॥ Vitthala Sahasranamastotram Odia Lyrics ॥
॥ ଶ୍ରୀଵିଠ୍ଠସହସ୍ରନାମସ୍ତୋତ୍ରମ୍ ॥
ଶୌନକ ଉଵାଚ-
ସୂତ ଵେଦାର୍ଥତତ୍ଵଜ୍ଞ ଶ୍ରୁତଂ ସର୍ଵଂ ଭଵନ୍ମୁରଵାତ୍ ।
ତଥାପି ଶ୍ରୋତୁମିଚ୍ଛାମି ତୀର୍ଥଂ କ୍ଷେତ୍ରଞ୍ଚ ଦୈଵତମ୍ ॥ ୧ ॥
ସ୍ତୋତ୍ରଂ ଚ ଜଗତାଂ ପୂଜ୍ୟ ମୂଢାନାମପି ମୋକ୍ଷଦମ୍ ।
ସ୍ନାନାଦ୍ଦର୍ଶନତଃ ସ୍ମୃତ୍ୟା ପାଠମାତ୍ରାଚ୍ଛୁଭପ୍ରଦମ୍ ॥ ୨ ॥
ସୂତ ଉଵାଚ-
ସ୍ମାରିତୋଽହଂ ହରେସ୍ତୀର୍ଥଂ ସ୍ତୋତ୍ରଂ କ୍ଷେତ୍ରଂ ଚ ଦୈଵତମ୍ ।
ସ କ୍ଷଣଃ ସଫଲୋ ୟତ୍ର ସ୍ମର୍ୟତେ ମଧୁସୂଦନଃ ॥ ୩ ॥
କୟାପି ଵୃତ୍ୟା ଵିପ୍ରେନ୍ଦ୍ର ତତ୍ସର୍ଵଂ କଥୟାମି ତେ ।
ଜନଂ କଲିମଲାକ୍ରାନ୍ତଂ ଦୃଷ୍ଟ୍ଵା ଵିଷୟଲାଲସମ୍ ॥ ୪ ॥
ଜ୍ଞାନାନଧିକୃତଂ କର୍ମଵିହୀନଂ ଭକ୍ତଵତ୍ସଲଃ ।
ଚନ୍ଦ୍ରଭାଗାସରସ୍ତୀରେ ପିତୃଭକ୍ତିପରଂ ଦ୍ଵିଜମ୍ ॥ ୫ ॥
ପୁଣ୍ଡରୀକାଭିଧେ କ୍ଷେତ୍ରେ ଭୀମୟାଽଽପ୍ଲାଵିତେ ତତଃ ।
ପୁଣ୍ଡରୀକାଭିଧଂ ଶାନ୍ତଂ ନିମିତ୍ତୀକୃତ୍ୟ ମାଧଵଃ ॥ ୬ ॥
ଆଵିରାସୀତ୍ସମୁଦ୍ଧର୍ତୁଂ ଜନଂ କଲିମଲାକୁଲମ୍ ।
ତତ୍ତୀର୍ଥଂ ଚନ୍ଦ୍ରଭାଗାଖ୍ୟଂ ସ୍ନାନମାତ୍ରେଣ ମୋକ୍ଷଦମ୍ ॥ ୭ ॥
ତତ୍କ୍ଷେତ୍ରଂ ପାଣ୍ଡୁରଙ୍ଗାଖ୍ୟଂ ଦର୍ଶନାନ୍ମୋକ୍ଷଦାୟକମ୍ ।
ତଦ୍ଦୈଵତଂ ଵିଠ୍ଠଲାଖ୍ୟଂ ଜଗତ୍କାରଣମଵ୍ୟୟମ୍ ॥ ୮ ॥
ସ୍ଥିତିପ୍ରଲୟୟୋର୍ହେତୁଂ ଭକ୍ତାନୁଗ୍ରହଵିଗ୍ରହମ୍ ।
ସତ୍ୟଜ୍ଞାନାନନ୍ଦମୟଂ ସ୍ଥାନଜ୍ଞାନାଦି ୟଦ୍ଵିଦା ॥ ୯ ॥
ୟନ୍ନାମସ୍ମରଣାଦେଵ କାମାକ୍ରାନ୍ତୋଽପି ସନ୍ତରେତ୍ ।
ପୁଣ୍ଡରୀକେଣ ମୁନିନା ପ୍ରାପ୍ତଂ ତଦ୍ଦର୍ଶନେନ ୟତ୍ ॥ ୧୦ ॥
ଶୌନକ ଉଵାଚ-
ସହସ୍ରନାମଭିଃ ସ୍ତୋତ୍ରଂ କୃତଂ ଵେଦଵିଦୁତ୍ତମ ।
ସକୃତ୍ପଠନମାତ୍ରେଣ କାମିତାର୍ଥଶ୍ରୁତପ୍ରଦମ୍ ॥ ୧୧ ॥
ତୀର୍ଥଂ କ୍ଷେତ୍ରଂ ଦୈଵତଂ ଚ ତ୍ଵତ୍ପ୍ରସାଦାଚ୍ଛ୍ତୁତଂ ମୟା ।
ଇଦାନୀଂ ଶ୍ରୋତୁମିଚ୍ଛାମି ସ୍ତୋତ୍ରଂ ତଵ ମୁଖାମ୍ବୁଜାତ୍ ॥ ୧୨ ॥
ସଚ୍ଚିତ୍ସୁଖସ୍ଵରୂପୋଽପି ଭକ୍ତାନୁଗ୍ରହହେତଵେ ।
କୀଦୃଶଂ ଧୃତଵାନ୍ ରୂପଂ କୃପୟାଽଽଚକ୍ଷ୍ଵ ତନ୍ମମ ॥ ୧୩ ॥
ସୂତ ଉଵାଚ-
ଶୃଣୁଷ୍ଵାଵହିତୋ ବ୍ରହ୍ମନ୍ଭଗଵଦ୍ଧ୍ୟାନପୂର୍ଵକମ୍ ।
ସହସ୍ରନାମସନ୍ମନ୍ତ୍ରଂ ସର୍ଵମନ୍ତ୍ରୋତ୍ତମୋତ୍ତମମ୍ ॥ ୧୪ ॥
ଅଥ ଶ୍ରୀଵିଠ୍ଠଲସହସ୍ରନାମସ୍ତୋତ୍ରମନ୍ତ୍ରସ୍ୟ ଶ୍ରୀପୁଣ୍ଡରୀକ ଋଷିଃ ।
ଶ୍ରୀଗୁରୁଃ ପରମାତ୍ମା ଶ୍ରୀଵିଠ୍ଠଲୋ ଦେଵତା ।
ଅନୁଷ୍ଟୁପ୍ ଛନ୍ଦଃ । ପୁଣ୍ଡରୀକଵରପ୍ରଦ ଇତି ବୀଜଂ ।
ରୁକ୍ମିଣୀଶୋ ରମାପତିରିତି ଶକ୍ତିଃ । ପାଣ୍ଡୁରଙ୍ଗେଶ ଇତି କୀଲକମ୍ ।
ଶ୍ରୀ ଵିଠ୍ଠଲପ୍ରୀତ୍ୟର୍ଥଂ ଵିଠ୍ଠଲସହସ୍ରନାମସ୍ତୋତ୍ରମନ୍ତ୍ରଜପେ ଵିନିୟୋଗଃ ।
ଓଂ ପୁଣ୍ଡରୀକ ଵରପ୍ରଦ ଇତି ଅଙ୍ଗୁଷ୍ଠାଭ୍ୟାଂ ନପଃ ।
ଓଂ ଵିଠ୍ଠଲଃ ପାଣ୍ଡୁରଙ୍ଗେଶ ଇତି ତର୍ଜନୀଭ୍ୟାଂ ନମଃ ।
ଓଂ ଚନ୍ଦ୍ରଭାଗାସରୋଵାସ ଇତି ମଧ୍ୟମାଭ୍ୟାଂ ନମଃ ।
ଓଂ ଵଜ୍ରୀ ଶକ୍ତିର୍ଦଣ୍ଡଧର ଇତି ଅନାମିକାଭ୍ୟାଂ ନମଃ ।
ଓଂ କଲଵଂଶରଵାକ୍ରାନ୍ତ ଇତି କନିଷ୍ଠିକାଭ୍ୟାଂ ନମଃ ।
ଓଂ ଏନୋଽନ୍ତକୃନ୍ନାମଧ୍ୟେୟ ଇତି କରତଲକରପୃଷ୍ଠାଭ୍ୟାଂ ନମଃ ॥
ଏଵଂ ହୃଦୟାଦିନ୍ୟାସଃ ।
ଓଂ ପୁଣ୍ଡରୀକ ଵରପ୍ରଦ ଇତି ହୃଦୟାୟ ନମଃ ।
ଓଂ ଚନ୍ଦ୍ରଭାଗାସରୋଵାସ ଇତି ଶିରସେ ସ୍ଵାହା ।
ଓଂ ଵଜ୍ରୀ ଶକ୍ତିର୍ଦଣ୍ଡଧର ଇତି ଶିଖାୟୈ ଵଷଟ୍ ।
ଓଂ କଲଵଂଶରଵାକ୍ରାନ୍ତ ଇତି କଵଚାୟ ହୁମ୍ ।
ଓଂ ଏନୋଽନ୍ତକୃନ୍ନାମଧ୍ୟେୟ ଇତି ନେତ୍ରତ୍ରୟାୟ ଵୌଷଟ୍ ।
ଓଂ ଏନୋଽନ୍ତକୃନ୍ନାମଧ୍ୟେୟ ଇତି ଅସ୍ତ୍ରାୟ ଫଟ୍ ॥
ଇତି ଦିଗ୍ବନ୍ଧଃ ।
ଧ୍ୟାନମ୍ –
ଇଷ୍ଟିକାୟାଂ ସମପଦଂ ତିଷ୍ଠନ୍ତଂ ପୁରୁଷୋତ୍ତମମ୍ ।
ଜଙ୍ଘଜସ୍ଥକରଦ୍ଵନ୍ଦ୍ଵଂ କ୍ଷୁଲ୍ଲକାଦାମଭୂଷଣମ୍ ॥ ୧୫ ॥
ସଵ୍ୟାସଵ୍ୟକରୋଦ୍ଭାସିପଦ୍ମଶଙ୍ଖଵିଭୂଷିତମ୍ ।
ଦରହାସସ୍ମେରମୁଖଂ ଶିକ୍ୟସ୍କନ୍ଧଂ ଦିଗମ୍ବରମ୍ ॥ ୧୬ ॥
ସର୍ଵାଲଙ୍କାରସଂୟୁକ୍ତଂ ବ୍ରହ୍ମାଦିଗଣସେଵିତମ୍ ।
ଜ୍ଞାନାନନ୍ଦମୟଂ ଦେଵଂ ଧ୍ୟାୟାମି ହୃଦି ଵିଠ୍ଠଲମ୍ ॥ ୧୭ ॥
ଅଥ ସ୍ତୋତ୍ରମ୍ ।
କ୍ଲୀଂ ଵିଠ୍ଠଲଃ ପାଣ୍ଡୁରଙ୍ଗେଶ ଈଶଃ ଶ୍ରୀଶୋ ଵିଶେଷଜିତ୍ ।
ଶେଷଶାୟୀ ଶମ୍ଭୁଵନ୍ଦ୍ୟଃ ଶରଣ୍ୟଃ ଶଙ୍କରପ୍ରିୟଃ ॥ ୧ ॥
ଚନ୍ଦ୍ରଭାଗାସରୋଵାସଃ କୋଟିଚନ୍ଦ୍ରପ୍ରଭାସ୍ମିତଃ ।
ଵିଧାଧୃସୂଚିତଃ ସର୍ଵପ୍ରମାଣାତୀତ ଅଵ୍ୟୟଃ ॥ ୨ ॥
ପୁଣ୍ଡରୀକସ୍ତୁତୋ ଵନ୍ଦ୍ୟୋ ଭକ୍ତଚିତ୍ତପ୍ରସାଦକଃ ।
ସ୍ଵଧର୍ମନିରତଃ ପ୍ରୀତୋ ଗୋଗୋପୀପରିଵାରିତଃ ॥ ୩ ॥
ଗୋପିକାଶତନୀରାଜ୍ୟଃ ପୁଲିନାକ୍ରୀଡ ଆତ୍ମଭୂଃ ।
ଆତ୍ମାଽଽତ୍ମାରାମ ଆତ୍ମସ୍ଥଃ ଆତ୍ମାରାମନିଷେଵିତଃ ॥ ୪ ॥
ସଚ୍ଚିତ୍ସୁଖଂ ମହାମାୟୀ ମହଦଵ୍ୟକ୍ତମଦ୍ଭୁତଃ ।
ସ୍ଥୂଲରୂପଃ ସୂକ୍ଷ୍ମରୂପଃ କାରଣଂ ପରମଞ୍ଜନମ୍ ॥ ୫ ॥
ମହାକାରଣମାଧାରଃ ଅଧିଷ୍ଠାନଂ ପ୍ରକାଶକଃ ।
କଞ୍ଜପାଦୋ ରକ୍ତନଖୋ ରକ୍ତପାଦତଲଃ ପ୍ରଭୁଃ ॥ ୬ ॥
ସାମ୍ରାଜ୍ୟଚିହ୍ନିତପଦୋ ନୀଲଗୁଲ୍ଫଃ ସୁଜଙ୍ଘକଃ ।
ସଜ୍ଜାନୁଃ କଦଲୀସ୍ତମ୍ଭନିଭୋରୁରୁରୁଵିକ୍ରମଃ ॥ ୭ ॥
ପୀତାମ୍ବରାଵୃତକଟିଃ କ୍ଷୁଲ୍ଲକାଦାମଭୂଷଣଃ ।
କଟିଵିନ୍ୟସ୍ତହସ୍ତାବ୍ଜଃ ଶଙ୍ଖୀ ପଦ୍ମଵିଭୂଷିତଃ ॥ ୮ ॥
ଗମ୍ଭୀରନାଭିର୍ବ୍ରହ୍ମାଧିଷ୍ଠିତନାଭିସରୋରୁହଃ ।
ତ୍ରିଵଲୀମଣ୍ଡିତୋଦାରୋଦରୋମାଵଲିମାଲିନଃ ॥ ୯ ॥
କପାଟଵକ୍ଷାଃ ଶ୍ରୀଵତ୍ସଭୂଷିତୋରାଃ କୃପାକରଃ ।
ଵନମାଲୀ କମ୍ବୁକଣ୍ଠଃ ସୁସ୍ଵରଃ ସାମଲାଲସଃ ॥ ୧୦ ॥
କଞ୍ଜଵକ୍ତ୍ରଃ ଶ୍ମଶ୍ରୁହୀନଚୁବୁକୋ ଵେଦଜିହ୍ଵକଃ ।
ଦାଡିମୀବୀଜସଦୃଶରଦୋ ରକ୍ତାଧରୋ ଵିଭୁଃ ॥ ୧୧ ॥
ନାସାମୁକ୍ତାପାଟଲିତାଧରଚ୍ଛଵିରରିନ୍ଦମଃ ।
ଶୁକନାସଃ କଞ୍ଜନେତ୍ରଃ କୁଣ୍ଡଲାକ୍ରମିତାଂସକଃ ॥ ୧୨ ॥
ମହାବାହୁର୍ଘନଭୁଜଃ କେୟୂରାଙ୍ଗଦମଣ୍ଡିତଃ ।
ରତ୍ନଭୂଷିତଭୂଷାଢ୍ୟମଣିବନ୍ଧଃ ସୁଭୂଷଣଃ ॥ ୧୩ ॥
ରକ୍ତପାଣିତଲଃ ସ୍ଵଙ୍ଗଃ ସନ୍ମୁଦ୍ରାମଣ୍ଡିତାଙ୍ଗୁଲିଃ ।
ନଖପ୍ରଭାରଞ୍ଜିତାବ୍ଜଃ ସର୍ଵସୌନ୍ଦର୍ୟମଣ୍ଡିତଃ ॥ ୧୪ ॥
ସୁଭ୍ରୂରର୍ଧଶଶିପ୍ରଖ୍ୟଲଲାଟଃ କାମରୂପଧୃକ୍ ।
କୁଙ୍କୁମାଙ୍କିତସଦ୍ଭାଲଃ ସୁକେଶୋ ବର୍ହଭୂଷଣଃ ॥ ୧୫ ॥
କିରୀଟଭାଵ୍ୟାପ୍ତନଭୋ ଵିକଲୀକୃତଭାସ୍କରଃ ।
ଵନମାଲୀ ପତିଵାସାଃ ଶାର୍ଙ୍ଗଚାପୋଽସୁରାନ୍ତକଃ ॥ ୧୬ ॥
ଦର୍ପାପହଃ କଂସହନ୍ତା ଚାଣୂରମୁରମର୍ଦନଃ ।
ଵେଣୁଵାଦନସନ୍ତୁଷ୍ଟୋ ଦଧ୍ୟନ୍ନାସ୍ଵାଦଲୋଲୁପଃ ॥ ୧୭ ॥
ଜିତାରିଃ କାମଜନକଃ କାମହା କାମପୂରକଃ ।
ଵିକ୍ରୋଧୋ ଦାରିତାମିତ୍ରୋ ଭୂର୍ଭୁଵଃସୁଵରାଦିରାଟ୍ ॥ ୧୮ ॥
ଅନାଦିରଜନିର୍ଜନ୍ୟଜନକୋ ଜାହ୍ନଵୀପଦଃ ।
ବହୁଜନ୍ମା ଜାମଦଗ୍ନ୍ୟଃ ସହସ୍ରଭୁଜଖଣ୍ଡନଃ ॥ ୯୯ ॥
କୋଦଣ୍ଡଧାରୀ ଜନକପୂଜିତଃ କମଲାପ୍ରିୟଃ ।
ପୁଣ୍ଡରୀକଭଵଦ୍ଵେଷୀ ପୁଣ୍ଡରୀକଭଵପ୍ରିୟଃ ॥ ୨୦ ॥
ପୁଣ୍ଡରୀକସ୍ତୁତିରସଃ ସଦ୍ଭକ୍ତପରିପାଲକଃ ।
ସୁଷୁମାଲାସଙ୍ଗମସ୍ଥୋ ଗୋଗୋପୀଚିତ୍ତରଞ୍ଜନଃ ॥ ୨୧ ॥
ଇଷ୍ଟିକାସ୍ଥୋ ଭକ୍ତଵଶ୍ୟସ୍ତ୍ରିମୂର୍ତିର୍ଭକ୍ତଵତ୍ସଲଃ ।
ଲୀଲାକୃତଜଗଦ୍ଧାମା ଜଗତ୍ପାଲୋ ହରୋ ଵିରାଟ୍ ॥ ୨୨ ॥
ଅଶ୍ଵତ୍ଥପଦ୍ମତୀର୍ଥସ୍ଥୋ ନାରଦସ୍ତୁତଵୈଭଵଃ ।
ପ୍ରମାଣାତୀତତତ୍ତ୍ଵଜ୍ଞସ୍ତତ୍ତ୍ଵମ୍ପଦନିରୂପିତଃ ॥ ୨୩ ॥
ଅଜାଜନିରଜାଜାନିରଜାୟୋ ନୀରଜୋଽମଲଃ ।
ଲକ୍ଷ୍ମୀନିଵାସଃ ସ୍ଵର୍ଭୂଷୋ ଵିଶ୍ଵଵନ୍ଦ୍ୟୋ ମହୋତ୍ସଵଃ ॥ ୨୪ ॥
ଜଗଦ୍ୟୋନିରକର୍ତାଽଽଦ୍ୟୋ ଭୋକ୍ତା ଭୋଗ୍ୟୋ ଭଵାତିଗଃ ।
ଷଡ୍ଗୁଣୈଶ୍ଵର୍ୟସମ୍ପନ୍ନୋ ଭଗଵାନ୍ମୁକ୍ତିଦାୟକଃ ॥ ୨୫ ॥
ଅଧଃପ୍ରାଣୋ ମନୋ ବୁଦ୍ଧିଃ ସୁଷୁପ୍ତିଃ ସର୍ଵଗୋ ହରିଃ ।
ମତ୍ସ୍ୟଃ କୂର୍ମୋ ଵରାହୋଽତ୍ରିର୍ଵାମନୋ ହୀରରୂପଧୃତ୍ ॥ ୨୬ ॥
ନାରସିଂହୋ ଋଷିର୍ଵ୍ୟାସୋ ରାମୋ ନୀଲାଂଶୁକୋ ହଲୀ ।
ବୁଦ୍ଧୋଽର୍ହନ୍ ସୁଗତଃ କଲ୍କୀ ନରୋ ନାରାୟଣଃ ପରଃ ॥ ୨୭ ॥
ପରାତ୍ପରଃ କରୀଡ୍ୟେଶୋ ନକ୍ରଶାପଵିମୋଚନଃ ।
ନାରଦୋକ୍ତିପ୍ରତିଷ୍ଠାତା ମୁକ୍ତକେଶୀ ଵରପ୍ରଦଃ ॥ ୨୮ ॥
ଚନ୍ଦ୍ରଭାଗାପ୍ସୁ ସୁସ୍ନାତଃ କାମିତାର୍ଥପ୍ରଦୋଽନଘଃ ।
ତୁଲସୀଦାମଭୂଷାଢ୍ୟସ୍ତୁଲସୀକାନନପ୍ରିୟଃ ॥ ୨୯ ॥
ପାଣ୍ଡୁରଙ୍ଗଃ କ୍ଷେତ୍ରମୂର୍ତିଃ ସର୍ଵମୂର୍ତିରନାମୟଃ ।
ପୁଣ୍ଡରୀକଵ୍ୟାଜକୃତଜଡୋଦ୍ଧାରଃ ସଦାଗତିଃ ॥ ୩୦ ॥
ଅଗତିଃ ସଦ୍ଗତିଃ ସଭ୍ୟୋ ଭଵୋ ଭଵ୍ୟୋ ଵିଧୀଡିତଃ ।
ପ୍ରଲମ୍ବଘ୍ନୋ ଦ୍ରୁପଦଜାଚିନ୍ତାହାରୀ ଭୟାପହଃ ॥ ୩୧ ॥
ଵହ୍ନିଵକ୍ତ୍ରଃ ସୂର୍ୟନୁତୋ ଵିଷ୍ଣୁସ୍ତ୍ରୈଲୋକ୍ୟରକ୍ଷକଃ ।
ଜଗଦ୍ଭକ୍ଷ୍ୟୋ ଜଗଦ୍ଗେହୋ ଜନାରାଧ୍ୟୋ ଜନାର୍ଦନଃ ॥ ୩୨ ॥
ଜେତା ଵିଷ୍ଣୁର୍ଵରାରୋହୋ ଭୀଷ୍ମପୂଜ୍ୟପଦାମ୍ବୁଜଃ ।
ଭର୍ତା ଭୀଷ୍ଣକସମ୍ପୂଜ୍ୟଃ ଶିଶୁପାଲଵଧୋଦ୍ୟତଃ ॥ ୩୩ ॥
ଶତାପରାଧସହନଃ କ୍ଷମାଵାନାଦିପୂଜନଃ ।
ଶିଶୁପାଲଶିରଚ୍ଛେତ୍ତା ଦନ୍ତଵକ୍ତ୍ରବଲାପହଃ ॥ ୩୪ ॥
ଶିଶୁପାଲକୃତଦ୍ରୋହଃ ସୁଦର୍ଶନଵିମୋଚନଃ ॥ ୩୫ ॥
ସଶ୍ରୀଃ ସମାୟୋ ଦାମେନ୍ଦ୍ରଃ ସୁଦାମକ୍ରୀଡନୋତ୍ସୁକଃ ।
ଵସୁଦାମକୃତକ୍ରୀଡଃ କିଙ୍କିଣୀଦାମସେଵିତଃ ॥ ୩୬ ॥
ପଞ୍ଚାଙ୍ଗପୂଜନରତଃ ଶୁଦ୍ଧଚିତ୍ତଵଶଂଵଦଃ ।
ରୁକ୍ମିଣୀଵଲ୍ଲଭଃ ସତ୍ୟଭାମାଭୂଷିତଵିଗ୍ରହଃ ॥ ୩୭ ॥
ନାଗ୍ନଜିତ୍ୟା କୃତୋତ୍ସାହଃ ସୁନନ୍ଦାଚିତ୍ତମୋହନଃ ।
ମିତ୍ରଵୃନ୍ଦାଽଽଲିଙ୍ଗିତାଙ୍ଗୋ ବ୍ରହ୍ମଚାରୀ ଵଟୁପ୍ରିୟଃ ॥ ୩୮ ॥
ସୁଲକ୍ଷଣାଧୌତପଦୋ ଜାମ୍ବଵତ୍ୟା କୃତାଦରଃ ।
ସୁଶୀଲାଶୀଲସନ୍ତୁଷ୍ଟୋ ଜଲକେଲିକୃତାଦରଃ ॥ ୩୯ ॥
ଵାସୁଦେଵୋ ଦେଵକୀଡ୍ୟୋ ନନ୍ଦାନନ୍ଦକରାଙ୍ଘ୍ରିୟୁକ୍ ।
ୟଶୋଦାମାନସୋଲ୍ଲାସୋ ବଲାଵରଜନିଃସ୍ଵଭୂଃ ॥ ୪୦ ॥
ସୁଭଦ୍ରାଽଽନନ୍ଦଦୋ ଗୋପଵଶ୍ୟୋ ଗୋପୀପ୍ରିୟୋଽଜୟଃ ।
ମନ୍ଦାରମୂଲଵେଦିସ୍ଥଃ ସନ୍ତାନତରୁସେଵିତଃ ॥ ୪୧ ॥
ପାରିଜାତାପହରଣଃ କଲ୍ପଦ୍ରୁମପୁରଃସରଃ ।
ହରିଚନ୍ଦନଲିପ୍ତାଙ୍ଗ ଇନ୍ଦ୍ରଵନ୍ଦ୍ୟୋଽଗ୍ନିପୂଜିତଃ ॥ ୪୨ ॥
ୟମନେତା ନୈରୃତେୟୋ ଵରୁଣେଶଃ ଖଗପ୍ରିୟଃ ।
କୁବେରଵନ୍ଦ୍ୟ ଈଶେଶୋ ଵିଧୀଡ୍ୟୋଽନନ୍ତଵନ୍ଦିତଃ ॥ ୪୩ ॥
ଵଜ୍ରୀ ଶକ୍ତିର୍ଦଣ୍ଡଧରଃ ଖଡ୍ଗୀ ପାଶ୍ୟଙ୍କୁଶୀ ଗଦୀ ।
ତ୍ରିଶୂଲୀ କମଲୀ ଚକ୍ରୀ ସତ୍ୟଵ୍ରତମୟୋ ନଵଃ ॥ ୪୪ ॥
ମହାମନ୍ତ୍ରଃ ପ୍ରଣଵଭୂର୍ଭକ୍ତଚିନ୍ତାପହାରକଃ ।
ସ୍ଵକ୍ଷେତ୍ରଵାସୀ ସୁଖଦଃ କାମୀ ଭକ୍ତଵିମୋଚନଃ ॥ ୪୫ ॥
ସ୍ଵନାମକୀର୍ତନପ୍ରୀତଃ କ୍ଷେତ୍ରେଶଃ କ୍ଷେତ୍ରପାଲକଃ ।
କାମଶ୍ଚକ୍ରଧରାର୍ଧଶ୍ଚ ତ୍ରିଵିକ୍ରମମୟାତ୍ମକଃ ॥ ୪୬ ॥
ପ୍ରଜ୍ଞାନକରଜିତ୍କାନ୍ତିରୂପଵର୍ଣଃ ସ୍ଵରୂପଵାନ୍ ।
ସ୍ପର୍ଶେନ୍ଦ୍ରିୟଂ ଶୌରିମୟୋ ଵୈକୁଣ୍ଠଃ ସାନିରୁଦ୍ଧକଃ ॥ ୪୭ ॥
ଷଡକ୍ଷରମୟୋ ବାଲଃ ଶ୍ରୀକୃଷ୍ଣୋ ବ୍ରହ୍ମଭାଵିତଃ ।
ନାରଦାଧିଷ୍ଠିତକ୍ଷେମୋ ଵେଣୁଵାଦନତତ୍ପରଃ ॥ ୪୮ ॥
ନାରଦେଶପ୍ରତିଷ୍ଠାତା ଗୋଵିନ୍ଦୋ ଗରୁଡଧ୍ଵଜଃ ।
ସାଧାରଣଃ ସମଃ ସୌମ୍ୟଃ କଲାଵାନ୍ କମଲାଲୟଃ ॥ ୪୯ ॥
କ୍ଷେତ୍ରପଃ କ୍ଷଣଦାଧୀଶଵକ୍ତ୍ରଃ କ୍ଷେମକରକ୍ଷଣଃ ।
ଲଵୋ ଲଵଣିମାଧାମ ଲୀଲାଵାନ୍ ଲଘୁଵିଗ୍ରହଃ ॥ ୫୦ ॥
ହୟଗ୍ରୀଵୋ ହଲୀ ହଂସୋ ହତକଂସୋ ହଲିପ୍ରିୟଃ ।
ସୁନ୍ଦରଃ ସୁଗତିର୍ମୁକ୍ତଃ ସତ୍ସଖୋ ସୁଲଭଃ ସ୍ଵଭୂଃ ॥ ୫୧ ॥
ସାମ୍ରାଜ୍ୟଦଃ ସାମରାଜଃ ସତ୍ତା ସତ୍ୟଃ ସୁଲକ୍ଷଣଃ ।
ଷଡ୍ଗୁଣୈଶ୍ଵର୍ୟନିଲୟଃ ଷଡୃତୁପରିସେଵିତଃ ॥ ୫୨ ॥
ଷଡଙ୍ଗଶୋଧିତଃ ଷୋଢା ଷଡ୍ଦର୍ଶନନିରୂପିତଃ ।
ଶେଷତଲ୍ପଃ ଶତମଖଃ ଶରଣାଗତଵତ୍ସଲଃ ॥ ୫୩ ॥
ସଶମ୍ଭୁଃ ସମିତିଃ ଶଙ୍ଖଵହଃ ଶାର୍ଙ୍ଗସୁଚାପଧୃତ୍ ।
ଵହ୍ନିତେଜା ଵାରିଜାସ୍ୟଃ କଵିର୍ଵଂଶୀଧରୋ ଵିଗଃ ॥ ୫୪ ॥
ଵିନୀତୋ ଵିପ୍ରିୟୋ ଵାଲିଦଲନୋ ଵଜ୍ରଭୂଷଣଃ ।
ରୁକ୍ମିଣୀଶୋ ରମାଜାନୀ ରାଜା ରାଜନ୍ୟଭୂଷଣଃ ॥ ୫୫ ॥
ରତିପ୍ରାଣପ୍ରିୟପିତା ରାଵଣାନ୍ତୋ ରଘୂଦ୍ଵହଃ ।
ୟଜ୍ଞଭୋକ୍ତା ୟମୋ ୟଜ୍ଞଭୂଷଣୋ ୟଜ୍ଞଦୂଷଣଃ ॥ ୫୬ ॥
ୟଜ୍ଵା ୟଶୋଵାନ୍ ୟମୁନାକୂଲକୁଞ୍ଜପ୍ରିୟୋ ୟମୀ ।
ମେରୁର୍ମନୀଷୀ ମହିତୋ ମୁଦିତଃ ଶ୍ୟାମଵିଗ୍ରହଃ ॥ ୫୭ ॥
ମନ୍ଦଗାମୀ ମୁଗ୍ଧମୁଖୋ ମହେଶୋ ମୀନଵିଗ୍ରହଃ ।
ଭୀମୋ ଭୀମାଙ୍ଗଜାତୀରଵାସୀ ଭୀମାର୍ତିଭଞ୍ଜନଃ ॥ ୫୮ ॥
ଭୂଭାରହରଣୋ ଭୂତଭାଵନୋ ଭରତାଗ୍ରଜଃ ।
ବଲଂ ବଲପ୍ରିୟୋ ବାଲୋ ବାଲକ୍ରୀଡନତତ୍ପରଃ ॥ ୫୯ ॥
ବକାସୁରାନ୍ତକୋ ବାଣାସୁରଦର୍ପକଵାଡଵଃ ।
ବୃହସ୍ପତିବଲାରାତିସୂନୁର୍ବଲିଵରପ୍ରଦଃ ॥ ୬୦ ॥
ବୋଦ୍ଧା ବନ୍ଧୁଵଧୋଦ୍ୟୁକ୍ତୋ ବନ୍ଧମୋକ୍ଷପ୍ରଦୋ ବୁଧଃ ।
ଫାଲ୍ଗୁନାନିଷ୍ଟହା ଫଲ୍ଗୁକୃତାରାତିଃ ଫଲପ୍ରଦଃ ॥ ୬୯ ॥
ଫେନଜାତୈରକାଵଜ୍ରକୃତୟାଦଵସଙ୍କ୍ଷୟଃ ।
ଫାଲ୍ଗୁନୋତ୍ସଵସଂସକ୍ତଃ ଫଣିତଲ୍ପଃ ଫଣାନଟଃ ॥ ୬୨ ॥
ପୁଣ୍ୟଃ ପଵିତ୍ରଃ ପାପାତ୍ମଦୂରଗଃ ପଣ୍ଡିତାଗ୍ରଣୀଃ ।
ପୋଷଣଃ ପୁଲିନାଵାସଃ ପୁଣ୍ଡରୀକମନୋର୍ଵଶଃ ॥ ୬୩ ॥
ନିରନ୍ତରୋ ନିରାକାଙ୍କ୍ଷୋ ନିରାତଙ୍କୋ ନିରଞ୍ଜନଃ ।
ନିର୍ଵିଣ୍ଣମାନସୋଲ୍ଲାସୋ ନୟନାନନ୍ଦନଃ ସତାମ୍ ॥ ୬୪ ॥
ନିୟମୋ ନିୟମୀ ନମ୍ୟୋ ନନ୍ଦବନ୍ଧନମୋଚନଃ ।
ନିପୁଣୋ ନୀତିମାନ୍ନେତା ନରନାରାୟଣଵପୁଃ ॥ ୬୫ ॥
ଧେନୁକାସୁରଵିଦ୍ଵେଷୀ ଧାମ ଧାତା ଧନୀ ଧନମ୍ ।
ଧନ୍ୟୋ ଧନ୍ୟପ୍ରିୟୋ ଧର୍ତା ଧୀମାନ୍ ଧର୍ମଵିଦୁତ୍ତମଃ ॥ ୬୬ ॥
ଧରଣୀଧରସନ୍ଧର୍ତା ଧରାଭୂଷିତଦଂଷ୍ଟ୍ରକଃ ।
ଦୈତେୟହନ୍ତା ଦିଗ୍ଵାସା ଦେଵୋ ଦେଵଶିଖାମଣିଃ ॥ ୬୭ ॥
ଦାମ ଦାତା ଦୀପ୍ତିଭାନୁଃ ଦାନଵାଦମିତା ଦମଃ ।
ସ୍ଥିରକାର୍ୟଃ ସ୍ଥିତପ୍ରଜ୍ଞଃ ସ୍ଥଵିରସ୍ଥାପକଃ ସ୍ଥିତିଃ ।
ସ୍ଥିତଲୋକତ୍ରୟଵପୁଃ ସ୍ଥିତିପ୍ରଲୟକାରଣମ୍ ॥ ୬୮ ॥
ସ୍ଥାପକସ୍ତୀର୍ଥଚରଣସ୍ତର୍ପକସ୍ତରୁଣୀରସଃ ।
ତାରୁଣ୍ୟକେଲିନିପୁଣସ୍ତରଣସ୍ତରଣିପ୍ରଭୁଃ ॥ ୬୯ ॥
ତୋୟମୂର୍ତିସ୍ତମୋଽତୀତଃ ସ୍ତମ୍ଭୋଦ୍ଭୂତସ୍ତପଃପରଃ ।
ତଡିଦ୍ଵାସାସ୍ତୋୟଦାଭସ୍ତାରସ୍ତାରସ୍ଵରପ୍ରିୟଃ ॥ ୭୦ ॥
ଣକାରୋ ଢୌକିତଜଗତ୍ତ୍ରିତୂର୍ୟପ୍ରୀତଭୂସୁରଃ ।
ଡମରୂପ୍ରିୟହୃଦ୍ଵାସୀ ଡିଣ୍ଡିମଧ୍ଵନିଗୋଚରଃ ॥ ୭୧ ॥
ଠୟୁଗସ୍ଥମନୋର୍ଗମ୍ୟଃ ଠଙ୍କାରି ଧନୁରାୟୁଧଃ ।
ଟଣତ୍କାରିତକୋଦଣ୍ଡହତାରିର୍ଗଣସୌଖ୍ୟଦଃ ॥ ୭୨ ॥
ଝାଙ୍କାରିଚାଞ୍ଚରୀକାଙ୍କୀ ଶ୍ରୁତିକଲ୍ହାରଭୂଷଣଃ ।
ଜରାସନ୍ଧାର୍ଦିତଜଗତ୍ସୁଖଭୂର୍ଜଙ୍ଗମାତ୍ମକଃ ॥ ୭୩ ॥
ଜଗଜ୍ଜନିର୍ଜଗଦ୍ଭୂଷୋ ଜାନକୀଵିରହାକୁଲଃ ।
ଜିଷ୍ଣୁଶୋକାପହରଣୋ ଜନ୍ମହୀନୋ ଜଗତ୍ପତିଃ ॥ ୭୪ ॥
ଛତ୍ରିତାହୀନ୍ଦ୍ରସୁଭଗଃ ଛଦ୍ମୀ ଛତ୍ରିତଭୂଧରଃ ।
ଛାୟାସ୍ଥଲୋକତ୍ରିତୟଛଲେନ ବଲିନିଗ୍ରହୀ ॥ ୭୫ ॥
ଚେତଶ୍ଚମତ୍କାରକରଃ ଚିତ୍ରୀ ଚିତ୍ରସ୍ଵଭାଵଵାନ୍ ।
ଚାରୁଭୂଶ୍ଚନ୍ଦ୍ରଚୂଡଶ୍ଚ ଚନ୍ଦ୍ରକୋଟିସମପ୍ରଭଃ ॥ ୭୬ ॥
ଚୂଡାରତ୍ନଦ୍ୟୋତିଭାଲଶ୍ଚଲନ୍ମକରକୁପଡଲଃ ।
ଚରୁଭୁକ୍ ଚୟନପ୍ରୀତଶ୍ଚମ୍ପକାଟଵିମଧ୍ୟଗଃ ॥ ୭୭ ॥
ଚାଣୂରହନ୍ତା ଚନ୍ଦ୍ରାଙ୍କନାଶନଶ୍ଚନ୍ଦ୍ରଦୀଧିତିଃ ।
ଚନ୍ଦନାଲିପ୍ତସର୍ଵାଙ୍ଗଶ୍ଚାରୁଚାମରମଣ୍ଡିତଃ ॥ ୭୮ ॥
ଘନଶ୍ୟାମୋ ଘନରଵୋ ଘଟୋତ୍କଚପିତୃପ୍ରିୟଃ ।
ଘନସ୍ତନୀପରୀଵାରୋ ଘନଵାହନଗର୍ଵହା ॥ ୭୯ ॥
ଗଙ୍ଗାପଦୋ ଗତକ୍ଲେଶୋ ଗତକ୍ଲେଶନିଷେଵିତଃ ।
ଗଣନାଥୋ ଗଜୋଦ୍ଧର୍ତା ଗାୟକୋ ଗାୟନପ୍ରିୟଃ ॥ ୮୦ ॥
ଗୋପତିର୍ଗୋପିକାଵଶ୍ୟୋ ଗୋପବାଲାନୁଗଃ ପତିଃ ।
ଗଣକୋଟିପରୀଵାରୋ ଗମ୍ୟୋ ଗଗନନିର୍ମଲଃ ॥ ୮୧ ॥
ଗାୟତ୍ରୀଜପସମ୍ପ୍ରୀତୋ ଗଣ୍ଡକୀସ୍ଥୋ ଗୁହାଶୟଃ ।
ଗୁହାରଣ୍ୟପ୍ରତିଷ୍ଠାତା ଗୁହାସୁରନିଷୂଦନଃ ॥ ୮୨ ॥
ଗୀତକୀର୍ତିର୍ଗୁଣାରାମୋ ଗୋପାଲୋ ଗୁଣଵର୍ଜିତଃ ।
ଗୋପ୍ରିୟୋ ଗୋଚରପ୍ରୀତୋ ଗାନନାଟ୍ୟପ୍ରଵର୍ତକଃ ॥ ୮୩ ॥
ଖଟ୍ଵାୟୁଧଃ ଖରଦ୍ଵେଷୀ ଖାତୀତଃ ଖଗମୋଚନଃ ।
ଖଗପୁଚ୍ଛକୃତୋତ୍ତଂସଃ ଖେଲଦ୍ବାଲକୃତପ୍ରିୟଃ ॥ ୮୪ ॥
ଖଟ୍ଵାଙ୍ଗପୋଥିତାରାତିଃ ଖଞ୍ଜନାକ୍ଷଃ ଖଶୀର୍ଷକଃ ।
କଲଵଂଶରଵାକ୍ରାନ୍ତଗୋପୀଵିସ୍ମାରିତାର୍ଭକଃ ॥ ୮୫ ॥
କଲିପ୍ରମାଥୀ କଞ୍ଜାସ୍ୟଃ କମଲାୟତଲୋଚନଃ ।
କାଲନେମିପ୍ରହରଣଃ କୁଣ୍ଠିତାର୍ତିକିଶୋରକଃ ॥ ୮୬ ॥
କେଶଵଃ କେଵଲଃ କଣ୍ଠୀରଵାସ୍ୟଃ କୋମଲାଙ୍ଘ୍ରିୟୁକ୍ ।
କମ୍ବଲୀ କୀର୍ତିମାନ୍ କାନ୍ତଃ କରୁଣାମୃତସାଗରଃ ॥ ୮୭ ॥
କୁବ୍ଜାସୌଭାଗ୍ୟଦଃ କୁବ୍ଜାଚନ୍ଦନାଲିପ୍ତଗାତ୍ରକଃ ।
କାଲଃ କୁଵଲୟାପୀଡହନ୍ତା କ୍ରୋଧସମାକୁଲଃ ॥ ୮୮ ॥
କାଲିନ୍ଦୀପୁଲିନାକ୍ରୀଡଃ କୁଞ୍ଜକେଲିକୁତୂହଲୀ ।
କାଞ୍ଚନଂ କମଲାଜାନିଃ କଲାଜ୍ଞଃ କାମିତାର୍ଥଦଃ ॥ ୮୯ ॥
କାରଣଂ କରଣାତୀତଃ କୃପାପୂର୍ଣଃ କଲାନିଧିଃ ।
କ୍ରିୟାରୂପଃ କ୍ରିୟାତୀତଃ କାଲରୂପଃ କ୍ରତୁପ୍ରଭୁଃ ॥ ୯୦ ॥
କଟାକ୍ଷସ୍ତମ୍ଭିତାରାତିଃ କୁଟିଲାଲକଭୂଷିତଃ ।
କୂର୍ମାକାରଃ କାଲରୂପୀ କରୀରଵନମଧ୍ୟଗଃ ॥ ୯୧ ॥
କଲକଣ୍ଠୀ କଲରଵଃ କଲକଣ୍ଠରୁତାନୁକୃତ୍ ।
କରଦ୍ଵାରପୁରଃ କୂଟଃ ସର୍ଵେଷାଂ କଵଲପ୍ରିୟଃ ॥ ୯୨ ॥
କଲିକଲ୍ମଷହା କ୍ରାନ୍ତଗୋକୁଲଃ କୁଲଭୂଷଣଃ ।
କୂଟାରିଃ କୁତୁପଃ କୀଶପରିଵାରଃ କଵିପ୍ରିୟଃ ॥ ୯୩ ॥
କୁରୁଵନ୍ଦ୍ୟଃ କଠିନଦୋର୍ଦଣ୍ଡଖଣ୍ଡିତଭୂଭରଃ ।
କିଙ୍କରପ୍ରିୟକୃତ୍କର୍ମରତଭକ୍ତପ୍ରିୟଙ୍କରଃ ॥ ୯୪ ॥
ଅମ୍ବୁଜାସ୍ୟୋଽଙ୍ଗନାକେଲିରମ୍ବୁଶାୟ୍ୟମ୍ବୁଧିସ୍ତୁତଃ ।
ଅମ୍ଭୋଜମାଲ୍ୟମ୍ବୁଵାହଲସଦଙ୍ଗୋଽନ୍ତ୍ରମାଲକଃ ॥ ୯୫ ॥
ଔଦୁମ୍ବରଫଲପ୍ରଖ୍ୟବ୍ରହ୍ମାଣ୍ଡାଵଲିଚାଲକଃ ।
ଓଷ୍ଠସ୍ଫୁରନ୍ମୁରଲିକାରଵାକର୍ଷିତଗୋକୁଲଃ ॥ ୯୬ ॥
ଐରାଵତସମାରୂଢ ଐନ୍ଦ୍ରୀଶୋକାପହାରକଃ ।
ଐଶ୍ଵର୍ୟାଵଧିରୈଶ୍ଵର୍ୟମୈଶ୍ଵର୍ୟାଷ୍ଟଦଲସ୍ଥିତଃ ॥ ୯୭ ॥
ଏଣଶାଵସମାନାକ୍ଷ ଏଧସ୍ତୋଷିତପାଵକଃ ।
ଏନୋଽନ୍ତକୃନ୍ନାମଧେୟସ୍ମୃତିସଂସୃତିଦର୍ପହା ॥ ୯୮ ॥
ଲୂନପଞ୍ଚକ୍ଲେଶପଦୋ ଲୂତାତନ୍ତୁର୍ଜଗତ୍କୃତିଃ ।
ଲୁପ୍ତଦୃଶ୍ୟୋ ଲୁପ୍ତଜଗଜ୍ଜୟୋ ଲୁପ୍ତସୁପାଵକଃ ॥ ୯୯ ॥
ରୂପାତୀତୋ ରୂପନାମରୂପମାୟାଦିକାରଣମ୍ ।
ଋଣହୀନୋ ଋଦ୍ଧିକାରୀ ଋଣାତୀତୋ ଋତଂଵଦଃ ॥ ୧୦୦ ॥
ଉଷାନିମିତ୍ତବାଣଘ୍ନ ଉଷାହାର୍ୟୂର୍ଜିତାଶୟଃ ।
ଊର୍ଧ୍ୟରୂପୋର୍ଧ୍ଵାଧରଗ ଊଷ୍ମଦଗ୍ଧଜଗତ୍ତ୍ରୟଃ ॥ ୧୦୧ ॥
ଉଦ୍ଧଵତ୍ରାଣନିରତ ଉଦ୍ଧଵଜ୍ଞାନଦାୟକଃ ।
ଉଦ୍ଧର୍ତୋଦ୍ଧଵ ଉନ୍ନିଦ୍ର ଉଦ୍ବୋଧ ଉପରିସ୍ଥିତଃ ॥ ୧୦୨ ॥
ଉଦଧିକ୍ରୀଡ ଉଦଧିତନୟାପ୍ରିୟ ଉତ୍ସଵଃ ।
ଉଚ୍ଛିନ୍ନଦେଵତାରାତିରୁଦଧ୍ୟାଵୃତିମେଖଲଃ ॥ ୧୦୩ ॥
ଈତିଘ୍ନ ଈଶିତା ଈଜ୍ୟ ଈଡ୍ୟ ଈହାଵିଵର୍ଜିତଃ ।
ଈଶଧ୍ୟେୟପଦାମ୍ଭୋଜ ଇନ ଈନଵିଲୋଚନଃ ॥ ୧୦୪ ॥
ଇନ୍ଦ୍ର ଇନ୍ଦ୍ରାନୁଜନଟ ଇନ୍ଦିରାପ୍ରାଣଵଲ୍ଲଭଃ ।
ଇନ୍ଦ୍ରାଦିସ୍ତୁତ ଇନ୍ଦ୍ରଶ୍ରୀରିଦମିତ୍ଥମଭୀତକୃତ୍ ॥ ୧୦୫ ॥
ଆନନ୍ଦାଭାସ ଆନନ୍ଦ ଆନନ୍ଦନିଧିରାତ୍ମଦୃକ୍ ।
ଆୟୁରାର୍ତିଘ୍ନ ଆୟୁଷ୍ୟ ଆଦିରାମୟଵର୍ଜିତଃ ॥ ୧୦୬ ॥
ଆଦିକାରଣମାଧାର ଆଧାରାଦିକୃତାଶ୍ରୟଃ ।
ଅଚ୍ୟୁତୈଶ୍ଵର୍ୟମମିତ ଅରିନାଶ ଅଘାନ୍ତକୃତ୍ ॥ ୧୦୭ ॥
ଅନ୍ନପ୍ରଦୋଽନ୍ନମଖିଲାଧାର ଅଚ୍ୟୁତ ଅବ୍ଜଭୃତ୍ ।
ଚନ୍ଦ୍ରଭାଗାଜଲକ୍ରୀଡାସକ୍ତୋ ଗୋପଵିଚେଷ୍ଟିତଃ ॥ ୧୦୮ ॥
ହୃଦୟାକାରହୃଦ୍ଭୂଷୋ ୟଷ୍ଟିମାନ୍ ଗୋକୁଲାନୁଗଃ ।
ଗଵାଂ ହୁଙ୍କୃତିସମ୍ପ୍ରୀତୋ ଗଵାଲୀଢପଦାମ୍ବୁଜଃ ॥ ୧୦୯ ॥
ଗୋଗୋପତ୍ରାଣସୁଶ୍ରାନ୍ତ ଅଶ୍ରମୀ ଗୋପଵୀଜିତଃ ।
ପାଥେୟାଶନସମ୍ପ୍ରୀତଃ ସ୍କନ୍ଧଶିକ୍ୟୋ ମୁଖାମ୍ବୁପଃ ॥ ୧୧୦ ॥
କ୍ଷେତ୍ରପାରୋପିତକ୍ଷେତ୍ରୋ ରକ୍ଷୋଽଧିକୃତଭୈରଵଃ ।
କାର୍ୟକାରଣସଙ୍ଘାତସ୍ତାଟକାନ୍ତସ୍ତୁ ରକ୍ଷହା ॥ ୧୧୧ ॥
ହନ୍ତା ତାରାପତିସ୍ତୁତ୍ୟୋ ୟକ୍ଷଃ କ୍ଷେତ୍ରଂ ତ୍ରୟୀଵପୁଃ ।
ପ୍ରାଞ୍ଜଲିର୍ଲୋଲନୟନୋ ନଵନୀତାଶନପ୍ରିୟଃ ॥ ୧୧୨ ॥
ୟଶୋଦାତର୍ଜିତଃ କ୍ଷୀରତସ୍କରୋ ଭାଣ୍ଡଭେଦନଃ ।
ମୁଖାଶନୋ ମାତୃଵଶ୍ୟୋ ମାତୃଦୃଶ୍ୟମୁଖାନ୍ତରଃ ॥ ୧୧୩ ॥
ଵ୍ୟାତ୍ତଵକ୍ତ୍ରୋ ଗତଭୟୋ ମୁଖଲକ୍ଷ୍ୟଜଗତ୍ତ୍ରୟଃ ।
ୟଶୋଦାସ୍ତୁତିସମ୍ପ୍ରୀତୋ ନନ୍ଦଵିଜ୍ଞାତଵୈଭଵଃ ॥ ୧୧୪ ॥
ସଂସାରନୌକାଧର୍ମଜ୍ଞୋ ଜ୍ଞାନନିଷ୍ଠୋ ଧନାର୍ଜକଃ ।
କୁବେରଃ କ୍ଷତ୍ରନିଧନଂ ବ୍ରହ୍ମର୍ଷିର୍ବ୍ରାହ୍ମଣପ୍ରିୟଃ ॥ ୧୧୫ ॥
ବ୍ରହ୍ମଶାପପ୍ରତିଷ୍ଠାତା ୟଦୁରାଜକୁଲାନ୍ତକଃ ।
ୟୁଧିଷ୍ଠିରସଖୋ ୟୁଦ୍ଧଦକ୍ଷଃ କୁରୁକୁଲାନ୍ତକୃତ୍ ॥ ୧୯୬ ॥
ଅଜାମିଲୋଦ୍ଧାରକାରୀ ଗଣିକାମୋଚନୋ ଗୁରୁଃ ।
ଜାମ୍ବଵଦ୍ୟୁଦ୍ଧରସିକଃ ସ୍ୟମନ୍ତମଣିଭୂଷଣଃ ॥ ୧୧୭ ॥
ସୁଭଦ୍ରାବନ୍ଧୁରକ୍ରୂରଵନ୍ଦିତୋ ଗଦପୂର୍ଵଜଃ ।
ବଲାନୁଜୋ ବାହୁୟୁଦ୍ଧରସିକୋ ମୟମୋଚନଃ ॥ ୧୧୮ ॥
ଦଗ୍ଧଖାଣ୍ଡଵସମ୍ପ୍ରୀତହୁତାଶୋ ହଵନପ୍ରିୟଃ ।
ଉଦ୍ୟଦାଦିତ୍ୟସଙ୍କାଶଵସନୋ ହନୁମଦ୍ରୁଚିଃ ॥ ୧୧୯ ॥
ଭୀଷ୍ମବାଣଵ୍ରଣାକୀର୍ଣଃ ସାରଥ୍ୟନିପୁଣୋ ଗୁଣୀ ।
ଭୀଷ୍ମପ୍ରତିଭଟଶ୍ଚକ୍ରଧରଃ ସମ୍ପ୍ରୀଣିତାର୍ଜୁନଃ ॥ ୧୨୦ ॥
ସ୍ଵପ୍ରତିଜ୍ଞାହାନିହୃଷ୍ଟୋ ମାନାତୀତୋ ଵିଦୂରଗଃ ।
ଵିରାଗୀ ଵିଷୟାସକ୍ତୋ ଵୈକୁଣ୍ଠୋଽକୁଣ୍ଠଵୈଭଵଃ ॥ ୧୨୯ ॥
ସଙ୍କଲ୍ପଃ କଲ୍ପନାତୀତଃ ସମାଧିର୍ନିର୍ଵିକଲ୍ପକଃ ।
ସଵିକଲ୍ପୋ ଵୃତ୍ତିଶୂନ୍ୟୋ ଵୃତ୍ତିର୍ବୀଜମତୀଗତଃ ॥ ୧୨୨ ॥
ମହାଦେଵୋଽଖିଲୋଦ୍ଧାରୀ ଵେଦାନ୍ତେଷୁ ପ୍ରତିଷ୍ଠିତଃ ।
ତନୁର୍ବୃହତ୍ତନୂରଣ୍ଵରାଜପୂଜ୍ୟୋଽଜରୋଽମରଃ ॥ ୧୨୩ ॥
ଭୀମାହତଜରାସନ୍ଧଃ ପ୍ରାର୍ଥିତାୟୁଧସଙ୍ଗରଃ ।
ସ୍ଵସଙ୍କେତପ୍ରକୢପ୍ତାର୍ଥୋ ନିରର୍ଥ୍ୟୋଽର୍ଥୀ ନିରାକୃତିଃ ॥ ୧୨୪ ॥
ଗୁଣକ୍ଷୋଭଃ ସମଗୁଣଃ ସଦ୍ଗୁଣାଢ୍ୟଃ ପ୍ରମାପ୍ରଜଃ ।
ସ୍ଵାଙ୍ଗଜଃ ସାତ୍ୟକିଭ୍ରାତା ସନ୍ମାର୍ଗୋ ଭକ୍ତଭୂଷଣଃ ॥ ୧୨୫ ॥
ଅକାର୍ୟକାର୍ୟନିର୍ଵେଦୋ ଵେଦୋ ଗୋପାଙ୍କନିଦ୍ରିତଃ ।
ଅନାଥୋ ଦାଵପୋ ଦାଵୋ ଦାହକୋ ଦୁର୍ଧରୋଽହତଃ ॥ ୧୨୬ ॥
ଋତଵାଗ୍ୟାଚକୋ ଵିପ୍ରଃ ଖର୍ଵ ଇନ୍ଦ୍ରପଦପ୍ରଦଃ ।
ବଲିମୂର୍ଧସ୍ଥିତପଦୋ ବଲିୟଜ୍ଞଵିଘାତକୃତ୍ ॥ ୧୨୭ ॥
ୟଜ୍ଞପୂର୍ତିର୍ୟଜ୍ଞମୂର୍ତିର୍ୟଜ୍ଞଵିଘ୍ନମଵିଘ୍ନକୃତ୍ ।
ବଲିଦ୍ଵାଃସ୍ଥୋ ଦାନଶୀଲୋ ଦାନଶୀଲପ୍ରିୟୋ ଵ୍ରତୀ ॥ ୧୨୮ ॥
ଅଵ୍ରତୋ ଜତୁକାଗାରସ୍ଥିତପାଣ୍ଡଵଜୀଵନମ୍ ।
ମାର୍ଗଦର୍ଶୀ ମୃଦୁର୍ହେଲାଦୂରୀକୃତଜଗଦ୍ଭୟଃ ॥ ୧୨୯ ॥
ସପ୍ତପାତାଲପାଦୋଽସ୍ଥିପର୍ଵତୋ ଦ୍ରୁମରୋମକଃ ।
ଉଡୁମାଲୀ ଗ୍ରହାଭୂଷୋ ଦିକ୍ ଶ୍ରୁତିସ୍ତଟିନୀଶିରଃ ॥ ୧୩୦ ॥
ଵେଦଶ୍ଵାସୋ ଜିତଶ୍ଵାସଶ୍ଚିତ୍ତସ୍ଥଶ୍ଚିତ୍ତଶୁଦ୍ଧିକୃତ୍ ।
ଧୀଃ ସ୍ମୃତିଃ ପୁଷ୍ଟିରଜୟଃ ତୁଷ୍ଟିଃ କାନ୍ତିର୍ଧୃତିସ୍ତ୍ରପା ॥ ୧୩୧ ॥
ହଲଃ କୃଷିଃ କଲଂ ଵୃଷ୍ଟିର୍ଗୃଷ୍ଟିର୍ଗୌରଵନଂ ଵନମ୍ ।
କ୍ଷୀରଂ ହଵ୍ୟଂ ହଵ୍ୟଵାହୋ ହୋମୋ ଵେଦୀ ସମିତ୍ସ୍ରୁଵଃ ॥ ୧୩୨ ॥
କର୍ମ କର୍ମଫଲଂ ସ୍ଵର୍ଗୋ ଭୂଷ୍ୟୋ ଭୂଷା ମହାପ୍ରଭୁଃ ।
ଭୂର୍ଭୁଵଃସ୍ଵର୍ମହର୍ଲୋକୋ ଜନୋଲୋକସ୍ତପୋଜନଃ ॥ ୧୩୩ ॥
ସତ୍ୟୋ ଵିଧିର୍ଦୈଵମଧୋଲୋକଃ ପାତାଲମଣ୍ଡନଃ ।
ଜରାୟୁଜଃ ସ୍ଵେଦଜନିରୁଦ୍ବୀଜଃ କୁଲପର୍ଵତଃ ॥ ୧୩୪ ॥
କୁଲସ୍ତମ୍ଭଃ ସର୍ଵକୁଲଃ କୁଲଭୂଃ କୌଲଦୂରଗଃ ।
ଧର୍ମତତ୍ଵଂ ନିର୍ଵିଷୟୋ ଵିଷୟୋ ଭୋଗଲାଲସଃ ॥ ୧୩୫ ॥
ଵେଦାନ୍ତସାରୋ ନିର୍ମୋକ୍ତା ଜୀଵୋ ବଦ୍ଧୋ ବହିର୍ମୁଖଃ ।
ପ୍ରଧାନଂ ପ୍ରକୃତିର୍ଵିଶ୍ଵଦ୍ରଷ୍ଟା ଵିଶ୍ଵନିଷେଧନଃ ॥ ୧୩୬ ॥
ଅନ୍ତଶ୍ଚତୁର୍ଦ୍ଵାରମୟୋ ବହିର୍ଦ୍ଵାରଚତୁଷ୍ଟୟଃ ।
ଭୁଵନେଶୋ କ୍ଷେତ୍ରଦେଵୋଽନନ୍ତକାୟୋ ଵିନାୟକଃ ॥ ୧୩୭ ॥
ପିତା ମାତା ସୁହୃଦ୍ଵନ୍ଧୁର୍ଭ୍ରାତା ଶ୍ରାଦ୍ଧଂ ୟମୋଽର୍ୟମା ।
ଵିଶ୍ଵେଦେଵାଃ ଶ୍ରାଦ୍ଧଦେଵୋ ମନୁର୍ନାନ୍ଦୀମୁଖୋ ଧନୁଃ ॥ ୧୩୮ ॥
ହେତିଃ ଖଡ୍ଗୋ ରଥୋ ୟୁଦ୍ଧଂ ୟୁଦ୍ଧକର୍ତା ଶରୋ ଗୁଣଃ ।
ୟଶୋ ୟଶୋରିପୁଃ ଶତ୍ରୁରଶତ୍ରୁର୍ଵିଜିତେନ୍ଦ୍ରିୟଃ ॥ ୧୩୯ ॥
ପାତ୍ରଂ ଦାତା ଦାପୟିତା ଦେଶଃ କାଲୋ ଧନାଗମଃ ।
କାଞ୍ଚନଂ ପ୍ରେମ ସନ୍ମିତ୍ରଂ ପୁତ୍ରଃ କୋଶୋ ଵିକୋଶକଃ ॥ ୧୪୦ ॥
ଅନୀତିଃ ଶରଭୋ ହିଂସ୍ରୋ ଦ୍ଵିପୋ ଦ୍ଵୀପୀ ଦ୍ଵିପାଙ୍କୁଶଃ ।
ୟନ୍ତା ନିଗଡ ଆଲାନଂ ସନ୍ମନୋ ଗଜଶୃଙ୍ଖଲଃ ॥ ୧୪୧ ॥
ମନୋଽବ୍ଜଭୃଙ୍ଗୋ ଵିଟପୀ ଗଜଃ କ୍ରୋଷ୍ଟା ଵୃଶୋ ଵୃକଃ ।
ସତ୍ପଥାଚାରନଲିନୀଷଟ୍ପଦଃ କାମଭଞ୍ଜନଃ ॥ ୧୪୨ ॥
ସ୍ଵୀୟଚିତ୍ତଚକୋରାବ୍ଜଃ ସ୍ଵଲୀଲାକୃତକୌତୁକଃ ।
ଲୀଲାଧାମାମ୍ବୁଭୃନ୍ନାଥଃ କ୍ଷୋଣୀ ଭର୍ତା ସୁଧାବ୍ଧିଦଃ ॥ ୧୪୩ ॥
ମଲ୍ଲାନ୍ତକୋ ମଲ୍ଲରୂପୋ ବାଲୟୁଦ୍ଧପ୍ରଵର୍ତନଃ ।
ଚନ୍ଦ୍ରଭାଗାସରୋନୀରସୀକରଗ୍ଲପିତକ୍ଲମଃ ॥ ୧୪୪ ॥
କନ୍ଦୁକକ୍ରୀଡନକ୍ଲାନ୍ତୋ ନେତ୍ରମୀଲନକେଲିମାନ୍ ।
ଗୋପୀଵସ୍ତ୍ରାପହରଣଃ କଦମ୍ବଶିଖରସ୍ଥିତଃ ॥ ୧୪୫ ॥
ବଲ୍ଲଵୀପ୍ରାର୍ଥିତୋ ଗୋପୀନତିଦେଷ୍ଟାଞ୍ଜଲିପ୍ରିୟଃ ।
ପରିହାସପରୋ ରାସେ ରାସମଣ୍ଡଲମଧ୍ୟଗଃ ॥ ୧୪୬ ॥
ବଲ୍ଲଵୀଦ୍ଵୟସଂଵୀତଃ ସ୍ଵାତ୍ମଦ୍ଵୈତାତ୍ମଶକ୍ତିକଃ ।
ଚତୁର୍ଵିଂଶତିଭିନ୍ନାତ୍ମା ଚତୁର୍ଵିଂଶତିଶକ୍ତିକଃ ॥ ୧୪୭ ॥
ସ୍ଵାତ୍ମଜ୍ଞାନଂ ସ୍ଵାତ୍ମଜାତଜଗତ୍ତ୍ରୟମୟାତ୍ମକଃ ।
ଇତି ଵିଠ୍ଠଲସଂଜ୍ଞସ୍ୟ ଵିଷ୍ଣୋର୍ନାମସହସ୍ରକମ୍ ॥ ୧୪୮ ॥
ତ୍ରିକାଲମେକକାଲଂ ଵା ଶ୍ରଦ୍ଧୟା ପ୍ରୟତଃ ପଠେତ୍ ।
ସ ଵିଷ୍ଣୋର୍ନାତ୍ର ସନ୍ଦେହଃ କିଂ ବହୂକ୍ତେନ ଶୌନକ ॥ ୧୪୯ ॥
କାମୀ ଚେନ୍ନିୟତାହାରୋ ଜିତଚିତ୍ତୋ ଜିତେନ୍ଦ୍ରିୟଃ ।
ଜପନ୍ କାମାନଵାପ୍ନୋତି ଇତି ଵୈ ନିଶ୍ଚିତଂ ଦ୍ଵିଜ ॥ ୧୫୦ ॥
॥ ଇତି ଶ୍ରୀଵିଠ୍ଠଲସହସ୍ରନାମସ୍ତୋତ୍ରଂ ସମ୍ପୂର୍ଣମ୍ ॥