॥ Radhashtakam 3 Odia Lyrics ॥
ରାଧାଷ୍ଟକମ୍ ୩
ନମସ୍ତେ ଶ୍ରିୟୈ ରାଧିକାୟୈ ପରାୟୈ
ନମସ୍ତେ ନମସ୍ତେ ମୁକୁନ୍ଦପ୍ରିୟାୟୈ ।
ସଦାନନ୍ଦରୂପେ ପ୍ରସୀଦ ତ୍ଵମନ୍ତଃ-
ପ୍ରକାଶେ ସ୍ଫୁରନ୍ତୀ ମୁକୁନ୍ଦେନ ସାର୍ଧମ୍ ॥ ୧ ॥
ସ୍ଵଵାସୋପହାରଂ ୟଶୋଦାସୁତଂ ଵା
ସ୍ଵଦଧ୍ୟାଦିଚୌରଂ ସମାରାଧୟନ୍ତୀମ୍ ।
ସ୍ଵଦାମ୍ନୋଦରେ ୟା ବବନ୍ଧାଶୁ ନୀଵ୍ୟା
ପ୍ରପଦ୍ୟେ ନୁ ଦାମୋଦରପ୍ରେୟସୀଂ ତାମ୍ ॥ ୨ ॥
ଦୁରାରାଧ୍ୟମାରାଧ୍ୟ କୃଷ୍ଣଂ ଵଶେ ତଂ
ମହାପ୍ରେମପୂରେଣ ରାଧାଭିଧାଭୂଃ ।
ସ୍ଵୟଂ ନାମକୀର୍ତ୍ୟା ହରୌ ପ୍ରେମ ୟଚ୍ଛତ୍
ପ୍ରପନ୍ନାୟ ମେ କୃଷ୍ଣରୂପେ ସମକ୍ଷମ୍ ॥ ୩ ॥
ମୁକୁନ୍ଦସ୍ତ୍ଵୟା ପ୍ରେମଡୋରେଣ ବଦ୍ଧଃ
ପତଙ୍ଗୋ ୟଥା ତ୍ଵାମନୁଭ୍ରାମ୍ୟମାଣଃ ।
ଉପକ୍ରୀଡୟନ୍ ହାର୍ଦମେଵାନୁଗଚ୍ଛନ୍
କୃପାଵର୍ତତେ କାରୟାତୋ ମୟୀଷ୍ଟିମ୍ ॥ ୪ ॥
ଵ୍ରଜନ୍ତୀଂ ସ୍ଵଵୃନ୍ଦାଵନେ ନିତ୍ୟକାଲଂ
ମୁକୁନ୍ଦେନ ସାକଂ ଵିଧାୟାଙ୍କମାଲାମ୍ ।
ସମାମୋକ୍ଷ୍ୟମାଣାନୁକମ୍ପାକଟାକ୍ଷୈଃ
ଶ୍ରିୟଂ ଚିନ୍ତୟେ ସଚ୍ଚିଦାନନ୍ଦରୂପାମ୍ ॥ ୫ ॥
ମୁକୁନ୍ଦାନୁରାଗେଣ ରୋମାଞ୍ଚିତାଙ୍ଗୈ-
ରହଂ ଵେପ୍ୟମାନାଂ ତନୁସ୍ଵେଦବିନ୍ଦୁମ୍ ।
ମହାହାର୍ଦଵୃଷ୍ଟ୍ୟା କୃପାପାଙ୍ଗଦୃଷ୍ଟ୍ୟା
ସମାଲୋକୟନ୍ତୀଂ କଦା ମାଂ ଵିଚକ୍ଷେ ॥ ୬ ॥
ୟଦ୍ ଅଙ୍କାଵଲୋକେ ମହାଲାଲସୌଘଂ
ମୁକୁନ୍ଦଃ କରୋତି ସ୍ଵୟଂ ଧ୍ୟେୟପାଦଃ ।
ପଦଂ ରାଧିକେ ତେ ସଦା ଦର୍ଶୟାନ୍ତର୍-
ହୃଦିସ୍ଥଂ ନମନ୍ତଂ କିରଦ୍ରୋଚିଷଂ ମାମ୍ ॥ ୭ ॥
ସଦା ରାଧିକାନାମ ଜିହ୍ଵାଗ୍ରତଃ ସ୍ୟାତ୍
ସଦା ରାଧିକାରୂପମକ୍ଷ୍ୟଗ୍ର ଆସ୍ତାମ୍ ।
ଶ୍ରୁତୌ ରାଧିକାକୀର୍ତିରନ୍ତଃସ୍ଵଭାଵେ
ଗୁଣା ରାଧିକାୟାଃ ଶ୍ରିୟା ଏତଦ୍ ଈହେ ॥ ୮ ॥
ଇଦଂ ତ୍ଵଷ୍ଟକଂ ରାଧିକାୟାଃ ପ୍ରିୟାୟାଃ
ପଠେୟୁଃ ସଦୈଵଂ ହି ଦାମୋଦରସ୍ୟ ।
ସୁତିଷ୍ଠନ୍ତି ଵୃନ୍ଦାଵନେ କୃଷ୍ଣଧାମ୍ନି
ସଖୀମୂର୍ତୟୋ ୟୁଗ୍ମସେଵାନୁକୂଲାଃ ॥ ୯ ॥
ଇତି ଶ୍ରୀନିମ୍ବାର୍କାଚାର୍ୟଵିରଚିତମ୍ ରାଧାଷ୍ଟକଂ ସମ୍ପୂର୍ଣମ୍ ।
– Chant Stotra in Other Languages –
Sri Radha Mantras » Radha Ashtakam 3 Lyrics in Sanskrit » English » Bengali » Gujarati » Kannada » Malayalam » Telugu » Tamil