॥ Sri Krishnashtakam 4 Odia Lyrics ॥
॥ ଶ୍ରୀକୃଷ୍ଣାଷ୍ଟକମ୍ ୪ ॥
ଶ୍ରିୟାଽଽଶ୍ଲିଷ୍ଟୋ ଵିଷ୍ଣୁଃ ସ୍ଥିରଚରଗୁରୁର୍ଵେଦଵିଷୟୋ
ଧିୟାଂ ସାକ୍ଷୀ ଶୁଦ୍ଧୋ ହରିରସୁରହନ୍ତାବ୍ଜନୟନଃ ।
ଗଦୀ ଶଙ୍ଖୀ ଚକ୍ରୀ ଵିମଲଵନମାଲୀ ସ୍ଥିରରୁଚିଃ
ଶରଣ୍ୟୋ ଲୋକେଶୋ ମମ ଭଵତୁ କୃଷ୍ଣୋଽକ୍ଷିଵିଷୟଃ ॥ ୧ ॥
ୟତଃ ସର୍ଵଂ ଜାତଂ ଵିୟଦନିଲମୁଖ୍ୟଂ ଜଗଦିଦମ୍
ସ୍ଥିତୌ ନିଃଶେଷଂ ୟୋଽଵତି ନିଜସୁଖାଂଶେନ ମଧୁହା ।
ଲୟେ ସର୍ଵଂ ସ୍ଵସ୍ମିନ୍ହରତି କଲୟା ୟସ୍ତୁ ସ ଵିଭୁଃ
ଶରଣ୍ୟୋ ଲୋକେଶୋ ମମ ଭଵତୁ କୃଷ୍ଣୋଽକ୍ଷିଵିଷୟଃ ॥ ୨ ॥
ଅସୂନାୟମ୍ୟାଦୌ ୟମନିୟମମୁଖ୍ୟୈଃ ସୁକରଣୈ/-
ର୍ନିରୁଦ୍ଧ୍ୟେଦଂ ଚିତ୍ତଂ ହୃଦି ଵିଲୟମାନୀୟ ସକଲମ୍ ।
ୟମୀଡ୍ୟଂ ପଶ୍ୟନ୍ତି ପ୍ରଵରମତୟୋ ମାୟିନମସୌ
ଶରଣ୍ୟୋ ଲୋକେଶୋ ମମ ଭଵତୁ କୃଷ୍ଣୋଽକ୍ଷିଵିଷୟଃ ॥ ୩ ॥
ପୃଥିଵ୍ୟାଂ ତିଷ୍ଠନ୍ୟୋ ୟମୟତି ମହୀଂ ଵେଦ ନ ଧରା
ୟମିତ୍ୟାଦୌ ଵେଦୋ ଵଦତି ଜଗତାମୀଶମମଲମ୍ ।
ନିୟନ୍ତାରଂ ଧ୍ୟେୟଂ ମୁନିସୁରନୃଣାଂ ମୋକ୍ଷଦମସୌ
ଶରଣ୍ୟୋ ଲୋକେଶୋ ମମ ଭଵତୁ କୃଷ୍ଣୋଽକ୍ଷିଵିଷୟଃ ॥ ୪ ॥
ମହେନ୍ଦ୍ରାଦିର୍ଦେଵୋ ଜୟତି ଦିତିଜାନ୍ୟସ୍ୟ ବଲତୋ
ନ କସ୍ୟ ସ୍ଵାତନ୍ତ୍ର୍ୟଂ କ୍ଵଚିଦପି କୃତୌ ୟତ୍କୃତିମୃତେ ।
ବଲାରାତେର୍ଗର୍ଵଂ ପରିହରତି ୟୋଽସୌ ଵିଜୟିନଃ
ଶରଣ୍ୟୋ ଲୋକେଶୋ ମମ ଭଵତୁ କୃଷ୍ଣୋଽକ୍ଷିଵିଷୟଃ ॥ ୫ ॥
ଵିନା ୟସ୍ୟ ଧ୍ୟାନଂ ଵ୍ରଜତି ପଶୁତାଂ ସୂକରମୁଖାଂ
ଵିନା ୟସ୍ୟ ଜ୍ଞାନଂ ଜନିମୃତିଭୟଂ ୟାତି ଜନତା ।
ଵିନା ୟସ୍ୟ ସ୍ମୃତ୍ୟା କୃମିଶତଜନିଂ ୟାତି ସ ଵିଭୁଃ
ଶରଣ୍ୟୋ ଲୋକେଶୋ ମମ ଭଵତୁ କୃଷ୍ଣୋଽକ୍ଷିଵିଷୟଃ ॥ ୬ ॥
ନରାତଙ୍କୋତ୍ତଙ୍କଃ ଶରଣଶରଣୋ ଭ୍ରାନ୍ତିହରଣୋ
ଘନଶ୍ୟାମୋ ଵାମୋ ଵ୍ରଜଶିଶୁଵୟସ୍ୟୋଽର୍ଜୁନସଖଃ ।
ସ୍ଵୟମ୍ଭୂର୍ଭୂତାନାଂ ଜନକ ଉଚିତାଚାରସୁଖଦଃ
ଶରଣ୍ୟୋ ଲୋକେଶୋ ମମ ଭଵତୁ କୃଷ୍ଣୋଽକ୍ଷିଵିଷୟଃ ॥ ୭ ॥
ୟଦା ଧର୍ମଗ୍ଲାନିର୍ଭଵତି ଜଗତାଂ କ୍ଷୋଭକରଣୀ
ତଦା ଲୋକସ୍ଵାମୀ ପ୍ରକଟିତଵପୁଃ ସେତୁଧୃଦଜଃ ।
ସତାଂ ଧାତା ସ୍ଵଚ୍ଛୋ ନିଗମଗଣଗୀତୋ ଵ୍ରଜପତିଃ
ଶରଣ୍ୟୋ ଲୋକେଶୋ ମମ ଭଵତୁ କୃଷ୍ଣୋଽକ୍ଷିଵିଷୟଃ ॥ ୮ ॥
ଇତି ହରିରଖିଲାତ୍ମାଽଽରାଧିତଃ ଶଙ୍କରେଣ
ଶ୍ରୁତିଵିଶଦଗୁଣୋଽସୌ ମାତୃମୋକ୍ଷାର୍ଥମାଦ୍ୟଃ ।
ୟତିଵରନିକଟେ ଶ୍ରୀୟୁକ୍ତ ଆଵିର୍ବଭୂଵ
ସ୍ଵଗୁଣଵୃତ ଉଦାରଃ ଶଙ୍ଖଚକ୍ରାଞ୍ଜହସ୍ତଃ ॥ ୯ ॥
ଇତି ଶ୍ରୀମତ୍ପରମହଂସପରିଵ୍ରାଜକାଚାର୍ୟସ୍ୟ
ଶ୍ରୀଗୋଵିନ୍ଦଭଗଵତ୍ପୂଜ୍ୟପାଦଶିଷ୍ୟସ୍ୟ
ଶ୍ରୀମଚ୍ଛଙ୍କରଭଗଵତଃ କୃତୌ କୃଷ୍ଣାଷ୍ଟକଂ ସମ୍ପୂର୍ଣମ୍ ॥
– Chant Stotra in Other Languages –
Sri Krishna Mantra » Sri Krishnashtakam 4 Lyrics in Sanskrit » English » Bengali » Gujarati » Kannada » Malayalam » Telugu » Tamil