॥ Radhashtakam 3 Gujarati Lyrics ॥
રાધાષ્ટકમ્ ૩
નમસ્તે શ્રિયૈ રાધિકાયૈ પરાયૈ
નમસ્તે નમસ્તે મુકુન્દપ્રિયાયૈ ।
સદાનન્દરૂપે પ્રસીદ ત્વમન્તઃ-
પ્રકાશે સ્ફુરન્તી મુકુન્દેન સાર્ધમ્ ॥ ૧ ॥
સ્વવાસોપહારં યશોદાસુતં વા
સ્વદધ્યાદિચૌરં સમારાધયન્તીમ્ ।
સ્વદામ્નોદરે યા બબન્ધાશુ નીવ્યા
પ્રપદ્યે નુ દામોદરપ્રેયસીં તામ્ ॥ ૨ ॥
દુરારાધ્યમારાધ્ય કૃષ્ણં વશે તં
મહાપ્રેમપૂરેણ રાધાભિધાભૂઃ ।
સ્વયં નામકીર્ત્યા હરૌ પ્રેમ યચ્છત્
પ્રપન્નાય મે કૃષ્ણરૂપે સમક્ષમ્ ॥ ૩ ॥
મુકુન્દસ્ત્વયા પ્રેમડોરેણ બદ્ધઃ
પતઙ્ગો યથા ત્વામનુભ્રામ્યમાણઃ ।
ઉપક્રીડયન્ હાર્દમેવાનુગચ્છન્
કૃપાવર્તતે કારયાતો મયીષ્ટિમ્ ॥ ૪ ॥
વ્રજન્તીં સ્વવૃન્દાવને નિત્યકાલં
મુકુન્દેન સાકં વિધાયાઙ્કમાલામ્ ।
સમામોક્ષ્યમાણાનુકમ્પાકટાક્ષૈઃ
શ્રિયં ચિન્તયે સચ્ચિદાનન્દરૂપામ્ ॥ ૫ ॥
મુકુન્દાનુરાગેણ રોમાઞ્ચિતાઙ્ગૈ-
રહં વેપ્યમાનાં તનુસ્વેદબિન્દુમ્ ।
મહાહાર્દવૃષ્ટ્યા કૃપાપાઙ્ગદૃષ્ટ્યા
સમાલોકયન્તીં કદા માં વિચક્ષે ॥ ૬ ॥
યદ્ અઙ્કાવલોકે મહાલાલસૌઘં
મુકુન્દઃ કરોતિ સ્વયં ધ્યેયપાદઃ ।
પદં રાધિકે તે સદા દર્શયાન્તર્-
હૃદિસ્થં નમન્તં કિરદ્રોચિષં મામ્ ॥ ૭ ॥
સદા રાધિકાનામ જિહ્વાગ્રતઃ સ્યાત્
સદા રાધિકારૂપમક્ષ્યગ્ર આસ્તામ્ ।
શ્રુતૌ રાધિકાકીર્તિરન્તઃસ્વભાવે
ગુણા રાધિકાયાઃ શ્રિયા એતદ્ ઈહે ॥ ૮ ॥
ઇદં ત્વષ્ટકં રાધિકાયાઃ પ્રિયાયાઃ
પઠેયુઃ સદૈવં હિ દામોદરસ્ય ।
સુતિષ્ઠન્તિ વૃન્દાવને કૃષ્ણધામ્નિ
સખીમૂર્તયો યુગ્મસેવાનુકૂલાઃ ॥ ૯ ॥
ઇતિ શ્રીનિમ્બાર્કાચાર્યવિરચિતમ્ રાધાષ્ટકં સમ્પૂર્ણમ્ ।
– Chant Stotra in Other Languages –
Sri Radha Mantras » Radha Ashtakam 3 Lyrics in Sanskrit » English » Bengali » Kannada » Malayalam » Odia » Telugu » Tamil