॥ Nahusha Geetaa Bengali Lyrics ॥
॥ নহুষগীতা ॥
॥ অথ নহুষগীতা ॥
অধ্যায় ১৭৭
বৈশম্পায়ন উবাচ ।
যুধিষ্ঠিরস্তমাসাদ্য সর্পভোগেন বেষ্টিতম্ ।
দয়িতং ভ্রাতরং বীরমিদং বচনমব্রবীৎ ॥ ১ ॥
কুন্তীমাতঃ কথমিমামাপদং ৎবমবাপ্তবান্ ।
কশ্চায়ং পর্বতাভোগপ্রতিমঃ পন্নগোত্তমঃ ॥ ২ ॥
স ধর্মরাজমালক্ষ্য ভ্রাতা ভ্রাতরমগ্রজম্ ।
কথয়ামাস তৎসর্বং গ্রহণাদি বিচেষ্টিতম্ ॥ ৩ ॥
যুধিষ্ঠির উবাচ ।
দেবো বা যদি বা দৈত্য উরগো বা ভবান্যদি ।
সত্যং সর্পো বচো ব্রূহি পৃচ্ছতি ৎবাং যুধিষ্ঠিরঃ ॥ ৪ ॥
কিমাহৃত্য বিদিৎবা বা প্রীতিস্তে স্যাদ্ভুজঙ্গম ।
কিমাহারং প্রয়চ্ছামি কথং মুঞ্চেদ্ভবানিমম্ ॥ ৫ ॥
সর্প উবাচ ।
নহুষো নাম রাজাঽহমাসং পূর্বস্তবানঘ ।
প্রথিতঃ পঞ্চমঃ সোমাদায়োঃপুত্রো নরাধিপ ॥ ৬ ॥
ক্রতুভিস্তপসা চৈব স্বাধ্যায়েন দমেন চ ।
ত্রৈলোক্যৈশ্বর্যমব্যগ্রং প্রাপ্তো বিক্রমণেন চ ॥ ৭ ॥
তদৈশ্বর্যং সমাসাদ্য দর্পো মামগমত্তদা ।
সহস্রং হি দ্বিজাতীনামুবাহ শিবিকাং মম ॥ ৮ ॥
ঐশ্বর্যমদমত্তোঽহমবমন্য ততো দ্বিজান্ ।
ইমামগস্ত্যেন দশামানীতঃ পৃথিবীপতে ॥ ৯ ॥
ন তু মামজহাৎপ্রজ্ঞা যাবদদ্যেতি পাণ্ডব ।
তস্যৈবানুগ্রহাদ্রাজন্নগস্ত্যস্য মহাত্মনঃ ॥ ১০ ॥
ষষ্ঠে কালে মমাহারঃ প্রাপ্তোঽয়মনুজস্তব ।
নাহমেনং বিমোক্ষ্যামি ন চান্যমভিকাময়ে ॥ ১১ ॥
প্রশ্নানুচ্চারিতাংস্তু ৎবং ব্যাহরিষ্যসি চেন্মম ।
অথ পশ্চাদ্বিমোক্ষ্যামি ভ্রাতরং তে বৃকোদরম্ ॥ ১২ ॥
যুধিষ্ঠির উবাচ ।
ব্রূহি সর্প যথাকামং প্রতিবক্ষ্যামি তে বচঃ ।
অপি চেচ্ছক্নুয়াং প্রীতিমাহর্তুং তে ভুজঙ্গম ॥ ১৩ ॥
বেদ্যং যদ্ব্রাহ্মণেনেহ তদ্ভবান্বেত্তি কেবলম্ ।
সর্পরাজ ততঃ শ্রুৎবা প্রতিবক্ষ্যামি তে বচঃ ॥ ১৪ ॥
সর্প উবাচ ।
ব্রাহ্মণঃ কো ভবেদ্রাজন্বেদ্যং কিং চ যুধিষ্ঠির ।
ব্রবীহ্যতিমতিং ৎবাং হি বাক্যৈরনুমিমীমহে ॥ ১৫ ॥
যুধিষ্ঠির উবাচ ।
সত্যং দানং ক্ষমা শীলমানৃশংস্যং দমো ঘৃণা ।
দৃশ্যন্তে যত্র নাগেন্দ্র স ব্রাহ্মণ ইতি স্মৃতঃ ॥ ১৬ ॥
বেদ্যং সর্প পরং ব্রহ্ম নির্দুঃখমসুখং চ যৎ ।
যত্র গৎবা ন শোচন্তি ভবতঃ কিং বিবক্ষিতম্ ॥ ১৭ ॥
সর্প উবাচ ।
চাতুর্বর্ণ্যং প্রমাণং চ সত্যং চ ব্রহ্ম চৈব হি ।
শূদ্রেষ্বপি চ সত্যং চ দানমক্রোধ এব চ ।
আনৃশংস্যমহিংসা চ ঘৃণা চৈব যুধিষ্ঠির ॥ ১৮ ॥
বেদ্যং যচ্চাথ নির্দুঃখমসুখং চ নরাধিপ ।
তাভ্যাং হীনং পদং চান্যন্ন তদস্তীতি লক্ষয়ে ॥ ১৯ ॥
যুধিষ্ঠির উবাচ ।
শূদ্রে চৈতদ্ভবেল্লক্ষ্যং দ্বিজে তচ্চ ন বিদ্যতে ।
ন বৈ শূদ্রো ভবেচ্ছূদ্রো ব্রাহ্মণো ন চ ব্রাহ্মণঃ ॥ ২০ ॥
যত্রৈতল্লক্ষ্যতেসর্প বৃত্তং স ব্রাহ্মণঃ স্মৃতঃ ।
যত্রৈতন্ন ভবেৎসর্প তং শূদ্রমিতি নির্দিশেৎ ॥ ২১ ॥
যৎপুনর্ভবতা প্রোক্তং ন বেদ্যং বিদ্যতেতি হ ।
তাভ্যাং হীনমতীত্যাত্র পদং নাস্তীতি চেদপি ॥ ২২ ॥
এবমেতন্মতং সর্প তাভ্যাং হীনং ন বিদ্যতে ।
যথা শীতোষ্ণয়োর্মধ্যে ভবেন্নোষ্ণং ন শীততা ॥ ২৩ ॥
এবং বৈ সুখদুঃখাভ্যাং হীনমস্তি পদং ক্ব চিৎ ।
এষা মম মতিঃ সর্প যথা বা মন্যতে ভবান্ ॥ ২৪ ॥
সর্প উবাচ ।
যদি তে বৃত্ততো রাজন্ব্রাহ্মণঃ প্রসমীক্ষিতঃ ।
ব্যর্থা জাতিস্তদাঽঽয়ুষ্মন্কৃতির্যাবন্ন দৃশ্যতে ॥ ২৫ ॥
যুধিষ্ঠির উবাচ ।
জাতিরত্র মহাসর্প মনুষ্যৎবে মহামতে ।
সঙ্করাৎসর্ববর্ণানাং দুষ্পরীক্ষ্যেতি মে মতিঃ ॥ ২৬ ॥
সর্বে সর্বাস্বপত্যানি জনয়ন্তি যদা নরাঃ ।
বাঙ্মৈথুনমথো জন্ম মরণং চ সমং নৃণাম্ ॥ ২৭ ॥
ইদমার্ষং প্রমাণং চ যে যজামহ ইত্যপি ।
তস্মাচ্ছীলং প্রধানেষ্টং বিদুর্যে তত্ত্বদর্শিনঃ ॥ ২৮ ॥
প্রাঙ্নাভির্বর্ধনাৎপুংসো জাতকর্ম বিধীয়তে ।
তত্রাস্য মাতা সাবিত্রী পিতা ৎবাচার্য উচ্যতে ॥ ২৯ ॥
বৃত্ত্যা শূদ্র সমো হ্যেষ যাবদ্বেদে ন জায়তে ।
অস্মিন্নেবং মতিদ্বৈধে মনুঃ স্বায়ম্ভুবোঽব্রবীৎ ॥ ৩০ ॥
কৃতকৃত্যাঃ পুনর্বর্ণা যদি বৃত্তং ন বিদ্যতে ।
সঙ্করস্তত্র নাগেন্দ্র বলবান্প্রসমীক্ষিতঃ ॥ ৩১ ॥
যত্রেদানীং মহাসর্প সংস্কৃতং বৃত্তমিষ্যতে ।
তং ব্রাহ্মণমহং পূর্বমুক্তবান্ভুজগোত্তম ॥ ৩২ ॥
সর্প উবাচ ।
শ্রুতং বিদিতবেদ্যস্য তব বাক্যং যুধিষ্ঠির ।
ভক্ষয়েয়মহং কস্মাদ্ভ্রাতরং তে বৃকোদরম্ ॥ ৩৩ ॥
অধ্যায় ১৭৮
যুধিষ্ঠির উবাচ ।
ভবানেতাদৃশো লোকে বেদবেদাঙ্গপারগঃ ।
ব্রূহি কিং কুর্বতঃ কর্ম ভবেদ্গতিরনুত্তমা ॥ ১ ॥
সর্প উবাচ ।
পাত্রে দত্ত্বা প্রিয়াণ্যুক্ত্বা সত্যমুক্ত্বা চ ভারত ।
অহিংসানিরতঃ স্বর্গং গচ্ছেদিতি মতির্মম ॥ ২ ॥
যুধিষ্ঠির উবাচ ।
দানাদ্বাসর্পোবাচ ।সত্যাদ্বা কিমতো গুরু দৃশ্যতে ।
অহিংসা প্রিয়যোশ্চৈব গুরুলাঘবমুচ্যতাম্ ॥ ৩ ॥
সর্পোবাচ ।
দানে রতৎবং সত্যং চ অহিংসা প্রিয়মেব চ ।
এষাং কার্যগরীয়স্ত্বাদ্দৃশ্যতে গুরুলাঘবম্ ॥ ৪ ॥
কস্মাচ্চিদ্দানয়োগাদ্ধি সত্যমেব বিশিষ্যতে ।
সত্যবাক্যাচ্চ রাজেন্দ্র কিংচিদ্দানং বিশিষ্যতে ॥ ৫ ॥
এবমেব মহেষ্বাস প্রিয়বাক্যান্মহীপতে ।
অহিংসা দৃশ্যতে গুর্বী ততশ্চ প্রিয়মিষ্যতে ॥ ৬ ॥
এবমেতদ্ভবেদ্রাজন্কার্যাপেক্ষমনন্তরম্ ।
যদভিপ্রেতমন্যত্তে ব্রূহি যাবদ্ব্রবীম্যহম্ ॥ ৭ ॥
যুধিষ্ঠির উবাচ ।
কথং স্বর্গে গতিঃ সর্প কর্মণাং চ ফলং ধ্রুবম্ ।
অশরীরস্য দৃশ্যেত বিষয়াংশ্চ ব্রবীহি মে ॥ ৮ ॥
সর্প উবাচ ।
তিস্রো বৈ গতয়ো রাজন্পরিদৃষ্টাঃ স্বকর্মভিঃ ।
মানুষ্যং স্বর্গবাসশ্চ তির্যগ্যোনিশ্চ তত্ত্রিধা ॥ ৯ ॥
তত্র বৈ মানুষাল্লোকাদ্দানাদিভিরতন্দ্রিতঃ ।
অহিংসার্থসমায়ুক্তৈঃ কারণৈঃ স্বর্গমশ্নুতে ॥ ১০ ॥
বিপরীতৈশ্চ রাজেন্দ্র কারণৈর্মানুষো ভবেৎ ।
তির্যগ্যোনিস্তথা তাত বিশেষশ্চাত্র বক্ষ্যতে ॥ ১১ ॥
কামক্রোধসমায়ুক্তো হিংসা লোভসমন্বিতঃ ।
মনুষ্যৎবাৎপরিভ্রষ্টস্তির্যগ্যোনৌ প্রসূয়তে ॥ ১২ ॥
তির্যগ্যোন্যাং পৃথগ্ভাবো মনুষ্যৎবে বিধীয়তে ।
গবাদিভ্যস্তথাঽশ্বেভ্যো দেবৎবমপি দৃশ্যতে ॥ ১৩ ॥
সোঽয়মেতা গতীঃ সর্বা জন্তুশ্চরতি কার্যবান্ ।
নিত্যে মহতি চাত্মানমবস্থাপয়তে নৃপ ॥ ১৪ ॥
জাতো জাতশ্চ বলবান্ভুঙ্ক্তে চাত্মা স দেহবান্ ।
ফলার্থস্তাত নিষ্পৃক্তঃ প্রজা লক্ষণভাবনঃ ॥ ১৫ ॥
যুধিষ্ঠির উবাচ ।
শব্দে স্পর্শে চ রূপে চ তথৈব রসগন্ধয়োঃ ।
তস্যাধিষ্ঠানমব্যগ্রো ব্রূহি সর্প যথাতথম্ ॥ ১৬ ॥
কিং ন গৃহ্ণাসি বিষয়ান্যুগপত্ত্বং মহামতে ।
এতাবদুচ্যতাং চোক্তং সর্বং পন্নগসত্তম ॥ ১৭ ॥
সর্প উবাচ ।
যদাত্মদ্রব্যমায়ুষ্মন্দেহসংশ্রয়ণান্বিতম্ ।
করণাধিষ্ঠিতং ভোগানুপভুঙ্ক্তে যথাবিধি ॥ ১৮ ॥
জ্ঞানং চৈবাত্র বুদ্ধিশ্চ মনশ্চ ভরতর্ষভ ।
তস্য ভোগাধিকরণে করণানি নিবোধ মে ॥ ১৯ ॥
মনসা তাত পর্যেতি ক্রমশো বিষয়ানিমান্ ।
বিষয়ায়তনস্থেন ভূতাত্মা ক্ষেত্রনিঃসৃতঃ ॥ ২০ ॥
অত্র চাপি নরব্যাঘ্র মনো জন্তোর্বিধীয়তে ।
তস্মাদ্যুগপদস্যাত্র গ্রহণং নোপপদ্যতে ॥ ২১ ॥
স আত্মা পুরুষব্যাঘ্র ভ্রুবোরন্তরমাশ্রিতঃ ।
দ্রব্যেষু সৃজতে বুদ্ধিং বিবিধেষু পরাবরাম্ ॥ ২২ ॥
বুদ্ধেরুত্তরকালং চ বেদনা দৃশ্যতে বুধৈঃ ।
এষ বৈ রাজশার্দূল বিধিঃ ক্ষেত্রজ্ঞভাবনঃ ॥ ২৩ ॥
যুধিষ্ঠির উবাচ ।
মনসশ্চাপি বুদ্ধেশ্চ ব্রূহি মে লক্ষণং পরম্ ।
এতদধ্যাত্মবিদুষাং পরং কার্যং বিধীয়তে ॥ ২৪ ॥
সর্প উবাচ ।
বুদ্ধিরাত্মানুগা তাত উৎপাতেন বিধীয়তে ।
তদাশ্রিতা হি সঞ্জ্ঞৈষা বিধিস্তস্যৈষিণী ভবেৎ ॥ ২৫ ॥
বুদ্ধের্গুণবিধির্নাস্তি মনস্তু গুণবদ্ভবেৎ ।
বুদ্ধিরুৎপদ্যতে কার্যে মনস্তূৎপন্নমেব হি ॥ ২৬ ॥
এতদ্বিশেষণং তাত মনো বুদ্ধ্যোর্ময়েরিতম্ ।
ৎবমপ্যত্রাভিসম্বুদ্ধঃ কথং বা মন্যতে ভবান্ ॥ ২৭ ॥
যুধিষ্ঠির উবাচ ।
অহো বুদ্ধিমতাং শ্রেষ্ঠ শুভা বুদ্ধিরিয়ং তব ।
বিদিতং বেদিতব্যং তে কস্মান্মামনুপৃচ্ছসি ॥ ২৮ ॥
সর্বজ্ঞং ৎবাং কথং মোহ আবিশৎস্বর্গবাসিনম্ ।
এবমদ্ভুতকর্মাণমিতি মে সংশয়ো মহান্ ॥ ২৯ ॥
সর্প উবাচ ।
সুপ্রজ্ঞমপি চেচ্ছূরমৃদ্ধির্মোহয়তে নরম্ ।
বর্তমানঃ সুখে সর্বো নাবৈতীতি মতির্মম ॥ ৩০ ॥
সোঽহমৈশ্বর্যমোহেন মদাবিষ্টো যুধিষ্ঠির ।
পতিতঃ প্রতিসম্বুদ্ধস্ত্বাং তু সম্বোধয়াম্যহম্ ॥ ৩১ ॥
কৃতং কার্যং মহারাজ ৎবয়া মম পরন্তপ ।
ক্ষীণঃ শাপঃ সুকৃচ্ছ্রো মে ৎবয়া সম্ভাষ্য সাধুনা ॥ ৩২ ॥
অহং হি দিবি দিব্যেন বিমানেন চরন্পুরা ।
অভিমানেন মত্তঃ সন্কং চিন্নান্যমচিন্তয়ম্ ॥ ৩৩ ॥
ব্রহ্মর্ষিদেবগন্ধর্বয়ক্ষরাক্ষস কিংনরাঃ ।
করান্মম প্রয়চ্ছন্তি সর্বে ত্রৈলোক্যবাসিনঃ ॥ ৩৪ ॥
চক্ষুষা যং প্রপশ্যামি প্রাণিনং পৃথিবীপতে ।
তস্য তেজো হরাম্যাশু তদ্ধি দৃষ্টিবলং মম ॥ ৩৫ ॥
ব্রহ্মর্ষীণাং সহস্রং হি উবাহ শিবিকাং মম ।
স মামপনয়ো রাজন্ভ্রংশয়ামাস বৈ শ্রিয়ঃ ॥ ৩৬ ॥
তত্র হ্যগস্ত্যঃ পাদেন বহন্পৃষ্টো ময়া মুনিঃ ।
অদৃষ্টেন ততোঽস্ম্যুক্তো ধ্বংস সর্পেতি বৈ রুষা ॥ ৩৭ ॥
ততস্তস্মাদ্বিমানাগ্রাৎপ্রচ্যুতশ্চ্যুত ভূষণঃ ।
প্রপতন্বুবুধেঽঽত্মানং ব্যালী ভূতমধোমুখম্ ॥ ৩৮ ॥
অয়াচং তমহং বিপ্রং শাপস্যান্তো ভবেদিতি ।
অজ্ঞানাৎসম্প্রবৃত্তস্য ভগবন্ক্ষন্তুমর্হসি ॥ ৩৯ ॥
ততঃ স মামুবাচেদং প্রপতন্তং কৃপান্বিতঃ ।
যুধিষ্ঠিরো ধর্মরাজঃ শাপাত্ত্বাং মোক্ষয়িষ্যতি ॥ ৪০ ॥
অভিমানস্য ঘোরস্য বলস্য চ নরাধিপ ।
ফলে ক্ষীণে মহারাজ ফলং পুণ্যমবাপ্স্যসি ॥ ৪১ ॥
ততো মে বিস্ময়ো জাতস্তদ্দৃষ্ট্বা তপসো বলম্ ।
ব্রহ্ম চ ব্রাহ্মণৎবং চ যেন ৎবাহমচূচুদম্ ॥ ৪২ ॥
সত্যং দমস্তপোয়োগমহিংসা দাননিত্যতা ।
সাধকানি সদা পুংসাং ন জাতির্ন কুলং নৃপ ॥ ৪৩ ॥
অরিষ্ট এষ তে ভ্রাতা ভীমো মুক্তো মহাভুজঃ ।
স্বস্তি তেঽস্তু মহারাজ গমিষ্যামি দিবং পুনঃ ॥ ৪৪ ॥
বৈশম্পায়ন উবাচ ।
ইত্যুক্ত্বাঽঽজগরং দেহং ত্যক্ত্বা স নহুষো নৃপঃ ।
দিব্যং বপুঃ সমাস্থায় গতস্ত্রিদিবমেব হ ॥ ৪৫ ॥
যুধিষ্ঠিরোঽপি ধর্মাত্মা ভ্রাত্রা ভীমেন সঙ্গতঃ ।
ধৌম্যেন সহিতঃ শ্রীমানাশ্রমং পুনরভ্যগাৎ ॥ ৪৬ ॥
ততো দ্বিজেভ্যঃ সর্বেভ্যঃ সমেতেভ্যো যথাতথম্ ।
কথয়ামাস তৎসর্বং ধর্মরাজো যুধিষ্ঠিরঃ ॥ ৪৭ ॥
তচ্ছ্রুৎবা তে দ্বিজাঃ সর্বে ভ্রাতরশ্চাস্য তে ত্রয়ঃ ।
আসন্সুব্রীডিতা রাজন্দ্রৌপদী চ যশস্বিনী ॥ ৪৮ ॥
তে তু সর্বে দ্বিজশ্রেষ্ঠাঃ পাণ্ডবানাং হিতেপ্সয়া ।
মৈবমিত্যব্রুবন্ভীমং গর্হয়ন্তোঽস্য সাহসম্ ॥ ৪৯ ॥
পাণ্ডবাস্তু ভয়ান্মুক্তং প্রেক্ষ্য ভীমং মহাবলম্ ।
হর্ষমাহারয়াং চক্রুর্বিজহ্রুশ্চ মুদা যুতাঃ ॥ ৫০ ॥
॥ ইতি নহুষগীতা সমাপ্তা ॥
– Chant Stotra in Other Languages –
Nahusha Gita in Sanskrit – English – Bengali – Gujarati – Kannada – Malayalam – Odia – Telugu – Tamil