Sri Sharada Varnamala stava composed by Jagadguru Sri Sri Chandrashekhara Bharati Mahaswamiji.
॥ ॥ Sharada Varnamala Stava Sanskrit Lyrics ॥
श्रीशारदावर्णमालास्तवः
श्रीशिवापूज्यपादाब्जा श्रीकन्धरसहोदरी ।
श्रीधुतस्फटिका भूयात् श्रियै मे शारदाऽनिशम् ॥ १ ॥
शारदाभ्रसदृग्वस्त्रां नीलनीरदकुन्तलाम् ।
पारदां दुःखवाराशेः शारदां सततं भजे ॥ २ ॥
रत्नचित्रितभूषाढ्यां प्रत्नवाक्स्तुतवैभवाम् ।
नूत्नसारस्यदां वाणीं कृत्स्नज्ञानाप्तये स्तुमः ॥ ३ ॥
दाडिमीबीजरदनां दान्त्यादिगुणदायिनीम् ।
दानधिक्कृतकल्पद्रुं दासोऽहं नौमि शारदाम् ॥ ४ ॥
यैः सदा पूजिता ध्याता यैषा शृङ्गपुरस्थिता ॥
शारदाम्बा लोकपूज्यास्त एव हि नरोत्तमाः ॥ ५ ॥
नमत्सुरीकैश्यगन्धलुब्धभ्रमरराजितम् ।
नतेष्टदानसुरभिं वाणीपादाम्बुजं स्तुमः ॥ ६ ॥
मस्तराजचन्द्रलेखा पुस्तशोभिकराम्बुजा ॥
त्रस्तैणनयना वाणी ध्वस्ताघं मां तनोत्वरम् ॥ ७ ॥
शारदापादसरसीरुहसंसक्तचेतसाम् ।
यतिनां रचितं स्तोत्रं पठतां शिवदायकम् ॥ ८ ॥
इति श्रीचन्द्रशेकरभारती विरचितं श्रीशारदावर्णमालास्तवः सम्पूर्णः ।
– Chant Stotra in Other Languages –
Sri Sharada Varnamala Stava Lyrics in English » Bengali » Gujarati » Kannada » Malayalam » Odia » Telugu » Tamil