॥ Tripurabhairavi Sahasranamastotram Kannada Lyrics ॥
॥ ಶ್ರೀತ್ರಿಪುರಭೈರವೀಸಹಸ್ರನಾಮಸ್ತೋತ್ರಮ್ ॥
ಅಥ ಶ್ರೀತ್ರಿಪುರಭೈರವೀಸಹಸ್ರನಾಮಸ್ತೋತ್ರಮ್
ಮಹಾಕಾಲಭೈರವ ಉವಾಚ
ಅಥ ವಕ್ಷ್ಯೇ ಮಹೇಶಾನಿ ದೇವ್ಯಾ ನಾಮಸಹಸ್ರಕಮ್ ।
ಯತ್ಪ್ರಸಾದಾನ್ಮಹಾದೇವಿ ಚತುರ್ವರ್ಗಫಲಲ್ಲಭೇತ್ ॥ 1 ॥
ಸರ್ವರೋಗಪ್ರಶಮನಂ ಸರ್ವಮೃತ್ಯುವಿನಾಶನಮ್ ।
ಸರ್ವಸಿದ್ಧಿಕರಂ ಸ್ತೋತ್ರನ್ನಾತಃ ಪರತಃ ಸ್ತವಃ ॥ 2 ॥
ನಾತಃ ಪರತರಾ ವಿದ್ಯಾ ತೀರ್ತ್ಥನ್ನಾತಃ ಪರಂ ಸ್ಮೃತಮ್ ।
ಯಸ್ಯಾಂ ಸರ್ವಂ ಸಮುತ್ಪನ್ನಯ್ಯಸ್ಯಾಮದ್ಯಾಪಿ ತಿಷ್ಠತಿ ॥ 3 ॥
ಕ್ಷಯಮೇಷ್ಯತಿ ತತ್ಸರ್ವಂ ಲಯಕಾಲೇ ಮಹೇಶ್ವರಿ ।
ನಮಾಮಿ ತ್ರಿಪುರಾನ್ದೇವೀಮ್ಭೈರವೀಂ ಭಯಮೋಚಿನೀಮ್ ।
ಸರ್ವಸಿದ್ಧಿಕರೀಂ ಸಾಕ್ಷಾನ್ಮಹಾಪಾತಕನಾಶಿನೀಮ್ ॥ 4 ॥
ಅಸ್ಯ ಶ್ರೀತ್ರಿಪುರಭೈರವೀಸಹಸ್ರನಾಮಸ್ತೋತ್ರಸ್ಯ ಭಗವಾನ್ ಋಷಿಃ।
ಪಂಕ್ತಿಶ್ಛನ್ದಃ। ಆದ್ಯಾ ಶಕ್ತಿಃ। ಭಗವತೀ ತ್ರಿಪುರಭೈರವೀ ದೇವತಾ ।
ಸರ್ವಕಾಮಾರ್ತ್ಥಸಿದ್ಧ್ಯರ್ತ್ಥೇ ಜಪೇ ವಿನಿಯೋಗಃ ॥
ಓಂ ತ್ರಿಪುರಾ ಪರಮೇಶಾನೀ ಯೋಗಸಿದ್ಧಿನಿವಾಸಿನೀ ।
ಸರ್ವಮನ್ತ್ರಮಯೀ ದೇವೀ ಸರ್ವಸಿದ್ಧಿಪ್ರವರ್ತ್ತಿನೀ ॥
ಸರ್ವಾಧಾರಮಯೀ ದೇವೀ ಸರ್ವಸಮ್ಪತ್ಪ್ರದಾ ಶುಭಾ ।
ಯೋಗಿನೀ ಯೋಗಮಾತಾ ಚ ಯೋಗಸಿದ್ಧಿಪ್ರವರ್ತ್ತಿನೀ ॥
ಯೋಗಿಧ್ಯೇಯಾ ಯೋಗಮಯೀ ಯೋಗಯೋಗನಿವಾಸಿನೀ ।
ಹೇಲಾ ಲೀಲಾ ತಥಾ ಕ್ರೀಡಾ ಕಾಲರೂಪಪ್ರವರ್ತ್ತಿನೀ ॥
ಕಾಲಮಾತಾ ಕಾಲರಾತ್ರಿಃ ಕಾಲೀ ಕಾಮಲವಾಸಿನೀ ।
ಕಮಲಾ ಕಾನ್ತಿರೂಪಾ ಚ ಕಾಮರಾಜೇಶ್ವರೀ ಕ್ರಿಯಾ ॥
ಕಟುಃ ಕಪಟಕೇಶಾ ಚ ಕಪಟಾ ಕುಲಟಾಕೃತಿಃ ।
ಕುಮುದಾ ಚರ್ಚ್ಚಿಕಾ ಕಾನ್ತಿಃ ಕಾಲರಾತ್ರಿಪ್ರಿಯಾ ಸದಾ ॥
ಘೋರಾಕಾರಾ ಘೋರತರಾ ಧರ್ಮಾಧರ್ಮಪ್ರದಾ ಮತಿಃ ।
ಘಂಟಾ ಘರ್ಗ್ಘರದಾ ಘಂಟಾ ಘಂಟಾನಾದಪ್ರಿಯಾ ಸದಾ ॥
ಸೂಕ್ಷ್ಮಾ ಸೂಕ್ಷ್ಮತರಾ ಸ್ಥೂಲಾ ಅತಿಸ್ಥೂಲಾ ಸದಾ ಮತಿಃ ।
ಅತಿಸತ್ಯಾ ಸತ್ಯವತೀ ಸತ್ಯಸಂಕೇತವಾಸಿನೀ ॥
ಕ್ಷಮಾ ಭೀಮಾ ತಥಾಽಭೀಮಾ ಭೀಮನಾದಪ್ರವರ್ತ್ತಿನೀ ।
ಭ್ರಮರೂಪಾ ಭಯಹರಾ ಭಯದಾ ಭಯನಾಶಿನೀ ॥
ಶ್ಮಶಾನವಾಸಿನೀ ದೇವೀ ಶ್ಮಶಾನಾಲಯವಾಸಿನೀ ।
ಶವಾಸನಾ ಶವಾಹಾರಾ ಶವದೇಹಾ ಶಿವಾಶಿವಾ ॥
ಕಂಠದೇಶಶವಾಹಾರಾ ಶವಕಂಕಣಧಾರಿಣೀ ।
ದನ್ತುರಾ ಸುದತೀ ಸತ್ಯಾ ಸತ್ಯಸಂಕೇತವಾಸಿನೀ ॥
ಸತ್ಯದೇಹಾ ಸತ್ಯಹಾರಾ ಸತ್ಯವಾದಿನಿವಾಸಿನೀ ।
ಸತ್ಯಾಲಯಾ ಸತ್ಯಸಂಗಾ ಸತ್ಯಸಂಗರಕಾರಿಣೀ ॥
ಅಸಂಗಾ ಸಾಂಗರಹಿತಾ ಸುಸಂಗಾ ಸಂಗಮೋಹಿನೀ ।
ಮಾಯಾಮತಿರ್ಮಹಾಮಾಯಾ ಮಹಾಮಖವಿಲಾಸಿನೀ ॥
ಗಲದ್ರುಧಿರಧಾರಾ ಚ ಮುಖದ್ವಯನಿವಾಸಿನೀ ।
ಸತ್ಯಾಯಾಸಾ ಸತ್ಯಸಂಗಾ ಸತ್ಯಸಂಗತಿಕಾರಿಣೀ ॥
ಅಸಂಗಾ ಸಂಗನಿರತಾ ಸುಸಂಗಾ ಸಂಗವಾಸಿನೀ ।
ಸದಾಸತ್ಯಾ ಮಹಾಸತ್ಯಾ ಮಾಂಸಪಾಶಾ ಸುಮಾಂಸಕಾ ॥
ಮಾಂಸಾಹಾರಾ ಮಾಂಸಧರಾ ಮಾಂಸಾಶೀ ಮಾಂಸಭಕ್ಷಕಾ ।
ರಕ್ತಪಾನಾ ರಕ್ತರುಚಿರಾ ರಕ್ತಾ ರಕ್ತವಲ್ಲಭಾ ॥
ರಕ್ತಾಹಾರಾ ರಕ್ತಪ್ರಿಯಾ ರಕ್ತನಿನ್ದಕನಾಶಿನೀ ।
ರಕ್ತಪಾನಪ್ರಿಯಾ ಬಾಲಾ ರಕ್ತದೇಶಾ ಸುರಕ್ತಿಕಾ ॥
ಸ್ವಯಂಭೂಕುಸುಮಸ್ಥಾ ಚ ಸ್ವಯಂಭೂಕುಸುಮೋತ್ಸುಕಾ ।
ಸ್ವಯಂಭೂಕುಸುಮಾಹಾರಾ ಸ್ವಯಂಭೂನಿನ್ದಕಾಸನಾ ॥
ಸ್ವಯಂಭೂಪುಷ್ಪಕಪ್ರೀತಾ ಸ್ವಯಂಭೂಪುಷ್ಪಸಮ್ಭವಾ ।
ಸ್ವಯಂಭೂಪುಷ್ಪಹಾರಾಢ್ಯಾ ಸ್ವಯಂಭೂನಿನ್ದಕಾನ್ತಕಾ ॥
ಕುಂಡಗೋಲವಿಲಾಸೀ ಚ ಕುಂಡಗೋಲಸದಾಮತಿಃ ।
ಕುಂಡಗೋಲಪ್ರಿಯಕರೀ ಕುಂಡಗೋಲಸಮುದ್ಭವಾ ॥
ಶುಕ್ರಾತ್ಮಿಕಾ ಶುಕ್ರಕರಾ ಸುಶುಕ್ರಾ ಚ ಸುಶುಕ್ತಿಕಾ ।
ಶುಕ್ರಪೂಜಕಪೂಜ್ಯಾ ಚ ಶುಕ್ರನಿನ್ದಕನಿನ್ದಕಾ ॥
ರಕ್ತಮಾಲ್ಯಾ ರಕ್ತಪುಷ್ಪಾ ರಕ್ತಪುಷ್ಪಕಪುಷ್ಪಕಾ ।
ರಕ್ತಚನ್ದನಸಿಕ್ತಾಂಗೀ ರಕ್ತಚನ್ದನನಿನ್ದಕಾ ॥
ಮತ್ಸ್ಯಾ ಮತ್ಸ್ಯಪ್ರಿಯಾ ಮಾನ್ಯಾ ಮತ್ಸ್ಯಭಕ್ಷಾ ಮಹೋದಯಾ ।
ಮತ್ಸ್ಯಾಹಾರಾ ಮತ್ಸ್ಯಕಾಮಾ ಮತ್ಸ್ಯನಿನ್ದಕನಾಶಿನೀ ॥
ಕೇಕರಾಕ್ಷೀ ತಥಾ ಕ್ರೂರಾ ಕ್ರೂರಸೈನ್ಯವಿನಾಶಿನೀ ।
ಕ್ರೂರಾಂಗೀ ಕುಲಿಶಾಂಗೀ ಚ ಚಕ್ರಾಂಗೀ ಚಕ್ರಸಮ್ಭವಾ ॥
ಚಕ್ರದೇಹಾ ಚಕ್ರಹಾರಾ ಚಕ್ರಕಂಕಾಲವಾಸಿನೀ ।
ನಿಮ್ನನಾಭೀ ಭೀತಿಹರಾ ಭಯದಾ ಭಯಹಾರಿಕಾ ॥
ಭಯಪ್ರದಾ ಭಯಭೀತಾ ಅಭೀಮಾ ಭೀಮನಾದಿನೀ ।
ಸುನ್ದರೀ ಶೋಭನಾ ಸತ್ಯಾ ಕ್ಷೇಮ್ಯಾ ಕ್ಷೇಮಕರೀ ತಥಾ ॥
ಸಿನ್ದೂರಾಂಚಿತಸಿನ್ದೂರಾ ಸಿನ್ದೂರಸದೃಶಾಕೃತಿಃ ।
ರಕ್ತಾರಂಜಿತನಾಸಾ ಚ ಸುನಾಸಾ ನಿಮ್ನನಾಸಿಕಾ ॥
ಖರ್ವಾ ಲಮ್ಬೋದರೀ ದೀರ್ಗ್ಘಾ ದೀರ್ಗ್ಘಘೋಣಾ ಮಹಾಕುಚಾ ।
ಕುಟಿಲಾ ಚಂಚಲಾ ಚಂಡೀ ಚಂಡನಾದಪ್ರಚಂಡಿಕಾ ॥
ಅತಿಚಂಡಾ ಮಹಾಚಂಡಾ ಶ್ರೀಚಂಡಾಚಂಡವೇಗಿನೀ ।
ಚಾಂಡಾಲೀ ಚಂಡಿಕಾ ಚಂಡಶಬ್ದರೂಪಾ ಚ ಚಂಚಲಾ ॥
ಚಮ್ಪಾ ಚಮ್ಪಾವತೀ ಚೋಸ್ತಾ ತೀಕ್ಷ್ಣಾ ತೀಕ್ಷ್ಣಪ್ರಿಯಾ ಕ್ಷತಿಃ ।
ಜಲದಾ ಜಯದಾ ಯೋಗಾ ಜಗದಾನನ್ದಕಾರಿಣೀ ॥
ಜಗದ್ವನ್ದ್ಯಾ ಜಗನ್ಮಾತಾ ಜಗತೀ ಜಗತಕ್ಷಮಾ ।
ಜನ್ಯಾ ಜಯಜನೇತ್ರೀ ಚ ಜಯಿನೀ ಜಯದಾ ತಥಾ ॥
ಜನನೀ ಚ ಜಗದ್ಧಾತ್ರೀ ಜಯಾಖ್ಯಾ ಜಯರೂಪಿಣೀ ।
ಜಗನ್ಮಾತಾ ಜಗನ್ಮಾನ್ಯಾ ಜಯಶ್ರೀರ್ಜ್ಜಯಕಾರಿಣೀ ॥
ಜಯಿನೀ ಜಯಮಾತಾ ಚ ಜಯಾ ಚ ವಿಜಯಾ ತಥಾ ।
ಖಡ್ಗಿನೀ ಖಡ್ಗರೂಪಾ ಚ ಸುಖಡ್ಗಾ ಖಡ್ಗಧಾರಿಣೀ ॥
ಖಡ್ಗರೂಪಾ ಖಡ್ಗಕರಾ ಖಡ್ಗಿನೀ ಖಡ್ಗವಲ್ಲಭಾ ।
ಖಡ್ಗದಾ ಖಡ್ಗಭಾವಾ ಚ ಖಡ್ಗದೇಹಸಮುದ್ಭವಾ ॥
ಖಡ್ಗಾ ಖಡ್ಗಧರಾ ಖೇಲಾ ಖಡ್ಗಿನೀ ಖಡ್ಗಮಂಡಿನೀ ।
ಶಂಖಿನೀ ಚಾಪಿನೀ ದೇವೀ ವಜ್ರಿಣೀ ಶುಲಿನೀ ಮತಿಃ ॥
ಬಲಿನೀ ಭಿನ್ದಿಪಾಲೀ ಚ ಪಾಶೀ ಚ ಅಂಕುಶೀ ಶರೀ ।
ಧನುಷೀ ಚಟಕೀ ಚರ್ಮಾ ದನ್ತೀ ಚ ಕರ್ಣನಾಲಿಕೀ ॥
ಮುಸಲೀ ಹಲರೂಪಾ ಚ ತೂಣೀರಗಣವಾಸಿನೀ ।
ತೂಣಾಲಯಾ ತೂಣಹರಾ ತೂಣಸಮ್ಭವರೂಪಿಣೀ ॥
ಸುತೂಣೀ ತೂಣಖೇದಾ ಚ ತೂಣಾಂಗೀ ತೂಣವಲ್ಲಭಾ ।
ನಾನಾಸ್ತ್ರಧಾರಿಣೀ ದೇವೀ ನಾನಾಶಸ್ತ್ರಸಮುದ್ಭವಾ ॥
ಲಾಕ್ಷಾ ಲಕ್ಷಹರಾ ಲಾಭಾ ಸುಲಾಭಾ ಲಾಭನಾಶಿನೀ ।
ಲಾಭಹಾರಾ ಲಾಭಕರಾ ಲಾಭಿನೀ ಲಾಭರೂಪಿಣೀ ॥
ಧರಿತ್ರೀ ಧನದಾ ಧಾನ್ಯಾ ಧನ್ಯರೂಪಾ ಧರಾ ಧನುಃ ।
ಧುರಶಬ್ದಾ ಧುರಾಮಾನ್ಯಾ ಧರಾಂಗೀ ಧನನಾಶಿನೀ ॥
ಧನಹಾ ಧನಲಾಭಾ ಚ ಧನಲಭ್ಯಾ ಮಹಾಧನುಃ ।
ಅಶಾನ್ತಾ ಶಾನ್ತಿರೂಪಾ ಚ ಶ್ವಾಸಮಾರ್ಗನಿವಾಸಿನೀ ॥
ಗಗಣಾ ಗಣಸೇವ್ಯಾ ಚ ಗಣಾಂಗಾವಾಗವಲ್ಲಭಾ ।
ಗಣದಾ ಗಣಹಾ ಗಮ್ಯಾ ಗಮನಾಗಮಸುನ್ದರೀ ॥
ಗಮ್ಯದಾ ಗಣನಾಶೀ ಚ ಗದಹಾ ಗದವರ್ದ್ಧಿನೀ ।
ಸ್ಥೈರ್ಯಾ ಚ ಸ್ಥೈರ್ಯನಾಶಾ ಚ ಸ್ಥೈರ್ಯಾನ್ತಕರಣೀ ಕುಲಾ ॥
ದಾತ್ರೀ ಕರ್ತ್ರೀ ಪ್ರಿಯಾ ಪ್ರೇಮಾ ಪ್ರಿಯದಾ ಪ್ರಿಯವರ್ದ್ಧಿನೀ ।
ಪ್ರಿಯಹಾ ಪ್ರಿಯಭವ್ಯಾ ಚ ಪ್ರಿಯಪ್ರೇಮಾಂಘ್ರಿಪಾತನುಃ ॥
ಪ್ರಿಯಜಾ ಪ್ರಿಯಭವ್ಯಾ ಚ ಪ್ರಿಯಸ್ಥಾ ಭವನಸ್ಥಿತಾ ।
ಸುಸ್ಥಿರಾ ಸ್ಥಿರರೂಪಾ ಚ ಸ್ಥಿರದಾ ಸ್ಥೈರ್ಯಬರ್ಹಿಣೀ ॥
ಚಂಚಲಾ ಚಪಲಾ ಚೋಲಾ ಚಪಲಾಂಗನಿವಾಸಿನೀ ।
ಗೌರೀ ಕಾಲೀ ತಥಾ ಛಿನ್ನಾ ಮಾಯಾ ಮಾನ್ಯಾ ಹರಪ್ರಿಯಾ ॥
ಸುನ್ದರೀ ತ್ರಿಪುರಾ ಭವ್ಯಾ ತ್ರಿಪುರೇಶ್ವರವಾಸಿನೀ ।
ತ್ರಿಪುರನಾಶಿನೀ ದೇವೀ ತ್ರಿಪುರಪ್ರಾಣಹಾರಿಣೀ ॥
ಭೈರವೀ ಭೈರವಸ್ಥಾ ಚ ಭೈರವಸ್ಯ ಪ್ರಿಯಾ ತನುಃ ।
ಭವಾಂಗೀ ಭೈರವಾಕಾರಾ ಭೈರವಪ್ರಿಯವಲ್ಲಭಾ ॥
ಕಾಲದಾ ಕಾಲರಾತ್ರಿಶ್ಚ ಕಾಮಾ ಕಾತ್ಯಾಯನೀ ಕ್ರಿಯಾ ।
ಕ್ರಿಯದಾ ಕ್ರಿಯಹಾ ಕ್ಲೈಬ್ಯಾ ಪ್ರಿಯಪ್ರಾಣಕ್ರಿಯಾ ತಥಾ ॥
ಕ್ರೀಂಕಾರೀ ಕಮಲಾ ಲಕ್ಷ್ಮೀಃ ಶಕ್ತಿಃ ಸ್ವಾಹಾ ವಿಭುಃ ಪ್ರಭುಃ ।
ಪ್ರಕೃತಿಃ ಪುರುಷಶ್ಚೈವ ಪುರುಷಾಪುರುಷಾಕೃತಿಃ ॥
ಪರಮಃ ಪುರುಷಶ್ಚೈವ ಮಾಯಾ ನಾರಾಯಣೀ ಮತಿಃ ।
ಬ್ರಾಹ್ಮೀ ಮಾಹೇಶ್ವರೀ ಚೈವ ಕೌಮಾರೀ ವೈಷ್ಣವೀ ತಥಾ ॥
ವಾರಾಹೀ ಚೈವ ಚಾಮುಂಡಾ ಇನ್ದ್ರಾಣೀ ಹರವಲ್ಲಭಾ ।
ಭರ್ಗ್ಗೀ ಮಾಹೇಶ್ವರೀ ಕೃಷ್ಣಾ ಕಾತ್ಯಾಯನ್ಯಪಿ ಪೂತನಾ ॥
ರಾಕ್ಷಸೀ ಡಾಕಿನೀ ಚಿತ್ರಾ ವಿಚಿತ್ರಾ ವಿಭ್ರಮಾ ತಥಾ ।
ಹಾಕಿನೀ ರಾಕಿನೀ ಭೀತಾ ಗಂಧರ್ವಾ ಗಂಧವಾಹಿನೀ ॥
ಕೇಕರೀ ಕೋಟರಾಕ್ಷೀ ಚ ನಿರ್ಮಾಂಸಾಲೂಕಮಾಂಸಿಕಾ ।
ಲಲಜ್ಜಿಹ್ವಾ ಸುಜಿಹ್ವಾ ಚ ಬಾಲದಾ ಬಾಲದಾಯಿನೀ ॥
ಚನ್ದ್ರಾ ಚನ್ದ್ರಪ್ರಭಾ ಚಾನ್ದ್ರೀ ಚನ್ದ್ರಕಾಂತಿಷು ತತ್ಪರಾ ।
ಅಮೃತಾ ಮಾನದಾ ಪೂಷಾ ತುಷ್ಟಿಃ ಪುಷ್ಟೀ ರತಿರ್ಧೃತಿಃ ॥
ಶಶಿನೀ ಚನ್ದ್ರಿಕಾ ಕಾಂತಿರ್ಜ್ಜ್ಯೋತ್ಸ್ನಾ ಶ್ರೀಃ ಪ್ರೀತಿರಂಗದಾ ।
ಪೂರ್ಣಾ ಪೂರ್ಣಾಮೃತಾ ಕಲ್ಪಲತಿಕಾ ಕಲ್ಪದಾನದಾ ॥
ಸುಕಲ್ಪಾ ಕಲ್ಪಹಸ್ತಾ ಚ ಕಲ್ಪವೃಕ್ಷಕರೀ ಹನುಃ ।
ಕಲ್ಪಾಖ್ಯಾ ಕಲ್ಪಭವ್ಯಾ ಚ ಕಲ್ಪಾನನ್ದಕವನ್ದಿತಾ ॥
ಸೂಚೀಮುಖೀ ಪ್ರೇತಮುಖೀ ಉಲ್ಕಾಮುಖೀ ಮಹಾಸುಖೀ ।
ಉಗ್ರಮುಖೀ ಚ ಸುಮುಖೀ ಕಾಕಾಸ್ಯಾ ವಿಕಟಾನನಾ ॥
ಕೃಕಲಾಸ್ಯಾ ಚ ಸನ್ಧ್ಯಾಸ್ಯಾ ಮುಕುಲೀಶಾ ರಮಾಕೃತಿಃ ।
ನಾನಾಮುಖೀ ಚ ನಾನಾಸ್ಯಾ ನಾನಾರೂಪಪ್ರಧಾರಿಣೀ ॥
ವಿಶ್ವಾರ್ಚ್ಯಾ ವಿಶ್ವಮಾತಾ ಚ ವಿಶ್ವಾಖ್ಯಾ ವಿಶ್ವಭಾವಿನೀ ।
ಸೂರ್ಯಾ ಸುರ್ಯಪ್ರಭಾ ಶೋಭಾ ಸೂರ್ಯಮಂಡಲಸಂಸ್ಥಿತಾ ॥
ಸೂರ್ಯಕಾಂತಿಃ ಸೂರ್ಯಕರಾ ಸೂರ್ಯಾಖ್ಯಾ ಸೂರ್ಯಭಾವನಾ ।
ತಪಿನೀ ತಾಪಿನೀ ಧೂಮ್ರಾ ಮರೀಚಿರ್ಜ್ಜ್ವಾಲಿನೀ ರುಚಿಃ ॥
ಸುರದಾ ಭೋಗದಾ ವಿಶ್ವಾ ಬೋಧಿನೀ ಧಾರಿಣೀ ಕ್ಷಮಾ ।
ಯುಗದಾ ಯೋಗಹಾ ಯೋಗ್ಯಾ ಯೋಗ್ಯಹಾ ಯೋಗವರ್ದ್ಧಿನೀ ॥
ವಹ್ನಿಮಂಡಲಸಂಸ್ಥಾ ಚ ವಹ್ನಿಮಂಡಲಮಧ್ಯಗಾ ।
ವಹ್ನಿಮಂಡಲರೂಪಾ ಚ ವಹ್ನಿಮಂಡಲಸಂಜ್ಞಕಾ ॥
ವಹ್ನಿತೇಜಾ ವಹ್ನಿರಾಗಾ ವಹ್ನಿದಾ ವಹ್ನಿನಾಶಿನೀ ।
ವಹ್ನಿಕ್ರಿಯಾ ವಹ್ನಿಭುಜಾ ಕಲಾ ವಹ್ನೌ ಸ್ಥಿತಾ ಸದಾ ॥
ಧೂಮ್ರಾರ್ಚಿತಾ ಚೋಜ್ಜ್ವಲಿನೀ ತಥಾ ಚ ವಿಸ್ಫುಲಿಂಗಿನೀ ।
ಶೂಲಿನೀ ಚ ಸುರೂಪಾ ಚ ಕಪಿಲಾ ಹವ್ಯವಾಹಿನೀ ॥
ನಾನಾತೇಜಸ್ವಿನೀ ದೇವೀ ಪರಬ್ರಹ್ಮಕುಟುಮ್ಬಿನೀ ।
ಜ್ಯೋತಿರ್ಬ್ರಹ್ಮಮಯೀ ದೇವೀ ಪ್ರಬ್ರಹ್ಮಸ್ವರೂಪಿಣೀ ॥
ಪರಮಾತ್ಮಾ ಪರಾ ಪುಣ್ಯಾ ಪುಣ್ಯದಾ ಪುಣ್ಯವರ್ದ್ಧಿನೀ ।
ಪುಣ್ಯದಾ ಪುಣ್ಯನಾಮ್ನೀ ಚ ಪುಣ್ಯಗಂಧಾ ಪ್ರಿಯಾತನುಃ ॥
ಪುಣ್ಯದೇಹಾ ಪುಣ್ಯಕರಾ ಪುಣ್ಯನಿನ್ದಕನಿನ್ದಕಾ ।
ಪುಣ್ಯಕಾಲಕರಾ ಪುಣ್ಯಾ ಸುಪುಣ್ಯಾ ಪುಣ್ಯಮಾಲಿಕಾ ॥
ಪುಣ್ಯಖೇಲಾ ಪುಣ್ಯಕೇಲೀ ಪುಣ್ಯನಾಮಸಮಾ ಪುರಾ ।
ಪುಣ್ಯಸೇವ್ಯಾ ಪುಣ್ಯಖೇಲ್ಯಾ ಪುರಾಣಪುಣ್ಯವಲ್ಲಭಾ ॥
ಪುರುಷಾ ಪುರುಷಪ್ರಾಣಾ ಪುರುಷಾತ್ಮಸ್ವರೂಪಿಣೀ ।
ಪುರುಷಾಂಗೀ ಚ ಪುರುಷೀ ಪುರುಷಸ್ಯ ಕಲಾ ಸದಾ ॥
ಸುಪುಷ್ಪಾ ಪುಷ್ಪಕಪ್ರಾಣಾ ಪುಷ್ಪಹಾ ಪುಷ್ಪವಲ್ಲಭಾ ।
ಪುಷ್ಪಪ್ರಿಯಾ ಪುಷ್ಪಹಾರಾ ಪುಷ್ಪವನ್ದಕವನ್ದಕಾ ॥
ಪುಷ್ಪಹಾ ಪುಷ್ಪಮಾಲಾ ಚ ಪುಷ್ಪನಿನ್ದಕನಾಶಿನೀ ।
ನಕ್ಷತ್ರಪ್ರಾಣಹನ್ತ್ರೀ ಚ ನಕ್ಷತ್ರಾಲಕ್ಷವನ್ದಕಾ ॥
ಲಕ್ಷ್ಯಮಾಲ್ಯಾ ಲಕ್ಷಹಾರಾ ಲಕ್ಷಾ ಲಕ್ಷಸ್ವರೂಪಿಣೀ ।
ನಕ್ಷತ್ರಾಣೀ ಸುನಕ್ಷತ್ರಾ ನಕ್ಷತ್ರಾಹಾ ಮಹೋದಯಾ ॥
ಮಹಾಮಾಲ್ಯಾ ಮಹಾಮಾನ್ಯಾ ಮಹತೀ ಮಾತೃಪೂಜಿತಾ ।
ಮಹಾಮಹಾಕನೀಯಾ ಚ ಮಹಾಕಾಲೇಶ್ವರೀ ಮಹಾ ॥
ಮಹಾಸ್ಯಾ ವನ್ದನೀಯಾ ಚ ಮಹಾಶಬ್ದನಿವಾಸಿನೀ ।
ಮಹಾಶಂಖೇಶ್ವರೀ ಮೀನಾ ಮತ್ಸ್ಯಗಂಧಾ ಮಹೋದರೀ ॥
ಲಮ್ಬೋದರೀ ಚ ಲಮ್ಬೋಷ್ಠೀ ಲಮ್ಬನಿಮ್ನತನೂದರೀ ।
ಲಮ್ಬೋಷ್ಠೀ ಲಮ್ಬನಾಸಾ ಚ ಲಮ್ಬಘೋಣಾ ಲಲತ್ಸುಕಾ ॥
ಅತಿಲಮ್ಬಾ ಮಹಾಲಮ್ಬಾ ಸುಲಮ್ಬಾ ಲಮ್ಬವಾಹಿನೀ ।
ಲಮ್ಬಾರ್ಹಾ ಲಮ್ಬಶಕ್ತಿಶ್ಚ ಲಮ್ಬಸ್ಥಾ ಲಮ್ಬಪೂರ್ವಿಕಾ ॥
ಚತುರ್ಘಂಟಾ ಮಹಾಘಂಟಾ ಘಂಟಾನಾದಪ್ರಿಯಾ ಸದಾ ।
ವಾದ್ಯಪ್ರಿಯಾ ವಾದ್ಯರತಾ ಸುವಾದ್ಯಾ ವಾದ್ಯನಾಶಿನೀ ॥
ರಮಾ ರಾಮಾ ಸುಬಾಲಾ ಚ ರಮಣೀಯಸ್ವಭಾವಿನೀ ।
ಸುರಮ್ಯಾ ರಮ್ಯದಾ ರಮ್ಭಾ ರಮ್ಭೋರೂ ರಾಮವಲ್ಲಭಾ ॥
ಕಾಮಪ್ರಿಯಾ ಕಾಮಕರಾ ಕಾಮಾಂಗೀ ರಮಣೀ ರತಿಃ ।
ರತಿಪ್ರಿಯಾ ರತಿ ರತೀ ರತಿಸೇವ್ಯಾ ರತಿಪ್ರಿಯಾ ॥
ಸುರಭಿಃ ಸುರಭೀ ಶೋಭಾ ದಿಕ್ಷೋಭಾಽಶುಭನಾಶಿನೀ ।
ಸುಶೋಭಾ ಚ ಮಹಾಶೋಭಾಽತಿಶೋಭಾ ಪ್ರೇತತಾಪಿನೀ ॥
ಲೋಭಿನೀ ಚ ಮಹಾಲೋಭಾ ಸುಲೋಭಾ ಲೋಭವರ್ದ್ಧಿನೀ ।
ಲೋಭಾಂಗೀ ಲೋಭವನ್ದ್ಯಾ ಚ ಲೋಭಾಹೀ ಲೋಭಭಾಸಕಾ ॥
ಲೋಭಪ್ರಿಯಾ ಮಹಾಲೋಭಾ ಲೋಭನಿನ್ದಕನಿನ್ದಕಾ ।
ಲೋಭಾಂಗವಾಸಿನೀ ಗಂಧವಿಗಂಧಾ ಗಂಧನಾಶಿನೀ ॥
ಗಂಧಾಂಗೀ ಗಂಧಪುಷ್ಟಾ ಚ ಸುಗಂಧಾ ಪ್ರೇಮಗಂಧಿಕಾ ।
ದುರ್ಗಂಧಾ ಪೂತಿಗಂಧಾ ಚ ವಿಗಂಧಾ ಅತಿಗಂಧಿಕಾ ॥
ಪದ್ಮಾನ್ತಿಕಾ ಪದ್ಮವಹಾ ಪದ್ಮಪ್ರಿಯಪ್ರಿಯಂಕರೀ ।
ಪದ್ಮನಿನ್ದಕನಿನ್ದಾ ಚ ಪದ್ಮಸನ್ತೋಷವಾಹನಾ ॥
ರಕ್ತೋತ್ಪಲವರಾ ದೇವೀ ರಕ್ತೋತ್ಪಲಪ್ರಿಯಾ ಸದಾ ।
ರಕ್ತೋತ್ಪಲಸುಗಂಧಾ ಚ ರಕ್ತೋತ್ಪಲನಿವಾಸಿನೀ ॥
ರಕ್ತೋತ್ಪಲಗ್ರಹಾಮಾಲಾ ರಕ್ತೋತ್ಪಲಮನೋಹರಾ ।
ರಕ್ತೋತ್ಪಲಸುನೇತ್ರಾ ಚ ರಕ್ತೋತ್ಪಲಸ್ವರೂಪಧೃಕ್ ॥
ವೈಷ್ಣವೀ ವಿಷ್ಣುಪೂಜ್ಯಾ ಚ ವೈಷ್ಣವಾಂಗನಿವಾಸಿನೀ ।
ವಿಷ್ಣುಪೂಜಕಪೂಜ್ಯಾ ಚ ವೈಷ್ಣವೇ ಸಂಸ್ಥಿತಾ ತನುಃ ॥
ನಾರಾಯಣಸ್ಯ ದೇಹಸ್ಥಾ ನಾರಾಯಣಮನೋಹರಾ ।
ನಾರಾಯಣಸ್ವರೂಪಾ ಚ ನಾರಾಯಣಮನಃಸ್ಥಿತಾ ॥
ನಾರಾಯಣಾಂಗಸಮ್ಭೂತಾ ನಾರಾಯಣಪ್ರಿಯಾತನುಃ ।
ನಾರೀ ನಾರಾಯಣೀಗಣ್ಯಾ ನಾರಾಯಣಗೃಹಪ್ರಿಯಾ ॥
ಹರಪೂಜ್ಯಾ ಹರಶ್ರೇಷ್ಠಾ ಹರಸ್ಯ ವಲ್ಲಭಾ ಕ್ಷಮಾ ।
ಸಂಹಾರೀ ಹರದೇಹಸ್ಥಾ ಹರಪೂಜನತತ್ಪರಾ ॥
ಹರದೇಹಸಮುದ್ಭೂತಾ ಹರಾಂಗವಾಸಿನೀಕುಹೂಃ ।
ಹರಪೂಜಕಪೂಜ್ಯಾ ಚ ಹರವನ್ದಕತತ್ಪರಾ ॥
ಹರದೇಹಸಮುತ್ಪನ್ನಾ ಹರಕ್ರೀಡಾಸದಾಗತಿಃ ।
ಸುಗಣಾಸಂಗರಹಿತಾ ಅಸಂಗಾಸಂಗನಾಶಿನೀ ॥
ನಿರ್ಜನಾ ವಿಜನಾ ದುರ್ಗಾ ದುರ್ಗಕ್ಲೇಶನಿವಾರಿಣೀ ।
ದುರ್ಗದೇಹಾನ್ತಕಾ ದುರ್ಗಾರೂಪಿಣೀ ದುರ್ಗತಸ್ಥಿಕಾ ॥
ಪ್ರೇತಕರಾ ಪ್ರೇತಪ್ರಿಯಾ ಪ್ರೇತದೇಹಸಮುದ್ಭವಾ ।
ಪ್ರೇತಾಂಗವಾಸಿನೀ ಪ್ರೇತಾ ಪ್ರೇತದೇಹವಿಮರ್ದ್ದಕಾ ॥
ಡಾಕಿನೀ ಯೋಗಿನೀ ಕಾಲರಾತ್ರಿಃ ಕಾಲಪ್ರಿಯಾ ಸದಾ ।
ಕಾಲರಾತ್ರಿಹರಾ ಕಾಲಾ ಕೃಷ್ಣದೇಹಾ ಮಹಾತನುಃ ॥
ಕೃಷ್ಣಾಂಗೀ ಕುಟಿಲಾಂಗೀ ಚ ವಜ್ರಾಂಗೀ ವಜ್ರರೂಪಧೃಕ್ ।
ನಾನಾದೇಹಧರಾ ಧನ್ಯಾ ಷಟ್ಚಕ್ರಕ್ರಮವಾಸಿನೀ ॥
ಮೂಲಾಧಾರನಿವಾಸೀ ಚ ಮೂಲಾಧಾರಸ್ಥಿತಾ ಸದಾ ।
ವಾಯುರೂಪಾ ಮಹಾರೂಪಾ ವಾಯುಮಾರ್ಗನಿವಾಸಿನೀ ॥
ವಾಯುಯುಕ್ತಾ ವಾಯುಕರಾ ವಾಯುಪೂರಕಪೂರಕಾ ।
ವಾಯುರೂಪಧರಾ ದೇವೀ ಸುಷುಮ್ನಾಮಾರ್ಗಗಾಮಿನೀ ॥
ದೇಹಸ್ಥಾ ದೇಹರೂಪಾ ಚ ದೇಹಧ್ಯೇಯಾ ಸುದೇಹಿಕಾ ।
ನಾಡೀರೂಪಾ ಮಹೀರೂಪಾ ನಾಡೀಸ್ಥಾನನಿವಾಸಿನೀ ॥
ಇಂಗಲಾ ಪಿಂಗಲಾ ಚೈವ ಸುಷುಮ್ನಾಮಧ್ಯವಾಸಿನೀ ।
ಸದಾಶಿವಪ್ರಿಯಕರೀ ಮೂಲಪ್ರಕೃತಿರೂಪಧೃಕ್ ॥
ಅಮೃತೇಶೀ ಮಹಾಶಾಲೀ ಶೃಂಗಾರಾಂಗನಿವಾಸಿನೀ ।
ಉಪತ್ತಿಸ್ಥಿತಿಸಂಹನ್ತ್ರೀ ಪ್ರಲಯಾಪದವಾಸಿನೀ ॥
ಮಹಾಪ್ರಲಯಯುಕ್ತಾ ಚ ಸೃಷ್ಟಿಸಂಹಾರಕಾರಿಣೀ ।
ಸ್ವಧಾ ಸ್ವಾಹಾ ಹವ್ಯವಾಹಾ ಹವ್ಯಾ ಹವ್ಯಪ್ರಿಯಾ ಸದಾ ॥
ಹವ್ಯಸ್ಥಾ ಹವ್ಯಭಕ್ಷಾ ಚ ಹವ್ಯದೇಹಸಮುದ್ಭವಾ ।
ಹವ್ಯಕ್ರೀಡಾ ಕಾಮಧೇನುಸ್ವರೂಪಾ ರೂಪಸಮ್ಭವಾ ॥
ಸುರಭೀ ನನ್ದನೀ ಪುಣ್ಯಾ ಯಜ್ಞಾಂಗೀ ಯಜ್ಞಸಮ್ಭವಾ ।
ಯಜ್ಞಸ್ಥಾ ಯಜ್ಞದೇಹಾ ಚ ಯೋನಿಜಾ ಯೋನಿವಾಸಿನೀ ॥
ಅಯೋನಿಜಾ ಸತೀ ಸತ್ಯಾ ಅಸತೀ ಕುಟಿಲಾತನುಃ ।
ಅಹಲ್ಯಾ ಗೌತಮೀ ಗಮ್ಯಾ ವಿದೇಹಾ ದೇಹನಾಶಿನೀ ॥
ಗಾಂಧಾರೀ ದ್ರೌಪದೀ ದೂತೀ ಶಿವಪ್ರಿಯಾ ತ್ರಯೋದಶೀ ।
ಪಂಚದಶೀ ಪೌರ್ಣಮಾಸೀ ಚತುರ್ದ್ದಶೀ ಚ ಪಂಚಮೀ ॥
ಷಷ್ಠೀ ಚ ನವಮೀ ಚೈವ ಅಷ್ಟಮೀ ದಶಮೀ ತಥಾ ।
ಏಕಾದಶೀ ದ್ವಾದಶೀ ಚ ದ್ವಾರರೂಪೀಭಯಪ್ರದಾ ॥
ಸಂಕ್ರಾನ್ತ್ಯಾ ಸಾಮರೂಪಾ ಚ ಕುಲೀನಾ ಕುಲನಾಶಿನೀ ।
ಕುಲಕಾನ್ತಾ ಕೃಶಾ ಕುಮ್ಭಾ ಕುಮ್ಭದೇಹವಿವರ್ದ್ಧಿನೀ ॥
ವಿನೀತಾ ಕುಲವತ್ಯರ್ತ್ಥೀ ಅನ್ತರೀ ಚಾನುಗಾಪ್ಯುಷಾ ।
ನದೀಸಾಗರದಾ ಶಾನ್ತಿಃ ಶಾನ್ತಿರೂಪಾ ಸುಶಾನ್ತಿಕಾ ॥
ಆಶಾ ತೃಷ್ಣಾ ಕ್ಷುಧಾ ಕ್ಷೋಭ್ಯಾ ಕ್ಷೋಭರೂಪನಿವಾಸಿನೀ ।
ಗಂಗಾಸಾಗರಗಾ ಕಾನ್ತಿಃ ಶ್ರುತಿಃ ಸ್ಮೃತಿರ್ದ್ಧೃತಿರ್ಮಹೀ ॥
ದಿವಾರಾತ್ರಿಃ ಪಂಚಭೂತದೇಹಾ ಚೈವ ಸುದೇಹಕಾ ।
ತಂಡುಲಾ ಚ್ಛಿನ್ನಮಸ್ತಾ ಚ ನಾಗಯಜ್ಞೋಪವೀತಿನೀ ॥
ವರ್ಣಿನೀ ಡಾಕಿನೀ ಶಕ್ತಿಃ ಕುರುಕುಲ್ಲಾ ಸುಕುಲ್ಲಕಾ ।
ಪ್ರತ್ಯಂಗಿರಾಽಪರಾ ದೇವೀ ಅಜಿತಾ ಜಯದಾಯಿನೀ ॥
ಜಯಾ ಚ ವಿಜಯಾ ಚೈವ ಮಹಿಷಾಸುರಘಾತಿನೀ ।
ಮಧುಕೈಟಭಹನ್ತ್ರೀ ಚ ಚಂಡಮುಂಡವಿನಾಶಿನೀ ॥
ನಿಶುಮ್ಭಶುಮ್ಭಹನನೀ ರಕ್ತಬೀಜಕ್ಷಯಂಕರೀ ।
ಕಾಶೀ ಕಾಶೀನಿವಾಸೀ ಚ ಮಧುರಾ ಪಾರ್ವತೀ ಪರಾ ॥
ಅಪರ್ಣಾ ಚಂಡಿಕಾ ದೇವೀ ಮೃಡಾನೀ ಚಾಮ್ಬಿಕಾ ಕಲಾ ।
ಶುಕ್ಲಾ ಕೃಷ್ಣಾ ವರ್ಣವರ್ಣಾ ಶರದಿನ್ದುಕಲಾಕೃತಿಃ ॥
ರುಕ್ಮಿಣೀ ರಾಧಿಕಾ ಚೈವ ಭೈರವ್ಯಾಃ ಪರಿಕೀರ್ತ್ತಿತಮ್ ।
ಅಷ್ಟಾಧಿಕಸಹಸ್ರನ್ತು ದೇವ್ಯಾ ನಾಮಾನುಕೀರ್ತ್ತನಾತ್ ॥
ಮಹಾಪಾತಕಯುಕ್ತೋಽಪಿ ಮುಚ್ಯತೇ ನಾತ್ರ ಸಂಶಯಃ ।
ಬ್ರಹ್ಮಹತ್ಯಾ ಸುರಾಪಾನಂ ಸ್ತೇಯಂಗುರ್ವಂಗನಾಗಮಃ ॥
ಮಹಾಪಾತಕಕೋಟ್ಯಸ್ತು ತಥಾ ಚೈವೋಪಪಾತಕಾಃ ।
ಸ್ತೋತ್ರೇಣ ಭೈರವೋಕ್ತೇನ ಸರ್ವನ್ನಶ್ಯತಿ ತತ್ಕ್ಷಣಾತ್ ॥
ಸರ್ವವ್ವಾ ಶ್ಲೋಕಮೇಕವ್ವಾ ಪಠನಾತ್ಸ್ಮರಣಾದಪಿ ।
ಪಠೇದ್ವಾ ಪಾಠಯೇದ್ವಾಪಿ ಸದ್ಯೋ ಮುಚ್ಯೇತ ಬನ್ಧನಾತ್ ॥
ರಾಜದ್ವಾರೇ ರಣೇ ದುರ್ಗೇ ಸಂಕಟೇ ಗಿರಿದುರ್ಗ್ಗಮೇ ।
ಪ್ರಾನ್ತರೇ ಪರ್ವತೇ ವಾಪಿ ನೌಕಾಯಾವ್ವಾ ಮಹೇಶ್ವರಿ ॥
ವಹ್ನಿದುರ್ಗಭಯೇ ಪ್ರಾಪ್ತೇ ಸಿಂಹವ್ಯಾಘ್ರಭ್ಯಾಕುಲೇ ।
ಪಠನಾತ್ಸ್ಮರಣಾನ್ಮರ್ತ್ತ್ಯೋ ಮುಚ್ಯತೇ ಸರ್ವಸಂಕಟಾತ್ ॥
ಅಪುತ್ರೋ ಲಭತೇ ಪುತ್ರನ್ದರಿದ್ರೋ ಧನವಾನ್ಭವೇತ್ ।
ಸರ್ವಶಾಸ್ತ್ರಪರೋ ವಿಪ್ರಃ ಸರ್ವಯಜ್ಞಫಲಲ್ಲಭೇತ್ ॥
ಅಗ್ನಿವಾಯುಜಲಸ್ತಮ್ಭಂಗತಿಸ್ತಮ್ಭವಿವಸ್ವತಃ ।
ಮಾರಣೇ ದ್ವೇಷಣೇ ಚೈವ ತಥೋಚ್ಚಾಟೇ ಮಹೇಶ್ವರಿ ॥
ಗೋರೋಚನಾಕುಂಕುಮೇನ ಲಿಖೇತ್ಸ್ತೋತ್ರಮನನ್ಯಧೀಃ ।
ಗುರುಣಾ ವೈಷ್ಣವೈರ್ವಾಪಿ ಸರ್ವಯಜ್ಞಫಲಲ್ಲಭೇತ್ ॥
ವಶೀಕರಣಮತ್ರೈವ ಜಾಯನ್ತೇ ಸರ್ವಸಿದ್ಧಯಃ ।
ಪ್ರಾತಃಕಾಲೇ ಶುಚಿರ್ಬ್ಭೂತ್ವಾ ಮಧ್ಯಾಹ್ನೇ ಚ ನಿಶಾಮುಖೇ ॥
ಪಠೇದ್ವಾ ಪಾಠಯೇದ್ವಾಪಿ ಸರ್ವಯಜ್ಞಫಲಲ್ಲಭೇತ್ ।
ವಾದೀ ಮೂಕೋ ಭವೇದ್ದುಷ್ಟೋ ರಾಜಾ ಚ ಸೇವಕೋ ಯಥಾ ॥
ಆದಿತ್ಯಮಂಗಲದಿನೇ ಗುರೌ ವಾಪಿ ಮಹೇಶ್ವರಿ ।
ಗೋರೋಚನಾಕುಂಕುಮೇನ ಲಿಖೇತ್ಸ್ತೋತ್ರಮನನ್ಯಧೀಃ ॥
ಗುರುಣಾ ವೈಷ್ಣವೈರ್ವಾಪಿ ಸರ್ವಯಜ್ಞಫಲಲ್ಲಭೇತ್ ।
ಧೃತ್ವಾ ಸುವರ್ಣಮಧ್ಯಸ್ಥಂ ಸರ್ವಾನ್ಕಾಮಾನವಾಪ್ನುಯಾತ್ ॥
ಸ್ತ್ರೀಣಾವ್ವಾಮಕರೇ ಧಾರ್ಯಮ್ಪುಮಾನ್ದಕ್ಷಕರೇ ತಥಾ ।
ಆದಿತ್ಯಮಂಗಲದಿನೇ ಗುರೌ ವಾಪಿ ಮಹೇಶ್ವರಿ ॥
ಶನೈಶ್ಚರೇ ಲಿಖೇದ್ವಾಪಿ ಸರ್ವಸಿದ್ಧಿಂ ಲಭೇದ್ಧ್ರುವಮ್ ।
ಪ್ರಾನ್ತರೇ ವಾ ಶ್ಮಶಾನೇ ವಾ ನಿಶಾಯಾಮರ್ದ್ಧರಾತ್ರಕೇ ॥
ಶೂನ್ಯಾಗಾರೇ ಚ ದೇವೇಶಿ ಲಿಖೇದ್ಯತ್ನೇನ ಸಾಧಕಃ ।
ಸಿಂಹರಾಶೌ ಗುರುಗತೇ ಕರ್ಕ್ಕಟಸ್ಥೇ ದಿವಾಕರೇ ॥
ಮೀನರಾಶೌ ಗುರುಗತೇ ಲಿಖೇದ್ಯತ್ನೇನ ಸಾಧಕಃ ।
ರಜಸ್ವಲಾಭಗನ್ದೃಷ್ಟ್ವಾ ತತ್ರಸ್ಥೋ ವಿಲಿಖೇತ್ಸದಾ ॥
ಸುಗಂಧಿಕುಸುಮೈಃ ಶುಕ್ರೈಃ ಸುಗಂಧಿಗಂಧಚನ್ದನೈಃ ।
ಮೃಗನಾಭಿಮೃಗಮದೈರ್ವಿಲಿಖೇದ್ಯತ್ನಪೂರ್ವಕಮ್ ॥
ಲಿಖಿತ್ವಾ ಚ ಪಠಿತ್ವಾ ಚ ಧಾರಯೇಚ್ಚಾಪ್ಯನನ್ಯಧೀಃ ।
ಕುಮಾರೀಮ್ಪೂಜಯಿತ್ವಾ ಚ ನಾರೀಶ್ಚಾಪಿ ಪ್ರಪೂಜಯೇತ್ ॥
ಪೂಜಯಿತ್ವಾ ಚ ಕುಸುಮೈರ್ಗ್ಗನ್ಧಚನ್ದನವಸ್ತ್ರಕೈಃ ।
ಸಿನ್ದೂರರಕ್ತಕುಸುಮೈಃ ಪೂಜಯೇದ್ಭಕ್ತಿಯೋಗತಃ ॥
ಅಥವಾ ಪೂಜಯೇದ್ದೇವಿ ಕುಮಾರೀರ್ದ್ದಶಮಾವಧೀಃ ।
ಸರ್ವಾಭೀಷ್ಟಫಲನ್ತತ್ರ ಲಭತೇ ತತ್ಕ್ಷಣಾದಪಿ ॥
ನಾತ್ರ ಸಿದ್ಧಾದ್ಯಪೇಕ್ಷಾಸ್ತಿ ನ ವಾ ಮಿತ್ರಾರಿದೂಷಣಮ್ ।
ನ ವಿಚಾರ್ಯಂಚ ದೇವೇಶಿ ಜಪಮಾತ್ರೇಣ ಸಿದ್ಧಿದಮ್ ॥
ಸರ್ವದಾ ಸರ್ವಕಾರ್ಯೇಷು ಷಟ್ಸಾಹಸ್ರಪ್ರಮಾಣತಃ ।
ಬಲಿನ್ದತ್ತ್ವಾ ವಿಧಾನೇನ ಪ್ರತ್ಯಹಮ್ಪೂಜಯೇಚ್ಛಿವಾಮ್ ॥
ಸ್ವಯಂಭೂಕುಸುಮೈಃ ಪುಷ್ಪೈರ್ಬ್ಬಲಿದಾನನ್ದಿವಾನಿಶಮ್ ।
ಪೂಜಯೇತ್ಪಾರ್ವತೀನ್ದೇವೀಮ್ಭೈರವೀನ್ತ್ರಿಪುರಾತ್ಮಿಕಾಮ್ ॥
ಬ್ರಾಹ್ಮಣಾನ್ಭೋಜಯೇನ್ನಿತ್ಯನ್ದಶಕನ್ದ್ವಾದಶನ್ತಥಾ ।
ಅನೇನ ವಿಧಿನಾ ದೇವಿ ಬಾಲಾನ್ನಿತ್ಯಮ್ಪ್ರಪೂಜಯೇತ್ ॥
ಮಾಸಮೇಕಮ್ಪಠೇದ್ಯಸ್ತು ತ್ರಿಸನ್ಧ್ಯವ್ವಿಧಿನಾಮುನಾ ।
ಅಪುತ್ರೋ ಲಭತೇ ಪುತ್ರನ್ನಿರ್ದ್ಧನೋ ಧನವಾನ್ಭವೇತ್ ॥
ಸದಾ ಚಾನೇನ ವಿಧಿನಾ ತಥಾ ಮಾಸತ್ರಯೇಣ ಚ ।
ಕೃತಕಾರ್ಯಂ ಭವೇದ್ದೇವಿ ತಥಾ ಮಾಸಚತುಷ್ಟಯೇ ॥
ದೀರ್ಗ್ಘರೋಗಾತ್ಪ್ರಮುಚ್ಯೇತ ಪಂಚಮೇ ಕವಿರಾಡ್ಭವೇತ್ ।
ಸರ್ವೈಶ್ವರ್ಯಂ ಲಭೇದ್ದೇವಿ ಮಾಸಷಟ್ಕೇ ತಥೈವ ಚ ॥
ಸಪ್ತಮೇ ಖೇಚರತ್ವಂಚ ಅಷ್ಟಮೇ ಚ ವೃಹದ್ದ್ಯುತಿಃ ।
ನವಮೇ ಸರ್ವಸಿದ್ಧಿಃ ಸ್ಯಾದ್ದಶಮೇ ಲೋಕಪೂಜಿತಃ ॥
ಏಕಾದಶೇ ರಾಜವಶ್ಯೋ ದ್ವಾದಶೇ ತು ಪುರನ್ದರಃ ।
ವಾರಮೇಕಮ್ಪಠೇದ್ಯಸ್ತು ಪ್ರಾಪ್ನೋತಿ ಪೂಜನೇ ಫಲಮ್ ॥
ಸಮಗ್ರಂ ಶ್ಲೋಕಮೇಕವ್ವಾ ಯಃ ಪಠೇತ್ಪ್ರಯತಃ ಶುಚಿಃ ।
ಸ ಪೂಜಾಫಲಮಾಪ್ನೋತಿ ಭೈರವೇಣ ಚ ಭಾಷಿತಮ್ ॥
ಆಯುಷ್ಮತ್ಪ್ರೀತಿಯೋಗೇ ಚ ಬ್ರಾಹ್ಮೈನ್ದ್ರೇ ಚ ವಿಶೇಷತಃ ।
ಪಂಚಮ್ಯಾಂಚ ತಥಾ ಷಷ್ಠ್ಯಾಯ್ಯತ್ರ ಕುತ್ರಾಪಿ ತಿಷ್ಠತಿ ॥
ಶಂಕಾ ನ ವಿದ್ಯತೇ ತತ್ರ ನ ಚ ಮಾಯಾದಿದೂಷಣಮ್ ।
ವಾರಮೇಕಂ ಪಠೇನ್ಮರ್ತ್ತ್ಯೋ ಮುಚ್ಯತೇ ಸರ್ವಸಂಕಟಾತ್ ।
ಕಿಮನ್ಯದ್ಬಹುನಾ ದೇವಿ ಸರ್ವಾಭೀಷ್ಟಫಲಲ್ಲಭೇತ್ ॥
॥ ಇತಿ ಶ್ರೀವಿಶ್ವಸಾರೇ ಮಹಾಭೈರವವಿರಚಿತಂ
ಶ್ರೀಮತ್ತ್ರಿಪುರಭೈರವೀಸಹಸ್ರನಾಮಸ್ತೋತ್ರಂ ಸಮಾಪ್ತಮ್ ॥