॥ Tripurabhairavi Sahasranamastotram Telugu Lyrics ॥
॥ శ్రీత్రిపురభైరవీసహస్రనామస్తోత్రమ్ ॥
అథ శ్రీత్రిపురభైరవీసహస్రనామస్తోత్రమ్
మహాకాలభైరవ ఉవాచ
అథ వక్ష్యే మహేశాని దేవ్యా నామసహస్రకమ్ ।
యత్ప్రసాదాన్మహాదేవి చతుర్వర్గఫలల్లభేత్ ॥ ౧ ॥
సర్వరోగప్రశమనం సర్వమృత్యువినాశనమ్ ।
సర్వసిద్ధికరం స్తోత్రన్నాతః పరతః స్తవః ॥ ౨ ॥
నాతః పరతరా విద్యా తీర్త్థన్నాతః పరం స్మృతమ్ ।
యస్యాం సర్వం సముత్పన్నయ్యస్యామద్యాపి తిష్ఠతి ॥ ౩ ॥
క్షయమేష్యతి తత్సర్వం లయకాలే మహేశ్వరి ।
నమామి త్రిపురాన్దేవీమ్భైరవీం భయమోచినీమ్ ।
సర్వసిద్ధికరీం సాక్షాన్మహాపాతకనాశినీమ్ ॥ ౪ ॥
అస్య శ్రీత్రిపురభైరవీసహస్రనామస్తోత్రస్య భగవాన్ ఋషిః।
పఙ్క్తిశ్ఛన్దః। ఆద్యా శక్తిః। భగవతీ త్రిపురభైరవీ దేవతా ।
సర్వకామార్త్థసిద్ధ్యర్త్థే జపే వినియోగః ॥
ఓం త్రిపురా పరమేశానీ యోగసిద్ధినివాసినీ ।
సర్వమన్త్రమయీ దేవీ సర్వసిద్ధిప్రవర్త్తినీ ॥
సర్వాధారమయీ దేవీ సర్వసమ్పత్ప్రదా శుభా ।
యోగినీ యోగమాతా చ యోగసిద్ధిప్రవర్త్తినీ ॥
యోగిధ్యేయా యోగమయీ యోగయోగనివాసినీ ।
హేలా లీలా తథా క్రీడా కాలరూపప్రవర్త్తినీ ॥
కాలమాతా కాలరాత్రిః కాలీ కామలవాసినీ ।
కమలా కాన్తిరూపా చ కామరాజేశ్వరీ క్రియా ॥
కటుః కపటకేశా చ కపటా కులటాకృతిః ।
కుముదా చర్చ్చికా కాన్తిః కాలరాత్రిప్రియా సదా ॥
ఘోరాకారా ఘోరతరా ధర్మాధర్మప్రదా మతిః ।
ఘణ్టా ఘర్గ్ఘరదా ఘణ్టా ఘణ్టానాదప్రియా సదా ॥
సూక్ష్మా సూక్ష్మతరా స్థూలా అతిస్థూలా సదా మతిః ।
అతిసత్యా సత్యవతీ సత్యసఙ్కేతవాసినీ ॥
క్షమా భీమా తథాఽభీమా భీమనాదప్రవర్త్తినీ ।
భ్రమరూపా భయహరా భయదా భయనాశినీ ॥
శ్మశానవాసినీ దేవీ శ్మశానాలయవాసినీ ।
శవాసనా శవాహారా శవదేహా శివాశివా ॥
కణ్ఠదేశశవాహారా శవకఙ్కణధారిణీ ।
దన్తురా సుదతీ సత్యా సత్యసఙ్కేతవాసినీ ॥
సత్యదేహా సత్యహారా సత్యవాదినివాసినీ ।
సత్యాలయా సత్యసఙ్గా సత్యసఙ్గరకారిణీ ॥
అసఙ్గా సాఙ్గరహితా సుసఙ్గా సఙ్గమోహినీ ।
మాయామతిర్మహామాయా మహామఖవిలాసినీ ॥
గలద్రుధిరధారా చ ముఖద్వయనివాసినీ ।
సత్యాయాసా సత్యసఙ్గా సత్యసఙ్గతికారిణీ ॥
అసఙ్గా సఙ్గనిరతా సుసఙ్గా సఙ్గవాసినీ ।
సదాసత్యా మహాసత్యా మాంసపాశా సుమాంసకా ॥
మాంసాహారా మాంసధరా మాంసాశీ మాంసభక్షకా ।
రక్తపానా రక్తరుచిరా రక్తా రక్తవల్లభా ॥
రక్తాహారా రక్తప్రియా రక్తనిన్దకనాశినీ ।
రక్తపానప్రియా బాలా రక్తదేశా సురక్తికా ॥
స్వయంభూకుసుమస్థా చ స్వయంభూకుసుమోత్సుకా ।
స్వయంభూకుసుమాహారా స్వయంభూనిన్దకాసనా ॥
స్వయంభూపుష్పకప్రీతా స్వయంభూపుష్పసమ్భవా ।
స్వయంభూపుష్పహారాఢ్యా స్వయంభూనిన్దకాన్తకా ॥
కుణ్డగోలవిలాసీ చ కుణ్డగోలసదామతిః ।
కుణ్డగోలప్రియకరీ కుణ్డగోలసముద్భవా ॥
శుక్రాత్మికా శుక్రకరా సుశుక్రా చ సుశుక్తికా ।
శుక్రపూజకపూజ్యా చ శుక్రనిన్దకనిన్దకా ॥
రక్తమాల్యా రక్తపుష్పా రక్తపుష్పకపుష్పకా ।
రక్తచన్దనసిక్తాఙ్గీ రక్తచన్దననిన్దకా ॥
మత్స్యా మత్స్యప్రియా మాన్యా మత్స్యభక్షా మహోదయా ।
మత్స్యాహారా మత్స్యకామా మత్స్యనిన్దకనాశినీ ॥
కేకరాక్షీ తథా క్రూరా క్రూరసైన్యవినాశినీ ।
క్రూరాఙ్గీ కులిశాఙ్గీ చ చక్రాఙ్గీ చక్రసమ్భవా ॥
చక్రదేహా చక్రహారా చక్రకఙ్కాలవాసినీ ।
నిమ్ననాభీ భీతిహరా భయదా భయహారికా ॥
భయప్రదా భయభీతా అభీమా భీమనాదినీ ।
సున్దరీ శోభనా సత్యా క్షేమ్యా క్షేమకరీ తథా ॥
సిన్దూరాఞ్చితసిన్దూరా సిన్దూరసదృశాకృతిః ।
రక్తారఞ్జితనాసా చ సునాసా నిమ్ననాసికా ॥
ఖర్వా లమ్బోదరీ దీర్గ్ఘా దీర్గ్ఘఘోణా మహాకుచా ।
కుటిలా చఞ్చలా చణ్డీ చణ్డనాదప్రచణ్డికా ॥
అతిచణ్డా మహాచణ్డా శ్రీచణ్డాచణ్డవేగినీ ।
చాణ్డాలీ చణ్డికా చణ్డశబ్దరూపా చ చఞ్చలా ॥
చమ్పా చమ్పావతీ చోస్తా తీక్ష్ణా తీక్ష్ణప్రియా క్షతిః ।
జలదా జయదా యోగా జగదానన్దకారిణీ ॥
జగద్వన్ద్యా జగన్మాతా జగతీ జగతక్షమా ।
జన్యా జయజనేత్రీ చ జయినీ జయదా తథా ॥
జననీ చ జగద్ధాత్రీ జయాఖ్యా జయరూపిణీ ।
జగన్మాతా జగన్మాన్యా జయశ్రీర్జ్జయకారిణీ ॥
జయినీ జయమాతా చ జయా చ విజయా తథా ।
ఖడ్గినీ ఖడ్గరూపా చ సుఖడ్గా ఖడ్గధారిణీ ॥
ఖడ్గరూపా ఖడ్గకరా ఖడ్గినీ ఖడ్గవల్లభా ।
ఖడ్గదా ఖడ్గభావా చ ఖడ్గదేహసముద్భవా ॥
ఖడ్గా ఖడ్గధరా ఖేలా ఖడ్గినీ ఖడ్గమణ్డినీ ।
శఙ్ఖినీ చాపినీ దేవీ వజ్రిణీ శులినీ మతిః ॥
బలినీ భిన్దిపాలీ చ పాశీ చ అఙ్కుశీ శరీ ।
ధనుషీ చటకీ చర్మా దన్తీ చ కర్ణనాలికీ ॥
ముసలీ హలరూపా చ తూణీరగణవాసినీ ।
తూణాలయా తూణహరా తూణసమ్భవరూపిణీ ॥
సుతూణీ తూణఖేదా చ తూణాఙ్గీ తూణవల్లభా ।
నానాస్త్రధారిణీ దేవీ నానాశస్త్రసముద్భవా ॥
లాక్షా లక్షహరా లాభా సులాభా లాభనాశినీ ।
లాభహారా లాభకరా లాభినీ లాభరూపిణీ ॥
ధరిత్రీ ధనదా ధాన్యా ధన్యరూపా ధరా ధనుః ।
ధురశబ్దా ధురామాన్యా ధరాఙ్గీ ధననాశినీ ॥
ధనహా ధనలాభా చ ధనలభ్యా మహాధనుః ।
అశాన్తా శాన్తిరూపా చ శ్వాసమార్గనివాసినీ ॥
గగణా గణసేవ్యా చ గణాఙ్గావాగవల్లభా ।
గణదా గణహా గమ్యా గమనాగమసున్దరీ ॥
గమ్యదా గణనాశీ చ గదహా గదవర్ద్ధినీ ।
స్థైర్యా చ స్థైర్యనాశా చ స్థైర్యాన్తకరణీ కులా ॥
దాత్రీ కర్త్రీ ప్రియా ప్రేమా ప్రియదా ప్రియవర్ద్ధినీ ।
ప్రియహా ప్రియభవ్యా చ ప్రియప్రేమాఙ్ఘ్రిపాతనుః ॥
ప్రియజా ప్రియభవ్యా చ ప్రియస్థా భవనస్థితా ।
సుస్థిరా స్థిరరూపా చ స్థిరదా స్థైర్యబర్హిణీ ॥
చఞ్చలా చపలా చోలా చపలాఙ్గనివాసినీ ।
గౌరీ కాలీ తథా ఛిన్నా మాయా మాన్యా హరప్రియా ॥
సున్దరీ త్రిపురా భవ్యా త్రిపురేశ్వరవాసినీ ।
త్రిపురనాశినీ దేవీ త్రిపురప్రాణహారిణీ ॥
భైరవీ భైరవస్థా చ భైరవస్య ప్రియా తనుః ।
భవాఙ్గీ భైరవాకారా భైరవప్రియవల్లభా ॥
కాలదా కాలరాత్రిశ్చ కామా కాత్యాయనీ క్రియా ।
క్రియదా క్రియహా క్లైబ్యా ప్రియప్రాణక్రియా తథా ॥
క్రీఙ్కారీ కమలా లక్ష్మీః శక్తిః స్వాహా విభుః ప్రభుః ।
ప్రకృతిః పురుషశ్చైవ పురుషాపురుషాకృతిః ॥
పరమః పురుషశ్చైవ మాయా నారాయణీ మతిః ।
బ్రాహ్మీ మాహేశ్వరీ చైవ కౌమారీ వైష్ణవీ తథా ॥
వారాహీ చైవ చాముణ్డా ఇన్ద్రాణీ హరవల్లభా ।
భర్గ్గీ మాహేశ్వరీ కృష్ణా కాత్యాయన్యపి పూతనా ॥
రాక్షసీ డాకినీ చిత్రా విచిత్రా విభ్రమా తథా ।
హాకినీ రాకినీ భీతా గంధర్వా గంధవాహినీ ॥
కేకరీ కోటరాక్షీ చ నిర్మాంసాలూకమాంసికా ।
లలజ్జిహ్వా సుజిహ్వా చ బాలదా బాలదాయినీ ॥
చన్ద్రా చన్ద్రప్రభా చాన్ద్రీ చన్ద్రకాంతిషు తత్పరా ।
అమృతా మానదా పూషా తుష్టిః పుష్టీ రతిర్ధృతిః ॥
శశినీ చన్ద్రికా కాంతిర్జ్జ్యోత్స్నా శ్రీః ప్రీతిరఙ్గదా ।
పూర్ణా పూర్ణామృతా కల్పలతికా కల్పదానదా ॥
సుకల్పా కల్పహస్తా చ కల్పవృక్షకరీ హనుః ।
కల్పాఖ్యా కల్పభవ్యా చ కల్పానన్దకవన్దితా ॥
సూచీముఖీ ప్రేతముఖీ ఉల్కాముఖీ మహాసుఖీ ।
ఉగ్రముఖీ చ సుముఖీ కాకాస్యా వికటాననా ॥
కృకలాస్యా చ సన్ధ్యాస్యా ముకులీశా రమాకృతిః ।
నానాముఖీ చ నానాస్యా నానారూపప్రధారిణీ ॥
విశ్వార్చ్యా విశ్వమాతా చ విశ్వాఖ్యా విశ్వభావినీ ।
సూర్యా సుర్యప్రభా శోభా సూర్యమణ్డలసంస్థితా ॥
సూర్యకాంతిః సూర్యకరా సూర్యాఖ్యా సూర్యభావనా ।
తపినీ తాపినీ ధూమ్రా మరీచిర్జ్జ్వాలినీ రుచిః ॥
సురదా భోగదా విశ్వా బోధినీ ధారిణీ క్షమా ।
యుగదా యోగహా యోగ్యా యోగ్యహా యోగవర్ద్ధినీ ॥
వహ్నిమణ్డలసంస్థా చ వహ్నిమణ్డలమధ్యగా ।
వహ్నిమణ్డలరూపా చ వహ్నిమణ్డలసఞ్జ్ఞకా ॥
వహ్నితేజా వహ్నిరాగా వహ్నిదా వహ్నినాశినీ ।
వహ్నిక్రియా వహ్నిభుజా కలా వహ్నౌ స్థితా సదా ॥
ధూమ్రార్చితా చోజ్జ్వలినీ తథా చ విస్ఫులిఙ్గినీ ।
శూలినీ చ సురూపా చ కపిలా హవ్యవాహినీ ॥
నానాతేజస్వినీ దేవీ పరబ్రహ్మకుటుమ్బినీ ।
జ్యోతిర్బ్రహ్మమయీ దేవీ ప్రబ్రహ్మస్వరూపిణీ ॥
పరమాత్మా పరా పుణ్యా పుణ్యదా పుణ్యవర్ద్ధినీ ।
పుణ్యదా పుణ్యనామ్నీ చ పుణ్యగంధా ప్రియాతనుః ॥
పుణ్యదేహా పుణ్యకరా పుణ్యనిన్దకనిన్దకా ।
పుణ్యకాలకరా పుణ్యా సుపుణ్యా పుణ్యమాలికా ॥
పుణ్యఖేలా పుణ్యకేలీ పుణ్యనామసమా పురా ।
పుణ్యసేవ్యా పుణ్యఖేల్యా పురాణపుణ్యవల్లభా ॥
పురుషా పురుషప్రాణా పురుషాత్మస్వరూపిణీ ।
పురుషాఙ్గీ చ పురుషీ పురుషస్య కలా సదా ॥
సుపుష్పా పుష్పకప్రాణా పుష్పహా పుష్పవల్లభా ।
పుష్పప్రియా పుష్పహారా పుష్పవన్దకవన్దకా ॥
పుష్పహా పుష్పమాలా చ పుష్పనిన్దకనాశినీ ।
నక్షత్రప్రాణహన్త్రీ చ నక్షత్రాలక్షవన్దకా ॥
లక్ష్యమాల్యా లక్షహారా లక్షా లక్షస్వరూపిణీ ।
నక్షత్రాణీ సునక్షత్రా నక్షత్రాహా మహోదయా ॥
మహామాల్యా మహామాన్యా మహతీ మాతృపూజితా ।
మహామహాకనీయా చ మహాకాలేశ్వరీ మహా ॥
మహాస్యా వన్దనీయా చ మహాశబ్దనివాసినీ ।
మహాశఙ్ఖేశ్వరీ మీనా మత్స్యగంధా మహోదరీ ॥
లమ్బోదరీ చ లమ్బోష్ఠీ లమ్బనిమ్నతనూదరీ ।
లమ్బోష్ఠీ లమ్బనాసా చ లమ్బఘోణా లలత్సుకా ॥
అతిలమ్బా మహాలమ్బా సులమ్బా లమ్బవాహినీ ।
లమ్బార్హా లమ్బశక్తిశ్చ లమ్బస్థా లమ్బపూర్వికా ॥
చతుర్ఘణ్టా మహాఘణ్టా ఘణ్టానాదప్రియా సదా ।
వాద్యప్రియా వాద్యరతా సువాద్యా వాద్యనాశినీ ॥
రమా రామా సుబాలా చ రమణీయస్వభావినీ ।
సురమ్యా రమ్యదా రమ్భా రమ్భోరూ రామవల్లభా ॥
కామప్రియా కామకరా కామాఙ్గీ రమణీ రతిః ।
రతిప్రియా రతి రతీ రతిసేవ్యా రతిప్రియా ॥
సురభిః సురభీ శోభా దిక్షోభాఽశుభనాశినీ ।
సుశోభా చ మహాశోభాఽతిశోభా ప్రేతతాపినీ ॥
లోభినీ చ మహాలోభా సులోభా లోభవర్ద్ధినీ ।
లోభాఙ్గీ లోభవన్ద్యా చ లోభాహీ లోభభాసకా ॥
లోభప్రియా మహాలోభా లోభనిన్దకనిన్దకా ।
లోభాఙ్గవాసినీ గంధవిగంధా గంధనాశినీ ॥
గంధాఙ్గీ గంధపుష్టా చ సుగంధా ప్రేమగంధికా ।
దుర్గంధా పూతిగంధా చ విగంధా అతిగంధికా ॥
పద్మాన్తికా పద్మవహా పద్మప్రియప్రియఙ్కరీ ।
పద్మనిన్దకనిన్దా చ పద్మసన్తోషవాహనా ॥
రక్తోత్పలవరా దేవీ రక్తోత్పలప్రియా సదా ।
రక్తోత్పలసుగంధా చ రక్తోత్పలనివాసినీ ॥
రక్తోత్పలగ్రహామాలా రక్తోత్పలమనోహరా ।
రక్తోత్పలసునేత్రా చ రక్తోత్పలస్వరూపధృక్ ॥
వైష్ణవీ విష్ణుపూజ్యా చ వైష్ణవాఙ్గనివాసినీ ।
విష్ణుపూజకపూజ్యా చ వైష్ణవే సంస్థితా తనుః ॥
నారాయణస్య దేహస్థా నారాయణమనోహరా ।
నారాయణస్వరూపా చ నారాయణమనఃస్థితా ॥
నారాయణాఙ్గసమ్భూతా నారాయణప్రియాతనుః ।
నారీ నారాయణీగణ్యా నారాయణగృహప్రియా ॥
హరపూజ్యా హరశ్రేష్ఠా హరస్య వల్లభా క్షమా ।
సంహారీ హరదేహస్థా హరపూజనతత్పరా ॥
హరదేహసముద్భూతా హరాఙ్గవాసినీకుహూః ।
హరపూజకపూజ్యా చ హరవన్దకతత్పరా ॥
హరదేహసముత్పన్నా హరక్రీడాసదాగతిః ।
సుగణాసఙ్గరహితా అసఙ్గాసఙ్గనాశినీ ॥
నిర్జనా విజనా దుర్గా దుర్గక్లేశనివారిణీ ।
దుర్గదేహాన్తకా దుర్గారూపిణీ దుర్గతస్థికా ॥
ప్రేతకరా ప్రేతప్రియా ప్రేతదేహసముద్భవా ।
ప్రేతాఙ్గవాసినీ ప్రేతా ప్రేతదేహవిమర్ద్దకా ॥
డాకినీ యోగినీ కాలరాత్రిః కాలప్రియా సదా ।
కాలరాత్రిహరా కాలా కృష్ణదేహా మహాతనుః ॥
కృష్ణాఙ్గీ కుటిలాఙ్గీ చ వజ్రాఙ్గీ వజ్రరూపధృక్ ।
నానాదేహధరా ధన్యా షట్చక్రక్రమవాసినీ ॥
మూలాధారనివాసీ చ మూలాధారస్థితా సదా ।
వాయురూపా మహారూపా వాయుమార్గనివాసినీ ॥
వాయుయుక్తా వాయుకరా వాయుపూరకపూరకా ।
వాయురూపధరా దేవీ సుషుమ్నామార్గగామినీ ॥
దేహస్థా దేహరూపా చ దేహధ్యేయా సుదేహికా ।
నాడీరూపా మహీరూపా నాడీస్థాననివాసినీ ॥
ఇఙ్గలా పిఙ్గలా చైవ సుషుమ్నామధ్యవాసినీ ।
సదాశివప్రియకరీ మూలప్రకృతిరూపధృక్ ॥
అమృతేశీ మహాశాలీ శృఙ్గారాఙ్గనివాసినీ ।
ఉపత్తిస్థితిసంహన్త్రీ ప్రలయాపదవాసినీ ॥
మహాప్రలయయుక్తా చ సృష్టిసంహారకారిణీ ।
స్వధా స్వాహా హవ్యవాహా హవ్యా హవ్యప్రియా సదా ॥
హవ్యస్థా హవ్యభక్షా చ హవ్యదేహసముద్భవా ।
హవ్యక్రీడా కామధేనుస్వరూపా రూపసమ్భవా ॥
సురభీ నన్దనీ పుణ్యా యజ్ఞాఙ్గీ యజ్ఞసమ్భవా ।
యజ్ఞస్థా యజ్ఞదేహా చ యోనిజా యోనివాసినీ ॥
అయోనిజా సతీ సత్యా అసతీ కుటిలాతనుః ।
అహల్యా గౌతమీ గమ్యా విదేహా దేహనాశినీ ॥
గాంధారీ ద్రౌపదీ దూతీ శివప్రియా త్రయోదశీ ।
పఞ్చదశీ పౌర్ణమాసీ చతుర్ద్దశీ చ పఞ్చమీ ॥
షష్ఠీ చ నవమీ చైవ అష్టమీ దశమీ తథా ।
ఏకాదశీ ద్వాదశీ చ ద్వారరూపీభయప్రదా ॥
సఙ్క్రాన్త్యా సామరూపా చ కులీనా కులనాశినీ ।
కులకాన్తా కృశా కుమ్భా కుమ్భదేహవివర్ద్ధినీ ॥
వినీతా కులవత్యర్త్థీ అన్తరీ చానుగాప్యుషా ।
నదీసాగరదా శాన్తిః శాన్తిరూపా సుశాన్తికా ॥
ఆశా తృష్ణా క్షుధా క్షోభ్యా క్షోభరూపనివాసినీ ।
గఙ్గాసాగరగా కాన్తిః శ్రుతిః స్మృతిర్ద్ధృతిర్మహీ ॥
దివారాత్రిః పఞ్చభూతదేహా చైవ సుదేహకా ।
తణ్డులా చ్ఛిన్నమస్తా చ నాగయజ్ఞోపవీతినీ ॥
వర్ణినీ డాకినీ శక్తిః కురుకుల్లా సుకుల్లకా ।
ప్రత్యఙ్గిరాఽపరా దేవీ అజితా జయదాయినీ ॥
జయా చ విజయా చైవ మహిషాసురఘాతినీ ।
మధుకైటభహన్త్రీ చ చణ్డముణ్డవినాశినీ ॥
నిశుమ్భశుమ్భహననీ రక్తబీజక్షయఙ్కరీ ।
కాశీ కాశీనివాసీ చ మధురా పార్వతీ పరా ॥
అపర్ణా చణ్డికా దేవీ మృడానీ చామ్బికా కలా ।
శుక్లా కృష్ణా వర్ణవర్ణా శరదిన్దుకలాకృతిః ॥
రుక్మిణీ రాధికా చైవ భైరవ్యాః పరికీర్త్తితమ్ ।
అష్టాధికసహస్రన్తు దేవ్యా నామానుకీర్త్తనాత్ ॥
మహాపాతకయుక్తోఽపి ముచ్యతే నాత్ర సంశయః ।
బ్రహ్మహత్యా సురాపానం స్తేయఙ్గుర్వఙ్గనాగమః ॥
మహాపాతకకోట్యస్తు తథా చైవోపపాతకాః ।
స్తోత్రేణ భైరవోక్తేన సర్వన్నశ్యతి తత్క్షణాత్ ॥
సర్వవ్వా శ్లోకమేకవ్వా పఠనాత్స్మరణాదపి ।
పఠేద్వా పాఠయేద్వాపి సద్యో ముచ్యేత బన్ధనాత్ ॥
రాజద్వారే రణే దుర్గే సఙ్కటే గిరిదుర్గ్గమే ।
ప్రాన్తరే పర్వతే వాపి నౌకాయావ్వా మహేశ్వరి ॥
వహ్నిదుర్గభయే ప్రాప్తే సింహవ్యాఘ్రభ్యాకులే ।
పఠనాత్స్మరణాన్మర్త్త్యో ముచ్యతే సర్వసఙ్కటాత్ ॥
అపుత్రో లభతే పుత్రన్దరిద్రో ధనవాన్భవేత్ ।
సర్వశాస్త్రపరో విప్రః సర్వయజ్ఞఫలల్లభేత్ ॥
అగ్నివాయుజలస్తమ్భఙ్గతిస్తమ్భవివస్వతః ।
మారణే ద్వేషణే చైవ తథోచ్చాటే మహేశ్వరి ॥
గోరోచనాకుఙ్కుమేన లిఖేత్స్తోత్రమనన్యధీః ।
గురుణా వైష్ణవైర్వాపి సర్వయజ్ఞఫలల్లభేత్ ॥
వశీకరణమత్రైవ జాయన్తే సర్వసిద్ధయః ।
ప్రాతఃకాలే శుచిర్బ్భూత్వా మధ్యాహ్నే చ నిశాముఖే ॥
పఠేద్వా పాఠయేద్వాపి సర్వయజ్ఞఫలల్లభేత్ ।
వాదీ మూకో భవేద్దుష్టో రాజా చ సేవకో యథా ॥
ఆదిత్యమఙ్గలదినే గురౌ వాపి మహేశ్వరి ।
గోరోచనాకుఙ్కుమేన లిఖేత్స్తోత్రమనన్యధీః ॥
గురుణా వైష్ణవైర్వాపి సర్వయజ్ఞఫలల్లభేత్ ।
ధృత్వా సువర్ణమధ్యస్థం సర్వాన్కామానవాప్నుయాత్ ॥
స్త్రీణావ్వామకరే ధార్యమ్పుమాన్దక్షకరే తథా ।
ఆదిత్యమఙ్గలదినే గురౌ వాపి మహేశ్వరి ॥
శనైశ్చరే లిఖేద్వాపి సర్వసిద్ధిం లభేద్ధ్రువమ్ ।
ప్రాన్తరే వా శ్మశానే వా నిశాయామర్ద్ధరాత్రకే ॥
శూన్యాగారే చ దేవేశి లిఖేద్యత్నేన సాధకః ।
సింహరాశౌ గురుగతే కర్క్కటస్థే దివాకరే ॥
మీనరాశౌ గురుగతే లిఖేద్యత్నేన సాధకః ।
రజస్వలాభగన్దృష్ట్వా తత్రస్థో విలిఖేత్సదా ॥
సుగంధికుసుమైః శుక్రైః సుగంధిగంధచన్దనైః ।
మృగనాభిమృగమదైర్విలిఖేద్యత్నపూర్వకమ్ ॥
లిఖిత్వా చ పఠిత్వా చ ధారయేచ్చాప్యనన్యధీః ।
కుమారీమ్పూజయిత్వా చ నారీశ్చాపి ప్రపూజయేత్ ॥
పూజయిత్వా చ కుసుమైర్గ్గన్ధచన్దనవస్త్రకైః ।
సిన్దూరరక్తకుసుమైః పూజయేద్భక్తియోగతః ॥
అథవా పూజయేద్దేవి కుమారీర్ద్దశమావధీః ।
సర్వాభీష్టఫలన్తత్ర లభతే తత్క్షణాదపి ॥
నాత్ర సిద్ధాద్యపేక్షాస్తి న వా మిత్రారిదూషణమ్ ।
న విచార్యఞ్చ దేవేశి జపమాత్రేణ సిద్ధిదమ్ ॥
సర్వదా సర్వకార్యేషు షట్సాహస్రప్రమాణతః ।
బలిన్దత్త్వా విధానేన ప్రత్యహమ్పూజయేచ్ఛివామ్ ॥
స్వయంభూకుసుమైః పుష్పైర్బ్బలిదానన్దివానిశమ్ ।
పూజయేత్పార్వతీన్దేవీమ్భైరవీన్త్రిపురాత్మికామ్ ॥
బ్రాహ్మణాన్భోజయేన్నిత్యన్దశకన్ద్వాదశన్తథా ।
అనేన విధినా దేవి బాలాన్నిత్యమ్ప్రపూజయేత్ ॥
మాసమేకమ్పఠేద్యస్తు త్రిసన్ధ్యవ్విధినామునా ।
అపుత్రో లభతే పుత్రన్నిర్ద్ధనో ధనవాన్భవేత్ ॥
సదా చానేన విధినా తథా మాసత్రయేణ చ ।
కృతకార్యం భవేద్దేవి తథా మాసచతుష్టయే ॥
దీర్గ్ఘరోగాత్ప్రముచ్యేత పఞ్చమే కవిరాడ్భవేత్ ।
సర్వైశ్వర్యం లభేద్దేవి మాసషట్కే తథైవ చ ॥
సప్తమే ఖేచరత్వఞ్చ అష్టమే చ వృహద్ద్యుతిః ।
నవమే సర్వసిద్ధిః స్యాద్దశమే లోకపూజితః ॥
ఏకాదశే రాజవశ్యో ద్వాదశే తు పురన్దరః ।
వారమేకమ్పఠేద్యస్తు ప్రాప్నోతి పూజనే ఫలమ్ ॥
సమగ్రం శ్లోకమేకవ్వా యః పఠేత్ప్రయతః శుచిః ।
స పూజాఫలమాప్నోతి భైరవేణ చ భాషితమ్ ॥
ఆయుష్మత్ప్రీతియోగే చ బ్రాహ్మైన్ద్రే చ విశేషతః ।
పఞ్చమ్యాఞ్చ తథా షష్ఠ్యాయ్యత్ర కుత్రాపి తిష్ఠతి ॥
శఙ్కా న విద్యతే తత్ర న చ మాయాదిదూషణమ్ ।
వారమేకం పఠేన్మర్త్త్యో ముచ్యతే సర్వసఙ్కటాత్ ।
కిమన్యద్బహునా దేవి సర్వాభీష్టఫలల్లభేత్ ॥
॥ ఇతి శ్రీవిశ్వసారే మహాభైరవవిరచితం
శ్రీమత్త్రిపురభైరవీసహస్రనామస్తోత్రం సమాప్తమ్ ॥