॥ Apaduddharaka Hanumath Stotram Bengali Lyrics ॥
॥ আপদুদ্ধারক শ্রীহনূমত্স্তোত্রম্ ॥
বিভীষণকৃতম্
শ্রীহনুমতে নমঃ । অস্য শ্রীহনুমত্স্তোত্রমহামন্ত্রস্য, বিভীষণ
ঋষিঃ, অনুষ্টুপ্ ছন্দঃ, হনুমান্ দেবতা । মম শত্রুমুখস্তম্ভনার্থে
সর্বকার্যসিদ্ধ্যর্থে চ জপে বিনিয়োগঃ ।
ধ্যানম্
চন্দ্রাভং চরণারবিন্দয়ুগলং কৌপীনমৌঞ্জীধরং
নাভ্যাং বৈ কটিসূত্রয়ুক্তবসনং য়জ্ঞোপবীতাবৃতম্ ।
হস্তাভ্যামবলম্ব্য চাঞ্জলিমথো হারাবলীকুণ্ডলং
বিভ্রদ্দীর্ঘশিখং প্রসন্নবদনং দিব্যাঞ্জনেয়ং ভজে ॥
মন্ত্রঃ-ওঁ নমো হনুমতে রুদ্রায় ।
মম সর্বদুষ্টজনমুখস্তম্ভনং কুরু কুরু ॥
মম সর্বকার্যসিদ্ধিং কুরু কুরু । ঐং হ্রাং হ্রীং হ্রূং ফট্ স্বাহা ।
note অষ্টবারং জপেত্ ।
আপন্নাখিললোকার্তিহারিণে শ্রীহনূমতে ।
অকস্মাদাগতোত্পাতনাশনায় নমোঽস্তু তে ॥ ১ ॥
সীতাবিয়ুক্তশ্রীরামশোকদুঃখভয়াপহ ।
তাপত্রয়স্য সংহারিন্নাঞ্জনেয় নমোঽস্তু তে ॥ ২ ॥
আধিব্যাধিমহামারিগ্রহপীডাপহারিণে ।
প্রাণাপহন্ত্রে দৈত্যানাং রামপ্রাণাত্মনে নমঃ ॥ ৩ ॥
সংসারসাগরাবর্তাগতসম্ভ্রান্তচেতসাম্ ।
শরণাগতমর্ত্যানাং শরণ্যায় নমোঽস্তু তে ॥ ৪ ॥
রাজদ্বারে বিলদ্বারে প্রবেশে ভূতসঙ্কুলে ।
গজসিংহমহাব্যাঘ্রচোরভীষণকাননে ॥ ৫ ॥
মহাভয়েঽগ্নিসংস্থানে শত্রুসঙ্গসমাশ্রিতে ।
শরণাগতমর্ত্যানাং শরণ্যায় নমো নমঃ ॥ ৬ ॥
প্রদোষে বা প্রভাতে বা য়ে স্মরন্ত্যঞ্জনাসুতম্ ।
অর্থসিদ্ধিয়শঃকামান্ প্রাপ্নুবন্তি ন সংশয়ঃ ॥ ৭ ॥
কারাগৃহে প্রয়াণে চ সঙ্গ্রামে দেশবিপ্লবে ।
য়ে স্মরন্তি হনূমন্তং তেষাং সন্তি ন আপদঃ ॥ ৮ ॥ নাস্তি বিপত্তয়ঃ
বজ্রদেহায় কালাগ্নিরুদ্রায়ামিততেজসে ।
নমঃ প্লবগসৈন্যানাং প্রাণভূতাত্মনে নমঃ ॥ ৯ ॥
দুষ্টদৈত্যমহাদর্পদলনায় মহাত্মনে ।
ব্রহ্মাস্ত্রস্তম্ভনায়াস্মৈ নমঃ শ্রীরুদ্রমূর্তয়ে ॥ ১০ ॥
জপ্ত্বা স্তোত্রমিদং পুণ্যং বসুবারং পঠেন্নরঃ ।
রাজস্থানে সভাস্থানে বাদে প্রাপ্তে জপেদ্ধ্রুবম্ ॥ ১১ ॥
বিভীষণকৃতং স্তোত্রং য়ঃ পঠেত্ প্রয়তো নরঃ ।
সর্বাপদ্ভ্যো বিমুচ্যেত নাত্র কার্যা বিচারণা ॥ ১২ ॥
– Chant Stotras in other Languages –
Sri Anjaneya Stotram » Apad Udharaka Hanuman Stotram Lyrics in Sanskrit » English » Kannada » Malayalam » Telugu » Tamil