॥ Sri Krishnashtakam 9 Telugu Lyrics ॥
॥ శ్రీకృష్ణాష్టకమ్ 9 ॥
త్రిభువనాలిసరోజసరోవరం పరమమోదపయఃసుపయోనిధిమ్ ।
విమలయోగిమనోఽలికుశేశయం యదుకులైకమణిన్తమహమ్భజే ॥ ౧ ॥
జలజపీఠముఖామరదేశికం భవవిరిఞ్చిసురేన్ద్రకృతస్తవమ్ ।
నిఖిలకామితశీకరతోయదం యదుకులైకమణిన్తమహమ్భజే ॥ ౨ ॥
అదితిజామ్బుజపుఞ్జదివాకరం దితిజకఞ్జతుషారజవోపమమ్ ।
విగతమోహమజఞ్జననాన్తకం యదుకులైకమణిన్తమహమ్భజే ॥ ౩ ॥
త్రిజగదమ్బురుహోదితభాస్కరం సకలసత్త్వహృదబ్జకృతాలయమ్ ।
స్వజనమోహమహార్ణవపోతకం యదుకులైకమణిన్తమహమ్భజే ॥ ౪ ॥
శ్రుతిమయోజ్జ్వలకౌస్తుభమాలికం రవముకభూతమయాస్త్రచతుష్టయమ్ ।
సభువనాణ్డకదమ్బకమేఖలం యదుకులైకమణిన్తమహమ్భజే ॥ ౫ ॥
దినకరాదివిభాసకభాసకం శ్రుతిముఖాక్షగణాక్షమనక్షకమ్ ।
జ్వలనమారుతశ్క్రమదాపహం యదుకులైకమణిన్తమహమ్భజే ॥ ౬ ॥
జలధిజాననకఞ్జమధువ్రతం రుచిరరూపవికృష్టవరాఙ్గనమ్ ।
యతివరాదరగీతచరిత్రకం యదుకులైకమణిన్తమహమ్భజే ॥ ౭ ॥
క్రతుపతిఙ్కుపతిఞ్జగతామ్పతిం పతిపతింవిపతిఙ్కమలాపతిమ్ ।
ఫణిపతిఙ్గజగోకులగోపతిం యదుకులైకమణిన్తమహమ్భజే ॥ ౮ ॥
యదుపతేరిదమష్టకమద్భుతం వృజినశుష్కవనోగ్రదవానలమ్ ।
పఠతియస్తుసమాహితచేతసా సలభతేఽఖిలయోగఫలన్ద్రుతమ్ ॥ ౯ ॥
॥ ఇతి శ్రీస్వామిబ్రహ్మానన్దవిరచితం శ్రీకృష్ణాష్టకం సమ్పూర్ణమ్ ॥
(ద్రుతవిలమ్బితం వృత్తం)
సమానార్థీ శబ్దాః
జ – బ్రహ్మా, యతివర – శుకాదయః, కు – పృథివీ, విగతః పతిర్యస్మాత్,
విపతిం – గరుడాస్యవా, ఫణిపతీ – శేషః, గజ – గజేన్ద్రః
– Chant Stotra in Other Languages –
Sri Krishna Mantra » Sri Krishnashtakam 9 Lyrics in Sanskrit » English » Bengali » Gujarati » Kannada » Malayalam » Odia » Tamil