॥ Ganesha Gita Sara Stotram Telugu Lyrics ॥
॥ శ్రీగణేశగీతాసారస్తోత్రం ॥
శ్రీ గణేశాయ నమః ।
శివ ఉవాచ ।
గణేశవచనం శ్రుత్వా ప్రణతా భక్తిభావతః ।
పప్రచ్ఛుస్తం పునః శాంతా జ్ఞానం బ్రూహి గజానన ॥ 1 ॥
గణేశ ఉవాచ ।
దేహశ్చతుర్విధః ప్రోక్తస్త్వంపదం బ్రహ్మభిన్నతః ।
సోఽహం దేహి చతుర్ధా తత్పదం బ్రహ్మ సదైకతః ॥ 2 ॥
సంయోగ ఉభయోర్యచ్చాసిపదం బ్రహ్మ కథ్యతే ।
స్వత ఉత్థానకం దేవా వికల్పకరణాత్రిధా ॥ 3 ॥
సదా స్వసుఖనిష్ఠం యద్బ్రహ్మ సాంఖ్యం ప్రకీర్తితం ।
పరతశ్చోత్థానకం తత్ క్రీడాహీనతయా పరం ॥ 4 ॥
స్వతః పరత ఉత్థానహీనం యద్బ్రహ్మ కథ్యతే ।
స్వానందః సకలాభేదరూపః సంయోగకారకః ॥ 5 ॥
తదేవ పంచధా జాతం తన్నిబోధత ఈశ్వరాః ।
స్వతశ్చ పరతో బ్రహ్మోత్థానం యత్రివిధం స్మృతం ॥ 6 ॥
బ్రహ్మణో నామ తద్వేదే కథ్యతే భిన్నభావతః ।
తయోరనుభవో యశ్చ యోగినాం హృది జాయతే ॥ 7 ॥
రూపం తదేవ జ్ఞాతవ్యమసద్వేదేషు కథ్యతే ।
సా శక్తిరియమాఖ్యాతా బ్రహ్మరూపా హ్యసన్మయీ ॥ 8 ॥
తత్రామృతమయాధారః సూర్య ఆత్మా ప్రకథ్యతే ।
శక్తిసూర్యమయో విష్ణుశ్చిదానందాత్మకో హి సః ॥ 9 ॥
త్రివిధేషు తదాకారస్తత్క్రియాహీనరూపకః ।
నేతి శివశ్చతుర్థోఽయం త్రినేతి కారకాత్పరః ॥ 10 ॥
త్రివిధం మోహమాత్రం యన్నిర్మోహస్తు సదాశివః ।
తేషామభేదే యద్బ్రహ్మ స్వానందః సర్వయోగకః ॥ 11 ॥
పంచానాం బ్రహ్మణాం యచ్చ బింబం మాయామయం స్మృతం ।
బ్రహ్మా తదేవ విజ్ఞేయః సర్వాదిః సర్వభావతః ॥ 12 ॥
బింబేన సకలం సృష్టం తేనాయం ప్రపితామహః ।
అసత్సత్సదసచ్చేతి స్వానందరూపా వయం స్మృతాః ॥ 13 ॥
స్వానందాద్యత్పరం బ్రహ్మయోగాఖ్యం బ్రహ్మణాం భవేత్ ।
కేషామపి ప్రవేశో న తత్ర తస్యాపి కుత్రచిత్ ॥ 14 ॥
మదీయం దర్శనం తత్ర యోగేన యోగినాం భవేత్ ।
స్వానందే దర్శనం ప్రాప్తం స్వసంవేద్యాత్మకం చ మే ॥ 15 ॥
తేన స్వానంద ఆసీనం వేదేషు ప్రవదంతి మాం ।
చతుర్ణాం బ్రహ్మణాం యోగాత్సంయోగాభేదయోగతః ॥ 16 ॥
సంయోగశ్చ హ్యయోగశ్చ తయోః పరతయోర్మతః ।
పూర్ణశాంతిప్రదో యోగశ్చిత్తవృత్తినిరోధతః ॥ 17 ॥
క్షిప్తం మూఢం చ విక్షిప్తమేకాగ్రం చ నిరోధకం ।
పంచభూమిమయం చిత్తం తత్ర చింతామణిః స్థితః ॥ 18 ॥
పంచభూతనిరోధేన ప్రాప్యతే యోగిభిర్హృది ।
శాంతిరూపాత్మయోగేన తతః శాంతిర్మదాత్మికా ॥ 19 ॥
ఏతద్యోగాత్మకం జ్ఞానం గాణేశం కథితం మయా ।
నిత్యం యుంజంత యోగేన నైవ మోహం ప్రగచ్ఛత ॥ 20 ॥
చిత్తరూపా స్వయం బుద్ధిః సిద్ధిర్మోహమయీ స్మృతా ।
నానాబ్రహ్మవిభేదేన తాభ్యాం క్రీడతి తత్పతిః ॥ 21 ॥
త్యక్త్వా చింతాభిమానం యే గణేశోఽహంసమాధినా ।
భవిష్యథ భవంతోఽపి మద్రూపా మోహవర్జితాః ॥ 22 ॥
శివ ఉవాచ ।
ఇత్యుక్త్వా విరరామాథ గణేశో భక్తవత్సలః ।
తేఽపి భేదం పరిత్యజ్య శాంతిం ప్రాప్తాశ్చ తత్క్షణాత్ ॥ 23 ॥
ఏకవింశతిశ్లోకైస్తైర్గణేశేన ప్రకీర్తితం ।
గీతాసారం సుశాంతేభ్యః శాంతిదం యోగసాధనైః ॥ 24 ॥
గణేశగీతాసారం చ యః పఠిష్యతి భావతః ।
శ్రోష్యతి శ్రద్దధానశ్చేద్బ్రహ్మభూతసమో భవేత్ ॥ 25 ॥
ఇహ భుక్త్వాఽఖిలాన్భోగానంతే యోగమయో భవేత్ ।
దర్శనాత్తస్య లోకానాం సర్వపాపం లయం వ్రజేత్ ॥ 26 ॥
ఇతి ముద్గలపురాణోక్తం గణేశగీతాసారస్తోత్రం సమాప్తం ।
– Chant Stotra in Other Languages –
Sri Ganesha Gita Sara Stotram in Sanskrit – English – Bengali – Gujarati – Kannada – Malayalam – Odia – Telugu – Tamil