ്യര്‍ചനപ്രീതാ ബഹിരര്‍ചനലോലുപാ ।
പഞ്ചാശത്പീഠമധ്യസ്ഥാ മാതൃകാവര്‍ണരൂപിണീ ॥ 42 ॥
മഹാദേവീ മഹാശക്തിഃ മഹാമായാ മഹാമതിഃ ।
മഹാരൂപാ മഹാദീപ്തിഃ മഹാലാവണ്യശാലിനീ ॥ 43 ॥
മാഹേന്ദ്രീ മദിരാദൃപ്താ മദിരാസിന്ധുവാസിനീ ।
മദിരാമോദവദനാ മദിരാപാനമന്ഥരാ ॥ 44 ॥
ദുരിതഘ്നീ ദുഃഖഹന്ത്രീ ദൂതീ ദൂതരതിപ്രിയാ ।
വീരസേവ്യാ വിഘ്നഹരാ യോഗിനീ ഗണസേവിതാ ॥ 45 ॥
നിജവീണാരവാനന്ദനിമീലിതവിലോചനാ ।
വജ്രേശ്വരീ വശ്യകരീ സര്‍വചിത്തവിമോഹിനീ ॥ 46 ॥
ശബരീ ശംബരാരാധ്യാ ശാംബരീ സാമസംസ്തുതാ ।
ത്രിപുരാമന്ത്രജപിനീ ത്രിപുരാര്‍ചനതത്പരാ ॥ 47 ॥
ത്രിലോകേശീ ത്രയീമാതാ ത്രിമൂര്‍തിസ്ത്രിദിവേശ്വരീ ।
ഐങ്കാരീ സര്‍വജനനീ സൌഃകാരീ സംവിദീശ്വരീ ॥ 48 ॥
ബോധാ ബോധകരീ ബോധ്യാ ബുധാരാധ്യാ പുരാതനീ ।
ഭണ്ഡസോദരസംഹര്‍ത്രീ ഭണ്ഡസൈന്യവിനാശിനീ ॥ 49 ॥
ഗേയചക്രരഥാരൂഢാ ഗുരുമൂര്‍തിഃ കുലാങ്ഗനാ ।
ഗാന്ധര്‍വശാസ്ത്രമര്‍മജ്ഞാ ഗന്ധര്‍വഗണപൂജിതാ ॥ 50 ॥
ജഗന്‍മാതാ ജയകരീ ജനനീ ജനദേവതാ ।
ശിവാരാധ്യാ ശിവാര്‍ധാങ്ഗീ ശിഞ്ജന്‍മഞ്ജീരമണ്ഡിതാ ॥ 51 ॥
സര്‍വാത്മികാ ഋഷീകേശീ സര്‍വപാപവിനാശിനീ ।
സര്‍വരോഗഹരാ സാധ്യാ ധര്‍മിണീ ധര്‍മരൂപിണീ ॥ 52 ॥
ആചാരലഭ്യാ സ്വാചാരാ ഖേചരീ യോനിരൂപിണീ ।
പതിവ്രതാ പാശഹന്ത്രീ പരമാര്‍ഥസ്വരൂപിണീ ॥ 53 ॥
പണ്ഡിതാ പരിവാരാഢ്യാ പാഷണ്ഡമതഭഞ്ജനീ ।
ശ്രീകരീ ശ്രീമതീ ദേവീ ബിന്ദുനാദസ്വരൂപിണീ ॥ 54 ॥
അപര്‍ണാ ഹിമവത്പുത്രീ ദുര്‍ഗാ ദുര്‍ഗതിഹാരിണീ ।
വ്യാലോലശങ്ഖാതാടങ്കാ വിലസദ്ഗണ്ഡപാലികാ ॥ 55 ॥
സുധാമധുരസാലാപാ സിന്ദൂരതിലകോജ്ജ്വലാ ।
അലക്തകാരക്തപാദാ നന്ദനോദ്യാനവാസിനീ ॥ 56 ॥
വാസന്തകുസുമാപീഡാ വസന്തസമയപ്രിയാ ।
ധ്യാനനിഷ്ഠാ ധ്യാനഗംയാ ധ്യേയാ ധ്യാനസ്വരൂപിണീ ॥ 57 ॥
ദാരിദ്ര്യഹന്ത്രീ ദൌര്‍ഭാഗ്യശമനീ ദാനവാന്തകാ ।
തീര്‍ഥരൂപാ ത്രിനയനാ തുരീയാ ദോഷവര്‍ജിതാ ॥ 58 ॥
മേധാപ്രദായിനീ മേധ്യാ മേദിനീ മദശാലിനീ ।
മധുകൈടഭസംഹര്‍ത്രീ മാധവീ മാധവപ്രിയാ ॥ 59 ॥
മഹിലാ മഹിമാസാരാ ശര്‍വാണീ ശര്‍മദായിനീ ।
രുദ്രാണീ രുചിരാ രൌദ്രീ രുക്മഭൂഷണഭൂഷിതാ ॥ 60 ॥
അംബികാ ജഗതാം ധാത്രീ ജടിനീ ധൂര്‍ജടിപ്രിയാ ।
സുക്ഷ്മസ്വരൂപിണീ സൌംയാ സുരുചിഃ സുലഭാ ശുഭാ ॥ 61 ॥
വിപഞ്ചീകലനിക്കാണവിമോഹിതജഗത്ത്രയാ ।
ഭൈരവപ്രേമനിലയാ ഭൈരവീ ഭാസുരാകൃതിഃ ॥ 62 ॥
പുഷ്പിണീ പുണ്യനിലയാ പുണ്യശ്രവണകീര്‍തനാ ।
കുരുകുല്ലാ കുണ്ഡലിനീ വാഗീശീ നകുലേശ്വരീ ॥ 63 ॥
വാമകേശീ ഗിരിസുതാ വാര്‍താലീപരിപൂജിതാ ।
വാരുണീമദരക്താക്ഷീ വന്ദാരുവരദായിനീ ॥ 64 ॥
കടാക്ഷസ്യന്ദികരുണാ കന്ദര്‍പമദവര്‍ധിനീ ।
ദൂര്‍വാശ്യാമാ ദുഷ്ടഹന്ത്രീ ദുഷ്ടഗ്രഹവിഭേദിനീ ॥ 65 ॥
സര്‍വശത്രുക്ഷയകരീ സര്‍വസമ്പത്പ്രവര്‍ധിനീ ।
കബരീശോഭികല്‍ഹാരാ കലശിഞ്ജിതമേഖലാ ॥ 66 ॥
മൃണാലീതുല്വദോര്‍വല്ലീ മൃഡാനീ മൃത്യുവര്‍ജിതാ ।
മൃദുലാ മൃത്യുസംഹര്‍ത്രീ മഞ്ജുലാ മഞ്ജുഭാഷിണീ ॥ 67 ॥
കര്‍പൂരവീടീകബലാ കമനീയകപോലഭൂഃ ।
കര്‍പൂരക്ഷോദദിഗ്ധാങ്ഗീ കര്‍ത്രീ കാരണവര്‍ജിതാ ॥ 68 ॥
അനാദിനിധനാ ധാത്രീ ധാത്രീധരകുലോദ്ഭവാ ।
സ്തോത്രപ്രിയാ സ്തുതിമയീ മോഹിനീ മോഹഹാരിണീ ॥ 69 ॥
ജീവരൂപാ ജീവകാരീ ജീവന്‍മുക്തിപ്രദായിനീ ।
ഭദ്രപീഠസ്ഥിതാ ഭദ്രാ ഭദ്രദാ ഭര്‍ഗഭാമിനീ ॥ 70 ॥
ഭഗാനന്ദാ ഭഗമയീ ഭഗലിങ്ഗാ ഭഗേശ്വരീ ।
മത്തമാതങ്ഗഗമനാ മാതങ്ഗകുലമഞ്ജരീ ॥ 71 ॥
രാജഹംസഗതീ രാജ്ഞീ രാജരാജ സമര്‍ചിതാ ।
ഭവാനീ പാവനീ കാലീ ദക്ഷിണാ ദക്ഷകന്യകാ ॥ 72 ॥
ഹവ്യവാഹാ ഹവിര്‍ഭോക്ത്രീ ഹാരിണീ ദുഃഖഹാരിണീ ।
സംസാരതാരിണീ സൌംയാ സര്‍വേശീ സമരപ്രയാ ॥ 73 ॥
സ്വപ്നവതീ ജാഗരിണീ സുഷുപ്താ വിശ്വരൂപിണീ ।
തൈജസീ പ്രാജ്ഞകലനാ ചേതനാ ചേതനാവതീ ॥ 74 ॥
ചിന്‍മാത്രാ ചിദ്ഘനാ ചേത്യാ ചിച്ഛായാ ചിത്സ്വരൂപിണീ ।
നിവൃത്തിരൂപിണീ ശാന്തിഃ പ്രതിഷ്ഠാ നിത്യരൂപിണീ ॥ 75 ॥
വിദ്യാരൂപാ ശാന്ത്യതീതാ കലാപഞ്ചകരൂപിണീ ।
ഹ്രീങ്കാരീ ഹ്രീമതീ ഹൃദ്യാ ഹ്രീച്ഛായാ ഹരിവാഹനാ ॥ 76 ॥
മൂലപ്രകൃതിരവ്യക്താ വ്യക്താവ്യക്തവിനോദിനീ ।
യജ്ഞരൂപാ യജ്ഞഭോക്ത്രീ യജ്ഞാങ്ഗീ യജ്ഞരൂപിണീ ॥ 77 ॥
ദീക്ഷിതാ ക്ഷമണാ ക്ഷാമാ ക്ഷിതിഃ ക്ഷാന്തിഃ ശ്രുതിഃ സ്മൃതിഃ ।
ഏകാഽനേകാ കാമകലാ കല്‍പാ കാലസ്വരൂപിണീ ॥ 78 ॥
ദക്ഷാ ദാക്ഷായണീ ദീക്ഷാ ദക്ഷയജ്ഞവിനാശിനീ ।
ഗായത്രീ ഗഗനാകാരാ ഗീര്‍ദേവീ ഗരുഡാസനാ ॥ 79 ॥
സാവിത്രീ സകലാധ്യക്ഷാ ബ്രഹ്മാണീ ബ്രാഹ്മണപ്രിയാ ।
ജഗന്നാഥാ ജഗന്‍മൂര്‍തിഃ ജഗന്‍മൃത്യുനിവാരിണീ ॥ 80 ॥
ദൃഗ്രൂപാ ദൃശ്യനിലയാ ദ്രഷ്ട്രീ മന്ത്രീ ചിരന്തനീ ।
വിജ്ഞാത്രീ വിപുലാ വേദ്യാ വൃദ്ധാ വര്‍ഷീയസീ മഹീ ॥ 81 ॥
ആര്യാ കുഹരിണീ ഗുഹ്യാ ഗൌരീ ഗൌതമപൂജിതാ ।
നന്ദിനീ നലിനീ നിത്യാ നീതിര്‍നയവിശാരദാ ॥ 82 ॥
ഗതാഗതജ്ഞാ ഗന്ധര്‍വീ ഗിരിജാ ഗര്‍വനാശിനീ ।
പ്രിയവ്രതാ പ്രമാ പ്രാണാ പ്രമാണജ്ഞാ പ്രിയംവദാ ॥ 83 ॥
അശരീരാ ശരീരസ്ഥാ നാമരൂപവിവര്‍ജിതാ ।
വര്‍ണാശ്രമവിഭാഗജ്ഞാ വര്‍ണാശ്രമവിവര്‍ജിതാ ॥ 84 ॥
നിത്യമുക്താ നിത്യതൃപ്താ നിര്ലേപാ നിരവഗ്രഹാ ।
ഇച്ഛാജ്ഞാനക്രിയാശക്തിഃ ഇന്ദിരാ ബന്ധുരാകൃതിഃ ॥ 85 ॥
മനോരഥപ്രദാ മുഖ്യാ മാനിനീ മാനവര്‍ജിതാ ।
നീരാഗാ നിരഹങ്കാരാ നിര്‍നാശാ നിരുപപ്ലവാ ॥ 86 ॥
വിചിത്രാ ചിത്രചാരിത്രാ നിഷ്കലാ നിഗമാലയാ ।
ബ്രഹ്മവിദ്യാ ബ്രഹ്മനാഡീ ബന്ധഹന്ത്രീ ബലിപ്രിയാ ॥ 87 ॥
സുലക്ഷണാ ലക്ഷണജ്ഞാ സുന്ദരഭ്രൂലതാഞ്ചിതാ ।
സുമിത്രാ മാലിനീ സീമാ മുദ്രിണീ മുദ്രികാഞ്ചിതാ ॥ 88 ॥
രജസ്വലാ രംയമൂര്‍തിര്‍ജയാ ജന്‍മവിവര്‍ജിതാ ।
പദ്മാലയാ പദ്മപീഠാ പദ്മിനീ പദ്മവര്‍ണിനീ ॥ 89 ॥
വിശ്വംഭരാ വിശ്വഗര്‍ഭാ വിശ്വേശീ വിശ്വതോമുഖീ ।
അദ്വിതീയാ സഹസ്രാക്ഷീ വിരാഡ്രൂപാ വിമോചിനീ ॥ 90 ॥
സൂത്രരൂപാ ശാസ്ത്രകരീ ശാസ്ത്രജ്ഞാ ശസ്ത്രധാരിണീ ।
വേദവിദ്വേദകൃദ്വേദ്യാ വിത്തജ്ഞാ വിത്തശാലിനീ ॥ 91 ॥
വിശദാ വൈഷ്ണവീ ബ്രാഹ്മീ വൈരിഞ്ചീ വാക്പ്രദായിനീ ।
വ്യാഖ്യാത്രീ വാമനാ വൃദ്ധിഃ വിശ്വനാഥാ വിശാരദാ ॥ 92 ॥
മുദ്രേശ്വരീ മുണ്ഡമാലാ കാലീ കങ്കാലരൂപിണീ ।
മഹേശ്വരപ്രീതികരീ മഹേശ്വര പതിവ്രതാ ॥ 93 ॥
ബ്രഹ്മാണ്ഡമാലിനീ ബുധ്ന്യാ മതങ്ഗമുനിപൂജിതാ ।
ഈശ്വരീ ചണ്ഡികാ ചണ്ഡീ നിയന്ത്രീ നിയമസ്ഥിതാ ॥ 94 ॥
സര്‍വാന്തര്യാമിണീ സേവ്യാ സന്തതിഃ സന്തതിപ്രദാ ।
തമാലപല്ലവശ്യാമാ താംരോഷ്ഠീ താണ്ഡവപ്രിയാ ॥ 95 ॥
നാട്യലാസ്യകരീ രംഭാ നടരാജപ്രിയാങ്ഗനാ ।
അനങ്ഗരൂപാഽനങ്ഗശ്രീരനങ്ഗേശീ വസുന്ധരാ ॥ 99 ॥
സാംരാജ്യദായിനീ സിദ്ധാ സിദ്ധേശീ സിദ്ധിദായിനീ ।
സിദ്ധമാതാ സിദ്ധപൂജ്യാ സിദ്ധാര്‍ഥാ വസുദായിനീ ॥ 97 ॥
ഭക്തിമത്കല്‍പലതികാ ഭക്തിദാ ഭക്തവത്സലാ ।
പഞ്ചശക്ത്യര്‍ചിതപദാ പരമാത്മസ്വരൂപിണീ ॥ 98 ॥
അജ്ഞാനതിമിരജ്യോത്സ്നാ നിത്യാഹ്ലാദാ നിരഞ്ജനാ ।
മുഗ്ധാ മുഗ്ധസ്മിതാ മൈത്രീ മുഗ്ധകേശീ മധുപ്രിയാ ॥ 99 ॥
കലാപിനീ കാമകലാ കാമകേലിഃ കലാവതീ ।
അഖണ്ഡാ നിരഹങ്കാരാ പ്രധാനപുരുഷേശ്വരീ ॥ 100 ॥
രഹഃപൂജ്യാ രഹഃകേലീ രഹഃസ്തുത്യാ ഹരപ്രിയാ ।
ശരണ്യാ ഗഹനാ ഗുഹ്യാ ഗുഹാന്തഃസ്ഥാ ഗുഹപ്രസൂ ॥ 101 ॥
സ്വസംവേദ്യാ സ്വപ്രകാശാ സ്വാത്മസ്ഥാ സ്വര്‍ഗദായിനീ ।
നിഷ്പ്രപഞ്ചാ നിരാധാരാ നിത്യാനിത്യസ്വരൂപിണീ ॥ 102 ॥
നര്‍മദാ നര്‍തകീ കീര്‍തിഃ നിഷ്കാമാ നിഷ്കലാ കലാ ।
അഷ്ടമൂര്‍തിരമോഘോമാ നന്ദ്യാദിഗണപൂജിതാ ॥ 103 ॥
യന്ത്രരൂപാ തന്ത്രരൂപാ മന്ത്രരൂപാ മനോന്‍മനീ ।
ശിവകാമേശ്വരീ ദേവീ ചിദ്രൂപാ ചിത്തരങ്ഗിണീ ॥ 104 ॥
ചിത്സ്വരൂപാ ചിത്പ്രകാശാ ചിന്‍മൂര്‍തിര്‍ശ്ചിന്‍മയീ ചിതിഃ ।
മൂര്‍ഖദൂരാ മോഹഹന്ത്രീ മുഖ്യാ ക്രോഡമുഖീ സഖീ ॥ 105 ॥
ജ്ഞാനജ്ഞാതൃജ്ഞേയരൂപാ വ്യോമാകാരാ വിലാസിനീ ।
വിമര്‍ശരൂപിണീ വശ്യാ വിധാനജ്ഞാ വിജൃംഭിതാ ॥ 106 ॥
കേതകീകുസുമാപീഡാ കസ്തൂരീതിലകോജ്ജ്വലാ ।
മൃഗ്യാ മൃഗാക്ഷീ രസികാ മൃഗനാഭിസുഗന്ധിനീ ॥ 107 ॥
യക്ഷകര്‍ദമലിപ്താങ്ഗീ യക്ഷിണീ യക്ഷപൂജിതാ ।
ലസന്‍മാണിക്യകടകാ കേയൂരോജ്ജ്വലദോര്ലതാ ॥ 108 ॥
സിന്ദൂരരാജത്സീമന്താ സുഭ്രൂവല്ലീ സുനാസികാ ।
കൈവല്യദാ കാന്തിമതീ കഠോരകുചമണ്ഡലാ ॥ 109 ॥
തലോദരീ തമോഹന്ത്രീ ത്രയസ്ത്രിംശത്സുരാത്മികാ ।
സ്വയംഭൂഃ കുസുമാമോദാ സ്വയംഭുകുസുമപ്രിയാ ॥ 110 ॥
സ്വാധ്യായിനീ സുഖാരാധ്യാ വീരശ്രീര്‍വീരപൂജിതാ ।
ദ്രാവിണീ വിദ്രുമാഭോഷ്ഠീ വേഗിനീ വിഷ്ണുവല്ലഭാ ॥ 111 ॥
ഹാലാമദാ ലസദ്വാണീ ലോലാ ലീലാവതീ രതിഃ ।
ലോപാമുദ്രാര്‍ചിതാ ലക്ഷ്മീരഹല്യാപരിപൂജിതാ ॥ 112 ॥
ആബ്രഹ്മകീടജനനീ കൈലാസഗിരിവാസിനീ ।
നിധീശ്വരീ നിരാതങ്കാ നിഷ്കലങ്കാ ജഗന്‍മയീ ॥ 113 ॥
ആദിലക്ഷ്മീരനന്തശ്രീരച്യുതാ തത്ത്വരൂപിണീ ।
നാമജാത്യാദിരഹിതാ നരനാരായണാര്‍ചിതാ ॥ 114 ॥
ഗുഹ്യോപനിഷദുദ്ഗീതാ ലക്ഷ്മീവാണീനിഷേവിതാ ।
മതങ്ഗവരദാ സിദ്ധാ മഹായോഗീശ്വരീ ഗുരുഃ ॥ 115 ॥
ഗുരുപ്രിയാ കുലാരാധ്യാ കുലസങ്കേതപാലിനീ ।
ചിച്ചന്ദ്രമണ്ഡലാന്തഃ സ്ഥാ ചിദാകാശസ്വരൂപിണീ ॥ 116 ॥
അനങ്ഗശാസ്ത്രതത്ത്വജ്ഞാ നാനാവിധരസപ്രിയാ ।
നിര്‍മലാ നിരവദ്യാങ്ഗീ നീതിജ്ഞാ നീതിരൂപിണീ ॥ 117 ॥
വ്യാപിനീ വിബുധശ്രേഷ്ഠാ കുലശൈലകുമാരികാ ।
വിഷ്ണുപ്രസൂര്‍വീരമാതാ നാസാമണിവിരാജിതാ ॥ 118 ॥
നായികാ നഗരീസംസ്ഥാ നിത്യതുഷ്ടാ നിതംബിനീ ।
പഞ്ചബ്രഹ്മമയീ പ്രാഞ്ചീ ബ്രഹ്മാത്മൈക്യസ്വരൂപിണീ ॥ 119 ॥
സര്‍വോപനിഷദുദ്ഗീതാ സര്‍വാനുഗ്രഹകാരിണീ ।
പവിത്രാ പാവനാ പൂതാ പരമാത്മസ്വരൂപിണീ ॥ 120 ॥
സൂര്യേന്ദുവഹ്നിനയനാ സൂര്യമണ്ഡലമധ്യഗാ ।
ഗായത്രീ ഗാത്രരഹിതാ സുഗുണാ ഗുണവര്‍ജിതാ ॥ 121 ॥
രക്ഷാകരീ രംയരുപാ സാത്വികാ സത്ത്വദായിനീ ।
വിശ്വാതീതാ വ്യോമരൂപാ സദാഽര്‍ചനജപപ്രിയാ ॥ 122 ॥
ആത്മഭൂരജിതാ ജിഷ്ണുരജാ സ്വാഹാ സ്വധാ സുധാ ।
നന്ദിതാശേഷഭുവനാ നാമസങ്കീര്‍തനപ്രിയാ ॥ 123 ॥
ഗുരുമൂര്‍തിര്‍ഗുരുമയീ ഗുരുപാദാര്‍ചനപ്രിയാ ।
ഗോബ്രാഹ്മണാത്മികാ ഗുര്‍വീ നീലകണ്ഠീ നിരാമയാ ॥ 124 ॥
മാനവീ മന്ത്രജനനീ മഹാഭൈരവപൂജിതാ ।
നിത്യോത്സവാ നിത്യപുഷ്ടാ ശ്യാമാ യൌവനശാലിനീ ॥ 125 ॥
മഹനീയാ മഹാമൂര്‍തിര്‍മഹതീ സൌഖ്യസന്തതിഃ ।
പൂര്‍ണോദരീ ഹവിര്‍ധാത്രീ ഗണാരാധ്യാ ഗണേശ്വരീ ॥ 126 ॥
ഗായനാ ഗര്‍വരഹിതാ സ്വേദബിന്ദൂല്ലസന്‍മുഖീ ।
തുങ്ഗസ്തനീ തുലാശൂന്യാ കന്യാ കമലവാസിനീ ॥ 127 ॥
ശൃങ്ഗാരിണീ ശ്രീഃ ശ്രീവിദ്യാ ശ്രീപ്രദാ ശ്രീനിവാസിനീ ।
ത്രൈലോക്യസുന്ദരീ ബാലാ ത്രൈലോക്യജനനീ സുധീഃ ॥ 128 ॥
പഞ്ചക്ലേശഹരാ പാശധാരിണീ പശുമോചനീ ।
പാഷണ്ഡഹന്ത്രീ പാപഘ്നീ പാര്‍ഥിവശ്രീകരീ ധൃതിഃ ॥ 129 ॥
നിരപായാ ദുരാപാ യാ സുലഭാ ശോഭനാകൃതിഃ ।
മഹാബലാ ഭഗവതീ ഭവരോഗനിവാരിണീ ॥ 130 ॥
ഭൈരവാഷ്ടകസംസേവ്യാ ബ്രാഹ്ംയാദിപരിവാരിതാ ।
വാമാദിശക്തിസഹിതാ വാരുണീമദവിഹ്വലാ ॥ 131 ॥
വരിഷ്ഠാവശ്യദാ വശ്യാ ഭക്ത്താര്‍തിദമനാ ശിവാ ।
വൈരാഗ്യജനനീ ജ്ഞാനദായിനീ ജ്ഞാനവിഗ്രഹാ ॥ 132 ॥
സര്‍വദോഷവിനിര്‍മുക്താ ശങ്കരാര്‍ധശരീരിണീ ।
സര്‍വേശ്വരപ്രിയതമാ സ്വയംജ്യോതിസ്സ്വരൂപിണീ ॥ 133 ॥
ക്ഷീരസാഗരമധ്യസ്ഥാ മഹാഭുജഗശായിനീ ।
കാമധേനുര്‍ബൃഹദ്ഗര്‍ഭാ യോഗനിദ്രാ യുഗന്ധരാ ॥ 134 ॥
മഹേന്ദ്രോപേന്ദ്രജനനീ മാതങ്ഗകുലസംഭവാ ।
മതങ്ഗജാതിസമ്പൂജ്യാ മതങ്ഗകുലദേവതാ ॥ 135 ॥
ഗുഹ്യവിദ്യാ വശ്യവിദ്യാ സിദ്ധവിദ്യാ ശിവാങ്ഗനാ ।
സുമങ്ഗലാ രത്നഗര്‍ഭാ സൂര്യമാതാ സുധാശനാ ॥ 136 ॥
ഖഡ്ഗമണ്ഡല സമ്പൂജ്യാ സാലഗ്രാമനിവാസിനീ ।
ദുര്‍ജയാ ദുഷ്ടദമനാ ദുര്‍നിരീക്ഷ്യാ ദുരത്യയാ ॥ 137 ॥
ശങ്ഖചക്രഗദാഹസ്താ വിഷ്ണുശക്തിര്‍വിമോഹിനീ ।
യോഗമാതാ യോഗഗംയാ യോഗനിഷ്ഠാ സുധാസ്രവാ ॥ 138 ॥
സമാധിനിഷ്ഠൈഃ സംവേദ്യാ സര്‍വഭേദവിവര്‍ജിതാ ।
സാധാരണാ സരോജാക്ഷീ സര്‍വജ്ഞാ സര്‍വസാക്ഷിണീ ॥ 139 ॥
മഹാശക്തിര്‍മഹോദാരാ മഹാമങ്ഗലദേവതാ ।
കലൌ കൃതാവതരണാ കലികല്‍മഷനാശിനീ ॥ 140 ॥
സര്‍വദാ സര്‍വജനനീ നിരീശാ സര്‍വതോമുഖീ ।
സുഗൂഢാ സര്‍വതോ ഭദ്രാ സുസ്ഥിതാ സ്ഥാണുവല്ലഭാ ॥ 141 ॥
ചരാചരജഗദ്രൂപാ ചേതനാചേതനാകൃതിഃ ।
മഹേശ്വര പ്രാണനാഡീ മഹാഭൈരവമോഹിനീ ॥ 142 ॥
മഞ്ജുലാ യൌവനോന്‍മത്താ മഹാപാതകനാശിനീ ।
മഹാനുഭാവാ മാഹേന്ദ്രീ മഹാമരകതപ്രഭാ ॥ 143 ॥
സര്‍വശക്ത്യാസനാ ശക്തിര്‍നിരാഭാസാ നിരിന്ദ്രിയാ ।
സമസ്തദേവതാമൂര്‍തിഃ സമസ്തസമയാര്‍ചിതാ ॥ 144 ॥
സുവര്‍ചലാ വിയന്‍മൂര്‍തിഃ പുഷ്കലാ നിത്യപുഷ്പിണീ ।
നീലോത്പലദലശ്യാമാ മഹാപ്രലയസാക്ഷിണീ ॥ 145 ॥
സങ്കല്‍പസിദ്ധാ സങ്ഗീതരസികാ രസദായിനീ ।
അഭിന്നാ ബ്രഹ്മജനനീ കാലക്രമവിവര്‍ജിതാ ॥ 146 ॥
അജപാ ജാഡ്യരഹിതാ പ്രസന്നാ ഭഗവത്പ്രിയാ ।
ഇന്ദിരാ ജഗതീകന്ദാ സച്ചിദാനന്ദകന്ദലീ ॥
ശ്രീചക്രനിലയാ ദേവീ ശ്രീവിദ്യാ ശ്രീപ്രദായിനീ ॥ 147 ॥
ഫലശ്രുതിഃ
ഇതി തേ കഥിതോ ലക്ഷ്മീ നാമസാരസ്തവോ മയാ ।
ശ്യാമലായാ മഹാദേവ്യാഃ സര്‍വവശ്യപ്രദായകഃ ॥ 148 ॥
യ ഇമം പഠതേ നിത്യം നാമസാരസ്തവം പരം ।
തസ്യ നശ്യന്തി പാപാനി മഹാന്ത്യപി ന സംശയഃ ॥ 149 ॥
ത്രിസന്ധ്യം യഃ പഠേന്നിത്യം വര്‍ഷമേകമതന്ദ്രിതഃ ।
സാര്‍വഭൌമോ മഹീപാലസ്തസ്യ വശ്യോ ഭവേദ്ധുവം ॥ 150 ॥
മൂലമന്ത്രജപാന്തേ യഃ പഠേന്നാമസഹസ്രകം ।
മന്ത്രസിദ്ധിര്‍ഭവേത്തസ്യ ശീഘ്രമേവ വരാനനേ ॥ 151 ॥
ജഗത്ത്രയം വശീകൃത്യ സാക്ഷാത്കാമസമോ ഭവേത് ।
ദിനേ ദിനേ ദശാവൃത്ത്യാ മണ്ഡലം യോ ജപേന്നരഃ ॥ 152 ॥
സചിവഃ സ ഭവേദ്ദേവി സാര്‍വഭൌമസ്യ ഭൂപതേഃ ।
ഷണ്‍മാസം യോ ജപേന്നിത്യം ഏകവാരം ദൃഢവ്രതഃ ॥ 153 ॥
ഭവന്തി തസ്യ ധാന്യാനാം ധനാനാം ച സമൃദ്ധയഃ ।
ചന്ദനം കുങ്കുമം വാപി ഭസ്മ വാ മൃഗനാഭികം ॥ 154 ॥
അനേനൈവ ത്രിരാവത്ത്യാ നാമസാരേണ മന്ത്രിതം ।
യോ ലലാടേ ധാരയതേ തസ്യ വക്ത്രാവലോകനാത് ॥ 155 ॥
ഹന്തുമുദ്യതഖഡ്ഗോഽപി ശത്രുര്‍വശ്യോ ഭവേദ്ധ്രുവം ।
അനേന നാമസാരേണ മന്ത്രിതം പ്രാശയേജ്ജലം ॥ 156 ॥
മാസമാത്രം വരാരോഹേ ഗാന്ധര്‍വനിപുണോ ഭവേത് ।
സങ്ഗീതേ കവിതായാം ച നാസ്തി തത്സദൃശോ ഭുവി ॥ 157 ॥
ബ്രഹ്മജ്ഞാനമവാപ്നോതി മോക്ഷം ചാപ്യധിഗച്ഛതി ।
പ്രീയതേ ശ്യാമലാ നിത്യം പ്രീതാഽഭീഷ്ടം പ്രയച്ഛതി ॥ 158 ॥
॥ ഇതി സൌഭാഗ്യലക്ഷ്മീകല്‍പതാന്തര്‍ഗതേ ലക്ഷ്മീനാരായണസംവാദേ
അഷ്ടസപ്തിതമേ ഖണ്ഡേ ശ്രീശ്യാമലാസഹസ്രനാമസ്തോത്രം സമ്പൂര്‍ണം ॥
മാതങ്ഗീ മാതരീശേ മധുമഥനാസധിതേ മഹാമായേ ।
മോഹിനി മോഹപ്രമഥിനി മന്‍മഥമഥനപ്രിയേ വരാങ്ഗി മാതങ്ഗി ॥
യതിജന ഹൃദയനിവാസേ വാസവവരദേ വരാങ്ഗി മാതങ്ഗി ।
വീണാവാദ വിനോദിനി നാരദഗീതേ നമോ ദേവി ॥