॥ Sitasahasranamastotram Odia Lyrics ॥
Chapter 25 of Adbhutaramayana contains Sita Sahasranama by Shrirama. The gist of the episode is – A group of Maharshis visited Shrirama, after His return to Ayodhya from Lanka after killing the 10-headed Ravana, and congratulated Him. They praised Him for killing the most dreadful Ravana. On hearing this, Sita, sitting beside Shrirama, smiled mockingly. The sages were surprised at this and asked Her to explain the reason for Her behavior. She said that killing the 10-headed Ravana is not that praiseworthy, and that Shrirama’s real praise can only be made if he can kill the 1000-headed Ravana – brother of the 10-headed Ravana. As the story goes, before the marriage of Sita, a Brahmin had come to her father’s palace for Chaturmasya. Very satisfied with Sita’s service, the Brahmin used to tell Her several stories. One of the stories was about this 1000-headed Ravana of Pushkara Dwipa, who had conquered all the gods and others in the three worlds. Hearing the story, Shrirama decided to kill the 1000-headed Ravana and started with all his brothers and friends like Sugriva, Hanuman, Vibhishana, etc with their armies. Ravana was so
powerful that with his arrows, he drove out the entire army including the four brothers, Sugriva, Hanuman, Vibhishana and others, all of whom returned and reached their own homes in no time. There remained only Shrirama and Sita in the Pushpaka Vimana, with gods, sages, etc. in the sky, witnessing the war below. After heavy fighting, Shrirama fell down wounded in the Pushpaka Vimana while Ravana was laughing aloud on his success. Sita then got down from the Vimana and immediately changed as Ugramurti Kali and killed Ravana and his entire army. When Shrirama was roused, he saw Kali and her troupe dancing and playing with the head of Ravana. Seeing all these, Shrirama became fearful and started praising Sita with 1008 names.
॥ ଶ୍ରୀସୀତାସହସ୍ରନାମସ୍ତୋତ୍ରମ୍ ॥
ଵାଲ୍ମୀକିଵିରଚିତେ ଅଦ୍ଭୁତରାମାୟଣେ ପଞ୍ଚଵିଂଶତି ସର୍ଗାନ୍ତର୍ଗତଂ
ଶ୍ରୀରାମକୃତଂ ସୀତାସହସ୍ରନାମସ୍ତୋତ୍ରମ୍ ।
ବ୍ରହ୍ମଣୋ ଵଚନଂ ଶ୍ରୁତ୍ଵା ରାମଃ କମଲଲୋଚନଃ ।
ପ୍ରୋନ୍ମୀଲ୍ୟ ଶନକୈରକ୍ଷୀ ଵେପମାନୋ ମହାଭୁଜଃ ॥ ୧ ॥
ପ୍ରଣମ୍ୟ ଶିରସା ଭୂମୌ ତେଜସା ଚାପି ଵିହ୍ଵଲଃ ।
ଭୀତଃ କୃତାଞ୍ଜଲିପୁଟଃ ପ୍ରୋଵାଚ ପରମେଶ୍ଵରୀମ୍ ॥ ୨ ॥
କା ତ୍ଵଂ ଦେଵି ଵିଶାଲାକ୍ଷି ଶଶାଙ୍କାଵୟଵାଙ୍କିତେ ।
ନ ଜାନେ ତ୍ଵାଂ ମହାଦେଵି ୟଥାଵଦ୍ବ୍ରୂହି ପୃଚ୍ଛତେ ॥ ୩ ॥
ରାମସ୍ୟ ଵଚନଂ ଶ୍ରୁତ୍ଵା ତତଃ ସା ପରମେଶ୍ଵରୀ ।
ଵ୍ୟାଜହାର ରଘୁଵ୍ୟାଘ୍ରଂ ୟୋଗିନାମଭୟପ୍ରଦା ॥ ୪ ॥
ମାଂ ଵିଦ୍ଧି ପରମାଂ ଶକ୍ତିଂ ମହେଶ୍ଵରସମାଶ୍ରୟାମ୍ ।
ଅନନ୍ୟାମଵ୍ୟୟାମେକାଂ ୟାଂ ପଶ୍ୟନ୍ତି ମୁମୁକ୍ଷଵଃ ॥ ୫ ॥
ଅହଂ ଵୈ ସର୍ଵଭାଵାନାମାତ୍ମା ସର୍ଵାନ୍ତରା ଶିଵା ।
ଶାଶ୍ଵତୀ ସର୍ଵଵିଜ୍ଞାନା ସର୍ଵମୂର୍ତିପ୍ରଵର୍ତିକା ॥ ୬ ॥
ଅନନ୍ତାନନ୍ତମହିମା ସଂସାରାର୍ଣଵତାରିଣୀ ।
ଦିଵ୍ୟଂ ଦଦାମି ତେ ଚକ୍ଷୁଃ ପଶ୍ୟ ମେ ପଦମୈଶ୍ଵରମ୍ ॥ ୭ ॥
ଇତ୍ୟୁକ୍ତ୍ଵା ଵିରରାମୈଷା ରାମୋଽପଶ୍ୟଚ୍ଚ ତତ୍ପଦମ୍ ।
କୋଟିସୂର୍ୟପ୍ରତୀକାଶଂ ଵିଶ୍ଵକ୍ତେଜୋନିରାକୁଲମ୍ ॥ ୮ ॥
ଜ୍ଵାଲାଵଲୀସହସ୍ରାଢ୍ୟଂ କାଲାନଲଶତୋପମମ୍ ।
ଦଂଷ୍ଟ୍ରାକରାଲଂ ଦୁର୍ଧର୍ଷଂ ଜଟାମଣ୍ଡଲମଣ୍ଡିତମ୍ ॥ ୯ ॥
ତ୍ରିଶୂଲଵରହସ୍ତଂ ଚ ଘୋରରୂପଂ ଭୟାଵହମ୍ ।
ପ୍ରଶାମ୍ୟତ୍ସୌମ୍ୟଵଦନମନନ୍ତୈଶ୍ଵର୍ୟସଂୟୁତମ୍ ॥ ୧୦ ॥
ଚନ୍ଦ୍ରାଵୟଵଲକ୍ଷ୍ମାଢ୍ୟଂ ଚନ୍ଦ୍ରକୋଟିସମପ୍ରଭମ୍ ।
କିରୀଟିନଂ ଗଦାହସ୍ତଂ ନୂପୁରୈରୁପଶୋଭିତମ୍ ॥ ୧୧ ॥
ଦିଵ୍ୟମାଲ୍ୟାମ୍ବରଧରଂ ଦିଵ୍ୟଗନ୍ଧାନୁଲେପନମ୍ ।
ଶଙ୍ଖଚକ୍ରକରଂ କାମ୍ୟଂ ତ୍ରିନେତ୍ରଂ କୃତ୍ତିଵାସସମ୍ ॥ ୧୨ ॥
ଅନ୍ତଃସ୍ଥଂ ଚାଣ୍ଡବାହ୍ୟସ୍ଥଂ ବାହ୍ୟାଭ୍ୟନ୍ତରତଃପରମ୍ ।
ସର୍ଵଶକ୍ତିମୟଂ ଶାନ୍ତଂ ସର୍ଵାକାରଂ ସନାତନମ୍ ॥ ୧୩ ॥
ବ୍ରହ୍ମେନ୍ଦ୍ରୋପେନ୍ଦ୍ରୟୋଗୀନ୍ଦ୍ରୈରୀଡ୍ୟମାନପଦାମ୍ବୁଜମ୍ ।
ସର୍ଵତଃ ପାଣିପାଦଂ ତତ୍ସର୍ଵତୋଽକ୍ଷିଶିରୋମୁଖମ୍ ॥ ୧୪ ॥
ସର୍ଵମାଵୃତ୍ୟ ତିଷ୍ଠନ୍ତଂ ଦଦର୍ଶ ପଦମୈଶ୍ଵରମ୍ ।
ଦୃଷ୍ଟ୍ଵା ଚ ତାଦୃଶଂ ରୂପଂ ଦିଵ୍ୟଂ ମାହେଶ୍ଵରଂ ପଦମ୍ ॥ ୧୫ ॥
ତଥୈଵ ଚ ସମାଵିଷ୍ଟଃ ସ ରାମୋ ହୃତମାନସଃ ।
ଆତ୍ମନ୍ୟାଧାୟ ଚାତ୍ମାନମୋଙ୍କାରଂ ସମନୁସ୍ମରନ୍ ॥ ୧୬ ॥
ନାମ୍ନାମଷ୍ଟସହସ୍ରେଣ ତୁଷ୍ଟାଵ ପରମେଶ୍ଵରୀମ୍ ।
ଓଂ ସୀତୋମା ପରମା ଶକ୍ତିରନନ୍ତା ନିଷ୍କଲାମଲା ॥ ୧୭ ॥
ଶାନ୍ତା ମାହେଶ୍ଵରୀ ଚୈଵ ଶାଶ୍ଵତୀ ୧୦ ପରମାକ୍ଷରା ।
ଅଚିନ୍ତ୍ୟା କେଵଲାନନ୍ତା ଶିଵାତ୍ମା ପରମାତ୍ମିକା ॥ ୧୮ ॥
ଅନାଦିରଵ୍ୟୟା ଶୁଦ୍ଧା ଦେଵାତ୍ମା ୨୦ ସର୍ଵଗୋଚରା ।
ଏକାନେକଵିଭାଗସ୍ଥା ମାୟାତୀତା ସୁନିର୍ମଲା ॥ ୧୯ ॥
ମହାମାହେଶ୍ଵରୀ ଶକ୍ତା ମହାଦେଵୀ ନିରଞ୍ଜନା ।
କାଷ୍ଠା ୩୦ ସର୍ଵାନ୍ତରସ୍ଥା ଚ ଚିଚ୍ଛକ୍ତିରତିଲାଲସା ॥ ୨୦ ॥
ଜାନକୀ ମିଥିଲାନନ୍ଦା ରାକ୍ଷସାନ୍ତଵିଧାୟିନୀ ।
ରାଵଣାନ୍ତରକରୀ ରମ୍ୟା ରାମଵକ୍ଷଃସ୍ଥଲାଲୟା ॥ ୨୧ ॥
ଉମା ସର୍ଵାତ୍ମିକା ୪୦ ଵିଦ୍ୟା ଜ୍ୟୋତିରୂପାୟୁତାକ୍ଷରା ।
ଶାନ୍ତିଃ ପ୍ରତିଷ୍ଠା ସର୍ଵେଷାଂ ନିଵୃତ୍ତିରମୃତପ୍ରଦା ॥ ୨୨ ॥
ଵ୍ୟୋମମୂର୍ତିର୍ଵ୍ୟୋମମୟୀ ଵ୍ୟୋମଧାରାଽଚ୍ୟୁତା ୫୧ ଲତା ।
ଅନାଦିନିଧନା ୟୋଷା କାରଣାତ୍ମା କଲାକୁଲା ॥ ୨୩ ॥
ନନ୍ଦପ୍ରଥମଜା ନାଭିରମୃତସ୍ୟାନ୍ତସଂଶ୍ରୟା ।
ପ୍ରାଣେଶ୍ଵରପ୍ରିୟା ୬୦ ମାତାମହୀ ମହିଷଵାହନା ॥ ୨୪ ॥
ପ୍ରାଣେଶ୍ଵରୀ ପ୍ରାଣରୂପା ପ୍ରଧାନପୁରୁଷେଶ୍ଵରୀ ।
ସର୍ଵଶକ୍ତିଃ କଲା କାଷ୍ଠା ଜ୍ୟୋତ୍ସ୍ନେନ୍ଦୋର୍ମହିମାଽଽସ୍ପଦା ॥ ୨୫ ॥ ୭୨
ସର୍ଵକାର୍ୟନିୟନ୍ତ୍ରୀ ଚ ସର୍ଵଭୂତେଶ୍ଵରେଶ୍ଵରୀ ।
ଅନାଦିରଵ୍ୟକ୍ତଗୁଣା ମହାନନ୍ଦା ସନାତନୀ ॥ ୨୬ ॥
ଆକାଶୟୋନିର୍ୟୋଗସ୍ଥା ସର୍ଵୟୋଗେଶ୍ଵରେଶ୍ଵରୀ ୮୦ ।
ଶଵାସନା ଚିତାନ୍ତଃସ୍ଥା ମହେଶୀ ଵୃଷଵାହନା ॥ ୨୭ ॥
ବାଲିକା ତରୁଣୀ ଵୃଦ୍ଧା ଵୃଦ୍ଧମାତା ଜରାତୁରା ।
ମହାମାୟା ୬୦ ସୁଦୁଷ୍ପୂରା ମୂଲପ୍ରକୃତିରୀଶ୍ଵରୀ ॥ ୨୮ ॥
ସଂସାରୟୋନିଃ ସକଲା ସର୍ଵଶକ୍ତିସମୁଦ୍ଭଵା ।
ସଂସାରସାରା ଦୁର୍ଵାରା ଦୁର୍ନିରୀକ୍ଷ୍ୟା ଦୁରାସଦା ୧୦୦ ॥ ୨୯ ॥
ପ୍ରାଣଶକ୍ତିଃ ପ୍ରାଣଵିଦ୍ୟା ୟୋଗିନୀ ପରମା କଲା ।
ମହାଵିଭୂତିର୍ଦୁର୍ଧର୍ଷା ମୂଲପ୍ରକୃତିସମ୍ଭଵା ॥ ୩୦ ॥
ଅନାଦ୍ୟନନ୍ତଵିଭଵା ପରାତ୍ମା ପୁରୁଷୋ ବଲୀ ୧୧୦ ।
ସର୍ଗସ୍ଥିତ୍ୟନ୍ତକରଣୀ ସୁଦୁର୍ଵାଚ୍ୟା ଦୁରତ୍ୟୟା ॥ ୩୧ ॥
ଶବ୍ଦୟୋନିଶ୍ଶବ୍ଦମୟୀ ନାଦାଖ୍ୟା ନାଦଵିଗ୍ରହା ।
ପ୍ରଧାନପୁରୁଷାତୀତା ପ୍ରଧାନପୁରୁଷାତ୍ମିକା ॥ ୩୨ ॥
ପୁରାଣୀ ୧୨୦ ଚିନ୍ମୟୀ ପୁଂସାମାଦିଃ ପୁରୁଷରୂପିଣୀ ।
ଭୂତାନ୍ତରାତ୍ମା କୂଟସ୍ଥା ମହାପୁରୁଷସଂଜ୍ଞିତା ॥ ୩୩ ॥
ଜନ୍ମମୃତ୍ୟୁଜରାତୀତା ସର୍ଵଶକ୍ତିସମନ୍ଵିତା ।
ଵ୍ୟାପିନୀ ଚାନଵଚ୍ଛିନ୍ନା ୧୩୦ ପ୍ରଧାନା ସୁପ୍ରଵେଶିନୀ ॥ ୩୪ ॥
କ୍ଷେତ୍ରଜ୍ଞା ଶକ୍ତିରଵ୍ୟକ୍ତଲକ୍ଷଣା ମଲଵର୍ଜିତା ।
ଅନାଦିମାୟାସମ୍ଭିନ୍ନା ତ୍ରିତତ୍ତ୍ଵା ପ୍ରକୃତିର୍ଗୁଣଃ ୧୪୦ ॥ ୩୫ ॥
ମହାମାୟା ସମୁତ୍ପନ୍ନା ତାମସୀ ପୌରୁଷଂ ଧ୍ରୁଵା ।
ଵ୍ୟକ୍ତାଵ୍ୟକ୍ତାତ୍ମିକା କୃଷ୍ଣା ରକ୍ତଶୁକ୍ଲାପ୍ରସୂତିକା ॥ ୩୬ ॥
ସ୍ଵକାର୍ୟା ୧୫୦ କାର୍ୟଜନନୀ ବ୍ରହ୍ମାସ୍ୟା ବ୍ରହ୍ମସଂଶ୍ରୟା ।
ଵ୍ୟକ୍ତା ପ୍ରଥମଜା ବ୍ରାହ୍ମୀ ମହତୀ ଜ୍ଞାନରୂପିଣୀ ॥ ୩୭ ॥
ଵୈରାଗ୍ୟୈଶ୍ଵର୍ୟଧର୍ମାତ୍ମା ବ୍ରହ୍ମମୂର୍ତିର୍ହୃଦିସ୍ଥିତା । ୧୬୧
ଜୟଦା ଜିତ୍ଵରୀ ଜୈତ୍ରୀ ଜୟଶ୍ରୀର୍ଜୟଶାଲିନୀ ॥ ୩୮ ॥
ସୁଖଦା ଶୁଭଦା ସତ୍ୟା ଶୁଭା ୧୭୦ ସଙ୍କ୍ଷୋଭକାରିଣୀ ।
ଅପାଂ ୟୋନିଃ ସ୍ଵୟମ୍ଭୂତିର୍ମାନସୀ ତତ୍ତ୍ଵସମ୍ଭଵା ॥ ୩୯ ॥
ଈଶ୍ଵରାଣୀ ଚ ସର୍ଵାଣୀ ଶଙ୍କରାର୍ଦ୍ଧଶରୀରିଣୀ ।
ଭଵାନୀ ଚୈଵ ରୁଦ୍ରାଣୀ ୧୮୦ ମହାଲକ୍ଷ୍ମୀରଥାମ୍ବିକା ॥ ୪୦ ॥
ମାହେଶ୍ଵରୀ ସମୁତ୍ପନ୍ନା ଭୁକ୍ତିମୁକ୍ତିଫଲପ୍ରଦା ।
ସର୍ଵେଶ୍ଵରୀ ସର୍ଵଵର୍ଣା ନିତ୍ୟା ମୁଦିତମାନସା ॥ ୪୧ ॥
ବ୍ରହ୍ମେନ୍ଦ୍ରୋପେନ୍ଦ୍ରନମିତା ଶଙ୍କରେଚ୍ଛାନୁଵର୍ତିନୀ ୧୯୦ ।
ଈଶ୍ଵରାର୍ଦ୍ଧାସନଗତା ରଘୂତ୍ତମପତିଵ୍ରତା ॥ ୪୨ ॥
ସକୃଦ୍ଵିଭାଵିତା ସର୍ଵା ସମୁଦ୍ରପରିଶୋଷିଣୀ ।
ପାର୍ଵତୀ ହିମଵତ୍ପୁତ୍ରୀ ପରମାନନ୍ଦଦାୟିନୀ ॥ ୪୩ ॥
ଗୁଣାଢ୍ୟା ୟୋଗଦା ୨୦୦ ୟୋଗ୍ୟା ଜ୍ଞାନମୂର୍ତିର୍ଵିକାସିନୀ ।
ସାଵିତ୍ରୀ କମଲା ଲକ୍ଷ୍ମୀ ଶ୍ରୀରନନ୍ତୋରସି ସ୍ଥିତା ॥ ୪୪ ॥
ସରୋଜନିଲୟା ଶୁଭ୍ରା ୟୋଗନିଦ୍ରା ୨୧୦ ସୁଦର୍ଶନା ।
ସରସ୍ଵତୀ ସର୍ଵଵିଦ୍ୟା ଜଗଜ୍ଜ୍ୟେଷ୍ଠା ସୁମଙ୍ଗଲା ॥ ୪୫ ॥
ଵାସଵୀ ଵରଦା ଵାଚ୍ୟା କୀର୍ତିଃ ସର୍ଵାର୍ଥସାଧିକା ୨୨୦ ।
ଵାଗୀଶ୍ଵରୀ ସର୍ଵଵିଦ୍ୟା ମହାଵିଦ୍ୟା ସୁଶୋଭନା ॥ ୪୬ ॥
ଗୁହ୍ୟଵିଦ୍ୟାଽଽତ୍ମଵିଦ୍ୟା ଚ ସର୍ଵଵିଦ୍ୟାଽଽତ୍ମଭାଵିତା ।
ସ୍ଵାହା ଵିଶ୍ଵମ୍ଭରୀ ୨୩୦ ସିଦ୍ଧିଃ ସ୍ଵଧା ମେଧା ଧୃତିଃ ଶ୍ରୁତିଃ ॥ ୪୭ ॥
ନାଭିଃ ସୁନାଭିଃ ସୁକୃତିର୍ମାଧଵୀ ନରଵାହିନୀ ୨୪୦ ।
ପୂଜା ଵିଭାଵରୀ ସୌମ୍ୟା ଭଗିନୀ ଭୋଗଦାୟିନୀ ॥ ୪୮ ॥
ଶୋଭା ଵଂଶକରୀ ଲୀଲା ମାନିନୀ ପରମେଷ୍ଠିନୀ ୨୫୦ ।
ତ୍ରୈଲୋକ୍ୟସୁନ୍ଦରୀ ରମ୍ୟା ସୁନ୍ଦରୀ କାମଚାରିଣୀ ॥ ୪୯ ॥
ମହାନୁଭାଵମଧ୍ୟସ୍ଥା ମହାମହିଷମର୍ଦିନୀ ।
ପଦ୍ମମାଲା ପାପହରା ଵିଚିତ୍ରମୁକୁଟାନନା ॥ ୫୦ ॥
କାନ୍ତା ୨୬୦ ଚିତ୍ରାମ୍ବରଧରା ଦିଵ୍ୟାଭରଣଭୂଷିତା ।
ହଂସାଖ୍ୟା ଵ୍ୟୋମନିଲୟା ଜଗତ୍ସୃଷ୍ଟିଵିଵର୍ଦ୍ଧିନୀ ॥ ୫୧ ॥
ନିର୍ୟନ୍ତ୍ରା ମନ୍ତ୍ରଵାହସ୍ଥା ନନ୍ଦିନୀ ଭଦ୍ରକାଲିକା ।
ଆଦିତ୍ୟଵର୍ଣା ୨୭୦ କୌମାରୀ ମୟୂରଵରଵାହିନୀ ॥ ୫୨ ॥
ଵୃଷାସନଗତା ଗୌରୀ ମହାକାଲୀ ସୁରାର୍ଚିତା ।
ଅଦିତିର୍ନିୟତା ରୌଦ୍ରୀ ପଦ୍ମଗର୍ଭା ୨୮୦ ଵିଵାହନା ॥ ୫୩ ॥
ଵିରୂପାକ୍ଷୀ ଲେଲିହାନା ମହାସୁରଵିନାଶିନୀ ।
ମହାଫଲାନଵଦ୍ୟାଙ୍ଗୀ କାମପୂରା ଵିଭାଵରୀ ॥ ୫୪ ॥
କୌଶିକୀ କର୍ଷିଣୀ ରାତ୍ରିସ୍ତ୍ରିଦଶାର୍ତ୍ତିଵିନାଶନୀ ॥ ୫୫ ॥
ଵିରୂପା ଚ ସରୂପା ଚ ଭୀମା ମୋକ୍ଷପ୍ରଦାୟିନୀ ।
ଭକ୍ତାର୍ତ୍ତିନାଶିନୀ ଭଵ୍ୟା ୩୦୦ ଭଵଭାଵଵିନାଶିନୀ ॥ ୫୬ ॥
ନିର୍ଗୁଣା ନିତ୍ୟଵିଭଵା ନିଃସାରା ନିରପତ୍ରପା ।
ୟଶସ୍ଵିନୀ ସାମଗୀତିର୍ଭାଵାଙ୍ଗନିଲୟାଲୟା ॥ ୫୭ ॥
ଦୀକ୍ଷା ୩୧୦ ଵିଦ୍ୟାଧରୀ ଦୀପ୍ତା ମହେନ୍ଦ୍ରଵିନିପାତିନୀ ।
ସର୍ଵାତିଶାୟିନୀ ଵିଦ୍ୟା ସର୍ଵଶକ୍ତିପ୍ରଦାୟିନୀ ॥ ୫୮ ॥
ସର୍ଵେଶ୍ଵରପ୍ରିୟା ତାର୍କ୍ଷୀ ସମୁଦ୍ରାନ୍ତରଵାସିନୀ ।
ଅକଲଙ୍କା ନିରାଧାରା ୩୨୦ ନିତ୍ୟସିଦ୍ଧା ନିରାମୟା ॥ ୫୯ ॥
କାମଧେନୁର୍ଵେଦଗର୍ଭା ଧୀମତୀ ମୋହନାଶିନୀ ।
ନିଃସଙ୍କଲ୍ପା ନିରାତଙ୍କା ଵିନୟା ଵିନୟପ୍ରଦା ୩୨୦ ॥ ୬୦ ॥
ଜ୍ଵାଲାମାଲାସହସ୍ରାଢ୍ୟା ଦେଵଦେଵୀ ମନୋନ୍ମନୀ ।
ଉର୍ଵୀ ଗୁର୍ଵୀ ଗୁରୁଃ ଶ୍ରେଷ୍ଠା ସଗୁଣା ଷଡ୍ଗୁଣାତ୍ମିକା ॥ ୬୧ ॥
ମହାଭଗଵତୀ ୩୪୦ ଭଵ୍ୟା ଵସୁଦେଵସମୁଦ୍ଭଵା ।
ମହେନ୍ଦ୍ରୋପେନ୍ଦ୍ରଭଗିନୀ ଭକ୍ତିଗମ୍ୟପରାୟଣା ॥ ୬୨ ॥
ଜ୍ଞାନଜ୍ଞେୟା ଜରାତୀତା ଵେଦାନ୍ତଵିଷୟା ଗତିଃ ।
ଦକ୍ଷିଣା ୩୫୦ ଦହନା ବାହ୍ୟା ସର୍ଵଭୂତନମସ୍କୃତା ॥ ୬୩ ॥
ୟୋଗମାୟା ଵିଭାଵଜ୍ଞା ମହାମୋହା ମହୀୟସୀ ।
ସତ୍ୟା ସର୍ଵସମୁଦ୍ଭୂତିର୍ବ୍ରହ୍ମଵୃକ୍ଷାଶ୍ରୟା ୩୬୦ ମତିଃ ॥ ୬୪ ॥
ବୀଜାଙ୍କୁରସମୁଦ୍ଭୂତିର୍ମହାଶକ୍ତିର୍ମହାମତିଃ ।
ଖ୍ୟାତିଃ ପ୍ରତିଜ୍ଞା ଚିତ୍ସଂଵିନ୍ମହାୟୋଗେନ୍ଦ୍ରଶାୟିନୀ ॥ ୬୫ ॥
ଵିକୃତିଃ ୩୭୦ ଶଙ୍କରୀ ଶାସ୍ତ୍ରୀ ଗନ୍ଧର୍ଵା ୟକ୍ଷସେଵିତା ।
ଵୈଶ୍ଵାନରୀ ମହାଶାଲା ଦେଵସେନା ଗୁହପ୍ରିୟା ॥ ୬୬ ॥
ମହାରାତ୍ରୀ ଶିଵାନନ୍ଦା ଶଚୀ ୩୮୦ ଦୁଃସ୍ଵପ୍ନନାଶିନୀ ।
ପୂଜ୍ୟାପୂଜ୍ୟା ଜଗଦ୍ଧାତ୍ରୀ ଦୁର୍ଵିଜ୍ଞେୟସ୍ଵରୂପିଣୀ ॥ ୬୭ ॥
ଗୁହାମ୍ବିକା ଗୁହୋତ୍ପତ୍ତିର୍ମହାପୀଠା ମରୁତ୍ସୁତା ।
ହଵ୍ୟଵାହାନ୍ତରା ୩୬୦ ଗାର୍ଗୀ ହଵ୍ୟଵାହସମୁଦ୍ଭଵା ॥ ୬୮ ॥
ଜଗଦ୍ୟୋନିର୍ଜଗନ୍ମାତା ଜଗନ୍ମୃତ୍ୟୁର୍ଜରାତିଗା ।
ବୁଦ୍ଧିର୍ମାତା ବୁଦ୍ଧିମତୀ ପୁରୁଷାନ୍ତରଵାସିନୀ ୪୦୦ ॥ ୬୯ ॥
ତପସ୍ଵିନୀ ସମାଧିସ୍ଥା ତ୍ରିନେତ୍ରା ଦିଵିସଂସ୍ଥିତା ।
ସର୍ଵେନ୍ଦ୍ରିୟମନୋମାତା ସର୍ଵଭୂତହୃଦିସ୍ଥିତା ॥ ୭୦ ॥
ବ୍ରହ୍ମାଣୀ ବୃହତୀ ୪୧୦ ବ୍ରାହ୍ମୀ ବ୍ରହ୍ମଭୂତା ଭୟାଵନୀ ॥ ୭୧ ॥
ହିରଣ୍ୟମୟୀ ମହାରାତ୍ରିଃ ସଂସାରପରିଵର୍ତିକା ।
ସୁମାଲିନୀ ସୁରୂପା ଚ ତାରିଣୀ ଭାଵିନୀ ୪୨୦ ପ୍ରଭା ॥ ୭୨ ॥
ଉନ୍ମୀଲନୀ ସର୍ଵସହା ସର୍ଵପ୍ରତ୍ୟୟସାକ୍ଷିଣୀ ।
ତପିନୀ ତାପିନୀ ଵିଶ୍ଵା ଭୋଗଦା ଧାରିଣୀ ଧରା ୪୩୦ ॥ ୭୩ ॥
ସୁସୌମ୍ୟା ଚନ୍ଦ୍ରଵଦନା ତାଣ୍ଡଵାସକ୍ତମାନସା ।
ସତ୍ତ୍ଵଶୁଦ୍ଧିକରୀ ଶୁଦ୍ଧିର୍ମଲତ୍ରୟଵିନାଶିନୀ ॥ ୭୪ ॥
ଜଗତ୍ପ୍ରିୟା ଜଗନ୍ମୂର୍ତିସ୍ତ୍ରିମୂର୍ତିରମୃତାଶ୍ରୟା ୪୪୦ ।
ନିରାଶ୍ରୟା ନିରାହାରା ନିରଙ୍କୁଶରଣୋଦ୍ଭଭଵା ॥ ୭୫ ॥
ଚକ୍ରହସ୍ତା ଵିଚିତ୍ରାଙ୍ଗୀ ସ୍ରଗ୍ଵିଣୀ ପଦ୍ମଧାରିଣୀ ।
ପରାପରଵିଧାନଜ୍ଞା ମହାପୁରୁଷପୂର୍ଵଜା ॥ ୭୬ ॥
ଵିଦ୍ୟେଶ୍ଵରପ୍ରିୟାଽଵିଦ୍ୟା ଵିଦୁଜ୍ଜିହ୍ଵା ଜିତଶ୍ରମା । ୪୫୩
ଵିଦ୍ୟାମୟୀ ସହସ୍ରାକ୍ଷୀ ସହସ୍ରଶ୍ରଵଣାତ୍ମଜା ॥ ୭୭ ॥
ଜ୍ଵାଲିନୀ ୪୬୦ ସଦ୍ମନା ଵ୍ୟାପ୍ତା ତୈଜସୀ ପଦ୍ମରୋଧିକା ॥ ୭୮ ॥
ମହାଦେଵାଶ୍ରୟା ମାନ୍ୟା ମହାଦେଵମନୋରମା ॥
ଵ୍ୟୋମଲକ୍ଷ୍ମୀଶ୍ଚ ସିଂହସ୍ଥା ଚେକିତାନ୍ୟମିତପ୍ରଭା ୪୭୦ ॥ ୭୯ ॥
ଵିଶ୍ଵେଶ୍ଵରୀ ଵିମାନସ୍ଥା ଵିଶୋକା ଶୋକନାଶିନୀ ।
ଅନାହତା କୁଣ୍ଡଲିନୀ ନଲିନୀ ପଦ୍ମଵାସିନୀ ॥ ୮୦ ॥
ଶତାନନ୍ଦା ସତାଂ କୀର୍ତିଃ ୪୮୦ ସର୍ଵଭୂତାଶୟସ୍ଥିତା ।
ଵାଗ୍ଦେଵତା ବ୍ରହ୍ମକଲା କଲାତୀତା କଲାଵତୀ ॥ ୮୧ ॥
ବ୍ରହ୍ମର୍ଷିର୍ବ୍ରହ୍ମହୃଦୟା ବ୍ରହାଵିଷ୍ଣୁଶିଵପ୍ରିୟା ।
ଵ୍ୟୋମଶକ୍ତିଃ କ୍ରିୟାଶକ୍ତିର୍ଜନଶକ୍ତିଃ ପରାଗତିଃ ॥ ୮୨ ॥ ୪୯୨
କ୍ଷୋଭିକା ରୌଦ୍ରିକା ଭେଦ୍ୟା ଭେଦାଭେଦଵିଵର୍ଜିତା ।
ଅଭିନ୍ନା ଭିନ୍ନସଂସ୍ଥାନା ଵଂଶିନୀ ଵଂଶହାରିଣୀ ୫୦୦ ॥ ୮୩ ॥
ଗୁହ୍ୟଶକ୍ତିର୍ଗୁଣାତୀତା ସର୍ଵଦା ସର୍ଵତୋମୁଖୀ ।
ଭଗିନୀ ଭଗଵତ୍ପତ୍ନୀଂ ସକଲା କାଲକାରିଣୀ ॥ ୮୪ ॥
ସର୍ଵଵିତ୍ସର୍ଵତୋଭଦ୍ରା ୫୧୦ ଗୁହ୍ୟାତୀତା ଗୁହାବଲିଃ ।
ପ୍ରକ୍ରିୟା ୟୋଗମାତା ଚ ଗନ୍ଧା ଵିଶ୍ଵେଶ୍ଵରେଶ୍ଵରୀ ॥ ୮୫ ॥
କପିଲା କପିଲାକାନ୍ତା କନକାଭା କଲାନ୍ତରା ୫୨୦ ।
ପୁଣ୍ୟା ପୁଷ୍କରିଣୀ ଭୋକ୍ତ୍ରୀ ପୁରନ୍ଦରପୁରଃସରା ॥ ୮୬ ॥
ପୋଷଣୀ ପରମୈଶ୍ଵର୍ୟଭୂତିଦା ଭୂତିଭୂଷଣା ॥
ପଞ୍ଚବ୍ରହ୍ମସମୁତ୍ପତ୍ତିଃ ପରମାତ୍ମାତ୍ଽଽମଵିଗ୍ରହା ॥ ୮୭ ॥
ନର୍ମୋଦୟା ୫୩୦ ଭାନୁମତୀ ୟୋଗିଜ୍ଞେୟା ମନୋଜଵା ।
ବୀଜରୂପା ରଜୋରୂପା ଵଶିନୀ ୟୋଗରୂପିଣୀ ॥ ୮୮ ॥
ସୁମନ୍ତ୍ରା ମନ୍ତ୍ରିଣୀ ପୂର୍ଣା ୫୪୦ ହ୍ଲାଦିନୀ କ୍ଲେଶନାଶିନୀ ।
ମନୋହରିର୍ମନୋରକ୍ଷୀ ତାପସୀ ଵେଦରୂପିଣୀ ॥ ୮୯ ॥
ଵେଦଶକ୍ତିର୍ଵେଦମାତା ଵେଦଵିଦ୍ୟାପ୍ରକାଶିନୀ ।
ୟୋଗେଶ୍ଵରେଶ୍ଵରୀ ୫୫୦ ମାଲା ମହାଶକ୍ତିର୍ମନୋମୟୀ ॥ ୯୦ ॥
ଵିଶ୍ଵାଵସ୍ଥା ଵୀରମୁକ୍ତିର୍ଵିଦ୍ୟୁନ୍ମାଲା ଵିହାୟସୀ ।
ପୀଵରୀ ସୁରଭୀ ଵନ୍ଦ୍ୟା ୫୬୦ ନନ୍ଦିନୀ ନନ୍ଦଵଲ୍ଲଭା ॥ ୯୧ ॥
ଭାରତୀ ପରମାନନ୍ଦା ପରାପରଵିଭେଦିକା ।
ସର୍ଵପ୍ରହରଣୋପେତା କାମ୍ୟା କାମେଶ୍ଵରେଶ୍ଵରୀ ॥ ୯୨ ॥
ଅଚିନ୍ତ୍ୟାଚିନ୍ତ୍ୟମହିମା ୫୭୦ ଦୁର୍ଲେଖା କନକପ୍ରଭା ।
କୂଷ୍ମାଣ୍ଡୀ ଧନରତ୍ନାଢ୍ୟା ସୁଗନ୍ଧା ଗନ୍ଧଦାୟିନୀ ॥ ୯୩ ॥
ତ୍ରିଵିକ୍ରମପଦୋଦ୍ଭୂତା ଧନୁଷ୍ପାଣିଃ ଶିରୋହୟା ।
ସୁଦୁର୍ଲଭା ୫୮୦ ଧନାଧ୍ୟକ୍ଷା ଧନ୍ୟା ପିଙ୍ଗଲଲୋଚନା ॥ ୯୪ ॥
ଭ୍ରାନ୍ତିଃ ପ୍ରଭାଵତୀ ଦୀପ୍ତିଃ ପଙ୍କଜାୟତଲୋଚନା ।
ଆଦ୍ୟା ହୃତ୍କମଲୋଦ୍ଭୂତା ପରାମାତା ୫୬୦ ରଣପ୍ରିୟା ॥ ୯୫ ॥
ସତ୍କ୍ରିୟା ଗିରିଜା ନିତ୍ୟଶୁଦ୍ଧା ପୁଷ୍ପନିରନ୍ତରା ।
ଦୁର୍ଗା କାତ୍ୟାୟନୀ ଚଣ୍ଡୀ ଚର୍ଚିକା ଶାନ୍ତଵିଗ୍ରହା ୬୦୦ ॥ ୯୬ ॥
ହିରଣ୍ୟଵର୍ଣା ରଜନୀ ଜଗନ୍ମନ୍ତ୍ରପ୍ରଵର୍ତିକା ।
ମନ୍ଦରାଦ୍ରିନିଵାସା ଚ ଶାରଦା ସ୍ଵର୍ଣମାଲିନୀ ॥ ୯୭ ॥
ରତ୍ନମାଲା ରତ୍ନଗର୍ଭା ପୃଥ୍ଵୀ ଵିଶ୍ଵପ୍ରମାଥିନୀ ୬୧୦ ।
ପଦ୍ମାସନା ପଦ୍ମନିଭା ନିତ୍ୟତୁଷ୍ଟାମୃତୋଦ୍ଭଵା ॥ ୯୮ ॥
ଧୁନ୍ଵତୀ ଦୁଷ୍ପ୍ରକମ୍ପା ଚ ସୂର୍ୟମାତା ଦୃଷଦ୍ଵତୀ ।
ମହେନ୍ଦ୍ରଭଗିନୀ ମାୟା ୬୨୦ ଵରେଣ୍ୟା ଵରଦର୍ପିତା ॥ ୯୯ ॥
କଲ୍ୟାଣୀ କମଲା ରାମା ପଞ୍ଚଭୂତଵରପ୍ରଦା ।
ଵାଚ୍ୟା ଵରେଶ୍ଵରୀ ନନ୍ଦ୍ୟା ଦୁର୍ଜୟା ୬୩୦ ଦୁରତିକ୍ରମା ॥ ୧୦୦ ॥
କାଲରାତ୍ରିର୍ମହାଵେଗା ଵୀରଭଦ୍ରହିତପ୍ରିୟା ।
ଭଦ୍ରକାଲୀ ଜଗନ୍ମାତା ଭକ୍ତାନାଂ ଭଦ୍ରଦାୟିନୀ ॥ ୧୦୧ ॥
କରାଲା ପିଙ୍ଗଲାକାରା ନାମଵେଦା ୬୪୦ ମହାନଦା ।
ତପସ୍ଵିନୀ ୟଶୋଦା ଚ ୟଥାଧ୍ଵପରିଵର୍ତିନୀ ॥ ୧୦୨ ॥
ଶଙ୍ଖିନୀ ପଦ୍ମିନୀ ସାଙ୍ଖ୍ୟା ସାଙ୍ଖ୍ୟୟୋଗପ୍ରଵର୍ତିକା ।
ଚୈତ୍ରୀ ସଂଵତ୍ସରା ୬୫୦ ରୁଦ୍ରା ଜଗତ୍ସମ୍ପୂରଣୀନ୍ଦ୍ରଜା ॥ ୧୦୩ ॥
ଶୁମ୍ଭାରିଃ ଖେଚରୀ ଖସ୍ଥା କମ୍ବୁଗ୍ରୀଵା କଲିପ୍ରିୟା ।
ଖରଧ୍ଵଜା ଖରାରୂଢା ୬୬୦ ପରାର୍ଧ୍ୟା ପରମାଲିନୀ ॥ ୧୦୪ ॥
ଐଶ୍ଵର୍ୟରତ୍ନନିଲୟା ଵିରକ୍ତା ଗରୁଡାସନା ।
ଜୟନ୍ତୀ ହୃଦ୍ଗୁହା ରମ୍ୟା ସତ୍ତ୍ଵଵେଗା ଗଣାଗ୍ରଣୀଃ ॥ ୧୦୫ ॥
ସଙ୍କଲ୍ପସିଦ୍ଧା ୬୭୦ ସାମ୍ୟସ୍ଥା ସର୍ଵଵିଜ୍ଞାନଦାୟିନୀ ।
କଲିକଲ୍ମଷହନ୍ତ୍ରୀ ଚ ଗୁହ୍ୟୋପନିଷଦୁତ୍ତମା ॥ ୧୦୬ ॥
ନିତ୍ୟଦୃଷ୍ଟିଃ ସ୍ମୃତିର୍ଵ୍ୟାପ୍ତିଃ ପୁଷ୍ଟିସ୍ତୁଷ୍ଟିଃ ୬୮୦ କ୍ରିୟାଵତୀ ।
ଵିଶ୍ଵାମରେଶ୍ଵରେଶାନା ଭୁକ୍ତିର୍ମୁକ୍ତିଃ ଶିଵାମୃତା ॥ ୧୦୭ ॥
ଲୋହିତା ସର୍ଵମାତା ଚ ଭୀଷଣା ଵନମାଲିନୀ ୬୯୦ ।
ଅନନ୍ତଶୟନାନାଦ୍ୟା ନରନାରାୟଣୋଦ୍ଭଵା ॥ ୧୦୮ ॥
ନୃସିଂହୀ ଦୈତ୍ୟମଥିନୀ ଶଙ୍ଖଚକ୍ରଗଦାଧରା ।
ସଙ୍କର୍ଷଣସମୁତ୍ପତ୍ତିରମ୍ବିକୋପାତ୍ତସଂଶ୍ରୟା ॥ ୧୦୯ ॥
ମହାଜ୍ଵାଲା ମହାମୂର୍ତିଃ ୭୦୦ ସୁମୂର୍ତିଃ ସର୍ଵକାମଧୁକ୍ ।
ସୁପ୍ରଭା ସୁତରାଂ ଗୌରୀ ଧର୍ମକାମାର୍ଥମୋକ୍ଷଦା ॥ ୧୧୦ ॥
ଭ୍ରୂମଧ୍ୟନିଲୟାଽପୂର୍ଵା ପ୍ରଧାନପୁରୁଷା ବଲୀ ।
ମହାଵିଭୂତିଦା ୭୧୦ ମଧ୍ୟା ସରୋଜନୟନାସନା ॥ ୧୧୧ ॥
ଅଷ୍ଟାଦଶଭୁଜା ନାଟ୍ୟା ନୀଲୋତ୍ପଲଦଲପ୍ରଭା ।
ସର୍ଵଶକ୍ତା ସମାରୂଢା ଧର୍ମାଧର୍ମାନୁଵର୍ଜିତା ॥ ୧୧୨ ॥
ଵୈରାଗ୍ୟଜ୍ଞାନନିରତା ନିରାଲୋକା ୭୨୦ ନିରିନ୍ଦ୍ରିୟା ।
ଵିଚିତ୍ରଗହନା ଧୀରା ଶାଶ୍ଵତସ୍ଥାନଵାସିନୀ ॥ ୧୧୩ ॥
ସ୍ଥାନେଶ୍ଵରୀ ନିରାନନ୍ଦା ତ୍ରିଶୂଲଵରଧାରିଣୀ ।
ଅଶେଷଦେଵତାମୂର୍ତିଦେଵତା ପରଦେଵତା ୭୩୦ ॥ ୧୧୪ ॥
ଗଣାତ୍ମିକା ଗିରେଃ ପୁତ୍ରୀ ନିଶୁମ୍ଭଵିନିପାତିନି ।
ଅଵର୍ଣା ଵର୍ଣରହିତା ନିର୍ଵର୍ଣା ବୀଜସମ୍ଭଵା ॥ ୧୧୫ ॥
ଅନନ୍ତଵର୍ଣାନନ୍ୟସ୍ଥା ଶଙ୍କରୀ ୭୪୦ ଶାନ୍ତମାନସା ।
ଅଗୋତ୍ରା ଗୋମତୀ ଗୋପ୍ତ୍ରୀ ଗୁହ୍ୟରୂପା ଗୁଣାନ୍ତରା ॥ ୧୧୬ ॥
ଗୋଶ୍ରୀର୍ଗଵ୍ୟପ୍ରିୟା ଗୌରୀ ଗଣେଶ୍ଵରନମସ୍କୃତା ।
ସତ୍ୟମାତ୍ରା ୭୫୦ ସତ୍ୟସନ୍ଧା ତ୍ରିସନ୍ଧ୍ୟା ସନ୍ଧିଵର୍ଜିତା ॥ ୧୧୭ ॥
ସର୍ଵଵାଦାଶ୍ରୟା ସାଙ୍ଖ୍ୟା ସାଙ୍ଖ୍ୟୟୋଗସମୁଦ୍ଭଵା ।
ଅସଙ୍ଖ୍ୟେୟାପ୍ରମେୟାଖ୍ୟା ଶୂନ୍ୟା ଶୁଦ୍ଧକୁଲୋଦ୍ଭଵା ୭୬୦ ॥ ୧୧୮ ॥
ବିନ୍ଦୁନାଦସମୁତ୍ପତ୍ତିଃ ଶମ୍ଭୁଵାମା ଶଶିପ୍ରଭା ।
ଵିସଙ୍ଗା ଭେଦରହିତା ମନୋଜ୍ଞା ମଧୁସୂଦନୀ ॥ ୧୧୯ ॥
ମହାଶ୍ରୀଃ ଶ୍ରୀସମୁତ୍ପତ୍ତି ୭୭୦ ସ୍ତମଃପାରେ ପ୍ରତିଷ୍ଠିତା ।
ତ୍ରିତତ୍ତ୍ଵମାତା ତ୍ରିଵିଧା ସୁସୂକ୍ଷ୍ମପଦସଂଶ୍ରୟା ॥ ୧୨୦ ॥
ଶାନ୍ତ୍ୟାତୀତା ମଲାତୀତା ନିର୍ଵିକାରା ନିରାଶ୍ରୟା ।
ଶିଵାଖ୍ୟା ଚିତ୍ରନିଲୟା ୭୮୦ ଶିଵଜ୍ଞାନସ୍ଵରୂପିଣୀ ॥ ୧୨୧ ॥
ଦୈତ୍ୟଦାନଵନିର୍ମାତ୍ରୀ କାଶ୍ୟପୀ କାଲକର୍ଣିକା ।
ଶାସ୍ତ୍ରୟୋନିଃ କ୍ରିୟାମୂର୍ତିଶ୍ଚତୁର୍ଵର୍ଗପ୍ରଦର୍ଶିକା ॥ ୧୨୨ ॥
ନାରାୟଣୀ ନଵୋଦ୍ଭୂତା କୌମୁଦୀ ୭୬୦ ଲିଙ୍ଗଧାରିଣୀ ।
କାମୁକୀ ଲଲିତା ତାରା ପରାପରଵିଭୂତିଦା ॥ ୧୨୩ ॥
ପରାନ୍ତଜାତମହିମା ଵାଡଵା ଵାମଲୋଚନା ।
ସୁଭଦ୍ରା ଦେଵକୀ ୮୦୦ ସୀତା ଵେଦଵେଦାଙ୍ଗପାରଗା ॥ ୧୨୪ ॥
ମନସ୍ଵିନୀ ମନ୍ୟୁମାତା ମହାମନ୍ୟୁସମୁଦ୍ଭଵା ॥
ଅମୃତ୍ୟୁରମୃତାସ୍ଵାଦା ପୁରୁହୂତା ପୁରୁପ୍ଲୁତା ॥ ୧୨୫ ॥
ଅଶୋଚ୍ୟା ୮୧୦ ଭିନ୍ନଵିଷୟା ହିରଣ୍ୟରଜତପ୍ରିୟା ।
ହିରଣ୍ୟା ରାଜତୀ ହୈମୀ ହେମାଭରଣଭୂଷିତା ॥ ୧୨୬ ॥
ଵିଭ୍ରାଜମାନା ଦୁର୍ଜ୍ଞେୟା ଜ୍ୟୋତିଷ୍ଟୋମଫଲପ୍ରଦା ।
ମହାନିଦ୍ରା ୮୨୦ ସମୁଦ୍ଭୂତିର୍ବଲୀନ୍ଦ୍ରା ସତ୍ୟଦେଵତା ॥ ୧୨୭ ॥
ଦୀର୍ଘା କକୁଦ୍ମିନୀ ଵିଦ୍ୟା ଶାନ୍ତିଦା ଶାନ୍ତିଵର୍ଦ୍ଧିନୀ ।
ଲକ୍ଷ୍ମ୍ୟାଦିଶକ୍ତିଜନନୀ ଶକ୍ତିଚକ୍ରପ୍ରଵର୍ତିକା ॥ ୧୨୮ ॥
ତ୍ରିଶକ୍ତିଜନନୀ ୮୩୦ ଜନ୍ୟା ଷଡୂର୍ମିପରିଵର୍ଜିତା ।
ସ୍ଵାହା ଚ କର୍ମକରଣୀ ୟୁଗାନ୍ତଦଲନାତ୍ମିକା ॥ ୧୨୯ ॥
ସଙ୍କର୍ଷଣା ଜଗଦ୍ଧାତ୍ରୀ କାମୟୋନିଃ କିରୀଟିନୀ ।
ଐନ୍ଦ୍ରୀ ୮୪୦ ତ୍ରୈଲୋକ୍ୟନମିତା ଵୈଷ୍ଣଵୀ ପରମେଶ୍ଵରୀ ॥ ୧୩୦ ॥
ପ୍ରଦ୍ୟୁମ୍ନଦୟିତା ଦାନ୍ତା ୟୁଗ୍ମଦୃଷ୍ଟିସ୍ତ୍ରିଲୋଚନା ।
ମହୋତ୍କଟା ହଂସଗତିଃ ପ୍ରଚଣ୍ଡା ୮୫୦ ଚଣ୍ଡଵିକ୍ରମା ॥ ୧୩୧ ॥
ଵୃଷାଵେଶା ଵିୟନ୍ମାତ୍ରା ଵିନ୍ଧ୍ୟପର୍ଵତଵାସିନୀ ।
ହିମଵନ୍ମେରୁନିଲୟା କୈଲାସଗିରିଵାସିନୀ ॥ ୧୩୨ ॥
ଚାଣୂରହନ୍ତ୍ରୀ ତନୟା ନୀତିଜ୍ଞା କାମରୂପିଣୀ ୮୬୦ ।
ଵେଦଵିଦ୍ୟା ଵ୍ରତରତା ଧର୍ମଶୀଲାନିଲାଶନା ॥ ୧୩୩ ॥
ଅୟୋଧ୍ୟାନିଲୟା ଵୀରା ମହାକାଲସମୁଦ୍ଭଵା ।
ଵିଦ୍ୟାଧରକ୍ରିୟା ସିଦ୍ଧା ଵିଦ୍ୟାଧରନିରାକୃତିଃ ॥ ୧୩୪ ॥
ଆପ୍ୟାୟନ୍ତୀ ୮୭୦ ଵହନ୍ତୀ ଚ ପାଵନୀ ପୋଷଣୀ ଖିଲା ।
ମାତୃକା ମନ୍ମଥୋଦ୍ଭୂତା ଵାରିଜା ଵାହନପ୍ରିୟା ॥ ୧୩୫ ॥
କରୀଷିଣୀ ସ୍ଵଧା ଵାଣୀ ୮୮୦ ଵୀଣାଵାଦନତତ୍ପରା ।
ସେଵିତା ସେଵିକା ସେଵା ସିନୀଵାଲୀ ଗରୁତ୍ମତୀ ॥ ୧୩୬ ॥
ଅରୁନ୍ଧତୀ ହିରଣ୍ୟାକ୍ଷୀ ମଣିଦା ଶ୍ରୀଵସୁପ୍ରଦା ୮୯୦ ।
ଵସୁମତୀ ଵସୋର୍ଧାରା ଵସୁନ୍ଧରାସମୁଦ୍ଭଵା ॥ ୧୩୭ ॥
ଵରାରୋହା ଵରାର୍ହା ଚ ଵପୁଃସଙ୍ଗସମୁଦ୍ଭଵା ।
ଶ୍ରୀଫଲୀ ଶ୍ରୀମତୀ ଶ୍ରୀଶା ଶ୍ରୀନିଵାସା ୯୦୦ ହରିପ୍ରିୟା ॥ ୧୩୮ ॥
ଶ୍ରୀଧରୀ ଶ୍ରୀକରୀ କମ୍ପା ଶ୍ରୀଧରା ଈଶଵୀରଣୀ ।
ଅନନ୍ତଦୃଷ୍ଟିରକ୍ଷୁଦ୍ରା ଧାତ୍ରୀଶା ଧନଦପ୍ରିୟା ୯୧୦ ॥ ୧୩୯ ॥
ନିହନ୍ତ୍ରୀ ଦୈତ୍ୟସିଂହାନାଂ ସିଂହିକା ସିଂହଵାହିନୀ ।
ସୁସେନା ଚନ୍ଦ୍ରନିଲୟା ସୁକୀର୍ତିଶ୍ଛିନ୍ନସଂଶୟା ॥ ୧୪୦ ॥
ବଲଜ୍ଞା ବଲଦା ଵାମା ୯୨୦ ଲେଲିହାନାମୃତାଶ୍ରଵା ।
ନିତ୍ୟୋଦିତା ସ୍ଵୟଞ୍ଜ୍ୟୋତିରୁତ୍ସୁକାମୃତଜୀଵିନୀ ॥ ୧୪୧ ॥
ଵଜ୍ରଦଂଷ୍ଟ୍ରା ଵଜ୍ରଜିହ୍ଵା ଵୈଦେହୀ ଵଜ୍ରଵିଗ୍ରହା ୯୩୦ ।
ମଙ୍ଗଲ୍ୟା ମଙ୍ଗଲା ମାଲା ମଲିନା ମଲହାରିଣୀ ॥ ୧୪୨ ॥
ଗାନ୍ଧର୍ଵୀ ଗାରୁଡୀ ଚାନ୍ଦ୍ରୀ କମ୍ବଲାଶ୍ଵତରପ୍ରିୟା ।
ସୌଦାମିନୀ ୯୪୦ ଜନାନନ୍ଦା ଭ୍ରୁକୁଟୀକୁଟିଲାନନା ॥ ୧୪୩ ॥
କର୍ଣିକାରକରା କକ୍ଷା କଂସପ୍ରାଣାପହାରିଣୀ ।
ୟୁଗନ୍ଧରା ୟୁଗାଵର୍ତ୍ତା ତ୍ରିସନ୍ଧ୍ୟାହର୍ଷଵର୍ଧିନୀ ॥ ୧୪୪ ॥
ପ୍ରତ୍ୟକ୍ଷଦେଵତା ୯୫୦ ଦିଵ୍ୟା ଦିଵ୍ୟଗନ୍ଧା ଦିଵାପରା ।
ଶକ୍ରାସନଗତା ଶାକ୍ରୀ ସାଧ୍ଵୀ ନାରୀ ଶଵାସନା ॥ ୧୪୫ ॥
ଇଷ୍ଟା ଵିଶିଷ୍ଟା ୯୬୦ ଶିଷ୍ଟେଷ୍ଟା ଶିଷ୍ଟାଶିଷ୍ଟପ୍ରପୂଜିତା ।
ଶତରୂପା ଶତାଵର୍ତ୍ତା ଵିନୀତା ସୁରଭିଃ ସୁରା ॥ ୧୪୬ ॥
ସୁରେନ୍ଦ୍ରମାତା ସୁଦ୍ୟୁମ୍ନା ୯୭୦ ସୁଷୁମ୍ନା ସୂର୍ୟସଂସ୍ଥିତା ।
ସମୀକ୍ଷା ସତ୍ପ୍ରତିଷ୍ଠା ଚ ନିର୍ଵୃତ୍ତିର୍ଜ୍ଞାନପାରଗା ॥ ୧୪୭ ॥
ଧର୍ମଶାସ୍ତ୍ରାର୍ଥକୁଶଲା ଧର୍ମଜ୍ଞା ଧର୍ମଵାହନା ।
ଧର୍ମାଧର୍ମଵିନିର୍ମାତ୍ରୀ ୯୮୦ ଧାର୍ମିକାଣାଂ ଶିଵପ୍ରଦା ॥ ୧୪୮ ॥
ଧର୍ମଶକ୍ତିର୍ଧର୍ମମୟୀ ଵିଧର୍ମା ଵିଶ୍ଵଧର୍ମିଣୀ ।
ଧର୍ମାନ୍ତରା ଧର୍ମମଧ୍ୟା ଧର୍ମପୂର୍ଵୀ ଧନପ୍ରିୟା ॥ ୧୪୯ ॥
ଧର୍ମୋପଦେଶା ୯୯୦ ଧର୍ମାତ୍ମା ଧର୍ମଲଭ୍ୟା ଧରାଧରା ।
କପାଲୀ ଶାକଲାମୂର୍ତିଃ କଲାକଲିତଵିଗ୍ରହା ॥ ୧୫୦ ॥
ଧର୍ମଶକ୍ତିଵିନିର୍ମୁକ୍ତା ସର୍ଵଶକ୍ତ୍ୟାଶ୍ରୟା ତଥା ।
ସର୍ଵା ସର୍ଵେଶ୍ଵରୀ ୧୦୦୦ ସୂକ୍ଷ୍ମା ସୁସୂକ୍ଷ୍ମଜ୍ଞାନରୂପିଣୀ ॥ ୧୫୧ ॥
ପ୍ରଧାନପୁରୁଷେଶାନା ମହାପୁରୁଷସାକ୍ଷିଣୀ ।
ସଦାଶିଵା ଵିୟନ୍ମୂର୍ତିର୍ଦେଵମୂର୍ତିରମୂର୍ତିକା ୧୦୦୮ ॥ ୧୫୨ ॥
ଏଵଂ ନାନ୍ମାଂ ସହସ୍ରେଣ ତୁଷ୍ଟାଵ ରଘୁନନ୍ଦନଃ ।
କୃତାଞ୍ଜଲିପୁଟୋ ଭୂତ୍ଵା ସୀତାଂ ହୃଷ୍ଟତନୂରୁହାମ୍ ॥ ୧୫୩ ॥
ଭାରଦ୍ଵାଜ ମହାଭାଗ ୟଶ୍ଚୈତସ୍ତୋତ୍ରମଦ୍ଭୁତମ୍ ।
ଶୃଣୁୟାଦ୍ଵା ପଠେଦ୍ଵାପି ସ ୟାତି ପରମଂ ପଦମ୍ ॥ ୧୫୪ ॥
ବ୍ରହ୍ମକ୍ଷତ୍ରିୟଵିଡ୍ୟୋନିର୍ବ୍ରହ୍ମ ପ୍ରାପ୍ନୋତି ଶାଶ୍ଵତମ୍ ।
ଶୂଦ୍ରଃ ସଦ୍ଗତିମାପ୍ନୋତି ଧନଧାନ୍ୟଵିଭୂତୟଃ ॥ ୧୫୪ ॥
ଭଵନ୍ତି ସ୍ତୋତ୍ରମହାତ୍ମ୍ୟାଦେତତ୍ସ୍ଵସ୍ତ୍ୟୟନଂ ମହତ୍ ।
ମାରୀଭୟେ ରାଜଭୟେ ତଥା ଚୋରାଗ୍ନିଜେ ଭୟେ ॥ ୧୫୬ ॥
ଵ୍ୟାଧୀନାଂ ପ୍ରଭଵେ ଘୋରେ ଶତ୍ରୂତ୍ଥାନେ ଚ ସଙ୍କଟେ ।
ଅନାଵୃଷ୍ଟିଭୟେ ଵିପ୍ର ସର୍ଵଶାନ୍ତିକରଂ ପରମ୍ ॥ ୧୫୭ ॥
ୟଦ୍ୟଦିଷ୍ଟତମଂ ୟସ୍ୟ ତତ୍ସର୍ଵଂ ସ୍ତୋତ୍ରତୋ ଭଵେତ୍ ।
ୟତ୍ରୈତତ୍ପଠ୍ୟତେ ସମ୍ୟକ୍ ସୀତାନାମସହସ୍ରକମ୍ ॥ ୧୫୮ ॥
ରାମେଣ ସହିତା ଦେଵୀ ତତ୍ର ତିଷ୍ଠତ୍ୟସଂଶୟମ୍ ।
ମହାପାପାତିପାପାନି ଵିଲୟଂ ୟାନ୍ତି ସୁଵ୍ରତ ॥ ୧୫୯ ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟେ ଆଦିକାଵ୍ୟେ ଅଦ୍ଭୁତୋତ୍ତରକାଣ୍ଡେ
ସୀତାସହସ୍ରନାମସ୍ତୋତ୍ରକଥନଂ ନାମ ପଞ୍ଚଵିଂଶତିତମଃ ସର୍ଗଃ ॥ ୨୫ ॥