॥ Vasudeva Sahasranama Stotram Gujarati Lyrics ॥
॥ શ્રીવિષ્ણુ અપરનામ વાસુદેવસહસ્રનામસ્તોત્રમ્ ॥
પદ્મપુરાણે ઉત્તરખણ્ડે – વાસુદેવસહસ્રનામસ્તોત્રં
નારદપઞ્ચરાત્રે વિષ્ણુસહસ્રનામં ચ
બ્રહ્મનારદ – પાર્વતીશિવસંવાદાત્મકં
વિનિયોગઃ
ૐ અસ્ય શ્રીવિષ્ણોસ્સહસ્રનામસ્તોત્રમન્ત્રસ્ય શ્રીમહાદેવ ઋષિઃ ।
અનુષ્ટુપ્છન્દઃ । શ્રીવિષ્ણુઃ પરમાત્મા દેવતા। હ્રીં બીજં।
શ્રીં શક્તિઃ । ક્લીં કીલકમ્।
ધર્માર્થકામમોક્ષપ્રાપ્ત્ત્યર્થે નામપારાયણે વિનિયોગઃ ।
કરન્યાસઃ ।
ૐ વાસુદેવઃ પરં બ્રહ્મ ઇત્યઙ્ગુષ્ઠાભ્યાં નમઃ ॥ ૧ ॥
ૐ મૂલપ્રકૃતિરિતિ તર્જનીભ્યાં નમઃ ॥ ૨ ॥
ૐ મહાવરાહ ઇતિ મધ્યમાભ્યાં નમઃ ॥ ૩ ॥
સૂર્યવંશધ્વજ ઇતિ અનામિકાભ્યાં નમઃ ॥ ૪ ॥
બ્રહ્માદિકામ્યલલિતજગદાશ્ચર્યશૈશવ ઇતિ કનિષ્ઠિકાભ્યાં નમઃ ॥ ૫ ॥
યથાર્થખણ્ડિતાશેષ ઇતિ કરતલકરપૃષ્ઠાભ્યાં નમઃ ॥
એવં હૃદયાદિન્યાસઃ ॥ ૐ નમો નારાયણાયેતિ દિગ્બન્ધઃ ॥
॥ ધ્યાનમ્ ॥
ૐ નમો નારાયણાય પુરુષાય મહાત્મને ।
વિશુદ્ધસત્ત્વધિષ્ણ્યાય મહાહંસાય ધીમહિ ॥
લમિત્યાદિ પઞ્ચપૂજા । ૐ નમો નારાયણાય ઇતિ (૨)
ૐ હ્રાં હ્રીં હ્રૂં હૈં હ્રૌં હ્રઃ
ક્લીં કૃષ્ણાય વિષ્ણવે હ્રીં રામાય ધીમહિ ।
તન્નો દેવઃ પ્રચોદયાત્ ઇતિ ॥
ક્ષ્રૌં નૃસિંહાય વિદ્મહે શ્રીં શ્રીકણ્ઠાય ધીમહિ ।
તન્નો વિષ્ણુઃ પ્રચોદયાત્ ઇતિ ॥
ૐ વાસુદેવાય વિદ્મહે દેવકીસુતાય ધીમહિ ।
તન્નઃ કૃષ્ણઃ પ્રચોદયાત્ ઇતિ ॥
ૐ હ્રાં હ્રીં હ્રૂં હૈં હ્રૌં હ્રઃ ।
ક્લીં કૃષ્ણાય ગોવિન્દાય ગોપીજનવલ્લભાય સ્વાહા ઇતિ
વા મન્ત્રં યથોચિતં જપ્ત્વા ધ્યાયેત્ ।
॥ ધ્યાનમ્ ॥
વિષ્ણું ભાસ્વત્કિરીટાઙ્ગદવલયગણાકલ્પહારોદરાઙ્ઘ્રિં
શ્રીભૂષં શ્રીસુવક્ષોમણિ મકરમહાકુણ્ડલં મણ્ડિતાશમ્ ।
હસ્તોદ્યચ્ચક્રશઙ્ખામ્બુજગલમમલં પીતકૌશયવાસં
વિદ્યોતદ્ભાસમુદ્યદ્દિનકરસદૃશં પદ્મસંસ્થં નમામિ ॥
ૐ વાસુદેવઃ પરં બ્રહ્મ પરમાત્મા પરાત્પરઃ ।
પરં ધામ પરં જ્યોતિઃ પરં તત્ત્વં પરં પદમ્ ॥ ૧ ॥
પરં શિવઃ પરો ધ્યેયઃ પરં જ્ઞાનં પરા ગતિઃ ।
પરમાર્થઃ પરં શ્રેયઃ પરાનન્દઃ પરોદયઃ ॥ ૨ ॥
પરોઽવ્યક્તાત્પરં વ્યોમ પરમર્દ્ધિઃ પરેશ્વરઃ ।
નિરામયો નિર્વિકારો નિર્વિકલ્પો નિરાશ્રયઃ ॥ ૩ ॥
નિરઞ્જનો નિરાતઙ્કો નિર્લેપો નિરવગ્રહઃ ।
નિર્ગુણો નિષ્કલોઽનન્તોઽભયોઽચિન્ત્યો બલોચિતઃ ॥ ૪ ॥
અતીન્દ્રિયોઽમિતોઽપારોઽનીશોઽનીહોઽવ્યયોઽક્ષયઃ ।
સર્વજ્ઞઃ સર્વગઃ સર્વઃ સર્વદઃ સર્વભાવનઃ ॥ ૫ ॥
સર્વશાસ્તા સર્વસાક્ષી પૂજ્યઃ સર્વસ્ય સર્વદૃક્ ।
સર્વશક્તિઃ સર્વસારઃ સર્વાત્મા સર્વતોમુખઃ ॥ ૬ ॥
સર્વાવાસઃ સર્વરૂપઃ સર્વાદિઃ સર્વદુઃખહા ।
સર્વાર્થઃ સર્વતોભદ્રઃ સર્વકારણકારણમ્ ॥ ૭ ॥
સર્વાતિશાયિતઃ સર્વાધ્યક્ષઃ સર્વસુરેશ્વરઃ ।
ષડ્વિંશકો મહાવિષ્ણુર્મહાગુહ્યો મહાવિભુઃ ॥ ૮ ॥
નિત્યોદિતો નિત્યયુક્તો નિત્યાનન્દઃ સનાતનઃ ।
માયાપતિર્યોગપતિઃ કૈવલ્યપતિરાત્મભૂઃ ॥ ૯ ॥
જન્મમૃત્યુજરાતીતઃ કાલાતીતો ભવાતિગઃ ।
પૂર્ણઃ સત્યઃ શુદ્ધબુદ્ધસ્વરૂપો નિત્યચિન્મયઃ ॥ ૧૦ ॥
યોગિપ્રિયો યોગમયો ભવબન્ધૈકમોચકઃ ।
પુરાણઃ પુરુષઃ પ્રત્યક્ચૈતન્યં પુરુષોત્તમઃ ॥ ૧૧ ॥
વેદાન્તવેદ્યો દુર્જ્ઞેયસ્તાપત્રયવિવર્જિતઃ ।
બ્રહ્મવિદ્યાશ્રયોઽનાદ્યઃ સ્વપ્રકાશઃ સ્વયમ્પ્રભુઃ ॥ ૧૨ ॥
સર્વોપેય ઉદાસીનઃ પ્રણવઃ સર્વતઃ સમઃ ।
સર્વાનવદ્યો દુષ્પ્રાપ્યસ્તુરીયસ્તમસઃ પરઃ ॥ ૧૩ ॥
કૂટસ્થઃ સર્વસંશ્લિષ્ટો વાઙ્ગમનોગોચરાતિગઃ ।
સઙ્કર્ષણઃ સર્વહરઃ કાલઃ સર્વભયઙ્કરઃ ॥ ૧૪ ॥
અનુલ્લઙ્ઘ્યશ્ચિત્રગતિર્મહારુદ્રો દુરાસદઃ ।
મૂલપ્રકૃતિરાનન્દઃ પ્રદ્યુમ્નો વિશ્વમોહનઃ ॥ ૧૫ ॥
મહામાયો વિશ્વબીજં પરાશક્તિસુખૈકભુક્ ।
સર્વકામ્યોઽનન્તશીલઃ સર્વભૂતવશઙ્કરઃ ॥ ૧૬ ॥
અનિરુદ્ધઃ સર્વજીવો હૃષીકેશો મનઃ પતિઃ ।
નિરુપાધિપ્રિયો હંસોઽક્ષરઃ સર્વનિયોજકઃ ॥ ૧૭ ॥
બ્રહ્મ પ્રાણેશ્વરઃ સર્વભૂતભૃદ્દેહનાયકઃ ।
ક્ષેત્રજ્ઞઃ પ્રકૃતિસ્વામી પુરુષો વિશ્વસૂત્રધૃક્ ॥ ૧૮ ॥
અન્તર્યામી ત્રિધામાઽન્તઃસાક્ષી ત્રિગુણ ઈશ્વરઃ ।
યોગિગમ્યઃ પદ્મનાભઃ શેષશાયી શ્રિયઃ પતિઃ ॥ ૧૯ ॥
શ્રીસદોપાસ્યપાદાબ્જો નિત્યશ્રીઃ શ્રીનિકેતનઃ ।
નિત્યં વક્ષઃસ્થલસ્થશ્રીઃ શ્રીનિધિઃ શ્રીધરો હરિઃ ॥ ૨૦ ॥
વશ્યશ્રીર્નિશ્ચલઃ શ્રીદો વિષ્ણુઃ ક્ષીરાબ્ધિમન્દિરઃ ।
કૌસ્તુભોદ્ભાસિતોરસ્કો માધવો જગદાર્તિહા ॥ ૨૧ ॥
શ્રીવત્સવક્ષા નિઃસીમકલ્યાણગુણભાજનમ્ ।
પીતામ્બરો જગન્નાથો જગત્ત્રાતા જગત્પિતા ॥ ૨૨ ॥
જગદ્બન્ધુર્જગત્સ્રષ્ટા જગદ્ધાતા જગન્નિધિઃ ।
જગદેકસ્ફુરદ્વીર્યોઽનહંવાદી જગન્મયઃ ॥ ૨૩ ॥
સર્વાશ્ચર્યમયઃ સર્વસિદ્ધાર્થઃ સર્વરઞ્જિતઃ ।
સર્વામોઘોદ્યમો બ્રહ્મરુદ્રાદ્યુત્કૃષ્ટચેતનઃ ॥ ૨૪ ॥
શમ્ભોઃ પિતામહો બ્રહ્મપિતા શક્રાદ્યધીશ્વરઃ ।
સર્વદેવપ્રિયઃ સર્વદેવમૂર્તિરનુત્તમઃ ॥ ૨૫ ॥
સર્વદેવૈકશરણં સર્વદેવૈકદૈવતમ્ ।
યજ્ઞભુગ્યજ્ઞફલદો યજ્ઞેશો યજ્ઞભાવનઃ ॥ ૨૬ ॥
યજ્ઞત્રાતા યજ્ઞપુમાન્ વનમાલી દ્વિજપ્રિયઃ ।
દ્વિજૈકમાનદો વિપ્રકુલદેવોઽસુરાન્તકઃ ॥ ૨૭ ॥
સર્વદુષ્ટાન્તકૃત્સર્વસજ્જનાનન્યપાલકઃ ।
સપ્તલોકૈકજઠરઃ સપ્તલોકૈકમણ્ડનઃ ॥ ૨૮ ॥
સૃષ્ટિસ્થિત્યન્તકૃચ્ચક્રી શાર્ઙ્ગધન્વા ગદાધરઃ ।
શઙ્ખભૃન્નન્દકી પદ્મપાણિર્ગરુડવાહનઃ ॥ ૨૯ ॥
અનિર્દેશ્યવપુઃ સર્વપૂજ્યસ્ત્રૈલોક્યપાવનઃ ।
અનન્તકીર્તિર્નિઃસીમપૌરુષઃ સર્વમઙ્ગલઃ ॥ ૩૦ ॥
સૂર્યકોટિપ્રતીકાશો યમકોટિદુરાસદઃ ।
મયકોટિજગત્સ્ત્રષ્ટા વાયુકોટિમહાબલઃ ॥ ૩૧ ॥
કોટીન્દુજગદાનન્દી શમ્ભુકોટિમહેશ્વરઃ ।
કન્દર્પકોટિલાવણ્યો દુર્ગાકોટિવિમર્દનઃ ॥ ૩૨ ॥
સમુદ્રકોટિગમ્ભીરસ્તીર્થકોટિસમાહ્વયઃ ।
કુબેરકોટિલક્ષ્મીવાન્ શક્રકોટિવિલાસવાન્ ॥ ૩૩ ॥
હિમવત્કોટિનિષ્કમ્પઃ કોટિબ્રહ્માણ્ડવિગ્રહઃ ।
કોટ્યશ્વમેધપાપઘ્નો યજ્ઞકોટિસમાર્ચનઃ ॥ ૩૪ ॥
સુધાકોટિસ્વાસ્થ્યહેતુઃ કામધુક્કોટિકામદઃ ।
બ્રહ્મવિદ્યાકોટિરૂપઃ શિપિવિષ્ટઃ શુચિશ્રવાઃ ॥ ૩૫ ॥
વિશ્વમ્ભરસ્તીર્થપાદઃ પુણ્યશ્રવણકીર્તનઃ ।
આદિદેવો જગજ્જૈત્રો મુકુન્દઃ કાલનેમિહા ॥ ૩૬ ॥
વૈકુણ્ઠેશ્વરમાહાત્મ્યો મહાયોગેશ્વરોત્સવઃ ।
નિત્યતૃપ્તો લસદ્ભાવો નિઃશઙ્કો નરકાન્તકઃ ॥ ૩૭ ॥
દીનાનાથૈકશરણં વિશ્વૈકવ્યસનાપહઃ ।
જગત્કૃપાક્ષમો નિત્યં કૃપાલુઃ સજ્જનાશ્રયઃ ॥ ૩૮ ॥
યોગેશ્વરઃ સદોદીર્ણો વૃદ્ધિક્ષયવિવર્જિતઃ ।
અધોક્ષજો વિશ્વરેતા પ્રજાપતિશતાધિપઃ ॥ ૩૯ ॥
શક્રબ્રહ્માર્ચિતપદઃ શમ્ભુબ્રહ્મોર્ધ્વધામગઃ ।
સૂર્યસોમેક્ષણો વિશ્વભોક્તા સર્વસ્ય પારગઃ ॥ ૪૦ ॥
જગત્સેતુધર્મસેતુધરો વિશ્વધુરન્ધરઃ ।
નિર્મમોઽખિલલોકેશો નિઃસઙ્ગોઽદ્ભુતભોગવાન્ ॥ ૪૧ ॥
વશ્યમાયો વશ્યવિશ્વો વિષ્વક્સેનો સુરોત્તમઃ ।
સર્વશ્રેયઃ પતિર્દિવ્યાનર્ધ્યભૂષણભૂષિતઃ ॥ ૪૨ ॥
સર્વલક્ષણલક્ષણ્યઃ સર્વદૈત્યેન્દ્રદર્પહા ।
સમસ્તદેવસર્વસ્વં સર્વદૈવતનાયકઃ ॥ ૪૩ ॥
સમસ્તદેવકવચં સર્વદેવશિરોમણિઃ ।
સમસ્તદેવતાદુર્ગઃ પ્રપન્નાશનિપઞ્જરઃ ॥ ૪૪ ॥
સમસ્તભયહૃન્નામા ભગવાન્વિષ્ટરશ્રવાઃ ।
વિભુઃ સર્વહિતોદર્કો હતારિઃ સ્વર્ગતિપ્રદઃ ॥ ૪૫ ॥
સર્વદૈવતજીવેશો બ્રાહ્મણાદિનિયોજકઃ ।
બ્રહ્મા શમ્ભુઃ શતાર્ધાયુર્બ્રહ્મજ્યેષ્ઠઃ શિશુઃ સ્વરાટ્ ॥ ૪૬ ॥
વિરાડ્ ભક્તપરાધીનઃ સ્તુત્યઃ સ્તોત્રાર્થસાધકઃ ।
પરાર્થકર્તા કૃત્યજ્ઞઃ સ્વાર્થકૃત્યસદોજ્જ્ઞિતઃ ॥ ૪૭ ॥
સદાનદઃ સદાભદ્રઃ સદાશાન્તઃ સદાશિવઃ ।
સદાપ્રિયઃ સદાતુષ્ટઃ સદાપુષ્ટઃ સદાર્ચિતઃ ॥ ૪૮ ॥
સદાપૂતઃ પાવનાગ્રો વેદગુહ્યો વૃષાકપિઃ ।
સહસ્રનામા ત્રિયુગશ્ચતુમૂર્તિશ્ચતુર્ભુજઃ ॥ ૪૯ ॥
ભૂતભવ્યભવન્નાથો મહાપુરુષપૂર્વજઃ ।
નારાયણો મુઞ્જકેશઃ સર્વયોગવિનિઃસૃતઃ ॥ ૫૦ ॥
વેદસારો યજ્ઞસારઃ સામસારસ્તપોનિધિઃ ।
સાધ્યઃ શ્રેષ્ઠઃ પુરાણર્ષિર્નિષ્ઠાશાન્તિઃ પરાયણમ્ ॥ ૫૧ ॥
શિવત્રિશૂલવિધ્વંસી શ્રીકણ્ઠૈકવરપ્રદઃ ।
નરઃ કૃષ્ણો હરિર્ધર્મનન્દનો ધર્મજીવનઃ ॥ ૫૨ ॥
આદિકર્તા સર્વસત્યઃ સર્વસ્ત્રીરત્નદર્પહા ।
ત્રિકાલજિતકન્દર્પ ઉર્વશીદૃઙ્મુનીશ્વરઃ ॥ ૫૩ ॥
આદ્યઃ કવિર્હયગ્રીવઃ સર્વવાગીશ્વરેશ્વરઃ ।
સર્વદેવમયો બ્રહ્મા ગુરુર્વાગીશ્વરીપતિઃ ॥ ૫૪ ॥
અનન્તવિદ્યાપ્રભવો મૂલાવિદ્યાવિનાશકઃ ।
સર્વજ્ઞદો જગજ્જાડ્યનાશકો મધુસૂદનઃ ॥ ૫૫ ॥
અનન્તમન્ત્રકોટીશઃ શબ્દબ્રહ્મૈકપારગઃ ।
આદિવિદ્વાન્ વેદકર્તા વેદાત્મા શ્રુતિસાગરઃ ॥ ૫૬ ॥
બ્રહ્માર્થવેદહરણઃ સર્વવિજ્ઞાનજન્મભૂઃ ।
વિદ્યારાજો જ્ઞાનમૂર્તિર્જ્ઞાનસિન્ધુરખણ્ડધીઃ ॥ ૫૭ ॥
મત્સ્યદેવો મહાશૃઙ્ગો જગદ્બીજવહિત્રદૃક્ ।
લીલાવ્યાપ્તાનિલામ્ભોધિશ્ચતુર્વેદપ્રર્વતકઃ ॥ ૫૮ ॥
આદિકૂર્મોઽખિલાધારસ્તૃણીકૃતજગદ્ભરઃ ।
અમરીકૃતદેવૌઘઃ પીયૂષોત્પત્તિકારણમ્ ॥ ૫૯ ॥
આત્માધારો ધરાધારો યજ્ઞાઙ્ગો ધરણીધરઃ ।
હિરણ્યાક્ષહરઃ પૃધ્વીપતિઃ શ્રાદ્ધાદિકલ્પકઃ ॥ ૬૦ ॥
સમસ્તપિતૃભીતિઘ્નઃ સમસ્તપિતૃજીવનમ્ ।
હવ્યકવ્યૈકભુક્ હવ્યકવ્યૈકફલદાયકઃ ॥ ૬૧ ॥
રોમાન્તર્લીનજલધિઃ ક્ષોભિતાશેષસાગરઃ ।
મહાવરાહો યજ્ઞસ્ય ધ્વંસકો યાજ્ઞિકાશ્રયઃ ॥ ૬૨ ॥
શ્રીનૃસિંહો દિવ્યસિંહઃ સર્વાનિષ્ટાર્થદુઃખહા ।
એકવીરોઽદ્ભુતબલો યન્ત્રમન્ત્રૈકમ્ભઞ્જનઃ ॥ ૬૩ ॥
બ્રહ્માદિદુઃસહજ્યોતિર્યુગાન્તાગ્ન્યતિભીષણઃ ।
કોટિવજ્રાધિકનખો જગદ્દુષ્પ્રેક્ષ્યમૂર્તિધૃક્ ॥ ૬૪ ॥
માતૃચક્રપ્રમથનો મહામાતૃગણેશ્વરઃ ।
અચિન્ત્યામોઘવીર્યાઢ્યઃ સમસ્તાસુરઘસ્મરઃ ॥ ૬૫ ॥
હિરણ્યકશિપુચ્છેદી કાલઃ સઙ્કર્ષિણીપતિઃ ।
કૃતાન્તવાહનાસહ્યઃ સમસ્તભયનાશનઃ ॥ ૬૬ ॥
સર્વવિઘ્નાન્તકઃ સર્વસિદ્ધિદઃ સર્વપૂરકઃ ।
સમસ્તપાતકધ્વંસી સિદ્ધમન્ત્રાધિકાહ્વયઃ ॥ ૬૭ ॥
ભૈરવેશો હરાર્તિઘ્નઃ કાલકલ્પો દુરાસદઃ ।
દૈત્યગર્ભસ્રાવિનામા સ્ફુટદ્બ્રહ્માણ્ડવર્જિતઃ ॥ ૬૮ ॥
સ્મૃતિમાત્રાખિલત્રાતાદ્ભુતરૂપો મહાહરિઃ ।
બ્રહ્મચર્યશિરઃપિણ્ડી દિક્પાલોઽર્ધાઙ્ગભૂષણઃ ॥ ૬૯ ॥
દ્વાદશાર્કશિરોદામા રુદ્રશીર્ષૈકનૂપુરઃ ।
યોગિનીગ્રસ્તગિરિજાત્રાતા ભૈરવતર્જકઃ ॥ ૭૦ ॥
વીરચક્રેશ્વરોઽત્યુગ્રોઽપમારિઃ કાલશમ્બરઃ ।
ક્રોધેશ્વરો રુદ્રચણ્ડીપરિવારાદિદુષ્ટભુક્ ॥ ૭૧ ॥
સર્વાક્ષોભ્યો મૃત્યુમૃત્યુઃ કાલમૃત્યુનિવર્તકઃ ।
અસાધ્યસર્વદેવઘ્નઃ સર્વદુર્ગ્રહસૌમ્યકૃત્ ॥ ૭૨ ॥
ગણેશકોટિદર્પઘ્નો દુઃસહાશેષગોત્રહા ।
દેવદાનવદુર્દર્શો જગદ્ભયદભીષણઃ ॥ ૭૩ ॥
સમસ્તદુર્ગતિત્રાતા જગદ્ભક્ષકભક્ષકઃ ।
ઉગ્રશામ્બરમાર્જારઃ કાલમૂષકભક્ષકઃ ॥ ૭૪ ॥
અનન્તાયુધદોર્દણ્ડી નૃસિંહો વીરભદ્રજિત્ ।
યોગિનીચક્રગુહ્યેશઃ શક્રારિપશુમાંસભુક્ ॥ ૭૫ ॥
રુદ્રો નારાયણો મેષરૂપશઙ્કરવાહનઃ ।
મેષરૂપશિવત્રાતા દુષ્ટશક્તિસહસ્રભુક્ ॥ ૭૬ ॥
તુલસીવલ્લભો વીરો વામાચારોઽખિલેષ્ટદઃ ।
મહાશિવઃ શિવારુઢો ભૈરવૈકકપાલધૃક્ ॥ ૭૭ ॥
ભિલ્લીચક્રેશ્વરઃ શક્રદિવ્યમોહનરૂપદઃ ।
ગૌરીસૌભાગ્યદો માયાનિધિર્માયાભયાપહઃ ॥ ૭૮ ॥
બ્રહ્મતેજોમયો બ્રહ્મશ્રીમયશ્ચ ત્રયીમયઃ ।
સુબ્રહ્મણ્યો બલિધ્વંસી વામનોઽદિતિદુઃખહા ॥ ૭૯ ॥
ઉપેન્દ્રો નૃપતિર્વિષ્ણુઃ કશ્યપાન્વયમણ્ડનઃ ।
બલિસ્વરાજ્યદઃ સર્વદેવવિપ્રાન્નદોઽચ્યુતઃ ॥ ૮૦ ॥
ઉરુક્રમસ્તીર્થપાદસ્ત્રિપદસ્થસ્ત્રિવિક્રમઃ ।
વ્યોમપાદઃ સ્વપાદામ્ભઃપવિત્રિતજગત્ત્રયઃ ॥ ૮૧ ॥
બ્રહ્મેશાદ્યભિવન્દ્યાઙ્ઘ્રિર્દ્રુતધર્માઙ્ઘ્રિધાવનઃ ।
var ર્દ્રુતકર્માદ્રિધારણઃ
અચિન્ત્યાદ્ભુતવિસ્તારો વિશ્વવૃક્ષો મહાબલઃ ॥ ૮૨ ॥
રાહુમૂર્ધાપરાઙ્ગછિદ્ ભૃગુપત્નીશિરોહરઃ ।
પાપત્રસ્તઃ સદાપુણ્યો દૈત્યાશાનિત્યખણ્ડનઃ ॥ ૮૩ ॥
પૂરિતાખિલદેવેશો વિશ્વાર્થૈકાવતારકૃત્ ।
સ્વમાયાનિત્યગુપ્તાત્મા ભક્તચિન્તામણિઃ સદા ॥ ૮૪ ॥
વરદઃ કાર્તવીર્યાદિરાજરાજ્યપ્રદોઽનઘઃ ।
વિશ્વશ્લાઘ્યામિતાચારો દત્તાત્રેયો મુનીશ્વરઃ ॥ ૮૫ ॥
પરાશક્તિસદાશ્લિષ્ટો યોગાનન્દઃ સદોન્મદઃ ।
સમસ્તેન્દ્રારિતેજોહૃત્પરમામૃતપદ્મપઃ ॥ ૮૬ ॥
અનસૂયાગર્ભરત્નં ભોગમોક્ષસુખપ્રદઃ ।
જમદગ્નિકુલાદિત્યો રેણુકાદ્ભુતશક્તિકૃત્ ॥ ૮૭ ॥
માતૃહત્યાદિનિર્લેપઃ સ્કન્દજિદ્વિપ્રરાજ્યદઃ ।
સર્વક્ષત્રાન્તકૃદ્વીરદર્પહા કાર્તવીર્યજિત્ ॥ ૮૮ ॥
સપ્તદ્વીપવતીદાતા શિવાચાર્યયશઃપ્રદઃ ।
ભીમઃ પરશુરામશ્ચ શિવાચાર્યૈકવિપ્રભુક્ ॥ ૮૯ ॥
શિવાખિલજ્ઞાનકોષો ભીષ્માચાર્યોઽગ્નિદૈવતઃ ।
દ્રોણાચાર્યગુરુર્વિશ્વજૈત્રધન્વા કૃતાન્તજિત્ ॥ ૯૦ ॥
અદ્વિતીયતપોમૂર્તિર્બ્રહ્મચર્યૈકદક્ષિણઃ ।
મનુઃ શ્રેષ્ઠઃ સતાં સેતુર્મહીયાન્ વૃષભો વિરાટ્ ॥ ૯૧ ॥
આદિરાજઃ ક્ષિતિપિતા સર્વરત્નૈકદોહકૃત્ ।
પૃથુર્જન્માદ્યેકદક્ષો ગીઃશ્રીકીર્ત્તિસ્વયંવૃતઃ ॥ ૯૨ ॥
જગદ્વૃત્તિપ્રદશ્ચક્રવર્તિશ્રેષ્ઠોઽદ્વયાસ્ત્રધૃક્ ।
સનકાદિમુનિપ્રાપ્યો ભગવદ્ભક્તિવર્ધનઃ ॥। ૯૩ ॥
વર્ણાશ્રમાદિધર્માણાં કર્તા વક્તા પ્રવર્તકઃ ।
સૂર્યવંશધ્વજો રામો રાધવઃ સદ્ગુણાર્ણવઃ ॥ ૯૪ ॥
કાકુત્સ્થો વીરરાડ્ રાજા રાજધર્મધુરન્ધરઃ ।
નિત્યસ્વઃસ્થાશ્રયઃ સર્વભદ્રગ્રાહી શુભૈકદૃક્ ॥। ૯૫ ॥
નરરત્નં રત્નગર્ભો ધર્માધ્યક્ષો મહાનિધિઃ ।
સર્વશ્રેષ્ઠાશ્રયઃ સર્વશાસ્ત્રાર્થગ્રામવીર્યવાન્ ॥ ૯૬ ॥
જગદ્વશો દાશરથિઃ સર્વરત્નાશ્રયો નૃપઃ ।
સમસ્તધર્મસૂઃ સર્વધર્મદ્રષ્ટાઽખિલાઘહા ॥ ૯૭ ॥
અતીન્દ્રો જ્ઞાનવિજ્ઞાનપારદશ્ચ ક્ષમામ્બુધિઃ ।
સર્વપ્રકૃષ્ટશિષ્ટેષ્ટો હર્ષશોકાદ્યનાકુલઃ ॥ ૯૮ ॥
પિત્રાજ્ઞાત્યક્તસામ્રાજ્યઃ સપત્નોદયનિર્ભયઃ ।
ગુહાદેશાર્પિતૈશ્વર્યઃ શિવસ્પર્ધી જટાધરઃ ॥। ૯૯ ॥
ચિત્રકૂટાપ્તરત્નાદ્રિર્જગદીશો વનેચરઃ ।
યથેષ્ટામોઘસર્વાસ્ત્રો દેવેન્દ્રતનયાક્ષિહા ॥ ૧૦૦ ॥
બ્રહ્મેન્દ્રાદિનતૈષીકો મારીચઘ્નો વિરાધહા ।
બ્રહ્મશાપહતાશેષદણ્ડકારણ્યપાવનઃ ॥ ૧૦૧ ॥
ચતુર્દશસહસ્રોગ્રરક્ષોઘ્નૈકશરૈકધૃક્ ।
ખરારિસ્ત્રિશિરોહન્તા દૂષણઘ્નો જનાર્દનઃ ॥ ૧૦૨ ॥
જટાયુષોઽગ્નિગતિદો કબન્ધસ્વર્ગદાયકઃ ।
લીલાધનુઃકોટ્યાપાસ્તદુન્દુભ્યસ્થિમહાચયઃ ॥ ૧૦૩ ॥
સપ્તતાલવ્યધાકૃષ્ટધ્વજપાતાલદાનવઃ ।
સુગ્રીવરાજ્યદોઽહીનમનસૈવાભયપ્રદઃ ॥ ૧૦૪ ॥
હનૂમદ્રુદ્રમુખ્યેશઃ સમસ્તકપિદેહભૃત્ ।
સનાગદૈત્યબાણૈકવ્યાકુલીકૃતસાગરઃ ॥ ૧૦૫ ॥
સમ્લેચ્છકોટિબાણૈકશુષ્કનિર્દગ્ધસાગરઃ ।
સમુદ્રાદ્ભુતપૂર્વૈકબદ્ધસેતુર્યશોનિધિઃ ॥ ૧૦૬ ॥
અસાધ્યસાધકો લઙ્કાસમૂલોત્કર્ષદક્ષિણઃ ।
વરદૃપ્તજગચ્છલ્યપૌલસ્ત્યકુલકૃન્તનઃ ॥ ૧૦૭ ॥
રાવણિઘ્નઃ પ્રહસ્તચ્છિત્ કુમ્ભકર્ણભિદુગ્રહા ।
રાવણૈકશિરચ્છેત્તા નિઃશઙ્કેન્દ્રૈકરાજ્યદઃ ॥ ૧૦૮ ॥
સ્વર્ગાસ્વર્ગત્વવિચ્છેદી દેવેન્દ્રાદિન્દ્રતાહરઃ ।
રક્ષોદેવત્વહૃદ્ધર્માધર્મધ્નશ્ચ પુરુષ્ટુતઃ ॥ ૧૦૯ ॥
નતિમાત્રદશાસ્યારિર્દત્તરજ્યવિભીષણઃ ।
સુધાવૃષ્ટિભૃતાશેષસ્વસૈન્યોજ્જીવનૈકકૃત્ ॥ ૧૧૦ ॥
દેવબ્રાહ્મણનામૈકધાતા સર્વામરાર્ચિતઃ ।
બ્રહ્મસૂર્યેન્દ્રરુદ્રાદિવૃન્દાર્પિતસતીપ્રિયઃ ॥ ૧૧૧ ॥
અયોધ્યાખિલરાજન્યઃ સર્વભૂતમનોહરઃ ।
સ્વામિતુલ્યકૃપાદણ્ડો હીનોત્કૃષ્ટૈકસત્પ્રિયઃ ॥ ૧૧૨ ॥
સ્વપક્ષાદિન્યાયદર્શી હીનાર્થાધિકસાધકઃ ।
વ્યાધવ્યાજાનુચિતકૃત્તારકોઽખિલતુલ્યકૃત્ ॥ ૧૧૩ ॥
પાર્વત્યાઽધિકયુક્તાત્મા પ્રિયાત્યક્તઃ સ્મરારિજિત્ ।
સાક્ષાત્કુશલવચ્છદ્મેન્દ્રાગ્નિતાતોઽપરાજિતઃ ॥ ૧૧૪ ॥
કોશલેન્દ્રો વીરબાહુઃ સત્યાર્થત્યક્તસોદરઃ ।
શરસન્ધાનનિર્ધૂતધરણીમણ્ડલોદયઃ ॥ ૧૧૫ ॥
બ્રહ્માદિકામ્યસાન્નિધ્યસનાથીકૃતદૈવતઃ ।
બ્રહ્મલોકાપ્તચાણ્ડાલાદ્યશેષપ્રાણિસાર્થકઃ ॥ ૧૧૬ ॥
સ્વર્નીતગર્દભાશ્વાદિઃ ચિરાયોધ્યાવનૈકકૃત્ત્ ।
રામાદ્વિતીયઃ સૌમિત્રિર્લક્ષ્મણઃ પ્રહતેન્દ્રજિત્ ॥ ૧૧૭ ॥
વિષ્ણુભક્ત્યાપ્તરામાઙ્ઘ્રિઃ પાદુકારાજ્યનિર્વૃતઃ ।
ભરતોઽસહ્યગન્ધર્વકોટિઘ્નો લવણાન્તકઃ ॥ ૧૧૮ ॥
શત્રુઘ્નો વૈદ્યરાજાયુર્વેદગર્ભૌષધીપતિઃ ।
નિત્યામૃતકરો ધન્વન્તરિર્યજ્ઞો જગદ્ધરઃ ॥ ૧૧૯ ॥
સૂર્યારિઘ્નઃ સુરાજીવો દક્ષિણેશો દ્વિજપ્રિયઃ ।
છિન્નમૂર્ધોપદેશાર્કઃ શેષાઙ્ગસ્થાપિતામરઃ ॥ ૧૨૦ ॥
વિશ્વાર્થાશેષકૃદ્રાહુશિરશ્છેદાક્ષતાકૃતિઃ ।
વાજપેયાદિનામાગ્નિર્વેદધર્માપરાયણઃ ॥ ૧૨૧ ॥
શ્વેતદ્વીપપતિઃ સાઙ્ખ્યપ્રણેતા સર્વસિદ્ધિરાટ્ ।
વિશ્વપ્રકાશિતજ્ઞાનયોગો મોહતમિસ્રહા ॥ ૧૨૨ ॥
દેવહૂત્યાત્મજઃ સિદ્ધઃ કપિલઃ કર્દમાત્મજઃ ।
યોગસ્વમી ધ્યાનભઙ્ગસગરાત્મજભસ્મકૃત્ ॥ ૧૨૩ ॥
ધર્મો વિશ્વેન્દ્રસુરભીપતિઃ શુદ્ધાત્મભાવિતઃ ।
શમ્ભુસ્ત્રિપુરદાહૈકસ્થૈર્યવિશ્વરથોદ્ધતઃ ॥ ૧૨૪ ॥
ભક્તશમ્ભુજિતો દૈત્યામૃતવાપીસમસ્તપઃ ।
મહાપ્રલયવિશ્વૈકોઽદ્વિતીયોઽખિલનાગરાટ્ ॥ ૧૨૫ ॥
શેષદેવઃ સહસ્રાક્ષઃ સહસ્રાસ્યશિરોભુજઃ ।
ફણામણિકણાકારયોજિતાબ્ધ્યમ્બુદક્ષિતિઃ ॥ ૧૨૬ ॥
કાલાગ્નિરુદ્રજનકો મુસલાસ્ત્રો હલાયુધઃ ।
નીલામ્બરો વારુણીશો મનોવાક્કાયદોષહા ॥ ૧૨૭ ॥
અસન્તોષદૃષ્ટિમાત્રપાતિતૈકદશાનનઃ ।
બલિસંયમનો ઘોરો રૌહિણેયઃ પ્રલમ્બહા ॥ ૧૨૮ ॥
મુષ્ટિકઘ્નો દ્વિવિદહા કાલિન્દીકર્ષણો બલઃ ।
રેવતીરમણઃ પૂર્વભક્તિખેદાચ્યુતાગ્રજઃ ॥ ૧૨૯ ॥
દેવકીવસુદેવાહ્વકશ્યપાદિતિનન્દનઃ ।
વાર્ષ્ણેયઃ સાત્વતાં શ્રેષ્ઠઃ શૌરિર્યદુકુલોદ્વહઃ ॥ ૧૩૦ ॥
નરાકૃતિઃ પરં બ્રહ્મ સવ્યસાચીવરપ્રદઃ ।
બ્રહ્માદિકામ્યલાલિત્યજગદાશ્ચૈર્યશૈશવઃ ॥ ૧૩૧ ॥
પૂતનાધ્નઃ શકટભિદ્ યમલાર્જુનભઞ્જનઃ ।
વાતાસુરારિઃ કેશિઘ્નો ધેનુકારિર્ગવીશ્વરઃ ॥ ૧૩૨ ॥
દામોદરો ગોપદેવો યશોદાઽઽનન્દકારકઃ ।
કાલીયમર્દનઃ સર્વગોપગોપીજનપ્રિયઃ ॥ ૧૩૩ ॥
લીલાગોવર્ધનધરો ગોવિન્દો ગોકુલોત્સવઃ ।
અરિષ્ટમથનઃ કામોન્મત્તગોપીવિમુક્તિદઃ ॥ ૧૩૪ ॥
સદ્યઃ કુવલયાપીડઘાતી ચાણૂરમર્દનઃ ।
કંસારિરુગ્રસેનાદિરાજ્યવ્યાપારિતાપરઃ ॥ ૧૩૫ ॥
સુધર્માઙ્કિતભૂલોકો જરાસન્ધબલાન્તકઃ ।
ત્યક્તભક્તજરાસન્ધભીમસેનયશઃપ્રદઃ ॥ ૧૩૬ ॥
સાન્દીપનિમૃતાપત્યદાતા કાલાન્તકાદિજિત્ ।
સમસ્તનારકિત્રાતા સર્વભૂપતિકોટિજિત્ ॥ ૧૩૭ ॥
રુક્મિણીરમણો રુક્મિશાસનો નરકાન્તકઃ ।
સમસ્તસુન્દરીકાન્તો મુરારિર્ગરુડધ્વજઃ ॥ ૧૩૮ ॥
એકાકીજિતરુદ્રાર્કમરુદાદ્યખિલેશ્વરઃ ।
દેવેન્દ્રદર્પહા કલ્પદ્રુમાલઙ્કૃતભૂતલઃ ॥ ૧૩૯ ॥
બાણબાહુસહસ્રચ્છિન્નન્દ્યાદિગણકોટિજિત્ ।
લીલાજિતમહાદેવો મહાદૈવેકપૂજિતઃ ॥ ૧૪૦ ॥
ઇન્દ્રાર્થાર્જુનનિર્ભઙ્ગજયદઃ પાણ્ડવૈકધૃક્ ।
કાશીરાજશિરસ્છેત્તા રુદ્રશક્ત્ત્યેકમર્દનઃ ॥ ૧૪૧ ॥
વિશ્વેશ્વરપ્રસાદાક્ષઃ કાશીરાજસુતાર્દનઃ ।
શમ્ભુપ્રતિજ્ઞાવિધ્વંસી કાશીનિર્દગ્ધ નાયકઃ ॥ ૧૪૨ ॥
કાશીશગણકોટિઘ્નઃ લોકશિક્ષાશિવાર્ચકઃ ।
યુવતીવ્રતપોવશ્યઃ પુરા શિવવરપ્રદઃ ॥ ૧૪૩ ॥
શઙ્કરૈકપ્રતિષ્ઠાધૃક્ સ્વાંશશઙ્કરપૂજકઃ ।
શિવકન્યાવ્રતપતિઃ કૃષ્ણરૂપશિવારિહા ॥ ૧૪૪ ॥
મહાલક્ષ્મીવપુર્ગૌરીત્રાતા વૈદલવૃત્રહા ।
સ્વધામમુચુકુન્દૈકનિષ્કાલયવનેષ્ટકૃત્ ॥ ૧૪૫ ॥
યમુનાપતિરાનીતપરિલીનશિવાત્મજઃ ।
શ્રીદામરઙ્કભક્તાર્થભૂમ્યાનીતેન્દ્રવૈભવઃ ॥ ૧૪૬ ॥
દુર્વૃત્તશિશુપાલૈકમુક્તિકોદ્ધારકેશ્વરઃ ।
આચાણ્ડાલાદિકપ્રાપ્યદ્વારકાનિધિકોટિકૃત્ ॥ ૧૪૭ ॥
અક્રૂરોદ્ભવમુખ્યૈકભક્તસ્વચ્છન્દમુક્તિદઃ ।
સબાલસ્ત્રીજલક્રીડોઽમૃતવાપીકૃતાર્ણવઃ ॥ ૧૪૮ ॥
બ્રહ્માસ્ત્રદગ્ધગર્ભસ્થપરીક્ષિજ્જીવનૈકકૃત્ ।
પરિલીનદ્વિજસુતાનેતાઽર્જુનમદાપહઃ ॥ ૧૪૯ ॥
ગૂઢમુદ્રાકૃતિગ્રસ્તભીષ્માદ્યખિલગૌરવઃ ।
પાર્થાર્થખણ્ડિતાશેષદિવ્યાસ્ત્રઃ પાર્થમોહહૃત્ ॥ ૧૫૦ ॥
ગર્ભશાપચ્છલધ્વસ્તયાદવોર્વીભયાપહઃ ।
જરાવ્યાધારિગતિદઃ સ્મૃતિમાત્રાખિલેષ્ટદઃ ॥ ૧૫૧ ॥
કામદેવો રતિપતિર્મન્મથઃ શમ્બરાન્તકઃ ।
અનઙ્ગો જિતગૌરીશો રતિકાન્તઃ સદેપ્સિતઃ ॥ ૧૫૨ ॥
પુષ્પેષુર્વિશ્વવિજયી સ્મરઃ કામેશ્વરીપતિઃ ।
ઉષાપતિર્વિશ્વકેતુર્વિશ્વતૃપ્તોઽધિપૂરુષઃ ॥ ૧૫૩ ॥
ચતુરાત્મા ચતુર્વ્યૂહશ્ચતુર્યુગવિધાયકઃ ।
ચતુર્વેદૈકવિશ્વાત્મા સર્વોત્કૃષ્ટાંશકોટિકઃ ॥ ૧૫૪ ॥
આશ્રયાત્મા પુરાણર્ષિર્વ્યાસઃ શાખાસહસ્રકૃત્ ।
મહાભારતનિર્માતા કવીન્દ્રો બાદરાયણઃ ॥ ૧૫૫ ॥
કૃષ્ણદ્વૈપાયનઃ સર્વપુરુષાર્થૈકબોધકઃ ।
વેદાન્તકર્તા બ્રહ્મૈકવ્યઞ્જકઃ પુરુવંશકૃત્ ॥ ૧૫૬ ॥
બુદ્ધો ધ્યાનજિતાશેષદેવદેવો જગત્પ્રિયઃ ।
નિરાયુધો જગજ્જૈત્રઃ શ્રીધરો દુષ્ટમોહનઃ ॥ ૧૫૭ ॥
દૈત્યવેદબહિઃકર્તા વેદાર્થશ્રુતિગોપકઃ ।
શૌદ્ધોદનિર્દૃષ્ટદિષ્ટઃ સુખદઃ સદસસ્પતિઃ ॥ ૧૫૮ ॥
યથાયોગ્યાખિલકૃપઃ સર્વશૂન્યોઽખિલેષ્ટદઃ ।
ચતુષ્કોટિપૃથક્તત્ત્વં પ્રજ્ઞાપારમિતેશ્વરઃ ॥ ૧૫૯ ॥
પાખણ્ડવેદમાર્ગેશઃ પાખણ્ડશ્રુતિગોપકઃ ।
કલ્કી વિષ્ણુયશઃપૂત્રઃ કલિકાલવિલોપકઃ ॥ ૧૬૦ ॥
સમસ્તમ્લેચ્છદુષ્ટઘ્નઃ સર્વશિષ્ટદ્વિજાતિકૃત્ ।
સત્યપ્રવર્ત્તકો દેવદ્વિજદીર્ઘક્ષુધાપહઃ ॥ ૧૬૧ ॥
અશ્વવારાદિરેવાન્તઃ પૃથ્વીદુર્ગતિનાશનઃ ।
સદ્યઃ ક્ષ્માનન્તલક્ષ્મીકૃત્ નષ્ટનિઃશેષધર્મવિત્ ॥ ૧૬૨ ॥
અનન્તસ્વર્ગયાગૈકહેમપૂર્ણાખિલદ્વિજઃ ।
અસાધ્યૈકજગચ્છાસ્તા વિશ્વવન્દ્યો જયધ્વજઃ ॥ ૧૬૩ ॥
આત્મતત્ત્વાધિપઃ કર્તૃશ્રેષ્ઠો વિધિરુમાપતિઃ ।
ભર્તૃશ્રેષ્ઠઃ પ્રજેશાગ્ર્યો મરીચિજનકાગ્રણીઃ ॥ ૧૬૪ ॥
કશ્યપો દેવરાજેન્દ્રઃ પ્રહ્લાદો દૈત્યરાટ્ શશી ।
નક્ષત્રેશો રવિસ્તેજઃશ્રેષ્ઠઃ શુક્રઃ કવીશ્વરઃ ॥ ૧૬૫ ॥
મહર્ષિરાડ્ ભૃગુર્વિષ્ણુરાદિત્યેશો બલિઃ સ્વરાટ્ ।
વાયુર્વહ્નિઃ શુચિશ્રેષ્ઠઃ શઙ્કરો રુદ્રરાડ્ ગુરુઃ ॥ ૧૬૬ ॥
વિદ્વત્તમશ્ચિત્રરથો ગન્ધર્વાગ્ર્યોઽક્ષરોત્તમઃ ।
વર્ણાદિરગ્ર્યઃ સ્ત્રી ગૌરી શક્ત્યાગ્ર્યઃ શ્રીશ્ચ નારદઃ ॥ ૧૬૭ ॥
દેવર્ષિરાટ્ પાણ્ડવાગ્ર્યોઽર્જુનો વાદપ્રવાદરાટ્ ।
પવનઃ પવનેશાનો વરુણો યાદસાં પતિઃ ॥ ૧૬૮ ॥
ગઙ્ગાતીર્થોત્તમોદ્ભૂતં છત્રકાગ્ર્યવરૌષધમ્ ।
અન્નં સુદર્શનાસ્ત્રાગ્ર્યં વજ્રં પ્રહરણોત્તમમ્ ॥ ૧૬૯ ॥
ઉચ્ચૈઃશ્રવા વાજિરાજઃ ઐરાવત ઇભેશ્વરઃ ।
અરુન્ધત્યેકપત્નીશો હ્યશ્વત્થોઽશેષવૃક્ષરાટ્ ॥ ૧૭૦ ॥
અધ્યાત્મવિદ્યા વિદ્યાગ્ર્યઃ પ્રણવશ્છન્દસાં વરઃ ।
મેરુર્ગિરિપતિર્માર્ગો માસાગ્ર્યઃ કાલસત્તમઃ ॥ ૧૭૧ ॥
દિનાદ્યાત્મા પૂર્વસિદ્ધિઃ કપિલઃ સામવેદરાટ્ ।
તાર્ક્ષ્યઃ ખગેન્દ્રો ઋત્વગ્ર્યો વસન્તઃ કલ્પપાદપઃ ॥ ૧૭૨ ॥
દાતૃશ્રેષ્ઠઃ કામધેનુરાર્તિઘ્નાગ્ર્યઃ સુહૃત્તમઃ ।
ચિન્તામણિર્ગુરુશ્રેષ્ઠો માતા હિતતમઃ પિતા ॥ ૧૭૩ ॥
સિંહો મૃગેન્દ્રો નાગેન્દ્રો વાસુકિર્નૃવરો નૃપઃ ।
વર્ણેશો બ્રાહ્મણશ્ચેતઃ કરણાગ્ર્યો નમો નમઃ ॥ ૧૭૪ ॥
ઇત્યેતદ્વાસુદેવસ્ય વિષ્ણોર્નામસહસ્રકમ્ ।
સર્વાપરાધશમનં પરં ભક્તિવિવર્દ્ધનમ્ ॥ ૧૭૫ ॥
અક્ષયબ્રહ્મલોકાદિસર્વાર્થાપ્યેકસાધનમ્ ।
વિષ્ણુલોકૈકસોપાનં સર્વદુઃખવિનાશનમ્ ॥ ૧૭૬ ॥
સમસ્તસુખદં સદ્યઃ પરનિર્વાણદાયકમ્ ।
કામક્રોધાદિ નિઃશેષમનોમલવિશોધનમ્ ॥ ૧૭૭ ॥
શાન્તિદં પાવનં નૄણાં મહાપાતાકિનામપિ ।
સર્વેષાં પ્રાણિનામાશુ સર્વાભીષ્ટફલપ્રદમ્ ॥ ૧૭૮ ॥
સમસ્તવિઘ્નશમનં સર્વારિષ્ટવિનાશનમ્ ।
ઘોરદુઃખપ્રશમનં તીવ્રદારિદ્ર્યનાશનમ્ ॥ ૧૭૯ ॥
ઋણત્રયાપહં ગુહ્યં ધનધાન્યયશસ્કરમ્ ।
સર્વૈશ્વર્યપ્રદં સર્વસિદ્ધિદં સર્વધર્મદમ્ ॥ ૧૮૦ ॥
તીર્થયજ્ઞતપોદાનવ્રતકોટિફલપ્રદમ્ ।
જગજ્જાડ્યપ્રશમનં સર્વવિદ્યાપ્રવર્ત્તકમ્ ॥ ૧૮૧ ॥
રાજ્યદં ભ્રષ્ટરાજ્યાનાં રોગિણાં સર્વરોગહૃત્ ।
વન્ધ્યાનાં સુતદં ચાયુઃક્ષીણાનાં જીવિતપ્રદમ્ ॥ ૧૮૨ ॥
ભૂતગ્રહવિષધ્વંસિ ગ્રહપીડાવિનાશનમ્ ।
મઙ્ગલ્યં પુણ્યમાપુષ્પં શ્રવણાત્ પઠનાજ્જપાત્ ॥ ૧૮૩ ॥
નાસ્તિ વિષ્ણોઃ પરં ધામ નાસ્તિ વિષ્ણોઃ પરન્તપઃ ।
નાસ્તિ વિષ્ણો પરો ધર્મો નાસ્તિ મન્ત્રો હ્યવૈષ્ણવઃ ॥ ૧૮૪ ॥
નાસ્તિ વિષ્ણોઃ પરં ધ્યાનં નાસ્તિ વિષ્ણોઃ પરા ગતિઃ ।
સર્વતીર્થમયો વિષ્ણુઃ સર્વશાસ્ત્રમયઃ પ્રભુઃ ।
સર્વક્રતુમયો વિષ્ણુઃ સત્યં સત્યં વદામ્યહમ્ ॥ ૧૮૫ ॥
પાર્વત્યુવાચ
ધન્યાસ્મ્યનુગૃહિતાસ્મિ કૃતાર્થાસ્મિ જગત્પતે ।
યન્મયેદં શ્રુતં સ્તોત્રં ત્વદ્રહસ્યં સુદુર્લભમ્ ॥ ૧૮૬ ॥
કામાદ્યાસક્તચિત્તત્વાત્કિં તુ સર્વેશ્વર પ્રભો ।
ત્વન્મયત્વાત્પ્રમાદાદ્વા શક્નોમિ પઠિતું ન ચેત્ ॥ ૧૮૭ ॥
વિષ્ણોઃ સહસ્રનામૈતત્ પ્રત્યહં વૃષભધ્વજ ।
નામ્નૈકેન તુ યેન સ્યાત્તત્ફલં બ્રૂહિ મે પ્રભો ॥ ૧૮૮ ॥
મહાદેવ ઉવાચ
રામ રામેતિ રામેતિ રમે રામે મનોરમે ।
સહસ્રનામ તત્તુલ્યં રામનામ વરાનને ॥ ૧૮૯ ॥
॥ ઇતિ શ્રીપદ્મપુરાણે ઉત્તરખણ્ડે પાર્વતીશિવસંવાદે
શ્રીવિષ્ણોર્નામસહસ્રં ચ વાસુદેવસહસ્રનામસ્તોત્રં સમ્પૂર્ણમ્ ॥
– Chant Stotra in Other Languages –
1000 Names of Sri Vishnu » Vasudeva Sahasranama Stotram Lyrics in Sanskrit » English » Bengali » Kannada » Malayalam » Odia » Telugu » Tamil