॥ Sri Krishna Chandra Ashtakam Gujarati Lyrics ॥
મહાનીલમેઘાતિભવ્યં સુહાસં શિવબ્રહ્મદેવાદિભિઃ સંસ્તુતશ્ચ ।
રમામન્દિરં દેવનન્દાપદાહં ભજે રાધિકાવલ્લભં કૃષ્ણચન્દ્રમ્ ॥ ૧ ॥
રસં વેદવેદાન્તવેદ્યં દુરાપં સુગમ્યં તદીયાદિભિર્દાનવઘ્નમ્ ।
લસત્કુણ્ડલં સોમવંશપ્રદીપં ભજે રાધિકાવલ્લભં કૃષ્ણચન્દ્રમ્ ॥ ૨ ॥
યશોદાદિસંલાલિતં પૂર્ણકામં દૃશોરઞ્જનં પ્રાકૃતસ્થસ્વરૂપમ્ ।
દિનાન્તે સમાયાન્તમેકાન્તભક્તૈર્ભજે રાધિકાવલ્લભં કૃષ્ણચન્દ્રમ્ ॥ ૩ ॥
કૃપાદૃષ્ટિસમ્પાતસિક્તસ્વકુઞ્જં તદન્તઃસ્થિતસ્વીયસમ્યગ્દશાદમ્ ।
પુનસ્તત્ર તૈઃ સત્કૃતૈકાન્તલીલં ભજે રાધિકાવલ્લભં કૃષ્ણચન્દમ્ ॥ ૪ ॥
ગૃહે ગોપિકાભિર્ધૃતે ચૌર્યકાલે તદક્ષ્ણોશ્ચ નિક્ષિપ્ય દુગ્ધં ચલન્તમ્ ।
તદા તદ્વિયોગાદિસમ્પત્તિકારં ભજે રાધિકાવલ્લભં કૃષ્ણચન્દ્રમ્ ॥ ૫ ॥
ચલત્કૌસ્તુભવ્યાપ્તવક્ષઃપ્રદેશં મહાવૈજયન્તીલસત્પાદયુગ્મમ્ ।
સુકસ્તૂરિકાદીપ્તભાલપ્રદેશં ભજે રાધિકાવલ્લભં કૃષ્ણચન્દ્રમ્ ॥ ૬ ॥
ગવા દોહને દૃષ્ટરાધામુખાબ્જં તદાનીં ચ તન્મેલનવ્યગ્રચિત્તમ્ ।
સમુત્પન્નતન્માનસૈકાન્તભાવં ભજે રાધિકાવલ્લભં કૃષ્ણચન્દ્રમ્ ॥ ૭ ॥
અદઃ કૃષ્ણચન્દ્રાષ્ટકં પ્રેમયુક્તઃ પઠેત્કૃષ્ણસાન્નિધ્યમાપ્નોતિ નિત્યમ્ ।
કલૌ યઃ સ સંસારદુઃખાતિરિક્તં પ્રયાત્યેવ વિષ્ણોઃ પદં નિર્ભયં તત્ ॥ ૮ ॥
॥ ઇતિ શ્રીરઘુનાથપ્રભુવિરચિતં શ્રીકૃપ્ણચન્દ્રાષ્ટકં સમ્પૂર્ણમ્ ॥
– Chant Stotra in Other Languages –
Sri Krishna Mantra » Sri Krishna Chandra Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil