॥ Radha AshtottaraShatanama Stotram Odia Lyrics ॥
॥ ଶ୍ରୀ ରାଧାଷ୍ଟୋତ୍ତରଶତନାମସ୍ତୋତ୍ରମ୍ ॥
ଅଥାସ୍ୟାଃ ସମ୍ପ୍ରଵକ୍ଷ୍ୟାମି ନାମ୍ନାମଷ୍ଟୋତ୍ତରଂ ଶତମ୍ ।
ୟସ୍ୟ ସଙ୍କୀର୍ତନାଦେଵ ଶ୍ରୀକୃଷ୍ଣଂ ଵଶୟେଦ୍ଧ୍ରୁଵମ୍ ॥ ୧ ॥
ରାଧିକା ସୁନ୍ଦରୀ ଗୋପୀ କୃଷ୍ଣସଙ୍ଗମକାରିଣୀ ।
ଚଞ୍ଚଲାକ୍ଷୀ କୁରଙ୍ଗାକ୍ଷୀ ଗାନ୍ଧର୍ଵୀ ଵୃଷଭାନୁଜା ॥ ୨ ॥
ଵୀଣାପାଣିଃ ସ୍ମିତମୁଖୀ ରକ୍ତାଶୋକଲତାଲୟା ।
ଗୋଵର୍ଧନଚରୀ ଗୋପୀ ଗୋପୀଵେଷମନୋହରା ॥ ୩ ॥
ଚନ୍ଦ୍ରାଵଲୀ-ସପତ୍ନୀ ଚ ଦର୍ପଣସ୍ଥା କଲାଵତୀ ।
କୃପାଵତୀ ସୁପ୍ରତୀକା ତରୁଣୀ ହୃଦୟଙ୍ଗମା ॥ ୪ ॥
କୃଷ୍ଣପ୍ରିୟା କୃଷ୍ଣସଖୀ ଵିପରୀତରତିପ୍ରିୟା ।
ପ୍ରଵୀଣା ସୁରତପ୍ରୀତା ଚନ୍ଦ୍ରାସ୍ୟା ଚାରୁଵିଗ୍ରହା ॥ ୫ ॥
କେକରାକ୍ଷା ହରେଃ କାନ୍ତା ମହାଲକ୍ଷ୍ମୀ ସୁକେଶିନୀ ।
ସଙ୍କେତଵଟସଂସ୍ଥାନା କମନୀୟା ଚ କାମିନୀ ॥ ୬ ॥
ଵୃଷଭାନୁସୁତା ରାଧା କିଶୋରୀ ଲଲିତା ଲତା ।
ଵିଦ୍ୟୁଦ୍ଵଲ୍ଲୀ କାଞ୍ଚନାଭା କୁମାରୀ ମୁଗ୍ଧଵେଶିନୀ ॥ ୭ ॥
କେଶିନୀ କେଶଵସଖୀ ନଵନୀତୈକଵିକ୍ରୟା ।
ଷୋଡଶାବ୍ଦା କଲାପୂର୍ଣା ଜାରିଣୀ ଜାରସଙ୍ଗିନୀ ॥ ୮ ॥
ହର୍ଷିଣୀ ଵର୍ଷିଣୀ ଵୀରା ଧୀରା ଧାରାଧରା ଧୃତିଃ ।
ୟୌଵନସ୍ଥା ଵନସ୍ଥା ଚ ମଧୁରା ମଧୁରାକୃତି ॥ ୯ ॥
ଵୃଷଭାନୁପୁରାଵାସା ମାନଲୀଲାଵିଶାରଦା ।
ଦାନଲୀଲା ଦାନଦାତ୍ରୀ ଦଣ୍ଡହସ୍ତା ଭ୍ରୁଵୋନ୍ନତା ॥ ୧୦ ॥
ସୁସ୍ତନୀ ମଧୁରାସ୍ୟା ଚ ବିମ୍ବୋଷ୍ଠୀ ପଞ୍ଚମସ୍ଵରା ।
ସଙ୍ଗୀତକୁଶଲା ସେଵ୍ୟା କୃଷ୍ଣଵଶ୍ୟତ୍ଵକାରିଣୀ ॥ ୧୧ ॥
ତାରିଣୀ ହାରିଣୀ ହ୍ରୀଲା ଶୀଲା ଲୀଲା ଲଲାମିକା ।
ଗୋପାଲୀ ଦଧିଵିକ୍ରେତ୍ରୀ ପ୍ରୌଢା ମୁଗ୍ଧା ଚ ମଧ୍ୟକା ॥ ୧୨ ॥
ସ୍ଵାଧୀନପକା ଚୋକ୍ତା ଖଣ୍ଡିତା ୟାଽଭିସାରିକା ।
ରସିକା ରସିନୀ ରସ୍ୟା ରସନାସ୍ତ୍ରୈକଶେଵଧିଃ ॥ ୧୩ ॥
ପାଲିକା ଲାଲିକା ଲଜ୍ଜା ଲାଲସା ଲଲନାମଣିଃ ।
ବହୁରୂପା ସୁରୂପା ଚ ସୁପ୍ରସନ୍ନା ମହାମତିଃ ॥ ୧୪ ॥
ମରାଲଗମନା ମତ୍ତା ମନ୍ତ୍ରିଣୀ ମନ୍ତ୍ରନାୟିକା ।
ମନ୍ତ୍ରରାଜୈକସଂସେଵ୍ୟା ମନ୍ତ୍ରରାଜୈକସିଦ୍ଧିଦା ॥ ୧୫ ॥
ଅଷ୍ଟାଦଶାକ୍ଷରଫଲା ଅଷ୍ଟାକ୍ଷରନିଷେଵିତା ।
ଇତ୍ୟେତଦ୍ରାଧିକାଦେଵ୍ୟା ନାମ୍ନାମଷ୍ଟୋତ୍ତରଶତମ୍ ॥ ୧୬ ॥
କୀର୍ତୟେତ୍ପ୍ରାତରୁତ୍ଥାୟ କୃଷ୍ଣଵଶ୍ୟତ୍ଵସିଦ୍ଧୟେ ।
ଏକୈକନାମୋଚ୍ଚାରେଣ ଵଶୀ ଭଵତି କେଶଵଃ ॥ ୧୭ ॥
ଵଦନେ ଚୈଵ କଣ୍ଠେ ଚ ବାହ୍ଵୋରୁରସି ଚୋଦରେ ।
ପାଦୟୋଶ୍ଚ କ୍ରମେଣାସ୍ୟା ନ୍ୟସେନ୍ମନ୍ତ୍ରାନ୍ପୃଥକ୍ପୃଥକ୍ ॥ ୧୮ ॥
॥ ଓଂ ତତ୍ସତ୍ ॥
ଇତ୍ୟୂର୍ଧ୍ଵାମ୍ନାୟେ ରାଧାଷ୍ଟୋତ୍ତରଶତନାମକଥନଂ ନାମ ପ୍ରଥମଃ ପଟଲଃ ॥
– Chant Stotra in Other Languages –
Sri Radha slokam » Sri Radha Ashtottara Shatanama Stotram in Sanskrit » English » Bengali » Gujarati » Kannada » Malayalam » Telugu » Tamil