॥ Sri Hanumada Ashtottara Shatanama Stotram 1 Odia Lyrics ॥
॥ ଶ୍ରୀହନୁମଦଷ୍ଟୋତ୍ତରଶତନାମସ୍ତୋତ୍ରମ୍ ୧ ॥
(ଶ୍ରୀପଦ୍ମୋତ୍ତରଖଣ୍ଡତଃ)
ନାରଦ ଉଵାଚ ।
ସର୍ଵଶାସ୍ତ୍ରାର୍ଥତତ୍ତ୍ଵଜ୍ଞ ସର୍ଵଦେଵନମସ୍କୃତ ।
ୟତ୍ତ୍ଵୟା କଥିତଂ ପୂର୍ଵଂ ରାମଚନ୍ଦ୍ରେଣ ଧୀମତା ॥ ୧ ॥
ସ୍ତୋତ୍ରଂ ସମସ୍ତପାପଘ୍ନଂ ଶ୍ରୁତ୍ଵା ଧନ୍ୟୋଽସ୍ମି ପଦ୍ମଜ ।
ଇଦାନୀଂ ଶ୍ରୋତୁମିଚ୍ଛାମି ଲୋକାନାଂ ହିତକାମ୍ୟୟା ॥ ୨ ॥
ଵାୟୋରଂଶାଵତରଣମାହାତ୍ମ୍ୟଂ ସର୍ଵକାମଦମ୍ ।
ଵଦ ମେ ଵିସ୍ତରାଦ୍ବ୍ରହ୍ମନ୍ ଦେଵଗୁହ୍ୟମନୁତ୍ତମମ୍ ॥ ୩ ॥
ଇତି ପୃଷ୍ଟୋ ନାରଦେନ ବ୍ରହ୍ମା ଲୋକପିତାମହଃ ।
ନମସ୍କୃତ୍ୟ ଜଗନ୍ନାଥଂ ଲକ୍ଷ୍ମୀକାନ୍ତଂ ପରାତ୍ପରମ୍ ॥ ୪ ॥
ପ୍ରୋଵାଚ ଵାୟୋର୍ମାହାତ୍ମ୍ୟଂ ନାରଦାୟ ମହାତ୍ମନେ ।
ୟଚ୍ଛ୍ରୁତ୍ଵା ସର୍ଵସୌଭାଗ୍ୟଂ ପ୍ରାପ୍ନୁଵନ୍ତି ଜନାଃ ସଦା ॥ ୫ ॥
ବ୍ରହ୍ମୋଵାଚ ।
ଇଦଂ ରହସ୍ୟଂ ପାପଘ୍ନଂ ଵାୟୋରଷ୍ଟୋତ୍ତରଂ ଶତମ୍ ।
ଵିଷ୍ଣୁନା ଲୋକନାଥେନ ରମାୟୈ କଥିତଂ ପୁରା ॥ ୬ ॥
ରମା ମାମାହ ୟଦ୍ଦିଵ୍ୟଂ ତତ୍ତେ ଵକ୍ଷ୍ୟାମି ନାରଦ ।
ଇଦଂ ପଵିତ୍ରଂ ପାପଘ୍ନଂ ଶ୍ରଦ୍ଧୟା ହୃଦି ଧାରୟ ॥ ୭ ॥
ହନୁମାନଞ୍ଜନାପୁତ୍ରୋ ଵାୟୁସୂନୁର୍ମହାବଲଃ ।
ରାମଦୂତୋ ହରିଶ୍ରେଷ୍ଠଃ ସୂରୀ କେସରୀନନ୍ଦନଃ ॥
ସୂର୍ୟଶ୍ରେଷ୍ଠୋ ମହାକାୟୋ ଵଜ୍ରୀ ଵଜ୍ରପ୍ରହାରଵାନ୍ ।
ମହାସତ୍ତ୍ଵୋ ମହାରୂପୋ ବ୍ରହ୍ମଣ୍ୟୋ ବ୍ରାହ୍ମଣପ୍ରିୟଃ ॥ ୯ ॥
ମୁଖ୍ୟପ୍ରାଣୋ ମହାଭୀମଃ ପୂର୍ଣପ୍ରଜ୍ଞୋ ମହାଗୁରୁଃ ।
ବ୍ରହ୍ମଚାରୀ ଵୃକ୍ଷଧରଃ ପୁଣ୍ୟଃ ଶ୍ରୀରାମକିଙ୍କରଃ ॥ ୧୦ ॥
ସୀତାଶୋକଵିନାଶୀ ଚ ସିଂହିକାପ୍ରାଣନାଶକଃ ।
ମୈନାକଗର୍ଵଭଙ୍ଗଶ୍ଚ ଛାୟାଗ୍ରହନିଵାରକଃ ॥ ୧୧ ॥
ଲଙ୍କାମୋକ୍ଷପ୍ରଦୋ ଦେଵଃ ସୀତାମାର୍ଗଣତତ୍ପରଃ ।
ରାମାଙ୍ଗୁଲିପ୍ରଦାତା ଚ ସୀତାହର୍ଷଵିଵର୍ଧନଃ ॥ ୧୨ ॥
ମହାରୂପଧରୋ ଦିଵ୍ୟୋ ହ୍ୟଶୋକଵନନାଶକଃ ।
ମନ୍ତ୍ରିପୁତ୍ରହରୋ ଵୀରଃ ପଞ୍ଚସେନାଗ୍ରମର୍ଦନଃ ॥ ୧୩ ॥
ଦଶକଣ୍ଠସୁତଘ୍ନଶ୍ଚ ବ୍ରହ୍ମାସ୍ତ୍ରଵଶଗୋଽଵ୍ୟୟଃ ।
ଦଶାସ୍ୟସଲ୍ଲାପପରୋ ଲଙ୍କାପୁରଵିଦାହକଃ ॥ ୧୪ ॥
ତୀର୍ଣାବ୍ଧିଃ କପିରାଜଶ୍ଚ କପିୟୂଥପ୍ରରଞ୍ଜକଃ ।
ଚୂଡାମଣିପ୍ରଦାତା ଚ ଶ୍ରୀଵଶ୍ୟଃ ପ୍ରିୟଦର୍ଶକଃ ॥ ୧୫ ॥
କୌପୀନକୁଣ୍ଡଲଧରଃ କନକାଙ୍ଗଦଭୂଷଣଃ ।
ସର୍ଵଶାସ୍ତ୍ରସୁସମ୍ପନ୍ନଃ ସର୍ଵଜ୍ଞୋ ଜ୍ଞାନଦୋତ୍ତମଃ ॥ ୧୬ ॥
ମୁଖ୍ୟପ୍ରାଣୋ ମହାଵେଗଃ ଶବ୍ଦଶାସ୍ତ୍ରଵିଶାରଦଃ ।
ବୁଦ୍ଧିମାନ୍ ସର୍ଵଲୋକେଶଃ ସୁରେଶୋ ଲୋକରଞ୍ଜକଃ ॥ ୧୭ ॥
ଲୋକନାଥୋ ମହାଦର୍ପଃ ସର୍ଵଭୂତଭୟାପହଃ ।
ରାମଵାହନରୂପଶ୍ଚ ସଞ୍ଜୀଵାଚଲଭେଦକଃ ॥ ୧୮ ॥
କପୀନାଂ ପ୍ରାଣଦାତା ଚ ଲକ୍ଷ୍ମଣପ୍ରାଣରକ୍ଷକଃ ।
ରାମପାଦସମୀପସ୍ଥୋ ଲୋହିତାସ୍ୟୋ ମହାହନୁଃ ॥ ୧୯ ॥
ରାମସନ୍ଦେଶକର୍ତା ଚ ଭରତାନନ୍ଦଵର୍ଧନଃ ।
ରାମାଭିଷେକଲୋଲଶ୍ଚ ରାମକାର୍ୟଧୁରନ୍ଧରଃ ॥ ୨୦ ॥
କୁନ୍ତୀଗର୍ଭସମୁତ୍ପନ୍ନୋ ଭୀମୋ ଭୀମପରାକ୍ରମଃ ।
ଲାକ୍ଷାଗୃହାଦ୍ଵିନିର୍ମୁକ୍ତୋ ହିଡିମ୍ବାସୁରମର୍ଦନଃ ॥ ୨୧ ॥
ଧର୍ମାନୁଜଃ ପାଣ୍ଡୁପୁତ୍ରୋ ଧନଞ୍ଜୟସହାୟଵାନ୍ ।
ବକାସୁରଵଧୋଦ୍ୟୁକ୍ତସ୍ତଦ୍ଗ୍ରାମପରିରକ୍ଷକଃ ॥ ୨୨ ॥
ଭିକ୍ଷାହାରରତୋ ନିତ୍ୟଂ କୁଲାଲଗୃହମଧ୍ୟଗଃ ।
ପାଞ୍ଚାଲ୍ୟୁଦ୍ଵାହସଞ୍ଜାତସମ୍ମୋଦୋ ବହୁକାନ୍ତିମାନ୍ ॥ ୨୩ ॥
ଵିରାଟନଗରେ ଗୂଢଚରଃ କୀଚକମର୍ଦନଃ ।
ଦୁର୍ୟୋଧନନିହନ୍ତା ଚ ଜରାସନ୍ଧଵିମର୍ଦନଃ ॥ ୨୪ ॥
ସୌଗନ୍ଧିକାପହର୍ତା ଚ ଦ୍ରୌପଦୀପ୍ରାଣଵଲ୍ଲଭଃ ।
ପୂର୍ଣବୋଧୋ ଵ୍ୟାସଶିଷ୍ୟୋ ୟତିରୂପୋ ମହାମତିଃ ॥ ୨୫ ॥
ଦୁର୍ଵାଦିଗଜସିଂହସ୍ୟ ତର୍କଶାସ୍ତ୍ରସ୍ୟ ଖଣ୍ଡକଃ ।
ବୌଦ୍ଧାଗମଵିଭେତ୍ତା ଚ ସାଙ୍ଖ୍ୟଶାସ୍ତ୍ରସ୍ୟ ଦୂଷକଃ ॥ ୨୬ ॥
ଦ୍ଵୈତଶାସ୍ତ୍ରପ୍ରଣେତା ଚ ଵେଦଵ୍ୟାସମତାନୁଗଃ ।
ପୂର୍ଣାନନ୍ଦଃ ପୂର୍ଣସତ୍ଵଃ ପୂର୍ଣଵୈରାଗ୍ୟସାଗରଃ ॥ ୨୭ ॥
ଇତି ଶ୍ରୁତ୍ଵା ନାରଦସ୍ତୁ ଵାୟୋଶ୍ଚରିତମଦ୍ଭୁତମ୍ ।
ମୁଦା ପରମୟା ୟୁକ୍ତଃ ସ୍ତୋତୁଂ ସମୁପଚକ୍ରମେ ॥ ୨୮ ॥
ରାମାଵତାରଜାତାୟ ହନୁମଦ୍ରୂପିଣେ ନମଃ ।
ଵାସୁଦେଵସ୍ୟ ଭକ୍ତାୟ ଭୀମସେନାୟ ତେ ନମଃ ॥ ୨୯ ॥
ଵେଦଵ୍ୟାସମତୋଦ୍ଧାରକର୍ତ୍ରେ ପୂର୍ଣସୁଖାୟ ଚ ।
ଦୁର୍ଵାଦିଧ୍ଵାନ୍ତଚନ୍ଦ୍ରାୟ ପୂର୍ଣବୋଧାୟ ତେ ନମଃ ॥ ୩୦ ॥
ଗୁରୁରାଜାୟ ଧନ୍ୟାୟ କଞ୍ଜନେତ୍ରାୟ ତେ ନମଃ ।
ଦିଵ୍ୟରୂପାୟ ଶାନ୍ତାୟ ନମସ୍ତେ ୟତିରୂପିଣେ ॥ ୩୧ ॥
ସ୍ଵାନ୍ତସ୍ଥଵାସୁଦେଵାୟ ସଚ୍ଚିତ୍ତାୟ ନମୋ ନମଃ ।
ଅଜ୍ଞାନତିମିରାର୍କାୟ ଵ୍ୟାସଶିଷ୍ୟାୟ ତେ ନମଃ ॥ ୩୨ ॥
ଅଥାଭିଵନ୍ଦ୍ୟ ପିତରଂ ବ୍ରହ୍ମାଣଂ ନାରଦୋ ମୁନିଃ ।
ପରିକ୍ରମ୍ୟ ଵିନିର୍ୟାତୋ ଵାସୁଦେଵଂ ହରିଂ ସ୍ମରନ୍ ॥ ୩୩ ॥
ଅଷ୍ଟୋତ୍ତରଶତଂ ଦିଵ୍ୟଂ ଵାୟୁସୂନୋର୍ମହାତ୍ମନଃ ।
ୟଃ ପଠେଚ୍ଛ୍ରଦ୍ଧୟା ନିତ୍ୟଂ ସର୍ଵବନ୍ଧାତ୍ ପ୍ରମୁଚ୍ୟତେ ॥ ୩୪ ॥
ସର୍ଵରୋଗଵିନିର୍ମୁକ୍ତଃ ସର୍ଵପାପୈର୍ନ ଲିପ୍ୟତେ ।
ରାଜଵଶ୍ୟଂ ଭଵେନ୍ନିତ୍ୟଂ ସ୍ତୋତ୍ରସ୍ୟାସ୍ୟ ପ୍ରଭାଵତଃ ॥ ୩୫ ॥
ଭୂତଗ୍ରହନିଵୃତ୍ତିଶ୍ଚ ପ୍ରଜାଵୃଦ୍ଧିଶ୍ଚ ଜାୟତେ ।
ଆୟୁରାରୋଗ୍ୟମୈଶ୍ଵର୍ୟଂ ବଲଂ କୀର୍ତିଂ ଲଭେତ୍ ପୁମାନ୍ ॥ ୩୬ ॥
ୟଃ ପଠେଦ୍ଵାୟୁଚରିତଂ ଭକ୍ତ୍ୟା ପରମୟା ୟୁତଃ ।
ସର୍ଵଜ୍ଞାନସମାୟୁକ୍ତଃ ସ ୟାତି ପରମଂ ପଦମ୍ ॥ ୩୬ ॥
(ଶ୍ରୀପଦ୍ମୋତ୍ତରଖଣ୍ଡତଃ)
– Chant Stotras in other Languages –
Sri Anjaneya Stotram » Sri Hanumada Ashtottara Shatanama Stotram 1 Lyrics in Sanskrit » English » Bengali » Gujarati » Kannada » Malayalam » Telugu » Tamil