॥ Vitthala Sahasranamastotram Telugu Lyrics ॥
॥ శ్రీవిఠ్ఠసహస్రనామస్తోత్రమ్ ॥
శౌనక ఉవాచ-
సూత వేదార్థతత్వజ్ఞ శ్రుతం సర్వం భవన్మురవాత్ ।
తథాపి శ్రోతుమిచ్ఛామి తీర్థం క్షేత్రఞ్చ దైవతమ్ ॥ ౧ ॥
స్తోత్రం చ జగతాం పూజ్య మూఢానామపి మోక్షదమ్ ।
స్నానాద్దర్శనతః స్మృత్యా పాఠమాత్రాచ్ఛుభప్రదమ్ ॥ ౨ ॥
సూత ఉవాచ-
స్మారితోఽహం హరేస్తీర్థం స్తోత్రం క్షేత్రం చ దైవతమ్ ।
స క్షణః సఫలో యత్ర స్మర్యతే మధుసూదనః ॥ ౩ ॥
కయాపి వృత్యా విప్రేన్ద్ర తత్సర్వం కథయామి తే ।
జనం కలిమలాక్రాన్తం దృష్ట్వా విషయలాలసమ్ ॥ ౪ ॥
జ్ఞానానధికృతం కర్మవిహీనం భక్తవత్సలః ।
చన్ద్రభాగాసరస్తీరే పితృభక్తిపరం ద్విజమ్ ॥ ౫ ॥
పుణ్డరీకాభిధే క్షేత్రే భీమయాఽఽప్లావితే తతః ।
పుణ్డరీకాభిధం శాన్తం నిమిత్తీకృత్య మాధవః ॥ ౬ ॥
ఆవిరాసీత్సముద్ధర్తుం జనం కలిమలాకులమ్ ।
తత్తీర్థం చన్ద్రభాగాఖ్యం స్నానమాత్రేణ మోక్షదమ్ ॥ ౭ ॥
తత్క్షేత్రం పాణ్డురఙ్గాఖ్యం దర్శనాన్మోక్షదాయకమ్ ।
తద్దైవతం విఠ్ఠలాఖ్యం జగత్కారణమవ్యయమ్ ॥ ౮ ॥
స్థితిప్రలయయోర్హేతుం భక్తానుగ్రహవిగ్రహమ్ ।
సత్యజ్ఞానానన్దమయం స్థానజ్ఞానాది యద్విదా ॥ ౯ ॥
యన్నామస్మరణాదేవ కామాక్రాన్తోఽపి సన్తరేత్ ।
పుణ్డరీకేణ మునినా ప్రాప్తం తద్దర్శనేన యత్ ॥ ౧౦ ॥
శౌనక ఉవాచ-
సహస్రనామభిః స్తోత్రం కృతం వేదవిదుత్తమ ।
సకృత్పఠనమాత్రేణ కామితార్థశ్రుతప్రదమ్ ॥ ౧౧ ॥
తీర్థం క్షేత్రం దైవతం చ త్వత్ప్రసాదాచ్ఛ్తుతం మయా ।
ఇదానీం శ్రోతుమిచ్ఛామి స్తోత్రం తవ ముఖామ్బుజాత్ ॥ ౧౨ ॥
సచ్చిత్సుఖస్వరూపోఽపి భక్తానుగ్రహహేతవే ।
కీదృశం ధృతవాన్ రూపం కృపయాఽఽచక్ష్వ తన్మమ ॥ ౧౩ ॥
సూత ఉవాచ-
శృణుష్వావహితో బ్రహ్మన్భగవద్ధ్యానపూర్వకమ్ ।
సహస్రనామసన్మన్త్రం సర్వమన్త్రోత్తమోత్తమమ్ ॥ ౧౪ ॥
అథ శ్రీవిఠ్ఠలసహస్రనామస్తోత్రమన్త్రస్య శ్రీపుణ్డరీక ఋషిః ।
శ్రీగురుః పరమాత్మా శ్రీవిఠ్ఠలో దేవతా ।
అనుష్టుప్ ఛన్దః । పుణ్డరీకవరప్రద ఇతి బీజం ।
రుక్మిణీశో రమాపతిరితి శక్తిః । పాణ్డురఙ్గేశ ఇతి కీలకమ్ ।
శ్రీ విఠ్ఠలప్రీత్యర్థం విఠ్ఠలసహస్రనామస్తోత్రమన్త్రజపే వినియోగః ।
ఓం పుణ్డరీక వరప్రద ఇతి అఙ్గుష్ఠాభ్యాం నపః ।
ఓం విఠ్ఠలః పాణ్డురఙ్గేశ ఇతి తర్జనీభ్యాం నమః ।
ఓం చన్ద్రభాగాసరోవాస ఇతి మధ్యమాభ్యాం నమః ।
ఓం వజ్రీ శక్తిర్దణ్డధర ఇతి అనామికాభ్యాం నమః ।
ఓం కలవంశరవాక్రాన్త ఇతి కనిష్ఠికాభ్యాం నమః ।
ఓం ఏనోఽన్తకృన్నామధ్యేయ ఇతి కరతలకరపృష్ఠాభ్యాం నమః ॥
ఏవం హృదయాదిన్యాసః ।
ఓం పుణ్డరీక వరప్రద ఇతి హృదయాయ నమః ।
ఓం చన్ద్రభాగాసరోవాస ఇతి శిరసే స్వాహా ।
ఓం వజ్రీ శక్తిర్దణ్డధర ఇతి శిఖాయై వషట్ ।
ఓం కలవంశరవాక్రాన్త ఇతి కవచాయ హుమ్ ।
ఓం ఏనోఽన్తకృన్నామధ్యేయ ఇతి నేత్రత్రయాయ వౌషట్ ।
ఓం ఏనోఽన్తకృన్నామధ్యేయ ఇతి అస్త్రాయ ఫట్ ॥
ఇతి దిగ్బన్ధః ।
ధ్యానమ్ –
ఇష్టికాయాం సమపదం తిష్ఠన్తం పురుషోత్తమమ్ ।
జఙ్ఘజస్థకరద్వన్ద్వం క్షుల్లకాదామభూషణమ్ ॥ ౧౫ ॥
సవ్యాసవ్యకరోద్భాసిపద్మశఙ్ఖవిభూషితమ్ ।
దరహాసస్మేరముఖం శిక్యస్కన్ధం దిగమ్బరమ్ ॥ ౧౬ ॥
సర్వాలఙ్కారసంయుక్తం బ్రహ్మాదిగణసేవితమ్ ।
జ్ఞానానన్దమయం దేవం ధ్యాయామి హృది విఠ్ఠలమ్ ॥ ౧౭ ॥
అథ స్తోత్రమ్ ।
క్లీం విఠ్ఠలః పాణ్డురఙ్గేశ ఈశః శ్రీశో విశేషజిత్ ।
శేషశాయీ శమ్భువన్ద్యః శరణ్యః శఙ్కరప్రియః ॥ ౧ ॥
చన్ద్రభాగాసరోవాసః కోటిచన్ద్రప్రభాస్మితః ।
విధాధృసూచితః సర్వప్రమాణాతీత అవ్యయః ॥ ౨ ॥
పుణ్డరీకస్తుతో వన్ద్యో భక్తచిత్తప్రసాదకః ।
స్వధర్మనిరతః ప్రీతో గోగోపీపరివారితః ॥ ౩ ॥
గోపికాశతనీరాజ్యః పులినాక్రీడ ఆత్మభూః ।
ఆత్మాఽఽత్మారామ ఆత్మస్థః ఆత్మారామనిషేవితః ॥ ౪ ॥
సచ్చిత్సుఖం మహామాయీ మహదవ్యక్తమద్భుతః ।
స్థూలరూపః సూక్ష్మరూపః కారణం పరమఞ్జనమ్ ॥ ౫ ॥
మహాకారణమాధారః అధిష్ఠానం ప్రకాశకః ।
కఞ్జపాదో రక్తనఖో రక్తపాదతలః ప్రభుః ॥ ౬ ॥
సామ్రాజ్యచిహ్నితపదో నీలగుల్ఫః సుజఙ్ఘకః ।
సజ్జానుః కదలీస్తమ్భనిభోరురురువిక్రమః ॥ ౭ ॥
పీతామ్బరావృతకటిః క్షుల్లకాదామభూషణః ।
కటివిన్యస్తహస్తాబ్జః శఙ్ఖీ పద్మవిభూషితః ॥ ౮ ॥
గమ్భీరనాభిర్బ్రహ్మాధిష్ఠితనాభిసరోరుహః ।
త్రివలీమణ్డితోదారోదరోమావలిమాలినః ॥ ౯ ॥
కపాటవక్షాః శ్రీవత్సభూషితోరాః కృపాకరః ।
వనమాలీ కమ్బుకణ్ఠః సుస్వరః సామలాలసః ॥ ౧౦ ॥
కఞ్జవక్త్రః శ్మశ్రుహీనచుబుకో వేదజిహ్వకః ।
దాడిమీబీజసదృశరదో రక్తాధరో విభుః ॥ ౧౧ ॥
నాసాముక్తాపాటలితాధరచ్ఛవిరరిన్దమః ।
శుకనాసః కఞ్జనేత్రః కుణ్డలాక్రమితాంసకః ॥ ౧౨ ॥
మహాబాహుర్ఘనభుజః కేయూరాఙ్గదమణ్డితః ।
రత్నభూషితభూషాఢ్యమణిబన్ధః సుభూషణః ॥ ౧౩ ॥
రక్తపాణితలః స్వఙ్గః సన్ముద్రామణ్డితాఙ్గులిః ।
నఖప్రభారఞ్జితాబ్జః సర్వసౌన్దర్యమణ్డితః ॥ ౧౪ ॥
సుభ్రూరర్ధశశిప్రఖ్యలలాటః కామరూపధృక్ ।
కుఙ్కుమాఙ్కితసద్భాలః సుకేశో బర్హభూషణః ॥ ౧౫ ॥
కిరీటభావ్యాప్తనభో వికలీకృతభాస్కరః ।
వనమాలీ పతివాసాః శార్ఙ్గచాపోఽసురాన్తకః ॥ ౧౬ ॥
దర్పాపహః కంసహన్తా చాణూరమురమర్దనః ।
వేణువాదనసన్తుష్టో దధ్యన్నాస్వాదలోలుపః ॥ ౧౭ ॥
జితారిః కామజనకః కామహా కామపూరకః ।
విక్రోధో దారితామిత్రో భూర్భువఃసువరాదిరాట్ ॥ ౧౮ ॥
అనాదిరజనిర్జన్యజనకో జాహ్నవీపదః ।
బహుజన్మా జామదగ్న్యః సహస్రభుజఖణ్డనః ॥ ౯౯ ॥
కోదణ్డధారీ జనకపూజితః కమలాప్రియః ।
పుణ్డరీకభవద్వేషీ పుణ్డరీకభవప్రియః ॥ ౨౦ ॥
పుణ్డరీకస్తుతిరసః సద్భక్తపరిపాలకః ।
సుషుమాలాసఙ్గమస్థో గోగోపీచిత్తరఞ్జనః ॥ ౨౧ ॥
ఇష్టికాస్థో భక్తవశ్యస్త్రిమూర్తిర్భక్తవత్సలః ।
లీలాకృతజగద్ధామా జగత్పాలో హరో విరాట్ ॥ ౨౨ ॥
అశ్వత్థపద్మతీర్థస్థో నారదస్తుతవైభవః ।
ప్రమాణాతీతతత్త్వజ్ఞస్తత్త్వమ్పదనిరూపితః ॥ ౨౩ ॥
అజాజనిరజాజానిరజాయో నీరజోఽమలః ।
లక్ష్మీనివాసః స్వర్భూషో విశ్వవన్ద్యో మహోత్సవః ॥ ౨౪ ॥
జగద్యోనిరకర్తాఽఽద్యో భోక్తా భోగ్యో భవాతిగః ।
షడ్గుణైశ్వర్యసమ్పన్నో భగవాన్ముక్తిదాయకః ॥ ౨౫ ॥
అధఃప్రాణో మనో బుద్ధిః సుషుప్తిః సర్వగో హరిః ।
మత్స్యః కూర్మో వరాహోఽత్రిర్వామనో హీరరూపధృత్ ॥ ౨౬ ॥
నారసింహో ఋషిర్వ్యాసో రామో నీలాంశుకో హలీ ।
బుద్ధోఽర్హన్ సుగతః కల్కీ నరో నారాయణః పరః ॥ ౨౭ ॥
పరాత్పరః కరీడ్యేశో నక్రశాపవిమోచనః ।
నారదోక్తిప్రతిష్ఠాతా ముక్తకేశీ వరప్రదః ॥ ౨౮ ॥
చన్ద్రభాగాప్సు సుస్నాతః కామితార్థప్రదోఽనఘః ।
తులసీదామభూషాఢ్యస్తులసీకాననప్రియః ॥ ౨౯ ॥
పాణ్డురఙ్గః క్షేత్రమూర్తిః సర్వమూర్తిరనామయః ।
పుణ్డరీకవ్యాజకృతజడోద్ధారః సదాగతిః ॥ ౩౦ ॥
అగతిః సద్గతిః సభ్యో భవో భవ్యో విధీడితః ।
ప్రలమ్బఘ్నో ద్రుపదజాచిన్తాహారీ భయాపహః ॥ ౩౧ ॥
వహ్నివక్త్రః సూర్యనుతో విష్ణుస్త్రైలోక్యరక్షకః ।
జగద్భక్ష్యో జగద్గేహో జనారాధ్యో జనార్దనః ॥ ౩౨ ॥
జేతా విష్ణుర్వరారోహో భీష్మపూజ్యపదామ్బుజః ।
భర్తా భీష్ణకసమ్పూజ్యః శిశుపాలవధోద్యతః ॥ ౩౩ ॥
శతాపరాధసహనః క్షమావానాదిపూజనః ।
శిశుపాలశిరచ్ఛేత్తా దన్తవక్త్రబలాపహః ॥ ౩౪ ॥
శిశుపాలకృతద్రోహః సుదర్శనవిమోచనః ॥ ౩౫ ॥
సశ్రీః సమాయో దామేన్ద్రః సుదామక్రీడనోత్సుకః ।
వసుదామకృతక్రీడః కిఙ్కిణీదామసేవితః ॥ ౩౬ ॥
పఞ్చాఙ్గపూజనరతః శుద్ధచిత్తవశంవదః ।
రుక్మిణీవల్లభః సత్యభామాభూషితవిగ్రహః ॥ ౩౭ ॥
నాగ్నజిత్యా కృతోత్సాహః సునన్దాచిత్తమోహనః ।
మిత్రవృన్దాఽఽలిఙ్గితాఙ్గో బ్రహ్మచారీ వటుప్రియః ॥ ౩౮ ॥
సులక్షణాధౌతపదో జామ్బవత్యా కృతాదరః ।
సుశీలాశీలసన్తుష్టో జలకేలికృతాదరః ॥ ౩౯ ॥
వాసుదేవో దేవకీడ్యో నన్దానన్దకరాఙ్ఘ్రియుక్ ।
యశోదామానసోల్లాసో బలావరజనిఃస్వభూః ॥ ౪౦ ॥
సుభద్రాఽఽనన్దదో గోపవశ్యో గోపీప్రియోఽజయః ।
మన్దారమూలవేదిస్థః సన్తానతరుసేవితః ॥ ౪౧ ॥
పారిజాతాపహరణః కల్పద్రుమపురఃసరః ।
హరిచన్దనలిప్తాఙ్గ ఇన్ద్రవన్ద్యోఽగ్నిపూజితః ॥ ౪౨ ॥
యమనేతా నైరృతేయో వరుణేశః ఖగప్రియః ।
కుబేరవన్ద్య ఈశేశో విధీడ్యోఽనన్తవన్దితః ॥ ౪౩ ॥
వజ్రీ శక్తిర్దణ్డధరః ఖడ్గీ పాశ్యఙ్కుశీ గదీ ।
త్రిశూలీ కమలీ చక్రీ సత్యవ్రతమయో నవః ॥ ౪౪ ॥
మహామన్త్రః ప్రణవభూర్భక్తచిన్తాపహారకః ।
స్వక్షేత్రవాసీ సుఖదః కామీ భక్తవిమోచనః ॥ ౪౫ ॥
స్వనామకీర్తనప్రీతః క్షేత్రేశః క్షేత్రపాలకః ।
కామశ్చక్రధరార్ధశ్చ త్రివిక్రమమయాత్మకః ॥ ౪౬ ॥
ప్రజ్ఞానకరజిత్కాన్తిరూపవర్ణః స్వరూపవాన్ ।
స్పర్శేన్ద్రియం శౌరిమయో వైకుణ్ఠః సానిరుద్ధకః ॥ ౪౭ ॥
షడక్షరమయో బాలః శ్రీకృష్ణో బ్రహ్మభావితః ।
నారదాధిష్ఠితక్షేమో వేణువాదనతత్పరః ॥ ౪౮ ॥
నారదేశప్రతిష్ఠాతా గోవిన్దో గరుడధ్వజః ।
సాధారణః సమః సౌమ్యః కలావాన్ కమలాలయః ॥ ౪౯ ॥
క్షేత్రపః క్షణదాధీశవక్త్రః క్షేమకరక్షణః ।
లవో లవణిమాధామ లీలావాన్ లఘువిగ్రహః ॥ ౫౦ ॥
హయగ్రీవో హలీ హంసో హతకంసో హలిప్రియః ।
సున్దరః సుగతిర్ముక్తః సత్సఖో సులభః స్వభూః ॥ ౫౧ ॥
సామ్రాజ్యదః సామరాజః సత్తా సత్యః సులక్షణః ।
షడ్గుణైశ్వర్యనిలయః షడృతుపరిసేవితః ॥ ౫౨ ॥
షడఙ్గశోధితః షోఢా షడ్దర్శననిరూపితః ।
శేషతల్పః శతమఖః శరణాగతవత్సలః ॥ ౫౩ ॥
సశమ్భుః సమితిః శఙ్ఖవహః శార్ఙ్గసుచాపధృత్ ।
వహ్నితేజా వారిజాస్యః కవిర్వంశీధరో విగః ॥ ౫౪ ॥
వినీతో విప్రియో వాలిదలనో వజ్రభూషణః ।
రుక్మిణీశో రమాజానీ రాజా రాజన్యభూషణః ॥ ౫౫ ॥
రతిప్రాణప్రియపితా రావణాన్తో రఘూద్వహః ।
యజ్ఞభోక్తా యమో యజ్ఞభూషణో యజ్ఞదూషణః ॥ ౫౬ ॥
యజ్వా యశోవాన్ యమునాకూలకుఞ్జప్రియో యమీ ।
మేరుర్మనీషీ మహితో ముదితః శ్యామవిగ్రహః ॥ ౫౭ ॥
మన్దగామీ ముగ్ధముఖో మహేశో మీనవిగ్రహః ।
భీమో భీమాఙ్గజాతీరవాసీ భీమార్తిభఞ్జనః ॥ ౫౮ ॥
భూభారహరణో భూతభావనో భరతాగ్రజః ।
బలం బలప్రియో బాలో బాలక్రీడనతత్పరః ॥ ౫౯ ॥
బకాసురాన్తకో బాణాసురదర్పకవాడవః ।
బృహస్పతిబలారాతిసూనుర్బలివరప్రదః ॥ ౬౦ ॥
బోద్ధా బన్ధువధోద్యుక్తో బన్ధమోక్షప్రదో బుధః ।
ఫాల్గునానిష్టహా ఫల్గుకృతారాతిః ఫలప్రదః ॥ ౬౯ ॥
ఫేనజాతైరకావజ్రకృతయాదవసఙ్క్షయః ।
ఫాల్గునోత్సవసంసక్తః ఫణితల్పః ఫణానటః ॥ ౬౨ ॥
పుణ్యః పవిత్రః పాపాత్మదూరగః పణ్డితాగ్రణీః ।
పోషణః పులినావాసః పుణ్డరీకమనోర్వశః ॥ ౬౩ ॥
నిరన్తరో నిరాకాఙ్క్షో నిరాతఙ్కో నిరఞ్జనః ।
నిర్విణ్ణమానసోల్లాసో నయనానన్దనః సతామ్ ॥ ౬౪ ॥
నియమో నియమీ నమ్యో నన్దబన్ధనమోచనః ।
నిపుణో నీతిమాన్నేతా నరనారాయణవపుః ॥ ౬౫ ॥
ధేనుకాసురవిద్వేషీ ధామ ధాతా ధనీ ధనమ్ ।
ధన్యో ధన్యప్రియో ధర్తా ధీమాన్ ధర్మవిదుత్తమః ॥ ౬౬ ॥
ధరణీధరసన్ధర్తా ధరాభూషితదంష్ట్రకః ।
దైతేయహన్తా దిగ్వాసా దేవో దేవశిఖామణిః ॥ ౬౭ ॥
దామ దాతా దీప్తిభానుః దానవాదమితా దమః ।
స్థిరకార్యః స్థితప్రజ్ఞః స్థవిరస్థాపకః స్థితిః ।
స్థితలోకత్రయవపుః స్థితిప్రలయకారణమ్ ॥ ౬౮ ॥
స్థాపకస్తీర్థచరణస్తర్పకస్తరుణీరసః ।
తారుణ్యకేలినిపుణస్తరణస్తరణిప్రభుః ॥ ౬౯ ॥
తోయమూర్తిస్తమోఽతీతః స్తమ్భోద్భూతస్తపఃపరః ।
తడిద్వాసాస్తోయదాభస్తారస్తారస్వరప్రియః ॥ ౭౦ ॥
ణకారో ఢౌకితజగత్త్రితూర్యప్రీతభూసురః ।
డమరూప్రియహృద్వాసీ డిణ్డిమధ్వనిగోచరః ॥ ౭౧ ॥
ఠయుగస్థమనోర్గమ్యః ఠఙ్కారి ధనురాయుధః ।
టణత్కారితకోదణ్డహతారిర్గణసౌఖ్యదః ॥ ౭౨ ॥
ఝాఙ్కారిచాఞ్చరీకాఙ్కీ శ్రుతికల్హారభూషణః ।
జరాసన్ధార్దితజగత్సుఖభూర్జఙ్గమాత్మకః ॥ ౭౩ ॥
జగజ్జనిర్జగద్భూషో జానకీవిరహాకులః ।
జిష్ణుశోకాపహరణో జన్మహీనో జగత్పతిః ॥ ౭౪ ॥
ఛత్రితాహీన్ద్రసుభగః ఛద్మీ ఛత్రితభూధరః ।
ఛాయాస్థలోకత్రితయఛలేన బలినిగ్రహీ ॥ ౭౫ ॥
చేతశ్చమత్కారకరః చిత్రీ చిత్రస్వభావవాన్ ।
చారుభూశ్చన్ద్రచూడశ్చ చన్ద్రకోటిసమప్రభః ॥ ౭౬ ॥
చూడారత్నద్యోతిభాలశ్చలన్మకరకుపడలః ।
చరుభుక్ చయనప్రీతశ్చమ్పకాటవిమధ్యగః ॥ ౭౭ ॥
చాణూరహన్తా చన్ద్రాఙ్కనాశనశ్చన్ద్రదీధితిః ।
చన్దనాలిప్తసర్వాఙ్గశ్చారుచామరమణ్డితః ॥ ౭౮ ॥
ఘనశ్యామో ఘనరవో ఘటోత్కచపితృప్రియః ।
ఘనస్తనీపరీవారో ఘనవాహనగర్వహా ॥ ౭౯ ॥
గఙ్గాపదో గతక్లేశో గతక్లేశనిషేవితః ।
గణనాథో గజోద్ధర్తా గాయకో గాయనప్రియః ॥ ౮౦ ॥
గోపతిర్గోపికావశ్యో గోపబాలానుగః పతిః ।
గణకోటిపరీవారో గమ్యో గగననిర్మలః ॥ ౮౧ ॥
గాయత్రీజపసమ్ప్రీతో గణ్డకీస్థో గుహాశయః ।
గుహారణ్యప్రతిష్ఠాతా గుహాసురనిషూదనః ॥ ౮౨ ॥
గీతకీర్తిర్గుణారామో గోపాలో గుణవర్జితః ।
గోప్రియో గోచరప్రీతో గాననాట్యప్రవర్తకః ॥ ౮౩ ॥
ఖట్వాయుధః ఖరద్వేషీ ఖాతీతః ఖగమోచనః ।
ఖగపుచ్ఛకృతోత్తంసః ఖేలద్బాలకృతప్రియః ॥ ౮౪ ॥
ఖట్వాఙ్గపోథితారాతిః ఖఞ్జనాక్షః ఖశీర్షకః ।
కలవంశరవాక్రాన్తగోపీవిస్మారితార్భకః ॥ ౮౫ ॥
కలిప్రమాథీ కఞ్జాస్యః కమలాయతలోచనః ।
కాలనేమిప్రహరణః కుణ్ఠితార్తికిశోరకః ॥ ౮౬ ॥
కేశవః కేవలః కణ్ఠీరవాస్యః కోమలాఙ్ఘ్రియుక్ ।
కమ్బలీ కీర్తిమాన్ కాన్తః కరుణామృతసాగరః ॥ ౮౭ ॥
కుబ్జాసౌభాగ్యదః కుబ్జాచన్దనాలిప్తగాత్రకః ।
కాలః కువలయాపీడహన్తా క్రోధసమాకులః ॥ ౮౮ ॥
కాలిన్దీపులినాక్రీడః కుఞ్జకేలికుతూహలీ ।
కాఞ్చనం కమలాజానిః కలాజ్ఞః కామితార్థదః ॥ ౮౯ ॥
కారణం కరణాతీతః కృపాపూర్ణః కలానిధిః ।
క్రియారూపః క్రియాతీతః కాలరూపః క్రతుప్రభుః ॥ ౯౦ ॥
కటాక్షస్తమ్భితారాతిః కుటిలాలకభూషితః ।
కూర్మాకారః కాలరూపీ కరీరవనమధ్యగః ॥ ౯౧ ॥
కలకణ్ఠీ కలరవః కలకణ్ఠరుతానుకృత్ ।
కరద్వారపురః కూటః సర్వేషాం కవలప్రియః ॥ ౯౨ ॥
కలికల్మషహా క్రాన్తగోకులః కులభూషణః ।
కూటారిః కుతుపః కీశపరివారః కవిప్రియః ॥ ౯౩ ॥
కురువన్ద్యః కఠినదోర్దణ్డఖణ్డితభూభరః ।
కిఙ్కరప్రియకృత్కర్మరతభక్తప్రియఙ్కరః ॥ ౯౪ ॥
అమ్బుజాస్యోఽఙ్గనాకేలిరమ్బుశాయ్యమ్బుధిస్తుతః ।
అమ్భోజమాల్యమ్బువాహలసదఙ్గోఽన్త్రమాలకః ॥ ౯౫ ॥
ఔదుమ్బరఫలప్రఖ్యబ్రహ్మాణ్డావలిచాలకః ।
ఓష్ఠస్ఫురన్మురలికారవాకర్షితగోకులః ॥ ౯౬ ॥
ఐరావతసమారూఢ ఐన్ద్రీశోకాపహారకః ।
ఐశ్వర్యావధిరైశ్వర్యమైశ్వర్యాష్టదలస్థితః ॥ ౯౭ ॥
ఏణశావసమానాక్ష ఏధస్తోషితపావకః ।
ఏనోఽన్తకృన్నామధేయస్మృతిసంసృతిదర్పహా ॥ ౯౮ ॥
లూనపఞ్చక్లేశపదో లూతాతన్తుర్జగత్కృతిః ।
లుప్తదృశ్యో లుప్తజగజ్జయో లుప్తసుపావకః ॥ ౯౯ ॥
రూపాతీతో రూపనామరూపమాయాదికారణమ్ ।
ఋణహీనో ఋద్ధికారీ ఋణాతీతో ఋతంవదః ॥ ౧౦౦ ॥
ఉషానిమిత్తబాణఘ్న ఉషాహార్యూర్జితాశయః ।
ఊర్ధ్యరూపోర్ధ్వాధరగ ఊష్మదగ్ధజగత్త్రయః ॥ ౧౦౧ ॥
ఉద్ధవత్రాణనిరత ఉద్ధవజ్ఞానదాయకః ।
ఉద్ధర్తోద్ధవ ఉన్నిద్ర ఉద్బోధ ఉపరిస్థితః ॥ ౧౦౨ ॥
ఉదధిక్రీడ ఉదధితనయాప్రియ ఉత్సవః ।
ఉచ్ఛిన్నదేవతారాతిరుదధ్యావృతిమేఖలః ॥ ౧౦౩ ॥
ఈతిఘ్న ఈశితా ఈజ్య ఈడ్య ఈహావివర్జితః ।
ఈశధ్యేయపదామ్భోజ ఇన ఈనవిలోచనః ॥ ౧౦౪ ॥
ఇన్ద్ర ఇన్ద్రానుజనట ఇన్దిరాప్రాణవల్లభః ।
ఇన్ద్రాదిస్తుత ఇన్ద్రశ్రీరిదమిత్థమభీతకృత్ ॥ ౧౦౫ ॥
ఆనన్దాభాస ఆనన్ద ఆనన్దనిధిరాత్మదృక్ ।
ఆయురార్తిఘ్న ఆయుష్య ఆదిరామయవర్జితః ॥ ౧౦౬ ॥
ఆదికారణమాధార ఆధారాదికృతాశ్రయః ।
అచ్యుతైశ్వర్యమమిత అరినాశ అఘాన్తకృత్ ॥ ౧౦౭ ॥
అన్నప్రదోఽన్నమఖిలాధార అచ్యుత అబ్జభృత్ ।
చన్ద్రభాగాజలక్రీడాసక్తో గోపవిచేష్టితః ॥ ౧౦౮ ॥
హృదయాకారహృద్భూషో యష్టిమాన్ గోకులానుగః ।
గవాం హుఙ్కృతిసమ్ప్రీతో గవాలీఢపదామ్బుజః ॥ ౧౦౯ ॥
గోగోపత్రాణసుశ్రాన్త అశ్రమీ గోపవీజితః ।
పాథేయాశనసమ్ప్రీతః స్కన్ధశిక్యో ముఖామ్బుపః ॥ ౧౧౦ ॥
క్షేత్రపారోపితక్షేత్రో రక్షోఽధికృతభైరవః ।
కార్యకారణసఙ్ఘాతస్తాటకాన్తస్తు రక్షహా ॥ ౧౧౧ ॥
హన్తా తారాపతిస్తుత్యో యక్షః క్షేత్రం త్రయీవపుః ।
ప్రాఞ్జలిర్లోలనయనో నవనీతాశనప్రియః ॥ ౧౧౨ ॥
యశోదాతర్జితః క్షీరతస్కరో భాణ్డభేదనః ।
ముఖాశనో మాతృవశ్యో మాతృదృశ్యముఖాన్తరః ॥ ౧౧౩ ॥
వ్యాత్తవక్త్రో గతభయో ముఖలక్ష్యజగత్త్రయః ।
యశోదాస్తుతిసమ్ప్రీతో నన్దవిజ్ఞాతవైభవః ॥ ౧౧౪ ॥
సంసారనౌకాధర్మజ్ఞో జ్ఞాననిష్ఠో ధనార్జకః ।
కుబేరః క్షత్రనిధనం బ్రహ్మర్షిర్బ్రాహ్మణప్రియః ॥ ౧౧౫ ॥
బ్రహ్మశాపప్రతిష్ఠాతా యదురాజకులాన్తకః ।
యుధిష్ఠిరసఖో యుద్ధదక్షః కురుకులాన్తకృత్ ॥ ౧౯౬ ॥
అజామిలోద్ధారకారీ గణికామోచనో గురుః ।
జామ్బవద్యుద్ధరసికః స్యమన్తమణిభూషణః ॥ ౧౧౭ ॥
సుభద్రాబన్ధురక్రూరవన్దితో గదపూర్వజః ।
బలానుజో బాహుయుద్ధరసికో మయమోచనః ॥ ౧౧౮ ॥
దగ్ధఖాణ్డవసమ్ప్రీతహుతాశో హవనప్రియః ।
ఉద్యదాదిత్యసఙ్కాశవసనో హనుమద్రుచిః ॥ ౧౧౯ ॥
భీష్మబాణవ్రణాకీర్ణః సారథ్యనిపుణో గుణీ ।
భీష్మప్రతిభటశ్చక్రధరః సమ్ప్రీణితార్జునః ॥ ౧౨౦ ॥
స్వప్రతిజ్ఞాహానిహృష్టో మానాతీతో విదూరగః ।
విరాగీ విషయాసక్తో వైకుణ్ఠోఽకుణ్ఠవైభవః ॥ ౧౨౯ ॥
సఙ్కల్పః కల్పనాతీతః సమాధిర్నిర్వికల్పకః ।
సవికల్పో వృత్తిశూన్యో వృత్తిర్బీజమతీగతః ॥ ౧౨౨ ॥
మహాదేవోఽఖిలోద్ధారీ వేదాన్తేషు ప్రతిష్ఠితః ।
తనుర్బృహత్తనూరణ్వరాజపూజ్యోఽజరోఽమరః ॥ ౧౨౩ ॥
భీమాహతజరాసన్ధః ప్రార్థితాయుధసఙ్గరః ।
స్వసఙ్కేతప్రకౢప్తార్థో నిరర్థ్యోఽర్థీ నిరాకృతిః ॥ ౧౨౪ ॥
గుణక్షోభః సమగుణః సద్గుణాఢ్యః ప్రమాప్రజః ।
స్వాఙ్గజః సాత్యకిభ్రాతా సన్మార్గో భక్తభూషణః ॥ ౧౨౫ ॥
అకార్యకార్యనిర్వేదో వేదో గోపాఙ్కనిద్రితః ।
అనాథో దావపో దావో దాహకో దుర్ధరోఽహతః ॥ ౧౨౬ ॥
ఋతవాగ్యాచకో విప్రః ఖర్వ ఇన్ద్రపదప్రదః ।
బలిమూర్ధస్థితపదో బలియజ్ఞవిఘాతకృత్ ॥ ౧౨౭ ॥
యజ్ఞపూర్తిర్యజ్ఞమూర్తిర్యజ్ఞవిఘ్నమవిఘ్నకృత్ ।
బలిద్వాఃస్థో దానశీలో దానశీలప్రియో వ్రతీ ॥ ౧౨౮ ॥
అవ్రతో జతుకాగారస్థితపాణ్డవజీవనమ్ ।
మార్గదర్శీ మృదుర్హేలాదూరీకృతజగద్భయః ॥ ౧౨౯ ॥
సప్తపాతాలపాదోఽస్థిపర్వతో ద్రుమరోమకః ।
ఉడుమాలీ గ్రహాభూషో దిక్ శ్రుతిస్తటినీశిరః ॥ ౧౩౦ ॥
వేదశ్వాసో జితశ్వాసశ్చిత్తస్థశ్చిత్తశుద్ధికృత్ ।
ధీః స్మృతిః పుష్టిరజయః తుష్టిః కాన్తిర్ధృతిస్త్రపా ॥ ౧౩౧ ॥
హలః కృషిః కలం వృష్టిర్గృష్టిర్గౌరవనం వనమ్ ।
క్షీరం హవ్యం హవ్యవాహో హోమో వేదీ సమిత్స్రువః ॥ ౧౩౨ ॥
కర్మ కర్మఫలం స్వర్గో భూష్యో భూషా మహాప్రభుః ।
భూర్భువఃస్వర్మహర్లోకో జనోలోకస్తపోజనః ॥ ౧౩౩ ॥
సత్యో విధిర్దైవమధోలోకః పాతాలమణ్డనః ।
జరాయుజః స్వేదజనిరుద్బీజః కులపర్వతః ॥ ౧౩౪ ॥
కులస్తమ్భః సర్వకులః కులభూః కౌలదూరగః ।
ధర్మతత్వం నిర్విషయో విషయో భోగలాలసః ॥ ౧౩౫ ॥
వేదాన్తసారో నిర్మోక్తా జీవో బద్ధో బహిర్ముఖః ।
ప్రధానం ప్రకృతిర్విశ్వద్రష్టా విశ్వనిషేధనః ॥ ౧౩౬ ॥
అన్తశ్చతుర్ద్వారమయో బహిర్ద్వారచతుష్టయః ।
భువనేశో క్షేత్రదేవోఽనన్తకాయో వినాయకః ॥ ౧౩౭ ॥
పితా మాతా సుహృద్వన్ధుర్భ్రాతా శ్రాద్ధం యమోఽర్యమా ।
విశ్వేదేవాః శ్రాద్ధదేవో మనుర్నాన్దీముఖో ధనుః ॥ ౧౩౮ ॥
హేతిః ఖడ్గో రథో యుద్ధం యుద్ధకర్తా శరో గుణః ।
యశో యశోరిపుః శత్రురశత్రుర్విజితేన్ద్రియః ॥ ౧౩౯ ॥
పాత్రం దాతా దాపయితా దేశః కాలో ధనాగమః ।
కాఞ్చనం ప్రేమ సన్మిత్రం పుత్రః కోశో వికోశకః ॥ ౧౪౦ ॥
అనీతిః శరభో హింస్రో ద్విపో ద్వీపీ ద్విపాఙ్కుశః ।
యన్తా నిగడ ఆలానం సన్మనో గజశృఙ్ఖలః ॥ ౧౪౧ ॥
మనోఽబ్జభృఙ్గో విటపీ గజః క్రోష్టా వృశో వృకః ।
సత్పథాచారనలినీషట్పదః కామభఞ్జనః ॥ ౧౪౨ ॥
స్వీయచిత్తచకోరాబ్జః స్వలీలాకృతకౌతుకః ।
లీలాధామామ్బుభృన్నాథః క్షోణీ భర్తా సుధాబ్ధిదః ॥ ౧౪౩ ॥
మల్లాన్తకో మల్లరూపో బాలయుద్ధప్రవర్తనః ।
చన్ద్రభాగాసరోనీరసీకరగ్లపితక్లమః ॥ ౧౪౪ ॥
కన్దుకక్రీడనక్లాన్తో నేత్రమీలనకేలిమాన్ ।
గోపీవస్త్రాపహరణః కదమ్బశిఖరస్థితః ॥ ౧౪౫ ॥
బల్లవీప్రార్థితో గోపీనతిదేష్టాఞ్జలిప్రియః ।
పరిహాసపరో రాసే రాసమణ్డలమధ్యగః ॥ ౧౪౬ ॥
బల్లవీద్వయసంవీతః స్వాత్మద్వైతాత్మశక్తికః ।
చతుర్వింశతిభిన్నాత్మా చతుర్వింశతిశక్తికః ॥ ౧౪౭ ॥
స్వాత్మజ్ఞానం స్వాత్మజాతజగత్త్రయమయాత్మకః ।
ఇతి విఠ్ఠలసంజ్ఞస్య విష్ణోర్నామసహస్రకమ్ ॥ ౧౪౮ ॥
త్రికాలమేకకాలం వా శ్రద్ధయా ప్రయతః పఠేత్ ।
స విష్ణోర్నాత్ర సన్దేహః కిం బహూక్తేన శౌనక ॥ ౧౪౯ ॥
కామీ చేన్నియతాహారో జితచిత్తో జితేన్ద్రియః ।
జపన్ కామానవాప్నోతి ఇతి వై నిశ్చితం ద్విజ ॥ ౧౫౦ ॥
॥ ఇతి శ్రీవిఠ్ఠలసహస్రనామస్తోత్రం సమ్పూర్ణమ్ ॥