॥ Sri Krishna Sharanashtakam Bengali Lyrics ॥
সর্বসাধনহীনস্য পরাধীনস্য সর্বতঃ ।
পাপপীনস্য দীনস্য শ্রীকৃষ্ণঃ শরণং মম ॥ ১ ॥
সংসারসুখসম্প্রাপ্তিসন্মুখস্য বিশেষতঃ ।
বহির্মুখস্য সততং শ্রীকৃষ্ণঃ শরণং মম ॥ ২ ॥
সদা বিষয়কামস্য দেহারামস্য সর্বথা ।
দুষ্টস্বভাববামস্য শ্রীকৃষ্ণঃ শরণং মম ॥ ৩ ॥
সংসারসর্বদুষ্টস্য ধর্মভ্রষ্টস্য দুর্মতেঃ ।
লৌকিকপ্রাপ্তিকামস্য শ্রীকৃষ্ণঃ শরণং মম ॥ ৪ ॥
বিস্মৃতস্বীয়ধর্মস্য কর্মমোহিতচেতসঃ ।
স্বরূপজ্ঞানশূন্যস্য শ্রীকৃষ্ণঃ শরণং মম ॥ ৫ ॥
সংসারসিন্ধুমগ্নস্য ভগ্নভাবস্য দুষ্কৃতেঃ ।
দুর্ভাবলগ্নমনসঃ শ্রীকৃষ্ণঃ শরণং মম ॥ ৬ ॥
বিবেকধৈর্যভক্ত্যাদিরহিতস্য নিরন্তরম্ ।
বিরুদ্ধকরণাসক্তেঃ শ্রীকৃষ্ণঃ শরণং মম ॥ ৭ ॥
বিষয়াক্রান্তদেহস্য বৈমুখ্যহৃতসন্মতেঃ ।
ইন্দ্রিয়াশ্বগৃহিতস্য শ্রীকৃষ্ণঃ শরণং মম ॥ ৮ ॥
এতদষ্টকপাঠেন হ্যেতদুক্তার্থভাবনাত্ ।
নিজাচার্যপদাম্ভোজসেবকো দৈন্যমাপ্নুয়াত্ ॥ ৯ ॥
॥ ইতি হরিদাসবর্যবিরচিতং শ্রীকৃষ্ণশরণাষ্টকং সম্পূর্ণম্ ॥
– Chant Stotra in Other Languages –
Sri Krishna Mantra » Sri Krishna Sharanashtakam Lyrics in Sanskrit » English » Gujarati » Kannada » Malayalam » Odia » Telugu » Tamil