॥ Uchchishtaganapati Sahasranama Stotram Odia Lyrics ॥
॥ ଶ୍ରୀଉଚ୍ଛିଷ୍ଟଗଣପତିସହସ୍ରନାମସ୍ତୋତ୍ରମ୍ ॥
ଶ୍ରୀଗଣେଶାୟ ନମଃ ।
ଶ୍ରୀଭୈରଵ ଉଵାଚ ।
ଶୃଣୁ ଦେଵି ରହସ୍ୟଂ ମେ ୟତ୍ପୁରା ସୂଚିତଂ ମୟା ।
ତଵ ଭକ୍ତ୍ୟା ଗଣେଶସ୍ୟ ଵକ୍ଷ୍ୟେ ନାମସହସ୍ରକମ୍ ॥ ୧ ॥
ଶ୍ରୀଦେଵ୍ୟୁଵାଚ ।
ଓଂ ଭଗଵନ୍ଗଣନାଥସ୍ୟ ଉଚ୍ଛିଷ୍ଟସ୍ୟ ମହାତ୍ମନଃ ।
ଶ୍ରୋତୁଂ ନାମ ସହସ୍ରଂ ମେ ହୃଦୟଂ ପ୍ରୋତ୍ସୁକାୟତେ ॥ ୨ ॥
ଶ୍ରୀଭୈରଵ ଉଵାଚ ।
ପ୍ରାଙ୍ମୁଖେ ତ୍ରିପୁରାନାଥେ ଜାତା ଵିଘ୍ନକୁଲାଃ ଶିଵେ ।
ମୋହନେ ମୁଚ୍ୟତେ ଚେତସ୍ତୈଃ ସର୍ଵୈର୍ବଲଦର୍ପିତୈଃ ॥ ୩ ॥
ତଦା ପ୍ରଭୁଂ ଗଣାଧ୍ୟକ୍ଷଂ ସ୍ତୁତ୍ଵା ନାମସହସ୍ରକୈଃ ।
ଵିଘ୍ନା ଦୂରାତ୍ପଲାୟନ୍ତେ କାଲରୁଦ୍ରାଦିଵ ପ୍ରଜାଃ ॥ ୪ ॥
ତସ୍ୟାନୁଗ୍ରହତୋ ଦେଵି ଜାତୋଽହଂ ତ୍ରିପୁରାନ୍ତକଃ ।
ତମଦ୍ୟାପି ଗଣେଶାନଂ ସ୍ତୌମି ନାମସହସ୍ରକୈଃ ॥ ୫ ॥
ତଦଦ୍ୟ ତଵ ଭକ୍ତ୍ୟାହଂ ସାଧକାନାଂ ହିତାୟ ଚ ।
ମହାଗଣପତେର୍ଵକ୍ଷ୍ୟେ ଦିଵ୍ୟଂ ନାମସହସ୍ରକମ୍ ॥ ୬ ॥
ଓଂ ଅସ୍ୟ ଶ୍ରୀଉଚ୍ଛିଷ୍ଟଗଣେଶସହସ୍ରନାମସ୍ତୋତ୍ରମନ୍ତ୍ରସ୍ୟ ଶ୍ରୀଭୈରଵ ଋଷିଃ ।
ଗାୟତ୍ରୀ ଛନ୍ଦଃ । ଶ୍ରୀମହାଗଣପତିର୍ଦେଵତା ।
ଗଂ ବୀଜମ୍ । ହ୍ରୀଂ ଶକ୍ତିଃ । କୁରୁକୁରୁ କୀଲକମ୍ ।
ମମ ଧର୍ମାର୍ଥକାମମୋକ୍ଷାର୍ଥେ ଜପେ ଵିନିୟୋଗଃ ॥
ଓଂ ହ୍ରୀଂ ଶ୍ରୀଂ କ୍ଲୀଂ ଗଣାଧ୍ୟକ୍ଷୋ ଗ୍ଲୌଂ ଗଁ ଗଣପତିର୍ଗୁଣୀ ।
ଗୁଣାଢ୍ୟୋ ନିର୍ଗୁଣୋ ଗୋପ୍ତା ଗଜଵକ୍ତ୍ରୋ ଵିଭାଵସୁଃ ॥ ୭ ॥
ଵିଶ୍ଵେଶ୍ଵରୋ ଵିଭାଦୀପ୍ତୋ ଦୀପନୋ ଧୀଵରୋ ଧନୀ ।
ସଦା ଶାନ୍ତୋ ଜଗତ୍ତ୍ରାତା ଵିଶ୍ଵାଵର୍ତୋ ଵିଭାକରଃ ॥ ୮ ॥
ଵିଶ୍ରମ୍ଭୀ ଵିଜୟୋ ଵୈଦ୍ୟୋ ଵାରାନ୍ନିଧିରନୁତ୍ତମଃ ।
ଅଣିମାଵିଭଵଃ ଶ୍ରେଷ୍ଠୋ ଜ୍ୟେଷ୍ଠୋ ଗାଥାପ୍ରିୟୋ ଗୁରୁଃ ॥ ୯ ॥
ସୃଷ୍ଟିକର୍ତା ଜଗଦ୍ଧର୍ତା ଵିଶ୍ଵଭର୍ତା ଜଗନ୍ନିଧିଃ ।
ପତିଃ ପୀତଵିଭୂଷାଙ୍କୋ ରକ୍ତାକ୍ଷୋ ଲୋହିତାମ୍ବରଃ ॥ ୧୦ ॥
ଵିରୂପାକ୍ଷୋ ଵିମାନସ୍ଥୋ ଵିନୀତଃ ସଦସ୍ୟଃ ସୁଖୀ । ସାତ୍ଵତଃ
ସୁରୂପଃ ସାତ୍ତ୍ଵିକଃ ସତ୍ୟଃ ଶୁଦ୍ଧଃ ଶଙ୍କରନନ୍ଦନଃ ॥ ୧୧ ॥
ନନ୍ଦୀଶ୍ଵରୋ ଜୟାନନ୍ଦୀ ଵନ୍ଦ୍ୟଃ ସ୍ତୁତ୍ୟୋ ଵିଚକ୍ଷଣଃ ।
ଦୈତ୍ୟମର୍ଦ୍ଦୀ ସଦାକ୍ଷୀବୋ ମଦିରାରୁଣଲୋଚନଃ ॥ ୧୨ ॥
ସାରାତ୍ମା ଵିଶ୍ଵସାରଶ୍ଚ ଵିଶ୍ଵସାରୋ(୨) ଵିଲେପନଃ ।
ପରଂ ବ୍ରହ୍ମ ପରଂ ଜ୍ୟୋତିଃ ସାକ୍ଷୀ ତ୍ର୍ୟକ୍ଷୋ ଵିକତ୍ଥନଃ ॥ ୧୩ ॥
ଵିଶ୍ଵେଶ୍ଵରୋ ଵୀରହର୍ତା ସୌଭାଗ୍ୟୋ ଭାଗ୍ୟଵର୍ଦ୍ଧନଃ ।
ଭୃଙ୍ଗିରିଟୀ ଭୃଙ୍ଗମାଲୀ ଭୃଙ୍ଗକୂଜିତନାଦିତଃ ॥ ୧୪ ॥
ଵିନର୍ତକୋ ଵିନୀତୋଽପି ଵିନତାନନ୍ଦନାର୍ଚିତଃ ।
ଵୈନତେୟୋ ଵିନମ୍ରାଙ୍ଗୋ ଵିଶ୍ଵନାୟକନାୟକଃ ॥ ୧୫ ॥
ଵିରାଟକୋ ଵିରାଟଶ୍ଚ ଵିଦଗ୍ଧୋ ଵିଧୁରାତ୍ମଭୂଃ ।
ପୁଷ୍ପଦନ୍ତଃ ପୁଷ୍ପହାରୀ ପୁଷ୍ପମାଲାଵିଭୂଷଣଃ ॥ ୧୬ ॥
ପୁଷ୍ପେଷୁମଥନଃ ପୁଷ୍ଟୋ ଵିଵର୍ତଃ କର୍ତରୀକରଃ ।
ଅନ୍ତ୍ୟୋଽନ୍ତକଶ୍ଚିତ୍ତଗଣାଶ୍ଚିତ୍ତଚିନ୍ତାପହାରକଃ ॥ ୧୭ ॥
ଅଚିନ୍ତ୍ୟୋଽଚିନ୍ତ୍ୟରୂପଶ୍ଚ ଚନ୍ଦନାକୁଲମୁଣ୍ଡକଃ ।
ଲୋହିତୋ ଲିପିତୋ ଲୁପ୍ତୋ ଲୋହିତାକ୍ଷୋ ଵିଲୋଭକଃ ॥ ୧୮ ॥
ଲବ୍ଧାଶୟୋ ଲୋଭରତୋ ଲୋଭଦୋଽଲଙ୍ଘ୍ୟଗର୍ଧକଃ ।
ସୁନ୍ଦରଃ ସୁନ୍ଦରୀପୁତ୍ରଃ ସମସ୍ତାସୁରଘାତକଃ ॥ ୧୯ ॥
ନୂପୁରାଢ୍ୟୋ ଵିଭଵେନ୍ଦ୍ରୋ ନରନାରାୟଣୋ ରଵିଃ ।
ଵିଚାରୋ ଵାନ୍ତଦୋ ଵାଗ୍ମୀ ଵିତର୍କୀ ଵିଜୟୀଶ୍ଵରଃ ॥ ୨୦ ॥
ସୁଜୋ ବୁଦ୍ଧଃ ସଦାରୂପଃ ସୁଖଦଃ ସୁଖସେଵିତଃ ।
ଵିକର୍ତନୋ ଵିପଚ୍ଚାରୀ ଵିନଟୋ ନଟନର୍ତକଃ ॥ ୨୧ ॥
ନଟୋ ନାଟ୍ୟପ୍ରିୟୋ ନାଦୋଽନନ୍ତୋଽନନ୍ତଗୁଣାତ୍ମକଃ ।
ଗଙ୍ଗାଜଲପାନପ୍ରିୟୋ ଗଙ୍ଗାତୀରଵିହାରକୃତ୍ ॥ ୨୨।
ଗଙ୍ଗାପ୍ରିୟୋ ଗଙ୍ଗଜଶ୍ଚ ଵାହନାଦିପୁରଃସରଃ ।
ଗନ୍ଧମାଦନସଂଵାସୋ ଗନ୍ଧମାଦନକେଲିକୃତ୍ ॥ ୨୩ ॥
ଗନ୍ଧାନୁଲିପ୍ତପୂର୍ଵାଙ୍ଗଃ ସର୍ଵଦେଵସ୍ମରଃ ସଦା ।
ଗଣଗନ୍ଧର୍ଵରାଜେଶୋ ଗଣଗନ୍ଧର୍ଵସେଵିତଃ ॥ ୨୪ ॥
ଗନ୍ଧର୍ଵପୂଜିତୋ ନିତ୍ୟଂ ସର୍ଵରୋଗଵିନାଶକଃ ।
ଗନ୍ଧର୍ଵଗଣସଂସେଵ୍ୟୋ ଗନ୍ଧର୍ଵଵରଦାୟକଃ ॥ ୨୫ ॥
ଗନ୍ଧର୍ଵୋ ଗନ୍ଧମାତଙ୍ଗୋ ଗନ୍ଧର୍ଵକୁଲଦୈଵତଃ ।
ଗନ୍ଧର୍ଵଗର୍ଵସଂଵେଗୋ ଗନ୍ଧର୍ଵଵରଦାୟକଃ ॥ ୨୬ ॥
ଗନ୍ଧର୍ଵପ୍ରବଲାର୍ତିଘ୍ନୋ ଗନ୍ଧର୍ଵଗଣସଂୟୁତଃ ।
ଗନ୍ଧର୍ଵାଦିଗୁଣାନନ୍ଦୋ ନନ୍ଦୋଽନନ୍ତଗୁଣାତ୍ମକଃ ॥ ୨୭ ॥
ଵିଶ୍ଵମୂର୍ତିର୍ଵିଶ୍ଵଧାତା ଵିନତାସ୍ୟୋ ଵିନର୍ତକଃ ।
କରାଲଃ କାମଦଃ କାନ୍ତଃ କମନୀୟଃ କଲାନିଧିଃ ॥ ୨୮ ॥
କାରୁଣ୍ୟରୂପଃ କୁଟିଲଃ କୁଲାଚାରୀ କୁଲେଶ୍ଵରଃ ।
ଵିକରାଲୋ ରଣଶ୍ରେଷ୍ଠଃ ସଂହାରୋ ହାରଭୂଷଣଃ ॥ ୨୯ ॥
ଉରୁରଭ୍ୟମୁଖୋ ରକ୍ତୋ ଦେଵତାଦୟିତୌରସଃ ।
ମହାକାଲୋ ମହାଦଂଷ୍ଟ୍ରୋ ମହୋରଗଭୟାନକଃ ॥ ୩୦ ॥
ଉନ୍ମତ୍ତରୂପଃ କାଲାଗ୍ନିରଗ୍ନିସୂର୍ୟେନ୍ଦୁଲୋଚନଃ ।
ସିତାସ୍ୟଃ ସିତମାଲ୍ୟଶ୍ଚ ସିତଦନ୍ତଃ ସିତାଂଶୁମାନ୍ ॥ ୩୧ ॥
ଅସିତାତ୍ମା ଭୈରଵେଶୋ ଭାଗ୍ୟଵାନ୍ଭଗଵାନ୍ଭଵଃ ।
ଗର୍ଭାତ୍ମଜୋ ଭଗାଵାସୋ ଭଗଦୋ ଭଗଵର୍ଦ୍ଧନଃ ॥ ୩୨ ॥
ଶୁଭଙ୍କରଃ ଶୁଚିଃ ଶାନ୍ତଃ ଶ୍ରେଷ୍ଠଃ ଶ୍ରଵ୍ୟଃ ଶଚୀପତିଃ ।
ଵେଦାଦ୍ୟୋ ଵେଦକର୍ତା ଚ ଵେଦଵେଦ୍ୟଃ ସନାତନଃ ॥ ୩୩ ॥
ଵିଦ୍ୟାପ୍ରଦୋ ଵେଦରସୋ ଵୈଦିକୋ ଵେଦପାରଗଃ ।
ଵେଦଧ୍ଵନିରତୋ ଵୀରୋ ଵେଦଵିଦ୍ୟାଗମୋଽର୍ଥଵିତ୍ ॥ ୩୪ ॥
ତତ୍ତ୍ଵଜ୍ଞଃ ସର୍ଵଗଃ ସାଧୁଃ ସଦୟଃ ସଦସନ୍ମୟଃ ।
ଶିଵଶଙ୍କରଃ ଶିଵସୁତଃ ଶିଵାନନ୍ଦଵିଵର୍ଦ୍ଧନଃ ॥ ୩୫ ॥
ଶୈତ୍ୟଃ ଶ୍ଵେତଃ ଶତମୁଖୋ ମୁଗ୍ଧୋ ମୋଦକଭୂଷଣଃ ।
ଦେଵୋ ଦିନକରୋ ଧୀରୋ ଧୃତିମାନ୍ଦ୍ୟୁତିମାନ୍ଧଵଃ ॥ ୩୬ ॥
ଶୁଦ୍ଧାତ୍ମା ଶୁଦ୍ଧମତିମାଞ୍ଛୁଦ୍ଧଦୀପ୍ତିଃ ଶୁଚିଵ୍ରତଃ ।
ଶରଣ୍ୟଃ ଶୌନକଃ ଶୂରଃ ଶରଦମ୍ଭୋଜଧାରକଃ ॥ ୩୭ ॥ ନ୍
ଦାରକଃ ଶିଖିଵାହେଷ୍ଟଃ ସିତଃ ଶଙ୍କରଵଲ୍ଲଭଃ ।
ଶଙ୍କରୋ ନିର୍ଭୟୋ ନିତ୍ୟୋ ଲୟକୃଲ୍ଲାସ୍ୟତତ୍ପରଃ ॥ ୩୮ ॥
ଲୂତୋ ଲୀଲାରସୋଲ୍ଲାସୀ ଵିଲାସୀ ଵିଭ୍ରମୋ ଭ୍ରମଃ ।
ଭ୍ରମଣଃ ଶଶିଭୃତ୍ସୁର୍ୟଃ ଶନିର୍ଧରଣିନନ୍ଦନଃ ॥ ୩୯ ॥
ବୁଧୋ ଵିବୁଧସେଵ୍ୟଶ୍ଚ ବୁଧରାଜୋ ବଲଂଧରଃ ।
ଜୀଵୋ ଜୀଵପ୍ରଦୋ ଜେତା ସ୍ତୁତ୍ୟୋ ନିତ୍ୟୋ ରତିପ୍ରିୟଃ ॥ ୪୦ ॥
ଜନକୋ ଜନମାର୍ଗଜ୍ଞୋ ଜନରକ୍ଷଣତତ୍ପରଃ ।
ଜନାନନ୍ଦପ୍ରଦାତା ଚ ଜନକାହ୍ଲାଦକାରକଃ ॥ ୪୧।
ଵିବୁଧୋ ବୁଧମାନ୍ୟଶ୍ଚ ଜୈନମାର୍ଗନିଵର୍ତକଃ ।
ଗଚ୍ଛୋ ଗଣପତିର୍ଗଚ୍ଛନାୟକୋ ଗଚ୍ଛଗର୍ଵହା ॥ ୪୨ ॥
ଗଚ୍ଛରାଜୋଥ ଗଚ୍ଛେଥୋ ଗଚ୍ଛରାଜନମସ୍କୃତଃ ।
ଗଚ୍ଛପ୍ରିୟୋ ଗଚ୍ଛଗୁରୁର୍ଗଚ୍ଛତ୍ରାକୃଦ୍ୟମାତୁରଃ ॥ ୪୩ ॥
ଗଚ୍ଛପ୍ରଭୁର୍ଗଚ୍ଛଚରୋ ଗଚ୍ଛପ୍ରିୟକୃତାଦ୍ୟମଃ ।
ଗଚ୍ଛଗୀତଗୁଣୋଗର୍ତୋ ମର୍ୟାଦାପ୍ରତିପାଲକଃ ॥ ୪୪ ॥
ଗୀର୍ଵାଣାଗମସାରସ୍ୟ ଗର୍ଭୋ ଗୀର୍ଵାଣଦେଵତା ।
ଗୌରୀସୁତୋ ଗୁରୁଵରୋ ଗୌରାଙ୍ଗୋ ଗଣପୂଜିତଃ ॥ ୪୫ ॥
ପରମ୍ପଦଂ ପରନ୍ଧାମ ପରମାତ୍ମା କଵିଃ କୁଜଃ ।
ରାହୁର୍ଦୈତ୍ୟଶିରଶ୍ଛେଦୀ କେତୁଃ କନକକୁଣ୍ଡଲଃ ॥ ୪୬ ॥
ଗ୍ରହେନ୍ଦ୍ରୋ ଗ୍ରହିତୋ ଗ୍ରାହ୍ୟୋଽଗ୍ରଣୀର୍ଘୁର୍ଘୁରନାଦିତଃ ।
ପର୍ଜନ୍ୟଃ ପୀଵରଃ ପତ୍ରୀ ପୀନଵକ୍ଷାଃ ପରାକ୍ରମୀ ॥ ୪୭ ॥
ଵନେଚରୋ ଵନସ୍ପତିର୍ଵନଵାସୀ ସ୍ମରୋପମଃ ।
ପୁଣ୍ୟଃ ପୂତଃ ପଵିତ୍ରଶ୍ଚ ପରାତ୍ମା ପୂର୍ଣାଵିଗ୍ରହଃ ॥ ୪୮ ॥
ପୂର୍ଣେନ୍ଦୁସୁକଲାକାରୋ ମନ୍ତ୍ରପୂର୍ଣମନୋରଥଃ ।
ୟୁଗାତ୍ମା ୟୁଗକୃଦ୍ୟଜ୍ଵା ୟାଜ୍ଞିକୋ ୟଜ୍ଞଵତ୍ସଲଃ ॥ ୪୯ ॥
ୟଶସ୍ୟୋ ୟଜମାନେଷ୍ଟୋ ଵଜ୍ରଭୃଦ୍ଵଜ୍ରପଞ୍ଜରଃ ।
ମଣିଭଦ୍ରୋ ମଣିମୟୋ ମାନ୍ୟୋ ମୀନଧ୍ଵଜାଶ୍ରିତଃ ॥ ୫୦ ॥
ମୀନଧ୍ଵଜୋ ମନୋହାରୀ ୟୋଗିନାଂ ୟୋଗଵର୍ଧନଃ ।
ଦ୍ରଷ୍ଟା ସ୍ରଷ୍ଟା ତପସ୍ଵୀ ଚ ଵିଗ୍ରହୀ ତାପସପ୍ରିୟଃ ॥ ୫୧ ॥
ତପୋମୟସ୍ତପୋମୂର୍ତିସ୍ତପନଶ୍ଚ ତପୋଧନଃ ।
ସମ୍ପତ୍ତିସଦନାକାରଃ ସମ୍ପତ୍ତିସୁଖଦାୟକଃ ॥ ୫୨ ॥
ସମ୍ପତ୍ତିସୁଖକର୍ତା ଚ ସମ୍ପତ୍ତିସୁଭଗାନନଃ ।
ସମ୍ପତ୍ତିଶୁଭଦୋ ନିତ୍ୟସମ୍ପତ୍ତିଶ୍ଚ ୟଶୋଧନଃ ॥ ୫୩ ॥
ରୁଚକୋ ମେଚକସ୍ତୁଷ୍ଟଃ ପ୍ରଭୁସ୍ତୋମରଘାତକଃ ।
ଦଣ୍ଡୀ ଚଣ୍ଡାଂଶୁରଵ୍ୟକ୍ତଃ କମଣ୍ଡଲୁଧରୋଽନଘଃ ॥ ୫୪ ॥
କାମୀ କର୍ମରତଃ କାଲଃ କୋଲଃ କ୍ରନ୍ଦିତଦିକ୍ତଟଃ ।
ଭ୍ରାମକୋ ଜାତିପୂଜ୍ୟଶ୍ଚ ଜାଡ୍ୟହା ଜଡସୂଦନଃ ॥ ୫୫ ॥
ଜାଲନ୍ଧରୋ ଜଗଦ୍ଵାସୀ ହାସ୍ୟକୃଦ୍ଗହନୋ ଗୁହଃ ।
ହଵିଷ୍ମାନ୍ହଵ୍ୟଵାହାକ୍ଷୋ ହାଟକୋ ହାଟକାଙ୍ଗଦଃ ॥ ୫୬ ॥
ସୁମେରୁର୍ହିମଵାନ୍ହୋତା ହରପୁତ୍ରୋ ହଲଙ୍କଷଃ ।
ହାଲାପ୍ରିୟୋ ହୃଦା ଶାନ୍ତଃ କାନ୍ତାହୃଦୟପୋଷଣଃ ॥ ୫୭ ॥
ଶୋଷଣଃ କ୍ଲେଶହା କ୍ରୂରଃ କଠୋରଃ କଠିନାକୃତିଃ ।
କୁବେରୋ ଧୀମୟୋ ଧ୍ୟାତା ଧ୍ୟେୟୋ ଧୀମାନ୍ଦୟାନିଧିଃ ॥ ୫୮ ॥
ଦଵିଷ୍ଠୋ ଦମନୋ ହୃଷ୍ଟୋ ଦାତା ତ୍ରାତା ପିତାସମଃ ।
ନିର୍ଗତୋ ନୈଗମୋଽଗମ୍ୟୋ ନିର୍ଜୟୋ ଜଟିଲୋଽଜରଃ ॥ ୫୯ ॥
ଜନଜୀଵୋ ଜିତାରାତିର୍ଜଗଦ୍ଵ୍ୟାପୀ ଜଗନ୍ମୟଃ ।
ଚାମୀକରନିଭୋ ନାଭ୍ୟୋ ନଲିନାୟତଲୋଚନଃ ॥ ୬୦ ॥
ରୋଚନୋ ମୋଚକୋ ମନ୍ତ୍ରୀ ମନ୍ତ୍ରକୋଟିସମାଶ୍ରିତଃ ।
ପଞ୍ଚଭୂତାତ୍ମକଃ ପଞ୍ଚସାୟକଃ ପଞ୍ଚଵକ୍ତ୍ରକଃ ॥ ୬୧ ॥
ପଞ୍ଚମଃ ପଶ୍ଚିମଃ ପୂର୍ଵଃ ପୂର୍ଣଃ କୀର୍ଣାଲକଃ କୁଣିଃ ।
କଠୋରହୃଦୟୋ ଗ୍ରୀଵାଲଙ୍କୃତୋ ଲଲିତାଶୟଃ ॥ ୬୨ ॥
ଲୋଲଚିତ୍ତୋ ବୃହନ୍ନାସୋ ମାସପକ୍ଷର୍ତୁରୂପଵାନ୍ ।
ଧ୍ରୁଵୋ ଦ୍ରୁତଗତିର୍ବନ୍ଧୋ ଧର୍ମୀ ନାକିପ୍ରିୟୋଽନଲଃ ॥ ୬୩ ॥
ଅଙ୍ଗୁଲ୍ୟଗ୍ରସ୍ଥଭୁଵନୋ ଭୁଵନୈକମଲାପହଃ ।
ସାଗରଃ ସ୍ଵର୍ଗତିଃ ସ୍ଵକ୍ଷଃ ସାନନ୍ଦଃ ସାଧୁପୂଜିତଃ ॥ ୬୪ ॥
ସତୀପତିଃ ସମରସଃ ସନକଃ ସରଲଃ ସରଃ ।
ସୁରପ୍ରିୟୋ ଵସୁମତିର୍ଵାସଵୋ ଵସୁପୂଜିତଃ ॥ ୬୫ ॥
ଵିତ୍ତଦୋ ଵିତ୍ତନାଥଶ୍ଚ ଧନିନାଂ ଧନଦାୟକଃ ।
ରାଜୀଵନୟନଃ ସ୍ମାର୍ତଃ ସ୍ମୃତିଦଃ କୃତ୍ତିକାମ୍ବରଃ ॥ ୬୬ ॥
ଅଶ୍ଵିନୋଽଶ୍ଵମୁଖଃ ଶୁଭ୍ରୋ ଭରଣୋ ଭରଣୀପ୍ରିୟଃ ।
କୃତ୍ତିକାସନକଃ କୋଲୋ ରୋହିଣୀରମଣୋପମଃ ॥ ୬୭ ॥
ରୌହିଣେୟପ୍ରେମକରୋ ରୋହିଣୀମୋହନୋ ମୃଗଃ ।
ମୃଗରାଜୋ ମୃଗଶିରା ମାଧଵୋ ମଧୁରଧ୍ଵନିଃ ॥ ୬୮ ॥
ଆର୍ଦ୍ରାନନୋ ମହାବୁଦ୍ଧିର୍ମହୋରଗଵିଭୂଷଣଃ ।
ଭ୍ରୂକ୍ଷେପଦତ୍ତଵିଭଵୋ ଭ୍ରୂକରାଲଃ ପୁନର୍ମୟଃ ॥ ୬୯ ॥
ପୁନର୍ଦେଵ: ପୁନର୍ଜେତା ପୁନର୍ଜୀଵଃ ପୁନର୍ଵସୁଃ ।
ତିମିରାସ୍ତିମିକେତୁଶ୍ଚ ତିମିଷାସୁରଘାତନଃ ॥ ୭୦ ॥
ତିଷ୍ୟସ୍ତୁଲାଧରୋ ଜୃମ୍ଭୋ ଵିଶ୍ଲେଷାଶ୍ଲେଷଦାନରାଟ୍ ।
ମାନଦୋ ମାଧଵୋ ମାଧୋ ଵାଚାଲୋ ମଘଵୋପମଃ ॥ ୭୧ ॥
ମଧ୍ୟୋ ମଘାପ୍ରିୟୋ ମେଘୋ ମହାଶୁଣ୍ଡୋ ମହାଭୁଜଃ ।
ପୂର୍ଵଫାଲ୍ଗୁନିକଃ ସ୍ଫୀତ ଫଲ୍ଗୁରୁତ୍ତରଫାଲ୍ଗୁନଃ ॥ ୭୨ ॥
ଫେନିଲୋ ବ୍ରହ୍ମଦୋ ବ୍ରହ୍ମା ସପ୍ତତନ୍ତୁସମାଶ୍ରୟଃ ।
ଘୋଣାହସ୍ତଶ୍ଚତୁର୍ହସ୍ତୋ ହସ୍ତିଵନ୍ଧ୍ୟୋ ହଲାୟୁଧଃ ॥ ୭୩ ॥
ଚିତ୍ରାମ୍ବରାର୍ଚିତପଦଃ ସ୍ଵସ୍ତିଦଃ ସ୍ଵସ୍ତିନିଗ୍ରହଃ ।
ଵିଶାଖଃ ଶିଖିସେଵ୍ୟଶ୍ଚ ଶିଖିଧ୍ଵଜସହୋଦରଃ ॥ ୭୪ ॥
ଅଣୁରେଣୂତ୍କରଃ ସ୍ଫାରୋ ରୁରୁରେଣୁସୁତୋ ନରଃ ।
ଅନୁରାଧାପ୍ରିୟୋ ରାଧଃ ଶ୍ରୀମାଞ୍ଛୁକ୍ଲଃ ଶୁଚିସ୍ମିତଃ ॥ ୭୫ ॥
ଜ୍ୟେଷ୍ଠଃ ଶ୍ରେଷ୍ଠାର୍ଚିତପଦୋ ମୂଲଂ ଚ ତ୍ରିଜଗଦ୍ଗୁରୁଃ ।
ଶୁଚିଶ୍ଚୈଵ ପୂର୍ଵାଷାଢଶ୍ଚୋତ୍ତରାଷାଢ ଈଶ୍ଵରଃ ॥ ୭୬ ॥
ଶ୍ରଵ୍ୟୋଽଭିଜିଦନନ୍ତାତ୍ମା ଶ୍ରଵୋ ଵେପିତଦାନଵଃ ।
ଶ୍ରାଵଣଃ ଶ୍ରଵଣଃ ଶ୍ରୋତା ଧନୀ ଧନ୍ୟୋ ଧନିଷ୍ଠକଃ ॥ ୭୭ ॥
ଶାତାତପଃ ଶାତକୁମ୍ଭଃ ଶରଜ୍ଜ୍ୟୋତିଃ ଶତାଭିଷକ୍ ।
ପୂର୍ଵାଭାଦ୍ରପଦୋ ଭଦ୍ରଶ୍ଚୋତ୍ତରାଭାଦ୍ରପାଦିତଃ ॥ ୭୮ ॥
ରେଣୁକାତନୟୋ ରାମୋ ରେଵତୀରମଣୋ ରମୀ ।
ଆଶ୍ଵୟୁକ୍କାର୍ତିକେୟେଷ୍ଟୋ ମାର୍ଗଶୀର୍ଷୋ ମୃଗୋତ୍ତମଃ ॥ । ୭୯ ॥
ପୋଷେଶ୍ଵରଃ ଫାଲ୍ଗୁନାତ୍ମା ଵସନ୍ତଶ୍ଚୈତ୍ରକୋ ମଧୁଃ ।
ରାଜ୍ୟଦୋଽଭିଜିଦାତ୍ମେୟସ୍ତାରେଶସ୍ତାରକଦ୍ୟୁତିଃ ॥ ୮୦ ॥
ପ୍ରତୀତଃ ପ୍ରୋର୍ଜିତଃ ପ୍ରୀତଃ ପରମଃ ପରମୋ ହିତଃ ।
ପରହା ପଞ୍ଚଭୂଃ ପଞ୍ଚଵାୟୁପୂଜ୍ୟପରିଗ୍ରହଃ ॥ ୮୧ ॥
ପୁରାଣାଗମଵିଦ୍ୟୋଗୀ ମହିଷୋ ରାସଭୋଽଗ୍ରଜଃ ।
ଗ୍ରହୋ ମେଷୋ ମୃଷୋ ମନ୍ଦୋ ମନ୍ମଥୋ ମିଥୁନାକୃତିଃ ॥ ୮୨ ॥
କଲ୍ପଭୃତ୍କଟକୋ ଦୀପୋ ମର୍କଟଃ କର୍କଟୋ ଧୃଣିଃ ।
କୁକ୍କୁଟୋ ଵନଜୋ ହଂସଃ ପରମହଂସଃ ସୃଗାଲକଃ ॥ ୮୩ ॥
ସିଂହା ସିଂହାସନାଭୂଷ୍ୟୋ ମଦ୍ଗୁର୍ମୂଷକଵାହନଃ ।
ପୁତ୍ରଦୋ ନରକତ୍ରାତା କନ୍ୟାପ୍ରୀତଃ କୁଲୋଦ୍ଵହଃ ॥ ୮୪ ॥
ଅତୁଲ୍ୟରୂପୋ ବଲଦସ୍ତୁଲ୍ୟଭୃତ୍ତୁଲ୍ୟସାକ୍ଷିକଃ ।
ଅଲିଶ୍ଚାପଧରୋ ଧନ୍ଵୀ କଚ୍ଛପୋ ମକରୋ ମଣିଃ ॥ ୮୫ ॥
କୁମ୍ଭଭୃତ୍କଲଶଃ କୁବ୍ଜୋ ମୀନମାଂସସୁତର୍ପିତଃ ।
ରାଶିତାରାଗ୍ରହମୟସ୍ତିଥିରୂପୋ ଜଗଦ୍ଵିଭୁଃ ॥ ୮୬ ॥
ପ୍ରତାପୀ ପ୍ରତିପତ୍ପ୍ରେୟୋଽଦ୍ଵିତୀୟୋଽଦ୍ଵୈତନିଶ୍ଚିତଃ ।
ତ୍ରିରୂପଶ୍ଚ ତୃତୀୟାଗ୍ନିସ୍ତ୍ରୟୀରୂପସ୍ତ୍ରୟୀତନୁଃ ॥ ୮୭ ॥
ଚତୁର୍ଥୀଵଲ୍ଲଭୋ ଦେଵୋ ପରାଗଃ ପଞ୍ଚମୀଶ୍ଵରଃ ।
ଷଡ୍ରସାସ୍ଵାଦଵିଜ୍ଞାନଃ ଷଷ୍ଠୀଷଷ୍ଟିକଵତ୍ସଲଃ ॥ ୮୮ ॥
ସପ୍ତାର୍ଣଵଗତିଃ ସାରଃ ସପ୍ତମୀଶ୍ଵରରୋହିତଃ ।
ଅଷ୍ଟମୀନନ୍ଦନୋତ୍ତଂସୋ ନଵମୀଭକ୍ତିଭାଵିତଃ ॥ ୮୯ ॥
ଦଶଦିକ୍ପତିପୂଜ୍ୟଶ୍ଚ ଦଶମୀ ଦ୍ରୁହିଣୋ ଦ୍ରୁତଃ ।
ଏକାଦଶାତ୍ମଗଣୟୋ ଦ୍ଵାଦଶୀୟୁଗଚର୍ଚିତଃ ॥ ୯୦ ॥
ତ୍ରୟୋଦଶମଣିସ୍ତୁତ୍ୟଶ୍ଚତୁର୍ଦଶସ୍ଵରପ୍ରିୟଃ ।
ଚତୁର୍ଦଶେନ୍ଦ୍ରସଂସ୍ତୁତ୍ୟଃ ପୂର୍ଣିମାନନ୍ଦଵିଗ୍ରହଃ ॥ ୯୧ ॥
ଦର୍ଶଦର୍ଶୋ ଦର୍ଶନଶ୍ଚ ଵାନପ୍ରସ୍ଥୋ ମହେଶ୍ଵରଃ ।
ମୌର୍ଵୀ ମଧୁରଵାଙ୍ମୂଲମୂର୍ତିମାନ୍ମେଘଵାହନଃ ॥ ୯୨ ॥
ମହାଗଜୋ ଜିତକ୍ରୋଧୋ ଜିତଶତ୍ରୁର୍ଜୟାଶ୍ରୟଃ ।
ରୌଦ୍ରୋ ରୁଦ୍ରପ୍ରିୟୋ ରୁଦ୍ରୋ ରୁଦ୍ରପୁତ୍ରୋଽଘନାଶନଃ ॥ ୯୩ ॥
ଭଵପ୍ରିୟୋ ଭଵାନୀଷ୍ଟୋ ଭାରଭୃଦ୍ଭୂତଭାଵନଃ ।
ଗାନ୍ଧର୍ଵକୁଶଲୋଽକୁଣ୍ଠୋ ଵୈକୁଣ୍ଠୋ ଵିଷ୍ଟରଶ୍ରଵାଃ ॥ ୯୪ ॥
ଵୃତ୍ରହା ଵିଘ୍ନହା ସୀରଃ ସମସ୍ତଦୁଃଖତାପହା ।
ମଞ୍ଜୁଲୋ ମାର୍ଜରୋ ମତ୍ତୋ ଦୁର୍ଗାପୁତ୍ରୋ ଦୁରାଲସଃ ॥ ୯୫ ॥
ଅନନ୍ତଚିତ୍ସୁଧାଧୋରୋ ଵୀରୋ ଵୀର୍ୟୈକସାଧକଃ ।
ଭାସ୍ଵନ୍ମୁକୁଟମାଣିକ୍ୟଃ କୂଜତ୍କିଙ୍କିଂଣିଜାଲକଃ ॥ ୯୬ ॥
ଶୁଣ୍ଡାଧାରୀ ତୁଣ୍ଡଚଲଃ କୁଣ୍ଡଲୀ ମୁଣ୍ଡମାଲକଃ ।
ପଦ୍ମାକ୍ଷଃ ପଦ୍ମହସ୍ତଶ୍ଚ ପଦ୍ମନାଭସମର୍ଚିତଃ ॥ ୯୭ ॥
ଉଦ୍ଧୃତାଧରଦନ୍ତାଢ୍ୟୋ ମାଲାଭୂଷଣଭୂଷିତଃ ।
ମାରଦୋ ଵାରଣୋ ଲୋଲଶ୍ରଵଣଃ ଶୂର୍ପକର୍ଣକଃ ॥ ୯୮ ॥
ବୃହଦୁଲ୍ଲାସନାସାଢ୍ୟୋ ଵ୍ୟାପ୍ତତ୍ରୈଲୋକ୍ୟମଣ୍ଡଲଃ ।
ରତ୍ନମଣ୍ଡଲମଧ୍ୟସ୍ଥଃ କୃଶାନୁରୂପଶୀଲକଃ ॥ ୯୯ ॥
ବୃହତ୍କର୍ଣାଞ୍ଚଲୋଦ୍ଭୂତଵାୟୁଵୀଜିତଦିକ୍ତଟଃ ।
ବୃହଦାସ୍ୟରଵାକ୍ରାନ୍ତଭୀତବ୍ରହ୍ମାଣ୍ଡଭାଣ୍ଡକଃ ॥ ୧୦୦ ॥
ବୃହତ୍ପାଦସମାକ୍ରାନ୍ତସପ୍ତପାତାଲଦୀପିତଃ ।
ବୃହଦ୍ଦନ୍ତକୃତାତ୍ୟୁଗ୍ରରଣାନନ୍ଦରସାଲସଃ ॥ ୧୦୧ ॥
ବୃହଦ୍ଧସ୍ତଧୃତାଶେଷାୟୁଧନିର୍ଜିତଦାନଵଃ ।
ସ୍ଫୂରତ୍ସିନ୍ଦୂରଵଦନଃ ସ୍ଫୂରତ୍ତେଜୋଽଗ୍ନିଲୋଚନଃ ॥ ୧୦୨ ॥
ଉଦ୍ଦୀପିତମଣିଃ ସ୍ଫୂର୍ଜନ୍ନୂପୁରଧ୍ଵନିନାଦିତଃ ।
ଚଲତ୍ତୋୟପ୍ରଵାହାଢ୍ୟୋ ନଦୀଜଲକଣାକରଃ ॥ ୧୦୩ ॥
ଭ୍ରମତ୍କୁଞ୍ଜରସଙ୍ଘାତଵନ୍ଦିତାଙ୍ଘ୍ରିସରୋରୁହଃ ।
ବ୍ରହ୍ମାଚ୍ୟୁତମହାରୁଦ୍ରପୁରସ୍ସରସୁରାର୍ଚିତଃ ॥ ୧୦୪ ॥
ଅଶେଷଶେଷପ୍ରଭୃତିଵ୍ୟାଲଜାଲୋପସେଵିତଃ ।
ଗର୍ଜତ୍ପଞ୍ଚାନନାରାଵଵ୍ୟାପ୍ତାକାଶଧରାତଲଃ ॥ ୧୦୫ ॥
ହାହାହୂହୂଗତାତ୍ୟୁଗ୍ରସ୍ଵରଵିଭ୍ରାନ୍ତମାନସଃ ।
ପଞ୍ଚାଶଦ୍ଵର୍ଣବୀଜାଖ୍ୟମନ୍ତ୍ରମନ୍ତ୍ରିତଵିଗ୍ରହଃ ॥ ୧୦୬ ॥
ଵେଦାନ୍ତଶାସ୍ତ୍ରପୀୟୂଷଧାରାଽଽପ୍ଲାଵିତଭୂତଲଃ ।
ଶଙ୍ଖଧ୍ଵନିସମାକ୍ରାନ୍ତପାତାଲାଦିନଭସ୍ତଲଃ ॥ ୧୦୭ ॥
ଚିନ୍ତାମଣିର୍ମହାମଲ୍ଲୋ ବଲ୍ଲହସ୍ତୋ ବଲିଃ କଵିଃ ।
କୃତତ୍ରେତାୟୁଗୋଲ୍ଲାସଭାସମାନଜଗତ୍ତ୍ରୟଃ ॥ ୧୦୮ ॥
ଦ୍ଵାପରଃ ପରଲୋକୈକଃ କର୍ମଧ୍ଵାନ୍ତସୁଧାକରଃ ।
ସୁଧାଽଽସିକ୍ତଵପୁର୍ଵ୍ୟାସୋ ବ୍ରହ୍ମାଣ୍ଡାଦିକବାହୁକଃ ॥ ୧୦୯ ॥
ଅକାରାଦିକ୍ଷକାରାନ୍ତଵର୍ଣପଙ୍କ୍ତିସମୁଜ୍ଜ୍ଵଲଃ ।
ଅକାରାକାରପ୍ରୋଦ୍ଗୀତତାନନାଦନିନାଦିତଃ ॥ ୧୧୦ ॥
ଇକାରେକାରମତ୍ରାଢ୍ୟମାଲାଭ୍ରମଣଲାଲସଃ ।
ଉକାରୋକାରପ୍ରୋଦ୍ଗାରିଘୋରନାଗୋପଵୀତକଃ ॥ ୧୧୧ ॥
ଋଵର୍ଣାଙ୍କିତୠକାରିପଦ୍ମଦ୍ଵୟସମୁଜ୍ଜ୍ଵଲଃ ।
ଲୃକାରୟୁତଲୄକାରଶଙ୍ଖପୂର୍ଣଦିଗନ୍ତରଃ ॥ ୧୧୨ ॥
ଏକାରୈକକାରଗିରିଜାସ୍ତନପାନଵିଚକ୍ଷଣଃ ।
ଓକାରୌକାରଵିଶ୍ଵାଦିକୃତସୃଷ୍ଟିକ୍ରମାଲସଃ ॥ ୧୧୩ ॥
ଅଂଅଃଵର୍ଣାଵଲୀଵ୍ୟାପ୍ତପାଦାଦିଶୀର୍ଷମଣ୍ଡଲଃ ।
କର୍ଣତାଲକୃତାତ୍ୟୁଚ୍ଚୈର୍ଵାୟୁଵୀଜିତନିର୍ଝରଃ ॥ ୧୧୪ ॥
ଖଗେଶଧ୍ଵଜରତ୍ନାଙ୍କକିରୀଟାରୁଣପାଦକଃ ।
ଗର୍ଵିତାଶେଷଗନ୍ଧର୍ଵଗୀତତତ୍ପରଶ୍ରୋତ୍ରକଃ ॥ ୧୧୫ ॥
ଘନଵାହନଵାଗୀଶପୁରସ୍ସରସୁରାର୍ଚିତଃ ।
ଙଵର୍ଣାମୃତଧାରାଢ୍ୟଶୋଭମାନୈକଦନ୍ତକଃ ॥ ୧୧୬ ॥
ଚନ୍ଦ୍ରକୁଙ୍କୁମଜମ୍ବାଲଲିପ୍ତସିନ୍ଦୂରଵିଗ୍ରହଃ ।
ଛତ୍ରଚାମରରତ୍ନାଢ୍ୟଭ୍ରୁକୁଟାଲଙ୍କୃତାନନଃ ॥ ୧୧୭ ॥
ଜଟାବଦ୍ଧମହାନର୍ଘମଣିପଙ୍କ୍ତିଵିରାଜିତଃ ।
ଝଙ୍କାରିମଧୁପଵ୍ରାତଗାନନାଦଵିନାଦିତଃ ॥ ୧୧୮ ॥
ଞଵର୍ଣକୃତସଂହାରଦୈତ୍ୟାସୃକ୍ପର୍ଣମୁଦ୍ଗରଃ ।
ଟକାରାଖ୍ୟାଫଲାସ୍ଵାଦଵେପିତାଶେଷମୂର୍ଧଜଃ ॥ ୧୧୯ ॥
ଠକାରାଦ୍ୟଡକାରାଙ୍କଢକାରାନନ୍ଦତୋଷିତଃ ।
ଣଵର୍ଣାମୃତପୀୟୂଷଧାରାଧାରସୁଧାକରଃ ॥ ୧୨୦ ॥
ତାମ୍ରସିନ୍ଦୂରପୂଜାଢ୍ୟଲଲାଟଫଲକଚ୍ଛଵିଃ ।
ଥକାରଘନପଙ୍କ୍ତ୍ୟାତିସନ୍ତୋଷିତାଦ୍ଵିଜଵ୍ରଜଃ ॥ ୧୨୧ ॥
ଦୟାମୃତହୃଦମ୍ଭୋଜଧୃତତ୍ରୈଲୋକ୍ୟମଣ୍ଡଲଃ ।
ଧନଦାଦିମହାୟକ୍ଷସଂସେଵିତପଦାମ୍ବୁଜଃ ॥ ୧୨୨ ॥
ନମିତାଶେଷଦେଵୌଘକିରୀଟମଣିରଞ୍ଜିତଃ ।
ପରଵର୍ଗାପଵର୍ଗାଦିଭୋଗେଚ୍ଛେଦନଦକ୍ଷକଃ ॥ ୧୨୩ ॥
ଫଣିଚକ୍ରସମାକ୍ରାନ୍ତଗଲମଣ୍ଡଲମଣ୍ଡିତଃ ।
ବଦ୍ଧଭ୍ରୂୟୁଗଭୀମୋଗ୍ରସନ୍ତର୍ଜିତସୁରସୁରଃ ॥ ୧୨୪ ॥
ଭଵାନୀହୃଦୟାନନ୍ଦଵର୍ଦ୍ଧନୈକନିଶାକରଃ ।
ମଦିରାକଲଶସ୍ଫୀତକରାଲୈକକରାମ୍ବୁଜଃ ॥ ୧୨୫ ॥
ୟଜ୍ଞାନ୍ତରାୟସଙ୍ଘାତସଜ୍ଜୀକୃତଵରାୟୁଧଃ ।
ରତ୍ନାକରସୁତାକାନ୍ତିକ୍ରାନ୍ତିକୀର୍ତିଵିଵର୍ଧନଃ ॥ ୧୨୬ ॥
ଲମ୍ବୋଦରମହାଭୀମଵପୁର୍ଦୀପ୍ତକୃତାସୁରଃ ।
ଵରୁଣାଦିଦିଗୀଶାନସ୍ଵର୍ଚିତାର୍ଚନଚର୍ଚିତଃ ॥ ୧୨୭ ॥
ଶଙ୍କରୈକପ୍ରିୟପ୍ରେମନୟନାନ୍ଦଵର୍ଦ୍ଧନଃ ।
ଷୋଡଶସ୍ଵରିତାଲାପଗୀତଗାନଵିଚକ୍ଷଣଃ ॥ ୧୨୮ ॥
ସମସ୍ତଦୁର୍ଗତିସରିନ୍ନାଥୋତ୍ତାରଣକୋଡୁପଃ ।
ହରାଦିବ୍ରହ୍ମଵୈକୁଣ୍ଠବ୍ରହ୍ମଗୀତାଦିପାଠକଃ ॥ ୧୨୯ ॥
କ୍ଷମାପୂରିତହୃତ୍ପଦ୍ମସଂରକ୍ଷିତଚରାଚରଃ ।
ତାରାଙ୍କମନ୍ତ୍ରଵର୍ଣୈକାଵିଗ୍ରହୋଜ୍ଜ୍ଵଲଵିଗ୍ରହଃ ॥ ୧୩୦ ॥
ଅକାରାଦିକ୍ଷକାରାନ୍ତଵିଦ୍ୟାଭୂଷିତଵିଗ୍ରହଃ ।
ଓଂ ଶ୍ରୀଵିନାୟକୋ ଓଂ ହ୍ରୀଂ ଵିଘ୍ନାଧ୍ୟକ୍ଷୋ ଗଣାଧିପଃ ॥ ୧୩୧ ॥
ହେରମ୍ବୋ ମୋଦକାହାରୋ ଵକ୍ରତୁଣ୍ଡୋ ଵିଧିଃ ସ୍ମୃତଃ ।
ଵେଦାନ୍ତଗୀତୋ ଵିଦ୍ୟାର୍ଥିସିଦ୍ଧମନ୍ତ୍ରଃ ଷଡକ୍ଷରଃ ॥ ୧୩୨ ॥
ଗଣେଶୋ ଵରଦୋ ଦେଵୋ ଦ୍ଵାଦଶାକ୍ଷରମନ୍ତ୍ରିତଃ ।
ସପ୍ତକୋଟିମହାମନ୍ତ୍ରମନ୍ତ୍ରିତାଶେଷଵିଗ୍ରହଃ ॥ ୧୩୩ ॥
ଗାଙ୍ଗେୟୋ ଗଣସେଵ୍ୟଶ୍ଚ ଓଂ ଶ୍ରୀଦ୍ଵୈମାତୁରଃ ଶିଵଃ ।
ଓଂ ହ୍ରୀଂ ଶ୍ରୀଂ କ୍ଲୀଂ ଗ୍ଲୌଂ ଗଁ ଦେଵୋ ମହାଗଣପତିଃ ପ୍ରଭୁଃ ॥ ୧୩୪ ॥
ଇଦଂ ନାମସହସ୍ରଂ ତୁ ମହାଗଣପତେଃ ସ୍ମୃତମ୍ ।
ଗୁହ୍ୟଂ ଗୋପ୍ୟତମଂ ସିଦ୍ଧଂ ସର୍ଵତନ୍ତ୍ରେଷୁ ଗୋପିତମ୍ ॥ ୧୩୫ ॥
ସର୍ଵମନ୍ତ୍ରମୟଂ ଦିଵ୍ୟଂ ସର୍ଵଵିଘ୍ନଵିନାଶନମ୍ ।
ଗ୍ରହତାରାମୟଂ ରାଶିଵର୍ଣପଙ୍କ୍ତିସମନ୍ଵିତମ୍ ॥ ୧୩୬ ॥
ସର୍ଵାଵିଦ୍ୟାମୟଂ ବ୍ରହ୍ମସାଧନଂ ସାଧକପ୍ରିୟମ୍ ।
ଗଣେଶସ୍ୟ ଚ ସର୍ଵସ୍ଵଂ ରହସ୍ୟଂ ତ୍ରିଦିଵୌକସାମ୍ ॥ ୧୩୭ ॥
ୟଥେଷ୍ଟଫଲଦଂ ଲୋକେ ମନୋରଥପ୍ରପୂରଣମ୍ ।
ଅଷ୍ଟସିଦ୍ଧିମୟଂ ଶ୍ରେଷ୍ଠଂ ସାଧକାନାଂ ଜୟପ୍ରଦମ୍ ॥ ୧୩୮ ॥
ଵିନାର୍ଚନଂ ଵିନା ହୋମଂ ଵିନାନ୍ୟାସଂ ଵିନା ଜପମ୍ ।
ଅଣିମାଦ୍ୟଷ୍ଟସିଦ୍ଧୀନାଂ ସାଧନଂ ସ୍ମୃତିମାତ୍ରତଃ ॥ ୧୩୯ ॥
ଚତୁର୍ଥ୍ୟାମର୍ଧରାତ୍ରେ ତୁ ପଠେନ୍ମନ୍ତ୍ରୀ ଚତୁଷ୍ପଥେ ।
ଲିଖେଦ୍ଭୂର୍ଜେ ମହାଦେଵି ! ପୁଣ୍ୟଂ ନାମସହସ୍ରକମ୍ ॥ ୧୪୦ ॥
ଧାରୟେତ୍ତଂ ଚତୁର୍ଦଶ୍ୟାଂ ମଧ୍ୟାହ୍ନେ ମୂର୍ଧ୍ନି ଵା ଭୁଜେ ।
ୟୋଷିଦ୍ଵାମକରେ ଚୈଵ ପୁରୁଷୋ ଦକ୍ଷିଣେ ଭୁଜେ ॥ ୧୪୧ ॥
ସ୍ତମ୍ଭୟେଦପି ବ୍ରହ୍ୟାଣଂ ମୋହୟେଦପି ଶଙ୍କରମ୍ ।
ଵଶୟେଦପି ତ୍ରୈଲୋକ୍ୟଂ ମାରୟେଦଖିଲାନ୍ ରିପୂନ୍ ॥ ୧୪୨ ॥
ଉଚ୍ଚାଟୟେଚ୍ଚ ଗୀର୍ଵାଣଂ ଶମୟେଚ୍ଚ ଧନଞ୍ଜୟମ୍ ।
ଵନ୍ଧ୍ୟା ପୁତ୍ରଂ ଲଭେଚ୍ଛୀଘ୍ରଂ ନିର୍ଧନୋ ଧନମାପ୍ନୁୟାତ୍ ॥ ୧୪୩ ॥
ତ୍ରିଵାରଂ ୟଃ ପଠେଦ୍ରାତ୍ରୌ ଗଣେଶସ୍ୟ ପୁରଃ ଶିଵେ ।
ନଗ୍ନଃ ଶକ୍ତିୟୁତୋ ଦେଵି ଭୁକ୍ତ୍ଵା ଭୋଗାନ୍ୟଥେପ୍ସିତାନ୍ ॥ ୧୪୪ ॥
ପ୍ରତ୍ୟକ୍ଷଵରଦଂ ପଶ୍ୟେଦ୍ଗଣେଶଂ ସାଧକୋତ୍ତମଃ ।
ୟ ଇଦଂ ପଠତେ ନାମ୍ନାଂ ସହସ୍ରଂ ଭକ୍ତିପୂର୍ଵକମ୍ ॥ ୧୪୫ ॥
ତସ୍ୟ ଵିତ୍ତାଦିଵିଭଵୋଦାରାୟୁଃ ସମ୍ପଦଃ ସଦା ।
ରଣେ ରାଜମୟେ ଦ୍ୟୂତେ ପଠେନ୍ନାମସହସ୍ରକମ୍ ॥ ୧୪୬ ॥
ସର୍ଵତ୍ର ଜୟମାପ୍ନୋତି ଗଣେଶସ୍ୟ ପ୍ରସାଦତଃ ॥ ୧୪୭ ॥
ଇତୀଦଂ ପୁଣ୍ୟସର୍ଵସ୍ଵଂ ମନ୍ତ୍ରନାମସହସ୍ରକମ୍ ।
ମହାଗଣପତେଃ ପୁଣ୍ୟଂ ଗୋପନୀୟଂ ସ୍ଵୟୋନିଵତ୍ ॥ ୧୪୭ ॥
॥ ଇତି ଶ୍ରୀରୁଦ୍ରୟାମଲତନ୍ତ୍ରେ
ଶ୍ରୀମଦୁଚ୍ଛିଷ୍ଟଗଣେଶସହସ୍ରନାମସ୍ତୋତ୍ରଂ ସମ୍ପୂର୍ଣମ୍ ॥