॥ Sri Krishna Sharanam Ashtakam Odia Lyrics ॥
ଦ୍ଵିଦଲୀକୃତଦୃକ୍ସ୍ଵାସ୍ୟଃ ପନ୍ନଗୀକୃତପନ୍ନଗଃ ।
କୃଶୀକୃତକୃଶାନୁଶ୍ଚ ଶ୍ରୀକୃଷ୍ଣଃ ଶରଣଂ ମମ ॥ ୧ ॥
ଫଲୀକୃତଫଲାର୍ଥୀ ଚ କୁସ୍ସିତୀକୃତକୌରଵଃ ।
ନିର୍ଵାତୀକୃତଵାତାରିଃ ଶ୍ରୀକୃଷ୍ଣଃ ଶରଣଂ ମମ ॥ ୨ ॥
କୃତାର୍ଥୀକୃତକୁନ୍ତୀଜଃ ପ୍ରପୂତୀକୃତପୂତନଃ ।
କଲଙ୍କୀକୃତକଂସାଦିଃ ଶ୍ରୀକୃଷ୍ଣଃ ଶରଣଂ ମମ ॥ ୩ ॥
ସୁଖୀକୃତସୁଦାମା ଚ ଶଙ୍କରୀକୃତଶଙ୍କରଃ ।
ସିତୀକୃତସରିନ୍ନାଥଃ ଶ୍ରୀକୃଷ୍ଣଃ ଶରଣଂ ମମ ॥ ୪ ॥
ଛଲୀକୃତବଲିଦ୍ୟୌର୍ୟୋ ନିଧନୀକୃତଧେନୁକଃ ।
କନ୍ଦର୍ପୀକୃତକୁବ୍ଜାଦିଃ ଶ୍ରୀକୃଷ୍ଣ ଶରଣଂ ମମ ॥ ୫ ॥
ମହେନ୍ଦ୍ରୀକୃତମାହେୟଃ ଶିଥିଲୀକୃତମୈଥିଲଃ ।
ଆନନ୍ଦୀକୃତନନ୍ଦାଦ୍ୟଃ ଶ୍ରୀକୃଷ୍ଣଃ ଶରଣଂ ମମ ॥ ୬ ॥
ଵରାକୀକୃତରାକେଶୋ ଵିପକ୍ଷୀକୃତରାକ୍ଷସଃ ।
ସନ୍ତୋଷୀକୃତସଦ୍ଭକ୍ତଃ ଶ୍ରୀକୃଷ୍ଣଃ ଶରଣଂ ମମ ॥ ୭ ॥
ଜରୀକୃତଜରାସନ୍ଧଃ କମଲୀକୃତକାର୍ମୁକଃ ।
ପ୍ରଭ୍ରଷ୍ଟୀକୃତଭୀଷ୍ମାଦିଃ ଶ୍ରୀକୃଷ୍ଣଃ ଶରଣଂ ମମ ॥ ୮ ॥
ଶ୍ରୀକୃଷ୍ଣଃ ଶରଣଂ ମମାଷ୍ଟକମିଦଂ ପ୍ରୋତ୍ଥାୟ ୟଃ ସମ୍ପଠେତ୍
ସ ଶ୍ରୀଗୋକୁଲନାୟକସ୍ୟ ପଦଵୀ ସଂୟାତି ଭୂମୀତଲେ ।
ପଶ୍ୟତ୍ୟେଵ ନିରନ୍ତରଂ ତରଣିଜାତୀରସ୍ଥକେଲୀ ପ୍ରଭୋଃ
ସମ୍ପ୍ରାପ୍ନୋତି ତଦୀୟତାଂ ପ୍ରତିଦିନଂ ଗୋପୀଶତୈରାଵୃତାମ୍ ॥ ୯ ॥
॥ ଇତି ଶ୍ରୀଦେଵକୀନନ୍ଦନାତ୍ମଜ ଶ୍ରୀରଘୁନାଥପ୍ରଭୁକୃତଂ
ଶ୍ରୀକୃଷ୍ଣଶରଣାଷ୍ଟକଂ ସମ୍ପୂର୍ଣମ୍ ॥
– Chant Stotra in Other Languages –
Sri Krishna Mantra » Sri Krishna Sharanam Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil