॥ Shastuh Dhyanashtakam Kannada Lyrics ॥
ಶಾಸ್ತುಃ ಧ್ಯಾನಾಷ್ಟಕಂ
ಶ್ರೀಗಣೇಶಾಯ ನಮಃ ।
ನಮಾಮಿ ಧರ್ಮಶಾಸ್ತಾರಂ ಯೋಗಪೀಠಸ್ಥಿತಂ ವಿಭುಮ್ ।
ಪ್ರಸನ್ನಂ ನಿರ್ಮಲಂ ಶಾನ್ತಂ ಸತ್ಯಧರ್ಮವ್ರತಂ ಭಜೇ ॥ 1 ॥
ಆಶ್ಯಾಮಕೋಮಲವಿಶಾಲತನುಂ ವಿಚಿತ್ರ-
ವಾಸೋ ವಸಾನಮರುಣೋತ್ಪಲವಾಮಹಸ್ತಮ್ ।
ಉತ್ತುಂಗರತ್ನಮುಕುಟಂ ಕುಟಿಲಾಗ್ರಕೇಶಂ
ಶಾಸ್ತಾರಮಿಷ್ಟವರದಂ ಶರಣಂ ಪ್ರಪದ್ಯೇ ॥ 2 ॥
ಹರಿಹರಶರೀರಜನ್ಮಾ ಮರಕತಮಣಿಭಂಗಮೇಚಕಚ್ಛಾಯಃ ।
ವಿಜಯತು ದೇವಃ ಶಾಸ್ತಾ ಸಕಲಜಗಚ್ಚಿತ್ತಮೋಹಿನೀಮೂರ್ತಿಃ ॥ 3 ॥
ಪಾರ್ಶ್ವಸ್ಥಾಪತ್ಯದಾರಂ ವಟವಿಟಪಿತಲನ್ಯಸ್ತಸಿಂಹಾಸನಸ್ಥಮ್ ।
ಶ್ಯಾಮಂ ಕಾಲಾಮ್ಬರಂ ಚ ಶ್ರಿತಕರಯುಗಲಾದರ್ಶಚಿನ್ತಾಮಣಿಂ ಚ ।
ಶಸ್ತ್ರೀ ನಿಸ್ತ್ರಿಂಶಬಾಣಾಸನವಿಶಿಖಧೃತಂ ರಕ್ತಮಾಲ್ಯಾನುಲೇಪಂ
ವನ್ದೇ ಶಾಸ್ತಾರಮೀಡ್ಯಂ ಘನಕುಟಿಲಬೃಹತ್ಕುನ್ತಲೋದಗ್ರಮೌಳಿಮ್ ॥ 4 ॥
ಸ್ನಿಗ್ಧಾರಾಲವಿಸಾರಿಕುನ್ತಲಭರಂ ಸಿಂಹಾಸನಾಧ್ಯಾಸಿನಂ
ಸ್ಫೂರ್ಜತ್ಪತ್ರಸುಕೢಪ್ತಕುಂಡಲಮಥೇಷ್ವಿಷ್ವಾಸಭೃದ್ದೋರ್ದ್ವಯಮ್ ।
ನೀಲಕ್ಷೌಮವಸಂ ನವೀನಜಲದಶ್ಯಾಮಂ ಪ್ರಭಾಸತ್ಯಕ-
ಸ್ವಾಯತ್ಪಾರ್ಶ್ವಯುಗಂ ಸುರಕ್ತಸಕಲಾಕಲ್ಪಂ ಸ್ಮರೇದಾರ್ಯಕಮ್ ॥ 5 ॥
ಕೋದಂಡಂ ಸಶರಂ ಭುಜೇನ ಭುಜಗೇನ್ದ್ರಾಭೋಗಭಾಸಾ ವಹನ್
ವಾಮೇನ ಕ್ಷುರಿಕಾಂ ವಿಪಕ್ಷದಲನೇ ಪಕ್ಷೇಣ ದಕ್ಷೇಣ ಚ ।
ಕಾನ್ತ್ಯಾ ನಿರ್ಜಿತನೀರದಃ ಪುರಭಿದಃ ಕ್ರೀಡತ್ಕಿರಾತಾಕೃತೇಃ
ಪುತ್ರೋಽಸ್ಮಾಕಮನಲ್ಪನಿರ್ಮಲಯಶಾಃ ನಿರ್ಮಾತು ಶರ್ಮಾನಿಶಮ್ ॥ 6 ॥
ಕಾಳಾಮ್ಭೋದಕಲಾಭಕೋಮಲತನುಂ ಬಾಲೇನ್ದುಚೂಡಂ ವಿಭುಂ
ಬಾಲಾರ್ಕಾಯುತರೋಚಿಷಂ ಶರಲಸತ್ಕೋದಂಡಬಾಣಾನ್ವಿತಮ್ ।
ವೀರಶ್ರೀರಮಣಂ ರಣೋತ್ಸುಕಮಿಷದ್ರಕ್ತಾಮ್ಬುಭೂಷಾಂಜಲಿಂ
ಕಾಲಾರಾತಿಸುತಂ ಕಿರಾತವಪುಷಂ ವನ್ದೇ ಪರಂ ದೈವತಮ್ ॥ 7 ॥
ಸಾಧ್ಯಂ ಸ್ವಪಾರ್ಶ್ವೇನ ವಿಬುದ್‍ಧ್ಯ ಗಾಢಂ
ನಿಪಾತಯನ್ತಂ ಖಲು ಸಾಧಕಸ್ಯ ।
ಪಾದಾಬ್ಜಯೋರ್ಮಂಡಧರಂ ತ್ರಿನೇತ್ರಂ
ಭಜೇಮ ಶಾಸ್ತಾರಮಭೀಷ್ಟಸಿದ್‍ಧ್ಯೈ ॥ 8 ॥
॥ ಇತಿ ಶಾಸ್ತುಃ ಧ್ಯಾನಾಷ್ಟಕಂ ಸಮ್ಪೂರ್ಣಮ್ ॥
– Chant Stotra in Other Languages –
Shastuh Dhyana Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil